Test propost mill-Kummissjoni

Emenda

(8)  Meta applikant ikun preżenti fi Stat Membru ieħor għajr dak li fih ikun meħtieġ li jkun preżenti skont ir-Regolament (UE) Nru XXX/XXX [ir-Regolament ta' Dublin], l-applikant ma għandux ikun intitolat għall-kundizzjonijiet ta' akkoljenza stabbiliti fl-Artikoli 14 sa 17.

imħassar

Test propost mill-Kummissjoni

Emenda

(12)   Ir-regoli armonizzati tal-UE dwar id-dokumenti li għandhom jinħarġu lill-applikanti jagħmluha iktar diffiċli li l-applikanti jiċċaqalqu fl-Unjoni b'mod mhux awtorizzat. Jeħtieġ li jiġi ċċarat li l-Istati Membri għandhom jipprovdu dokument tal-ivvjaġġar lill-applikanti biss meta kun hemm raġunijiet umanitarji serji jew raġunijiet imperattivi oħrajn. Il-validità tad-dokumenti tal-ivvjaġġar għandha tkun limitata wkoll għall-finijiet u għat-tul meħtieġ għar-raġuni li minħabba fiha jkunu nħarġu. Raġunijiet umanitarji serji jistgħu jitqiesu, pereżempju, meta applikant inkun jeħtieġ jivvjaġġa lejn Stat ieħor għal trattament mediku jew biex iżur qraba f'każijiet partikolari, bħal żjarat lil qraba stretti li jkunu morda serjament, jew biex jattendu żwiġijiet jew funerali ta' qraba stretti. Raġunijiet imperattivi oħrajn jistgħu jinkludu każijiet fejn l-applikanti li jkunu ngħataw aċċess għas-suq tax-xogħol ikunu meħtieġa jivvjaġġaw b'mod essenzjali minħabba raġunijiet ta' xogħol, jew fejn l-applikanti jkunu jeħtieġu jivvjaġġaw bħala parti mill-kurrikula tal-istudju jew meta l-minorenni jkunu qed jivvjaġġaw ma' familji tar-rispett.

(12)   Ir-regoli armonizzati tal-UE dwar id-dokumenti li għandhom jinħarġu lill-applikanti jagħmluha iktar diffiċli li l-applikanti jiċċaqalqu fl-Unjoni b'mod mhux awtorizzat. Il-validità tad-dokumenti tal-ivvjaġġar jenħtieġ li tkun limitata għall-finijiet u għat-tul meħtieġa għar-raġuni li minħabba fiha jkunu nħarġu. Raġuni ta' dan it-tip tista' tkun, pereżempju, li applikant ikollu bżonn jivvjaġġa lejn Stat ieħor għal trattament mediku jew biex iżur qraba f'każijiet partikolari, bħal żjarat lil qraba stretti li jkunu morda serjament, jew biex jattendi żwiġijiet jew funerali ta' qraba stretti. Raġunijiet oħrajn ta' dan it-tip jistgħu jinkludu każijiet fejn l-applikanti li jkunu ngħataw aċċess għas-suq tax-xogħol jiġu obbligati jivvjaġġaw minħabba raġunijiet essenzjali ta' xogħol, jew fejn l-applikanti jiġu obbligati jivvjaġġaw bħala parti mill-kurrikula tal-istudju jew meta l-minorenni jkunu qed jivvjaġġaw ma' familji li jkunu qed jiffosterjawhom.

Test propost mill-Kummissjoni

Emenda

(13)   L-applikanti ma għandhomx id-dritt li jagħżlu l-Istat Membru ta' applikazzjoni. Applikant irid japplika għal protezzjoni internazzjonali fl-Istat Membru tal-ewwel dħul jew, f'każ ta' preżenza legali, fl-Istat Membru ta' residenza legali. Applikant li ma jkunx ikkonforma ma' dan l-obbligu aktarx li, wara li jiġi determinat l-Istat Membru responsabbli skont ir-Regolament (UE) Nru XXX/XXX [ir-Regolament ta' Dublin ], ma jitħalliex jibqa' fl-Istat Membru fejn issir l-applikazzjoni u konsegwentement aktarx li jaħrab. Għaldaqstant, għandu jsir monitoraġġ mill-qrib ta' fejn ikun qiegħed.

(13)   L-applikanti ma għandhomx id-dritt li jagħżlu l-Istat Membru ta' applikazzjoni. Applikant irid japplika għal protezzjoni internazzjonali fl-Istat Membru tal-ewwel dħul jew, f'każ ta' preżenza legali, fl-Istat Membru ta' permanenza jew residenza legali.

Test propost mill-Kummissjoni

Emenda

(14)   L-applikanti huma meħtieġa jkunu preżenti fl-Istat Membru fejn jagħmlu l-applikazzjoni jew fl-Istat Membru fejn jiġu trasferiti skont ir-Regolament (UE) Nru XXX/XXX [ir-Regolament ta' Dublin]. F'każ li applikant jaħrab mill-Istat Membru u, mingħajr awtorizzazzjoni, jivvjaġġa lejn Stat Membru ieħor, huwa vitali, sabiex tiġi żgurata Sistema Ewropea Komuni tal-Asil, li l-applikant jiġi rritornat malajr lejn l-Istat Membru fejn ikun meħtieġ li jkun preżenti. Sakemm iseħħ dan it-trasferiment, hemm riskju li l-applikant jaħrab u, għaldaqstant, għandu jsir monitoraġġ mill-qrib ta' fejn ikun qiegħed.

(14)   L-applikanti huma marbutin jibqgħu għad-dispożizzjoni tal-awtoritajiet rilevanti tal-Istat Membru fejn jagħmlu l-applikazzjoni jew fl-Istat Membru fejn jiġu trasferiti skont ir-Regolament (UE) Nru XXX/XXX [ir-Regolament ta' Dublin]. Meta applikant jaħrab u jivvjaġġa lejn Stat Membru ieħor mingħajr awtorizzazzjoni, huwa vitali, sabiex tiġi żgurata Sistema Ewropea Komuni tal-Asil li taħdem tajjeb, li l-applikant jiġi rritornat malajr lejn l-Istat Membru fejn ikun marbut li jkun preżenti. Sakemm iseħħ dan it-trasferiment, hemm riskju li l-applikant jaħrab u, għaldaqstant, għandu jsir monitoraġġ mill-qrib ta' fejn ikun qiegħed.

Test propost mill-Kummissjoni

Emenda

(15)   Il-fatt li applikant ikun ħarab preċedentement lejn Stat Membru ieħor huwa fatt importanti meta jiġi vvalutat ir-riskju li l-applikant jista' jaħrab. Sabiex jiġi żgurat li l-applikant ma jerġax jaħrab u jibqa' għad-dispożizzjoni tal-awtoritajiet kompetenti, ladarba l-applikant jintbagħat lura lejn l-Istat Membru fejn ikun meħtieġ li jkun preżenti, għandu jsir monitoraġġ mill-qrib ta' fejn ikun qiegħed.

imħassar

Test propost mill-Kummissjoni

Emenda

(16)   Minħabba raġunijiet ta' interess pubbliku jew ordni pubbliku, minħabba proċessar malajr u monitoraġġ effettiv tal-applikazzjoni tiegħu għal protezzjoni internazzjonali, minħabba l-ipproċessar malajr u l-monitoraġġ effettiv tal-proċedura tiegħu biex jiddetermina l-Istat Membru responsabbli skont ir-Regolament (UE) Nru XXX/XXX [ir-Regolament ta' Dublin] jew sabiex jipprevjenu b'mod effettiv li l-applikant jaħrab, l-Istati Membri għandhom, meta meħtieġ, jassenjaw ir-residenza tal-applikant f'post speċifiku, bħal ċentru tal-akkomodazzjoni, dar privata, appartament, lukanda jew bini ieħor adattat biex jilqa' lill-applikanti. Din id-deċiżjoni tista' tkun meħtieġa biex tipprevjeni b'mod effettiv lill-applikant milli jaħrab, b'mod partikolari f'każijiet fejn l-applikant ma jkunx ikkonforma mal-obbligi biex: japplika fl-Istat Membru tal-ewwel dħul irregolari jew legali; jibqa' fl-Istat Membru fejn ikun meħtieġ ikun preżenti; jew f'każijiet fejn l-applikant ikun intbagħat lura lejn l-Istat Membru fejn ikun meħtieġ ikun preżenti wara li jkun ħarab lejn Stat Membru ieħor. F'każ li l-applikant ikun intitolat għal kundizzjonijiet ta' akkoljenza materjali, dawn il-kundizzjonijiet ta' akkoljenza materjali għandhom jingħataw ukoll bil-patt li l-applikant ikun joqgħod f'dak il-post speċifiku.

(16)   Minħabba raġunijiet ta' interess pubbliku jew ordni pubbliku, għall-ipproċessar malajr u l-monitoraġġ effettiv tal-applikazzjoni tiegħu għal protezzjoni internazzjonali, jew biex tipprevjeni b'mod effettiv lill-applikant milli jaħrab meta jkun ġie stabbilit mill-awtoritajiet rilevanti li hemm riskju li applikant jista' jaħrab, jenħtieġ li l-Istati Membri, meta meħtieġ, ikunu jistgħu jassenjaw ir-residenza tal-applikant f'post speċifiku, bħal ċentru tal-akkomodazzjoni, dar privata, appartament, lukanda jew bini ieħor adattat biex jilqa' lill-applikanti. Din id-deċiżjoni tista' tkun meħtieġa biex tipprevjeni b'mod effettiv lill-applikant milli jaħrab, b'mod partikolari f'każijiet fejn l-applikant ma jkunx ikkonforma mal-obbligi biex jibqa' fl-Istat Membru fejn ikun marbut ikun preżenti, jew, f'każijiet fejn l-applikant ikun intbagħat lura lejn l-Istat Membru fejn ikun marbut ikun preżenti wara li jkun ħarab lejn Stat Membru ieħor. Meta l-applikant ikun intitolat għal kundizzjonijiet ta' akkoljenza materjali, dawn il-kundizzjonijiet ta' akkoljenza materjali għandhom jingħataw ukoll bil-patt li l-applikant ikun joqgħod f'dak il-post speċifiku.

Test propost mill-Kummissjoni

Emenda

(17)   Meta jkun hemm raġunijiet biex jitqies li jkun hemm riskju li applikant jista' jaħrab, l-Istati Membri għandhom jitolbu li l-applikanti jirraportaw lill-awtoritajiet kompetenti ta' spiss skont kemm meħtieġ sabiex isir monitoraġġ tal-applikant b'tali mod li ma jaħrabx. Sabiex jiskoraġġixxu lill-applikanti milli jaħarbu, l-Istati Membri għandhom ikunu kapaċi wkoll jagħtu kundizzjonijiet ta' akkoljenza materjali, meta l-applikant ikun intitolat għal dawn il-kundizzjonijiet ta' akkoljenza materjali, in natura biss.

(17)   Meta jkun hemm raġunijiet biex jitqies li jkun hemm riskju li applikant jista' jaħrab, jenħtieġ ukoll li l-Istati Membri, abbażi ta' deċiżjoni tal-awtoritajiet ġudizzjarji, jirrikjedu li l-applikanti jirraportaw lill-awtoritajiet kompetenti bil-frekwenza meħtieġa sabiex isir monitoraġġ tal-applikant b'tali mod li ma jaħrabx. Sabiex jiskoraġġixxu lill-applikanti milli jaħarbu, l-Istati Membri għandhom ikunu kapaċi wkoll jagħtu kundizzjonijiet ta' akkoljenza materjali, meta l-applikant ikun intitolat għal dawn il-kundizzjonijiet ta' akkoljenza materjali, in natura biss. Jenħtieġ ukoll li l-applikanti jiġu pprovduti bil-possibbiltà ta' appell kontra d-deċiżjonijiet li jirrikjedulhom jirrapportaw lill-awtoritajiet kompetenti.

Test propost mill-Kummissjoni

Emenda

(18)   Id-deċiżjonijiet kollha li jirrestrinġu l-libertà ta' moviment tal-applikant jeħtieġ li jkunu bbażati fuq l-imġiba individwali u s-sitwazzjoni partikulari tal-persuna kkonċernata, filwaqt li titqies kull ħtieġa ta' akkoljenza speċjali ta' applikanti u l-prinċipji ta' proporzjonalità. L-applikanti jridu jkunu infurmati kif xieraq b'dawn id-deċiżjonijiet u bil-konsegwenzi ta' nuqqas ta' konformità.

(18)   Jenħtieġ li kwalunkwe restrizzjoni fuq il-libertà ta' moviment tal-applikant tkun ibbażata fuq deċiżjoni tal-awtoritajiet ġudizzjarji, li tkun tqis l-imġiba individwali u s-sitwazzjoni partikulari tal-persuna kkonċernata, inkluż kull ħtieġa ta' akkoljenza speċjali ta' applikanti u l-prinċipju ta' proporzjonalità. Jenħtieġ li l-applikanti jiġu infurmati kif xieraq b'dawn id-deċiżjonijiet u bil-konsegwenzi ta' nuqqas ta' konformità. Jenħtieġ ukoll li jiġu pprovduti bil-possibbiltà ta' appell kontra tali deċiżjonijiet.

Test propost mill-Kummissjoni

Emenda

(19)   Fid-dawl ta' konsegwenzi serji għall-applikanti li jkunu ħarbu jew li jitqiesu f'riskju li jaħarbu, it-tifsira ta' ħarba għandha tiġi definita li tkopri kemm azzjoni deliberata biex jiġu evitati l-proċeduri ta' asil applikabbli kif ukoll iċ-ċirkustanzi fattwali li applikant ma jibqax disponibbli għall-awtoritjaiet rilevanti, inkluż billi jitlaq mit-territorju fejn l-applikant ikun meħtieġ li jkun preżenti.

(19)   Fid-dawl tal-konsegwenzi serji għall-applikanti li jkunu ħarbu jew li jitqiesu f'riskju li jaħarbu, jenħtieġ li jiġi ddefinit li t-tifsira ta' ħarba tkopri kemm azzjoni deliberata biex jiġu evitati l-proċeduri ta' asil applikabbli kif ukoll iċ-ċirkustanza fattwali li applikant ma jibqax disponibbli għall-awtoritajiet rilevanti.

Test propost mill-Kummissjoni

Emenda

(20)   Id-detenzjoni tal-applikanti għandha tkun applikata skont il-prinċipju sottostanti li persuna m'għandiex tinżamm f'detenzjoni għall-unika raġuni li huwa jew hija qed tfittex protezzjoni internazzjonali, b'mod partikolari skont l-obbligi legali internazzjonali tal-Istati Membri, u skont l-Artikolu 31 tal-Konvenzjoni ta' Ġinevra. L-applikanti jistgħu jiġu detenuti biss taħt Ö iċ- Õ ċirkostanzi eċċezzjonali definiti b'mod ċar stipulati fid-Direttiva u soġġetti għall-prinċipju ta' neċessità u proporzjonalità fir-rigward kemm tal-manjiera kif ukoll tal-iskop ta' tali detenzjoni. Id-detenzjoni tal-applikanti skont din id-Direttiva għandha tkun ordnata bil-miktub biss minn awtoritajiet ġudizzjarji jew amministrattivi u jiddikjaraw ir-raġunijiet li fuqhom tkun ibbażata, inkluż fil-każijiet fejn il-persuna tkun diġà detenuta meta tagħmel l-applikazzjoni għall-protezzjoni internazzjonali. Meta applikant jinżamm detenut huwa għandu jkollu aċċess effettiv għall-garanziji proċedurali neċessarji bħar-rimedju ġudizzjarju quddiem awtorità ġudizzjarja nazzjonali.

(20)   Jenħtieġ li d-detenzjoni tal-applikanti tkun applikata skont il-prinċipju sottostanti li jenħtieġ li persuna ma tinżammx f'detenzjoni għall-unika raġuni li huwa jew hija qed tfittex protezzjoni internazzjonali, b'mod partikolari skont l-obbligi legali internazzjonali tal-Istati Membri, u skont l-Artikolu 31 tal-Konvenzjoni ta' Ġinevra. L-applikanti jistgħu jiġu detenuti biss taħt iċ-ċirkostanzi eċċezzjonali definiti b'mod ċar ħafna li qed jiġu stipulati fid-Direttiva u b'mod soġġeti għall-prinċipju ta' neċessità u proporzjonalità fir-rigward kemm tal-manjiera kif ukoll tal-iskop ta' tali detenzjoni. Jenħtieġ li d-detenzjoni tal-applikanti skont din id-Direttiva tkun ordnata bil-miktub biss mill-awtoritajiet ġudizzjarji li jiddikjaraw ir-raġunijiet li fuqhom tkun ibbażata, inkluż fil-każijiet fejn il-persuna tkun diġà detenuta meta tagħmel l-applikazzjoni għall-protezzjoni internazzjonali. Jenħtieġ li kwalunkwe deċiżjoni li timponi detenzjoni tinkludi riferiment għall-kunsiderazzjoni tal-alternattivi disponibbli u r-raġunijiet li minħabba fihom ma setgħux jiġu applikati effettivament. Meta applikant jinżamm detenut, jenħtieġ li jkollu aċċess effettiv għall-garanziji proċedurali neċessarji bħar-rimedju ġudizzjarju.

Test propost mill-Kummissjoni

Emenda

(30)   Fl-applikazzjoni ta' din id-Direttiva, l-Istati Membri għandhom ifittxu li jiżguraw konformità sħiħa mal-prinċipji tal-aħjar interessi tat-tfal u tal-għaqda tal-familja, skont il-Karta tad-Drittijiet Fundamentali tal-Unjoni Ewropea, il-Konvenzjoni tan-Nazzjonijiet Uniti dwar id-Drittijiet tat-Tfal tal-1989 u l-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali rispettivament. Jeħtieġ li l-kundizzjonijiet ta' akkoljenza jiġu adattati għas-sitwazzjoni speċifika tal-minorenni, kemm jekk mhux akkumpanjati kif ukoll jekk fil-familji, b'attenzjoni speċjali għas-sigurtà tagħhom u għall-kura fiżika u emozzjonali tagħhom u pprovduta b'mod li tħeġġeġ l-iżvilupp ġenerali tagħhom.

(30)   Fl-applikazzjoni ta' din id-Direttiva, l-Istati Membri għandhom ifittxu li jiżguraw konformità sħiħa mal-prinċipji tal-aħjar interessi tat-tfal u tal-għaqda tal-familja, skont il-Karta tad-Drittijiet Fundamentali tal-Unjoni Ewropea, il-Konvenzjoni tan-Nazzjonijiet Uniti dwar id-Drittijiet tat-Tfal tal-1989 u l-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali rispettivament. Jenħtieġ li l-Istati Membri jiżguraw ukoll konformità sħiħa mal-Konvenzjoni tal-Kunsill tal-Ewropa dwar il-Prevenzjoni u l-Ġlieda Kontra l-Vjolenza fuq in-Nisa u l-Vjolenza Domestika u l-Konvenzjoni dwar l-Eliminazzjoni ta' Kull Forma ta' Diskriminazzjoni kontra n-Nisa. Hemm bżonn li l-kundizzjonijiet ta' akkoljenza jiġu adattati għall-ħtiġijiet speċifiċi tal-minorenni, kemm jekk mhux akkumpanjati kif ukoll jekk fil-familji, b'attenzjoni speċjali għas-sigurtà tagħhom, b'mod partikolari billi jiġu pprovduti akkomodazzjoni tajba għat-tfal, il-prevenzjoni tal-vjolenza sesswali u ta' dik abbażi ta' sess, kura fiżika u emozzjonali u edukazzjoni, u li dan kollu jiġi pprovdut b'mod li jħeġġeġ l-iżvilupp ġenerali tagħhom.

Test propost mill-Kummissjoni

Emenda

(31)  L-Istati Membri għandhom jiżguraw li l-applikanti jirċievu l-kura tas-saħħa meħtieġa li għandha tinkludi, għall-inqas, kura ta' emerġenza u trattament essenzjali ta' mard u ta' disturbi mentali serji. Sabiex iwieġbu għat-tħassib ta' saħħa pubblika rigward il-prevenzjoni tal-mard u s-salvagwardja tal-applikanti individwali, l-aċċess tal-applikanti għall-kura tas-saħħa għandu jinkludi wkoll trattament mediku preventiv, bħat-tilqim. L-Istati Membri jistgħu jirrikjedu kontroll mediku għal applikanti għal raġunijiet ta' saħħa pubblika. Ir-riżultati tal-kontrolli mediċi ma għandhomx jinfluwenzaw il-valutazzjoni tal-applikazzjonijiet għall-protezzjoni internazzjonali. Dawn għandhom dejjem isiru b'mod oġġettiv, imparzjali u fuq bażi individwali skont ir-Regolament (UE) Nru XXX/XXX [ir-Regolament dwar il-Proċeduri].

(31)   Jenħtieġ li l -Istati Membri jiżguraw li l-applikanti jirċievu aċċess sħiħ għall-kura tas-saħħa meħtieġa li jenħtieġ li tinkludi, għall-inqas, kura ta' emerġenza, kura fil-maternità, u trattament essenzjali ta' mard, inklużi disturbi mentali serji, bħal disturbi minn stress postrawmatiku. Sabiex tingħata tweġiba għat-tħassib relatat mas-saħħa pubblika rigward il-prevenzjoni tal-mard u jiġu salvagwardjati s-saħħa u d-drittijiet tal-applikanti individwali, jenħtieġ li l-aċċess tal-applikanti għall-kura tas-saħħa jinkludi wkoll servizzi fil-qasam tas-saħħa sesswali u riproduttiva, u trattament mediku preventiv, bħat-tilqim. L-Istati Membri jistgħu jirrikjedu kontroll mediku għall-applikanti għal raġunijiet ta' saħħa pubblika, bi qbil mal-linji gwida li għandhom jiġu stabbiliti b'mod konġunt mill-Aġenzija tal-Unjoni Ewropea għall-Asil u ċ-Ċentru Ewropew għall-Prevenzjoni u l-Kontroll tal-Mard. Jenħtieġ li r-riżultati tal-kontrolli mediċi ma jinfluwenzawx il-valutazzjoni tal-applikazzjonijiet għall-protezzjoni internazzjonali. Dawn għandhom dejjem isiru b'mod oġġettiv, imparzjali u fuq bażi individwali skont ir-Regolament (UE) Nru XXX/XXX [ir-Regolament dwar il-Proċeduri].

Test propost mill-Kummissjoni

Emenda

(32)   Id-dritt ta' applikant għal kundizzjonijiet ta' akkoljenza materjali skont din id-Direttiva jista' jitnaqqas f'ċerti ċirkustanzi bħal meta applikant ikun ħarab lejn Stat Membru ieħor mill-Istat Membru fejn ikun meħtieġ li jkun preżenti. Madankollu, l-Istati Membri, fiċ-ċirkustanzi kollha, għandhom jiżguraw l-aċċess għall-kura tas-saħħa u standard ta' ħajja dinjituż għall-applikanti kollha skont il-Karta tad-Drittijiet Fundamentali tal-Unjoni Ewropea u l-Konvenzjoni tan-Nazzjonijiet Uniti dwar id-Drittijiet tat-Tfal, b'mod partikulari billi jipprovdu s-sussistenza u l-ħtiġijiet bażiċi tal-applikant kemm f'termini tas-sikurezza fiżika u d-dinjità kif ukoll f'termini tar-relazzjonijiet interpersonali, b'attenzjoni partikulari għad-dgħufijiet inerenti tal-persuna bħala applikant għall-protezzjoni internazzjonali u dik tal-familja jew tal-kustodju tiegħu. Għandha tingħata attenzjoni speċjali lill-applikanti bi ħtiġijiet ta' akkoljenza speċjali. Iridu jitqiesu l-ħtiġijiet speċifiċi tat-tfal, b'mod partikulari rigward ir-rispett għad-dritt tat-tfal għal edukazzjoni u aċċess għall-kura tas-saħħa. Meta minorenni jkun fi Stat Membru ieħor għajr dak li fih ikun meħtieġ li jkun preżenti, l-Istati Membri għandhom jipprovdu lill-minorenni b'aċċess għal attivitajiet edukattivi xierqa sakemm jiġu trasferiti lejn l-Istat Membru responsabbli. Għandhom jitqiesu l-ħtiġijiet speċifiċi tal-applikanti nisa li jkunu esperjenzaw trawma abbażi tas-sess tagħhom, anke permezz ta' żgurar ta' aċċess, fi stadji differenti tal-proċedura tal-asil, għal kura medika, appoġġ legali, u għal konsulenza għal trawma u kura psikosoċjali.

(32)   Jenħtieġ li l-Istati Membri, fiċ-ċirkustanzi kollha, jiżguraw l-aċċess għall-kura tas-saħħa. Iridu jitqiesu l-ħtiġijiet speċifiċi tat-tfal, b'mod partikulari rigward ir-rispett għad-dritt tat-tfal għal edukazzjoni u aċċess għall-kura tas-saħħa. Jenħtieġ li jitqiesu l-ħtiġijiet speċifiċi tal-applikanti, b'mod partikolari dawk nisa, li jkunu esperjenzaw vjolenza sesswali jew abbażi ta' sess, anke permezz ta' żgurar ta' aċċess, fi stadji differenti tal-proċedura tal-asil, għall-kura medika, l-appoġġ legali, u għal konsulenza għal trawma u kura psikosoċjali xierqa. Tali applikanti jenħtieġ li jitqiesu bħala persuni bi ħtiġijiet ta' akkoljenza speċjali.

Test propost mill-Kummissjoni

Emenda

(33)   L-ambitu tad-definizzjoni ta' membru tal-familja għandu jirrifletti r-realtà tat-tendenzi migratorji attwali, li skonthom l-applikanti ta' spiss jaslu fit-territorju tal-Istati Membri wara perjodu mtawwal ta' żmien fi tranżitu. Għaldaqstant, id-definizzjoni għandha tinkludi familji ffurmati barra mill-pajjiż ta' oriġini, iżda qabel il-wasla fit-territorju tal-Istati Membri.

(33)   L-ambitu tad-definizzjoni ta' membru tal-familja jenħtieġ li ma jkunx diskriminatorju u jenħtieġ li jirrifletti r-realtà tat-tendenzi migratorji attwali, li skonthom l-applikanti ta' spiss jaslu fit-territorju tal-Istati Membri wara perjodu mtawwal ta' żmien fi tranżitu. Għaldaqstant, jenħtieġ li d-definizzjoni tinkludi familji ffurmati barra mill-pajjiż ta' oriġini, iżda qabel il-wasla fit-territorju tal-Istati Membri. Jenħtieġ li l-Istati Membri japplikaw id-definizzjoni ta' membru tal-familja bi qbil mal-Karta tad-Drittijiet Fundamentali tal-Unjoni Ewropea, il-Konvenzjoni tal-Kunsill tal-Ewropa għall-Protezzjoni tad-Drittijiet tal-Bniedem u tal-Libertajiet Fundamentali u l-ġurisprudenza tal-Qorti Ewropea tad-Drittijiet tal-Bniedem dwar l-ambitu tad-definizzjoni ta' familja, waqt li jitqiesu ċ-ċirkostanzi differenti tad-dipendeza u l-attenzjoni partikolari li għandha tingħata lill-aħjar interessi tat-tfal, tiġi ssottolinjata l-importanza li jitħarsu l-applikanti nisa, li jkunu l-vittma ta' żwieġ fit-tfulija, prekoċi jew sfurzat. Jenħtieġ li ma ssirx diskriminazzjoni kontra l-koppji mhux miżżewġin minħabba raġunijiet ta' orjentazzjoni sesswali jew identità tal-ġeneru.

Test propost mill-Kummissjoni

Emenda

(34)   Sabiex tkun promossa l-awtosuffiċjenza tal-applikanti u biex ikunu limitati d-diskrepanzi kbar bejn l-Istati Membri, huwa essenzjali li jingħataw regoli ċari dwar l-aċċess tal-applikanti għas-suq tax-xogħol ð u li jiġi żgurat li dan l-aċċess ikun effettiv, billi ma jiġux imposti kundizzjonijiet li effettivament ixekklu lil applikant milli jfittex impjieg. It-testijiet tas-suq tax-xogħol użati biex jagħtu prijorità liċ-ċittadini jew lil ċittadini oħrajn tal-Unjoni jew lil ċittadini ta' pajjiż terz legalment residenti fl-Istat Membru kkonċernat ma għandhomx ixekklu l-aċċess effettiv għall-applikanti lejn is-suq tax-xogħol u għandhom jiġu implimentati mingħajr preġudizzju għall-prinċipju ta' preferenza għaċ-ċittadini tal-Unjoni kif espress fid-dispożizzjonijiet rilevanti tal-Atti tal-Adeżjoni applikabbli. ï

(34)   Sabiex tkun promossa l-awtosuffiċjenza tal-applikanti u biex ikunu limitati d-diskrepanzi kbar bejn l-Istati Membri, huwa essenzjali li jingħataw regoli ċari dwar l-aċċess tal-applikanti għas-suq tax-xogħol u li jiġi żgurat li dan l-aċċess ikun effettiv, billi ma jiġux imposti kundizzjonijiet li effettivament ixekklu lil applikant milli jfittex impjieg.

Test propost mill-Kummissjoni

Emenda

(35)   Il-perjodu ta' żmien massimu għall-aċċess għas-suq tax-xogħol għandu jkun allinjat mat-tul tal-proċedura ta' eżami dwar il-merti. Sabiex jiżdiedu l-prospetti ta' integrazzjoni u awtosuffiċjenza tal-applikanti, huwa mħeġġeġ aċċess għas-suq tax-xogħol fejn l-applikazzjoni aktarx ikollha bażi tajba, inkluż meta l-eżami tagħha jkun ġie prijoritizzat skont ir-Regolament (UE) Nru XXX/XXX [ir-Regolament dwar il-Proċeduri]. Għaldaqstant, l-Istati Membri għandhom iqisu li jnaqqsu dak il-perjodu ta' żmien kemm jista' jkun bil-ħsieb li jiżguraw li l-applikanti jkollhom aċċess għas-suq tax-xogħol mhux aktar tard minn 3 xhur mid-data meta l-applikazzjoni tkun ġiet ippreżentata f'każijiet fejn l-applikazzjoni aktarx ikollha bażi tajba. Madankollu, l-Istati Membri ma għandhomx jagħtu aċċess għas-suq tax-xogħol lil applikanti li l-applikazzjoni tagħhom għall-protezzjoni internazzjonali aktarx tkun bla bażi u li tkun ġiet applikata proċedura ta' eżami aċċellerata.

(35)   Sabiex jiżdiedu l-prospetti ta' integrazzjoni u l-awtosuffiċjenza tal-applikanti, jenħtieġ li jiġi pprovdut aċċess immedjat għas-suq tax-xogħol.

Test propost mill-Kummissjoni

Emenda

(40a)   Il-ħiliet lingwistiċi huma indispensabbli sabiex jiġi żgurat li l-applikanti jkollhom standard ta' għajxien adegwat, li jingħataw aċċess immedjat għas-suq tax-xogħol u li l-kundizzjonijiet ta' akkoljenza materjali tagħhom, inklużi oġġetti mhux tal-ikel, jiġu salvagwardjati. It-tagħlim tal-lingwa uffiċjali jew ta' waħda mil-lingwi uffiċjali tal-Istat Membru kkonċernat kieku jżid l-awtosuffiċjenza u ċ-ċans ta' integrazzjoni fis-soċjetà ospitanti, u jikkostitwixxi deterrent kontra movimenti sekondarji. Jenħtieġ għalhekk li jingħata aċċess effettiv għall-korsijiet lingwistiċi lill-applikanti kollha mid-data meta ssir l-applikazzjoni tagħhom għal protezzjoni internazzjonali.

Test propost mill-Kummissjoni

Emenda

(10)   "ħarba"; tfisser l-azzjoni li biha applikant, sabiex jevita l-proċeduri tal-asil, jitlaq mit-territorju fejn ikun meħtieġ li jkun preżenti skont ir-Regolament (UE) Nru XXX/XXX [ir-Regolament ta' Dublin] jew ma jibqax għad-dispożizzjoni tal-awtoritajiet kompetenti jew tal-qorti jew tat-tribunal;

(10)   "ħarba"; tfisser azzjoni deliberata biex jiġu evitati l-proċeduri applikabbli tal-asil u ċ-ċirkostanza fattwali li dak li jkun ma jkunx għadu disponibbli għall-awtoritajiet rilevanti;

__________________

__________________

32 ĠU C […], […], p. […].

32 ĠU C […], […], p. […].

Test propost mill-Kummissjoni

Emenda

(11)   "riskju ta' ħarba": tfisser l-eżistenza ta' raġunijiet f'każ individwali, li jkunu bbażati fuq kriterji oġġettivi ddefiniti mid-dritt nazzjonali, biex wieħed jemmen li applikant jista' jaħrab;

(11)   "riskju ta' ħarba": tfisser l-eżistenza ta' raġunijiet speċifiċi f'każ individwali, li jkunu bbażati fuq kriterji oġġettivi u speċifiċi, bi qbil mal-linji gwida tal-Aġenzija tal-Unjoni Ewropea għall-Asil u mad-dritt nazzjonali, biex wieħed jemmen li applikant jista' jaħrab, imma ma jinkludux kriterji bħal sempliċement li l-persuna hija applikant fi ħdan it-tifsira tar-Regolament (UE) .../... [ir-Regolament dwar il-Proċeduri], jew in-nazzjonalità tal-persuna, li huma ta' natura ġenerali;

Test propost mill-Kummissjoni

Emenda

(13)   "applikant bi ħtiġijiet ta' akkoljenza speċjali": tfisser applikant li jeħtieġ garanziji speċjali sabiex jibbenefika mid-drittijiet u biex josserva l-obbligi stipulati f'din id-Direttiva, bħal applikanti li huma minorenni, minorenni mhux akkumpanjati, persuni b'diżabilità, anzjani, nisa tqal, ġenituri singoli bi tfal minorenni, vittmi ta' traffikar ta' bnedmin, persuni b'mard serju, persuni b'diżordnijiet mentali u persuni li ġew soġġetti għal tortura, stupru jew forom serji oħrajn ta' vjolenza psikoloġika, fiżika jew sesswali, bħal vittmi ta' mutilazzjoni ġenitali femminili ï .

(13)   "applikant bi ħtiġijiet ta' akkoljenza speċjali": tfisser applikant li jeħtieġ garanziji speċjali sabiex jibbenefika mid-drittijiet u biex josserva l-obbligi stipulati f'din id-Direttiva, bħal applikanti li huma minorenni, minorenni mhux akkumpanjati, persuni b'diżabilità, anzjani, nisa tqal, nisa mhux f'koppja, tfajliet adolexxenti, familji mmexxija minn nisa, persuni lesbjani, bisesswali, transġeneru u intersesswali, ġenituri singoli bi tfal minorenni, vittmi ta' traffikar ta' bnedmin, vittmi ta' żwieġ fit-tfulija, prekoċi jew sfurzat, persuni li ma jemmnux, apostati u minoranzi reliġjużi, persuni b'mard serju, persuni b'diżordnijiet mentali, inklużi disturbi minn stress postrawmatiku, u persuni li ġew soġġetti għal tortura, stupru jew forom serji oħrajn ta' vjolenza psikoloġika, fiżika, immotivata minn preġudizzju, sesswali jew abbażi ta' sess, bħal vittmi ta' mutilazzjoni ġenitali femminili.

Test propost mill-Kummissjoni

Emenda

1.   L-Istati Membri għandhom jgħarrfu lill-applikanti ð malajr kemm jista' jkun u mhux aktar tard minn meta jippreżentaw ï l-applikazzjoni tagħhom għall-protezzjoni internazzjonali, b'xi benefiċċji stabbiliti u bl-obbligi li magħhom għandhom jikkonformaw ruħhom konnessi mal-kundizzjonijiet ta' akkoljenza . Għandhom jenfasizzaw fl-informazzjoni pprovduta li l-applikant mhuwiex intitolat għall-kundizzjonijiet ta' akkoljenza stabbiliti fl-Artikoli 14 sa 17 ta' din id-Direttiva kif stabbilit fl-Artikolu 17a tal-istess Direttiva fi kwalunkwe Stat Membru għajr fejn huwa jkun meħtieġ li jkun preżenti skont ir-Regolament (UE) Nru XXX/XXX [ir-Regolament ta' Dublin].

1.   L-Istati Membri għandhom jgħarrfu lill-applikanti ð malajr kemm jista' jkun u mhux aktar tard minn meta jippreżentaw ï l-applikazzjoni tagħhom għall-protezzjoni internazzjonali, b'xi benefiċċji stabbiliti u bl-obbligi li magħhom għandhom jikkonformaw ruħhom konnessi mal-kundizzjonijiet ta' akkoljenza . Għandhom jindikaw fl-informazzjoni pprovduta, liema kundizzjonijiet ta' akkoljenza l-applikanti huma intitolati għalihom, il-konsegwenzi ta' ħarba, ir-raġunijiet għad-detenzjoni, ir-raġunijiet għal sostituzzjoni, tnaqqis jew irtirar ta' kondizzjonijiet ta' akkoljenza, id-dritt ta' appell kontra d-detenzjoni jew deċiżjonijiet relatati mas-sostituzzjoni, it-tnaqqis jew l-irtirar tal-kundizzjonijiet tal-akkoljenza. L-Istati Membri għandhom jinfurmaw ukoll lill-applikanti dwar il-proċeduri relevanti tal-asil, u d-drittijiet mogħtija wara li jkunu ngħataw l-istatus ta' refuġjat.

Test propost mill-Kummissjoni

Emenda

2.   L-Istati Membri għandhom jiżguraw li l-informazzjoni li jirreferi għaliha l-paragrafu 1 tkun bil-miktub u tintuża formola standard li tiġi żviluppata mill-Aġenzija tal-Unjoni Ewropea għall-Asil u f'lingwa li l-applikant jifhem jew huwa raġonevolment maħsub li jifhem. Fejn meħtieġ, din l-informazzjoni għandha wkoll tkun mogħtija bil-fomm u adattata għall-ħtiġijiet tal-minorenni.

2.   L-Istati Membri għandhom jiżguraw li l-informazzjoni li jirreferi għaliha l-paragrafu 1 tkun bil-miktub, b'mod konċiż, trasparenti, jinftiehem u faċilment aċċessibbli, u jintuża lingwaġġ ċar u sempliċi u formola standard li tiġi żviluppata mill-Aġenzija tal-Unjoni Ewropea għall-Asil u f'lingwa li l-applikant jifhem jew huwa raġonevolment maħsub li jifhem. Din għandha tinkludi informazzjoni rilevanti dwar iċ-ċirkostanzi personali li jistgħu jirriżultaw fi ħtiġijiet speċjali ta' akkoljenza jew jekk hemmx bżonn ta' garanziji proċedurali speċjali kif previsti f'din id-Direttiva u f[ir-Regolament dwar il-Proċeduri]. Fejn tkun meħtieġa, din l-informazzjoni għandha wkoll tkun mogħtija oralment u f'għamla viżwali permezz ta' filmati jew stampi u għandha tiġi adattata għall-ħtiġijiet tal-minorenni jew persuni bi bżonnijiet speċjali ta' akkoljenza.

Test propost mill-Kummissjoni

Emenda

L-Istati Membri għandhom jipprovdu lill-applikanti dokument tal-ivvjaġġar biss meta raġunijiet umanitarji serji jew raġunijiet imperattivi oħrajn jirrekjedu l-preżenza tagħhom fi Stat ieħor. Il-validità tad-dokumenti tal-ivvjaġġar tkun limitata wkoll għall-finijiet u għat-tul meħtieġ għar-raġuni li minħabba fiha jkunu nħarġu.

L-Istati Membri għandhom jipprovdu lill-applikanti b'dokument tal-ivvjaġġar mingħajr dewmien, meta jkun hemm bżonn il-preżenza tal-applikant fi Stat ieħor, b'mod partikolari għal raġunijiet bħal meta applikant jeħtieġ li jivvjaġġa lejn Stat Membru ieħor għat-trattament mediku jew biex iżur qraba f'każijiet partikolari, bħal pereżempju żjarat lil qraba li huma morda serjament, jew biex jattendu żwiġijiet jew funerali ta' qraba. Raġunijiet oħrajn jistgħu jinkludu każijiet fejn l-applikanti li jkunu ngħataw aċċess għas-suq tax-xogħol ikunu meħtieġa li jagħmlu vjaġġi essenzjali għal raġunijiet ta' xogħol, jew fejn l-applikanti jkunu jeħtieġu jivvjaġġaw bħala parti mill-kurrikula ta' studju jew meta l-minorenni jkunu qed jivvjaġġaw ma' familji tar-rispett. Il-validità tad-dokumenti tal-ivvjaġġar tkun limitata wkoll għall-finijiet u għat-tul meħtieġ għar-raġuni li minħabba fiha jkunu nħarġu.

Test propost mill-Kummissjoni

Emenda

2.   L-Istati Membri, fejn meħtieġ, għandhom jiddeċiedu dwar ir-residenza ta' applikant f'post speċifiku għal kwalunkwe waħda mir-raġunijiet li ġejjin:

2.   L-Istati Membri jistgħu, fejn meħtieġ, jiddeċiedu dwar ir-residenza ta' applikant f'post speċifiku bħal ċentru ta' akkomodazzjoni, dar privata, appartament, lukanda jew binjiet oħra li jiġu addattati biex jakkomodaw l-applikanti, fuq il-bażi ta' kriterji oġġettivi definiti mil-liġi nazzjonali u ta' deċiżjoni mill-awtoritajiet ġudizzjarji, għal kwalunkwe waħda mir-raġunijiet li ġejjin:

Test propost mill-Kummissjoni

Emenda

(c)   għall-ipproċessar rapidu u l-monitoraġġ effettiv tal-proċedura tiegħu biex jiġi ddeterminat l-Istat Membru responsabbli skont ir-Regolament (UE) Nru XXX/XXX [ir-Regolament ta' Dublin];

imħassar

Test propost mill-Kummissjoni

Emenda

(d)   biex jipprevjenu b'mod effettiv li l-applikant jaħrab, b'mod partikulari:

(d)   biex jipprevjenu b'mod effettiv li l-applikant jaħrab fejn ikun ġie stabbilit mill-awtoritajiet rilevanti li hemm riskju ta' ħarba, b'mod partikulari:

Test propost mill-Kummissjoni

Emenda

-   għall-applikanti li ma jkunux ikkonformaw mal-obbligu li jagħmlu applikazzjoni fl-ewwel Stat Membru ta' daħla kif stabbilit fl-Artikolu [4(1)] tar-Regolament (UE) Nru XXX/XXX [ir-Regolament ta' Dublin] u jkunu vvjaġġaw lejn Stat Membru ieħor mingħajr ġustifikazzjoni adegwata u jkunu għamlu applikazzjoni hemm; jew

-   għall-applikanti li deliberatament ma jkunux ikkonformaw mal-obbligu li jagħmlu applikazzjoni fl-ewwel Stat Membru ta' daħla kif stabbilit fl-Artikolu [4(1)] tar-Regolament (UE) Nru XXX/XXX [ir-Regolament ta' Dublin] sabiex jiġu evitata l-proċeduri tal-asil applikabbli, u jkunu vvjaġġaw lejn Stat Membru ieħor mingħajr ġustifikazzjoni adegwata u jkunu għamlu applikazzjoni hemm; jew

Test propost mill-Kummissjoni

Emenda

3.   Meta jkun hemm raġunijiet biex wieħed iqis li hemm riskju li applikant jista' jaħrab, l-Istati Membri għandhom, meta meħtieġ, jitolbu lill-applikant jirraporta lill-awtoritajiet kompetenti, jew jidher quddiemhom fiżikament, mingħajr dewmien jew fi żmien speċifikat ta' spiss skont kemm meħtieġ biex jipprevjenu b'mod effettiv lill-applikant milli jaħrab.

3.   Meta jkun hemm raġunijiet biex wieħed iqis li hemm riskju li applikant jista' jaħrab, l-Istati Membri jistgħu, meta meħtieġ u b'mod proporzjonat u fuq il-bażi ta' deċiżjoni tal-awtoritajiet ġudizzjarji, jitolbu lill-applikant jirraporta lill-awtoritajiet kompetenti, jew jidher quddiemhom fiżikament, mingħajr dewmien jew fi żmien speċifikat ta' spiss skont kemm meħtieġ biex jipprevjenu b'mod effettiv lill-applikant milli jaħrab.

Test propost mill-Kummissjoni

Emenda

8.   L-Istati Membri għandhom jiddikjaraw raġunijiet fil-fatt u, meta rilevanti, fil-liġi fi kwalunkwe deċiżjoni li tittieħed skont dan l-Artikolu. L-applikanti għandhom jiġu infurmati immedjatament bil-miktub, f'lingwa li jifhmu jew li huma raġonevolment maħsuba li jifhmu, bl-adozzjoni ta' din id-deċiżjoni, bil-proċeduri biex jikkontestaw id-deċiżjoni skont l-Artikolu 25 u bil-konsegwenzi ta' nuqqas ta' konformita mal-obbligi imposti mid-deċiżjoni.

8.   L-Istati Membri għandhom jiddikjaraw raġunijiet fil-fatt u, meta rilevanti, fil-liġi fi kwalunkwe deċiżjoni li tittieħed skont dan l-Artikolu. L-applikanti għandhom jiġu infurmati immedjatament bil-miktub, f'lingwa li jifhmu jew li huma raġonevolment maħsuba li jifhmu b'mod konċiż, trasparenti, jinftiehem u faċilment aċċessibbli, u jintuża lingwaġġ ċar u sempliċi, bl-adozzjoni ta' din id-deċiżjoni, bil-proċeduri biex jikkontestaw id-deċiżjoni skont l-Artikolu 25 u bil-konsegwenzi ta' nuqqas ta' konformita mal-obbligi imposti mid-deċiżjoni.

Test propost mill-Kummissjoni

Emenda

1.   L-Istati Membri m'għandhomx iżommu persuna f'detenzjoni għall-unika raġuni li hija applikant.

1.   L-Istati Membri m'għandhomx iżommu persuna f'detenzjoni għall-unika raġuni li huwa/hija applikant jew fuq il-bażi tan-nazzjonalità tal-applikant. Id-detenzjoni għandha tkun ibbażata fuq deċiżjoni tal-awtoritajiet ġudizzjarji, għandha tkun strettament meħtieġa biex jiżgura t-twettiq ta' obbligu speċifiku u konkret fuq l-applikant, għandha tintemm hekk kif l-obbligu speċifiku u konkret jkun ġie ssodisfat, u ma għandiex tkun ta' natura punittiva.

Test propost mill-Kummissjoni

Emenda

(d)   sabiex tittieħed deċiżjoni, fil-kuntest ta' proċedura ð fuq il-fruntiera skont l-Artikolu [41] tar-Regolament (UE) Nru XXX/XXX [ir-Regolament dwar il-Proċeduri] ï, fuq id-dritt tal-applikant sabiex jidħol fit-territorju;

imħassar

Test propost mill-Kummissjoni

Emenda

Id-detenzjoni tal-applikanti għandha tiġi ordnata bil-miktub minn awtoritajiet ġudizzjarji jew amministrattivi. L-ordni tad-detenzjoni għandha tiddikjara r-raġunijiet fil-fatt u bi dritt li fuqhom hija bbażata.

Id-detenzjoni tal-applikanti għandha tiġi ordnata bil-miktub minn awtoritajiet ġudizzjarji jew amministrattivi. L-ordni tad-detenzjoni għandha tiddikjara r-raġunijiet fil-fatt u bi dritt li fuqhom hija bbażata u għandha tinkludi referenza għall-kunsiderazzjoni tal-alternattivi disponibbli u r-raġunijiet għaliex ma jkunux jistgħu jiġu applikati b'mod effettiv.

Test propost mill-Kummissjoni

Emenda

Meta d-detenzjoni tiġi ordnata minn awtoritajiet amministrattivi, l-Istati Membri għandhom jipprevedu eżami ġudizzjarju rapidu tal-legalità tad-detenzjoni li jiġi mwettaq ex officio u/jew fuq talba tal-applikant. Meta jitwettaq ex officio tali eżami għandu jiġi deċiż mill-aktar fis possibbli mill-bidu tad-detenzjoni. Meta jitwettaq fuq talba tal-applikant, huwa għandu jiġi deċiż mill-aktar fis possibbli wara t-tnedija tal-proċedimenti rilevanti. Għal dan il-għan, l-Istati Membri għandhom jiddefinixxu fil-liġi nazzjonali l-perjodu li fih għandhom jitwettqu l-eżami ex officio u/jew l-eżami fuq talba tal-applikant.

imħassar

Meta, b'riżultat tal-eżami ġudizzjarju, id-detenzjoni tinstab li kienet illegali, l-applikant ikkonċernat għandu jinħeles minnufih.

Test propost mill-Kummissjoni

Emenda

Id-detenzjoni għandha tiġi eżaminata minn awtorità ġudizzjarja f'intervalli raġonevoli ta' żmien, ex officio u/jew fuq talba tal-applikant ikkonċernat, b'mod partikolari kull meta din tkun għal perjodu estiż, iqumu ċirkostanzi relevanti jew issir disponibbli informazzjoni ġdida li jista' jkollha effett fuq il-legalità tad-detenzjoni.

Id-detenzjoni għandha tiġi eżaminata minn awtorità ġudizzjarja f'intervalli raġonevoli ta' żmien, ex officio u/jew fuq talba tal-applikant ikkonċernat, b'mod partikolari kull meta din tkun għal perjodu estiż, iqumu ċirkostanzi relevanti jew issir disponibbli informazzjoni ġdida li jista' jkollha effett fuq il-legalità tad-detenzjoni. Meta, b'riżultat tal-eżami ġudizzjarju, id-detenzjoni tinstab li kienet illegali, l-applikant ikkonċernat għandu jinħeles minnufih.

Test propost mill-Kummissjoni

Emenda

Fil-każijiet ta' eżami ġudizzjarju tal-ordni tad-detenzjoni previst fil-paragrafu 3, l-Istati Membri għandhom jiżguraw li l-applikanti għandhom aċċess għal assistenza u rappreżentanza legali mingħajr ħlas. Dan għandu jinkludi, tal-anqas, it-tħejjija tad-dokumenti proċedurali meħtieġa u l-parteċipazzjoni fis-smigħ quddiem l-awtoritajiet ġudizzjarji f'isem l-applikant.

Fil-każijiet ta' eżami ġudizzjarju tal-ordni tad-detenzjoni previst fil-paragrafu 5, l-Istati Membri għandhom jiżguraw li l-applikanti għandhom aċċess għal assistenza u rappreżentanza legali mingħajr ħlas. Dan għandu jinkludi, tal-anqas, it-tħejjija tad-dokumenti proċedurali meħtieġa u l-parteċipazzjoni fis-smigħ quddiem l-awtoritajiet ġudizzjarji f'isem l-applikant.

Test propost mill-Kummissjoni

Emenda

1.   L-Istati Membri għandhom jiżguraw li l-applikanti jkollhom aċċess għas-suq tax-xogħol mhux iktar tard minn 6 xhur mid-data meta l-applikazzjoni għall-protezzjoni internazzjonali kienet ippreżentata jekk deċiżjoni amministrattiva ma titteħidx mill-awtorità kompetenti u d-dewmien ma jistax ikun attribwit lill-applikant.

1.   L-Istati Membri għandhom jiżguraw li l-applikanti jkollhom aċċess għas-suq tax-xogħol mid-data meta l-applikazzjoni għall-protezzjoni internazzjoni kienet ippreżentata.

Test propost mill-Kummissjoni

Emenda

Għal raġunijiet ta' politika tas-suq tax-xogħol, l-Istati Membri jistgħu jivverifikaw jekk post vakanti jimteliex minn ċittadini tal-Istati Membri kkonċernati jew minn ċittadini tal-Unjoni oħrajn jew minn ċittadini legalment residenti f'dak l-Istat Membru.

imħassar

Test propost mill-Kummissjoni

Emenda

Artikolu 15 a

korsijiet tal-lingwa

L-Istati Membri għandhom jipprovdu lill-applikanti b'aċċess effettiv għall-korsijiet tal-lingwa b'xejn mid-data meta l-applikazzjoni għal protezzjoni internazzjonali tkun ġiet ippreżentata. Madankollu, l-Istati Membri jistgħu jirrikjedu lill-applikanti li jkopru jew jikkontribwixxu għall-ispejjeż ta' korsijiet bħal dawn, f'konformità mal-kundizzjonijiet stabbiliti fl-Artikolu 16(4) u (5).

Test propost mill-Kummissjoni

Emenda

1.   Meta akkomodazzjoni tkun ipprovduta fi djar, din tipprovdi standard adegwat tal-għajxien u tieħu waħda jew għaqda tal-forom li ġejjin:

1.   Fejn akkomodazzjoni tkun ipprovduta fi djar, din għandha tipprovdi standard adegwat tal-għajxien, bl-għan li jiġu adattati għall-applikanti, kont meħud tas-sitwazzjonijiet u tal-ħtiġijiet speċifiċi tagħhom matul il-proċedura ta' applikazzjoni sabiex jiġi evitat ċaqliq bejn id-diversi postijiet ta' akkomodazzjoni, u għandha tieħu waħda jew għaqda tal-forom li ġejjin:

Test propost mill-Kummissjoni

Emenda

3.   L-Istati Membri għandhom jikkunsidraw interessi speċifiċi tas-sess u l-età u s-sitwazzjoni tal- applikanti bi bżonnijiet ta' akkoljenza speċjali meta jiġu pprovduti kundizzjonijiet ta' akkoljenza materjali.

3.   L-Istati Membri għandhom jikkunsidraw interessi speċifiċi tas-sess u l-età u s-sitwazzjoni tal- applikanti bi bżonnijiet ta' akkoljenza speċjali meta jiġu pprovduti kundizzjonijiet ta' akkoljenza materjali. Barra mill-età u s-sess, l-Istati Membri għandhom ukoll iqisu d-diversità (l-approċċ età, ġeneru, diversità).

Test propost mill-Kummissjoni

Emenda

4.   L-Istati Membri għandhom jieħdu miżuri xierqa sabiex jipprevjenu attakki u vjolenza bbażata fuq is-sess inkluż l-attakk u l-fastidju sesswali meta tiġi pprovduta akkomodazzjoni.

4.   L-Istati Membri għandhom jieħdu miżuri xierqa sabiex jipprevjenu attakki u vjolenza bbażata fuq is-sess inkluż l-attakk u l-fastidju sesswali kif ukoll il-forom kollha ta' vjolenza mwettqa abbażi ta' preġudizzju u motiv diskriminatorju relatat mal-karatteristiċi personali tal-vittmi kif imsemmi fl-Artikolu 22(3) tad-Direttiva 2012/29/UE tal-Parlament Ewropew u tal-Kunsill1a meta tiġi pprovduta akkomodazzjoni.

1a Direttiva 2012/29/UE tal-Parlament Ewropew u tal-Kunsill tal-25 ta' Ottubru 2012 li tistabbilixxi standards minimi fir-rigward tad-drittijiet, l-appoġġ u l-protezzjoni tal-vittmi tal-kriminalità, u li tissostitwixxi d-Deċiżjoni Qafas tal-Kunsill 2001/220/ĠAI (ĠU L 315, 14.11.2012, p. 57).

Test propost mill-Kummissjoni

Emenda

Tali kundizzjonijiet differenti għandhom fi kwalunkwe ċirkustanza jiżguraw l-aċċess għall-kura tas-saħħa skont l-Artikolu 18 u standard tal-għajxien dinjituż għall-applikanti kollha.

Tali kundizzjonijiet differenti għandhom fi kwalunkwe ċirkustanza jiżguraw l-aċċess sħiħ għall-kura tas-saħħa skont l-Artikolu 18 u standard tal-għajxien dinjituż għall-applikanti kollha li fihom is-sikurezza tagħhom tkun garantita u l-bżonnijiet speċjali ta' akkoljenza tagħhom ikunu identifikati, reġistrati u ssodisfati.

Test propost mill-Kummissjoni

Emenda

Artikolu 17a

imħassar

Kundizzjonijiet ta' akkoljenza fi Stat Membru għajr dak li fih l-applikant ikun meħtieġ ikun preżenti

1.   Applikant ma għandux ikun intitolat għal kundizzjonijiet ta' akkoljenza stabbiliti fl-Artikoli 14 sa 17 fi kwalunwe Stat Membru għajr dak li fih ikun meħtieġ ikun preżenti skont ir-Regolament (UE) Nru XXX/XXX [ir-Regolament ta' Dublin].

2.   L-Istati Membri għandhom jiżguraw standard ta' għajxien dinjituż għall-applikanti kollha.

3.   Sakemm minorenni jiġi trasferit lejn l-Istat Membru responsabbli skont ir-Regolament (UE) Nru XXX/XXX [ir-Regolament ta' Dublin], l-Istati Membri għandhom jipprovdulu aċċess għall-attivitajiet edukattivi xierqa.

Test propost mill-Kummissjoni

Emenda

1.   Rigward l-applikanti li huma meħtieġa jkunu preżenti fit-territorju skont ir-Regolament (UE) Nru XXX/XXX [ir-Regolament ta' Dublin], l-Istati Membri jistgħu, fis-sitwazzjonijiet deskritti fil-paragrafu 2:

1.   Rigward l-applikanti l-Istati Membri jistgħu, fis-sitwazzjonijiet deskritti fil-paragrafu 2, u fuq il-bażi ta' deċiżjoni tal-awtoritajiet ġudizzjarji:

Test propost mill-Kummissjoni

Emenda

(g)   ma jkunx ikkonforma mal-obbligu stabbilit fl-Artikolu [4(1)] tar-Regolament (UE) Nru XXX/XXX [ir-Regolament ta' Dublin] u jkun ivvjaġġa lejn Stat Membru ieħor mingħajr ġustifikazzjoni adegwata u jkun għamel applikazzjoni hemm; jew

imħassar

Test propost mill-Kummissjoni

Emenda

(h)  ikun intbagħat lura wara li jkun ħarab lejn Stat Membru ieħor.

imħassar

Test propost mill-Kummissjoni

Emenda

(c)   jirreferi lil applikanti għand tabib jew psikoloġista għal valutazzjoni ulterjuri tal-istat psikoloġiku u fiżiku tagħhom meta jkun hemm indikazzjonijiet li l-applikanti setgħu kienu vittma ta' tortura, stupru jew forma serja oħra ta' vjolenza psikoloġika, fiżika jew sesswali u li dan jista' jaffettwa l-ħtiġijiet ta' akkoljenza tal-applikant; u

(c)   jirreferi lil applikanti għand tabib jew psikoloġista għal valutazzjoni ulterjuri tal-istat psikoloġiku u fiżiku tagħhom meta jkun hemm indikazzjonijiet li l-applikanti setgħu kienu vittma ta' tortura, stupru jew forma serja oħra ta' vjolenza psikoloġika, fiżika, motivata mill-preġudizzju jew vjolenza sesswali u abbażi tas-sess u li dan jista' jaffettwa l-ħtiġijiet ta' akkoljenza tal-applikant. u u

Test propost mill-Kummissjoni

Emenda

1.   L-Istati Membri għandhom jiżguraw li persuni li kienu soġġetti għal ħsara abbażi tas-sess tagħhom, tortura, stupru jew atti serji oħra ta' vjolenza oħra jirċievu t-trattament meħtieġ għad-danni kkawżati b'tali atti b'mod partikolari aċċess għal servizzi ta' trattament jew kura mediċi u psikoloġiċi adatti.

1.   L-Istati Membri għandhom jiżguraw li persuni li kienu soġġetti għal vjolenza sesswali u u abbażi tas-sess tagħhom u forom oħra ta' vjolenza motivata mill-preġudizzju tagħhom, tortura, stupru jew atti serji oħra ta' vjolenza oħra jirċievu t-trattament meħtieġ għad-danni kkawżati b'tali atti b'mod partikolari aċċess għal servizzi ta' trattament jew kura mediċi u psikoloġiċi adatti.

Test propost mill-Kummissjoni

Emenda

1.   L-Istati Membri għandhom jieħdu miżuri xierqa biex jiżguraw li l-awtoritajiet u organizzazzjonijiet oħra li jimplimentaw din id-Direttiva jkunu rċevew it-taħriġ meħtieġ fir-rigward tal-ħtiġijiet tal-applikanti kemm irġiel u kemm nisa. Għal dan il-għan, l-Istati Membri għandhom jintegraw il-kurrikulu Ewropew tal-asil żviluppat mill-Aġenzija tal-Unjoni Ewropea għall-Asil fit-taħriġ tal-persunal tagħhom skont ir-Regolament (UE) Nru XXX/XXX [ir-Regolament dwar l-Aġenzija tal-Unjoni Ewropea għall-Asil].

1.   L-Istati Membri għandhom jieħdu miżuri xierqa biex jiżguraw li l-awtoritajiet u organizzazzjonijiet oħra li jimplimentaw din id-Direttiva jkunu rċevew it-taħriġ meħtieġ fir-rigward tal-ħtiġijiet tal-applikanti kemm irġiel u kemm nisa. Għal dan il-għan, l-Istati Membri għandhom jintegraw il-kurrikulu Ewropew tal-asil żviluppat mill-Aġenzija tal-Unjoni Ewropea għall-Asil fit-taħriġ tal-persunal tagħhom skont ir-Regolament (UE) Nru XXX/XXX [ir-Regolament dwar l-Aġenzija tal-Unjoni Ewropea għall-Asil], jenfasizzaw l-importanza li jiġu identifikati b'mod attiv l-ħtiġijiet speċjali ta' akkoljenza (approċċ età, ġeneru, diversità) u l-prevenzjoni adegwata u l-attivitajiet ta' rispons għall-vjolenza sesswali u abbażi tas-sess u l-vjolenza motivata mill-preġudizzju mid-data meta l-applikazzjoni għal protezzjoni internazzjonali tkun ġiet ippreżentata.

Test propost mill-Kummissjoni

Emenda

Sa mhux aktar tard minn [tliet snin wara d-dħul fis-seħħ ta' din id-Direttiva], u mill-inqas ħames snin minn dak iż-żmien 'il quddiem, il-Kummissjoni għandha tippreżenta rapport lill-Parlament Ewropew u lill-Kunsill dwar l-applikazzjoni ta' din id-Direttiva u għandha tipproponi kwalunkwe emenda li tkun meħtieġa.

Sa mhux aktar tard minn [sena wara d-dħul fis-seħħ ta' din id-Direttiva], u mill-inqas ħames snin minn dak iż-żmien 'il quddiem, il-Kummissjoni għandha tippreżenta rapport lill-Parlament Ewropew u lill-Kunsill dwar l-applikazzjoni ta' din id-Direttiva u għandha tipproponi kwalunkwe emenda li tkun meħtieġa.

Test propost mill-Kummissjoni

Emenda

L-Istati Membri, fuq talba tal-Kummissjoni, għandhom jibagħtu l-informazzjoni neċessarja għat-tfassil tar-rapport sa [sentejn wara d-dħul fis-seħħ ta' din id-Direttiva] u kull ħames snin minn dak iż-żmien 'il quddiem.

L-Istati Membri, fuq talba tal-Kummissjoni, għandhom jibagħtu l-informazzjoni neċessarja għat-tfassil tar-rapport sa [sitt xhur wara d-dħul fis-seħħ ta' din id-Direttiva] u kull tliet snin minn dak iż-żmien 'il quddiem.