Test propost mill-Kummissjoni

Emenda

(6) Il-Pjan ta’ Implimentazzjoni maqbul waqt is-Summit Dinji dwar l-Iżvilupp Sostenibbli f’Johannesburg fl-2002 jiddikjara li l-istokkijiet kummerċjali kollha għandhom jerġgħu jinġiebu għal livelli li jistgħu jipproduċu rendiment massimu sostenibbli sal-2015. L-ICES jikkunsidra li għall-istokkijiet tas-salamun tax-xmajjar tal-Baltiku dan il-livell jikkorrispondi għal livell ta’ produzzjoni ta’ salamun żgħir li jgħaddi għall-ilma baħar (smolt) ta’ bejn 60 % u 75 % tal-kapaċità potenzjali ta’ produzzjoni ta’ salamun żgħir li jgħaddi għall-ilma baħar (smolt) għal xmajjar differenti tas-salamun selvaġġ. Dan il-parir xjentifiku għandu jikkostitwixxi l-bażi sabiex ikunu stabbiliti l-għanijiet u l-miri tal-pjan multiannwali.

(6) Il-Pjan ta’ Implimentazzjoni maqbul waqt is-Summit Dinji dwar l-Iżvilupp Sostenibbli f’Johannesburg fl-2002 jiddikjara li l-istokkijiet kummerċjali kollha għandhom jerġgħu jinġiebu għal livelli li jistgħu jipproduċu rendiment massimu sostenibbli sal-2015. L-HELCOM jikkunsidra li għall-istokkijiet tas-salamun tax-xmajjar tal-Baltiku dan il-livell jikkorrispondi għal livell ta’ produzzjoni ta’ salamun żgħir li jgħaddi għall-ilma baħar (smolt) ta’ 80 % tal-kapaċità potenzjali ta’ produzzjoni ta’ salamun żgħir li jgħaddi għall-ilma baħar (smolt) għal xmajjar differenti tas-salamun selvaġġ. Dan il-parir xjentifiku għandu jikkostitwixxi l-bażi sabiex ikunu stabbiliti l-għanijiet u l-miri tal-pjan multiannwali.

Test propost mill-Kummissjoni

Emenda

(12) Il-parir xjentifiku jiddikjara li l-proċeduri tal-istokkjar jista’ jkollhom implikazzjonijiet sinifikanti fuq id-diversità ġenetika tal-istokk tas-salamun tal-Baltiku u li hemm riskju li l-għadd kbir ta’ ħut imrobbi li jiġi rilaxxat fil-Baħar Baltiku kull sena jkun qed jaffettwa l-integrità ġenetika tas-salamun selvaġġ u għalhekk għandu jitneħħa gradwalment. Għalhekk, il-kundizzjoni tar-riliaxxi għandha tkun stabbilita f'dan il-pjan multiannwali.

(12) Il-parir xjentifiku jiddikjara li l-proċeduri tal-istokkjar jista’ jkollhom implikazzjonijiet sinifikanti fuq id-diversità ġenetika tal-istokk tas-salamun tal-Baltiku u li hemm riskju li l-għadd kbir ta’ ħut imrobbi li jiġi rilaxxat fil-Baħar Baltiku kull sena jkun qed jaffettwa l-integrità ġenetika tas-salamun selvaġġ u għalhekk għandu jiġi ssorveljat aktar. Għalhekk, il-kundizzjoni tar-riliaxxi għandha tkun stabbilita f'dan il-pjan multiannwali.

Test propost mill-Kummissjoni

Emenda

(14) Madankollu, peress li r-rilaxxi tas-salamun bħalissa jistgħu jkunu obbligatorji f’ċerti Stati Membri, u sabiex l-Istati Membri jingħataw żmien biżżejjed biex jaġġustaw ruħhom għal dawn ir-rekwiżiti, ir-rilaxxi tas-salamun għajr l-istokkjar u l-istokkjar mill-ġdid dirett għandhom jibqgħu awtorizzati matul perjodu tranżitorju ta’ seba’ snin wara d-dħul fis-seħħ ta’ dan ir-Regolament.

(14) Ir-rilaxxi tas-salamun għajr l-istokkjar u l-istokkjar mill-ġdid dirett m’għandhomx jibqgħu awtorizzati wara għaxar snin, jekk il-produzzjoni tas-salamun selvaġġ żgħir li jgħaddi għall-ilma baħar (smolt) tilħaq it-80% tal-kapaċità potenzjali ta’ produzzjoni ta’ salamun żgħir li jgħaddi għall-ilma baħar (smolt) fi xmara partikolari. Ir-rilaxxi tas-salamun huma attwalment suġġetti li jippreżentaw karattru obbligatorju f’ċerti Stati Membri u l-Istati Membri għandhom jingħataw iż-żmien meħtieġ sabiex iħejju ruħhom għad-dispożizzjonijiet previsti hawnhekk.

Test propost mill-Kummissjoni

Emenda

(16) Parti sostanzjali tal-bastimenti kostali li jistadu għas-salamun huma inqas minn 10 m fit-tul. Għal din ir-raġuni l-użu ta’ ġurnal ta’ abbord tas-sajd kif previst bl-Artikolu 14 u n-notifika minn qabel kif previst bl-Artikolu 17 tar-Regolament (KE) Nru 1224/2009 għandhom jiġu estiżi biex ikopru l-bastimenti kollha.

(16) Għandhom jiġu imposti l-użu ta’ ġurnal ta’ abbord tas-sajd kif previst bl-Artikolu 14 u n-notifika minn qabel prevista bl-Artikolu 17 tar-Regolament (KE) Nru 1224/2009 għall-bastimenti li jaqbżu t-tul ta’ 12-il metru.

Test propost mill-Kummissjoni

Emenda

(17) Sabiex ikun żgurat li l-qabdiet tas-salamun ma jiġux irrappurtati ħażin bħala trota tal-baħar, u għalhekk jevadu l-kontroll proprju, huwa meħtieġ li l-obbligu biex dawn jissottomettu n-notifiki minn qabel skont l-Artikolu 17 tar-Regolament (KE) Nru 1224/2009 jiġi estiż ukoll għall-bastimenti kollha li jkollhom abbord it-trota tal-baħar.

(17) Sabiex ikun żgurat li l-qabdiet tas-salamun ma jiġux irrappurtati ħażin bħala trota tal-baħar, u għalhekk jevadu l-kontroll proprju, huwa meħtieġ li l-obbligu biex dawn jissottomettu n-notifiki minn qabel skont l-Artikolu 17 tar-Regolament (KE) Nru 1224/2009 jiġi impost fuq il-bastimenti li jaqbżu t-tul ta’ 12-il metru li jkollhom abbord it-trota tal-baħar.

Test propost mill-Kummissjoni

Emenda

a) sajd kummerċjali fil-Baħar Baltiku u fix-xmajjar magħqudin miegħu fit-territorju tal-Istati Membri (minn hawn’il quddiem imsejħa l-Istati Membri kkonċernati);

a) sajd kummerċjali u ta’ natura rikreattiva fil-Baħar Baltiku u fix-xmajjar magħqudin miegħu fit-territorju tal-Istati Membri (minn hawn’il quddiem imsejħa “l-Istati Membri kkonċernati”);

Test propost mill-Kummissjoni

Emenda

b) sajd rikreattiv għas-salamun fil-Baħar Baltiku fejn tali sajd jitwettaq permezz ta’ bastimenti tas-servizz.

imħassar

Test propost mill-Kummissjoni

Emenda

ha)

“sajd rikreattiv” tfisser suriet ta’ attivitajiet li mhumiex kummerċjali u li jutilizzaw kull tip ta’ entità u tagħmir tas-sajd b’għan kummerċjali u mhux kummerċjali;

Test propost mill-Kummissjoni

Emenda

1. Għax-xmajjar tas-salamun selvaġġ li jkunu laħqu l-50% tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) sal-mument li fih jidħol fis-seħħ dan ir-Regolament, il-produzzjoni tas-salamun żgħir li jgħaddi għall-ilma baħar (smolt) għandha tilħaq il-75 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) għal kull xmara fi żmien ħames snin mid-dħul fis-seħħ ta’ dan ir-Regolament.

1. Għax-xmajjar tas-salamun selvaġġ li jkunu laħqu l-50% tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) sal-mument li fih jidħol fis-seħħ dan ir-Regolament, il-produzzjoni tas-salamun żgħir li jgħaddi għall-ilma baħar (smolt) għandha tilħaq il-80 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) għal kull xmara fi żmien ħames snin mid-dħul fis-seħħ ta’ dan ir-Regolament.

Test propost mill-Kummissjoni

Emenda

2. Għax-xmajjar tas-salamun selvaġġ li ma jkunux laħqu il-50 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) sal-mument li fih jidħol fis-seħħ dan ir-Regolament, il-produzzjoni tas-salamun żgħir li jgħaddi għall-ilma baħar (smolt) selvaġġ għandha tilħaq il-50 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) għal kull xmara fi żmien ħames snin u 75 % fi żmien għaxar snin wara d-dħul fis-seħħ ta’ dan ir-Regolament.

2. Għax-xmajjar tas-salamun selvaġġ li ma jkunux laħqu il-50 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) sal-mument li fih jidħol fis-seħħ dan ir-Regolament, il-produzzjoni tas-salamun żgħir li jgħaddi għall-ilma baħar (smolt) selvaġġ għandha tilħaq il-50 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) għal kull xmara fi żmien ħames snin u 80 % fi żmien għaxar snin wara d-dħul fis-seħħ ta’ dan ir-Regolament.

Test propost mill-Kummissjoni

Emenda

3. Wara għaxar snin mid-dħul fis-seħħ ta’ dan ir-Regolament, il-produzzjoni tas-salamun żgħir selvaġġ li jgħaddi għall-ilma baħar (smolt) għandha tinżamm f’livell ta’ mill-inqas 75 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) f’kull xmara tas-salamun selvaġġ.

3. Wara għaxar snin mid-dħul fis-seħħ ta’ dan ir-Regolament, il-produzzjoni tas-salamun żgħir selvaġġ li jgħaddi għall-ilma baħar (smolt) għandha tinżamm f’livell ta’ mill-inqas 80 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) f’kull xmara tas-salamun selvaġġ.

Test propost mill-Kummissjoni

Emenda

4. Il-Kummissjoni għandha tivvaluta kull tliet snin il-kompatibbiltà u l-effikaċja tal-miżuri meħuda mill-Istati Membri skont dan l-Artikolu abbażi tal-għanijiet u l-miri stabbiliti fl-Artikoli 4 u 5.

4. Il-Kummissjoni għandha tivvaluta kull sena l-kompatibbiltà u l-effikaċja tal-miżuri meħuda mill-Istati Membri skont dan l-Artikolu abbażi tal-għanijiet u l-miri stabbiliti fl-Artikoli 4 u 5.

Test propost mill-Kummissjoni

Emenda

L-użu tal-kwota nazzjonali mill-bastimenti tas-servizz

L-użu tal-kwota nazzjonali fil-kuntest ta’ attivitajiet ta’ sajd rikreattiv

Test propost mill-Kummissjoni

Emenda

Is-salamun li jinqabad mill-baħar permezz ta’ bastimenti tas-servizz għandu jingħadd mal-kwota nazzjonali.

Is-salamun li jinqabad fil-kuntest ta’ attivitajiet ta’ sajd rikreattiv għandu jingħadd mal-kwota nazzjonali.

Test propost mill-Kummissjoni

Emenda

1. Għax-xmajjar tas-salamun selvaġġ li ma jkunux laħqu l-50 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) sal-mument li fih jidħol fis-seħħ dan ir-Regolament, l-Istati Membri kkonċernati għandhom jistabbilixxu sa mhux aktar tard minn sentejn wara d-dħul fis-seħħ ta’ dan ir-Regolament miżuri tekniċi ta’ konservazzjoni.

1. Għax-xmajjar tas-salamun selvaġġ li ma jkunux laħqu l-50 % tal-kapaċità tal-produzzjoni potenzjali tas-salamun żgħir li jgħaddi għall-ilma baħar (smolt) sal-mument li fih jidħol fis-seħħ dan ir-Regolament, l-Istati Membri kkonċernati għandhom jistabbilixxu sa mhux aktar tard minn sena wara d-dħul fis-seħħ ta’ dan ir-Regolament miżuri tekniċi ta’ konservazzjoni.

Test propost mill-Kummissjoni

Emenda

1. Il-Kummissjoni għandha tivvaluta kull tliet snin il-kompatibbiltà u l-effikaċja tal-miżuri meħuda mill-Istati Membri skont l-Artikoli 9 u 10, b’mod partikolari fejn ix-xmajjar tas-salamun selvaġġ jgħaddu minn diversi Stati Membri, abbażi tal-miri u l-għanijiet stabbiliti fl-Artikoli 4 u 5.

1. Il-Kummissjoni għandha tivvaluta kull sena l-kompatibbiltà u l-effikaċja tal-miżuri meħuda mill-Istati Membri skont l-Artikoli 9 u 10, b’mod partikolari fejn ix-xmajjar tas-salamun selvaġġ jgħaddu minn diversi Stati Membri, abbażi tal-miri u l-għanijiet stabbiliti fl-Artikoli 4 u 5.

Test propost mill-Kummissjoni

Emenda

Ir-rilaxxi tas-salamun għajr dawk magħmula skont l-Artikoli 12 u 13 jistgħu jissuktaw sa 7 snin mid-dħul fis-seħħ ta’ dan ir-Regolament.

Ir-rilaxxi tas-salamun għajr dawk magħmula skont l-Artikoli 12 u 13 jistgħu jissuktaw sa 7 snin mid-dħul fis-seħħ ta’ dan ir-Regolament. Ir-rilaxxi tas-salamun li mhumiex koperti mill-Artikoli 12 u 13 għandhom jieqfu wara perjodu ta’ għaxar snin jekk il-produzzjoni tas-salamun selvaġġ żgħir li jgħaddi għall-ilma baħar (smolt) tilħaq it-80% tal-kapaċità potenzjali ta’ produzzjoni ta’ salamun żgħir li jgħaddi għall-ilma baħar (smolt) fi xmara partikolari.

Test propost mill-Kummissjoni

Emenda

B’deroga mill-Artikolu 14 tar-Regolament (KE) Nru 1224/2009, il-kaptani tal-bastimenti tas-sajd tal-Unjoni Ewropea ta’ kwalunkwe tul li jkollhom permess tas-sajd għas-salamun għandhom iżommu ġurnal ta’ abbord għall-operazzjonijiet kollha tagħhom skont ir-regoli stabbiliti fl-Artikolu 14 tar-Regolament (KE) Nru 1224/2009.

B’deroga mill-Artikolu 14 tar-Regolament (KE) Nru 1224/2009, il-kaptani tal-bastimenti tas-sajd u tas-servizz tal-Unjoni Ewropea ta’ tul totali li jaqbeż it-12-il metru, li jkollhom permess tas-sajd għas-salamun għandhom iżommu ġurnal ta’ abbord għall-operazzjonijiet kollha tagħhom skont ir-regoli stabbiliti fl-Artikolu 14 tar-Regolament (KE) Nru 1224/2009.

Test propost mill-Kummissjoni

Emenda

B’deroga mis-sentenza introduttorja tal-Artikolu 17(1) tar-Regolament (KE) Nru 1224/2009, il-kaptani tal-bastimenti tas-sajd tal-Unjoni Ewropea ta’ kwalunkwe tul li jkollhom abbord salamun u/jew trota tal-baħar għandhom jinnotifikaw lill-awtoritajiet kompetenti tal-Istat Membru tal-bandiera tagħhom, immedjatament wara t-tlestija tal-operazzjoni tas-sajd, bl-informazzjoni elenkata fl-Artikolu 17(1) tar-Regolament (KE) Nru 1224/2009.

B’deroga mis-sentenza introduttorja tal-Artikolu 17(1) tar-Regolament (KE) Nru 1224/2009, il-kaptani tal-bastimenti tas-sajd u tas-servizz tal-Unjoni Ewropea, ta’ tul totali li jaqbeż it-12-il metru, li jkollhom abbord salamun u/jew trota tal-baħar għandhom jinnotifikaw lill-awtoritajiet kompetenti tal-Istat Membru tal-bandiera tagħhom, immedjatament wara t-tlestija tal-operazzjoni tas-sajd, bl-informazzjoni elenkata fl-Artikolu 17(1) tar-Regolament (KE) Nru 1224/2009.

Test propost mill-Kummissjoni

Emenda

L-Istati Membri kkonċernati għandhom jivverifikaw il-preċiżjoni tal-informazzjoni rreġistrata fid-dikjarazzjonijiet tal-qbid permezz ta’ spezzjonijiet tal-ħatt l-art. Dawn l-ispezzjonijiet tal-ħatt l-art għandhom ikopru spezzjoni ta’ mill-inqas 10 % tal-għadd totali tal-ħatt l-art li jsir.

L-Istati Membri kkonċernati għandhom jivverifikaw il-preċiżjoni tal-informazzjoni rreġistrata fid-dikjarazzjonijiet tal-qbid permezz ta’ spezzjonijiet tal-ħatt l-art. Dawn l-ispezzjonijiet tal-ħatt l-art għandhom ikopru spezzjoni ta’ mill-inqas 50 % tal-għadd totali tal-ħatt l-art li jsir.

Test propost mill-Kummissjoni

Emenda

Artikolu 20a

Kontroll tas-sajd rikreattiv

Il-kontroll tal-attivitajiet tas-sajd rikreattiv għall-finijiet tar-regolament preżenti huwa msejjes b'mod partikolari fuq l-Artikolu 55 tar-Regolament (KE) Nru 1224/2009 u l-Artikolu 64 tar-Regolament (UE) Nru 404/2011.

Test propost mill-Kummissjoni

Emenda

Artikolu 22a

Sa mhux aktar tard minn tliet snin wara d-dħul fis-seħħ ta’ dan ir-regolament, il-Kummissjoni għandha tippreżenta lill-Parlament Ewropew u lill-Kunsill ir-riżultati tal-istudji xjentifiċi li jkunu saru dwar l-influwenza tal-predaturi, b'mod partikolari l-foki u l-marguni, fuq l-istokkijiet tal-salamun tal-Baltiku. Ir-riżultati ta’ dawn l-istudji għandhom ifornu l-bażi ta’ pjan ta’ ġestjoni tal-popolazzjonijiet ta’ predaturi li jkollhom influwenza fuq l-istokkijiet ta’ salamun tal-Baltiku, li l-Kummissjoni għandha tfassal u li għandu jidħol fis-seħħ sa mhux aktar tard mill-2016.

Test propost mill-Kummissjoni

Emenda

1. L-Istati Membri kkonċernati għandhom jirrappurtaw lill-Kummissjoni dwar il-miżuri tekniċi ta’ konservazzjoni adottati skont il-Kapitolu V u dwar jekk laħqux l-għanijiet stabbiliti fl-Artikolu 5 fit-tielet sena mid-dħul fis-seħħ ta’ dan ir-Regolament u mbagħad kull tliet snin.

1. L-Istati Membri kkonċernati għandhom jirrappurtaw lill-Kummissjoni dwar il-miżuri tekniċi ta’ konservazzjoni adottati skont il-Kapitolu V u dwar jekk laħqux l-għanijiet stabbiliti fl-Artikolu 5 sena wara d-dħul fis-seħħ ta’ dan ir-Regolament u mbagħad kull sena.

Test propost mill-Kummissjoni

Emenda

2. L-Istati Membri kkonċernati għandhom jirrappurtaw lill-Kummissjoni dwar l-implimentazzjoni ta’ dan ir-Regolament u l-kisba tal-għanijiet stipulati fl-Artikolu 5 fis-sitt sena wara d-dħul fis-seħħ ta’ dan ir-Regolament u mbagħad kull sitt snin. Ir-rapport tal-Istat Membru għandu jipprovdi b’mod partikolari l-informazzjoni li ġejja:

2. L-Istati Membri kkonċernati għandhom jirrappurtaw lill-Kummissjoni dwar l-implimentazzjoni ta’ dan ir-Regolament u l-kisba tal-għanijiet stipulati fl-Artikolu 5 fit-tielet sena wara d-dħul fis-seħħ ta’ dan ir-Regolament u mbagħad kull tliet snin. Ir-rapport tal-Istat Membru għandu jipprovdi b’mod partikolari l-informazzjoni li ġejja:

Test propost mill-Kummissjoni

Emenda

Il-Kummissjoni għandha, abbażi tar-rappurtar mill-Istati Membri kif imsemmi fl-Artikolu 23 ta’ dan ir-Regolament u abbażi tal-parir xjentifiku, tivvaluta l-impatt tal-miżuri ta’ ġestjoni fuq l-istokk tas-salamun tal-Baltiku kif ukoll fuq is-sajd li jisfrutta dak l-istokk fis-sena ta’ wara li fiha din tirċievi r-rapport mill-Istati Membri.

Il-Kummissjoni għandha, abbażi tar-rappurtar mill-Istati Membri kif imsemmi fl-Artikolu 23 ta’ dan ir-Regolament u abbażi tal-parir xjentifiku, tivvaluta l-impatt tal-miżuri ta’ ġestjoni fuq l-istokk tas-salamun tal-Baltiku kif ukoll fuq is-sajd li jisfrutta dak l-istokk fis-sena ta’ wara li fiha din tirċievi r-rapport mill-Istati Membri. Il-Kummissjoni għandha teżamina mill-ġdid il-projbizzjoni tal-użu tal-għeżula għas-sajd tas-salamun fid-dawl tal-impatt tagħhom fuq l-istokkijiet ta’ salamun tal-Baltiku.

Test propost mill-Kummissjoni

Emenda

Meta Stat Membru kkonċernat ma jistabbilixxix jew ma jippubblikax, sad-data ta’ skadenza stabbilita, il-miżuri stipulati fl-Artikoli 6 jew 11, jew fejn miżuri bħal dawn jitqiesu bħala mhux adegwati u/jew mhux effettivi wara l-valutazzjoni mwettqa skont l-Artikolu 6.4 u 11.1, l-għoti tas-setgħa lill-Istat Membru kkonċernat imsemmija fl-Artikoli 6 jew 11 għandha tiġi rrevokata mill-Kummissjoni. Deċiżjoni ta’ revoka għandha ġġib fi tmiemha d-delega tas-setgħa speċifikata f’dik id-deċiżjoni. Din għandha tidħol fis-seħħ fil-jum ta’ wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fiha.

Meta Stat Membru kkonċernat ma jistabbilixxix jew ma jippubblikax, sad-data ta’ skadenza stabbilita, il-miżuri stipulati fl-Artikoli 6 jew 11, jew fejn miżuri bħal dawn jitqiesu bħala mhux adegwati u/jew mhux effettivi wara l-valutazzjoni mwettqa skont l-Artikolu 6.4 u 11.1, l-għoti tas-setgħa lill-Istat Membru kkonċernat imsemmija fl-Artikoli 6 jew 11 għandha tiġi rrevokata mill-Kummissjoni. Ir-revoka ta’ din id-delegazzjoni ta’ setgħat għandha ssir skont il-proċedura definita fl-Artikolu 258 tat-Trattat dwar il-Funzjonament tal-Unjoni Ewropea.