Dokument ta' sessjoni
4.4.2011
RAPPORT
dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2009, Taqsima IX - Il-Kontrollur Ewropew għall-Protezzjoni tad-Data
(C7‑0219/2010 – 2010/2150(DEC) )
Kumitat għall-Kontroll tal-Baġit
Rapporteur: Crescenzio Rivellini
PR_DEC_Other
WERREJ
Paġna
1. PROPOSTA GĦAL DEĊIŻJONI TAL-PARLAMENT EWROPEW.....................................3
2. MOZZJONI GĦAL RIŻOLUZZJONI TAL-PARLAMENT EWROPEW...............................5
RIŻULTAT TAL-VOTAZZJONI FINALI FIL-KUMITAT........................................................8
1. PROPOSTA GĦAL DEĊIŻJONI TAL-PARLAMENT EWROPEW
dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2009, Taqsima IX - Il-Kontrollur Ewropew għall-Protezzjoni tad-Data
(C7‑0219/2010 – 2010/2150(DEC) )
Il-Parlament Ewropew,
– wara li kkunsidra l-baġit ġenerali tal-Unjoni Ewropea għas-sena finanzjarja 2009[1],
– wara li kkunsidra l-kontijiet annwali finali tal-Unjoni Ewropea għas-sena finanzjarja 2009 ( SEC(2010)0963 – C7‑0219/2010)[2],
– wara li kkunsidra r-rapport annwali tal-Kontrollur Ewropew għall-Protezzjoni tad-Data għall-awtorità ta' kwittanza dwar il-verifiki interni mwettqa fis-sena 2009,
– wara li kkunsidra r-Rapport Annwali tal-Qorti tal-Awdituri dwar l-implimentazzjoni tal-baġit għas-sena finanzjarja 2009, flimkien mar-risposti tal-istituzzjonijiet[3],
– wara li kkunsidra d-dikjarazzjoni ta' assigurazzjoni dwar l-affidabilità tal-kontijiet, kif ukoll il-legalità u r-regolarità tal-operazzjonijiet li jaqgħu taħthom, ipprovduta mill-Qorti tal-Awdituri skont l-Artikolu 287 tat-Trattat dwar il-Funzjonament tal-Unjoni Ewropea[4],
– wara li kkunsidra l-Artikolu 272(10) u l-Artikoli 274, 275 u 276 tat-Trattat KE u l-Artikolu 314(10) u l-Artikoli 317, 318 u 319 tat-Trattat dwar il-Funzjonament tal-Unjoni Ewropea,
– wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej[5], u b'mod partikulari l-Artikoli 50, 86, 145, 146 u 147 tiegħu,
– wara li kkunsidra l-Artikolu 77 u l-Anness VI tar-Regoli ta' Proċedura tiegħu,
– wara li kkunsidra r-rapport tal-Kumitat għall-Kontroll tal-Baġit ( A7-0117/2011 ),
1. Jagħti l-kwittanza lill-Kontrollur Ewropew għall-Protezzjoni tad-Data dwar l-implimentazzjoni tal-baġit għas-sena finanzjarja 2009;
2. Jippreżenta l-kummenti tiegħu fir-riżoluzzjoni t'hawn taħt;
3. Jagħti istruzzjonijiet lill-President tiegħu biex jgħaddi din id-Deċiżjoni u r-riżoluzzjoni li hija parti integrali minnha lill-Kunsill, lill-Kummissjoni, lill-Qorti tal-Ġustizzja tal-Unjoni Ewropea, lill-Qorti tal-Awdituri, lill-Ombudsman Ewropew u lill-Kontrollur Ewropew għall-Protezzjoni tad-Data, u biex jiżgura li tiġi ppubblikata fil-Ġurnal Uffiċjali tal-Unjoni Ewropea (serje L).
2. MOZZJONI GĦAL RIŻOLUZZJONI TAL-PARLAMENT EWROPEW
li tinkludi kummenti li jagħmlu parti integrali mid-Deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2009, Taqsima IX - Il-Kontrollur Ewropew għall-Protezzjoni tad-Data
(C7‑0219/2010 – 2010/2150(DEC) )
Il-Parlament Ewropew,
– wara li kkunsidra l-baġit ġenerali tal-Unjoni Ewropea għas-sena finanzjarja 2009[6],
– wara li kkunsidra l-kontijiet annwali finali tal-Unjoni Ewropea għas-sena finanzjarja 2009 ( SEC(2010)0963 – C7‑0219/2010)[7],
– wara li kkunsidra r-rapport annwali tal-Kontrollur Ewropew għall-Protezzjoni tad-Data għall-awtorità ta' kwittanza dwar il-verifiki interni mwettqa fis-sena 2009,
– wara li kkunsidra r-Rapport Annwali tal-Qorti tal-Awdituri dwar l-implimentazzjoni tal-baġit għas-sena finanzjarja 2009, flimkien mar-risposti tal-istituzzjonijiet[8],
– wara li kkunsidra d-dikjarazzjoni ta' assigurazzjoni dwar l-affidabilità tal-kontijiet, kif ukoll il-legalità u r-regolarità tal-operazzjonijiet li jaqgħu taħthom, ipprovduta mill-Qorti tal-Awdituri skont l-Artikolu 287 tat-Trattat dwar il-Funzjonament tal-Unjoni Ewropea[9],
– wara li kkunsidra l-Artikolu 272(10) u l-Artikoli 274, 275 u 276 tat-Trattat KE u l-Artikolu 314(10) u l-Artikoli 317, 318 u 319 tat-Trattat dwar il-Funzjonament tal-Unjoni Ewropea,
– wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej[10], u b'mod partikulari l-Artikoli 50, 86, 145, 146 u 147 tiegħu,
– wara li kkunsidra l-Artikolu 77 u l-Anness VI tar-Regoli ta' Proċedura tiegħu,
– wara li kkunsidra r-rapport tal-Kumitat għall-Kontroll tal-Baġit ( A7-0117/2011 ),
1. Jinnota li fl-2009 l-Kontrollur Ewropew għall-Protezzjoni tad-Data (KEPD) kellu disponibbli approprjazzjonijiet għall-impenji li kienu jammontaw għal total ta' EUR 7 miljun (2008: EUR 5.3 miljun[11]), b'rata ta' utilizzazzjoni ta' 81.44 %, li hija inqas mill-medja tal-istituzzjonijiet l-oħrajn (97.69 %);
2. Jinnota l-fatt li matul it-tħejjija tar-Rapport Annwali għas-sena finanzjarja 2009, il-Qorti tal-Awdituri wettqet valutazzjoni fil-fond tas-sistemi ta' sorveljanza u kontroll fil-Qorti tal-Ġustizzja, fl-Ombudsman Ewropew u fil-KEPD, li inkludiet l-eżami ta' kampjun addizzjonali ta' tranżazzjonijiet li jinvolvu ħlasijiet relatati mar-riżorsi umani u ma’ nefqa amministrattiva oħra;
3. Jinnota li l-Qorti tal-Awdituri sabet li, f'erba' każijiet minn għaxra, l-informazzjoni disponibbli għall-KEPD ma kinitx aġġornata biżżejjed biex tiżgura li l-allowances previsti mir-Regolamenti tal-Persunal tal-Uffiċjali tal-Unjoni Ewropea[12] tħallsu lill-persunal f’konformità mar-regolamenti tal-Komunità u l-leġiżlazzjoni nazzjonali rilevanti. Il-Qorti tal-Awdituri sabet li dan jista’ jinvolvi riskju ta’ ħlasijiet mhux korretti jew mhux dovuti;
4. Iħaddan is-suġġeriment tal-Qorti tal-Awdituri li l-persunal tal-KEPD għandu jintalab iressaq b’intervalli xierqa d-dokumenti li juru l-qagħda personali tagħhom, u li l-KEPD għandu jtejjeb is-sistema tiegħu ta’ monitoraġġ u ta’ kontroll f’waqtu ta’ dawn id-dokumenti;
5. Jinnota t-tweġiba tal-KEPD li minħabba d-daqs żgħir tiegħu, huwa megħjun mill-Uffiċċju għall-Amministrazzjoni u l-Ħlas ta’ Drittijiet Individwali (PMO) fl-immaniġġjar tal-fajls tal-allowances soċjali, li l-informazzjoni marbuta mal-allowances tal-familja jew tat-tfal dipendenti hi aġġornata mill-PMO darba fis-sena fuq il-bażi ta’ formoli speċifiċi indirizzati lill-persunal ikkonċernat mill-KEPD, u li l-allowances soċjali sal-lum huma aġġornati fuq il-bażi ta’ tagħrif miġbur permezz ta’ dawn il-formoli; jilqa’ l-intenzjoni tal-KEPD li jtejjeb il-monitoraġġ tal-informazzjoni rilevanti għall-allowances soċjali minħabba r-rakkomandazzjoni tal-Qorti tal-Awdituri, u jistieden lill-KEPD biex jirrapporta dwar l-azzjoni meħuda fir-rapport annwali tiegħu dwar l-attività;
6. Jinnota s-sejbiet tal-Qorti tal-Awdituri li l-KEPD ma wettaqx sistema ta' verifika ex-post, fejn xieraq, kif meħtieġ mir-Regolament Finanzjarju, u li l-istandards ta' kontroll intern adottati mill-KEPD ma pprovdewx għal eċċezzjonijiet għall-proċeduri finanzjarji standard biex jiġu rreġistrati b’mod adegwat f’reġistru ċentrali;
7. Jinnota t-tweġiba tal-KEPD li t-tranżazzjonijiet imwettqa mill-KEPD, inkluż ir-rimborż tal-ħlasijiet diretti pproċessati minn istituzzjonijiet oħra f’isem il-KEPD, huma diġà soġġetti għal kontroll ex-ante; jilqa’ l-intenzjoni tal-KEPD li jeżamina kif jimplimenta l-proċess ta’ verifika ex-post għas-sena 2011 ’il quddiem minħabba r-rakkomandazzjoni tal-Qorti tal-Awdituri, u jistieden lill-KEPD biex jirrapporta dwar l-azzjoni meħuda fir-rapport annwali tiegħu dwar l-attività;
8. Jaċċetta u jifhem il-pożizzjoni tal-KEPD dwar id-daqs żgħir tiegħu u l-partikolarità tal-immaniġġjar konġunt tal-fajls taħt ftehimiet ta’ kooperazzjoni u ta’ livell ta’ servizz; madankollu, jistieden lill-KEPD biex jikkjarifika x’għajnuna interistituzzjonali addizzjonali tkun meħtieġa biex il-KEPD ikun jista’ jwettaq ir-rakkomandazzjonijiet tal-Qorti tal-Awdituri, u jindika meta din tkun tista’ tinkiseb; jilqa’ d-deċiżjoni tal-KEPD biex jimplimenta l-osservazzjoni tal-Qorti tal-Awdituri dwar standards ta’ kontroll intern billi joħloq lista ċentrali ta’ eċċezzjonijiet reġistrati, u jistieden lill-KEPD biex jirrapporta dwar il-progress miksub fir-rapport annwali tiegħu dwar l-attività;
9. Jinnota li l-Qorti tal-Awdituri indikat fir-Rapport Annwali tagħha li l-verifika ma rriżultat f’ebda osservazzjoni sinifikanti oħra fir-rigward tal-KEPD;
10. Jinnota li minħabba d-daqs limitat tal-KEPD, huwa jikkoopera amministrattivament ma’ għadd ta’ istituzzjonijiet oħra, b’mod partikolari mas-servizzi tal-Kummissjoni (ADMIN, BUDG, EAC, IAS), l-Uffiċċju tal-Pubblikazzjonijiet, is-servizzi tal-Parlament (bini u infrastruttura, sigurtà, IT, stampar, komunikazzjoni eċċ), kif ukoll mas-servizz ta’ traduzzjoni tal-Kunsill. Ifaħħar lill-KEPD għall-konsolidazzjoni b'suċċess tal-kooperazzjoni amministrattiva;
11. Ifakkar li fuq il-bażi ta’ Ftehim ta' Kooperazzjoni Amministrattiva bejn is-Segretarji Ġenerali tal-Kummissjoni, tal-Parlament u tal-Kunsill, iffirmat flimkien mal-KEPD fis-7 ta’ Diċembru 2006 għal perjodu addizzjonali ta' tliet snin b'effett mis-16 ta' Jannar 2007, il-ġestjoni amministrattiva tal-missjonijiet kollha tal-KEPD hi żgurata mill-Uffiċċju tal-Uffiċjal inkarigat mill-pagi tal-Kummissjoni, u li l-valutazzjoni (imwettqa mill-awditur intern tal-Kummissjoni, li jopera bħala s-Servizz tal-Verifika Interna tal-KEPD fuq il-bażi tal-Ftehim ta' Kooperazzjoni Amministrattiva) stqarr li l-funzjonalità u l-effiċjenza tas-sistema ta’ kontroll intern kienet adegwata u pprovdiet assigurazzjoni raġonevoli għall-kisba tal-objettivi tal-KEPD;
12. Jilqa' l-pubblikazzjoni annwali tad-dikjarazzjonijiet tal-interessi finanzjarji tal-Membri eletti tal-istituzzjoni (il-KEPD u l-Assistent Kontrollur), li fihom informazzjoni rilevanti dwar il-postijiet jew l-attivitajiet imħallsa u l-attivitajiet professjonali dikjarabbli;
13. Jitlob li l-KEPD jinkludi fir-rapport tal-attività annwali tiegħu li jmiss (sena finanzjarja 2010) kapitolu li fih jagħti rendikont tas-segwitu li jkun ingħata matul is-sena lid-deċiżjonijiet ta' kwittanza tal-Parlament.
RIŻULTAT TAL-VOTAZZJONI FINALI FIL-KUMITAT
Data tal-adozzjoni | 22.3.2011 |
|
|
| |
Riżultat tal-votazzjoni finali | +: –: 0: | 19 1 0 | |||
Membri preżenti għall-votazzjoni finali | Marta Andreasen, Jean-Pierre Audy, Inés Ayala Sender, Zigmantas Balčytis, Andrea Češková, Andrea Cozzolino, Luigi de Magistris, Tamás Deutsch, Martin Ehrenhauser, Jens Geier, Gerben-Jan Gerbrandy, Ingeborg Gräßle, Ville Itälä, Iliana Ivanova, Bogusław Liberadzki, Monica Luisa Macovei, Jan Olbrycht, Aldo Patriciello, Crescenzio Rivellini, Christel Schaldemose, Bart Staes, Georgios Stavrakakis, Søren Bo Søndergaard | ||||
Sostitut(i) preżenti għall-votazzjoni finali | Chris Davies, Derk Jan Eppink, Christofer Fjellner, Véronique Mathieu | ||||