Test propost mill-Kummissjoni

Emenda

(1a)  Ir-risistemazzjoni hija l-għażla, l-ammissjoni u t-trasferiment ta' ċittadini ta' pajjiżi terzi u persuni mingħajr stat li jeħtieġu protezzjoni internazzjonali minn stat fejn ikunu talbu l-protezzjoni lejn stat ieħor, bil-ħsieb li jingħatawlhom protezzjoni internazzjonali u soluzzjoni dejjiema. Ir-risistemazzjoni hija att ta' solidarjetà stabbilit sew ma' pajjiżi li jospitaw rifuġjati abbażi ta' ħtiġijiet umanitarji. Ir-risistemazzjoni għandha tliet funzjonijiet interrelatati u komplementari: hi għodda għall-protezzjoni, soluzzjoni dejjiema u mekkaniżmu ta' qsim tar-responsabilità.

Test propost mill-Kummissjoni

Emenda

(1b)  Il-UNHCR għandu l-mandat, permezz tal-istatut tiegħu u r-riżoluzzjonijiet tal-Assemblea Ġenerali tan-NU, li jwettaq ir-risistemazzjoni bħala soluzzjoni dejjiema għal għal persuni f'sitwazzjonijiet fit-tul ta' rifuġjati. L-għarfien espert tal-UNHCR f'dan il-qasam huwa msejjes fuq għexieren ta' snin ta' xogħol u mandat appoġġjat globalment. Il-kompetenza tal-UNHCR f'dan il-qasam għandha tkun sors ta' appoġġ għall-programmi ta' risistemazzjoni tal-Istati Membri, u għall-Qafas ta' Risistemazzjoni tal-Unjoni.

Test propost mill-Kummissjoni

Emenda

(1c)  Skont l-Artikolu 78(1) tat-TFUE, il-politika tal-Unjoni dwar l-ażil trid tkun konformi mal-Konvenzjoni ta' Ġinevra tat-28 ta' Lulju 1951u l-Protokoll tal-31 ta' Jannar 1967 dwar l-istatus tar-rifuġjati, u trattati rilevanti oħra. Dawn it-trattati huma bbażati fuq l-Artikolu 14 tad-Dikjarazzjoni Universali tad-Drittijiet tal-Bniedem tal-1948, li tirrikonoxxi d-dritt tal-persuni li jfittxu l-ażil minn persekuzzjoni f'pajjiżi oħra. Ir-risistemazzjoni mhix se tieħu post il-wasla spontanja ta' persuni jfittxu ażil fl-Unjoni.

Test propost mill-Kummissjoni

Emenda

(1d)  Ir-risistemazzjoni hi mezz wieħed legali, u għandha tkun ikkomplementata b'mezzi legali oħra, fosthom ir-riunifikazzjoni tal-familja estiża, viżi umanitarji, programmi ta' ammissjoni umanitarja, programmi ta' sponsorizzazzjoni privata, u migrazzjoni tal-ħaddiema.

Test propost mill-Kummissjoni

Emenda

(1e)  Il-Qafas ta' Risistemazzjoni tal-Unjoni għandu jkun ibbażat fuq il-ħtiġijiet umanitarji, jikkontribwixxi biex jintlaħqu l-ħtiġijiet globali ta' risistemazzjoni u jtaffi s-sitwazzjonijiet fit-tul ta' rifuġjati. Il-Qafas għandu jikkonforma ma' strutturi ta' risistemazzjoni li diġà jeżistu, b'mod partikolari l-Konsultazzjonijiet Annwali Tripartitiċi dwar ir-Risistemazzjoni(ATRC), bl-għan li l-isforzi kollettivi ta' risistemazzjoni tal-Istati Membri jiżdiedu b'mod gradwali biex jilħqu mill-inqas 25 % tal-ħtiġijiet dinjija ta' risistemazzjoni kif deskritt fid-dokument dwar il-Ħtiġijiet Annwali Dinjija Proġettati ta' Risistemazzjoni tal-UNHCR.

Test propost mill-Kummissjoni

Emenda

(1f)  Il-Qafas ta' Risistemazzjoni tal-Unjoni għandu jappoġġja u jinkoraġġixxi l-programmi ta' risistemazzjoni tal-Istati Membri, kemm dawk antiki kif ukoll dawk ġodda, iżid b'mod gradwali l-isforzi kollettivi ta' risistemazzjoni tal-Istati Membri u jappoġġja u jiffaċilita l-akkoljenza u l-integrazzjoni tal-persuni risistemati.

Test propost mill-Kummissjoni

Emenda

(1g)  Id-Dikjarazzjoni ta' New York dwar ir-Rifuġjati u l-Migranti1a tħeġġeġ lill-istati biex iżidu l-isforzi ta' risistemazzjoni u tipprevedi qafas ta' reazzjoni komprensiv għar-rifuġjati li fih l-Istati jkollhom l-għan li jipprovdu postijiet ta' risistemazzjoni u mezzi legali oħra fuq skala li tippermetti li jiġu sodisfati l-ħtiġijiet annwali ta' risistemazzjoni identifikati mill-UNHCR.

__________________

1a http://www.un.org/ga/search/view_doc.asp?symbol=A/71/L.1

Test propost mill-Kummissjoni

Emenda

(4)  Fil-15 ta' Diċembru 2015, il-Kummissjoni indirizzat Rakkomandazzjoni għal Skema Volontarja ta' Ammissjoni Umanitarja mat-Turkija29 lill-Istati Membri u l-Istati Assoċjati li tirrakkomanda li l-Istati parteċipanti jammettu persuni spostati mill-kunflitt fis-Sirja li huma fil-bżonn ta' protezzjoni internazzjonali. Skont id-Dikjarazzjoni UE-Turkija tat-18 ta' Marzu 2016, Skema Volontarja ta' Ammissjoni Umanitarja tiġi attivata ladarba jintemm il-qsim irregolari bejn it-Turkija u l-UE jew tal-inqas dan ikun tnaqqas b'mod sostanzjali u sostenibbli. L-Istati Membri se jikkontribwixxu fuq bażi volontarja għal din l-iskema.

imħassar

__________________

29 C(2015) 9490.

Test propost mill-Kummissjoni

Emenda

(5)  Skont id-Dikjarazzjoni UE-Turkija tat-18 ta' Marzu 2016, mill-20 ta' Marzu 2016 il-migranti irregolari l-ġodda kollha li jaqsmu mit-Turkija għall-gżejjer Griegi jintbagħtu lura lejn it-Turkija. Għal kull Sirjan li jintbagħat lura lejn it-Turkija mill-gżejjer Griegi, Sirjan ieħor jiġi risistemat mit-Turkija lejn l-Unjoni filwaqt li jitqiesu l-Kriterji tal-Vulnerabbiltà tan-Nazzjonijiet Uniti. F'Mejju 2016, l-Istati Membri u l-Istati Assoċjati ta' Dublin u t-Turkija laħqu fehim komuni dwar Proċeduri Operattivi Standard li jiggwidaw l-implimentazzjoni ta' din l-iskema ta' risistemazzjoni.

imħassar

Test propost mill-Kummissjoni

Emenda

(8)  Filwaqt illi jibni fuq l-inizjattivi eżistenti, jenħtieġ li jiġi stabbilit Qafas ta' Risistemazzjoni tal-Unjoni stabbli u affidabbli għar-risistemazzjoni ta' persuni fil-bżonn ta' protezzjoni internazzjonali li għandu jiġi implimentat skont il-pjanijiet annwali ta' risistemazzjoni tal-Unjoni u skemi ta' risistemazzjoni mmirati tal-Unjoni li jwettqu b'mod effettiv l-impenji konkreti tal-Istati Membri.

(8)  Filwaqt illi jibni fuq l-inizjattivi eżistenti u f'konformità mal-arkitettura internazzjonali ta' risistemazzjoni eżistenti, jenħtieġ li jiġi stabbilit Qafas ta' Risistemazzjoni tal-Unjoni stabbli u affidabbli għar-risistemazzjoni ta' persuni fil-bżonn ta' protezzjoni internazzjonali li għandu jiġi implimentat skont il-pjanijiet ta' risistemazzjoni tal-Unjoni u skemi ta' risistemazzjoni mmirati tal-Unjoni li jwettqu b'mod effettiv l-impenji konkreti tal-Istati Membri u huma allinjati mal-Ħtiġijiet Annwali Dinjija Proġettati ta' Risistemazzjoni kif stabbiliti mill-UNHCR u ppreżentati fil-Konsultazzjonijiet Annwali Tripartitiċi dwar ir-Risistemazzjoni (ATCR).

Test propost mill-Kummissjoni

Emenda

(9)  Dan il-qafas huwa parti neċessarja minn politika dwar il-migrazzjoni ġestita sew biex jitnaqqsu d-diverġenzi fost prattiki u proċeduri nazzjonali ta' risistemazzjoni, jipprevedi l-wasla legali u sikura fit-territorju tal-Istati Membri ta' ċittadini ta' pajjiżi terzi u persuni mingħajr stat fil-bżonn ta' protezzjoni internazzjonali, jgħin sabiex jintnaqqas ir-riskju ta' dħul irregolari fuq skala kbira ta' ċittadini ta' pajjiżi terzi u persuni mingħajr stat fit-territorju tal-Istati Membri u b'hekk inaqqas il-pressjoni ta' wasliet spontanji fuq is-sistemi tal-ażil tal-Istati Membri, ikun espressjoni ta' solidarjetà ma' pajjiżi f'reġjuni li lejhom u fihom ġew spustati numru kbir ta' persuni fil-bżonn ta' protezzjoni internazzjonali billi jgħin biex titnaqqas il-pressjoni fuq dawk il-pajjiżi, jgħin biex jintlaħqu l-objettivi ta' politika barranija tal-Unjoni billi jżid l-influwenza tal-Unjoni fil-konfront ta' pajjiżi terzi, u jikkontribwixxi effettivament għal inizjattivi ta' risistemazzjoni globali permezz ta' vuċi waħda f'fora internazzjonali u ma' pajjiżi terzi.

(9)  Dan il-qafas huwa parti neċessarja minn Sistema Ewropea Komuni tal-Ażil ġestita tajjeb li tappoġġja u tespandi l-programmi nazzjonali ta' risistemazzjoni eżistenti, tappoġġja u tgħin sforzi nazzjonali ta' risistemazzjoni ġodda, tipprevedi l-wasla legali u sikura fit-territorju tal-Istati Membri ta' ċittadini ta' pajjiżi terzi u persuni mingħajr stat fil-bżonn ta' protezzjoni internazzjonali, tikkontribwixxi għall-għoti ta' protezzjoni u soluzzjonijiet dejjiema għall-ħtiġijiet ta' għadd dejjem jikber ta' ċittadini ta' pajjiżi terzi u persuni mingħajr stat, hija espressjoni ta' solidarjetà ma' pajjiżi u reġjuni li lejhom u fihom ġew spustati numru kbir ta' persuni fil-bżonn ta' protezzjoni internazzjonali billi tgħin biex titnaqqas il-pressjoni fuq dawk il-pajjiżi, u tikkontribwixxi effettivament għal inizjattivi ta' risistemazzjoni globali permezz ta' vuċi waħda f'fora internazzjonali. Ir-risistemazzjoni akkoppjata ma' azzjonijiet u politiki għall-iżvilupp tista' tikkontribwixxi b'mod effettiv biex jitnaqqsu t-tensjonijiet u jittaffew sitwazzjonijiet fit-tul ta' rifuġjati f'pajjiżi terzi.

Test propost mill-Kummissjoni

Emenda

(10)  Sabiex jgħinu biex jitnaqqas ir-riskju ta' dħul irregolari fuq skala kbira ta' ċittadini ta' pajjiżi terzi u persuni mingħajr stat fit-territorju tal-Istati Membri, juru solidarjetà ma' pajjiżi f'reġjuni li lejhom jew fihom ġew spustati numru kbir ta' persuni fil-bżonn tal-protezzjoni internazzjonali billi jgħinu biex titnaqqas il-pressjoni fuq dawk il-pajjiżi, u jgħinu biex jintlaħqu l-objettivi ta' politika barranija tal-Unjoni, ir-reġjuni jew il-pajjiżi terzi minn fejn se sseħħ ir-risistemazzjoni għandhom jintegraw involviment imfassal ma' pajjiżi terzi biex tiġi ġestita aħjar il-migrazzjoni kif previst fil-Komunikazzjoni tal-Kummissjoni tas-7 ta' Ġunju 2016 dwar it-Twaqqif ta' Qafas ta' Sħubija ġdid ma' pajjiżi terzi skont l-Aġenda Ewropea dwar il-Migrazzjoni32.

imħassar

__________________

32 COM(2016) 377 final.

Test propost mill-Kummissjoni

Emenda

(11)  Sabiex jitnaqqsu d-diverġenzi fost il-prattiki u l-proċeduri nazzjonali ta' risistemazzjoni, għandhom jiġu stabbiliti proċeduri standard komuni u kriterji komuni ta' eliġibbiltà u raġunijiet għal esklużjoni għas-selezzjoni, kif ukoll status komuni ta' protezzjoni li jingħata lil persuni risistemati.

(11)  Sabiex jinħoloq Qafas ta' Risistemazzjoni tal-Unjoni u biex tissaħħaħ u tkun appoġġjata parteċipazzjoni akbar mill-Istati Membri, għandhom jiġu stabbiliti proċeduri standard komuni u kriterji komuni ta' eliġibbiltà u raġunijiet għal esklużjoni għas-selezzjoni.

Test propost mill-Kummissjoni

Emenda

(12)  Il-proċeduri standard komuni jenħtieġ li jibnu fuq l-esperjenza u l-istandards eżistenti ta' risistemazzjoni tal-Istati Membri, b'mod partikolari l-Proċeduri Operattivi Standard li jiggwidaw l-implimentazzjoni tal-iskema ta' risistemazzjoni mat-Turkija stabbilita fid-Dikjarazzjoni UE-Turkija tat-18 ta' Marzu 2016. Il-Qafas ta' Risistemazzjoni tal-Unjoni jenħtieġ li jippermetti l-użu ta' żewġ tipi ta' proċeduri standard ta' risistemazzjoni.

(12)  Il-proċeduri standard komuni jenħtieġ li jibnu fuq l-esperjenza u l-istandards eżistenti ta' risistemazzjoni tal-Istati Membri u tal-UNHCR. Il-Qafas ta' Risistemazzjoni tal-Unjoni jenħtieġ li jippermetti l-użu ta' proċedura ordinarja, proċedura mħaffa u proċedura ta' emerġenza.

Test propost mill-Kummissjoni

Emenda

(13)  Iż-żewġ tipi ta' proċedura jikkonsistu mill-istadji li ġejjin: l-identifikazzjoni, ir-reġistrazzjoni, il-valutazzjoni u d-deċiżjoni.

(13)  It-tliet tipi ta' proċeduri jenħtieġ li jikkonsistu mill-istadji li ġejjin: l-identifikazzjoni, it-tressiq tal-każijiet, il-valutazzjoni, id-deċiżjoni u r-reġistrazzjoni.

Test propost mill-Kummissjoni

Emenda

(15)  Jenħtieġ li tiġi stabbilita proċedura mħaffa bl-istess livell ta' kontrolli ta' sigurtà bħal fil-proċedura ordinarja. Madankollu, fil-proċedura mħaffa, il-valutazzjoni tal-bżonnijiet ta' protezzjoni internazzjonali ta' ċittadini ta' pajjiżi terzi jew persuni mingħajr stat jenħtieġ li tiġi limitata għal valutazzjoni tal-eliġibbiltà tagħhom għal protezzjoni sussidjarja mingħajr ma tiġi valutata l-kwalifika tagħhom għal status ta' rifuġjat.

(15)  Jenħtieġ li tiġi stabbilita proċedura mħaffa bl-istess livell ta' kontrolli ta' sigurtà bħal fil-proċedura ordinarja. Madankollu, fil-proċedura mħaffa, jenħtieġ li jkun possibbli li l-valutazzjoni tal-bżonnijiet ta' protezzjoni internazzjonali ta' ċittadini ta' pajjiżi terzi jew persuni mingħajr stat tiġi limitata għal valutazzjoni tal-eliġibbiltà tagħhom għal protezzjoni sussidjarja mingħajr ma tiġi valutata l-kwalifika tagħhom għal status ta' rifuġjat.

Test propost mill-Kummissjoni

Emenda

(15a)  Jenħtieġ li tiġi stabbilita proċedura ta' emerġenza bl-istess livell ta' kontrolli ta' sigurtà bħal fil-proċedura ordinarja. Madankollu, fil-proċedura ta' emerġenza, it-tressiq ta' każijiet ta' risistemazzjoni urġenti jew ta' emerġenza mingħand il-UNHCR għandu jkun soġġett għal valutazzjoni aċċellerata tar-rekwiżiti u tal-kriterji ta' eliġibbiltà stabbiliti taħt l-Artikolu 5.

Test propost mill-Kummissjoni

Emenda

(16)  Il-proċedura ta' risistemazzjoni għandha tiġi konkluża malajr kemm jista' jkun sabiex il-persuni fil-bżonn tal-protezzjoni internazzjonali jiġu skoraġġuti milli jużaw modi irregolari biex jidħlu fl-Unjoni Ewropea biex ifittxu protezzjoni. Fl-istess waqt, hija għandha tiżgura li l-Istati Membri jkollhom biżżejjed żmien għal analiżi sħiħa u adegwata ta' kull każ. Il-limiti ta' żmien għandhom jikkorrispondu ma' dak li huwa neċessarju biex isiru t-tipi differenti ta' valutazzjoni previsti għall-proċedura ordinarja u għal dak mgħaġġla.

(16)  Il-proċedura ta' risistemazzjoni għandha tiġi konkluża malajr kemm jista' jkun sabiex titnaqqas il-ħtieġa li l-persuni fil-bżonn tal-protezzjoni internazzjonali jużaw modi irregolari biex jidħlu fl-Unjoni Ewropea biex ifittxu protezzjoni. Fl-istess waqt, hija għandha tiżgura li l-Istati Membri jkollhom biżżejjed żmien għal analiżi sħiħa u adegwata ta' kull każ. Il-limiti ta' żmien għandhom jikkorrispondu ma' dak li huwa neċessarju biex isiru t-tipi differenti ta' valutazzjoni previsti għall-proċedura ordinarja, il-proċedura mħaffa u l-proċedura ta' emerġenza.

Test propost mill-Kummissjoni

Emenda

(17)  Kull dejta personali miġbura għall-finijiet tal-proċedura ta' risistemazzjoni għandha tinħażen għal perjodu massimu ta' ħames snin mid-data tar-risistemazzjoni. Minħabba li ċittadini ta' pajjiżi terzi jew persuni mingħajr stat li jkunu diġà ġew risistemati minn Stat Membru wieħed jew li matul l-aħħar ħames snin ikunu rrifjutaw ir-risistemazzjoni fi Stat Membru jenħtieġ li jiġu esklużi mir-risistemazzjoni fi Stat Membru ieħor, dak il-perjodu għandu jiġi kkunsidrat bħala perjodu neċessarju għall-ħżin tad-dettalji personali, inklużi marki tas-swaba' u xbihat tal-wiċċ.

(17)  Kull dejta personali miġbura għall-finijiet tal-proċedura ta' risistemazzjoni għandha tinħażen għal perjodu massimu ta' ħames snin mid-data tar-risistemazzjoni.

Test propost mill-Kummissjoni

Emenda

(19)  Ma hemm l-ebda dritt suġġettiv għar-risistemazzjoni.

imħassar

Test propost mill-Kummissjoni

Emenda

(20)  Sabiex ikunu jistgħu jiġu supplimentati r-regoli li jirregolaw il-proċedura li għandha tiġi applikata fl-iskemi ta' risistemazzjoni mmirati tal-Unjoni, jenħtieġ li tiġi ddelegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea biex il-proċedura tiġi adattata għaċ-ċirkostanzi fil-pajjiż terz minn fejn isseħħ ir-risistemazzjoni, bħad-determinazzjoni tar-rwol ta' dak il-pajjiż terz fil-proċedura. Hija ta' importanza partikolari li l-Kummissjoni twettaq konsultazzjonijiet xierqa matul il-ħidma ta' tħejjija tagħha, anke fil-livell ta' esperti, u li dawk il-konsultazzjonijiet jitwettqu f'konformità mal-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 201633. B'mod partikolari, biex tiġi żgurata parteċipazzjoni ugwali fit-tħejjija ta' atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta' atti delegati.

imħassar

__________________

33 ĠU L123, 12.05.2016, p. 1.

Test propost mill-Kummissjoni

Emenda

(20a)  Sabiex tissupplementa dan ir-Regolament, is-setgħa li tadotta atti f'konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tkun delegata lill-Kummissjoni fir-rigward tal-ħolqien tal-pjan ta' risistemazzjoni tal-Unjoni li jiffissa kull sentejn l-għadd mira ta' persuni li għandhom jiġu risistemati, id-dettalji tal-parteċipazzjoni tal-Istati Membri fil-pjan u l-kontribut tagħhom għall-għadd mira ta' persuni li għandhom jiġu risistemati, kif ukoll il-prijoritajiet ġeografiċi ġenerali. Sabiex tissupplementa dan ir-Regolament, is-setgħa li tadotta atti f'konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tkun delegata lill-Kummissjoni fir-rigward tal-ħolqien ta' skemi ta' risistemazzjoni mmirati tal-Unjoni li jistabbilixxu l-għadd preċiż ta' persuni li għandhom jiġu risistemati mqabbel mal-għadd mira u l-parteċipazzjoni tal-Istati Membri, konsistenti mal-pjan ta' Risistemazzjoni tal-Unjoni. Huwa ta' importanza partikolari li l-Kummissjoni twettaq konsultazzjonijiet xierqa matul il-ħidma ta' tħejjija tagħha, anke fil-livell ta' esperti, u li dawk il-konsultazzjonijiet jitwettqu f'konformità mal-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 2016.. B'mod partikolari, biex tiġi żgurata parteċipazzjoni ugwali fit-tħejjija ta' atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta' atti delegati.

Test propost mill-Kummissjoni

Emenda

(21)  Sabiex ikunu żgurati kundizzjonijiet uniformi għall-implimentazzjoni tal-Qafas ta' Risistemazzjoni tal-Unjoni, għandhom jingħataw lill-Kunsill setgħat ta' implimentazzjoni biex jistabbilixxi l-pjan annwali ta' risistemazzjoni tal-Unjoni, in-numru totali massimu ta' persuni li għandhom jiġu risistemati, id-dettalji dwar il-parteċipazzjoni tal-Istati Membri fil-pjan u l-kontribuzzjonijiet tagħhom għan-numru totali ta' persuni li jridu jiġu risistemati, kif ukoll il-prijoritajiet ġeografiċi globali.

imħassar

Test propost mill-Kummissjoni

Emenda

(22)  Dawn is-setgħat għandhom jiġu eżerċitati fuq proposta mill-Kummissjoni dwar in-numru totali massimu ta' persuni li għandhom jiġu risistemati u l-prijoritajiet ġeografiċi globali. Il-Kummissjoni għandha tagħmel il-proposta tagħha simultanjament mal-proposta tagħha dwar l-abbozz tal-baġit annwali tal-Unjoni. Il-Kunsill għandu jkollu bħala mira li jadotta l-proposta fi żmien xahrejn. Il-Kummissjoni u l-Kunsill għandhom iqisu d-diskussjonijiet fil-Kumitat ta' Risistemazzjoni ta' Livell Għoli.

imħassar

Test propost mill-Kummissjoni

Emenda

(23)  Sabiex ikunu żgurati kundizzjonijiet uniformi għall-implimentazzjoni tal-Qafas ta' Risistemazzjoni tal-Unjoni, il-Kummissjoni jenħtieġ li tingħata s-setgħa li tistabbilixxi skemi ta' risistemazzjoni tal-Unjoni li jistabbilixxu n-numru preċiż mill-għadd totali ta' persuni li għandhom jiġu risistemati u l-parteċipazzjoni tal-Istat Membru, konsistenti mal-pjan annwali ta' Risistemazzjoni tal-Unjoni. Dawk is-setgħat għandhom jiġu eżerċitati f'konformità mar-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta' kontroll mill-Istati Membri tal-eżerċizzju mill-Kummissjoni tas-setgħat ta' implimentazzjoni34. Għandha tintuża l-proċedura tal-eżami għall-istabbiliment tal-iskemi ta' risistemazzjoni mmirati tal-Unjoni, minħabba li dawk l-iskemi għandhom implikazzjonijiet sostanzjali. Il-Kummissjoni għandu jkollha bħala mira li tistabbilixxi malajr kemm jista' jkun skemi ta' risistemazzjoni mmirati tal-Unjoni wara l-adozzjoni tal-pjan annwali ta' risistemazzjoni tal-Unjoni u kull meta jkun meħtieġ matul il-perjodu koperti mill-pjan annwali ta' risistemazzjoni tal-Unjoni. Il-Kummissjoni għandha tqis id-diskussjonijiet fil-Kumitat ta' Risistemazzjoni ta' Livell Għoli.

imħassar

__________________

34 ĠU L 55, 28.2.2011, p. 13.

Test propost mill-Kummissjoni

Emenda

(23a)  Il-Kummissjoni jenħtieġ li tibni fuq il-konsultazzjonijiet mal-Kumitat ta' Risistemazzjoni ta' Livell Għoli meta tħejji l-pjan ta' risistemazzjoni tal-Unjoni kull sentejn.

Test propost mill-Kummissjoni

Emenda

(24)  Kull skema ta' risistemazzjoni mmirata tal-Unjoni għandha tiddetermina liema regoli proċedurali standard għandhom japplikaw għall-implimentazzjoni tagħha. Barra minn hekk, għandha tistabbilixxi arranġamenti ta' kooperazzjoni lokali fejn u kif xieraq biex tiġi faċilitata l-implimentazzjoni tagħha.

(24)  Kull skema ta' risistemazzjoni mmirata tal-Unjoni għandha tiddetermina liema regoli proċedurali standard għandhom japplikaw għall-implimentazzjoni tagħha. Barra minn hekk, għandha tistabbilixxi arranġamenti ta' kooperazzjoni lokali fejn u kif xieraq biex tiġi faċilitata l-implimentazzjoni tagħha, notevolment mal-UNHCR, l-IOM, l-Aġenzija tal-Unjoni Ewropea għall-Ażil u organizzazzjonijiet rilevanti oħra.

Test propost mill-Kummissjoni

Emenda

(25)  Persuni risistemati għandhom jingħataw protezzjoni internazzjonali. Għaldaqstant, id-dispożizzjonijiet dwar il-kontenut tal-protezzjoni internazzjonali inklużi fl-acquis dwar l-ażil jenħtieġ li japplikaw mill-mument meta l-persuni risistemati jaslu fit-territorju tal-Istati Membri, inklużi r-regoli biex jiġi skoraġġit il-moviment sekondarju ta' benefiċjarji ta' protezzjoni internazzjonali.

(25)  Persuni risistemati għandhom jingħataw protezzjoni internazzjonali bil-għan li tingħatalhom soluzzjoni dejjiema. Għaldaqstant, id-dispożizzjonijiet dwar il-kontenut tal-protezzjoni internazzjonali inklużi fl-acquis dwar l-ażil jenħtieġ li japplikaw mill-mument meta l-persuni risistemati jaslu fit-territorju tal-Istati Membri.

Test propost mill-Kummissjoni

Emenda

(25 a)  Il-persuni risistemati għandu jkollhom l-istess aċċess għal miżuri ta' integrazzjoni bħal dawk li jgawdu benefiċjari oħra ta' protezzjoni internazzjonali skont il-Kapitolu VII Taqsima III tar-[Regolament dwar il-Kwalifika]. L-Istati Membri jistgħu jagħmlu l-parteċipazzjoni f'dawn il-miżuri ta' integrazzjoni obbligatorji biss jekk dawk il-miżuri jkunu faċilment aċċessibbli, disponibbli u bla ħlas.

Test propost mill-Kummissjoni

Emenda

(27)  Minħabba fil-kompetenza tal-UNHCR fl-iffaċilitar tal-forom differenti ta' ammissjoni ta' persuni fil-bżonn ta' protezzjoni internazzjonali minn pajjiżi terzi, fejn ikunu ġew spostati, lejn Stati Membri lesti li jaċċettawhom, il-UNHCR għandu jkompli jkollu rwol ewlieni fl-isforzi ta' risistemazzjoni mwettqa skont il-Qafas ta' Risistemazzjoni tal-Unjoni. Flimkien mal-UNHCR, atturi internazzjonali oħra bħall-Organizzazzjoni Internazzjonali għall-Migrazzjoni (IOM) għandhom jintalbu jassistu lill-Istati Membri fl-implimentazzjoni tal-Qafas ta' Risistemazzjoni tal-Unjoni.

(27)  Minħabba fil-kompetenza tal-UNHCR fl-iffaċilitar tal-forom differenti ta' ammissjoni ta' persuni fil-bżonn ta' protezzjoni internazzjonali minn pajjiżi terzi, fejn ikunu ġew spostati, lejn Stati Membri lesti li jaċċettawhom, il-UNHCR għandu jkollu r-responsabbiltà primarja li jirreferi l-persuni eliġibbli għal risistemazzjoni mwettqa skont il-Qafas ta' Risistemazzjoni tal-Unjoni. Flimkien mal-UNHCR, atturi internazzjonali oħra bħall-Organizzazzjoni Internazzjonali għall-Migrazzjoni (IOM) għandhom jintalbu jassistu lill-Istati Membri fl-implimentazzjoni tal-Qafas ta' Risistemazzjoni tal-Unjoni.

Test propost mill-Kummissjoni

Emenda

(28)  [L-Aġenzija tal-Unjoni Ewropea għall-Ażil] għandha tassisti lill-Istati Membri fl-implimentazzjoni tal-Qafas ta' Risistemazzjoni tal-Unjoni skont il-mandat tagħha.

(28)  [L-Aġenzija tal-Unjoni Ewropea għall-Ażil] għandha tassisti lill-Istati Membri fl-implimentazzjoni tal-Qafas ta' Risistemazzjoni tal-Unjoni skont il-mandat tagħha u jekk tintalab tagħmel dan mill-Istati Membri.

Test propost mill-Kummissjoni

Emenda

(29)  Għandu jiġi stabbilit Kumitat ta' Risistemazzjoni ta' Livell Għoli li jippermetti konsultazzjonijiet aktar wiesgħa mal-partijiet ikkonċernati kollha dwar l-implimentazzjoni tal-Qafas ta' Risistemazzjoni tal-Unjoni.

(29)  Għandu jiġi stabbilit Kumitat ta' Risistemazzjoni ta' Livell Għoli li jippermetti konsultazzjonijiet aktar wiesgħa mal-partijiet ikkonċernati kollha dwar l-implimentazzjoni tal-Qafas ta' Risistemazzjoni tal-Unjoni. Dan il-Kumitat għandu jallinja ħidmietu ma' dik ta' strutturi internazzjonali ta' risistemazzjoni, b'mod partikolari l-Konsultazzjonijiet Annwali Tripartitiċi dwar ir-Risistemazzjoni u l-Ħtiġijiet Annwali Dinjija Proġettati ta' Risistemazzjoni tal-UNHCR. Il-Kumitat ta' Risistemazzjoni ta' Livell Għoli jenħtieġ li jfassal l-elementi ewlenin tal-pjan ta' risistemazzjoni tal-Unjoni u l-iskemi ta' risistemazzjoni mmirati differenti tal-Unjoni.

Test propost mill-Kummissjoni

Emenda

(31)  Dan ir-Regolament ma jaffettwax il-kapaċità tal-Istati Membri li jadottaw jew jimplimentaw l-iskemi nazzjonali ta' risistemazzjoni, li ma jipperikolawx l-ilħuq tal-objettivi tal-Unjoni skont dan ir-Regolament, pereżempju fejn jikkontribwixxu numru addizzjonali ta' postijiet ta' risistemazzjoni għal skemi ta' risistemazzjoni mmirati tal-Unjoni stabbiliti skont dan ir-Regolament li jmorru lil hinn mill-kontribuzzjoni tagħhom għan-numru massimu ta' persuni li għandhom jiġu risistemati skont il-pjan annwali ta' risistemazzjoni tal-Unjoni.

(31)  Dan ir-Regolament ma jaffettwax il-kapaċità tal-Istati Membri li jadottaw jew jimplimentaw skemi nazzjonali ta' risistemazzjoni.

Test propost mill-Kummissjoni

Emenda

Dan ir-Regolament jistabbilixxi Qafas ta' Risistemazzjoni tal-Unjoni għall-ammissjoni ta' ċittadini ta' pajjiżi terzi u persuni mingħajr stat fit-territorju tal-Istati Membri bil-għan li jingħataw protezzjoni internazzjonali.

Dan ir-Regolament jistabbilixxi Qafas ta' Risistemazzjoni tal-Unjoni għall-ammissjoni ta' ċittadini ta' pajjiżi terzi u persuni mingħajr stat fit-territorju tal-Istati Membri bil-għan li jingħataw protezzjoni internazzjonali u soluzzjoni dejjiema.

Test propost mill-Kummissjoni

Emenda

Għall-finijiet ta' dan ir-Regolament "risistemazzjoni" tfisser l-ammissjoni ta' ċittadini ta' pajjiżi terzi u persuni mingħajr stat fil-bżonn ta' protezzjoni internazzjonali minn pajjiż terz minn fejn jew li fih ġew spostati fit-territorju tal-Istati Membri bil-għan li jingħataw protezzjoni internazzjonali.

Għall-finijiet ta' dan ir-Regolament "risistemazzjoni" tfisser is-selezzjoni, l-ammissjoni u t-trasferiment ta' ċittadini ta' pajjiżi terzi u persuni mingħajr stat fil-bżonn ta' protezzjoni internazzjonali minn pajjiż terz minn fejn jew li fih ġew spostati lejn Stat Membru bil-għan li jingħataw protezzjoni internazzjonali u soluzzjoni dejjiema.

Test propost mill-Kummissjoni

Emenda

(a)  jipprevedi l-wasla legali u sikura ta' ċittadini ta' pajjiżi terzi u persuni mingħajr stat fil-bżonn ta' protezzjoni internazzjonali fit-territorju tal-Istati Membri;

(a)  jipprevedi t-trasferiment u l-wasla legali u sikuri ta' ċittadini ta' pajjiżi terzi u persuni mingħajr stat fil-bżonn ta' protezzjoni internazzjonali fit-territorju tal-Istati Membri bil-għan li jipprovdilhom soluzzjoni dejjiema;

Test propost mill-Kummissjoni

Emenda

(aa)  jikkontribwixxi għall-protezzjoni u għal soluzzjonijiet dejjiema għaċ-ċittadini ta' pajjiżi terzi u persuni mingħajr stat l-aktar vulnerabbli u li jeħtieġu protezzjoni internazzjonali, inklużi dawk f'sitwazzjonijiet fit-tul ta' rifuġjati.

Test propost mill-Kummissjoni

Emenda

(b)  jikkontribwixxi għat-tnaqqis fir-riskju ta' dħul irregolari fuq skala kbira ta' ċittadini ta' pajjiżi tersi u persuni mingħajr stat fil-bżonn ta' protezzjoni internazzjonali fit-territorju tal-Istati Membri.

imħassar

Test propost mill-Kummissjoni

Emenda

(ba)  iżid b'mod gradwali l-isforzi kollettivi ta' risistemazzjoni tal-Istati Membri u jappoġġja u jiffaċilita l-akkoljenza u l-integrazzjoni ta' persuni risistemati.

Test propost mill-Kummissjoni

Emenda

(c)  jikkontribwixxi għal inizjattivi internazzjonali ta' risistemazzjoni.

(c)  jikkontribwixxi għal inizjattivi internazzjonali ta' risistemazzjoni, fosthom permezz tal-użu strateġiku tar-risistemazzjoni, b'mod partikolari f'sitwazzjonijiet fit-tul ta' rifuġjati.

Test propost mill-Kummissjoni

Emenda

Fid-determinazzjoni tar-reġjuni jew il-pajjiżi terzi minn fejn għandha sseħħ ir-risistemazzjoni fil-Qafas ta' Risistemazzjoni tal-Unjoni, f'konformità mal-atti ta' implimentazzjoni msemmija fl-Artikoli 7 u 8, għandhom jiġu kkunsidrati l-fatturi li ġejjin:

Fid-determinazzjoni tar-reġjuni jew il-pajjiżi terzi minn fejn għandha sseħħ ir-risistemazzjoni fil-Qafas ta' Risistemazzjoni tal-Unjoni, f'konformità mal-atti delegati imsemmija fl-Artikoli 7 u 8, għandhom jiġu kkunsidrati l-fatturi li ġejjin:

Test propost mill-Kummissjoni

Emenda

(a)  in-numru ta' persuni fil-bżonn ta' protezzjoni internazzjonali spustati lejn pajjiż terz jew fih u kull moviment ulterjuri ta' dawk il-persuni lejn it-territorju tal-Istati Membri;

(a)  il-ħtiġijiet dinjija ta' risistemazzjoni kif dettaljati fid-dokument tal-UNHCR dwar il-Ħtiġijiet Annwali Dinjija Proġettati ta' Risistemazzjoni, li jidentifika r-rifuġjati l-aktar vulnerabbli li jeħtieġu risistemazzjoni fid-dinja kollha;

Test propost mill-Kummissjoni

Emenda

(b)  il-kumplimentarjetà ma' assistenza finanzjarja u teknika provduta lill-pajjiżi terzi li lejhom jew fihom ġew spustati persuni fil-bżonn ta' protezzjoni internazzjonali;

imħassar

Test propost mill-Kummissjoni

Emenda

(c)  ir-relazzjonijiet globali tal-Unjoni mal-pajjiż jew pajjiżi terzi minn fejn isseħħ ir-risistemazzjoni, u ma' pajjiżi terzi inġenerali;

imħassar

Test propost mill-Kummissjoni

Emenda

(d)  kooperazzjoni effettiva ta' pajjiż terz mal-Unjoni fil-qasam tal-migrazzjoni u l-ażil, inklużi:

(d)  L-użu strateġiku tar-risistemazzjoni, bl-għan li jinstabu soluzzjonijiet kollettivament u jittejbu l-ambjent tal-protezzjoni u s-sitwazzjoni tas-sigurtà fil-pajjiżi terzi, fosthom permezz tal-iżvilupp ta' sistema effettiva tal-ażil u politiki għall-iżvilupp.

Test propost mill-Kummissjoni

Emenda

(i)  it-tnaqqis fin-numru ta' ċittadini ta' pajjiżi terzi u persuni mingħajr stat li jaqsmu l-fruntiera b'mod irregolari fit-territorju tal-Istati Membri li jiġu minn dak il-pajjiż terz;

imħassar

Test propost mill-Kummissjoni

Emenda

(ii)  il-ħolqien tal-kundizzjonijiet għall-użu tal-kunċetti tal-ewwel pajjiż tal-ażil u ta' pajjiż terz bla periklu għar-ritorn tal-applikanti għall-ażil li jkunu qasmu b'mod irregolari l-fruntiera fit-territorju tal-Istati Membri li jiġu minn jew għandhom konnessjoni mal-pajjiż terz ikkonċernat;

imħassar

Test propost mill-Kummissjoni

Emenda

(iii)  iż-żieda fil-kapaċità għall-akkoljenza u l-protezzjoni ta' persuni fil-bżonn ta' protezzjoni internazzjonali li jgħixu f'dak il-pajjiż, inkluż permezz tal-iżvilupp ta' sistema effettiva tal-ażil; or

imħassar

Test propost mill-Kummissjoni

Emenda

(iv)  iż-żieda fir-rata tar-riammissjoni ta' ċittadini ta' pajjiżi terzi u persuni mingħajr stat li jgħixu b'mod irregolari fit-territorju tal-Istati Membri bħal permezz tal-konklużjoni u l-implimentazzjoni effettiva ta' ftehimiet ta' riammissjoni;

imħassar

Test propost mill-Kummissjoni

Emenda

(e)  l-iskala u l-kontenut tal-impenji għar-risistemazzjoni mwettqa minn pajjiżi terzi.

imħassar

Test propost mill-Kummissjoni

Emenda

Iċ-ċittadini ta' pajjiżi terzi jew persuni mingħajr stat li ġejjin għandhom ikunu eliġibbli għal skemi ta' risistemazzjoni mmirati tal-Unjoni stabbilti skont l-Artikolu 8:

Huma biss iċ-ċittadini ta' pajjiżi terzi jew persuni mingħajr stat li ġejjin li għandhom ikunu eliġibbli għal skemi ta' risistemazzjoni mmirati tal-Unjoni stabbilti skont l-Artikolu 8:

Test propost mill-Kummissjoni

Emenda

(a)  (i) ċittadini ta' pajjiżi terzi, li, minħabba biża' ġustifikata ta' persekuzzjoni abbażi ta' razza, reliġjon, nazzjonalità, opinjoni politika jew sħubija fi grupp soċjali partikolari, huma barra mill-pajjiż tan-nazzjonalità jew il-parti ta' dak il-pajjiż li fih għexu abitwalment qabel, u ma jistgħux jew, minħabba din il-biża', ma jixtiqux jibbenefikaw mill-protezzjoni ta' dak il-pajjiż, jew persuni mingħajr stat, li, billi huma barra mill-pajjiż tar-residenza abitwali ta' qabel jew il-parti ta' dak il-pajjiż li fiha għexu abitwalment qabel, għall-istess raġunijiet imsemmija hawn fuq, ma jistgħux jew, minħabba din il-biża', ma jixtiqux jirritornaw fih jew jgħixu fih, jew, fl-assenza ta' dan,

(a)  (i) ċittadini ta' pajjiżi terzi, li, minħabba biża' ġustifikata ta' persekuzzjoni abbażi ta' razza, ġeneru, identità tal-ġeneru, espressjoni tal-ġeneru, reliġjon, nazzjonalità, orjentazzjoni sesswali, opinjoni politika jew sħubija fi grupp soċjali partikolari, huma barra mill-pajjiż tan-nazzjonalità jew il-parti ta' dak il-pajjiż li fih għexu abitwalment qabel, u ma jistgħux jew, minħabba din il-biża', ma jixtiqux jibbenefikaw mill-protezzjoni ta' dak il-pajjiż, jew persuni mingħajr stat, li, billi huma barra mill-pajjiż tar-residenza abitwali ta' qabel jew il-parti ta' dak il-pajjiż li fiha għexu abitwalment qabel, għall-istess raġunijiet imsemmija hawn fuq, ma jistgħux jew, minħabba din il-biża', ma jixtiqux jirritornaw fih jew jgħixu fih, jew, fl-assenza ta' dan,

Test propost mill-Kummissjoni

Emenda

(b)  ċittadini ta' pajjiżi terzi u persuni mingħajr stat li jaqgħu tal-inqas f'waħda mill-kategoriji li ġejjin:

(b)  ċittadini ta' pajjiżi terzi u persuni mingħajr stat li jissodisfaw il-kriterji f'punt (a) u li barra minn hekk jaqgħu tal-inqas f'waħda mill-kategoriji li ġejjin:

Test propost mill-Kummissjoni

Emenda

-  persuni bi bżonnijiet legali u/jew ta' protezzjoni fiżika;

-  persuni bi bżonnijiet ta' protezzjoni legali u/jew fiżika, inklużi dawk li jħabbtu wiċċhom ma' theddida ta' refoulement;

Test propost mill-Kummissjoni

Emenda

-  persuni b'vulnerabbiltà soċjoekonomika;

imħassar

Test propost mill-Kummissjoni

Emenda

-  persuni f'sitwazzjonijiet fit-tul ta' rifuġjati li għalihom mhemmx soluzzjonijiet alternattivi dejjiema oħra prevedibbli;

Test propost mill-Kummissjoni

Emenda

(ii)  membri tal-familja ta' ċittadini ta' pajjiżi terzi jew persuni mingħajr stat jew ċittadini tal-Unjoni li jgħixu legalment fi Stat Membru:

(ii)  f'każijiet fejn ma jeżistux mezzi legali oħra biex jidħlu fit-territorju tal-Unjoni Ewropea, fosthom taħt id-Direttiva tal-Kunsill 2003/86/KE1a, membri tal-familja ta' ċittadini ta' pajjiżi terzi jew persuni mingħajr stat jew ċittadini tal-Unjoni li jgħixu legalment fi Stat Membru:

__________________

1a Id-Direttiva tal-Kunsill Nru 2003/86/KE tat-22 ta' Settembru 2003 dwar id-dritt għal riunifikazzjoni tal-familja (ĠU L 251, 3.10.2003, p. 12–18).

Test propost mill-Kummissjoni

Emenda

-  il-konjuġi jew is-sieħeb mhux miżżewweġ f'relazzjoni stabbli, fejn il-liġi jew il-prattika tal-Istat Membru kkonċernat tittratta lill-koppji mhux miżżewġa b'mod paragunabbli għal koppji miżżewġa skont il-liġi tiegħu li tirrigwardja ċittadini ta' pajjiżi terzi jew persuni mingħajr stat;

-  il-konjuġi jew is-sieħeb mhux miżżewweġ f'relazzjoni stabbli;

Test propost mill-Kummissjoni

Emenda

-  it-tfal minorenni ta' koppji li jirreferi għalihom l-ewwel inċiż jew ta' ċittadini ta' pajjiżi terzi jew persuni mingħajr stat li għandhom jiġu risistemati, fuq il-kundizzjoni li mhumiex miżżewġin u irrispettivament minn jekk twildux ġewwa jew barra ż-żwieġ jew humiex adottati kif iddefinit fil-liġi nazzjonali;

-  it-tfal minorenni ta' koppji li jirreferi għalihom l-ewwel inċiż jew ta' ċittadini ta' pajjiżi terzi jew persuni mingħajr stat li għandhom jiġu risistemati, irrispettivament minn jekk twildux ġewwa jew barra ż-żwieġ jew humiex adottati kif iddefinit fil-liġi nazzjonali;

Test propost mill-Kummissjoni

Emenda

-  il-missier, l-omm jew adult ieħor responsabbli għall-minorenni mhux miżżewweġ li se jiġi risistemat, kemm skont il-liġi kif ukoll skont il-prattika tal-Istat Membru fejn l-adult huwa preżenti;

-  il-missier, l-omm jew adult ieħor responsabbli għall-minorenni li se jiġi risistemat, kemm skont il-liġi kif ukoll skont il-prattika tal-Istat Membru fejn l-adult huwa preżenti;

Test propost mill-Kummissjoni

Emenda

(c)  ċittadini ta' pajjiżi terzi jew persuni mingħajr stat li ma jaqgħux fil-kamp ta' applikazzjoni tal-Artikolu 1D tal-Konvenzjoni ta' Ġinevra tal-1951, li jirrigwardja l-protezzjoni jew l-assistenza minn organi jew aġenziji tan-Nazzjonijiet Uniti oħra għajr il-Kummissarju Għoli tan-Nazzjonijiet Uniti għar-Rifuġjati ("UNHCR");

(c)  ċittadini ta' pajjiżi terzi jew persuni mingħajr stat li jissodisfaw il-kriterji fil-punt (a) u (b) u li barra minn hekk, skont l-Artikolu 1d (2) tal-Konvenzjoni ta' Ġinevra tal-1951, huma intitolati għall-benefiċċji ta' dik il-Konvenzjoni;

Test propost mill-Kummissjoni

Emenda

(d)  ċittadini ta' pajjiżi terzi jew persuni mingħajr stat li ma ġewx rikonoxxuti mill-awtoritajiet kompetenti tal-pajjiż li fih huma preżenti jew fejn qed jgħixu bħala li għandhom id-drittijiet u l-obbligi li huma marbuta mal-pussess tan-nazzjonalità ta' dak il-pajjiż, jew drittijiet u obbligi ekwivalenti għal dawk.

imħassar

Test propost mill-Kummissjoni

Emenda

L-Istati Membri għandhom jiżguraw li l-unità tal-familja tkun tista' tinżamm bejn persuni msemmija fil-punt (b)(ii).

L-Istati Membri għandhom jiżguraw li l-unità tal-familja tinżamm fil-prattiki kollha ta' risistemazzjoni.

Test propost mill-Kummissjoni

Emenda

(a)  persuni li għalihom hemm raġunijiet raġonevoli biex jiġi kkunsidrat li:

(a)  persuni li għalihom hemm raġunijiet serji biex jiġi kkunsidrat li:

Test propost mill-Kummissjoni

Emenda

(ii)  huma jkunu kkommettew delitt serju;

(ii)  huma jkunu kkommettew delitt serju mhux politiku;

Test propost mill-Kummissjoni

Emenda

(b)  persuni li għalihom hemm raġunijiet raġonevoli biex jiġi kunsidrat li huma periklu għall-komunità, il-politika pubblika, is-sigurtà, is-saħħa pubblika jew ir-relazzjonijiet internazzjonali tal-Istat Membru li qed jeżamina l-fajl ta' risistemazzjoni, inkluż fejn Stat Membru ieħor ikun talab lill-Istat Membru li qed jeżamina l-fajl ta' risistemazzjoni biex jikkonsulta lil dak it-tieni Stat Membru matul l-eżami fir-rigward ta' ċittadini speċifiċi ta' pajjiż terzi jew persuni mingħajr stat jew kategoriji speċifiċi ta' ċittadini ta' pajjiżi terzi jew persuni mingħajr stat, fejn dak it-tieni Stat Membru jkun oġġezzjona għar-risistemazzjoni tagħhom għal dawn ir-raġunijiet;

Imħassar

Test propost mill-Kummissjoni

Emenda

(ba)  ċittadini ta' pajjiżi terzi jew persuni mingħajr stat li ġew rikonoxxuti mill-awtoritajiet kompetenti tal-pajjiż li huma preżenti fih jew li qed jgħixu fih bħala li għandhom id-drittijiet u l-obbligi li huma marbuta mal-pussess tan-nazzjonalità ta' dak il-pajjiż, jew drittijiet u obbligi ekwivalenti għalihom.

Test propost mill-Kummissjoni

Emenda

(c)  persuni li għalihom tkun inħarġet twissija fis-Sistema ta' Informazzjoni ta' Schengen jew f'bażi tad-dejta nazzjonali ta' Stat Membru għall-finijiet li jiġi rifjutat id-dħul;

imħassar

Test propost mill-Kummissjoni

Emenda

(d)  persuni li jkunu għexu b'mod irregolari, daħlu b'mod irregolari, jew ipprovaw jidħlu b'mod irregolari fit-territorju tal-Istati Membri matul il-ħames snin qabel ir-risistemazzjoni;

imħassar

Test propost mill-Kummissjoni

Emenda

(e)  persuni li jkunu diġà ġew risistemati minn Stat Membru ieħor fl-implimentazzjoni ta' dan ir-Regolament, il-Konklużjonijiet tar-Rappreżentanti tal-Gvernijiet li jiltaqgħu fi ħdan il-Kunsill 11097/15 tal-20 ta' Lulju 2015, id-Dikjarazzjoni UE-Turkija tat-18 ta' Marzu 2016, ir-Rakkomandazzjoni tal-Kummissjoni C(2015) 9490 tal-15 ta' Diċembru 2015, jew skema nazzjonali ta' ristemazzjoni; u

(e)  persuni li jkunu diġà ġew risistemati minn Stat Membru ieħor fl-implimentazzjoni ta' dan ir-Regolament, il-Konklużjonijiet tar-Rappreżentanti tal-Gvernijiet li jiltaqgħu fi ħdan il-Kunsill 11097/15 tal-20 ta' Lulju 2015, jew skema nazzjonali ta' ristemazzjoni; u

Test propost mill-Kummissjoni

Emenda

(f)  persuni li l-Istati Membri jkunu rrifjutaw li jirrisistemaw matul l-aħħar ħames snin qabel ir-risistemazzjoni skont dan il-paragrafu.

imħassar

Test propost mill-Kummissjoni

Emenda

2.  Iċ-ċittadini ta' pajjiżi terzi jew persuni mingħajr stat jistgħu jiġu esklużi mill-iskemi ta' risistemazzjoni mmirati tal-Unjoni stabbiliti skont l-Artikolu 8, meta waħda mir-raġunijiet għall-esklużjoni msemmija fil-punti (a) jew (b) tal-paragrafu 1 tkun tapplika prima facie.

imħassar

Test propost mill-Kummissjoni

Emenda

Pjan annwali ta' risistemazzjoni tal-Unjoni

Pjan ta' risistemazzjoni tal-Unjoni ta' kull sentejn

Test propost mill-Kummissjoni

Emenda

1.  Abbażi ta' proposta mill-Kummissjoni, il-Kunsill għandu jadotta pjan annwali ta' risistemazzjoni tal-Unjoni fis-sena ta' qabel dik li fiha għandu jiġi implimentat.

1.  Il-Kummissjoni hija mogħtija s-setgħa li tadotta atti delegati kull sentejn, skont l-Artikolu 14 li jissupplimenta lil dan ir-Regolament, sabiex tistabbilixxi pjan ta' risistemazzjoni tal-Unjoni, skont il-paragrafi li ġejjin.

Test propost mill-Kummissjoni

Emenda

1a.  Il-pjanijiet ta' risistemazzjoni tal-Unjoni huma mibnija fuq konsultazzjonijiet mal-Kumitat ta' Risistemazzjoni ta' Livell Għoli u bbażati fuq il-Ħtiġijiet Annwali Dinjija Proġettati ta' Risistemazzjoni tal-UNHCR.

Test propost mill-Kummissjoni

Emenda

2.  Il-pjan annwali ta' risistemazzjoni tal-Unjoni għandu jinkludi:

2.  Il-pjan ta' risistemazzjoni tal-Unjoni għandu jinkludi:

Test propost mill-Kummissjoni

Emenda

(a)  in-numru totali massimu ta' persuni li għandhom jiġu risistemati;

(a)  għadd mira ta' persuni li għandhom jiġu risistemati li jirrifletti minimu ta' 25% tal-Ħtiġijiet Annwali Dinjija Proġettati ta' Risistemazzjoni;

Test propost mill-Kummissjoni

Emenda

(b)  dettalji dwar il-parteċipazzjoni tal-Istati Membri fil-pjan annwali ta' risistemazzjoni tal-Unjoni u l-kontribuzzjonijiet tagħhom għan-numru totali ta' persuni li għandhom jiġu risistemati.

(b)  dettalji dwar il-parteċipazzjoni tal-Istati Membri fil-pjan ta' risistemazzjoni tal-Unjoni u l-kontribuzzjonijiet tagħhom għan-numru totali ta' persuni li għandhom jiġu risistemati.

Test propost mill-Kummissjoni

Emenda

(c)  prijoritajiet ġeografiċi globali.

(c)  prijoritajiet ġeografiċi globali bbażati fuq id-dokument tal-Ħtiġijiet Dinjija Proġettati ta' Risistemazzjoni tal-UNHCR.

Test propost mill-Kummissjoni

Emenda

(ca)  kwota ta' emerġenza mhux allokata, kif imsemmi fl-Artikolu 11a, biex jitqiesu każijiet urġenti u ta' emerġenza, indipendentement mill-prijoritajiet ġeografiċi identifikati taħt il-punt c.

Test propost mill-Kummissjoni

Emenda

1.  Il-Kummissjoni għandha tadotta atti ta' implimentazzjoni li jistabbilixxu skemi ta' risistemazzjoni mmirati tal-Unjoni konsistenti mal-pjan annwali ta' risistemazzjoni tal-Unjoni adottat skont l-Artikolu 7. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu15(2).

1.  Il-Kummissjoni għandha s-setgħa li tadotta atti delegati skont l-Artikolu 14, li jissupplimentaw dan ir-Regolament, sabiex jiġu stabbiliti skemi ta' risistemazzjoni mmirati tal-Unjoni konsistenti mal-pjan annwali ta' risistemazzjoni tal-Unjoni adottat skont l-Artikolu 7, skont il-paragrafu 2.

Test propost mill-Kummissjoni

Emenda

(b)  in-numru preċiż ta' persuni li għandhom jiġu risistemati min-numru totali massimu kif stabbilit fil-pjan annwali ta' risistemazzjoni tal-Unjoni previst fi-punt (a) tal-Artikolu 7(2) u dettalji dwar il-parteċipazzjoni tal-Istati Membri fl-iskema ta' risistemazzjoni mmirata tal-Unjoni;

(b)  in-numru preċiż ta' persuni li għandhom jiġu risistemati min-numru mira kif stabbilit fil-pjan ta' risistemazzjoni tal-Unjoni previst f'punt (a) tal-Artikolu 7(2) u dettalji dwar il-parteċipazzjoni tal-Istati Membri fl-iskema ta' risistemazzjoni mmirata tal-Unjoni;

Test propost mill-Kummissjoni

Emenda

(c)  l-ispeċifikazzjoni tar-reġjuni jew il-pajjiżi terzi minn fejn se sseħħ ir-risistemazzjoni kif imsemmi fl-Artikolu 4;

(c)  l-ispeċifikazzjoni tar-reġjuni jew il-pajjiżi terzi minn fejn se sseħħ ir-risistemazzjoni skont l-Artikolu 7.2(c) u kif imsemmi fl-Artikolu 4;

Test propost mill-Kummissjoni

Emenda

(d)  fejn meħtieġ, arranġamenti ta' koordinazzjoni lokali u kooperazzjoni prattika fost l-Istati Membri, appoġġjati minn [l-Aġenzija tal-Unjoni Ewropea għall-Ażil] skont l-Artikolu 12(3), u ma' pajjiżi terzi, u l-UNHCR jew imsieħba oħra;

(d)  fejn meħtieġ, arranġamenti ta' koordinazzjoni lokali u kooperazzjoni prattika fost l-Istati Membri, appoġġjati mill-UNHCR u, meta dan jintalab mill-Istati Membri, [l-Aġenzija tal-Unjoni Ewropea għall-Ażil] skont l-Artikolu 12(3), u ma' pajjiżi terzi, u sħab oħra;

Test propost mill-Kummissjoni

Emenda

(e)  deskrizzjoni tal-grupp jew gruppi speċifiċi ta' ċittadini ta' pajjiżi terzi jew persuni mingħajr stat li għalihom għandha tapplika l-iskema ta' risistemazzjoni mmirata tal-Unjoni;

(e)  deskrizzjoni tal-grupp jew gruppi speċifiċi ta' ċittadini ta' pajjiżi terzi jew persuni mingħajr stat, ibbażati fuq il-pubblikazzjoni tal-Ħtiġijiet Dinjija Proġettati ta' Risistemazzjoni tal-UNHCR u ggwidati mill-kategoriji ta' sottomissjonijiet għal risistemazzjoni kif stabbiliti fil-punt (b)(i) tal-Artikolu 5, li għalihom għandha tapplika l-iskema ta' risistemazzjoni mmirata tal-Unjoni;

Test propost mill-Kummissjoni

Emenda

(f)  jekk il-proċedura ordinarja stabbilita fl-Artikolu 10 jew il-proċedura mħaffa stabbilita fl-Artikolu 11 għandhomx jiġu applikati filwaqt li jiġi speċifikat fejn meħtieġ kif l-identifikazzjoni u l-valutazzjoni taċ-ċittadini tal-pajjiżi terzi jew persuni mingħajr stat għandhom jitwettqu u l-perjodu ta' żmien għat-teħid tad-deċiżjonijiet dwar ir-risistemazzjoni;

(f)  jekk il-proċedura ordinarja stabbilita fl-Artikolu 10 jew il-proċedura mħaffa stabbilita fl-Artikolu 11 għandhomx jiġu applikati;

Test propost mill-Kummissjoni

Emenda

Il-proċeduri ta' risistemazzjoni stabbiliti fl-Artikoli 10 u 11 għandhom japplikaw għal ċittadini ta' pajjiżi terzi jew persuni mingħajr stat li jkunu taw il-kunsens tagħhom biex jiġu risistemati u ma jkunux irtiraw sussegwentement il-kunsens tagħhom, inkluż ir-rifjut ta' risistemazzjoni fi Stat Membru partikolari.

Ir-risistemazzjoni taħt dan ir-Regolament għandha tapplika għal ċittadini ta' pajjiżi terzi jew persuni mingħajr stat li jkunu taw il-kunsens tagħhom biex jiġu risistemati.

Test propost mill-Kummissjoni

Emenda

Fl-implimentazzjoni ta' skema ta' risistemazzjoni mmirata tal-Unjoni, l-Istati Membri għandhom jidentifikaw ċittadini ta' pajjiżi terzi jew persuni mingħajr stat u jivvalutaw jekk dawk iċ-ċittadini ta' pajjiżi terzi jew persuni mingħajr stat jaqgħux fil-kamp ta' applikazzjoni ta' skema ta' risistemazzjoni mmirata tal-Unjoni.

Fl-implimentazzjoni ta' skema ta' risistemazzjoni mmirata tal-Unjoni, l-Istati Membri għandhom primarjament jiddependu fuq l-identifikazzjoni u s-sottomissjoni tal-każijiet mill-UNHCR. Atturi oħra għall-identifikazzjoni jistgħu jkunu l-Istati Membri jew organizzazzjonijiet rilevanti.

L-Istati Membri għandhom imbagħad jivvalutaw jekk dawk iċ-ċittadini ta' pajjiżi terzi jew persuni mingħajr stat jaqgħux fil-kamp ta' applikazzjoni ta' skema ta' risistemazzjoni mmirata tal-Unjoni. L-Istati Membri jistgħu jitolbu l-għajnuna mingħand [l-Aġenzija tal-Unjoni Ewropea għall-Ażil].

Test propost mill-Kummissjoni

Emenda

Għall-finijiet tal-implimentazzjoni tal-proċedura ordinarja, l-Istati Membri jistgħu jitolbu lill-UNHCR, jew fejn applikabbli, [l-Aġenzija tal-Unjoni Ewropea għall-Ażil] jew korpi internazzjonali rilevanti oħra, jivvalutaw għalkollox:

(a)   li jidħlu fil-kamp ta' applikazzjoni tal-iskema ta' risistemazzjoni mmirata tal-Unjoni; u

(b)   li jidħlu f'waħda mill-kategoriji għas-sottomissjoni ta' risistemazzjoni kif stabbilit fil-punt (b) (i) tal-Artikolu 5 u r-raġuni għall-valutazzjoni.

L-Istati Membri jistgħu jitolbu wkoll lill-UNHCR jivvaluta għalkollox jekk ċittadini ta' pajjiż terzi jew persuni mingħajr stat riferuti lilhom mill-UNHCR jikkwalifikawx bħala rifuġjati fis-sens tal-Artikolu 1 tal-Konvenzjoni ta' Ġinevra tal-1951.

Test propost mill-Kummissjoni

Emenda

L-Istati Membri jistgħu jagħtu preferenza inter alia lil ċittadini ta' pajjiżi terzi jew persuni mingħajr stat permezz ta':

imħassar

(a)   rabtiet familjari ma' ċittadini ta' pajjiżi terzi jew persuni mingħajr stat jew ċittadini tal-Unjoni li qed jgħixu legalment fi Stat Membru;

(b)   rabtiet soċjali jew kulturali, jew karatteristiċi oħra li jistgħu jiffaċilitaw l-integrazzjoni fl-Istat Membru parteċipanti, sakemm dan ikun mingħajr diskriminazzjoni abbażi ta' sess, razza, kulur, oriġini etnika jew soċjali, karatteristiċi ġenetiċi, lingwa, reliġjon jew twemmin, opinjoni politika jew xi opinjoni oħra, sħubija f'minoranza nazzjonali, proprjetà, twelid, diżabilità, età jew orjentazzjoni sesswali, mingħajr preġudizzju għal differenzi fit-trattament meħtieġa għall-valutazzjoni msemmija fl-ewwel subparagrafu;

(c)   bżonnijiet ta' protezzjoni jew vulnerabbiltajiet partikolari .

Test propost mill-Kummissjoni

Emenda

2.  Wara l-identifikazzjoni ta' ċittadini ta' pajjiżi terzi jew persuni mingħajr stat, l-Istati Membri għandhom jirreġistraw l-informazzjoni li ġejja għal dawk li għalihom għandhom l-intenzjoni li jwettqu l-proċedura ta' risistemazzjoni:

imħassar

(a)   l-isem, id-data tat-twelid, il-ġeneru, in-nazzjonalità u dettalji personali oħra

(b)   il-marki tas-swaba' tas-swaba' kollha u x-xbieha tal-wiċċ ta' kull ċittadin ta' pajjiż terz jew persuna mingħajr stat li jkollhom mill-inqas sitt snin.

(c)   it-tip u n-numru ta' kwalunkwe dokument tal-identità jew tal-ivjaġġjar taċ-ċittadin tal-pajjiż terz; u

(d)  id-data tar-reġistrazzjoni, il-post fejn issir ir-reġistrazzjoni u l-awtorità li tagħmel ir-reġistrazzjoni.

Dejta addizzjonali meħtieġa għall-implimentazzjoni tal-paragrafi 3 u 4 tista' tinġabar ukoll fil-ħin tar-reġistrazzjoni.

Test propost mill-Kummissjoni

Emenda

L-Istati Membri għandhom jagħmlu dik il-valutazzjoni abbażi ta' evidenza dokumentarja, inkluż, fejn applikabbli, informazzjoni mill-UNHCR dwar jekk iċ-ċittadini ta' pajjiżi terzi jew il-persuni mingħajr stat jikkwalifikawx bħala rifuġjati jew abbażi ta' intervista personali jew kombinazzjoni tat-tnejn.

L-Istati Membri għandhom jagħmlu dik il-valutazzjoni b'mod partikolari abbażi ta' evidenza dokumentarja, inkluż, fejn applikabbli, informazzjoni mill-UNHCR dwar jekk iċ-ċittadini ta' pajjiżi terzi jew il-persuni mingħajr stat jikkwalifikawx bħala rifuġjati jew abbażi ta' intervista personali jew kombinazzjoni tat-tnejn.

Test propost mill-Kummissjoni

Emenda

4.  L-Istati Membri għandhom jieħdu deċiżjoni dwar ir-risistemazzjoni ta' ċittadini ta' pajjiżi terzi jew persuni mingħajr stat abbażi tal-valutazzjoni msemmija fil-paragrafu 3 kemm jista' jkun malajr u mhux aktar tard minn tmien xhur mir-reġistrazzjoni tagħhom. L-Istati Membri jistgħu jestendu dak il-limitu ta' żmien ta' tmien xhur b'perjodu ta' mhux aktar minn erba' xhur, fejn huma involuti kwistjonijiet kumplessi ta' fatt jew liġi.

4.  L-Istati Membri għandhom jieħdu deċiżjoni dwar ir-risistemazzjoni ta' ċittadini ta' pajjiżi terzi jew persuni mingħajr stat abbażi tal-valutazzjoni msemmija fil-paragrafu 3 kemm jista' jkun malajr u mhux aktar tard minn tmien xhur mir-reġistrazzjoni tagħhom. L-Istati Membri jistgħu jestendu dak il-limitu ta' żmien b'perjodu ta' mhux aktar minn erba' xhur, fejn huma involuti kwistjonijiet kumplessi ta' fatt jew liġi.

Test propost mill-Kummissjoni

Emenda

4a.  Fejn tittieħed deċiżjoni pożittiva, l-Istati Membri għandhom jirreġistraw l-informazzjoni, fejn disponibbli, ta' dawk li għalihom għandhom l-intenzjoni li jwettqu l-proċedura ta' risistemazzjoni:

(a)   l-isem, id-data tat-twelid, il-ġeneru u n-nazzjonalità;

(b)   il-marki tas-swaba' tas-swaba' kollha u x-xbieha tal-wiċċ ta' kull ċittadin ta' pajjiż terz jew persuna mingħajr stat;

(c)   it-tip u n-numru ta' kwalunkwe dokument tal-identità jew dokument tal-ivjaġġjar taċ-ċittadin tal-pajjiż terz; u

(d)   id-data tar-reġistrazzjoni, il-post fejn issir ir-reġistrazzjoni u l-awtorità li tagħmel ir-reġistrazzjoni.

Test propost mill-Kummissjoni

Emenda

Mal-iskadenza ta' dak il-perjodu, l-Istati Membri għandhom iħassru d-dejta. L-Istati Membri għandhom iħassru dejta relatata ma' persuna li tkun kisbet ċittadinanza ta' kwalunkwe Stat Membru qabel l-iskadenza ta' dak il-perjodu malli l-Istat Membru jsir konxju li l-persuna kkonċernata tkun akkwistat dik iċ-ċittadinanza.

Mal-iskadenza ta' dak il-perjodu, l-Istati Membri għandhom iħassru d-dejta. L-Istati Membri għandhom iħassru dejta relatata ma' persuna li tkun kisbet ċittadinanza ta' kwalunkwe Stat Membru qabel l-iskadenza ta' dak il-perjodu.

Test propost mill-Kummissjoni

Emenda

6.  Fejn tittieħed deċiżjoni negattiva, ma għandha sseħħ l-ebda risistemazzjoni tal-persuna kkonċernata.

6.  Fejn tittieħed deċiżjoni negattiva, ma għandha sseħħ l-ebda risistemazzjoni tal-persuna kkonċernata lejn l-Istat Membru li jkun ħa d-deċiżjoni. Ir-raġuni għar-rifjut għandha tiġi komunikata lill-UNHCR jew organizzazzjonijiet oħra li jkunu għamlu s-sottomissjoni għas-segwitu skont il-każ.

Test propost mill-Kummissjoni

Emenda

(a)  jagħti status ta' rifuġjat fejn iċ-ċittadin tal-pajjiż terz jew il-persuna mingħajr stat ikkonċernati jikkwalifikaw bħala rifuġjat jew għal status ta' protezzjoni sussidjara fejn iċ-ċittadin tal-pajjiż terz jew il-persuna mingħajr stat ikkonċernati jkunu eliġibbli għal protezzjoni sussidjarja. L-Istat Membru għandu jinnotifika liċ-ċittadin ta' pajjiż terz jew il-persuna mingħajr stat ikkonċernata dwar dik id-deċiżjoni. Id-deċiżjoni li jingħata status ta' rifuġjat jew status ta' protezzjoni sussidjarja għandu jkollha l-istess effett bħal deċiżjoni li jingħata status ta' rifuġjat jew li jingħata status ta' protezzjoni sussidjarja msemmija fl-Artikoli 13 u 19 tar-Regolament (UE) Nru XXX/XXX [ir-Regolament dwar il-Kwalifika], ladarba l-persuna kkonċernata tkun daħlet fit-territorju ta' Stat Membru;

(a)  jagħti status ta' rifuġjat fejn iċ-ċittadin tal-pajjiż terz jew il-persuna mingħajr stat ikkonċernati jikkwalifikaw bħala rifuġjat jew għal status ta' protezzjoni sussidjara fejn iċ-ċittadin tal-pajjiż terz jew il-persuna mingħajr stat ikkonċernati jkunu eliġibbli għal protezzjoni sussidjarja. L-Istat Membru għandu jinnotifika liċ-ċittadin ta' pajjiż terz jew il-persuna mingħajr stat ikkonċernata dwar dik id-deċiżjoni u jinfurmah bid-drittijiet li jikkonferixxi dan l-istatus. Id-deċiżjoni li jingħata status ta' rifuġjat jew status ta' protezzjoni sussidjarja għandu jkollha l-istess effett bħal deċiżjoni li jingħata status ta' rifuġjat jew li jingħata status ta' protezzjoni sussidjarja msemmija fir-Regolament (UE) Nru XXX/XXX [ir-Regolament dwar il-Kwalifika], ladarba l-persuna kkonċernata tkun daħlet fit-territorju ta' Stat Membru; L-Istati Membri jistgħu joħorġu permessi ta' residenza b'validità permanenti jew illimitata fuq termini b'termini li huma aktar favorevoli, kif imsemmi fl-Artikolu 13 tad-Direttiva tal-Kunsill 2003/109/KE1a.

__________________

1a Id-Direttiva tal-Kunsill 2003/109/KE tal-25 ta' Novembru 2003 dwar l-istatus ta' ċittadini ta' pajjiżi terzi li jkunu residenti għat-tul, ĠU L 16, 23.1.2004, p. 44–53.

Test propost mill-Kummissjoni

Emenda

(c)  joffri programm ta' orjentazzjoni qabel it-tluq liċ-ċittadini ta' pajjiżi terzi jew persuni mingħajr stat, li jista' jinkludi informazzjoni dwar id-drittijiet u l-obbligi tagħhom, klassijiet tal-lingwa, u informazzjoni dwar l-ambjent soċjali, kulturali u politiku tal-Istat Membru.

(c)  joffri programm ta' orjentazzjoni qabel it-tluq liċ-ċittadini ta' pajjiżi terzi jew persuni mingħajr stat, li jista' jinkludi informazzjoni dwar id-drittijiet u l-obbligi tagħhom, klassijiet tal-lingwa, u informazzjoni dwar l-ambjent soċjali, kulturali u politiku tal-Istat Membru. Dawn il-programmi jistgħu jiġu pprovduti wara d-dħul.

Test propost mill-Kummissjoni

Emenda

8.  Għall-finijiet tal-implimentazzjoni tal-proċedura ordinarja, qabel ma jiġu identifikati ċittadini ta' pajjiżi terzi jew persuni mingħajr stat, l-Istati Membri jistgħu jitolbu lill-UNHCR, jew fejn applikabbli, [l-Aġenzija tal-Unjoni Ewropea għall-Ażil] jew korpi internazzjonali rilevanti biex jirreferulhom ċittadini ta' pajjiżi terzi jew persuni mingħajr stat li fir-rigward tagħhom dawk l-entitajiet ikunu vvalutaw b'mod sħiħ:

imħassar

(a)   jekk jaqgħux fil-kamp ta' applikazzjoni tal-iskema ta' risistemazzjoni mmirata tal-Unjoni; u

(b)  jekk jaqgħux f'xi waħda mill-kategoriji ta' vulnerabbiltà stabbiliti fil-punt (b)(i) tal-Artikolu 5.

L-Istati Membri jistgħu jitolbu lill-UNHCR jivvaluta b'mod sħiħ jekk ċittadini ta' pajjiżi terzi jew persuni mingħajr stat riferuti lilhom mill-UNHCR jikkwalifikawx bħala rifuġjati fis-sens tal-Artikolu 1 tal-Konvenzjoni ta' Ġinevra tal-1951.

L-Istati Membri jistgħu jitolbu wkoll li jitqiesu, fost l-oħrajn, il-kriterji stabbiliti fil-punti (a) sa (c) tal-paragrafu 1.

Test propost mill-Kummissjoni

Emenda

9.  Il-Kummissjoni għandha tingħata s-setgħa li tadotta atti delegati skont il-proċedura stabbilita fl-Artikolu 14 biex jiġu supplimentati l-elementi msemmija fil-paragrafi 1 sa 4, sabiex il-proċedura ta' risistemazzjoni tiġi adattata għaċ-ċirkostanzi fil-pajjiż terz minn fejn isseħħ ir-risistemazzjoni fejn ikun meħtieġ.

imħassar

Test propost mill-Kummissjoni

Emenda

(1)  ma għandhomx jivvalutaw jekk iċ-ċittadini ta' pajjiżi terzi jew il-persuni mingħajr stat jissodisfawx ir-rekwiżiti msemmija fil-punt (a)(i) tal-Artikolu 5;

(1)  jistgħu ma jivvalutawx jekk iċ-ċittadini ta' pajjiżi terzi jew il-persuni mingħajr stat jissodisfawx ir-rekwiżiti msemmija fil-punt (a)(i) tal-Artikolu 5;

Test propost mill-Kummissjoni

Emenda

(4)  għandhom jagħtu liċ-ċittadini ta' pajjiżi terzi jew lill-persuni mingħajr stat ikkonċernati l-istatus ta' protezzjoni sussidjarja.

(4)  jistgħu jagħtu liċ-ċittadini ta' pajjiżi terzi jew lill-persuni mingħajr stat ikkonċernati l-istatus ta' protezzjoni sussidjarja jekk il-valutazzjoni għall-għoti tal-istatus ta' rifuġjat ma tkunx kompluta fil-limiti taż-żmien skont il-paragrafu 3 ta' dan l-Artikolu.

Test propost mill-Kummissjoni

Emenda

Artikolu 11a

Proċedura ta' emerġenza

Fejn l-att delegat tal-Kummissjoni li jadotta pjan ta' risistemazzjoni tal-Unjoni jipprevedi proċedura ta' emerġenza, mhux marbuta ma' reġjuni jew popolazzjonijiet partikolari, għal każijiet fejn l-immedjatezza tar-riskji għas-sigurtà ta' ċerti persuni jew is-severità tal-kundizzjoni medika tagħhom ikunu jeħtieġu t-tneħħija immedjata tagħhom mill-kundizzjonijiet ta' periklu fi żmien qasir ħafna, b'deroga mill-Artikolu 10, l-Istati Membri għandhom:

1)   jimpenjaw ruħhom li jistabbilixxu proċedura rapida għal każijiet urġenti u ta' emerġenza, jekk tali proċedura ma teżistix diġà;

2)   jispeċifikaw għadd speċifiku ta' postijiet mhux marbuta ma' reġjuni jew popolazzjonijiet partikolari li jistgħu jibbenefikaw minn din il-proċedura;

3)   jirċievu sottomissjonijiet ta' każijiet ta' risistemazzjoni urġenti jew ta' emerġenza mingħand il-UNHCR u li għalihom l-immedjatezza tar-riskji għas-sigurtà jew is-severità tal-kundizzjoni medika teħtieġ it-tneħħija tagħhom mill-kundizzjonijiet ta' periklu fi żmien qasir ħafna;

4)   iħaffu l-aġġudikazzjoni jekk ir-rifuġjat jew il-persuni mingħajr stat jissodisfawx ir-rekwiżiti u l-kriterji ta' eliġibbiltà stabbiliti f'dan il-qafas taħt l-Artikolu 5, u;

5)   jimmiraw li jieħdu deċiżjoni fi żmien ġimagħtejn mis-sottomissjoni ta' każ u jiżguraw it-trasferiment immedjat taċ-ċittadin ta' pajjiż terz jew persuna mingħajr stat.

Test propost mill-Kummissjoni

Emenda

1.  Biex tiġi faċilitata l-implimentazzjoni tal-iskemi ta' risistemazzjoni mmirati tal-Unjoni, l-Istati Membri għandhom jaħtru punti ta' kuntatt nazzjonali u jistgħu jiddeċiedu li jaħtru uffiċjali ta' kollegament f'pajjiżi terzi.

1.  Biex tiġi faċilitata l-implimentazzjoni tal-iskemi ta' risistemazzjoni mmirati tal-Unjoni, l-Istati Membri għandhom jaħtru punti ta' kuntatt nazzjonali u jistgħu jiddeċiedu li jaħtru uffiċjali ta' kollegament f'pajjiżi terzi. L-Istati Membri jistgħu jiġu assistiti minn [L-Aġenzija tal-Unjoni Ewropea għall-Ażil], u, fejn huwa adatt, jużaw l-istrutturi eżistenti għall-kooperazzjoni operazzjonali dwar ir-risistemazzjoni.

Test propost mill-Kummissjoni

Emenda

3.  Biex jiġu implimentati skemi ta' risistemazzjoni mmirati tal-Unjoni, u b'mod partikolari biex jitwettqu programmi ta' orjentazzjoni qabel it-tluq, kontrolli mediċi biex ikun żgurat li l-persuna tkun f'kundizzjoni li tivvjaġġa, arranġamenti tal-ivjaġġjar u arranġamenti prattiċi oħra, l-Istati Membri jistgħu jiġu assistiti minn sħab skont l-arranġamenti ta' koordinazzjoni lokali u kooperazzjoni prattika għal skemi ta' risistemazzjoni mmirati tal-Unjoni stabbiliti skont il-punt (d) tal-Artikolu 8(2).

3.  Biex jiġu implimentati skemi ta' risistemazzjoni mmirati tal-Unjoni, u b'mod partikolari biex jitwettqu programmi ta' orjentazzjoni qabel it-tluq, kontrolli mediċi biex ikun żgurat li l-persuna tkun f'kundizzjoni li tivvjaġġa, arranġamenti tal-ivjaġġjar u arranġamenti prattiċi oħra, l-Istati Membri jistgħu jiġu assistiti mill-IOM u sħab oħra skont l-arranġamenti ta' koordinazzjoni lokali u kooperazzjoni prattika għal skemi ta' risistemazzjoni mmirati tal-Unjoni stabbiliti skont il-punt (d) tal-Artikolu 8(2).

Test propost mill-Kummissjoni

Emenda

1.  Għandu jiġi stabbilit Kumitat ta' Risistemazzjoni ta' Livell Għoli, kompost minn rappreżentanti tal-Parlament Ewropew, il-Kunsill, il-Kummissjoni, ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà, u l-Istati Membri. [L-Aġenzija tal-Unjoni Ewropea għall-Ażil], il-UNHCR, u l-IOM jistgħu jiġu mistiedna. Rappreżentanti tal-Iżlanda, il-Liechtenstein, in-Norveġja, u l-Iżvizzera għandhom jiġu mistiedna biex jattendu l-laqgħat tal-Kumitat ta' Risistemazzjoni ta' Livell Għoli fejn ikunu indikaw l-intenzjoni tagħhom li jiġu assoċjati mal-implimentazzjoni tal-pjan annwali ta' risistemazzjoni tal-Unjoni.

1.  Għandu jiġi stabbilit Kumitat ta' Risistemazzjoni ta' Livell Għoli, kompost minn rappreżentanti tal-Parlament Ewropew, il-Kunsill, il-Kummissjoni, l-Istati Membri, il-UNHCR, [L-Aġenzija tal-Unjoni Ewropea għall-Ażil], IOM u organizzazzjonijiet rilevanti oħrajn tas-soċjetà ċivili. Rappreżentanti tal-Iżlanda, il-Liechtenstein, in-Norveġja, u l-Iżvizzera għandhom jiġu mistiedna biex jattendu l-laqgħat tal-Kumitat ta' Risistemazzjoni ta' Livell Għoli fejn ikunu indikaw l-intenzjoni tagħhom li jiġu assoċjati mal-implimentazzjoni tal-pjan annwali ta' risistemazzjoni tal-Unjoni.

Wara l-konsultazzjonijiet annwali tripartitiċi dwar ir-risistemazzjoni(ATRC) u l-pubblikazzjoni tal-Ħtiġijiet Dinjija Proġettati ta' Risistemazzjoni tal-UNHCR, il-Kumitat ta' Risistemazzjoni ta' Livell Għoli għandu jiltaqa' biex jispeċifika l-komponenti ewlenin tal-pjan ta' risistemazzjoni tal-Unjoni kif ukoll id-diversi skemi mmirati ta' risistemazzjoni tal-Unjoni.

Test propost mill-Kummissjoni

Emenda

2.  Is-setgħa ta' adozzjoni ta' atti delegati msemmija fl-Artikolu 10(9) għandha tingħata lill-Kummissjoni għal perjodu ta' żmien indeterminat mid-data tad-dħul fis-seħħ ta' dan ir-Regolament.

2.  Is-setgħa ta' adozzjoni ta' atti delegati msemmija fl-Artikoli 7 u 8 għandha tingħata lill-Kummissjoni għal perjodu ta' erba' snin minn ... [id-data tad-dħul fis-seħħ ta' dan ir-Regolament]. Il-Kummissjoni għandha tħejji rapport dwar id-delega ta' setgħa mhux iktar tard minn disa' xhur qabel it-tmiem tal-perjodu ta' ħames snin. Id-delega tas-setgħa għandha tiġi estiża awtomatikament għal perjodi ta' żmien ta' tul identiku, ħlief jekk il-Parlament Ewropew jew il-Kunsill joġġezzjonaw għal estensjoni bħal din mhux iktar tard minn tliet xhur qabel it-tmiem ta' kull perjodu.

Test propost mill-Kummissjoni

Emenda

3.  Id-delega tas-setgħa msemmija fl-Artikolu 10(9) tista' tiġi revokata f'kull mument mill-Parlament Ewropew jew mill-Kunsill. Deċiżjoni ta' revoka għandha ttemm id-delega tas-setgħat speċifikati f'dik id-deċiżjoni. Din għandha tidħol fis-seħħ fil-jum wara dak tal-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fiha. Ma għandha taffettwa l-validità tal-ebda att iddelegat diġà fis-seħħ.

3.  Id-delega tas-setgħa msemmija fl-Artikoli 7 u 8 tista' tiġi revokata f'kull mument mill-Parlament Ewropew jew mill-Kunsill. Deċiżjoni ta' revoka għandha ttemm id-delega tas-setgħat speċifikati f'dik id-deċiżjoni. Din għandha tidħol fis-seħħ fil-jum wara dak tal-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fiha. Ma għandha taffettwa l-validità tal-ebda att delegat diġà fis-seħħ.

Test propost mill-Kummissjoni

Emenda

6.  Att delegat adottat skont l-Artikolu 10(9) għandu jidħol fis-seħħ biss jekk ma tkun saret l-ebda oġġezzjoni la mill-Parlament Ewropew u lanqas mill-Kunsill fi żmien xahrejn min-notifika ta' dak l-att lill-Parlament Ewropew u lill-Kunsill jew jekk, qabel l-iskadenza ta' dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li ma jkunux ser joġġezzjonaw. Dak il-perjodu għandu jiġi estiż b'xahrejn fuq l-inizjattiva tal-Parlament Ewropew jew tal-Kunsill.

6.  Att delegat adottat skont l-Artikoli 7 u 8 għandu jidħol fis-seħħ biss jekk ma tkun saret l-ebda oġġezzjoni la mill-Parlament Ewropew u lanqas mill-Kunsill fi żmien xahrejn min-notifika ta' dak l-att lill-Parlament Ewropew u lill-Kunsill jew jekk, qabel l-iskadenza ta' dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li ma jkunux ser joġġezzjonaw. Dak il-perjodu għandu jiġi estiż b'xahrejn fuq l-inizjattiva tal-Parlament Ewropew jew tal-Kunsill.

Test propost mill-Kummissjoni

Emenda

Artikolu 15

imħassar

Proċedura ta' kumitat

1.   Il-Kummissjoni għandha tiġi megħjuna minn kumitat. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Test propost mill-Kummissjoni

Emenda

L-Iżlanda, il-Liechtenstein, in-Norveġja u l-Iżvizzera għandhom ikunu mistiedna li jkunu assoċjati mal-implimentazzjoni tal-pjan annwali ta' risistemazzjoni tal-Unjoni. L-elementi ewlenin ta' dan ir-Regolament, b'mod partikolari dawk relatati mal-proċedura ta' risistemazzjoni u mad-drittijiet u l-obbligi ta' persuni risistemati, għandhom jitqiesu kif mistħoqq f'dik l-assoċjazzjoni.

L-Iżlanda, il-Liechtenstein, in-Norveġja u l-Iżvizzera għandhom ikunu mistiedna li jkunu assoċjati mal-implimentazzjoni tal-pjan ta' risistemazzjoni tal-Unjoni. L-elementi ewlenin ta' dan ir-Regolament, b'mod partikolari dawk relatati mal-proċedura ta' risistemazzjoni u mad-drittijiet u l-obbligi ta' persuni risistemati, għandhom jitqiesu kif mistħoqq f'dik l-assoċjazzjoni.

Test propost mill-Kummissjoni

Emenda

(a)  "risistemazzjoni" tfisser l-ammissjoni ta' ċittadini ta' pajjiżi terzi jew persuni mingħajr stat fil-bżonn ta' protezzjoni internazzjonali minn pajjiż terz li ġew spostati lejh jew fih, fit-territorju ta' wieħed mill-Istati Membri bil-ħsieb li jingħataw protezzjoni internazzjonali”;

(a)  "risistemazzjoni" tfisser is-selezzjoni, l-ammissjoni u t-trasferiment ta' ċittadini ta' pajjiżi terzi u persuni mingħajr stat fil-bżonn ta' protezzjoni internazzjonali minn Stat fejn fittxew protezzjoni lejn Stat Membru, bil-ħsieb li jingħataw protezzjoni internazzjonali u soluzzjoni dejjiema;

Test propost mill-Kummissjoni

Emenda

(ab)  "skema ta' risistemazzjoni mmirata tal-Unjoni" tfisser skema ta' risistemazzjoni mmirata tal-Unjoni stabbilita skont l-Artikolu 15(2) tar-[Regolament (UE) Nru XXX/XXX (ir-Regolament dwar il-Qafas ta' Risistemazzjoni)].

(ab)  "skema ta' risistemazzjoni mmirata tal-Unjoni" tfisser skema ta' risistemazzjoni mmirata tal-Unjoni stabbilita skont l-Artikolu 8 tar-[Regolament (UE) Nru XXX/XXX (ir-Regolament dwar il-Qafas ta' Risistemazzjoni)].

Test propost mill-Kummissjoni

Emenda

1.  Flimkien mal-allokazzjoni tagħhom ikkalkolata skont il-punt (a) tal-Artikolu 15(1), l-Istati Membri għandhom jirċievu, għal kull persuna risistemata skont skema ta' risistemazzjoni mmirata tal-Unjoni, somma f'daqqa ta' EUR 10 000.

1.  L-Istati Membri għandhom, minbarra l-allokazzjoni tagħhom ikkalkolata skont il-punt (a) tal-Artikolu 15(1), jirċievu kull sentejn ammont addizzjonali kif stabbilit fil-punt (b) tal-Artikolu 15(2) li jkun ibbażat fuq is-somma sħiħa ta' EUR 6 000 għal kull persuna risistemata. Is-somma f'daqqa għandha tiżdied għal EUR 10 000 għal kull persuna risistemata skont skema ta' risistemazzjoni mmirata.

Test propost mill-Kummissjoni

Emenda

1.  Sal-31 ta' Diċembru 2018, il-Kummissjoni għandha tirrapporta lill-Parlament Ewropew u lill-Kunsill dwar l-applikazzjoni ta' dan ir-Regolament fl-Istati Membri.

1.  Sal-... [sena wara d-dħul fis-seħħ], il-Kummissjoni għandha tirrapporta lill-Parlament Ewropew u lill-Kunsill dwar l-applikazzjoni ta' dan ir-Regolament fl-Istati Membri.

Test propost mill-Kummissjoni

Emenda

2.  L-Istati Membri għandhom jipprovdu lill-Kummissjoni u lill-[Aġenzija tal-Unjoni Ewropea għall-Ażil] bl-informazzjoni neċessarja għat-tfassil tar-rapport tagħha għall-finijiet tal-paragrafu 1 flimkien mal-informazzjoni provduta lill-[Aġenzija Ewropea għall-Ażil] dwar in-numru ta' ċittadini ta' pajjiżi terzi u persuni mingħajr stat risistemati effettivament fuq bażi ta' kull ġimgħa kif stabbilit fl-Artikolu 22(3) tar-[Regolament (UE) Nru XXX/XXX (ir-Regolament ta' Dublin)].

2.  L-Istati Membri għandhom jipprovdu lill-Kummissjoni u lill-[Aġenzija tal-Unjoni Ewropea għall-Ażil] bl-informazzjoni neċessarja għat-tfassil tar-rapport tagħha għall-finijiet tal-paragrafu 1 flimkien mal-informazzjoni provduta lill-[Aġenzija Ewropea għall-Ażil] dwar in-numru ta' ċittadini ta' pajjiżi terzi u persuni mingħajr stat risistemati effettivament kif stabbilit fl-Artikolu 22(3) tar-[Regolament (UE) Nru XXX/XXX (ir-Regolament ta' Dublin)].