Test propost mill-Kummissjoni

Emenda

(1) L-Unjoni u l-Istati Membri stabbilixxwew l-għan li jiġġieldu kontra l-frodi, il-korruzzjoni u kontra kull attività illegali oħra li taffettwa l-interessi finanzjarji tal-Unjoni, inkluż il-kuntrabandu tas-sigaretti u l-iffalsifikar. Flimkien mal-Kummissjoni, l-Istati Membri għandhom, b’mod partikolari, jorganizzaw koperazjoni mill-qrib u regolari mal-awtoritajiet kompetenti.

(1) L-Unjoni u l-Istati Membri stabbilixxwew l-għan li jiġġieldu kontra l-frodi, il-korruzzjoni u kontra kull attività illegali oħra li taffettwa l-interessi finanzjarji tal-Unjoni, inkluż il-kuntrabandu tas-sigaretti u l-iffalsifikar. Sabiex jitjieb l-impatt fit-tul tal-infiq u tiġi evitata d-duplikazzjoni, kooperazzjoni u koordinament regolari u mill-qrib għandhom jiġu żgurati fi ħdan is-servizzi tal-Kummissjoni, bejn l-awtoritajiet kompetenti tal-Istati Membri u bejn is-servizzi tal-Kummissjoni u l-awtoritajiet kompetenti.

Test propost mill-Kummissjoni

Emenda

(2) L-attivitajiet li għandhom l-għan li jipprovdu informazzjoni aħjar, taħriġ speċjalizzat jew assistenza teknika jew xjentifika jgħinu b’mod sinifikattiv biex jiġu protetti l-interessi finanzjarji tal-Unjoni u fl-istess ħin biex jintlaħaq livell ugwali ta’ protezzjoni fl-Unjoni kollha.

(2) L-attivitajiet li għandhom l-għan li jipprovdu informazzjoni aħjar, taħriġ speċjalizzat jew assistenza teknika jew xjentifika jgħinu b’mod sinifikattiv biex jiġu protetti l-interessi finanzjarji tal-Unjoni u fl-istess ħin biex jintlaħaq livell ugwali ta’ protezzjoni fl-Unjoni kollha. L-allokazzjoni ta' riżorsi lid-diversi punti ta' dħul għandha tkun ibbażata fuq ir-riskju u mekkaniżmi ta' allokazzjoni għandhom ikunu kapaċi jaġġustaw għaċ-ċirkostanzi li qegħdin jinbidlu.

Test propost mill-Kummissjoni

Emenda

(3) Permezz tal-appoġġ għal inzjattivi bħal dawn fil-passat kien possibbli li l-attivitajiet imwettqa mill-Unjoni u mill-Istati Membri jittejbu mil-lat tal-ġlieda kontra l-frodi, il-korruzzjoni u kontra kwalunkwe atti illegali oħrajn li jolqtu l-interessi finanzjarji tal-Unjoni. L-għanijiet tal-programm Hercule intlaħqu b’suċċess kemm fis-snin 2004-2006 kif ukoll fis-snin 2007-2013.

(3) Permezz tal-appoġġ għal inzjattivi bħal dawn fil-passat kien possibbli li l-attivitajiet imwettqa mill-Unjoni u mill-Istati Membri jittejbu mil-lat tal-ġlieda kontra l-frodi, il-korruzzjoni u kontra kwalunkwe atti illegali oħrajn li jolqtu l-interessi finanzjarji tal-Unjoni.

Test propost mill-Kummissjoni

Emenda

(3 a) Il-Kummissjoni wettqet rieżami tal-kisbiet tal-programm Hercule II li jirraporta dwar xi ddaħħal fil-programm u x'ħareġ minnu. Il-Kummissjoni għandha tiżgura li l-impatt sħiħ tal-programm Hercule II u l-ksib tal-għanijiet tiegħu jiġu identifikati f'rapport estern u indipendenti sal-31 ta' Diċembru 2014, li r-riżultati tiegħu għandhom jintużaw għall-modifikazzjoni u t-titjib tat-twettiq tal-programm Hercule III (il-Programm).

Test propost mill-Kummissjoni

Emenda

(5) Biex jitkomplew u anki biex jiġu żviluppati l-attivitajiet fil-livell tal-Unjoni u tal-Istati Membri fil-glieda kontra l-frodi, il-korruzzjoni u kontra kwalunkwe attivitajiet illegali oħrajn li jolqtu l-interessi finanzjarji tal-Unjoni, inkluża l-glieda kontra l-kuntrabandu tas-sigaretti u l-iffalsifikar, u b'kunsiderazzjoni tal-isfidi l-ġodda fil-kuntest tal-awsterità baġitarja, jeħtieġ li jiġi adottat programm ġdid. Dan ir-Regolament għandu jiġi implimentat b’konformità sħiħa mad-dispożizzjonijiet tar-Regolament (KE, Euratom) No.

(5) Biex jitkomplew u anki biex jiġu żviluppati l-attivitajiet fil-livell tal-Unjoni u tal-Istati Membri fil-glieda kontra l-frodi, il-korruzzjoni u kontra kwalunkwe attivitajiet illegali oħrajn li jolqtu l-interessi finanzjarji tal-Unjoni, inkluża l-glieda kontra l-kuntrabandu u l-iffalsifikar tas-sigaretti, u b'kunsiderazzjoni tal-isfidi l-ġodda fil-kuntest tal-awsterità baġitarja, jeħtieġ li jiġi adottat programm ġdid b'indikaturi ta’ prestazzjoni mtejba u bbażat fuq ir-riżultati ta' analiżi tal-programmm eżistenti. Għandha tiġi pprovduta biżżejjed flessibbiltà għal-livell ta' kofinanzjament f'każijiet ta' Stati Membri vulnerabbli u f'riskju għoli.

Test propost mill-Kummissjoni

Emenda

(9) Il-Kummissjoni għandha tippreżenta rapport interim indipendenti dwar l-implimentazzjoni ta' dan il-Programm lill-Parlament Ewropew u lill-Kunsill, Kif ukoll rapport finali dwar l-ilħuq tal-għanijiet ta’ dan il-programm.

(9) Il-Kummissjoni għandha tippreżenta lill-Parlament Ewropew u lill-Kunsill rapport interim indipendenti dwar l-implimentazzjoni tal-Programm u rapport finali dwar il-ksib tal-għanijiet tiegħu. Barra minn hekk, il-Kummissjoni għandha tipprovdi, fuq bażi annwali, informazzjoni lill-Parlament Ewropew u lill-Kunsill dwar l-implimentazzjoni annwali tal-programm, inklużi r-riżultati tal-azzjonijiet iffinanzjati u informazzjoni dwar il-konsistenza u l-kumplimentarjetà ma' programmi u attivitajiet oħra fil-livell tal-Unjoni.

Test propost mill-Kummissjoni

Emenda

(10) Dan ir-Regolament josserva l-prinċipji ta' sussidjaretà u proporzjonalità. Il-programm Hercule III jiffaċilita l-koperazzjoni bejn l-Istati Membri u bejn il-Kummissjoni u l-Istati Membri sabiex jiġu protetti l-interessi finanzjarji tal-Unjoni, iżda mingħajr ma jaffettwa r-responsabilitajiet tal-Istati Membri u permezz ta’ użu tar-riżorsi iktar effiċjenti mill-użu li kieku jagħmlu fil-livell nazzjonali. L-azzjoni fil-livell tal-UE hija meħtieġa u ġustifikata peress li b’mod ċar tgħin lill-Istati Membri kollettivament biex jipproteġu l-baġits tal-UE u dawk nazzjonali u tħeġġeġ l-użu ta' strutturi komuni tal-UE biex jiżdiedu l-koperazzjoni u l-iskambju ta’ informazzjoni bejn l-awtoritajiet kompetenti.

(10) Dan ir-Regolament josserva l-prinċipji ta' sussidjaretà u proporzjonalità. Il-Programm jiffaċilita l-koperazzjoni bejn l-Istati Membri u bejn il-Kummissjoni u l-Istati Membri sabiex jiġu protetti l-interessi finanzjarji tal-Unjoni permezz ta’ użu tar-riżorsi iktar effiċjenti mill-użu li kieku jagħmlu fil-livell nazzjonali. L-azzjoni fil-livell tal-UE hija meħtieġa u ġustifikata peress li b’mod ċar tgħin lill-Istati Membri kollettivament biex jipproteġu l-baġits tal-UE u dawk nazzjonali u tħeġġeġ l-użu ta' strutturi komuni tal-UE biex jiżdiedu l-koperazzjoni u l-iskambju ta’ informazzjoni bejn l-awtoritajiet kompetenti. Il-Programm ma għandux, madanakollu, jaffettwa r-responsabilitajiet tal-Istati Membri.

Test propost mill-Kummissjoni

Emenda

(10a) L-interessi finanzjarji tal-Unjoni għandhom jitħarsu permezz ta' miżuri proporzjonati fiċ-ċiklu kollu tal-infiq, li jinkludu l-prevenzjoni, l-iżvelar u l-investigazzjoni ta' irregolaritajiet, l-irkupru tal-fondi li ntilfu, li tħallsu bi żball jew li ntużaw b'mod ħażin u, jekk ikun il-każ, permezz ta' pieni amministrattivi u finanzjarji f'konformità mar-Regolament (UE) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni1;

_____________

1 ĠU L 298, 26.10.2012, p.1.

Test propost mill-Kummissjoni

Emenda

(11 a) Sabiex jiġi previst qafas dettaljat iżda flessibbli għall-implimentazzjoni, għandha tiġi ddelegata setgħa lill-Kummissjoni biex tadotta atti delegati skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tar-reviżjoni tal-għanijiet operattivi u l-allokazzjoni ġenerali ta' fondi, l-adozzjoni ta' indikaturi ta' prestazzjoni ewlenin u l-azzjonijiet eliġibbli, l-istabbiliment ta' kriterji li jiddefinixxu Stati Membri vulnerabbli u f'riskju għoli rigward il-kofinanzjament, u l-aġġornament jew ir-rieżami tal-pjanijiet multiannwali stabbiliti skont dan ir-Regolament. Huwa ta' importanza partikolari li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fil-livell ta' esperti. Il-Kummissjoni, hija u tipprepara u tfassal atti delegati, għandha tiżgura illi d-dokumenti relevanti jintbagħtu simultanjament, fil-ħin u kif suppost lill-Parlament Ewropew u lill-Kunsill.

Test propost mill-Kummissjoni

Emenda

(12) Il-Kummissjoni għandha tadotta l-programmi ta’ ħidma annwali li jistipulaw il-prijoritajiet, it-tqassim tal-baġit u l-kriterji ta’ valutazzjoni għall-għotjiet għal azzjonijiet. Sabiex ikun żgurat li jkun hemm kundizzjonijiet uniformi għall-implimentazzjoni ta’ dan ir-Regolament, is-setgħat ta’ implimentazzjoni għandhom jingħataw lill-Kummissjoni.

(12) Il-Kummissjoni għandha tadotta l-programmi ta’ ħidma annwali li jistipulaw id-dettalji dwar l-implimentazzjoni tal-pjan ta' ħidma multiannwali u l-iskedi indikattivi għas-sejħa għal proposti għall-perjodu kopert mill-pjan ta' ħidma multiannwali. Il-programmi ta' ħidma annwali għandhom ikunu fihom ukoll deskrizzjoni tal-azzjonijiet li għandhom jiġu ffinanzjati, indikazzjoni tal-ammont allokat għal kull azzjoni, skeda indikattiva ta' implimentazzjoni u r-rata massima ta' kofinanzjament għall-għotjiet kif ukoll evalwazzjoni annwali ta' liema Stati Membri jistgħu jitqiesu vulnerabbli u f'riskju għoli. Indikaturi speċifiċi tal-prestazzjoni ewlenin għandhom jiġu żviluppati mill-Kummissjoni, li jispjegaw, inter alia, ir-relazzjoni bejn l-irkupri annwali ta' prodotti kkuntrabandati jew foloz u l-assistenza offruta taħt il-programm. Dawn l-indikaturi għandhom jinkludu livelli ta' miri u linji bażi sabiex ir-riżultati miksuba jkunu jistgħu jiġu evalwati. Attivitajiet ta' taħriġ għandhom jiġu organizzati li jirrispettaw it-teknoloġija SMART, b'tali mod li l-effetti tagħhom jistgħu jitkejlu b'mod aktar preċiż.

Test propost mill-Kummissjoni

Emenda

(b) żieda fil-koperazzjoni transnazzjonali fil-livell tal-Unjoni u b’mod partikolari

fl-effikaċja tal-operazzjonijiet transkonfinali;

(b) żieda fil-koperazzjoni u koordinament transnazzjonali fil-livell tal-Unjoni u b’mod partikolari fl-effikaċja u fl-effiċjenza tal-operazzjonijiet transkonfinali;

Test propost mill-Kummissjoni

Emenda

(ba) trasparenza akbar fl-użu tal-fondi relatati mal-protezzjoni tal-interessi finanzjarji tal-Unjoni, inkluża l-ġlieda kontra l-kuntrabandu u l-falsifikazzjoni tas-sigaretti;

Test propost mill-Kummissjoni

Emenda

(ca) żieda fil-koperazzjoni u l-koordinament fi ħdan is-servizzi tal-Kummissjoni, bejn il-Kummissjoni u l-Istati Membri u bejn l-Istati Membri differenti.

Test propost mill-Kummissjoni

Emenda

L-għan ġenerali tal-Programm għandu jkun il-protezzjoni tal-interessi finanzjarji tal-Unjoni biex b’hekk tissaħħaħ il-kompetittività tal-ekonomija Ewropea u jiġi żgurat li d-dħul mit-taxxi jkun protett.

L-għan ġenerali tal-Programm għandu jkun il-protezzjoni tal-interessi finanzjarji tal-Unjoni biex b’hekk tissaħħaħ il-kompetittività tal-ekonomija Ewropea u l-koperazzjoni bejn l-Istati Membri u l-Kummissjoni, u jiġi żgurat li d-dħul mit-taxxi jkun protett.

Test propost mill-Kummissjoni

Emenda

Indikaturi ewlenin tal-prestazzjoni, inklużi livelli ta' mira u linji bażi, għandhom jiġu żviluppati mill-Kummissjoni sabiex tevalwa l-effikaċja tal-programm, u b'mod partikolari l-objettiv speċifiku tiegħu.

Test propost mill-Kummissjoni

Emenda

Il-Kummissjoni għandha tingħata s-setgħa li tadotta atti delegati skont l-Artikolu 12a li jistabbilixxi indikaturi tal-prestazzjoni speċifiċi ewlenin.

Test propost mill-Kummissjoni

Emenda

Dan l-għan għandu jitkejjel, fost affarijiet oħrajn, permezz tal-ammonti rkuprati wara każijiet ta' frodi li jkunu ġew skoperti permezz ta' azzjonijiet konġunti u operazzjonijiet transkonfinali, taż-żieda fil-perċentwali tal-operazzjonijiet konġunti li jintemmu b'suċċess u ż-żieda fl-għadd ta’ każijiet li jiġu aċċettati mill-awtoritajiet ta’ investigazzjoni kriminali.

L-għan speċifiku għandu jitkejjel, fost affarijiet oħrajn u b'kunsiderazzjoni tal-indikaturi tal-prestazzjoni ewlenin, permezz tal-ammonti sekwestrati, ikkonfiskati u rkuprati wara każijiet ta' frodi li jkunu ġew skoperti permezz ta' azzjonijiet konġunti u operazzjonijiet transkonfinali, taż-żieda fil-valur u l-użu effettiv ta' tagħmir tekniku ffinanzjat skont dan ir-Regolament, taż-żieda fil-perċentwali tal-operazzjonijiet konġunti li jintemmu b'suċċess u l-għadd u t-tip ta' attivitajiet ta' taħriġ, kif ukoll l-effetti diretti u indiretti tagħhom fuq l-iskoperta, il-qbid, is-sekwestru u l-irkupru ta' prodotti kkuttrabandati u falsifikati.

Test propost mill-Kummissjoni

Emenda

Il-Kummissjoni għandha tingħata s-setgħa li tadotta atti delegati, skont l-Artikolu 12a li jikkonċernaw il-modifika tal-għanijiet operattivi tal-Programm, kif stabbilit fl-Artikolu 4a.

Test propost mill-Kummissjoni

Emenda

Il-Kummissjoni għandha tingħata s-setgħa li tadotta atti delegati, skont l-Artikolu 12a dwar l-allokazzjoni ġenerali ta' fondi għall-għanijiet operattivi tal-Programm kif stabbilit fl-Artikolu 4a u d-definizzjoni tal-għanijiet operazzjonali għall-użu tal-fondi mhux allokati skont ir-Regolament (KE, Eurotom) Nru 966/2012.

Test propost mill-Kummissjoni

Emenda

Artikolu 4a

L-għanijiet operattivi tal-Programm

L-għanijiet operattivi tal-Programm għandhom ikunu dawn li ġejjin:

(a) it-titjib tal-prevenzjoni u tal-investigazzjoni tal-frodi u ta’ attivitajiet illegali oħrajn lil hinn mil-livelli milħuqa s’issa billi tittejjeb il-kooperazzjoni transnazzjonali u multidixxiplinari;

(b) iż-żieda fil-protezzjoni tal-interessi finanzjarji tal-Unjoni kontra l-frodi, il-faċilitazzjoni tal-iskambju ta’ informazzjoni, tal-esperjenzi u tal-aħjar prattiki, inkluż l-iskambju ta' impjegati;

(c) it-tisħiħ tal-ġlieda kontra l-frodi u attivitajiet illegali oħrajn permezz tal-għoti ta’ appoġġ tekniku u operattiv fl-investigazzjoni nazzjonali, u b’mod partikolari lill-awtoritajiet tad-dwana u tal-infurzar tal-liġi;

(d) il-limitazzjoni ta’ kemm l-interessi finanzjarji tal-Unjoni huma esposti għall-frodi, il-korruzzjoni u għal attivitajiet illegali oħrajn, kif imqabbel mal-livell ta’ espożizzjoni attwali, bil-għan li jitnaqqas l-iżivlupp ta’ ekonomija illegali f'żoni prinċipali ta' riskju bħall-frodi organizzata, il-kuntrabandu u l-falsifikazzjoni, speċjalment tas-sigaretti;

(e) it-titjib tal-grad ta’ żvilupp tal-protezzjoni speċifika legali u ġudizzjarja tal-interessi finanzjarji kontra l-frodi permezz tal-promozzjoni tal-analiżi komparattiva tal-liġi.

Test propost mill-Kummissjoni

Emenda

3. Rappreżentanti ta’ pajjiżi li jagħmlu parti mill-proċess ta’ stabbilizzazzjoni u assoċjazzjoni għall-pajjiżi fix-Xlokk tal-Ewropa, għall-Federazzjoni Russa u għal ċerti pajjiżi li magħhom l-Unjoni laħqet ftehim dwar l-għajnuna reċiproka fil-kwistjonijiet marbuta mal-frodi, u r-rappreżentanti ta’ organizzazzjonijiet internazzjonali u ta’ organizzazzjonijiet oħrajn rilevanti, jistgħu jieħdu sehem fl-attivitajiet organizzati fil-Programm kull meta dan ikun utli biex jintlaħqu l-għanijiet imsemmija fl-Artikoli 3 u 4. Dawn ir-rappreżentanti għandhom jintagħżlu skont il-kapaċitajiet, l-esperjenzi u l-għarfien tagħhom rilevanti għall-attivitajiet speċifiċi.

3. Rappreżentanti ta’ pajjiżi li jagħmlu parti mill-proċess ta’ stabbilizzazzjoni u assoċjazzjoni għall-pajjiżi fix-Xlokk tal-Ewropa, għall-Federazzjoni Russa u għal ċerti pajjiżi u rappreżentanti ta' organizzazzjonijiet pubbliċi internazzjonali li magħhom l-Unjoni laħqet ftehim dwar l-għajnuna reċiproka fil-kwistjonijiet marbuta mal-frodi jistgħu jieħdu sehem fl-attivitajiet organizzati fil-Programm kull meta dan ikun utli biex jintlaħqu l-għanijiet imsemmija fl-Artikoli 3 u 4. Dawk ir-rappreżantattivi għandhom jipparteċipaw fil-Programm b'konformità mad-dispożizzjonijiet tar-Regolament (KE, Euratom) Nru 966/2012.

Test propost mill-Kummissjoni

Emenda

Bl-istess kundizzjonijiet stipulati fil-programm ta’ ħidma annwali msemmi fl-Artikolu 10, il-Programm għandu jipprovdi l-appoġġ finanzjarju fl-azzjonijiet li ġejjin:

Bl-istess kundizzjonijiet stipulati fil-programm ta’ ħidma annwali msemmi fl-Artikolu 10, il-Programm għandu jipprovdi l-appoġġ finanzjarju xieraq fl-azzjonijiet li ġejjin:

Test propost mill-Kummissjoni

Emenda

– żieda fl-iskambju ta’ dejta, l-iżvilupp u l-għoti ta’ għodod tal-IT għall-investigazzjonijiet u għax-xogħol ta’ monitoraġġ tas-servizzi sigrieti.

– żieda fl-iskambju ta’ dejta, anke bejn l-Istati Membri u l-Kummissjoni, l-iżvilupp u l-għoti ta’ għodod tal-IT għall-investigazzjonijiet u għax-xogħol ta’ monitoraġġ tas-servizzi sigrieti;

Test propost mill-Kummissjoni

Emenda

– finanzjament għall-ispejjeż ta' manutenzjoni ta' tagħmir tekniku mixtri skont il-Programm;

Test propost mill-Kummissjoni

Emenda

(b) L-organizzazzjoni ta’ taħriġ speċjalizzat u ta’ gruppi ta’ ħidma li jiffukaw fuq taħriġ dwar l-analiżi tar-riskju, kif ukoll ta’ konferenzi bl-għan li:

(b) L-organizzazzjoni ta’ taħriġ speċjalizzat immirat u ta’ gruppi ta’ ħidma li jiffukaw fuq taħriġ dwar l-analiżi tar-riskji, kif ukoll, fejn ikun xieraq, ta’ konferenzi bl-għan li:

Test propost mill-Kummissjoni

Emenda

ikun hemm skambju tal-esperjenzi bejn l-awtoritajiet rilevanti fl-Istati Membri u pajjiżi terzi kif imsemmi fl-Artikolu 6(2), kif ukoll mar-rappreżentanti tal-organizzazzjonijiet internazzjonali kif imsemmi fl-Artikolu 6(3), inklużi s-servizzi speċjalizzati tal-infurzar tal-liġi;

– ikun hemm skambju tal-esperjenzi u l-aħjar prassi bejn l-awtoritajiet rilevanti fl-Istati Membri u pajjiżi terzi kif imsemmi fl-Artikolu 6(2), inklużi s-servizzi speċjalizzati tal-infurzar tal-liġi, kif ukoll mar-rappreżentanti tal-organizzazzjonijiet pubbliċi internazzjonali kif imsemmi fl-Artikolu 6(3);

Test propost mill-Kummissjoni

Emenda

– jiġu żviluppati attivitajiet ta’ riċerka ta' livell għoli, inklużi studji;

– jiġu żviluppati attivitajiet ta’ riċerka ta' livell għoli, inklużi studji tal-liġi komparattiva;

Test propost mill-Kummissjoni

Emenda

B'konformità mal-Artikolu 3, it-tagħmir kofinanzjat mill-programm irid jintuża esklussivament għall-protezzjoni tal-interessi finanzjarji tal-Unjoni;

Test propost mill-Kummissjoni

Emenda

Il-Kummissjoni għandha tiżgura li kwalunkwe duplikazzjoni potenzjali bejn sistemi u databases differenti kofinanzjati mill-programm tiġi evitata;

Test propost mill-Kummissjoni

Emenda

Il-Kummissjoni għandha tingħata s-setgħa li tadotta atti delegati skont l-Artikolu 12a dwar emendi ta' dan l-Artikolu sabiex jitqiesu indikaturi ewlenin speċifiċi tal-prestazzjoni u ta' żviluppi mhux previsti fiż-żmien tal-adozzjoni ta' dan ir-Regolament.

Test propost mill-Kummissjoni

Emenda

Il-pakkett finanzjarju għall-implimentazzjoni tal-programm għall-perijodu 2014 sa 2020, għandu jkun ta’ EUR 110 000 000, f’termini ta’ prezzijiet attwali.

Fis-sens tal-punt [17] tal-Ftehim Interistituzzjonali bejn il-Parlament Ewropew, il-Kunsill u l-Kummissjoni ta’ xxx/yyy dwar il-koperazzjoni f’materji baġitarji u dwar il-ġestjoni finanzjarja tajba, l-ammont ta’ referenza finanzjarja għall-awtorità tal-baġit matul il-proċedura baġitarja annwali f’termini tal-pakkett finanzjarju indikattiv għall-implimentazzjoni tal-programm għall-perjodu 2014 sa 2020, għandu jkun ta’ EUR 110 000 000, f’termini ta’ prezzijiet attwali. L-approprjazzjonijiet annwali għandhom jiġu awtorizzati mill-awtorità baġitarja.

Test propost mill-Kummissjoni

Emenda

a) għotjiet;

(a) għotjiet, inklużi dawk relatati mal-manutenzjoni tal-materjal tekniku mixtri taħt il-Programm;

Test propost mill-Kummissjoni

Emenda

3a. Il-benefiċjarji tal-programm għandhom jibagħtu, fuq talba tal-Kummissjoni, dejta dettaljata dwar l-attivitajiet tagħhom iffinanzjati skont il-programm, sabiex ikun hemm trasparenza u responsabbiltà akbar u biex tiġi evalwata l-effikaċja u l-effiċjenza tal-Programm, b'konformità mal-Artikolu 11.

Test propost mill-Kummissjoni

Emenda

4. Ir-rata ta’ kofinanzjament għall-għotjiet mogħtija skont il-programm m’għandhiex tkun iktar minn 80% tal-ispejjeż eliġibbli. F’każijiet eċċezzjonali u ġġustifikati li huma ddefiniti fil-programm ta’ ħidma annwali msemmi fl-Artikolu 10, ir-rata ta’ kofinanzjament m’għandhiex tkun iktar minn 90% tal-ispejjeż eliġibbli.

4. Ir-rata ta' kofinanzjament għal għotjiet aġġudikati taħt il-programm ma għandhiex tkun anqas minn 50% u ma għandhiex taqbeż it-80% tal-ispejjeż eliġibbli. F’każijiet eċċezzjonali u ġġustifikati u f'każijiet ta' Stati Membri vulnerabbli u f'riskju għoli, li huma ddefiniti fil-programm ta’ ħidma annwali msemmi fl-Artikolu 10, ir-rata ta’ kofinanzjament m’għandhiex tkun iktar minn 90% tal-ispejjeż eliġibbli. Ir-rata ta’ kofinanzjament għall-għotjiet mogħtija taħt il-Programm m’għandhiex tkun iktar minn 30 % tal-ispejjeż eliġibbli meta tikkonċerna l-finanzjament tal-manutenzjoni tal-materjal tekniku mixtri skont il-Programm. Fil-każ tal-iffinanzjar tal-manutenzjoni, id-deċiżjoni għall-għoti għandha tkun soġġetta għat-tressiq ta' rapport mill-awtoritajiet nazzjonali lill-Kummissjoni, li jagħti dettalji dwar l-eżitu, ir-riżultati u l-valur miżjud tal-implimentazzjoni tat-tagħmir tekniku li nxtara skont il-Programm.

Test propost mill-Kummissjoni

Emenda

4a. Ir-rata ta' kofinanzjament għandha tkun proporzjonali b'mod invers għall-ammont totali kull sena li l-Istati Membri jirċievu bħala dħul derivat mill-ftehimiet konklużi mill-Kummissjoni u l-Istati Membri ma' erba' kumpaniji maġġuri tat-tabakk.

Test propost mill-Kummissjoni

Emenda

4b. L-Istati Membri għandhom jitħeġġu jżidu l-kontribuzzjoni finanzjarja skont ir-rata ta' kofinanzjament għal għotjiet mogħtija skont il-Programm.

Test propost mill-Kummissjoni

Emenda

4c. Il-Kummissjoni għandu jkollha s-setgħa li tadotta atti delegati, skont l-Artikolu 12a dwar l-istabbiliment ta' kriterji għad-definizzjoni ta' Stati Membri vulnerabbli u f'riskju għoli, ibbażati inter alia fuq il-lokalità ġeografika u tal-fruntiera, il-volum tal-merkanzija, l-operazzjonijiet doganali u l-aħħar statistika disponibbli relevanti ppubblikati minn Eurostat sabiex ikun jista' jiġi analizzat u evalwat ir-riskju ta' attivitajiet illegali.

Test propost mill-Kummissjoni

Emenda

Artikolu 10

Artikolu 10

Programmi ta' Ħidma Annwali

Pjanijiet ta' ħidma multiannwali u programmi ta' ħidma annwali

Sabiex timplimenta l-Programm, il-Kummissjoni se tadotta programmi ta’ ħidma annwali. Dawn il-programmi għandhom jistipulaw l-għanijiet li jridu jintlaħqu, ir-riżultati mistennija u l-metodu ta’ implimentazzjoni u l-ammont totali tagħhom. Huma għandhom jinkludu wkoll deskrizzjoni tal-azzjonijiet li għandhom jiġu ffinanzjati, indikazzjoni tal-ammonti allokati għal kull azzjoni u kalendarju indikattiv tal-implimentazzjoni. Fil-każ tal-għotjiet għandhom jinkludu l-prijoritjiet, il-kriterji essenzjali ta' valutazzjoni u r-rata massima ta' kofinanzjament.

1. Il-Kummissjoni għandu jkollha s-setgħa li tadotta atti delegati, skont l-Artikolu 12a dwar l-istabbiliment ta' pjanijiet ta' ħidma multiannwali għall-Programm. Il-pjanijiet ta' ħidma multiannwali għandhom jistipulaw l-għanijiet li jiġu segwiti, ir-riżultati mistennija, il-metodu ta' implimentazzjoni u l-ammont totali tagħhom. Għandhom jinkludu għal għotjiet il-prijoritajiet u l-kriterji essenzjali ta' valutazzjoni.

2. Sabiex timplimenta l-Programm, il-Kummissjoni għandha tadotta programmi ta' ħidma annwali għat-twettiq tal-pjanijiet ta' ħidma multiannwali u skedi indikattivi għas-sejħa għal proposti għall-perjodu kopert mill-pjan ta' ħidma multiannwali. Il-programmi ta’ ħidma annwali għandhom jispeċifikaw ukoll il-kriterji biex tingħata għotja li tkopri l-manutenzjoni tat-tagħmir tekniku mixtri taħt il-Programm. Għandhom jinkludu wkoll deskrizzjoni tal-azzjonijiet li għandhom jiġu ffinanzjati, indikazzjoni tal-ammonti allokati għal kull azzjoni u kalendarju indikattiv tal-implimentazzjoni. Dawn għandhom jinkludu fir-rigward ta' għotjiet ir-rata massima ta' kofinanzjament.

Il-baġit allokat għall-azzjonijiet ta’ komunikazzjoni li għandhom jitwettqu mill-Kummissjoni skont dan ir-Regolament, għandu jkopri wkoll il-komunikazzjonijiet korporattivi tal-prijoritajiet politiċi tal-Unjoni.

Approprjazzjonijiet tal-baġit allokati għall-azzjonijiet ta' komunikazzjoni li għandhom jitwettqu mill-Kummissjoni taħt dan ir-Regolament għandu jkopri wkoll komunikazzjoni korporattiva tal-prijoritajiet politiċi tal-Unjoni Ewropea, sakemm ikunu relatati mal-objettiv ġenerali tal-Programm.

Test propost mill-Kummissjoni

Emenda

1. Il-Kummissjoni għandha tipprovdi lill-Parlament Ewropew u lill-Kunsill informazzjoni annwali dwar ir-riżultati tal-programm. Għandha tiġi inkluża informazzjoni dwar il-konsistenza u l-komplimentarjetà ma' programmi u attivitajiet oħrajn fil-livell tal-Unjoni. Il-Kummissjoni għandha tibqa’ kontinwament ixxerred ir-riżultati tal-attivitajiet appoġġjati minn dan il-Programm. Il-pajjiżi kollha parteċipanti għandhom jipprovdu lill-Kummissjoni d-dejta u l-informazzjoni kollha meħtieġa biex ikun jistgħu jsiru l-monitoraġġ u l-valutazzjoni tal-Programm.

1. Il-Kummissjoni għandha tipprovdi lill-Parlament Ewropew u lill-Kunsill, fuq bażi annwali, informazzjoni dwar l-implimentazzjoni annwali tal-Programm, inklużi l-objettivi miksuba, ir-riżultati u l-indikaturi ta' prestazzjoni ewlenin identifikati fil-programm annwali. Informazzjoni dwar il-konsistenza u l-komplimentarjetà ma' programmi u attivitajiet oħrajn fil-livell tal-Unjoni għandha tkun dettaljata u inkluża fil-komunikazzjoni. Il-Kummissjoni għandha tibqa’ xxerred, anke fil-websajts relevanti, ir-riżultati tal-azzjonijiet iffinanzjati u l-attivitajiet appoġġjati minn dan il-Programm, sabiex issaħħaħ it-trasparenza għall-benefiċċju taċ-ċittadini tal-UE. Sabiex jintwera l-valur miżjud tal-attivitajiet tal-Kummissjoni skont dan ir-Regolament, il-Kummissjoni għandha, b'mod partikolari, tirrapporta dwar il-miżuri li ttieħdu biex itejbu l-koordinazzjoni u biex tiġi evitata duplikazzjoni ma' attivitajiet eżistenti, relatati fil-qasam tal-protezzjoni tal-interessi finanzjarja tal-UE. Il-pajjiżi u r-rappreżentanti kollha parteċipanti msemmija fl-Artikolu 6(3) għandhom jipprovdu lill-Kummissjoni d-dejta u l-informazzjoni kollha meħtieġa biex ikun jistgħu jsiru l-monitoraġġ u l-valutazzjoni tal-implimentazzjoni annwali tal-Programm, fejn relevanti, u tal-Programm inġenerali.

Test propost mill-Kummissjoni

Emenda

Il-Kummissjoni għandha twettaq valutazzjoni tal-Programm. Sa mhux iktar tard mill-31 ta’ Diċembru 2017, il-Kummissjoni għandha tkun ħejjiet rapport ta’ valutazzjoni dwar l-ilħuq tal-għanijiet tal-miżuri, tar-riżultati u tal-impatti kollha, l-effiċjenza tal-użu tar-riżorsi u l-valur miżjud Ewropew tagħha fid-dawl ta’ deċiżjoni dwar it-tiġdid, il-modifika jew is-sospensjoni tal-miżuri. Barra minn hekk il-valutazzjoni għandha tindirizza jekk hemmx lok għas-simplifikazzjoni, il-koereza interna u esterna tiegħu, ir-rilevanza kontinwa tal-għanijiet kif ukoll il-kontribut tal-miżuri fil-prijoritajiet tal-Unjoni għal tkabbir intelliġenti, sostenibbli u inklużiv. Għandha tqis ir-riżultati tal-valutazzjoni dwar l-impatt fuq perjodu ta’ żmien twil tal-miżuri preċedenti.

Il-Kummissjoni għandha twettaq valutazzjoni bir-reqqa tal-Programm. Sa mhux iktar tard mill-31 ta’ Diċembru 2017, il-Kummissjoni għandha tkun ħejjiet rapport ta’ valutazzjoni intermedjarja dwar l-ilħuq tal-għanijiet tal-azzjonijiet, tar-riżultati u tal-impatti kollha, tal-effikaċja u l-effiċjenza tal-użu tar-riżorsi u l-valur miżjud Ewropew tagħha fid-dawl ta’ deċiżjoni dwar it-tiġdid, il-modifika jew is-sospensjoni tal-azzjonijiet. Barra minn hekk il-valutazzjoni għandha tindirizza jekk hemmx lok għas-simplifikazzjoni, il-koereza interna u esterna tiegħu, ir-rilevanza kontinwa tal-għanijiet kif ukoll il-kontribut tal-azzjonijiet fil-prijoritajiet tal-Unjoni għal tkabbir intelliġenti, sostenibbli u inklużiv. Għandha tqis ir-riżultati tal-valutazzjoni dwar il-kisbiet tal-objettivi tal-programm Hercule II li għandhom jiġu ppreżentati mill-Kummissjoni sal-31 ta' Diċembru 2014.

Barra minn hekk, sal-31 ta’ Diċembru 2021 il-Kummissjoni għandha tippreżenta rapport lill-Parlament Ewropew u lill-Kunsill dwar il-kisba tal-objettivi tal-programm.

Barra minn hekk, sal-31 ta’ Diċembru 2021 il-Kummissjoni għandha tippreżenta rapport ta' valutazzjoni lill-Parlament Ewropew u lill-Kunsill dwar il-kisbiet tal-objettivi speċifiċi u ġenerali tal-Programm u l-valur miżjud tiegħu u l-impatt tal-attivitajiet jew l-azzjonijiet kollha ffinanzjati skont il-Programm.

L-impatti fuq perjodu ta’ żmien itwal u l-effetti tas-sostenibilità tal-Programm għandhom jiġu valutati bil-għan li jiddaħħlu f’deċiżjoni dwar il-possibilità ta’ tiġdid, modifika jew sospensjoni ta’ Programm sussegwenti.

Barra minn hekk, l-impatti fuq perjodu ta’ żmien itwal u l-effetti tas-sostenibilità tal-Programm għandhom jiġu valutati bil-għan li jiddaħħlu f’deċiżjoni dwar il-possibilità ta’ tiġdid, modifika jew sospensjoni ta’ programm sussegwenti.

Test propost mill-Kummissjoni

Emenda

1. Il-Kummissjoni għandha tieħu miżuri xierqa li jiżguraw li, meta jiġu implimentati azzjonijiet iffinanzjati skont dan ir-Regolament, l-interessi finanzjarji tal-Unjoni Ewropea jiġu protetti bl-applikazzjoni ta' miżuri ta' prevenzjoni kontra l-frodi, il-korruzzjoni u kontra kwalunkwe attivitajiet illegali oħrajn, permezz ta' kontrolli effettivi u, jekk jiġu individwati xi irregolaritajiet, permezz tal-irkupru tal-ammonti mħallsa mhux kif dovut u, meta jkun xieraq, permezz ta' pieni effikaċi, proporzjonati u dissważivi.

1. Il-Kummissjoni għandha tieħu miżuri xierqa li jiżguraw li, meta jiġu implimentati azzjonijiet iffinanzjati skont dan ir-Regolament, l-interessi finanzjarji tal-Unjoni Ewropea jiġu protetti bl-applikazzjoni ta' miżuri ta' prevenzjoni kontra l-frodi, il-korruzzjoni u kontra kwalunkwe attivitajiet illegali oħrajn, permezz ta' kontrolli effettivi u, jekk jiġu individwati xi irregolaritajiet, permezz tal-irkupru tal-ammonti mħallsa mhux kif dovut u, meta jkun xieraq, permezz ta' pieni amministrattivi u finanzjarji effikaċi, proporzjonati u dissważivi.

Test propost mill-Kummissjoni

Emenda

2. Il-Kummissjoni jew ir-rappreżentanti tagħha u l-Qorti tal-Awdituri għandu jkollhom is-setgħa li jwettqu verifika, fuq il-bażi ta' dokumenti u verifiki fuq il-post, tal-benefiċjarji ta' għotjiet, tal-kuntratturi u tas-subkuntratturi kollha li jkunu rċevew fondi tal-Unjoni skont il-Programm.

2. Il-Kummissjoni jew ir-rappreżentanti tagħha u l-Qorti tal-Awdituri għandu jkollhom is-setgħa li jwettqu verifika, fuq il-bażi ta' dokumenti u verifiki fuq il-post, tal-benefiċjarji ta' għotjiet, tal-kuntratturi u tas-subkuntratturi kollha li jkunu rċevew fondi tal-Unjoni skont il-Programm.

L-Uffiċċju Ewropew Kontra l-Frodi (OLAF) jista’ jwettaq kontrolli u spezzjonijiet fuq il-post tal-operaturi ekonomiċi milquta direttament jew indirettament minn finanzjament bħal dan skont il-proċeduri stabbilti fir-Regolament (Euratom, KE) Nru 2185/96 bil-għan li jiġi stabbilit jekk kienx hemm frodi, korruzzjoni jew kwalunkwe attivitajiet illegali oħrajn li jolqtu l-interessi finanzjarji tal-Unjoni Ewropea b'rabta ma' ftehim jew deċiżjoni dwar għotja jew ma’ kuntratt li jirrigwarda l-iffinanzjar mill-Unjoni.

Mingħajr ħsara għall-ewwel u t-tieni sottoparagrafi, il-ftehimiet ta' koperazzjoni ma' pajjiżi terzi u ma' organizazzjonijiet internazzjonali u l-ftehimiet u d-deċiżjonijiet dwar għotjiet u l-kuntratti li jirriżultaw mill-implimentazzjoni ta' dan ir-Regolament għandhom espressament jagħtu lill-Kummissjoni, lill-Qorti tal-Awdituri u lill-OLAF is-setgħa li jwettqu verifiki, kontrolli u spezzjonijiet fuq il-post bħal dawn.

Test propost mill-Kummissjoni

Emenda

2a. L-Uffiċċju Ewropew Kontra l-Frodi (OLAF) jista' jwettaq investigazzjonijiet, inklużi kontrolli u spezzjonijiet fuq il-post skont id-dispożizzjonijiet u l-proċeduri stabbiliti fir-Regolament (KE) Nru 1073/1999 tal-Parlament Ewropew u tal-Kunsill tal-25 ta' Mejju 1999 dwar investigazzjonijiet immexxija mill-Uffiċċju Ewropew Kontra l-Frodi (OLAF)1 u r-Regolament tal-Kunsill (Euratom, KE) Nru 2185/96 tal-11 ta' Novembru 1996 dwar kontrolli u spezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunitajiet Ewropej mill-frodi u irregolaritajiet oħra bil-ħsieb li tistabbilixxi jekk kienx hemm frodi, korruzzjoni jew kwalunkwe attività illegali oħra li taffettwa l-interessi finanzjarji tal-Unjoni b'rabta ma' ftehim jew deċiżjoni ta' għotja jew kuntratt li jikkonċerna finanzjament mill-Unjoni.

___________

1 ĠU L 136, 31.5.1999, p.1.

2 ĠU L 292, 15.11.1996, p. 2.

Test propost mill-Kummissjoni

Emenda

2b. Bla preġudizzju għall-paragrafi 2 u 2a, ftehimiet ta' koperazzjoni ma’ pajjiżi terzi u ma’ organizzazzjonijiet internazzjonali, kuntratti, ftehimiet ta’ għotja u deċiżjonijiet ta' għotja, li jirriżultaw mill-implimentazzjoni ta' dan ir-Regolament għandu jkun fihom b'mod espliċitu dispożizzjonijiet li jagħtu s-setgħa lill-Kummissjoni, lill-Qorti tal-Awdituri u lill-OLAF biex iwettqu tali awditjar u investigazzjonijiet, skont il-kompetenzi rispettivi tagħhom.

Test propost mill-Kummissjoni

Emenda

Article 12a

Eżerċizzju tad-delega

1. Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kondizzjonijiet stabbiliti f’dan l-Artikolu.

2. Is-setgħa ta’ adozzjoni ta’ atti delegati msemmija fl-Artikolu 4(1b) u (2a), it-tieni paragrafu tal-Artikolu 7, l-Artikolu 9(4c) u l-Artikolu 10(1) hija mogħtija lill-Kummissjoni għal perjodu ta' seba' snin minn... *.

3. Id-delega ta’ setgħa msemmija fl-Artikoli 4(1b) u (2a), it-tieni paragrafu tal-Artikolu 7, l-Artikolu 9(4c) u Artikolu 10(1) tista' tiġi rrevokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f'dik id-deċiżjoni. Din għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandhiex taffettwa l-validità ta' kwalunkwe att delegat li jkun diġà fis-seħħ.

4. Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

5. Att delegat adottat skont l-Artikoli 4(1b) u (2a), it-tieni paragrafu tal-Artikolu 7, Artikolu 9(4c) u l-Artikolu 10(1) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien perjodu ta’ xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

_______________

* ĠU: jekk joġgħbok daħħal id-data tad-dħul fis-seħħ ta’ dan ir-Regolament.

Test propost mill-Kummissjoni

Emenda

Anness

imħassar

L-għanijiet operattivi tal-Programm

L-għanijiet operattivi tal-Programm għandhom ikunu dawn li ġejjin:

(1) it-titjib tal-prevenzjoni u tal-investigazzjoni tal-frodi u ta’ attivitajiet illegali oħrajn li jmur lil hinn mil-livelli milħuqa s’issa billi tittejjeb il-koperazzjoni transnazzjonali u multidixxiplinari;

(2) iż-żieda fil-protezzjoni tal-interessi finanzjarji tal-Unjoni kontra l-frodi, il-faċilitazzjoni tal-iskambju ta’ informazzjoni, tal-esperjenzi u tal-aħjar prattiki, inkluż l-iskambju ta' impjegati;

(3) it-tisħiħ tal-ġlieda kontra l-frodi u attivitajiet illegali oħrajn permezz tal-għoti ta’ appoġġ tekniku u operattiv fl-investigazzjoni nazzjonali, u b’mod partikolari lill-awtoritajiet tad-dwana u tal-infurzar tal-liġi;

(4) il-limitazzjoni ta’ kemm l-interessi finanzjarji tal-Unjoni huma esposti għall-frodi, l-korruzzjoni u għal attivitajiet illegali oħrajn, kif imqabbel mal-livell ta’ espożizzjoni attwali, bil-għan li jitnaqqas l-iżivlupp ta’ ekonomija illegali f'żoni prinċipali ta' riskju bħall-frodi organizzata, il-kuntrabandu u l-iffalsifikar, speċjalment tas-sigaretti;

(5) it-titjib tal-grad ta’ żvilupp tal-protezzjoni legali u ġudizzjarja speċifika tal-interessi finanzjarji kontra l-frodi permezz tal-promozzjoni ta’ analiżi ta’ liġi kumparattiva.

Abbozz ta' riżoluzzjoni leġiżlattiva

Emenda

1a. Jirrimarka li l-pakkett finanzjarju speċifikat fil-proposta leġiżlattiva jikkostitwixxi biss indikazzjoni lill-awtorità leġiżlattiva u li ma jistax jiġi stabbilit sakemm jintlaħaq qbil rigward il-proposta għal regolament li jistabbilixxi l-Qafas Finanzjarju Pluriennali għas-snin 2014-2020;

Abbozz ta' riżoluzzjoni leġiżlattiva

Emenda

1b. Ifakkar fir-riżoluzzjoni tiegħu tat-8 ta' Ġunju 2011 dwar "Ninvestu fil-ġejjieni: Qafas Finanzjarju [Pluriennali (QFP)] ġdid għal Ewropa kompetittiva, sostenibbli u inklużiva"1; jisħaq li fil-QFP li jmiss jeħtieġ li jkun hemm biżżejjed riżorsi addizzjonali sabiex l-Unjoni tkun tista’ tissodisfa l-prijoritajiet tal-politika attwali tagħha u l-kompiti l-ġodda previsti fit-Trattat ta’ Lisbona, kif ukoll biex tirreaġixxi għall-avvenimenti mhux previsti; jinnota li anke biż-żieda fil-livell tar-riżorsi għall-QFP li jmiss ta’ mill-anqas 5 % meta mqabbel mal-livell tal-2013, jista’ jingħata biss kontribut limitat għall-ksib tal-għanijiet u l-impenji maqbula tal-Unjoni u l-prinċipju tas-solidarjetà fl-Unjoni; jisfida lill-Kunsill biex, jekk ma jaqbilx ma’ dan l-approċċ, jidentifika b’mod ċar liema prijoritajiet tal-politika jew proġetti tiegħu jistgħu jaqgħu kompletament, minkejja l-valur miżjud Ewropew ippruvat tagħhom;

___________

1 Testi adottati, P7_TA(2011)0266

Test propost mill-Kummissjoni

Emenda

(1) L-Unjoni u l-Istati Membri stabbilixxwew l-għan li jiġġieldu kontra l-frodi, il-korruzzjoni u kontra kull attività illegali oħra li taffettwa l-interessi finanzjarji tal-Unjoni, inkluż il-kuntrabandu tas-sigaretti u l-iffalsifikar. Flimkien mal-Kummissjoni, l-Istati Membri għandhom, b’mod partikolari, jorganizzaw koperazjoni mill-qrib u regolari mal-awtoritajiet kompetenti.

(1) L-Unjoni u l-Istati Membri stabbilixxew l-għan għalihom infushom li jiġġieldu kontra l-frodi, il-korruzzjoni u kontra kull attività illegali oħra li taffettwa l-interessi finanzjarji tal-Unjoni, inkluż il-kuntrabandu u l-iffalsifikar tas-sigaretti. Flimkien mal-Kummissjoni, l-Istati Membri għandhom, b’mod partikolari, jorganizzaw koperazjoni u sinerġiji mill-qrib u regolari mal-awtoritajiet kompetenti sabiex itejbu l-impatt fit-tul tal-infiq u sabiex jevitaw id-duplikazzjoni.

Test propost mill-Kummissjoni

Emenda

(3) Permezz tal-appoġġ għal inzjattivi bħal dawn fil-passat kien possibbli li l-attivitajiet imwettqa mill-Unjoni u mill-Istati Membri jittejbu mil-lat tal-ġlieda kontra l-frodi, il-korruzzjoni u kontra kwalunkwe atti illegali oħrajn li jolqtu l-interessi finanzjarji tal-Unjoni. L-għanijiet tal-programm Hercule intlaħqu b’suċċess kemm fis-snin 2004-2006 kif ukoll fis-snin 2007-2013.

(3) Permezz tal-appoġġ għal inzjattivi bħal dawn fil-passat kien possibbli li l-attivitajiet imwettqa mill-Unjoni u mill-Istati Membri jittejbu mil-lat tal-ġlieda kontra l-frodi, il-korruzzjoni u kontra kwalunkwe atti illegali oħrajn li jolqtu l-interessi finanzjarji tal-Unjoni.

Test propost mill-Kummissjoni

Emenda

(3a) Il-Kummissjoni wettqet rieżami tal-kisbiet tal-programm Hercule II li jirraporta dwar xi ddaħħal fil-programm u x'ħareġ minnu. L-impatt sħiħ tal-programm Hercule II u l-ksib tal-għanijiet tiegħu se jiġu identifikati f'rapport estern u indipendenti sal-31 ta' Diċembru 2014, li r-riżultati tiegħu għandhom jintużaw għall-modifikazzjoni u t-titjib tat-twettiq tal-programm Hercule III.

Test propost mill-Kummissjoni

Emenda

(5) Biex jitkomplew u anki biex jiġu żviluppati l-attivitajiet fil-livell tal-Unjoni u tal-Istati Membri fil-glieda kontra l-frodi, il-korruzzjoni u kontra kwalunkwe attivitajiet illegali oħrajn li jolqtu l-interessi finanzjarji tal-Unjoni, inkluża l-glieda kontra l-kuntrabandu tas-sigaretti u l-iffalsifikar, u b'kunsiderazzjoni tal-isfidi l-ġodda fil-kuntest tal-awsterità baġitarja, jeħtieġ li jiġi adottat programm ġdid.

(5) Biex jitkomplew u anki biex jiġu żviluppati l-attivitajiet fil-livell tal-Unjoni u tal-Istati Membri fil-glieda kontra l-frodi, il-korruzzjoni u kontra kwalunkwe attivitajiet illegali oħrajn li jolqtu l-interessi finanzjarji tal-Unjoni, inkluża l-glieda kontra l-kuntrabandu u l-iffalsifikar tas-sigaretti, u b'kunsiderazzjoni tal-isfidi l-ġodda fil-kuntest tal-awsterità baġitarja, jeħtieġ li jiġi adottat programm ġdid b'indikaturi mtejba tal-prestazzjoni.

Test propost mill-Kummissjoni

Emenda

(9) Il-Kummissjoni għandha tippreżenta rapport interim indipendenti dwar l-implimentazzjoni ta' dan il-Programm lill-Parlament Ewropew u lill-Kunsill, Kif ukoll rapport finali dwar l-ilħuq tal-għanijiet ta’ dan il-programm.

(9) Il-Kummissjoni għandha tippreżenta rapport annwali dwar l-implimentazzjoni ta’ dan il-Programm, rapport interim dwar l-implimentazzjoni ta' dan il-Programm lill-Parlament Ewropew u lill-Kunsill, kif ukoll rapport finali dwar l-ilħuq tal-għanijiet ta’ dan il-programm.

Test propost mill-Kummissjoni

Emenda

Dan l-għan għandu jitkejjel, fost affarijiet oħrajn, permezz tal-ammonti rkuprati wara każijiet ta' frodi li jkunu ġew skoperti permezz ta' azzjonijiet konġunti u operazzjonijiet transkonfinali, taż-żieda fil-perċentwali tal-operazzjonijiet konġunti li jintemmu b'suċċess u ż-żieda fl-għadd ta’ każijiet li jiġu aċċettati mill-awtoritajiet ta’ investigazzjoni kriminali.

Dan l-għan għandu jitkejjel, fost affarijiet oħrajn, permezz tal-ammonti rkuprati wara każijiet ta' frodi li jkunu ġew skoperti permezz ta' azzjonijiet konġunti u operazzjonijiet transkonfinali, taż-żieda fil-perċentwali tal-operazzjonijiet konġunti li jintemmu b'suċċess u ż-żieda fl-għadd ta’ każijiet li jiġu aċċettati mill-awtoritajiet ta’ investigazzjoni kriminali, u taż-żieda fl-iskambju tal-informazzjoni dwar ir-riżultati miksuba bil-materjal tekniku mixtri skont il-Programm.

Test propost mill-Kummissjoni

Emenda

3. Rappreżentanti ta’ pajjiżi li jagħmlu parti mill-proċess ta’ stabbilizzazzjoni u assoċjazzjoni għall-pajjiżi fix-Xlokk tal-Ewropa, għall-Federazzjoni Russa u għal ċerti pajjiżi li magħhom l-Unjoni laħqet ftehim dwar l-għajnuna reċiproka fil-kwistjonijiet marbuta mal-frodi, u r-rappreżentanti ta’ organizzazzjonijiet internazzjonali u ta’ organizzazzjonijiet oħrajn rilevanti, jistgħu jieħdu sehem fl-attivitajiet organizzati fil-Programm kull meta dan ikun utli biex jintlaħqu l-għanijiet imsemmija fl-Artikoli 3 u 4. Dawn ir-rappreżentanti għandhom jintagħżlu skont il-kapaċitajiet, l-esperjenzi u l-għarfien tagħhom rilevanti għall-attivitajiet speċifiċi.

3. Rappreżentanti ta’ pajjiżi li jagħmlu parti mill-proċess ta’ stabbilizzazzjoni u assoċjazzjoni għall-pajjiżi fix-Xlokk tal-Ewropa, għall-Federazzjoni Russa u għal ċerti pajjiżi li magħhom l-Unjoni laħqet ftehim dwar l-għajnuna reċiproka fil-kwistjonijiet marbuta mal-frodi, u r-rappreżentanti ta’ organizzazzjonijiet internazzjonali u ta’ organizzazzjonijiet oħrajn rilevanti, jistgħu jieħdu sehem fl-attivitajiet organizzati fil-Programm kull meta dan ikun utli biex jintlaħqu l-għanijiet imsemmija fl-Artikoli 3 u 4. Il-parteċipazzjoni fil-Programm ta’ dawn ir-rappreżentanti għandha tkun konformi mad-dispożizzjonijiet rilevanti tar-Regolament (UE) Nru xxxx/2012 [tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni].

Test propost mill-Kummissjoni

Emenda

Bl-istess kundizzjonijiet stipulati fil-programm ta’ ħidma annwali msemmi fl-Artikolu 10, il-Programm għandu jipprovdi l-appoġġ finanzjarju fl-azzjonijiet li ġejjin:

Bl-istess kundizzjonijiet stipulati fil-programm ta’ ħidma annwali msemmi fl-Artikolu 10, il-Programm għandu jipprovdi l-appoġġ finanzjarju xieraq fl-azzjonijiet li ġejjin:

Test propost mill-Kummissjoni

Emenda

– żieda fl-iskambju ta’ dejta, l-iżvilupp u l-għoti ta’ għodod tal-IT għall-investigazzjonijiet u għax-xogħol ta’ monitoraġġ tas-servizzi sigrieti.

– żieda fl-iskambju ta’ data, anke bejn l-Istati Membri u l-Kummissjoni, l-iżvilupp u l-għoti ta’ għodod tal-IT għall-investigazzjonijiet, u l-monitoraġġ tas-servizzi sigrieti.

Test propost mill-Kummissjoni

Emenda

(b) L-organizzazzjoni ta’ taħriġ speċjalizzat u ta’ gruppi ta’ ħidma li jiffukaw fuq taħriġ dwar l-analiżi tar-riskju, kif ukoll ta’ konferenzi bl-għan li:

(b) L-organizzazzjoni ta’ taħriġ speċjalizzat immirat u ta’ gruppi ta’ ħidma li jiffukaw fuq taħriġ dwar l-analiżi tar-riskji, kif ukoll, fejn ikun xieraq, ta’ konferenzi bl-għan li:

Test propost mill-Kummissjoni

Emenda

– ikun hemm skambju tal-esperjenzi bejn l-awtoritajiet rilevanti fl-Istati Membri u pajjiżi terzi kif imsemmi fl-Artikolu 6(2), kif ukoll mar-rappreżentanti tal-organizzazzjonijiet internazzjonali kif imsemmi fl-Artikolu 6(3), inklużi s-servizzi speċjalizzati tal-infurzar tal-liġi;

– ikun hemm skambju tal-esperjenzi bejn l-awtoritajiet rilevanti fl-Istati Membri u pajjiżi terzi kif imsemmi fl-Artikolu 6(2), inklużi s-servizzi speċjalizzati tal-infurzar tal-liġi, kif ukoll mar-rappreżentanti tal-organizzazzjonijiet pubbliċi internazzjonali kif imsemmi fl-Artikolu 6(3);

Test propost mill-Kummissjoni

Emenda

– jiġu żviluppati attivitajiet ta’ riċerka ta' livell għoli, inklużi studji;

– jiġu żviluppati attivitajiet ta’ riċerka ta' livell għoli, inklużi studji tad-dritt komparattiv;

Test propost mill-Kummissjoni

Emenda

Il-pakkett finanzjarju għall-implimentazzjoni tal-programm għall-perijodu 2014 sa 2020, għandu jkun ta’ EUR 110 000 000, f’termini ta’ prezzijiet attwali.

Fis-sens tal-punt [17] tal-Ftehim Interistituzzjonali bejn il-Parlament Ewropew, il-Kunsill u l-Kummissjoni ta’ xxx/yyy dwar il-kooperazzjoni f’materji baġitarji u dwar il-ġestjoni finanzjarja tajba, l-ammont ta’ referenza finanzjarja għall-awtorità tal-baġit matul il-proċedura baġitarja annwali f’termini tal-pakkett finanzjarju indikattiv għall-implimentazzjoni tal-programm għall-perjodu 2014 sa 2020, għandu jkun ta’ EUR 110 000 000, f’termini ta’ prezzijiet attwali. L-approprjazzjonijiet annwali għandhom jiġu awtorizzati mill-awtorità tal-baġit.

Test propost mill-Kummissjoni

Emenda

a) għotjiet;

a) għotjiet, inkluż dawk relatati mal-manutenzjoni tal-materjal tekniku mixtri taħt il-Programm;

Test propost mill-Kummissjoni

Emenda

4. Ir-rata ta’ kofinanzjament għall-għotjiet mogħtija skont il-programm m’għandhiex tkun iktar minn 80% tal-ispejjeż eliġibbli. F’każijiet eċċezzjonali u ġġustifikati li huma ddefiniti fil-programm ta’ ħidma annwali msemmi fl-Artikolu 10, ir-rata ta’ kofinanzjament m’għandhiex tkun iktar minn 90% tal-ispejjeż eliġibbli.

4. Ir-rata ta’ kofinanzjament għall-għotjiet mogħtija taħt il-Programm m’għandhiex tkun inqas minn 50 % u m'għandhiex tkun iktar minn 80 % tal-ispejjeż eliġibbli. F’każijiet eċċezzjonali u ġġustifikati kif dovut, meta l-benefiċjarju jkun istitut għar-riċerka u l-edukazzjoni u entità mingħajr skop ta’ qligħ, kif iddefinit fil-programm ta’ ħidma annwali msemmi fl-Artikolu 10, ir-rata ta’ kofinanzjament m’għandhiex tkun iktar minn 90 % tal-ispejjeż eliġibbli.

Ir-rata ta’ kofinanzjament għall-għotjiet mogħtija taħt il-Programm m’għandhiex tkun iktar minn 30 % tal-ispejjeż eliġibbli meta tikkonċerna l-finanzjament tal-manutenzjoni tal-materjal tekniku mixtri skont il-Programm. Fil-każ tal-finanzjament tal-manutenzjoni, id-deċiżjoni dwar l-għotja għandha tkun soġġetta għas-sottomissjoni mill-awtoritajiet nazzjonali lill-Kummissjoni ta’ rapport bid-dettalji dwar l-eżitu, ir-riżultati u l-valur miżjud tal-implimentazzjoni tat-tagħmir tekniku mixtri taħt il-Programm.

Test propost mill-Kummissjoni

Emenda

Sabiex timplimenta l-Programm, il-Kummissjoni se tadotta programmi ta’ ħidma annwali. Dawn il-programmi għandhom jistipulaw l-għanijiet li jridu jintlaħqu, ir-riżultati mistennija u l-metodu ta’ implimentazzjoni u l-ammont totali tagħhom. Huma għandhom jinkludu wkoll deskrizzjoni tal-azzjonijiet li għandhom jiġu ffinanzjati, indikazzjoni tal-ammonti allokati għal kull azzjoni u kalendarju indikattiv tal-implimentazzjoni. Fil-każ tal-għotjiet għandhom jinkludu l-prijoritjiet, il-kriterji essenzjali ta' valutazzjoni u r-rata massima ta' kofinanzjament.

Sabiex timplimenta l-Programm, il-Kummissjoni għandha tadotta programmi ta’ ħidma annwali. Il-programmi ta’ ħidma annwali għandhom jistipulaw l-għanijiet li jridu jintlaħqu, ir-riżultati mistennija u l-metodu ta’ implimentazzjoni u l-ammont totali tagħhom. Il-programmi ta’ ħidma annwali għandhom jispeċifikaw ukoll il-kriterji biex tingħata għotja li tkopri l-manutenzjoni tat-tagħmir tekniku mixtri taħt il-Programm. Huma għandhom jinkludu wkoll deskrizzjoni tal-azzjonijiet li għandhom jiġu ffinanzjati, indikazzjoni tal-ammonti allokati għal kull azzjoni u kalendarju indikattiv tal-implimentazzjoni. Fil-każ tal-għotjiet għandhom jinkludu l-prijoritjiet, il-kriterji essenzjali ta' valutazzjoni u r-rata massima ta' kofinanzjament. Wara l-adozzjoni, dawn il-programmi ta’ ħidma annwali għandhom jintbagħtu lill-Parlament Ewropew u lill-Kunsill.

Test propost mill-Kummissjoni

Emenda

Il-baġit allokat għall-azzjonijiet ta’ komunikazzjoni li għandhom jitwettqu mill-Kummissjoni skont dan ir-Regolament, għandu jkopri wkoll il-komunikazzjonijiet korporattivi tal-prijoritajiet politiċi tal-Unjoni.

L-approprjazzjonijiet baġitarji allokati għall-azzjonijiet ta’ komunikazzjoni li għandhom jitwettqu mill-Kummissjoni skont dan ir-Regolament, għandhom ikopru wkoll il-komunikazzjonijiet korporattivi tal-prijoritajiet politiċi tal-Unjoni safejn dawn ikunu relatati mal-objettivi ġenerali ta’ dan ir-Regolament.