B'referenza għall-avvenimenti li qed jiżvolġu f'Malta bħalissa, jirriżultaw numru ta' fatti mhux ikkontestati li joħorġu mill-kwistjoni tal-Panama Papers kif ukoll minn avvenimenti sussegwenti bl-involviment tal-Prim Ministru, ta' ministru u tal-kap tal-persunal tal-Prim Ministru.

Jiena tal-fehma li kaġun tal-pożizzjoni kompromettenti tal-Kummisarju tal-Pulizija fl-investigazzjoni kurrenti, hu ovvju li l-pulizija ma jistgħux jinvestigaw dawn l-allegazzjonijiet b'imparzjalità. Minħabba f'hekk, l-istat tad-dritt f'Malta jinsab mhedded.

Il-Kummissjoni beħsiebha timmonitorja l-iżviluppi f'Malta u ssostni liċ-ċittadini Maltin, billi teżerċità l-poteri disponibbli għaliha, sabiex tiżgura l-istat tad-dritt f'Malta?