(COM(2011)0888 – C7‑0508/2011 – 2011/0434(COD))
Kumitat għas-Sajd
Rapporteur: Pat the Cope Gallagher
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW................5
NOTA SPJEGATTIVA.............................................................................................................13
OPINJONI tal-Kumitat għall-Iżvilupp....................................................................15
PROĊEDURA...........................................................................................................................20
dwar il-proposta għal regolament tal-Parlament Ewropew u tal-Kunsill dwar ċerti miżuri fir-rigward ta’ pajjiżi li jippermettu sajd mhux sostenibbli għall-iskop tal-konservazzjoni tal-istokkijiet tal-ħut
(
(Proċedura leġiżlattiva ordinarja: l-ewwel qari)
Il-Parlament Ewropew,
– wara li kkunsidra l-proposta tal-Kummissjoni lill-Parlament Ewropew u lill-Kunsill (
– wara li kkunsidra l-Artikolu 294(2) u l-Artikoli 207(2) u 43(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C7‑0508/2011),
– wara li kkunsidra l-opinjoni tal-Kumitat għall-Affarijiet Legali dwar il-bażi legali proposta,
– wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,
– wara li kkonsulta l-Kumitat Ekonomiku u Soċjali Ewropew,
– wara li kkunsidra l-Artikolu 55 tar-Regoli ta' Proċedura tiegħu,
– wara li kkunsidra r-rapport tal-Kumitat għas-Sajd u l-opinjoni tal-Kumitat għall-Iżvilupp (
1. Jadotta l-pożizzjoni fl-ewwel qari li tidher hawn taħt;
2. Jitlob lill-Kummissjoni terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;
3. Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.
Proposta għal Regolament
Premessa 2a (ġdida)
Test propost mill-Kummissjoni
Emenda
(2a) L-Unjoni għandha tkun tista' tirrifjuta l-importazzjoni ta' ħut li ġej minn Stat li jkun ressaq oġġezzjoni għal miżura ta' ġestjoni jew ta' konservazzjoni jew fixkel tali miżura fil-qafas ta' RFMO.
Proposta għal Regolament
Premessa 6
Test propost mill-Kummissjoni
Emenda
(6) Dawn il-miżuri għandhom jimmiraw li jneħħu l-inċentivi għall-flotot tal-pajjiż li jippermetti sajd mhux sostenibbli għal ħut fuq l-istokk ta’ interess komuni. Dan jista’ jinkiseb permezz ta’, pereżempju, restrizzjoni fuq l-importazzjonijiet ta’ prodotti ta’ ħut maqbuda minn bastimenti li jagħmlu s-sajd fuq stokk ta’ interess komuni taħt ir-responsabbiltà ta’ pajjiż li jippermetti sajd mhux sostenibbli, restrizzjoni fuq il-provvista ta’ servizzi tal-port lil dawk il-bastimenti, jew li jkun evitat li l-bastimenti tas-sajd tal-Unjoni jew it-tagħmir tas-sajd tal-Unjoni jkunu jistgħu jintużaw għal sajd għall-istokk ta’ interess komuni taħt ir-responsabbiltà tal-pajjiż li jippermetti sajd mhux sostenibbli.
(6) Dawn il-miżuri għandhom jimmiraw li jneħħu l-inċentivi għall-flotot tal-pajjiż li jippermetti sajd mhux sostenibbli għal ħut fuq l-istokk ta’ interess komuni. Dan jista’ jinkiseb permezz ta’, pereżempju, restrizzjoni fuq l-importazzjonijiet kollha ta’ ħut u prodotti tal-ħut li joriġinaw minn pajjiż li jippermetti sajd mhux sostenibbli, restrizzjoni fuq il-provvista ta’ servizzi tal-port lill-bastimenti li jtajru l-bandiera ta’ dak il-pajjiż jew li bastimenti tas-sajd tal-Unjoni jew it-tagħmir tas-sajd tal-Unjoni jinżammu milli jintużaw għal sajd għall-istokk ta’ interess komuni taħt ir-responsabbiltà tal-pajjiż li jippermetti sajd mhux sostenibbli.
Ġustifikazzjoni
Dan l-att għandu jipprovdi lill-UE b’għodda soda, li tippermetti l-aktar azzjoni wiesgħa possibbli, mhux limitata għall-“istokkijiet ta’ interess komuni” jew “speċijiet assoċjati".
Proposta għal Regolament
Premessa 8
Test propost mill-Kummissjoni
Emenda
(8) Jeħtieġ li l-adozzjoni ta’ dawn il-miżuri tkun ippreċeduta minn evalwazzjoni tal-effetti ambjentali, kummerċjali, ekonomiċi u soċjali mistennija tagħhom.
(8) Biex il-miżuri ppjanati ma jiġux applikati b'mod li jkun jista' jikkostitwixxi mezz ta' diskriminazzjoni arbitrarja jew inġustifikabbli bejn pajjiżi bl-istess kundizzjonijiet, jew restrizzjoni moħbija għall-kummerċ internazzjonali, jeħtieġ li l-adozzjoni ta’ dawn il-miżuri tkun ippreċeduta minn evalwazzjoni tal-effetti ambjentali, kummerċjali, ekonomiċi u soċjali mistennija tagħhom.
Ġustifikazzjoni
Din l-emenda tissostitwixxi l-emenda 2 tal-abbozz ta' rapport.
Proposta għal Regolament
Artikolu 1− paragrafu 1
Test propost mill-Kummissjoni
Emenda
1. Dan ir-Regolament jistabbilixxi l-qafas għall-adozzjoni ta’ ċerti miżuri rigward attivitajiet u politiki relatati mas-sajd minn pajjiżi terzi bil-għan li jiżguraw is-sostenibbiltà fit-tul ta’ stokkijiet ta’ ħut ta’ interess komuni bejn l-Unjoni Ewropea u dawk il-pajjiżi terzi.
1. Dan ir-Regolament jistabbilixxi l-qafas għall-adozzjoni, mill-Kummissjoni, ta’ ċerti miżuri rigward attivitajiet u politiki relatati mas-sajd minn pajjiżi terzi u għandu l-għan li jiżgura s-sostenibbiltà fit-tul ta’ stokkijiet ta’ ħut ta’ interess komuni bejn l-Unjoni Ewropea u dawk il-pajjiżi terzi.
Ġustifikazzjoni
Emenda lingwistika għal kjarifika.
Proposta għal Regolament
Artikolu 2 – paragrafu 1 – punt a
Test propost mill-Kummissjoni
Emenda
(a) "stokk ta’ interess komuni" tfisser stokk ta’ ħut li d-distribuzzjoni ġeografika tiegħu tagħmilha disponibbli għall-flotot tal-Istati Membri u tal-pajjiżi terzi u li l-ġestjoni tiegħu tirrikjedi l-kooperazzjoni bejn dawn il-pajjiżi terzi u l-Unjoni;
(a) "stokk ta’ interess komuni" tfisser stokk ta’ ħut li d-distribuzzjoni ġeografika tiegħu tagħmilha disponibbli għall-flotot tal-Istati Membri u tal-pajjiżi terzi u li l-ġestjoni tiegħu tirrikjedi l-kooperazzjoni bejn dawn il-pajjiżi terzi u l-Unjoni, jew stokk tal-ħut ġestit fil-qafas tal-RFMOs li l-Unjoni hija parti kontraenti fihom;
Proposta għal Regolament
Artikolu 2 – punt b
Test propost mill-Kummissjoni
Emenda
(b) "speċi assoċjata" tfisser kwalunkwe speċi ta’ ħut li tidher f’sajd imħallat bi stokk ta’ interess komuni;
imħassar
Ġustifikazzjoni
Konformi mal-emendi ta’ Premessa 6 u l-Artikolu 4(c) u (d).
Proposta għal Regolament
Artikolu 2 − punt c
Test propost mill-Kummissjoni
Emenda
(c) "sajd imħallat" tfisser sajd fejn ikunu preżenti aktar minn speċi waħda fiż-żona fejn ikun qiegħed isir is-sajd u li huma vulnerabbli li jinqabdu fix-xbieki tas-sajd.
imħassar
Ġustifikazzjoni
Din id-definizzjoni m’għadhiex meħtieġa, b’konformità mal-emendi 1 u 3.
Proposta għal Regolament
Artikolu 3 – paragrafu 1 – punt b
Test propost mill-Kummissjoni
Emenda
(b) adotta dawn il-miżuri mingħajr kunsiderazzjoni xierqa għad-drittijiet, l-interessi u d-doveri ta’ oħrajn, inkluża l-Unjoni Ewropea, u dawk il-miżuri ta’ ġestjoni tas-sajd iwasslu għal attivitajiet tas-sajd li jwasslu l-istokk taħt il-livelli li jistgħu jipproduċu rendiment massimu sostenibbli, meta kkunsidrati flimkien mal-miżuri meħuda mill-Unjoni b’mod awtonomu jew b’kooperazzjoni ma’ pajjiżi oħrajn.
(b) adotta dawn il-miżuri mingħajr kunsiderazzjoni xierqa għad-drittijiet, l-interessi u d-doveri ta’ oħrajn, inkluża l-Unjoni Ewropea, u dawk il-miżuri ta’ ġestjoni tas-sajd iwasslu għal attivitajiet tas-sajd li jwasslu l-istokk taħt il-livelli li jistgħu jipproduċu rendiment massimu sostenibbli, meta kkunsidrati flimkien mal-miżuri meħuda mill-Unjoni b’mod awtonomu jew b’kooperazzjoni ma’ pajjiżi oħrajn, jew
(c) ma adottax il-miżuri ta' ġestjoni approvati fil-qafas tal-RFMO li tiġġestixxi l-istokk, jew irrifjuta li jagħmel dan.
Proposta għal Regolament
Artikolu 3 − paragrafu 2
Test propost mill-Kummissjoni
Emenda
2. Għall-finijiet tal-paragrafu 1(b)(ii), il-livelli tal-istokkijiet li jistgħu jipproduċu rendiment massimu sostenibbli għandhom jiġu stabbiliti fuq il-bażi tal-aqwa pariri xjentifiċi disponibbli.
2. Għall-finijiet tal-paragrafu 1(b)(ii), l-aqwa pariri xjentifiċi disponibbli għandhom jiddeterminaw il-livelli tal-istokkijiet li jistgħu jipproduċu rendiment massimu sostenibbli.
Proposta għal Regolament
Artikolu 4 − paragrafu 1 − punt c
Test propost mill-Kummissjoni
Emenda
(c) timponi restrizzjonijiet kwantitattivi fuq l-importazzjonijiet fl-Unjoni ta’ ħut jew prodotti ta’ ħut magħmula minn jew li fihom tali ħut, li joriġinaw mill-istokk ta’ interess komuni u li nqabdu taħt il-kontroll tal-pajjiż li jippermetti sajd mhux sostenibbli;
imħassar
Ġustifikazzjoni
Dan il-paragrafu m’hemmx bżonnu, għax il-miżuri huma definiti fl-Artikolu 4(1)(d).
Proposta għal Regolament
Artikolu 4 - paragrafu 1 - punt d
Test propost mill-Kummissjoni
Emenda
(d) timponi restrizzjonijiet kwantitattivi fuq l-importazzjonijiet fl-Unjoni ta’ ħut ta’ kwalunkwe speċi assoċjata, u prodotti ta’ ħut magħmula minn jew li fihom tali ħut, meta jinqabdu waqt li jkun qiegħed isir sajd fuq l-istokk ta’ interess komuni taħt il-kontroll tal-pajjiż li jippermetti sajd mhux sostenibbli; f’każ bħal dan, il-Kummissjoni għandha tiddefinixxi mezzi xierqa sabiex tistabbilixxi liema qabdiet jaqgħu fil-kamp ta’ applikazzjoni tal-miżura;
(d) timponi restrizzjonijiet kwantitattivi fuq l-importazzjonijiet fl-Unjoni tal-ħut kollu ta’ kwalunkwe speċi li jinqabdu waqt li jkun qiegħed isir sajd taħt il-kontroll tal-pajjiż li jippermetti sajd mhux sostenibbli ta' stokkijiet ta' interess komuni, kif ukoll ta' prodotti tal-ħut magħmul minn tali ħut jew li fih tali ħut;
Proposta għal Regolament
Artikolu 4 – paragrafu 1 – punt e
Test propost mill-Kummissjoni
Emenda
(e) timponi restrizzjonijiet fuq l-użu tal-portijiet tal-Unjoni minn bastimenti li jtajru l-bandiera tal-pajjiż li jippermetti sajd mhux sostenibbli għall-istokk ta’ interess komuni u minn bastimenti li jittrasportaw ħut u prodotti ta’ ħut li joriġinaw mill-istokk ta’ interess komuni li nqabdu minn bastimenti li jtajru l-bandiera tal-pajjiż li jippermetti sajd mhux sostenibbli jew minn bastimenti awtorizzati minnu filwaqt li jtajru bandiera oħra; dawn ir-restrizzjonijiet ma għandhomx japplikaw f’każijiet ta’ force majeure jew periklu skont it-tifsira tal-Artikolu 18 tal-UNCLOS (force majeure jew periklu) għal servizzi strettament meħtieġa biex jirrimedjaw dawk is-sitwazzjonijiet;
(e) timponi restrizzjonijiet fuq l-użu tal-portijiet tal-Unjoni minn bastimenti tas-sajd li jtajru l-bandiera tal-pajjiż li jippermetti sajd mhux sostenibbli; dawn ir-restrizzjonijiet ma għandhomx japplikaw f’każijiet ta’ force majeure jew periklu skont it-tifsira tal-Artikolu 18 tal-UNCLOS (force majeure jew periklu) għal servizzi strettament meħtieġa biex jirrimedjaw dawk is-sitwazzjonijiet;
Ġustifikazzjoni
Din l-emenda tissostitwixxi l-emenda 9 tal-abbozz ta' rapport.
Proposta għal Regolament
Artikolu 5 – paragrafu 1 – punt b
Test propost mill-Kummissjoni
Emenda
(b) magħmula effettivi b’rabta mar-restrizzjonijiet fuq is-sajd minn bastimenti tal-Unjoni jew fuq il-produzzjoni jew il-konsum fi ħdan l-Unjoni applikabbli għall-ħut, u prodotti tal-ħut magħmula minn jew li jkun fihom tali ħut, tal-ispeċi li għalihom ġew adottati l-miżuri skont dan ir-Regolament. Dawn ir-restrizzjonijiet, fil-każ ta’ speċi assoċjati, jistgħu japplikaw biss meta dawn jinqabdu waqt li jkun qiegħed isir sajd fuq l-istokk ta’ interess komuni.
(b) magħmula effettivi b’rabta mar-restrizzjonijiet fuq is-sajd minn bastimenti tal-Unjoni jew fuq il-produzzjoni jew il-konsum fi ħdan l-Unjoni applikabbli għall-ħut, u prodotti tal-ħut magħmula minn jew li jkun fihom tali ħut, tal-ispeċi li għalihom ġew adottati l-miżuri skont dan ir-Regolament.
Ġustifikazzjoni
Konformi mat-tħassir ta’ “speċijiet assoċjati” fl-Artikolu 4(1)(d).
Proposta għal Regolament
Artikolu 5 – paragrafu 4
Test propost mill-Kummissjoni
Emenda
4. Meta tiġi biex tadotta l-miżuri skont dan ir-Regolament, il-Kummissjoni għandha tevalwa l-effetti ambjentali, kummerċjali, ekonomiċi u soċjali ta’ dawk il-miżuri fuq perjodu ta’ żmien qasir jew twil, kif ukoll il-piż amministrattiv assoċjat mal-implimentazzjoni tagħhom.
4. Meta tiġi biex tadotta l-miżuri skont dan ir-Regolament, il-Kummissjoni għandha tevalwa l-effetti ambjentali, kummerċjali, ekonomiċi u soċjali ta’ dawk il-miżuri fuq perjodu ta’ żmien qasir jew twil, kif ukoll il-piż amministrattiv assoċjat mal-implimentazzjoni tagħhom, sabiex tara li l-miżuri ppjanati ma jiġux applikati b'mod li jista' joħloq mezz ta' diskriminazzjoni arbitrarja jew inġustifikabbli bejn pajjiżi bl-istess kundizzjonijiet, jew li joħloq restrizzjoni moħbija għall-kummerċ internazzjonali.
Ġustifikazzjoni
Din l-emenda tissostitwixxi l-emenda 11 tal-abbozz ta' rapport.
Proposta għal Regolament
Artikolu 6 – paragrafu 3
Test propost mill-Kummissjoni
Emenda
3. Qabel tadotta miżuri skont l-Artikolu 4, il-Kummissjoni għandha tipprovdi lill-pajjiż terz ikkonċernat b’opportunità raġonevoli li jwieġeb għan-notifika bil-miktub u biex jirrimedja s-sitwazzjoni.
3. Qabel tadotta miżuri skont l-Artikolu 4, il-Kummissjoni għandha tipprovdi lill-pajjiż terz ikkonċernat b’opportunità raġonevoli li jwieġeb għan-notifika bil-miktub u biex jirrimedja s-sitwazzjoni fi żmien xahar wara li tirċievi n-notifika.
Proposta għal Regolament
Artikolu 8 − paragrafu 3a (ġdid)
Test propost mill-Kummissjoni
Emenda
3a. Ir-rapport ta' evalwazzjoni msemmi fl-Artikolu 5(4), għandu jkun disponibbli għall-Parlament Ewropew u l-Kunsill bi qbil mal-proċedura pprovduta fl-Artikolu 10(4) tar-Regolament Nru 182/2011 flimkien ma' dokumenti oħra provduti miegħu.
Ġustifikazzjoni
Emenda ta' kompromess dwar il-premessa 8. Biex ikun hemm konsegwenzi legali il-premessa jeħtieġ tkun riflessa f'Artikolu. Il-Kummissjoni hi obbligata tinforma lill-PE u lill-Kunsill skont ir-Regolament Nru 182/2011.
Il-ksur ripetut tal-Konvenzjoni tan-NU dwar il-Liġi tal-Baħar u tal-Ftehim tan-NU dwar l-Istokkijiet tal-Ħut, flimkien mal-azzjonijiet unilaterali li ma jirrispettawx ir-rekwiżiti ta’ kooperazzjoni imposti mill-Organizzazzjonijiet Reġjonali tal-Ġestjoni tas-Sajd (RFMOs) fuq l-istati tal-kosta għall-ġestjoni responsabbli ta' stokkijiet tal-ħut transżonali u li jpassi ħafna, jitlob li titfassal għodda legali xierqa li tippermetti lill-UE tirreaġixxi kontra l-imġiba mhux kooperattiva tal-Istati konċernati.
Kwalunkwe nuqqas ovvju ta’ rieda tajba rigward ħidma favur miżuri miftiehma għandu jiġi trattat b’azzjoni soda, għax dan jista’ mhux biss jaffettwa ħażin is-sajd tal-UE, iżda wkoll iwassal għal tnaqqis konsiderevoli tal-istokkijiet tal-ħut, minkejja li Stati oħra tal-kosta jimpenjaw ruħhom li jimmoderaw l-isforz tas-sajd tagħhom.
L-UE, li hi suq ta’ destinazzjoni li jħalli l-qligħ tal-prodotti tas-sajd, għandha responsabbiltà partikolari li tiżgura s-sajd sostenibbli u r-rispett tal-obbligi derivati mill-ġestjoni komuni ta’ stokkijiet ta’ ħut transżonali u li jpassi. Għaldaqstant jeħtieġ li nipprovdu lill-UE b'mezzi effettivi biex tieħu azzjoni kontra kwlaunkwe Stat li mhux lest li jassumi din ir-responsabilità, jew li ma jikkooperax fl-adozzjoni u l-implimentazzjoni tal-miżuri ta' ġestjoni miftiehma, sabiex jiġi diżinċentivat is-sajd mhux sostenibbli.
Ir-rapportuer għaldaqstant jappoġġa għalkollox il-proposta tal-Kummissjoni li tuża miżuri kummerċjali u tipi oħra ta’ miżuri f’sitwazzjonijiet bħal dawk deskritti hawn fuq, iżda jitlob li jkun hemm messaġġ politiku ċar, inkluż approċċ aktar ċar u miżuri sodi u effettivi. Il-miżuri kummerċjali li għandhom jiġu applikati m’għandhomx ikunu limitati għall-importazzjonijiet tal-“istokkijiet ta’ interess komuni” u tal-“ispeċijiet assoċjati” biss, iżda għandhom japplikaw għall-importazzjonijiet kollha ta’ ħut u prodotti tas-sajd tal-ispeċijiet kollha li joriġinaw minn pajjiżi li jippermettu s-sajd mhux sostenibbli.
għall-Kumitat għas-Sajd
(
Rapporteur għal opinjoni: Maurice Ponga
ĠUSTIFIKAZZJONI QASIRA
Din il-proposta l-ġdida tal-Kummissjoni għandha l-għan li tippromwovi l-kooperazzjoni bejn l-Istati ħalli tassew jiġi implimentat sajd sostenibbli li jiżgura kemm il-konservazzjoni tal-istokkijiet tal-ħut kif ukoll l-użu ottimali ta’ dawn l-istokkijiet.
Għal dan il-għan, jeħtieġ li l-Unjoni Ewropea jkollha għad-dispożizzjoni tagħha strumenti adegwati u effikaċi biex tissanzjona Stati li jkunu responsabbli għal miżuri u prattiki li jwasslu biex l-istokkijiet jiġu sfruttati żżejjed, jew li ma jikkooperawx bona fide biex jieħdu mizuri adegwati ta’ ġestjoni.
Ir-regolament il-ġdid, kif ippreżentat mill-Kummissjoni Ewropea, jipprovdi diversi miżuri bil-għan li jissanzjonaw pajjiżi li jawtorizzaw sajd mhux sostenibbli, u dan bil-ħsieb li tkun iggarantita l-vijabbiltà fit-tul tal-istokkijiet tal-ħut ta’ interess komuni għall-Unjoni Ewropea u l-pajjiżi terzi.
Jeħtieġ, b’mod partikolari, li:
- jiġu imposti restrizzjonijiet kwantitattivi fuq l-importazzjoni fl-Unjoni ta’ ħut u prodotti tal-ħut maqbuda taħt il-kontroll ta’ pajjiż li jawtorizza s-sajd mhux sostenibbli, jew inkella restrizzjonijiet fuq l-użu tal-portijiet tal-Unjoni minn bastimenti li jtajru l-bandiera ta’ pajjiż li jawtorizza s-sajd mhux sostenibbli;
- l-operaturi ekonomiċi tal-Unjoni la jitħallew jixtru bastimenti li jtajru l-bandiera ta’ pajjiż li jawtorizza s-sajd mhux sostenibbli u lanqas jittrasferixxu bastimenti tas-sajd li jtajru l-bandiera ta’ Stat Membru għall-bandiera ta' pajjiż li jawtorizza s-sajd mhux sostenibbli;
- tkun projbita l-esportazzjoni ta’ bastimenti tas-sajd jew ta' rkaptu u tagħmir tas-sajd lejn pajjiż li jawtorizza s-sajd mhux sostenibbli;
- jkun hemm projbizzjoni tal-konklużjoni ta’ ftehimiet kummerċjali privati tas-sajd ma’ pajjiżi li jawtorizzaw is-sajd mhux sostenibbli, kif ukoll ta’ operazzjonijiet konġunti tas-sajd li fihom jieħdu sehem bastimenti tas-sajd li jtajru l-bandiera ta’ pajjiż li jawtorizza s-sajd mhux sostenibbli.
Ir-rapporteur iqis li dan ir-regolament il-ġdid jikkontribwixxi għall-promozzjoni u l-implimentazzjoni tas-sajd sostenibbli u responsabbi fil-livell dinji, u li huwa konness mill-qrib mar-regolament dwar il-ġlieda kontra s-sajd illegali, mhux dikjarat u mhux regolat. Għaldaqstant lill-Kummissjoni jifirħilha tal-inizjattiva tagħha f’dan ir-rigward.
Madankollu, ir-rapporteur jidhirlu li, f’ġieħ il-koerenza tal-politiki mal-objettivi tal-politika tal-iżvilupp, kif jipprovdi l-Artikolu 208 tat-TFUE, jeħtieġ li jkun żgurat li l-miżuri meħuda fil-politika tas-sajd u l-politika tal-kummerċ ikunu komplimentari u koerenti mal-miżuri mħaddma fil-politika tal-iżvilupp. Konsegwentement, fil-fehma tar-rapporteur, jeħtieġ li jsir provvediment ta’ miżuri partikolari għall-pajjiżi li qed jiżviluppaw, biex jitqiesu debitament il-kapaċitajiet finanzjarji, tekniċi u materjali tagħhom, kif ukoll ħtiġijiethom.
Fl-aħħar nett, ir-rapporteur iqis li jeħtieġ li tiddaħħal klawsola ta’ rieżami bil-għan li jingħarblu l-effikaċja u l-pertinenza tar-regolament, u li, jekk ikun hemm bżonn, jitressqu l-emendi rilevanti.
EMENDI
Il-Kumitat għall-Iżvilupp jistieden lill-Kumitat għas-Sajd, bħala l-kumitat responsabbli, sabiex jinkorpora l-emendi li ġejjin fir-rapport tiegħu:
Proposta għal regolament
Premessa 5
Test propost mill-Kummissjoni
Emenda
(5) Barra minn hekk, jeħtieġ li jiġi definit it-tip ta’ miżuri li jistgħu jittieħdu fir-rigward ta’ dawk il-pajjiżi li jippermettu sajd mhux sostenibbli u li jiġu stabbiliti l-kondizzjonijiet ġenerali għall-adozzjoni ta’ dawn il-miżuri sabiex ikunu bbażati fuq kriterji oġġettivi, filwaqt li jkunu ekwitabbli, kost-effettivi u kompatibbli mal-liġi internazzjonali, b’mod partikolari l-Ftehim li jistabbilixxi l-Organizzazzjoni Dinjija tal-Kummerċ.
(5) Barra minn hekk, jeħtieġ li jiġi definit it-tip ta’ miżuri li jistgħu jittieħdu fir-rigward ta’ dawk il-pajjiżi li jippermettu sajd mhux sostenibbli u li jiġu stabbiliti l-kondizzjonijiet ġenerali għall-adozzjoni ta’ dawn il-miżuri sabiex ikunu bbażati fuq kriterji oġġettivi, filwaqt li jkunu ekwitabbli, kost-effettivi u kompatibbli mal-liġi internazzjonali, b’mod partikolari l-Ftehim li jistabbilixxi l-Organizzazzjoni Dinjija tal-Kummerċ. Dawn il-miżuri għandhom iqisu b'mod partikolari l-livell ta' żvilupp u l-vulnerabbiltà tal-pajjiż ikkonċernat.
Ġustifikazzjoni
Jeħtieġ li jittieħed inkonsiderazzjoni l-livell tal-iżvilupp u l-vulnerabbiltà tal-pajjiż li jitiqes li qed jawtorizza s-sajd mhux sostenibbli. Effettivament, ma jistax ikun li l-istess esiġenzi jkunu imposti fuq pajjiżi li qed jiżviluppaw.
Il-ftehim tal-1995 dwar l-applikazzjoni tad-dispożizzjonijiet tal-Konvenzjoni tan-NU dwar il-Liġi tal-baħar tal-1982 dwar il-Konservazzjoni u l-Ġestjoni ta’ Stokkijiet ta’ Ħut Transżonali u Stokkijiet ta’ Ħut Ferm Migratorju jipprovdi fil-Parti VII tiegħu dispożizzjonijiet partikolari għall-pajjiżi li qed jiżviluppaw.
Proposta għal regolament
Artikolu 5 – paragrafu 4
Test propost mill-Kummissjoni
Emenda
4. Meta tiġi biex tadotta l-miżuri skont dan ir-Regolament, il-Kummissjoni għandha tevalwa l-effetti ambjentali, kummerċjali, ekonomiċi u soċjali ta’ dawk il-miżuri fuq perjodu ta’ żmien qasir jew twil, kif ukoll il-piż amministrattiv assoċjat mal-implimentazzjoni tagħhom.
4. Qabel ma tadotta l-miżuri skont dan ir-Regolament, il-Kummissjoni għandha tevalwa l-effetti ambjentali, kummerċjali, ekonomiċi u soċjali ta’ dawk il-miżuri fuq perjodu ta’ żmien qasir jew twil, kif ukoll il-piż amministrattiv assoċjat mal-implimentazzjoni tagħhom. Fl-evalwazzjni tagħha, il-Kummissjoni għandha tqis kif jixraq il-livell tal-iżvilupp tal-pajjiż ikkonċernat, il-vulnerabbiltà u l-kapaċitajiet finanzjarji, materjali u tekniċi tiegħu, kif ukoll il-konsegwenzi tal-miżuri msemmija fuq il-politiki tal-iżvilupp li jistgħu jiġu implimentati f’dak il-pajjiż.
(In-numerazzjoni żbaljata fil-verżjoni Franċiża tal-proposta tal-Kummissjoni għandha tiġi kkoreġuta.)
Ġustifikazzjoni
Huwa ta’ importanza kruċjali l-Kummissjoni, meta tagħmel l-evalwazzjoni, tikkunsidra s-sitwazzjoni partikolari tal-pajjiżi li qed jiżviluppaw u l-azzjonijiet meħuda f’dawn il-pajjiżi taħt il-politika tal-iżvilupp. Effettivament, il-miżuri għandhom ikunu komplimentari u koerenti.
Proposta għal regolament
Artikolu 8a (ġdid)
Test propost mill-Kummissjoni
Emenda
Artikolu 8 a
Rieżami u rappurtar dwar l-implimentazzjoni
Sa ...* u kull tliet snin wara dan, il-Kummissjoni għandha teżamina mill-ġdid l-implimentazzjoni ta' dan ir-Regolament u tirrapporta lill-Parlament Ewropew u lill-Kunsill.
Ir-rapport għandu jivvaluta b’mod partikolari:
- il-pajjiżi li fir-rigward tagħhom ġew adottati xi miżuri;
- il-miżuri adottati mill-Kummissjoni;
- il-korrezzjonijiet imwettqa mill-pajjiżi li dwarhom ittieħdu miżuri; kif ukoll
- l-effetti li l-miżuri adotatti kellhom fuq is-sostenibbiltà tas-sajd.
Jekk dan ikun f’loku, ir-rapport għandu jkun akkumpanjat minn proposta għal emendi għal dan ir-Regolament.
________________
* ĠU Għandha tiddaħħal data: sentejn wara d-dħul fis-seħħ ta’ dan ir-Regolament.
Ġustifikazzjoni
Jeħtieġ li tkun provduta klawsola ta’ rieżami biex il-Parlament Ewropew ikun jista’ jemenda r-Regolament, jekk ikun hemm bżonn, bil-għan li jirrispondi għad-diffikultajiet u l-ostakli li jkunu nqalgħu fl-applikazzjoni tiegħu.
PROĊEDURA
Titolu | Ċerti miżuri fir-rigward ta’ pajjiżi li jippermettu sajd mhux sostenibbli għall-iskop tal-konservazzjoni tal-istokkijiet tal-ħut | ||||
Referenzi | |||||
Kumitat responsabbli Data tat-tħabbir fis-seduta plenarja | PECH 17.1.2012 |
|
|
| |
Kumitat(i) mitlub(a) jagħti/u opinjoni Data tat-tħabbir fis-seduta plenarja | DEVE 17.1.2012 |
|
|
| |
Rapporteur(s) Data tal-ħatra | Maurice Ponga 10.2.2012 |
|
|
| |
Eżami fil-kumitat | 1.3.2012 |
|
|
| |
Data tal-adozzjoni | 27.3.2012 |
|
|
| |
Riżultat tal-votazzjoni finali | +: –: 0: | 26 0 0 | |||
Membri preżenti għall-votazzjoni finali | Michael Cashman, Ricardo Cortés Lastra, Corina Creţu, Nirj Deva, Leonidas Donskis, Charles Goerens, Catherine Grèze, Filip Kaczmarek, Franziska Keller, Gay Mitchell, Norbert Neuser, Bill Newton Dunn, Maurice Ponga, Birgit Schnieber-Jastram, Michèle Striffler, Alf Svensson, Eleni Theocharous, Patrice Tirolien, Ivo Vajgl, Anna Záborská, Iva Zanicchi, Gabriele Zimmer | ||||
Sostitut(i) preżenti għall-votazzjoni finali | Enrique Guerrero Salom, Edvard Kožušník, Cristian Dan Preda, Patrizia Toia | ||||
Titolu | Ċerti miżuri fir-rigward ta’ pajjiżi li jippermettu sajd mhux sostenibbli għall-iskop tal-konservazzjoni tal-istokkijiet tal-ħut | ||||
Referenzi | |||||
Data meta ġiet ippreżentata lill-PE | 14.12.2011 |
|
|
| |
Kumitat responsabbli Data tat-tħabbir fis-seduta plenarja | PECH 17.1.2012 |
|
|
| |
Kumitat(i) mitlub(a) jagħti/u opinjoni Data tat-tħabbir fis-seduta plenarja | DEVE 17.1.2012 | ENVI 17.1.2012 |
|
| |
Opinjoni(jiet) mhux mogħtija Data tad-deċiżjoni | ENVI 24.1.2012 |
|
|
| |
Rapporteur(s) Data tal-ħatra | Pat the Cope Gallagher 6.1.2012 |
|
|
| |
Eżami fil-kumitat | 26.1.2012 | 29.2.2012 |
|
| |
Data tal-adozzjoni | 24.4.2012 |
|
|
| |
Riżultat tal-votazzjoni finali | +: –: 0: | 23 0 0 | |||
Membri preżenti għall-votazzjoni finali | Antonello Antinoro, Kriton Arsenis, Alain Cadec, Chris Davies, João Ferreira, Carmen Fraga Estévez, Pat the Cope Gallagher, Dolores García-Hierro Caraballo, Marek Józef Gróbarczyk, Carl Haglund, Ian Hudghton, Iliana Malinova Iotova, Werner Kuhn, Isabella Lövin, Gabriel Mato Adrover, Guido Milana, Maria do Céu Patrão Neves, Crescenzio Rivellini, Ulrike Rodust, Raül Romeva i Rueda, Struan Stevenson, Catherine Trautmann, Jarosław Leszek Wałęsa | ||||
Sostitut(i) preżenti għall-votazzjoni finali | Diane Dodds, Barbara Matera, Jens Nilsson, Nikolaos Salavrakos | ||||
Data tat-tressiq | 25.4.2012 | ||||