L-Ażerbajġan ilu għal żmien twil jiġi kkritikat talli kontinwament jikser id-drittijiet tal-bniedem taċ-ċittadini tiegħu. Fir-Rapport tagħha tal-2015 dwar l-Azerbajġan, il-Human Rights Watch ikkritikat il-gvern tal-President Ilham Aliyev dwar deterjorament ulterjuri fir-rigward tar-rekord diġà ħażin tiegħu fejn għandhom x'jaqsmu d-drittijiet tal-bniedem. Matul l-aħħar xhur kien hemm trażżin, u kif ukoll priġunerija għall-attivitisti politiċi u ċivili, iffriżar tal-kontijiet tal-bank ta' gruppi ċiviċi indipendenti, rippressjoni tal-midja u tortura u trattament ħażin lill-attivisti fil-kustodja tal-pulizija.

Fid-dawl taż-żjara tar-Rappreżentant Għoli f'Baku fl-1 ta' Marzu 2016, l-Unjoni Ewropea x'qiegħda tagħmel biex tinkoraġġixxi t-trawwim tad-demokrazija u r-rispett għad-drittijiet tal-bniedem fl-Ażerbajġan?

Ir-relazzjonijiet eqreb bejn l-UE u l-Ażerbajġan permezz tal-Politika Ewropea tal-Viċinat huma kondizzjonali fuq il-progress fir-rigward tad-drittijiet tal-bniedem fil-pajjiż?

L-iżvilupp ta' relazzjonijiet eqreb bejn l-UE u l-Ażerbajġan se jkun iffriżat jekk ma jsirx biżżejjed progress fil-qasam tad-drittijiet tal-bniedem?