Test propost mill-Kummissjoni

Emenda

–  Wara li kkunsidraw l-opinjoni tal-Kumitat tar-Reġjuni1a,

__________________

1a ĠU C 342, 12.10.17, p. 65.

Test propost mill-Kummissjoni

Emenda

(1)  Fl-1 ta' Mejju 2010 bdiet taħdem sistema mondernizzata tal-koordinazzjoni tas-sigurtà soċjali bir-Regolamenti (KE) Nru 883/2004 u (KE) Nru 987/2009.

(1)  Fl-1 ta' Mejju 2010 bdiet taħdem sistema modernizzata tal-koordinazzjoni tas-sigurtà soċjali bir-Regolamenti (KE) Nru 883/2004 u (KE) Nru 987/2009, bl-eċċezzjoni tad-dispożizzjonijiet dwar l-introduzzjoni tas-Sistema tal-Iskambju Elettroniku ta' Informazzjoni dwar is-Sigurtà Soċjali (EESSI), maħsuba biex tgħin lill-awtoritajiet u l-istituzzjonijiet kompetenti jiskambjaw informazzjoni aktar rapidament u b'mod iktar sigur.

Test propost mill-Kummissjoni

Emenda

(3)  Jidher mill-evalwazzjonijiet u mid-diskussjonijiet fil-Kummissjoni Amministrattiva għall-Koordinazzjoni ta' Sistemi ta' Sigurtà Soċjali li fl-oqsma tal-benefiċċji tal-kura fit-tul, il-benefiċċji tal-qgħad u l-benefiċċji tal-familja, il-proċess ta' modernizzazzjoni għandu jkompli.

(3)  Mill-evalwazzjonijiet u mid-diskussjonijiet fil-Kummissjoni Amministrattiva għall-Koordinazzjoni ta' Sistemi ta' Sigurtà Soċjali jidher li, fl-oqsma tal-benefiċċji tal-kura fit-tul, il-benefiċċji tal-qgħad u l-benefiċċji tal-familja, jenħtieġ li l-proċess ta' modernizzazzjoni jkompli sabiex b'mod partikolari jiżgura li ċ-ċittadini tal-Unjoni jeżerċitaw id-drittijiet tagħhom mogħtija mir-regolamenti u jiffaċilita l-applikazzjoni uniformi tad-dritt tal-Unjoni permezz tal-koordinazzjoni u l-iskambju ta' esperjenzi u tal-aħjar prattiki amministrattivi billi jippromwovi l-użu ta' teknoloġiji ġodda.

Test propost mill-Kummissjoni

Emenda

(4)  Jibqa' essenzjali li r-regoli ta' koordinazzjoni jżommu pass mal-evoluzzjoni tal-kuntest ġuridiku u tas-soċjetà li fih dawn joperaw billi jiġi ffaċilitat aktar l-eżerċizzju tad-drittijiet taċ-ċittadini fil-waqt fl-istess ħin tiġi żgurata ċ-ċarezza ġuridika, it-tqassim ġust u ekwu tal-piż finanzjarju bejn l-istituzzjonijiet tal-Istati Membri u s-sempliċità amministrattiva tar-regoli.

(4)  Jibqa' essenzjali li r-regoli ta' koordinazzjoni jżommu l-pass mal-evoluzzjoni tal-kuntest ġuridiku, teknoloġiku u tas-soċjetà li fih dawn joperaw billi jiġi ffaċilitat aktar l-eżerċizzju tad-drittijiet taċ-ċittadini filwaqt li fl-istess ħin tiġi żgurata ċ-ċarezza ġuridika, it-tqassim ġust u ekwu tal-piż finanzjarju bejn l-istituzzjonijiet tal-Istati Membri u s-sempliċità amministrattiva tar-regoli, partikolarment billi jiġu ottimizzati l-għodod u l-iskambji elettroniċi tal-informazzjoni bejn l-awtoritajiet u l-istituzzjonijiet kompetenti.

Test propost mill-Kummissjoni

Emenda

(6a)  Fit-13 ta' Settembru 2017, il-President tal-Kummissjoni ddikjara, fid-diskors tiegħu dwar l-Istat tal-Unjoni, li "f'Unjoni ta' ugwali, ma jistax ikun hemm ħaddiema tat-tieni klassi" u li "ma jagħmilx sens li jkollna Awtorità Bankarja biex tissorvelja l-istandards bankarji, mentri mbagħad ma jkollniex Awtorità komuni tax-Xogħol komuni li tiżgura l-ġustizzja fis-suq uniku tagħna." Il-Parlament Ewropew ħeġġeġ, fir-riżoluzzjoni tiegħu tal-14 ta' Settembru 2016 dwar id-dumping soċjali fl-Unjoni Ewropea "lill-Istati Membri joħolqu, fejn applikabbli, task forces bilaterali ad hoc u, fejn meħtieġ, task force multilaterali li tinkludi l-awtoritajiet kompetenti nazzjonali u l-ispetturi tax-xogħol, biex iwettqu, suġġett għall-approvazzjoni tal-Istati Membri kollha kkonċernati, kontrolli transfruntiera fuq il-post, f'konformità mal-liġi nazzjonali tal-Istat Membru li fih jitwettqu l-kontrolli, f'każijiet suspettati ta' dumping soċjali, xogħol f'kundizzjonijiet illegali jew ta' frodi, u biex jidentifikaw kumpaniji tal-isem ("letterbox companies"), aġenziji ta' reklutaġġ frawdolenti u abbużi tar-regoli li jirriżultaw fl-isfruttament tal-ħaddiema".

Test propost mill-Kummissjoni

Emenda

(6b)  Fir-Riżoluzzjoni tiegħu tal-14 ta' Jannar 2014 dwar spezzjonijiet tax-xogħol effikaċi bħala strateġija biex jittejbu l-kundizzjonijiet tax-xogħol fl-Ewropa, il-Parlament Ewropew kien irrimarka li "sistema ta' netwerking elettroniku tal-awtoritajiet tas-sigurtà soċjali kollha rilevanti, bħall-"Crossroads Bank for Social Security" tal-Belġju, li jagħmilha aktar faċli għalihom li jiskambjaw id-dejta, hija strument utli biex l-ispettorati nazzjonali tax-xogħol jingħataw aċċess għad-dejta li jeħtieġu biex jagħmlu l-ispezzjonijiet" u talab "lill-Kummissjoni tistudja l-benefiċċji li tiġi introdotta, u – jekk ikun xieraq – titqiegħed għad-dispożizzjoni, kard Ewropea tas-sigurtà soċjali li ma tistax tiġi ffalsifikata, jew dokument elettroniku ieħor validu fl-UE kollha, fejn tiġi maħżuna d-dejta kollha meħtieġa biex tiġi vverifikata r-relazzjoni tal-impjieg tad-detentur, bħal dettalji dwar l-istatus tas-sigurtà soċjali u s-sigħat tax-xogħol, u li tkun soġġetta għal regoli stretti tal-protezzjoni tad-dejta, b'mod partikolari fejn tiġi pproċessata dejta personali sensittiva fir-rigward tal-privatezza".

Test propost mill-Kummissjoni

Emenda

(6c) Fir-Riżoluzzjoni tal-15 ta' Marzu 2017 dwar l-ostakli għal-libertà taċ-ċittadini tal-UE li jiċċaqilqu u jaħdmu fis-Suq Intern, il-Parlament Ewropew talab, partikolarment, li jitnaqqsu l-ostakli tal-mobilità tal-ħaddiema fl-UE u li jittieħdu passi sodi u effettivi lejn sistema kkoordinata ta' kontribuzzjonijiet u benefiċċji soċjali aggregati għal kull individwu fl-UE kollha, bħal kard tas-sigurtà soċjali biex tiffaċilita t-traċċabilità tal-kontribuzzjonijiet u l-intitolamenti tas-sigurtà soċjali.

Test propost mill-Kummissjoni

Emenda

(7)  Sabiex tiġi żgurata ċ-ċarezza rigward it-terminoloġija fil-liġi tal-UE, it-terminu "stazzjonament" għandu jintuża għall-istazzjonament tal-ħaddiema fit-tifsira tad-Direttiva 96/71/KE tal-Parlament Ewropew u tal-Kunsill tas-16 ta' Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi34. Barra minn hekk, biex tinkiseb konsistenza fit-trattament bejn il-persuni impjegati u l-persuni li jaħdmu għal rashom, hemm bżonn li r-regoli speċjali għad-determinazzjoni tal-leġiżlazzjoni applikabbli fil-każijiet li huma temporanjament stazzjonati jew mibgħuta f'Stat Membru ieħor għandhom japplikaw b'mod konsistenti kemm għall-persuni impjegati kif għall-persuni li jaħdmu għal rashom.

(7)  Sabiex tiġi żgurata ċ-ċarezza rigward it-terminoloġija fil-liġi tal-UE, jenħtieġ li t-terminu "stazzjonament" jintuża biss għall-istazzjonament tal-ħaddiema fit-tifsira tad-Direttiva 96/71/KE tal-Parlament Ewropew u tal-Kunsill tas-16 ta' Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi34. Barra minn hekk, biex tinkiseb konsistenza fit-trattament bejn il-persuni impjegati u l-persuni li jaħdmu għal rashom, hemm bżonn li r-regoli speċjali għad-determinazzjoni tal-leġiżlazzjoni applikabbli fil-każijiet li huma temporanjament stazzjonati fi Stat Membru ieħor japplikaw b'mod konsistenti kemm għall-persuni impjegati kif għall-persuni li jaħdmu għal rashom.

__________________

__________________

34 ĠU L 18, 21.1.1997, p. 1.

34 ĠU L 18, 21.1.1997, p. 1.

Test propost mill-Kummissjoni

Emenda

(8)  Fil-qasam tal-benefiċċji tal-qgħad, ir-regoli ta' aggregazzjoni tal-perjodi tal-assigurazzjoni għandhom jiġu applikati b'mod uniformi mill-Istati Membri kollha. Bl-eċċezzjoni tal-ħaddiema transfruntiera msemmija fl-Artikolu 65(2), ir-regoli dwar l-aggregazzjoni tal-perjodi għall-finijiet tal-għoti ta' intitolament għall-benefiċċji tal-qgħad għandhom ikunu soġġetti għall-kundizzjoni li l-persuna assigurata fiż-żmien l-aktar reċenti ġabret b'mod sħiħ ta' mill-anqas tliet xhur ta' assigurazzjoni f'dak l-Istat Membru. L-Istat Membru kompetenti għandu jsir kompetenti għall-persuni kollha assigurati li ma jissodisfawx din il-kundizzjoni. F'dan il-każ, ir-reġistrazzjoni mas-servizzi tal-impjiegi tal-Istat Membru tal-assigurazzjoni l-aktar riċenti għandu jkollha l-istess effett ta' reġistrazzjoni mas-servizzi tal-impjiegi tal-Istat Membru fejn il-persuna qiegħda kienet assigurata qabel.

(8)  Fil-qasam tal-benefiċċji tal-qgħad, jenħtieġ li r-regoli ta' aggregazzjoni tal-perjodi tal-assigurazzjoni jiġu applikati b'mod uniformi mill-Istati Membri kollha. Bl-eċċezzjoni tal-ħaddiema transfruntiera msemmija fl-Artikolu 65(2), jenħtieġ li r-regoli dwar l-aggregazzjoni tal-perjodi għall-finijiet tal-għoti ta' intitolament għall-benefiċċji tal-qgħad ikunu soġġetti għall-kundizzjoni li l-persuna assigurata fiż-żmien l-aktar reċenti ġabret b'mod sħiħ ta' mill-anqas xahar ta' assigurazzjoni f'dak l-Istat Membru. Jenħtieġ li l-Istat Membru preċedentement kompetenti jsir kompetenti għall-persuni assigurati li ma jissodisfawx din il-kundizzjoni filwaqt li jqis il-perjodi ta' assigurazzjoni kkompletati mill-persuna fl-Istat Membru tal-aħħar attività fil-kuntest tal-aggregazzjoni tal-perjodi ta' assigurazzjoni. F'dan il-każ, jenħtieġ li r-reġistrazzjoni mas-servizzi tal-impjiegi tal-Istat Membru tal-assigurazzjoni l-aktar riċenti jkollha l-istess effett ta' reġistrazzjoni mas-servizzi tal-impjiegi tal-Istat Membru fejn il-persuna qiegħda kienet assigurata qabel.

Test propost mill-Kummissjoni

Emenda

(9)  Wara r-rakkomandazzjonijiet fir-Rapport dwar iċ-Ċittadinanza tal-UE tal-201335, hemm bżonn li jiġi estiż it-tul minimu ta' żmien tal-esportazzjoni tal-benefiċċji tal-qgħad minn tliet xhur għal sitta sabiex jitjiebu l-opportunitajiet tal-persuni qiegħda li jiċċaqilqu għal Stat Membru ieħor biex ifittxu x-xogħol u ċ-ċansijiet tagħhom ta' integrazzjoni mill-ġdid fis-suq tax-xogħol u biex jiġi indirizzat l-ispariġġ tal-ħiliet bejn il-fruntieri.

(9)  Wara r-rakkomandazzjonijiet fir-Rapport dwar iċ-Ċittadinanza tal-UE tal-201335 u sabiex jingħata effett tanġibbli lill-Pilastru Ewropew tad-drittijiet soċjali35a f'dak li għandu x'jaqsam mal-appoġġ attiv għall-impjieg, hemm bżonn li jiġi estiż it-tul ta' żmien tal-esportazzjoni tal-benefiċċji tal-qgħad sal-eżawriment tad-drittijiet miksuba mill-persuna li qed tfittex xogħol sabiex jitjiebu l-opportunitajiet tal-persuni qiegħda li jiċċaqilqu għal Stat Membru ieħor biex ifittxu x-xogħol u ċ-ċansijiet tagħhom ta' integrazzjoni mill-ġdid fis-suq tax-xogħol u biex jiġi indirizzat l-ispariġġ tal-ħiliet bejn il-fruntieri.

__________________

__________________

35 COM(2013) 269 final.

35 COM(2013) 269 final.

35a Ara r-riżoluzzjoni tal-Parlament Ewropew tad-19 ta' Jannar 2017 dwar Pilastru Ewropew tad-Drittijiet Soċjali.

Test propost mill-Kummissjoni

Emenda

(10a)  Id-dispożizzjonijiet il-ġodda previsti għall-benefiċċji tal-qgħad għall-ħaddiema transfruntiera jistgħu f'xi każijiet iwasslu sabiex jiħżienu l-kundizzjonijiet għar-ritorn lura favorevoli tagħhom fis-suq tax-xogħol. Għalhekk huwa indispensabbli li tissaħħaħ il-kooperazzjoni amministrattiva bejn l-awtoritajiet kompetenti responsabbli għall-appoġġ tal-ħaddiema transfruntiera u li l-qafas regolatorju jiffaċilita, pereżempju, il-proċeduri li għandhom jitwettqu fl-Istat Membru ta' residenza, billi jiċċara l-kompetenza tas-servizz tal-impjieg pubbliku responsabbli għas-segwitu tagħhom, u li l-iskambji bejn l-istituzzjoni kompetenti tal-Istat Membru tal-aħħar attività u l-persuna li qed tfittex xogħol jitwettqu fil-lingwa ta' dan tal-aħħar.

Test propost mill-Kummissjoni

Emenda

(10b)  L-Istati Membri jistgħu jipprevedu għall-istabbiliment ta' ammonti differenzjali addizzjonali biex titnaqqas id-differenza bejn il-benefiċċji tal-qgħad imħallsa mill-Istat Membru tal-aħħar attività u l-Istat Membru ta' residenza.

Test propost mill-Kummissjoni

Emenda

(10c)  Huwa importanti wkoll li tissaħħaħ il-kooperazzjoni bejn l-awtoritajiet kompetenti u li jiġi ċċarat il-qafas regolatorju applikabbli sabiex l-Istati Membri – tal-aħħar attività, tal-attività preċedenti u/jew tar-residenza – ma jiddikjarawx lilhom infushom mhux kompetenti li jiżguraw il-ħlas tal-benefiċċji tal-qgħad, għad-detriment tal-persuni assigurati.

Test propost mill-Kummissjoni

Emenda

(15)  Bil-ħsieb li titħaffef il-proċedura għall-verifika u l-irtirar tad-dokumenti (b'mod partikolari dawk li jikkonċernaw il-leġiżlazzjoni dwar is-sigurtà soċjali li tapplika għad-detentur) f'każ ta' frodi u żball, huwa meħtieġ li tissaħħaħ il-kollaborazzjoni u l-iskambju tal-informazzjoni bejn l-istituzzjoni emittenti u l-istituzzjoni li qed titlob l-irtirar. Fejn ikun hemm dubju dwar il-validità ta' dokument jew dwar il-korrettezza tal-evidenza ta' sostenn jew fejn hemm differenza ta' opinjonijiet bejn l-Istati Membri dwar id-determinazzjoni tal-leġiżlazzjoni applikabbli, hu fl-interess tal-Istati Membri u l-persuni kkonċernati li l-istituzzjonijiet ikkonċernati jilħqu ftehim f'perjodu raġonevoli ta' żmien.

(15)  Bil-ħsieb li titħaffef il-proċedura għall-verifika, ir-rettifika u l-irtirar tad-dokumenti (b'mod partikolari dawk li jikkonċernaw il-leġiżlazzjoni dwar is-sigurtà soċjali li tapplika għad-detentur) f'każ ta' frodi u żball, huwa meħtieġ li tissaħħaħ il-kollaborazzjoni u l-iskambju tal-informazzjoni bejn l-istituzzjoni emittenti u l-istituzzjoni li qed titlob l-irtirar. Fejn ikun hemm dubju dwar il-validità ta' dokument jew dwar il-korrettezza tal-evidenza ta' sostenn jew fejn hemm differenza ta' opinjonijiet bejn l-Istati Membri dwar id-determinazzjoni tal-leġiżlazzjoni applikabbli, hu fl-interess tal-Istati Membri u l-persuni kkonċernati li l-istituzzjonijiet ikkonċernati jilħqu ftehim f'perjodu raġonevoli ta' żmien. F'każ ta' nuqqas ta' tweġiba sal-iskadenza stabbilit, l-istituzzjoni applikanti għandha ssir kompetenti li tiddetermina l-leġiżlazzjoni applikabbli.

Test propost mill-Kummissjoni

Emenda

(16)  Biex jiġi żgurat tħaddim effettiv u effiċjenti tar-regoli ta' koordinazzjoni huwa meħtieġ li jiġu ċċarati r-regoli għad-determinazzjoni tal-leġiżlazzjoni applikabbli għall-impjegati li jwettqu attività ekonomika f'żewġ Stati Membri jew aktar sabiex ikun hemm parità akbar mal-kundizzjonijiet li japplikaw għall-persuni li huma stazzjonati jew mibgħuta biex iwettqu attività ekonomika fi Stat Membru uniku. Barra minn hekk, ir-regoli dwar l-istazzjonament li jipprevedu l-kontinwazzjoni tal-leġiżlazzjoni applikabbli għandhom japplikaw għal persuni li kellhom rabta preċedenti mas-sistema tas-sigurtà soċjali tal-Istat Membru tal-oriġini.

(16)  Biex jiġi żgurat tħaddim effettiv u effiċjenti tar-regoli ta' koordinazzjoni huwa meħtieġ li jiġu ċċarati r-regoli għad-determinazzjoni tal-leġiżlazzjoni applikabbli għall-impjegati li jwettqu attività ekonomika f'żewġ Stati Membri jew aktar sabiex ikun hemm parità akbar mal-kundizzjonijiet li japplikaw għall-persuni stazzjonati biex iwettqu attività ekonomika fi Stat Membru uniku. Barra minn hekk, jenħtieġ li r-regoli dwar l-istazzjonament li jipprevedu l-kontinwazzjoni tal-leġiżlazzjoni applikabbli japplikaw għal persuni li kellhom rabta preċedenti mas-sistema tas-sigurtà soċjali tal-Istat Membru tal-oriġini li tinvolvi sħubija ta' mill-anqas sitt xhur.

Test propost mill-Kummissjoni

Emenda

(21a)  Il-Kontrollur Ewropew għall-Protezzjoni tad-Data ġie kkonsultat f'konformità mal-Artikolu 28(2) tar-Regolament (KE) Nru 45/2001 u adotta opinjoni1a.

______________________

1a. ĠU C 92, 26.4.2007, p. 15.

Test propost mill-Kummissjoni

Emenda

(5c)  Minkejja il-limitazzjonijiet fid-dritt għal trattament ugwali għal persuni ekonomikament inattivi, li joħroġu mid-Direttiva 2004/38/KE jew inkella bis-saħħa tal-liġi tal-Unjoni, xejn f'dan ir-Regolament ma għandu jirristrinġi d-drittijiet fundamentali rikonoxxuti fil-Karta tad-Drittijiet Fundamentali tal-Unjoni Ewropea, b'mod partikolari d-dritt għad-dinjità tal-bniedem (l-Artikolu 1), id-dritt għall-ħajja (l-Artikolu 2) u l-protezzjoni tas-saħħa (l-Artikolu 35).

(5c)  Minkejja l-limitazzjonijiet fid-dritt għal trattament ugwali għal persuni ekonomikament inattivi u persuni bid-dritt għall-moviment liberu għal finijiet ta' impjieg, li joħorġu mid-Direttiva 2004/38/KE jew inkella bis-saħħa tal-liġi tal-Unjoni, jenħtieġ li xejn f'dan ir-Regolament ma jirristrinġi d-drittijiet fundamentali rikonoxxuti fil-Karta tad-Drittijiet Fundamentali tal-Unjoni Ewropea, b'mod partikolari d-dritt għad-dinjità tal-bniedem (l-Artikolu 1), id-dritt għall-ħajja (l-Artikolu 2), id-dritt għall-benefiċċji tas-sigurtà soċjali u s-servizzi soċjali (l-Artikolu 34) u l-protezzjoni tas-saħħa (l-Artikolu 35).

Test propost mill-Kummissjoni

Emenda

(47)  Dan ir-Regolament jirrispetta d-drittijiet fundamentali u josserva l-prinċipji rikonoxxuti fil-Karta tad-Drittijiet Fundamentali tal-Unjoni Ewropea, b'mod partikolari l-protezzjoni tad-data personali (l-Artikolu 8), il-libertà professjonali u d-dritt għax-xogħol (l-Artikolu 15), id-dritt għall-proprjetà (l-Artikolu 17), id-dritt għan-nondiskriminazzjoni (l-Artikolu 21), id-drittijiet tat-tfal (l-Artikolu 24), id-drittijiet tal-anzjani (l-Artikolu 25), l-integrazzjoni tal-persuni diżabbli (l-Artikolu 26), il-ħajja tal-familja u professjonali (l-Artikolu 33); id-dritt għas-sigurtà soċjali u l-assistenza soċjali (l-Artikolu 34), id-dritt għall-protezzjoni tas-saħħa (l-Artikolu 35) u d-dritt għal-libertà ta' moviment u ta' residenza (l-Artikolu 45); u għandu jiġi implimentat skont dawk id-drittijiet u l-prinċipji.

(47)  Dan ir-Regolament jirrispetta d-drittijiet fundamentali u josserva l-prinċipji rikonoxxuti fil-Karta tad-Drittijiet Fundamentali tal-Unjoni Ewropea, b'mod partikolari r-rispett għall-ħajja privata u tal-familja (l-Artikolu 7), il-protezzjoni tad-data personali (l-Artikolu 8), il-libertà professjonali u d-dritt għax-xogħol (l-Artikolu 15), id-dritt għall-proprjetà (l-Artikolu 17), id-dritt għan-nondiskriminazzjoni (l-Artikolu 21), id-drittijiet tat-tfal (l-Artikolu 24), id-drittijiet tal-anzjani (l-Artikolu 25), l-integrazzjoni tal-persuni diżabbli (l-Artikolu 26), il-ħajja tal-familja u professjonali (l-Artikolu 33); id-dritt għas-sigurtà soċjali u l-assistenza soċjali (l-Artikolu 34), id-dritt għall-protezzjoni tas-saħħa (l-Artikolu 35) u d-dritt għal-libertà ta' moviment u ta' residenza (l-Artikolu 45); u għandu jiġi implimentat skont dawk id-drittijiet u l-prinċipji.

Test propost mill-Kummissjoni

Emenda

(48a)  Xejn f'dan ir-Regolament ma jillimita d-drittijiet u l-obbligi indipendenti rikonoxxuti fil-Karta Soċjali Ewropea, b'mod partikolari d-dritt għas-sigurtà soċjali (l-Artikolu 12), id-dritt għall-assistenza soċjali u medika (l-Artikolu 13), id-dritt tal-ħaddiema migranti u l-familji tagħhom għall-protezzjoni u l-assistenza (l-Artikolu 19), u d-dritt għall-protezzjoni kontra l-faqar u l-esklużjoni soċjali (l-Artikolu 30). Jenħtieġ li dan ir-Regolament jiġi applikat skont dawn id-drittijiet u l-obbligi.

Test propost mill-Kummissjoni

Emenda

2.  Stat Membru jista' jirrikjedi li l-aċċess ta' persuna ekonomikament inattiva li tirrisjedi f'dak l-Istat Membru għall-benefiċċji tas-sigurtà soċjali tiegħu jiġi soġġett għall-kundizzjonijiet tad-dritt għal residenza legali kif stabbiliti fid-Direttiva 2004/38/KE tal-Parlament Ewropew u tal-Kunsill tad-29 ta' April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri44.

imħassar

__________________

44 ĠU L 158, 30.4.2004, p. 77.

Test propost mill-Kummissjoni

Emenda

1.  Persuna li twettaq attività bħala persuna impjegata fi Stat Membru f'isem impjegatur li normalment iwettaq l-attivitajiet tiegħu hemmhekk u li tiġi stazzjonata fit-tifsira tad-Direttiva 96/71/KE tal-Parlament Ewropew u tal-Kunsill tas-16 ta' Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi46 jew tintbagħat mill-impjegatur fi Stat Membru ieħor biex iwettaq xogħol f'isem dak l-impjegatur, għandu jkompli jkun soġġett għal-leġiżlazzjoni tal-ewwel Stat Membru, sakemm it-tul ta' żmien antiċipat ta' dan ix-xogħol ma jaqbiżx l-24 xahar u sakemm il-persuna ma tiġix stazzjonata jew tintbagħat biex tieħu post persuna oħra impjegata jew persuna li taħdem għal rasha, stazzjonata jew mibgħuta qabel fit-tifsira ta' dan l-Artikolu.

1.  Persuna li twettaq attività bħala persuna impjegata fi Stat Membru f'isem impjegatur li normalment iwettaq l-attivitajiet tiegħu hemmhekk u li tiġi stazzjonata fit-tifsira tad-Direttiva 96/71/KE tal-Parlament Ewropew u tal-Kunsill tas-16 ta' Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi46, għandha tkompli tkun soġġetta għal-leġiżlazzjoni tal-ewwel Stat Membru, sakemm:

a)   it-tul ta' żmien antiċipat jew effettiv ta' dan ix-xogħol ma jaqbiżx [XXX] xhur u sakemm il-persuna ma tiġix stazzjonata biex tieħu post persuna oħra impjegata jew persuna li taħdem għal rasha, stazzjonata qabel fit-tifsira ta' dan l-Artikolu; u

b)   għal perjodu ta' mill-anqas sitt xhur immedjatament qabel il-bidu tal-impjieg tagħha, il-persuna tkun diġà soġġetta għal-leġiżlazzjoni tal-Istat Membru li fih ikun stabbilit min iħaddimha.

__________________

__________________

46 ĠU L 18, 21.1.1997, p. 1.

46 ĠU L 18, 21.1.1997, p. 1.

Test propost mill-Kummissjoni

Emenda

2.  Persuna li normalment twettaq attività bħala persuna li taħdem għal rasha fi Stat Membru u li tmur biex twettaq attività simili fi Stat Membru ieħor għandha tibqa' tkun soġġetta għal-leġiżlazzjoni tal-ewwel Stat Membru sakemm it-tul ta' żmien antiċipat ta' din l-attività ma taqbiżx l-24 xahar u sakemm il-persuna mhix tieħu post persuna oħra impjegata jew li taħdem għal rasha stazzjonata.".

2.  Persuna li normalment twettaq attività bħala persuna li taħdem għal rasha fi Stat Membru u li tmur biex twettaq attività simili fi Stat Membru ieħor għandha tibqa' tkun soġġetta għal-leġiżlazzjoni tal-ewwel Stat Membru sakemm:

a)   it-tul ta' żmien antiċipat jew effettiv ta' din l-attività ma jaqbiżx is-sitt xhur u sakemm il-persuna mhix tieħu post persuna oħra impjegata jew li taħdem għal rasha stazzjonata, u

b)   għal perjodu ta' mill-anqas sitt xhur immedjatament qabel il-bidu tal-attività tagħha, il-persuna tkun diġà soġġetta għal-leġiżlazzjoni tal-Istat Membru li fih normalment teżerċita l-attività tagħha.

Test propost mill-Kummissjoni

Emenda

2a.  Meta persuna tkun ġiet stazzjonata skont il-paragrafu 1 jew tkun eżerċitat attività bħala persuna li taħdem għal rasha fi Stat Membru ieħor skont il-paragrafu 2 għal [XXX] xhur b'kollox, jew kontinwament jew b'interruzzjonijiet ta' mhux aktar minn tliet xhur, m'għandu jibda l-ebda perjodu ġdid skont il-paragrafu 1 jew il-paragrafu 2 għall-istess persuna impjegata jew li taħdem għal rasha fl-istess Stat Membru sakemm ma jkunux għaddew tal-inqas sitt xhur minn tmiem il-perjodu preċedenti.

Test propost mill-Kummissjoni

Emenda

14a.  Jiddaħħal l-artikolu li ġej:

"Artikolu 15a

Ġurnalisti tal-organizzazzjonijiet tal-midja Ewropej stazzjonati fi Stat Membru ieħor

Il-ġurnalisti tal-organizzazzjonijiet tal-midja Ewropej stazzjonati fi Stat Membru ieħor jistgħu jagħżlu bejn l-applikazzjoni tal-leġiżlazzjoni tal-Istat Membru li fih ikunu stazzjonati, l-applikazzjoni tal-leġiżlazzjoni tal-Istat Membru li tiegħu huma ċittadini jew l-applikazzjoni tal-leġiżlazzjoni tal-Istat Membru fejn tinsab is-sede prinċipali tal-impjegatur. »

Test fis-seħħ

Emenda

14b.  Fl-Artikolu 16, il-paragrafu 1 huwa sostitwit b'dan li ġej:

1.   Żewġ Stati Membri jew aktar, l-awtoritajiet kompetenti ta' dawn l-Istati Membri jew l-organi indikati minn dawn l-awtoritajiet jistgħu, permezz ta' ftehim komuni, jaħsbu għal eċċezzjonijiet għall-Artikoli 11 sa 15 fl-interess ta' ċerti persuni jew kategoriji ta' persuni.

"1.   Żewġ Stati Membri jew aktar, l-awtoritajiet kompetenti ta' dawn l-Istati Membri jew l-organi indikati minn dawn l-awtoritajiet jistgħu, permezz ta' ftehim komuni, jaħsbu għal eċċezzjonijiet għall-Artikoli 11 sa 15 fl-interess ta' ċerti persuni jew kategoriji ta' persuni u jistabbilixxu sistema komuni ta' sigurtà soċjali għall-persuni msemmija fl-Artikoli 12 u 13 dment li din is-sistema tkun aktar favorevoli għalihom. "

Test propost mill-Kummissjoni

Emenda

14c. Jiddaħħal l-artikolu li ġej:  

"Artikolu 16a

Ħruġ minn qabel tad-dokument dwar il-leġiżlazzjoni applikabbli

Il-ħruġ minn qabel mill-istituzzjoni emittenti lill-istituzzjoni ospitanti tad-dokument li jiċċertifika l-leġiżlazzjoni applikabbli tas-sigurtà soċjali ta' ħaddiem stabbilit skont l-Artikoli 11 sa 16 u l-Artikolu 19 tar-Regolament (KE) Nru 987/2009, qabel ma jkun stazzjonat fil-pajjiż ospitanti, huwa obbligatorju. »

Test propost mill-Kummissjoni

Emenda

2.  Il-Kummissjoni Amministrattiva għandha tfassal lista dettaljata tal-benefiċċji tal-kura fit-tul li jissodisfaw il-kriterji li hemm fl-Artikolu 1 (vb) ta' dan ir-Regolament, li jispeċifika liema huma l-benefiċċji in natura u liema huma l-benefiċċji fi flus.

2.  Il-Kummissjoni Amministrattiva, wara konsultazzjoni mas-sħab soċjali, l-assoċjazzjonijiet rappreżentattivi tal-benefiċjarji u l-korpi professjonali kkonċernati, għandha tfassal lista dettaljata tal-benefiċċji tal-kura fit-tul li jissodisfaw il-kriterji li hemm fl-Artikolu 1 (vb) ta' dan ir-Regolament, li jispeċifika liema huma l-benefiċċji in natura u liema huma l-benefiċċji fi flus.

Test propost mill-Kummissjoni

Emenda

1.  Bl-eċċezzjoni tal-każijiet imsemmija fl-Artikolu 65(2), l-applikazzjoni tal-Artikolu 6 għall-persuna kkonċernata għandha tkun bil-kundizzjoni li din tkun lestiet reċentement perjodu ta' mill-anqas tliet xhur ta' assigurazzjoni, impjieg, jew impjieg indipendenti skont il-leġiżlazzjoni li skontha l-benefiċċji jintalbu.

1.  Bl-eċċezzjoni tal-każijiet imsemmija fl-Artikolu 65(2), l-applikazzjoni tal-Artikolu 6 għall-persuna kkonċernata għandha tkun bil-kundizzjoni li din tkun lestiet reċentement perjodu ta' mill-anqas xahar ta' assigurazzjoni, impjieg, jew impjieg indipendenti skont il-leġiżlazzjoni li skontha l-benefiċċji jintalbu.

Test propost mill-Kummissjoni

Emenda

2.  Meta persuna qiegħda ma tissodisfax il-kundizzjonijiet għall-aggregazzjoni tal-perjodi skont il-paragrafu 1 minħabba li t-tul ta' żmien totali tal-perjodi kompluti l-aktar reċenti ta' assigurazzjoni, impjieg jew impjieg indipendenti tagħha f'dak l-Istat Membru hu anqas minn tliet xhur dik il-persuna għandha tkun intitolata għall-benefiċċji tal-qgħad skont il-leġiżlazzjoni tal-Istat Membru fejn din il-persuna lestiet dawn il-perjodi qabel skont il-kundizzjonijiet u soġġetta tal-limiti stabbiliti fl-Artikolu 64a.".

2.  Meta persuna qiegħda ma tissodisfax il-kundizzjonijiet għall-aggregazzjoni tal-perjodi skont il-paragrafu 1 minħabba li t-tul ta' żmien totali tal-perjodi kompluti l-aktar reċenti ta' assigurazzjoni, impjieg jew impjieg indipendenti tagħha f'dak l-Istat Membru hu anqas minn xahar dik il-persuna għandha tkun intitolata għall-benefiċċji tal-qgħad skont il-leġiżlazzjoni tal-Istat Membru fejn din il-persuna lestiet dawn il-perjodi qabel skont il-kundizzjonijiet u soġġetta tal-limiti stabbiliti fl-Artikolu 64a.".

Test propost mill-Kummissjoni

Emenda

(a)  Fil-paragrafu 1(c) il-kelma "tlieta" għandha tinbidel b' "sitta" u l-kliem "tat-tliet xhur sa massimu ta' sitt xhur" għandu jinbidel bil-kliem "tas-sitt xhur sa tmiem il-perjodu tal-intitolament għall-benefiċċji ta' dik il-persuna";

(a)  Fil-paragrafu 1, il-punt (c) huwa sostitwit b'dan li ġej:

"(c)   id-dritt għall-benefiċċji tal-qgħad jinżamm sat-tmiem tagħhom; »

Test propost mill-Kummissjoni

Emenda

(aa)  Il-paragrafu 2 jitħassar.

Test propost mill-Kummissjoni

Emenda

(b)  Fil-paragrafu 3, il-kelma "tlieta" għandha tinbidel b' "sitta" u l-kliem "massimu ta' sitt xhur" għandu jinbidel bil-kliem "sa tmiem il-perjodu tal-intitolament għall-benefiċċji";

(b)  Il-paragrafu 3 jitħassar.

Test propost mill-Kummissjoni

Emenda

3a.  L-awtoritajiet tal-Istat Membru kompetenti u tal-Istat Membru ta' residenza għandhom jiċċaraw lill-persuni li qed ifittxu xogħol il-kompetenza tas-Servizz Pubbliku tal-Impjiegi responsabbli li jipprovdilhom appoġġ u jiżguraw li l-iskambji bejn l-istituzzjoni kompetenti tal-Istat Membru tal-aħħar attività u l-persuna li qed tfittex xogħol isiru fil-lingwa ta' din tal-aħħar.

Test fis-seħħ

Emenda

23a.  Fl-Artikolu 71, il-paragrafu 1 huwa sostitwit b'dan li ġej:

1.   Il-Kummissjoni Amministrattiva għall-Kordinazzjoni ta' Sistemi ta' Sigurtà Soċjali (hawnhekk iżjed 'il quddiem imsejħa "il-Kummissjoni Amministrattiva") mehmuża mal-Kummissjoni tal-Komunitajiet Ewropej għandha tkun magħmula minn rappreżentant tal-gvern ta' kull Stat Membru, assisti fejn ikun hemm il-bżonn minn konsulenti esperti. Rappreżentant tal-Kummissjoni tal-Komunitajiet Ewropej għandu jattendi għal-laqgħat tal-Kummissjoni Amministrattiva f'kapaċità ta' konsulenza.

1.   Il-Kummissjoni Amministrattiva għall-Kordinazzjoni ta' Sistemi ta' Sigurtà Soċjali (hawnhekk iżjed 'il quddiem imsejħa "il-Kummissjoni Amministrattiva") mehmuża mal-Kummissjoni tal-Komunitajiet Ewropej għandha tkun magħmula minn rappreżentant tal-gvern ta' kull Stat Membru, assisti fejn ikun hemm il-bżonn minn konsulenti esperti. Rappreżentant tal-Kummissjoni Ewropea, rappreżentant tal-Parlament Ewropew u, fejn xieraq, rappreżentanti tas-sħab soċjali, tal-benefiċjarji u tal-korpi professjonali kkonċernati għandhom jattendu għal-laqgħat tal-Kummissjoni Amministrattiva f'kapaċità ta' konsulenza.

Test propost mill-Kummissjoni

Emenda

2.  Sabiex tiġi żgurata d-determinazzjoni korretta tal-leġiżlazzjoni applikabbli, l-awtoritajiet kompetenti għandhom jippromwovu l-kooperazzjoni bejn l-istituzzjonijiet u l-ispettorati fl-Istati Membri tagħhom.

2.  Sabiex tiġi żgurata d-determinazzjoni korretta tal-leġiżlazzjoni applikabbli, l-awtoritajiet kompetenti għandhom jippromwovu l-kooperazzjoni bejn l-istituzzjonijiet ikkonċernati, bħall-ispettorati fl-Istati Membri tagħhom.

Test propost mill-Kummissjoni

Emenda

–  il-ħruġ, il-format u l-kontenuti ta' dokument portabbli li jiċċertifika l-leġiżlazzjoni dwar is-sigurtà soċjali li tapplika għad-detentur,

–  il-ħruġ, il-format elettroniku li jkun impossibbli li jiġi ffalsifikat u l-kontenuti b'tagħrif obbligatorju ta' dokument portabbli li jiċċertifika l-leġiżlazzjoni dwar is-sigurtà soċjali li tapplika għad-detentur u li jinkludu numru tas-sigurtà soċjali Ewropew uniku,

Test propost mill-Kummissjoni

Emenda

–  l-elementi li għandhom jiġu vverifikati qabel ma d-dokument jista' jinħareġ,

–  l-elementi li għandhom jiġu vverifikati qabel ma d-dokument ikun jista' jinħareġ, jiġi rettifikat jew irtirat,

Test propost mill-Kummissjoni

Emenda

–  l-irtirar tad-dokument meta l-preċiżjoni u l-validità tiegħu huma kkontestati mill-istituzzjoni kompetenti tal-Istat Membru tal-impjieg.

–  l-irtirar tad-dokument:

-   meta l-preċiżjoni u l-validità tiegħu huma kkontestati mill-istituzzjoni kompetenti tal-Istat Membru tal-impjieg,

-   f'każ ta' nuqqas ta' tweġiba mill-istituzzjoni emittenti sal-iskadenza stabbilita.

Test fis-seħħ

Emenda

25a.  L-Artikolu 79 huwa sostitwit b'dan li ġej:

Artikolu 79

"Artikolu 79

Fondi għal attivitajiet fil-qasam tas-sigurtà soċjali

Fondi għal attivitajiet fil-qasam tas-sigurtà soċjali

B'konnessjoni ma' dan ir-Regolament u mar-Regolament ta' Implimentazzjoni, il-Kummissjoni tal-Komunitajiet Ewropej tista' tagħti fondi biex tiffinanzja totalment jew parzjalment:

B'konnessjoni ma' dan ir-Regolament u mar-Regolament ta' Implimentazzjoni, il-Kummissjoni Ewropea:

a) għandha tikkontribwixxi għall-finanzjament ta':

i)   l-istabbiliment ta' sistema ta' netwerking elettroniku tal-istituzzjonijiet kompetenti filwaqt li tibni fuq il-mudell tal-"Crossroads Bank for Social Security*"

ii)   kard Ewropea tas-sigurtà soċjali li ma tistax tiġi ffalsifikata għall-użu madwar l-Unjoni li fiha tiġi maħżuna d-data kollha meħtieġa biex tiġi vverifikata r-relazzjoni tal-impjieg tad-detentur, bħal dettalji dwar is-salarju tiegħu, l-istatus tas-sigurtà soċjali u s-sigħat tax-xogħol, u, fejn applikabbli, regoli speċifiċi dwar l-istazzjonar u li tkun soġġetta għal regoli stretti tal-protezzjoni tad-data, b'mod partikolari fejn tiġi pproċessata data personali sensittiva fir-rigward tal-privatezza; u

b) tista' tagħti fondi biex tiffinanzja totalment jew parzjalment:

a)  attivitajiet maħsuba biex itejbu l-iskambji ta' informazzjoni bejn l-awtoritajiet u l-istituzzjonijiet tas-sigurtà soċjali ta' l-Istati Membri, b'mod partikolari l-iskambju elettroniku ta' data;

i)   attivitajiet maħsuba biex itejbu l-iskambji ta' informazzjoni bejn l-awtoritajiet u l-istituzzjonijiet tas-sigurtà soċjali ta' l-Istati Membri, b'mod partikolari l-iskambju elettroniku ta' data;

b)  kwalunkwe attività oħra maħsuba biex tingħata, bil-mezzi l-aktar xierqa, informazzjoni lill-persuni koperti minn dan ir-Regolament u lir-rappreżentanti tagħhom dwar id-drittijiet u l-obbligi li joħorġu minn dan ir-Regolament.

ii)   kwalunkwe attività oħra maħsuba biex tingħata, bil-mezzi l-aktar xierqa, informazzjoni lill-persuni koperti minn dan ir-Regolament u lir-rappreżentanti tagħhom dwar id-drittijiet u l-obbligi li joħorġu minn dan ir-Regolament.

__________________

* https://www.ksz-bcss.fgov.be/fr"

Test propost mill-Kummissjoni

Emenda

(26)  Sabiex jitħarsu d-drittijiet tal-persuni kkonċernati, l-Istati Membri għandhom jiżguraw li kwalunkwe rikjesti u tweġibiet tad-data huma meħtieġa u proporzjonati għall-implimentazzjoni xierqa tar-Regolament (KE) Nru 883/2004 u dan ir-Regolament, skont il-leġiżlazzjoni Ewropea dwar il-Protezzjoni tad-Data. Ma għandu jkun hemm l-ebda tneħħija awtomatika ta' intitolament ta' benefiċċju li jirriżulta mill-iskambju tad-data, u kwalunkwe deċiżjoni meħuda abbażi tal-iskambju tad-data għandha tirrispetta d-drittijiet fundamentali u l-libertajiet tal-individwu kkonċernat jiġifieri, li din tissejjes fuq evidenza suffiċjenti u hija soġġetta għal proċedura ġusta ta' appell.

(26)  Sabiex jitħarsu d-drittijiet tal-persuni kkonċernati, jenħtieġ li l-Istati Membri jiżguraw li t-talbiet u t-tweġibiet tad-data jkunu meħtieġa u proporzjonati għall-implimentazzjoni xierqa tar-Regolament (KE) Nru 883/2004 u dan ir-Regolament, skont il-leġiżlazzjoni Ewropea dwar il-Protezzjoni tad-Data. Għall-ipproċessar ta' data personali skont dan ir-Regolament għandu japplika l-acquis rilevanti tal-UE dwar il-protezzjoni tad-data, b'mod partikolari r-Regolament (UE) Nru 679/2016 tal-Parlament Ewropew u tal-Kunsill*. Jenħtieġ li ma jkun hemm l-ebda tneħħija awtomatika ta' intitolament ta' benefiċċju li jirriżulta mill-iskambju tad-data, u kwalunkwe deċiżjoni meħuda abbażi tal-iskambju tad-data jenħtieġ li tirrispetta d-drittijiet fundamentali u l-libertajiet tal-individwu kkonċernat, jiġifieri li din tissejjes fuq evidenza suffiċjenti u hija soġġetta għal proċedura ġusta ta' appell.

_________________

* Ir-Regolament (UE) 679/2016 tal-Parlament Ewropew u tal-Kunsill dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

Test propost mill-Kummissjoni

Emenda

(ea)  ‘frodi' tfisser kwalunkwe att jew ommissjoni intenzjonali biex tittieħed azzjoni, sabiex wieħed jikseb jew jirċievi benefiċċji tas-sigurtà soċjali jew biex jevita l-obbligu li jħallas il-kontribuzzjonijiet tas-sigurtà soċjali, kuntrarju għal-liġi ta' Stat Membru,

(ea)  "frodi" tfisser kwalunkwe att jew ommissjoni intenzjonali biex tittieħed azzjoni, sabiex wieħed jikseb jew jirċievi benefiċċji tas-sigurtà soċjali jew biex jevita l-obbligu li jħallas il-kontribuzzjonijiet tas-sigurtà soċjali jew biex idur mar-regoli ta' sħubija tas-sistema tas-sigurtà soċjali ta' Stat Membru, kuntrarju għal-liġi ta' Stat Membru, għar-Regolament bażiku jew għar-regolament ta' implimentazzjoni;

Test propost mill-Kummissjoni

Emenda

5.  Meta d-drittijiet jew l-obbligi ta' persuna li għaliha japplikaw ir-Regolament bażiku u r-Regolament ta' implimentazzjoni ġew stabbiliti jew iddeterminati, l-istituzzjoni kompetenti tista' titlob lill-istituzzjoni fl-Istat Membru ta' residenza jew ta' żjara li jipprovdi d-data personali dwar dik il-persuna. Ir-rikjesta u kwalunkwe tweġiba għandhom jikkonċernaw informazzjoni li tippermetti lill-Istat Membru kompetenti biex jidentifika kwalunkwe ineżattezza fil-fatti li fuqhom dokument jew deċiżjoni li tiddetermina d-drittijiet u l-obbligi ta' persuna skont ir-Regolament bażiku jew ir-Regolament ta' implimentazzjoni hija bbażata. Ir-rikjesta tista' ssir wkoll fejn ma jkun l-ebda dubju dwar il-validità jew l-eżattezza tal-informazzjoni li hemm fid-dokument jew li fuqha d-deċiżjoni hija bbażata f'każ partikolari. It-talba għall-informazzjoni u kwalunkwe tweġiba għandhom ikunu meħtieġa u proporzjonati.

5.  Meta d-drittijiet jew l-obbligi ta' persuna li għaliha japplikaw ir-Regolament bażiku u r-Regolament ta' implimentazzjoni ġew stabbiliti jew iddeterminati, l-istituzzjoni kompetenti tista' titlob lill-istituzzjoni fl-Istat Membru ta' residenza jew ta' żjara li jipprovdi d-data personali dwar dik il-persuna. It-talba u kwalunkwe tweġiba għandhom ikunu limitati għal informazzjoni li tippermetti lill-Istat Membru kompetenti biex jidentifika kwalunkwe ineżattezza fil-fatti li fuqhom dokument jew deċiżjoni li tiddetermina d-drittijiet u l-obbligi ta' persuna skont ir-Regolament bażiku jew ir-Regolament ta' implimentazzjoni hija bbażata. It-talba tista' ssir ukoll fejn ma jkun l-ebda dubju dwar il-validità jew l-eżattezza tal-informazzjoni li hemm fid-dokument jew li fuqha d-deċiżjoni hija bbażata f'każ partikolari. It-talba għall-informazzjoni u kwalunkwe tweġiba għandhom ikunu meħtieġa u proporzjonati.

Test propost mill-Kummissjoni

Emenda

6.  Il-Kummissjoni Amministrattiva għandha tfassal lista dettaljata tat-tipi ta' talbiet u tweġibiet tad-data li jistgħu jsiru skont il-paragrafu 5 u l-Kummissjoni Ewropea għandha tagħti lil din il-lista l-pubbliċità neċessarja. Dawk it-talbiet u t-tweġibiet tad-data li ġew elenkati biss għandhom jiġu permessi.

6.  Il-Kummissjoni Amministrattiva għandha tfassal lista dettaljata tat-tipi ta' talbiet u tweġibiet tad-data li jistgħu jsiru skont il-paragrafu 5, tidentifika liema entitajiet għandhom ikunu intitolati biex jagħmlu tali talbiet u tistabbilixxi l-proċeduri u s-salvagwardji applikabbli. Il-Kummissjoni Ewropea għandha tagħti lil din il-lista l-pubbliċità neċessarja. Dawk it-talbiet u t-tweġibiet tad-data li ġew elenkati biss għandhom jiġu permessi.

Test propost mill-Kummissjoni

Emenda

1.  Id-dokumenti maħruġa mill-istituzzjoni ta' Stat Membru u li juru l-pożizzjoni ta' persuna għall-finijiet tal-applikazzjoni tar-Regolament bażiku u tar-Regolament ta' implimentazzjoni, u l-evidenza ta' sostenn li abbażi tagħha nħarġu d-dokumenti, għandhom jiġu aċċettati mill-istituzzjonijiet tal-Istati Membri l-oħrajn sakemm dawn ma jkunux ġew irtirati jew iddikjarati li huma invalidi mill-Istat Membru li fih inħarġu. Dawn id-dokumenti għandhom ikunu validi biss jekk it-taqsimiet indikati kollha bħala obbligatorji jimtlew.

1.  Id-dokumenti maħruġa mill-istituzzjoni ta' Stat Membru u li juru l-pożizzjoni ta' persuna għall-finijiet tal-applikazzjoni tar-Regolament bażiku u tar-Regolament ta' implimentazzjoni, u l-evidenza ta' sostenn li abbażi tagħha nħarġu d-dokumenti, għandhom jiġu aċċettati mill-istituzzjonijiet tal-Istati Membri l-oħrajn sakemm dawn ma jkunux ġew irtirati jew iddikjarati li huma invalidi mill-Istat Membru li fih inħarġu. Dawn id-dokumenti għandhom ikunu validi biss jekk jimtlew it-taqsimiet kollha indikati bħala obbligatorji. Madankollu, dawn id-dokumenti ma għandhomx jiġu aċċettati jekk ma jkunux ġew irtirati minħabba ksur tal-prinċipju tal-kooperazzjoni leali min naħa tal-Istat Membru emittenti.

Test propost mill-Kummissjoni

Emenda

1a.   Meta ma jkunux imtlew it-taqsimiet kollha tad-dokumenti msemmija fil-paragrafu 1 u indikati bħala obbligatorji, l-istituzzjoni tal-Istat Membru li jirċievi d-dokument għandha, mingħajr dewmien, tinnotifika lill-istituzzjoni emittenti bid-difett fid-dokument. L-istituzzjoni emittenti għandha, malajr kemm jista' jkun, tirrettifika d-dokument jew tikkonferma li l-kundizzjonijiet għall-ħruġ tad-dokument ma jkunux issodisfati. Jekk l-informazzjoni nieqsa ma tingħatax fi żmien ħamest ijiem ta' xogħol min-notifika tad-difett, l-istituzzjoni rikjedenti tista' tipproċedi daqslikieku d-dokument qatt ma nħareġ u, jekk tagħmel hekk, għandha tinforma b'dan lill-istituzzjoni emittenti.

Test propost mill-Kummissjoni

Emenda

a)  Meta tirċievi tali talba, l-istituzzjoni emittenti għandha tikkonsidra mill-ġdid ir-raġunijiet għall-ħruġ tad-dokument u, fejn meħtieġ, tirtirah jew tirranġah fi żmien 25 jum ta' xogħol minn meta tasal ir-rikjesta. Hekk kif jinstab każ mhux konfutabbli ta' frodi mwettaq mill-applikant tad-dokument, l-istituzzjoni emittenti għandha tirtira jew tirrettifika d-dokument immedjatament u b'effett retroattiv.

a)  Meta tirċievi tali talba, l-istituzzjoni emittenti għandha tikkunsidra mill-ġdid ir-raġunijiet għall-ħruġ tad-dokument u, fejn meħtieġ, tirtirah jew tirranġah fi żmien 15-il jum ta' xogħol minn meta tasal it-talba. Hekk kif jinstab każ inkonfutabbli ta' frodi mwettaq mill-applikant tad-dokument, l-istituzzjoni emittenti għandha tirtira jew tirrettifika d-dokument immedjatament u b'effett retroattiv.

Test propost mill-Kummissjoni

Emenda

ca)  In-nuqqas ta' tweġiba mill-istituzzjoni emittenti lill-istituzzjoni rikjedenti għandu jikkostitwixxi ksur tal-prinċipju tal-kooperazzjoni leali min-naħa tal-Istat Membru emittenti.

Test propost mill-Kummissjoni

Emenda

2a.  F'każ ta' nuqqas ta' tweġiba mill-istituzzjoni emittenti, l-awtorità applikanti tista' tirrifjuta, tirrettifika jew tikklassifika mill-ġdid id-dokumenti maħruġa mill-istituzzjoni ta' Stat Membru u li jiċċertifikaw il-pożizzjoni ta' persuna għall-finijiet tal-applikazzjoni tar-Regolament bażiku u tar-Regolament ta' implimentazzjoni.

Test propost mill-Kummissjoni

Emenda

1.  Għall-finijiet tal-applikazzjoni tal-Artikolu 12(1) tar-Regolament bażiku, "persuna li twettaq attività bħala persuna impjegata fi Stat Membru f'isem impjegatur li normalment iwettaq l-attivitajiet tiegħu hemmhekk u li tiġi allokata fit-tifsira tad-Direttiva 96/71/KE tal-Parlament Ewropew u tal-Kunsill tas-16 ta' Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi52 jew tintbagħat mill-impjegatur fi Stat Membru ieħor" għandha tinkludi persuna li tiġi reklutata bil-ħsieb li tiġi stazzjonata jew tintbagħat fi Stat Membru ieħor, sakemm, immedjatament qabel il-bidu tal-impjieg tagħha, il-persuna kkonċernata tkun diġà soġġetta għal-leġiżlazzjoni tal-Istat Membru li jkun bagħatha skont it-Titolu II tar-Regolament bażiku.

1.  Għall-finijiet tal-applikazzjoni tal-Artikolu 12(1) tar-Regolament bażiku, "persuna li twettaq attività bħala persuna impjegata fi Stat Membru f'isem impjegatur li normalment iwettaq l-attivitajiet tiegħu hemmhekk u li tiġi allokata fit-tifsira tad-Direttiva 96/71/KE tal-Parlament Ewropew u tal-Kunsill tas-16 ta' Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi52 jew tintbagħat mill-impjegatur fi Stat Membru ieħor" għandha tinkludi persuna li tiġi reklutata bil-ħsieb li tiġi stazzjonata jew tintbagħat fi Stat Membru ieħor, sakemm, immedjatament qabel il-bidu tal-impjieg tagħha, il-persuna kkonċernata tkun diġà ġiet soġġetta, għal perjodu ta' mill-inqas sitt xhur, għal-leġiżlazzjoni tal-Istat Membru fejn ikun stabbilit l-impjegatur, skont dan it-Titolu.

__________________

__________________

52 ĠU L 018, 21.01.1997, p. 1.

52 ĠU L 018, 21.01.1997, p. 1.

Test fis-seħħ

Emenda

(aa)   Il-paragrafu 2 huwa sostitwit b'dan li ġej:

2.   Għall-finijiet tal-applikazzjoni tal-Artikolu 12(1) tar-Regolament bażiku, il-kliem "li normalment iwettaq l-attivitajiet tiegħu hemmhekk" għandhom jirriferu għal persuna li tħaddem li ordinarjament twettaq attivitajiet sostanzjali, minbarra attivitajiet purament interni ta' ġestjoni, fit-territorju tal-Istat Membru li fih tali persuna tkun stabbilita, b'kont meħud tal-kriterji kollha li jikkaratterizzaw l-attivitajiet imwettqa mill-impriża kkonċernata. Il-kriterji relevanti għandhom ikunu adatti għall-karatteristiċi speċifiċi ta' kull min iħaddem u għan-natura vera tal-attivitajiet imwettqa.

"2.   Għall-finijiet tal-applikazzjoni tal-Artikolu 12(1) tar-Regolament bażiku, il-kliem "li normalment iwettaq l-attivitajiet tiegħu hemmhekk" għandhom jirriferu għal persuna li tħaddem li ordinarjament twettaq attivitajiet sostanzjali, minbarra attivitajiet purament interni ta' ġestjoni, fit-territorju tal-Istat Membru li fih tali persuna tkun stabbilita, b'kont meħud tal-kriterji kollha li jikkaratterizzaw l-attivitajiet imwettqa mill-impriża kkonċernata, bħat-turnover miksub mill-Istat tal-postazzjoni meta tali turnover jirrappreżenta tal-inqas 25 % tat-turnover annwali totali. Il-kriterji rilevanti għandhom ikunu adatti għall-karatteristiċi speċifiċi ta' kull min iħaddem u għan-natura vera tal-attivitajiet imwettqa.

Test fis-seħħ

Emenda

(ab)   Il-paragrafu 3 huwa sostitwit b'dan li ġej:

3. Għall-finijiet tal-applikazzjoni tal-Artikolu 12(2) tar-Regolament bażiku, il-kliem "li normalment twettaq attività bħala persuna li taħdem għal rasha" għandhom jirriferu għal persuna li abitwalment twettaq attivitajiet sostanzjali fit-territorju tal-Istat Membru li fih tali persuna tkun stabbilita. B'mod partikolari, dik il-persuna għandha tkun diġà qed twettaq l-attività tagħha għal xi żmien qabel id-data meta hija tkun tixtieq tieħu vantaġġ mid-dispożizzjonijiet ta' dak l-Artikolu, matul kwalunkwe perijodu ta' attività temporanja fi Stat Membru ieħor, għandha tkompli tissodisfa, fl-Istat Membru fejn hija stabbilita, ir-rekwiżiti għat-twettiq tal-attività tagħha sabiex hija tkun tista' twettaqha meta tirritorna.

"3. Għall-finijiet tal-applikazzjoni tal-Artikolu 12(2) tar-Regolament bażiku, il-kliem "li normalment twettaq attività bħala persuna li taħdem għal rasha" għandhom jirriferu għal persuna li abitwalment twettaq attivitajiet sostanzjali fit-territorju tal-Istat Membru li fih tali persuna tkun stabbilita. B'mod partikolari, dik il-persuna għandha tkun diġà qed twettaq attività suffiċjenti għal xi żmien qabel id-data meta hija tkun tixtieq tieħu vantaġġ mid-dispożizzjonijiet ta' dak l-Artikolu, matul kwalunkwe perijodu ta' attività temporanja fi Stat Membru ieħor, għandha tkompli tissodisfa, fl-Istat Membru fejn hija stabbilita, ir-rekwiżiti għat-twettiq tal-attività tagħha sabiex hija tkun tista' twettaqha meta tirritorna."

Test fis-seħħ

Emenda

(ba)   Il-paragrafu 10 huwa sostitwit b'dan li ġej:

10.  Sabiex tiġi determinata l-leġislazzjoni applikabbli taħt il-paragrafi 7 u 8, l-istituzzjonijiet konċernati għandhom jieħdu kont tas-sitwazzjoni proġettata għat-tnax-il xahar kalendarji li jkunu ġejjin.

"10.  Id-determinazzjoni tal-leġiżlazzjoni applikabbli skont l-Artikolu 13 tar-Regolament (KE) 883/2004 għandha tapplika għal perjodu massimu ta' 12-il xahar. Wara l-iskadenza tal-perjodu ta' 12-il xahar, id-determinazzjoni għandha tiġi riveduta abbażi tas-sitwazzjoni tal-persuna."

Test propost mill-Kummissjoni

Emenda

4.  Meta jkun meħtieġ għall-eżerċizzju tas-setgħat leġiżlattivi fuq il-livell nazzjonali jew tal-Unjoni, informazzjoni rilevanti dwar id-drittijiet u l-obbligi tas-sigurtà soċjali tal-persuni kkonċernati għandha tiġi skambjata direttament bejn l-istituzzjonijiet kompetenti u l-ispettorati tax-xogħol, l-awtoritajiet tal-immigrazzjoni jew tat-taxxa tal-Istati konċernati; din tista' tinkludi l-ipproċessar tad-data personali għall-finijiet barra mill-eżerċizzju jew l-infurzar tad-drittijiet u l-obbligi skont ir-Regolament bażiku u dan ir-Regolament b'mod partikolari biex tiġi żgurata l-konformità mal-obbligi legali rilevanti fl-oqsma tax-xogħol, is-saħħa u sigurtà, l-immigrazzjoni u l-liġi dwar it-tassazzjoni. Dettalji oħra għandhom jiġu stipulati b'deċiżjoni tal-Kummissjoni Amministrattiva.

4.  Meta jkun meħtieġ għall-eżerċizzju tas-setgħat leġiżlattivi fuq il-livell nazzjonali jew tal-Unjoni, informazzjoni rilevanti dwar id-drittijiet u l-obbligi tas-sigurtà soċjali tal-persuni kkonċernati għandha tiġi skambjata direttament bejn l-istituzzjonijiet kompetenti u l-ispettorati tax-xogħol, l-awtoritajiet tal-immigrazzjoni jew tat-taxxa tal-Istati konċernati; din tista' tinkludi l-ipproċessar tad-data personali għall-finijiet barra mill-eżerċizzju jew l-infurzar tad-drittijiet u l-obbligi skont ir-Regolament bażiku u dan ir-Regolament b'mod partikolari biex tiġi żgurata l-konformità mal-obbligi legali rilevanti fl-oqsma tax-xogħol, is-saħħa u sigurtà, l-immigrazzjoni u l-liġi dwar it-tassazzjoni. L-awtoritajiet responsabbli mid-data tas-sigurtà soċjali għandhom jinfurmaw lis-soġġetti tad-data bit-trażmissjoni ta' din id-data lil amministrazzjoni pubblika oħra u bl-iskop(ijiet) tal-ipproċessar ulterjuri, f'konformità mal-prinċipju ta' pproċessar ġust stabbilit fl-Artikolu 6 tad-Direttiva 95/46/KE tal-Parlament Ewropew u tal-Kunsill* u l-Artikolu 5(l)(a) tar-Regolament (UE) Nru 679/2016 tal-Parlament Ewropew u tal-Kunsill**. L-awtoritajiet li jirċievu d-data tas-sigurtà soċjali għandhom jinfurmaw lis-soġġetti tad-data bl-identità tagħha, l-iskop(ijiet) tal-ipproċessar u l-kategoriji ta' data pproċessati f'konformità mal-Artikolu 11(1)(a), (b) u (c) tad-Direttiva 95/46/KE u l-Artikolu 14(1) tar-Regolament (UE) Nru 679/216. Dettalji oħra għandhom jiġu stipulati b'deċiżjoni tal-Kummissjoni Amministrattiva.

_____________

*. Id-Direttiva tal-Parlament Ewropew u tal-Kunsill 95/46/KE tal-24 ta' Ottubru 1995 dwar il-protezzjoni ta' individwi fir-rigward tal-ipproċessar ta' data personali u dwar il-moviment liberu ta' dik id-data (ĠU L 281, 23.11.1995, p. 31).

** Ir-Regolament (UE) 679/2016 tal-Parlament Ewropew u tal-Kunsill dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

Test fis-seħħ

Emenda

11a.  Fl-Artikolu 20, il-paragrafu 1 huwa sostitwit b'dan li ġej:

1.   L-istituzzjonijiet relevanti għandhom jikkomunikaw lill-istituzzjoni kompetenti tal-Istat Membru, li l-leġislazzjoni tiegħu hija applikabbli għal persuna taħt it-Titolu II tar-Regolament bażiku, l-informazzjoni meħtieġa biex tiġi stabbilita d-data li fiha din il-leġislazzjoni ssir applikabbli u l-kontribuzzjonijiet li dik il-persuna u l-prinċipal jew prinċipali tagħha jkunu obbligati jħallsu taħt din il-leġislazzjoni.

« 1.   L-istituzzjonijiet relevanti għandhom jikkomunikaw lill-istituzzjoni kompetenti tal-Istat Membru, li l-leġiżlazzjoni tiegħu hija applikabbli għal persuna taħt it-Titolu II tar-Regolament bażiku, l-informazzjoni meħtieġa biex tiġi stabbilita d-data li fiha din il-leġiżlazzjoni ssir applikabbli u l-kontribuzzjonijiet li dik il-persuna u l-prinċipal jew prinċipali tagħha jkunu obbligati jħallsu taħt din il-leġiżlazzjoni u d-Direttiva 96/71/KE għall-kalkolu tal-kontribuzzjonijiet abbażi tar-remunerazzjoni mħallsa. »

Test propost mill-Kummissjoni

Emenda

-  il-ħruġ, il-format u l-kontenuti ta' dokument portabbli li jiċċertifika l-leġiżlazzjoni dwar is-sigurtà soċjali li tapplika għad-detentur,

-  il-ħruġ, il-format elettroniku li jkun impossibbli li jiġi ffalsifikat u l-kontenuti b'tagħrif obbligatorju ta' dokument portabbli li jiċċertifika l-leġiżlazzjoni dwar is-sigurtà soċjali li tapplika għad-detentur u li jinkludu numru tas-sigurtà soċjali Ewropew uniku,

Test propost mill-Kummissjoni

Emenda

-  l-elementi li għandhom jiġu vverifikati qabel ma d-dokument jista' jinħareġ,

-  l-elementi li għandhom jiġu vverifikati qabel ma d-dokument ikun jista' jinħareġ, jiġi rettifikat jew irtirat,

Test propost mill-Kummissjoni

Emenda

-  l-irtirar tad-dokument meta l-preċiżjoni u l-validità tiegħu huma kkontestati mill-istituzzjoni kompetenti tal-Istat Membru tal-impjieg.

-  l-irtirar tad-dokument:

-   meta l-preċiżjoni u l-validità tiegħu huma kkontestati mill-istituzzjoni kompetenti tal-Istat Membru tal-impjieg,

-   f'każ ta' nuqqas ta' tweġiba mill-istituzzjoni emittenti sal-iskadenza stabbilita.

Test propost mill-Kummissjoni

Emenda

1.  Bi qbil bejn il-parti applikanti u l-parti rikjesta u skont l-arranġamenti stabbiliti mill-parti rikjesta, uffiċjali awtorizzati mill-parti applikanti jistgħu, bil-ħsieb li jippromwovu l-assistenza reċiproka prevista f'din it-Taqsima:

1.  Bi qbil bejn il-parti applikanti u l-parti rikjesta u skont l-arranġamenti stabbiliti mill-parti rikjesta, uffiċjali u dawk responsabbli awtorizzati mill-parti applikanti jew mill-Awtorità Ewropea tax-Xogħol jistgħu, bil-ħsieb li jippromwovu l-assistenza reċiproka prevista f'din it-Taqsima:

Test propost mill-Kummissjoni

Emenda

b)  jkunu preżenti waqt l-inkjesti amministrattivi li jitwettqu fit-territorju tal-Istat Membru tal-parti rikjesta;

b)  jkunu preżenti waqt l-inkjesti amministrattivi li jitwettqu fit-territorju tal-Istat Membru tal-parti rikjesta u/jew il-parti applikanti;

Test propost mill-Kummissjoni

Emenda

2.  Sakemm dan ikun permess mil-leġiżlazzjoni fis-seħħ fl-Istat Membru tal-parti rikjesta, il-ftehim imsemmi fil-paragrafu 1(b) jista' jipprevedi li l-uffiċjali tal-Istat Membru tal-parti applikanti jistgħu jintervistaw l-individwi u jeżaminaw ir-reġistri.

2.  Sakemm dan ikun permess mil-leġiżlazzjoni fis-seħħ fl-Istat Membru tal-parti rikjesta, il-ftehim imsemmi fil-paragrafu 1(b) jista' jipprevedi li l-uffiċjali jew dawk responsabbli tal-Istat Membru tal-parti applikanti u, jekk ikun meħtieġ, tal-Awtorità Ewropea tax-Xogħol, jistgħu jintervistaw l-individwi u jeżaminaw ir-reġistri.

Test propost mill-Kummissjoni

Emenda

3.  Uffiċjali awtorizzati mill-parti applikanti li jagħmlu użu mill-possibbiltajiet offerti mill-paragrafi 1 u 2 għandhom dejjem ikunu kapaċi jipproduċu awtorità bil-miktub li tiddikjara l-identità tagħhom u l-kapaċità uffiċjali tagħhom.

3.  Uffiċjali awtorizzati mill-parti applikanti jew l-Awtorità Ewropea tax-Xogħol li jagħmlu użu mill-possibbiltajiet offerti mill-paragrafi 1 u 2 għandhom dejjem ikunu kapaċi jipproduċu awtorità bil-miktub li tiddikjara l-identità tagħhom u l-kapaċità uffiċjali tagħhom.