Test propost mill-Kummissjoni

Emenda

(2) L-iżvilupp sostenibbli tat-trasport bl-ajru jeħtieġ l-introduzzjoni ta' miżuri maħsuba biex jitnaqqas il-fastidju mill-istorbju tal-inġenji tal-ajru fl-ajruporti bi problemi partikolari ta' storbju. Għadd kbir ta' ċittadini tal-UE huma esposti għal livelli għolja ta' storbju li jistgħu jwasslu għal effetti negattivi fuq is-saħħa.

(2) L-iżvilupp sostenibbli tat-trasport bl-ajru jeħtieġ l-introduzzjoni ta' miżuri maħsuba biex jitnaqqas l-istorbju tal-inġenji tal-ajru f’ajruporti bi problemi partikolari ta' storbju u fl-inħawi tagħhom. Għadd kbir ta' ċittadini tal-UE huma esposti għal livelli għolja ta' storbju li jistgħu jwasslu għal effetti negattivi fuq is-saħħa, b’mod partikolari fir-rigward ta' titjiriet bil-lejl.

Test propost mill-Kummissjoni

Emenda

(6a) Sabiex titnaqqas il-ħtieġa għal restrizzjonijiet operattivi, il-pjanijiet nazzjonali ta’ azzjoni deskritti fid-Direttiva 2002/49/KE għandhom, fil-futur immedjat, jinkludu l-adozzjoni ta’ miżuri kumplimentari għall-ġestjoni tal-istorbju estern tal-ajruporti, bħall-iżolament tad-djar kontra l-ħsejjes u pjanijiet għal barrieri ġenerali tal-istorbju.

Test propost mill-Kummissjoni

Emenda

(7) Filwaqt li valutazzjonijiet tal-istorbju għandhom iseħħu fuq bażi regolari, tali valutazzjonijiet għandhom iwasslu biss għal miżuri addizjonali ta' tnaqqis tal-istorbju jekk il-kombinazzjoni attwali tal-miżuri ta' mitigazzjoni tal-istorbju ma tilħaqx l-għanijiet tat-tnaqqis tal-istorbju.

(7) Filwaqt li valutazzjonijiet tal-istorbju għandhom iseħħu fuq bażi regolari, tali valutazzjonijiet għandhom iwasslu biss għal miżuri addizzjonali ta' tnaqqis tal-istorbju jekk il-kombinazzjoni attwali tal-miżuri ta' mitigazzjoni tal-istorbju, jew il-miżuri stabbiliti bid-Direttiva 2002/49/KE tal-Parlament Ewropew u tal-Kunsill tal-25 ta’ Ġunju 2002 rigward l-istudju u l-ġestjoni tal-ħsejjes ambjentali1, ma jilħqux l-għanijiet tat-tnaqqis tal-istorbju. It-tfassil ta’ miżuri supplimentari għat-tnaqqis tal-istorbju għandu jsir wara proċess sistematiku ta' monitoraġġ u kontroll ambjentali bbażat fuq approċċ konservattiv, bil-għan li jkunu individwati malajr l-Azzjonijiet Korrettivi Bbażati fuq il-Monitoraġġ (MBCA) f'termini ta' ġestjoni u/jew operattivi li huma meħtieġa.

__________________

1 ĠU L 189, 18.7.2002, p. 12

Test propost mill-Kummissjoni

Emenda

(8) Filwaqt li analiżi tal-ispejjeż u l-benefiċċji tipprovdi indikazzjoni tal-effetti totali fuq il-benesseri ekonomiku billi tqabbel l-ispejjeż u l-benefiċċji kollha, valutazzjoni tal-kosteffikaċja tiffoka fuq il-kisba ta' għan stabbilit bl-aktar mod kosteffikaċi, u b'hekk teħieġ biss tqabbil tal-ispejjeż.

(8) Filwaqt li għan għat-tnaqqis tal-istorbju għandu jintgħażel billi jsir eżerċizzju kumparattiv tal-ispejjeż u l-benefiċċji kollha, l-għodda għall-ilħuq ta' dan il-għan għandha tkun kosteffikaċi, filwaqt li jitqiesu l-aspetti tas-saħħa, ekonomiċi u soċjali.

Test propost mill-Kummissjoni

Emenda

(9) Sospensjoni tal-miżuri tal-mitigazzjoni tal-istorbju hija importanti biex jiġu evitati konsegwenzi mhux mixtieqa għas-sikurezza tal-avjazzjoni, il-kapaċità tal-ajruporti u l-kompetizzjoni. Filwaqt li proċedura ta' appell kontra restrizzjonijiet operattivi relatati mal-istorbju jistgħu jikkonċernaw miri ta' tnaqqis tal-istorbju, metodi ta' valutazzjoni u għażla ta’ miżuri kosteffikaċi, l-appell ma jistax jissospendi l-implimentazzjoni tagħhom. Għaldaqstant, il-Kummissjoni għanda tkun kapaċi, ferm qabel l-implimentazzjoni ta' dawn il-miżuri, li tuża d-dritt ta' skrutinju u tissospendi l-miżuri meqjusa li jipproduċu konsegwenzi mhux meħtieġa jew irriversibbli. Huwa rikonoxxut li s-sospensjoni għandha tkun għal perjodu limitat.

(9) Il-Kummissjoni għandha tkun kapaċi tevalwa r-restrizzjonijiet operattivi proposti qabel l-implimentazzjoni tagħhom.

Test propost mill-Kummissjoni

Emenda

(9a) L-użu ta’ proċeduri operattivi approvati għat-tnaqqis tal-istorbju għandu jiżgura li s-sikurezza meħtieġa tat-titjira tinżamm billi jitqiesu l-fatturi kollha li jistgħu jolqtu operazzjoni partikolari. Il-miżuri operattivi għat-tnaqqis tal-istorbju ma għandhomx jipprekludu jew jipprojbixxu l-miżuri ta’ sigurtà antiterroristiċi.

Test propost mill-Kummissjoni

Emenda

(10) Il-valutazzjonijiet tal-istorbju għandhom ikunu msejsa fuq informazzjoni eżistenti disponibbli u jiżguraw li din l-informazzjoni hija affidabbli u aċċessibbli għall-awtoritajiet kompetenti u l-partijiet interessati. L-awtoritajiet kompetenti għandhom jistabbilixxu l-għodod ta' monitoraġġ u infurzar meħtieġa.

(10) Skont id-Direttiva 2002/49/KE, il-valutazzjonijiet tal-istorbju għandhom ikunu msejsa fuq kriterji oġġettivi u li jistgħu jitkejlu li huma komuni għall-Istati Membri kollha. Dik l-informazzjoni għandha tkun affidabbli, tinkiseb b’mod trasparenti, tkun kumparabbli u aċċessibbli għall-partijiet interessati kollha. Il-valutazzjonijiet għandhom jinkludu wkoll il-monitoraġġ tal-iżviluppi teknoliġiċi l-aktar riċenti u l-iskambju ta’ informazzjoni dwar l-aħħar sejbiet dwar il-proċeduri li għandhom jintużaw. L-awtoritajiet kompetenti għandhom jistabbilixxu l-għodod ta' monitoraġġ u infurzar meħtieġa. Il-valutazzjonijiet tal-istorbju għandhom jitwettqu jew jiġu ssorveljati minn aġenziji esterni indipendenti mill-operatur tal-ajruport.

Test propost mill-Kummissjoni

Emenda

(13) Sabiex jiġi rifless il-progress teknoloġiku kontinwu fit-teknoloġiji tal-magni u l-oqfsa tal-inġenji tal-ajru u l-metodi użati għall-immappjar tal-profili tal-istorbju, is-setgħa li jiġu adottati atti skont l-Artikolu 290 tat-Trattat dwar il-Funzjonament tal-Unjoni Ewropea għandha tiġi ddelegata lill-Kummissjoni fir-rigward tal-aġġornament regolari tal-istandards tal-istorbju għal inġenji tal-ajru msemmija f’dan ir-Regolament u r-referenza għal metodi ta' ċertifikazzjoni assoċjati; l-emendar tad-definizzjonijiet ta’ inġenji tal-ajru marġinalment konformi u tal-inġenji tal-ajru ċivili skont dan, u l-aġġornar tar-referenza għall-metodu għall-komputazzjoni tal-profili tal-istorbju. Huwa partikolarment importanti li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fuq livell espert. Il-Kummissjoni, waqt li tkun qed tipprepara u tfassal atti delegati, għandha tiżgura, trażmissjoni simultanja, f'waqtha u xierqa ta' dokumenti rilevanti lill-Parlament Ewropew u lill-Kunsill.

(13) Sabiex jiġi rifless il-progress teknoloġiku kontinwu u l-metodi użati għall-immappjar tal-profili tal-istorbju, is-setgħa li jiġu adottati atti skont l-Artikolu 290 tat-Trattat dwar il-Funzjonament tal-Unjoni Ewropea għandha tiġi ddelegata lill-Kummissjoni fir-rigward tal-aġġornament regolari tal-metodu u r-rapport tekniku relatat mal-valutazzjoni tas-sitwazzjoni tal-istorbju f’ajruport. Huwa partikolarment importanti li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fuq livell espert. Il-Kummissjoni, waqt li tkun qed tipprepara u tfassal atti delegati, għandha tiżgura, trażmissjoni simultanja, f’waqtha u xierqa ta’ dokumenti rilevanti lill-Parlament Ewropew u lill-Kunsill.

Test propost mill-Kummissjoni

Emenda

(13a) Sabiex jiġu żgurati ċ-ċertezza legali u l-affidabilità tal-ippjanar, restrizzjonijiet operattivi u deċiżjonijiet dwar it-tħaddim tal-ajruporti, inklużi deċiżjonijiet tal-qorti u r-riżultati ta’ proċessi ta’ medjazzjoni li diġà kienu introdotti jew kienu qed jiġu eżaminati qabel id-dħul fis-seħħ ta’ dan ir-Regolament ma għandhomx ikunu soġġetti għal dan ir-Regolament iżda għandhom jiġu indirizzati skont ir-regoli eżistenti.

Test propost mill-Kummissjoni

Emenda

(16a) Dan ir-Regolament jindirizza biss l-istorbju tal-inġenji tal-ajru. Ma jfittixx li jirregola l-impatt tal-emissjonijiet ta’ sustanzi li jniġġsu ġejjin mit-tħaddim tal-ajruplani jew miżuri mfassla biex inaqqsu dawk l-emissjonijiet. Ir-regoli u l-proċeduri li jirregolaw ir-restrizzjonijiet operattivi relatati mal-emissjonijiet għandhom jiġu stabbiliti f’att leġiżlattiv separat.

Test propost mill-Kummissjoni

Emenda

1. Dan ir-Regolament jistabbilixxi regoli dwar l-introduzzjoni ta' restrizzjonijiet operattivi relatati mal-istorbju b'mod konsistenti abbażi ta' ajurporti individwali sabiex jgħin fit-titjib tal-klima tal-istorbju u biex jillimita jew inaqqas l-għadd ta' persuni li jkunu affettwati b'mod sinifikanti mill-effetti ta' ħsara tal-istorbju tal-inġenji tal-ajru, skont l-Approċċ Bilanċjat.

1. Dan ir-Regolament jistabbilixxi r-regoli dwar l-introduzzjoni ta' restrizzjonijiet operattivi relatati mal-istorbju b'mod konsistenti abbażi ta' ajruporti individwali u fejn tkun ġiet identifikata problema ta’ storbju sabiex jgħin fit-titjib tal-klima tal-istorbju u biex jillimita jew inaqqas l-għadd ta' persuni li jkunu affettwati mill-istorbju tal-inġenji tal-ajru, skont l-Approċċ Bilanċjat.

Test propost mill-Kummissjoni

Emenda

(a) li tiġi ffaċilitata l-kisba ta' għanijiet speċifiċi ta' tnaqqis tal-istorbju ambjentali, kif stabbilit f'regoli tal-Unjoni, nazzjonali u lokali, u biex tiġi vvalutata l-interdipendenza tagħhom ma' għanijiet ambjentali oħra, fil-livell ta' ajruporti individwali;

(a) li tiġi ffaċilitata l-kisba ta' għanijiet speċifiċi ta' tnaqqis tal-istorbju ambjentali, kif stabbilit f'regoli tal-Unjoni, nazzjonali jew lokali, u biex tiġi vvalutata l-interdipendenza tagħhom ma' għanijiet ambjentali oħra, inklużi aspetti relatati mas-saħħa, fil-livell ta' ajruporti individwali;

Test propost mill-Kummissjoni

Emenda

(b) li tkun possibbli l-għażla tal-miżuri ta' mitigazzjoni tal-istorbju l-aktar kosteffikaċi skont l-Approċċ Bilanċjat sabiex jintlaħaq l-iżvilupp sostenibbli tal-kapaċita tan-netwerk ta' ġestjoni tal-ajruporti u t-traffiku tal-ajru minn perspettiva gate-to-gate.

b) li tkun possibbli l-għażla tal-miżuri ta' mitigazzjoni tal-istorbju l-aktar effikaċi, b'kunsiderazzjoni ta' aspetti kemm tas-saħħa kif ukoll ekonomiċi, skont l-Approċċ Bilanċjat, sabiex jintlaħaq l-iżvilupp sostenibbli fit-tul tal-kapaċità tan-netwerk ta' ġestjoni tal-ajruporti u t-traffiku tal-ajru minn perspettiva gate-to-gate.

Test propost mill-Kummissjoni

Emenda

Dan ir-Regolament għandu japplika għal inġenji tal-ajru mħaddma fl-avjazzjoni ċivili.

Dan ir-Regolament għandu japplika għal titjiriet tal-inġenji tal-ajru mħaddma fl-avjazzjoni ċivili.

Test propost mill-Kummissjoni

Emenda

Ma għandux japplika għal inġenji tal-ajru fis-servizzi militari, doganali, tal-pulizija jew servizzi simili.

Ma għandux japplika għal titjiriet tal-inġenji tal-ajru fis-servizzi militari, doganali, tal-pulizija jew servizzi simili.

Test propost mill-Kummissjoni

Emenda

(2) “Approċċ Bilanċjat” tfisser il-metodu li, skont din il-firxa ta’ miżuri disponibbli, partikolarment it-tnaqqis tal-istorbju tal-inġenji tal-ajru mis-sors, l-ippjanar u l-ġestjoni tal-art, il-proċeduri operattivi u r-restrizzjonijiet operattivi għat-tnaqqis tal-istorbju, jitiqes b’mod konsistenti bl-għan li tiġi indirizzata l-problema tal-istorbju bl-aktar mod kosteffikaċi abbażi ta' ajurporti individwali.

(2) “Approċċ Bilanċjat” tfisser il-proċess stabbilit mill-Organizzazzjoni tal-Avjazzjoni Ċivili Internazzjonali (ICAO) f'Volum 1, Taqsima V tal-Anness 16 għall-Konvenzjoni ta' Chicago li, skont din il-firxa ta’ miżuri disponibbli, partikolarment it-tnaqqis tal-istorbju tal-inġenji tal-ajru mis-sors, l-ippjanar u l-ġestjoni tal-art, il-proċeduri operattivi u r-restrizzjonijiet operattivi għat-tnaqqis tal-istorbju, jitqies b’mod konsistenti bl-għan li jiġi minimizzat l-istorbju bl-aktar mod effikaċi filwaqt li jiġu kkunsidrati l-aspetti tas-saħħa kif ukoll dawk ekonomiċi, abbażi ta' ajruporti individwali sabiex tiġi salvagwardjata s-saħħa taċ-ċittadini li jgħixu fiż-żoni fil-qrib.

Test propost mill-Kummissjoni

Emenda

(4) “Inġenji tal-ajru marġinalment konformi” tfisser inġenji tal-ajru ċivili li jissodisfaw il-limiti ta’ ċertifikazzjoni tal-Kapitolu 3 stipulati fil-Volum 1, Parti II, Kapitolu 3 tal-Anness 16 għall-Konvenzjoni dwar l-Avjazzjoni Ċivili Internazzjonali (il-Konvenzjoni ta’ Chicago) b’marġni kumulattiva ta’ inqas minn 10EPNdB (Storbju Effettivament Ipperċepit f’deċibel), fejn il-marġni kumulattiva hija ċ-ċifra espressa f’EPNdB miksuba billi jiġu magħduda l-marġini individwali (jiġifieri differenzi bejn il-livell ta’ storbju ċċertifikat u l-livell massimu ta’ storbju permess) f’kull wieħed mit-tliet punti ta’ referenza għall-kejl tal-istorbju kif iddefinit fil-Volum 1, Parti II, Kapitolu 4 tal-Anness 16 għall-Konvenzjoni ta’ Chicago;

(4) “Inġenji tal-ajru marġinalment konformi” tfisser inġenji tal-ajru li jkunu ċertifikati skont il-limiti tal-Kapitolu 3 stipulati fil-Volum 1, Parti II, Kapitolu 3 tal-Anness 16 għall-Konvenzjoni dwar l-Avjazzjoni Ċivili Internazzjonali (il-Konvenzjoni ta' Chicago) b'marġni kumulattiva ta’ inqas minn 8EPNdB (Storbju Effettivament Ipperċepit f'Deċibels) waqt perjodu tranżitorju ta’ erba’ snin wara d-dħul fis-seħħ ta’ dan ir-Regolament, u permezz ta’ marġni kumulattiva ta’ mhux aktar minn 10 EPNdB wara t-tmiem ta’ dak il-perjodu tranżitorju. Il-marġni kumulattiva hija ċ-ċifra espressa f'EPNdB miksuba billi jiġu magħduda l-marġini individwali (jiġifieri differenzi bejn il-livell ta' storbju ċċertifikat u l-livell massimu ta' storbju permess) f’kull wieħed mit-tliet punti ta' referenza għall-kejl tal-istorbju kif definit fil-Volum 1, Parti II, Kapitolu 3 tal-Anness 16 għall-Konvenzjoni ta’ Chicago;

Test propost mill-Kummissjoni

Emenda

(6) ‘Restrizzjonijiet operattivi’ tfisser azzjoni relatata mal-istorbju li tillimita l-aċċess jew tnaqqas l-użu ottimali tal-kapaċità ta' ajruport, inklużi r-restrizzjonijiet operattivi mmirati għall-irtirar mill-operat ta' inġenji tal-ajru marġinalment konformi f'ajruporti speċifiċi kif ukoll restrizzjonijiet operattivi ta' natura parzjali, li jaffettwaw it-tħaddim ta' inġenji tal-ajru ċivili skont il-perjodu ta' żmien.

(6) 'Restrizzjonijiet operattivi' tfisser azzjoni relatata mal-istorbju li tillimita l-aċċess jew tnaqqas l-użu ottimali tal-kapaċità ta' ajruport, inklużi r-restrizzjonijiet operattivi mmirati għall-irtirar mill-operat ta' inġenji tal-ajru marġinalment konformi f'ajruporti speċifiċi kif ukoll restrizzjonijiet operattivi ta' natura parzjali, li pereżempju japplikaw għal perjodu ta' żmien identifikat waqt il-jum jew għal ċerti runways biss fl-ajruport.

Test propost mill-Kummissjoni

Emenda

Awtoritajiet kompetenti

Awtoritajiet kompetenti u d-dritt ta’ appell

1. L-Istati Membri għandhom jiddeżinjaw awtoritajiet kompetenti responsabbli għall-adozzjoni ta' miżuri dwar restrizzjonijiet operattivi, kif ukoll korp ta’ appell indipendenti.

1. L-Istati Membri li fihom hemm ajruport għandhom jiddeżinjaw awtorità kompetenti waħda jew aktar responsabbli għas-segwitu tal-proċess tal-adozzjoni ta' restrizzjonijiet operattivi, kif ukoll korp ta’ appell indipendenti, skont il-liġijiet u l-prassi nazzjonali.

2. L-awtoritajiet kompetenti u l-korp ta' appell għandhom ikunu indipendenti minn kwalunkwe organizzazzjoni li tista' tiġi affettwata minn azzjoni relatata mal-istorbju.

2. L-awtoritajiet kompetenti u l-korp ta' appell għandhom ikunu indipendenti minn kwalunkwe organizzazzjoni li tista' tiġi affettwata minn azzjoni relatata mal-istorbju.

3. L-Istati Membri għandhom jinnotifikaw lill-Kummissjoni dwar l-ismijiet u l-indirizzi tal-awtoritajiet kompetenti ddeżinjati u l-korp ta' appell imsemmi fil-paragrafu 1.

3. L-Istati Membri għandhom jinnotifikaw fil-waqt xieraq lill-Kummissjoni dwar l-ismijiet u l-indirizzi tal-awtoritajiet kompetenti ddeżinjati u l-korp ta’ appell imsemmi fil-paragrafu 1. Il-Kummissjoni għandha tippubblika dik l-informazzjoni.

4. L-Istati Membri għandhom jiżguraw id-dritt ta' appell kontra r-restrizzjonijiet operattivi adottati skont dan ir-Regolament quddiem il-korp ta' appell f'konformità mal-leġiżlazzjoni u l-proċeduri nazzjonali.

Test propost mill-Kummissjoni

Emenda

1. L-Istati Membri għandhom jadottaw Approċċ Bilanċjat fir-rigward tal-immaniġjar tal-istorbju tal-inġenji tal-ajru. Għal dan il-għan, huma għandhom:

1. L-Istati Membri għandhom jimplimentaw l-Approċċ Bilanċjat fir-rigward tal-immaniġjar tal-istorbju tal-inġenji tal-ajru, fuq bażi ta’ kull ajruport individwali, fi ħdan il-kamp tal-applikazzjoni ta’ dan ir-Regolament. Għal dan il-għan, huma għandhom jivvalutaw is-sitwazzjoni tal-istorbju f’ajruport individwali skont l-Anness II tad-Direttiva 2002/49/KE, inklużi l-effetti dannużi għas-saħħa tal-bniedem. Fejn tiġi identifikata problema ta’ storbju, huma għandhom:

Test propost mill-Kummissjoni

Emenda

(a) jivvalutaw is-sitwazzjoni tal-istorbju f'ajruport individwali;

(a) jiżguraw li l-objettiv għat-tnaqqis tal-istorbju għal dak l-ajruport ikun definit, b'kunsiderazzjoni, skont il-każ, tal-Artikolu 8 u l-Anness V tad-Direttiva 2002/49;

(b)jiddefinixxu l-mira għat-tnaqqis tal-istorbju ambjentali;

Test propost mill-Kummissjoni

Emenda

(d) jevalwaw l-kosteffikaċja probabbli tal-miżuri disponibbli;

(d) iwettqu valutazzjoni formali u komprensiva tal-kosteffikaċja probabbli tal-miżuri disponibbli;

Test propost mill-Kummissjoni

Emenda

(c) proċeduri operattivi għat-tnaqqis tal-istorbju;

(c) proċeduri operattivi għat-tnaqqis tal-istorbju, inkluża l-gwida tar-rotot tat-tluq u l-inżul;

Test propost mill-Kummissjoni

Emenda

Il-miżuri disponibbli jistgħu jinkludu l-irtirar ta’ inġenji tal-ajru marġinalment konformi, jekk dan jitqies bħala meħtieġ.

Il-miżuri disponibbli jistgħu jinkludu l-irtirar ta’ inġenji tal-ajru marġinalment konformi, jekk dan jitqies bħala meħtieġ. L-Istati Membri jistgħu joffru inċentivi ekonomiċi sabiex iħeġġu lill-operaturi ekonomiċi jużaw inġenji tal-ajru inqas storbjużi waqt il-perjodu tranżitorju msemmi fl-Artikolu 2(4).

Test propost mill-Kummissjoni

Emenda

3. L-Istati Membri jistgħu, fi ħdan l-Approċċ Bilanċjat, jagħmlu distinzjoni fil-miżuri ta' mitigazzjoni tal-istorbju skont it-tip ta' inġenju tal-ajru, użu tar-runway u/jew qafas ta' żmien kopert.

3. L-Istati Membri jistgħu, fi ħdan l-Approċċ Bilanċjat, jagħmlu distinzjoni fil-miżuri ta' mitigazzjoni tal-istorbju skont l-istorbju ġġenerat mill-inġenju tal-ajru, l-użu tar-runway, il-mogħdija tat-titjira u/jew il-qafas ta' żmien kopert.

Test propost mill-Kummissjoni

Emenda

5. Miżuri jew kombinazzjoni ta' miżuri meħuda skont dan ir-Regolament għal ajruport partikolari ma għandhomx ikunu aktar ristrettivi milli meħtieġ biex jintlaħqu l-miri għat-tnaqqis tal-istorbju ambjentali stabbilit għal dak l-ajruport. Restrizzjonijiet operattivi għandhom ikunu mhux diskriminatorji, partikolarment abbażi ta' nazzjonalità, identità jew attività tal-operaturi tal-inġenji tal-ajru.

5. Miżuri jew kombinament ta' miżuri meħuda skont dan ir-Regolament għal ajruport partikolari għandhom ikunu xierqa biex jintlaħqu l-miri għat-tnaqqis tal-istorbju ambjentali stabbilit għal dak l-ajruport. Restrizzjonijiet operattivi għandhom ikunu mhux diskriminatorji, partikolarment abbażi ta' nazzjonalità, identità jew attività tal-operaturi tal-inġenji tal-ajru u m’għandhomx ikunu arbitrarji.

Test propost mill-Kummissjoni

Emenda

6a. L-Istati Membri għandhom jadottaw il-miżuri legali meħtieġa ­– malajr u mingħajr dewmien bla bżonn – għall-applikazzjoni tal-Artikolu 4.

Test propost mill-Kummissjoni

Emenda

1. L-awtoritajiet kompetenti għandhom jivvalutaw is-sitwazzjoni tal-istorbju fl-ajruporti fit-territorju tagħhom fuq bażi regolari, skont ir-rekwiżiti tad-Direttiva 2002/49/KE u r-regoli nazzjonali jew lokali. L-awtoritajiet kompetenti jistgħu jitolbu l-appoġġ tal-Korp ta’ Analiżi tal-Prestazzjoni msemmi fl-Artikolu 3 tar-Regolament tal-Kummissjoni (UE) Nru 691/2010.

1. L-awtoritajiet kompetenti għandhom jiżguraw li s-sitwazzjoni tal-istorbju fl-ajruporti li għalihom huma responsabbli tkun valutata fuq bażi regolari, skont ir-rekwiżiti tad-Direttiva 2002/49/KE u r-regoli nazzjonali jew lokali. L-awtoritajiet kompetenti jistgħu jitolbu l-appoġġ tal-Korp ta’ Analiżi tal-Prestazzjoni msemmi fl-Artikolu 3 tar-Regolament tal-Kummissjoni (UE) Nru 691/2010.

2. L-awtoritajiet kompetenti għandhom jużaw il-metodu, l-indikaturi u l-informazzjoni deskritti fl-Anness I għall-valutazzjoni tas-sitwazzjoni attwali u futura tal-istorbju.

2. L-awtoritajiet kompetenti għandhom jużaw il-metodu, l-indikaturi u l-informazzjoni deskritti fl-Anness I għall-valutazzjoni tas-sitwazzjoni attwali u futura tal-istorbju.

3. Meta l-valutazzjoni tas-sitwazzjoni tal-istorbju turi li miżuri ġodda huma meħtieġa biex jintlaħaq jew jinżamm l-livell tal-miri għat-tnaqqis tal-istorbju, l-awtoritajiet kompetenti għandhom iqisu b'mod xieraq il-kontribuzzjoni ta' kull tip ta' miżura fl-ambitu tal-Approċċ Bilanċjat, skont l-Anness I.

3. Jekk din il-valutazzjoni tindika li jistgħu jkunu meħtieġa miżuri operattivi ta' restrizzjoni ġodda biex tiġi indirizzata problema rigward storbju f'ajruport, l-awtoritajiet kompetenti għandhom jiżguraw li:

4. L-awtoritajiet kompetenti għandhom jiżguraw li, fil-livell xieraq, jiġi stabbilit forum għall-kooperazzjoni teknika bejn l-operatur tal-ajruport, l-operatur tal-inġenju tal-ajru u l-fornitur tas-servizz tan-navigazzjoni bl-ajru, għal azzjonijiet li dawn l-operaturi huma responsabbli għalihom, u jqisu b'mod xieraq l-interdipendenza bejn miżuri li jimmitgaw l-istorbju u dawk biex inaqqsu l-emissjonijiet. Il-membri ta' dan il-forum għall-kooperazzjoni teknika għandhom jikkonsultaw regolarment lir-residenti lokali jew rappreżentanti tagħhom, u jipprovdu informazzjoni u konsulenza teknika dwar miżuri ta' mitigazzjoni tal-istorbju lill-awtoritajiet kompetenti.

(a) il-metodu, l-indikaturi u l-informazzjoni fl-Anness I jiġu applikati sabiex jiġi kkunsidrat kif xieraq il-kontribut ta’ kull tip ta’ miżura taħt l-Approċċ Bilanċjat,

5. L-awtoritajiet kompetenti għandhom jivvalutaw l-effiċjenza ġenerali tal-miżuri ġodda, kif imsemmi fil-paragrafu 3 skont l-Anness II. Emenda teknika minuri għall-miżuri eżistenti mingħajr implikazzjonijiet sostantivi fuq il-kapaċitajiet jew operat ma titqiesx bħala restrizzjoni operattiva ġdida.

(b) fil-livell adegwat, tiġi stabbilita kooperazzjoni teknika bejn l-operaturi tal-ajruport, l-operaturi tal-inġenji tal-ajru u l-fornituri tas-servizz tan-navigazzjoni bl-ajru biex jiġu eżaminati miżuri għall-mitigazzjoni tal-istorbju. L-awtoritajiet kompetenti għandhom ukoll jiżguraw li jiġu kkonsultati r-residenti lokali, jew ir-rappreżentanti tagħhom, u l-awtoritajiet lokali relevanti, u li jingħataw informazzjoni teknika dwar il-miżuri għall-mitigazzjoni tal-istorbju.

6. L-awtoritajiet kompetenti għandhom jorganizzaw il-proċess ta’ konsultazzjoni mal-partijiet interessati fil-waqt u b’mod sostantiv, filwaqt li jiżguraw il-ftuħ u t-trasparenza fir-rigward tad-dejta u l-metodoloġija ta' komputazzjoni. Il-partijiet interessati għandhom ikollhom mill-inqas tliet xhur qabel l-adozzjoni ta' miżuri ġodda biex jipprovdu kummenti. Il-partijiet interessati għandhom mill-inqas jinkludu:

(c) il-kosteffikaċja ta' kwalunkwe restrizzjoni operattiva ġdida hija evalwata, skont l-Anness II. Emendi tekniċi minuri għall-miżuri eżistenti mingħajr implikazzjonijiet sostantivi fuq il-kapaċità jew l-operazzjonijiet ma jitqisux bħala restrizzjonijiet operattivi ġodda.

(a) rappreżentanti ta' residenti lokali li jgħixu fl-inħawi tal-ajruporti affettwati mill-istorbju tat-traffiku bl-ajru;

(d) il-proċess ta’ konsultazzjoni mal-partijiet interessati fil-waqt u b’mod sostantiv, filwaqt li jiżguraw il-ftuħ u t-trasparenza fir-rigward tad-dejta u l-metodoloġija ta' komputazzjoni. Il-partijiet interessati għandu jkollhom tal-inqas tliet xhur, qabel l-adozzjoni tar-restrizzjonijiet operattivi ġodda, biex iressqu l-kummenti tagħhom. Il-partijiet interessati għandhom jinkludu minn tal-anqas:

(b) operaturi rilevanti tal-ajruporti;

(i) ir-residenti lokali, li jgħixu fil-viċinanzi tal-ajruporti, li jkunu affettwati mill-istorbju tat-traffiku tal-ajru jew ir-rappreżentanti tagħhom u l-awtoritajiet lokali tagħhom;

(c) rappreżentanti tal-operaturi tal-inġenji tal-ajru li jistgħu jkunu affettwati minn azzjonijiet relatati mal-istorbju;

(ii) rappreżentanti tan-negozji bbażati fl-inħawi tal-ajruporti li l-operazzjonijiet tagħhom huma affettwati mit-traffiku tal-ajru u mit-tħaddim tal-ajruport;

(d) fornituri rilevanti ta' servizz ta' navigazzjoni tal-ajru;

(iii) l-operaturi tal-ajruport relevanti;

(e) il-Maniġer tan-Netwerk, kif iddefinit fir-Regolament tal-Kummissjoni Nru 677/2011.

(iv) rappreżentanti tal-operaturi tal-inġenji tal-ajru li jistgħu jkunu affettwati minn azzjonijiet relatati mal-istorbju;

(v) fornituri relevanti ta' servizz ta' navigazzjoni tal-ajru;

(vi) il-Maniġer tan-Netwerk, kif definit fir-Regolament tal-Kummissjoni Nru 677/2011;

(vii) fejn applikabbli, il-koordinatur tas-slots iddeżinjat.

7. L-awtoritajiet kompetenti għandhom isegwu u jimmonitorjaw l-implimentazzjoni tal-miżuri ta' mitigazzjoni tal-istorbju u jieħdu azzjoni kif xieraq. Għandhom jiżguraw li l-informazzjoni rilevanti tiġi pprovduta fuq bażi regolari lir-residenti lokali li jgħixu fl-inħawi tal-ajruporti.

4. L-awtoritajiet kompetenti għandhom isegwu u jimmonitorjaw l-implimentazzjoni tal-miżuri ta' mitigazzjoni tal-istorbju u jieħdu azzjoni kif xieraq. Għandhom jiżguraw li l-informazzjoni rilevanti tkun disponibbli onlajn, biex residenti lokali li jgħixu fl-inħawi tal-ajruporti u partijiet interessati oħra jista' jkollhom aċċess għall-informazzjoni mingħajr ħlas.

L-informazzjoni relevanti għandha tinkludi:

(a) informazzjoni dwar il-ksur allegat minħabba devjazzjonjiet tar-rotta fir-rigward l-impatt ġenerat u r-raġunijiet ta' dik id-devjazzjoni,

(b) il-kriterji użati għat-tqassim u l-ġestjoni tat-traffiku f'kull ajruport li jista' jkollhom impatt fuq l-ambjent jew impatt fuq l-istorbju.

5. L-awtoritajiet kompetenti għandhom jiżguraw li l-operaturi ta’ faċilitajiet ta’ ajruporti jinstallaw sistemi kompjuterizzati għall-kejl tal-istorbju f’punti differenti qrib ir-rotot tat-titjir li jaffettwaw jew x'aktarx li se jaffetwaw il-popolazzjoni lokali. Id-data miġbura minn dawn is-sistemi għall-kejl tal-istorbju tista' tiġi kkonsultata fuq l-internet.

Test propost mill-Kummissjoni

Emenda

1. Deċiżjonijiet dwar restrizzjonijiet operattivi relatati mal-istorbju għandhom ikunu msejsa fuq il-prestazzjoni tal-istorbju tal-inġenji tal-ajru skont il-proċeduri ta' ċertifikazzjoni mwettqa skont il-Volum 1 tal-Anness 16 għall-Konvenzjoni ta’ Chicago, il-ħames edizzjoni ta' Lulju 2008.

1. Deċiżjonijiet dwar restrizzjonijiet operattivi relatati mal-istorbju għandhom ikunu msejsa fuq il-prestazzjoni tal-istorbju tal-inġenji tal-ajru skont il-proċeduri ta' ċertifikazzjoni mwettqa skont il-Volum 1 tal-Anness 16 għall-Konvenzjoni ta’ Chicago, il-ħames edizzjoni ta' Lulju 2008.

2. Fuq talba tal-Kummissjoni, l-operaturi tal-inġenji tal-ajru għandhom jikkomunikaw l-informazzjoni li ġejja dwar l-Istorbju fir-rigward tal-inġenji tal-ajru tagħhom li jużaw ajruporti fl-Unjoni:

2. Fuq talba tal-Kummissjoni, u jekk l-Aġenzija Ewropea tas-Sikurezza tal-Avjazzjoni ma jkollhiex diġà l-informazzjoni mitluba, l-operaturi tal-inġenji tal-ajru għandhom jikkomunikaw l-informazzjoni li ġejja dwar l-Istorbju fir-rigward tal-inġenji tal-ajru tagħhom li jużaw ajruporti fl-Unjoni:

(a) in-numru tad-denb tal-inġenji tal-ajru;

(a) in-numru tad-denb tal-inġenji tal-ajru;

(b) iċ-ċertifikat tal-prestazzjoni tal-istorbju jew ċertifikati tal-inġenji użati, flimkien mal-piż massimu attwali assoċjat għat-tluq;

(b) iċ-ċertifikat tal-istorbju jew ċertifikati tal-inġenji użati, flimkien mal-piż massimu attwali assoċjat għat-tluq;

(c) kwalunkwe modifika tal-inġenji tal-ajru li tinfluwenza l-prestazzjoni tal-istorbju tagħhom;

(c) kwalunkwe modifika tal-inġenji tal-ajru li tinfluwenza l-prestazzjoni tal-istorbju tagħhom u li hija rreġistrata fiċ-ċertifikat tal-istorbju tagħhom;

(d) informazzjoni dwar l-istorbju u l-prestazzjoni tal-inġenji tal-ajru għall-finijiet tal-immudellar tal-istorbju.

Għal kull titjira bl-użu ta' ajruport tal-Unjoni, l-operaturi tal-inġenji tal-ajru għandhom jikkomunikaw iċ-ċertifikat tal-prestazzjoni tal-istorbju użat u n-numru tad-denb.

Kull darba li operatur jibdel iċ-ċertifikat tal-istorbju użat għal inġenju tal-ajru, għandu jinforma lill-Kummissjoni.

Id-dejta għandha tkun ipprovduta mingħajr ħlas, f’għamla elettronika u billi jintuża l-format speċifikat, fejn applikabbli.

Id-dejta għandha tkun ipprovduta, f’għamla elettronika u billi jintuża l-format speċifikat, fejn applikabbli. Il-Kummissjoni għandha terfa’ l-piż ta’ kwalunkwe spiża magħmula sabiex tiġi pprovduta dik id-dejta.

3. L-Aġenzija għandha tivverifika l-istorbju tal-inġenji tal-ajru u d-dejta tal-prestazzjoni għall-finijiet ta' immudellar skont l-Artikolu 6(1) tar-Regolament (KE) Nru 216/2008 tal-Parlament Ewropew u l-Kunsill.

3. L-immudellar tal-istorbju fil-komunitajiet tal-ajruporti għandu jkun ibbażat fuq data dwar l-istorbju u l-prestazzjoni tal-inġenji tal-ajru pprovduta mill-manifattur u rakkomandata għall-użu mill-komunità internazzjonali u magħmula disponibbli permezz tal-ICAO. L-Aġenzija għandha tivverifika l-istorbju tal-inġenji tal-ajru u d-dejta tal-prestazzjoni għall-finijiet ta' immudellar skont l-Artikolu 6(1) tar-Regolament (KE) Nru 216/2008 tal-Parlament Ewropew u l-Kunsill. L-Aġenzija għandha tirreferi għall-proċess stabbilit tal-Grupp tal-Mudelli u l-Bażijiet tad-Dejta fi ħdan il-Kumitat tal-Avjazzjoni u l-Ħarsien Ambjentali tal-ICAO biex ikunu ddeterminati l-validità tad-dejta u l-aħjar prassi u tkun żgurata armonizzazzjoni kontinwa fost l-aġenziji internazzjonali li jiċċertifikaw li l-inġenji tal-ajru jkun fi stat tajjeb biex itiru.

4. Id-dejta għandha tkun maħżuna f'bażi tad-dejta ċentrali u tkun għad-dispożizzjoni tal-awtoritajiet kompetenti, operaturi tal-inġenji tal-ajru, fornituri tas-servizzi tan-navigazzjoni tal-ajru u l-operaturi tal-ajruporti għal finijiet operattivi.

4. Id-dejta għandha tkun maħżuna f'bażi tad-dejta ċentrali u tkun għad-dispożizzjoni tal-awtoritajiet kompetenti, operaturi tal-inġenji tal-ajru, fornituri tas-servizzi tan-navigazzjoni tal-ajru u l-operaturi tal-ajruporti għal finijiet operattivi.

Test propost mill-Kummissjoni

Emenda

1. Qabel l-introduzzjoni ta' restrizzjoni operattiva, l-awtoritajiet kompetenti għandhom jagħtu avviż ta' sitt xhur, li jintemm mill-inqas xahrejn qabel id-determinazzjoni tal-parametri ta’ koordinazzjoni tal-islott kif iddefnit fl-Artikolu 2, punt m) tar-Regolament tal-Kunsill KEE Nru 95/93 għall-ajruport ikkonċernat għall-perjodu tal-iskedar rilevanti, lill-Istati Membri, il-Kummissjoni u l-partijiet interessati rilevanti.

1. Meta jkunu qegħdin jintroduċu restrizzjoni operattiva, l-awtoritajiet kompetenti għandhom javżaw tliet xhur qabel, u li tintemm mill-inqas xahrejn qabel id-determinazzjoni tal-parametri ta’ koordinazzjoni tal-islott kif iddefinit fl-Artikolu 2, punt m) tar-Regolament tal-Kunsill KEE Nru 95/93 għall-ajruport ikkonċernat għall-perjodu tal-iskedar rilevanti, lill-Istati Membri, il-Kummissjoni u l-partijiet interessati rilevanti

2. Wara l-valutazzjoni mwettqa skont l-Artikolu 5, in-notifikazzjoni tad-deċiżjoni għandha tkun akkumpanjata minn rapport miktub li jispjega r-raġunijiet għall-introduzzjoni ta' restrizzjoni operattiva, il-mira ambjentali stabbilita għall-ajruport, il-miżuri li tqiesu biex tintlaħaq dik il-mira, u l-evalwazzjoni tal-kosteffikaċja probabbli tal-miżuri differenti meqjusa, inkluż, fejn rilevanti, l-impatt transfruntier tagħhom.

2. Wara l-valutazzjoni mwettqa skont l-Artikolu 5, in-notifikazzjoni tad-deċiżjoni għandha tkun akkumpanjata minn rapport miktub li jispjega r-raġunijiet għall-introduzzjoni ta' restrizzjoni operattiva, il-mira tat-tnaqqis tal-istorbju stabbilita għall-ajruport, il-miżuri li tqiesu biex tintlaħaq dik il-mira, u l-evalwazzjoni tal-kosteffikaċja probabbli tal-miżuri differenti meqjusa, inkluż, fejn rilevanti, l-impatt transfruntier tagħhom.

3. Fejn restrizzjoni operattiva tikkonċerna l-irtirar ta’ inġenji tal-ajru marġinalment konformi minn ajruport, l-ebda servizzi ġodda ma għandhom ikunu permessi b'inġenji tal-ajru marġinalment konformi f'dak l-ajruport sitt xhur wara n-notifikazzjoni. L-awtoritajiet kompetenti għandhom jiddeċiedu dwar ir-rata annwali għat-tneħħija ta' inġenji tal-ajru marġinalment konformi mill-flotta ta' operaturi affettwati f’dak l-ajruport, filwaqt li titiqies l-età tal-inġenju tal-ajru u il-kompożizzjoni tal-flotta totali. Mingħajr ħsara għall-paragrafu 3 tal-Artikolu 4, din ir-rata ma għandhiex tkun iktar minn 20 % tal-flotta ta' dak l-operatur ta' inġenji tal-ajru li jkunu marġinalment konformi li jużaw dak l-ajruport.

3. Fejn restrizzjoni operattiva tikkonċerna l-irtirar ta’ inġenji tal-ajru marġinalment konformi minn ajruport, l-ebda servizzi ġodda ma għandhom ikunu permessi b’inġenji tal-ajru marġinalment konformi f'dak l-ajruport sitt xhur wara n-notifikazzjoni, li jintemmu mill-inqas xahrejn qabel ma jiġu determinati l-parametri ta’ koordinazzjoni tal-islotts skont il-paragrafu 1. L-awtoritajiet kompetenti għandhom jiddeċiedu dwar ir-rata annwali għat-tneħħija ta' inġenji tal-ajru marġinalment konformi. Din ir-rata annwali m’għandhiex tkun iktar minn 25% tal-movimenti u għandha tiġi applikata b’mod uniformi għal kull operatur affettwat b’referenza għan-numru ta’ movimenti tiegħu b’inġenji tal-ajru marġinalment konformi f’dak l-ajruport.

4. Kwalunkwe appell kontra deċiżjonijiet dwar restrizzjonijiet operattivi relatati mal-istorbju għandu jiġi organizzati skont il-liġi nazzjonali.

Test propost mill-Kummissjoni

Emenda

(ba) inġenji tal-ajru fuq titjiriet operati għal finijiet umanitarji jew diplomatiċi.

Test propost mill-Kummissjoni

Emenda

1. Fuq talba ta' Stat Membru jew fuq l-inizjattiva tagħha stess, u mingħajr ħsara għal proċedura pendenti ta' appell, il-Kummissjoni tista’ tiskrutinja d-deċiżjoni dwar restrizzjoni operattiva, qabel l-implimentazzjoni tagħha. Fejn il-Kummissjoni ssib li d-deċiżjoni ma tirrispettax ir-rekwiżiti stipulati f’dan ir-Regolament, jew inkella tkun kontra l-liġi tal-Unjoni, tista' tissosspendi d-deċiżjoni.

1. Fuq talba ta' Stat Membru jew fuq l-inizjattiva tagħha stess, u mingħajr ħsara għal proċedura pendenti ta' appell, il-Kummissjoni tista’ f’perjodu ta’ xahrejn wara l-jum li fih tirċievi l-avviż, kif imsemmi fl-Artikolu 7(1), tevalwa l-proċess għall-introduzzjoni ta’ restrizzjoni operattiva relatata mal-istorbju. Fejn il-Kummissjoni ssib li l-introduzzjoni ta’ restrizzjoni operattiva relatata mal-istorbju ma ssegwix il-proċess stipulat f’dan ir-Regolament, il-Kummissjoni tista’ tinnotifika lill-awtoritajiet kompetenti relevanti kif xieraq. L-awtoritajiet kompetenti relevanti jistgħu jikkunsidraw l-opinjoni tal-Kummissjoni.

2. L-awtoritajiet kompetenti għandhom jipprovdu lill-Kummissjoni bl-informazzjoni li turi konformità ma’ dan ir-Regolament.

2. L-awtoritajiet kompetenti għandhom jipprovdu lill-Kummissjoni bl-informazzjoni li turi konformità ma’ dan ir-Regolament.

3. Il-Kummissjoni għandha tiddeċiedi skont il-proċedura konsultattiva stabbilita fl-Artikolu 13(2), parikolarment billi jitqiesu il-kriterji fl-Anness II, jekk l-awtorità kompetenti konċernata tistax tipproċedi bl-introduzzjoni ta' restrizzjoni operattiva. Il-Kummissjoni għandha tikkomunika d-deċiżjoni tagħha lill-Kunsill u l-Istat Membru kkonċernat.

4. Fejn il-Kummissjoni ma tkunx adottat deċiżjoni fi żmien sitt xhur wara li tkun irċeviet l-informazzjoni msemmija fil-paragrafu 2, l-awtorità kompetenti tista' tapplika d-deċiżjoni prevista dwar restrizzjoni operattiva.

3. Fejn il-Kummissjoni ma tkunx innotifikat l-opinjoni tagħha fi żmien xahrejn wara li tkun irċeviet avviż, kif imsemmi fl-Artikolu 7(1), l-awtorità kompetenti tista' tapplika d-deċiżjoni prevista dwar restrizzjoni operattiva.

Test propost mill-Kummissjoni

Emenda

(a) emendi tad-definizzjonijiet ta' inġenji tal-ajru fl-Artikolu 2, punt (3) u ta’ inġenji tal-ajru marġinalment konformi fl-Artikolu 2, punt (4);

imħassar

Test propost mill-Kummissjoni

Emenda

2. Id-delega tas-setgħa msemmija fl-Artikolu 11 għandha tiġi kkonferita għal perjodu indeterminat ta’ żmien mid-data tad-dħul fis-seħħ ta' dan ir-Regolament.

2. Id-delega tas-setgħa msemmija fl-Artikolu 11 għandha tiġi kkonferita lill-Kummissjoni għal perjodu ta’ ħames snin mid-data tad-dħul fis-seħħ ta' dan ir-Regolament.

Test propost mill-Kummissjoni

Emenda

Artikolu 13

imħassar

Kumitat

1. Il-Kummissjoni għandha tkun megħjuna mill-kumitat istitwit bl-Artikolu 25 tar-Regolament (KE) Nru 1008/2008 tal-Parlament Ewropew u tal-Kunsill.

Dan il-kumitat huwa kumitat skont it-tifsira tar-Regolament (UE) Nru 182/2011.

2. Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

3. Fejn l-opinjoni tal-kumitat tinkiseb bi proċedura bil-miktub, dik il-proċedura għandha tintemm mingħajr riżultat meta, fil-limitu taż-żmien għall-għoti tal-opinjoni, il-president tal-kumitat jiddeċiedi hekk jew maġġoranza sempliċi tal-membri tal-kumitat titlob hekk.

Test propost mill-Kummissjoni

Emenda

Artikolu 14a

Dispożizzjonijiet tranżitorji

Ir-restrizzjonijiet operattivi u d-deċiżjonijiet dwar it-tħaddim tal-ajruporti, inklużi d-deċiżjonijiet tal-qorti u r-riżultat ta’ proċessi ta’ medjazzjoni li ġew introdotti jew eżaminati qabel id-dħul fis-seħħ ta’ dan ir-Regolament ma għandhomx ikunu soġġetti għal dan ir-Regolament. Fejn tapplika d-Direttiva 2002/30/KE għandhom jibqgħu soġġetti għaliha u fejn japplika, għar-regoli nazzjonali li jitrasponuha. Għalhekk l-effetti tad-Direttiva 2002/30/KE għandhom jinżammu għal miżuri bħal dawn. Emenda teknika minuri għall-miżura eżistenti mingħajr implikazzjonijiet sostantivi dwar il-kapaċità jew l-operazzjonijiet ma għandhiex titqies bħala restrizzjoni operattiva ġdida.

Test propost mill-Kummissjoni

Emenda

1. L-awtoritajiet kompetenti se użaw metodi ta' valutazzjoni tal-istorbju li ġew żviluppati skont id-Dok 29 tar-Rapport tal-ECAC "Rapport dwar il-Metodu Standard ta' Kkomputar tal-Profili tal-Istorbju madwar l-Ajruporti Ċivili", it-Tielet (3) Edizzjoni.

1. L-awtoritajiet kompetenti se jużaw metodi ta' valutazzjoni tal-istorbju li ġew żviluppati skont l-Anness II tad-Direttiva 2002/49/KE.

Test propost mill-Kummissjoni

Emenda

1.2 Deskrizzjoni tal-miri tas-sostenibbiltà ambjentali għall-ajruport u l-kuntest nazzjonali. Din se tinkludi deskrizzjoni tal-miri għall-istorbju mill-inġenji tal-ajru għall-ajruport.

1.2 Deskrizzjoni tal-miri ta’ tnaqqis tal-istorbju għall-ajruport u l-kuntest nazzjonali.

Test propost mill-Kummissjoni

Emenda

1.3 Id-dettalji tal-profili tal-istorbju għas-sena attwali u dawk preċedenti – inkluża valutazzjoni tal-għadd ta' nies affettwati mill-istorbju tal-inġenji tal-ajru.

1.3 Id-dettalji tal-profili tal-istorbju għas-sena attwali u mill-inqas għas-sentejn preċedenti – inkluża valutazzjoni tal-għadd ta' nies affettwati mill-istorbju tal-inġenji tal-ajru, imwettqa skont id-dispożizzjonijiet tal-Anness III tad-Direttiva 2002/49/KE.

Test propost mill-Kummissjoni

Emenda

Deskrizzjonijiet tal-iżviluppi fl-ajruporti (jekk ikun hemm) li diġà ġew approvati u ppjanat li jitwettqu, pereżempju, żieda fil-kapaċità, espansjoni tar-runways u/jew tat-terminals, u t-taħlita futura tat-traffiku pproġettata u t-tkabbir stmat.

2.1 Deskrizzjonijiet tal-iżviluppi fl-ajruporti (jekk ikun hemm) li diġà ġew approvati u ppjanat li jitwettqu, pereżempju, żieda fil-kapaċità, espansjoni tar-runways u/jew tat-terminals, previżjonijiet tal-inżul u tat-tluq, it-taħlita futura tat-traffiku pproġettata u t-tkabbir stmat u studju dettaljat dwar l-impatt tal-istorbju fuq iż-żona tal-madwar kkaġunat mill-espansjoni tal-kapaċità, tar-runways jew tat-terminals, u mill-modifika tar-rotot tal-inżul u tat-tluq.

Test propost mill-Kummissjoni

Emenda

Profili tal-istorbju mbassra - inkluża valutazzjoni tal-għadd ta' nies li x' aktarx ikunu affettwati mill-istorbju tal-inġenji tal-ajru - jagħmlu distinzjoni bejn iż-żoni residenzjali stabbiliti u ż-żoni residenzjali li jkunu għadhom kemm inbnew.

Profili tal-istorbju previsti – inkluża valutazzjoni tal-għadd ta' persuni li x'aktarx ikunu affettwati mill-istorbju tal-inġenji tal-ajru – jagħmlu distinzjoni bejn iż-żoni residenzjali stabbiliti, iż-żoni residenzjali li jkunu għadhom kemm inbnew u ż-żoni residenzjali futuri ppjanati li diġà ngħataw l-awtorizzazzjoni mingħand l-awtoritajiet kompetenti.

Test propost mill-Kummissjoni

Emenda

3.1 Skema tal-miżuri addizzjonali disponibbli u indikazzjoni tar-raġunijiet ewlenin għall-għażla tagħhom. Deskrizzjoni ta' dawk il-miżuri magħżula għal analiżi ulterjuri u informazzjoni dwar l-eżitu tal-analiżi tal-kosteffikaċja, partikolarment l-ispiża tal-introduzzjoni ta' dawn il-miżuri; l-għadd ta' nies li mistennija jibbenefikaw u l-qafas ta' żmien; u klassifikazzjoni tal-effikaċja ġenerali ta' miżuri partikolari.

3.1 Skema tal-miżuri addizzjonali disponibbli u indikazzjoni tar-raġunijiet ewlenin għall-għażla tagħhom.

Test propost mill-Kummissjoni

Emenda

Il-kosteffikaċja tar-restrizzjonijiet operattivi relatati mal-istorbju se jiġu vvalutati filwaqt li se jitqiesu, b'mod xieraq, l-elementi li ġejjin, safejn hu possibbli, f'termini kwantifikabbli:

Il-kosteffikaċja tar-restrizzjonijiet operattivi relatati mal-istorbju se jiġu vvalutati filwaqt li se jitqiesu, b'mod xieraq, l-elementi li ġejjin, safejn hu possibbli, f'termini kwantifikabbli:

1) Il-benefiċċju antiċipat marbut mal-istorbju tal-miżuri previsti, issa u fil-futur;

1) Il-benefiċċju antiċipat marbut mal-istorbju, inkluż il-benefiċċji għas-saħħa, tal-miżuri previsti, issa u fil-futur;

2) Is-sikurezza tal-operazzjonijiet tal-avjazzjoni, inkluż ir-riskji għal partijiet terzi;

2) Is-saħħa u s-sikurezza tar-residenti lokali li jgħixu fl-inħawi tal-ajruport;

3) Kapaċità tal-ajruport;

3) Is-sikurezza tal-operazzjonijiet tal-avjazzjoni, inkluż ir-riskju għal partijiet terzi;

4) Effetti fuq in-netwerk Ewropew tal-avjazzjoni.

4) Effetti diretti, indiretti u katalitiċi fuq l-impjiegi u l-ekonomija, inklużi effetti potenzjali fuq l-ekonomiji reġjonali;

Barra minn hekk l-awtoritajiet kompetenti jistgħu jqisu l-fatturi li ġejjin:

4a) L-impatt fuq il-kundizzjonijiet tax-xogħol fl-ajruporti;

1) Is-saħħa u s-sikurezza tar-residenti lokali li jgħixu fl-inħawi tal-ajruport;

4b) Kapaċità tal-ajruport;

2) Is-sostenibbiltà ambjentali, inkluż interdipendenzi bejn l-istorbju u l-emissjonijiet;

4c) Effetti fuq in-netwerk Ewropew tal-avjazzjoni;

3) Effetti diretti, indiretti u katalitiċi fuq l-impjiegi.

4d) Is-sostenibbiltà ambjentali, inklużi l-interdipendenzi bejn l-istorbju u l-emissjonijiet;

Test propost mill-Kummissjoni

Emenda

(1) Għan ewlieni tal-politika komuni dwar it-trasport huwa l-iżvilupp sostenibbli. Dan jesiġi metodu integrat bl-għan li jiżgura kemm il-funzjonament effettiv tas-sistemi ta' trasport tal-Unjoni u l-ħarsien tal-ambjent.

(1) Għan ewlieni tal-politika komuni dwar it-trasport huwa l-iżvilupp sostenibbli. Dan jesiġi metodu integrat bl-għan li jiżgura l-funzjonament effettiv tas-sistemi ta' trasport tal-Unjoni flimkien mal-ħarsien tal-ambjent u s-saħħa taċ-ċittadini.

Test propost mill-Kummissjoni

Emenda

(2) L-iżvilupp sostenibbli tat-trasport bl-ajru jeħtieġ l-introduzzjoni ta' miżuri maħsuba biex jitnaqqas il-fastidju mill-istorbju tal-inġenji tal-ajru fl-ajruporti bi problemi partikolari ta' storbju. Għadd kbir ta' ċittadini tal-UE huma esposti għal livelli għolja ta' storbju li jistgħu jwasslu għal effetti negattivi fuq is-saħħa.

(2) L-iżvilupp sostenibbli tat-trasport bl-ajru jeħtieġ l-introduzzjoni ta' miżuri maħsuba biex jitnaqqas il-fastidju mill-istorbju tal-inġenji tal-ajru partikolarment fl-ajruporti u fl-inħawi tagħhom bi problemi partikolari ta' storbju. Għadd kbir ta' ċittadini tal-UE huma esposti għal livelli għolja ta' storbju li jistgħu jwasslu għal effetti negattivi fuq is-saħħa, b’mod partikolari f’dak li jirrigwarda t-titjiriet ta’ bil-lejl.

Test propost mill-Kummissjoni

Emenda

(4) Ir-Riżoluzzjoni A33/7 tal-Organizzazzjoni tal-Avjazzjoni Ċivili Internazzjonali (ICAO) tintroduċi l-kunċett ta' "Metodu Bilanċjat" għall-ġestjoni tal-istorbju u tistabbilixxi metodu koerenti li jindirizza l-istorbju mill-inġenji tal-ajru. L-"Approċċ Bilanċjat" tal-ICAO għandu jibqa' l-pedament tar-regolazzjoni tal-istorbju għall-avjazzjoni, bħala industrija globali. L-Approċċ Bilanċjat jirrikonoxxi l-valur ta' obbligi legali rilevanti, ftehimiet eżistenti, liġijiet attwali u poltiki stabbiliti u ma jippreġudikahomx. L-inkorporazzjoni tar-regoli internazzjonali tal-Approċċ Bilanċjat f'dan ir-Regolament għandha tnaqqas sostanzjalment ir-riskji ta' tilwim internazzjonali f'każ li trasportaturi ta' pajjiżi terzi jiġu affettwati minn restrizzjonijiet operattivi relatati mal-istorbju.

(4) Ir-Riżoluzzjoni A33/7 tal-Organizzazzjoni tal-Avjazzjoni Ċivili Internazzjonali (ICAO) tintroduċi l-kunċett ta' "Metodu Bilanċjat" għall-ġestjoni tal-istorbju u tistabbilixxi metodu koerenti li jindirizza l-istorbju mill-inġenji tal-ajru. Dan ir-Regolament jikkompleta dan l-approċċ, bil-għan li jnaqqas ħafna mill-effetti tal-avjazzjoni ċivili li huma ta’ dannu għall-ambjent, permezz tal-applikazzjoni ta' mizuri integrati li jinkludu: il-progress teknoloġiku, il-proċedimenti operattivi xierqa, l-organizzazzjoni adegwata tat-trasport bl-ajru u l-użu xieraq tal-mekkaniżmi tal-ippjanar tal-ajruporti, il-mezzi tal-ippjanar u l-ġestjoni tal-użu tal-art. L-"Approċċ Bilanċjat" jiffoka fuq erba’ elementi ewlenin: it-tnaqqis tal-istorbju mis-sors; l-ippjanar u l-ġestjoni tal-użu tal-art ; il-proċeduri operattivi għat-tnaqqis tal-istorbju; u r-restrizzjonijiet operattivi fuq l-inġenji tal-ajru. Dawn il-prinċipji għandhom jibqgħu l-pedament tar-regolazzjoni tal-istorbju għall-avjazzjoni, bħala industrija globali. L-Approċċ Bilanċjat jirrikonoxxi l-valur ta' obbligi legali rilevanti, ftehimiet eżistenti, liġijiet attwali u poltiki stabbiliti u ma jippreġudikahomx. L-inkorporazzjoni tar-regoli internazzjonali tal-Approċċ Bilanċjat f'dan ir-Regolament għandha tnaqqas sostanzjalment ir-riskji ta' tilwim nazzjonali u internazzjonali f'każ li trasportaturi ta' pajjiżi terzi jiġu affettwati minn restrizzjonijiet operattivi relatati mal-istorbju.

Test propost mill-Kummissjoni

Emenda

(5) Ir-Rapport mill-Kummissjoni lill-Kunsill u lill-Parlament Ewropew dwar ir-restrizzjonijiet operattivi tal-istorbju fl-Ajruporti tal-UE indika l-ħtieġa li tkun iċċarata, fit-test tad-Direttiva, l-allokazzjoni tar-responsabbiltajiet u l-obbligi preċiżi u d-drittijiet tal-partijiet interessati matul il-proċess tal-valutazzjoni tal-istorbju sabiex jiġi ggarantit li jittieħdu miżuri kosteffikaċi sabiex jintlaħqu l-għanijiet ta' tnaqqis tal-istorbju.

(5) Ir-Rapport mill-Kummissjoni lill-Kunsill u lill-Parlament Ewropew dwar ir-restrizzjonijiet operattivi tal-istorbju fl-Ajruporti tal-UE indika l-ħtieġa li tkun iċċarata, fit-test tad-Direttiva, l-allokazzjoni tar-responsabbiltajiet u l-obbligi preċiżi u d-drittijiet tal-partijiet interessati matul il-proċess tal-valutazzjoni tal-istorbju sabiex jiġi ggarantit li jittieħdu miżuri kosteffikaċi, msejsa fuq ir-relazzjoni bejn l-ispiża u l-benefiċċju ekonomiku u ambjentali, sabiex jintlaħqu l-għanijiet ta' tnaqqis tal-istorbju.

Test propost mill-Kummissjoni

Emenda

(6) L-introduzzjoni ta' restrizzjonijiet operattivi mill-Istati Membri fl-ajruporti tal-Unjoni abbażi ta' każijiet individwali, filwaqt li tillimita l-kapaċità, tista' tikkontribwixxi għat-titjib tal-klima tal-istorbju madwar l-ajruporti. Madankollu, hemm il-possibilità li jiġu introdotti distorsjonijiet tal-kompetizzjoni jew xkiel għall-effiċjenza ġenerali tan-netwerk tal-avjazzjoni tal-Unjoni permezz tal-użu ineffiċjenti tal-kapaċità eżistenti. Peress li l-għanijiet ma jistgħux jintlaħqu b'mod sodisfaċjenti mill-Istati Membri u jistgħu għalhekk ikunu aktar effettivament milħuqa mill-Unjoni permezz ta' regoli armonizzati fuq l-introduzzjoni ta' restrizzjonijiet operattivi bħala parti mill-proċess ta' ġestjoni tal-istorbju, l-Unjoni tista' tadotta miżuri skont il-prinċipji tas-sussidjarjetà kif stipulat fl-Artikolu 5 tat-Trattat dwar il-Funzjonament tal-Unjoni Ewropea. Skont il-prinċipju ta' proporzjonalità, kif stipulat f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħqu dawk l-għanijiet. Tali metodu armonizzat ma jimponix miri għall-kwalità tal-istorbju, li jkomplu joħorġu mid-Direttiva 2002/49/KE jew regoli oħra Ewropej, nazzjonali jew lokali, u ma jippreġudikax l-għażla konkreta ta' miżuri.

(6) L-introduzzjoni ta' restrizzjonijiet operattivi mill-Istati Membri fl-ajruporti tal-Unjoni għandhom jitwettqu abbażi ta' każijiet individwali. Approċċ “wieħed tajjeb għal kulħadd” ma jkunx adegwat peress li l-ebda żewġ ajruporti ma huma l-istess. Huwa importanti li jiġu stabbiliti objettivi lokali li l-partijiet interessati jkollhom rwol ewlieni fl-għażla tagħhom.

Test propost mill-Kummissjoni

Emenda

(6) L-introduzzjoni ta' restrizzjonijiet operattivi mill-Istati Membri fl-ajruporti tal-Unjoni abbażi ta' każijiet individwali, filwaqt li tillimita l-kapaċità, tista' tikkontribwixxi għat-titjib tal-klima tal-istorbju madwar l-ajruporti. Madankollu, hemm il-possibilità li jiġu introdotti distorsjonijiet tal-kompetizzjoni jew xkiel għall-effiċjenza ġenerali tan-netwerk tal-avjazzjoni tal-Unjoni permezz tal-użu ineffiċjenti tal-kapaċità eżistenti. Peress li l-għanijiet ma jistgħux jintlaħqu b'mod sodisfaċjenti mill-Istati Membri u jistgħu għalhekk ikunu aktar effettivament milħuqa mill-Unjoni permezz ta' regoli armonizzati fuq l-introduzzjoni ta' restrizzjonijiet operattivi bħala parti mill-proċess ta' ġestjoni tal-istorbju, l-Unjoni tista' tadotta miżuri skont il-prinċipji tas-sussidjarjetà kif stipulat fl-Artikolu 5 tat-Trattat dwar il-Funzjonament tal-Unjoni Ewropea. Skont il-prinċipju ta' proporzjonalità, kif stipulat f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħqu dawk l-għanijiet. Tali metodu armonizzat ma jimponix miri għall-kwalità tal-istorbju, li jkomplu joħorġu mid-Direttiva 2002/49/KE jew regoli oħra Ewropej, nazzjonali jew lokali, u ma jippreġudikax l-għażla konkreta ta' miżuri.

(6) L-introduzzjoni ta' restrizzjonijiet operattivi mill-Istati Membri fl-ajruporti tal-Unjoni abbażi ta' każijiet individwali, filwaqt li tillimita l-kapaċità, tista' u għandha tikkontribwixxi għat-titjib tal-klima tal-istorbju madwar l-ajruporti. Madankollu, hemm il-possibilità li jiġu introdotti distorsjonijiet tal-kompetizzjoni jew xkiel għall-effiċjenza ġenerali tan-netwerk tal-avjazzjoni tal-Unjoni permezz tal-użu ineffiċjenti tal-kapaċità eżistenti f'termini tar-relazzjoni bejn l-ispiża u l-benefiċċju. Peress li l-għanijiet ma jistgħux jintlaħqu b'mod sodisfaċjenti mill-Istati Membri u jistgħu għalhekk ikunu aktar effettivament milħuqa mill-Unjoni permezz ta' regoli armonizzati fuq l-introduzzjoni ta' restrizzjonijiet operattivi bħala parti mill-proċess ta' ġestjoni tal-istorbju, l-Unjoni tista' tadotta miżuri skont il-prinċipji tas-sussidjarjetà kif stipulat fl-Artikolu 5 tat-Trattat dwar il-Funzjonament tal-Unjoni Ewropea. Skont il-prinċipju ta' proporzjonalità, kif stipulat f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħqu dawk l-għanijiet. Tali metodu armonizzat ma jimponix miri għall-kwalità tal-istorbju, li jkomplu joħorġu mid-Direttiva 2002/49/KE jew regoli oħra Ewropej, nazzjonali jew lokali, u ma jippreġudikax l-għażla konkreta ta' miżuri.

Test propost mill-Kummissjoni

Emenda

(6a) Fl-aħħar rapport ta’ implimentazzjoni tagħha dwar id-Direttiva 2002/49/KE, il-Kummissjoni rrikonoxxiet li l-Istati Membri urew approċċi u livelli ta’ ambizzjoni differenti ħafna fir-rigward tal-valuri limitu u l-għanijiet għall-emissjoni tal-ħsejjes; l-Unjoni għandha, minbarra regoli ta’ armonizzazzjoni dwar ir-restrizzjonijiet operattivi proposti mir-Regolament attwali, tikkunsidra l-ħtieġa li jiġu adottati standards fl-Unjoni kollha għall-armonizzazzjoni tal-emissjoni tal-istorbju fl-ajruport u l-valuri limiti tal-interferenza.

Test propost mill-Kummissjoni

Emenda

(6b) Fir-rapport ta’ implimentazzjoni tad-Direttiva 2002/49/KE msemmi hawn fuq, il-Kummissjoni rrikonoxxiet ukoll li jeżistu wisq valuri limitu, valuri ta’ livell limitu u ta’ orjentezzjoni u li jkun siewi jekk dawn il-limiti jiġu stipulati skont il-valutazzjonijiet li saru mill-Organizzazzjoni Dinjija tas-Saħħa.

Test propost mill-Kummissjoni

Emenda

(6c) Sabiex titnaqqas il-ħtieġa għal restrizzjonijiet operattivi, il-pjanijiet nazzjonali ta’ azzjoni deskritti fid-Direttiva 2002/49/KE għandhom, fil-futur immedjat, jinkludu l-adozzjoni ta’ miżuri kumplimentari għall-ġestjoni tal-istorbju estern tal-ajruporti, bħal soundproofing ta’ djar u pjanijiet għal ostakli ġenerali tal-istorbju.

Test propost mill-Kummissjoni

Emenda

(7) Filwaqt li valutazzjonijiet tal-istorbju għandhom iseħħu fuq bażi regolari, tali valutazzjonijiet għandhom iwasslu biss għal miżuri addizjonali ta' tnaqqis tal-istorbju jekk il-kombinazzjoni attwali tal-miżuri ta' mitigazzjoni tal-istorbju ma tilħaqx l-għanijiet tat-tnaqqis tal-istorbju.

(7) Filwaqt li valutazzjonijiet tal-istorbju għandhom iseħħu fuq bażi regolari, tali valutazzjonijiet għandhom iwasslu biss għal miżuri addizzjonali ta' tnaqqis tal-istorbju jekk il-kombinazzjoni attwali tal-miżuri ta' mitigazzjoni tal-istorbju, jew il-miżuri stabbiliti bid-Direttiva 2002/49/KE tal-Parlament Ewropew u tal-Kunsill tal-25 ta’ Ġunju 2002 li tirrigwardja l-istudju u l-amministrazzjoni tal-ħsejjes ambjentali1, ma jilħqux l-għanijiet tat-tnaqqis tal-istorbju. L-adozzjoni ta’ miżuri supplimentari ta’ tnaqqis tal-istorbju għandha ssir permezz ta' proċess ta' monitoraġġ u kontroll ambjentali sistematiku bbażat fuq approċċ ta’ stil konservattiv, bil-għan li jkunu individwati malajr il-miżuri korrettivi eventwali ta’ tip ġestjonali u/jew operattiv li huma meħtieġa ("MBCA" – Monitoring Based Corrective Actions).

__________________

1 ĠU L 189, 18.7.2002, p. 12

Test propost mill-Kummissjoni

Emenda

(8) Filwaqt li analiżi tal-ispejjeż u l-benefiċċji tipprovdi indikazzjoni tal-effetti totali fuq il-benesseri ekonomiku billi tqabbel l-ispejjeż u l-benefiċċji kollha, valutazzjoni tal-kosteffikaċja tiffoka fuq il-kisba ta' għan stabbilit bl-aktar mod kosteffikaċi, u b'hekk teħieġ biss tqabbil tal-ispejjeż.

imħassar

Test propost mill-Kummissjoni

Emenda

(10) Il-valutazzjonijiet tal-istorbju għandhom ikunu msejsa fuq informazzjoni eżistenti disponibbli u jiżguraw li din l-informazzjoni hija affidabbli u aċċessibbli għall-awtoritajiet kompetenti u l-partijiet interessati. L-awtoritajiet kompetenti għandhom jistabbilixxu l-għodod ta' monitoraġġ u infurzar meħtieġa.

(10) Skont id-Direttiva 2002/49/KE, il-valutazzjonijiet tal-istorbju għandhom ikunu msejsa fuq kriterji oġġettivi u li jistgħu jitkejlu, u li huma komuni għall-Istati Membri kollha. Din l-informazzjoni għandha tkun affidabbli, tinkiseb b’mod trasparenti, tkun kumparabbli u aċċessibbli għall-partijiet interessati.

Il-valutazzjonijiet għandhom jinkludu l-monitoraġġ tal-iktar tekniki reċenti u l-iskambji tal-aħħar sejbiet rigward il-proċeduri li għandhom jintużaw.

L-awtoritajiet kompetenti għandhom jistabbilixxu l-għodod ta' monitoraġġ u infurzar meħtieġa.

Il-valutazzjonijiet tal-istorbju għandhom jitwettqu jew jiġu ssorveljati minn aġenziji esterni li huma indipendenti mill-operaturi tal-ajruport.

Test propost mill-Kummissjoni

Emenda

(12) Ċentralizzazzjoni ta' informazzjoni dwar l-istorbju se tnaqqas sostanzjalment il-piż amministrattiv kemm għall-inġenji tal-ajru kif ukoll għall-operaturi tal-ajruporti. Tali informazzjoni hija attwalment ipprovduta u mmaniġġjata fuq il-livell individwali tal-ajruport. Din id-dejta jeħtiġilha titqiegħed għad-dispożizzjoni tagħhom għal finijiet operattivi. Huwa importanti li wieħed juża l-bank tad-dejta tal-Aġenzija Ewropea tas-Sikurezza tal-Avjazzjoni (l-Aġenzija) li jikkonċerna ċ-ċertifikazzjoni tal-prestazzjoni tal-istorbju bħala għodda ta' validazzjoni mad-dejta tal-Organizzazzjoni Ewropea għas-Sikurezza tan-Navigazzjoni tal-Ajru (Eurocontrol) dwar titjiriet individwali. Tali dejta bħalissa hija diġà sistematikament mitluba għal finijiet ta’ ġestjoni ċentrali tal-fluss, iżda jeħtieġ li tiġa speċifikata għall-fini ta’ dan ir-Regolament u għar-regolazzjoni tal-prestazzjoni tal-ġestjoni tat-traffiku tal-ajru. Aċċess tajjeb għal dejta tal-immudellar ivvalidata għandu jtejjeb il-kwalità tal-immappjar ta' profili tal-istorbju ta' ajruporti individwali u l-immappjar strateġiku biex jiġu appoġġati deċiżjonijiet ta' politika.

(12) Ċentralizzazzjoni ta' informazzjoni dwar l-istorbju se tnaqqas sostanzjalment il-piż amministrattiv kemm għall-inġenji tal-ajru kif ukoll għall-operaturi tal-ajruporti. Tali informazzjoni hija attwalment ipprovduta u mmaniġġjata fuq il-livell individwali tal-ajruport. Din id-dejta jeħtiġilha titqiegħed għad-dispożizzjoni tagħhom għal finijiet operattivi, u ta’ partijiet interessati oħra jekk dawn jitolbu dan. Huwa importanti li wieħed juża l-bank tad-dejta tal-Aġenzija Ewropea tas-Sikurezza tal-Avjazzjoni (l-Aġenzija) li jikkonċerna ċ-ċertifikazzjoni tal-prestazzjoni tal-istorbju bħala għodda ta' validazzjoni mad-dejta tal-Organizzazzjoni Ewropea għas-Sikurezza tan-Navigazzjoni tal-Ajru (Eurocontrol) dwar titjiriet individwali. Tali dejta bħalissa hija diġà sistematikament mitluba għal finijiet ta’ ġestjoni ċentrali tal-fluss, iżda jeħtieġ li tiġa speċifikata għall-fini ta’ dan ir-Regolament u għar-regolazzjoni tal-prestazzjoni tal-ġestjoni tat-traffiku tal-ajru. Aċċess tajjeb għal dejta tal-immudellar ivvalidata għandu jtejjeb il-kwalità tal-immappjar ta' profili tal-istorbju ta' ajruporti individwali u l-immappjar strateġiku biex jiġu appoġġati deċiżjonijiet ta' politika.

Test propost mill-Kummissjoni

Emenda

(16a) Id-Direttiva 2011/92/KE dwar l-istima tal-effetti ta' ċerti proġetti pubbliċi u privati fuq l-ambjent diġà tipprevedi valutazzjoni komprensiva tal-proġetti tal-ajruporti li tinkludi l-mitigazzjoni tal-istorbju. Dan jista’ jitqies bħala parzjalment konformi mar-rekwiżiti tal-valutazzjoni tad-Direttiva 2002/49/KE u r-Regolament attwali, speċjalment fil-każ ta' proġetti ta' estensjoni tal-infrastruttura tal-ajruporti. L-estensjoni tal-infrastruttura tal-ajruporti għandha tiġi ffaċilitata biex jitħares l-iżvilupp sostenibbli tal-attivitajiet tat-trasport bl-ajru.

Test propost mill-Kummissjoni

Emenda

(16a) Dan l-att leġiżlattiv jindirizza biss l-istorbju tal-inġenji tal-ajru. Ma jipprovax jirregola l-impatti tal-emissjonijiet ta’ sustanzi li jniġġsu u li ġejjin mit-tħaddim ta’ ajruplani u t-tnaqqis tagħhom. Ir-regoli u l-proċeduri li jirregolaw ir-restrizzjonijiet operattivi relatati mal-emissjonijiet għandhom jiġu stabbiliti f’att leġiżlattiv ieħor.

Test propost mill-Kummissjoni

Emenda

(a) li tiġi ffaċilitata l-kisba ta' għanijiet speċifiċi ta' tnaqqis tal-istorbju ambjentali, kif stabbilit f'regoli tal-Unjoni, nazzjonali u lokali, u biex tiġi vvalutata l-interdipendenza tagħhom ma' għanijiet ambjentali oħra, fil-livell ta' ajruporti individwali;

(a) li tiġi ffaċilitata l-kisba ta' għanijiet speċifiċi ta' tnaqqis tal-istorbju ambjentali għal kull ajruport individwali, kif stabbilit f'regoli tal-Unjoni, nazzjonali u lokali, u biex tiġi vvalutata l-interdipendenza tagħhom ma' għanijiet ekonomiċi, soċjali u ambjentali oħra, fil-livell ta’ ajruporti individwali;

Test propost mill-Kummissjoni

Emenda

(b) li tkun possibbli l-għażla tal-miżuri ta' mitigazzjoni tal-istorbju l-aktar kosteffikaċi skont l-Approċċ Bilanċjat sabiex jintlaħaq l-iżvilupp sostenibbli tal-kapaċita tan-netwerk ta' ġestjoni tal-ajruporti u t-traffiku tal-ajru minn perspettiva gate-to-gate.

(b) li tkun possibbli l-għażla tal-miżuri effikaċi ta' mitigazzjoni tal-istorbju skont l-Approċċ Bilanċjat, li jikkunsidraw kemm l-aspetti tas-saħħa, kif ukoll dawk ekonomiċi, sabiex jintlaħaq l-iżvilupp sostenibbli fit-tul tal-kapaċità tan-netwerk ta' ġestjoni tal-ajruporti u t-traffiku tal-ajru minn perspettiva gate-to-gate.

Test propost mill-Kummissjoni

Emenda

(ba) li tiġi garantita t-trasparenza fl-iżvolġiment tal-konsultazzjonijiet u fil-proċessi parteċipattivi tal-partijiet interessati, anki permezz tal-użu ta’ sistemi informatiċi innovattivi onlajn li jippermettu l-komunikazzjoni tad-data u tal-informazzjoni ambjentali u jiggarantixxu lill-pubbliku l-possibilità li jindika problemi possibbli, fil-kuntest tal-akbar trasparenza possibbli, b’konformità mal-Artikolu 6 tad-Direttiva 2011/92/UE tal-Parlament Ewropew u tal-Kunsill tat-13 ta’ Diċembru 2011 dwar l-istima tal-effetti ta’ ċerti proġetti pubbliċi u privati fuq l-ambjent1.

__________________

1 ĠU L 26, 28.1.2012, p. 1.

Test propost mill-Kummissjoni

Emenda

(2) “Approċċ Bilanċjat” tfisser il-metodu li, skont din il-firxa ta’ miżuri disponibbli, partikolarment it-tnaqqis tal-istorbju tal-inġenji tal-ajru mis-sors, l-ippjanar u l-ġestjoni tal-art, il-proċeduri operattivi u r-restrizzjonijiet operattivi għat-tnaqqis tal-istorbju, jitiqes b’mod konsistenti bl-għan li tiġi indirizzata l-problema tal-istorbju bl-aktar mod kosteffikaċi abbażi ta' ajurporti individwali.

(2) “Approċċ Bilanċjat” tfisser il-metodu li, skont din il-firxa ta’ miżuri disponibbli, partikolarment it-tnaqqis tal-istorbju tal-inġenji tal-ajru mis-sors, l-ippjanar u l-ġestjoni tal-art, il-proċeduri operattivi u r-restrizzjonijiet operattivi għat-tnaqqis tal-istorbju, jitqies b’mod konsistenti bl-għan li jiġi minimizzat l-istorbju bl-aktar mod effikaċi filwaqt li jiġu kkunsidrati l-aspetti tas-saħħa kif ukoll dawk ekonomiċi, abbażi ta' ajurporti individwali sabiex tiġi salvagwardjata s-saħħa taċ-ċittadini li jgħixu fiż-żoni fil-qrib.

Test propost mill-Kummissjoni

Emenda

(4a) “Partijiet interessati”: persuni fiżiċi jew legali milquta, jew li jistgħu jintlaqtu jew jibbenefikaw mill-introduzzjoni ta' miżuri ta' tnaqqis tal-istorbju jew min-nuqqas ta' introduzzjoni tagħhom, inklużi restrizzjonijiet operattivi, jew li jkollhom interess leġittimu fl-applikazzjoni ta' dawk il-miżuri.

Test propost mill-Kummissjoni

Emenda

L-Istati Membri għandhom jiddeżinjaw awtoritajiet kompetenti responsabbli għall-adozzjoni ta' miżuri dwar restrizzjonijiet operattivi, kif ukoll korp ta’ appell indipendenti.

L-Istati Membri għandhom jiddeżinjaw awtoritajiet kompetenti responsabbli għall-adozzjoni ta' miżuri dwar restrizzjonijiet operattivi, kif ukoll korp ta' medjazzjoni imparzjali u korp ta’ appell indipendenti.

Test propost mill-Kummissjoni

Emenda

Awtoritajiet kompetenti

Awtoritajiet kompetenti, is-smigħ u d-dritt li jitressaq appell

Test propost mill-Kummissjoni

Emenda

3a. Qabel ma tiġi adottata r-restrizzjoni operattiva, għandu jkun hemm proċedura ta’ konsultazzjoni għas-smigħ tal-partijiet kkonċernati.

Test propost mill-Kummissjoni

Emenda

3b. L-Istati Membri għandhom jiggarantixxu d-dritt li jressqu appell kontra l-miżuri meħuda mill-awtorità kompetenti skont il-leġiżlazzjoni u l-proċeduri nazzjonali.

Test propost mill-Kummissjoni

Emenda

(c) jidentifikaw il-miżuri disponibbli biex inaqqsu l-impatt tal-istorbju;

(c) jidentifikaw il-miżuri disponibbli biex inaqqsu l-impatt tal-istorbju, inklużi l-użu aktar effikaċi ta’ slots eżistenti minn inġenji tal-ajru akbar, it-tnaqqis ta’ slots ta’ feeder service mhux ekonomiku, u jiżdied is-servizz minn punt għal punt biex jitnaqqsu t-titjiriet ta’ feeder service b’inġenji tal-ajru żgħar;

Test propost mill-Kummissjoni

Emenda

(d) jevalwaw l-kosteffikaċja probabbli tal-miżuri disponibbli;

(d) jevalwaw l-effikaċja probabbli tal-miżuri disponibbli fid-dawl tal-għan ambjentali stabbilit;

Test propost mill-Kummissjoni

Emenda

Awtoritajiet kompetenti

Awtoritajiet kompetenti, is-smigħ u d-dritt li jitressaq appell

Test propost mill-Kummissjoni

Emenda

Għal dan il-għan, huma jistgħu, jekk iqisu li jkun adegwat, joħolqu inċentivi ekonomiċi biex jinkoraġixxiu n-negozji jużaw inġenji tal-ajru anqas storbjużi qabel l-iskadenza stabbilita;

Test propost mill-Kummissjoni

Emenda

2. L-Istati Membri għandhom iqisu, meta jieħdu azzjoni relatata mal-istorbju, il-kombinazzjoni li ġejja tal-miżuri disponibbli, bl-għan li jiddeterminaw l-aktar kombinazzjoni kosteffikaċi ta' miżuri:

2. L-Istati Membri għandhom iqisu, meta jieħdu azzjoni biex jiġi minimizzat l-impatt tal-istorbju fuq it-territorju, il-kombinazzjoni li ġejja tal-miżuri disponibbli, bl-għan li jiddeterminaw l-aktar kombinazzjoni effikaċi ta' miżuri, kif ukoll l-ordni jew il-prijorità tal-applikazzjoni tagħhom f'kull każ konkret:

Test propost mill-Kummissjoni

Emenda

(b) l-ippjanar u l-ġestjoni tal-użu tal-art ;

(b) l-ippjanar u l-ġestjoni tal-użu tal-art u, speċjalment;

il-possibilità li jinħolqu żoni qrib tal-ajruporti li fihom ma jkunux jistgħu jinqabżu l-livelli massimi tal-istorbju stipulati fil-pjanijiet nazzjonali ta' azzjoni tagħhom;

- il-possibilità li jiġu introdotti miżuri ta' pjanifikar tat-territorju, bħal restrizzjonijiet fuq kwalunkwe kostruzzjoni ġdida;

Test propost mill-Kummissjoni

Emenda

(c) proċeduri operattivi għat-tnaqqis tal-istorbju;

(c) proċeduri operattivi għat-tnaqqis tal-istorbju, inklużi bidliet fir-rotot tal-inżul u tat-tluq;

Test propost mill-Kummissjoni

Emenda

(d) restrizzjonijiet operattivi, iżda mhux bħala l-ewwel soluzzjoni.

(d) sakemm ikunu meħtieġa, restrizzjonijiet operattivi.

Test propost mill-Kummissjoni

Emenda

3. L-Istati Membri jistgħu, fi ħdan l-Approċċ Bilanċjat, jagħmlu distinzjoni fil-miżuri ta' mitigazzjoni tal-istorbju skont it-tip ta' inġenju tal-ajru, użu tar-runway u/jew qafas ta' żmien kopert.

3. L-Istati Membri jistgħu, fi ħdan l-Approċċ Bilanċjat, jagħmlu distinzjoni fil-miżuri ta’ mitigazzjoni tal-istorbju skont it-tip ta’ inġenju tal-ajru, użu tar-runway, direzzjoni fl-ajru u/jew qafas ta’ żmien kopert.

Test propost mill-Kummissjoni

Emenda

5. Miżuri jew kombinazzjoni ta' miżuri meħuda skont dan ir-Regolament għal ajruport partikolari ma għandhomx ikunu aktar ristrettivi milli meħtieġ biex jintlaħqu l-miri għat-tnaqqis tal-istorbju ambjentali stabbilit għal dak l-ajruport. Restrizzjonijiet operattivi għandhom ikunu mhux diskriminatorji, partikolarment abbażi ta' nazzjonalità, identità jew attività tal-operaturi tal-inġenji tal-ajru.

5. Miżuri jew kombinazzjoni ta' miżuri meħuda skont dan ir-Regolament għal ajruport partikolari ma għandhomx ikunu aktar ristrettivi milli meħtieġ biex jiġu ssodisfati t-termini tal-linji gwida tal-WHO dwar l-istorbju ta’ billejl għall-Ewropa u biex jintlaħqu l-miri għat-tnaqqis tal-istorbju ambjentali u relatati mas-saħħa stabbiliti għal dak l-ajruport u l-iżvilupp tar-reġjun li jservi. Restrizzjonijiet operattivi għandhom ikunu mhux diskriminatorji, partikolarment abbażi ta' nazzjonalità, identità jew attività tal-operaturi tal-inġenji tal-ajru.

Test propost mill-Kummissjoni

Emenda

4. L-awtoritajiet kompetenti għandhom jiżguraw li, fil-livell xieraq, jiġi stabbilit forum għall-kooperazzjoni teknika bejn l-operatur tal-ajruport, l-operatur tal-inġenju tal-ajru u l-fornitur tas-servizz tan-navigazzjoni bl-ajru, għal azzjonijiet li dawn l-operaturi huma responsabbli għalihom, u jqisu b'mod xieraq l-interdipendenza bejn miżuri li jimmitgaw l-istorbju u dawk biex inaqqsu l-emissjonijiet. Il-membri ta' dan il-forum għall-kooperazzjoni teknika għandhom jikkonsultaw regolarment lir-residenti lokali jew rappreżentanti tagħhom, u jipprovdu informazzjoni u konsulenza teknika dwar miżuri ta' mitigazzjoni tal-istorbju lill-awtoritajiet kompetenti.

4. L-awtoritajiet kompetenti għandhom jiżguraw li, fil-livell xieraq, jiġi stabbilit forum għall-kooperazzjoni teknika bejn l-operatur tal-ajruport, l-operatur tal-inġenju tal-ajru u l-fornitur tas-servizz tan-navigazzjoni bl-ajru, għal azzjonijiet li dawn l-operaturi u l-uffiċjali tekniċi tal-amministrazzjonijiet lokali milquta mill-istorbju huma responsabbli għalihom, u jqisu b'mod xieraq l-interdipendenza bejn miżuri li jimmitgaw l-istorbju u dawk biex inaqqsu l-emissjonijiet. Il-membri ta' dan il-forum għall-kooperazzjoni teknika għandhom jikkonsultaw regolarment lill-partijiet interessati l-oħra, u jipprovdu informazzjoni u konsulenza teknika dwar miżuri ta' mitigazzjoni tal-istorbju lill-awtoritajiet kompetenti. F’dan il-forum jiġu kkonsultati l-miżuri ta’ ppjanar, tekniċi u organizzattivi ta’ mitigazzjoni tal-istorbju u t-tnaqqis tal-emissjonijiet.

Test propost mill-Kummissjoni

Emenda

5. L-awtoritajiet kompetenti għandhom jivvalutaw il-kosteffikaċja tal-miżuri ġodda, kif imsemmi fil-paragrafu 3 skont l-Anness II. Emenda teknika minuri għall-miżuri eżistenti mingħajr implikazzjonijiet sostantivi fuq il-kapaċitajiet jew operat ma titqiesx bħala restrizzjoni operattiva ġdida.

5. L-awtoritajiet kompetenti għandhom jivvalutaw l-effikaċja tal-miżuri ġodda, kif imsemmi hawn fuq skont l-Anness II. Emenda teknika minuri għall-miżuri eżistenti mingħajr implikazzjonijiet sostantivi fuq il-kapaċitajiet jew operat ma titqiesx bħala restrizzjoni operattiva ġdida.

Test propost mill-Kummissjoni

Emenda

6. L-awtoritajiet kompetenti għandhom jorganizzaw il-proċess ta’ konsultazzjoni mal-partijiet interessati fil-waqt u b’mod sostantiv, filwaqt li jiżguraw il-ftuħ u t-trasparenza fir-rigward tad-dejta u l-metodoloġija ta' komputazzjoni. Il-partijiet interessati għandhom ikollhom mill-inqas tliet xhur qabel l-adozzjoni ta' miżuri ġodda biex jipprovdu kummenti. Il-partijiet interessati għandhom mill-inqas jinkludu:

6. L-awtoritajiet kompetenti għandhom jorganizzaw il-proċess ta’ parteċipazzjoni mal-partijiet interessati fil-waqt u b’mod sostantiv, filwaqt li jiżguraw il-ftuħ u t-trasparenza fir-rigward tad-dejta u l-metodoloġija ta' komputazzjoni. Il-partijiet interessati għandhom ikollhom mill-inqas erba’ xhur qabel l-adozzjoni ta' miżuri ġodda biex jipprovdu kummenti.

Meta l-miżuri jinvolvu bidliet u estensjonijiet kbar, bħal dawk dwar deskritti fl-Artikolu 4(2b), il-partijiet interessati għandu jkollhom mill-inqas disa’ xhur qabel l-adozzjoni tal-miżuri l-ġodda biex jikkummentaw.

Il-partijiet interessati, barra minn dak li hu previst fl-Artikolu 2, għandhom mill-inqas jinkludu:

Test propost mill-Kummissjoni

Emenda

(a) rappreżentanti ta' residenti lokali li jgħixu fl-inħawi tal-ajruporti affettwati mill-istorbju tat-traffiku bl-ajru;

(a) rappreżentanti ta' residenti lokali li jgħixu fl-inħawi tal-ajruporti affettwati mill-istorbju tat-traffiku bl-ajru, kif ukoll l-assoċjazzjonijiet ta' dawk milquta;

Test propost mill-Kummissjoni

Emenda

(aa) rappreżentanti ta’ negozji lokali, awtoritajiet reġjonali u lokali, partijiet interessati pubbliċi u privati u negozji bbażati fl-inħawi tal-ajruporti, li l-operazzjonijiet tagħhom jkunu affettwati mit-traffiku bl-ajru u l-operazzjoni tal-ajruport;

Test propost mill-Kummissjoni

Emenda

7. L-awtoritajiet kompetenti għandhom isegwu u jimmonitorjaw l-implimentazzjoni tal-miżuri ta' mitigazzjoni tal-istorbju u jieħdu azzjoni kif xieraq. Għandhom jiżguraw li l-informazzjoni rilevanti tiġi pprovduta fuq bażi regolari lir-residenti lokali li jgħixu fl-inħawi tal-ajruporti.

7. L-awtoritajiet kompetenti għandhom isegwu u jimmonitorjaw l-implimentazzjoni tal-miżuri ta' mitigazzjoni tal-istorbju u jieħdu azzjoni kif xieraq. Għandhom jiżguraw li l-informazzjoni rilevanti tkun disponibbli onlajn, biex b’hekk tippermetti lir-residenti lokali li jgħixu fl-inħawi tal-ajruporti, u lill-partijiet interessati oħra li jaċċessaw l-informazzjoni bla ħlas.

Test propost mill-Kummissjoni

Emenda

Fost din l-informazzjoni relevanti għandu jkun hemm ukoll:

(a) informazzjoni dwar il-ksur allegat minħabba devjazzjonjiet tar-rotta fir-rigward l-impatt ġenerat u r-raġunijiet ta' dik id-devjazzjoni,

(b) il-kriterji użati għat-tqassim u l-ġestjoni tat-traffiku f'kull ajruport li jista' jkollhom impatt fuq l-ambjent jew impatt tal-istorbju.

Test propost mill-Kummissjoni

Emenda

(7a) L-awtoritajiet kompetenti għandhom jiżguraw li l-operaturi ta’ faċilitajiet ta’ ajruporti jinstallaw sistemi kompjuterizzati tal-kejl tal-istorbju f’punti differenti qrib ir-rotot tat-titjir li jaffettwaw jew probabbli jaffetwaw il-popolazzjoni lokali. Din id-data tista' tiġi kkonsultata permezz tal-internet.

Test propost mill-Kummissjoni

Emenda

4. Id-dejta għandha tkun maħżuna f'bażi tad-dejta ċentrali u tkun għad-dispożizzjoni tal-awtoritajiet kompetenti, operaturi tal-inġenji tal-ajru, fornituri tas-servizzi tan-navigazzjoni tal-ajru u l-operaturi tal-ajruporti għal finijiet operattivi.

4. Id-dejta għandha tkun maħżuna f'bażi tad-dejta ċentrali, għallinqas għal ħames snin, u tkun għad-dispożizzjoni tal-awtoritajiet kompetenti, operaturi tal-inġenji tal-ajru, fornituri tas-servizzi tan-navigazzjoni tal-ajru u l-operaturi tal-ajruporti għal finijiet operattivi. Il-partijiet interessati l-oħra, kif deskritti fl-Artikoli 2 u 5, se jkollhom aċċess għal din l-informazzjoni jekk huma jitolbu dan.

Test propost mill-Kummissjoni

Emenda

2. Wara l-valutazzjoni mwettqa skont l-Artikolu 5, in-notifikazzjoni tad-deċiżjoni għandha tkun akkumpanjata minn rapport miktub li jispjega r-raġunijiet għall-introduzzjoni ta' restrizzjoni operattiva, il-mira ambjentali stabbilita għall-ajruport, il-miżuri li tqiesu biex tintlaħaq dik il-mira, u l-evalwazzjoni tal-kosteffikaċja probabbli tal-miżuri differenti meqjusa, inkluż, fejn rilevanti, l-impatt transfruntier tagħhom.

2. Wara l-valutazzjoni mwettqa skont l-Artikolu 5, in-notifikazzjoni tad-deċiżjoni għandha tkun akkumpanjata minn rapport miktub li jispjega r-raġunijiet għall-introduzzjoni ta' restrizzjoni operattiva, il-mira ambjentali stabbilita għall-ajruport, il-miżuri li tqiesu biex tintlaħaq dik il-mira, u l-evalwazzjoni tal-ispiża f’relazzjoni mal-benefiċċju tal-miżuri differenti meqjusa, inkluż, fejn rilevanti, l-impatt transfruntier tagħhom.

Test propost mill-Kummissjoni

Emenda

Artikolu 7 a

Ir-restrizzjonijiet operattivi eżistenti

Id-dispożizzjonijiet ta' dan ir-Regolament m'għandhomx japplikaw għar-restrizzjonijiet operattivi diġà implimentati fid-data tad-dħul fis-seħħ tal-istess regolament.

Test propost mill-Kummissjoni

Emenda

Artikolu 8

imħassar

Nazzjonijiet li qed jiżviluppaw

1. L-awtoritajiet kompetenti jistgħu jeżentaw l-inġenji tal-ajru marġinalment konformi reġistrati f’pajjiżi li qegħdin jiżviluppaw minn restrizzjonijiet operattivi tal-istorbju sakemm tali mezzi tal-ajru:

(e) huma mogħtija ċertifikat tal-istorbju skont l-istandards speċifikati fil-Kapitolu 3, Volum 1 tal-Anness 16 għall-Konvenzjoni ta’ Chicago.

(f) kienu jitħadmu fl-Unjoni matul perjodu ta' ħames snin li jippreċedi d-dħul fis-seħħ ta' dan ir-Regolament, kienu fuq ir-reġistru tan-nazzjon li qed jiżviluppa konċernat u għadhom jiġu mħaddma minn persuna naturali jew legali stabbilita f'dak in-nazzjon.

2. Fejn Stat Membru jagħti eżenzjoni prevista fil-paragrafu 1, huwa għandu jinforma minnufih lill-awtoritajiet kompetenti tal-Istati Membri l-oħra u lill-Kummissjoni dwar l-eżenzjonijiet li jkun ta.

Test propost mill-Kummissjoni

Emenda

(ba) inġenji tal-ajru għal operazzjonijiet umanitarji

Test propost mill-Kummissjoni

Emenda

Dritt ta' skrutinju

Awtorità ta' eżami u rakkomandazzjoni

Test propost mill-Kummissjoni

Emenda

1. L-impatt tal-istorbju tat-traffiku tal-ajru se jiġi deskritti, mill-inqas, f’termini tal-indikaturi Lden u Lnight li huma ddefiniti u kkalkulati skont l-Anness I għad-Direttiva 2002/49/KE.

1. L-impatt tal-istorbju tat-traffiku tal-ajru se jiġi deskritt, mill-inqas, f’termini tal-indikaturi Lden, Lnight u LAmax li huma ddefiniti u kkalkulati skont l-Anness I għad-Direttiva 2002/49/KE. Bħala referenza għal dawn il-kalkoli għandhom jittieħdu ġranet sinifikanti differenti tat-traffiku tal-ajru tal-ajruport ikkonċernat.

Test propost mill-Kummissjoni

Emenda

1.1. Deskrizzjoni tal-ajruport inkluża l-informazzjoni dwar id-daqs tiegħu, il-lok, l-inħawi madwaru, il-volum tat-traffiku tal-ajru u t-taħlita tiegħu.

1.1. Deskrizzjoni tal-ajruport inkluża l-informazzjoni dwar il-kapaċità tiegħu, il-lok, l-inħawi madwaru, iż-żoni sensittivi (skejjel u ċentri edukattivi, kulturali u sportivi, sptarijiet, djar tal-anzjani ħdejn l-ajruport jew milquta mir-rotot ta' approssimazzjoni u tat-tluq) il-volum tat-traffiku tal-ajru u t-taħlita tiegħu u l-impatt speċifiku u kumulattiv potenzjali u l-fatturi ta’ riskju, fir-rigward tal-livelli ta’ storbju, fid-dawl taċ-ċirkostanzi lokali u ambjentali.

Test propost mill-Kummissjoni

Emenda

Id-dettalji tal-profili tal-istorbju għas-sena attwali u dawk preċedenti - inkluża valutazzjoni tal-għadd ta' nies affettwati mill-istorbju tal-inġenji tal-ajru.

Id-dettalji tal-profili tal-istorbju għas-sena attwali u mill-inqas l-aħħar sentejn preċedenti – inkluża valutazzjoni tal-għadd ta' nies affettwati mill-istorbju tal-inġenji tal-ajru, imwettqa skont id-dispożizzjonijiet tal-Anness III tad-Direttiva 2002/49/KE.

Test propost mill-Kummissjoni

Emenda

1.4.3. Għal miżuri operattivi għat-tnaqqis tal-istorbju, safejn dawn il-miżuri ma jirrestrinġux il-kapaċità ta’ ajruport:

1.4.3. Għal miżuri operattivi għat-tnaqqis tal-istorbju:

Test propost mill-Kummissjoni

Emenda

1.4a Deskrizzjoni qasira tar-relazzjoni u l-konsultazzjoni mal-partijiet interessati u tar-rapporti u l-informazzjoni ppreżentati minnhom.

Test propost mill-Kummissjoni

Emenda

1.4b Lista ta’ eżenzjonijiet mogħtija kull sena, kif deskritti fl-Artikoli 8 u 9.

Test propost mill-Kummissjoni

Emenda

Deskrizzjonijiet tal-iżviluppi fl-ajruporti (jekk ikun hemm) li diġà ġew approvati u ppjanat li jitwettqu, pereżempju, żieda fil-kapaċità, espansjoni tar-runways u/jew tat-terminals, u t-taħlita futura tat-traffiku pproġettata u t-tkabbir stmat.

Deskrizzjonijiet tal-iżviluppi fl-ajruporti (jekk ikun hemm) li diġà ġew approvati u ppjanat li jitwettqu, pereżempju, żieda fil-kapaċità, espansjoni tar-runways u/jew tat-terminals, previżjonijiet ta’ approssimazjoni u tat-tluq, it-taħlita futura tat-traffiku pproġettata u t-tkabbir stmat u studju fid-dettal tal-impatt tal-istorbju fit-territorju li tirriżulta minn dik l-espansjoni tal-kapaċità, tar-runways jew tat-terminals, u modifika tar-rotot ta' approssimazzjoni u tat-tluq.

Test propost mill-Kummissjoni

Emenda

Deskrizzjoni tal-effett fuq il-klima tal-istorbju mingħajr miżuri ulterjuri, u ta' dawk il-miżuri diġà ppjanati għat-titjib tal-impatt tal-istorbju fuq l-istess perjodu.

Deskrizzjoni tal-effett fuq il-klima tal-istorbju u tan-numru ta' persuni milquta mingħajr miżuri ulterjuri, u ta' dawk il-miżuri diġà ppjanati biex jimminimizzaw l-impatt tal-istorbju fuq l-istess perjodu.

Test propost mill-Kummissjoni

Emenda

Skema tal-miżuri addizjonali disponibbli u indikazzjoni tar-raġunijiet ewlenin għall-għażla tagħhom. Deskrizzjoni ta' dawk il-miżuri magħżula għal analiżi ulterjuri u informazzjoni dwar l-eżitu tal-analiżi tal-kosteffikaċja, partikolarment l-ispiża tal-introduzzjoni ta' dawn il-miżuri; l-għadd ta' nies li mistennija jibbenefikaw u l-qafas ta' żmien; u klassifikazzjoni tal-effikaċja ġenerali ta' miżuri partikolari.

Skema tal-miżuri addizjonali disponibbli u indikazzjoni tar-raġunijiet ewlenin għall-għażla tagħhom. Deskrizzjoni ta' dawk il-miżuri magħżula għal analiżi ulterjuri u informazzjoni dwar l-eżitu tal-analiżi tal-ispiża f’relazzjoni mal-benefiċċju, partikolarment l-ispiża tal-introduzzjoni ta' dawn il-miżuri; l-għadd ta' nies li mistennija jibbenefikaw u l-qafas ta' żmien; u klassifikazzjoni tal-effikaċja ġenerali ta' miżuri partikolari.

Test propost mill-Kummissjoni

Emenda

Valutazzjoni tal-kosteffikaċja ta' restrizzjonijiet operattivi relatati mal-istorbju

Valutazzjoni tal-ispiża f’relazzjoni mal-benefiċċju ta' restrizzjonijiet operattivi relatati mal-istorbju

Test propost mill-Kummissjoni

Emenda

Il-kosteffikaċja tar-restrizzjonijiet operattivi relatati mal-istorbju se jiġu vvalutati filwaqt li se jitqiesu, b'mod xieraq, l-elementi li ġejjin, safejn hu possibbli, f'termini kwantifikabbli:

Ir-relazzjoni bejn l-ispiża u l-benefiċċju tar-restrizzjonijiet operattivi relatati mal-istorbju se jiġu vvalutati filwaqt li se jitqiesu, b'mod xieraq, l-elementi li ġejjin, safejn hu possibbli, f'termini kwantifikabbli:

Test propost mill-Kummissjoni

Emenda

1) Il-benefiċċju antiċipat marbut mal-istorbju tal-miżuri previsti, issa u fil-futur;

1) Il-benefiċċju antiċipat marbut mal-istorbju tal-miżuri previsti, issa u fil-futur;

2) Is-sikurezza tal-operazzjonijiet tal-avjazzjoni, inkluż ir-riskji għal partijiet terzi;

2) Is-sikurezza tal-operazzjonijiet tal-avjazzjoni, inkluż ir-riskji għal partijiet terzi;

3) Kapaċità tal-ajruport;

3) Kapaċità tal-ajruport;

4) Effetti fuq in-netwerk Ewropew tal-avjazzjoni.

4) Effetti fuq in-netwerk Ewropew tal-avjazzjoni.

Barra minn hekk l-awtoritajiet kompetenti jistgħu jqisu l-fatturi li ġejjin:

1) Is-saħħa u s-sikurezza tar-residenti lokali li jgħixu fl-inħawi tal-ajruport;

5) Is-saħħa u s-sikurezza tar-residenti lokali li jgħixu fl-inħawi tal-ajruport;

2) Is-sostenibbiltà ambjentali, inkluż interdipendenzi bejn l-istorbju u l-emissjonijiet;

6) Is-sostenibbiltà ambjentali, inkluż interdipendenzi bejn l-istorbju u l-emissjonijiet;

3) Effetti diretti, indiretti u katalitiċi fuq l-impjiegi.

7) Effetti diretti, indiretti u katalitiċi fuq l-impjiegi.

Test propost mill-Kummissjoni

Emenda

4a) il-bidliet fil-valur ta’ proprjetajiet ikkawżati mill-istorbju;

Test propost mill-Kummissjoni

Emenda

4b) l-impatti fuq il-kriterji tal-lokalità qrib tal-ajruporti;

Test propost mill-Kummissjoni

Emenda

4c) l-impatti fuq il-kundizzjonijiet tax-xogħol fl-ajruporti;

Test propost mill-Kummissjoni

Emenda

4d) l-impatti fuq it-trasport bit-triq u ferrovjarju;

Test propost mill-Kummissjoni

Emenda

4e) l-impatti fuq l-ispejjeż esterni;

Test propost mill-Kummissjoni

Emenda

3) Effetti diretti, indiretti u katalitiċi fuq l-impjiegi.

3) Effetti diretti u indiretti fuq l-impjiegi, b’mod speċjali fis-setturi affettwati mit-traffiku tal-ajru.