Dokument ta' sessjoni

 

A7-0243/2012

16.7.2012

***I

RAPPORT

dwar il-proposta għal regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru 1225/2009 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea

( COM(2012)0270 – C7‑0146/2012 – 2012/0145(COD) )

Kumitat għall-Kummerċ Internazzjonali

Rapporteur għal opinjoni: Vital Moreira

 

(Proċedura simplifikata – Artikolu 46(1) tar-Regoli ta' Proċedura)

 

PR_COD_1amCom

 

 

Tifsira tas-simboli użati

  *  Proċedura ta’ konsultazzjoni

  ***  Proċedura ta’ approvazzjoni

  ***I  Proċedura leġiżlattiva ordinarja (l-ewwel qari)

  ***II  Proċedura leġiżlattiva ordinarja (it-tieni qari)

  (III)  Proċedura leġiżlattiva ordinarja (it-tielet qari)

 

(It-tip ta’ proċedura jiddependi mill-bażi legali proposta mill-abbozz ta’ att.)

 

 

 

 

 

Emendi għal abbozz ta’ att

Fl-emendi li jsiru mill-Parlament, it-test emendat huwa indikat b’tipa grassa u korsiva. Test korsiv normali huwa indikazzjoni għas-servizzi tekniċi li turi partijiet tal-abbozz ta’ att li għalihom qed tkun proposta korrezzjoni bl-iskop li tgħin fil-preparazzjoni tat-test finali (pereżempju, żbalji ovvji jew nuqqasijiet f’verżjoni lingwistika partikolari). Il-korrezzjonijiet proposti huma soġġetti għall-qbil tas-servizzi tekniċi involuti.

 

L-intestatura ta’ kwalunkwe emenda għal att eżistenti, li l-abbozz ta’ att ikollu l-ħsieb li jemenda, ikun fiha t-tielet u r-raba’ linji li jidentifikaw rispettivament l-att eżistenti u d-dispożizzjoni kkonċernata f’dak l-att. Il-partijiet li jittieħdu kif inhuma minn dispożizzjoni eżistenti li l-Parlament jixtieq jemenda, imma li l-abbozz ta’ att ma jkunx emenda, huma indikati b’tipa grassa. It-tħassir eventwali li jikkonċerna dawn il-partijiet jiġi indikat kif ġej: [...].

 

 

 

 

 

 

WERREJ

Paġna

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW  5

NOTA SPJEGATTIVA  6

PROĊEDURA  7

 

 

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru 1225/2009 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea

( COM(2012)0270 – C7‑0146/2012 – 2012/0145(COD) )

(Proċedura leġiżlattiva ordinarja: l-ewwel qari)

Il-Parlament Ewropew,

–  wara li kkunsidra l-proposta tal-Kummissjoni lill-Parlament u lill-Kunsill ( COM(2012)0270 ),

–  wara li kkunsidra l-Artikolu 294(2) u l-Artikolu 207 tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C7-0146/2012),

–  wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

–  wara li kkunsidra l-Artikoli 55 u 46(1) tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Kummerċ Internazzjonali ( A7-0243/2012 ),

1.  Jadotta l-pożizzjoni tiegħu fl-ewwel qari billi jinkorpora l-proposta tal-Kummissjoni;

2.  Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.  Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

 

NOTA SPJEGATTIVA

Fit-2 ta' Frar 2012, fil-kawża C-249/10[1] P - Brosmann u oħrajn vs il-Kunsill ('Brosmann'), il-Qorti Ewropea tal-Ġustizzja annullat ir-Regolament tal-Kunsill (KE) Nru 1472/2006 tal-5 ta' Ottubru 2006 li jimponi dazju antidumping definittiv u li jiġbor b’mod definittiv id-dazju provviżorju impost fuq l-importazzjoni ta’ ċerti tipi ta’ lbies għar-riġlejn bil-parti ta’ fuq tal-ġilda li joriġinaw fir-Repubblika Popolari taċ-Ċina u fil-Vjetnam fir-rigward tal-applikanti. Fis-sentenza tagħha, il-Qorti tal-Ġustizzja ddeċidiet li t-teknika tat-teħid tal-kampjuni stipulata fl-Artikolu 17 tar-Regolament tal-Kunsill (KE) Nru 1225/2009 ma tistax tiġi applikata għall-finijiet ta' determinazzjoni tat-talbiet għal trattament individwali tal-ekonomija tas-suq magħmula skont l-Artikolu 2(7)(c).

 

Għandu jiġi nnutat ukoll li l-użu tat-teknika tat-teħid tal-kampjuni stipulata fl-Artikolu 17 tar-Regolament tal-Kunsill (KE) Nru 1225/2009 għall-finijiet tad-determinazzjoni tat-talbiet għal trattament ta’ ekonomija tas-suq magħmula skont l-Artikolu 2(7)(c) ta' dan ir-Regolament ma jiksirx l-obbligi tal-Unjoni skont ir-regoli tal-Organizzazzjoni Dinjija tal-Kummerċ.

 

Għalhekk huwa meqjus f'loku li tiġi introdotta dispożizzjoni li tiċċara li d-deċiżjoni sabiex l-investigazzjoni tiġi limitata għal numru raġonevoli ta’ produtturi billi jintużaw kampjuni abbażi tal-Artikolu 17 tar-Regolament tal-Kunsill (KE) Nru 1225/2009, tapplika wkoll għall-partijiet suġġetti għall-eżaminazzjoni għal trattament ta’ ekonomija tas-suq, skont l-Artikolu 2(7)(b) u (c).

 

B'riżultat ta' dan, huwa wkoll f'loku li jiġi ċċarat li ma għandhiex issir determinazzjoni skont l-Artikolu 2(7)(c) fil-każ tal-produtturi li mhumiex parti mill-kampjun sakemm dawn il-produtturi ma jitolbux u ma jiksbux eżaminazzjoni individwali skont l-Artikolu 17(3).

 

Barra minn hekk, jitqies f'loku li jkun iċċarat li d-dazju antidumping li jrid jiġi applikat għall-importazzjonijiet mill-produtturi li jkunu ppreżentaw id-dettalji tagħhom skont l-Artikolu 17 imma li ma kinux ġew inklużi fl-eżaminazzjoni, ma għandux jaqbeż il-marġni medju peżat ta’ dumping stabbilit għall-partijiet fil-kampjun, irrispettivament minn jekk il-valur normali stabbilit għal dawn il-partijiet kienx determinat abbażi tal-Artikoli 2(1) sa 2(6) jew tal-Artikolu 2(7)(a).

 

Fl-aħħar nett, il-limitu ta’ żmien ta’ tliet xhur li fih trid tkun saret id-determinazzjoni skont l-Artikolu 2(7)(c), għandu jitħassar billi rriżulta li ma kienx prattiku f’ħafna proċedimenti tal-antidumping, partikolarment fejn it-teħid tal-kampjuni jiġi applikat skont l-Artikolu 17.

 

Fl-interess taċ-ċertezza legali u l-prinċipju ta’ amministrazzjoni soda, huwa neċessarju li jkun stabbilit li dawn l-emendi jibdew jgħoddu kemm jista' jkun malajr għall-investigazzjonijiet kollha ġodda u pendenti. Huwa għal dawn ir-raġunijiet li l-Kumitat għall-Kummerċ Internazzjonali adotta l-abbozz ta' riżoluzzjoni fi proċedura simplifikata.

PROĊEDURA

Titolu

Emenda tar-Regolament tal-Kunsill (KE) Nru 1225/2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea

Referenzi

COM(2012)0270 – C7-0146/2012 – 2012/0145(COD)

Data meta ġiet ippreżentata lill-PE

8.6.2012

 

 

 

Kumitat responsabbli

       Data tat-tħabbir fis-seduta plenarja

INTA

14.6.2012

 

 

 

Rapporteur(s)

       Data tal-ħatra

Vital Moreira

20.6.2012

 

 

 

Proċedura simplifikata - data tad-deċiżjoni

20.6.2012

Eżami fil-kumitat

12.7.2012

 

 

 

Data tal-adozzjoni

12.7.2012

 

 

 

Data tat-tressiq

18.7.2012

 

 

[1]  Il-Kawża C-249/10 P – Brosmann Footwear (HK) u oħrajn vs il-Kunsill, Sentenza tat-2 ta' Frar 2012 (għad mhijiex ippubblikata fl-ECR)