(COM(2008)0640 – C6‑0352/2008 – 2008/0194(COD))
Kumitat għall-Affarijiet Ekonomiċi u Monetarji
Rapporteur:
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW................5
NOTA SPJEGATTIVA.............................................................................................................19
OPINJONI tal-Kumitat għall-Affarijiet Legali..................................................22
PROĊEDURA...........................................................................................................................25
dwar il-proposta għal regolament tal-Parlament Ewropew u tal-Kunsill dwar il-pagamenti transkonfinali fil-Komunità
(
(Proċedura ta' kodeċiżjoni: l-ewwel qari)
Il-Parlament Ewropew,
– wara li kkunsidra l-proposta tal-Kummissjoni lil-Parlament Ewropew u lill-Kunsill (
– wara li kkunsidra l-Artikolu 251(2), u l-Artikolu 95(1) tat-Trattat KE, skond liema artikoli l-Kummissjoni ppreżentat il-proposta lill-Parlament (C6-0352/2008),
– having regard to Artikolu 51 tar-Regoli ta' Proċedura tiegħu,
– wara li kkunsidra r-rapport tal-Kumitat għall-Affarijiet Ekonomiċi u Monetarji u l-opinjoni tal-Kumitat għall-Affarijiet Legali (
1. Japprova l-proposta tal-Kummissjoni kif emendata;
2. Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew tibdilha b'test ġdid;
3. Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.
Proposta għal Regolament
Premessa 5
Test propost mill-Kummissjoni
Emenda
(5) Ir-Regolament (KE) Nru 2560/2001 jkopri t-trasferimenti transkonfinali tal-kreditu u t-tranżazzjonijiet transkonfinali tal-ħlasijiet elettroniċi. Ikopri wkoll iċ-ċekkijiet transkonfinali, iżda għal raġunijiet ta' trasparenza biss. F'konformità mal-għan tad-Direttiva 2007/64/KE li jsiru possibbli d-debiti diretti transkonfinali huma rakkommandabbli li jiġi estiż l-ambitu tar-Regolament. Fir-rigward tal-istrumenti tal-ħlas li huma prinċipalment jew esklussivament stampati, bħaċ-ċekkijiet, għadu mhux rakkommandabbli li jiġi applikat il-prinċipju tal-imposti uniformi billi min-natura tagħhom ma jistgħux jiġu pproċessati b'mod effiċjenti daqs il-pagamenti elettroniċi.
(5) Ir-Regolament (KE) Nru 2560/2001 jkopri t-trasferimenti transkonfinali tal-kreditu u t-tranżazzjonijiet transkonfinali tal-ħlasijiet elettroniċi. F'konformità mal-għan tad-Direttiva 2007/64/KE li jsiru possibbli d-debiti diretti transkonfinali huma rakkommandabbli li jiġi estiż l-ambitu tar-Regolament. Fir-rigward tal-istrumenti tal-ħlas li huma prinċipalment jew esklussivament stampati, bħaċ-ċekkijiet, għadu mhux rakkommandabbli li jiġi applikat il-prinċipju tal-imposti uniformi billi min-natura tagħhom ma jistgħux jiġu pproċessati b'mod effiċjenti daqs il-pagamenti ipproċessati elettronikament. Il-prinċipju tal-imposti uniformi għandu jiġi applikat għal pagamenti li jiġu mibdija jew li jintemmu b'mod stampat jew f'kontanti, jekk dawn ikunu pproċessati elettronikament bħala parti mill-katina tal-eżekuzzjoni tal-pagamenti, għajr iċ-ċekkijiet kif ukoll kull impost, kemm jekk relatat direttament kif ukoll indirettament ma' tranżazzjoni ta' ħlas, bl-esklużjoni ta' imposti fuq konverżjoni ta' munita. Imposti indiretti huma, per eżempju, imposti meta wieħed joħloq ordni permanenti ta' ħlas, jew tariffi fuq l-użu ta' karta tal-ħlas, sew jekk ta' debitu kif ukoll ta' kreditu, li għandhom ikunu l-istess għal pagamenti nazzjonali u transkonfinali fil-Komunità.
Ġustifikazzjoni
Ir-reviżjoni l-ġdida proposta tar-Regolament 2560/2001 m'għandha fiha ebda dispożizzjoni relatata mat-trasparenza; is-suġġett huwa kopert mid-Direttiva 2007/64/KE. Sabiex tiġi żgurata iċ-ċarezza u ċ-ċertezza legali u jiġu evitati interpretazzjonijiet diskordanti ta' x'inhuma imposti.
Proposta għal Regolament
Premessa 5 a (ġdida)
Test propost mill-Kummissjoni
Emenda
(5a) L-Istati Membri għandhom jindirizzaw l-inċertezza dwar l-applikabilità tal-Multilateral Interchange Fee (MIF). Fin-nuqqas ta' ftehima bilaterali bejn il-fornituri tas-servizzi ta' ħlas ta' min jirċievi l-ħlas u ta' min iħallas, il-livell tal-MIF interim awtomatiku għal ġbid dirett (direct debit) għandu jiġi ffissat għal EUR 0,088 għal perjodu tranżitorju sal-31 ta' Ottubru 2012. Fl-aħħar tal-perjodu ta' tranżizzjoni, għandu jkun possibbli li l-MIF jinżammu sakemm dawn jirrispettaw il-linjigwida tal-Kummissjoni. Il-linjigwida tal-Kummissjoni għandhom jiġu adottati sal-31 ta' Marzu 2010 u għandhom ikunu bbażati fuq l-osservazzjoni tal-ispejjeż u tal-ħlas għas-servizzi pprovduti bejn il-fornituri tas-servizzi ta' ħlas.
Ġustifikazzjoni
Biex jiġu evitati l-inċertezzi u jingħalaq id-dibattitu dwar l-MIF.
Proposta għal Regolament
Premessa 6
Test propost mill-Kummissjoni
Emenda
(6) Peress li għandha tiġi evitata l-frammentazzjoni tas-swieq tal-ħlas, huwa xieraq li jiġi applikat il-prinċipju tal-ugwaljanza tal-imposti. Għal dak il-għan għandu jiġi identifikat għal kull katergorija ta' tranżazzjoni ta' ħlas transkonfinali, ħlas nazzjonali li għandu karatteristiċi simili ħafna jew l-istess bħal ta' ħlas transkonfinali, partikolarment fejn jidħlu l-kanal minn fejn jibda, il-ħeffa u l-grad ta' awtomazzjoni.
(6) Peress li għandha tiġi evitata l-frammentazzjoni tas-swieq tal-ħlas, huwa xieraq li jiġi applikat il-prinċipju tal-ugwaljanza tal-imposti. Għal dak il-għan għandu jiġi identifikat għal kull katergorija ta' tranżazzjoni ta' ħlas transkonfinali, ħlas nazzjonali li għandu karatteristiċi simili ħafna jew l-istess bħal ta' ħlas transkonfinali. Għandu jkun possibbli li jintużaw il-kriterji li ġejjin sabiex jiġi identifikat il-ħlas nazzjonali li jikkorispondi mal-ħlas transkonfinali: il-munita użata, il-mezz użat biex jinbeda, jiġi eżegwit u jintemm il-pagament, il-livell ta' awtomazzjoni, il-valur tat-tranżazzjoni, kwalunkwe garanzija ta' ħlas, l-istatus tal-klijent, ir-relazzjoni mal-fornitur tas-servizz tal-ħlas, il-forma tal-kunsens jew l-istrument ta' ħlas użati, kif definit fl-Artikolu 4(23) tad-Direttiva 2007/64/KE. Din il-ġabra ta' kriterji m'għandhiex titqies li tkopri kollox.
Ġustifikazzjoni
Ir-Regolament għandu jispeċifika fid-dettall il-kriterji biex jiġu identifikati ħlasijiet li għandhom karatteristiċi l-istess jew simili għal ħlasijiet transkonfinali biex jiġi żgurat li l-interpretazzjoni ta' dawn id-dispożizzjonijiet ma tvarjax minn Stat Membru għall-ieħor.
Proposta għal Regolament
Premessa 9
Test propost mill-Kummissjoni
Emenda
(9) Biex tiġi żgurata l-possibbiltà ta' riparazzjoni fil-każijiet ta' applikazzjoni ħażina ta' dan ir-Regolament, l-Istati Membri għandhom jistabbilixxu proċeduri adegwati u effettivi biex isiru lmenti jew appelli u għas-soluzzjoni ta' kwalunkwe tilwim bejn il-utenti tas-servizzi tal-ħlas u l-fornituri tas-servizz tal-ħlas tagħhom. Huwa wkoll importanti li jinħatru awtoritajiet kompetenti u entitajiet ta' rimedju bonarju, fejn applikabbli bl-użu tal-proċeduri eżistenti.
(9) Biex tiġi żgurata l-possibbiltà ta' riparazzjoni fil-każijiet ta' applikazzjoni ħażina ta' dan ir-Regolament, l-Istati Membri għandhom jistabbilixxu proċeduri adegwati u effettivi biex isiru lmenti jew appelli u għas-soluzzjoni ta' kwalunkwe tilwim bejn il-utenti tas-servizzi tal-ħlas u l-fornituri tas-servizz tal-ħlas tagħhom. Huwa wkoll importanti li jinħatru awtoritajiet kompetenti u entitajiet ta' rimedju bonarju, fejn applikabbli bl-użu tal-proċeduri eżistenti. L-awtoritajiet kompetenti għandhom joħorġu linji gwida biex jidentifikaw ħlasijiet nazzjonali korrispondenti meta jqisu li dan ikun meħtieġ.
Ġustifikazzjoni
L-awtoritajiet kompetenti għandhom jikkjarifikaw meta huwa meħtieg il-kunċett ta' ħlas korrispondenti sabiex jiġu evitati differenzi fl-interpretazzjoni.
Proposta għal Regolament
Artikolu 1 – paragrafu 2
Test propost mill-Kummissjoni
Emenda
2. Dan ir-Regolament għandu japplika wkoll għall-ħlasijiet sal-ammont ta' EUR 50 000 li huma denominati bl-euro jew fil-muniti tal-Istati Membri msemmija fl-Artikolu 11.
2. Dan ir-Regolament għandu japplika wkoll għall-ħlasijiet sal-ammont ta' EUR 50 000 f'konformità mad-dispożizzjonijiet tad-Direttiva 2007/64/KE, li huma denominati bl-euro jew fil-muniti tal-Istati Membri msemmija fl-Artikolu 11.
Ġustifikazzjoni
The payments covered by this Regulation must be identical to those covered by the Directive on payment services.
Proposta għal Regolament
Artikolu 1 – paragrafu 3
Test propost mill-Kummissjoni
Emenda
3. Dan ir-Regolament ma għandux japplika għall-ħlasijiet imwettqa mill-fornituri tas-servizzi tal-ħlas għal kont tagħhom stess.
3. Dan ir-Regolament ma għandux japplika għall-ħlasijiet imwettqa mill-fornituri tas-servizzi tal-ħlas għal kont tagħhom stess jew f'isem fornituri oħrajn ta' servizzi tal-ħlas.
Ġustifikazzjoni
Servizzi interbankarji m'għandhomx jaqgħu fl-ambitu ta' dan ir-Regolament, li jkopri biss il-politiki tal-fornituri tas-servizzi tal-ħlas b'rabta mal-imposti li jimponu fuq il-klijenti tagħhom.
Proposta għal Regolament
Artikolu 2 - punt 1
Test propost mill-Kummissjoni
Emenda
(1) 'pagamenti traskonfinali' tfisser tranżazzjonijiet ta' ħlas elettroniku mibdijin mill-pagatur jew mill-benefiċjarju u mwettqa permezz ta' fornitur tas-servizzi tal-ħlas jew fergħa tiegħu f'wieħed mill-Istati Membri, bil-ħsieb li jitqiegħed ammont ta' flus għad-dispożizzjoni ta' benefiċjarju permezz tal-fornitur tas-servizzi tal-ħlas jew fergħa tiegħu, fi Stat Membru ieħor;
(1) 'pagamenti transkonfinali' tfisser tranżazzjonijiet ta' ħlas ipproċessati elettronikament mibdijin mill-pagatur jew minn jew permezz ta' benefiċjarju fejn il-fornituri tas-servizzi tal-ħlas tal-pagatur u l-benefiċjarju jinsabu fi Stati Membri differenti;
Ġustifikazzjoni
Id-definizzjoni għandha tkun issimplifikata u aktar konformi mad-Direttiva tas-Servizzi tal-Pagamenti: skont l-Artikolu 2(1) tad-Direttiva tas-Servizzi tal-Pagament, hija deċiżiva fejn fornitur tas-servizzi tal-pagamenti huwa stazzjonat, li jinkludi l-fergħat.
Proposta għal Regolament
Artikolu 2 – punt 5
Test propost mill-Kummissjoni
Emenda
(5) "fornitur tas-servizz tal-ħlas' tfisser kwalunkwe mill-kategoriji msemmija fl-Artikolu 1(1) tad-Direttiva 2007/64/KE u l-persuni ġuridiċi u fiżiċi msemmija fl-Artikolu 26 ta' dik id-Direttiva;
(5) "fornitur tas-servizz tal-ħlas' tfisser kwalunkwe mill-kategoriji msemmija fl-Artikolu 1(1) tad-Direttiva 2007/64/KE u l-persuni ġuridiċi u fiżiċi li jibbenefikaw mid-deroga skont l-Artikolu 26 ta' dik id-Direttiva;
Ġustifikazzjoni
Il-kliem preżenti jista' jwassal għal inċertezza legali dwar il-kundizzjonijiet li fihom persuni ġuridiċi u fiżiċi jistgħu jsiru fornituri ta' servizz tal-ħlas u fuq in-natura - transkonfinali jew nazzjonali biss - tal-attivitajiet li jistgħu jieħdu sehem fihom.
Proposta għal Regolament
Artikolu 2 – punt 9
Test propost mill-Kummissjoni
Emenda
(9) 'imposti' tfisser kwalunkwe imposta mitluba minn fornitur tas-servizz tal-ħlas fuq l-utent tas-servizz tal-ħlas u direttament jew indirettament marbut mat-tranżazzjoni tal-ħlas.
(9) 'imposti' tfisser kwalunkwe imposta mitluba minn fornitur tas-servizz tal-ħlas fuq l-utent tas-servizz tal-ħlas u direttament marbuta mat-tranżazzjoni tal-ħlas.
Ġustifikazzjoni
Sabiex jiġu żgurati ċ-ċarezza u ċ-ċertezza legali u jiġu evitati interpretazzjonijiet diskordanti ta' x'inhuma imposti, nipproponu li nemendaw id-definizzjoni ta' "imposti" fl-Artikolu 2.9 billi neliminaw mid-definizzjoni l-kelma "indirettament".
Proposta għal Regolament
Artikolu 2 – punt 9 a (ġdid)
Test propost mill-Kummissjoni
Emenda
(9a) 'fondi' tfisser karti tal-flus u muniti, flus skritturali u flus elettroniċi kif definiti fl-Artilolu 1(3)(b) tad-Direttiva 2000/46/KE;
Ġustifikazzjoni
It-terminu 'fondi' qed jintuża fl-Artikolu 2 (Definizzjonijiet)tar-regolament propost. Għandu għalhekk ikun definit, billi d-definizzjoni tkun introdotta fid-Direttiva tas-Servizzi tal-Pagamenti (Artikolu 4 (15)).
Proposta għal Regolament
Artikolu 3 – paragrafu 1
Test propost mill-Kummissjoni
Emenda
1. L-imposti mitluba minn fornitur tas-servizz tal-ħlas fir-rigward ta' ħlasijiet transkonfinali għandhom ikunu l-istess daqs l-imposti mitluba mill-istess fornitur tas-servizz tal-ħlas għal ħlas korrispondenti tal-istess valur fi ħdan l-Istat Membru minn fejn joriġina l-ħlas transkonfinali.
1. L-imposti mitluba minn fornitur ta' servizz tal-ħlas mill-utent tas-servizz tal-ħlas fir-rigward ta' ħlasijiet transkonfinali għandhom ikunu l-istess daqs l-imposti mitluba minn dak il-fornitur tas-servizz tal-ħlas fuq dak l-utent ta' servizz ta' ħlas għal ħlasijiet korrispondenti tal-istess valur fl-istess munita fi ħdan l-Istat Membru minn fejn joriġina l-ħlas transkonfinali.
Ġustifikazzjoni
Ir-regoli dwar l-ugwaljanza tal-imposti għandhom ikunu miktuba iktar preċiżament biex tiġi evitata konfużjoni possibbli.
Proposta għal Regolament
Artikolu 3 – paragrafu 2
Test propost mill-Kummissjoni
Emenda
2. Waqt il-valutazzjoni, bl-għan tal-konformità mal-paragrafu 1, il-livell tal-imposti fuq ħlas transkonfinali, fornitur tas-servizz tal-ħlas għandu jidentifika l-ħlas domestiku korrespondenti.
2. Waqt il-valutazzjoni, bl-għan tal-konformità mal-paragrafu 1, il-livell tal-imposti fuq ħlas transkonfinali, fornitur tas-servizz tal-ħlas għandu jidentifika l-ħlas nazzjonali korrespondenti jew simili.
L-awtoritajiet kompetenti għandhom joħorġu linji gwida biex jidentifikaw ħlasijiet nazzjonali korrispondenti fejn iqisu li huwa meħtieġ. L-awtoritajiet kompetenti tal-Istati Membri għandhom jikkooperaw attivament sabiex jiżguraw il-kompatibilità tal-linji gwida għal ħlasijiet korrispondenti.
Ġustifikazzjoni
Meta wieħed jagħmel valutazzjoni tal-livell tal-ispejjeż għall-pagament transkonfinali u l-pagament domestiku korrispondenti jew fl-assenza ta' dan tal-aħħar, għandu jiġi kkunsidrat dak simili.
Huwa utli li jiġu ċċarati l-linji gwida dwar kif l-awtoritajiet kompetenti għandhom jidentifikaw il-ħlasijiet korrispondenti.
Proposta għal Regolament
Artikolu 3 – paragrafu 3 (ġdid)
Test propost mill-Kummissjoni
Emenda
3. Meta Stat Membru , b'konformità mal-Artikolu 11, jinnotifika l-estenzjoni tal-applikazzjoni ta' dan ir-Regolament għall-munita tiegħu, ħlas nazzjonali fil-munita ta' dak l-Istat Membru jista' jitqies bħala korrispondenti ma' ħlas transkonfinali li jkun sar bl-euro.
Ġustifikazzjoni
Din id-dispożizzjoni tippermetti li r-Regolament jiġi estiż għall-muniti ta' Stati Membri tal-UE li mhumiex l-Euro.
Proposta għal Regolament
Artikolu 3 – paragrafu 4 (ġdid)
Test propost mill-Kummissjoni
Emenda
4. Għal trasferiment ta' kreditu u debiti diretti, għandhom japplikaw id-dispożizzjonijiet tal-Artikolu 52(2) tad-Direttiva 2007/64/KE .
Ġustifikazzjoni
Din iż-żieda hija meħtieġa biex tiżgura ċertezza legali u koerenza mad-Direttiva 2007/64/KE.
Proposta għal Regolament
Artikolu 3 – paragrafu 5 (ġdid)
Test propost mill-Kummissjoni
Emenda
5. Dan ir-Regolament japplika għal ħlasijiet elettroniċi, inklużi ħlasijiet li jinbdew jew li jintemmu b'mod stampat jew f'kontanti, jekk it-tranżazzjoni tkun proċessata elettronikament.
Dan ir-Regolament japplika għall-imposti kollha relatati ma' kuntratt ta' qafas u mat-tranżazzjonijiet ta' ħlasijiet assoċjati. Imposti, bħal per eżempju, meta wieħed jagħmel ordni permanenti ta' ħlas, jew tariffi fuq l-użu ta' karta tal-ħlas, għandhom ikunu l-istess għal tranżazzjonijiet ta' ħlas nazzjonali u transkonfinali fil-Komunità.
Dan ir-Regolament ma japplikax għall-ħlasijiet fuq skambju ta' muniti.
Ġustifikazzjoni
Huwa essenzjali li d-dispożizzjonijiet ta' dan ir-Regolament relatati ma' imposti uniformi għandhom ikunu dikjarati b'mod ċar fil-kuntratt.
Proposta għal Regolament
Artikolu 4 – paragrafu 1
Test propost mill-Kummissjoni
Emenda
1. Fornitur tas-servizz tal-ħlas għandu, fejn applikabbli, jikkomunika lill-utent tas-servizz tal-ħlas in-Numru Internazzjonali tal-Kont Bankarju (IBAN) tal-utent u l-Kodiċi ta' Identifikazzjoni tal-Bank (BIC) tal-fornitur.
1. Fornitur tas-servizz tal-ħlas għandu, fejn applikabbli, jikkomunika lill-utent tas-servizz tal-ħlas l-identifikatur uniku (eż. IBAN) tal-utent u l-identifikatur uniku bankarju (eż. BIC) tal-fornitur.
Barra dan, fejn applikabbli, fornitur tas-servizz tal-ħlas għandu jindika fuq id-dikjarazzjonijiet tal-kont tal-utent tas-servizz tal-ħlas, jew f'anness mehmuż magħhom, l-IBAN tal-utent u l-BIC tal-fornitur.
Barra dan, fejn applikabbli, fornitur tas-servizz tal-ħlas għandu jindika fuq id-dikjarazzjonijiet tal-kont tal-utent tas-servizz tal-ħlas, jew f'anness mehmuż magħhom l-identifikatur uniku (eż. IBAN) tal-utent u l-identifikatur uniku bankarju (eż. BIC) tal-fornitur.
Il-fornitur tas-servizzi tal-ħlas m'għandux jitlob impost lill-utent tas-servizz tal-pagament talli jipprovdi informazzjoni skont dan il-paragrafu.
Ġustifikazzjoni
Sabiex tiġi żgurata l-konsistenza mad-Direttiva tas-Servizzi tal-Ħlas (PSD) ir-riferenza għall-IBAN u l-BIC fir-Regolament dwar il-Ħlasijiet Transkonfinali għandha tiġi mibdula għal riferenza għall-identifikaturi uniċi.
Sabiex dan ir-Regolament ikun konformi mad-Direttiva tas-Servizzi tal-Pagament (Artikolu 32 (1)), għandu jiġi ċċarat li din l-għoti ta' din l-informazzjoni għal dak li juża s-servizz tal-pagament hija bla ħlas.
Proposta għal Regolament
Artikolu 4 – paragrafu 2
Test propost mill-Kummissjoni
Emenda
2. Fejn xieraq fir-rigward tan-natura tat-tranżizzjoni tal-ħlas ikkonċernat, għat-tranżizzjonijiet mibdijin mill-pagatur, il-pagatur għandu, meta jintalab, jikkomunika lill-fornitur tas-servizz tal-ħlas l-IBAN tal-benefiċjarju u l-BIC tal-fornitur tas-servizz tal-ħlas tal-benefiċjarju.
2. Fejn xieraq fir-rigward tan-natura tat-tranżizzjoni tal-ħlas ikkonċernat, għat-tranżizzjonijiet mibdijin mill-pagatur, il-pagatur għandu, meta jintalab, jikkomunika lill-fornitur tas-servizz tal-ħlas identifikaturi uniċi (eż. l-IBAN, il-BIC) tal-benefiċjarju u tal-fornitur tas-servizz tal-ħlas tal-benefiċjarju.
Ġustifikazzjoni
Sabiex tiġi żgurata l-konsistenza mad-Direttiva tas-Servizzi tal-Ħlas (PSD) ir-riferenza għall-IBAN u l-BIC fir-Regolament dwar il-Ħlasijiet Transkonfinali għandha tiġi mibdula għal riferenza għall-identifikaturi uniċi.
Proposta għal Regolament
Artikolu 4 – paragrafu 3
Test propost mill-Kummissjoni
Emenda
3. Fejn xieraq fir-rigward tan-natura tat-tranżizzjoni tal-ħlas konċernat, għat-tranżizzjonijiet mibdijin mill-benifiċjarju, il-benefiċjarju għandu, meta jintalab, jikkomunika lill-fornitur tas-servizz tal-ħlas tiegħu l-IBAN tal-pagatur u l-BIC tal-fornitur tas-servizz tal-ħlas tal-pagatur.
3. Fejn xieraq fir-rigward tan-natura tat-tranżizzjoni tal-ħlas konċernat, għat-tranżizzjonijiet mibdijin mill-benifiċjarju, il-benefiċjarju għandu, meta jintalab, jikkomunika lill-fornitur tas-servizz tal-ħlas tiegħu identifikaturi uniċi (eż. l-IBAN, il-BIC) tal-pagatur u tal-fornitur tas-servizz tal-ħlas tal-pagatur.
Ġustifikazzjoni
Sabiex tiġi żgurata l-konsistenza mad-Direttiva tas-Servizzi tal-Ħlas (PSD) ir-riferenza għall-IBAN u l-BIC fir-Regolament dwar il-Ħlasijiet Transkonfinali għandha tiġi mibdula għal riferenza għall-identifikaturi uniċi.
Proposta għal Regolament
Artikolu 4 – paragrafu 4
Test propost mill-Kummissjoni
Emenda
4. Fejn xieraq fir-rigward tan-natura tat-tranżizzjonijiet tal-ħlas konċernati, għall-fatturat kollu tal-merkanzija u tas-servizzi fil-Komunità, fornitur li jaċċetta ħlasijiet koperti b'dan ir-Regolament għandu jikkomunika l-IBAN u l-BIC tal-fornitur tas-servizz tal-ħlas tiegħu lill-klijenti.
4. Fejn xieraq fir-rigward tan-natura tat-tranżizzjonijiet tal-ħlas konċernati, għall-fatturat kollu tal-merkanzija u tas-servizzi fil-Komunità, fornitur li jaċċetta ħlasijiet koperti b'dan ir-Regolament għandu jikkomunika identifikaturi uniċi (eż. l-IBAN, il-BIC) u identifikaturi uniċi (eż. l-IBAN, il-BIC) tal-fornitur tas-servizz tal-ħlas tiegħu lill-klijenti.
Ġustifikazzjoni
Sabiex tiġi żgurata l-konsistenza mad-Direttiva tas-Servizzi tal-Ħlas (PSD) ir-riferenza għall-IBAN u l-BIC fir-Regolament dwar il-Ħlasijiet Transkonfinali għandha tiġi mibdula għal riferenza għall-identifikaturi uniċi.
Proposta għal Regolament
Artikolu 5 – paragrafu 2
Test propost mill-Kummissjoni
Emenda
2. B'effett mill-1 ta' Jannar 2012 l-aktar tard, l-Istati Membri għandhom ineħħu l-obbligi tar-rappurtar nazzjonali abbażi tas-saldi minn fuq il-fornituri tas-servizz tal-ħlasijiet għall-istatistika tal-bilanċ tal-ħlasijiet.
2. B'effett mill-1 ta' Jannar 2015, l-Istati Membri għandhom ineħħu l-obbligi tar-rappurtar nazzjonali abbażi tas-saldi minn fuq il-fornituri tas-servizz tal-ħlasijiet għall-istatistika tal-bilanċ tal-ħlasijiet.
Proposta għal Regolament
Artikolu 6 – paragrafu 1 – subparagrafu 1 a (ġdid)
Test propost mill-Kummissjoni
Emenda
L-Istati Membri għandhom jitolbu lill-awtoritajiet kompetenti biex iwettqu monitoraġġ tal-konformità ma dan ir-Regolament b'mod effettiv u biex jieħdu l-miżuri kollha neċessarji biex tiġi żgurata din il-konformità.
Ġustifikazzjoni
Għandu jingħad b'mod espliċitu li l-awtoritajiet kompetenti għandom jiżguraw il-konformità ma dan ir-Regolament, u ma jirreaġixxux biss għall-ilmenti ta' min juża s-servizzi ta' pagament. L-awtoritajiet kompetenti għandhom ikunu kapaċi jintervjenu fuq l-inizjattiva tagħhom stess.
Proposta għal Regolament
Artikolu 6 – paragrafu 1 – subparagrafu 2 a (ġdid)
Test propost mill-Kummissjoni
Emenda
L-Istati Membri jistgħu jaħtru istituzzjonijiet eżistenti biex jagħmluha ta' awtoritajiet kompetenti.
Proposta għal Regolament
Artikolu 7 – paragrafu 1 – subparagrafu 1 a (ġdid)
Test propost mill-Kummissjoni
Emenda
L-Istati Membri jistgħu jutilizzaw jew jestendu l-proċeduri eżistenti għal dan il-għan.
Proposta għal Regolament
Artikolu 9
Test propost mill-Kummissjoni
Emenda
1. L-awtoritajiet kompetenti u l-entitajiet ta' rimedju bonarju tal-Istati Membri, msemmija fl-Artikolu 6 u 8, għandhom jikkooperaw attivament sabiex isolvu t-tilwim transkonfinali.
L-awtoritajiet kompetenti u l-entitajiet ta' rimedju bonarju tal-Istati Membri, msemmija fl-Artikolu 6 u 8, għandhom jikkoperaw b'mod attiv u mgħaġġel sabiex isolvu t-tilwim transkonfinali billi jkun hemm skambju ta' informazzjoni dwar il-prattika legali fil-ġurisdizzjoni tagħhom jew billi jitrasferixxu l-ilment u l-proċeduri ta' rimedju jekk ikun meħtieġ.
Ġustifikazzjoni
Huwa bżonnjuż li jiġi ċċarat aktar kif l-awtoritajiet kompetenti u l-entitajiet ta' rimedju bonarju għandhom jikkoperaw fil-każijiet ta' tilwim transkonfinali.
Proposta għal Regolament
Artikolu 12 – paragrafu 2
Test propost mill-Kummissjoni
Emenda
2. Sa mhux aktar tard mill-31 ta' Diċembru 2015, il-Kummissjoni għandha tippreżenta lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Bank Ċentrali Ewropew rapport dwar l-implimentazzjoni ta' dan ir-Regolament, flimkien ma' kwalunkwe proposta xierqa.
2. Sa mhux aktar tard mill-31 ta' Diċembru 2012, il-Kummissjoni għandha tippreżenta lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Bank Ċentrali Ewropew rapport dwar l-implimentazzjoni ta' dan ir-Regolament, flimkien ma' kwalunkwe proposta xierqa.
Ġustifikazzjoni
Mhux neċessarju li jiġi stipulat perijodu daqshekk twil għall-evalwazzjoni u l-ippreżentar ta' rapport dwar l-implimentazzjoni tar-Regolament.
L-ineffiċjenzi u l-ispejjeż għolja tal-pagamenti transkonfinali dehru biss wara l-introduzzjoni tal-euro u meta spiċċaw ir-rati tal-kambju bejn il-pajjiżi taz-zona tal-euro.
F'dan l-isfond, fil-25 ta' Lulju 2001, il-Kummissjoni għamlet proposta għal Regolament (KE) Nru 2560/2001 tal-Parlament Ewropew u tal-Kunsill dwar il-pagamenti transkonfinali bl-euro(minn issa 'l quddiem magħruf bħala r-'Regolament 2560'). Dan ġie adottata fid-19 ta' Diċembru 2001 u daħal fis-seħħ fil-31 ta' Diċembru 2001 u jiggarantixxi li pagamenti transkonfinali jiswew l-istess daqs pagamenti magħmula fi Stat Membru.
Dan japplika għat-trasferimenti ta' kreditu, ġbid ta' flus kontanti mill-ATMs u pagamenti permezz ta' karti ta' debitu u kreditu sa EUR 12.500 fil-pajjiżi taz-Zona Ekonomika Ewropea (is-27 Stat Membru kollha tal-Unjoni Ewropea flimkien mal-Iżlanda, Liechtenstein u n-Norveġja). Mill-1 ta' Jannar 2006, ir-Regolament japplika għall-pagamenti transkonfinali sa EUR 50.000.
Ir-Regolament introduċa l-prinċipju ta' spejjeż ugwali għall-pagamenti domestiċi (nazzjonali) u dawk transkonfinali korrispondenti li baxxa l-prezzijiet u ġab aktar kompetizzjoni fis-swieq tas-servizzi tal-pagamenti. Dan ir-Regolament ta spinta liz-Zona Unika tal-Pagamenti bl-Euro (SEPA).
Il-proposta għal Regolament immodifikata ġiet bħala risposta għall-evoluzzjoni mgħaġġla fis-suq tal-pagamenti fl-UE u hija r-riżultat ta' proċess ta' analiżi bir-reqqa u tar-rapport, ippreparat mill-Kummissjoni Ewropea fi Frar 2008.
Il-proċess tal-analiżi tar-Regolament 2560 kien fih numru ta' elementi differenti.
Ir-rapport tal-Kummissjoni Ewropea ipprovda kif ir-Regolament 2560/2001 kien applikat fl-Istati Membri u liema kienu l-problemi prattiċi fl-implimentazzjoni tiegħu. Ikkonkluda li għandhom isiru numru ta' proposti biex jiġu indirizzati l-kwistjonijiet identifikati, jirrifletti aħjar l-iżviluppi fis-swieq finanzjarji bl-imnut biex ir-Regolament jikkonforma mad-Direttiva tas-Servizzi tal-Pagamenti li ġiet adottata riċentement (2007/64/KE).
Ir-rapport jikkonferma li r-Regolament laħaq żewġ objettivi prinċipali. L-ewwel nett, ġab tnaqqis importanti fil-ħlasijiet għall-pagamenti transkonfinali, b'mod partikolari għat-trasferimenti ta' kreditu (EUR 100 għat-trasferiment transkonfinali, li qabel ma ġie introdott ir-Regolament kien jiswa EUR 24 bħala valur medju u li issa jiswa EUR 2.50 bħala valur medju, bla ma wassal għal żieda fl-ispejjeż tat-trasferimenti domestiċi). It-tieni, inkoraġġixxa lill-industrija tas-servizzi finanzjarji biex fin-nuqqas ta' infrastruttura effiċjenti u integrata tas-servizzi ta' pagamenti Ewropej, tagħmel l-isforzi neċessarji u biex iddawwar f'realtà il-kunċett ta' 'zona ta' pagament domestiku' għal pagamenti bl-Euro mhux fi flus kontanti, u b'hekk tinħoloq Iz-Zona Unika ta' Pagamenti bl-Euro (SEPA), li maż-żmien għandha tgħin biex tnaqqas l-ispejjeż tal-konsumaturi kollha.
Ir-rapport jikkonkludi li l-kamp ta' applikazzjoni tar-Regolament għandu jiġi estiż biex jinkludi d-debitu dirett, li qabel ma kienx disponibbli fuq bażi transkonfinali. Barra minn hekk, skont dan ir-regolament, l-Istati Membri kollha għandhom joħolqu awtoritajiet kompetenti u proċeduri ta' rimedju bonarju adegwati għal protezzjoni aħjar tad-drittijiet tal-konsumatur f'tilwim li jqum minħabba r-Regolament.
Hemm il-ħsieb ukoll li ssir Reviżjoni u t-tneħħija gradwali tal-obbligazzjonijiet ta' rrappurtar tal-bilanċ tal-pagamenti impost fuq il-banek f'xi Stati Membri, minħabba li dawn l-obbligazzjonijiet ifixklu l-iżvilupp tas-SEPA, jillimitaw l-introduzzjoni tal-ipproċessar awtomatiku sħiħ tal-pagamenti transkonfinali u li fl-aħħar iwasslu għal spejjeż akbar għall-banek u l-konsumaturi.
Il-proposta tal-Kummissjoni tintroduċi ħames bidliet prinċipali għat-test preżenti tar-Regolament 2560/2001:
· l-estensjoni tal-prinċipju tal-ugwaljanza tal-imposti fuq il-ħlasijiet transkonfinali u dawk domestiċi korrispondenti sabiex ikopru d-debiti diretti (L-Artikolu 2, definizzjonijiet);
· Kjarifika tal-idea ta' "pagamenti korrispondenti" (L-Artikolu 3);
· Tirrikjedi li l-Istati Membri jintalbu jaħtru awtoritajiet kompetenti u entitajiet ta' rimedju bonarju biex jindirizzaw b'mod effettiv l-ilmenti u t-tilwim marbuta ma' din il-proposta (L-Artikoli 6 sa 9);
· Tneħħi l-obbligazzjonijiet tar-rappurtar tal-istatistika tal-bilanċ tal-pagamenti imposti fuq dawk li jipprovdu s-servizzi tal-pagamenti (EUR 50.000 sal-1 ta' Jannar u t-tneħħija kompleta sal-2012) (L-Artikolu 5);
· Klawsola ta' Reviżjoni (L-Artikolu 12).
It-twaqqif tas-SEPA u l-adozzjoni tad-Direttiva tas-Servizzi tal-Pagamenti (PSD) qed jibdlu x-xejra tal-pagamenti fl-Ewropa. B'mod partikolari, strument popolari ta' pagament elettroniku - debitu dirett - se jkun disponibbli fuq bażi transkonfinali minn Novembru 2009.
Sabiex jinħoloq qafas legali konsistenti u sħiħ għall-istrumenti tal-pagamenti kollha elettroniċi fl-Ewropa, u biex jiġu evitati kwalunkwe ambigwitajiet li jistgħu jirriżultaw minn differenzi bejn testi legali, il-kliem tar-Regolament, b'mod partikolari d-definizzjonijiet tiegħu, għandom ikunu konformi mad-Direttiva tas-Servizzi tal-Ħlasijiet (2007/64/KE).
Issuġġeriti mill-parlament għandhom l-emendi għandhom itejbu l-proposta tal-Kummissjoni fl-oqsma li ġejjin:
· Il-kjarifika tad-definizzjonijiet u l-idea tal-pagamenti korrispondenti;
· Ir-Regolament għandu jikkjarifika li awtoritajiet kompetenti għandhom jintalbu mill-Istati Membri biex jagħmlu monitoraġġ b'mod effettiv lir-Regolament u jieħdu l-miżuri kollha neċessarji jiex jiżguraw konformità miegħu.
· Kjarifika, jiġifieri aktar dettalji fl-Artikolu 9 (koperazzjoni transkonfinali) ta' kif l-awtoritajiet kompetenti u l-entitajiet ta' rimedju barra l-Qorti tal-Istati Membri differenti għandhom jikkoperaw, tista' tkun ta' benefiċċju.
għall-Kumitat għall-Affarijiet Ekonomiċi u Monetarji
(
Rapporteur għal opinjoni:
EMENDI
Il-Kumitat għall-Affarijiet Legali jitlob lill-Kumitat għall-Affarijiet Ekonomiċi u Monetarji, bħala l-kumitat responsabbli, jinkorpora s-segwenti emendi fir-rapport tiegħu:
Proposta għal regolament
Artikolu 6 - paragrafu 1 – subparagrafu 2 a (ġdid)
Test propost mill-Kummissjoni
Emenda
L-Istati Membri jistgħu jaħtru l-istituzzjonijiet eżistenti biex jaġixxu ta' awtoritajiet kompetenti.
Proposta għal regolament
Artikolu 7 - paragrafu 1 – subparagrafu 1 a (ġdid)
Test propost mill-Kummissjoni
Emenda
L-Istati Membri jistgħu jutilizzaw jew jestendu l-proċeduri eżistenti għal dan l-iskop.
Proposta għal regolament
Artikolu 9
Test propost mill-Kummissjoni
Emenda
L-awtoritajiet kompetenti u l-entitajiet ta' rimedju bonarju tal-Istati Membri, msemmija fl-Artikolu 6 u 8, għandhom jikkooperaw attivament sabiex isolvu t-tilwim transkonfinali.
L-awtoritajiet kompetenti u l-entitajiet ta' rimedju bonarju tal-Istati Membri, msemmija fl-Artikolu 6 u 8, għandhom jikkooperaw attivament sabiex isolvu t-tilwim transkonfinali.
PROĊEDURA
Titolu | Ħlasijiet transkonfinali fil-Komunità | |||||||
Referenzi | ||||||||
Kumitat responsabbli | ECON | |||||||
Opinjoni(jiet) mogħtija minn Data tat-tħabbir fis-seduta plenarja | JURI 21.10.2008 |
|
|
| ||||
Rapporteur għal opinjoni Data tal-ħatra | Aloyzas Sakalas 3.11.2008 |
|
| |||||
Data tal-adozzjoni | 20.1.2009 |
|
|
| ||||
Riżultat tal-votazzjoni finali | +: –: 0: | 19 0 0 | ||||||
Membri preżenti għall-votazzjoni finali | Carlo Casini, Bert Doorn, Monica Frassoni, Giuseppe Gargani, Neena Gill, Klaus-Heiner Lehne, Katalin Lévai, Antonio López-Istúriz White, Manuel Medina Ortega, Hartmut Nassauer, Aloyzas Sakalas, Eva-Riitta Siitonen, Francesco Enrico Speroni, Diana Wallis, Rainer Wieland, Jaroslav Zvěřina, Tadeusz Zwiefka | |||||||
Sostitut(i) preżenti għall-votazzjoni finali | Eva Lichtenberger, Jacques Toubon | |||||||
Titolu | dwar il-ħlas transkonfinali fil-Komunità | |||||||
Referenzi | ||||||||
Data meta ġiet ippreżentata lill-PE | 13.10.2008 | |||||||
Kumitat responsabbli Data tat-tħabbir fis-seduta plenarja | ECON 21.10.2008 | |||||||
Kumitat/i mitlub/a jagħti/u opinjoni Data tat-tħabbir fis-seduta plenarja | IMCO 21.10.2008 | JURI 21.10.2008 |
|
| ||||
Opinjoni(jiet) mhux mogħtija Data tad-deċiżjoni | IMCO 5.11.2008 |
|
|
| ||||
Rapporteur Data tal-ħatra | Margarita Starkevičiūtė 24.9.2008 |
|
| |||||
Eżami fil-Kumitat | 5.11.2008 | 11.12.2008 | 20.1.2009 |
| ||||
Data tal-adozzjoni | 11.2.2009 |
|
|
| ||||
Riżultat tal-votazzjoni finali | +: –: 0: | 33 0 0 | ||||||
Membri preżenti għall-votazzjoni finali | Mariela Velichkova Baeva, Paolo Bartolozzi, Zsolt László Becsey, Pervenche Berès, Sharon Bowles, Udo Bullmann, Manuel António dos Santos, Christian Ehler, Elisa Ferreira, Ingo Friedrich, Jean-Paul Gauzès, Donata Gottardi, Benoît Hamon, Karsten Friedrich Hoppenstedt, Sophia in ‘t Veld, Othmar Karas, Wolf Klinz, Astrid Lulling, Sirpa Pietikäinen, John Purvis, Bernhard Rapkay, Dariusz Rosati, Antolín Sánchez Presedo, Olle Schmidt, Peter Skinner, Margarita Starkevičiūtė, Ivo Strejček, Ieke van den Burg, Sahra Wagenknecht | |||||||
Sostituti preżenti għall-votazzjoni finali | Mia De Vits, Werner Langen, Gianni Pittella, Eva-Riitta Siitonen | |||||||