Test propost mill-Kummissjoni

Emenda

(4) Id-Deċiżjoni 1/CP.15 tal-Konferenza tal-Partijiet għall-UNFCCC ('Deċiżjoni 1/CP.15' jew il-'Qbil ta’ Kopenħagen') u d-Deċiżjoni 1/CP.16 tal-Konferenza tal-Partijiet għall-UNFCCC ('Deċiżjoni 1/CP.16' jew il-'Ftehimiet ta’ Cancún') ikkontribwixxew b’mod sinifikanti għall-progress fl-indirizzar tal-isfidi mqajma mit-tibdil fil-klima b’mod bilanċjat. Dawk id-deċiżjonijiet introduċew rekwiżiti ġodda ta’ monitoraġġ u ta' rapportar li japplikaw għall-implimentazzjoni ta’ tnaqqis ambizzjuż fl-emissjonijiet, li l-Unjoni u l-Istati Membri tagħha kienu taw l-impenn tagħhom għaliha, u pprovdew appoġġ lill-pajjiżi li qegħdin fil-fażi tal-iżvilupp. Dawk id-deċiżjonijiet irrikonoxxew ukoll l-importanza li l-adattament jiġi indirizzat bl-istess prijorità bħall-mitigazzjoni. Id-Deċiżjoni 1/CP.16 tesiġi wkoll li l-pajjiżi żviluppati jelaboraw l-istrateġiji jew il-pjanijiet ta’ żvilupp b’emissjonijiet baxxi ta’ karbonju. Dawn l-istrateġiji jew pjanijiet huma mistennija li jikkontribwixxu lejn il-bini ta’ soċjetà b’emissjonijiet baxxi ta’ karbonju u li jiżguraw tkabbir għoli u żvilupp sostenibbli kontinwi. Dan ir-Regolament għandu jiffaċilita, permezz tal-atti ddelegati tiegħu, l-implimentazzjoni ta’ dawn ir-rekwiżiti ta’ monitoraġġ u ta' rapportar, kif ukoll dawk futuri, li joħorġu minn deċiżjonijiet ulterjuri jew mill-approvazzjoni ta’ ftehim internazzjonali skont il-UNFCCC.

(4) Id-Deċiżjoni 1/CP.15 tal-Konferenza tal-Partijiet għall-UNFCCC ('Deċiżjoni 1/CP.15' jew il-'Qbil ta’ Kopenħagen') u d-Deċiżjoni 1/CP.16 tal-Konferenza tal-Partijiet għall-UNFCCC ('Deċiżjoni 1/CP.16' jew il-'Ftehimiet ta’ Cancún') ikkontribwixxew b’mod sinifikanti għall-progress fl-indirizzar tal-isfidi mqajma mit-tibdil fil-klima b’mod bilanċjat. Dawk id-deċiżjonijiet introduċew rekwiżiti ġodda ta’ monitoraġġ u ta' rapportar li japplikaw għall-implimentazzjoni ta’ tnaqqis ambizzjuż fl-emissjonijiet, li l-Unjoni u l-Istati Membri tagħha kienu taw l-impenn tagħhom għaliha, u pprovdew appoġġ lill-pajjiżi li qegħdin fil-fażi tal-iżvilupp. Dawk id-deċiżjonijiet irrikonoxxew ukoll l-importanza li l-adattament jiġi indirizzat bl-istess prijorità bħall-mitigazzjoni. Id-Deċiżjoni 1/CP.16 tesiġi wkoll li l-pajjiżi żviluppati jelaboraw l-istrateġiji jew il-pjanijiet ta’ żvilupp b’emissjonijiet baxxi ta’ karbonju. Dawn l-istrateġiji jew pjanijiet huma mistennija li jikkontribwixxu lejn il-bini ta’ soċjetà b’emissjonijiet baxxi ta’ karbonju u li jiżguraw tkabbir għoli u żvilupp sostenibbli kontinwi, u għandu jkollhom riżoluzzjoni/speċifikazzjoni spazjali u għandhom ikunu wkoll konsistenti ma' perkors kosteffiċjenti lejn il-mira fit-tul rigward il-klima, i.e. tnaqqis tal-emissjonijiet nazzjonali ta' mill-inqas 40% sal-2030 u ta' 60% sal-2040 meta mqabbla mal-livelli tal-1990. Dan ir-Regolament għandu jiffaċilita, permezz tal-atti ddelegati tiegħu, l-implimentazzjoni ta’ dawn ir-rekwiżiti ta’ monitoraġġ u ta' rapportar, kif ukoll dawk futuri, li joħorġu minn deċiżjonijiet ulterjuri jew mill-approvazzjoni ta’ ftehim internazzjonali skont il-UNFCCC.

Test propost mill-Kummissjoni

Emenda

(5) Il-Pakkett tal-Klima u l-Enerġija adottat fl-2009, b’mod partikolari d-Deċiżjoni Nru 406/2009/KE tat-23 ta’ April 2009 dwar l-isforzi tal-Istati Membri biex inaqqsu l-emissjonijiet tagħhom tal-gassijiet serra biex jonoraw l-impenji tal-Komunità għat-tnaqqis tal-emissjonijiet tal-gass serra sal-2020 u d-Direttiva 2009/29/KE tat-23 ta’ April 2009 li temenda d-Direttiva 2003/87/KE għat-titjib u l-estensjoni tal-iskema Komunitarja għall-iskambju tal-kwoti tal-emissjonijiet ta’ gassijiet serra, jikkostitwixxi impenn qawwi ieħor mill-Unjoni u l-Istati Membri li jnaqqsu l-emissjonijiet tagħhom ta’ gassijiet b’effett ta’ serra b’mod sinjifikanti. Is-sistema tal-Unjoni għall-monitoraġġ u r-rapportar tal-emissjonijiet għandha tiġi aġġornata wkoll fid-dawl tar-rekwiżiti l-ġodda skont dik il-leġiżlazzjoni.

(5) Il-Pakkett tal-Klima u l-Enerġija adottat fl-2009, b’mod partikolari d-Deċiżjoni Nru 406/2009/KE tat-23 ta’ April 2009 dwar l-isforzi tal-Istati Membri biex inaqqsu l-emissjonijiet tagħhom tal-gassijiet serra biex jonoraw l-impenji tal-Komunità għat-tnaqqis tal-emissjonijiet tal-gass serra sal-2020, id-Direttiva 2009/29/KE tat-23 ta’ April 2009 li temenda d-Direttiva 2003/87/KE għat-titjib u l-estensjoni tal-iskema Komunitarja għall-iskambju tal-kwoti tal-emissjonijiet ta’ gassijiet serra, jikkostitwixxi impenn qawwi ieħor mill-Unjoni u l-Istati Membri li jnaqqsu l-emissjonijiet tagħhom ta’ gassijiet b’effett ta’ serra b’mod sinjifikanti. Is-sistema tal-Unjoni għall-monitoraġġ u r-rapportar tal-emissjonijiet għandha tiġi aġġornata wkoll fid-dawl tar-rekwiżiti l-ġodda skont dik il-leġiżlazzjoni. Ir-rapportar f'dan ir-Regolament għandu jislet ukoll mill-informazzjoni li jirċievu l-Istati Membri abbażi tal-implimentazzjoni tad-Direttiva 2009/28/KE tal-Parlament Ewropew u tal-Kunsill tat-23 ta' April 2009 dwar il-promozzjoni tal-użu tal-enerġija minn sorsi rinnovabbli1 u d-Direttiva 2012/.../UE tal-Parlament Ewropew u tal-Kunsill [dwar l-effiċjenza enerġetika]2.

______________

1 ĠU L 140, 5.6.2009, p. 16.

2 ĠU L ...

Test propost mill-Kummissjoni

Emenda

(7a) Ċipru u Malta huma inklużi fl-Anness I tal-Protokoll ta’ Kjoto taħt id-Deċiżjoni CP.17 tal-Konferenza tal-Partijiet għall-UNFCCC (b’seħħ mill-1 ta’ Jannar 2013 jew data aktar tard) u d-Deċiżjoni 3/CP15 tal-Konferenza tal-Partijiet għall-UNFCCC (b'seħħ mis-26 ta' Ottubru 2010) rispettivament.

Test propost mill-Kummissjoni

Emenda

(10a) Biex tkun żgurata l-effikaċja tal-arranġamenti għall-monitoraġġ u r-rapportar tal-emissjonijiet tal-gassijiet b'effett ta' serra, jeħtieġ li nevitaw li jkomplu jiżdiedu l-piżijiet finanzjarji u amministrattivi li diġà qed jerfgħu l-Istati Membri.

Test propost mill-Kummissjoni

Emenda

(12) L-Unjoni u l-Istati Membri għandhom jagħmlu ħilithom biex jipprovdu informazzjoni l-aktar aġġornata dwar l-emissjonijiet tagħhom ta’ gassijiet b’effett ta’ serra, b’mod partikolari skont il-qafas tal-istrateġija Ewropa 2020 u t-termini ta’ żmien speċifikati tagħha. Dan ir-Regolament għandu jippermetti li dawn l-estimi jitħejjew fl-iqsar perjodi ta’ żmien possibbli billi tintuża informazzjoni statistika u informazzjoni oħra.

(12) L-Unjoni u l-Istati Membri għandhom jagħmlu ħilithom biex jipprovdu l-informazzjoni l-aktar aġġornata dwar l-emissjonijiet tagħhom ta’ gassijiet b’effett ta’ serra, b’mod partikolari skont il-qafas tal-istrateġija Ewropa 2020 u t-termini ta’ żmien speċifikati tagħha u fil-qafas tal-istrateġija u l-politika spazjali Ewropea, li tindirizza sfidi importanti bħad-diżastri naturali, ir-riżorsi u l-monitoraġġ tal-klima, għall-benefiċċju taċ-ċittadini tal-Unjoni. F'dan ir-rigward, id-dejta spazjali għandha tiġi kkunsidrata bħala għodda ta' monitoraġġ ewlenija għall-Unjoni u l-Istati Membri minħabba l-kapaċità tagħha li ttejjeb l-istampa ġenerali tal-emissjonijiet ta' CO2 u CH4 kif ukoll tal-LULUCF. Għal dan il-għan, għandu jsir użu massimu mill-programm Monitoraġġ Globali tal-Ambjent u s-Sigurtà (GMES) u minn sistemi satellitari oħra biex jista' jkun hemm rapportar fil-ħin tal-emissjonijiet (kejl globali ta' kuljum ta' emissjonijiet rurali u magħmula mill-bniedem ta' CO2 u CH4 kif ukoll ta' bjar ta' CO2) u verifiki indipendenti tar-rapporti dwar l-emissjonijiet ikkalkolati. Dan ir-Regolament għandu jippermetti li dawn l-estimi jitħejjew fl-iqsar perjodi ta’ żmien possibbli billi tintuża informazzjoni statistika u informazzjoni oħra.

Test propost mill-Kummissjoni

Emenda

(13) Ir-rekwiżiti għall-monitoraġġ u r-rapportar tal-emissjonijiet mit-trasport marittimu mill-Istati Membri għandhom jiġu adottati b’mod li jkun komplementari u konsistenti ma’ kwalunkwe rekwiżiti miftiehma fil-UNFCCC jew, safejn ikun possibbli, mar-rekwiżiti applikati għall-bastimenti kif stabbilit fil-kuntest tal-Organizzazzjoni Marittima Internazzjonali ('IMO') jew permezz ta’ miżura tal-Unjoni li tindirizza l-emissjonijiet ta’ GHG mit-trasport marittimu. Tali monitoraġġ u rapportar għandhom jippermettu li dawn l-emissjonijiet jinftiehmu aħjar u għandhom jappoġġjaw l-implimentazzjoni effettiva tal-politika.

(13) Sabiex tittejjeb id-dejta dwar it-tniġġis mill-bastimenti u biex jingħelbu l-ineffiċjenzi b'riżultat tan-nuqqas ta' trasparenza tal-informazzjoni, ir-rekwiżiti għall-monitoraġġ u r-rapportar mis-sidien u l-operaturi tal-bastimenti ta' informazzjoni dwar il-klima relatata mat-trasport marittimu għandhom jiġu adottati b’mod li jkun komplementari u konsistenti ma’ kwalunkwe rekwiżit miftiehem fil-UNFCCC jew, safejn ikun possibbli, mar-rekwiżiti applikati għall-bastimenti kif stabbilit fil-kuntest tal-Organizzazzjoni Marittima Internazzjonali ('IMO') jew permezz ta’ miżura tal-Unjoni li tindirizza l-emissjonijiet ta’ GHG mit-trasport marittimu. Tali monitoraġġ u rapportar għandhom jippermettu li dawn l-emissjonijiet jinftiehmu aħjar u għandhom jappoġġjaw l-implimentazzjoni effettiva tal-politika.

Test propost mill-Kummissjoni

Emenda

(14a) L-Artikolu 6 tal-Protokoll ta' Kjoto jesiġi li l-Istati Membri jiżguraw li l-użu tal-mekkaniżmi flessibbli ta' Kjoto jkun supplementari għall-azzjoni nazzjonali, bl-għan li jitnaqqsu d-differenzi per capita fl-emissjonijiet bejn il-pajjiżi żviluppati u dawk fil-fażi ta' żvilupp. Għall-inqas nofs it-tnaqqis assolut li jkun aktar baxx mill-emissjonijiet bażi storiċi għandu jsir fl-Unjoni. Il-liġi tal-Unjoni fiha wkoll dispożizzjonijiet speċifiċi dwar ċerti tipi ta' krediti għall-proġett Mekkaniżmu għal Żvilupp Nadif li għandhom jiġu identifikati speċifikament fir-reġistri u r-rapportar tal-Istati Membri.

Test propost mill-Kummissjoni

Emenda

(16a) Huwa importanti wkoll li jsir rapportar dwar sorsi privati ta' finanzjament għall-klima fil-pajjiżi fil-fażi ta' żvlupp, li jkun differenti mill-finanzjament ta' proġetti skont mekkaniżmi flessibbli fejn il-krediti jintużaw għall-konformità mal-obbligi ta' tnaqqsis tal-gassijiet b'effett ta' serra fil-pajjiżi industrijalizzati.

Test propost mill-Kummissjoni

Emenda

(16b) Il-kontribuzzjoni tal-Unjoni għall-finanzjament internazzjonali għall-klima fil-pajjiżi fil-fażi ta' żvilupp għandha tkun allokata dejjem aktar permezz tal-baġit tal-Unjoni. Kull dħul minn miżuri biex jinkludu l-emissjonijiet tat-trasport internazzjonali fil-mira tal-Unjoni dwar il-klima għandu jinġabar ċentralment u għandu jiġi allokat lill-finanzjament internazzjonali għall-klima permezz tal-Fond Globali għall-Klima u l-Bijodiversità propost mill-Kummissjoni.

Test propost mill-Kummissjoni

Emenda

(17a) Il-Kummissjoni għandha tivvaluta fi kwalunkwe reviżjoni li se ssir tad-Direttiva 2003/87/KE, l-implimentazzjoni tad-dispożizzjonijiet rigward l-użu u r-rapportar tad-dħul mill-irkanti u għandha tqis li tassenja parti minn dak id-dħul lill-Fond Globali għall-Klima u l-Bijodiversità u lill-azzjoni dwar il-klima fl-Unjoni.

Test propost mill-Kummissjoni

Emenda

(20a) Il-linji gwida attwali tal-UNFCCC rigward ir-rapportar dwar il-gassijiet b'effett ta' serra jirrakkomandaw ir-rapportar ta' emissjonijiet tal-metan fuq perjodu ta' żmien ta' 100 sena. Minħabba l-GWP għoli u l-ħajja atmosferika relattivament qasira tiegħu, il-Kummissjoni għandha tanalizza l-implikazzjonijiet għall-politiki u l-miżuri tal-adozzjoni ta' perjodu ta' żmien ta' 20 sena għall-metan fir-rigward tal-objettivi tal-Unjoni dwar il-klima fuq perjodu medju u twil ta' żmien.

Test propost mill-Kummissjoni

Emenda

(22) L-avjazzjoni għandha impatt fuq il-klima globali minħabba d-diossidu tal-karbonju (CO2) li jiġi rilaxxat, iżda wkoll minħabba emissjonijiet u mekkaniżmi oħrajn, inklużi l-emissjonijiet ta’ ossidi tan-nitroġenu u l-formazzjoni ta’ sħab taċ-ċirru. Fid-dawl tal-għarfien xjentifiku li qiegħed jiżviluppa b’mod rapidu dwar dawn l-impatti, għandha ssir valutazzjoni aġġornata regolari tal-impatti tal-avjazzjoni mhux relatati mas-CO2 fuq il-klima globali fil-kuntest ta’ dan ir-Regolament.

(22) L-avjazzjoni għandha impatt fuq il-klima globali minħabba d-diossidu tal-karbonju (CO2) li jiġi rilaxxat, iżda wkoll minħabba emissjonijiet u mekkaniżmi oħrajn, inklużi l-emissjonijiet ta’ ossidi tan-nitroġenu u l-formazzjoni ta’ sħab taċ-ċirru. Fid-dawl tal-għarfien xjentifiku li qiegħed jiżviluppa b’mod rapidu dwar dawn l-impatti, għandha ssir valutazzjoni aġġornata regolari tal-impatti tal-avjazzjoni mhux relatati mas-CO2 fuq il-klima globali fil-kuntest ta’ dan ir-Regolament, u għandhom isiru rakkomandazzjonijiet dwar possibilitajiet politiċi fattibli biex jiġu indirizzati.

Test propost mill-Kummissjoni

Emenda

(25) Sabiex tiżgura kondizzjonijiet uniformi għall-implimentazzjoni tal-Artikolu 20(5) ta’ dan ir-Regolament, il-Kummissjoni għandha tingħata setgħat ta’ implimentazzjoni. Sabiex jiġu stabbiliti rekwiżiti ta’ rapportar armonizzati għall-monitoraġġ tal-emissjonijiet ta’ gassijiet b’effett ta’ serra u informazzjoni oħra rilevanti għall-politika dwar it-tibdil fil-klima, is-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea għandha tiġi ddelegata lill-Kummissjoni fir-rigward tar-reviżjoni tal-Anness I ta’ dan ir-Regolament, ir-rapportar tal-Istati Membri dwar l-LULUCF u t-trasport marittimu, is-sistemi nazzjonali tal-Istati Membri, ir-reviżjoni esperta tad-dejta tal-inventarji tal-Istati Membri, ir-rekwiżiti dettaljati fuq il-kontenut, l-istruttura, il-format u l-proċessi tal-preżentazzjoni tar-rapportar tal-Istati Membri, kif ukoll ir-revoka u l-emendar ta’ ċerti obbligi skont dan ir-Regolament. Hija ta' importanza partikolari li l-Kummissjoni twettaq konsultazzjonijiet matul il-ħidma ta’ tħejjija tagħha, inkluż fil-livell espert. Meta tħejji u tfassal l-atti ddelegati, il-Kummissjoni għandha tiżgura trażmissjoni simultanja, f’waqtha u xierqa tad-dokumenti rilevanti lill-Parlament Ewropew u lill-Kunsill.

(25) Sabiex tiżgura kondizzjonijiet uniformi għall-implimentazzjoni tal-Artikolu 20(5) ta’ dan ir-Regolament, il-Kummissjoni għandha tingħata setgħat ta’ implimentazzjoni. Dawn is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta' kontroll mill-Istati Membri tal-eżerċizzju mill-Kummissjoni tas-setgħat ta' implimentazzjoni1.

(25a) Sabiex jiġu stabbiliti rekwiżiti ta’ rapportar armonizzati għall-monitoraġġ tal-emissjonijiet ta’ gassijiet b’effett ta’ serra u informazzjoni oħra rilevanti għall-politika dwar it-tibdil fil-klima, is-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea għandha tiġi ddelegata lill-Kummissjoni fir-rigward tar-reviżjoni tal-Anness I ta’ dan ir-Regolament, ir-rapportar tal-Istati Membri dwar l-LULUCF u t-trasport marittimu, is-sistemi nazzjonali tal-Istati Membri, ir-reviżjoni esperta tad-dejta tal-inventarji tal-Istati Membri, ir-rekwiżiti dettaljati fuq il-kontenut, l-istruttura, il-format u l-proċessi tal-preżentazzjoni tar-rapportar tal-Istati Membri, kif ukoll ir-revoka u l-emendar ta’ ċerti obbligi skont dan ir-Regolament. Huwa ta' importanza partikolari li l-Kummissjoni twettaq konsultazzjonijiet matul il-ħidma ta’ tħejjija tagħha, inkluż fil-livell espert. Meta tħejji u tfassal l-atti ddelegati, il-Kummissjoni għandha tiżgura trażmissjoni simultanja, f’waqtha u xierqa tad-dokumenti rilevanti lill-Parlament Ewropew u lill-Kunsill.

__________________

1 ĠU L 55, 28.2.2011, p. 13.

Test propost mill-Kummissjoni

Emenda

(da) monitoraġġ u rapportar ta' emissjonijiet tal-karbonju iswed, filwaqt li titqies ir-Riżoluzzjoni tal-Parlament Ewropew tal-14 ta' Settembru 2011 dwar approċċ komprensiv għall-emissjonijiet antropoġeniċi mhux ta' CO2 li jaffettwaw lill-klima1;

__________________

1 P7_TA(2011)0384

Test propost mill-Kummissjoni

Emenda

(e) ir-rapportar tal-emissjonijiet ta’ CO2 mit-trasport marittimu;

(e) ir-rapportar tal-emissjonijiet ta’ gassijiet b'effett ta' serra mit-trasport marittimu;

Test propost mill-Kummissjoni

Emenda

(g) il-monitoraġġ u r-rapportar dwar l-azzjonijiet meħuda mill-Istati Membri sabiex jadattaw għall-konsegwenzi inevitabbli tat-tibdil fil-klima;

(g) il-monitoraġġ u r-rapportar dwar l-azzjonijiet meħuda mill-Istati Membri sabiex jadattaw għall-konsegwenzi inevitabbli tat-tibdil fil-klima b'mod kosteffikaċi;

Test propost mill-Kummissjoni

Emenda

(a) l-istrateġiji tal-Unjoni u tal-Istati Membri tagħha dwar strateġiji ta' żvilupp b’emissjonijiet baxxi ta’ karbonju u kwalunkwe aġġornamenti tagħhom skont id-Deċiżjoni 1/CP.16;

(a) il-miri kwantifikati fir-rigward tat-tnaqqis tal-emissjonijiet fl-oqsma ekonomiċi kollha, l-istrateġiji ta' żvilupp b’emissjonijiet baxxi ta’ karbonju u kwalunkwe aġġornament tagħhom tal-Unjoni u tal-Istati Membri tagħha skont id-Deċiżjoni 1/CP.16;

Test propost mill-Kummissjoni

Emenda

(d) l-emissjonijiet ta’ gassijiet b’effett ta’ serra minn bastimenti tal-baħar li jidħlu fil-portijiet tal-Istati Membri;

(d) l-informazzjoni relatata mal-klima rigward bastimenti li jidħlu fil-portijiet tal-Istati Membri;

Test propost mill-Kummissjoni

Emenda

(ea) l-azzjonijiet tal-Unjoni u tal-Istati Membri biex jitnaqqsu l-emissjonijiet antropoġeniċi mhux ta' CO2 rilevanti għall-klima, filwaqt li titqies ir-Riżoluzzjoni tal-Parlament Ewropew tal-14 ta' Settembru 2011 dwar approċċ komprensiv għall-emissjonijiet antropoġeniċi mhux ta' CO2 li jaffettwaw lill-klima1;

__________________

1 P7_TA(2011)0384

Test propost mill-Kummissjoni

Emenda

1. L-Istati Membri, u l-Kummissjoni f’isem l-Unjoni, għandhom ifasslu u jimplimentaw strateġija ta’ żvilupp b’emissjonijiet baxxi ta’ karbonju li tikkontribwixxi biex:

1. L-Istati Membri, u l-Kummissjoni f’isem l-Unjoni, għandhom ifasslu u jimplimentaw strateġija ta’ żvilupp b’emissjonijiet baxxi ta’ karbonju bi qbil ma' kwalunkwe dispożizzjoni ta' rapportar miftiehma internazzjonalment fil-kuntest tal-proċess tal-UNFCCC li tikkontribwixxi biex:

(a) il-monitoraġġ trasparenti u preċiż tal-progress attwali u dak projettat magħmul mill-Istati Membri, inkluż il-kontribut magħmul permezz tal-miżuri tal-Unjoni, sabiex jiġu ssodisfati l-impenji tal-Unjoni u tal-Istati Membri skont il-UNFCCC li jillimitaw jew inaqqsu l-emissjonijiet antropoġeniċi ta’ gassijiet b’effett ta’ serra;

(a) il-monitoraġġ trasparenti u preċiż tal-progress attwali u dak projettat magħmul mill-Istati Membri, inkluż il-kontribut magħmul permezz tal-miżuri tal-Unjoni, sabiex jiġu ssodisfati l-impenji tal-Unjoni u tal-Istati Membri skont il-UNFCCC li jillimitaw jew inaqqsu l-emissjonijiet antropoġeniċi ta’ gassijiet b’effett ta’ serra;

(b) l-issodisfar tal-impenji tal-Istati Membri għat-tnaqqis tal-emissjonijiet ta’ gassijiet b’effett ta’ serra skont id-Deċiżjoni Nru 406/2009/KE u l-kisba tat-tnaqqis u t-titjib fit-tul tal-assorbiment minn bjar tal-emissjonijiet fis-setturi kollha b’konformità mal-objettiv tal-Unjoni li tnaqqas l-emissjonijiet bi 80 sa 95 % sal-2050 meta mqabbla mal-livelli tal-1990, fil-kuntest tat-tnaqqis neċessarju, skont l-IPCC, mill-pajjiżi żviluppati bħala grupp.

(b) l-issodisfar tal-impenji tal-Istati Membri għat-tnaqqis tal-emissjonijiet ta’ gassijiet b’effett ta’ serra skont id-Deċiżjoni Nru 406/2009/KE u l-kisba tat-tnaqqis u t-titjib fit-tul tal-assorbiment minn bjar tal-emissjonijiet fis-setturi kollha b’konformità mal-objettiv tal-Unjoni li tnaqqas l-emissjonijiet bi 80 sa 95 % sal-2050 meta mqabbla mal-livelli tal-1990, u b'perkors kosteffiċjenti inklużi l-miri għal tnaqqis nazzjonali għall-2030 u l-2040, fil-kuntest tat-tnaqqis neċessarju, skont l-IPCC, mill-pajjiżi żviluppati bħala grupp.

2. L-Istati Membri għandhom jippreżentaw lill-Kummissjoni l-istrateġija tagħhom ta’ żvilupp b’emissjonijiet baxxi ta’ karbonju sena wara d-dħul fis-seħħ ta’ dan ir-Regolament jew b’konformità ma’ kwalunkwe skeda ta’ żmien miftiehma internazzjonalment fil-kuntest tal-proċess tal-UNFCCC.

2. L-Istati Membri għandhom jippreżentaw lill-Kummissjoni l-istrateġija tagħhom ta’ żvilupp b’emissjonijiet baxxi ta’ karbonju b'riżoluzzjoni spazjali 18-il xahar wara d-dħul fis-seħħ ta’ dan ir-Regolament jew b’konformità ma’ kwalunkwe skeda ta’ żmien miftiehma internazzjonalment fil-kuntest tal-proċess tal-UNFCCC.

2a. L-Istati Membri, u l-Kummissjoni f'isem l-Unjoni, għandhom jirrieżaminaw u jaġġornaw l-istrateġiji rispettivi tagħhom ta' żvilupp b'emissjonijiet baxxi ta' karbonju, kif meħtieġ, tal-anqas kull ħames snin.

Test propost mill-Kummissjoni

Emenda

1. L-Istati Membri għandhom jistabbilixxu, joperaw u jfittxu li jtejbu kontinwament sistemi ta’ inventarju nazzjonali għall-valutazzjoni tal-emissjonijiet antropoġeniċi ta’ gassijiet b’effett ta’ serra minn sorsi u tal-assorbiment minn bjar elenkati fl-Anness I għal dan ir-Regolament, filwaqt li jiżguraw il-puntwalità, it-trasparenza, il-preċiżjoni, il-konsistenza, il-komparabbiltà u l-kompletezza tal-inventarji tagħhom tal-gassijiet b’effett ta’ serra.

1. L-Istati Membri għandhom jistabbilixxu, joperaw u jfittxu li jtejbu kontinwament sistemi ta’ inventarju nazzjonali bi qbil mar-rekwiżiti tal-UNFCCC rigward sistemi nazzjonali għall-valutazzjoni tal-emissjonijiet antropoġeniċi ta’ gassijiet b’effett ta’ serra minn sorsi u tal-assorbiment minn bjar elenkati fl-Anness I għal dan ir-Regolament, filwaqt li jiżguraw il-puntwalità, it-trasparenza, il-preċiżjoni, il-konsistenza, il-komparabbiltà u l-kompletezza tal-inventarji tagħhom tal-gassijiet b’effett ta’ serra.

Test propost mill-Kummissjoni

Emenda

(a) jagħmlu użu mis-sistemi ta’ rapportar stabbiliti skont l-Artikolu 6(4) tar-Regolament (KE) Nru 842/2006 sabiex itejbu l-valutazzjoni tal-gassijiet fluworinati fl-inventarji tal-gassijiet b’effett ta’ serra;

(a) jagħmlu użu mis-sistemi ta’ rapportar stabbiliti skont l-Artikolu 6(4) tar-Regolament (KE) Nru 842/2006 sabiex itejbu l-valutazzjoni tal-gassijiet fluworinati fl-inventarji tal-gassijiet b’effett ta’ serra, fejn relevanti;

Test propost mill-Kummissjoni

Emenda

(n) deskrizzjoni ta’ kwalunkwe bidliet fis-sistema tal-inventarju nazzjonali tagħhom;

(n) deskrizzjoni ta’ bidliet fis-sistema tal-inventarju nazzjonali tagħhom;

Test propost mill-Kummissjoni

Emenda

(o) deskrizzjoni ta’ kwalunkwe bidliet fir-reġistru nazzjonali;

(o) deskrizzjoni ta’ bidliet fir-reġistru nazzjonali;

Test propost mill-Kummissjoni

Emenda

3. L-Istati Membri għandhom jippreżentaw lis-Segretarjat tal-UNFCCC, sal-15 ta’ April ta’ kull sena, inventarji nazzjonali li jkun fihom informazzjoni identika għal dik ippreżentata lill-Kummissjoni skont il-paragrafu 2 ta’ dan l-Artikolu.

3. L-Istati Membri għandhom jippreżentaw lis-Segretarjat tal-UNFCCC, sal-15 ta’ April ta’ kull sena, inventarji nazzjonali li jkun fihom informazzjoni ppreżentata lill-Kummissjoni skont il-paragrafu 2 ta’ dan l-Artikolu.

Test propost mill-Kummissjoni

Emenda

(a) iżżid jew tħassar sustanzi fi jew mil-lista ta’ gassijiet b’effett ta’ serra fl-Anness I għal dan ir-Regolament;

(a) iżżid jew tħassar sustanzi fi jew mil-lista ta’ gassijiet b’effett ta’ serra fl-Anness I għal dan ir-Regolament, abbażi tad-deċiżjonijiet adottati skont il-UNFCCC u l-Protokoll ta' Kjoto, jew abbażi tas-sinifikat tal-gassijiet b'effett ta' serra konċernati;

Test propost mill-Kummissjoni

Emenda

(b) tistabbilixxi rekwiżiti ta’ monitoraġġ u ta' rapportar fuq l-LULUCF, skont kwalunkwe ftehim internazzjonali ġdid jew att leġiżlattiv adottat f'konformità mal-Artikolu 9 tad-Deċiżjoni Nru 406/2009/KE.

(b) tistabbilixxi rekwiżiti ta’ monitoraġġ u ta' rapportar fuq l-LULUCF, skont kwalunkwe ftehim internazzjonali ġdid jew att leġiżlattiv adottat f'konformità mal-Artikolu 9 tad-Deċiżjoni Nru 406/2009/KE bl-għan li tiġi żgurata l-integrità ambjentali tal-kontribut tas-settur għat-tnaqqis tal-emissjonijiet fl-Unjoni.

Test propost mill-Kummissjoni

Emenda

1. Il-Kummissjoni għandha twettaq verifika inizjali tad-dejta ppreżentata mill-Istati Membri skont l-Artikolu 7(1) ta’ dan ir-Regolament għall-kompletezza u l-problemi potenzjali. Hija għandha tibgħat ir-riżultati lill-Istati Membri fi żmien 6 ġimgħat mid-data tal-għeluq għall-preżentazzjoni. L-Istati Membri għandhom iwieġbu għal kwalunkwe mistoqsija mqajma mill-verifika inizjali sal-15 ta’ Marzu, flimkien mal-preżentazzjoni finali tal-inventarju għas-sena X-2.

1. Il-Kummissjoni għandha twettaq verifika inizjali tad-dejta ppreżentata mill-Istati Membri skont l-Artikolu 7(1) ta’ dan ir-Regolament għall-kompletezza u l-problemi potenzjali. Hija għandha tibgħat ir-riżultati lill-Istati Membri fi żmien 6 ġimgħat mid-data tal-għeluq għall-preżentazzjoni. L-Istati Membri għandhom iwieġbu għal kwalunkwe mistoqsija relevanti mqajma mill-verifika inizjali sal-15 ta’ Marzu, flimkien mal-preżentazzjoni finali tal-inventarju għas-sena X-2.

Test propost mill-Kummissjoni

Emenda

2. Meta Stat Membru ma jweġibx għall-mistoqsijiet imqajma mill-Kummissjoni jew ma jippreżentax l-estimi sħaħ tal-inventarju li huma meħtieġa għall-ġbir tal-inventarju tal-Unjoni sal-15 ta’ Marzu, il-Kummissjoni għandha tħejji l-estimi li jridu jintużaw minflok l-estimi rilevanti fl-inventarju tal-Istat Membru. Għal dan il-għan, il-Kummissjoni għandha tuża metodi konsistenti mal-linji gwida applikabbli għat-tfassil tal-inventarji nazzjonali tal-gassijiet b’effett ta’ serra.

2. Meta Stat Membru ma jippreżentax l-estimi sħaħ tal-inventarju li huma meħtieġa għall-ġbir tal-inventarju tal-Unjoni sal-15 ta’ Marzu, il-Kummissjoni għandha tħejji l-estimi li jridu jintużaw minflok l-estimi rilevanti fl-inventarju tal-Istat Membru f'kooperazzjoni mill-qrib mal-Istat Membru konċernat. Għal dan il-għan, il-Kummissjoni għandha tuża metodi konsistenti mal-linji gwida applikabbli għat-tfassil tal-inventarji nazzjonali tal-gassijiet b’effett ta’ serra.

Test propost mill-Kummissjoni

Emenda

Rapportar dwar l-emissjonijiet ta’ CO2 mit-trasport marittimu

Rapportar ta' informazzjoni relatata mal-klima rigward it-trasport marittimu

1. Il-Kummissjoni għandu jkollha s-setgħa li tadotta att iddelegat skont l-Artikolu 29 ta’ dan ir-Regolament sabiex tispeċifika r-rekwiżiti għall-monitoraġġ u r-rapportar tal-emissjonijiet ta’ CO2 mit-trasport marittimu fir-rigward ta’ bastimenti tal-baħar li jidħlu fil-portijiet tal-Istati Membri. Ir-rekwiżiti ta’ monitoraġġ u ta' rapportar adottati għandhom ikunu konsistenti mar-rekwiżiti miftiehma fil-UNFCCC u, safejn ikun possibbli, mar-rekwiżiti applikati għall-bastimenti fil-kuntest tal-IMO jew permezz ta’ leġiżlazzjoni tal-Unjoni li tindirizza l-emissjonijiet ta’ GHG mit-trasport marittimu. Safejn ikun possibbli, ir-rekwiżiti ta’ monitoraġġ u ta' rapportar għandhom jimminimizzaw il-piż tax-xogħol tal-Istati Membri, inkluż permezz tal-użu tal-ġbir u l-manutenzjoni ta’ dejta ċentralizzata.

1. Il-Kummissjoni għandha tadotta att iddelegat skont l-Artikolu 29 ta’ dan ir-Regolament sad-data msemmija fil-Premessa 3 tad-Direttiva 2009/29/KE tal-Parlament Ewropew u tal-Kunsill tat-23 ta' April 2009 li temenda d-Direttiva 2003/87/KE biex tittejjeb u tiġi estiża l-iskema tal-UE għall-iskambju ta' kwoti tal-emisssjonijiet ta' gassijiet b'effett ta' serra1 sabiex tispeċifika r-rekwiżiti għall-monitoraġġ u r-rapportar tal-informazzjoni relatata mal-klima rigward it-trasport marittimu fir-rigward ta’ bastimenti tal-baħar li jidħlu fil-portijiet tal-Istati Membri. Ir-rekwiżiti ta’ monitoraġġ u ta' rapportar adottati għandhom ikunu konsistenti mal-metodoloġiji miftiehma fil-UNFCCC u mal-metodoloġiji applikati għall-bastimenti fil-kuntest tal-IMO jew ta' rekwiżiti permezz ta’ leġiżlazzjoni tal-Unjoni li tindirizza l-emissjonijiet ta’ GHG mit-trasport marittimu. Safejn ikun possibbli, ir-rekwiżiti ta’ monitoraġġ u ta' rapportar għandhom jimminimizzaw il-piż tax-xogħol tal-Istati Membri, inkluż permezz tal-użu tal-ġbir, iż-żamma u l-pubblikazzjoni ta’ dejta ċentralizzata.

Ir-rekwiżiti għandhom ikopru l-bastimenti responsabbli għal emissjonijiet sinifikanti, inklużi tal-anqas it-tankers, il-bastimenti li jġorru merkanzija mhux ippakkjata (bulkers), il-bastimenti tal-merkanzija ġenerali u l-bastimenti li jġorru l-kontejners, skont limiti minimi xierqa fir-rigward tad-daqs u t-traffiku.

2. Meta att ikun ġie adottat skont il-paragrafu 1, l-Istati Membri għandhom jistabbilixxu u jirrapportaw lill-Kummissjoni, sal-15 ta’ Jannar ta’ kull sena ('sena X') għas-sena X-2, l-emissjonijiet ta’ CO2 mit-trasport marittimu skont dak l-att.

2. Wara l-adozzjoni ta' att iddelegat skont il-paragrafu 1, l-Istati Membri għandhom jistabbilixxu u jiġbru għall-Kummissjoni u għall-Aġenzija Ewropea għas-Sigurtà Marittima (EMSA), sal-15 ta’ Jannar ta’ kull sena ('sena X') għas-sena X-2, l-informazzjoni relatata mal-klima rigward it-trasport marittimu, u għandhom jagħmlu dik l-informazzjoni disponibbli għall-pubbliku. Dik l-informazzjoni għandha ssir disponibbli b'mod li jkun utli għall-kerrejja jew l-utenti ta' bastimenti bħal dawn.

2a. L-EMSA għandha tipprovdi analiżi, inter alia, tal-impatt ġenerali tat-trasport marittimu fuq il-klima globali, abbażi tal-informazzjoni pprovduta skont il-paragrafu 2, fosthom dwar l-impatti mhux marbuta mas-CO2 bħal dawk mill-karbonju iswed, u l-effetti tal-aerosols, u għandha tistabbilixxi previżjonijiet anke permezz tat-tfassil ta' mudelli u tad-dejta dwar it-traffiku meta jkun rilevanti. L-EMSA għandha teżamina regolarment it-tfassil ta' mudelli b'referenza għall-avvanzi xjentifiċi.

L-EMSA għandha tippreżenta wkoll għażliet għall-istabbiliment ta' marka li turi l-prestazzjoni.

_______

1 ĠU L 140, 5.6.2009, p. 63.

Test propost mill-Kummissjoni

Emenda

2. Huma għandhom jimmiraw li jiżguraw il-puntwalità, it-trasparenza, il-preċiżjoni, il-konsistenza, il-komparabbiltà u l-kompletezza tal-informazzjoni rrapportata dwar il-politiki u l-miżuri u l-projezzjonijiet ta’ emissjonijiet antropoġeniċi ta’ gassijiet b’effett ta’ serra minn sorsi u tal-assorbiment minn bjar, kif imsemmi fl-Artikoli 14 u 15 ta’ dan ir-Regolament, inklużi l-użu u l-applikazzjoni tad-dejta, tal-metodi u tal-mudelli, u l-implimentazzjoni tal-attivitajiet ta’ assigurazzjoni tal-kwalità u ta’ kontroll tal-kwalità, kif ukoll l-analiżi tas-sensittività.

2. Huma għandhom jimmiraw li jiżguraw il-puntwalità, it-trasparenza, il-preċiżjoni, il-konsistenza, il-komparabbiltà u l-kompletezza tal-informazzjoni rrapportata dwar il-politiki u l-miżuri u l-projezzjonijiet ta’ emissjonijiet antropoġeniċi ta’ gassijiet b’effett ta’ serra minn sorsi u tal-assorbiment minn bjar, kif imsemmi fl-Artikoli 14 u 15 ta’ dan ir-Regolament, inklużi, fejn relevanti, l-użu u l-applikazzjoni tad-dejta, tal-metodi u tal-mudelli, u l-implimentazzjoni tal-attivitajiet ta’ assigurazzjoni tal-kwalità u ta’ kontroll tal-kwalità, kif ukoll l-analiżi tas-sensittività.

Test propost mill-Kummissjoni

Emenda

(c) informazzjoni dwar il-politiki u l-miżuri nazzjonali, u dwar l-implimentazzjoni ta’ politiki u miżuri tal-Unjoni li jillimitaw jew inaqqsu l-emissjonijiet ta’ gassijiet b’effett ta’ serra minn sorsi jew li jsaħħu l-assorbiment minn bjar, ippreżentata fuq bażi settorjali għal kull gassijiet b'effett ta' serra msemmi fl-Anness I ta’ dan ir-Regolament. Din l-informazzjoni għandha tagħmel referenzi għall-politiki nazzjonali jew tal-Unjoni applikabbli, partikolarment dawk dwar il-kwalità tal-arja, u għandha tinkludi:

(c) informazzjoni dwar il-politiki u l-miżuri nazzjonali, u dwar l-implimentazzjoni ta’ politiki u miżuri tal-Unjoni li jillimitaw jew inaqqsu l-emissjonijiet ta’ gassijiet b’effett ta’ serra minn sorsi, li jsaħħu l-assorbiment minn bjar, li jżidu s-sehem ta' enerġija minn sorsi rinnovabbli, jew li jnaqqsu l-konsum finali gross ta' enerġija, ippreżentata fuq bażi settorjali għal kull gassijiet b'effett ta' serra msemmi fl-Anness I ta’ dan ir-Regolament. Din l-informazzjoni għandha tagħmel referenzi għall-politiki nazzjonali jew tal-Unjoni applikabbli, partikolarment dawk dwar il-kwalità tal-arja, u għandha tinkludi:

Test propost mill-Kummissjoni

Emenda

(vi) estimi tal-ispejjeż projettati tal-politiki u l-miżuri, kif ukoll estimi, kif ikun xieraq, tal-ispejjeż realizzati tal-politiki u l-miżuri;

(vi) estimi tal-ispejjeż u l-benefiċċji projettati tal-politiki u l-miżuri, kif ukoll estimi, kif ikun xieraq, tal-ispejjeż u l-benefiċċji realizzati tal-politiki u l-miżuri;

Test propost mill-Kummissjoni

Emenda

(fa) informazzjoni dwar kemm fil-fatt l-azzjoni tal-Istat Membru tkun konformi ma' perkors kosteffikaċi lejn il-mira fit-tul tal-Unjoni rigward il-klima.

Test propost mill-Kummissjoni

Emenda

2. L-Istati Membri għandhom jagħmlu disponibbli għall-pubbliku, f’forma elettronika, kwalunkwe valutazzjoni tal-ispejjeż u l-effetti tal-politiki u l-miżuri nazzjonali, u kwalunkwe informazzjoni dwar l-implimentazzjoni tal-politiki u l-miżuri tal-Unjoni li jillimitaw jew inaqqsu l-emissjonijiet ta’ gassijiet b’effett ta’ serra minn sorsi jew li jsaħħu l-assorbiment minn bjar, flimkien ma’ kwalunkwe rapport tekniku li jsostni dawn il-valutazzjonijiet. Dawn għandhom jinkludu deskrizzjonijiet tal-mudelli u l-approċċi metodoloġiċi użati, definizzjonijiet u suppożizzjonijiet sottostanti.

2. L-Istati Membri għandhom jagħmlu disponibbli għall-pubbliku, f’forma elettronika, kwalunkwe valutazzjoni tal-ispejjeż u l-effetti tal-politiki u l-miżuri nazzjonali, meta disponibbli, u kwalunkwe informazzjoni dwar l-implimentazzjoni tal-politiki u l-miżuri tal-Unjoni li jillimitaw jew inaqqsu l-emissjonijiet ta’ gassijiet b’effett ta’ serra minn sorsi jew li jsaħħu l-assorbiment minn bjar, flimkien ma’ kwalunkwe rapport tekniku eżistenti li jsostni dawn il-valutazzjonijiet. Dawn għandhom jinkludu deskrizzjonijiet tal-mudelli u l-approċċi metodoloġiċi użati, definizzjonijiet u suppożizzjonijiet sottostanti.

Test propost mill-Kummissjoni

Emenda

2. Meta Stat Membru ma jippreżentax estimi kompleti tal-projezzjoni sal-15 ta’ Marzu ta’ kull sena, il-Kummissjoni tista’ tħejji l-estimi meħtieġa sabiex jinġabru l-projezzjonijiet tal-Unjoni.

2. L-Istati Membri għandhom jirrapportaw l-aktar projezzjonijiet aġġornati disponibbli. Meta Stat Membru ma jippreżentax estimi kompleti tal-projezzjoni jew meta l-projezzjonijiet ma jkunux konformi mal-paragrafu 1 sal-15 ta’ Marzu ta’ kull sena, il-Kummissjoni tista’ tħejji l-estimi meħtieġa sabiex jinġabru l-projezzjonijiet tal-Unjoni.

Test propost mill-Kummissjoni

Emenda

L-Istati Membri għandhom jirrapportaw lill-Kummissjoni, sal-15 ta’ Marzu ta’ kull sena, informazzjoni dwar l-azzjonijiet implimentati jew ippjanati tagħhom sabiex jadattaw għat-tibdil fil-klima, b’mod partikolari, dwar l-istrateġiji nazzjonali jew reġjonali ta’ adattament u dwar il-miżuri ta’ adattament. Din l-informazzjoni għandha tinkludi l-allokazzjoni baġitarja skont is-settur tal-politika u, għal kull miżura ta’ adattament, l-objettiv prinċipali, it-tip ta’ strument, l-istatus tal-implimentazzjoni u l-kategorija tal-impatt tat-tibdil fil-klima (bħal għargħar, żieda fil-livell tal-baħar, temperaturi estremi, nixfiet u avvenimenti ta’ temp estremi).

L-Istati Membri għandhom jirrapportaw lill-Kummissjoni, sal-15 ta’ Marzu ta’ kull sentejn, informazzjoni dwar l-azzjonijiet implimentati jew ippjanati tagħhom sabiex jadattaw għat-tibdil fil-klima, b’mod partikolari, dwar l-istrateġiji nazzjonali jew reġjonali ta’ adattament u dwar il-miżuri ta’ adattament. Din l-informazzjoni għandha tinkludi l-allokazzjoni baġitarja skont is-settur tal-politika u, għal kull miżura ta’ adattament, l-objettiv prinċipali, it-tip ta’ strument, l-istatus tal-implimentazzjoni u l-kategorija tal-impatt tat-tibdil fil-klima (bħal għargħar, żieda fil-livell tal-baħar, temperaturi estremi, nixfiet, maltempati, uragani, u avvenimenti oħra ta’ temp estremi).

Test propost mill-Kummissjoni

Emenda

L-Istati Membri għandhom, fuq il-bażi tal-aħjar dejta disponibbli, jirrapportaw lill-Kummissjoni, sal-15 ta’ Marzu ta’ kull sena ('sena X'):

L-Istati Membri għandhom, fuq il-bażi tal-aħjar dejta disponibbli u billi jużaw mudell komuni, preferibbilment li jkun hemm qbil dwaru fil-UNFCCC, jirrapportaw lill-Kummissjoni, sal-15 ta’ Marzu ta’ kull sena ('sena X'):

(a) informazzjoni dwar l-appoġġ finanzjarju impenjat u mogħti lill-pajjiżi fil-fażi ta' żvilupp skont il-UNFCCC għas-sena X-1, dwar l-appoġġ finanzjarju impenjat għas-sena X u dwar l-għoti ta’ appoġġ ippjanat. L-informazzjoni rrappurtata għandha tinkludi:

(a) informazzjoni dwar l-appoġġ finanzjarju impenjat u mogħti lill-pajjiżi fil-fażi ta' żvilupp skont il-UNFCCC għas-sena X-1, dwar l-appoġġ finanzjarju impenjat għas-sena X u dwar l-għoti ta’ appoġġ ippjanat. L-informazzjoni rrappurtata għandha tinkludi:

(i) informazzjoni jekk ir-riżorsi finanzjarji pprovduti mill-Istat Membru lill-pajjiżi fil-fażi ta' żvilupp humiex ġodda u addizzjonali fil-kuntest tal-UNFCCC u kif dan ġie kkalkolat;

(i) informazzjoni dwar jekk ir-riżorsi finanzjarji pprovduti mill-Istat Membru lill-pajjiżi fil-fażi ta' żvilupp humiex ġodda u addizzjonali bl-għan li l-Għajnuna Uffiċjali għall-Iżvilupp tiżdied għal 0.7% tad-Dħul Nazzjonali Gross, skont il-UNFCCC, u kif dan ġie kkalkolat;

(ii) informazzjoni dwar kwalunkwe riżorsi finanzjarji allokati mill-Istat Membru relatati mal-implimentazzjoni tal-UNFCCC skont it-tip ta’ mezz, bħal mezzi bilaterali, reġjonali jew multilaterali oħrajn;

(ii) informazzjoni dwar kwalunkwe riżorsi finanzjarji allokati mill-Istat Membru, skont il-UNFCCC, skont it-tip ta' strument finanzjarju u ta’ mezz, bħal mezzi bilaterali, reġjonali jew multilaterali oħrajn;

(iii) informazzjoni kwantitattiva dwar il-flussi finanzjarji abbażi tal-hekk imsejħa "Markaturi ta’ Rio [Rio markers] għall-għajnuna relatata mal-mitigazzjoni tat-tibdil fil-klima u mal-għajnuna relatata mal-adattament għat-tibdil fil-klima" (il-‘markaturi ta’ Rio’) introdotti mill-Grupp ta’ Għajnuna għall-Iżvilupp tal-OECD u informazzjoni metodoloġika dwar l-implimentazzjoni tal-metodoloġija tal-markaturi ta’ Rio għat-tibdil fil-klima;

(iii) informazzjoni kwantitattiva dwar il-flussi finanzjarji, permezz ta' appoġġ għall-proġetti jew appoġġ baġitarju, abbażi tal-hekk imsejħa "Markaturi ta’ Rio [Rio markers] għall-għajnuna relatata mal-mitigazzjoni tat-tibdil fil-klima u mal-għajnuna relatata mal-adattament għat-tibdil fil-klima" (il-‘markaturi ta’ Rio’) introdotti mill-Grupp ta’ Għajnuna għall-Iżvilupp tal-OECD u informazzjoni metodoloġika dwar l-implimentazzjoni tal-metodoloġija tal-markaturi ta’ Rio għat-tibdil fil-klima, filwaqt li l-finanzjament għall-attivitajiet ta' Tnaqqis ta' Emissjonijiet mid-Deforestazzjoni u d-Degradazzjoni tal-Foresti fil-Pajjiżi li qed Jiżviluppaw (REDD+) jitqies b'mod differenti minn flussi finanzjarji oħra;

(iv) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp li huma partikolarment vulnerabbli għall-effetti tat-tibdil fil-klima sabiex jadattaw għal dawk l-effetti tat-tibdil fil-klima;

(iv) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp li huma partikolarment vulnerabbli għall-effetti tat-tibdil fil-klima sabiex jadattaw għal dawk l-effetti tat-tibdil fil-klima, filwaqt li jiġu speċifikati l-pajjiż benefiċjarju, is-settur u t-tip ta' attività;

(v) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp sabiex inaqqsu l-emissjonijiet tal-gassijiet b’effett ta’ serra;

(v) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp sabiex inaqqsu l-emissjonijiet tal-gassijiet b’effett ta’ serra, filwaqt li jiġu speċifikati l-pajjiż benefiċjarju, is-settur u t-tip ta' attività;

(va) informazzjoni dettaljata dwar flussi finanzjarji privati ġodda u addizzjonali megħjuna minn finanzjament bilaterali dwar il-klima favur attivitajiet ta' mitigazzjoni u adattament fil-pajjiżi fil-fażi ta' żvilupp u dwar politiki u miżuri li jippromwovu ż-żieda tal-investiment privat f'attivitajiet ta' mitigazzjoni u adattament fil-pajjiżi fil-fażi ta' żvilupp li huma Partijiet għall-UNFCCC, inkluża informazzjoni dwar ammonti, l-użu ta' dan il-finanzjament għall-adattament, il-mitigazzjoni jew REDD+, il-pajjiż benefiċjarju, is-settur u t-tip ta' attività u t-tip ta' finanzjament jew strumenti li jimmobilizzaw jew jgħinu dan il-finanzjament;

(b) informazzjoni dwar l-attivitajiet mill-Istat Membru relatati mat-trasferiment tat-teknoloġija lill-pajjiżi fil-fażi ta' żvilupp skont il-UNFCCC u dwar it-teknoloġiji trasferiti għas-sena X-1, informazzjoni dwar l-attivitajiet ippjanati relatati mat-trasferiment tat-teknoloġija lill-pajjiżi fil-fażi ta' żvilupp skont il-UNFCCC u dwar it-teknoloġiji li għandhom jiġu trasferiti għas-sena X u għas-snin sussegwenti. Din għandha tinkludi informazzjoni dwar jekk it-teknoloġija ttrasferita ntużatx għall-mitigazzjoni jew għall-adattament għall-effetti tat-tibdil fil-klima, il-pajjiż riċevitur, l-ammont ta’ appoġġ ipprovdut, u t-tip ta’ teknoloġija trasferita.

(b) informazzjoni dwar l-attivitajiet mill-Istat Membru relatati mat-trasferiment tat-teknoloġija lill-pajjiżi fil-fażi ta' żvilupp skont il-UNFCCC u dwar it-teknoloġiji trasferiti għas-sena X-1, informazzjoni dwar l-attivitajiet ippjanati relatati mat-trasferiment tat-teknoloġija lill-pajjiżi fil-fażi ta' żvilupp u dwar it-teknoloġiji li għandhom jiġu trasferiti għas-sena X u għas-snin sussegwenti. Din għandha tinkludi informazzjoni dwar jekk it-teknoloġija ttrasferita ntużatx għall-mitigazzjoni jew għall-adattament għall-effetti tat-tibdil fil-klima, il-pajjiż riċevitur, l-ammont ta’ appoġġ ipprovdut, is-sors ta' finanzjament mis-settur pubbliku jew mis-settur privat, is-settur u t-tip ta’ teknoloġija trasferita, u għandha tiddistingwi bejn l-attivitajiet imwettqa mis-settur pubbliku u mis-settur privat.

Test propost mill-Kummissjoni

Emenda

Artikolu 17a

Rapportar tal-Kummissjoni dwar l-appoġġ finanzjarju u t-trasferiment tat-teknoloġija lill-pajjiżi fil-fażi ta' żvilupp

Il-Kummissjoni għandha tiddetermina linji gwida u tadotta mudell komuni f'format tabulari, skont ir-rekwiżiti tar-rapportar stipulati fil-qafas tal-UNFCCC, sabiex tiżgura l-komparabbiltà tar-rapportar skont dan l-Artikolu.

Il-Kummissjoni għandha tirrapporta lill-Parlament Ewropew u lill-Kunsill sal-15 ta' Marzu kull sena ('sena X'), bl-użu tal-mudell komuni, dwar l-appoġġ finanzjarju u t-trasferiment tat-teknoloġija lill-pajjiżi fil-fażi ta' żvilupp permezz tal-baġit, l-istrumenti u l-fondi tal-Unjoni, b'mod partikolari l-Fond għall-Klima u l-Bijodiversità.

Biex tkun żgurata t-trasparenza tal-impenn tal-finanzjament aggregat tal-Unjoni, il-Kummissjoni għandha tagħmel disponibbli għall-pubbliku sal-15 ta' Ġunju ta' kull sena, l-informazzjoni aggregata tal-Unjoni għas-sena X-1 fuq pjattaforma komuni tal-internet.

Test propost mill-Kummissjoni

Emenda

(a) ġustifikazzjoni dettaljata kif imsemmi fl-Artikolu 6(2) tad-Deċiżjoni Nru 406/2009/KE;

(a) l-ammont ta' krediti użati skont l-Artikolu 6(2) u ġustifikazzjoni dettaljata kif meħtieġ bl-Artikolu 6(2) tad-Deċiżjoni Nru 406/2009/KE;

Test propost mill-Kummissjoni

Emenda

(d) l-informazzjoni msemmija fil-punt (b) tal-Artikolu 6(1) tad-Deċiżjoni Nru 406/2009/KE u informazzjoni dwar kif il-politika tax-xiri tagħhom issaħħaħ il-kisba ta’ ftehim internazzjonali dwar it-tibdil fil-klima.

(d) l-informazzjoni msemmija fil-punt (b) tal-Artikolu 6(1) tad-Deċiżjoni Nru 406/2009/KE u l-evidenza ta' konformità mal-Artikolu 11(b)(6) tad-Direttiva 2003/87/KE fir-rigward ta' attivitajiet ta' proġett għall-ġenerazzjoni ta' enerġija idroelettrika b'kapaċità ta' ġenerazzjoni ta' aktar minn 20 MW u informazzjoni dwar kif il-politika tax-xiri tagħhom issaħħaħ il-kisba ta’ ftehim internazzjonali dwar it-tibdil fil-klima.

Test propost mill-Kummissjoni

Emenda

(da) l-informazzjoni dwar kif l-użu tal-krediti huwa supplementari għall-isforzi nazzjonali ta' tnaqqis, li jwassal għal livelli aktar baxxi mill-emissjonijiet bażi storiċi.

Test propost mill-Kummissjoni

Emenda

Il-Kummissjoni għandha tadotta mudelli komuni għar-rapportar skont il-punti (b), (c) u (d) tal-ewwel subparagrafu, sabiex ikunu żgurati t-trasparenza sħiħa u l-komparabbiltà tar-rapportar.

Test propost mill-Kummissjoni

Emenda

4. L-Istati Membri għandhom jagħmlu disponibbli għall-pubbliku r-rapporti ppreżentati lill-Kummissjoni skont dan l-Artikolu.

4. L-Istati Membri għandhom jagħmlu disponibbli għall-pubbliku r-rapporti ppreżentati lill-Kummissjoni skont dan l-Artikolu. Il-Kummissjoni għandha tagħmel l-informazzjoni aggregata tal-Unjoni disponibbli għall-pubbliku f'forma faċilment aċċessibbli.

Test propost mill-Kummissjoni

Emenda

2. Billi tibda bid-dejta rrappurtata għas-sena 2013, il-Kummissjoni għandha twettaq reviżjoni esperta annwali tad-dejta tal-inventarju nazzjonali ppreżentata mill-Istati Membri skont l-Artikolu 7(2) ta’ dan ir-Regolament bil-għan li timmonitorja l-kisba mill-Istati Membri tat-tnaqqis jew il-limitazzjoni tagħhom tal-gassijiet b’effett ta’ serra skont l-Artikolu 3 tad-Deċiżjoni Nru 406/2009/KE, u kwalunkwe miri oħrajn ta’ tnaqqis jew limitazzjoni tal-emissjonijiet ta’ gassijiet b’effett ta’ serra li huma stabbiliti fil-leġiżlazzjoni tal-Unjoni.

2. Billi tibda bid-dejta rrappurtata għas-sena 2013, il-Kummissjoni għandha twettaq reviżjoni esperta annwali tad-dejta tal-inventarju nazzjonali ppreżentata mill-Istati Membri skont l-Artikolu 7(2) ta’ dan ir-Regolament bil-għan li timmonitorja l-kisba mill-Istati Membri tat-tnaqqis jew il-limitazzjoni tagħhom tal-gassijiet b’effett ta’ serra skont l-Artikolu 3 tad-Deċiżjoni Nru 406/2009/KE, u kwalunkwe miri oħrajn ta’ tnaqqis jew limitazzjoni tal-emissjonijiet ta’ gassijiet b’effett ta’ serra li huma stabbiliti fil-leġiżlazzjoni tal-Unjoni. L-Istati Membri għandhom jipparteċipaw b'mod sħiħ f'dak il-proċess.

Test propost mill-Kummissjoni

Emenda

(c) fejn xieraq, kalkolu tal-korrezzjonijiet tekniċi meħtieġa li jirriżultaw.

(c) fejn xieraq, kalkolu tal-korrezzjonijiet tekniċi meħtieġa li jirriżultaw f'konsultazzjoni mal-Istati Membri.

Test propost mill-Kummissjoni

Emenda

5. Il-Kummissjoni għandha tadotta att ta’ implimentazzjoni sabiex tiddetermina s-somma totali ta’ emissjonijiet għas-sena rilevanti li jirriżultaw mid-dejta tal-inventarju kkorreġuta għal kull Stat Membru mat-tlestija tar-reviżjoni annwali rilevanti.

5. Il-Kummissjoni għandha tadotta atti ta’ implimentazzjoni sabiex tiddetermina s-somma totali ta’ emissjonijiet għas-sena rilevanti li jirriżultaw mid-dejta tal-inventarju kkorreġuta għal kull Stat Membru mat-tlestija tar-reviżjoni annwali rilevanti. Dawk l-atti ta' implimentazzjoni għandhom jiġu adottati b'konformità mal-proċedura ta' eżami msemmija fl-Artikolu 30(2).

Test propost mill-Kummissjoni

Emenda

1. Il-Kummissjoni għandha tevalwa kull sena, abbażi tal-informazzjoni rrapportata fl-Artikoli 7, 8, 11 u 15 sa 18 ta’ dan ir-Regolament, u b’konsultazzjoni mal-Istati Membri, il-progress magħmul mill-Unjoni u mill-Istati Membri tagħha sabiex jiġu ssodisfati dawn li ġejjin, bil-għan li jiġi ddeterminat jekk sarx biżżejjed progress:

1. Il-Kummissjoni għandha tevalwa kull sena, abbażi tal-informazzjoni rrapportata fl-Artikoli 7, 8, 11, 14 u 15 sa 18 ta’ dan ir-Regolament, u b’konsultazzjoni mal-Istati Membri, il-progress magħmul mill-Unjoni u mill-Istati Membri tagħha sabiex jiġu ssodisfati dawn li ġejjin, bil-għan li jiġi ddeterminat jekk sarx biżżejjed progress:

Test propost mill-Kummissjoni

Emenda

(ba) il-mira klimatika fit-tul u perkors kosteffiċjenti ta' tnaqqis tal-emissjonijiet nazzjonali inklużi l-miri għall-2030 u l-2040.

Test propost mill-Kummissjoni

Emenda

2. Il-Kummissjoni kull sentejn għandha tevalwa l-impatt ġenerali tal-avjazzjoni fuq il-klima globali, inkluż permezz ta’ emissjonijiet mhux tas-CO2, bħal emissjonijiet minn ossidi tan-nitroġenu, u l-effetti, bħall-formazzjoni ta’ sħab taċ-ċirru, abbażi tad-dejta dwar l-emissjonijiet ipprovduta mill-Istati Membri skont l-Artikolu 7 ta’ dan ir-Regolament, u ttejjeb din il-kwantifikazzjoni permezz ta’ referenza għall-avvanzi xjentifiċi u d-dejta dwar it-traffiku tal-ajru, kif ikun xieraq.

2. Il-Kummissjoni kull sentejn għandha tevalwa l-impatt ġenerali tal-avjazzjoni fuq il-klima globali, inkluż permezz ta’ emissjonijiet mhux tas-CO2, bħal emissjonijiet minn ossidi tan-nitroġenu, u l-effetti, bħall-formazzjoni ta’ sħab taċ-ċirru, abbażi tad-dejta dwar l-emissjonijiet ipprovduta mill-Istati Membri skont l-Artikolu 7 ta’ dan ir-Regolament, u ttejjeb din il-kwantifikazzjoni permezz tat-tfassil ta' mudelli u d-dejta dwar it-traffiku tal-ajru. Il-Kummissjoni għandha tadatta regolarment it-tfassil ta' mudelli b'referenza partikolari għall-progress xjentifiku.

Test propost mill-Kummissjoni

Emenda

3. Il-Kummissjoni għandha tipppreżenta rapport li jiġbor fil-qosor il-konklużjonijiet tal-valutazzjonijiet ipprovduti fil-paragrafi 1 u 2 ta’ dan l-Artikolu lill-Parlament Ewropew u lill-Kunsill sal-31 ta’ Ottubru ta’ kull sena.

3. Il-Kummissjoni għandha tipppreżenta rapport li jiġbor fil-qosor il-konklużjonijiet tal-valutazzjonijiet ipprovduti fil-paragrafi 1 u 2 ta’ dan l-Artikolu lill-Parlament Ewropew u lill-Kunsill sal-31 ta’ Ottubru ta’ kull sena. Fl-ewwel rapport, u f'rapporti sussegwenti kif ikun xieraq, il-Kummissjoni għandha tanalizza l-implikazzjonijiet għall-politiki u l-miżuri tal-adozzjoni ta' perjodu ta' żmien ta' 20 sena għall-metan fir-rigward tal-objettivi tal-Unjoni dwar il-klima fuq perjodu medju u twil ta' żmien.

Test propost mill-Kummissjoni

Emenda

Artikolu 28

imħassar

Tħassir jew emendar tal-obbligi

Il-Kummissjoni għandu jkollha s-setgħa li tadotta atti ddelegati skont l-Artikolu 29 ta’ dan ir-Regolament sabiex tħassar l-Artikoli 4 sa 7, 10 sa 12, 14, 15, 17 u 19 ta’ dan ir-Regolament, jew kwalunkwe parti tiegħu, jew sabiex temenda dawk l-istess Artikoli, jekk hija tikkonkludi li l-iżviluppi internazzjonali jew żviluppi oħrajn iwasslu għal sitwazzjoni fejn l-obbligi skont dawk l-Artikoli ma jibqgħux neċessarji aktar, ma jkunux proporzjonati għall-benefiċċji korrispondenti jew ma jkunux konsistenti ma’ jew duplikattivi tar-rekwiżiti ta’ rapportar skont il-UNFCCC. Kwalunkwe att adottat skont dan l-Artikolu ma għandux jagħmel l-obbligi ta’ rapportar internazzjonali u tal-Unjoni, b’mod ġenerali, aktar onerużi għall-Istati Membri.

Test propost mill-Kummissjoni

Emenda

1a. Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Test propost mill-Kummissjoni

Emenda

Emissjonijiet tal-karbonju iswed

Test propost mill-Kummissjoni

Emenda

(16) Skont id-Deċiżjoni 1/CP.15, l-Unjoni u l-Istati Membri impenjaw ruħhom li jipprovdu finanzjament sostanzjali tal-klima sabiex jappoġġjaw l-azzjonijiet ta’ adattament u mitigazzjoni fil-pajjiżi li qegħdin fil-fażi ta' żvilupp. Skont il-paragrafu 40 tad-Deċiżjoni 1/CP.16, kull pajjiż żviluppat li huwa Parti għall-UNFCCC għandu jtejjeb ir-rapportar dwar l-għoti ta’ appoġġ finanzjarju, teknoloġiku u għall-bini tal-kapaċità lill-Partijiet li huma pajjiżi fil-fażi ta' żvilupp. Ir-rapportar imtejjeb huwa essenzjali sabiex jiġu rikonoxxuti l-isforzi tal-Unjoni u tal-Istati Membri sabiex jissodisfaw l-impenji tagħhom. Id-Deċiżjoni 1/CP.16 stabbilixxiet ukoll Mekkaniżmu ġdid ta’ Teknoloġija sabiex jittejjeb it-trasferiment tat-teknoloġija internazzjonali. Dan ir-Regolament għandu jiżgura li tkun disponibbli informazzjoni aġġornata soda dwar l-attivitajiet ta’ trasferiment tat-teknoloġija lill-pajjiżi fil-fażi ta' żvilupp.

(16) Skont id-Deċiżjoni 1/CP.15, l-Unjoni u l-Istati Membri impenjaw ruħhom li jipprovdu finanzjament sostanzjali tal-klima sabiex jappoġġjaw l-azzjonijiet ta’ adattament u mitigazzjoni fil-pajjiżi li qegħdin fil-fażi ta' żvilupp. Skont il-paragrafu 40 tad-Deċiżjoni 1/CP.16, kull pajjiż żviluppat li huwa Parti għall-UNFCCC għandu jtejjeb ir-rapportar dwar l-għoti ta’ appoġġ finanzjarju, teknoloġiku u għall-bini tal-kapaċità lill-Partijiet li huma pajjiżi fil-fażi ta' żvilupp. Ir-rapportar imtejjeb huwa essenzjali sabiex jiġu rikonoxxuti l-isforzi tal-Unjoni u tal-Istati Membri sabiex jissodisfaw l-impenji tagħhom, b'mod partikolari l-impenji fir-rigward tal-koerenza tal-politika għall-iżvilupp bi qbil mal-Artikolu 208 TFUE. Id-Deċiżjoni 1/CP.16 stabbilixxiet ukoll Mekkaniżmu ġdid ta’ Teknoloġija sabiex jittejjeb it-trasferiment tat-teknoloġija internazzjonali. Dan ir-Regolament għandu jiżgura li tkun disponibbli informazzjoni aġġornata soda dwar l-attivitajiet ta’ trasferiment tat-teknoloġija lill-pajjiżi fil-fażi ta' żvilupp.

Test propost mill-Kummissjoni

Emenda

(i) informazzjoni dwar jekk ir-riżorsi finanzjarji pprovduti mill-Istat Membru lill-pajjiżi fil-fażi ta' żvilupp humiex ġodda u addizzjonali fil-kuntest tal-UNFCCC u kif dan ġie kkalkolat;

(i) informazzjoni dwar jekk ir-riżorsi finanzjarji pprovduti mill-Istat Membru lill-pajjiżi fil-fażi ta' żvilupp humiex ġodda u addizzjonali sabiex tiżdied l-Għajnuna Uffiċjali għall-Iżvilupp għal 0.7% ta' Dħul Nazzjonali Gross fil-kuntest tal-UNFCCC u kif dan ġie kkalkolat;

Test propost mill-Kummissjoni

Emenda

(ii) informazzjoni dwar kwalunkwe riżorsi finanzjarji allokati mill-Istat Membru relatati mal-implimentazzjoni tal-UNFCCC skont it-tip ta’ mezz, bħal mezzi bilaterali, reġjonali jew multilaterali oħrajn;

(ii) informazzjoni dwar kwalunkwe riżorsi finanzjarji allokati mill-Istat Membru relatati mal-implimentazzjoni tal-UNFCCC skont it-tip ta' strument finanzjarju u ta’ mezz, bħal mezzi bilaterali, reġjonali jew multilaterali oħrajn;

Test propost mill-Kummissjoni

Emenda

informazzjoni kwantitattiva dwar il-flussi finanzjarji abbażi tal-hekk imsejħa "Markaturi ta’ Rio [Rio markers] għall-għajnuna relatata mal-mitigazzjoni tat-tibdil fil-klima u mal-għajnuna relatata mal-adattament għat-tibdil fil-klima" (il-‘markaturi ta’ Rio’) introdotti mill-Grupp ta’ Għajnuna għall-Iżvilupp tal-OECD u informazzjoni metodoloġika dwar l-implimentazzjoni tal-metodoloġija tal-markaturi ta’ Rio għat-tibdil fil-klima;

informazzjoni kwantitattiva dwar il-flussi finanzjarji, jew permezz ta' appoġġ ta' proġett jew ta' baġit, abbażi tal-hekk imsejħa "Markaturi ta’ Rio [Rio markers] għall-għajnuna relatata mal-mitigazzjoni tat-tibdil fil-klima u mal-għajnuna relatata mal-adattament għat-tibdil fil-klima" (il-‘markaturi ta’ Rio’) introdotti mill-Grupp ta’ Għajnuna għall-Iżvilupp tal-OECD u informazzjoni metodoloġika dwar l-implimentazzjoni tal-metodoloġija tal-markaturi ta’ Rio għat-tibdil fil-klima;

Test propost mill-Kummissjoni

Emenda

(iv) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp li huma partikolarment vulnerabbli għall-effetti tat-tibdil fil-klima sabiex jadattaw għal dawk l-effetti tat-tibdil fil-klima;

(iv) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp li huma partikolarment vulnerabbli għall-effetti tat-tibdil fil-klima sabiex jadattaw għal dawk l-effetti tat-tibdil fil-klima, li tispeċifika l-pajjiż benefiċjarju, is-settur u t-tip ta' attività;

Test propost mill-Kummissjoni

Emenda

(v) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp sabiex inaqqsu l-emissjonijiet tal-gassijiet b’effett ta’ serra;

(v) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp sabiex inaqqsu l-emissjonijiet tal-gassijiet b’effett ta’ serra, li tispeċifika l-pajjiż benefiċjarju, is-settur u t-tip ta' attività;

Test propost mill-Kummissjoni

Emenda

(b) informazzjoni dwar l-attivitajiet mill-Istat Membru relatati mat-trasferiment tat-teknoloġija lill-pajjiżi fil-fażi ta' żvilupp skont il-UNFCCC u dwar it-teknoloġiji trasferiti għas-sena X-1, informazzjoni dwar l-attivitajiet ippjanati relatati mat-trasferiment tat-teknoloġija lill-pajjiżi fil-fażi ta' żvilupp skont il-UNFCCC u dwar it-teknoloġiji li għandhom jiġu trasferiti għas-sena X u għas-snin sussegwenti. Din għandha tinkludi informazzjoni dwar jekk it-teknoloġija ttrasferita ntużatx għall-mitigazzjoni jew għall-adattament għall-effetti tat-tibdil fil-klima, il-pajjiż riċevitur, l-ammont ta’ appoġġ ipprovdut, u t-tip ta’ teknoloġija trasferita.

(b) informazzjoni dwar l-attivitajiet mill-Istat Membru relatati mat-trasferiment tat-teknoloġija lill-pajjiżi fil-fażi ta' żvilupp skont il-UNFCCC u dwar it-teknoloġiji trasferiti għas-sena X-1, informazzjoni dwar l-attivitajiet ippjanati relatati mat-trasferiment tat-teknoloġija lill-pajjiżi fil-fażi ta' żvilupp skont il-UNFCCC u dwar it-teknoloġiji li għandhom jiġu trasferiti għas-sena X u għas-snin sussegwenti. Din għandha tinkludi informazzjoni dwar jekk it-teknoloġija ttrasferita ntużatx għall-mitigazzjoni jew għall-adattament għall-effetti tat-tibdil fil-klima, il-pajjiż riċevitur, l-ammont ta’ appoġġ ipprovdut, is-sors ta' finanzjament, u t-tip ta’ teknoloġija trasferita.

Test propost mill-Kummissjoni

Emenda

(b) informazzjoni dwar l-użu tad-dħul matul is-sena X-1 iġġenerat mill-Istat Membru permezz tal-irkant ta’ kwoti skont l-Artikolu 10(1) tad-Direttiva 2003/87/KE. Din l-informazzjoni għandha tinkludi wkoll informazzjoni speċifika u dettaljata dwar l-użu ta’ 50 % tad-dħul, u l-azzjoni meħuda li tirriżulta, li tispeċifika l-kategorija ta’ tali azzjonijiet meħuda skont l-Artikolu 10(3) tad-Direttiva 2003/87/KE u li tindika l-pajjiż jew reġjun benefiċjarju rilevanti;

(b) informazzjoni dwar l-użu tad-dħul matul is-sena X-1 iġġenerat mill-Istat Membru permezz tal-irkant ta’ kwoti skont l-Artikolu 10(1) tad-Direttiva 2003/87/KE. Din l-informazzjoni għandha tinkludi wkoll informazzjoni speċifika u dettaljata dwar l-użu ta’ 50 % tad-dħul, u l-azzjoni meħuda li tirriżulta, li tispeċifika l-kategorija u l-addizzjonalità ta’ tali azzjonijiet meħuda skont l-Artikolu 10(3) tad-Direttiva 2003/87/KE u li tindika l-pajjiż jew reġjun benefiċjarju rilevanti;

Test propost mill-Kummissjoni

Emenda

(d) l-informazzjoni msemmija fil-punt (b) tal-Artikolu 6(1) tad-Deċiżjoni Nru 406/2009/KE u informazzjoni dwar kif il-politika tax-xiri tagħhom issaħħaħ il-kisba ta’ ftehim internazzjonali dwar it-tibdil fil-klima.

(d) l-informazzjoni msemmija fil-punt (b) tal-Artikolu 6(1) tad-Deċiżjoni Nru 406/2009/KE u informazzjoni dwar kif il-politika tax-xiri tagħhom issaħħaħ il-kisba ta’ ftehim internazzjonali dwar it-tibdil fil-klima. Fil-każ ta' attivitajiet ta' proġetti għall-produzzjoni ta' enerġija idroelettrika b'kapaċità ta' ġenerazzjoni li taqbeż l-20MW, l-Istati Membri għandhom jiżguraw, meta jiġu biex japprovaw tali attivitajiet ta' proġetti, li l-kriterji u l-linji gwida internazzjonali rilevanti, b'mod partikolari l-Protokoll għall-Valutazzjoni tas-Sostenibilità tal-Idroenerġija ppubblikat mill-Assoċjazzjoni Internazzjonali tal-Idroenerġija f'Novembru 2010, jiġu rispettati matul l-iżvilupp ta' tali attivitajiet ta' proġetti.

Test propost mill-Kummissjoni

Emenda

(4) Id-Deċiżjoni 1/CP.15 tal-Konferenza tal-Partijiet għall-UNFCCC ('Deċiżjoni 1/CP.15' jew il-'Qbil ta’ Kopenħagen') u d-Deċiżjoni 1/CP.16 tal-Konferenza tal-Partijiet għall-UNFCCC ('Deċiżjoni 1/CP.16' jew il-'Ftehimiet ta’ Cancún') ikkontribwixxew b’mod sinjifikanti għall-progress fl-indirizzar tal-isfidi mqajma mit-tibdil fil-klima b’mod bilanċjat. Dawk id-deċiżjonijiet introduċew rekwiżiti ġodda ta’ monitoraġġ u ta' rapportar li japplikaw għall-implimentazzjoni ta’ tnaqqis ambizzjuż fl-emissjonijiet, li l-Unjoni u l-Istati Membri tagħha kienu taw l-impenn tagħhom għaliha, u pprovdew appoġġ lill-pajjiżi li qegħdin fil-fażi tal-iżvilupp. Dawk id-deċiżjonijiet irrikonoxxew ukoll l-importanza li l-adattament jiġi indirizzat bl-istess prijorità bħall-mitigazzjoni. Id-Deċiżjoni 1/CP.16 tesiġi wkoll li l-pajjiżi żviluppati jelaboraw l-istrateġiji jew il-pjanijiet ta’ żvilupp b’emissjonijiet baxxi ta’ karbonju. Dawn l-istrateġiji jew pjanijiet huma mistennija li jikkontribwixxu lejn il-bini ta’ soċjetà b’emissjonijiet baxxi ta’ karbonju u li jiżguraw tkabbir għoli u żvilupp sostenibbli kontinwi. Dan ir-Regolament għandu jiffaċilita, permezz tal-atti ddelegati tiegħu, l-implimentazzjoni ta’ dawn ir-rekwiżiti ta’ monitoraġġ u ta' rapportar, kif ukoll dawk futuri, li joħorġu minn deċiżjonijiet ulterjuri jew mill-approvazzjoni ta’ ftehim internazzjonali skont il-UNFCCC.

(4) Id-Deċiżjoni 1/CP.15 tal-Konferenza tal-Partijiet għall-UNFCCC ('Deċiżjoni 1/CP.15' jew il-'Qbil ta’ Kopenħagen') u d-Deċiżjoni 1/CP.16 tal-Konferenza tal-Partijiet għall-UNFCCC ('Deċiżjoni 1/CP.16' jew il-'Ftehimiet ta’ Cancún') ikkontribwixxew b’mod sinjifikanti għall-progress fl-indirizzar tal-isfidi mqajma mit-tibdil fil-klima b’mod bilanċjat. Dawk id-deċiżjonijiet introduċew rekwiżiti ġodda ta’ monitoraġġ u ta' rapportar li japplikaw għall-implimentazzjoni ta’ tnaqqis ambizzjuż fl-emissjonijiet, li l-Unjoni u l-Istati Membri tagħha kienu taw l-impenn tagħhom għaliha, u pprovdew appoġġ lill-pajjiżi li qegħdin fil-fażi tal-iżvilupp. Dawk id-deċiżjonijiet irrikonoxxew ukoll l-importanza li l-adattament jiġi indirizzat bl-istess prijorità bħall-mitigazzjoni. Id-Deċiżjoni 1/CP.16 tesiġi wkoll li l-pajjiżi żviluppati jelaboraw l-istrateġiji jew il-pjanijiet ta’ żvilupp b’emissjonijiet baxxi ta’ karbonju. Dawn l-istrateġiji jew pjanijiet huma mistennija li jikkontribwixxu lejn il-bini ta’ soċjetà b’emissjonijiet baxxi ta’ karbonju u li jiżguraw tkabbir għoli u żvilupp sostenibbli kontinwi b’mod kosteffikaċi. Skont il-Komunikazzjoni tal-Kummissjoni tat-8 ta’ Marzu 2011 bl-isem “'Pjan direzzjonali għal ekonomija kompetittiva b’livell baxx ta’ emissjonijiet tal-karbonju fl-2050”, tnaqqis tal-emissjonijiet nazzjonali ta’ madwar 40% u 60% taħt il-livelli tal-1990 ikun triq kosteffikaċi sal-2030 u 2040. Dan ir-Regolament għandu jiffaċilita, permezz tal-atti ddelegati tiegħu, l-implimentazzjoni ta’ dawn ir-rekwiżiti ta’ monitoraġġ u ta' rapportar, kif ukoll dawk futuri, li joħorġu minn deċiżjonijiet ulterjuri jew mill-approvazzjoni ta’ ftehim internazzjonali skont il-UNFCCC.

Test propost mill-Kummissjoni

Emenda

(5) Il-Pakkett tal-Klima u l-Enerġija adottat fl-2009, b’mod partikolari d-Deċiżjoni Nru 406/2009/KE tat-23 ta’ April 2009 dwar l-isforzi tal-Istati Membri biex inaqqsu l-emissjonijiet tagħhom tal-gassijiet serra biex jonoraw l-impenji tal-Komunità għat-tnaqqis tal-emissjonijiet tal-gass serra sal-2020 u d-Direttiva 2009/29/KE tat-23 ta’ April 2009 li temenda d-Direttiva 2003/87/KE għat-titjib u l-estensjoni tal-iskema Komunitarja għall-iskambju tal-kwoti tal-emissjonijiet ta’ gassijiet serra, jikkostitwixxi impenn qawwi ieħor mill-Unjoni u l-Istati Membri li jnaqqsu l-emissjonijiet tagħhom ta’ gassijiet b’effett ta’ serra b’mod sinjifikanti. Is-sistema tal-Unjoni għall-monitoraġġ u r-rapportar tal-emissjonijiet għandha tiġi aġġornata wkoll fid-dawl tar-rekwiżiti l-ġodda skont dik il-leġiżlazzjoni.

(5) Il-Pakkett tal-Klima u l-Enerġija adottat fl-2009, b’mod partikolari d-Deċiżjoni Nru 406/2009/KE tal-Parlament Ewropew u tal-Kunsill tat-23 ta’ April 2009 dwar l-isforzi tal-Istati Membri biex inaqqsu l-emissjonijiet tagħhom tal-gassijiet serra biex jonoraw l-impenji tal-Komunità għat-tnaqqis tal-emissjonijiet tal-gass serra sal-2020, id-Direttiva 2009/29/KE tal-Parlament Ewropew u tal-Kunsill tat-23 ta’ April 2009 li temenda d-Direttiva 2003/87/KE għat-titjib u l-estensjoni tal-iskema Komunitarja għall-iskambju tal-kwoti tal-emissjonijiet ta’ gassijiet serra, u d-Direttiva 2009/28/KE tal-Parlament Ewropew u tal-Kunsill tat-23 ta' April 2009 dwar il-promozzjoni tal-użu tal-enerġija minn sorsi rinnovabbli1, jikkostitwixxi impenn qawwi ieħor mill-Unjoni u l-Istati Membri li jnaqqsu l-emissjonijiet tagħhom ta’ gassijiet serra b’mod sinifikanti. Is-sistema tal-Unjoni għall-monitoraġġ u r-rapportar tal-emissjonijiet għandha tiġi aġġornata wkoll fid-dawl tar-rekwiżiti l-ġodda skont dik il-leġiżlazzjoni.

_____________

1 ĠU L 140, 5.6.2009, p. 16.

Test propost mill-Kummissjoni

Emenda

(7a) Ċipru u Malta huma inklużi bl-Anness I tal-Protokoll ta’ Kjotot taħt id-Deċiżjoni CP.17 (b’seħħ mill-1 ta’ Jannar 2013 jew data sussegwenti) u d-Deċiżjoni 3/CP15 (b'seħ mis-26 ta' Ottubru 2010) rispettivament.

Test propost mill-Kummissjoni

Emenda

(10a) Biex l-effikaċja tal-arranġamenti għall-monitoraġ u r-rappurtar tal-emissjonijiet tal-gassijiet serra tkun żgurata, jeħtieġ li nevitaw li jkomplu jiżdiedu l-piżijiet finanzjarji u amministrattivi li diġà qed jerfgħu l-Istati Membri.

Test propost mill-Kummissjoni

Emenda

(12) L-Unjoni u l-Istati Membri għandhom jagħmlu ħilithom biex jipprovdu informazzjoni l-aktar aġġornata dwar l-emissjonijiet tagħhom ta’ gassijiet b’effett ta’ serra, b’mod partikolari skont il-qafas tal-istrateġija Ewropa 2020 u t-termini ta’ żmien speċifikati tagħha. Dan ir-Regolament għandu jippermetti li dawn l-estimi jitħejjew fl-iqsar perjodi ta’ żmien possibbli billi tintuża informazzjoni statistika u informazzjoni oħra.

(12) L-Unjoni u l-Istati Membri għandhom jagħmlu ħilithom biex jipprovdu informazzjoni l-aktar aġġornata dwar l-emissjonijiet tagħhom ta’ gassijiet serra, b’mod partikolari skont il-qafas tal-istrateġija Ewropa 2020 u t-termini ta’ żmien speċifikati tagħha, u fil-qafas tal-istrateġija u l-politika spazjali Ewropea, li tindirizza sfidi importanti bħal diżastri naturali, monitoraġġ ta' riżorsi u tal-klima, għall-benefiċċju taċ-ċittadini tal-Unjoni. F'dak ir-rigward, id-data spazjali għandha tiġi kkunsidrata bħala għodda ta' monitoraġġ essenzjali għall-Unjoni u l-Istati Membri minħabba l-kapaċità tagħha li ttejjeb l-istampa kumplessiva tal-emissjonijiet tas-CO2 u s-CH4 kif ukoll tal-LULUCF. Għal dak il-għan, għandu jsir użu massimu tal-Monitoraġġ Globali għall-programm tal-Ambjent u s-Sigurtà (GMES) u ta' sistemi oħra satellitari biex jista' jkun hemm rappurtar fil-ħin tal-emissjonijiet (kejl globali ta' kuljum tas-CO2 u s-CH4 ta' emissjonijiet mill-bniedem u dawk rurali kif ukoll ta' assorbiment tas-CO2) u verifiki indipendenti ta' rapporti tal-emissjonijiiet ikkalkolati. Dan ir-Regolament għandu jippermetti li dawn l-estimi jitħejjew fl-iqsar perjodi ta’ żmien possibbli billi tintuża informazzjoni statistika u informazzjoni oħra.

Test propost mill-Kummissjoni

Emenda

(25a) Is-setgħat tal-Kummissjoni li tadotta atti delegati sabiex iżżid jew tneħħi sustanzi elenkati fil-lista ta' gassijiet serra stabbilita fl-Anness I ta' dan ir-Regolament għandhom ikunu konformi mal-ftehimiet internazzjonali ġodda kollha.

Test propost mill-Kummissjoni

Emenda

1. L-Istati Membri, u l-Kummissjoni f’isem l-Unjoni, għandhom ifasslu u jimplimentaw strateġija ta’ żvilupp b’emissjonijiet baxxi ta’ karbonju li tikkontribwixxi biex:

1. L-Istati Membri, u l-Kummissjoni f’isem l-Unjoni, għandhom ifasslu u jimplimentaw strateġija ta’ żvilupp b’emissjonijiet baxxi ta’ karbonju li tikkontribwixxi biex:

(a) il-monitoraġġ trasparenti u preċiż tal-progress attwali u dak projettat magħmul mill-Istati Membri, inkluż il-kontribut magħmul permezz tal-miżuri tal-Unjoni, sabiex jiġu ssodisfati l-impenji tal-Unjoni u tal-Istati Membri skont il-UNFCCC li jillimitaw jew inaqqsu l-emissjonijiet antropoġeniċi ta’ gassijiet b’effett ta’ serra;

(a) il-monitoraġġ trasparenti u preċiż tal-progress attwali u dak projettat magħmul mill-Istati Membri, inkluż il-kontribut magħmul permezz tal-miżuri tal-Unjoni, sabiex jiġu ssodisfati l-impenji tal-Unjoni u tal-Istati Membri skont il-UNFCCC li jillimitaw jew inaqqsu l-emissjonijiet antropoġeniċi ta’ gassijiet serra;

(b) l-issodisfar tal-impenji tal-Istati Membri għat-tnaqqis tal-emissjonijiet ta’ gassijiet b’effett ta’ serra skont id-Deċiżjoni Nru 406/2009/KE u l-kisba tat-tnaqqis u t-titjib fit-tul tal-assorbiment minn bjar tal-emissjonijiet fis-setturi kollha b’konformità mal-objettiv tal-Unjoni li tnaqqas l-emissjonijiet bi 80 sa 95 % sal-2050 meta mqabbla mal-livelli tal-1990, fil-kuntest tat-tnaqqis neċessarju, skont l-IPCC, mill-pajjiżi żviluppati bħala grupp.

(b) l-issodisfar tal-impenji tal-Istati Membri għat-tnaqqis tal-emissjonijiet ta’ gassijiet serra skont id-Deċiżjoni Nru 406/2009/KE u l-kisba tat-tnaqqis u t-titjib fit-tul tal-assorbiment minn bjar tal-emissjonijiet fis-setturi kollha b’konformità mal-objettiv tal-Unjoni li tnaqqas l-emissjonijiet domestiċi bi 80 sa 95 % sal-2050 meta mqabbla mal-livelli tal-1990 u bi trajettorja kosteffikaċi, inklużi stadji għal tnaqqis nazzjonali għall-2030 u l-2040, fil-kuntest tat-tnaqqis neċessarju, skont l-IPCC, mill-pajjiżi żviluppati bħala grupp.

Test propost mill-Kummissjoni

Emenda

2. L-Istati Membri għandhom jippreżentaw lill-Kummissjoni l-istrateġija tagħhom ta’ żvilupp b’emissjonijiet baxxi ta’ karbonju sena wara d-dħul fis-seħħ ta’ dan ir-Regolament jew b’konformità ma’ kwalunkwe skeda ta’ żmien miftiehma internazzjonalment fil-kuntest tal-proċess tal-UNFCCC.

2. L-Istati Membri għandhom jippreżentaw lill-Kummissjoni l-istrateġija tagħhom ta’ żvilupp b’emissjonijiet baxxi ta’ karbonju sentejn wara d-dħul fis-seħħ ta’ dan ir-Regolament jew b’konformità ma’ kwalunkwe skeda ta’ żmien miftiehma internazzjonalment fil-kuntest tal-proċess tal-UNFCCC.

Test propost mill-Kummissjoni

Emenda

1. L-Istati Membri għandhom, wara t-tlestija tar-reviżjoni tal-inventarji nazzjonali tagħhom skont il-Protokoll ta’ Kjoto għal kull sena tal-ewwel perjodu ta’ impenn skont il-Protokoll ta’ Kjoto, inkluż ir-riżoluzzjoni ta’ kwalunkwe kwistjoni ta’ implimentazzjoni, jirtiraw mir-reġistru l-AAUs, l-RMUs, l-ERUs u s-CERs ekwivalenti għall-emissjonijiet netti tagħhom matul dik is-sena.

1. L-Istati Membri għandhom, wara t-tlestija tar-reviżjoni tal-inventarji nazzjonali tagħhom skont il-Protokoll ta’ Kjoto għal kull sena tal-ewwel perjodu ta’ impenn skont il-Protokoll ta’ Kjoto, inkluż ir-riżoluzzjoni ta’ kwalunkwe kwistjoni ta’ implimentazzjoni, jirtiraw mir-reġistru l-AAUs, l-RMUs, l-ERUs u s-CERs utilizzati ekwivalenti għall-emissjonijiet netti tagħhom matul dik is-sena.

Test propost mill-Kummissjoni

Emenda

2. Fir-rigward tal-aħħar sena tal-perjodu ta’ impenn skont il-Protokoll ta’ Kjoto, l-Istati Membri għandhom jirtiraw l-unitajiet mir-reġistru qabel it-tmiem tal-perjodu addizzjonali għall-issodisfar tal-impenji stabbiliti fid-Deċiżjoni 11/CMP.1 tal-Konferenza tal-Partijiet għall-UNFCCC li sservi bħala l-laqgħa tal-Partijiet għall-Protokoll ta’ Kjoto.

2. Fir-rigward tal-aħħar sena tal-perjodu ta’ impenn skont il-Protokoll ta’ Kjoto, l-Istati Membri għandhom jirtiraw l-unitajiet utilizzati mir-reġistru qabel it-tmiem tal-perjodu addizzjonali għall-issodisfar tal-impenji stabbiliti fid-Deċiżjoni 11/CMP.1 tal-Konferenza tal-Partijiet għall-UNFCCC li sservi bħala l-laqgħa tal-Partijiet għall-Protokoll ta’ Kjoto.

Test propost mill-Kummissjoni

Emenda

1. L-Istati Membri għandhom jipprovdu lill-Kummissjoni, sal-15 ta’ Marzu ta’ kull sena (‘is-sena X’), b’dawn li ġejjin:

1. L-Istati Membri jistgħu jipprovdu lill-Kummissjoni, sal-15 ta’ Marzu ta’ kull sena (‘is-sena X’), dawn li ġejjin:

Test propost mill-Kummissjoni

Emenda

1. L-Istati Membri għandhom jirrapportaw lill-Kummissjoni, sal-15 ta’ Marzu ta’ kull sena ('sena X'), il-projezzjonijiet nazzjonali tal-emissjonijiet antropoġeniċi ta’ gassijiet b’effett ta’ serra minn sorsi u tal-assorbiment minn bjar, organizzati skont it-tip ta’ gass u skont is-settur. Dawk il-projezzjonijiet għandhom jinkludu estimi kwantitattivi għal sekwenza ta’ 4 snin futuri li jintemmu b’0 jew 5 immedjatament wara s-sena X. Il-projezzjonijiet nazzjonali għandhom jieħdu f’kunsiderazzjoni kwalunkwe politiki u miżuri adottati fil-livell tal-Unjoni u jkunu jinkludu:

1. L-Istati Membri għandhom jirrapportaw darba kull sentejn lill-Kummissjoni, sal-15 ta’ Marzu tas-sena relevanti ('sena X'), il-projezzjonijiet nazzjonali tal-emissjonijiet antropoġeniċi ta’ gassijiet serra minn sorsi u tal-assorbiment minn bjar, organizzati skont it-tip ta’ gass u skont is-settur. Dawk il-projezzjonijiet għandhom jinkludu estimi kwantitattivi għal sekwenza ta’ 4 snin futuri li jintemmu b’0 jew 5 immedjatament wara s-sena X. Il-projezzjonijiet nazzjonali għandhom jieħdu f’kunsiderazzjoni kwalunkwe politiki u miżuri adottati fil-livell tal-Unjoni u jkunu jinkludu:

Test propost mill-Kummissjoni

Emenda

L-Istati Membri għandhom jirrapportaw lill-Kummissjoni, sal-15 ta’ Marzu ta’ kull sena, informazzjoni dwar l-azzjonijiet implimentati jew ippjanati tagħhom sabiex jadattaw għat-tibdil fil-klima, b’mod partikolari, dwar l-istrateġiji nazzjonali jew reġjonali ta’ adattament u dwar il-miżuri ta’ adattament. Din l-informazzjoni għandha tinkludi l-allokazzjoni baġitarja skont is-settur tal-politika u, għal kull miżura ta’ adattament, l-objettiv prinċipali, it-tip ta’ strument, l-istatus tal-implimentazzjoni u l-kategorija tal-impatt tat-tibdil fil-klima (bħal għargħar, żieda fil-livell tal-baħar, temperaturi estremi, nixfiet u avvenimenti ta’ temp estremi).

L-Istati Membri għandhom jirrapportaw darba kull sentejn lill-Kummissjoni, sal-15 ta’ Marzu tas-sena relevanti, informazzjoni dwar l-azzjonijiet implimentati jew ippjanati tagħhom sabiex jadattaw għat-tibdil fil-klima, b’mod partikolari, dwar l-istrateġiji nazzjonali jew reġjonali ta’ adattament u dwar il-miżuri ta’ adattament. Din l-informazzjoni għandha tinkludi l-allokazzjoni baġitarja skont is-settur tal-politika u, għal kull miżura ta’ adattament, l-objettiv prinċipali, it-tip ta’ strument, l-istatus tal-implimentazzjoni u l-kategorija tal-impatt tat-tibdil fil-klima (bħal għargħar, żieda fil-livell tal-baħar, temperaturi estremi, nixfiet u avvenimenti ta’ temp estremi).

Test propost mill-Kummissjoni

Emenda

L-Istati Membri għandhom, fuq il-bażi tal-aħjar dejta disponibbli, jirrapportaw lill-Kummissjoni, sal-15 ta’ Marzu ta’ kull sena ('sena X'):

L-Istati Membri għandhom, fuq il-bażi tal-aħjar dejta disponibbli, jirrapportaw darba kull sentejn lill-Kummissjoni, sal-15 ta’ Marzu tas-sena relevanti ('sena X'):

Test propost mill-Kummissjoni

Emenda

(iv) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp li huma partikolarment vulnerabbli għall-effetti tat-tibdil fil-klima sabiex jadattaw għal dawk l-effetti tat-tibdil fil-klima;

(iv) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp li huma partikolarment vulnerabbli għall-effetti tat-tibdil fil-klima sabiex jadattaw għal dawk l-effetti tat-tibdil fil-klima, li tispeċifika l-pajjiż benefiċjarju, is-settur u t-tip ta' attività;

Test propost mill-Kummissjoni

Emenda

(v) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp sabiex inaqqsu l-emissjonijiet tal-gassijiet b’effett ta’ serra;

(v) informazzjoni dettaljata dwar l-għajnuna pprovduta kemm mis-settur pubbliku kif ukoll mis-settur privat, skont kif xieraq, lill-pajjiżi fil-fażi ta' żvilupp sabiex inaqqsu l-emissjonijiet tal-gassijiet serra, li tispeċifika l-pajjiż benefiċjarju, is-settur u t-tip ta' attività;

Test propost mill-Kummissjoni

Emenda

(d) l-informazzjoni msemmija fil-punt (b) tal-Artikolu 6(1) tad-Deċiżjoni Nru 406/2009/KE u informazzjoni dwar kif il-politika tax-xiri tagħhom issaħħaħ il-kisba ta’ ftehim internazzjonali dwar it-tibdil fil-klima.

(d) l-informazzjoni msemmija fil-punt (b) tal-Artikolu 6(1) tad-Deċiżjoni Nru 406/2009/KE u informazzjoni dwar kif il-politika tax-xiri tagħhom issaħħaħ il-kisba ta’ ftehim internazzjonali dwar it-tibdil fil-klima. Fil-każ ta' attivitajiet ta' proġetti għall-produzzjoni ta' enerġija idroelettrika b'kapaċità ta' ġenerazzjoni li taqbeż l-20MW, l-Istati Membri għandhom iressqu informazzjoni dwar kif, meta jiġu biex japprovaw tali attivitajiet ta' proġetti, ikunu żguraw li l-kriterji u l-linji gwida internazzjonali relevanti, b'mod partikolari l-Protokoll għall-valutazzjoni tas-Sostenibilità tal-Idroenerġija tal-2010, se jiġu rispettati matul l-iżvilupp ta' tali attivitajiet marbutin mal-proġetti.

Test propost mill-Kummissjoni

Emenda

(ba) il-mira klimatika fit-tul u trajettorju kosteffikaċi, inklużi stadji għat-tnaqqis tal-emissjonijiet nazzjonali għall-2030 u l-2040;