(COM(2006)0423 – C6‑0258/2006 – 2006/0143(COD))
Kumitat għall-Ambjent, is-Saħħa Pubblika u s-Sikurezza ta' l-Ikel
Rapporteur:
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW................5
NOTA SPJEGATTIVA.............................................................................................................20
OPINJONI TAL-KUMITAT GĦALL-AFFARIJIET LEGALI DWAR IL-BAŻI LEGALI........21
PROĊEDURA...........................................................................................................................27
dwar il-proposta għal regolament tal-Parlament Ewropew u tal-Kunsill li jistabbilixxi proċedura ta’ awtorizzazzjoni uniformi għall-addittivi, l-enżimi u l-ħwawar ta’ l-ikel
(
(Proċedura ta' kodeċiżjoni: l-ewwel qari)
Il-Parlament Ewropew,
– wara li kkunsidra l-proposta tal-Kummissjoni lill-Parlament Ewropew u lill-Kunsill ( Għadha mhux ippublikata fil-ĠU.
– wara li kkunsidra l-Artikolu 251(2) u l-Artikolu 95 tat-Trattat KE, skond liema artikoli l-Kummissjoni ppreżentat il-proposta lill-Parlament (C6‑0258/2006),
– wara li kkunsidra l-opinjoni tal-Kumitat għall-Affarijiet Legali dwar il-bażi leġali proposta,
– wara li kkunsidra l-Artikoli 51 u 35 tar-Regoli ta' Proċedura tiegħu,
– wara li kkunsidra r-rapport tal-Kumitat għall-Ambjent, is-Saħħa Pubblika u s-Sikurezza ta' l-Ikel (
1. Japprova l-proposta tal-Kummissjoni kif emendata;
2. Jitlob lill-Kummissjoni biex terġa' tirreferi l-proposta lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;
3. Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.
Premessa 2
(2) Jaqbel li jiġi assigurat livell għoli ta’ ħarsien tal-ħajja u tas-saħħa tal-bniedem waqt l-eżekuzzjoni tal-politika Komunitarja.
(2) Jaqbel li hemm bżonn li jkun assigurat livell għoli ta’ ħarsien tal-ħajja u tas-saħħa tal-bniedem u ta' l-ambjent waqt l-eżekuzzjoni tal-politika Komunitarja.
Premessa 4
(4) Ir-Regolament (KE) Nru XXX/2006 tal-Parlament Ewropew u tal-Kunsill ta’ …. dwar l-addittivi ta’ l-ikel[3], ir-Regolament (KE) Nru YYY/2006 tal-Parlament Ewropew u tal-Kunsill ta’ …. dwar l-enżimi ta’ l-ikel[4] u r-Regolament (KE) Nru ZZZ/2006 tal-Parlament Ewropew u tal-Kunsill ta’ …. dwar il-ħwawar ta’ l-ikel u ċerti ingredjenti ta’ l-ikel li għandhom kwalitajiet ta’ ħwawar jistabbilixxu l-kriterji u l-esiġenzi armonizzati relattivi għall-evalwazzjoni u l-awtorizzazzjoni ta’ dawn is-sustanzi.
(4) Ir-Regolament (KE) Nru XXX/2006 tal-Parlament Ewropew u tal-Kunsill ta’ …. dwar l-addittivi ta’ l-ikel[3], ir-Regolament (KE) Nru YYY/2006 tal-Parlament Ewropew u tal-Kunsill ta’ …. dwar l-enżimi ta’ l-ikel[4] u r-Regolament (KE) Nru ZZZ/2006 tal-Parlament Ewropew u tal-Kunsill ta’ …. dwar il-ħwawar ta’ l-ikel u ċerti ingredjenti ta’ l-ikel li għandhom kwalitajiet ta’ ħwawar jistabbilixxu l-kriterji u l-esiġenzi relattivi għall-evalwazzjoni u l-awtorizzazzjoni ta’ dawn is-sustanzi..
Ġustifikazzjoni
Mhux ċert li l-kriterji għandhom ikunu l-istess eżatt għas-sustanzi varji. Waħda mir-raġunijiet għalfejn qed ikunu trattati fi tliet regolamenti differenti hija li hemm varji differenzi li jridu jitqiesu.
Premessa 5 a (ġdida)
(5a) It-trasparenza fil-produzzjoni u t-trattament ta' l-ikel hija assolutament kruċjali biex ikun hemm kredibilità mal-konsumaturi.
Ġustifikazzjoni
It-trasparenza hija fattur kruċjali biex il-konsumaturi jkollhom fiduċja fil-mod kif l-UE timmaniġġja kwistjonijiet relatati ma' l-ikel.
Premessa 7 a (ġdida)
(7a) Il-kriterji stipulati għal awtorizzazzjoni fir-Regolamenti (KE) Nru XXX/2006, (KE) Nru YYY/2006 u (KE) Nru ZZZ/2006 għandhom jiġu ssodisfati wkoll għall-awtorizzazzjoni skond dan ir-Regolament.
Ġustifikazzjoni
Dan huwa ċar iżda m'huwiex stipulat b'mod speċifiku fil-proposta tal-Kummissjoni.
Premessa 9
(9) Skond il-qafas ta’ l-evalwazzjoni tar-riskji fil-qasam tas-sikurezza ta’ l-oġġetti ta’ l-ikel iffissat mir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà ta’ l-ikel, it-tqegħid fis-suq tas-sustanzi m’għandux jiġi awtorizzat ħlief wara evalwazzjoni xjentifika, fl-għola livell possibbli, tar-riskji li dawn jippreżentaw għas-saħħa tal-bniedem. Din l-evalwazzjoni, li trid titwettaq taħt ir-responsabbiltà ta’ l-Awtorità Ewropea dwar is-Sigurtà fl-Ikel (minn issa ’l quddiem “l-Awtorità”), trid tiġi segwita minn deċiżjoni dwar il-ġestjoni tar-riskji li tittieħed mill-Kummissjoni, fil-qafas ta’ proċedura regolamentari li tassigura kooperazzjoni stretta bejn il-Kummissjoni u l-Istati Membri.
(9) Skond il-qafas ta’ l-evalwazzjoni tar-riskji fil-qasam tas-sikurezza ta’ l-oġġetti ta’ l-ikel iffissat mir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà ta’ l-ikel, it-tqegħid fis-suq tas-sustanzi m’għandux jiġi awtorizzat ħlief wara evalwazzjoni xjentifika indipendenti, fl-għola livell possibbli, tar-riskji li dawn jippreżentaw għas-saħħa tal-bniedem. Din l-evalwazzjoni, li trid titwettaq taħt ir-responsabbiltà ta’ l-Awtorità Ewropea dwar is-Sigurtà fl-Ikel (minn issa ’l quddiem “l-Awtorità”), trid tiġi segwita minn deċiżjoni dwar il-ġestjoni tar-riskji li tittieħed mill-Kummissjoni, fil-qafas ta’ proċedura regolamentari li tassigura kooperazzjoni stretta bejn il-Kummissjoni u l-Istati Membri.
Premessa 10
(10) Huwa rrikonoxxut li l-evalwazzjoni xjentifika tar-riskji ma tistax, f’ċerti każi, tipprovdi waħedha l-informazzjoni kollha li fuqha trid tiġi bbażata deċiżjoni ta’ ġestjoni tar-riskji, u li fatturi oħra leġittimi u pertinenti għall-kwistjoni li qed tiġi eżaminata jistgħu jiġu kkunsidrati.
(10) Huwa rrikonoxxut li l-evalwazzjoni xjentifika tar-riskji ma tistax tipprovdi waħedha l-informazzjoni kollha li fuqha trid tiġi bbażata deċiżjoni ta’ ġestjoni tar-riskji, u li fatturi oħra leġittimi u pertinenti għall-kwistjoni li qed tiġi eżaminata jridu jiġu kkunsidrati.
Ġustifikazzjoni
Fatturi leġittimi oħra rilevanti għall-kwistjoni - tħassib dwar sikurezza relatat mas-saħħa tal-konsumatur, bżonn teknoloġiku raġonevoli, u benefiċċji u żvantaġġi għall-konsumatur - għandhom jiġu kkunsidrati fil-każijiet kollha.
Premessa 11
(11) Sabiex dawk l-operaturi ta’ negozju fis-setturi kkonċernati u l-pubbliku jinżammu infurmati bl-awtorizzazzjonijiet fis-seħħ, jaqbel li s-sustanzi awtorizzati jidhru fuq lista tal-Komunità stabbilita, miżmuma u ppubblikata mill-Kummissjoni.
(11) Sabiex dawk l-operaturi ta’ negozju fis-setturi kkonċernati u l-pubbliku jinżammu infurmati bl-awtorizzazzjonijiet fis-seħħ, hemm bżonn li s-sustanzi awtorizzati jidhru fuq lista tal-Komunità stabbilita, miżmuma u ppubblikata mill-Kummissjoni.
Ġustifikazzjoni
Il-konsumaturi u l-industrija jridu jkunu jistgħu jassumu li s-sustanzi u l-użi li mhumiex inklużi fil-lista Komunitarja mhumiex awtorizzati.
Premessa 13
(13) Il-proċedura ta’ awtorizzazzjoni uniformi tas-sustanzi trid tissodisfa l-esiġenzi ta’ trasparenza u ta’ l-informazzjoni tal-pubbliku filwaqt li tiggarantixxi d-dritt għall-kunfidenzjalità ta’ ċerta informazzjoni għal min jagħmel it-talba.
(13) Il-proċedura ta’ awtorizzazzjoni uniformi tas-sustanzi trid tissodisfa l-esiġenzi ta’ trasparenza u ta’ l-informazzjoni tal-pubbliku filwaqt li tiggarantixxi d-dritt għall-kunfidenzjalità ta’ ċerta informazzjoni għal min jagħmel it-talba, f'każijiet iġġustifikati kif dovut u għal raġunijiet iddikjarati.
Premessa 16
(16) Fl-interess ta’ l-effikaċja u s-simplifikazzjoni leġiżlattiva, jaqbel li fi żmien medju tiġi eżaminata l-opportunità li jinfirex il-qasam ta’ l-applikazzjoni tal-proċedura uniformi għal regolamenti eżistenti oħra fil-qasam ta’ l-ikel.
(16) Fl-interess ta’ l-effiċjenza u s-simplifikazzjoni leġiżlattiva, jaqbel li fi żmien medju tiġi eżaminata, inkluż b'konsultazzjoni mal-partijiet interessati kollha, l-opportunità li jinfirex il-qasam ta’ l-applikazzjoni tal-proċedura uniformi għal regolamenti eżistenti oħra fil-qasam ta’ l-ikel.
Premessa 18
(18) Jistgħu jiġu stabbiliti l-miżuri neċessarji għall-implimentazzjoni ta’ dan ir-Regolament skond id-Deċiżjoni 1999/468/KE tal-Kunsill tat-28 ta’ Ġunju 1999 li tipprovdi l-proċeduri għall-eżerċizzju tas-setgħat ta’ l-implimentazzjoni konferiti fuq il-Kummissjoni9,
(18) Jistgħu jiġu stabbiliti l-miżuri neċessarji għall-implimentazzjoni ta’ dan ir-Regolament skond id-Deċiżjoni 1999/468/KE tal-Kunsill tat-28 ta’ Ġunju 1999 li tipprovdi l-proċeduri għall-eżerċizzju tas-setgħat ta’ l-implimentazzjoni konferiti fuq il-Kummissjoni9. Il-Kummissjoni għandha, kif xieraq, tikkonsulta lill-partijiet interessati waqt it-tħejjija ta' miżuri li għandhom jitressqu quddiem il-Kumitat imsemmi fid-Deċiżjoni msemmija hawn fuq,
9 ĠU L 184, 17.7.1999, p 23.
9 ĠU L 184, 17.7.1999, p. 23. Deċiżjoni kif emendata bid-Deċiżjoni 2006/512/KE (ĠU L 200, 22.7.2006, p. 11)
Ġustifikazzjoni
Dispożizzjonijiet speċifiċi biex tkun tista' ssir konsultazzjoni informali mal-partijiet interessati qabel kwalunkwe deċiżjoni fis-SCoFCAH għandhom jiġu inklużi sabiex jiġu żgurati t-trasparenza u l-onestà massimi.
Artikolu 1, paragrafu 1
1. Dan ir-Regolament jistabbilixxi proċedura ta’ evalwazzjoni u ta’ awtorizzazzjoni uniformi (minn issa ’l quddiem il-“proċedura uniformi”) ta’ l-addittivi ta’ l-ikel, ta’ l-enżimi ta’ l-ikel, tal-ħwawar ta’ l-ikel u ta’ sorsi ta’ ħwawar ta’ l-ikel utilizzati jew maħsuba biex jintużaw fl-ikel jew fuq l-ikel (minn issa ’l quddiem is-“sustanzi”), li tikkontribwixxi għall-moviment liberu ta’ dawn is-sustanzi fil-Komunità.
1. Dan ir-Regolament jistabbilixxi proċedura ta’ evalwazzjoni u ta’ awtorizzazzjoni uniformi (minn issa ’l quddiem il-“proċedura uniformi”) ta’ l-addittivi ta’ l-ikel, ta’ l-enżimi ta’ l-ikel, tal-ħwawar ta’ l-ikel u ta’ sorsi ta’ ħwawar ta’ l-ikel utilizzati jew maħsuba biex jintużaw fl-ikel jew fuq l-ikel (minn issa ’l quddiem is-“sustanzi”), li tikkontribwixxi għall-ħarsien aħjar tal-konsumatur u tas-saħħa pubblika u għall-moviment liberu ta’ l-ikel fil-Komunità.
Ġustifikazzjoni
L-għan primarju ta' din il-leġiżlazzjoni huwa li din tagħti kontribut għall-moviment ħieles ta' l-ikel fil-Komunità.
Artikolu 1, subparagrafu 1 a (ġdid)
Dan ir-Regolament m'għandux japplika għal prodotti permessi taħt ir-regolament (KE) Nru 2065/2003 tal-Parlament Ewropew u tal-Kunsill ta' l-10 ta' Novembru 2003 dwar it-taħwir bl-affumikazzjoni użat jew intiż għall-użu fi jew fuq l-ikel1.
1ĠU L 309, 26.11.2003, p. 1.
Ġustifikazzjoni
It-taħwir bl-affumikazzjoni huwa kkontrollat b'mod adegwat u xieraq bir-Regolament (KE) Nru 2065/2003. L-eżenzjoni tagħhom b'mod espliċitu minn dan ir-regolament jippermetti leġiżlazzjoni aktar ċara.
Artikolu 2, paragrafu 1
1. Fil-qafas ta’ kull leġiżlazzjoni settorjali ta’ l-ikel, is-sustanzi li hu awtorizzat it-tqegħid tagħhom fis-suq fil-Komunità jidhru fuq lista li l-kontenut tagħha huwa ddeterminat mil-leġiżlazzjoni msemmija (minn issa ’l qudiem il-“lista Komunitarja”). Il-lista Komunitarja hija aġġornata mill-Kummissjoni. Din hija ppubblikata fil-Ġurnal Uffiċjali ta’ l-Unjoni Ewropea.
1. Fil-qafas ta’ kull leġiżlazzjoni settorjali ta’ l-ikel, is-sustanzi li hu awtorizzat it-tqegħid tagħhom fis-suq fil-Komunità jidhru fuq lista li l-kontenut tagħha huwa ddeterminat mil-leġiżlazzjoni msemmija (minn issa ’l quddiem il-“lista Komunitarja”). Il-lista Komunitarja għandha tiġi aġġornata b'regolament tal-Parlament Ewropew u tal-Kunsill. Din għandha tkun ippubblikata fil-Ġurnal Uffiċjali ta’ l-Unjoni Ewropea.
Ġustifikazzjoni
Il-biċċa l-kbira tal-modifiki u l-aġġornamenti tal-lista Komunitarja kienu suġġetti għal dibattiti kontroversjali kemm fil-Parlament Ewropew u kif ukoll fil-Kunsill. Għalkemm ta' sikwit jistgħu jintlaħqu ftehimiet fl-ewwel qari, id-deċiżjoni m'għandiex titħalla f'idejn il-Kummissjoni u l-proċedura ta' kumitoloġija tagħha.
Artikolu 2, paragrafu 1, subparagrafu 1 a (ġdid)
Sustanzi inklużi fil-lista Komunitarja jistgħu jintużaw mill-operaturi kollha tan-negozju ta' l-ikel suġġett għall-kundizzjonijiet applikabbli għalihom, sakemm l-użu tagħhom m'huwiex ristrett skond l-Artikolu 12(6a).
Ġustifikazzjoni
L-inklużjoni ta' sustanza fuq il-lista Komunitarja teħtieġ studji tossikoloġiċi estensivi. Wieħed jifhem li manifatturi responsabbli li jwettqu dawn l-istudji, u li fil-proċess jagħmlu impenn finanzjarju kbir, huma ħerqana biex jibbenefikaw, ta' l-inqas għal ċertu ammont ta' żmien, mill-vantaġġi assoċjati ma' l-awtorizzazzjoni (ara l-Emenda 60 imressqa minn Horst Schnellhardt).
Artikolu 3, paragrafu 2, subparagrafu 2
Madankollu, għall-aġġornamenti maħsuba fl-Artikolu 2, paragrafu 2, fil-punti b) u c), il-Kummissjoni ma tiġborx il-parir ta’ l-Awtorità ħlief jekk dawn l-aġġornamenti huma suxxettibli li jkollhom effett fuq is-saħħa pubblika.
Madankollu, għall-aġġornamenti maħsuba fl-Artikolu 2, paragrafu 2, fil-punti b) u c), il-Kummissjoni ma tiġborx il-parir ta’ l-Awtorità ħlief jekk dawn l-aġġornamenti huma suxxettibli li jkollhom effett fuq is-saħħa tal-bniedem.
Artikolu 3, paragrafu 3
3. Il-proċedura uniformi tintlaħaq permezz ta’ l-adozzjoni ta’ Regolament mill-Kummissjoni li jwassal għall-aġġornament, skond l-Artikolu 7.
3. Il-proċedura uniformi tintlaħaq permezz ta’ l-adozzjoni ta’ Regolament mill-Parlament Ewropew u mill-Kunsill li jwassal għall-aġġornament.
Ġustifikazzjoni
Il-proċedura uniformi għandha tkun ibbażata fuq kodeċiżjoni. Il-modifiki u l-aġġornamenti tal-lista Komunitarja ta' sikwit kienu suġġetti għal dibattiti kontroversjali kemm fil-Parlament Ewropew u kif ukoll fil-Kunsill, għalhekk m'għandhomx jitħallew f'idejn il-Kummissjoni u l-proċedura ta' kumitoloġija tagħha.
Artikolu 3, paragrafu 3a (ġdid)
3a. L-awtorizzazzjonijiet kollha għall-użu ta' addittivi ta’ l-ikel, enżimi ta’ l-ikel u ħwawar ta’ l-ikel għandhom jiġu riveduti fuq bażi regolari.
Ġustifikazzjoni
Huwa importanti li l-użu tas-sustanzi fl-ikel ikun konsistenti mar-riċerka xjentifika l-aktar reċenti. Barra minn hekk, huwa importanti għal ċerti gruppi ta' konsumaturi li s-sustanzi li ma jintużawx jitneħħew mil-lista, flimkien ma' użi li m'għadhomx kurrenti.
Artikolu 3, paragrafu 4, subparagrafu 1
4. B’deroga mill-paragrafu 3, il-Kummissjoni tista’ ttemm il-proċedura uniformi u tirrifjuta li tipproċedi għall-aġġornament maħsub, f’kull stadju tal-proċedura, jekk din tqis li aġġornament bħal dak mhux ġustifikat. Hija tibqa’ tikkunsidra, jekk ikun il-każ, l-opinjoni ta’ l-Awtorità, kull dispożizzjoni pertinenti tal-leġiżlazzjoni Komunitarja u fatturi oħra leġittimi utli għall-kwistjoni eżaminata.
4. B’deroga mill-paragrafu 3, il-Kummissjoni tista’ ttemm il-proċedura uniformi u tirrifjuta li tipproċedi għall-aġġornament maħsub, f’kull stadju tal-proċedura, sakemm tiġi ppreżentata proposta għal regolament lill-Parlament Ewropew u lill-Kunsill, jekk din tqis li aġġornament bħal dak mhux ġustifikat. Hija tibqa’ tikkunsidra, jekk ikun il-każ, l-opinjoni ta’ l-Awtorità, kull dispożizzjoni pertinenti tal-leġiżlazzjoni Komunitarja u fatturi oħra leġittimi utli għall-kwistjoni eżaminata.
Or. en
Ġustifikazzjoni
Il-proċedura uniformi għandha tkun ibbażata fuq kodeċiżjoni. Il-modifiki u l-aġġornamenti tal-lista Komunitarja ta' sikwit kienu suġġetti għal dibattiti kontroversjali kemm fil-Parlament Ewropew u kif ukoll fil-Kunsill, għalhekk m'għandhomx jitħallew f'idejn il-Kummissjoni u l-proċedura ta' kumitoloġija tagħha.
Artikolu 3, paragrafu 4, subparagrafu 2
F’dan il-każ, jekk ikun hemm bżonn, il-Kummissjoni tinforma direttament lil min qed jagħmel it-talba, filwaqt li fl-ittra tagħha tindika r-raġunijiet li għalihom hi taħseb li aġġornament m’huwiex ġustifikat.
F’dan il-każ, il-Kummissjoni għandha tippubblika d-deċiżjoni tagħha, skond id-dispożizzjonijiet ta' l-Artikolu 12, u għandha tinforma direttament lil min qed jagħmel it-talba, filwaqt li fl-ittra tagħha tindika r-raġunijiet li għalihom hi taħseb li aġġornament m’huwiex ġustifikat.
Ġustifikazzjoni
Anke d-deċiżjonijiet li bihom ikun deċiż li ma jittieħdux deċiżjonijiet għandhom ikunu ppublikati. It-trasparenza hija fattur kruċjali biex il-konsumaturi jkollhom fiduċja fil-mod kif l-UE timmaniġġja kwistjonijiet relatati ma' l-ikel.
Artikolu 4, paragrafu 1
1. Meta jkollha talba li l-għan tagħha huwa l-aġġornament tal-lista Komunitarja, il-Kummissjoni:
a) tagħti dikjarazzjoni bil-miktub li t-talba intlaqgħet, indirizzata lil min qed jagħmel it-talba fi żmien erbatax-il jum tax-xogħol wara li tirċeviha;
b) jekk ikun il-każ, tikkomunika t-talba lill-Awtorità u tressaq quddiemha talba għal opinjoni.
Il-Kummissjoni għandha tagħti aċċess għat-talba lill-Istati Membri.
1. Meta jkollha talba li l-għan tagħha huwa l-aġġornament tal-lista Komunitarja, il-Kummissjoni għandha:
a) tagħti dikjarazzjoni bil-miktub li t-talba intlaqgħet, indirizzata lil min qed jagħmel it-talba fi żmien erbatax-il jum tax-xogħol wara li tirċeviha;
b) tikkomunika t-talba lill-Awtorità u tressaq quddiemha talba għal opinjoni.
Il-Kummissjoni għandha tagħti aċċess għat-talba lill-Parlament Ewropew, lill-Istati Membri u lill-partijiet interessati.
Ġustifikazzjoni
Il-biċċa l-kbira tal-modifiki u l-aġġornamenti tal-lista Komunitarja kienu suġġetti għal dibattiti kontroversjali kemm fil-Parlament Ewropew u kif ukoll fil-Kunsill. Għalkemm ta' sikwit jistgħu jintlaħqu ftehimiet fl-ewwel qari, id-deċiżjoni m'għandiex titħalla f'idejn il-Kummissjoni u l-proċedura ta' kumitoloġija tagħha.
Artikolu 4, paragrafu 2
2. Meta tibda l-proċedura fuq l-inizjattiva tagħha stess, il-Kummissjoni tinforma b’dan lill-Istati Membri u jekk ikun il-każ, tressaq talba għal opinjoni quddiem l-Awtorità.
2. Meta tibda l-proċedura fuq l-inizjattiva tagħha stess, il-Kummissjoni għandha tinforma b’dan lill-Istati Membri u tippubblika l-fatt u, jekk ikun il-każ, tressaq talba għal opinjoni quddiem l-Awtorità.
Ġustifikazzjoni
It-trasparenza hija fattur kruċjali biex il-konsumaturi jkollhom fiduċja fil-mod kif l-UE timmaniġġja kwistjonijiet relatati ma' l-ikel.
Artikolu 5, paragrafu 1
1. L-Awtorità tagħti l-opinjoni tagħha fi żmien sitt xhur wara li tkun intlaqgħet talba valida.
1. L-Awtorità tagħti l-opinjoni tagħha fi żmien disa' xhur wara li tkun intlaqgħet talba valida.
Ġustifikazzjoni
Meta wieħed iqis ir-riżorsi li l-EFSA għandha għad-dispożizzjoni tagħha u l-istandards ta' kwalità imposti fuq il-pariri tagħha, il-proposta tal-Kummissjoni għal perjodu ta' żmien tant qasir mhix raġonevoli.
Artikolu 5, paragrafu 2
2. L-Awtorità tgħaddi l-opinjoni tagħha lill-Kummissjoni u lill-Istati Membri u, jekk ikun il-każ, lil min qed jagħmel it-talba.
2. L-Awtorità għandha tgħaddi l-opinjoni tagħha lill-Kummissjoni u lill-Istati Membri u lil min qed jagħmel it-talba. L-opinjoni għandha tkun ukoll ippubblikata, skond id-dispożizzjonijiet ta' l-Artikolu 12.
Ġustifikazzjoni
Min qed jagħmel it-talba jrid ikun infurmat DEJJEM u l-opinjoni ta' l-EFSA trid tkun ippubblikata.
Artikolu 6, paragrafu 1
1. Meta jkun hemm raġuni xierqa biex l-Awtorità titlob informazzjoni komplementari mingħand min qed jagħmel it-talba, iż-żmien maħsub fl-Artikolu 5, paragrafu 1 jista’ jiġi estiż. Wara konsultazzjoni ma’ min qed jagħmel it-talba, l-Awtorità tiffissa żmien li fih din l-informazzjoni tista’ tingħata u tinforma lill-Kummissjoni biż-żmien supplementari neċessarju. Jekk il-Kummissjoni ma toġġezzjonax fi żmien tmint ijiem tax-xogħol wara l-għoti ta’ l-informazzjoni mill-Awtorità, iż-żmien maħsub fl-Artikolu 5, paragrafu 1 jiżdied awtomatikament biż-żmien supplementari.
1. Meta l-Awtorità titlob informazzjoni komplementari mingħand min qed jagħmel it-talba, iż-żmien maħsub fl-Artikolu 5, paragrafu 1, jista’ jiġi estiż. Wara konsultazzjoni ma’ min qed jagħmel it-talba, l-Awtorità tiffissa żmien li fih din l-informazzjoni tista’ tingħata u tinforma lill-Kummissjoni biż-żmien supplementari neċessarju. Jekk il-Kummissjoni ma toġġezzjonax fi żmien tmint ijiem tax-xogħol wara l-għoti ta’ l-informazzjoni mill-Awtorità, iż-żmien maħsub fl-Artikolu 5, paragrafu 1 jiżdied awtomatikament biż-żmien supplementari.
Ġustifikazzjoni
Jekk l-applikazzjoni ma tipprovdix id-dejta kollha li l-Awtorità għandha bżonn biex tevalwa r-riskju ta' sustanza partikulari, il-perjodu disponibbli għandu jiġi estiż sabiex tkun tista' ssir evalwazzjoni serja tar-riskju.
Artikolu 6, paragrafu 3
3. Meta min jagħmel it-talba jissottometti informazzjoni komplementari fuq inizjattiva tiegħu stess, dan jgħaddi din l-informazzjoni lill-Awtorità u lill-Kummissjoni. F’dan il-każ, l-Awtorità tagħti l-opinjoni tagħha fiż-żmien inizjali.
3. Meta min jagħmel it-talba jissottometti informazzjoni komplementari fuq inizjattiva tiegħu stess, dan jgħaddi din l-informazzjoni lill-Awtorità u lill-Kummissjoni. F’dan il-każ, l-Awtorità tagħti l-opinjoni tagħha fiż-żmien inizjali, sakemm ma jkunx hemm raġunijiet speċjali biex ikun estiż il-perjodu.
Ġustifikazzjoni
Ma jridx ikun hemm inċentivi biex min jagħmel it-talba jissottometti informazzjoni komplementari ladarba jkun skada l-perjodu taż-żmien. Mingħajr l-addendum imsemmi hawn fuq, sfortunatament ikun hemm inċentiv negattiv.
Artikolu 7
Fi żmien disa’ xhur wara l-opinjoni ta’ l-Awtorità, il-Kummissjoni tippreżenta lill-kumitat imsemmi f l-Artikolu 14, paragrafu 1, abbozz ta’ Regolament li jaġġorna l-lista Komunitarja, filwaqt li tikkunsidra l-opinjoni ta’ l-Awtorità, id-dispożizzjonijiet kollha pertinenti tal-leġiżlazzjoni Komunitarja u fatturi oħra leġittimi utli għall-kwistjoni eżaminata.
Fi żmien sitt xhur wara l-opinjoni ta’ l-Awtorità, il-Kummissjoni għandha tippreżenta lill-Parlament Ewropew u lill-Kummissjoni, proposta għal Regolament li jaġġorna l-lista Komunitarja, filwaqt li tikkunsidra l-opinjoni ta’ l-Awtorità, id-dispożizzjonijiet kollha pertinenti tal-leġiżlazzjoni Komunitarja u fatturi oħra leġittimi utli għall-kwistjoni eżaminata.
Il-Kummissjoni għandha tiġġustifika l-proposta tagħha u tispjega l-kunsiderazzjonijiet li fuqhom hija bbażata.
Meta l-abbozz tar-Regolament m’huwiex konformi għall-opinjoni ta’ l-Awtorità, il-Kummissjoni tipprovdi spjegazzjoni għal din id-diverġenza.
Ir-Regolament jiġi adottat skond il-proċedura maħsuba fl-Artikolu 14, paragrafu 2.
Meta l-proposta għal Regolament m’hijiex konformi għall-opinjoni ta’ l-Awtorità, il-Kummissjoni għandha tipprovdi spjegazzjoni tar-raġunijiet għad-deċiżjoni tagħha.
Ġustifikazzjoni
Il-biċċa l-kbira tal-modifiki u l-aġġornamenti tal-lista Komunitarja kienu suġġetti għal dibattiti kontroversjali kemm fil-Parlament Ewropew u kif ukoll fil-Kunsill. Għalkemm ta' sikwit jistgħu jintlaħqu ftehimiet fl-ewwel qari, id-deċiżjoni m'għandiex titħalla f'idejn il-Kummissjoni u l-proċedura ta' kumitoloġija tagħha.
Artikolu 8, paragrafu 1
1. Meta l-Kummissjoni titlob informazzjoni addizzjonali lil min qed jagħmel it-talba dwar l-aspetti rigward il-ġestjoni tar-riskji, din tiffissa, f’konsultazzjoni ma’ min qed jagħmel it-talba, żmien li fih tista’ tingħata din l-informazzjoni. F’dan il-każ, iż-żmien maħsub fl-Artikolu 7 jista’ jiġi estiż skond il-każ.
1. Meta l-Kummissjoni titlob informazzjoni addizzjonali lil min qed jagħmel it-talba dwar l-aspetti rigward il-ġestjoni tar-riskji, din tiffissa, f’konsultazzjoni ma’ min qed jagħmel it-talba, żmien li fih tista’ tingħata din l-informazzjoni. F’dan il-każ, il-Kummissjoni tista' testendi ż-żmien maħsub fl-Artikolu 7 u għandha tinforma lill-Istati Membri bl-estensjoni.
Artikolu 10
Iż-żminijiet maħsuba fl-Artikolu 5, paragrafu 1 u fl-Artikolu 7 jistgħu jiġu estiżi mill-Kummissjoni, fuq l-inizjattiva tagħha jew, jekk ikun il-każ, fuq it-talba ta’ l-Awtorità, jekk il-karatteristiċi tal-fajl jiġġustifika dan, mingħajr preġudizzju għall-Artikolu 6, paragrafu 1, u għall-Artikolu 8, paragrafu 1. F’dan il-każ, jekk ikun hemm bżonn, il-Kummissjoni tinforma lil min qed jagħmel it-talba b’din l-estensjoni, kif ukoll bir-raġunijiet li jiġġustifikawha.
Iż-żminijiet maħsuba fl-Artikolu 5, paragrafu 1 u fl-Artikolu 7 jistgħu jiġu estiżi mill-Kummissjoni, fuq l-inizjattiva tagħha jew, jekk ikun il-każ, fuq it-talba ta’ l-Awtorità, jekk il-karatteristiċi tal-fajl jiġġustifikaw dan, mingħajr preġudizzju għall-Artikolu 6, paragrafu 1, u għall-Artikolu 8, paragrafu 1. F’dan il-każ il-Kummissjoni għandha tinforma lil min qed jagħmel it-talba u lill-Istati Membri b’din l-estensjoni, kif ukoll bir-raġunijiet li jiġġustifikawha.
Ġustifikazzjoni
L-applikant għandu dejjem jiġi infurmat bi kwalunkwe estensjoni tal-limiti ta' żmien. L-Istati Membri għandhom jiġu infurmati wkoll.
Artikolu 11, paragrafu 1 a (ġdid)
Il-Kummissjoni għandha tiżgura t-trasparenza tal-proċedura ta' l-awtorizzazzjoni billi tippubblika l-applikazzjonijiet kollha u tqiegħed għad-dispożizzjoni tal-pubbliku l-materjal rilevanti kollu.
Ġustifikazzjoni
It-trasparenza hija fattur kruċjali biex il-konsumaturi jkollhom fiduċja fil-mod kif l-UE timmaniġġja kwistjonijiet relatati ma' l-ikel.
Artikolu 12, paragrafu 1, subparagrafu 1
1. Mill-informazzjoni kkomunikata min-naħa ta’ min jagħmel it-talba, tista’ tiġi trattata bħala kunfidenzjali dik l-informazzjoni li t-tixrid tagħha jista’ jkun ta’ detriment għall-pożizzjoni kompetittiva tiegħu.
1. L-informazzjoni kkomunikata min-naħa ta’ min jagħmel it-talba, tista’ tiġi trattata bħala kunfidenzjali biss fejn it-tixrid tagħha jista’ jkun ta’ detriment għall-pożizzjoni kompetittiva tiegħu.
Ġustifikazzjoni
It-trasparenza hija fattur kruċjali biex il-konsumaturi jkollhom fiduċja fil-mod kif l-UE timmaniġġja kwistjonijiet relatati ma' l-ikel. Madankollu, kultant jista' jkun hemm raġunijet għalfejn l-informazzjoni tiġi trattata b'mod kunfidenzjali.
Artikolu 12, paragrafu 1, subparagrafu 2, parti introduttorja
Fl-ebda każ m’hi meqjusa bħala kunfidenzjali l-informazzjoni li ġejja:
Fl-ebda każ ma tista' tkun qatt meqjusa bħala kunfidenzjali l-informazzjoni li ġejja:
Ġustifikazzjoni
It-trasparenza hija fattur kruċjali biex il-konsumaturi jkollhom fiduċja fil-mod kif l-UE timmaniġġja kwistjonijiet relatati ma' l-ikel. Madankollu, kultant jista' jkun hemm raġunijet għalfejn l-informazzjoni tiġi trattata b'mod kunfidenzjali.
Artikolu 12, paragrafu 3
3. Il-Kummissjoni tiddetermina x’inhi l-informazzjoni li tista’ tibqa’ kunfidenzjali u tinforma b’dan lil min qed jagħmel it-talba.
3. Il-Kummissjoni tiddetermina x’inhi l-informazzjoni li tista’ tibqa’ kunfidenzjali u tinforma b’dan lil min qed jagħmel it-talba u lill-Istati Membri.
Ġustifikazzjoni
L-Istati Membri għandhom jiġu infurmati wkoll.
Artikolu 12, paragrafu 6 a (ġdid)
6a. Id-dejta xjentifika u informazzjoni oħra pprovduta minn min jagħmel it-talba ma tistax tkun użata għall-benefiċċju ta' applikant sussegwenti għall-perijodu ta' ħames snin mid-data ta' l-awtorizzazzjoni, sakemm l-applikant sussegwenti ma jkunx ftiehem ma' l-applikant preċedenti li tali dejta u informazzjoni jistgħu jintużaw, u l-ispejjeż jinqasmu b'konsegwenza, fejn:
(a) id-dejta xjentifika u informazzjoni oħra kienu koperti mis-sjieda ta' l-applikant preċedenti fiż-żmien li saret it-talba preċedenti; u
(b) l-applikant preċedenti kellu drittijiet esklusivi ta' referenza għad-dejta koperta mis-sjieda fiż-żmien li saret it-talba preċedenti; u
(c) l-addittiv ta' l-ikel ma setax ikun awtorizzat mingħajr is-sottomissjoni ta' dejta koperta mis-sjieda mill-applikant preċedenti.
Ġustifikazzjoni
L-inklużjoni ta' sustanza fuq il-lista Komunitarja teħtieġ studji tossikoloġiċi estensivi. Wieħed jifhem li manifatturi responsabbli li jwettqu dawn l-istudji, u li fil-proċess jagħmlu impenn finanzjarju kbir, huma ħerqana biex jibbenefikaw, ta' l-inqas għal ċertu ammont ta' żmien, mill-vantaġġi assoċjati ma' l-awtorizzazzjoni.
Artikolu 14, paragrafu 2 a (ġdid)
2a. Fejn issir referenza għal dan il-paragrafu, għandhom japplikaw l-Artikoli 5a (1) sa (4) u l-Artikolu 7 tad-Deċiżjoni 1999/468/KE, b'kunsiderazzjoni xierqa tad-dispożizzjonijiet ta’ l-Artikolu 8 tagħha.
Ġustifikazzjoni
Din l-emenda hija meħtieġa sabiex it-test jiġi konformi mad-dispożizzjonijiet tad-deċiżjoni l-ġdida tal-kumitoloġija.
Kunsiderazzjonijiet ambjentali
Bi qbil mal-Proċess ta’ Cardiff, l-aspetti ambjentali għandhom jiġu integrati fil-leġiżlazzjoni kollha ta’ l-UE.
Dan huwa rilevanti b’mod partikulari f’din il-leġiżlazzjoni ladarba dak li persuna tiekol ma jibqax fil-ġisem uman iżda jitferrex fl-ambjent naturali u jsir parti miċ-ċiklu naturali. Effetti ambjentali negattivi għandhom għalhekk jitqiesu meta tkun qed tittieħed deċiżjoni dwar l-għoti jew le ta' awtorizzazzjoni. L-Artikolu 175 tat-Trattat li jistabbilixxi l-Komunitajiet Ewropej għandu għalhekk jifforma l-bażi għar-regolament.
It-trasparenza
It-trasparenza hija fattur kruċjali biex il-konsumaturi jkollhom fiduċja fil-mod kif l-UE timmaniġġja kwistjonijiet relatati ma' l-ikel. Għalhekk, il-Kummissjoni trid tiżgura t-trasparenza tal-proċedura ta' l-awtorizzazzjoni billi tippubblika l-applikazzjonijiet kollha u tqiegħed għad-dispożizzjoni tal-pubbliku l-materjal rilevanti kollu. Il-produtturi li japplikaw għall-awtorizzazzjoni dejjem iridu jkunu infurmati direttament dwar kwistjonijiet li jikkonċernaw l-applikazzjoni tagħhom.
Il-Kummissjoni għandha tkun kapaċi tispjega, mingħajr diffikultà, il-kunsiderazzjonijiet li fuqhom ibbażat id-deċiżjoni tagħha. Spjegazzjoni trasparenti ta' dan it-tip tkun ta' benefiċċju għall-konsumaturi, għall-industrija u għall-awtoritajiet ta' l-Istati Membri. Għaldaqstant, il-Kummissjoni għandha dejjem tippubblika l-proposti tagħha għal deċiżjonijiet, tiġġustifika l-proposti tagħha u tispjega l-kunsiderazzjonijiet li fuqhom ibbażat id-deċiżjoni tagħha. Anke d-deċiżjonijiet li bihom ikun deċiż li ma jittieħdux deċiżjonijiet għandhom ikunu ppublikati.
Fejn ir-regolament adottatt jitbiegħed mill-proposta oriġinali tal-Kummissjoni lill-Kumitat tal-Katina Alimentari u s-Saħħa ta’ l-Annimali, il-Kummissjoni għandha wkoll tispjega l-isfond tad-deċiżjoni finali.
Is-sikurezza ta' l-ikel
Meta wieħed iqis ir-riżorsi li l-EFSA għandha għad-dispożizzjoni tagħha u l-istandards ta' kwalità imposti fuq il-pariri tagħha, sitt xhur, kif il-Kummissjoni pproponiet, m'huwiex perjodu raġonevoli biex tingħata opinjoni dwar applikazzjoni. B'kunsiderazzjoni għas-sikurezza ta' l-ikel, għalhekk, qed ikun propost li dan il-perjodu ta' żmien ikun estiż sabiex l-EFSA jkollha disa' xhur biex tippreżenta opinjoni.
Huwa importanti li l-użu tas-sustanzi fl-ikel ikun konsistenti mar-riċerka xjentifika l-aktar reċenti. Huwa wkoll importanti għal ċerti gruppi ta' konsumaturi li s-sustanzi u l-użi li m'għadhomx kurrenti jitneħħew mil-lista. L-awtorizzazzjonijiet kollha għall-użu ta' addittivi ta’ l-ikel, enżimi ta’ l-ikel u ħwawar ta’ l-ikel għalhekk iridu jiġu riveduti fuq bażi regolari.
Il-proċedura tal-komitoloġija l-ġdida
Fid-dawl tal-proċedura tal-kumitoloġija l-ġdida, qed ikun propost numru ta' emendi għall-proposta tal-Kummissjoni.
22.3.2007
Is-Sur Miroslav Ouzký
'Chairperson'
Kumitat għall-Ambjent, is-Saħħa Pubblika u s-Sikurezza ta' l-Ikel
BRUSSELL
Suġġett: Opinjoni dwar il-bażi legali tal-Proposta għal Regolament tal-Parlament Ewropew u tal-Kunsill għal regolament dwar l-istabbiliment ta' proċedura ta' awtorizzazzjoni komuni għal addittivi ta' l-ikel, enzimi ta' l-ikel u sustanzi li jagħtu t-togħma fl-ikel ( Għadha mhux ippublikata fil-ĠU.
Għażiż,
Permezz ta' ittra bid-data 28.02.2007 inti tlabt lill-Kumitat għall-Affarijiet Legali, skond l-Artikolu 35(2) tar-Regoli ta' Proċedura, sabiex jikkunsidra jekk kinitx valida u korretta l-bażi legali tal-proposta tal-Kummissjoni hawn fuq imsemmija.
Il-Kumitat ikkunsidra l-kwistjoni msemmija hawn fuq fil-laqgħa tiegħu li saret fid-data 20.03.2007
Ir-rapporteur tal-kumitat ta’ tmexxija, is-Sur Westlund, qed jipproponi li jbiddel il-bażi legali tal-proposta mill-Artikolu 95 għall-Artikolu 95 flimkien ma' l-Artikolu 175 tat-Trattat KE.
Il-bażi legali
L-atti kollha tal-Komunità jridu jiġu stabbiliti fuq bażi legali stipulata fit-Trattat (jew f'att legali ieħor li huma intenzjonati jiġu implimentati). Il-bażi legali tiddefinixxi l-kompetenza tal-Komunità ratione materiae u tispeċifika kif dik il-kompetenza trid tiġi eżerċitata, b'mod partikolari l-istrument(i) leġiżlattiv(i) li jista' jiġi użat(i) u l-proċedura għat-teħid tad-deċiżjonijiet.
Fir-rigward tal-konsegwenzi tal-bażi legali, l-għażla tagħha hija ta' importanza bażika, b'mod partikolari għall-Parlament, għax din tiddetermina x'influwenza jista' jkollu l-Parlament fil-proċess leġiżlattiv.
Skond il-Qorti tal-Ġustizzja, l-għażla tal-bażi legali mhijiex waħda suġġettiva, imma "trid tkun ibbażata fuq il-fatturi oġġettivi li huma suġġetti għal reviżjoni ġudizzjarja" Il-Każ 45/86 Kummissjoni v. Kunsill [1987] ECR 1439, para. 5. Il-Każ C-300/89 Kummissjoni v. Kunsill [1991] ECR I-287, para. 10. Il-Każ C-377/98 L-Olanda v. Il-Parlament Ewropew u l-Kunsill [2001] ECR I-7079, para. 27.
Skond il-liġi każistika tal-Qorti tal-Ġustizzja, artikolu ġenerali tat-Trattat jikkostitwixxi bażi legali suffiċjenti anki jekk il-miżura msemmija tfittex ukoll, b'mod subordinat, biex jintlaħaq għan imfittex minn artikolu speċifiku tat-Trattat Il-Każ C-377/98 L-Olanda v. Il-Parlament Ewropew u l-Kunsill [2001] ECR I-7079, paras 27-28; Il-Każ C-491/01 British American Tobacco (Investments) and Imperial Tobacco [2002] ECR I-11453, paragrafi 93-94.
Madankollu, kieku kellha tittieħed l-opinjoni li l-għanijiet għall-protezzjoni tas-saħħa umana u l-istabbiliment u t-tħaddim tas-suq intern huma marbutin flimkien b'mod li ma jinħallux mingħajr ma jkun hemm wieħed minnhom sekondarju u indirett fir-rigward ta' l-oħrajn, tista' tiġi kkunsidrata li jkollhom jintużaw iż-żewġ bażijiet legali, sakemm l-istess proċedura għat-teħid tad-deċiżjonijiet (kodeċiżjoni) hija stipulata fl-Artikoli 95 u 175(1) Il-Każ C-165/87 Il-Kummissjoni v. Il-Kunsill [1988] ECR 5545, para. 11.
Il-kumitat ta’ tmexxija jipproponi li l-Artikolu 175 Artikolu 175(1) 1. Il-Kunsill, bi qbil mal-proċedura msemmija fl-Artikolu 251 u wara li kkonsulta l-Kumitat Ekonomiku u Soċjali u l-Kumitat tar-Reġjuni, għandu jiddeċiedi x'azzjoni trid tittieħed mill-Komunità sabiex jintlaħqu l-objettivi msemmija fl-Artikolu 174. Artikolu 95 1. B’deroga mill-Artikolu 94 u ħlief fejn provdut xort'oħra f’dan it-Trattat, id-disposizzjonijiet li ġejjin għandhom japplikaw għall-kisba ta’ l-għanijiet imsemmija fl-Artikolu 14. Il-Kunsill għandu, waqt li jaġixxi skond il-proċedura imsemmija fl-Artikolu 251 u wara li jikkonsulta mal-Kumitat Ekonomiku u Soċjali, jadotta l-miżuri għall-approssimazzjoni tad-disposizzjonijiet stipulati bil-liġi, b'regolamenti jew b'azzjoni amministrattiva fi Stati Membri li għandhom bħala l-għan tagħhom l-istabbiliment u l-operazzjoni tas-suq intern. 2. Il-paragrafu 1 m’ għandux japplika għal disposizzjonijiet fiskali, għal dawk li għandhom x'jaqsmu mal-moviment liberu ta' persuni u lanqas għal dawk li għandhom x'jaqsmu mad-drittijiet u l-interessi ta' l-impjegati. 3. Il-Kummissjoni, fil-proposti tagħha kif maħsuba fil-paragrafu 1 li jikkonċerna s-saħħa, s-sigurtà, il-ħarsien ta' l-ambjent u l-protezzjoni tal-konsumatur, għandha tieħu bħala bażi protezzjoni fl-għola livell, waqt li tieħu kont partikolarment ta’ kull żvilupp ġdid ibbażat fuq fatti xjentifiċi. Fil-limiti tal-poteri rispettivi tagħhom, il-Parlament Ewropew u l-Kunsill għandhom ukoll ifittxu li jilħqu dan l-objettiv. 4. Jekk, wara l-adozzjoni mill-Kunsill jew mill-Kummissjoni ta’ miżuri ta’ armonizzazzjoni, Stat Membru jħoss li jkun meħtieġ li jżomm id-disposizzjonijiet nazzjonali fuq il-bażi ta’ neċessitajiet maġġuri msemmija fl-Artikolu 30, jew li għandhom x’jaqsmu mal-ħarsien ta' l-ambjent jew ta' l-ambjent tax-xogħol, dan għandu jgħarraf lill-Kummissjoni b’dawn id-disposizzjonijiet kif ukoll dwar ir-raġuni għaliex għandhom jinżammu. 5. Aktar minn hekk, mingħajr preġudizzju għall-paragrafu 4, jekk, wara l-adozzjoni mill-Kunsill jew mill-Kummissjoni ta’ miżura ta’ armonizzazzjoni, Stat Membru jħoss li jkun meħtieġ li jintroduċi disposizzjonijiet nazzjonali bbażati fuq prova xjentifika ġdida li għandha x’taqsam mal-ħarsien ta' l-ambjent jew ta' l-ambjent tax-xogħol fuq il-bażi ta’ xi problema speċifika għal dak l-Istat Membru li toriġina mill-adozzjoni ta’ miżura ta’ armonizzazzjoni, dan għandu jinforma lill-Kummissjoni bid-disposizzjonijiet li jkollu l-ħsieb jintroduċi kif ukoll bil-bażi għall-introduzzjoni tagħhom. 6. Il-Kummissjoni għandha, fi żmien sitt xhur min-notifika msemmija fil-paragrafi 4 u 5, tapprova jew tiċħad id-disposizzjonijiet nazzjonali invlouti, wara li tkun ivverifikat jekk humiex, jew le mezz ta’ diskriminazzjoni arbitrarja jew ta’ restrizzjoni moħbija fuq il-kummerċ bejn Stati Membri u jekk joħolqux, jew le ostakolu għall-funzjonament tas-suq intern. Fin-nuqqas ta’ deċiżjoni mill-Kummissjoni matul dan il-perijodu, d-disposizzjonijiet nazzjonali msemmija fil-paragrafi 4 u 5 għandhom ikunu meqjusa bħala li kienu approvati. Meta tkun iġġustifikata mill-komplessità tal-materja u meta m' hemmx periklu għas-saħħa umana, il-Kummissjoni tista' tgħarraf lill-Istat Membru kkonċernat li l-perijodu msemmi f’dan il-paragrafu jista' jittawwal b’perijodu ieħor sa sitt xhur. 7. Meta, bis-saħħa tal-paragrafu 6, xi Stat Membru jkun awtorizzat li jżomm jew jintroduċi disposizzjonijiet nazzjonali li jidderogaw minn miżura ta’ armonizzazzjoni, il-Kummissjoni għandha immedjatament teżamina jekk tipproponix adattament għal dik il-miżura. 8. Meta Stat Membru jqajjem problema speċifika dwar is-saħħa pubblika f’qasam li kien suġġett minn qabel għal miżuri ta’ armonizzazzjoni, dan għandu jiġbed l-attenzjoni tal-Kummissjoni li għandha immedjatament teżamina jekk tipproponix miżuri xierqa lill-Kunsill. 9. B' deroga mill-proċeduri stabbiliti fl-Artikoli 226 u 227, il-Kummissjoni u xi Stat Membru jista' jressaq il-materja direttament quddiem il-Qorti tal-Ġustizzja jekk jikkunsidraw li xi Stat Membru ieħor ikun qiegħed jagħmel użu mhux xieraq tal-poteri previsti f’dan l-Artikolu. 10. Il-miżuri ta’ armonizzazzjoni msemmija hawn fuq għandhom, fil-każi xierqa, jinkludu klawżola ta’ salvagwardja li tawtorizza lill-Istati Membri li jieħdu għal raġuni waħda jew aktar li m' hijiex ta' natura ekonomika msemmija fl-Artikolu 30, miżuri proviżorji soġġetti għall-proċedura tal-kontroll mill-Komunità. Artikolu 174(1) 1. Il-politika tal-Komunità dwar l-ambjent għandha tikkontribwixxi sabiex jintlaħqu dawn il-miri li ġejjin: — Is-salvagwardja, il-ħarsien u t-titjib tal-kwalità ta’ l-ambjent; — il-ħarsien tas-saħħa tal-bniedem; — l-użu għaqli u razzjonali tar-riżorsi naturali; — il-promozzjoni ta’ miżuri fuq livell internazzjonali li jittrattaw problemi ambjentali kemm reġjonali kif ukoll globali.
— Is-salvagwardja, il-ħarsien u t-titjib tal-kwalità ta’ l-ambjent;
— il-ħarsien tas-saħħa tal-bniedem;
— l-użu għaqli u razzjonali tar-riżorsi naturali;
— il-promozzjoni ta’ miżuri fuq livell internazzjonali li jittrattaw problemi ambjentali kemm reġjonali kif ukoll globali.
L-għan u l-kontenut tal-proposta għal Regolament u assessjar tal-bażi legali tagħha
L-Artikolu 1 jipprovdi kif ġej:
"1. Dan ir-Regolament jistabbilixxi proċedura ta’ evalwazzjoni u ta’ awtorizzazzjoni uniformi (minn issa ’l quddiem il-“proċedura uniformi”) ta’ l-addittivi ta’ l-ikel, ta’ l-enżimi ta’ l-ikel, tas-sustanzi li jagħtu t-togħma fl-ikel u ta’ sorsi ta’ sustanzi li jagħtu t-togħma fl-ikel utilizzati jew maħsuba biex jintużaw fl-ikel jew fuq l-ikel (minn issa ’l quddiem is-“sustanzi”), li tikkontribwixxi għall-moviment liberu ta’ dawn is-sustanzi fil-Komunità.
2. Il-proċedura uniformi tiddetermina l-modalitajiet proċedurali għall-aġġornament tal-listi tas-sustanzi li t-tqegħid tagħhom fis-suq hija awtorizzata mill-Komunità taħt ir-Regolamenti (KE) Nru XXX/2006, (KE) Nru YYY/2006 u (KE) Nru ZZZ/2006 (minn issa ’l quddiem il-“leġiżlazzjonijiet settorjali ta’ l-ikel”).
3. Il-kriterji li taħthom jistgħu jiġu inklużi s-sustanzi fil-lista Komunitarja stipulata fl-Artikolu 2, il-kontenut tar-Regolament maħsub fl-Artikolu 7 u, jekk ikun il-każ, id-dispożizzjonijiet tranżitorji li jkunu għaddejjin jiġu ddeterminati minn kull leġiżlazzjoni settorjali ta’ l-ikel.
Premessi 1,2 u 3 huma kif ġej:
"(1) Il-moviment liberu ta’ l-oġġetti ta’ l-ikel sikuri u mingħajr perikolu għas-saħħa jikkostitwixxi aspett essenzjali tas-suq intern u jikkontribwixxi b’mod sinifikattiv għas-saħħa u l-benesseri taċ-ċittadini, kif ukoll għall-interessi ekonomiċi u soċjali tagħhom.
(2) Jaqbel li jiġi assigurat livell għoli ta’ ħarsien tal-ħajja u tas-saħħa tal-bniedem waqt l-eżekuzzjoni tal-politika Komunitarja.
(3) Biex tiġi mħarsa s-saħħa tal-bniedem, l-użu ta’ addittivi, ta’ enżimi u ta’ sustanzi li jagħtu t-togħma fl-ikel tal-bniedem għandu jiġi soġġett għal evalwazzjoni tas-sikurezza tas-sustanzi qabel ma dawn jitqiegħdu fis-suq fil-Komunità.
Il-kontenut tal-proposta għal regolament jista' jitqassar kif ġej:
Kapitolu I: Il-prinċipji ġenerali
Proċedura uniformi hija stabbilita għall-evalwazzjoni u l-awtorizzazzjoni ta’ l-addittivi, l-enżimi u s-sustanzi li jagħtu t-togħma. Din il-proċedura hija maħsuba biex tkun sempliċi, rapida u effikaċi filwaqt li tirrispetta l-prinċipji ta’ l-amministrazzjoni tajba u taċ-ċertezza ġuridika. Din hija bbażata fuq l-aġġornament ta’ lista ta’ sustanzi awtorizzati, fuq il-bażi ta’ kriterji definiti fil-leġiżlazzjonijiet settorjali, li trid tiġi stabbilita u miżmuma mill-Kummissjoni.
Kapitolu II: Proċedura Uniformi
Skond il-proċedura proposta, it-talbiet li jittrattaw aġġornament iridu jiġu indirizzati lill-Kummissjoni, mingħajr ma qabel jgħaddu mill-awtorità nazzjonali.
Il-Kummissjoni tikkomunika l-fajl tat-talba lill-Awtorità u lill-Istati Membri u tikseb l-opinjoni ta’ l-Awtorità li trid tagħti l-opinjoni tagħha fi żmien sitt xhur.
Biex tiggarantixxi l-effett restrittiv tal-miżuri ta’ l-aġġornament, il-proposta tipprevedi l-forma ġuridika ta’ Regolament għall-adozzjoni tagħhom u skond il-proċedura ta’ komitoloġija.
Meta tiġi aġġornata l-lista fil-qafas ta’ din il-proposta għal Regolament, il-fatturi l-oħra leġittimi pertinenti jridu jiġu kkunsidrati. Għalhekk, malli jibda l-proċess tat-teħid ta’ deċiżjoni, il-Kummissjoni, bħala dik li qed tieħu ħsieb il-ġestjoni tar-riskji, tista’ tipproponi miżura li tmur lil hinn mir-riżultati ta’ l-evalwazzjoni tar-riskji effettwata taħt ir-responsabiltà ta’ l-Awtorità. Jekk ikun il-każ, il-Kummissjoni jkollha tipprovdi r-raġunijiet tagħha għal dan it-tibdil. B’hekk tkun konformi mal-prinċipji ġenerali għall-analiżi tar-riskji tal-Codex Alimentarius.
Kapitolu III: Id-dispożizzjonijiet differenti
Sabiex jitqiesu l-aspetti speċifiċi ta’ kull leġiżlazzjoni settorjali ta’ l-ikel, din il-proposta tippermetti lill-Kummissjoni li tiddeċiedi, wara konsultazzjoni ma’ l-Awtorità, fuq il-dettalji varji tal-proċedura u tistipula ċertu ammont ta’ flessibilità fil-każ ta’ fajls kumplessi u sensittivi.
L-informazzjoni kollha li mhux kunfidenzjali trid titpoġġa għad-dispożizzjoni tal-pubbliku.
Jekk l-Istati Membri jew il-Kummissjoni huma tal-fehma li sustanza awtorizzata skond din il-proposta tippreżenta riskji gravi għas-saħħa tal-bniedem, is-saħħa ta’ l-annimali jew l-ambjent, huwa stipulat li jridu jiġu adottati miżuri ta’ urġenza.
Skond il-memorandum spjegattiv "Fil-qafas ta’ l-isforzi li saru sabiex titjieb il-leġiżlazzjoni Komunitarja fuq il-bażi tal-kunċett 'mill-farm għal fuq il-mejda', il-Kummissjoni ħabbret fil-White Paper dwar is-sikurezza ta’ l-ikel l-intenzjoni tagħha li taġġorna u tiffinalizza l-leġiżlazzjoni eżistenti fil-qasam ta’ l-addittivi u s-sustanzi li jagħtu t-togħma kif ukoll li tistabbilixxi dispożizzjonijiet speċifiċi rigward l-enżimi. (l-azzjonijiet 11 u 13 tal-White Paper).
Din il-proposta timmira biex tassigura li s-suq intern jiffunzjona tajjeb filwaqt li jkun assigurat livell għoli ta’ ħarsien tal-ħajja u tas-saħħa tal-bniedem f’dak li għandu x’jaqsam ma’ l-addittivi, l-enżimi u s-sustanzi li jagħtu t-togħma fl-ikel.
Biex tagħmel dan, hija timmira li tistabbilixxi proċedura ta’ awtorizzazzjoni uniformi, ċentralizzata, effikaċi, rapida u trasparenti bbażata fuq evalwazzjoni tar-riskji mwettqa mill-Awtorità Ewropea dwar is-Sikurezza fl-Ikel (imsejħa l-Awtorità) u ġestjoni tar-riskji li fiha l-Kummissjoni u l-Istati Membri jintervjenu fil-qafas ta’ proċedura f’ kumitat regolatorju. Din tafda lill-Kummissjoni, fuq il-bażi ta’ l-istimi xjentifiċi ta’ l-Awtorità, bil-missjoni li tistabbilixxi, iżżomm u taġġorna lista pożittiva ġenerika għal kull kategorija tas-sustanzi konċernati. L-inklużjoni ta’ sustanza f’waħda minn dawn il-listi timplika li l-użu tagħha huwa awtorizzat b’mod ġenerali għall-operaturi kollha fuq is-suq Komunitarju.
Il-Kummissjoni tiġġustifika rikors għall-Artikolu 95 kif ġej: Din il-proposta timmira li ttejjeb il-kundizzjonijiet ta’ l-iffunzjonar tas-suq intern minħabba li l-prodotti awtorizzati skond il-proċedura proposta ser ikunu jistgħu jintużaw madwar il-Komunità kollha. Ir-Regolament maħsub ser iġib armonizzazzjoni tad-dispożizzjonijiet ġuridiċi ta’ l-Istati Membri rigward l-użu ta’ l-addittivi, l-enżimi u s-sustanzi li jagħtu t-togħma fl-ikel fil-forma ta’ lista pożittiva tas-sustanzi awtorizzati li l-Kummissjoni trid tistabbilixxi fuq il-bażi tagħha.
Evalwazzjoni
Fuq il-bażi ta' din l-analiżi ta' l-għan u l-kontenut tal-proposta għal regolament, huwa kkunsidrat li l-għanijiet għall-protezzjoni tas-saħħa umana u l-istabbiliment u t-tħaddim tas-suq intern huma marbutin flimkien b'mod li ma jinħallux mingħajr ma jkun hemm wieħed minnhom sekondarju u indirett fir-rigward ta' l-oħrajn. Evidentement, il-proposta għandha ż-żewġ għanijiet konnessi mal-protezzjoni tas-saħħa umana, u l-għanijiet maħsuba biex itejbu l-iffunzjonar tas-suq intern.
Huwa għalhekk ikkunsidrat li l-bażi legali għandhom ikunu l-Artikolu 95 u l-Artikolu 175 tat-Trattat KE.
Konklużjoni
Fil-laqgħa tiegħu ta' l-20 ta' Marzu 2007 il-Kumitat għall-Affarijiet Legali ddeċieda skond dan, b'mod unanimu Dawn li ġejjin kienu preżenti għall-votazzjoni finali: Giuseppe Gargani (chairman), Cristian Dumitrescu (viċi-chairman), Rainer Wieland (viċi-chairman), Francesco Enrico Speroni (viċi-chairman), Sharon Bowles, Mogens N.J. Camre, Marek Aleksander Czarnecki, Monica Frassoni, Jean-Paul Gauzès, Kurt Lechner, Klaus-Heiner Lehne, Katalin Lévai, Eva Lichtenberger, Toine Manders, Antonio Masip Hidalgo, Hans-Peter Mayer, Manuel Medina Ortega, Marie Panayotopoulos-Cassiotou, Michel Rocard, Aloyzas Sakalas, Gabriele Stauner, József Szájer, Jacques Toubon, Jaroslav Zvěřina, Tadeusz Zwiefka.
Dejjem tiegħek,
Giuseppe Gargani
Titolu | Proċedura ta’ awtorizzazzjoni uniformi għall-addittivi, l-enżimi u l-ħwawar ta’ l-ikel | |||||||
Referenzi | ||||||||
Data meta ġiet ippreżentata lill-PE | 28.7.2006 | |||||||
Kumitat responsabbli Data tat-tħabbir fis-seduta plenarja | ENVI 5.9.2006 | |||||||
Kumitat(i) mitlub(a) jagħti/u opinjoni Data tat-tħabbir fis-seduta plenarja | ITRE 5.9.2006 | IMCO 5.9.2006 | AGRI 5.9.2006 |
| ||||
Opinjoni(jiet) mhux mogħtija Data tad-deċiżjoni | ITRE 4.10.2006 | IMCO 13.9.2006 | AGRI 11.9.2006 |
| ||||
Rapporteur(s) Data tal-ħatra | Åsa Westlund 14.9.2006 |
|
| |||||
Bażi legali kkontestata Data ta’ l-opinjoni tal-JURI | JURI 20.3.2007 |
|
|
| ||||
Eżami fil-kumitat | 26.2.2007 |
|
|
| ||||
Data ta’ l-adozzjoni | 11.4.2007 |
|
|
| ||||
Riżultat tal-vot finali | +: –: 0: | 55 0 0 | ||||||
Membri preżenti għall-vot finali | Georgs Andrejevs, Margrete Auken, Liam Aylward, Pilar Ayuso, Johannes Blokland, John Bowis, Frieda Brepoels, Hiltrud Breyer, Dorette Corbey, Chris Davies, Avril Doyle, Mojca Drčar Murko, Anne Ferreira, Karl-Heinz Florenz, Françoise Grossetête, Cristina Gutiérrez-Cortines, Satu Hassi, Gyula Hegyi, Jens Holm, Dan Jørgensen, Christa Klaß, Holger Krahmer, Aldis Kušķis, Peter Liese, Linda McAvan, Alexandru-Ioan Morţun, Roberto Musacchio, Riitta Myller, Péter Olajos, Miroslav Ouzký, Antonyia Parvanova, Vittorio Prodi, Dagmar Roth-Behrendt, Guido Sacconi, Karin Scheele, Horst Schnellhardt, Kathy Sinnott, Antonios Trakatellis, Anja Weisgerber, Åsa Westlund, Glenis Willmott | |||||||
Sostitut(i) preżenti għall-vot finali | Alfonso Andria, Giovanni Berlinguer, Jens-Peter Bonde, Iles Braghetto, Philip Bushill-Matthews, Christofer Fjellner, Rebecca Harms, Karin Jöns, Kartika Tamara Liotard, Jiří Maštálka, Miroslav Mikolášik, Andres Tarand, Lambert van Nistelrooij | |||||||
Sostitut(i) (skond l-Artikolu 178 (2)) preżenti għall-vot finali | Gabriela Creţu | |||||||