Abbozz ta' riżoluzzjoni leġiżlattiva

Emenda

- wara li kkunsidra l-opinjoni tal-Kontrollur Ewropew għall-Protezzjoni tad-Dejta tal-5 ta’ Ottubru 20111,

__________________

1 Għadha mhijiex ippubblikata f’Il-Ġurnal Uffiċjali.

Test propost mill-Kummissjoni

Emenda

(4) Sabiex tiġi żgurata l-koerenza bejn l-eżenzjonijiet differenti stabbiliti fl-Artikolu 13 tar-Regolament (KE) Nru 561/2006, u jonqos il-piż amministrattiv fuq l-impriżi tat-trasport filwaqt li jiġu rispettati l-għanijiet ta’ dak ir-Regolament, id-distanzi massimi permissibbli stabbiliti fl-Artikoli 13(d), (f) u (p) tiegħu għandhom jiġu riveduti.

(4) Sabiex tiġi żgurata l-koerenza bejn l-eżenzjonijiet differenti stabbiliti fl-Artikolu 13 tar-Regolament (KE) Nru 561/2006, biex jonqos il-piż amministrattiv fuq l-impriżi tat-trasport, biex jiġi żgurat li l-apparat ta' reġistrazzjoni jiżviluppa skont il-prattika fil-qasam, filwaqt li jiġu rispettati l-għanijiet ta’ dak ir-Regolament, id-distanzi massimi permissibbli stabbiliti fl-Artikoli 13(d), (f) u (p) tiegħu għandhom jiġu riveduti.

Test propost mill-Kummissjoni

Emenda

(16) Sabiex tiġi żgurata l-kompetizzjoni ġusta fis-suq intern tat-trasport bit-triq u jingħata messaġġ ċar lis-sewwieqa u lill-impriżi tat-trasport, l-ogħla kategorija ta’ sanzjonijiet tal-Istati Membri għandhom jiġu imposti fuq ksur ‘serju ħafna’ (kif definit fid-Direttiva tal-Kummissjoni 2009/5/KE tat-30 ta’ Jannar 2009 li temenda l-Anness III tad-Direttiva 2006/22/KE tal-Parlament Ewropew u tal-Kunsill dwar il-kundizzjonijiet minimi għall-implimentazzjoni tar-Regolamenti tal-Kunsill (KEE) Nru 3820/85 u (KEE) Nru 3821/85 dwar il-leġiżlazzjoni soċjali li għandha x'taqsam ma' attivitajiet tat-trasport bit-triq), mingħajr preġudizzju għall-prinċipju tas-sussidjarjetà.

(16) Sabiex tiġi żgurata l-kompetizzjoni ġusta fis-suq intern tat-trasport bit-triq u jingħata messaġġ ċar lis-sewwieqa u lill-impriżi tat-trasport, id-definizzjoni ta’ ksur serju ħafna kontra dan ir-Regolament għandha tkun armonizzata u tkun torbot fin-natura tagħha u l-ogħla kategorija ta’ sanzjonijiet tal-Istati Membri għandhom jiġu imposti fuq ksur ‘serju ħafna’ (kif definit fid-Direttiva tal-Kummissjoni 2009/5/KE tat-30 ta’ Jannar 2009 li temenda l-Anness III tad-Direttiva 2006/22/KE tal-Parlament Ewropew u tal-Kunsill dwar il-kundizzjonijiet minimi għall-implimentazzjoni tar-Regolamenti tal-Kunsill (KEE) Nru 3820/85 u (KEE) Nru 3821/85 dwar il-leġiżlazzjoni soċjali li għandha x'taqsam ma' attivitajiet tat-trasport bit-triq), mingħajr preġudizzju għall-prinċipju tas-sussidjarjetà. Għandhom isiru wkoll sforzi biex jiġi żgurat li l-pieni imposti għal kwalunkwe ksur ikunu dejjem ‘effettivi, proporzjonati u dissważivi’. B'mod partikolari għandhom jittieħdu passi konkreti biex tiġi eliminata l-prattika ta’ multi għoljin wisq għal ksur minuri.

Test propost mill-Kummissjoni

Emenda

(16a) Regoli differenti għall-kalkolu tal-ħin tas-sewqan ta' kuljum iwasslu għal nuqqas ta' uniformità fl-applikazzjoni tar-Regolament (KE) Nru 561/2006 u joħolqu inċertezza legali għas-sewwieqa u għall-impriżi tat-trasport fit-trasport transkonfinali. Fl-interess ta' implimentazzjoni ċara, effettiva, proporzjonali u uniformi tar-regoli tas-sigurtà soċjali fir-rigward tat-trasport bit-triq huwa indispensabbli li l-awtoritajiet tal-Istati Membri japplikaw ir-regoli b'mod uniformi.

Test propost mill-Kummissjoni

Emenda

(17) Permezz tal-adattamenti tal-ftehim Ewropew li jikkonċerna x-xogħol ta’ ekwipaġġi ta’ vetturi impenjati fit-trasport bit-triq internazzjonali, iffirmat f’Ġinevra fl-1 ta’ Lulju 1970, inklużi s-sitt emendi tiegħu, depożitati mas-Segretarju Ġenerali tan-Nazzjonijiet Uniti (AETR), l-użu tal-apparat ta’ reġistrazzjoni msemmi fl-Anness IB sar obbligatorju fir-rigward ta’ vetturi rreġistrati f’pajjiżi terzi tal-viċinat. Minħabba li dawn il-pajjiżi huma affettwati direttament mill-bidliet fl-apparat ta’ reġistrazzjoni introdotti mir-Regolament preżenti, dawn għandhom ikunu jistgħu jipparteċipaw fid-djalogu dwar kwistjonijiet tekniċi. Għalhekk għandu jiġi stabbilit Forum dwar it-Takografi.

(17) Permezz tal-adattamenti tal-ftehim Ewropew li jikkonċerna x-xogħol ta’ ekwipaġġi ta’ vetturi impenjati fit-trasport bit-triq internazzjonali, iffirmat f’Ġinevra fl-1 ta’ Lulju 1970, inklużi s-sitt emendi tiegħu, depożitati mas-Segretarju Ġenerali tan-Nazzjonijiet Uniti (AETR), l-użu tat-takografi diġitali sar obbligatorju fir-rigward ta’ vetturi rreġistrati f’pajjiżi terzi tal-viċinat. Minħabba li dawn il-pajjiżi huma affettwati direttament mill-bidliet fl-apparat ta’ reġistrazzjoni introdotti mir-Regolament preżenti, dawn għandhom ikunu jistgħu jipparteċipaw fid-djalogu dwar kwistjonijiet tekniċi u dwar it-twaqqif ta’ sistema elettronika unika għall-iskambju ta’ informazzjoni dwar il-kards tas-sewwieqa. Għalhekk għandu jiġi stabbilit Forum dwar it-Takografi.

(Din l-emenda (“takografu diġitali" tieħu post “apparat ta’ reġistrazzjoni msemmi fl-Anness IB”) tapplika għat-test leġiżlattiv kollu. L-adozzjoni tagħha timponi adattamenti korrispondenti fit-test kollu.)

Test propost mill-Kummissjoni

Emenda

It-trasport ta' passiġġieri u oġġetti jsir taħt klawżoli u kundizzjonijiet differenti ferm. Għaldaqstant, għandha tiġi ppreżentata mill-aktar fis possibbli, iżda mhux aktar tard mill-aħħar tal-2013, reviżjoni tal-obbligu li jsir użu mit-takografu kif ukoll tar-Regolamenti dwar il-ħinijiet tas-sewqan u l-mistrieħ għat-trasport b'kowċis.

Test propost mill-Kummissjoni

Emenda

(21b) Standards u speċifikazzjonijiet għandhom jiġu elaborati bħala standards miftuħin, li jippermettu l-integrazzjoni ta' funzjonalitajiet oħra bħal apparat tar-reġistrazzjoni ta' aċċidenti u sejħa ta’ emerġenza lill-112, wara eżami mill-Kummissjoni, fl-istess apparat.

Test propost mill-Kummissjoni

Emenda

(-1) It-titolu qed jiġi sostitwit b’dan li ġej:

“Ir-Regolament tal-Parlament Ewropew u tal-Kunsill li jemenda r-Regolament (KEE) Nru 3821/85 tal-20 ta’ Diċembru 1985 dwar takografi għat-trasport bit-triq u li jemenda r-Regolament (KE) Nru 561/2006 tal-Parlament Ewropew u tal-Kunsill”

(Din l-emenda tapplika għat-test leġiżlattiv kollu li qed jiġi eżaminat. L-adozzjoni tagħha timponi adattamenti korrispondenti fit-test kollu.)

Test propost mill-Kummissjoni

Emenda

Prinċipji u ambitu

Prinċipji, ambitu u rekwiżiti

Test propost mill-Kummissjoni

Emenda

Suġġett u prinċipju

Suġġett u prinċipji

Test propost mill-Kummissjoni

Emenda

Dan ir-Regolament jistabbilixxi rekwiżiti għall-kostruzzjoni, l-installazzjoni, l-użu u l-ittestjar tal-apparat ta’ reġistrazzjoni użat fit-trasport bit-triq għall-kontroll tal-konformità mar-Regolament (KE) Nru 561/2006, id-Direttiva 2002/15/KE u d-Direttiva tal-Kunsill 92/6/KEE.

1. Dan ir-Regolament jistabbilixxi l-obbligi u r-rekwiżiti fir-rigward tal-kostruzzjoni, l-installazzjoni, l-użu u l-ittestjar kif ukoll il-kontroll tat-takografi użati fit-trasport bit-triq għall-kontroll tal-konformità mar-Regolament (KE) Nru 561/2006, id-Direttiva 2002/15/KE u d-Direttiva tal-Kunsill 92/6/KEE.

Test propost mill-Kummissjoni

Emenda

1a. Dan ir-Regolament jistabbilixxi l-kundizzjonijiet u r-rekwiżiti li skonthom l-informazzjoni u d-dejta rreġistrata, ipproċessata jew maħżuna bit-takografu kif imsemmi fl-Artikolu 2 jistgħu jintużaw għal skopijiet oħra għajr dawk tal-kontroll tal-konformità mal-leġiżlazzjoni msemmija fil-paragrafu 1.

Test propost mill-Kummissjoni

Emenda

(a) ‘apparat ta’ reġistrazzjoni’ tfisser l-apparat intiż għall-installazzjoni f’vetturi tat-triq għall-wiri, ir-reġistrazzjoni, l-istampar, il-ħżin u l-ħruġ awtomatiku jew semiawtomatiku tad-dettalji tal-moviment ta’ vetturi bħal dawn u ta’ ċerti perjodi tax-xogħol tas-sewwieqa tagħhom;

(a) ‘takografu’ tfisser l-apparat intiż għall-installazzjoni f’vetturi tat-triq għall-wiri, ir-reġistrazzjoni, l-istampar, il-ħżin u l-ħruġ awtomatiku jew semiawtomatiku tad-dettalji tal-moviment ta’ vetturi bħal dawn b’rabta mal-perjodi differenti ta’ żmien li huma parti mill-perjodi ta’ xogħol ta’ kuljum tas-sewwieqa, u ta’ dejta msemmija fl-Artikolu 30 ta’ dan ir-Regolament;

Test propost mill-Kummissjoni

Emenda

(b) ‘unità ta’ vettura’ tfisser l-apparat ta’ reġistrazzjoni minbarra s-senser tal-moviment u l-kejbils li jikkonnettjaw is-senser tal-moviment. L-unità ta’ vettura tista’ tkun unità waħda jew ħafna unitajiet distribwiti fil-vettura, sakemm din tikkonforma mar-rekwiżiti tas-sigurtà ta’ dan ir-Regolament;

(b) ‘unità ta’ vettura’ tfisser it-takografu minbarra s-senser tal-moviment u l-kejbils li jikkonnettjaw is-senser tal-moviment. L-unità ta’ vettura tista’ tkun unità waħda jew ħafna unitajiet distribwiti fil-vettura, sakemm din tikkonforma mar-rekwiżiti tas-sigurtà ta’ dan ir-Regolament; L-unità tal-vettura tinkludi unità tal-ipproċċessar, memorja tad-dejta, arloġġ tal-ħin reali, żewġ mezzi ta' interfaċċja għal smart cards (tas-sewwieq u l-kosewwieq), tagħmir li jistampa, apparat li juri karattri fuq skrin, twissija viżwali, konnettur tal-kalibrazzjoni/downloading, u faċilitajiet għad-dħul tal-inputs tal-utent.

Test propost mill-Kummissjoni

Emenda

(d) ‘kard tat-takografu’ tfisser kard intelliġenti maħsuba għall-użu mal-apparat ta’ reġistrazzjoni li tippermetti l-identifikazzjoni mit-tagħmir ta’ reġistrazzjoni tar-rwol tad-detentur tal-kard u t-trasferiment u l-ħżin tad-dejta;

(d) ‘kard tat-takografu’ tfisser kard intelliġenti maħsuba għall-użu mat-takografu li tippermetti l-identifikazzjoni mit-takografu tar-rwol tad-detentur tal-kard, id-drittijiet tiegħu ta’ aċċess għad-dejta u t-trasferiment u l-ħżin tad-dejta;

Test propost mill-Kummissjoni

Emenda

(e) ‘formula ta’ reġistrazzjoni’ tfisser formula maħsuba biex taċċetta u żżomm id-dejta reġistrata, li trid titpoġġa fl-apparat ta’ reġistrazzjoni msemmi fl-Anness I u li fuqha jinkiteb rekord kontinwu tal-informazzjoni li trid tiġi reġistrata;

(e) ‘formula ta’ reġistrazzjoni’ tfisser formula maħsuba biex taċċetta u żżomm id-dejta reġistrata, li trid titpoġġa fit-takografu analogu u li fuqha jinkiteb rekord kontinwu tal-informazzjoni li trid tiġi reġistrata;

(Din l-emenda tapplika għat-test leġiżlattiv kollu li qed jiġi eżaminat. L-adozzjoni tagħha timponi adattamenti korrispondenti fit-test kollu.)

Test propost mill-Kummissjoni

Emenda

(fa) 'takografu analogu' tfisser takografu li juża formola ta' reġistrazzjoni f'konformità ma' dan ir-Regolament;

Test propost mill-Kummissjoni

Emenda

(fb) 'takografu diġitali' tfisser takografu li juża kard tat-takografu f'konformità ma' dan ir-Regolament;

Test propost mill-Kummissjoni

Emenda

(g) ‘kard tal-kontroll’ tfisser kard tat-takografu maħruġa mill-awtoritajiet ta’ Stat Membru lil awtorità tal-kontroll nazzjonali kompetenti li tidentifika l-korp tal-kontroll u b’mod mhux obbligatorju l-uffiċjal tal-kontroll u tippermetti aċċess għad-dejta maħżuna fil-memorja tad-dejta jew il-kards personali tas-sewwieq għall-qari, l-istampar u/jew it-tniżżil;

(g) ‘kard tal-kontroll’ tfisser kard tat-takografu maħruġa mill-awtoritajiet ta’ Stat Membru lil awtorità tal-kontroll nazzjonali kompetenti li tidentifika l-korp tal-kontroll u l-uffiċjal tal-kontroll u tippermetti aċċess għad-dejta maħżuna fil-memorja tad-dejta jew il-kards personali tas-sewwieq u fil-kard tal-ħanut tax-xogħol għall-qari, l-istampar u/jew it-tniżżil;

Test propost mill-Kummissjoni

Emenda

(i) ‘kard tal-ħanut tax-xogħol’ tfisser kard tat-takografu maħruġa mill-awtoritajiet ta’ Stat Membru lil manifattur ta’ apparat tar-reġistrazzjoni, fitter, manifattur tal-vetturi jew ħanut tax-xogħol approvat minn dak l-Istat Membru li tidentifika d-detentur tal-kard u tippermetti l-ittestjar, il-kalibrazzjoni u/jew it-tniżżil tal-apparat ta’ reġistrazzjoni;

(i) ‘kard tal-ħanut tax-xogħol’ tfisser kard tat-takografu maħruġa mill-awtoritajiet ta’ Stat Membru lil persunal maħtur ta' manifattur ta' takografu, fitter, manifattur tal-vetturi jew ħanut tax-xogħol approvat minn dak l-Istat Membru li tidentifika d-detentur tal-kard u tippermetti l-ittestjar, il-kalibrazzjoni u/jew it-tniżżil tat-takografi;

Test propost mill-Kummissjoni

Emenda

(j) ‘perjodu ta’ xogħol ta’ kuljum’ tfisser il-perjodu li jinkludi l-ħin tas-sewqan, il-perjodi l-oħra kollha tax-xogħol, il-perjodi ta’ disponibbiltà, il-pawżi fix-xogħol u l-perjodi ta’ mistrieħ li ma jaqbżux disa’ sigħat.

(j) ‘perjodu ta’ xogħol ta’ kuljum’ tfisser il-perjodu li jibda fil-ħin li s-sewwieq jattiva t-takografu wara perjodu ta' mistrieħ ta' ġimgħa jew ta' jum, jew, jekk il-perjodu ta’ mistrieħ ta' kuljum jinqasam f'perjodi separati, wara perjodu ta' mistrieħ li jdum mill-inqas disa' sigħat. Huwa jispiċċa fil-bidu ta' perjodu ta' mistrieħ għal jum jew, jekk il-mistrieħ għal jum jinqasam f'perjodi ta’ mistrieħ separati, fil-bidu ta' perjodu ta' mistrieħ li jestendi aktar mill-minimu ta' disa' sigħat konsekuttivi.

Test propost mill-Kummissjoni

Emenda

(ja) ‘attivazzjoni’ tfisser fażi fejn it-takografu jsir kompletament operattiv u jimplimenta l-funzjonijiet kollha, inklużi l-funzjonijiet tas-sigurtà; l-attivazzjoni ta' takografu jeħtieġ l-użu ta' kard tal-ħanut tax-xogħol;

Test propost mill-Kummissjoni

Emenda

(jb) ‘awtentikazzjoni’ tfisser funzjoni maħsuba biex tistabbilixxi u tivverifika l-identità ddikjarata;

Test propost mill-Kummissjoni

Emenda

(jc) 'l-awtentiċità' tfisser informazzjoni ġejja minn xi ħadd li l-identità tiegħu tista' tiġi vverifikata;

Test propost mill-Kummissjoni

Emenda

(jd) "kalibrazzjoni" tfisser l-aġġornament jew l-ikkonfermar ta' parametri tal-vettura li għandhom jinżammu fil-memorja tad-dejta. Il-parametri tal-vettura jinkludu l-identifikazzjoni u l-karatteristiċi tal-vettura; Il-kalibrazzjoni ta' takografu teħtieġ l-użu ta' kard tal-ħanut tax-xogħol;

Test propost mill-Kummissjoni

Emenda

(je) ‘it-tniżżil tad-dejta’ tfisser l-ikkupjar, flimkien mal-firma diġitali, ta' parti, jew ta' sett komplut ta' fajls tad-dejta li huma maħżuna fil-memorja tad-dejta tal-vettura jew fil-memorja tal-kard tat-takografu, li għalih din id-dejta hija meħtieġa biex tkun stabbilita l-konformità mad-dispożizzjonijiet stipulati fir-Regolament (KE) Nru 561/2006;

Test propost mill-Kummissjoni

Emenda

(jf) ‘avveniment’ tfisser operazzjoni li nqabdet mit-takografu li tista’ tiġi minn tentattiv ta’ frodi;

Test propost mill-Kummissjoni

Emenda

(jg) ‘ħsara’ tfisser operazzjoni anormali mikxufa mit-takografu li setgħet irriżultat minħabba li t-tagħmir ħadem ħażin jew ma ħadimx;

Test propost mill-Kummissjoni

Emenda

(jh) “installazzjoni” tfisser l-armar tat-takografu ġo vettura;

Test propost mill-Kummissjoni

Emenda

(ji) "kard mhux valida" tfisser kard li ntgħarfet bħala difettuża, jew li l-awtentikazzjoni inizjali tagħha falliet, jew li l-bidu tad-data tal-validità għadha ma ntlaħqitx, jew li d-data tal-iskadenza għaddiet;

Test propost mill-Kummissjoni

Emenda

(jj) “spezzjoni perjodika” tfisser sett ta' operazzjonijiet imwettqa biex ikun hemm kontroll li t-takografu jaħdem kif suppost u li l-issettjar jikkorrispondi mal-parametri tal-vettura;

Test propost mill-Kummissjoni

Emenda

(jk) “printer”tfisser komponent tat-takografu li jipprovdi kopji stampati tad-dejta maħżuna;

Test propost mill-Kummissjoni

Emenda

(jl) ‘tiswija’ tfisser kull tiswija ta' sensorju ta' moviment jew ta' unità ta' vettura li jenħtieġ l-iskonnettjar tal-provvista tal-elettriku, jew skonnettjar minn komponenti oħra tat-takografu, jew il-ftuħ tagħha;

Test propost mill-Kummissjoni

Emenda

(jm) ‘l-approvazzjoni tat-tip’ tfisser il-proċess biex ikun iċċertifikat, minn Stat Membru, li t-takografu (jew komponent), is-softwer jew il-kard tat-takografiku taħt investigazzjoni jissodisfa r-rekwiżiti ta' dan ir-Regolament;

Test propost mill-Kummissjoni

Emenda

(jn) ‘l-identifikazzjoni tal-vettura’ tfisser numri li jiddentifikaw il-vettura: in-numru tar-reġistrazzjoni tal-vettura (NRV) bl-indikazzjoni tal-Istat Membru li rreġistraha u n-numru tal-identifikazzjoni tal-vettura (NIV);

Test propost mill-Kummissjoni

Emenda

(jo) ‘interoperabbiltà’ tfisser il-kapaċità tas-sistemi, u tal-proċessi industrijali li dawn is-sistemi jissejsu fuqhom, li jiskambjaw id-dejta u jikkondividu l-informazzjoni u l-konoxxenza;

Test propost mill-Kummissjoni

Emenda

(jp) "interfaċċja" tfisser faċilità bejn sistemi li tipprovdi l-mezzi li bihom jistgħu jikkollegaw u jaġixxu ma' xulxin;

Test propost mill-Kummissjoni

Emenda

(3a) Sal-2020 il-vetturi kollha li mhumiex eżenti mill-applikazzjoni ta’ dan ir-Regolament skont il-paragrafi 2 u 3 għandu jkollhom takografu intelliġenti installat skont it-tifsira ta' dan ir-Regolament.

Test propost mill-Kummissjoni

Emenda

Artikolu 3a

Rekwiżiti bażiċi

1. It-takografi, il-kards tat-takografi u l-folji ta’ reġistrazzjoni għandhom ikunu soġġetti għal rekwiżiti tekniċi, funzjonali u oħrajn stretti sabiex ikun żgurat li jaqdu l-ħtiġijiet essenzjali stipulati fil-paragrafu 2 u li jiksbu l-objettivi ta' dan ir-Regolament.

2. Biex jippermetti li l-konformità mal-leġiżlazzjoni soċjali applikabbli tkun kontrollata b’mod effiċjenti, it-takografu għandu jkun konformi mar-rekwiżiti essenzjali li ġejjin. Għal dan il-għan għandu:

(a) jirreġistra dejta eżatta u affidabbli li hija relatata mal-attività tas-sewwieq u l-vettura;

(b) ikun sigur, sabiex tkun garantita l-integrità u l-oriġini tas-sors ta’ dejta rreġistrata u miksuba minn unitajiet tal-vettura, sensuri tal-moviment u kards tat-takografu;

(c) ikun interoperabbli;

(d) ikun faċli biex jintuża.

3. It-takografu għandu jiġi ddisinjat u użat b'tali mod li jiżgura l-privatezza u l-protezzjoni tad-dejta personali.

4. It-takografi għandhom jiġu ppożizzjonati fil-vettura b’tali mod li jintlaħqu u jinqraw kompletament mill-pożizzjoni bilqiegħda normali tas-sewwieq, jippermettu lis-sewwieq jaċċessa u jopera b’mod sikur waqt is-sewqan il-funzjonijiet neċessarji mill-pożizzjoni tiegħu bilqiegħda u ma jneħħux l-attenzjoni tas-sewwieq minn fuq it-triq.

5. It-tniżżil tad-dejta għandu jitwettaq b’dewmien minimu għall-intrapriżi tat-trasport jew għas-sewwieqa.

6. It-tniżżil ta’ dejta ma jistax iwassal għal alterazzjoni jew tħassir ta’ dejta. It-tniżżil tal-fajl iddettaljat tal-veloċità mhux bilfors li jkun meħtieġ biex tkun stabbilita l-konformità mar-Regolament (KE) Nru 561/2006, imma madankollu jista' jsir u jintuża għal raġunijiet oħrajn, bħal fl-investigazzjoni ta’ xi inċident.

Test propost mill-Kummissjoni

Emenda

Artikolu 3b

Il-funzjonijiet tat-takografu

It-takografu għandu jiżgura l-funzjonijiet li ġejjin:

(1) Inserzjoni u rtirar ta' kards ta' monitoraġġ ,

(2) kejl tal-veloċità u tad-distanza,

(3) kejl tal-ħin,

(4) monitoraġġ tal-attivitajiet tas-sewwieq,

(5) monitoraġġ tal-istat tas-sewqan,

(6) tniżżil manwali tas-sewwieq,

(7) tniżżil ta' postijiet fejn jibdew u/jew jispiċċaw perjodi tax-xogħol ta' kuljum ,

(8) tniżżil manwali tal-attivitajiet tas-sewwieq,

(9) tniżżil ta’ kondizzjonijiet speċifiċi,

(10) amministrazzjoni tas-serraturi tal-kumpanija,

(11) monitoraġġ tal-attivitajiet tal-kontroll,

(12) kxif ta' avvenimenti u/jew ħsarat,

(13) testijiet mibnija fih u dawk tiegħu stess,

(14) qari mill-memorja tad-dejta,

(15) reġistrazzjoni u ħżin fil-memorja tad-dejta,

(16) qari minn kards tat-takografu,

(17) reġistrazzjoni u ħżin fuq kards tat-takografu,

(18) it-turija ta' karattri fuq skrin,

(19) stampar,

(20) twissijiet,

(21) tniżżil ta' dejta għal fuq medja esterna,

(22) dejta ta' ħruġ għall-apparati esterni addizzjonali,

(23) kalibrazzjoni,

(24) aġġustament tal-ħin,

(25) apparat li juri l-kumplament tal-ħin tas-sewqan,

(26) apparat li juri l-ħin tal-pawża li jkun ittieħed.

Test propost mill-Kummissjoni

Emenda

Artikolu 3c

Dejta li trid tiġi rreġistrata

1. It-takografu diġitali għandu jirreġistra d-dejta li ġejja:

(a) id-distanza vvjaġġata, u l-veloċità tal-vettura;

(b) il-kejl tal-ħin;

(c) il-pożizzjoni tal-bidu u t-tmiem tal-perjodu ta' ħidma ta' kuljum tas-sewwieq u ta’ kull operazzjoni ta’ trasport;

(d) l-identità tas-sewwieq;

(e) l-attività tas-sewwieq;

(f) id-dejta ta' kalibrazzjoni, inkluż l-identità tal-ħanut tax-xogħol;

(g) avvenimenti u ħsarat.

2. It-takografu analogu għandu jirreġistra mill-inqas id-dejta msemmija fil-paragrafu 3(a), (b) u (e).

3. L-aċċess għad-dejta miġbura fit-takografu jista’ jingħata f’kull ħin:

(a) lill-awtoritajiet ta’ kontroll kompetenti għall-verifiki ta’ kontroll, u,

(b) lill-impriża tat-trasport rilevanti sabiex tikkonforma mal-obbligi legali tagħha, b’mod partikolari kif stipulat fl-Artikoli 28 u 29.

L-aċċess għal dejta li fiha dejta personali għandu jingħata biss wara l-awtorizzazzjoni xierqa f’konformità mal-leġiżlazzjoni tal-ħarsien tad-dejta.

Test propost mill-Kummissjoni

Emenda

Artikolu 3d

Stampa fuq l-iskrin

1. It-takografu għandu jkun jista’ juri:

(a) dejta tal-mankanza,

(b) dejta relatata ma' twissijiet,

(c) dejta relatata mal-aċċess tal-menu,

(d) dejta oħra rikjesta mill-utent f’konformità mal-paragrafu 1 tal-Artikolu 3c,

(e) informazzjoni relatata mas-sewwieq:

- jekk l-attività kurrenti hija QED ISSUQ, il-ħin kurrenti ta' sewqan kontinwu tiegħu u l-ħin kumulattiv kurrenti ta' pawża tiegħu,

- jekk l-attività kurrenti tiegħu hija MHUX QED ISSUQ, id-dewmien kurrenti tal-attività (minn meta ntgħażlet) u l-ħin kumulattiv kurrenti ta' pawża tiegħu.

2. Informazzjoni addizzjonali tista' tintwera mit-takografu, basta tingħaraf b'mod ċar mill-informazzjoni meħtieġa hawn fuq.

3. Meta l-ebda informazzjoni oħra ma teħtieġ li tintwera, it-takografu għandu juri, b'mankanza, is-segwenti:

- ħin,

- mod ta’ tħaddim,

- l-attività kurrenti tas-sewwieq u l-attività kurrenti tal-kosewwieq.

Il-wiri ta' dejta relatata ma' kull sewwieq għandha tkun ċara, sempliċi u mhux ambigwa. Fil-każ fejn l-informazzjoni relatata mas-sewwieq u mal-kosewwieq ma tistax tintwera fl-istess ħin, it-takografu għandu juri b'mankanza l-informazzjoni relatata mas-sewwieq u għandu jippermetti lill-utent biex juri l-informazzjoni relatata mal-kosewwieq.

4. It-takografu għandu juri informazzjoni ta' twissija skont l-Artikolu 3d. Deskrizzjoni letterali tat-twissija tista' tiżdied ukoll fil-lingwa magħżula tas-sewwieq.

Test propost mill-Kummissjoni

Emenda

Artikolu 3e

Twissijiet

1. It-takografu għandu jagħti twissija lis-sewwieq meta jinduna b'xi kwalunkwe avveniment u/jew difett. It-takografu għandu jagħti twissija lis-sewwieq 15-il minuta qabel ma jinqabeż il-ħin massimu ta' sewqan kontinwu permess u fil-ħin li dan jinqabeż.

2. It-twissijiet għandhom ikunu viżwali. It-twissijiet viżwali għandhom jintgħarfu b'mod ċar mill-utent, ikunu eżibiti b'mod li s-sewwieq jarahom u għandhom ikunu leġibbli b'mod ċar kemm bi nhar kif ukoll bil-lejl. Twissijiet bis-smigħ jistgħu jingħataw ukoll mat-twissijiet viżwali.

3. Twissijiet għandhom idumu mill-inqas 30 sekonda, sakemm ma jkunx rikonoxxut mill-utent billi jagħfas kwalunkwe buttuna fuq it-takografu.

4. Il-kawża tat-twissija għandha tintwera fuq it-takografu u tibqa' viżibbli sakemm ikun rikonoxxut mill-utent billi juża buttuna jew kmand speċifiku tat-takografu. Twissijiet addizzjonali jistgħu jkunu pprovduti, basta li ma jħawdux lis-sewwieqa fir-relazzjoni ta' dawk definiti qabel.

Test propost mill-Kummissjoni

Emenda

Artikolu 3f

Protezzjoni tad-dejta u privatezza

1. L-ipproċessar ta’ dejta personali fil-kuntest ta’ dan ir-Regolament għandu jitwettaq skont id-Direttivi 95/46/KE u 2002/58/KE u taħt is-superviżjoni tal-awtorità indipendenti pubblika tal-Istat Membru rilevanti msemmija fl-Artikolu 28 tad-Direttiva 95/46/KE.

2. Id-dejta strettament neċessarja għall-iskop tal-ipproċessar biss għandha tiġi proċessata.

3. L-ispeċifikazzjonijiet imsemmija f’dan ir-Regolament għandhom jiżguraw il-kunfidenzjalità tad-dejta personali reġistrata, proċessata u maħżuna mit-takografu, l-integrità tad-dejta u l-prevenzjoni tal-frodi kif ukoll il-manipulazzjoni illegali ta’ din id-dejta.

Miżuri ta’ sigurtà xierqa għandhom jiġu adottati biex jiggarantixxu li d-dejta personali tkun protetta b’mod partikolari fir-rigward ta’:

- l-użu ta’ sistema satellitari tan-navigazzjoni globali (GNSS) għar-reġistrazzjoni tad-dejta tal-lokazzjoni kif imsemmi fl-Artikolu 4,

- l-użu ta’ komunikazzjoni mill-bogħod għal skopijiet ta’ kontroll kif imsemmi fl-Artikolu 5,

- l-użu ta’ takografu b’interfaċċja armonizzata kif imsemmi fl-Artikolu 6,

- l-iskambju elettroniku ta’ informazzjoni fuq il-kards tas-sewwieqa kif imsemmi fl-Artikolu 26,

- iż-żamma ta’ rekords mill-impriżi tat-trasport kif imsemmi fl-Artikolu 29.

4. Is-sidien tal-vetturi u/jew tal-impriżi tat-trasport għandhom jikkonformaw mad-dispożizzjonijiet rilevanti dwar il-protezzjoni tad-dejta personali.

5. Sabiex ikunu promossi l-prattiki tal-protezzjoni tad-dejta tajba, il-Kontrollur Ewropew għall-Protezzjoni tad-Data u l-Grupp ta' Ħidma dwar il-Protezzjoni tad-Data tal-Artikolu 29 għandhom ikunu parti mill-Forum tat-Takografu previst fl-Artikolu 41 ta’ dan ir-Regolament.

6. Kull skambju ta’ dejta transkonfinali ma’ awtoritajiet ta’ pajjżi terzi fil-kuntest tal-applikazzjoni ta’ dan ir-Regolament jeħtieġ l-eżistenza ta’ salvagwardji ta’ protezzjoni tad-dejta adegwati biex ikun żgurat li livell adegwat ta’ protezzjoni jkun garantit, f’konformità mal-Artikoli 25 u 26 tad-Direttiva 95/46/KE.

Test propost mill-Kummissjoni

Emenda

Artikolu 3g

Speċifikazzjonijiet

1. Il-Kummissjoni għandu jkollha s-setgħa li tadotta atti ddelegati skont l-Artikolu 39 biex tadotta l-ispeċifikazzjonijiet dettaljati neċessarji biex jiġu emendati u ssupplimentati l-Annessi ma’ dan ir-Regolament biex jiġi żgurat li t-takografu, il-kards tat-takografu u s-softwer użat mill-uffiċjali tal-kontroll għall-analiżi u l-interpretazzjoni tad-dejta maħżuna fit-takografu jikkonformaw mal-prinċipji u r-rekwiżiti stabbiliti f’dan ir-Regolament, b’mod partikolari fil-Kapitolu I u l-Kapitolu II.

2. Il-Kummissjoni għandha tadotta l-ispeċifikazzjonijiet dettaljati msemmija f’paragrafu 1 sentejn wara *.

3. Fejn hu relevanti, u skont il-qasam kopert bl-ispeċifikazzjoni, l-ispeċifikazzjoni tista’ tinkludi waħda jew aktar mit-tipi ta’ dispożizzjonijiet li ġejjin:

(a) dispożizzjonijiet funzjonali li jiddeskrivu r-rwoli tad-diversi utenti u l-fluss tal-informazzjoni bejniethom;

(b) dispożizzjonijiet tekniċi li jipprevedu li l-mezzi tekniċi jissodisfaw id-dispożizzjonijiet u r-rekwiżiti funzjonali stabbiliti f'dan ir-Regolament;

(c) dispożizzjonijiet organizzazzjonali li jiddeskrivu l-obbligi proċedurali tad-diversi partijiet interessati;

(d) dispożizzjonijiet ta’ servizz li jiddeskrivu d-diversi livelli ta’ servizzi u l-kontenut tagħhom.

4. L-ispeċifikazzjonijiet għandhom, fejn xieraq, ikunu bbażati fuq standards u għandhom jiggarantixxu l-interoperabbiltà u l-kompatibbiltà bejn id-diversi verżjonijiet u ġenerazzjonijiet ta’ unitajiet tal-vetturi, kards tat-takografi u tagħmir tal-awtoritajiet tal-infurzar.

5. Fir-rigward tal-prestazzjoni tal-funzjonijiet tat-takografu intelliġenti msemmija fil-Kapitolu II, l-ispeċifikazzjonijiet għandhom jinkludu r-rekwiżiti meħtieġa li jiggarantixxu l-akkuratezza u l-affidabilità tad-dejta pprovduta mill-użu ta’ apparti esterni mwaħħal mat-takografu.

6. Kwalunkwe dejta li tista’ tiġi trażmessa jew miġbura ġewwa jew barra mit-takografu, kemm jekk bla fili jew elettronikament, kemm jekk tifforma parti minn rekwiżit legali jew le, għandha tkun fil-forma ta’ protokolli pubblikament disponibbli.

7. Il-Kummissjoni għandha twettaq valutazzjoni tal-impatt inkluż analiżi dwar il-benefiċċji tan-nefqa qabel l-adozzjoni tal-ispeċifikazzjonijiet imsemmija fil-Kapitoli II.

* ĠU: jekk jogħġbok daħħal id-data tad-dħul fis-seħħ ta’ dan ir-Regolament. 

Test propost mill-Kummissjoni

Emenda

Id-dejta ta’ lokazzjoni għandha tiġi reġistrata biex tippermetti l-identifikazzjoni tal-post tal-bidu u tat-tmiem tal-perjodu tax-xogħol ta’ kuljum. Għal dak il-fini, il-vetturi fis-servizz għall-ewwel darba [48 xahar wara d-dħul fis-seħħ ta’ dan ir-Regolament] għandhom ikunu mgħammra b’apparat ta’ reġistrazzjoni konness ma’ sistema satellitari tan-navigazzjoni globali (GNSS).

Sabeix tkun faċilitatà l-verifika tal-konformità mal-leġiżlazzjoni relevanti, il-pożizzjoni tal-post tal-bidu u tat-tmiem tal-perjodu tax-xogħol ta’ kuljum u ta’ kull operazzjoni ta’ trasport għandha tiġi reġistrata b’mod awtomatiku. Għal dak il-fini, il-vetturi fis-servizz għall-ewwel darba 24 xahar wara d-dħul fis-seħħ tal-ispeċifikazzjonijiet kif imsemmija f'dan l-Artikolu u fl-Artikolu 3g għandhom ikunu mgħammra b'takografu konness ma’ sistema satelittari tan-navigazzjoni globali (GNSS).

Test propost mill-Kummissjoni

Emenda

1a. Fir-rigward tal-konnessjoni tat-takografu ma’ sistema ta’ satellita ta’ navigazzjoni globali (GNSS), kif imsemmija fil-paragrafu 1, għandu jsir użu biss minn konnessjonijiet ta’ servizz ta’ lokalizzazzjoni ta’ satellita li jisfruttaw servizz ta’ lokalizzazzjoni bla ħlas.

Dejta oħra ta’ lokazzjoni minbarra dik espressa, kull fejn possibbli, f'koordinati ġeografiċi għad-determinazzjoni tal-punti tal-bidu u t-tmiem tal-perjodu ta’ ħidma ta’ kuljum skont il-paragrafu 1, m’għandhiex tinħażen fit-takografu.

Test propost mill-Kummissjoni

Emenda

2. Il-Kummissjoni għandu jkollha s-setgħa li tadotta atti delegati skont l-Artikolu 39 li jirrigwardaw is-supplimentar tal-Anness IB bl-ispeċifikazzjonijiet tekniċi dettaljati neċessarji li jippermettu l-ipproċessar tad-dejta ta’ lokazzjoni riċevuta mill-GNSS mill-apparat ta’ reġistrazzjoni.

2. Il-Kummissjoni għandu jkollha s-setgħa li tadotta atti delegati skont l-Artikolu 39 li jirrigwardaw l-iżvilupp tal-ispeċifikazzjonijiet dettaljati neċessarji li jippermettu l-ipproċessar tad-dejta ta’ lokazzjoni riċevuta mill-GNSS mit-takografu kif stabbilit f'dan l-Artikolu.

B'mod partikolari, l-ispeċifikazzjonijiet għandhom ikunu konformi mal-kundizzjonijiet li ġejjin:

- għandhom ikunu bbażati fuq l-użu ta' servizz ta' GNSS mingħajr ħlas;

- hija biss id-dejta ta' lokazzjoni meħtieġa strettament biex tiġi kkontrollata l-informazzjoni rreġistrata mit-takografu mill-awtoritajiet ta' kontroll li għandha tiġi reġistrata awtomatikament u b'mod obbligatorju;

- għandha titwettaq u tkun pubblikament disponibbli valutazzjoni tal-impatt dwar il-protezzjoni tad-dejta qabel l-adozzjoni tal-atti delegati msemmija f'dan l-Artikolu;

- l-użu ta' sinjali awtentikati m'għandux ikun obbligatorju sakemm ma jkunux jistgħu jinkisbu mingħajr ħlas;

L-ispeċifikazzjonijiet għandhom jistabbilixxu t-tip ta’ avvenimenti li jistgħu jikkawżaw reġistrazzjoni awtomatika ta’ pożizzjoni u s-sitwazzjoni li għaliha għandha tibqa’ possibbli reġistrazzjoni manwali. L-ispeċifikazzjoni għandha tispeċifika l-kundizzjonijiet u r-rekwiżiti differenti għar-riċevitur tal-GNSS dwar jekk huwiex barra t-takografu jew huwiex integrat fih, u jekk ikun barra, kif il-GNSS għandha tiġi kkorrelata ma' dejta oħra dwar il-moviment tal-vettura.

Test propost mill-Kummissjoni

Emenda

2a. Kull użu ieħor tad-dejta ta' lokazzjoni rreġistrata mit-takografu għandu jkun volontarju għal impriżi tat-trasport u għandu jkun konformi mal-qafas legali tal-protezzjoni tad-dejta fl-Unjoni.

Test propost mill-Kummissjoni

Emenda

Komunikazzjoni mill-bogħod għal skopijiet ta’ kontroll

Identifikazzjoni mill-bogħod bikrija ta' manipulazzjoni jew użu ħażin possibbli

Test propost mill-Kummissjoni

Emenda

1. Sabiex jiġu ffaċilitati l-kontrolli mmirati fil-ġenb tat-triq mill-awtoritajiet tal-kontroll kompetenti, l-apparat ta’ reġistrazzjoni installat fil-vetturi fis-servizz għall-ewwel darba [48 xahar wara d-dħul fis-seħħ ta’ dan ir-Regolament] għandhom ikunu jistgħu jikkomunikaw ma’ dawk l-awtoritajiet waqt li l-vettura tkun miexja.

1. Sabiex jiġu ffaċilitati l-kontrolli mmirati fil-ġenb tat-triq mill-awtoritajiet tal-kontroll kompetenti, it-takografu installat fil-vetturi reġistrati għall-ewwel darba 24 xahar wara d-dħul fis-seħħ tal-ispeċifikazzjonijiet imesmmija f’dan l-Artikolu u l-Artikolu 3g għandhom ikunu jistgħu jikkomunikaw data lil dawk l-awtoritajiet waqt li l-vettura tkun miexja.

Test propost mill-Kummissjoni

Emenda

1a. L-Istati Membri għandhom jagħtu lill-awtoritajiet tal-kontroll tagħhom tagħmir ta’ ditezzjoni bikrija mill-bogħod li huwa meħtieġ biex jippermetti l-komunikazzjoni tal-informazzjoni stipulata f’dan l-Artikolu.

Test propost mill-Kummissjoni

Emenda

2. Għandha tiġi stabbilita komunikazzjoni mal-apparat ta’ reġistrazzjoni biss meta jkun mitlub mill-apparat tal-awtoritajiet tal-kontroll. Din għandha tkun sigura sabiex jiġu żgurati l-integrità tad-dejta u l-awtentifikazzjoni tal-apparat ta’ reġistrazzjoni u ta’ kontroll.

2. Għandha tiġi stabbilita l-komunikazzjoni tad-dejta, imsemmija fil-paragrafu 1, mat-takografu meta mitlub mill-apparat tal-awtoritajiet ta' kontroll biss. Din għandha tkun sigura sabiex jiġu żgurati l-integrità tad-dejta u l-awtentifikazzjoni tal-apparat ta’ reġistrazzjoni u ta’ kontroll. L-aċċess għad-dejta kkomunikata għandu jkun ristrett għal dawk awtorizzati biex jinfurzaw biex jiġi kkontrollat il-ksur ta’ dan ir-Regolament u r-Regolament (KE) 561/2006 u għall-ħwienet tax-xogħol safejn ikun meħtieġ li jiġi vverifikat il-funzjonament tajjeb tat-takografu.

Test propost mill-Kummissjoni

Emenda

3. Id-dejta skambjata matul il-komunikazzjoni għandha tkun limitata għad-dejta neċessarja għall-iskop tal-kontrolli mmirati fil-ġenb tat-triq. Id-dejta li tikkonċerna l-identità tas-sewwieq, l-attivitajiet tas-sewwieq u l-veloċità ma għandhiex tiġi komunikata.

3. Id-dejta skambjata matul il-komunikazzjoni għandha tkun limitata għad-dejta neċessarja għall-iskop tal-kontrolli mmirati fil-ġenb tat-triq. Tali dejta għandha tirrigwarda l-avvenimenti li ġejjin jew dejta rreġistrata mit-takografu:

- It-tentattiv ta’ ksur ta’ sigurtà l-aktar riċenti

- L-itwal interruzzjoni tal-provvista tal-elettriku

- Ħsara fis-senser

- Żball f’dejta ta’ moviment

- Kunflitt fil-moviment tal-vettura

- Sewqan mingħajr kard valida

- Introduzzjoni tal-kard waqt is-sewqan

- Dejta dwar l-aġġustament tal-ħin

- Kalibrazzjoni tad-dejta inkluż id-dati tal-aħħar żewġ kalibrazzjonijiet

- Numru ta' Reġistrazzjoni tal-Vettura

Id-dejta li tikkonċerna l-identità u n-nazzjonalità tas-sewwieq ma għandhiex tiġi komunikata.

Test propost mill-Kummissjoni

Emenda

4. Id-dejta skambjata għandha tintuża għall-iskop uniku tal-kontroll tal-konformità ma’ dan ir-Regolament u mar-Regolament (KE) Nru 561/2006. Din ma għandhiex tiġi trażmessa lil entitajiet minbarra l-awtoritajiet ta’ kontroll.

4. Id-dejta skambjata għandha tintuża għall-iskop uniku tal-kontroll tal-konformità ma’ dan ir-Regolament u mar-Regolament (KE) Nru 561/2006. Din ma għandhiex tiġi trażmessa lil entitajiet minbarra l-awtoritajiet ta’ kontroll jew korpi ġudizzjarji matul il-proċedura ġudizzjarja li tkun għadha għaddejja.

Test propost mill-Kummissjoni

Emenda

5. Id-dejta tista’ tiġi maħżuna biss mill-awtoritajiet ta’ kontroll għad-dewmien ta’ kontroll fil-ġenb tat-triq, u għandha tiġi mħassra mhux aktar tard minn sagħtejn wara li din tiġi konkluża.

5. Id-dejta tista’ tiġi maħżuna biss mill-awtoritajiet ta’ kontroll għad-dewmien ta’ kontroll fil-ġenb tat-triq, u għandha tiġi mħassra mhux aktar tard minn sagħtejn wara li tkun ġiet ikkomunikata sakemm id-dejta ma tindikax manipulazzjoni jew użu ħażin possibbli tat-takografu. Jekk matul il-kontroll fil-ġenb tat-triq sussegwenti l-manipulazzjoni jew l-użu ħażin ma jiġix ikkonfermat, id-dejta trażmessa għandha titħassar. Dejta marbuta mal-identifikazzjoni tal-vettura jew ma’ paremtru tekniku li ma fih ebda dejta personali jista’ jintuża mill-awtoritajiet ta’ kontroll għal raġunijiet statistiċi.

Test propost mill-Kummissjoni

Emenda

6. Is-sid jew id-detentur tal-vettura għandu jkun responsabbli li jinforma lis-sewwieq dwar il-possibbiltà ta’ komunikazzjoni mill-bogħod.

6. L-impriża tat-trasport li tħaddem il-vettura għandha tkun responsabbli li tinforma lis-sewwieq dwar il-possibbiltà ta’ komunikazzjoni mill-bogħod.

Test propost mill-Kummissjoni

Emenda

7. L-awtorità tal-kontroll kompetenti, abbażi tad-dejta skambjata, tista’ tiddeċiedi li twettaq kontroll fuq il-vettura u l-apparat ta’ reġistrazzjoni.

7. F’ebda ċirkostanza l-komunikazzjoni tal-kontroll mill-bogħod tat-tip deskritt f’dan l-Artikolu ma twassal għal multi jew pieni awtomatiċi għas-sewwieq jew l-impriża. L-awtorità tal-kontroll kompetenti, abbażi tad-dejta skambjata, tista’ tiddeċiedi li twettaq kontroll fuq il-vettura u l-apparat ta’ reġistrazzjoni. Ir-riżultat tal-komunikazzjoni mill-bogħod ma għandux iwaqqaf l-awtoritajiet ta’ kontroll mill-jwettqu kontrolli mal-ġenb tat-triq ibbażta fuq is-sistema tal-klassifikazzjoni tar-riskju introdotta mill-Artikolu 9 tad-Direttiva 2006/22/KE.

Test propost mill-Kummissjoni

Emenda

8. Il-Kummissjoni għandu jkollha s-setgħa li tadotta atti delegati skont l-Artikolu 39 li jikkonċernaw is-supplimentar tal-Anness IB bl-ispeċifikazzjonijiet tekniċi dettaljati neċessarji biex jippermettu l-komunikazzjoni mill-bogħod bejn l-apparat ta’ reġistrazzjoni u l-awtoritajiet tal-kontroll kompetenti stabbiliti f’dan l-Artikolu.

8. Il-Kummissjoni għandu jkollha s-setgħa li tadotta atti delegati skont l-Artikolu 39 li jikkonċernaw l-iżvilupp ta’ speċifikazzjonijiet dettaljati neċessarji biex jippermettu l-komunikazzjoni mill-bogħod bejn it-takografu u l-awtoritajiet tal-kontroll kompetenti stabbiliti f’dan l-Artikolu.

Test propost mill-Kummissjoni

Emenda

1a. Hija biss dejta rreġistrata jew prodotta mit-takografu li hi strettament meħtieġa għall-ipproċessar f’applikazzjoni ta’ sistema ta' trasport intelliġenti (ITS) li tista’ tkun aċċessibbli.

Dejta rreġistrata jew prodotta mit-takografu tista’ tiġi trasmessa lill-applikazzjonijiet tal-ITS sakemm il-kondizzjonijiet li ġejjin ikunu ssodisfati:

(a) l-interfaċċja ma taffettwax l-awtentiċità u l-integrità tad-dejta tat-takografu;

(b) l-apparat estern konness mal-interfaċċja għandu aċċess għal dejta personali, inkluż dejta ta’ ġeolokalizzazzjoni, wara biss il-kunsens verifikabbli tas-sewwieq li għalih id-dejta hija relatata.

Test propost mill-Kummissjoni

Emenda

2. Għall-finijiet tal-paragrafu 1, il-vetturi fis-servizz għall-ewwel darba [48 xahar wara d-dħul fis-seħħ ta’ dan ir-Regolament] għandhom ikunu mgħammra b’apparat ta’ reġistrazzjoni b’interfaċċja armonizzata li tippermetti li d-dejta reġistrata jew prodotta tintuża għall-applikazzjonijiet tas-sistemi ta’ trasport intelliġenti.

2. Għall-finijiet tal-paragrafu 1, il-vetturi fis-servizz għall-ewwel darba 24 xahar wara d-dħul fis-seħħ tal-ispeċifikazzjoni tekniċi msemmija f’dan l-Artikolu għandhom ikunu mgħammra b’takografu b’interfaċċja armonizzata li jippermetti li d-dejta reġistrata li għandha tintuża għall-applikazzjonijiet tas-sistemi ta’ trasport intelliġenti.

Test propost mill-Kummissjoni

Emenda

3. Il-Kummissjoni għandu jkollha s-setgħa li tadotta atti delegati skont l-Artikolu 39 li jikkonċernaw is-supplimentar tal-Anness IB bl-ispeċifikazzjonijiet tal-interfaċċja, id-drittijiet tal-aċċess u l-lista tad-dejta li jista’ jkun hemm aċċess għaliha.

3. Il-Kummissjoni għandu jkollha s-setgħa li tadotta atti delegati skont l-Artikolu 39 li jikkonċernaw l-iżvilupp ta’ speċifikazzjonijiet tal-interfaċċja armonizzata, id-drittijiet tal-aċċess u l-lista tad-dejta li jista’ jkun hemm aċċess għaliha.

Prijorità għandha tingħata lill-iżvilupp ta’ applikazzjoni tal-ITS armonizzata li tippermetti li s-sewwieqa jinterpretaw id-dejta reġistrata fit-takografu sabiex tgħinhom jikkonformaw mal-leġiżlazzjoni soċjali.

Test propost mill-Kummissjoni

Emenda

1. Il-manifatturi jew l-aġenti tagħhom għandhom jissottomettu applikazzjoni għal approvazzjoni tat-tip tal-UE ta’ unità ta’ vettura, senser tal-moviment, mudell tal-formula ta’ reġistrazzjoni jew kard tat-takografu lill-awtoritajiet tal-approvazzjoni tat-tip magħżula għal dan l-iskop minn kull Stat Membru.

1. Il-manifatturi jew l-aġenti tagħhom għandhom jissottomettu applikazzjoni għal approvazzjoni tat-tip tal-UE ta’ unità ta’ vettura, senser tal-moviment, mudell tal-formula ta’ reġistrazzjoni, kard tat-takografu, jew softwer li jintuża mill-awtoritajiet tal-kontroll kompetenti biex janalizzaw id-dejta, lill-awtoritajiet tal-approvazzjoni tat-tip magħżula għal dan l-iskop minn kull Stat Membru, u li l-kundizzjonijiet taċ-ċertifikazzjoni tagħhom huma rikonoxxuti mill-Kumitat tal-Ġestjoni tal-ftehim Ewropew ta' għarfien reċiproku SOG-IS. Il-Kummissjoni għandha tikkonsulta lill-Kumitat tal-Ġestjoni tal-ftehim SOG-IS qabel ma tittieħed kull deċiżjoni ta’ rikonoxximent ta’ organizzazzjoni ta’ ċertifikazzjoni ta’ pajjiż terz.

Test propost mill-Kummissjoni

Emenda

2. L-Istati Membri għandhom jikkomunikaw lill-Kummissjoni l-isem u d-dettalji tal-kuntatt tal-awtoritajiet magħżula skont il-paragrafu 1. Il-Kummissjoni għandha tippubblika l-lista tal-awtoritajiet magħżula għall-approvazzjoni tat-tip fuq il-websajt tagħha.

2. L-Istati Membri għandhom jikkomunikaw lill-Kummissjoni tal-anqas tliet xhur wara * l-isem u d-dettalji tal-kuntatt tal-awtoritajiet magħżula skont il-paragrafu 1. Il-Kummissjoni għandha tippubblika l-lista tal-awtoritajiet magħżula għall-approvazzjoni tat-tip fuq il-websajt tagħha.

* ĠU: jekk jogħġbok daħħal id-data tad-dħul fis-seħħ ta’ dan ir-Regolament. 

Test propost mill-Kummissjoni

Emenda

2a. L-approvazzjoni tat-tip ta' takografi u ta' kards takografiċi għandhom jinkludu testijiet relatati mas-sigurtà, testijiet funzjonali u testijiet tal-interoperabbiltà. Riżultati pożittivi għal kull wieħed minn dawn it-testijiet għandhom jiġu ċċertifikati kif xieraq.

Test propost mill-Kummissjoni

Emenda

3. Applikazzjoni għall-approvazzjoni tat-tip għandha tkun akkumpanjata mill-ispeċifikazzjonijiet xierqa u miċ-ċertifikati msemmija fit-Taqsima VIII tal-Anness IB. Il-Kummissjoni għandha taħtar l-evalwaturi indipendenti li għandhom jagħtu ċ-ċertifikat tas-sigurtà.

3. Applikazzjoni għall-approvazzjoni tat-tip għandha tkun akkumpanjata mill-ispeċifikazzjonijiet xierqa u miċ-ċertifikati tas-sigurtà, funzjonali u tal-interoperabilità. Għandha tipprovdi wkoll tagħrif dwar kif elementi tat-takografu jiġu siġillati.

Test propost mill-Kummissjoni

Emenda

3a. Iċ-ċertifikat tas-sigurtà li jiddikjara l-konformità meta mqabbel mal-miri ta' sigurtà għandu jingħata skont id-dispożizzjonijiet ta' dan ir-Regolament. Iċ-ċertifikat tas-sigurtà għandu jinħareġ minn korp taċ-ċertifikazzjoni rikonoxxut mill-Kummissjoni.

Ċertifikat funzjonali għandu jinħareġ lill-manifattur biss wara li t-testijiet funzjonali kollha speċifikati skont dan ir-Regolament, li jiċċertifika li l-oġġett ittestjat jissodisfa r-rekwiżiti xierqa f'termini ta' funzjonijiet imwettqa, kejl eżatt u karatteristiċi ambjentali, ikunu għaddew b’suċċess. L-awtorità tal-approvazzjoni tat-tip għandha toħroġ iċ-ċertifikat funzjonali.

Ċertifikat tal-interoperabilità jingħata minn laboratorju wieħed bl-awtorità u r-responsabbiltà tal-Kummissjoni. It-testijiet ta’ interoperabilità, li jiċċertifikaw li t-takografi u l-kard tat-takografu huma interoperabbli totalment mat-takografi u mal-mudelli tal-kards tat-tokografi, jitwettqu f’konformità ma’ dan ir-Regolament . Ebda test ta’ interoperabilità ma għandu jitwettaq mil-laboratorju għal takografu jew kards tat-takografu li ma ngħatawx ċertifikat tas-sigurtà u ċertifikat ta’ funzjonalità, ħlief fiċ-ċirkostanzi eċċezzjonali msemmija f'dan ir-Regolament.

Test propost mill-Kummissjoni

Emenda

3b. Kull modifika fis-softwer jew ħardwer tat-takografu jew fin-natura tal-materjali użati għall-manifattura tiegħu għandhom, qabel ma jintużaw, jiġu nnotifikati lill-awtorità li tat l-approvazzjoni tat-tip għat-tagħmir. Din l-awtorità għandha tikkonferma lill-manifattur l-estensjoni tal-approvazzjoni tat-tip, jew tista' tirrikjedi aġġornament jew konferma taċ-ċertifikati rilevanti funzjonali, tas-sigurtà u/jew tal-interoperabilità.

Test propost mill-Kummissjoni

Emenda

1. Stat Membru għandu jagħti l-approvazzjoni tat-tip tal-UE tal-komponent lil kwalunkwe xorta ta' unità ta’ vettura, senser tal-moviment, mudell tal-formula ta’ reġistrazzjoni jew kard tat-takografu li tikkonforma mar-rekwiżiti stabbiliti fl-Anness I jew IB, sakemm l-Istat Membru jkun f’pożizzjoni li jikkontrolla li l-mudelli ta’ produzzjoni jikkonformaw mat-tip approvat.

1. Stat Membru għandu jagħti l-approvazzjoni tat-tip tal-UE tal-komponent lil kwalunkwe xorta ta' unità ta’ vettura, senser tal-moviment, mudell tal-formula ta’ reġistrazzjoni jew kard tat-takografu jew softwer għall-interpretazzjoni mill-awtoritajiet ta' kontroll ta' dejta maħżuna mit-takografu li tikkonforma mar-rekwiżiti stipulati fl-ispeċifikazzjonijiet imsemmija f'dan ir-Regolament, sakemm l-Istat Membru jkun f’pożizzjoni li jikkontrolla li l-mudelli ta’ produzzjoni jikkonformaw mat-tip approvat.

Test propost mill-Kummissjoni

Emenda

L-awtoritajiet kompetenti tal-Istat Membru fejn tkun ġiet sottomessa l-applikazzjoni għall-approvazzjoni tat-tip għandhom, fir-rigward ta' kull tip ta' unità ta’ vettura, senser tal-moviment, mudell tal-formula ta’ reġistrazzjoni jew kard tat-takografu li dawn japprovaw, għandhom jibagħtu fi żmien xahar kopja taċ-ċertifikat ta' approvazzjoni flimkien ma' kopji tal-ispeċifikazzjonijiet rilevanti lill-awtoritajiet tal-Istati Membri l-oħra .

L-awtoritajiet kompetenti tal-Istat Membru fejn tkun ġiet sottomessa l-applikazzjoni għall-approvazzjoni tat-tip għandhom, fir-rigward ta' kull tip ta' unità ta’ vettura, senser tal-moviment, mudell tal-formola ta’ reġistrazzjoni, kard tat-takografu jew softwer għall-interpretazzjoni mill-awtoritajiet ta' kontroll ta' dejta maħżuna mit-takografu, li dawn japprovaw, jibagħtu fi żmien xahar kopja taċ-ċertifikat ta' approvazzjoni tat-tip flimkien ma' kopji tal-ispeċifikazzjonijiet rilevanti, inkluż informazzjoni dwar is-siġilli, lill-awtoritajiet tal-Istati Membri l-oħra.

Test propost mill-Kummissjoni

Emenda

1. Il-manifatturi għandhom jiddisinjaw, jittestjaw u jirrevedu unitajiet ta’ vettura, sensers tal-moviment jew kards tat-takografu mmanifatturati sabiex jiskopru l-vulnerabbiltajiet li jinqalgħu fl-istadji kollha taċ-ċiklu tal-ħajja tal-prodott, u jipprevjenu jew jimmitigaw l-isfruttament possibbli tagħhom.

1. Il-manifatturi għandhom jiddisinjaw, jittestjaw u jirrevedu unitajiet ta’ vettura, sensers tal-moviment jew kards tat-takografu mmanifatturati sabiex jiskopru l-vulnerabbiltajiet li jinqalgħu fl-istadji kollha taċ-ċiklu tal-ħajja tal-prodott, u jipprevjenu jew jimmitigaw l-isfruttament possibbli tagħhom. Il-frekwenza tat-testijiet għandha tiġi stabbilita mill-Istat Membru li jkun ta ċ-ċertifikat ta' approvazzjoni, f'limitu ta' żmien li ma għandux jaqbeż is-sentejn.

Test propost mill-Kummissjoni

Emenda

2. Għal dan l-iskop, il-manifatturi għandhom jissottomettu d-dokumentazzjoni xierqa lill-evalwatur indipendenti msemmi fl-Artikolu 7(3) għall-analiżi tal-vulnerabbiltajiet.

2. Għal dan l-iskop, il-manifatturi għandhom jissottomettu d-dokumentazzjoni xierqa lill-korp taċ-ċertifikazzjoni kif imsemmi fl-Artikolu 7(3a) għall-analiżi tal-vulnerabbiltajiet.

Test propost mill-Kummissjoni

Emenda

3. Evalwaturi indipendenti għandhom iwettqu testijiet ta’ penetrazzjonijiet fuq l-unitajiet tal-vetturi, is-sensers tal-moviment u l-kards tat-takografi biex jikkonfermaw li l-vulnerabbiltajiet magħrufa ma jistgħux jiġu sfruttati minn individwi fil-pussess ta' għarfien magħruf b'mod pubbliku.

3. Għall-finijiet tal-paragrafu 1, il-korp taċ-ċertifikazzjoni kif imsemmi fl-Artikolu 7(3a) għandu jwettaq testijiet ta’ penetrazzjonijiet fuq l-unitajiet tal-vetturi, is-sensers tal-moviment u l-kards tat-takografi biex jikkonfermaw li l-vulnerabbiltajiet magħrufa ma jistgħux jiġu sfruttati minn individwi fil-pussess ta' għarfien magħruf b'mod pubbliku.

Test propost mill-Kummissjoni

Emenda

3a. Jekk matul it-testijiet kif imsemmi fil-paragrafi 1 u 3, jiġu skoperti vulnerabbiltajiet fl-unità tal-vettura, is-sensers tal-moviment jew il-kards tat-takografi, dawn l-elementi ma jistgħux jitqiegħdu fis-suq. F'każijiet bħal dawn, l-Istat Membru li jkun ta l-approvazzjoni tat-tip għandu jirtiraha, f'konformità mal-Artikolu 11(2).

Test propost mill-Kummissjoni

Emenda

3b. Meta manifattur jew korp ta’ ċertifikazzjoni msemmi fl-Artikolu 7(3a) jidentifika vulnerabilità serja ħafna fl-unità tal-vettura, is-sensers tal-moviment jew il-kards tat-takografi u dawn l-elementi jkunu diġà tqiegħdu fis-suq, il-manifattur jew il-korp ta’ ċertifikazzjoni kif imsemmi fl-Artikolu 7(3a) għandu jinforma lill-awtoritajiet kompetenti ta’ dak l-Istat Membru mingħajr dewmien.

Test propost mill-Kummissjoni

Emenda

3c. L-Istati Membri għandhom jieħdu l-miżuri kollha meħtieġa biex jiżguraw li l-problema msemmija fil-paragrafu 3b tiġi indirizzata, b'mod partikolari mill-manifattur, u għandhom jinfurmaw lill-Kummissjoni mingħajr dewmien bil-vulnerabilitajiet misjuba u l-miżuri previsti jew meħuda.

Test propost mill-Kummissjoni

Emenda

2. Il-fitters jew il-ħwienet tax-xogħol għandhom jissiġillaw l-apparat ta’ reġistrazzjoni wara li jkunu vverifikaw il-funzjonament tajjeb tiegħu, u b’mod partikolari li l-ebda apparat ta’ manipulazzjoni ma jista’ juża jew ibiddel id-dejta reġistrata.

2. Il-fitters jew il-ħwienet tax-xogħol approvati għandhom jissiġillaw it-takografu skont l-ispeċifikazzjonijiet inklużi fiċ-ċertifikat tal-approvazzjoni tat-tip imsemmi fl-Artikolu 10, wara li jkunu vverifikaw il-funzjonament tajjeb tiegħu, u b’mod partikolari li l-ebda apparat ta’ manipulazzjoni ma jista’ juża jew ibiddel id-dejta reġistrata.

Test propost mill-Kummissjoni

Emenda

5. Siġill għandu jitneħħa mill-fitters jew mill-ħwienet tax-xogħol approvati mill-awtoritajiet kompetenti taħt il-paragrafu 1 jew mill-uffiċjali tal-kontroll, jew fiċ-ċirkustanzi msemmija fl-Anness I, it-Taqsima V, il-punt 4 jew fl-Anness IB, it-Taqsima V, il-punt 3.

imħassar

Test propost mill-Kummissjoni

Emenda

Artikolu 17a

Siġillar

1. Il-parti li ġejja tat-takografu għandha tiġi ssiġillata:

– kull konnessjoni li, jekk tkun skonnettjata, tikkawża bidliet li ma jintgħarfux jew telf ta' dejta li ma jkunx jista' jiġi identifikat,

– il-plakka tal-installazzjoni, sakemm ma tkunx imwaħħla b'tali mod li ma tkunx tista' titneħħa mingħajr ma l-marki tagħha jinqerdu.

2. Siġill jista’ jitneħħa biss minn fitters jew ħwienet tax-xogħol approvati mill-awtoritajiet kompetenti skont Artikolu 17(1) jew mill-uffiċjali ta' kontroll ċertifikati, jew fiċ-ċirkostanzi deskritti f'dan ir-Regolament.

3. F'kull okkażjoni li dawn is-siġilli jinkisru stqarrija bil-miktub li tagħti r-raġunijiet għal din l-azzjoni għandha tkun ippreparata u ssir disponibbli għall-awtorità kompetenti.

Test propost mill-Kummissjoni

Emenda

1a. Dawn l-ispezzjonijiet għandhom jinkludu l-kontrolli minimi li ġejjin:

(1) li t-takografu qed jaħdem kif suppost;

(2) li t-takografu għandu l-marka tal-approvazzjoni tat-tip;

(3) li l-marka tal-installazzjoni hija mwaħħla;

(4) li s-siġilli fuq it-takografu u fuq partijiet oħra tal-installazzjoni huma intatti;

(5) li ma hemm ebda tagħmir ta’ manipulazzjoni mwaħħal mat-takografu.

Test propost mill-Kummissjoni

Emenda

(b) Kontrolli tekniċi mingħajr preavviż tal-fitters jew tal-ħwienet tax-xogħol approvati għandhom jitwettqu għall-kontroll tal-kalibrazzjonijiet u tal-installazzjonijiet li jkunu twettqu. Dawn il-kontrolli għandhom ikopru mill-anqas 10 % tal-ħwienet tax-xogħol approvati kull sena.

(b) Kontrolli tekniċi mingħajr preavviż tal-fitters jew tal-ħwienet tax-xogħol approvati għandhom jitwettqu għall-kontroll tal-kalibrazzjonijiet u tal-installazzjonijiet li jkunu twettqu. Dawn il-kontrolli għandhom ikopru mill-anqas 20 % tal-ħwienet tax-xogħol approvati kull sena.

Test propost mill-Kummissjoni

Emenda

4. L-Istati Membri għandhom jieħdu l-miżuri xierqa biex jipprevjenu kunflitti ta’ interess bejn il-fitters u l-ħwienet tax-xogħol u l-impriżi tat-trasport tat-triq. B’mod partikolari, jekk impriża tat-trasport qed topera wkoll bħala fitter jew ħanut tax-xogħol approvat, din ma għandhiex tkun awtorizzata tinstalla u tikkalibra apparat tar-reġistrazzjoni fil-vetturi tagħha stess.

4. L-Istati Membri u l-awtoritajiet kompetenti tagħhom għandhom jieħdu l-miżuri xierqa biex jipprevjenu kunflitti ta’ interess bejn il-fitters u l-ħwienet tax-xogħol u l-impriżi tat-trasport tat-triq. B’mod partikolari, fil-każ ta’ risku serju ta’ kunflitt ta’ interess, għandhom jittieħdu miżuri speċifiċi addizzjonali biex jiżguraw li l-fitter jew il-ħanut tax-xogħol jikkonforma ma’ dan ir-Regolament.

Test propost mill-Kummissjoni

Emenda

1. Il-perjodu ta’ validità amministrattiva tal-kards tal-ħwienet tax-xogħol ma jistgħux jaqbżu aktar minn sena.

1. Il-perjodu ta’ validità amministrattiva tal-kards tal-ħwienet tax-xogħol ma jistgħux jaqbżu aktar minn sena. Meta tiġġedded il-kard tal-ħanut tax-xogħol, l-awtorità kompetenti għandha tiżgura li l-kriterji elenkati fl-Artikolu 19(2) jkunu ssodisfati mill-fitters jew mill-ħanut tax-xogħol.

Test propost mill-Kummissjoni

Emenda

1. Il-kard tas-sewwieq għandha tinħareġ, fuq talba tas-sewwieq, mill-awtorità kompetenti tal-Istat Membru fejn is-sewwieq ikun normalment residenti. Din għandha tinħareġ fi żmien xahar minn meta l-awtorità kompetenti tirċievi t-talba.

1. Il-kard tas-sewwieq għandha tinħareġ, fuq talba tas-sewwieq, mill-awtorità kompetenti tal-Istat Membru fejn is-sewwieq ikun normalment residenti. Din għandha tinħareġ fi żmien ħmistax-il ġurnata minn meta l-awtorità kompetenti tirċievi t-talba.

Test propost mill-Kummissjoni

Emenda

6. Kard tas-sewwieq valida ma tistax tiġi rtirata jew sospiża ħlief meta l-awtoritajiet kompetenti tal-Istat Membru jindunaw li l-kard ġiet falsifikata, jew is-sewwieq ikun qiegħed juża kard li huwa mhuwiex id-detentur tagħha, jew li l-kard li jkollu tkun inkisbet bis-saħħa ta' dikjarazzjonijiet foloz u/jew dokumenti ffalsifikati. Jekk dawn il-miżuri ta' sospensjoni jew ta' rtirar jittieħdu minn Stat Membru li mhuwiex l-Istat Membru konċernat, dan tal-ewwel għandu jirritorna l-kard lill-awtoritajiet tal-Istat Membru li jkun ħariġha u għandu jindika r-raġunijiet għalfejn qiegħed jirritornaha.

6. Kard tas-sewwieq valida ma tistax tiġi rtirata jew sospiża ħlief meta l-awtoritajiet kompetenti tal-Istat Membru jindunaw li l-kard ġiet falsifikata, jew is-sewwieq ikun qiegħed juża kard li huwa mhuwiex id-detentur tagħha, jew li l-kard li jkollu tkun inkisbet bis-saħħa ta' dikjarazzjonijiet foloz u/jew dokumenti ffalsifikati. Jekk dawn il-miżuri ta' sospensjoni jew ta' rtirar jittieħdu minn Stat Membru li mhuwiex l-Istat Membru konċernat, dan tal-ewwel għandu jirritorna l-kard lill-awtoritajiet tal-Istat Membru li jkun ħariġha, mill-aktar fis possibbli, u għandu jindika r-raġunijiet għall-irtirar jew is-sospensjoni.

Test propost mill-Kummissjoni

Emenda

- In-numru tal-liċenzja tas-sewqan u l-pajjiż li jkun ħareġ il-liċenzja tas-sewqan (jekk applikabbli)

- In-numru tal-liċenzja tas-sewqan validu u l-pajjiż li jkun ħareġ il-liċenzja tas-sewqan (jekk applikabbli)

Test propost mill-Kummissjoni

Emenda

2. Il-Kummissjoni u l-Istati Membri għandhom jieħdu l-miżuri kollha sabiex jiżguraw li r-reġistri elettroniċi jkunu interkonnessi u aċċessibbli fl-Unjoni kollha.

2. Il-Kummissjoni u l-Istati Membri għandhom jieħdu l-miżuri kollha sabiex jiżguraw li r-reġistri elettroniċi jkunu interkonnessi u aċċessibbli fl-Unjoni kollha, bl-użu tas-Sistema ta’ Messaġġi TACHOnet jew sistema kompatibbli.

Test propost mill-Kummissjoni

Emenda

4. L-uffiċjali tal-kontroll jista’ jkollhom aċċess għar-reġistru elettroniku sabiex jikkontrollow l-istatus tal-kard tas-sewwieq.

4. L-uffiċjali tal-kontroll għandu jkollhom aċċess għar-reġistru elettroniku sabiex jikkontrollow l-istatus tal-kard tas-sewwieq.

Test propost mill-Kummissjoni

Emenda

Il-kards tas-sewwieqa għandhom jinħarġu skont id-dispożizzjonijiet ta’ dan il-Kapitolu sat-18 ta’ Jannar 2018. B’effett mid-19 ta’ Jannar 2018, il-kards tas-sewwieqa għandhom ikunu inkorporati fil-liċenzji tas-sewqan u maħruġa, mġedda, mibdula u ssostitwiti skont id-dispożizzjonijiet tad-Direttiva 2006/126/KE.

Il-kards tas-sewwieqa għandhom jinħarġu skont id-dispożizzjonijiet ta’ dan il-Kapitolu.

Fi żmien 24 xahar ta *, il-Kummissjoni għandha twettaq Valutazzjoni tal-Impatt dwar il-fattibilità u l-merti li jkunu amalgamati l-kards kollha użati minn sewwieqa professjonali, b’mod partikolari l-kard tas-sewwieq mal-liċenzja tas-sewwieq, sabiex jitnaqqas l-ammont ta’ frodi li qed iseħħ bħalissa fir-rigward tal-kards. B’mod partikolari l-Kummissjoni għandha teżamina s-soluzzjonijiet tekniċi kollha li huma disponibbli, il-problemi ta’ kompatibilità tal-kards u l-kwistjonijiet relatati mal-ħarsien tad-dejta. Il-Kummissjoni għandha tikkomunika s-sejbiet tagħha lill-Parlament Ewropew fi żmien 30 xahar ta’ ...*.

* ĠU: jekk jogħġbok daħħal id-data tad-dħul fis-seħħ ta’ dan ir-Regolament.

Test propost mill-Kummissjoni

Emenda

1. L-impriża tat-trasport, is-sid tal-vettura u s-sewwieq għandhom jiżguraw il-funzjonament korrett u l-użu xieraq tal-apparat ta’ reġistrazzjoni u l-kard tas-sewwieq fejn sewwieq ikun meħtieġ isuq vettura armata bl-apparat ta’ reġistrazzjoni msemmi fl-Anness IB.

1. L-impriża tat-trasport, is-sid tal-vettura u s-sewwieq għandhom jiżguraw il-funzjonament korrett u l-użu xieraq tat-takografu u l-kard tas-sewwieq fejn sewwieq ikun meħtieġ isuq vettura armata b’takografu diġitali. Kull meta jintuża takografu analogu, l-impriża tat-trasport u s-sewwieq għandhom jiżguraw il-funzjonament tajjeb tiegħu u l-użu xieraq tal-folja ta’ reġistrazzjoni.

Test propost mill-Kummissjoni

Emenda

1a. It-takografu diġitali m’għandux jiġi stabbilit b’mod li jaqleb awtomatikament għal indikazzjoni speċifika meta l-magna jew l-ignition tal-vettura tintefa. Is-sewwieq għandu jkun jista’ jagħżel manwalment kategorija, skont l-attività jew il-mistrieħ tiegħu wara t-tifi.

Test propost mill-Kummissjoni

Emenda

(-1) L-impriża tat-trasport għandha

(1) tagħti lis-sewwieqa li timpjega jew li jitqiegħdu għad-dispożizzjoni tagħha t-taħriġ u l-istruzzjonijiet meħtieġa fir-rigward tal-funzjonament korrett tat-takografi,

(2) twettaq kontrolli regolari biex tiżgura li s-sewwieqa li timpjega jew li huma għad-dispożizzjoni tagħha jagħmlu użu tajjeb mit-takografi u;

(3) ma tagħti ebda inċentivi diretti jew indiretti lis-sewwieqa li timpjega jew li jitqiegħdu għad-dispożizzjoni tagħha li jistgħu jinkoraġġixxu l-użu ħażin tal-apparat ta’ reġistrazzjoni.

Test propost mill-Kummissjoni

Emenda

Is-sewwieqa għandhom iressqu l-kards tagħhom għal spezzjonijiet regolari mill-impriżi tat-trasport sabiex tkun kontrollata l-validità tagħhom u tinstab kwalunkwe manipolazzjoni.

Test propost mill-Kummissjoni

Emenda

3. Impriża tat-trasport għandha tkun responsabbli għall-ksur ta’ dan ir-Regolament imwettaq mis-sewwieqa tal-impriża. Mingħajr preġudizzju għad-dritt tal-Istati Membri li jżommu l-impriżi tat-trasport kompletament responsabbli, l-Istati Membri jistgħu jqisu kwalunkwe prova li l-impriża tat-trasport ma tistax raġonevolment tinżamm responsabbli għall-ksur li jkun sar.

3. Sewwieqa u impriżi tat-trasport huma responsabbli għall-ksur ta’ dan ir-Regolament. Impriża tat-trasport għandha tkun responsabbli għall-ksur ta’ dan ir-Regolament imwettaq mis-sewwieqa tal-impriża jew minn dawk li jkunu għad-dispożizzjoni tagħha. Waqt li Stati Membri jistgħu jżommu l-impriżi tat-trasport kompletament responsabbli, jekk jagħmlu dan l-Istati Membri jistgħu madankollu jqisu kwalunkwe prova li turi li l-impriża tat-trasport ma tistax raġonevolment tinżamm responsabbli għall-ksur li jkun sar.

Test propost mill-Kummissjoni

Emenda

Għal fini ta’ kontroll, il-perjodi ta’ ħin li matulhom ma tiġix irreġistrata attività għandhom jitqiesu bħala mistrieħ jew pawża. Is-sewwieqa mhumiex obbligati jirreġistraw il-perjodi ta’ mistrieħ ta’ kuljum u ta’ kull ġimgħa meta jkunu 'l bogħod mill-vettura.

Għal fini ta’ kontroll, il-perjodi ta’ ħin li matulhom ma tiġix irreġistrata attività għandhom jitqiesu bħala mistrieħ jew pawża. L-Istati Membri ma għandhomx jimponu fuq is-sewwieqa l-obbligu li jippreżentaw formoli li jiċċertifikaw l-attivitajiet tagħhom meta ma jkunux fil-vettura.

Test propost mill-Kummissjoni

Emenda

7. Is-sewwieq għandu jdaħħal fl-apparat ta' reġistrazzjoni msemmi fl-Anness IB is-simboli tal-pajjiżi li fihom jibda u jtemm il-perjodu tax-xogħol tiegħu ta' kuljum. Madankollu, Stat Membru jista' jeħtieġ li s-sewwieqa ta' vetturi involuti f'operazzjonijiet ta' trasport fit-territorju tiegħu jżidu aktar speċifikazzjonijiet ġeografiċi dettaljati mas-simbolu tal-pajjiż sakemm l-Istat Membru jkun innotifikahom lill-Kummissjoni qabel l-1 ta' April 1998.

7. Is-sewwieq għandu jdaħħal fit-takografu diġitali s-simboli tal-pajjiżi li fihom jibda u jtemm il-perjodu tax-xogħol tiegħu ta' kuljum. Madankollu, Stat Membru jista' jeħtieġ li s-sewwieqa ta' vetturi involuti f'operazzjonijiet ta' trasport fit-territorju tiegħu jżidu aktar speċifikazzjonijiet ġeografiċi dettaljati mas-simbolu tal-pajjiż sakemm l-Istat Membru jkun innotifikahom lill-Kummissjoni qabel l-1 ta' April 1998.

Test propost mill-Kummissjoni

Emenda

3. Uffiċjal awtorizzat li jispezzjona jista' jivverifika l-konformità mar-Regolament (KE) Nru 561/2006 billi janalizza l-formuli ta’ reġistrazzjoni, tad-dejta murija jew stampata li tkun ġiet irreġistrata mill-apparat ta' reġistrazzjoni jew mill-kard tas-sewwieq jew, fin-nuqqas ta' dan, billi janalizza kwalunkwe dokument ieħor ta' appoġġ illi jiġġustifika n-nuqqas ta' konformità ma’ xi disposizzjoni, bħal dawk stabbiliti fl-Artikoli 24(2) u 33(2) ta’ dan ir-Regolament.

3. Uffiċjal iċċertifikat li jispezzjona jista' jivverifika l-konformità mar-Regolament (KE) Nru 561/2006 billi janalizza l-formuli ta’ reġistrazzjoni, tad-dejta murija, stampata jew imniżżla li tkun ġiet irreġistrata mit-takografu jew mill-kard tas-sewwieq jew, fin-nuqqas ta' dan, billi janalizza kwalunkwe dokument ieħor ta' appoġġ illi jiġġustifika n-nuqqas ta' konformità ma’ xi disposizzjoni, bħal dawk stabbiliti fl-Artikoli 24(2) u 33(2) ta’ dan ir-Regolament.

Test propost mill-Kummissjoni

Emenda

3a. Il-Kummissjoni għandha twettaq studju tar-reġimi ta’ infurzar fl-Istati Membri kollha, fi żmien 18-il xahar mill-għoti tal-ewwel Ċertifikati tal-Uffiċjali tal-Infurzar, biex tistabbilixxi kemm hemm uffiċjali ċċertifikati f’kull stat.

Minn hemm ’il quddiem, l-Istati Membri għandhom jirrapportaw lill-Kummissjoni kull sena, jippreċiżaw it-taħriġ li rċevew l-uffiċjali, u n-numru ta’ Uffiċjali tal-Infurzar attivi li kisbu ċ-Ċertifikat Ewropew.

Test propost mill-Kummissjoni

Emenda

Miżuri meħuda minn Stati Membri skont l-Artikolu 37 jistgħu jagħtu setgħa lill-awtoritajiet kompetenti sabiex jipprojbixxu l-użu tal-vettura f'każijiet fejn ħsara jew operazzjoni difettuża ma tkunx ġiet irranġata skont l-ewwel u t-tieni subparagrafi.

Miżuri meħuda minn Stati Membri skont l-Artikolu 37 għandhom jinkludu s-setgħa tal-awtoritajiet kompetenti li jipprojbixxu l-użu tal-vettura f'każijiet fejn ħsara jew operazzjoni difettuża ma tkunx ġiet irranġata skont l-ewwel u t-tieni subparagrafi.

Test propost mill-Kummissjoni

Emenda

Miżuri meħuda minn Stati Membri skont l-Artikolu 37 jistgħu jagħtu setgħa lill-awtoritajiet kompetenti sabiex jipprojbixxu l-użu tal-vettura f'każijiet fejn ħsara jew operazzjoni difettuża ma tkunx ġiet irranġata skont l-ewwel u t-tieni subparagrafi.

Miżuri meħuda minn Stati Membri skont l-Artikolu 37 jistgħu jagħtu setgħa lill-awtoritajiet kompetenti sabiex jipprojbixxu l-użu tal-vettura f'każijiet fejn ħsara jew operazzjoni difettuża ma tkunx ġiet irranġata skont l-ewwel u t-tieni subparagrafi. Hawnhekk, il-Kummissjoni għandha tagħmel verifiki ta’ trattament indaqs bejn vetturi nazzjonali u barranin, sabiex teskludi l-inugwaljanza.

Test propost mill-Kummissjoni

Emenda

Protezzjoni tad-dejta, infurzar u sanzjonijiet

Infurzar u sanzjonijiet

Test propost mill-Kummissjoni

Emenda

Artikolu 34

imħassar

Protezzjoni ta’ dejta personali

1. L-Istati Membri għandhom jiżguraw li l-ipproċessar ta’ dejta personali fil-kuntest ta’ dan ir-Regolament jitwettaq skont id-Direttivi 95/46/KE u 2002/58/KE u taħt is-superviżjoni tal-awtorità indipendenti pubblika tal-Istat Membru msemmija fl-Artikolu 28 tad-Direttiva 95/46/KE.

2. L-Istati Membri għandhom b’mod partikolari jiżguraw li d-dejta personali tkun protetta fir-rigward ta’:

- l-użu ta’ sistema satellitari tan-navigazzjoni globali (GNSS) għar-reġistrazzjoni tad-dejta tal-lokazzjoni kif imsemmi fl-Artikolu 4,

- l-użu ta’ komunikazzjoni mill-bogħod għal skopijiet ta’ kontroll kif imsemmi fl-Artikolu 5,

- l-użu ta’ apparat ta’ reġistrazzjoni ma’ interfaċċja armonizzata kif imsemmi fl-Artikolu 6,

- l-iskambju elettroniku ta’ informazzjoni fuq il-kards tas-sewwieqa kif imsemmi fl-Artikolu 26,

- iż-żamma ta’ rekords mill-impriżi tat-trasport kif imsemmi fl-Artikolu 29.

3. L-apparat ta’ reġistrazzjoni msemmi fl-Anness IB għandu jkun magħmul f’mod li jiżgura l-privatezza. Id-dejta strettament neċessarja għall-iskop tal-ipproċessar biss għandha tiġi proċessata.

4. Is-sidien tal-vetturi u/jew tal-impriżi tat-trasport għandhom jikkonformaw, fejn applikabbli, mad-dispożizzjonijiet rilevanti dwar il-protezzjoni tad-dejta personali.

Test propost mill-Kummissjoni

Emenda

Artikolu 34a

L-uffiċjali tal-kontroll

1. Biex tiġi mmonitorjata kif jixraq il-konformità ma’ dan ir-Regolament, għandhom ikunu disponibbli biżżejjed tagħmir standard u setgħat legali xierqa għall-uffiċjali kollha ċetifikati tal-kontroll biex ikunu jistgħu jwettqu dmirijiethom skont dan ir-Regolament. B'mod partikolari:

(a) L-uffiċjali ċċertifikati tal-kontroll għandu jkollhom fil-pussess tagħhom kards ta’ kontroll li jippermettulhom aċċess għad-dejta rreġistrata fit-takografu u fil-kards tat-takografi, inkluża l-kard tal-ħanut tax-xogħol.

(b) L-uffiċjali ċċertifikati tal-kontroll għandu jkollhom l-għodod armonizzati u standardizzati u s-softwer tat-tip approvat biex iniżżlu l-fajls tad-dejta tal-unità tal-vettura u l-kards tat-takografu u jkunu jistgħu janalizzaw malajr dawn il-fajls tad-dejta u l-kopji stampati mit-takografu diġitali flimkien mal-folji jew ċarts mit-takografu analogu.

2. Jekk wara li jkunu wettqu kontroll, l-uffiċjali ċċertifikati tal-kontroll isibu biżżejjed provi li jqajmu suspett raġonevoli ta’ frodi, għandu jkollhom is-setgħa li jakkumpanjaw il-vettura sa ħanut tax-xogħol awtorizzat biex jitwettqu aktar testijiet biex jiġi kkontrollat, b’mod partikolari, li t-takografu:

(a) jaħdem kif suppost;

(b) jirreġistra u jaħżen id-dejta korrettament u;

li l-parametri tal-kalibrazzjoni huma korretti.

3. L-uffiċjali ċċertifikati tal-kontroll għandu jkollhom is-setgħa li jagħtu istruzzjonijiet lill-ħwienet tax-xogħol awtorizzati biex iwettqu t-test imsemmi fil-paragafu 2 u testijiet speċifiċi mfassla biex jittestjaw il-preżenza ta’ apparat ta’ manipulazzjoni. Jekk jinstab apparat ta’ manipulazzjoni, it-tagħmir, inkluż l-apparat innifsu, l-unità tal-vettura jew il-komponenti tagħha u l-kard tas-sewwieq jistgħu jitneħħew mill-vettura u jintużaw bħala provi f’konformità mar-regoli nazzjonali tal-proċedura relatati mat-trattament ta’ provi bħal dawn.

4. L-uffiċjali ċċertifikati tal-kontroll għandhom jagħmlu użu mill-possibilità li jiċċekkjaw it-takografi u l-kards tas-sewwieqa li jkunu fil-post matul kontroll tal-uffiċċji tal-impriża.

5. Il-Kummissjoni għandu jkollha s-setgħa li tadotta atti ddelegati skont l-Artikolu 39 biex tiżviluppa l-ispeċifikazzjonijiet tekniċi u funzjonali rigward l-apparat imsemmi fil-paragrafu 1.

Test propost mill-Kummissjoni

Emenda

2a. Il-Kummissjoni għandha tadotta deċiżjonijiet biex tistabbilixxi sistema komuni ta' taħriġ tal-uffiċjali ta' kontroll fi żmien 12-il xahar minn ...*.

* ĠU: jekk jogħġbok daħħal id-data tad-dħul fis-seħħ ta’ dan ir-Regolament.

Test propost mill-Kummissjoni

Emenda

3. Il-Kummissjoni għandha tadotta deċiżjonijiet dwar il-metodoloġija għat-taħriġ tal-bidu u kontinwu tal-uffiċjali ta’ kontroll, inkluż dwar tekniki għall-immirar tat-tekniki u għall-iskoperta ta’ apparat ta’ manipulazzjoni u ta’ frodi. Dawk l-atti ta’ implimentazzjoni għandhom jiġu adottati skont il-proċedura konsultattiva msemmija fl-Artikolu 40(2).

3. Il-Kummissjoni għandha tadotta metodoloġija għat-taħriġ tal-bidu u kontinwu tal-uffiċjali ta’ kontroll, inkluż dwar tekniki għall-immirar tat-tekniki u għall-iskoperta ta’ apparat ta’ manipulazzjoni u ta’ frodi. Din il-metodoloġija għandha tkun ibbażata fuq linji gwida li jipprovdu interpretazzjoni komuni ta' dan ir-Regolament u tar-Regolament 561/2006/KE biex tiġi garantita analiżi uniformi tad-dejta rreġistrata mit-takografu fl-Istati Membri kollha. Dawk l-atti ta’ implimentazzjoni għandhom jiġu adottati skont il-proċedura ta' eżami msemmija fl-Artikolu 40(3).

Test propost mill-Kummissjoni

Emenda

3a. 24 xahar wara *, l-uffiċjali ta' kontroll għandhom jgħaddu minn eżami biex jiksbu Ċertifikat Ewropew tal-Infurzar. Din iċ-ċertifikazzjoni armonizzata għandha tkun prova li għandhom il-ħiliet xierqa biex iwettqu l-kompiti tagħhom ta’ kontroll b’mod effiċjenti kif definit f’dan ir-Regolament, b’mod partikolari fir-rigward tal-Artikolu 34a.

* ĠU: jekk jogħġbok daħħal id-data ta' applikazzjoni ta' dan ir-Regolament.

Test propost mill-Kummissjoni

Emenda

3b. Il-Kummissjoni għandha tadotta deċiżjonijiet dwar ir-rekwiżiti u l-kontenut tal-eżami msemmi fil-paragrafu 3a. Dawk l-atti ta’ implimentazzjoni għandhom jiġu adottati skont il-proċedura ta' eżami msemmija fl-Artikolu 40(3).

Test propost mill-Kummissjoni

Emenda

3c. Il-Kummissjoni għandha tippreżenta lill-Parlament Ewropew u lill-Kunsill rapport kull sentejn rigward in-numru ta' uffiċjali ta' kontroll li jkunu qed jitħarrġu f'kull Stat Membru u li jiksbu ċ-Ċertfikat Ewropew ta' Infurzar.

Test propost mill-Kummissjoni

Emenda

Artikolu 35a

Ksur serju ħafna

Il-ksur li ġej tal-obbligi stipulati f’dan ir-Regolament, minħabba n-natura speċjalment gravi tiegħu u l-konsegwenzi possibbli għas-sikurezza fit-toroq, għandu jitqies bħala ksur serju ħafna fil-leġiżlazzjoni tal-Istati Membri:

1. Fir-rigward tal-obbligi rigward l-installazzjoni tat-tagħmir ta’ reġistrazzjoni: l-installazzjoni u l-użu ta’ takografu mhux tat-tip approvat;

2. Fir-rigward tal-obbligi li jikkonċernaw l-użu tat-takografi, tal-kard tas-sewwieq jew tal-folja ta’ reġistrazzjoni:

(a) l-użu ta’ takografu li ma jikkonformax mal-obbligi relatati mal-ispezzjoni msemmija fl-Artikolu 18;

(b) l-użu ta’ takografu li ma jkunx ġie spezzjonat, ikkalibrat jew issiġillat kif jixraq;

(c) l-użu ta’ kard tas-sewwieq li ma tkunx valida;

(d) impriża li ma żżommx folji ta’ reġistrazzjoni, kopji stampati jew imniżżla;

(e) sewwieq li jkollu aktar minn kard waħda valida tas-sewwieq;

(f) l-użu ta’ kard tas-sewwieq li ma tkunx il-kard valida tas-sewwieq stess;

(g) l-użu ta’ kard tas-sewwieq difettuża jew skaduta;

(h) id-dejta rreġistrata jew maħżuna ma tkunx disponibbli għal tal-anqas 365 jum;

(i) l-użu ta’ folji jew kards tas-sewwieq maħmuġin jew li tkun saritilhom ħsara u dejta li ma tkunx tista’ tinqara;

(j) użu mhux korrett tal-folji ta’ reġistrazzjoni/kards tas-sewwieq;

(k) il-folja ta' reġistrazzjoni jew il-kard tas-sewwieq tintuża biex tkopri perjodu itwal minn dak li hija intenzjonata għalih u tintilef id-dejta;

(l) ma jsirx tidħil manwali meta dan ikun meħtieġ;

(m) ma jintużawx il-folji ta’ reġistrazzjoni jew kards tas-sewwieqa t-tajbin fl-islott it-tajjeb (multipreżenza).

3. Fir-rigward tal-obbligu li tiddaħħal l-informazzjoni: l-isem u l-kunjom ma jkunux imniżżla fil-folja ta’ reġistrazzjoni.

4. Fir-rigward tal-obbligu li tingħata l-informazzjoni:

(a) rifjut li jsir il-kontroll;

(b) in-nuqqas mhux ġustifikat ta’ rekords għall-jum attwali;

(c) in-nuqqas mhux ġustifikat ta’ rekords għat-28 jum preċedenti;

(d) in-nuqqas mhux ġustifikat ta’ rekords tal-kard tas-sewwieq jekk is-sewwieq ikollu waħda;

(e) in-nuqqas mhux ġustifikat ta’ rekords manwali u kopji stampati magħmula waqt il-ġimgħa attwali u t-28 jum preċedenti;

(f) li wieħed ma jkunx jista’ jipproduċi kard tas-sewwieq;

(g) li wieħed ma jkunx jista’ jipproduċi kopji stampati magħmula matul dik il-ġimgħa u matul it-28 jum preċedenti.

5. Diżaggregazzjoni:

It-takografu ma jkunx issewwa minn fitter jew ħanut tax-xogħol approvat.

6. Tidħil manwali fuq il-kopji stampati:

(a) is-sewwieq ma jkunx immarka l-informazzjoni kollha għall-perjodi ta’ żmien li ma jiġux irreġistrati waqt li t-tagħmir ta’ reġistrazzjoni ma jkunx jista’ jitħaddem jew ikun qed jaħdem ħażin;

(b) in-numru tal-kard tas-sewwieq u/jew l-isem u/jew in-numru tal-liċenzja tas-sewqan ma jiddaħħlux fuq il-folja temporanja;

(c) it-telf jew is-serq tal-kard tas-sewwieq ma jiġux iddikjarati formalment lill-awtoritajiet kompetenti tal-Istat Membru fejn ikun seħħ it-telf jew is-serq.

7. Fir-rigward tal-frodi:

(a) li wieħed jiffalsifika, jissopprimi jew jeqred id-dejta rreġistrata fuq il-folji ta’ reġistrazzjoni, maħżuna fit-takografu jew fuq il-kard tas-sewwieq, jew fuq il-kopji stampati li joħorġu mit-takografu li jirreġistra;

(b) il-manipulazzjoni tat-tagħmir ta’ reġistrazzjoni, tal-folja ta’ reġistrazzjoni, tal-kard tas-sewwieq jew tal-kard tal-kumpanija, li jirriżulta fil-falsifikazzjoni tad-dejta u/jew tal-informazzjoni fuq il-kopja stampata;

(c) fil-vettura jkun hemm preżenti apparat ta’ manipulazzjoni li jista’ jintuża biex jiffalsifika d-dejta u/jew l-informazzjoni fuq il-kopja stampata.

(Test tal-Anness III tad-Direttiva 2006/22/KE)

Test propost mill-Kummissjoni

Emenda

Fi ħdan il-qafas ta’ din l-assistenza reċiproka, l-awtoritajiet kompetenti tal-Istati Membri għandhom b’mod partikolari jibagħtu lil xulxin regolarment l-informazzjoni l-oħra kollha disponibbli dwar il-ksur ta’ dan ir-Regolament minn fitters u ħwienet tax-xogħol, u kwalunkwe pieni imposti għal ksur bħal dan.

Fi ħdan il-qafas ta’ din l-assistenza reċiproka, l-awtoritajiet kompetenti tal-Istati Membri għandhom b’mod partikolari jibagħtu lil xulxin regolarment l-informazzjoni l-oħra kollha disponibbli dwar il-ksur ta’ dan ir-Regolament minn fitters u ħwienet tax-xogħol, tipi ta' prattiki ta' manipulazzjoni u kwalunkwe pieni imposti għal ksur bħal dan.

Test propost mill-Kummissjoni

Emenda

Artikolu 36a

Linja telefonika “hotline”

Il-Kummissjoni għandha tinstalla website u numru tat-telefon “hotline” fl-UE kollha li s-sewwieqa jew kwalunkwe parti interessata oħra kkonċernata, li jkunu jixtiequ jirrapportaw frodi li jaqa’ fl-ambitu ta’ dan ir-Regolament, ikunu jistgħu jċemplu bla ħlas u anonimament.

Test propost mill-Kummissjoni

Emenda

3. Is-sanzjonijiet stabbiliti mill-Istati Membri għal ksur serju ħafna kif definit fid-Direttiva 2009/5/KE għandhom ikunu l-ogħla kategoriji applikabbli fl-Istat Membru għall-ksur tal-leġiżlazzjoni dwar it-trasport bit-triq.

3. Is-sanzjonijiet stabbiliti mill-Istati Membri għal ksur serju ħafna kif definit fl-Artikolu 35a ta' dan ir-Regolament għandhom ikunu l-ogħla kategoriji applikabbli fl-Istat Membru għall-ksur tal-leġiżlazzjoni dwar it-trasport bit-triq.

Test propost mill-Kummissjoni

Emenda

2. Id-delegazzjoni tas-setgħa msemmija fl-Artikoli 4, 5, 6 u 38 għandha tingħata għal perjodu ta’ żmien indeterminat mill-[id-data ta’ dħul fis-seħħ ta’ dan ir-Regolament].

2. Id-delegazzjoni tas-setgħa msemmija fl-Artikoli 3g, 4, 5, 6 u 34a għandha tingħata lill-Kummissjoni għal perjodu ta' ħames snin minn ...*. Il-Kummissjoni għandha tfassal rapport fir-rigward tad-delegazzjoni tas-setgħa sa mhux aktar tard minn disa’ xhur qabel tmiem il-perjodu ta' ħames snin. Id-delegazzjoni ta’ setgħa għandha tiġi estiża b’mod taċitu għal perjodi ta’ żmien identiċi, sakemm il-Parlament Ewropew jew il-Kunsill ma joġġezzjonawx għal tali estensjoni mhux iktar tard minn tliet xhur qabel it-tmiem ta’ kull perjodu.

* ĠU: jekk jogħġbok daħħal id-data tad-dħul fis-seħħ ta’ dan ir-Regolament.

Test propost mill-Kummissjoni

Emenda

3. Id-delegazzjoni tas-setgħat imsemmija fl-Artikoli 4, 5, 6 u 38 tista’ tiġi revokata fi kwalunkwe ħin mill-Parlament Ewropew jew mill-Kunsill. Deċiżjoni ta’ revoka għandha ttemm id-delegazzjoni tas-setgħa speċifikata f’dik id-deċiżjoni. Din għandha ssir effettiva mill-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fiha. Din ma għandhiex taffettwa l-validità ta’ kwalunkwe att delegat diġà fis-seħħ.

3. Id-delegazzjoni tas-setgħat imsemmija fl-Artikoli 3g, 4, 5, 6 u 34a tista’ tiġi revokata fi kwalunkwe ħin mill-Parlament Ewropew jew mill-Kunsill. Deċiżjoni ta’ revoka għandha ttemm id-delegazzjoni tas-setgħa speċifikata f’dik id-deċiżjoni. Din għandha ssir effettiva mill-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fiha. Din ma għandhiex taffettwa l-validità ta’ kwalunkwe att delegat diġà fis-seħħ.

Test propost mill-Kummissjoni

Emenda

5. Att delegat adottat skont l-Artikoli 4, 5, 6 u 38 għandu jidħol fis-seħħ biss jekk ma jkunx hemm oġġezzjoni mill-Parlament Ewropew jew mill-Kunsill fi żmien perjodu ta’ (2) xahrejn ta’ notifika ta’ dak l-att lill-Parlament Ewropew u lill-Kunsill jew jekk, qabel l-iskadenza ta’ dak il-perjodu, il-Parlament Ewropew u l-Kunsill ikunu t-tnejn informaw lill-Kummissjoni li mhux se joġġezzjonaw. Dak il-perjodu għandu jiġi estiż b’[ (2) xahrejn] fuq inizjattiva tal-Parlament Ewropew jew tal-Kunsill. Artikolu 40

5. Att delegat adottat skont l-Artikoli 3g, 4, 5, 6 u 34a għandu jidħol fis-seħħ biss jekk ma jkunx hemm oġġezzjoni mill-Parlament Ewropew jew mill-Kunsill fi żmien perjodu ta’ (2) xahrejn ta’ notifika ta’ dak l-att lill-Parlament Ewropew u lill-Kunsill jew jekk, qabel l-iskadenza ta’ dak il-perjodu, il-Parlament Ewropew u l-Kunsill ikunu t-tnejn informaw lill-Kummissjoni li mhux se joġġezzjonaw. Dak il-perjodu għandu jiġi estiż b’[ (2) xahrejn] fuq inizjattiva tal-Parlament Ewropew jew tal-Kunsill. Artikolu 40

Test propost mill-Kummissjoni

Emenda

(1a) Fl-Artikolu 13 jiddaħħal paragrafu ġdid:

-1. L-Istati Membri għandhom jippermettu derogi mill-Artikoli 5 sa 9 għal vetturi u kombinazzjonijiet ta' vetturi li jintużaw għat-trasport ta' materjal, tagħmir jew magni għall-użu tas-sewwieq fl-eżerċizzju tax-xogħol tiegħu, u li jintużaw biss f'distanza ta' 150 km mill-bażi tal-impriża u li jintużaw biss bil-kundizzjoni li s-sewqan tal-vettura ma tkunx l-attività ewlenija għas-sewwieq.

Test propost mill-Kummissjoni

Emenda

(1b) Fl-Artikolu 13, paragrafu 1, punt (d), subparagrafu 1, iż-żewġ inċiżi huma sostitwiti b'dan li ġej:

"- bl-iskop li jitwasslu oġġetti tal-posta."

Test propost mill-Kummissjoni

Emenda

(1c) Fl-Artikolu 13, paragrafu 1, punt (h), il-kliem "mal-manutenzjoni u l-kontroll tat-toroq" huma sostitwiti bil-kliem "mal-kostruzzjoni, manutenzjoni u kontroll tat-toroq".

Test propost mill-Kummissjoni

Emenda

(1d) L-Artikolu 13, paragrafu 1, punt (l) huwa sostitwit b’dan li ġej:

"vetturi użati għall-ġbir tal-ħalib minn irziezet u/jew t-twassil lura fl-irziezet ta' kontenituri tal-ħalib jew ta' prodotti tal-ħalib intiżi bħala għalf għall-annimali".

Test propost mill-Kummissjoni

Emenda

(1e) Fl-Artikolu 13, paragrafu 1, jiżdied il-punt li ġej:

‘(q) vetturi li jintużaw għat-trasport lejn u minn sit ta' kostruzzjoni għall-provvista u kunsinna ta' materjali tal-bini".