Fil-25 ta' Ottubru 2016, il-Parlament adotta riżoluzzjoni dwar l-istabbiliment ta' mekkaniżmu tal-UE dwar id-demokrazija, l-istat tad-dritt u d-drittijiet fundamentali. Barra minn hekk, il-Parlament tenna l-ħtieġa għal mekkaniżmu bħal dan fir-riżoluzzjoni tiegħu tal-15 ta' Novembru 2017 dwar l-istat tad-dritt f'Malta, li fiha appella għal darb' oħra għal proċess regolari ta' monitoraġġ u djalogu li jinvolvi l-Istati Membri kollha sabiex jiġu ssalvagwardjati l-valuri fundamentali tal-UE fil-qasam tad-demokrazija, id-drittijiet fundamentali u l-istat tad-dritt, u li jinvolvi lill-Kunsill, lill-Kummissjoni u lill-Parlament.

Il-Kummissjoni tista' tagħti dettalji dwar il-progress li sar fir-rigward tal-istabbiliment ta' mekkaniżmu bħal dan?