Test propost mill-Kummissjoni

Emenda

(-1) It-Trattat jistabbilixxi ċittadinanza tal-Unjoni, li tikkomplementa ċ-ċittadinanza nazzjonali tal-Istati Membri u hija element importanti fit-tisħiħ u s-salvagwardjar tal-proċess tal-integrazzjoni Ewropea.

Test propost mill-Kummissjoni

Emenda

(-1a) L-inkoraġġiment ta' ċittadinanza attiva huwa element ta’ qofol fit-tisħiħ tal-koeżjoni u fl-iżvilupp tad-demokrazija u tal-irwol tal-Ewropa fid-dinja.

Test propost mill-Kummissjoni

Emenda

(-1b) Is-“Sena Ewropea tal-Attivitajiet ta' Volontarjat li jippromwovu ċittadinanza attiva” ser tenfasizza li l-volontarjat huwa espressjoni ta’ qofol taċ-ċittadinanza attiva u tad-demokrazija, li tpoġġi fil-prattika valuri Ewropej bħas-solidarjetà u n-nondiskriminazzjoni u bħala tali jikkontribwixxi għall-iżvilupp armonjuż tas-soċjetajiet Ewropej.

Test propost mill-Kummissjoni

Emenda

(1) Il-Komunità u l-Istati Membri jimmiraw li jippromwovu l-iżvilupp tar-riżorsi umani bil-ħsieb ta' livell għoli ta' impjieg u billi jiġġieldu kontra l-esklużjoni soċjali.

(1) Il-Komunità u l-Istati Membri jimmiraw li jippromwovu l-iżvilupp tar-riżorsi umani bil-ħsieb ta' livell għoli ta' impjieg u billi jiġġieldu kontra l-esklużjoni soċjali billi jadottaw miżuri bil-għan li jtejbu l-għarfien, jiżviluppaw skambji ta' informazzjoni u l-aħjar prattiki, jippromwovu approċċi innovattivi u jevalwaw l-esperjenzi.

Test propost mill-Kummissjoni

Emenda

(3) Il-volontarjat jikkostitwixxi esperjenza mhux formali ta' tagħlim li tippermetti kemm l-iżvilupp tal-ħiliet u l-kompetenzi professjonali kif ukoll għamla ewlenija ta' parteċipazzjoni ċivika attiva. L-azzjonijiet imwettqa mill-volontiera ta' kull età huma kruċjali għall-iżvilupp ta' demokrazija, wieħed mill-prinċipji fundamentali tal-Unjoni Ewropea, u jikkontribwixxu għall-iżvilupp tar-riżorsi umani u għal koeżjoni soċjali.

(3) L-attivitajiet tal-volontarjat jikkostitwixxu esperjenza mhux formali u rikka ta' tagħlim li tippermetti l-iżvilupp tal-ħiliet u l-kompetenzi professjonali u soċjali, tikkontribwixxi għas-solidarjetà u tikkostitwixxi għamla ewlenija ta' parteċipazzjoni ċivika attiva. Il-volontarjat jippromwovi u jinkuraġġixxi l-isħubija u ċ-ċittadinanza attiva, li tpoġġi fil-prattika l-valuri ewropej bħas-solidarjetà u n-non-diskriminazzjoni. L-azzjonijiet imwettqa mill-volontiera ta' kull età huma kruċjali għall-iżvilupp tad-demokrazija u b’mod partikulari tad-demokrazija parteċipattiva, wieħed mill-prinċipji fundamentali tal-Unjoni Ewropea, u għall-promozzjoni tad-drittijiet tal-bniedem fl-Unjoni Ewropea u ’l barra minnha. L-attivitajiet tal-volontarjat għandhom il-potenzjal li jikkontribwixxu għat-tkabbir u għall-benesseri personali tal-individwi u għall-iżvilupp tas-soċjetajiet Ewropej f’dik li hija solidarjetà, inklużjoni soċjali u prosperità. Il-volontarjat u l-attivitajiet volontarji ma għandhomx, madankollu, jissostitwixxu x-xogħol imħallas, għalkemm l-ispejjeż tal-voluntiera għandhom jiġu rrimborsati b'mod adegwat.

Test propost mill-Kummissjoni

Emenda

(3a) It-terminu "attivitajiet ta' volontarjat" jirreferi għal kull xorta ta' attività ta' volontarjat, sew jekk formali, nonformali jew informali, u taħriġ professjonali, li persuna twettaq minn rajha, b'għażla u motivazzjoni tagħha stess, u mingħajr il-ħsieb ta' gwadann finanzjarju. Minnhom jibbenefikaw il-voluntier individwali, il-komunitajiet u s-soċjetà inġenerali. Huma wkoll mezz biex individwi u assoċjazzjonijiet jindirizzaw il-ħtiġijiet u l-preokkupazzjonijiet umani, soċjali u ambjentali, speċjalment meta huma mitluba jiffaċċjaw sitwazzjonijiet ta’ emerġenza li jistgħu jinvolvu lis-soċjetà inġenerali. Dawn l-attivitajiet spiss jitwettqu b'appoġġ għal xi organizzazzjoni li ma jkollhiex skop ta' qligħ jew għal xi inizjattiva bbażata fuq il-komunità. L-attivitajiet ta' volontarjat ma jissostitwixxux opportunitajiet ta' impjieg professjonali bi ħlas, iżda jżidu l-valur għas-soċjetà bis-saħħa tal-għanijiet soċjali u kulturali tagħhom.

Test propost mill-Kummissjoni

Emenda

(4) F'soċjetajiet li jinbidlu b'rata mgħaġġla teżisti l-ħtieġa li tiġi żgurata l-effettività ta' infrastruttura li tappoġġja l-volontarjat biex tippermetti lil aktar nies jimpenjaw ruħhom f'attivitajiet volontarji. Għalhekk importanti li jiġi appoġġjat it-tagħlim inter pares u l-iskambju tal-aqwa prassi fil-livell ta' Komunità.

(4) F'soċjetajiet li jinbidlu b'rata mgħaġġla teżisti l-ħtieġa li jiġi żgurat appoġġ effettiv u li jiġu implimentati miżuri għal attivitajiet ta' volontarjat biex jippermettu lil aktar nies jimpenjaw ruħhom fihom. Għalhekk importanti li jiġi appoġġjat it-tagħlim inter pares u l-iskambju u l-iżvilupp tal-aqwa prassi fil-livell Komunitarju, nazzjonali, reġjonali u lokali, inter alia billi jiġu stabbiliti sistemi effiċjenti ta' koperazzjoni u netwerking bejn l-organizzazzjonijiet tal-voluntiera, u speċjalment permezz tal-ħolqien ta’ portal tal-internet.

Test propost mill-Kummissjoni

Emenda

(5) Il-Konferenza Intergovernattiva tal-1997 adottat id-Dikjarazzjoni 38 dwar il-volontarjat, li kienet marbuta mal-att finali tat-Trattat ta' Amsterdam u għarfet il-kontribut magħmul mill-attivitajiet ta' servizz tal-volontarjat għall-iżvilupp ta' solidarjetà soċjali.

(5) Il-Konferenza Intergovernattiva tal-1997 adottat id-Dikjarazzjoni 38 dwar il-volontarjat, li kienet marbuta mal-att finali tat-Trattat ta' Amsterdam u għarfet il-kontribut magħmul mill-attivitajiet ta' servizz tal-volontarjat għall-iżvilupp tas-solidarjetà soċjali u għall-promozzjoni tal-volontarjat bejn il-ġenerazzjonijiet.

Test propost mill-Kummissjoni

Emenda

(12) Il-volontarjat huwa fil-mira ta' bosta programmi komunitarji li jiffukaw fuq il-mobilità tal-voluntiera, bħalma huwa l-programm ta' Iż-Żgħażagħ jieħdu Azzjoni, il-programm ta' Tagħlim li Jissokta matul il-Ħajja u l-programm L-Ewropa għaċ-Ċittadini.

(12) L-attivitajiet tal-volontarjat huma fil-mira ta' bosta programmi u netwerks komunitarji li jiffukaw fuq il-mobilità fl-attivitajiet volontarji għall-persuni ta’ kull età, bħalma huwa s-Servizz Ewropew tal-Volontarjat tal-programm ‘Iż-Żgħażagħ jieħdu Azzjoni’, il-programm ta' Tagħlim li Jissokta matul il-Ħajja u l-programm ‘L-Ewropa għaċ-Ċittadini’. Minħabba n-natura orizzontali tal-volontarjat, dan se joħloq sinerġiji bejn dawn il-programmi.

Test propost mill-Kummissjoni

Emenda

(12a) Il-volontarjat huwa element essenzjali fil-promozzjoni taċ-ċittadinanza attiva, l-iżvilupp tas-soċjetà ċivili u t-tisħiħ tas-solidarjetà.

Test propost mill-Kummissjoni

Emenda

(13) Teżisti firxa kbira ta' attivitajiet ta' volontarjat madwar l-Ewropa kollha li għandha tiġi ppreservata u żviluppata b'mod ulterjuri.

(13) Teżisti firxa kbira u tradizzjoni twila ta' attivitajiet ta' volontarjat fl-Ewropa kollha li għandha tiġi mħarsa u żviluppata aktar, fost mezzi oħra permezz tal-ħolqien ta’ netwerk transkonfinali fost l-assoċjazzjonijiet tal-volontarjat fl-Istati Membri differenti biex tkun ipprovduta pjattaforma permanenti għall-iskambju tal-esperjenza u tal-aħjar prattiki.

Test propost mill-Kummissjoni

Emenda

(13a) Is-Sena Ewropea tal-Volontarjat għandha toffri opportunità li tinkuraġġixxi lill-Istati Membri biex joħolqu ċertezza legali għall-volontiera fir-rigward tal-istejtus legali tagħhom.

Test propost mill-Kummissjoni

Emenda

(13b) L-UE għandha rwol sinifikanti fil-promozzjoni, l-iżvilupp u l-appoġġ ta' attivitajiet volontarji madwar l-UE. Madankollu, huwa importanti li tiġi rrikonoxxuta u rrispettata d-diversità tal-volontarjat fi ħdan Stati Membri individwali.

Test propost mill-Kummissjoni

Emenda

(14) Il-volontarjat għandu l-potenzjal li jikkontribwixxi għall-iżvilupp armonjuż tas-soċjetajiet Ewropej. Attivitajiet volontarji jikkostitwixxu esperjenza għanja ta’ tagħlim mhux formali li ssaħħaħ il-ħiliet u l-kompetenzi professjonali taż-żgħażagħ, tikkontribwixxi għall-kapaċità ta' dak li jkun biex jimpjega ruħu u għas-sens ta' solidarjetà, tiżviluppa kapaċitajiet soċjali, twitti t-triq għall-integrazzjoni fis-soċjetà, u trawwem il-parteċipazzjoni ċivika.

(14) Il-volontarjat għandu l-potenzjal li jikkontribwixxi għall-iżvilupp armonjuż tas-soċjetajiet Ewropej, jippromwovi l-inklużjoni soċjali, il-benessri soċjali, jiġġieled ir-razziżmu u l-preġudizzju u jikkontribwixxi għad-djalogu interkulturali u interreliġjuż.

Test propost mill-Kummissjoni

Emenda

(14a) Kull individwu għandu jitħalla jkun voluntier. Bil-ħsieb li jittejjeb l-iżvilupp u l-parteċipazzjoni individwali, ir-rifuġjati, l-immigranti residenti legalment u dawk li jitolbu ażil għandhom jingħataw dejjem aktar iċ-ċans li jkollhom irwol fl-attivitajiet ta’ volontarjat, l-aktar meta ma jistgħux jimpjegaw ruħhom.

Test propost mill-Kummissjoni

Emenda

(14b) L-attivitajiet volontarji jikkostitwixxu esperjenza għanja ta’ tagħlim mhux formali li ssaħħaħ il-ħiliet u l-kompetenzi professjonali, tikkontribwixxi għall-kapaċità ta' dak li jkun biex jimpjega ruħu billi tiġi ffaċilitata l-integrazzjoni mill-ġdid fis-suq tax-xogħol, tiżviluppa l-kapaċitajiet soċjali u tikkontribwixxi għat-tkabbir u l-benessri personali tal-individwi.

Test propost mill-Kummissjoni

Emenda

(14c) Il-volontarjat jista’ jikkontribwixxi għall-ġlieda kontra l-faqar u għall-kisba tal-iżvilupp soċjali u ekonomiku, permezz ta’ azzjonijiet imwettqa fl-Unjoni Ewropea u fil-pajjiżi terzi.

Test propost mill-Kummissjoni

Emenda

(14d) Bħala parti mill-istrateġija tagħhom għar-Responsabbiltà Soċjali Korporattiva, min iħaddem jista’ jappoġġja l-attivitajiet ta' volontarjat.

Test propost mill-Kummissjoni

Emenda

(15) Minkejja dan, il-potenzjal tal-volontarjat għadu ma ntlaħaqx kompletament. Sena Ewropea ta' Volontarjat għandha tipprovdi l-opportunità biex jintwera fil-kuntest Ewropew li l-volontarjat iżid il-parteċipazzjoni ċivika. Hija tista' tgħin biex trawwem sens ta' appartenenza u ta' impenn taċ-ċittadini għas-soċjetà tagħhom fil-livelli kollha — lokali, reġjonali, nazzjonali u Ewropej.

(15) Minkejja dan, il-potenzjal tal-volontarjat għadu ma ntlaħaqx kompletament. Barra minn hekk, fuq livell Ewropew, il-ħidma ta’ dawk li huma voluntiera fil-ħin liberu tagħhom s’issa ma ġiex rikonoxxuta formalment. Sena Ewropea ta' Volontarjat għandha għaldaqstant tipprovdi l-opportunità biex jintwera fil-kuntest Ewropew li l-volontarjat iżid il-parteċipazzjoni ċivika. Hija tista' tgħin biex trawwem fost iċ-ċittadini sens ta' appartenenza u ta' impenn għas-soċjetà tagħhom fil-livelli kollha –lokali, reġjonali, nazzjonali u Ewropej - u biex tinkuraġġixxi lill-Istati Membri jiġġieldu kontra d-diskriminazzjoni, u tagħmilha possibbli għar-residenti barranin, inklużi dawk li jitolbu ażil, f’kull Stat Membru biex jaħdmu bħala voluntiera għall-organizzazzjonijiet mingħajr għan ta' profitt jew biex jagħmlu xogħol mingħajr ħlas.

Test propost mill-Kummissjoni

Emenda

(15a) L-Istati Membri għandhom jitħeġġu sabiex inaqqsu kemm jista’ jkun ir-restrizzjonijiet burokratiċi li jxekklu lill-voluntiera fit-twettiq tal-attivitajiet ta’ volontarjat.

Test propost mill-Kummissjoni

Emenda

(15a) Is-Sena Ewropea ta' Volontarjat għandha tenfasizza l-irwol ewlieni li għandhom l-attivitajiet volontarji, filwaqt li fl-istess ħin tfakkar lill-Istati Membri li din m’għandha tintuża la bħala mezz li jissodisfa l-bżonnijiet bażiċi li normalment jiġu sodisfati mis-servizzi soċjali u lanqas biex jissostitwixxu l-azzjoni tal-awtoritajiet pubbliċi.

Test propost mill-Kummissjoni

Emenda

(16) Is-Sena 2011 se tkun l-għaxar Anniversarju tas-Sena Internazzjonali tal-Volontarjat 2001 tan-Nazzjonijiet Uniti.

(16) Il-5 ta’ Diċembru huwa l-Jum Internazzjonali tal-Volontarjat u s-Sena 2011 se tkun l-għaxar Anniversarju tas-Sena Internazzjonali tal-Volontarjat 2001 tan-Nazzjonijiet Uniti.

Test propost mill-Kummissjoni

Emenda

(16a) Apparti r-rwol soċjali tiegħu, il-volontarjat għandu rwol ekonomiku u jagħti kontribut sinifikanti lill-ekonomija.

Test propost mill-Kummissjoni

Emenda

(16b) Il-volontarjat għandu rwol ewlieni fl-ambjent u fil-protezzjoni ċivili u l-kontribut tiegħu jeħtieġ li jkun rikonoxxut u appoġġjat fl-oqsma kollha, speċjalment fi ħdan id-demokraziji l-ġodda tal-UE.

Test propost mill-Kummissjoni

Emenda

(16c) Ir-rikonoxximent tal-volontarjat bħala attività xierqa li permezz tagħha jinkisbu kompetenzi u ħiliet, pereżempju permezz tal-YOUTHPASS, li huwa marbut mal-EUROPASS, jiżgura li l-volontarjat ma jitqiesx bħala alternattiva għat-taħriġ formali iżda jikkomplimentah u wkoll jiffaċilita l-mobilità tal-voluntiera.

Test propost mill-Kummissjoni

Emenda

(16d) Ir-rikonoxximent tal-kontribut tal-ħin volontarju bħala kompliment għall-finanzjament (kontribuzzjonijiet in natura) għall-proġetti Ewropej u nazzjonali jkun rikonoxximent tanġibbli tal-valur tal-isforz tal-voluntier u jiffaċilita l-organizzazzjonijiet volontarji fit-twettiq tal-attivitajiet tagħhom.

Test propost mill-Kummissjoni

Emenda

Is-sena 2011 se tkun iddedikata bħala "Is-Sena Ewropea tal-Volontarjat" (minn hawn 'il quddiem "Is-Sena Ewropea").

Is-sena 2011 se tkun iddikjarata bħala "Is-Sena Ewropea tal-Attivitajiet tal-Volontarjat li jippromwovu ċittadinanza attiva" (minn hawn 'il quddiem "Is-Sena Ewropea").

(Din l-emenda tappilka għat-test leġiżlattiv kollu. Sabiex tiġi adottata huwa meħtieġ li jsiru bidliet korrispondenti f'kull parti.)

Test propost mill-Kummissjoni

Emenda

L-iskop globali tas-Sena Ewropea se jkun li jitħeġġu u jiġu appoġġjati - notevolment permezz ta' skambju tal-esperjenza u l-prassi t-tajba - l-isforzi magħmula mill-Istati Membri, l-awtoritajiet lokali u reġjonali u s-soċjetà ċivili biex joħolqu l-kundizzjonijiet li jwasslu għall-volontarjat fl-Unjoni Ewropea.

L-iskop globali tas-Sena Ewropea se jkun li jitħeġġu u jiġu appoġġjati - notevolment permezz ta' skambju tal-esperjenza u l-prassi t-tajba u l-promozzjoni ta' approċċi innovattivi u tal-evalwazzjoni tal-esperjenzi – l-isforzi magħmula mill-Unjoni Ewropea, mill-Istati Membri, l-awtoritajiet lokali u reġjonali, biex joħolqu l-kundizzjonijiet għas-soċjetà ċivili li jwasslu għall-volontarjat fl-Unjoni Ewropea u sabiex tiżdied il-viżibilità u tiġi promossa l-importanza tal-attivitajiet tal-volontarjat fl-Unjoni Ewropea.

Test propost mill-Kummissjoni

Emenda

1. Issir ħidma għal ambjent li jiffaċilita l-volontarjat fl-UE - Li l-volontarjat jiġi stabbilit bħala parti mill-promozzjoni tal-parteċipazzjoni ċivika u tal-attivitajiet min-nies għan-nies fil-kuntest tal-UE.

1. Issir ħidma għal ambjent li jiffaċilita l-volontarjat fl-UE - li l-volontarjat jiġi stabbilit bħala parti mill-promozzjoni tal-parteċipazzjoni ċivika, tas-sħubija u tal-attivitajiet min-nies għan-nies fil-kuntest tal-UE.

Test propost mill-Kummissjoni

Emenda

2. Jissawru bis-setgħa organizzazzjonijiet tal-volontiera u tittejjeb il-kwalità tal-volontarjat - Biex jiġi ffaċilitat il-volontarjat u biex jitħeġġu n-netwerking, il-mobilità, il-kooperazzjoni u s-sinerġiji bejn l-organizzazzjonijiet tal-volontarjat u setturi oħra fil-kuntest tal-UE.

2. L-organizzazzjonijiet tal-volontiera jingħataw is-setgħa fir-rigward tal-objettivi, prijoritajiet u l-awtonomija tagħhom, u tittejjeb il-kwalità tal-volontarjat - biex jiġi promoss il-volontarjat u l-aċċess tal-organizzazzjonijiet tal-volontarjat għal finanzjament adegwat u sostenibbli: billi jitħeġġu n-netwerking, il-mobilità, il-kooperazzjoni u s-sinerġiji bejn l-organizzazzjonijiet tal-volontarjat u setturi oħra mingħajr skop ta’ profitt fil-kuntest tal-UE; billi jitħeġġu inizjattivi f’istwazzjonijiet ta’ emerġenza umana jew ambjentali, kemm f’terminu tal-prevenzjoni tagħhom u tal-mod kif jiġu indirizzati, kif ukoll billi l-voluntiera jiġu mħarrġa jieħdu azzjoni effettiva meta jħabbtu wiċċhom ma’ każijiet urġenti; u billi tingħata l-possibilità li l-ħidma tal-volontarjat tiġi stabbilita f’sura permanenti. Id-dmir ta' diliġenza li l-organizzazzjonijiet tal-voluntiera għandhom lejn il-voluntiera tagħhom għandu jiġi stabbilit fil-liġi u għandu jinkludi protezzjoni adegwata permezz ta' assikurazzjoni, miżuri tas-saħħa u tas-sikurezza, u taħriġ.

Test propost mill-Kummissjoni

Emenda

3. Jiġu ppremjati u rikonoxxuti l-attivitajiet ta' volontarjat - Biex jitħeġġu inċentivi xierqa għall-individwi, il-kumpaniji u l-organizzazzjonijiet tal-iżvilupp tal-volontarjat u biex jintrebaħ aktar għarfien sistematiku għall-volontarjat fil-livell tal-UE minn min ifassal il-politika, mill-organizzazzjonijiet tas-soċjetà ċivili u minn min iħaddem għal ħiliet u kompetenzi żviluppati permezz tal-volontarjat.

3. Jiġu ppremjati u rrikonoxxuti l-attivitajiet ta' volontarjat - biex jitħeġġu inċentivi xierqa għall-individwi, il-kumpaniji u l-organizzazzjonijiet tal-iżvilupp tal-volontarjat – inkluż li l-voluntiera jkunu koperti kif xieraq fir-rigward tas-saħħa u tas-sikurezza permezz ta' assikurazzjoni għall-inċidenti u għar-responsabilità personali waqt l-eżerċiżju tal-ħidma volontarja tagħhom, li jkun hemm għarfien effettiv tal-ħiliet li l-voluntiera jiksbu permezz tal-validazzjoni tal-esperjenza tagħhom, u għarfien tal-ekwivalenza għall-finijiet ta' taħriġ u tiftix ta’ impjieg - u biex jintrebaħ aktar għarfien sistematiku għall-volontarjat fil-livell tal-UE minn min ifassal il-politika, mill-organizzazzjonijiet tas-soċjetà ċivili u minn min iħaddem għal ħiliet u kompetenzi żviluppati permezz tal-volontarjat.

Test propost mill-Kummissjoni

Emenda

3a. Jinkoraġġixxu s-solidarjetà internazzjonali u Ewropea permezz tal-promozzjoni tal-paċi, tal-kollaborazzjoni bejn it-Tramuntana u n-Nofsinhar, il-ħarsien tal-ambjent, kif ukoll l-għarfien tal-ekonomija soċjali bbażata fuq is-solidarjetà permezz tal-volontarjat;

Test propost mill-Kummissjoni

Emenda

4. Jitqajjem għarfien tal-opinjoni pubblika dwar il-valur u l-importanza tal-volontarjat - Biex jitqajjem għarfien ġenerali tal-opinjoni pubblika dwar l-importanza tal-volontarjat bħala espressjoni tal-parteċipazzjoni ċivika u eżempju ta' attività min-nies għan-nies li tikkontribwixxi għal kwistjonijiet li huma ta' interess komuni tal-Istati Membri kollha, bħalma huma żvilupp armonjuż tas-sċjetà u koeżjoni ekonomika

4. Jitqajjem għarfien tal-opinjoni pubblika dwar il-valur u l-importanza tal-volontarjat - biex jitqajjem għarfien ġenerali tal-opinjoni pubblika dwar l-importanza tal-volontarjat bħala espressjoni tal-parteċipazzjoni ċivika u eżempju ta' attività min-nies għan-nies li tikkontribwixxi għal kwistjonijiet li huma ta' interess komuni għall-Istati Membri kollha, bħalma huma żvilupp armonjuż tas-soċjetà u l-koeżjoni ekonomika u soċjali, u biex jiġu promossi attivitajiet ta’ volontarjat bil-għan li jsiru aktar attraenti għaċ-ċittadini, u b’hekk ikunu jistgħu jinvolvu ruħhom f’attivitajiet ċiviċi.

Test propost mill-Kummissjoni

Emenda

4a. Titfassal White Paper dwar il-Volontarjat – biex jitrawwem ambjent li jiffaċilita l-volontarjat fl-UE.

Test propost mill-Kummissjoni

Emenda

4b. Jiġi promoss l-għarfien tas-suċċess tal-volontarjat kemm fi ħdan l-Istati Membri kif ukoll bejniethom, sabiex ikun żgurat li l-prassi t-tajba u l-istrateġiji ta’ volontarjat b’suċċess jistgħu faċilment jinxterdu madwar l-Unjoni Ewropea.

Test propost mill-Kummissjoni

Emenda

1. Il-miżuri li għandhom jittieħdu biex jintlaħqu l-għanijiet stipulati fl-Artikolu 2 għandhom jinkludu l-attivitajiet li ġejjin f'livell Komunitarju, nazzjonali, reġjonali jew lokali marbuta mal-għanijiet tas-Sena Ewropea:

1. Il-miżuri li għandhom jittieħdu biex jintlaħqu l-għanijiet stipulati fl-Artikolu 2 għandhom jinkludu l-attivitajiet li ġejjin f'livell Komunitarju, nazzjonali, reġjonali jew lokali marbuta mal-għanijiet tas-Sena Ewropea:

• l-iskambju tal-esperjenza u tal-prassi t-tajba;

• l-iskambju tal-esperjenza u tal-prassi t-tajba, b'mod partikulari permezz ta' sistemi effiċjenti ta' koperazzjoni u ta' netwerking bejn l-organizzazzjonijiet tal-volontarjat;

• it-tixrid ta' riżultati ta' studji u riċerka relatata;

• il-konferenzi, l-okkażjonijiet u l-inizjattivi biex jippromwovu d-diskussjoni u jqajmu għarfien tal-opinjoni pubblika dwar l-importanza u l-valur tal-volontarjat u biex jonoraw l-isforzi tal-volontiera;

• il-konferenzi, l-okkażjonijiet u l-inizjattivi biex jippromwovu d-djalogu, approċċi innovattivi u l-evalwazzjoni tal-esperjenzi. It-tqajjim tal-kuxjenza dwar l-importanza u l-valur tal-volontarjat u l-promozzjoni ta’ netwerks transnazzjonali li għandhom l-għan li jkun hemm dibattitu attiv;

• kampanji ta' tagħrif u ta' promozzjoni biex jinxterdu l-messaġġi ewlenin.

• kampanji ta' tagħrif u ta' promozzjoni biex jinxterdu l-messaġġi ta’ qofol, fost l-oħrajn permezz tal-użu ta’ midja ġdida u l-internet u l-ħolqien ta’ portal Ewropew biex jinkiseb dan;

• it-twaqqif ta’ bażi ta’ data online Ewropea tal-atturi, organizzazzjonijiet u partijiet interessati involuti f’qasam partikulari tal-volontarjat, inklużi kemm il-proġetti tagħhom li huma lesti u dawk li għadhom għaddejjin, kif ukoll l-inizjattivi tagħhom tal-ġejjieni, bil-għan li jkun hemm netwerking u komunikazzjoni aħjar bejniethom.

• il-promozzjoni tal-użu tal-ħin iddedikat għall-attivitajiet tal-volontarjat bħala mezz biex jitqabbel il-finanzjament għall-proġetti Ewropej;

Test propost mill-Kummissjoni

Emenda

Kull Stat Membru għandu jiżgura li l-korp imsemmi qabel jinvolvi kif xieraq firxa wiesgħa ta' partijiet interessati fil-livell nazzjonali, reġjonali u lokali.

Kull Stat Membru għandu jiżgura li l-korp imsemmi qabel jinvolvi kif xieraq firxa wiesgħa ta' partijiet interessati fil-livell nazzjonali, reġjonali u lokali, b’mod partikulari meta jkun qed ifassal il-programm nazzjonali ta’ ħidma u l-miżura/miżuri nazzjonali matul is-Sena Ewropea kollha. Il-fondi maħsuba biex jintlaħqu l-objettivi tas-Sena għandhom jingħataw lill-organizzazzjonijiet tas-soċjetà ċivili li huma involuti direttament f’attivitajiet u f’ħidma tal-volontarjat. Trid tingħata attenzjoni speċjali f’kull programm nazzjonali għas-simplifikazzjoni tal-proċeduri amministrattivi, inter alia billi jiġi ffaċilitat l-aċċess għall-finanzjament għall-assoċjazzjonijiet żgħar b’riżorsi limitati.

Test propost mill-Kummissjoni

Emenda

L-Istati Membri, il-Parlament Ewropew, il-Kumitat Ekonomiku u Soċjali Ewropew u l-Kumitat tar-Reġjuni għandhom jiġu assoċjati fl-attivitajiet.

L-Istati Membri, il-Parlament Ewropew, il-Kumitat Ekonomiku u Soċjali Ewropew u l-Kumitat tar-Reġjuni għandhom jiġu assoċjati mill-qrib fl-attivitajiet sabiex jintlaħaq il-valur miżjud li jippreżenta l-iskambju tal-aqwa prattiki fuq livell Komunitarju, inkluż bejn l-istituzzjonijiet tal-UE.

Test propost mill-Kummissjoni

Emenda

1. Il-baġit għall-implimentazzjoni ta' din id-Deċiżjoni għall-perjodu mill-1 ta' Jannar 2011 sal-31 ta' Diċembru 2011 huwa EUR 6 000 000.

1. Il-baġit għall-implimentazzjoni ta' din id-Deċiżjoni għall-perjodu mill-1 ta' Jannar 2011 sal-31 ta' Diċembru 2011 huwa ta’ EUR 10 000 000.

Test propost mill-Kummissjoni

Emenda

2. L-approprjazzjonijiet annwali għandhom jiġu awtorizzati mill-awtorità baġitarja fil-limiti tal-qafas finanzjarju.

2. L-approprjazzjonijiet annwali għandhom jiġu awtorizzati mill-awtorità baġitarja fil-limiti tal-qafas finanzjarju, mingħajr ma jitnaqqas il-finanzjament ta' programmi jew attivitajiet oħra fl-intestatura 3b.

Test propost mill-Kummissjoni

Emenda

Għall-finijiet tas-Sena Ewropea, il-Kummissjoni tista' tikkoopera mal-organizzazzjonijiet internazzjonali xierqa, b'mod partikolari n-Nazzjonijiet Uniti u l-Kunsill tal-Ewropa, filwaqt li tieħu ħsieb li tiżgura l-viżibilità tal-parteċipazzjoni tal-UE.

Għall-finijiet tas-Sena Ewropea, il-Kummissjoni tista' tikkoopera mal-organizzazzjonijiet internazzjonali xierqa, b'mod partikolari n-Nazzjonijiet Uniti u l-Kunsill tal-Ewropa, filwaqt li tieħu ħsieb li tiżgura l-viżibilità tal-parteċipazzjoni tal-UE, u tista’ wkoll tieħu azzjoni sabiex tistimula organizzazzjonijiet internazzjonali oħra sabiex isaħħu d-dimensjoni tal-volontarjat madwar id-dinja. B’kooperazzjoni ma’ dawn l-organizzazzjonijiet, il-Kummissjoni għandha tippromwovi programmi għall-volontarjat internazzjonali immirati sabiex jinkuraġġixxu l-iskambju tal-aħjar prattiki fil-qasam tal-volontarjat f’pajjiżi terzi.

Test propost mill-Kummissjoni

Emenda

Il-Kummissjoni flimkien mal-Istati Membri għandha tiżgura li l-miżuri previsti f'din id-Deċiżjoni jkunu konsistenti ma' skemi u inizjattivi Komunitarji, nazzjonali, u reġjonali li jgħinu l-kisba tal-għanijiet tas-Sena Ewropea.

Il-Kummissjoni flimkien mal-Istati Membri għandha tiżgura li l-miżuri previsti f'din id-Deċiżjoni jkunu konsistenti ma' programmi u azzjonijiet Komunitarji u skemi u inizjattivi nazzjonali u reġjonali li jgħinu l-kisba tal-għanijiet tas-Sena Ewropea, u għandhom jikkumplimentawhom.

Test propost mill-Kummissjoni

Emenda

1. Il-kampanji ta’ tagħrif u ta’ promozzjoni jinkludu:

1. Il-kampanji ta’ tagħrif u ta’ promozzjoni jinkludu:

• okkażjonijiet u forums ta' viżibilità għolja għall-iskabju tal-esperjenza u l-prassi t-tajba;

• okkażjonijiet u forums ta' viżibilità għolja għall-iskabju tal-esperjenza u l-prassi t-tajba, bi prijorità għall-programmi ta' ġemellaġġ u ta' mobilità, bis-sehem tal-organizzazzjonijiet jew entitajiet Ewropej li huma attivi fil-qasam tal-volontarjat, ta’ rappreżentanti tal-għaqdiet ta’ min iħaddem u tal-junjins, tal-Parlament Ewropew, tal-Kumitat Ekonomiku u Soċjali Ewropew u tal-Kumitat tar-Reġjuni;

• kompetizzjoni bi premjijiet jew mingħajrhom;

• kooperazzjoni mas-settur privat, ix-xandara u mezzi tax-xandir oħra bħala msieħba għat-tixrid tal-informazzjoni dwar is-Sena Ewropea tal-Volontarjat;

• kooperazzjoni mas-settur privat, ix-xandara u mezzi tax-xandir oħra bħala msieħba għat-tixrid tal-informazzjoni dwar l-attivitajiet tal-volontarjat u s-Sena Ewropea;

• il-produzzjoni ta’ materjal jew għodda għall-mezzi tax-xandir disponibbli madwar il-Komunità kollha maħsuba li jistimulaw l-interess tal-pubbliku;

• il-produzzjoni ta’ materjal jew għodda għall-mezzi tax-xandir disponibbli madwar il-Komunità kollha maħsuba li jistimulaw l-interess tal-pubbliku;

• miżuri xierqa li jħabbru r-riżultati u jagħtu spinta lill-programmi, l-iskemi u l-inizjattivi Komunitarji li jikkontribwixxu għall-għanijiet tas-Sena Ewropea tal-Volontarjat;

• miżuri xierqa li jħabbru r-riżultati u jagħtu spinta lill-programmi, l-iskemi u l-inizjattivi Komunitarji li jikkontribwixxu għall-għanijiet tas-Sena Ewropea;

• it-twaqqif ta' websajt informattiv dwar l-Ewropa, inkluż portal għal min jippromwovi l-proġetti dwar volontarjat, biex jiggwidahom fil-programmi u inizjattivi differenti tal-Komunità.

it-twaqqif ta' websajt informattiv fuq Europa, inkluż portal għal min jippromwovi l-proġetti dwar volontarjat, biex jiggwidahom fil-programmi u inizjattivi differenti tal-Komunità, li jkun pjattaforma permanenti għall-kooperazzjoni interattiva bejn id-diversi partijiet interessati.

• it-tisħiħ tal-viżibilità tal-kontribut tal-attivitajiet tal-volontarjat fid-dħul nazzjonali u l-impatt tagħhom fuq is-soċjetà, permezz tal-inklużjoni tal-volontarjat bħala kategorija speċifika fil-kontijiet statistiċi tal-Eurostat, permezz tal-produzzjoni ta' ‘kontijiet satelliti’ fuq l-istituzzjonijiet mingħajr għan ta' profitt u l-inklużjoni tal-ħidma volontarja f'dawn il-kontijiet, kif ukoll permezz taċ-ċelebrazzjoni, nhar il-5 ta' Diċembru ta' kull sena, tas-Sena Internazzjonali tal-Volontarjat, kif rikonoxxut min-Nazzjonijiet Uniti mill-1985.

Test propost mill-Kummissjoni

Emenda

- stħarriġ u studji fil-livell ta' Komunità għall-istima u r-rappurtar dwar it-tħejjija, l-effettività, l-impatt u l-monitoraġġ fit-tul tas-Sena Ewropea tal-Volontarjat.

- stħarriġ u studji fil-livell ta' Komunità għall-istima u r-rappurtar dwar it-tħejjija, l-effettività u l-impatt tas-Sena Ewropea u biex titqiegħed il-bażi għall-monitoraġġ fit-tul u għas-segwitu tagħha.

Test propost mill-Kummissjoni

Emenda

Kull koordinatur Nazzjonali għandu jippreżenta applikazzjoni waħda għall-finanzjament Komunitarju. L-applikazzjoni għall-għotja għandha tiddeskrivi l-programm ta' ħidma tal-koordinatur jew l-azzjoni li għandha tiġi finanzjata u għandha tippromwovi s-Sena Ewropea. L-applikazzjoni għall-għotja għandha tkun akkumpanjata minn baġit dettaljat li jistipula l-ispejjeż totali tal-inizjattivi/il-programm ta' ħidma proposti u l-ammont u s-sors ta' kofinanzjament. L-għotja tal-Komunità tista' tkopri sa 80 % tal-ispejjeż totali.

Kull entità koordinatriċi nazzjonali għandha tippreżenta applikazzjoni waħda għall-finanzjament Komunitarju. L-applikazzjoni għall-għotja għandha tinkludi deskrizzjoni - ibbażata fuq il-konsultazzjoni kostanti mal-organizzazzjonijiet tal-volontarjat - tal-prijoritajiet u l-programm ta’ ħidma tal-entità koordinatriċi jew l-tal-azzjoni li għandha tiġi finanzjata (jew azzjonijiet li għandhom jiġu ffinanzjati) u għandha tippromwovi s-Sena Ewropea. L-applikazzjoni għall-għotja għandha tkun akkumpanjata minn baġit dettaljat li jistipula l-ispejjeż totali tal-azzjoni/azzjonijiet jew tal-programm ta' ħidma proposti u l-ammont u s-sors ta' kofinanzjament. L-għotja tal-Komunità tista' tkopri sa 80 % tal-ispejjeż totali. Għandha tiġi prevista l-possibilità ta’ kontribuzzjonijiet in natura f’dawk l-Istati Membri fejn il-qafas legali jippermettiha.

Test propost mill-Kummissjoni

Emenda

Il-Kummissjoni għandha tiddetermina l-ammonti indikattivi disponibbli għal għotjiet lil kull koordinatur Nazzjonali u l-iskadenza finali taż-żmien għall-preżentazzjoni tal-applikazzjonijiet. Il-kriterji għandhom jieħdu inkunsiderazzjoni l-popolazzjoni, l-ispiża tal-għajxien u ammont fiss għal kull Stat Membru biex jiggarantixxu livell minimu ta' attivitajiet.

Il-Kummissjoni għandha tiddetermina l-ammonti indikattivi disponibbli għal għotjiet lil kull entità koordinatriċi nazzjonali u l-iskadenza finali taż-żmien għall-preżentazzjoni tal-applikazzjonijiet. Il-kriterji għandhom jieħdu inkunsiderazzjoni l-popolazzjoni, l-ispiża tal-għajxien u ammont fiss għal kull Stat Membru biex jiggarantixxu livell minimu ta' attivitajiet.

Test propost mill-Kummissjoni

Emenda

Il-programmi ta' ħidma/l-azzjonijiet għandhom jinkludu:

Il-programmi ta' ħidma/l-azzjonijiet għandhom jinkludu:

(a) Laqgħat u okkażjonijiet marbuta mal-għanijiet tas-Sena Ewropea, inklużi okkażjonijiet nazzjonali għat-tnedija u l-promozzjoni tas-Sena Ewropea, joħolqu effett katalista u jipprovdu spazji miftuħa għal dibattitu dwar inizjattivi konkreti.

(a) Laqgħat u okkażjonijiet marbuta mal-għanijiet tas-Sena Ewropea, inklużi okkażjonijiet nazzjonali għat-tnedija u l-promozzjoni tas-Sena Ewropea, joħolqu effett katalista u jipprovdu spazji miftuħa għal dibattitu dwar inizjattivi konkreti.

(b) Seminars ta' tagħlim reċiproku fil-livell nazzjonali, reġjonali u lokali;

(b) Konferenzi u seminars tematiċi fil-livell nazzjonali, reġjonali u lokali li jippermettu t-tagħlim bejn il-pari u l-iskambju tal-prattiki t-tajba;

(c) Kampanji ta' informazzjoni, ta' edukazzjoni u ta' promozzjoni fil-livell nazzjonali, reġjonali u lokali, inkluża l-organizzazzjoni tal-premjijiet u l-kompetizzjonijiet;

(c) Kampanji ta' informazzjoni, ta’ attivitajiet ta' riċerka u studji relatati, kampanji edukattivi u promozzjonali fil-livell nazzjonali, reġjonali u lokali;

(d) Kooperazzjoni mal-mezzi tal-massa;

(d) Kooperazzjoni mas-settur privat u non-governattiv u mal-midja fit-tixrid tat-tagħrif dwar is-Sena Ewropea u fit-twettiq ta’ azzjonijiet immirati lejn djalogu fit-tul dwar kwistjonijiet marbuta mal-volontarjat u ma’ attivitajiet ta’ taħriġ professjonali mmirati għall-voluntiera, bil-għan li l-attivitajiet ikunu sostenibbli anke wara t-tmiem tas-Sena Ewropea 2011.

Abbozz ta' riżoluzzjoni leġiżlattiva

Emenda

1a. Iqis li l-ammont indikattiv li jinsab fil-proposta leġiżlattiva għandu jkun kompatibbli mal-limiti tal-intestatura 3b tal-qafas finanzjarju pluriennali (MFF) 2007-2013 u jinnota li l-ammont annwali se jiġi deċiż mill-Awtorità Baġitarja fi ħdan il-proċedura baġitarja annwali.

Abbozz ta' riżoluzzjoni leġiżlattiva

Emenda

1b. Jenfasizza li l-finanzjament ta' attivitajiet ġodda ma għandux jipperikola programmi eżistenti jew kwalunkwe inizjattiva oħra.

Test propost mill-Kummissjoni

Emenda

1. Il-baġit għall-implimentazzjoni ta' din id-Deċiżjoni għall-perjodu mill-1 ta' Jannar 2011 sal-31 ta' Diċembru 2011 huwa EUR 6 000 000.

1. Il-baġit għall-implimentazzjoni ta' din id-Deċiżjoni għall-perjodu mill-1 ta' Jannar 2011 sal-31 ta' Diċembru 2011 huwa ta’ EUR 8,000,000.

Test propost mill-Kummissjoni

Emenda

2. L-approprjazzjonijiet annwali għandhom jiġu awtorizzati mill-awtorità baġitarja fil-limiti tal-qafas finanzjarju.

2. L-approprjazzjonijiet annwali għandhom jiġu awtorizzati mill-awtorità baġitarja fil-limiti tal-qafas finanzjarju, mingħajr ma jitnaqqas il-finanzjament ta' programmi jew attivitajiet oħra fl-intestatura 3b.

Test propost mill-Kummissjoni

Emenda

Il-Kummissjoni flimkien mal-Istati Membri għandha tiżgura li l-miżuri previsti f'din id-Deċiżjoni jkunu konsistenti ma' skemi u inizjattivi Komunitarji, nazzjonali, u reġjonali li jgħinu l-kisba tal-għanijiet tas-Sena Ewropea.

Il-Kummissjoni flimkien mal-Istati Membri għandha tiżgura li l-miżuri previsti f'din id-Deċiżjoni jkunu konsistenti u komplimentari ma' programmi u azzjonijiet Komunitarji oħra, mal-iskemi nazzjonali u reġjonali, u ma’ inizjattivi li jgħinu l-kisba tal-għanijiet tas-Sena Ewropea.

Test propost mill-Kummissjoni

Emenda

(1) Il-Komunità u l-Istati Membri jimmiraw li jippromwovu l-iżvilupp tar-riżorsi umani bil-ħsieb ta' livell għoli ta' impjieg u billi jiġġieldu kontra l-esklużjoni soċjali.

(1) Il-Komunità u l-Istati Membri jimmiraw li jippromwovu l-iżvilupp tar-riżorsi umani bil-ħsieb ta' livell għoli ta' impjieg u billi jiġġieldu kontra l-esklużjoni soċjali billi jadottaw miżuri bil-għan li jtejbu l-għarfien, jiżviluppaw skambji ta' informazzjoni u l-aħjar prattiki, jippromwovu approċċi innovattivi u jevalwaw l-esperjenzi.

Test propost mill-Kummissjoni

Emenda

(3) Il-volontarjat jikkostitwixxi esperjenza mhux formali ta' tagħlim li tippermetti kemm l-iżvilupp tal-ħiliet u l-kompetenzi professjonali kif ukoll għamla ewlenija ta' parteċipazzjoni ċivika attiva. L-azzjonijiet imwettqa mill-volontiera ta' kull età huma kruċjali għall-iżvilupp ta' demokrazija, wieħed mill-prinċipji fundamentali tal-Unjoni Ewropea, u jikkontribwixxu għall-iżvilupp tar-riżorsi umani u għal koeżjoni soċjali.

(3) Il-volontarjat jippromwovi parteċipazzjoni ċivika attiva. L-azzjonijiet imwettqa mill-volontiera ta' kull età huma kruċjali għall-iżvilupp ta' demokrazija - b'mod partikulari d-demokrazija parteċipattiva, wieħed mill-prinċipji fundamentali tal-Unjoni Ewropea

Test propost mill-Kummissjoni

Emenda

(3a) L-ingaġġ attiv f'attivitajiet volontarji, b'mod partikulari f'perjodu ta' kriżi ekonomika u żieda fil-qgħad, jipprovdi appoġġ konkret lill-persuni sabiex jevitaw l-emarġinazzjoni u jiffaċilita l-integrazzjoni soċjali u l-integrazzjoni fis-suq tax-xogħol.

Test propost mill-Kummissjoni

Emenda

(4) F'soċjetajiet li jinbidlu b'rata mgħaġġla teżisti l-ħtieġa li tiġi żgurata l-effettività ta' infrastruttura li tappoġġja l-volontarjat biex tippermetti lil aktar nies jimpenjaw ruħhom f'attivitajiet volontarji. Għalhekk importanti li jiġi appoġġjat it-tagħlim inter pares u l-iskambju tal-aqwa prassi fil-livell ta' Komunità.

(4) F'soċjetajiet li jinbidlu b'rata mgħaġġla teżisti l-ħtieġa li tiġi żgurata l-effettività ta' infrastruttura li tappoġġja l-volontarjat biex tippermetti lil aktar nies jimpenjaw ruħhom f'attivitajiet volontarji. Huwa importanti ukoll li jiġi appoġġjat u ffaċilitat it-tagħlim inter pares u l-iskambju tal-aqwa prassi fil-livell ta' Komunità.

Test propost mill-Kummissjoni

Emenda

(5) Il-Konferenza Intergovernattiva tal-1997 adottat id-Dikjarazzjoni 38 dwar il-volontarjat, li kienet marbuta mal-att finali tat-Trattat ta' Amsterdam u għarfet il-kontribut magħmul mill-attivitajiet ta' servizz tal-volontarjat għall-iżvilupp ta' solidarjetà soċjali.

(5) Il-Konferenza Intergovernattiva tal-1997 adottat id-Dikjarazzjoni 38 dwar il-volontarjat, li kienet marbuta mal-att finali tat-Trattat ta' Amsterdam u għarfet il-kontribut magħmul mill-attivitajiet ta' servizz tal-volontarjat għall-iżvilupp ta' solidarjetà soċjali u l-promozzjoni tal-volontarjat bejn il-ġenerazzjonijiet.

Test propost mill-Kummissjoni

Emenda

(12) Il-volontarjat huwa fil-mira ta' bosta programmi komunitarji li jiffukaw fuq il-mobilità tal-voluntiera, bħalma huwa l-programm ta' Iż-Żgħażagħ jieħdu Azzjoni, il-programm ta' Tagħlim li Jissokta matul il-Ħajja u l-programm L-Ewropa għaċ-Ċittadini.

(12) Il-volontarjat huwa fil-mira ta' bosta programmi komunitarji li jiffukaw fuq il-mobilità tal-voluntiera, bħalma huwa l-programm ta' Iż-Żgħażagħ jieħdu Azzjoni, il-programm ta' Tagħlim li Jissokta matul il-Ħajja u l-programm L-Ewropa għaċ-Ċittadini u minħabba n-natura orizzontali tiegħu, il-volontarjat se joħloq sinerġiji bejn dawn il-programmi.

Test propost mill-Kummissjoni

Emenda

(13) Teżisti firxa kbira ta' attivitajiet ta' volontarjat madwar l-Ewropa kollha li għandha tiġi ppreservata u żviluppata b'mod ulterjuri.

imħassar

Test propost mill-Kummissjoni

Emenda

(13a) L-UE għandha rwol sinifikanti fil-promozzjoni, l-iżvilupp u l-appoġġ ta' attivitajiet volontarji madwar l-UE. Madankollu, huwa importanti li tiġi rrikonoxxuta u rrispettata d-diversità tal-volontarjat fi ħdan Stati Membri individwali.

Test propost mill-Kummissjoni

Emenda

(14) Il-volontarjat għandu l-potenzjal li jikkontribwixxi għall-iżvilupp armonjuż tas-soċjetajiet Ewropej. Attivitajiet volontarji jikkostitwixxu esperjenza għanja ta’ tagħlim mhux formali li ssaħħaħ il-ħiliet u l-kompetenzi professjonali taż-żgħażagħ, tikkontribwixxi għall-kapaċità ta' dak li jkun biex jimpjega ruħu u għas-sens ta' solidarjetà, tiżviluppa kapaċitajiet soċjali, twitti t-triq għall-integrazzjoni fis-soċjetà, u trawwem il-parteċipazzjoni ċivika.

(14) Il-volontarjat għandu l-potenzjal li jikkontribwixxi għall-iżvilupp armonjuż tas-soċjetajiet Ewropej, jippromwovi l-inklużjoni soċjali, jiġġieled kontra r-razziżmu u l-preġudizzju u jikkontribwixxi għad-djalogu bejn il-kulturi u r-reliġjonijiet.

Test propost mill-Kummissjoni

Emenda

(14a) L-attivitajiet volontarji jikkostitwixxu esperjenza għanja ta’ tagħlim mhux formali li jsaħħu l-ħiliet u l-kompetenzi professjonali, jikkontribwixxu għall-kapaċità ta' dak li jkun biex isib impjieg billi tiġi jiffaċilitaw l-integrazzjoni mill-ġdid fis-suq tax-xogħol, jiżviluppaw il-kapaċitajiet soċjali u jgħinu l-integrazzjoni fis-soċjetà.

Test propost mill-Kummissjoni

Emenda

(14b) L-attivitajiet volontarji ma għandhomx jissostitwixxu l-impjieg professjonali bi ħlas, iżda għandhom iżidu l-valur u jtejbu l-kwalità tal-ħajja.

Test propost mill-Kummissjoni

Emenda

(14c) Bħala parti mill-istrateġiji tagħhom għar-Responsabbiltà Soċjali Korporattiva, l-impjegati jistgħu jappoġġjaw l-attivitajiet ta' volontarjat tal-impjegati tagħhom.

Test propost mill-Kummissjoni

Emenda

(16) Is-Sena 2011 se tkun l-għaxar Anniversarju tas-Sena Internazzjonali tal-Volontarjat 2001 tan-Nazzjonijiet Uniti.

(16) Is-Sena 2011 se tkun l-għaxar Anniversarju tas-Sena Internazzjonali tal-Volontarjat 2001 tan-Nazzjonijiet Uniti u se taħbat ukoll mal-Olimpjadi Speċjali Dinjija tal-Logħob tas-Sajf f'Ateni fl-2011. Minħabba r-rwol kruċjali tal-voluntiera fl-appoġġ tal-Olimpjadi Speċjali, hemm opportunità reali għall-ħolqien ta' sinerġiji f'dan ir-rigward.

Test propost mill-Kummissjoni

Emenda

(16a) Il-volontarjat għandu rwol ewlieni fil-ħarsien tal-ambjent u l-protezzjoni ċivili l-kontribut tiegħu għandu jiġi rrikonoxxut u appoġġjat.

Test propost mill-Kummissjoni

Emenda

(16b) Ir-rikonoxximent tal-volontarjat bħala attività xierqa li permezz tagħha jinkisbu kompetenzi u ħiliet, pereżempju permezz tal-YOUTHPASS b'irbit mal-EUROPASS, jiżgura li l-volontarjat ma jidhirx bħala alternattiva għat-taħriġ formali iżda jikkomplimentah u wkoll jiffaċilita l-mobilità tal-voluntiera.

Test propost mill-Kummissjoni

Emenda

(16c) Apparti r-rwol soċjali tiegħu, il-volontarjat għandu rwol ekonomiku u jagħti kontribut sinifikanti lill-ekonomija.

Test propost mill-Kummissjoni

Emenda

(16d) Ir-rikonoxximent tal-kontribut tal-ħin volontarju bħala kompliment għall-finanzjament (kontribuzzjonijiet in natura) għall-proġetti Ewropej u nazzjonali jkun rikonoxximent tanġibbli tal-valur tal-isforz tal-voluntier u jiffaċilita l-organizzazzjonijiet volontarji fil-qadi tal-attivitajiet tagħhom.

Test propost mill-Kummissjoni

Emenda

L-iskop globali tas-Sena Ewropea se jkun li jitħeġġu u jiġu appoġġjati - notevolment permezz ta' skambju tal-esperjenza u l-prassi t-tajba - l-isforzi magħmula mill-Istati Membri, l-awtoritajiet lokali u reġjonali u s-soċjetà ċivili biex joħolqu l-kundizzjonijiet li jwasslu għall-volontarjat fl-Unjoni Ewropea.

L-iskop globali tas-Sena Ewropea se jkun li jitħeġġu u jiġu appoġġjati - notevolment permezz ta' skambju tal-esperjenza u l-prassi t-tajba u l-promozzjoni ta' approċċi innovattivi u tal-evalwazzjoni tal-esperjenzi – l-isforzi tal-Unjoni Ewropea, magħmula mill-Istati Membri, l-awtoritajiet lokali u reġjonali u s-soċjetà ċivili biex joħolqu l-kundizzjonijiet li jwasslu għall-volontarjat fl-Unjoni Ewropea.

Test propost mill-Kummissjoni

Emenda

4. Jitqajjem għarfien tal-opinjoni pubblika dwar il-valur u l-importanza tal-volontarjat - Biex jitqajjem għarfien ġenerali tal-opinjoni pubblika dwar l-importanza tal-volontarjat bħala espressjoni tal-parteċipazzjoni ċivika u eżempju ta' attività min-nies għan-nies li tikkontribwixxi għal kwistjonijiet li huma ta' interess komuni tal-Istati Membri kollha, bħalma huma żvilupp armonjuż tas-sċjetà u koeżjoni ekonomika

4. Jitqajjem għarfien tal-opinjoni pubblika dwar il-valur u l-importanza tal-volontarjat - Biex jitqajjem għarfien ġenerali tal-opinjoni pubblika dwar l-importanza tal-volontarjat bħala espressjoni tal-parteċipazzjoni ċivika u eżempju ta' attività min-nies għan-nies li tikkontribwixxi għal kwistjonijiet li huma ta' interess komuni tal-Istati Membri kollha, bħalma huma żvilupp armonjuż tas-soċjetà, koeżjoni ekonomika u l-integrazzoni soċjali.

Test propost mill-Kummissjoni

Emenda

· il-konferenzi, l-okkażjonijiet u l-inizjattivi biex jippromwovu d-diskussjoni u jqajmu għarfien tal-opinjoni pubblika dwar l-importanza u l-valur tal-volontarjat u biex jonoraw l-isforzi tal-volontiera;

· il-konferenzi, l-okkażjonijiet u l-inizjattivi biex jippromwovu d-diskussjoni, l-approċċi innovattivi, u l-evalwazzjoni tal-esperjenzi. Iqajmu għarfien tal-opinjoni pubblika dwar l-importanza u l-valur tal-volontarjat u biex jonoraw l-isforzi tal-volontiera;

Test propost mill-Kummissjoni

Emenda

· Jiġi promoss l-użu tal-ħin iddedikat għall-attivitajiet tal-volontarjat bħala kofinanzjament fil-proġetti tal-Ewropa;

Test propost mill-Kummissjoni

Emenda

1. Il-baġit għall-implimentazzjoni ta' din id-Deċiżjoni għall-perjodu mill-1 ta' Jannar 2011 sal-31 ta' Diċembru 2011 huwa EUR 6 000 000.

1. Il-baġit għall-implimentazzjoni ta' din id-Deċiżjoni għall-perjodu mill-1 ta' Jannar 2011 sal-31 ta' Diċembru 2011 huwa EUR 12 000 000.

Test propost mill-Kummissjoni

Emenda

Kull koordinatur Nazzjonali għandu jippreżenta applikazzjoni waħda għall-finanzjament Komunitarju. L-applikazzjoni għall-għotja għandha tiddeskrivi l-programm ta' ħidma tal-koordinatur jew l-azzjoni li għandha tiġi finanzjata u għandha tippromwovi s-Sena Ewropea. L-applikazzjoni għall-għotja għandha tkun akkumpanjata minn baġit dettaljat li jistipula l-ispejjeż totali tal-inizjattivi/il-programm ta' ħidma proposti u l-ammont u s-sors ta' kofinanzjament. L-għotja tal-Komunità tista' tkopri sa 80% tal-ispejjeż totali.

Kull koordinatur Nazzjonali għandu jippreżenta applikazzjoni waħda għall-finanzjament Komunitarju. L-applikazzjoni għall-għotja għandha tiddeskrivi l-programm ta' ħidma tal-koordinatur jew l-azzjoni li għandha tiġi finanzjata u għandha tippromwovi s-Sena Ewropea. L-applikazzjoni għall-għotja għandha tkun akkumpanjata minn baġit dettaljat li jistipula l-ispejjeż totali tal-inizjattivi/il-programm ta' ħidma proposti u l-ammont u s-sors ta' kofinanzjament. L-għotja tal-Komunità tista' tkopri sa 75 % tal-ispejjeż totali.

Test propost mill-Kummissjoni

Emenda

L-ammonti finali mogħtija għandhom jiġu determinati fuq il-bażi tal-appilkazzjonijiet individwali tal-għotjiet imressqa mill-korp nazzjonali ta' koordinazzjoni. Il-kofinanzjament Komunitarju massimu huwa stabbilit għal 80 % tal-ispiża totali eliġibbli.

L-ammonti finali mogħtija għandhom jiġu determinati fuq il-bażi tal-appilkazzjonijiet individwali tal-għotjiet imressqa mill-korp nazzjonali ta' koordinazzjoni. Il-kofinanzjament Komunitarju massimu huwa stabbilit għal 75 % tal-ispiża totali eliġibbli.

Test propost mill-Kummissjoni

Emenda

(3) Il-volontarjat jikkostitwixxi esperjenza mhux formali ta' tagħlim li tippermetti kemm l-iżvilupp tal-ħiliet u l-kompetenzi professjonali kif ukoll għamla ewlenija ta' parteċipazzjoni ċivika attiva. L-azzjonijiet imwettqa mill-volontiera ta' kull età huma kruċjali għall-iżvilupp ta' demokrazija, wieħed mill-prinċipji fundamentali tal-Unjoni Ewropea, u jikkontribwixxu għall-iżvilupp tar-riżorsi umani u għal koeżjoni soċjali.

(3) Il-volontarjat jikkostitwixxi esperjenza mhux formali ta' tagħlim li tippermetti kemm l-iżvilupp tal-ħiliet u l-kompetenzi professjonali kif ukoll għamla ewlenija ta' parteċipazzjoni ċivika attiva. L-azzjonijiet imwettqa mill-volontiera ta' kull età huma kruċjali għall-iżvilupp ta' demokrazija, wieħed mill-prinċipji fundamentali tal-Unjoni Ewropea, u jikkontribwixxu għall-iżvilupp tar-riżorsi umani u għal koeżjoni soċjali. Il-volontarjat u l-attivitajiet volontarji ma għandhomx, madankollu, jissostitwixxu x-xogħol imħallas għalkemm l-ispejjeż tal-voluntiera għandhom jiġu rrimborsati b'mod adegwat.

Test propost mill-Kummissjoni

Emenda

(4) F'soċjetajiet li jinbidlu b'rata mgħaġġla teżisti l-ħtieġa li tiġi żgurata l-effettività ta' infrastruttura li tappoġġja l-volontarjat biex tippermetti lil aktar nies jimpenjaw ruħhom f'attivitajiet volontarji. Għalhekk importanti li jiġi appoġġjat it-tagħlim inter pares u l-iskambju tal-aqwa prassi fil-livell ta' Komunità.

(4) F'soċjetajiet li jinbidlu b'rata mgħaġġla teżisti l-ħtieġa li tiġi żgurata l-effettività ta' infrastruttura li tappoġġja l-volontarjat biex tippermetti lil aktar nies jimpenjaw ruħhom f'attivitajiet volontarji. Għalhekk importanti li jiġi appoġġjat it-tagħlim inter pares u l-iskambju tal-aqwa prassi fil-livell Komunitarju, nazzjonali, reġjonali u lokali, inter alia billi jiġu stabbiliti sistemi ta' koperazzjoni effiċjenti u netwerking bejn l-organizzazzjonijiet tal-voluntiera.

Test propost mill-Kummissjoni

Emenda

(8a) Fil-White Paper tal-Kummissjoni dwar l-Isport tal-11 ta' Lulju 2007 ( COM(2007)0391 ), il-Kummissjoni enfasizzat li l-organizzazzjonijiet tal-voluntiera li huma involuti f'attivitajiet sportivi jipprovdu ħafna okkażjonijiet għal edukazzjoni mhux formali li għandha tiġi rrikonoxxuta u mtejba. L-isport jipprovdi wkoll possibilitajiet attraenti għaż-żgħażagħ biex jimpenjaw u jinvolvu ruħhom fis-soċjetà u jista' jkollu effett tajjeb li jgħin biex iżomm lin-nies okkupati.

Test propost mill-Kummissjoni

Emenda

(12a) Il-volontarjat huwa element essenzjali fil-promozzjoni ta' ċittadinanza attiva, l-iżvilupp tas-soċjetà ċivili u t-tisħiħ tas-solidarjetà.

Test propost mill-Kummissjoni

Emenda

(13) Teżisti firxa kbira ta' attivitajiet ta' volontarjat madwar l-Ewropa kollha li għandha tiġi ppreservata u żviluppata b'mod ulterjuri.

(13) (13) Teżisti firxa kbira ta' attivitajiet ta' volontarjat madwar l-Ewropa kollha li għandha tiġi ppreservata u żviluppata b'mod ulterjuri, inter alia permezz tal-ħolqien ta' netwerk transkonfinali tal-assoċjazzjonijiet tal-volontarjat fid-diversi Stati Membri sabiex tiġi pprovduta pjattaforma permanenti għall-iskambju tal-esperjenzi u tal-aħjar prattiki.

Test propost mill-Kummissjoni

Emenda

(15) Minkejja dan, il-potenzjal tal-volontarjat għadu ma ntlaħaqx kompletament. Sena Ewropea ta' Volontarjat għandha tipprovdi l-opportunità biex jintwera fil-kuntest Ewropew li l-volontarjat iżid il-parteċipazzjoni ċivika. Hija tista' tgħin biex trawwem sens ta' appartenenza u ta' impenn taċ-ċittadini għas-soċjetà tagħhom fil-livelli kollha — lokali, reġjonali, nazzjonali u Ewropej.

(15) Minkejja dan, il-potenzjal tal-volontarjat għadu ma ntlaħaqx kompletament. Sena Ewropea ta' Volontarjat għandha tipprovdi l-opportunità biex jintwera fil-kuntest Ewropew li l-volontarjat iżid il-parteċipazzjoni ċivika. Hija tista' tgħin biex trawwem sens ta' appartenenza u ta' impenn fost iċ-ċittadini għas-soċjetà tagħhom fil-livelli kollha — lokali, reġjonali, nazzjonali u Ewropej – u biex tiġi miġġielda d-diskriminazzjoni, filwaqt li jkun possibbli għar-residenti barranin f'kull Stat Membru, inklużi dawk li l-istatus tagħhom ma jippermettilhomx li jiġu impjegati f'ħidma mħallsa, sabiex jagħmlu xogħol imħallas għall-organizzazzjonijiet mingħajr għan ta' profitt jew biex jagħmlu xogħol mingħajr ħlas. Min-naħa tiegħu, dan se jiffaċilita interazzjoni bejn iċ-ċittadini Ewropej u r-residenti barranin li jgħixu fil-komunità tagħhom f'ambjent formali u kostruttiv, filwaqt li jgħin fil-prevenzjoni tat-tixrid tal-ksenofobija.

Test propost mill-Kummissjoni

Emenda

(15a) Is-Sena Ewropea ta' Volontarjat għandha tenfasizza l-irwol ewlieni li għandhom l-attivitajiet volontarji, filwaqt li fl-istess ħin tfakkar lill-Istati Membri li ma għandhomx jintużaw bħala mezz biex jintlaħqu l-bżonnijiet bażiċi li normalment jintlaħqu mis-servizzi soċjali u anqas biex jissostitwixxu azzjoni tal-awtoritajiet pubbliċi.

Test propost mill-Kummissjoni

Emenda

1. Issir ħidma għal ambjent li jiffaċilita l-volontarjat fl-UE - Li l-volontarjat jiġi stabbilit bħala parti mill-promozzjoni tal-parteċipazzjoni ċivika u tal-attivitajiet min-nies għan-nies fil-kuntest tal-UE.

1. Issir ħidma għal ambjent li jiffaċilita l-volontarjat fl-UE - Li l-volontarjat jiġi stabbilit bħala parti mill-promozzjoni tal-parteċipazzjoni ċivika, sħubija u tal-attivitajiet min-nies għan-nies fil-kuntest tal-UE.

Test propost mill-Kummissjoni

Emenda

2. Jissawru bis-setgħa organizzazzjonijiet tal-volontiera u tittejjeb il-kwalità tal-volontarjat - Biex jiġi ffaċilitat il-volontarjat u biex jitħeġġu n-netwerking, il-mobilità, il-kooperazzjoni u s-sinerġiji bejn l-organizzazzjonijiet tal-volontarjat u setturi oħra fil-kuntest tal-UE.

2. Jissawru bis-setgħa organizzazzjonijiet tal-volontiera u tittejjeb il-kwalità tal-volontarjat - Biex jiġi promoss il-volontarjat u l-aċċess tiegħu għall-finanzi suffiċjenti u sostenibbli filwaqt li jitħeġġu n-netwerking, il-mobilità, il-kooperazzjoni u s-sinerġiji bejn l-organizzazzjonijiet tal-volontarjat u setturi oħra bla għan ta' profitt fil-kuntest tal-UE u filwaqt li jkun possibbli li x-xogħol volontarjat jsir b'mod li jista jsir permanenti. Id-dmir ta' diliġenza li hu r-responsabilità tal-organizzazzjonijiet tal-voluntiera lejn il-voluntiera tagħhom għandu jiġi stabbilit fil-liġi u għandu jinkludi protezzjoni adegwata permezz ta' assigurazzjoni, miżuri tas-saħħa u tas-sigurtà u taħriġ.

Test propost mill-Kummissjoni

Emenda

3. Jiġu ppremjati u rikonoxxuti l-attivitajiet ta' volontarjat - Biex jitħeġġu inċentivi xierqa għall-individwi, il-kumpaniji u l-organizzazzjonijiet tal-iżvilupp tal-volontarjat u biex jintrebaħ aktar għarfien sistematiku għall-volontarjat fil-livell tal-UE minn min ifassal il-politika, mill-organizzazzjonijiet tas-soċjetà ċivili u minn min iħaddem għal ħiliet u kompetenzi żviluppati permezz tal-volontarjat.

3. Jiġu ppremjati u rikonoxxuti l-attivitajiet ta' volontarjat - Biex tiġi ggwidata l-introduzzjoni ta' inċentivi xierqa għall-individwi, il-kumpaniji, l-assoċjazzjonijiet tal-isports u l-organizzazzjonijiet tal-iżvilupp tal-volontarjat. Għall-individwi, dan il-proċess jinkludi l-validazzjoni tal-esperjenza u r-rikonoxximent tal-ekwivalenzi għall-iskopijiet ta' taħriġ jew tiftix ta' xogħol permezz tal-introduzzoni ta' sistema ta' ċertifikazzjoni tal-ħiliet u l-kompetenzi miksuba permezz tal-attività volontarja. Dan jistabbilixxi aktar rikonoxximent sistematiku tal-volontarjat fil-livell tal-UE minn min ifassal il-politika, mill-organizzazzjonijiet tas-soċjetà ċivili u minn min iħaddem.

Test propost mill-Kummissjoni

Emenda

3a. Titħeġġeġ is-solidarjetà internazzjonali u Ewropea permezz tal-promozzjoni tal-paċi, il-koperazzjoni bejn it-Tramuntana u n-Nofsinhar u l-ħarsien tal-ambjent permezz tal-volontarjat.

Test propost mill-Kummissjoni

Emenda

4. Jitqajjem għarfien tal-opinjoni pubblika dwar il-valur u l-importanza tal-volontarjat - Biex jitqajjem għarfien ġenerali tal-opinjoni pubblika dwar l-importanza tal-volontarjat bħala espressjoni tal-parteċipazzjoni ċivika u eżempju ta' attività min-nies għan-nies li tikkontribwixxi għal kwistjonijiet li huma ta' interess komuni tal-Istati Membri kollha, bħalma huma żvilupp armonjuż tas-sċjetà u koeżjoni ekonomika

4. 4. Jitqajjem għarfien tal-valur soċjali u ekonomiku u l-importanza tal-volontarjat - Biex jitqajjem għarfien ġenerali tal-importanza soċjali u ekonomika tal-volontarjat bħala espressjoni tal-parteċipazzjoni ċivika u eżempju ta' attività min-nies għan-nies li tikkontribwixxi għal kwistjonijiet li huma ta' interess komuni tal-Istati Membri kollha, bħalma huma żvilupp armonjuż tas-soċjetà u koeżjoni soċjali u ekonomika, u biex jiġu promossi l-attivitajiet volontarji sabiex isiru aktar attraenti għaċ-ċittadini, li jkunu qed jingħataw l-opportunità li jibdew jinvolvu rwieħhom f'impenji ċivili.

Test propost mill-Kummissjoni

Emenda

4a. Iċ-ċelebrazzjoni u l-promozzjoni tad-diversità fost iċ-ċittadini tal-Unjoni Ewropea li jieħdu sehem f'attivitajiet volontarji - Jiġu miġġielda stereotipi komuni dwar 'il-voluntiera' sabiex jitqajjem aktar għarfien dwar id-diversità tal-parteċipanti li jieħdu sehem f'attivitajiet volontarji madwar l-Ewropa u biex ċittadini minn kull livell soċjali, ta' kull razza, ta' kull ħila u abilità, u ta' kull età jitħeġġu biex jinvolvu rwieħhom f'attivitajiet volontarji fil-komunità tagħhom, u biex il-volontarjat jiġi promoss bħala attività li hija miftuħa għal kulħadd.

Test propost mill-Kummissjoni

Emenda

1. Il-miżuri li għandhom jittieħdu biex jintlaħqu l-għanijiet stipulati fl-Artikolu 2 għandhom jinkludu l-attivitajiet li ġejjin f'livell Komunitarju, nazzjonali, reġjonali jew lokali marbuta mal-għanijiet tas-Sena Ewropea:

1. Il-miżuri li għandhom jittieħdu biex jintlaħqu l-għanijiet stipulati fl-Artikolu 2 għandhom jinkludu l-attivitajiet li ġejjin f'livell Komunitarju, nazzjonali, reġjonali jew lokali marbuta mal-għanijiet tas-Sena Ewropea:

l-iskambju tal-esperjenza u tal-prassi t-tajba;

• l-iskambju tal-esperjenza u tal-prassi t-tajba b'mod partikulari permezz ta' sistemi effiċjenti ta' koperazzjoni u ta' networking bejn l-organizzazzjonijiet tal-voluntiera;

it-tixrid ta' riżultati ta' studji u riċerka relatata;

il-konferenzi, l-okkażjonijiet u l-inizjattivi biex jippromwovu d-diskussjoni u jqajmu għarfien tal-opinjoni pubblika dwar l-importanza u l-valur tal-volontarjat u biex jonoraw l-isforzi tal-volontiera;

il-konferenzi, l-okkażjonijiet u l-inizjattivi biex jippromwovu d-djalogu u jqajmu għarfien tal-opinjoni pubblika dwar l-importanza u l-valur tal-volontarjat u biex irawmu netwerks transkonfinali għall-iskop ta' dibattitu attiv;

kampanji ta' tagħrif u ta' promozzjoni biex jinxterdu l-messaġġi ewlenin.

kampanji ta' tagħrif u ta' promozzjoni biex jinxterdu l-messaġġi ewlenin.

it-twaqqif ta' bażi tad-data ta' dawk kollha li għandhom sehem fil-qasam u l-organizzazzjonijiet involuti f'attivitajiet volontarji;

l-isfruttar ta' sinerġiji ma' oqsma oħra ta' azzjoni tal-UE, bħalma huma l-oqsma taż-Żgħażagħ f'Azzjoni, il-Fond Soċjali Ewropej u l-Isports, sabiex tiġi promossa ċ-ċittadinanza attiva.

Test propost mill-Kummissjoni

Emenda

1. Il-baġit għall-implimentazzjoni ta' din id-Deċiżjoni għall-perjodu mill-1 ta' Jannar 2011 sal-31 ta' Diċembru 2011 huwa EUR 6 000 000.

1. Il-baġit għall-implimentazzjoni ta' din id-Deċiżjoni għall-perjodu mill-1 ta' Jannar 2011 sal-31 ta' Diċembru 2011 huwa EUR 10 000 000.

Test propost mill-Kummissjoni

Emenda

okkażjonijiet u forums ta' viżibilità għolja għall-iskabju tal-esperjenza u l-prassi t-tajba;

• okkażjonijiet u forums ta' viżibilità għolja għall-iskambju ta' esperjenzi u l-prassi t-tajba waqt li tingħata prijorità lill-programmi ta' ġemellaġġ u ta' mobilità;

Test propost mill-Kummissjoni

Emenda

· tisħiħ fil-viżibilità tal-kontribut tal-attivitajiet volontarji fid-dħul nazzjonali u l-impatt tagħhom fuq is-soċjetà, permezz tal-inklużjoni tal-volontarjat f'kategorija speċifika fil-kontijiet statistiċi tal-Eurostat, permezz tal-produzzjoni ta' kontijiet satelliti fuq l-istituzzjonijiet mingħajr għan ta' profitt u l-inklużjoni tal-ħidma tal-benevolat f'dawn il-kontijiet u billi l-ġurnata tal-5 ta' Diċembru ta' kull sena tiġi stabbilit bħala s-Sena Internazzjonali tal-Volontarjat li hija rikonoxxuta min-Nazzjonijiet Uniti sa mill-1985.

Test propost mill-Kummissjoni

Emenda

Kull koordinatur Nazzjonali għandu jippreżenta applikazzjoni waħda għall-finanzjament Komunitarju. L-applikazzjoni għall-għotja għandha tiddeskrivi l-programm ta' ħidma tal-koordinatur jew l-azzjoni li għandha tiġi finanzjata u għandha tippromwovi s-Sena Ewropea. L-applikazzjoni għall-għotja għandha tkun akkumpanjata minn baġit dettaljat li jistipula l-ispejjeż totali tal-inizjattivi/il-programm ta' ħidma proposti u l-ammont u s-sors ta' kofinanzjament. L-għotja tal-Komunità tista' tkopri sa 80 % tal-ispejjeż totali.

Kull koordinatur Nazzjonali għandu jippreżenta applikazzjoni waħda għall-finanzjament Komunitarju. L-applikazzjoni għall-għotja għandha tinkludi deskrizzjoni - ibbażata fuq il-konsultazzjoni kostanti mal-organizzazzjonijiet tal-volontarjat - tal-programm ta' ħidma tal-koordinatur jew l-azzjoni li għandha tiġi finanzjata u għandha tippromwovi s-Sena Ewropea L-applikazzjoni għall-għotja għandha tkun akkumpanjata minn baġit dettaljat li jistipula l-ispejjeż totali tal-inizjattivi/il-programm ta' ħidma proposti u l-ammont u s-sors ta' kofinanzjament. L-għotja tal-Komunità tista' tkopri sa 80 % tal-ispejjeż totali.