Dokument ta' sessjoni

A7-0002/2012

21.12.2011

*

RAPPORT

dwar il-proposta għal regolament tal-Kunsill li jimplimenta l-kooperazzjoni msaħħa fil-qasam tal-ħolqien ta' protezzjoni tal-privattiva unitarja fir-rigward tal-arranġamenti applikabbli għat-traduzzjoni

( COM(2011)0216 – C7‑0145/2011 – 2011/0094(CNS) )

Kumitat għall-Affarijiet Legali

Rapporteur: Raffaele Baldassarre

PR_CNS_art55am

WERREJ

Paġna

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW................5

NOTA SPJEGATTIVA.............................................................................................................14

PROĊEDURA...........................................................................................................................19

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal regolament tal-Kunsill li jimplimenta l-kooperazzjoni msaħħa fil-qasam tal-ħolqien ta' protezzjoni tal-privattiva unitarja fir-rigward tal-arranġamenti applikabbli għat-traduzzjoni

( COM(2011)0216 – C7‑0145/2011 – 2011/0094(CNS) )

(Proċedura leġiżlattiva speċjali – konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill ( COM(2011)0216 ),

–   wara li kkunsidra t-tieni paragrafu tal-Artikolu 118 tat-Trattat dwar il-Funzjonament tal-Unjoni Ewropea, skont liema ġie kkonsultat mill-Kunsill (C7‑0145/2011),

–   wara li kkunsidra l-Artikolu 55 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Legali ( A7-0002/2012 ),

1.  Japprova l-proposta tal-Kummissjoni kif emendata;

2.  Jistieden lill-Kummissjoni biex timmodifika l-proposta tagħha konsegwentement, skont l-Artikolu 293(2) tat-Trattat dwar il-Funzjonament tal-Unjoni Ewropea;

3.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

4.  Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

5.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Emenda  1

Proposta għal regolament

Premessa 6

Emenda  2

Proposta għal regolament

Premessa 9

Emenda  3

Proposta għal regolament

Premessa 9a (ġdida)

Emenda  4

Proposta għal regolament

Premessa 10

Emenda  5

Proposta għal regolament

Premessa 11b (ġdida)

Emenda  6

Proposta għal regolament

Artikolu 1

Emenda  7

Proposta għal regolament

Artikolu 3 – paragrafu 2a (ġdid)

Emenda  8

Proposta għal regolament

Artikolu 3 – paragrafu 2b (ġdid)

Emenda  9

Proposta għal regolament

Artikolu 4 – paragrafu 1

Emenda  10

Proposta għal regolament

Artikolu 4 – paragrafu 2

Emenda  11

Proposta għal regolament

Artikolu 4 – paragrafu 4

Emenda  12

Proposta għal regolament

Artikolu 5

Emenda  13

Proposta għal regolament

Artikolu 5 – paragrafu 1b (ġdid)

Emenda  14

Proposta għal regolament

Artikolu 6 – paragrafu 1 – subparagrafu 1a (ġdid)

Emenda  15

Proposta għal regolament

Artikolu 7 – paragrafu 2

NOTA SPJEGATTIVA

1. Daħla

Sistema tal-privattivi li taħdem sew li tkun tista' tissodisfa l-ħtiġijiet reali tal-utenti għandha rwol vitali fit-tkabbir ekonomiku u l-kompetittività tal-UE. Tabilħaqq, minbarra li huwa waħda mir-raġunijiet ewlenin għall-iżvilupp tal-innovazzjoni[1], l-użu tad-drittijiet tal-proprjetà intellettwali jagħti kontribut sinifikanti lill-iżvilupp ekonomiku taż-żona kollha kkonċernata.

L-għan li tinkiseb protezzjoni tal-privattiva unitarja fl-UE ilu jipprova jintlaħaq mill-Istati Membri għal kważi nofs seklu. Minħabba l-impossibbiltà li jintlaħaq ftehim dwar privattiva Komunitarja, fl-1973 tfasslet l-hekk imsejħa Konvenzjoni ta' Munich[2], li sussegwentement l-Istati Membri attwali kollha tal-UE saru firmatarji tagħha.

Il-proċedura ċentralizzata prevista mill-Konvenzjoni ma ppermettietx, madankollu, li jitneħħew l-ostakli ewlenin għall-iżvilupp tas-sistema Ewropea tal-privattivi. B'mod partikolari, il-livell għoli ta' inċertezza legali[3] u l-ispejjeż konsiderevoli marbuta mal-validazzjoni u ż-żamma tal-privattivi[4].

Il-konkomitanza ta' dawn il-limitazzjonijiet wasslet għal sistema ta' privattivi li hija estremament frammentata u insuffiċentement kompetittiva internazzjonalment. Biżżejjed ngħidu li privattiva Ewropea li tkun ġiet ivvalidata fi 13-il stat tiswa 13-il darba aktar milli fl-Istati Uniti u 11-il darba aktar milli fil-Ġappun[5].

2. Il-pożizzjoni tar-Rapporteur dwar l-arranġamenti għat-traduzzjoni

2.1 Rimarki preliminari u prijoritajiet

Għalkemm il-proposta attwali hija bbażata fuq il-lingwi ta' ħidma tal-Uffiċċju Ewropew tal-Privattivi u hija r-riżultat ta' kompromess politiku diffiċli, ir-Rapporteur iqis li jeħtieġ li, kemm jista' jkun, l-Ingliż jitħares u jiġi promoss, bħala l-lingwa li tintuża b'mod predominanti fir-relazzjonijiet kummerċjali internazzjonali.

F'dan ir-rigward, ta' min wieħed jinnota li 77%[6] tal-applikazzjonijiet kollha għal privattivi mressqa lill-UEP diġà huma bl-Ingliż[7]. Minn dan huwa faċli li wieħed jasal għall-konklużjoni li l-Ingliż illum huwa l-lingwa preferuta tas-settur kummerċjali u akkademiku f'dak li jikkonċerna l-attivitajiet ta' riċerka tekonoloġika u l-innovazzjoni. Barra minn hekk, l-Ingliż fil-fatt huwa l-lingwa teknika par excellence, kif evidenzjat mill-fatt li 95% tal-istudji xjentifiċi kollha fis-setturi tar-riċerka u l-iżvilupp huma ppubblikati bl-Ingliż[8].

Ir-Rapporteur jemmen ukoll li l-SMEs Ewropej għadhom ibatu minħabba produttività aktar baxxa u żvilupp aktar bil-mod meta mqabbla mal-kontropartijiet tagħhom fl-Istati Uniti u f'ekonomiji emerġenti oħra, speċjalment fir-rigward tal-innovazzjoni. Din id-diffikultà ġiet identifikata wkoll mill-Kummissjoni fil-Komunikazzjoni tagħha tal-2007 bl-għan li jerġa' jinfetaħ id-dibattitu dwar is-sistema Ewropea tal-privattivi. Il-Kummissjoni nnutat li r-raġunijiet ewlenin għan-nuqqas ta' parteċipazzjoni mill-SMEs fis-suq tal-privattivi kienu n-nuqqas ta' servizzi konsultattivi disponibbli – speċjalment fl-istadju tar-riċerka – u l-ispejjeż, li spiss kienu insostenibbli[9].

Matul il-konsultazzjoni dwar il-futur tas-sistema tal-privattivi fl-Ewropa[10], l-SMEs stess ġibdu l-attenzjoni għall-ħtieġa ta' appoġġ speċifiku, partikolarment b'referenza għall-ispejjeż tat-traduzzjoni, ir-riċerka dwar il-privattivi u l-protezzjoni legali.

L-istess ħtieġa ġiet espressa matul il-konsultazzjonijiet dwar l-Att dwar in-Negozji ż-Żgħar, li fihom l-SMEs sostnew li l-ostakli ewlenin għall-aċċess għas-suq Ewropew tal-privattivi kienu l-ispejjeż għoljin u l-kumplessità legali tas-sistema tal-privattivi, filwaqt li enfasizzaw il-ħtieġa ta' sistema tal-privattivi simplifikata u aċċessibbli bi spejjeż imnaqqsa[11].

Il-ħtieġa ta' miżuri speċifiċi biex jiġi ffaċilitat l-aċċess tal-SMEs għas-suq Ewropew tal-privattivi ġiet ikkonfermata ripetutament ukoll mir-riċerka akkademika f'dan il-qasam[12]. Fl-istess ħin, dik ir-riċerka wriet l-impatt negattiv konsiderevoli li l-ispejjeż tat-traduzzjoni u tal-validazzjoni u ż-żamma tal-privattivi għandhom fuq id-deċiżjonijiet tal-SMEs dwar jekk jinternazzjonalizzawx in-negozji tagħhom jew le[13], u għalhekk ixekklu l-iżvilupp tal-innovazjzoni fl-UE.

Ir-Rapporteur jaqbel mat-talbiet imsemmija hawn fuq u l-ħtieġa ta' miżuri speċifiċi biex jiffaċilitaw l-aċċess tal-SMEs għas-suq Ewropew tal-privattivi u għall-innovazzjoni. F'dan ir-rigward, huwa konvint li l-miżuri leġiżlattivi li jikkonċernaw il-protezzjoni tal-privattiva unitarja jipprovdu opportunità eċċellenti biex wieħed jirreaġixxi għat-talbiet espressi mill-SMEs, b'mod partikolari fir-rigward tal-ispejjeż u l-appoġġ legali.

2.2 L-emendi proposti

Arranġamenti għat-traduzzjoni għall-privattiva Ewropea b'effett unitarju

Ir-Rapporteur biħsiebu jżomm id-deċiżjoni li l-arranġamenti lingwistiċi jkunu bbażati fuq il-lingwi ta' ħidma tal-UEP, skont l-eżitu tal-valutazzjoni tal-impatt imwettqa mill-Kummissjoni[14] u d-Deċiżjoni tal-Kunsill 2011/167/UE, li tawtorizza kooperazzjoni msaħħa fil-qasam tal-protezzjoni tal-privattiva unitarja.

Madankollu, ir-Rapporteur jikkritika l-fatt li strument bħall-kooperazzjoni msaħħa ntgħażel f'settur li huwa integrali għas-suq intern. Għaldaqstant, filwaqt li jittama li l-Istati Membri kollha tal-UE dalwaqt ikunu jistgħu jipparteċipaw, ir-Rapporteur jixtieq jiġbed l-attenzjoni li l-arranġamenti lingwistiċi magħżula m'għandhomx jistabbilixxu preċedent għal reġim lingwistiku limitat f'kull strument legali futur tal-Unjoni (ara l-Emenda 8).

Bl-istess mod, fid-dawl tal-informazzjoni t'hawn fuq, ir-Rapporteur tal-fehma li s-sistema tal-privattivi għandha tkun orjentata lejn l-użu tal-Ingliż. F'dan ir-rigward, huwa konxju mid-diffikultajiet li bidla diretta għal sistema tal-privattivi monolingwi tinvolvi għall-Uffiċċju Ewropew tal-Privattivi u għal uħud mill-utenti tiegħu.

Madankollu, ir-Rapporteur tal-fehma li l-utenti għandhom jingħatw il-possibbiltà li jorjentaw is-sistema lejn l-użu tal-Ingliż, sabiex jiddeċiedu kif l-aħjar jippubbliċizzaw u jipproteġu l-invenzjonijiet tagħhom stess. Għalhekk ir-Rapporteur jipproponi li fi tmiem il-perjodu tranżitorju rregolat bl-Artikolu 6 tar-Regolament, l-Uffiċċju Ewropew tal-Privattivi għandu jingħata l-kompitu li jippubblika traduzzjoni bl-Ingliż tal-ispeċifikazzjoni tal-privattiva Ewropea kif ipprovduta b'mod volontarju mill-applikant spejjeż tiegħu (ara l-Emendi 7 u 10).

Ir-Rapporteur jemmen li dan jippermetti lill-applikanti jippubbliċizzaw aktar l-invenzjonijiet tagħhom, filwaqt li jipproteġu ruħhom minn kull użu ħażin tal-klawżola tal-"bona fede" (ara l-Artikolu 4(4)) minn allegati kontraventuri[15].

2.2.2 Miżuri speċifiċi għall-SMEs

Kif espress mill-utenti tas-sistema, ir-Rapporteur jaqbel li għandha tingħata prijorità lit-tnaqqis tal-ispejjeż imġarrba minn impriżi ta' daqs żgħir u medju, waqt li fl-istess ħin tiżdied il-protezzjoni legali li jingħataw (ara l-Emenda 1).

B'rabta ma' dan, ir-Rapporteur jilqa' d-dispożizzjoni stipulata fl-Artikolu 4 tal-proposta, imfassla biex tipproteġi l-bona fede tal-kontraventuri. Bl-istess mod, madankollu, huwa tal-fehma li d-dispożizzjoni għandha tkun imfassla għall-SMEs b'mod partikolari (ara l-Emenda 13). Tabilħaqq, minħabba r-riżorsi finanzjarji u organizzattivi limitati tal-SMEs, speċjalment fl-istadju tar-riċerka u meta tiġi vvalutata l-idea wara l-privattiva, il-kumpaniji żgħar għandhom ikunu divrenzjati mill-kbar meta jsiru l-valutazzjonijiet tal-bona fede jew tal-mala fede tal-allegati kontraventuri.

Madankollu, fir-rigward tat-tnaqqis tal-ispejjeż għall-SMEs, ir-Rapporteur tal-fehma li l-iskema ta' kumpens stipulata fl-Artikolu 5 tal-proposta għandha tikkonċerna biss ir-rimborż tal-ispejjeż addizzjonali mġarrba mill-impriżi ta' daqs żgħir u medju li jkollhom ir-residenza jew il-post prinċipali tan-negozju tagħhom fi Stat Membru tal-Unjoni (ara l-Emendi 2 u 14). Sabiex ikun żgurat li r-rimborż tal-ispejjeż ikun jgħodd ukoll għal applikanti individwali, ċentri tar-riċerka u universitajiet, ir-Rapporteur iqis li ta' min li jiġu inklużi l-persuni fiżiċi u l-organizzazzjonijiet mingħajr skop ta' qligħ fost il-benefiċjarji tal-iskema ta' kumpens (Emendi 2 u 14).

Barra minn hekk, ir-Rapporteur tal-fehma li għandhom jiġu stabbiliti limiti massimi ċari għar-rimborż imsemmi fl-Artikolu 5(1), sabiex ikopri l-ispejjeż kollha tat-traduzzjoni (ara l-Emenda 3). Sadattant, iqis li huwa essenzjali li l-iskema ta' kumpens tissejjes fuq il-prezzijiet tas-suq għal traduzzjonijiet tekniċi, sabiex ikun evitat l-abbuż min-naħa tal-applikanti (ara l-Emenda 14).

2.2.3 Traduzzjonijiet awtomatiċi u arranġamenti tranżitorji

Ir-Rapporteur jittama li l-Uffiċċju Ewropew tal-Privattivi jiżviluppa traduzzjonijiet awtomatiċi malajr. Traduzzjonijiet bħal dawn ikollhom tassew rwol fundamentali, billi jippermettu li l-informazzjoni dwar il-privattivi tkun disponibbli mill-istadji bikrin tal-proċedura, biex b'hekk jipprovdu għajnuna vitali fl-istadju tar-riċerka, li tkun ta' benefiċċju partikolari għar-riċerkaturi individwali u għall-SMEs.

F'dan ir-rigward, ir-Rapporteur iqis li huwa vitali li jkun żgurat li t-traduzzjonijiet awtomatiċi jkunu b'xejn u disponibbli minnufih, sabiex l-applikanti u l-utenti ma jkollhomx iġarrbu l-ispejjeż tal-iżvilupp u l-implimentazzjoni tas-sistema (ara l-Emendi 4 u 9).

Fl-istess ħin, ir-Rapporteur tal-fehma li l-involviment ta' rappreżentanti tal-uffiċċji nazzjonali individwali tal-privattivi jiffaċilita l-valutazzjoni tal-kwalità tat-traduzzjonijiet awtomatiċi (ara l-Emendi 6 u 16).

F'dan ir-rigward, ir-Rapporteur ma jaf bl-ebda raġuni għaliex il-kontrolli tal-kwalità tat-traduzzjonijiet għandhom jitnedew biss sitt snin wara d-dħul fis-seħħ ta' dan ir-regolament. Għalhekk jippreferi jemenda d-dispożizzjoni, sabiex il-valutazzjonijiet ikunu jistgħu jibdew tliet snin wara d-dħul fis-seħħ tar-regolament (ara l-Emenda 16).

Bl-istess għan, jiġifieri dak li jkun żgurat li t-traduzzjonijiet ikunu ta' kwalità għolja, ir-Rapporteur emenda d-dispożizzjonijiet li jikkonċernaw l-iskadenza tal-perjodu tranżitorju, biex il-kwalità tat-traduzzjonijiet awtomatiċi tiddependi biss mill-evalwazzjoni ta' esperti. Għaldaqstant, ir-Rapporteur emenda d-dispożizzjoni inkwistjoni, biex il-Kummissjoni tkun tista' tipproponi estensjoni tal-perjodu tranżitorju abbażi tal-evalwazzjoni tal-kumitat ta' esperti indipendenti (ara l-Emendi 17 u 18).

2.2.4 Dħul fis-seħħ

Ir-Rapporteur tal-opinjoni li l-istabbiliment ta' protezzjoni tal-privattiva unitarja għandu jimxi id f'id mal-istabbiliment ta' sistema ġuriżdizzjonali unifikata.

Għalhekk jipproponi li t-test jiġi emendat biex ikun żgurat li dan ir-regolament jidħol fis-seħħ biss meta l-ftehim dwar is-sistema ġuriżdizzjonali tiġi ratifikata minn tal-anqas disa' Stati Membri, inklużi t-tlieta bl-ogħla numru ta' applikazzjonijiet għal privattiva (ara l-Emenda 19). Din l-emenda tipprevjeni wkoll kwalunkwe ostaklu kostituzzjonali jew politiku għall-proċess ta' ratifika marbut mal-ftehim dwar il-ġuriżdizzjoni, min-naħa tal-Istati Membri individwali, li jista' jipprevjeni d-dħul fis-seħħ tar-regolamenti.

PROĊEDURA