Test propost mill-Kummissjoni

Emenda

Wara li kkunsidra l-opinjoni tal-Kontrollur Ewropew għall-Protezzjoni tad-Dejta1,

______________

1Opinjoni tal-Kontrollur Ewropew għall-Protezzjoni tad-Dejta tat-18 ta' April 2012 dwar il-'Pakkett ta' Dejta Miftuħa' tal-Kummissjoni Ewropea inkluża Proposta għal Direttiva li temenda d-Direttiva 2003/98/KE dwar l-użu mill-ġdid tal-informazzjoni tas-settur pubbliku (PSI).

Test propost mill-Kummissjoni

Emenda

(1a) Id-dejta u l-informazzjoni prodotta mill-gvernijiet tal-Istati Membri, mis-settur pubbliku u l-istituzzjonijiet u l-korpi tal-Unjoni jikkostitwixxu ġabra ta' riżorsi vasta, diversa u prezzjuża li tista' tkun ta' benefiċċju għall-ekonomija tal-għarfien.

Test propost mill-Kummissjoni

Emenda

(2) Il-politiki tad-dejta miftuħa li jinkoraġġixxu d-disponibbiltà wiesgħa u l-użu mill-ġdid mifrux tal-informazzjoni tas-settur pubbliku għal finijiet privati jew kummerċjali, bl-ebda restrizzjoni legali, tekniċi jew finanzjarji jew b'restrizzjonijiet minimi, jistgħu jiżvolġu rwol importanti fit-tqabbid tal-iżvilupp ta’ servizzi ġodda msejsa fuq mezzi ġodda biex tiġi kkombinata u użata l-informazzjoni msemmija. Madankollu, dan ikun jirrikjedi kundizzjonijiet indaqs fuq il-livell tal-Unjoni fir-rigward tad-deċiżjoni dwar l-awtorizzazzjoni tal-użu mill-ġdid ta' dokumenti, u dawn il-kundizzjonijiet indaqs ma jistgħux jinkisbu billi jitħallew f'idejn ir-regoli u l-prattiċi differenti tal-Istati Membri, jew tal-entitajiet pubbliċi kkonċernati.

(2) Il-politiki tad-dejta miftuħa li jinkoraġġixxu d-disponibbiltà wiesgħa u l-użu mill-ġdid mifrux tal-informazzjoni tas-settur pubbliku għal finijiet privati jew kummerċjali, bl-ebda restrizzjoni legali, teknika jew finanzjarja jew b'restrizzjonijiet minimi, u li jippromwovu t-tixrid tal-informazzjoni mhux biss għall-operaturi ekonomiċi iżda wkoll għall-membri tal-pubbliku u l-moviment liberu tal-persuni fi ħdan l-Unjoni, filwaqt li f'kull każ jitqiesu kif jixraq id-drittijiet fundamentali, jistgħu jiżvolġu rwol importanti fit-tqabbid tal-iżvilupp ta’ servizzi ġodda msejsa fuq mezzi ġodda biex tiġi kkombinata u użata l-informazzjoni msemmija, jistimolaw it-tkabbir ekonomiku u jippromwovu l-impenn soċjali. Madankollu, dan ikun jirrikjedi kundizzjonijiet indaqs fuq il-livell tal-Unjoni fir-rigward tad-deċiżjoni dwar l-awtorizzazzjoni tal-użu mill-ġdid ta' dokumenti, u dawn il-kundizzjonijiet indaqs ma jistgħux jinkisbu billi jitħallew f'idejn ir-regoli u l-prattiki differenti tal-Istati Membri, jew tal-entitajiet pubbliċi kkonċernati.

Test propost mill-Kummissjoni

Emenda

(3) L-awtorizzazzjoni tal-użu mill-ġdid tad-dokumenti miżmuma minn entità tas-settur pubbliku żżid il-valur għal min juża mill-ġdid l-informazzjoni, għall-utenti aħħarija u għas-soċjetà b'mod ġenerali, u f'ħafna każijiet, għall-entità pubblika nfisha, billi l-utenti mill-ġdid u l-utenti aħħarija jibagħtu l-kummenti tagħhom bil-għan li min iżomm l-informazzjoni miġbura ikun jista' jtejjeb il-kwalità tagħha.

(3) L-awtorizzazzjoni tal-użu mill-ġdid tad-dejta u d-dokumenti miżmuma minn entità tas-settur pubbliku żżid il-valur għal min juża mill-ġdid l-informazzjoni, għall-utenti aħħarija, għas-soċjetà b'mod ġenerali, u għall-entità pubblika nfisha, billi tippromwovi t-trasparenza u billi l-utenti mill-ġdid u l-utenti aħħarija jibagħtu l-kummenti tagħhom bil-għan li min iżomm l-informazzjoni miġbura jkun jista' jtejjeb il-kwalità tagħha.

Test propost mill-Kummissjoni

Emenda

(6) Id-Direttiva 2003/98/KE ma fihiex obbligu li jiġi awtorizzat l-użu mill-ġdid ta’ dokumenti. Id-deċiżjoni dwar jekk l-użu mill-ġdid jiġix awtorizzat jew le tibqa’ f'idejn l-Istati Membri jew l-entità tas-settur pubbliku kkonċernata. Fl-istess nifs, id-Direttiva tibni fuq regoli nazzjonali dwar l-aċċess għad-dokumenti. Ċerti Stati Membri rabtu espressament id-dritt tal-użu mill-ġdid ma' dan id-dritt ta' aċċess, b'mod li d-dokumenti kollha ġeneralment aċċessibbli jistgħu jintużaw mill-ġdid. Fi Stati Membri oħra, ir-rabta bejn iż-żewġ settijiet ta’ regoli hija inqas ċara, u dan huwa sors ta’ inċertezza.

(6) Id-Direttiva 2003/98/KE ma tiġġustifikax obbligu għall-Istati Membri li jawtorizzaw l-aċċess għad-dokumenti tas-settur pubbliku u l-użu mill-ġdid tagħhom. Id-deċiżjoni dwar jekk l-użu mill-ġdid jiġix awtorizzat jew le tibqa’ f'idejn l-Istati Membri jew l-entità tas-settur pubbliku kkonċernata. Dik id-Direttiva sempliċement tarmonizza l-kundizzjonijiet dwar kif id-dokumenti għandhom ikunu disponibbli għall-użu mill-ġdid. Fl-istess nifs, id-Direttiva tibni fuq regoli nazzjonali dwar l-aċċess għad-dokumenti. Ċerti Stati Membri rabtu espressament id-dritt tal-użu mill-ġdid ma' dan id-dritt ta' aċċess, filwaqt li xi Stati Membri oħra għamlu distinzjoni legali bejn id-dritt għall-użu mill-ġdid u r-regoli nazzjonali dwar l-aċċess għall-informazzjoni u l-libertà ta' informazzjoni.

Test propost mill-Kummissjoni

Emenda

(6a) L-obbligu sabiex id-dokumenti ġeneralment disponibbli kollha jsiru utilizzabbli mill-ġdid u sabiex jingħata permess għall-użu mill-ġdid ta' dokumenti li l-aċċess għalihom mhuwiex ristrett minħabba reġimi tal-aċċess fl-Istati Membri għandu jiġi żgurat fl-ambitu tar-rispett għall-prinċipju tas-sussidjarjetà u l-garanzija tal-protezzjoni tal-privatezza u tad-dejta personali fil-livell tal-Unjoni, b'rispett għal-leġiżlazzjoni tal-Unjoni dwar il-protezzjoni tad-dejta u f'konformità sħiħa magħha, inkluż f'użu mill-ġdid transkonfinali tad-dejta.

Test propost mill-Kummissjoni

Emenda

(6b) Ir-regolamenti nazzjonali dwar l-aċċess għad-dokumenti pubbliċi huma bbażati fuq it-trasparenza u l-libertà tal-informazzjoni. Madankollu f'xi każijiet, dan id-dritt jiġi limitat, pereżempju għal dawk li għandhom interess speċjali f'dawn id-dokumenti jew f'każijiet meta d-dokumenti jkunu jinkludu informazzjoni sensittiva, relatata pereżempju mas-sigurtà nazzjonali jew pubblika.

Test propost mill-Kummissjoni

Emenda

(6c) Id-Direttiva 2003/98/KE ma tistabbilixxix obbligu għall-Istati Membri li jagħmlu materjal analogu disponibbli f'format diġitali jew li jagħmluh aċċessibbli f'format miftuħ. L-entitajiet tas-settur pubbliku jistgħu jiddeċiedu huma stess meta d-dejta ssir diġitali u taħt liema kundizzjonijiet.

Test propost mill-Kummissjoni

Emenda

(6d) Id-Direttiva 2003/98/KE tapplika għal dawk id-dokumenti li l-provvista tagħhom hija parti mill-kompitu pubbliku tal-entitajiet tas-settur pubbliku kkonċernati, kif definit mil-liġi jew minn regoli vinkolanti oħra tal-Istat Membru inkwistjoni. Dan il-kompitu pubbliku għandu jkun jista' jiġi definit għall-entitajiet ikkonċernati jew b'mod ġenerali jew inkella każ b'każ.

Test propost mill-Kummissjoni

Emenda

(7) Għaldaqstant, id-Direttiva 2003/98/KE għandha tistipula l-obbligu ċar li l-Istati Membri joffru d-dokumenti kollha ġeneralment disponibbli għall-użu mill-ġdid tagħhom. Billi dan jikkostitwixxi limitazzjoni tad-drittijiet tal-proprjetà intellettwali tal-awturi tad-dokumenti, l-ambitu ta' tali rabta bejn id-dritt tal-aċċess u d-dritt tal-użu mill-ġdid għandu jitqassar biex ikopru biss dak li hu strettament meħtieġ biex jintlaħqu l-għanijiet imfittxija minn din l-introduzzjoni. F'dan ir-rigward, fid-dawl tal-leġiżlazzjoni tal-Unjoni u tal-obbligi internazzjonali tal-Istati Membri u tal-Unjoni, speċifikament skont il-Konvenzjoni ta' Bern għall-Protezzjoni tax-Xogħlijiet Letterarji u Artistiċi u l-Ftehim dwar l-Aspetti Marbutin mal-Kummerċ tad-Drittijiet tal-Proprjetà Intellettwali (il-Ftehim TRIPS), id-dokumenti li partijiet terzi jżommu drittijiet tal-proprjetà intellettwali fuqhom għandhom jiġu esklużi mill-kamp ta’ applikazzjoni tad-Direttiva 2003/98/KE. Fil-każ li parti terza kienet is-sid inizjali ta’ dokument miżmum minn libreriji (inklużi l-librerija universitarji), mużewijiet jew arkivji, li jkun għadu protett bid-drittijiet tal-proprjetà intellettwali, għall-finijiet ta’ din id-Direttiva, dak id-dokument għandu jitqies li partijiet terzi jżommu drittijiet tal-proprjetà intellettwali fuqu.

(7) Għaldaqstant, id-Direttiva 2003/98/KE għandha tistipula l-obbligu ġenerali għall-Istati Membri, filwaqt li jiġi rrispettat il-prinċipju tas-sussidjarjetà, li jipprevedu li d-dokumenti kollha ġeneralment disponibbli jkunu jistgħu jintużaw mill-ġdid u li d-dokumenti futuri kollha ta' din ix-xorta jkunu ġġenerati bil-ħsieb li jkunu jistgħu jintużaw mill-ġdid. Billi dan jikkostitwixxi limitazzjoni tad-drittijiet tal-proprjetà intellettwali tal-awturi tad-dokumenti, l-ambitu ta' tali rabta bejn id-dritt tal-aċċess u d-dritt tal-użu mill-ġdid għandu jitqassar biex ikopri biss dak li hu strettament meħtieġ biex jintlaħqu l-għanijiet imfittxija minn din l-introduzzjoni. F'dan ir-rigward, fid-dawl tal-leġiżlazzjoni tal-Unjoni u tal-obbligi internazzjonali tal-Istati Membri u tal-Unjoni, speċifikament skont il-Konvenzjoni ta' Bern għall-Protezzjoni tax-Xogħlijiet Letterarji u Artistiċi u l-Ftehim dwar l-Aspetti Marbutin mal-Kummerċ tad-Drittijiet tal-Proprjetà Intellettwali (il-Ftehim TRIPS), id-dokumenti li partijiet terzi jżommu drittijiet tal-proprjetà intellettwali fuqhom għandhom jiġu esklużi mill-kamp ta’ applikazzjoni tad-Direttiva 2003/98/KE. Fil-każ li parti terza kienet is-sid inizjali ta’ dokument miżmum minn libreriji (inklużi l-libreriji universitarji), mużewijiet jew arkivji, li jkun għadu protett bid-drittijiet tal-proprjetà intellettwali, għall-finijiet ta’ din id-Direttiva, dak id-dokument għandu jitqies li partijiet terzi jżommu drittijiet tal-proprjetà intellettwali fuqu.

Test propost mill-Kummissjoni

Emenda

(7a) Id-dokumenti li għalihom id-drittijiet ta' proprjetà intelletwali jkunu skadew u li konsegwentement jidħlu fl-isfera pubblika jikkostitwixxu parti importanti ħafna tal-kollezzjonijiet tal-libreriji, l-arkivji u l-mużewijiet, u għandhom jingħataw prijorità f'kampanji ta’ diġitalizzazzjoni; għaldaqstant ikun opportun li jkun żgurat li tali diġitalizzazzjoni ma tibdilx l-istatus legali tagħhom. L-aċċess għal din id-dejta u l-użu mill-ġdid tagħha għandhom jiġu żgurati sabiex jiġi rispettat id-dritt fundamentali ta' aċċess għall-kultura, l-informazzjoni u l-edukazzjoni.

Test propost mill-Kummissjoni

Emenda

(9a) L-identifikazzjoni, id-diġitalizzazzjoni u l-preżentazzjoni ta’ beni kulturali huma sfidi kbar biex jiġi żgurat l-aċċess ta' kulħadd għall-kultura, l-informazzjoni u l-edukazzjoni. Huwa importanti għalhekk li nagħżlu utilizzazzjoni għaqlija tal-beni kulturali li tiffaċilita l-aċċess tal-pubbliku għall-patrimonju kulturali tagħhom, filwaqt li jitqies il-fatt li l-beni kulturali mhumiex beni ekonomiċi bħall-oħrajn u li għandhom jiġu mħarsa minn kummerċjalizzazzjoni eċċessiva. L-istituzzjonijiet kulturali li huma ttrattati minn din id-Direttiva għandhom jiġu appoġġati mill-awtoritajiet pubbliċi permezz tal-istabbiliment ta' fondi pubbliċi għad-diġitalizzazzjoni u t-tixrid tad-dejta.

Test propost mill-Kummissjoni

Emenda

(10) Il-kamp ta’ applikazzjoni tad-Direttiva titwessa' għal-libreriji (inklużi l-libreriji universitarji), għall-mużewijiet u għall-arkivji. Id-Direttiva ma tapplikax għal istituzzjonijiet kulturali oħrajn, bħal operi, ċentri tal-ballet jew teatri, inklużi l-arkivji li jkunu parti minn dawn l-istituzzjonijiet.

(10) Il-kamp ta’ applikazzjoni tad-Direttiva jitwessa' għal-libreriji (inklużi l-libreriji universitarji), għall-mużewijiet, għall-entitajiet pubbliċi li jmexxu siti arkeoloġiċi u kulturali u għall-arkivji, filwaqt li titħeġġeġ il-'virtwalizzazzjoni' tas-siti storiċi bil-għan li jiġi ssemplifikat l-aċċess għal dan it-tip ta' informazzjoni. Id-Direttiva ma tapplikax għal istituzzjonijiet ta' riċerka jew edukattivi jew għal istituzzjonijiet kulturali oħrajn, bħal operi, ċentri tal-ballet jew teatri, inklużi l-arkivji li jkunu parti minn dawn l-istituzzjonijiet, jew għall-entitajiet ta’ xandir tas-servizz pubbliku.

Test propost mill-Kummissjoni

Emenda

(10a) Peress li l-użu mill-ġdid ta' dokumenti li jinsabu f'libreriji (inklużi l-libreriji universitarji), mużewijiet u arkivji joffri potenzjal soċjali u ekonomiku sostanzjali għall-industriji kulturali u kreattivi, kif ukoll għas-soċjetà permezz tal-estensjoni tal-kollezzjoni tal-Ewropeana, id-diġitalizzazzjoni kontinwa tal-kollezzjonijiet kulturali Ewropej għandha tiġi promossa.

Test propost mill-Kummissjoni

Emenda

(10b) Fir-rigward tad-deskrizzjoni, id-diġitalizzazzjoni u l-preżentazzjoni ta' kollezzjonijiet kulturali, jeżistu diversi arranġamenti ta' kooperazzjoni bejn libreriji (inklużi l-libreriji universitarji), mużewijiet, arkivji u sħab privati li jinvolvu entitajiet tas-settur pubbliku fl-għoti ta' drittijiet esklussivi ta' aċċess u ta' sfruttar kummerċjali lis-sħab ta' kooperazzjoni. Il-prattika wriet li dawn is-sħubiji pubbliċi-privati jistgħu jiffaċilitaw l-użu sinifikanti tal-kollezzjonijiet kulturali u fl-istess waqt iżidu l-aċċess għall-partrimonju kulturali għall-pubbliku. Għaldaqstant id-Direttiva 2003/98/KE m'għandhiex teskludi l-konklużjoni ta' ftehimiet għall-għoti ta' drittijiet esklussivi. Barra minn hekk l-istituzzjonijiet kulturali għandu jkollhom il-libertà li jagħżlu huma stess is-sħab li jixtiequ jikkooperaw magħhom, b'konformità mal-prinċipji tat-trasparenza u tan-nondiskriminazzjoni.

Test propost mill-Kummissjoni

Emenda

(10c) L-istituzzjonijiet u l-korpi tal-Unjoni għandhom jagħtu eżempju fl-użu mill-ġdid tal-informazzjoni tas-settur pubbliku, u b'hekk jittrasformaw il-ġestjoni tal-informazzjoni fis-settur pubbliku, jippromwovu l-aħjar prattiki u jiżviluppaw soluzzjonijiet teknoloġiċi innovattivi.

Test propost mill-Kummissjoni

Emenda

(10d) Ċerta dejta personali li tinsab f’dokumenti tal-arkivji li hija suġġetta għall-projbizzjoni ta' kwalunkwe forma ta' diskriminazzjoni għandha tiġi eskluża mill-kamp ta' applikazzjoni tad-Direttiva 2003/98/KE jew, fil-każ fejn il-leġiżlazzjoni fis-seħħ timponi l-komunikazzjoni tagħha, għandha ssir anonima jew id-dejta li tirrigwarda lill-persuni għandha tiġi mistura qabel ma tintuża.

Test propost mill-Kummissjoni

Emenda

(10e) Id-dejta f'idejn l-istabbilimenti edukattivi u ta' riċerka għandha tibqa' barra l-kamp ta' applikazzjoni tad-Direttiva 2003/98/KE.

Test propost mill-Kummissjoni

Emenda

(11) Biex jiġi ffaċilitat l-użu mill-ġdid tal-PSI, l-entitajiet tas-settur pubbliku għandhom iqiegħdu dokumenti għad-dispożizzjoni permezz ta' formati li jinqraw elettronikament, u flimkiem mal-metadejta tagħhom fejn possibbli u xieraq, f'format li jiżgura l-interoperabbiltà eċċ., billi jipproċessawhom b'mod konsistenti mal-prinċipji tar-rekwiżiti ta’ kompatibbiltà u użabbiltà għall-informazzjoni spazjali skont id-Direttiva 2007/2/KE tal-Parlament Ewropew u tal-Kunsill tal-14 ta' Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (Inspire).

(11) Biex jiġi ffaċilitat l-użu mill-ġdid tal-PSI, l-entitajiet tas-settur pubbliku għandhom iqiegħdu dokumenti għad-dispożizzjoni permezz ta' formati miftuħa u flimkien mal-metadejta tagħhom fejn possibbli u xieraq, f'format li jiżgura l-interoperabbiltà eċċ., billi jipproċessawhom b'mod konsistenti mal-prinċipji tar-rekwiżiti ta’ kompatibbiltà u użabbiltà għall-informazzjoni spazjali skont id-Direttiva 2007/2/KE tal-Parlament Ewropew u tal-Kunsill tal-14 ta' Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (Inspire).

Test propost mill-Kummissjoni

Emenda

(11a) Dokument jitqies li jkun f'format li jinqara elettronikament jekk ikun f'format ta' fajl li jkun strutturat b'mod li l-applikazzjonijiet tas-softwer jistgħu faċilment jidentifikaw, jirrikonoxxu u jisiltu dejta ta' interess minnu. Dejta kkodifikata f'fajls li jkollhom struttura li tista' tinqara elettronikament hija dejta li tista' tinqara elettronikament. Formati li jinqraw elettronikament jistgħu jeżistu bħala standards miftuħa formali jew le. L-Istati Membri, fejn xieraq, għandhom jinkoraġġixxu l-użu ta' formati miftuħa li jinqraw elettronikament.

Test propost mill-Kummissjoni

Emenda

(12) Fejn jiġu imposti tariffi għall-użu mill-ġdid ta’ dokumenti, fil-prinċipju, għandhom ikunu limitati għall-ispejjeż marġinali mġarrba bir-riproduzzjoni u t-tixrid tagħhom, sakemm ma jkunx iġġustifikat mod ieħor skont l-għan, it-trasparenza jew kriterji li jistgħu jiġi vverifikati. Għandha titqies b'mod partikulari l-ħtieġa li ma jitfixkilx il-funzjonament normali ta’ dawk entitajiet tas-settur pubbliku li jkopru parti sostanzjali tal-ispejjeż tal-operat imnissla mill-qadi tal-kompitu pubbliku tagħhom, billi jittellef l-isfruttar tad-drittijiet tagħhom tal-proprjetà intellettwali. Għandu jkun f'idejn l-entità tas-settur pubbliku li tkun qiegħda timponi tariffa għall-użu mill-ġdid tad-dokumenti, li tagħti evidenza li t-tariffi huma msejsa fuq l-ispejjeż, u li tikkonforma ma' limiti rilevanti.

(12) Fejn jiġu imposti tariffi għall-użu mill-ġdid ta’ dokumenti, fil-prinċipju, għandhom ikunu limitati għall-ispejjeż marġinali mġarrba bir-riproduzzjoni, il-forniment u l-ifformattjar, filwaqt li jkunu żgurati l-interoperabilità u t-tixrid tagħhom, sakemm ma jkunx iġġustifikat mod ieħor skont l-għan, it-trasparenza jew kriterji li jistgħu jiġi vverifikati. Madankollu, għandha titqies b'mod partikulari l-ħtieġa li ma jitfixkilx il-funzjonament normali ta’ dawk l-entitajiet tas-settur pubbliku li huma mitluba jkopru parti sostanzjali tal-ispejjeż tal-operat tagħhom imnissla mill-qadi tal-kompitu pubbliku tagħhom kif ukoll l-ispejjeż normali tal-ġestjoni ta' libreriji, mużewijiet u arkivji. Dawk l-entitajiet tas-settur pubbliku għandu jingħatalhom permess jimponu tariffi aktar għoljin għall-użu mill-ġdid. Dawn it-tariffi lil hinn minn spejjeż marġinali għandhom ikunu stabbiliti skont kriterji oġġettivi, trasparenti u verifikabbli u d-dħul totali mill-provvista u l-permess tal-użu mill-ġdid ta' dokumenti m'għandux jisboq in-nefqa tal-produzzjoni, ir-riproduzzjoni u t-tixrid, flimkien ma' redditu raġonevoli fuq l-investiment. Għandu jkun f'idejn l-entità tas-settur pubbliku li tkun qiegħda timponi tariffa għall-użu mill-ġdid tad-dokumenti, li tagħti evidenza li t-tariffi huma msejsa fuq l-ispejjeż, u li tikkonforma ma' kriterji rilevanti.

Test propost mill-Kummissjoni

Emenda

(13) B'rabta ma' kwalunkwe użu mill-ġdid li jsir mid-dokument, fejn ikun vjabbli, l-entitajiet tas-settur pubbliku jistgħu jimponu kundizzjonijiet fuq l-utent mill-ġdid, pereżempju r-rikonoxximent tas-sors. Fi kwalunkwe każ, kull liċenzja għall-użu mill-ġdid tal-informazzjoni tas-settur pubbliku għandha tqiegħed l-inqas restrizzjonijiet possibbli fuq l-użu mill-ġdid tal-PSI. Il-liċenzji miftuħin disponibbli fuq l-internet, li jagħtu drittijiet usa' tal-użu mill-ġdid mingħajr restrizzjonijiet teknoloġiċi, finanzjarji jew ġeografiċi, u li jistrieħu fuq formati ta’ dejta miftuħin, jistgħu jiżvolġu rwol importanti wkoll f'dan ir-rigward. Għaldaqstant, l-Istati Membri għandhom iħeġġu l-użu tal-liċenzji ta' governanza miftuħa.

(13) B'rabta ma' kwalunkwe użu mill-ġdid li jsir mid-dokument, fejn ikun vijabbli, l-entitajiet tas-settur pubbliku jistgħu jimponu kundizzjonijiet fuq l-utent mill-ġdid, pereżempju r-rikonoxximent tas-sors. Fi kwalunkwe każ, kull liċenzja għall-użu mill-ġdid tal-informazzjoni tas-settur pubbliku għandha tqiegħed l-inqas restrizzjonijiet possibbli fuq l-użu mill-ġdid tal-PSI, preferibbilment tillimitahom għal indikazzjoni tas-sors. Il-liċenzji miftuħin disponibbli fuq l-internet, li jagħtu drittijiet usa' tal-użu mill-ġdid mingħajr restrizzjonijiet teknoloġiċi, finanzjarji jew ġeografiċi, u li jistrieħu fuq formati ta’ dejta miftuħin, għandhom jiżvolġu rwol importanti f'dan ir-rigward. Għaldaqstant, l-Istati Membri għandhom iħeġġu l-użu tal-liċenzji miftuħa li biż-żmien għandhom ikunu standardizzati fl-Unjoni kollha.

Test propost mill-Kummissjoni

Emenda

(14) L-implimentazzjoni tajba ta’ wħud mill-elementi ta’ din id-Direttiva, ngħidu aħna l-mezzi ta’ rikors, il-konformità mal-prinċipji tat-tariffar, u l-obbligi ta' rappurtar, jeħtieġu monitoraġġ minn awtoritajiet indipendenti b'kompetenza fl-użu mill-ġdid tal-informazzjoni tas-settur pubbliku. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

(14) L-implimentazzjoni tajba ta’ wħud mill-elementi ta’ din id-Direttiva, ngħidu aħna l-mezzi ta’ rikors, il-konformità mal-prinċipji tat-tariffar, u l-obbligi ta' rappurtar, jeħtieġu rieżami minn awtoritajiet b'kompetenza fl-użu mill-ġdid tal-informazzjoni tas-settur pubbliku. L-Istati Membri għandhom responsabilità li jaħtru awtoritajiet nazzjonali responsabbli xierqa għal dan ir-rieżami. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

Test propost mill-Kummissjoni

Emenda

(15) Billi l-għan ta’ din id-Direttiva, speċifikament l-iffaċilitar tal-ħolqien ta’ prodotti u servizzi ta’ informazzjoni bbażati fuq dokumenti tas-settur pubbliku, l-iżgurar tal-użu transkonfinali effiċjenti tad-dokumenti tas-settur pubbliku mill-kumpaniji privati għal prodotti u servizzi ta' informazzjoni b'valur miżjud, u l-limitazzjoni tat-tagħwiġ tal-kompetizzjoni fis-suq tal-Unjoni, ma jistax jintlaħaq kif xieraq mill-Istati Membri u, għaldaqstant, u fid-dawl tal-ambitu intrinsikament pan-Ewropew tal-azzjoni proposta, jista' jintlaħaq aħjar fuq il-livell tal-Unjoni, l-Unjoni tista' tadotta miżuri skont il-prinċipju tas-sussidjarjetà kif stipulata fl-Artikolu 5 tat-Trattat dwar il-Funzjonament tal-Unjoni Ewropea. Skont il-prinċipju tal-proporzjonalità kif stipulat fl-istess Artikolu, din id-Direttiva ma tmurx lil hinn minn dak li huwa meħtieġ biex jinkisbu dawk il-miri.

(15) Billi l-għan ta’ din id-Direttiva, speċifikament l-iffaċilitar tal-ħolqien ta’ prodotti u servizzi ta’ informazzjoni bbażati fuq dokumenti tas-settur pubbliku, l-iżgurar tal-użu transkonfinali effiċjenti tad-dokumenti tas-settur pubbliku minn naħa waħda mill-kumpaniji privati, b'enfasi fuq l-impriżi żgħar u medji, għal prodotti u servizzi ta' informazzjoni b'valur miżjud, u min-naħa l-oħra miċ-ċittadini sabiex jiġi ffaċilitat it-tixrid liberu tal-informazzjoni u tal-komunikazzjoni, ma jistax jintlaħaq kif xieraq mill-Istati Membri u, għaldaqstant, u fid-dawl tal-ambitu intrinsikament pan-Ewropew tal-azzjoni proposta, jista' jintlaħaq aħjar fuq il-livell tal-Unjoni, l-Unjoni tista' tadotta miżuri skont il-prinċipju tas-sussidjarjetà kif stipulata fl-Artikolu 5 tat-Trattat dwar il-Funzjonament tal-Unjoni Ewropea. Skont il-prinċipju tal-proporzjonalità kif stipulat fl-istess Artikolu, din id-Direttiva ma tmurx lil hinn minn dak li huwa meħtieġ biex jinkisbu dawk il-miri.

Test propost mill-Kummissjoni

Emenda

(16) Din id-Direttiva tirrispetta d-drittijiet fundamentali u tosserva l-prinċipji rikoxxonuti partikularment mill-Karta tad-Drittijiet Fundamentali tal-Unjoni Ewropea, inkluż id-dritt għall-proprjetà (l-Artikolu 17). Xejn f'din id-Direttiva ma għandu jiġi interpretat jew implimentat b'mod li jkun inkonsistenti mal-Konvenzjoni Ewropea tad-Drittijiet tal-Bniedem.

(16) Din id-Direttiva tirrispetta d-drittijiet fundamentali u tosserva l-prinċipji rikonoxxuti partikularment mill-Karta tad-Drittijiet Fundamentali tal-Unjoni Ewropea, inklużi d-dritt għall-protezzjoni tad-dejta personali fl-aspetti kollha tal-ħajja (Artikolu 8) u d-dritt għall-proprjetà (l-Artikolu 17). Xejn f'din id-Direttiva ma għandu jiġi interpretat jew implimentat b'mod li jkun inkonsistenti mal-Konvenzjoni Ewropea tad-Drittijiet tal-Bniedem.

Test propost mill-Kummissjoni

Emenda

(17) Jeħtieġ li jiġi żgurat li l-Istati Membri (ara l-premessa 19) jirrappurtaw lill-Kummissjoni rigward l-ammont ta' użu mill-ġdid li jsir mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-awtorità indipendenti. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

(17) Jeħtieġ li jiġi żgurat li l-Istati Membri (ara l-premessa 19) jirrappurtaw lill-Kummissjoni rigward l-ammont ta' użu mill-ġdid li jsir mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-entità imparzjali kompetenti sabiex timmonitorja l-użu mill-ġdid tal-informazzjoni tas-settur pubbliku. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-entitajiet imparzjali, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

Test propost mill-Kummissjoni

Emenda

(18) Il-Kummissjoni għandha tgħin lill-Istati Membri jimplimentaw id-Direttiva b'mod konsistenti billi tkun ta' gwida, partikularment fejn jidħlu t-tariffi u l-kalkolu tal-ispejjeż, il-kundizzjonijiet rakkomandati tal-liċenzjar, u l-formati tad-dejta, wara li tkun ikkonsultata mal-partijiet interessati.

(18) Il-Kummissjoni għandha tgħin lill-Istati Membri jimplimentaw id-Direttiva b'mod konsistenti billi tagħmel proposti u tagħti gwida mhux vinkolanti, partikularment fejn jidħlu t-tariffi u l-kalkolu tal-ispejjeż, il-kundizzjonijiet rakkomandati tal-liċenzjar, u l-formati tad-dejta, wara li tkun ikkonsultat mal-partijiet interessati. Għaldaqstant, l-iskambju transkonfinali tal-aħjar prattiki u tal-għarfien bejn il-partijiet interessati, il-korpi pubbliċi u r-regolaturi għandu jkun promoss mill-Kummissjoni u mill-Istati Membri.

Test propost mill-Kummissjoni

Emenda

(1a) Fil-paragrafu 2, il-punt (b) huwa sostitwit b'dan li ġej:

"(b) dokumenti li għalihom partijiet terzi jkollhom drittijiet tal-proprjetà intellettwali, inklużi dokumenti li jinżammu minn liberija universitarja li fil-konfront tagħhom l-università għandha drittijiet ta' proprjetà intellettwali;".

Test propost mill-Kummissjoni

Emenda

(1b) Fil-paragrafu 2, il-punt (c) huwa sostitwit b'dan li ġej:

“(c) dokumenti li huma esklużi mill-aċċess minħabba r-reġimi ta’ aċċess fl-Istati Membri, inkluż minħabba raġunijiet ta’:

- protezzjoni tas-sigurtà nazzjonali (jiġifieri s-sigurtà tal-Istat), id-difiża jew is-sigurtà pubblika,

- kunfidenzjalità tal-istatistika jew dik kummerċjali;

- protezzjoni tal-privatezza u tad-dejta personali;''.

Test propost mill-Kummissjoni

Emenda

‘(e) "(e) id-dokumenti miżmuma minn stabbilimenti tat-tagħlim jew tar-riċerka, bħal faċilitajiet għar-riċerka, inklużi, fejn relevanti, organizzazzjonijiet imwaqqfa għat-trasferiment ta' riżultati tar-riċerka, skejjel u universitajiet (għajr il-libreriji universitarji fir-rigward ta' dokumenti li ma jkunux ta' riċerka u protetti minn drittijiet tal-proprjetà intellettwali ta' partijiet terzi) u;"

“(e) id-dokumenti miżmuma minn stabbilimenti tat-tagħlim jew tar-riċerka, inklużi organizzazzjonijiet imwaqqfa għat-trasferiment ta' riżultati tar-riċerka, skejjel u universitajiet (għajr il-libreriji universitarji fir-rigward ta' dokumenti li ma jkunux ta' riċerka u protetti minn drittijiet tal-proprjetà intellettwali ta' partijiet terzi) u;"

Test propost mill-Kummissjoni

Emenda

(2a) Fil-paragrafu 2, il-punt li ġej jiddaħħal wara l-punt (e):

"(ea) dokumenti miżmuma minn arkivji, mużewijiet jew libreriji (inklużi l-libreriji universitarji) ta' natura reliġjuża partikolarment sensittiva jew li jinvolvu għarfien tradizzjonali;"

Test propost mill-Kummissjoni

Emenda

(3a) Il-paragrafu 3 huwa sostitwit b'dan li ġej:

“3. Din id-Direttiva tibbaża fuq ir-reġimi ta’ aċċess fl-Istati Membri u hija mingħajr preġudizzju għalihom.''

Test propost mill-Kummissjoni

Emenda

(5a) Il-paragrafu li ġej jiżdied wara l-paragrafu 5:

"5a. L-entitajiet pubbliċi għandhom jiżguraw li l-aċċess u l-użu mill-ġdid ta' informazzjoni tas-settur pubbliku jikkonformaw mal-leġiżlazzjoni dwar il-protezzjoni tad-dejta tal-Unjoni."

Test propost mill-Kummissjoni

Emenda

(6) "li jinqara elettronikament" tfisser li dokumenti diġitali jkunu strutturati b'mod xieraq biex applikazzjonijiet tas-softwer ikunu jistgħu jidentifikaw b'mod affidabbli dikjarazzjonijiet individwali ta’ fatt u l-istruttura interna tagħhom."

(6) "li jinqara elettronikament" tfisser li dokumenti diġitali jkunu strutturati b'mod li applikazzjonijiet tas-softwer ikunu jistgħu, f'format miftuħ, jidentifikaw, jirrikonoxxu u jiksbu faċilment u b'mod affidabbli dikjarazzjonijiet individwali ta’ fatt u l-istruttura interna tagħhom."

Test propost mill-Kummissjoni

Emenda

2a. Il-paragrafu li ġej jiżdied mal-Artikolu 2:

"6a. 'anonimità' tfisser it-twettiq tal-proċeduri neċessarji sabiex dejta personali titħassar, tiġi mistura jew ma tkunx tista' tinqara.''

Test propost mill-Kummissjoni

Emenda

2b. Il-paragrafu li ġej jiżdied mal-Artikolu 2:

"6b. "standard formali" tfisser standard li ġie kkodifikat f'forma miktuba, b'dettalji speċifiċi għar-rekwiżiti dwar kif is-softwer isir interoperabbli għall-ġestjoni tal-fajls.".

Test propost mill-Kummissjoni

Emenda

2c. Il-paragrafu li ġej jiżdied mal-Artikolu 2:

"6c. ''format miftuħ'' tfisser format li jkun indipendenti minn pjattaforma, jinqara elettronikament u disponibbli għall-pubbliku mingħajr restrizzjonijiet legali, tekniċi jew finanzjarji li jimpedixxu l-użu mill-ġdid ta' dik l-informazzjoni''.

Test propost mill-Kummissjoni

Emenda

(1) Soġġett għall-paragrafu (2), l-Istati Membri għandhom jiżguraw li d-dokumenti msemmija fl-Artikolu 1 ikunu jistgħu jintużaw mill-ġdid għal finijiet kummerċjali u mhux kummerċjali, skont il-kundizzjonijiet stipulati fil-Kapitoli III u IV.

(1) Soġġett għall-paragrafu (2), l-Istati Membri għandhom jiżguraw li d-dokumenti tal-entitajiet tas-settur pubbliku msemmija fl-Artikolu 1 ikunu jistgħu jintużaw mill-ġdid għal finijiet kummerċjali u mhux kummerċjali, skont il-kundizzjonijiet stipulati fil-Kapitoli III u IV, bil-kundizzjoni li skont ir-regolamenti eżistenti tal-Istati Membri dwar l-aċċess għall-informazzjoni tas-settur pubbliku, dawn huma dokumenti kklassifikati bħala aċċessibbli. Fejn possibbli, dawn id-dokumenti għandhom jinxterdu f'format miftuħ li jinqara elettronikament.

Test propost mill-Kummissjoni

Emenda

(2) Għad-dokumenti li l-libreriji (inklużi l-libreriji universitarji), il-mużewijiet u l-arkivji jkollhom id-drittjiet tal-proprjetà intellettwali tagħhom, l-Istati Membri għandhom jiżguraw li, fejn ikun permess l-użu mill-ġdid tad-dokumenti, id-dokumenti jkunu jistgħu jintużaw għal finijiet kummerċjali u mhux kummerċjali, skont il-kundizzjonijiet stipulati fil-Kapitoli III u IV.

(2) Għad-dokumenti li l-libreriji (inklużi l-libreriji universitarji), il-mużewijiet u l-arkivji jkollhom id-drittijiet tal-proprjetà intellettwali tagħhom, l-Istati Membri għandhom jiżguraw li, fejn ikun permess l-użu mill-ġdid tad-dokumenti, id-dokumenti jkunu jistgħu jintużaw għal finijiet kummerċjali u mhux kummerċjali, skont il-kundizzjonijiet stipulati fil-Kapitoli III u IV, bil-kundizzjoni li skont ir-regolamenti eżistenti tal-Istati Membri dwar l-aċċess għall-informazzjoni tas-settur pubbliku, dawn huma dokumenti kklassifikati bħala aċċessibbli. Fejn possibbli, dawn id-dokumenti għandhom jinxterdu f'format miftuħ.

Test propost mill-Kummissjoni

Emenda

(-1) Il-paragrafu 1 huwa sostitwit b'dan li ġej:

"(1) L-entitajiet tas-settur pubbliku għandhom jipproċessaw it-talbiet għall-użu mill-ġdid permezz ta' mezzi elettroniċi. Huma għandhom jagħmlu, permezz ta' mezzi elettroniċi, fejn ikun possibbli u xieraq, id-dokument disponibbli għall-użu mill-ġdid lill-applikant jew, jekk tinħtieġ liċenzja, jiffinalizzaw l-offerta tal-liċenzja lill-applikant fi żmien raġonevoli li huwa konsistenti mal-perjodi ta' żmien stabbiliti għall-ipproċessar tat-talbiet għall-aċċess għad-dokumenti.

Test propost mill-Kummissjoni

Emenda

(2) Fi tmiem il-paragrafu 4, tiżdied is-sentenza li ġejja:

(2) Fi tmiem il-paragrafu 4, tiżdied is-sentenza li ġejja:

"Il-miżuri ta’ rikors għandhom jinkludu l-possibbiltà ta’ reviżjoni minn awtorità indipendenti li tingħata setgħat regolatorji speċifiċi fir-rigward tal-użu mill-ġdid tal-informazzjoni tas-settur pubbliku, u li d-deċiżjonijiet tagħha jkunu vinkolanti għall-entità tas-settur pubbliku kkonċernata."

"Il-miżuri ta’ rikors għandhom jinkludu l-possibbiltà ta’ reviżjoni mill-entità imparzjali rispettiva fl-Istat Membru li tirregola l-użu mill-ġdid tal-informazzjoni tas-settur pubbliku, u li d-deċiżjonijiet tagħha jkunu vinkolanti għall-entità tas-settur pubbliku kkonċernata."

Test propost mill-Kummissjoni

Emenda

(2a) Il-paragrafu li ġej jiżdied mal-Artikolu 4:

(5a) Din id-Direttiva hija konformi bis-sħiħ mal-liġi applikabbli dwar il-protezzjoni tad-dejta. Jekk dejta pubblika li ssir disponibbli għall-użu mill-ġdid tikkonċerna dejta personali, għandhom ikunu speċifikati l-kundizzjonijiet u s-salvagwardji speċifiċi għall-protezzjoni tad-dejta li skonthom se jkun permissibbli l-użu mill-ġdid, jekk prattikabbli permezz ta' liċenzja. Dik il-valutazzjoni għandha tiżgura li jkun hemm bażi legali adegwata għat-trasferiment u l-użu mill-ġdid tad-dejta skont il-liġi nazzjonali, li l-użu mill-ġdid ikun disponibbli biss għal għan kompatibbli u li l-applikanti u l-utenti sussegwenti jintalbu jikkonformaw mad-dispożizzjonijiet l-oħra kollha tal-liġi applikabbli dwar il-protezzjoni tad-dejta. Il-Kummissjoni għandha tissorvelja mill-qrib l-implimentazzjoni ta' din id-Direttiva sabiex din ma tiksirx il-leġiżlazzjoni tal-Unjoni għall-protezzjoni tad-dejta.

Test propost mill-Kummissjoni

Emenda

(1) Fil-paragrafu 1, il-kliem "b'mod elettroniku" jinbidel bil-kliem "f'format li jinqara elettronikament, flimkien mal-metadejta korrispondenti.".

(1) Il-paragrafu 1 huwa sostiwit b'dan li ġej:

"(1) L-entitajiet tas-settur pubbliku għandhom jagħmlu d-dokumenti tagħhom disponibbli fi kwalunkwe format jew lingwa eżistenti qabel u, fejn possibbli u xieraq, f'format miftuħ li jinqara elettronikament, flimkien mal-metadejta korrispondenti, li t-tnejn għandhom kemm jista' jkun jikkonformaw ma' standards formali u miftuħa. Id-dokumenti li jinħolqu wara d-dħul fis-seħħ ta' din id-Direttiva għandhom fil-prinċipju jsiru disponibbli f'format li jinqara elettronikament. Dan m'għandux jimplika obbligu għal adattament fil-każ fejn l-adattament ta' dokumenti eżistenti, inkluż il-forniment ta' estratti, ikun jinvolvi sforz sproporzjonat, skont kriterji trasparenti, oġġettivi u verifikabbli.''.

Test propost mill-Kummissjoni

Emenda

1. Fejn jiġu imposti tariffi għall-użu mill-ġdid tad-dokumenti, l-ammont totali impost mill-entitajiet tas-settur pubbliku għandu jkun limitat għall-ispejjeż marġinali mġarrba bir-riproduzzjoni u t-tixrid."

1. Fejn jiġu imposti tariffi għall-użu mill-ġdid tad-dokumenti, l-ammont totali impost mill-entitajiet tas-settur pubbliku għandu jkun limitat għall-ispejjeż marġinali mġarrba bir-riproduzzjoni, il-forniment u t-tixrid."

Test propost mill-Kummissjoni

Emenda

2. F'każijiet eċċezzjonali, partikularment fejn l-entitajiet tas-settur pubbliku jiġġeneraw parti sostanzjali mill-ispejjeż tal-operat tagħhom, marbutin mal-qadi tal-kompiti ta’ servizz pubbliku tagħhom, mill-isfruttar tad-drittijiet tal-proprjetà intellettwali tagħhom, l-entitajiet tas-settur pubbliku jistgħu jitħallew jimponu tariffi għall-użu mill-ġdid tad-dokumenti 'l fuq mill-ispejjeż marġinali, skont l-għan, it-trasparenza u kriterji verifikabbli, sakemm dan ikun fl-interess pubbliku u soġġett għall-approvazzjoni tal-entità imparzjali msemmija fl-Artikolu 4(4), u mingħajr ħsara għall-paragrafi 3 u 4 ta' dan l-Artikolu.

2. Il-paragrafu 1 ma għandux japplika għal dawn li ġejjin:

(a) entitajiet tas-settur pubbliku li huma mitluba jiġġeneraw dħul biex ikopru parti sostanzjali mill-ispejjeż tal-produzzjoni, ir-riproduzzjoni u t-tixrid tad-dokumenti;

(b) libreriji (inklużi l-libreriji universitarji), mużewijiet u arkivji.

Dawn l-eċċezzjonijiet jistgħu jsiru bil-kundizzjoni li dan isir fl-interess pubbliku u skont kriterji oġġettivi, trasparenti u verifikabbli, u mingħajr preġudizzju għall-paragrafu 4 ta' dan l-Artikolu.

3. Minkejja l-paragrafi 1 u 2, il-libreriji (inklużi l-libreriji universitarji), il-mużewijiet u l-arkivji jistgħu jimponu tariffi 'l fuq mill-ispejjeż marġinali għall-użu mill-ġdid tad-dokumenti li jaħżnu."

3. It-tariffi imposti lil hinn mill-ispejjeż marġinali tal-entitajiet imsemmija fil-punti (a) u (b) tal-paragrafu 2 huma suġġetti għal rieżami min-naħa ta' entità imparzjali kif imsemmi fl-Artikolu4(4).

Test propost mill-Kummissjoni

Emenda

(2a) Il-paragrafu li ġej jiżdied mal-Artikolu 6:

"4a. L-Istati Membri għandhom jaħtru l-entità jew l-entitajiet xierqa, għajr l-entità tas-settur pubbliku nnifisha, kompetenti sabiex jistabbilixxu l-kriterji għall-ħlasijiet 'il fuq mill-ispejjeż marġinali kif stabbilit fil-paragrafu 4.".

Test propost mill-Kummissjoni

Emenda

(3) Jiddaħħal il-paragrafu 5 ġdid:

imħassar

"Jibqa' f'idejn l-entità tas-settur pubbliku li tkun qiegħda timponi tariffi għall-użu mill-ġdid, li tagħti evidenza li t-tariffi jikkonformaw ma' dan l-Artikolu."

Test propost mill-Kummissjoni

Emenda

(7) Fl-Artikolu 7 (It-trasparenza), jiddaħħal il-kliem "'l fuq mill-ispejjeż marġinali jew" wara l-kliem "il-kalkolu tat-tariffi".

(7) Fl-Artikolu 7, it-tielet sentenza hija sostitwita b'dan li ġej:

''Is-settur pubbliku inkwistjoni għandu jindika wkoll liema fatturi għandhom jiġu kkunsidrati fil-kalkolu tat-tariffi kif imsemmi fl-Artikolu 6.".

Test propost mill-Kummissjoni

Emenda

"L-entitajiet tas-settur pubbliku jistgħu jippermettu l-użu mill-ġdid mingħajr kundizzjonijiet, jew jistgħu jimponi kundizzjonijiet, bħall-indikazzjoni tas-sors, fejn xieraq permezz ta’ liċenzja. Dawn il-kundizzjonijiet ma għandhomx jirrestrinġu bla bżonn il-possibbiltajiet għall-użu mill-ġdid, u ma għandhomx jintużaw biex jirrestrinġu l-kompetizzjoni.".

"1. L-entitajiet tas-settur pubbliku jistgħu jippermettu l-użu mill-ġdid ta’ dokumenti mingħajr kundizzjonijiet, jew jistgħu jimponu kundizzjonijiet, fejn xieraq permezz ta’ liċenzja li tittratta kwistjonijiet rilevanti. Dawn il-kondizzjonijiet ma għandhomx jirrestrinġu għal xejn il-possibbiltajiet għall-użu mill-ġdid u ma għandhomx jintużaw biex jirrestrinġu l-kompetizzjoni.

Test propost mill-Kummissjoni

Emenda

L-Istati Membri għandhom jiżguraw li jkunu implimentati arranġamenti prattiċi li jiffaċilitaw it-tiftix, b'ilsna differenti, għad-dokumenti disponibbli għall-użu mill-ġdid, bħal listi ta’ dokumenti ewlenin bil-metadejta rilevanti, preferibbilment aċċessibbli fuq l-internet u f'format li jinqara elettronikament, u siti u portali li jkollhom ħolqa għal listi deċentralizzati ta’ assi."

L-Istati Membri għandhom jagħmlu arranġamenti prattiċi li jiffaċilitaw it-tiftix, b'ilsna differenti, għad-dokumenti disponibbli għall-użu mill-ġdid, bħal listi ta’ dokumenti ewlenin bil-metadejta rilevanti, preferibbilment aċċessibbli fuq l-internet u f'format miftuħ u li jinqara elettronikament, u siti u portali li jkollhom ħolqa għal listi deċentralizzati ta’ assi.

Dan m'għandux jimplika xi obbligu għall-korpi tas-settur pubbliku li joħolqu jew jadattaw dokumenti sabiex jikkonformaw mat-talba, u lanqas ma għandu jimplika xi obbligu li jiġu pprovduti estratti minn dokumenti fejn dan ikun jinvolvi sforz sproporzjonat, li jmur lil hinn minn operazzjoni sempliċi.

Test propost mill-Kummissjoni

Emenda

9a. Qed jiddaħħal l-Artikolu li ġej:

"Artikolu 9a

Sabiex tikkontribwixxi lejn implimentazzjoni konsistenti ta' dan l-Artikolu, il-Kummissjoni tista' tadotta linji gwida b'lista ta' ġabriet tad-dejta rakkomandati u disponibbli għall-użu mill-ġdid."

Test propost mill-Kummissjoni

Emenda

9b. L-Artikolu 11(2) huwa sostitwit b'dan li ġej:

"2. Iżda, fejn dritt esklussiv ikun meħtieġ għall-provvista ta’ servizz fl-interess pubbliku, il-validità tal-arranġament għal drittijiet esklussivi għandha tkun suġġetta għal reviżjoni regolari mill-awtorità msemmija f'Artikolu 4(4), u għandha, f’kull każ, tiġi riveduta kull tlett snin. L-arranġamenti esklussivi stabbiliti wara d-dħul fis-seħħ ta’ din id-Direttiva għandhom ikunu trasparenti u magħmula pubbliċi min-naħa tal-entitajiet tas-settur pubbliku kkonċernati.''

Test propost mill-Kummissjoni

Emenda

9c. Il-paragrafu li ġej jiżdied mal-Artikolu 11:

"2a. Fil-każ fejn sabiex riżorsi kulturali jsiru diġitali huwa meħtieġ dritt esklussiv li jagħti kundizzjonijiet għal sfruttament kummerċjali preferenzjali, tali sfruttament preferenzjali m'għandux jaqbeż seba' snin b'mod ġenerali. Dawn l-arranġamenti esklussivi stabbiliti wara d-dħul fis-seħħ ta’ din id-Direttiva għandhom ikunu trasparenti u magħmula pubbliċi. Fil-każ fejn sabiex riżorsi kulturali jsiru diġitali huwa meħtieġ dritt esklussiv li jagħti sfruttament kummerċjali preferenzjali, l-entità tas-settur pubbliku kkonċernata għandha tingħata kopja mingħajr ħlas tar-riżorsi kulturali diġitalizzati bħala parti minn dak il-ftehim. Irrispettivament minn kull kundizzjoni kuntrattwali li tmur kontra dan, sa tmiem il-perjodu ta' esklussività kull kopja diġitali għandha ssir disponibbli mill-istituzzjoni kulturali għall-użu mill-ġdid min-naħa tal-pubbliku.''.

Test propost mill-Kummissjoni

Emenda

(10) Fl-Artikolu 11 (il-projbizzjoni tal-arranġamenti esklussivi), tiżdied is-sentenza li ġejja fi tmiem il-paragrafu 3:

(10) Fl-Artikolu 11 (il-projbizzjoni tal-arranġamenti esklussivi), tiżdied is-sentenza li ġejja fi tmiem il-paragrafu 3:

"Madankollu, arranġamenti ta’ dan it-tip li jinvolvu l-istabbilimenti kulturali u l-libreriji tal-università għandhom jintemmu fi tmiem il-kuntratt, jew f'kull każ mhux iktar tard mill-31 ta' Diċembru 20XX [sitt snin wara d-dħul fis-seħħ ta’ din id-Direttiva].".

''Arranġamenti eżistenti li jinvolvu libreriji (inklużi l-libreriji universitarji), mużewijiet u arkivji għandhom jintemmu fi tmiem il-kuntratt''.

Test propost mill-Kummissjoni

Emenda

(12) Fl-Artikolu 13 (Reviżjoni), id-data tal-1 ta’ Lulju 2008 tinbidel bid-data [tliet snin wara d-data tat-traspożizzjoni], u jiżdied il-paragrafu li ġej:

(12) Fl-Artikolu 13 (Reviżjoni), id-data tal-1 ta’ Lulju 2008 tinbidel bid-data [ħames snin wara d-dħul fis-seħħ ta' din id-Direttiva], u jiżdied il-paragrafu li ġej:

"L-Istati Membri għandhom iressqu rapport ta' kull sena lill-Kummissjoni dwar l-ammont ta’ użu mill-ġdid li jkun sar mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-awtorità indipendenti msemmija fl-Artikolu 4(4)."

"2a. "L-Istati Membri għandhom iressqu rapport kull sentejn lill-Kummissjoni dwar l-ammont ta’ użu mill-ġdid li jkun sar mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-entità imparzjali fl-Istati Membri msemmija fl-Artikolu 4(4). Il-Kummissjoni għandha tippubblika tabella ta' valutazzjoni rilevanti kull sentejn li jkun fiha indikaturi tal-prestazzjoni għall-użu mill-ġdid tal-informazzjoni tas-settur pubbliku."

Test propost mill-Kummissjoni

Emenda

(2a) L-użu mill-ġdid, mingħajr burokrazija u ekonomiku, tal-informazzjoni tas-settur pubbliku huwa offrut b’appoġġ għall-gruppi importanti ta’ utenti li ġejjin: l-SMEs, b'mod partikolari fil-qasam tal-ICT; ġurnalisti; u xjentisti. Minbarra dan, it-titjib fl-aċċess għall-informazzjoni fis-settur pubbliku jippromwovi t-trasparenza u ċ-ċarezza fix-xogħol tal-korpi pubbliċi fir-rigward taċ-ċittadini.

Test propost mill-Kummissjoni

Emenda

(6) Id-Direttiva 2003/98/KE ma fihiex obbligu li jiġi awtorizzat l-użu mill-ġdid ta’ dokumenti. Id-deċiżjoni dwar jekk l-użu mill-ġdid jiġix awtorizzat jew le tibqa’ f'idejn l-Istati Membri jew l-entità tas-settur pubbliku kkonċernata. Fl-istess nifs, id-Direttiva tibni fuq regoli nazzjonali dwar l-aċċess għad-dokumenti. Ċerti Stati Membri rabtu espressament id-dritt tal-użu mill-ġdid ma' dan id-dritt ta' aċċess, b'mod li d-dokumenti kollha ġeneralment aċċessibbli jistgħu jintużaw mill-ġdid. Fi Stati Membri oħra, ir-rabta bejn iż-żewġ settijiet ta’ regoli hija inqas ċara, u dan huwa sors ta’ inċertezza.

(6) Id-Direttiva 2003/98/KE ma tiġġustifikax obbligu għall-Istati Membri li jippermettu l-aċċess għad-dokumenti tas-settur pubbliku u l-użu mill-ġdid tagħhom. Id-deċiżjoni dwar jekk l-użu mill-ġdid jiġix awtorizzat jew le tibqa’ f'idejn l-Istati Membri jew l-entità tas-settur pubbliku kkonċernata. Id-Direttiva sempliċement tarmonizza l-kundizzjonijiet dwar kif id-dokumenti għandhom ikunu disponibbli għall-użu mill-ġdid. Fl-istess nifs, id-Direttiva tibni fuq regoli nazzjonali dwar l-aċċess għad-dokumenti. Ċerti Stati Membri rabtu espressament id-dritt tal-użu mill-ġdid ma' dan id-dritt ta' aċċess, filwaqt li xi Stati Membri oħra għamlu distinzjoni legali bejn id-dritt għall-użu mill-ġdid u r-regoli nazzjonali dwar l-aċċess għall-informazzjoni u l-libertà ta' informazzjoni.

Test propost mill-Kummissjoni

Emenda

(6a) Ir-regolamenti tal-Istati Membri għall-aċċess għad-dokumenti tas-settur pubbliku huma bbażati fuq it-trasparenza u l-libertà tal-informazzjoni. Madankollu, f'xi każijiet dan id-dritt jiġi limitat, pereżempju għal dawk li għandhom interess speċjali f'dawn id-dokumenti jew f'każijiet meta d-dokumenti jkunu jinkludu informazzjoni sensittiva, relatata pereżempju mas-sigurtà nazzjonali jew pubblika.

Test propost mill-Kummissjoni

Emenda

(6c) Id-Direttiva 2003/98/KE tapplika għal dawk id-dokumenti li l-provvista tagħhom taqa' fl-ambitu tal-kompitu pubbliku tal-entitajiet tas-settur pubbliku kkonċernati, kif definit mil-liġi jew minn regoli vinkolanti oħra tal-Istat Membru inkwistjoni. Dan il-kompitu pubbliku għandu jkun jista' jiġi definit għall-entitajiet ikkonċernati b'mod ġenerali jew każ b'każ;

Test propost mill-Kummissjoni

Emenda

(7) Għaldaqstant, id-Direttiva 2003/98/KE għandha tistipula l-obbligu ċar li l-Istati Membri joffru d-dokumenti kollha ġeneralment disponibbli għall-użu mill-ġdid tagħhom. Billi dan jikkostitwixxi limitazzjoni tad-drittijiet tal-proprjetà intellettwali tal-awturi tad-dokumenti, l-ambitu ta' tali rabta bejn id-dritt tal-aċċess u d-dritt tal-użu mill-ġdid għandu jitqassar biex ikopru biss dak li hu strettament meħtieġ biex jintlaħqu l-għanijiet imfittxija minn din l-introduzzjoni. F'dan ir-rigward, fid-dawl tal-leġiżlazzjoni tal-Unjoni u tal-obbligi internazzjonali tal-Istati Membri u tal-Unjoni, speċifikament skont il-Konvenzjoni ta' Bern għall-Protezzjoni tax-Xogħlijiet Letterarji u Artistiċi u l-Ftehim dwar l-Aspetti Marbutin mal-Kummerċ tad-Drittijiet tal-Proprjetà Intellettwali (il-Ftehim TRIPS), id-dokumenti li partijiet terzi jżommu drittijiet tal-proprjetà intellettwali fuqhom għandhom jiġu esklużi mill-kamp ta’ applikazzjoni tad-Direttiva 2003/98/KE. Fil-każ li parti terza kienet is-sid inizjali ta’ dokument miżmum minn libreriji (inklużi l-librerija universitarji), mużewijiet jew arkivji, li jkun għadu protett bid-drittijiet tal-proprjetà intellettwali, għall-finijiet ta’ din id-Direttiva, dak id-dokument għandu jitqies li partijiet terzi jżommu drittijiet tal-proprjetà intellettwali fuqu.

(7) Għaldaqstant, id-Direttiva 2003/98/KE għandha tirregola kif l-Istati Membri joffru d-dokumenti kollha disponibbli għall-użu mill-ġdid. Għaldaqstant l-ambitu ta' tali rabta bejn id-dritt tal-aċċess u d-dritt tal-użu għandu jitqassar biex ikopri biss dak li hu strettament meħtieġ biex jintlaħqu l-għanijiet imfittxija minn din l-introduzzjoni. F'dan ir-rigward, fid-dawl tal-leġiżlazzjoni tal-Unjoni u tal-obbligi internazzjonali tal-Istati Membri u tal-Unjoni, speċifikament skont il-Konvenzjoni ta' Bern għall-Protezzjoni tax-Xogħlijiet Letterarji u Artistiċi u l-Ftehim dwar l-Aspetti Marbutin mal-Kummerċ tad-Drittijiet tal-Proprjetà Intellettwali (il-Ftehim TRIPS), id-dokumenti li partijiet terzi jżommu drittijiet tal-proprjetà intellettwali fuqhom għandhom jiġu esklużi mill-kamp ta’ applikazzjoni tad-Direttiva 2003/98/KE. Fil-każ li parti terza kienet is-sid inizjali ta’ dokument miżmum minn libreriji (inklużi l-librerija universitarji), mużewijiet jew arkivji, li jkun għadu protett bid-drittijiet tal-proprjetà intellettwali, għall-finijiet ta’ din id-Direttiva, dak id-dokument għandu jitqies li partijiet terzi jżommu drittijiet tal-proprjetà intellettwali fuqu.

Test propost mill-Kummissjoni

Emenda

(10a) Billi l-użu mill-ġdid ta' dokumenti miżmuma minn libreriji (inklużi libreriji universitarji), mużewijiet jew arkivji, għandu potenzjal soċjali u ekonomiku sostanzjali għal industriji kulturali u kreattivi, għandha tiġi promossa diġitalizzazzjoni gradwali tal-kollezzjonijiet kulturali Ewropej.

Test propost mill-Kummissjoni

Emenda

(10b) Fir-rigward tal-utilizzazzjoni, id-diġitalizzazzjoni u l-preżentazzjoni ta' kollezzjonijiet kulturali, hemm diversi każi ta’ kooperazzjoni bejn libreriji (inklużi l-libreriji universitarji), mużewijiet, arkivji u sħab privati, fejn entitajiet tas-settur pubbliku jikkonċedu d-drittijiet esklussivi ta' aċċess u utilizzazzjoni kummerċjali lis-sħab kooperattivi. Il-prattika wriet li dawn is-sħubiji pubbliċi-privati jistgħu jippermettu użu sinifikanti tal-kollezzjonijiet kulturali u fl-istess ħin iżidu l-aċċess għall-partrimonju kulturali għaċ-ċittadin. Għaldaqstant id-Direttiva 2003/98/KE ma għandhiex teskludi l-konklużjoni ta' ftehimiet għall-għoti ta' drittijiet esklussivi. Barra minn hekk, l-istituzzjonijiet kulturali għandu jkollhom il-libertà li jagħżlu huma stess is-sħab li jixtiequ jikkooperaw magħhom, b'konformità mal-prinċipju tat-trasparenza u n-nondiskriminazzjoni.

Test propost mill-Kummissjoni

Emenda

(11) Biex jiġi ffaċilitat l-użu mill-ġdid tal-PSI, l-entitajiet tas-settur pubbliku għandhom iqiegħdu dokumenti għad-dispożizzjoni permezz ta' formati li jinqraw elettronikament, u flimkiem mal-metadejta tagħhom fejn possibbli u xieraq, f'format li jiżgura l-interoperabbiltà eċċ., billi jipproċessawhom b'mod konsistenti mal-prinċipji tar-rekwiżiti ta’ kompatibbiltà u użabbiltà għall-informazzjoni spazjali skont id-Direttiva 2007/2/KE tal-Parlament Ewropew u tal-Kunsill tal-14 ta' Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (Inspire).

(11) Biex jiġi ffaċilitat l-użu mill-ġdid tal-PSI, l-entitajiet tas-settur pubbliku għandhom iqiegħdu dokumenti għad-dispożizzjoni permezz ta' formati teknoloġikament newtrali li jinqraw elettronikament u b’mod teknoloġikament newtrali, u flimkiem mal-metadejta tagħhom fejn possibbli u xieraq, f'format li jiżgura l-interoperabbiltà eċċ., billi jipproċessawhom b'mod konsistenti mal-prinċipji tar-rekwiżiti ta’ kompatibbiltà u użabbiltà għall-informazzjoni spazjali skont id-Direttiva 2007/2/KE tal-Parlament Ewropew u tal-Kunsill tal-14 ta' Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (INSPIRE).

Test propost mill-Kummissjoni

Emenda

(11a) Dokument jitqies bħala dokument f'format li jista' jinqara elettronikament jekk ikun dokument diġitali f'format ta' fajl li permezz tiegħu applikazzjonijiet tas-softwer jistgħu jidentifikaw, jirrikonoxxu u jieħdu faċilament data minnu. Dokumenti f’forma ta’ code f'fajls li jillimitaw, bi kwalunkwe mod, tali pproċessar, jew li jeħtieġu teknoloġija speċifika għall-ipproċessar ma għandhomx jitqiesu bħala dokumenti f'formati li jistgħu jinqraw elettronikament. L-Istati Membri għandhom jiżguraw l-użu ta' formati miftuħa li jistgħu jinqraw elettronikament, bl-eċċezzjoni ta' data fejn l-użu ta’ formati miftuħa jkunu inġustifikabbli għal raġunijiet teknoloġiċi jew ekonomiċi. Kull użu ta’ format ta’ dejta li jista’ jinqara mekkanikament mhux miftuħ għandu jkun ġustifikat u għandha tiġi provduta deskrizzjoni teknika tal-format użat.

Test propost mill-Kummissjoni

Emenda

(11b) “miftuħ” ifisser li l-ispeċifikazzjoni tal-format tinżamm minn organizzazzjoni mhux bi skop ta’ profitt; l-iżvilupp kontinwu tagħha jsir abbażi ta’ proċedura miftuħa ta’ teħid ta’ deċiżjonijiet li tkun disponibbli għall-partijiet kollha interessati; id-dokument ta’ speċifikazzjoni tal-format huwa liberament disponibbli; il-proprjetà intellettwali tal-istandard titqiegħed għad-dispożizzjoni b’mod irrevokabbli fuq bażi ħielsa mid-drittijiet tal-awtur.

Test propost mill-Kummissjoni

Emenda

(12) Fejn jiġu imposti tariffi għall-użu mill-ġdid ta’ dokumenti, fil-prinċipju, għandhom ikunu limitati għall-ispejjeż marġinali mġarrba bir-riproduzzjoni u t-tixrid tagħhom, sakemm ma jkunx iġġustifikat mod ieħor skont l-għan, it-trasparenza jew kriterji li jistgħu jiġi vverifikati. Għandha titqies b'mod partikulari l-ħtieġa li ma jitfixkilx il-funzjonament normali ta’ dawk entitajiet tas-settur pubbliku li jkopru parti sostanzjali tal-ispejjeż tal-operat imnissla mill-qadi tal-kompitu pubbliku tagħhom, billi jittellef l-isfruttar tad-drittijiet tagħhom tal-proprjetà intellettwali. Għandu jkun f'idejn l-entità tas-settur pubbliku li tkun qiegħda timponi tariffa għall-użu mill-ġdid tad-dokumenti, li tagħti evidenza li t-tariffi huma msejsa fuq l-ispejjeż, u li tikkonforma ma' limiti rilevanti.

(12) Fejn jiġu imposti tariffi għall-użu mill-ġdid ta’ dokumenti, fil-prinċipju, għandhom ikunu limitati għall-ispejjeż marġinali mġarrba fil-proċess biex tiġi ssodisfata talba partikolari għall-użu mill-ġdid. Għandha titqies b'mod partikulari l-ħtieġa li ma jitfixkilx il-funzjonament normali ta’ dawk entitajiet tas-settur pubbliku li jkopru parti sostanzjali tal-ispejjeż tal-operat imnissla mill-qadi tal-kompitu pubbliku tagħhom, billi jittellef l-isfruttar tad-drittijiet tagħhom tal-proprjetà intellettwali. Għandu jkun dejjem f'idejn l-entità tas-settur pubbliku li tkun qiegħda timponi tariffa għall-użu mill-ġdid tad-dokumenti, li tagħti evidenza li t-tariffi huma msejsa fuq l-ispejjeż, u li tikkonforma ma' limiti rilevanti. Dawk it-tariffi għandhom jiġu stabbiliti skont kriterji trasparenti, oġġettivi u verifikabbli.

Test propost mill-Kummissjoni

Emenda

(13) B'rabta ma' kwalunkwe użu mill-ġdid li jsir mid-dokument, fejn ikun vjabbli, l-entitajiet tas-settur pubbliku jistgħu jimponu kundizzjonijiet fuq l-utent mill-ġdid, pereżempju r-rikonoxximent tas-sors. Fi kwalunkwe każ, kull liċenzja għall-użu mill-ġdid tal-informazzjoni tas-settur pubbliku għandha tqiegħed l-inqas restrizzjonijiet possibbli fuq l-użu mill-ġdid tal-PSI. Il-liċenzji miftuħin disponibbli fuq l-internet, li jagħtu drittijiet usa' tal-użu mill-ġdid mingħajr restrizzjonijiet teknoloġiċi, finanzjarji jew ġeografiċi, u li jistrieħu fuq formati ta’ dejta miftuħin, jistgħu jiżvolġu rwol importanti wkoll f'dan ir-rigward. Għaldaqstant, l-Istati Membri għandhom iħeġġu l-użu tal-liċenzji governattivi miftuħa.

(13) B'rabta ma' kwalunkwe użu mill-ġdid li jsir mid-dokument, fejn ikun vjabbli, l-entitajiet tas-settur pubbliku jistgħu jimponu kundizzjonijiet fuq l-utent mill-ġdid, pereżempju r-rikonoxximent tas-sors. Fi kwalunkwe każ, kull liċenzja għall-użu mill-ġdid tal-informazzjoni tas-settur pubbliku għandha tqiegħed l-inqas restrizzjonijiet possibbli fuq l-użu mill-ġdid tal-PSI, filwaqt li preferibbilment tillimitahom għall-indikazzjoni tas-sors. Il-liċenzji miftuħin disponibbli fuq l-internet, li jagħtu drittijiet usa' tal-użu mill-ġdid mingħajr restrizzjonijiet teknoloġiċi, finanzjarji jew ġeografiċi, u li jistrieħu fuq formati ta’ dejta miftuħin, għandhom jiżvolġu rwol importanti f'dan ir-rigward. Għaldaqstant, l-Istati Membri għandhom iħeġġu l-użu tal-liċenzji miftuħa li biż-żmien għandhom ikunu standardizzati fl-Unjoni kollha.

Test propost mill-Kummissjoni

Emenda

(14) L-implimentazzjoni tajba ta’ wħud mill-elementi ta’ din id-Direttiva, ngħidu aħna l-mezzi ta’ rikors, il-konformità mal-prinċipji tat-tariffar, u l-obbligi ta' rappurtar, jeħtieġu monitoraġġ minn awtoritajiet indipendenti b'kompetenza fl-użu mill-ġdid tal-informazzjoni tas-settur pubbliku. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

(14) L-implimentazzjoni tajba ta’ wħud mill-elementi ta’ din id-Direttiva, ngħidu aħna l-mezzi ta’ rikors, il-konformità mal-prinċipji tat-tariffar, u l-obbligi ta' rappurtar, jeħtieġu monitoraġġ minn awtoritajiet indipendenti b'kompetenza fl-użu mill-ġdid tal-informazzjoni tas-settur pubbliku. Hija r-responsabbiltà tal-Istati Membri li jittrasferixxu din il-funzjoni lill-awtorità rispettiva. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta. F’każijiet ta’ konflitt rigward l-implementazzjoni, wieħed jista' jirrikorri għal sistemi nazzjonali tal-Ombudsmen jew l-Ombudsman Ewropew.

Test propost mill-Kummissjoni

Emenda

(17) Jeħtieġ li jiġi żgurat li l-Istati Membri (ara l-premessa 19) jirrappurtaw lill-Kummissjoni rigward l-ammont ta' użu mill-ġdid li jsir mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-awtorità indipendenti. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

(17) Jeħtieġ li jiġi żgurat li l-Istati Membri (ara l-premessa 19) jirrappurtaw lill-Kummissjoni rigward id-disponibbiltà tal-informazzjoni tas-settur pubbliku għall-użu mill-ġdid, il-kundizzjonijiet li skonthom issir disponibbli, u l-ħidma tal-awtorità indipendenti. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

Test propost mill-Kummissjoni

Emenda

(18) Il-Kummissjoni għandha tgħin lill-Istati Membri jimplimentaw id-Direttiva b'mod konsistenti billi tkun ta' gwida, partikularment fejn jidħlu t-tariffi u l-kalkolu tal-ispejjeż, il-kundizzjonijiet rakkomandati tal-liċenzjar, u l-formati tad-dejta, wara li tkun ikkonsultata mal-partijiet interessati.

(18) Il-Kummissjoni għandha tgħin lill-Istati Membri jimplimentaw id-Direttiva b'mod konsistenti billi tagħmel proposti u tistabbilixxi linji gwida, partikularment fejn jidħlu t-tariffi u l-kalkolu tal-ispejjeż, il-kundizzjonijiet rakkomandati tal-liċenzjar, u l-formati tad-dejta, wara li tkun ikkonsultata mal-partijiet interessati.

Test propost mill-Kummissjoni

Emenda

(1 a) F’paragrafu 2, il-punt (c) jiġi sostitwit b’dan li ġej:

'(c) id-dokumenti li huma esklużi mill-aċċess bis-saħħa tar-reġimi ta’ aċċess fl-Istati Membri, inkluż minħabba raġunijiet ta’:

- il-protezzjoni tas-sigurtà nazzjonali (jiġifieri s-sigurtà tal-Istat), id-difiża jew is-sigurtà pubblika,

- il-kunfidenzjalità tal-istatistika jew dik kummerċjali;

- il-protezzjoni tal-privatezza u tad-data personali;

Test propost mill-Kummissjoni

Emenda

6. "li jinqara elettronikament" tfisser li dokumenti diġitali jkunu strutturati b'mod xieraq biex applikazzjonijiet tas-softwer ikunu jistgħu jidentifikaw b'mod affidabbli dikjarazzjonijiet individwali ta’ fatt u l-istruttura interna tagħhom.

6. "dokument f'format li jista' jinqara elettronikament" tfisser dokument diġitali f'format ta' fajl li jħalli applikazzjonijiet tas-softwer jidentifikaw, jirrikonoxxu u jieħdu faċilment dejta ta' interess minn dak id-dokument b'mod teknoloġikament newtrali.

Test propost mill-Kummissjoni

Emenda

(- 1) Il-paragrafu 1 għandu jiġi sostitwit b'dan li ġej:

Il-korpi tas-settur pubbliku għandhom jipproċessaw it-talbiet għall-użu mill-ġdid permezz ta' mezzi elettroniċi. Huma għandhom jagħmlu, permezz ta' mezzi elettroniċi, fejn ikun possibbli u xieraq, id-dokument disponibbli għall-użu mill-ġdid lill-applikant jew, jekk tinħtieġ liċenzja, jiffinalizzaw l-offerta tal-liċenzja lill-applikant fi żmien raġonevoli li huwa konsistenti mal-perjodi ta' żmien stipulati għall-ipproċessar tat-talbiet għall-aċċess tad-dokumenti.

Test propost mill-Kummissjoni

Emenda

"Il-miżuri ta’ rikors għandhom jinkludu l-possibbiltà ta’ reviżjoni minn awtorità indipendenti li tingħata setgħat regolatorji speċifiċi fir-rigward tal-użu mill-ġdid tal-informazzjoni tas-settur pubbliku, u li d-deċiżjonijiet tagħha jkunu vinkolanti għall-entità tas-settur pubbliku kkonċernata."

Il-miżuri ta’ rikors għandhom jinkludu r-referenza dwar il-possibilità ta’ reviżjoni minn awtorità fl-Istati Membri.

Test propost mill-Kummissjoni

Emenda

Din id-Direttiva hija konformi bis-sħiħ mal-liġi applikabbli dwar il-protezzjoni tad-data. Jekk data pubblika li ssir disponibbli għal użu mill-ġdid tikkonċerna data personali, għandu jkun stabbilit taħt liema kundizzjonijiet u soġġett għal liema salvagwardji speċifiċi għall-protezzjoni tad-data se jkun permissibbli l-użu mill-ġdid, jekk prattikabbli permezz ta' liċenzja. Din il-valutazzjoni għandha tiżgura li jkun hemm bażi legali adegwata għat-trasferiment u l-użu mill-ġdid tad-data skont il-liġi nazzjonali, li l-użu mill-ġdid ikun disponibbli biss għal għan kompatibbli u li l-applikanti u l-utenti sussegwenti jiġu mitluba jkunu konformi mad-dispożizzjonijiet l-oħra kollha tal-liġi applikabbli dwar il-protezzjoni tad-data. Il-Kummissjoni għandha tissorvelja mill-qrib jekk l-implimentazzjoni ta' din id-Direttiva tkun fi ksur tal-leġiżlazzjoni tal-UE għall-protezzjoni tad-data.

Test propost mill-Kummissjoni

Emenda

1. Fil-paragrafu 1, il-kliem "b'mod elettroniku" jinbidel bil-kliem "f'format li jinqara elettronikament, flimkien mal-metadejta korrispondenti."

1. Il-paragrafu 1 għandu jiġi sostitwit b'dan li ġej:

‘1. Il-korpi tas-settur pubbliku għandhom jagħmlu d-dokumenti tagħhom disponibbli fil-formati jew il-lingwi eżistenti minn qabel u, fejn possibbli u xieraq, f'format teknoloġikament newtrali li jinqara elettronikament, flimkien mal-metadata korrispondenti. Dan ma għandux jimplika xi obbligu għall-korpi tas-settur pubbliku li joħolqu, jiddiġitalizzaw jew jadattaw dokumenti jew jagħmluhom f'formati li jinqaraw elettronikament b'mod teknoloġikament newtrali sabiex jikkonformaw mat-talba, lanqas ma għandu jimplika xi obbligu li jiġu provduti estratti minn dokumenti fejn dan ikun jinvolvi sforz sproporzjonat, li jmur 'l hinn minn operazzjoni sempliċi.''

Test propost mill-Kummissjoni

Emenda

1. Fejn jiġu imposti tariffi għall-użu mill-ġdid tad-dokumenti, l-ammont totali impost mill-entitajiet tas-settur pubbliku għandu jkun limitat għall-ispejjeż marġinali mġarrba bir-riproduzzjoni u t-tixrid."

1. Fejn jiġu imposti tariffi għall-użu mill-ġdid tad-dokumenti, l-ammont totali impost mill-entitajiet tas-settur pubbliku għandu jkun limitat għall-ispejjeż marġinali mġarrba bir-riproduzzjoni, il-provvista u t-tixrid."

2. Il-paragrafu 1 ma għandux japplika għal:

2. F'każijiet eċċezzjonali, partikularment fejn l-entitajiet tas-settur pubbliku jiġġeneraw parti sostanzjali mill-ispejjeż tal-operat tagħhom, marbutin mal-qadi tal-kompiti ta’ servizz pubbliku tagħhom, mill-isfruttar tad-drittijiet tal-proprjetà intellettwali tagħhom, l-entitajiet tas-settur pubbliku jistgħu jitħallew jimponu tariffi għall-użu mill-ġdid tad-dokumenti 'l fuq mill-ispejjeż marġinali, skont l-għan, it-trasparenza u kriterji verifikabbli, sakemm dan ikun fl-interess pubbliku u soġġett għall-approvazzjoni tal-awtorità indipendenti msemmija fl-Artikolu 4(4), u mingħajr ħsara għall-parafrafi 3 u 4 ta' dan l-Artikolu."

a) każijiet eċċezzjonali, fejn l-entitajiet tas-settur pubbliku jkunu meħtieġa jiġġeneraw dħul biex ikopri parti sostanzjali mill-ispejjeż tal-operat tagħhom, marbutin mal-qadi tal-kompiti ta’ servizz pubbliku tagħhom, mill-isfruttar tad-drittijiet tal-proprjetà intellettwali tagħhom, l-entitajiet tas-settur pubbliku jistgħu jitħallew jimponu tariffi għall-użu mill-ġdid tad-dokumenti 'l fuq mill-ispejjeż marġinali

‘3. Minkejja l-paragrafi 1 u 2, il-libreriji (inklużi l-libreriji universitarji), il-mużewijiet u l-arkivji jistgħu jimponu tariffi 'l fuq mill-ispejjeż marġinali għall-użu mill-ġdid tad-dokumenti li jaħżnu."

b) libreriji (inklużi libreriji universitarji), mużewijiet u arkivji.

3. Meta jsiru imposti skont il-paragrafu 2, dawn għandhom ikunu stabbiliti skont kriterji oġġettivi, trasparenti u verifikabbli. Id-dħul totali mill-provvista u mill-permess li dokumenti jintużaw mill-ġdid, ma għandux jaqbeż l-ispiża tal-ġbir, il-produzzjoni, ir-riproduzzjoni, il-forniment u t-tixrid, flimkien ma' dħul raġonevoli fuq l-investiment. Jekk applikabbli, ma għandux jeċċedi, l-anonimimizzazzjoni tad-data personali jew tal-investimenti bil-għan li d-data ssir disponibbli għal użu mill-ġdid permezz ta' mezzi elettroniċi. L-imposti skont il-paragrafi 1 u 2, għandhom ikunu orjentati skont in-nefqa matul il-perjodu xieraq ta’ kontabilità u kalkolati skont il-prinċipji ta’ kontabilità applikabbli għall-korpi tas-settur pubbliku involuti.

4. L-imposti li jsiru skont il-paragrafu 3 huma soġġetti għal reviżjoni mill-awtorità indipendenti msemmija fl-Artikolu 4(4), u mingħajr preġudizzju għall-paragrafi 2 u 3 ta' dan l-Artikolu.

Test propost mill-Kummissjoni

Emenda

(7) Fl-Artikolu 7 (It-trasparenza), jiddaħħal il-kliem "'l fuq mill-ispejjeż marġinali jew" wara l-kliem "il-kalkolu tat-tariffi".

(7) Fl-Artikolu 7 (It-trasparenza), it-tielet sentenza tiġi sostitwita b'dan li ġej:

''Is-settur pubbliku inkwistjoni għandu wkoll jindika liema fatturi għandhom jitqiesu fil-kalkolu tat-tariffi skont l-Artikolu 6.''

Test propost mill-Kummissjoni

Emenda

"L-entitajiet tas-settur pubbliku jistgħu jippermettu l-użu mill-ġdid mingħajr kundizzjonijiet, jew jistgħu jimponi kundizzjonijiet, bħall-indikazzjoni tas-sors, fejn xieraq permezz ta’ liċenzja. Dawn il-kundizzjonijiet ma għandhomx jirrestrinġu bla bżonn il-possibbiltajiet għall-użu mill-ġdid, u ma għandhomx jintużaw biex jirrestrinġu l-kompetizzjoni.

"L-entitajiet tas-settur pubbliku jistgħu jippermettu l-użu mill-ġdid ta’ dokumenti mingħajr kundizzjonijiet, jew, jekk xieraq, jimponu kundizzjonijiet fl-ambitu ta' liċenzja, li fiha jiġu stipulati regoli essenzjali. Dawn il-kundizzjonijiet għandhom isiru disponibbli permezz ta' mezzi elettroniċi u ma għandhomx jirrestrinġu għal xejn il-possibbiltajiet għall-użu mill-ġdid u ma għandhomx jintużaw biex jirrestrinġu l-kompetizzjoni.

Test propost mill-Kummissjoni

Emenda

(1a) Għall-fini tal-implementazzjoni konsistenti ta' dan l-Artikolu, il-Kummissjoni għandha tadotta linji gwida għal liċenzji standard u miftuħa rakkomandati għall-użu mill-ġdid ta' informazzjoni tas-settur pubbliku. Dawn il-linji gwida għandhom jinkludu klawsola speċifika għall-protezzjoni tad-data.

Test propost mill-Kummissjoni

Emenda

L-Istati Membri għandhom jiżguraw li jkunu implimentati arranġamenti prattiċi li jiffaċilitaw it-tiftix, b'ilsna differenti, għad-dokumenti disponibbli għall-użu mill-ġdid, bħal listi ta’ dokumenti ewlenin bil-metadejta rilevanti, preferibbilment aċċessibbli fuq l-internet u f'format li jinqara elettronikament, u siti u portali li jkollhom ħolqa għal listi deċentralizzati ta’ assi."

L-Istati Membri għandhom jagħmlu arranġamenti prattiċi li jiffaċilitaw it-tiftix għad-dokumenti disponibbli għall-użu mill-ġdid madwar l-Unjoni, bħal listi ta’ dokumenti ewlenin bil-metadejta rilevanti, preferibbilment f'format teknoloġikament newtrali li jinqara elettronikament, u siti u portali li jkollhom ħolqa għal listi ta’ assi."

Test propost mill-Kummissjoni

Emenda

(9a) (9 a) L-Artikolu 11, paragrafu 2 huwa emendat b’dan li ġej:

‘2. Minkejja l-paragrafu 1, fejn dritt esklussiv ikun meħtieġ għall-provvista ta' servizz fl-interess pubbliku, il-validità tal-arranġament ta' dritt esklussiv għandha tkun suġġetta għal reviżjoni regolari, u għandha, f'kull każ, tiġi riveduta kull erba' snin. L-arranġamenti esklussivi stabbiliti wara d-dħul fis-seħħ ta' din id-Direttiva għandhom ikunu soġġetti għall-prinċipju ta' trasparenza u jiġu ppubblikati mill-entitajiet tas-settur pubbliku kkonċernati.''

Test propost mill-Kummissjoni

Emenda

(9b) Fl-Artikolu 11, għandu jiddaħħal il-paragrafu li ġej:

‘2a. Minkejja l-paragrafu 1, fejn dritt esklużiv jingħata b'rabta mal-isfruttar kummerċjali neċessarju għad-diġitalizzazzjoni ta' kollezzjonijiet kulturali, l-isfruttar kummerċjali ma jistax ikun ta' aktar minn seba' snin. Tul dan iż-żmien, id-dritt esklussiv ma għandux ikun soġġett għal kontroll. L-arranġamenti esklussivi stabbiliti wara d-dħul fis-seħħ ta’ din id-Direttiva għandhom ikunu trasparenti u jiġu ppubblikati.''

Test propost mill-Kummissjoni

Emenda

(10) Fl-Artikolu 11 (il-projbizzjoni tal-arranġamenti esklużivi), tiżdied is-sentenza li ġejja fi tmiem il-paragrafu 3:

(10) Paragrafu 3 tal-Artikolu 11 (il-projbizzjoni tal-arranġamenti esklussivi), għandu jinqara kif ġej:

‘3. L-arranġamenti eżistenti esklużivi li ma jikkwalifikawx għal eċċezzjoni skont il-paragrafu 2 għandhom ikunu terminati fl-aħħar tal-kuntratt u f’kull każ mhux aktar tard mill-31 ta’ Diċembru 2008. Madankollu, arranġamenti ta’ dan it-tip li jikkonċernaw libreriji (inklużi libreriji universitarji), mużewijiet u arkivji, u li ma jikkwalifikawx għal eċċezzjoni skont il-paragrafi 2 jew 2a, għandhom jintemmu fi tmiem il-kuntratt, jew f'kull każ mhux iktar tard mill-31 ta' Diċembru 20XX [sitt snin wara d-dħul fis-seħħ ta’ din id-Direttiva]."

Test propost mill-Kummissjoni

Emenda

(12) Fl-Artikolu 13 (Reviżjoni), id-data tal-1 ta’ Lulju 2008 tinbidel bid-data [tliet snin wara d-data tat-traspożizzjoni], u jiżdied il-paragrafu li ġej:

(12) Fl-Artikolu 13 (Reviżjoni), id-data tal-1 ta’ Lulju 2008 tinbidel bid-data [ħames snin wara d-dħul fis-seħħ], u jiżdied il-paragrafu li ġej:

Test propost mill-Kummissjoni

Emenda

L-Istati Membri għandhom iressqu rapport ta' kull sena lill-Kummissjoni dwar l-ammont ta’ użu mill-ġdid li jkun sar mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-awtorità indipendenti msemmija fl-Artikolu 4(4)."

L-Istati Membri għandhom iressqu rapport lill-Kummissjoni kull tliet snin dwar id-disponibbiltà ta’ informazzjoni tas-settur pubbliku għall-użu mill-ġdid, il-kundizzjonijiet li skonthom issir disponibbli, u l-ħidma tal-awtorità indipendenti msemmija fl-Artikolu 4(4)."

Test propost mill-Kummissjoni

Emenda

(2) Il-politiki tad-dejta miftuħa li jinkoraġġixxu d-disponibbiltà wiesgħa u l-użu mill-ġdid mifrux tal-informazzjoni tas-settur pubbliku għal finijiet privati jew kummerċjali, bl-ebda restrizzjoni legali, tekniċi jew finanzjarji jew b'restrizzjonijiet minimi, jistgħu jiżvolġu rwol importanti fit-tqabbid tal-iżvilupp ta’ servizzi ġodda msejsa fuq mezzi ġodda biex tiġi kkombinata u użata l-informazzjoni msemmija. Madankollu, dan ikun jirrikjedi kundizzjonijiet indaqs fuq il-livell tal-Unjoni fir-rigward tad-deċiżjoni dwar l-awtorizzazzjoni tal-użu mill-ġdid ta' dokumenti, u dawn il-kundizzjonijiet indaqs ma jistgħux jinkisbu billi jitħallew f'idejn ir-regoli u l-prattiċi differenti tal-Istati Membri, jew tal-entitajiet pubbliċi kkonċernati.

(2) Il-politiki tad-dejta miftuħa li jinkoraġġixxu d-disponibbiltà wiesgħa u l-użu mill-ġdid mifrux tal-informazzjoni tas-settur pubbliku għal finijiet privati jew kummerċjali, bl-ebda restrizzjoni legali, tekniċi jew finanzjarji jew b'restrizzjonijiet minimi, u li jippromwovu t-tixrid tal-informazzjoni mhux biss għall-operaturi ekonomiċi iżda wkoll għall-membri tal-pubbliku u l-moviment liberu tal-persuni fi ħdan l-Unjoni, filwaqt li jitqiesu kif jixraq f'kull każ id-drittijiet fundamentali, jistgħu jiżvolġu rwol importanti fit-tqabbid tal-iżvilupp ta’ servizzi ġodda msejsa fuq mezzi ġodda biex tiġi kkombinata u użata l-informazzjoni msemmija. Madankollu, dan ikun jirrikjedi kundizzjonijiet indaqs fuq il-livell tal-Unjoni fir-rigward tad-deċiżjoni dwar l-awtorizzazzjoni tal-użu mill-ġdid ta' dokumenti, u dawn il-kundizzjonijiet indaqs ma jistgħux jinkisbu billi jitħallew f'idejn ir-regoli u l-prattiċi differenti tal-Istati Membri, jew tal-entitajiet pubbliċi kkonċernati.

Test propost mill-Kummissjoni

Emenda

(6) Id-Direttiva 2003/98/KE ma fihiex obbligu li jiġi awtorizzat l-użu mill-ġdid ta’ dokumenti. Id-deċiżjoni dwar jekk l-użu mill-ġdid jiġix awtorizzat jew le tibqa’ f'idejn l-Istati Membri jew l-entità tas-settur pubbliku kkonċernata. Fl-istess nifs, id-Direttiva tibni fuq regoli nazzjonali dwar l-aċċess għad-dokumenti. Ċerti Stati Membri rabtu espressament id-dritt tal-użu mill-ġdid ma' dan id-dritt ta' aċċess, b'mod li d-dokumenti kollha ġeneralment aċċessibbli jistgħu jintużaw mill-ġdid. Fi Stati Membri oħra, ir-rabta bejn iż-żewġ settijiet ta’ regoli hija inqas ċara, u dan huwa sors ta’ inċertezza.

(6) Id-Direttiva 2003/98/KE ma fihiex obbligu għall-Istati Membri li jiġi awtorizzat l-aċċess għal, u l-użu mill-ġdid ta’ dokumenti tas-settur pubbliku. Id-deċiżjoni dwar jekk l-użu mill-ġdid jiġix awtorizzat jew le tibqa’ f'idejn l-Istati Membri jew l-entità tas-settur pubbliku kkonċernata. Id-Direttiva sempliċement tarmonizza l-kundizzjonijiet dwar kif id-dokumenti għandhom ikunu disponibbli għall-użu mill-ġdid. Fl-istess nifs, id-Direttiva tibni fuq regoli nazzjonali dwar l-aċċess għad-dokumenti. Ċerti Stati Membri rabtu espressament id-dritt tal-użu mill-ġdid ma' dan id-dritt ta' aċċess, filwaqt li xi Stati Membri għamlu distinzjoni legali bejn id-dritt għall-użu mill-ġdid u r-regoli nazzjonali dwar l-aċċess għall-informazzjoni u l-libertà ta' informazzjoni.

Test propost mill-Kummissjoni

Emenda

(6a) L-arranġamenti tal-Istati Membri għall-aċċess għad-dokumenti tas-settur pubbliku huma bbażati fuq it-trasparenza u l-libertà ta' informazzjoni. Madankollu f'xi każijiet dan id-dritt jiġi limitat, pereżempju għal dawk li għandhom interess speċjali f'dawn id-dokumenti jew f'każijiet meta d-dokumenti jkunu jinkludu informazzjoni sensittiva, relatata pereżempju mas-sigurtà nazzjonali jew pubblika.

Test propost mill-Kummissjoni

Emenda

(6b) Id-Direttiva 2003/98/KE ma tinkludix obbligu għall-Istati Membri sabiex jagħmlu materjal analogu disponibbli f'forma diġitali jew jagħmluh jinqara elettronikament b'mod teknoloġikament newtrali. L-entitajiet tas-settur pubbliku jistgħu jiddeċiedu huma stess liema data tista' ssir diġitali, f'liema ħin u taħt liema kundizzjonijiet.

Test propost mill-Kummissjoni

Emenda

(6c) Id-Direttiva 2003/98/KE tapplika għal dawk id-dokumenti li l-provvista tagħhom taqa' fl-ambitu tal-kompitu pubbliku tal-entitajiet tas-settur pubbliku kkonċernati, kif definit mil-liġi jew minn regoli vinkolanti oħra tal-Istat Membru inkwistjoni. Dan il-kompitu pubbliku għandu jkun jista' jiġi definit għall-entitajiet ikkonċernati b'mod ġenerali jew każ b'każ;

Test propost mill-Kummissjoni

Emenda

(7) Għaldaqstant, id-Direttiva 2003/98/KE għandha tistipula l-obbligu ċar li l-Istati Membri joffru d-dokumenti kollha ġeneralment disponibbli għall-użu mill-ġdid tagħhom. Billi dan jikkostitwixxi limitazzjoni tad-drittijiet tal-proprjetà intellettwali tal-awturi tad-dokumenti, l-ambitu ta' tali rabta bejn id-dritt tal-aċċess u d-dritt tal-użu mill-ġdid għandu jitqassar biex ikopru biss dak li hu strettament meħtieġ biex jintlaħqu l-għanijiet imfittxija minn din l-introduzzjoni. F'dan ir-rigward, fid-dawl tal-leġiżlazzjoni tal-Unjoni u tal-obbligi internazzjonali tal-Istati Membri u tal-Unjoni, speċifikament skont il-Konvenzjoni ta' Bern għall-Protezzjoni tax-Xogħlijiet Letterarji u Artistiċi u l-Ftehim dwar l-Aspetti Marbutin mal-Kummerċ tad-Drittijiet tal-Proprjetà Intellettwali (il-Ftehim TRIPS), id-dokumenti li partijiet terzi jżommu drittijiet tal-proprjetà intellettwali fuqhom għandhom jiġu esklużi mill-kamp ta’ applikazzjoni tad-Direttiva 2003/98/KE. Fil-każ li parti terza kienet is-sid inizjali ta’ dokument miżmum minn libreriji (inklużi l-librerija universitarji), mużewijiet jew arkivji, li jkun għadu protett bid-drittijiet tal-proprjetà intellettwali, għall-finijiet ta’ din id-Direttiva, dak id-dokument għandu jitqies li partijiet terzi jżommu drittijiet tal-proprjetà intellettwali fuqu.

(7) Id-Direttiva 2003/98/KE tirrestrinġi d-drittijiet tal-proprjetà intellettwali tal-awturi tad-dokumenti. Għaldaqstant l-ambitu ta' tali rabta bejn id-dritt tal-aċċess u d-dritt tal-użu għandu jitqassar biex ikopri biss dak li hu strettament meħtieġ biex jintlaħqu l-għanijiet imfittxija minn din l-introduzzjoni. F'dan ir-rigward, fid-dawl tal-leġiżlazzjoni tal-Unjoni u tal-obbligi internazzjonali tal-Istati Membri u tal-Unjoni, speċifikament skont il-Konvenzjoni ta' Bern għall-Protezzjoni tax-Xogħlijiet Letterarji u Artistiċi u l-Ftehim dwar l-Aspetti Marbutin mal-Kummerċ tad-Drittijiet tal-Proprjetà Intellettwali (il-Ftehim TRIPS), id-dokumenti li partijiet terzi jżommu drittijiet tal-proprjetà intellettwali fuqhom għandhom jiġu esklużi mill-kamp ta’ applikazzjoni tad-Direttiva 2003/98/KE. Fil-każ li parti terza kienet is-sid inizjali ta’ dokument miżmum minn libreriji (inklużi l-librerija universitarji), mużewijiet jew arkivji, li jkun għadu protett bid-drittijiet tal-proprjetà intellettwali, għall-finijiet ta’ din id-Direttiva, dak id-dokument għandu jitqies li partijiet terzi jżommu drittijiet tal-proprjetà intellettwali fuqu.

Test propost mill-Kummissjoni

Emenda

(7a) Id-dokumenti li għalihom id-drittijiet ta' proprjetà intelletwali jkunu skadew u li konsegwentement jidħlu fl-isfera pubblika, jikkostitwixxu parti importanti ħafna tal-kollezzjonijiet tal-libreriji, l-arkivji u l-mużewijiet, u għandu jkollhom prijorità f'kampanji ta’ diġitalizzazzjoni; għaldaqstant jeħtieġ li jkun żgurat li tali diġitalizzazzjoni ma tibdilx l-istatus legali tagħhom. L-aċċess għal, u l-użu mill-ġdid ta' din id-data għandhom jiġu żgurati sabiex jiġi rispettat id-dritt fundamentali ta' aċċess għall-kultura, l-informazzjoni u l-edukazzjoni.

Test propost mill-Kummissjoni

Emenda

(9a) L-iskoperta, id-diġitalizzazzjoni u l-preżentazzjoni ta’ beni kulturali huma sfidi kbar biex jiġi żgurat l-aċċess ta’ kulħadd għall-kultura, it-tagħrif u l-edukazzjoni. Huwa importanti għalhekk li nagħżlu utilizzazzjoni għaqlija tal-beni kulturali li tiffaċilita l-aċċess tal-pubbliku għall-patrimonju kulturali, filwaqt li jitqies il-fatt li l-beni kulturali mhumiex beni ekonomiċi bħall-oħrajn u li għandhom jiġu mħarsa minn kummerċjalizzazzjoni eċċessiva. L-istituzzjonijiet kulturali li huma ttrattati minn din id-Direttiva għandhom jiġu appoġġjati mill-awtoritajiet pubbliċi permezz tal-istabbiliment ta’ fondi pubbliċi għad-diġitalizzazzjoni u t-tixrid tad-data.

Test propost mill-Kummissjoni

Emenda

(10) Il-kamp ta’ applikazzjoni tad-Direttiva titwessa' għal-libreriji (inklużi l-libreriji universitarji), għall-mużewijiet u għall-arkivji. Id-Direttiva ma tapplikax għal istituzzjonijiet kulturali oħrajn, bħal operi, ċentri tal-ballet jew teatri, inklużi l-arkivji li jkunu parti minn dawn l-istituzzjonijiet.

(10) Il-kamp ta’ applikazzjoni tad-Direttiva titwessa' għal-libreriji (inklużi l-libreriji universitarji), għall-mużewijiet u għall-arkivji filwaqt li jitħeġġeġ l-użu ta’ virtwalizzazzjoni tas-siti storiċi bil-għan li jiġi ssemplifikat l-aċċess għal dan it-tip ta’ tagħrif. Id-Direttiva ma tapplikax għal stabbilimenti ta' riċerka u edukattivi jew għal istituzzjonijiet kulturali oħrajn, bħal operi, ċentri tal-ballet jew teatri, inklużi l-arkivji li jkunu parti minn dawn l-istituzzjonijiet.

Test propost mill-Kummissjoni

Emenda

(10a) Peress li l-użu mill-ġdid ta' dokumenti li jinsabu f'idejn libreriji (inklużi l-libreriji tal-universitajiet), mużewijiet u arkivji joffri potenzjal soċjali u ekonomiku sostanzjali għall-industriji kulturali u kreattivi, kif ukoll għas-soċjetà permezz tal-estensjoni tal-kollezzjoni tal-Ewropeana, id-diġitalizzazzjoni li għaddejja bħalissa tal-kollezzjonijiet kulturali Ewropej għandha tiġi promossa.

Test propost mill-Kummissjoni

Emenda

(10b) Ċerta data personali li tinsab f’dokumenti arkivjali li hija s-suġġett ta’ projbizzjoni ta’ kwalunkwe diskriminazzjoni għandha tiġi eskluża mill-kamp ta’ applikazzjoni tad-Direttiva 2003/98/KE jew, fil-każ fejn il-leġiżlazzjoni li hemm fis-seħħ timponi l-komunikazzjoni tagħha, għandha ssir anonima jew id-data li tirrigwarda lill-persuni għandha tinħeba qabel kwalunkwe użu.

Test propost mill-Kummissjoni

Emenda

(10c) Fir-rigward tad-deskrizzjoni, id-diġitalizzazzjoni u l-preżentazzjoni ta' kollezzjonijiet kulturali, hemm diversi ftehimiet ta' kooperazzjoni bejn libreriji (inklużi l-libreriji universitarji), mużewijiet, arkivji u sħab privat, li jinvolvu lill-entitajiet tas-settur pubbliku fl-għoti ta' drittijiet esklussivi ta' aċċess u utilizzazzjoni kummerċjali lis-sħab kooperattiv. Il-prattika wriet li dawn is-sħubiji pubbliċi-privati jistgħu jippermettu użu sinifikanti tal-kollezzjonijiet kulturali u fl-istess waqt iżidu l-aċċess għall-partrimonju kulturali għaċ-ċittadin. Għaldaqstant id-Direttiva 2003/98/KE m'għandhiex teskludi l-konklużjoni ta' ftehimiet għall-għoti ta' drittijiet esklussivi. Barra minn hekk l-istituzzjonijiet kulturali għandu jkollhom il-libertà li jagħżlu huma stess is-sħab li jixtiequ jikkooperaw magħhom, b'konformità mal-prinċipji tat-trasparenza u tan-nondiskriminazzjoni.

Test propost mill-Kummissjoni

Emenda

(10d) Id-data f'idejn l-istabbilimenti edukattivi u ta' riċerka għandha tibqa' barra l-ambitu tad-Direttiva 2003/98/KE.

Test propost mill-Kummissjoni

Emenda

(10e) Ix-xandir tas-servizz pubbliku għandu jibqa' eskluż mill-kamp ta' applikazzjoni tad-Direttiva 2003/98/KE.

Test propost mill-Kummissjoni

Emenda

(11) Biex jiġi ffaċilitat l-użu mill-ġdid tal-PSI, l-entitajiet tas-settur pubbliku għandhom iqiegħdu dokumenti għad-dispożizzjoni permezz ta' formati li jinqraw elettronikament, u flimkiem mal-metadejta tagħhom fejn possibbli u xieraq, f'format li jiżgura l-interoperabbiltà eċċ., billi jipproċessawhom b'mod konsistenti mal-prinċipji tar-rekwiżiti ta’ kompatibbiltà u użabbiltà għall-informazzjoni spazjali skont id-Direttiva 2007/2/KE tal-Parlament Ewropew u tal-Kunsill tal-14 ta' Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (Inspire).

(11) Biex jiġi ffaċilitat l-użu mill-ġdid tal-PSI, l-entitajiet tas-settur pubbliku għandhom iqiegħdu dokumenti għad-dispożizzjoni permezz ta' formati teknoloġikament newtrali li jinqraw elettronikament, u flimkiem mal-metadejta tagħhom fejn possibbli u xieraq, f'format li jiżgura l-interoperabbiltà eċċ., billi jipproċessawhom b'mod konsistenti mal-prinċipji tar-rekwiżiti ta’ kompatibbiltà u ta' użu għall-informazzjoni spazjali skont id-Direttiva 2007/2/KE tal-Parlament Ewropew u tal-Kunsill tal-14 ta' Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (Inspire).

Test propost mill-Kummissjoni

Emenda

(12) Fejn jiġu imposti tariffi għall-użu mill-ġdid ta’ dokumenti, fil-prinċipju, għandhom ikunu limitati għall-ispejjeż marġinali mġarrba bir-riproduzzjoni u t-tixrid tagħhom, sakemm ma jkunx iġġustifikat mod ieħor skont l-għan, it-trasparenza jew kriterji li jistgħu jiġi vverifikati. Għandha titqies b'mod partikulari l-ħtieġa li ma jitfixkilx il-funzjonament normali ta’ dawk entitajiet tas-settur pubbliku li jkopru parti sostanzjali tal-ispejjeż tal-operat imnissla mill-qadi tal-kompitu pubbliku tagħhom, billi jittellef l-isfruttar tad-drittijiet tagħhom tal-proprjetà intellettwali. Għandu jkun f'idejn l-entità tas-settur pubbliku li tkun qiegħda timponi tariffa għall-użu mill-ġdid tad-dokumenti, li tagħti evidenza li t-tariffi huma msejsa fuq l-ispejjeż, u li tikkonforma ma' limiti rilevanti.

(12) Fejn jiġu imposti tariffi għall-użu mill-ġdid ta’ dokumenti, fil-prinċipju, għandhom ikunu limitati għall-ispejjeż marġinali mġarrba bir-riproduzzjoni, il-forniment u t-tixrid tagħhom, sakemm ma jkunx iġġustifikat mod ieħor skont l-għan, it-trasparenza jew kriterji li jistgħu jiġi vverifikati. Għandha titqies b'mod partikulari l-ħtieġa li ma jitfixkilx il-funzjonament normali ta’ dawk entitajiet tas-settur pubbliku li jkopru parti sostanzjali tal-ispejjeż tal-operat imnissla mill-qadi tal-kompitu pubbliku tagħhom, billi jittellef l-isfruttar tad-drittijiet tagħhom tal-proprjetà intellettwali.

Test propost mill-Kummissjoni

Emenda

(14) L-implimentazzjoni tajba ta’ wħud mill-elementi ta’ din id-Direttiva, ngħidu aħna l-mezzi ta’ rikors, il-konformità mal-prinċipji tat-tariffar, u l-obbligi ta' rappurtar, jeħtieġu monitoraġġ minn awtoritajiet indipendenti b'kompetenza fl-użu mill-ġdid tal-informazzjoni tas-settur pubbliku. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

(14) L-implimentazzjoni tajba ta’ wħud mill-elementi ta’ din id-Direttiva, ngħidu aħna l-mezzi ta’ rikors, partikolarment għal individwi fil-qasam tal-ħarsien tad-data, il-konformità mal-prinċipji tat-tariffar, u l-obbligi ta' rappurtar, jeħtieġu monitoraġġ minn awtoritajiet indipendenti b'kompetenza fl-użu mill-ġdid tal-informazzjoni tas-settur pubbliku. Hija r-responsabbiltà tal-Istati Membri li jitrasferixxu din il-funzjoni lil awtorità korrispondenti. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

Test propost mill-Kummissjoni

Emenda

(15) Billi l-għan ta’ din id-Direttiva, speċifikament l-iffaċilitar tal-ħolqien ta’ prodotti u servizzi ta’ informazzjoni bbażati fuq dokumenti tas-settur pubbliku, l-iżgurar tal-użu transkonfinali effiċjenti tad-dokumenti tas-settur pubbliku mill-kumpaniji privati għal prodotti u servizzi ta' informazzjoni b'valur miżjud, u l-limitazzjoni tat-tagħwiġ tal-kompetizzjoni fis-suq tal-Unjoni, ma jistax jintlaħaq kif xieraq mill-Istati Membri u, għaldaqstant, u fid-dawl tal-ambitu intrinsikament pan-Ewropew tal-azzjoni proposta, jista' jintlaħaq aħjar fuq il-livell tal-Unjoni, l-Unjoni tista' tadotta miżuri skont il-prinċipju tas-sussidjarjetà kif stipulata fl-Artikolu 5 tat-Trattat dwar il-Funzjonament tal-Unjoni Ewropea. Skont il-prinċipju tal-proporzjonalità kif stipulat fl-istess Artikolu, din id-Direttiva ma tmurx lil hinn minn dak li huwa meħtieġ biex jinkisbu dawk il-miri.

(15) Billi l-għan ta’ din id-Direttiva, speċifikament l-iffaċilitar tal-ħolqien ta’ prodotti u servizzi ta’ informazzjoni bbażati fuq dokumenti tas-settur pubbliku, l-iżgurar tal-użu transkonfinali effiċjenti tad-dokumenti tas-settur pubbliku min-naħa l-waħda mill-kumpaniji privati għal prodotti u servizzi ta' informazzjoni b'valur miżjud, u min-naħa l-oħra miċ-ċittadini sabiex jiġi ffaċilitat it-tixrid liberu tal-informazzjoni u tal-komunikazzjoni, ma jistax jintlaħaq kif xieraq mill-Istati Membri u, għaldaqstant, u fid-dawl tal-ambitu intrinsikament pan-Ewropew tal-azzjoni proposta, jista' jintlaħaq aħjar fuq il-livell tal-Unjoni, l-Unjoni tista' tadotta miżuri skont il-prinċipju tas-sussidjarjetà kif stipulata fl-Artikolu 5 tat-Trattat dwar il-Funzjonament tal-Unjoni Ewropea. Skont il-prinċipju tal-proporzjonalità kif stipulat fl-istess Artikolu, din id-Direttiva ma tmurx lil hinn minn dak li huwa meħtieġ biex jinkisbu dawk il-miri.

Test propost mill-Kummissjoni

Emenda

(18) Il-Kummissjoni għandha tgħin lill-Istati Membri jimplimentaw id-Direttiva b'mod konsistenti billi tkun ta' gwida, partikularment fejn jidħlu t-tariffi u l-kalkolu tal-ispejjeż, il-kundizzjonijiet rakkomandati tal-liċenzjar, u l-formati tad-dejta, wara li tkun ikkonsultata mal-partijiet interessati.

(18) Il-Kummissjoni għandha tgħin lill-Istati Membri jimplimentaw id-Direttiva b'mod konsistenti billi tagħmel proposti u tistabbilixxi linji gwida, partikularment fejn jidħlu t-tariffi u l-kalkolu tal-ispejjeż, il-kundizzjonijiet rakkomandati tal-liċenzjar, u l-formati tad-dejta, wara li tkun ikkonsultata mal-partijiet interessati.

Test propost mill-Kummissjoni

Emenda

(6) "li jinqara elettronikament" tfisser li dokumenti diġitali jkunu strutturati b'mod xieraq biex applikazzjonijiet tas-softwer ikunu jistgħu jidentifikaw b'mod affidabbli dikjarazzjonijiet individwali ta’ fatt u l-istruttura interna tagħhom."

(6) "li jinqara elettronikament" tfisser li dokumenti diġitali jkunu strutturati b'mod sabiex applikazzjonijiet tas-softwer ikunu jistgħu jottienu b'mod teknoloġikament newtrali, data individwali li tkun ta' interess."

Test propost mill-Kummissjoni

Emenda

(1) Soġġett għall-paragrafu (2), l-Istati Membri għandhom jiżguraw li d-dokumenti msemmija fl-Artikolu 1 ikunu jistgħu jintużaw mill-ġdid għal finijiet kummerċjali u mhux kummerċjali, skont il-kundizzjonijiet stipulati fil-Kapitoli III u IV.

(1) Soġġett għall-paragrafu (2), l-Istati Membri għandhom jiżguraw li d-dokumenti tal-entitajiet tas-settur pubbliku msemmija fl-Artikolu 1 ikunu jistgħu jintużaw mill-ġdid għal finijiet kummerċjali u mhux kummerċjali, skont il-kundizzjonijiet stipulati fil-Kapitoli III u IV, bil-kundizzjoni li skont ir-regolamenti eżistenti tal-Istati Membri dwar l-aċċess għall-informazzjoni tas-settur pubbliku, dawn huma dokumenti kklassifikati bħala aċċessibbli. Kemm jista' jkun, dawn id-dokumenti għandhom jinxterdu f'format teknoloġikament newtrali li jinqara elettronikament.

Test propost mill-Kummissjoni

Emenda

(2) Għad-dokumenti li l-libreriji (inklużi l-libreriji universitarji), il-mużewijiet u l-arkivji jkollhom id-drittjiet tal-proprjetà intellettwali tagħhom, l-Istati Membri għandhom jiżguraw li, fejn ikun permess l-użu mill-ġdid tad-dokumenti, id-dokumenti jkunu jistgħu jintużaw għal finijiet kummerċjali u mhux kummerċjali, skont il-kundizzjonijiet stipulati fil-Kapitoli III u IV.

(2) Għad-dokumenti li l-libreriji (inklużi l-libreriji universitarji), il-mużewijiet u l-arkivji jkollhom id-drittijiet tal-proprjetà intellettwali tagħhom, l-Istati Membri għandhom jiżguraw li, fejn ikun permess l-użu mill-ġdid tad-dokumenti, id-dokumenti jkunu jistgħu jintużaw għal finijiet kummerċjali u mhux kummerċjali, skont il-kundizzjonijiet stipulati fil-Kapitoli III u IV, bil-kundizzjoni li skont ir-regolamenti eżistenti tal-Istati Membri dwar l-aċċess għall-informazzjoni tas-settur pubbliku, dawn huma dokumenti kklassifikati bħala aċċessibbli. Kemm jista' jkun, dawn id-dokumenti għandhom jinxterdu f'format teknoloġikament newtrali li jinqara elettronikament.

Test propost mill-Kummissjoni

Emenda

(2) Fi tmiem il-paragrafu 4, tiżdied is-sentenza li ġejja:

(2) Il-paragrafu 4 jinbidel b'li ġej:

"Il-miżuri ta’ rikors għandhom jinkludu l-possibbiltà ta’ reviżjoni minn awtorità indipendenti li tingħata setgħat regolatorji speċifiċi fir-rigward tal-użu mill-ġdid tal-informazzjoni tas-settur pubbliku, u li d-deċiżjonijiet tagħha jkunu vinkolanti għall-entità tas-settur pubbliku kkonċernata."

‘4. Kull deċiżjoni negattiva għandu jkun fiha referenza għall-mezz ta’ rimedju fil-każ li l-applikant ikun jixtieq jappella kontra d-deċiżjoni. Il-miżuri ta’ rikors għandhom jinkludu referenza dwar il-possibilità ta’ reviżjoni minn awtorità fl-Istati Membri."

Test propost mill-Kummissjoni

Emenda

1. Fil-paragrafu 1, il-kliem "b'mod elettroniku" jinbidel bil-kliem "f'format li jinqara elettronikament, flimkien mal-metadejta korrispondenti.".

1. Il-paragrafu 1 jinbidel b'li ġej:

‘1. Il-korpi tas-settur pubbliku għandhom jagħmlu d-dokumenti tagħhom disponibbli fil-formati jew il-lingwi eżistenti minn qabel u, fejn possibbli u xieraq, f'format teknoloġikament newtrali li jinqara elettronikament, flimkien mal-metadejta korrispondenti. Dan ma għandux jimplika xi obbligu għall-korpi tas-settur pubbliku li joħolqu, jiddiġitalizzaw jew jadattaw dokumenti jew jagħmluhom f'formati li jinqaraw elettronikament b'mod teknoloġikament newtrali sabiex jikkonformaw mat-talba, lanqas ma għandu jimplika xi obbligu li jiġu provduti estratti minn dokumenti fejn dan ikun jinvolvi sforz sproporzjonat, li jmur 'l hinn minn operazzjoni sempliċi.''

Test propost mill-Kummissjoni

Emenda

(1) Fejn jiġu imposti tariffi għall-użu mill-ġdid tad-dokumenti, l-ammont totali impost mill-entitajiet tas-settur pubbliku għandu jkun limitat għall-ispejjeż marġinali mġarrba bir-riproduzzjoni u t-tixrid."

(1) Fejn jiġu imposti tariffi għall-użu mill-ġdid tad-dokumenti, l-ammont totali impost mill-entitajiet tas-settur pubbliku għandu jkun limitat għall-ispejjeż marġinali mġarrba bir-riproduzzjoni, il-forniment u t-tixrid."

Test propost mill-Kummissjoni

Emenda

(2) 2. F'każijiet eċċezzjonali, partikularment fejn l-entitajiet tas-settur pubbliku jiġġeneraw parti sostanzjali mill-ispejjeż tal-operat tagħhom, marbutin mal-qadi tal-kompiti ta’ servizz pubbliku tagħhom, mill-isfruttar tad-drittijiet tal-proprjetà intellettwali tagħhom, l-entitajiet tas-settur pubbliku jistgħu jitħallew jimponu tariffi għall-użu mill-ġdid tad-dokumenti 'l fuq mill-ispejjeż marġinali, skont l-għan, it-trasparenza u kriterji verifikabbli, sakemm dan ikun fl-interess pubbliku u soġġett għall-approvazzjoni tal-awtorità indipendenti msemmija fl-Artikolu 4(4), u mingħajr ħsara għall-parafrafi 3 u 4 ta' dan l-Artikolu."

(2) Il-paragrafu 1 m'għandux japplika għal:

(a) każijiet eċċezzjonali li fihom l-entitajiet tas-settur pubbliku jeħtiġilhom jagħmlu l-qligħ sabiex ikopru parti kbira mill-ispejjeż li ġarrbu biex jissodisfaw il-kompitu pubbliku tagħhom;

(b) libreriji (inklużi libreriji universitarji), mużewijiet u arkivji.

Test propost mill-Kummissjoni

Emenda

(3) Minkejja l-paragrafi 1 u 2, il-libreriji (inklużi l-libreriji universitarji), il-mużewijiet u l-arkivji jistgħu jimponu tariffi 'l fuq mill-ispejjeż marġinali għall-użu mill-ġdid tad-dokumenti li jaħżnu."

imħassar

Test propost mill-Kummissjoni

Emenda

(2) It-test tal-Artikolu 6 isir il-paragrafu 4.

(2) It-test tal-Artikolu 6 isir il-paragrafu 4 u jkun jinqara kif ġej:

“4. Fejn jintalab ħlas skont il-paragrafu 2, il-volum totali tagħhom irid jiġi stabbilit permezz ta' kriterji oġġettivi, trasparenti u varjabbli, u d-dħul totali mnissel mill-provvista u mill-awtorizzazzjoni tal-użu mill-ġdid ta' dawn id-dokumenti ma għandux jisboq in-nefqa tal-ġbir, produzzjoni, riproduzzjoni, forniment u tixrid, filwaqt li jippermetti dħul raġonevoli fuq l-investiment li jkun jaqbel mal-eżerċizzju tal-kompiti pubbliċi tal-korpi u tal-istituzzjonijiet. Fil-każ ta’ proġetti li l-finijiet tagħhom huma purament kummerċjali, id-dħul minn dawn il-ħlasijiet mitluba għandu jiġi investit skont kriterji oġġettivi u trasparenti li ma jkunux ta' detriment għall-interess ġenerali. Il-ħlasijiet skont il-paragrafu 1 u l-paragrafu 2, għandhom ikunu orjentati skont in-nefqa matul il-perjodu xieraq ta’ kontabilità u kalkolati skont il-prinċipji ta’ kontabilità applikabbli għall-korpi tas-settur pubbliku involuti."

Test propost mill-Kummissjoni

Emenda

2a. Għandu jiddaħħal il-paragrafu li ġej:

‘4a. ''Hija responsabilità tal-Istati Membri li jaħtru awtorità nazzjonali adegwata u kompetenti sabiex tikkontrolla l-konformità mal-kriterji għall-kalkolu tal-ħlasijiet imsemmija f'paragrafu 4.''

Test propost mill-Kummissjoni

Emenda

(3) Jiddaħħal il-paragrafu 5 ġdid:

"Jibqa' f'idejn l-entità tas-settur pubbliku li tkun qiegħda timponi tariffi għall-użu mill-ġdid, li tagħti evidenza li t-tariffi jikkonformaw ma' dan l-Artikolu."

imħassar

Test propost mill-Kummissjoni

Emenda

(7) Fl-Artikolu 7 (It-trasparenza), jiddaħħal il-kliem "'l fuq mill-ispejjeż marġinali jew" wara l-kliem "il-kalkolu tat-tariffi".

(7) Fl-Artikolu 7 (It-trasparenza), it-tielet sentenza tiġi sostitwita b'dan li ġej:

''Is-settur pubbliku inkwistjoni għandu wkoll jindika liema fatturi għandu jingħata kont tagħhom fil-kalkolazzjoni tal-ħlasijiet skont l-Artikolu 6.''

Test propost mill-Kummissjoni

Emenda

"L-entitajiet tas-settur pubbliku jistgħu jippermettu l-użu mill-ġdid mingħajr kundizzjonijiet, jew jistgħu jimponi kundizzjonijiet, bħall-indikazzjoni tas-sors, fejn xieraq permezz ta’ liċenzja. Dawn il-kundizzjonijiet ma għandhomx jirrestrinġu bla bżonn il-possibbiltajiet għall-użu mill-ġdid, u ma għandhomx jintużaw biex jirrestrinġu l-kompetizzjoni.".

L-entitajiet tas-settur pubbliku jistgħu jippermettu l-użu mill-ġdid ta’ dokumenti mingħajr kundizzjonijiet, jew jistgħu jimponu kundizzjonijiet, fejn xieraq permezz ta’ liċenzja li titratta kwistjonijiet rilevanti. Dawn il-kundizzjonijiet ma għandhomx jirrestrinġu bla bżonn il-possibbiltajiet għall-użu mill-ġdid, u ma għandhomx jintużaw biex jirrestrinġu l-kompetizzjoni.

Test propost mill-Kummissjoni

Emenda

L-Istati Membri għandhom jiżguraw li jkunu implimentati arranġamenti prattiċi li jiffaċilitaw it-tiftix, b'ilsna differenti, għad-dokumenti disponibbli għall-użu mill-ġdid, bħal listi ta’ dokumenti ewlenin bil-metadejta rilevanti, preferibbilment aċċessibbli fuq l-internet u f'format li jinqara elettronikament, u siti u portali li jkollhom ħolqa għal listi deċentralizzati ta’ assi."

L-Istati Membri għandhom jagħmlu arranġamenti prattiċi biex jiġi ffaċilitat it-tiftix għad-dokumenti disponibbli għall-użu mill-ġdid madwar l-Unjoni, bħal listi ta’ dokumenti ewlenin bil-metadejta rilevanti, preferibbilment aċċessibbli f'format teknoloġikament newtrali li jinqara elettronikament, u siti u portali li jkollhom ħolqa għal listi ta’ assi."

Test propost mill-Kummissjoni

Emenda

(9a) Fl-Artikolu 11, il-paragrafu 2 għandu jiġi sostitwit b'dan li ġej:

‘2. ''Minkejja l-paragrafu 1, fejn dritt esklussiv ikun meħtieġ għall-provvista ta' servizz fl-interess pubbliku, il-validità tal-arranġament ta' dritt esklussiv għandha tkun suġġetta għal reviżjoni regolari, u għandha, f'kull każ, tiġi riveduta kull erba' snin. L-arranġamenti esklussivi stabbiliti wara d-dħul fis-seħħ ta' din id-Direttiva għandhom ikunu suġġetti għall-prinċipju ta' trasparenza u jkunu magħmula pubbliċi mill-entitajiet tas-settur pubbliku kkonċernati.''

Test propost mill-Kummissjoni

Emenda

(9b) Fl-Artikolu 11, jiddaħħal il-paragrafu li ġej:

‘2a. ''Minkejja l-paragrafu 1, fejn dritt esklussiv jingħata b'rabta mal-isfruttar kummerċjali neċessarju għad-diġitalizzazzjoni ta' kollezzjonijiet kulturali, l-isfruttar kummerċjali ma jistax ikun ta' aktar minn seba' snin. Tul dan iż-żmien, id-dritt esklussiv ma jeħtieġlux ikun suġġett għal reviżjoni. L-arranġamenti esklussivi stabbiliti wara d-dħul fis-seħħ ta’ din id-Direttiva għandhom ikunu trasparenti u magħmula pubbliċi.''

Test propost mill-Kummissjoni

Emenda

(10) Fl-Artikolu 11 (il-projbizzjoni tal-arranġamenti esklussivi), tiżdied is-sentenza li ġejja fi tmiem il-paragrafu 3:

(10) Fl-Artikolu 11, (il-projbizzjoni tal-arranġamenti esklussivi), il-paragrafu 3 jiġi sostitwit b’dan li ġej:

"Madankollu, arranġamenti ta’ dan it-tip li jinvolvu l-istabbilimenti kulturali u l-libreriji tal-università għandhom jintemmu fi tmiem il-kuntratt, jew f'kull każ mhux iktar tard mill-31 ta' Diċembru 20XX [sitt snin wara d-dħul fis-seħħ ta’ din id-Direttiva].".

‘3. "L-arranġamenti eżistenti esklussivi li ma jikkwalifikawx għal eċċezzjoni taħt il-paragrafu 2 għandhom ikunu terminati fl-aħħar tal-kuntratt u f’kull każ mhux aktar tard mill-31 ta’ Diċembru 2008. Madankollu, arranġamenti ta’ dan it-tip li jikkonċernaw libreriji (inklużi l-libreriji tal-università), mużewijiet u arkivji li ma jikkwalifikawx għal eċċezzjoni skont il-paragrafi 2 jew 2a, għandhom jintemmu fi tmiem il-kuntratt, jew f'kull każ mhux iktar tard mill-31 ta' Diċembru 20XX [sitt snin wara d-dħul fis-seħħ ta’ din id-Direttiva]."

Test propost mill-Kummissjoni

Emenda

(12) Fl-Artikolu 13 (Reviżjoni), id-data tal-1 ta’ Lulju 2008 tinbidel bid-data [tliet snin wara d-data tat-traspożizzjoni], u jiżdied il-paragrafu li ġej:

(12) Fl-Artikolu 13(1)(Reviżjoni) il-kliem, ''l-1 ta’ Lulju 2008'' jinbidel [5 snin wara d-data tad-dħul fis-seħħ ta' din id-direttiva], u jiżdied il-paragrafu li ġej:

Test propost mill-Kummissjoni

Emenda

"L-Istati Membri għandhom iressqu rapport ta' kull sena lill-Kummissjoni dwar l-ammont ta’ użu mill-ġdid li jkun sar mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-awtorità indipendenti msemmija fl-Artikolu 4(4)."

(2a) "L-Istati Membri għandhom iressqu rapport lill-Kummissjoni kull sentejn dwar l-ammont ta’ użu mill-ġdid li jkun sar mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-awtorità indipendenti msemmija fl-Artikolu 4(4)."

Test propost mill-Kummissjoni

Emenda

(7) Għaldaqstant, id-Direttiva 2003/98/KE għandha tistipula l-obbligu ċar li l-Istati Membri joffru d-dokumenti kollha ġeneralment disponibbli għall-użu mill-ġdid tagħhom. Billi dan jikkostitwixxi limitazzjoni tad-drittijiet tal-proprjetà intellettwali tal-awturi tad-dokumenti, l-ambitu ta' tali rabta bejn id-dritt tal-aċċess u d-dritt tal-użu mill-ġdid għandu jitqassar biex ikopru biss dak li hu strettament meħtieġ biex jintlaħqu l-għanijiet imfittxija minn din l-introduzzjoni. F'dan ir-rigward, fid-dawl tal-leġiżlazzjoni tal-Unjoni u tal-obbligi internazzjonali tal-Istati Membri u tal-Unjoni, speċifikament skont il-Konvenzjoni ta' Bern għall-Protezzjoni tax-Xogħlijiet Letterarji u Artistiċi u l-Ftehim dwar l-Aspetti Marbutin mal-Kummerċ tad-Drittijiet tal-Proprjetà Intellettwali (il-Ftehim TRIPS), id-dokumenti li partijiet terzi jżommu drittijiet tal-proprjetà intellettwali fuqhom għandhom jiġu esklużi mill-kamp ta’ applikazzjoni tad-Direttiva 2003/98/KE. Fil-każ li parti terza kienet is-sid inizjali ta’ dokument miżmum minn libreriji (inklużi l-librerija universitarji), mużewijiet jew arkivji, li jkun għadu protett bid-drittijiet tal-proprjetà intellettwali, għall-finijiet ta’ din id-Direttiva, dak id-dokument għandu jitqies li partijiet terzi jżommu drittijiet tal-proprjetà intellettwali fuqu.

(7) Għaldaqstant, id-Direttiva 2003/98/KE għandha tistipula l-obbligu ċar li l-Istati Membri joffru d-dokumenti kollha ġeneralment disponibbli għall-użu mill-ġdid tagħhom. Dan l-obbligu ma japplikax għad-dokumenti li, skont ir-regoli ta’ aċċess fis-seħħ fl-Istati Membri, mhumiex aċċessibbli kif ukoll għall-eċċezzjonijiet previsti f’din id-direttiva.

Test propost mill-Kummissjoni

Emenda

(7a) Fid-dawl tal-leġiżlazzjoni tal-Unjoni u tal-obbligi internazzjonali tal-Istati Membri u tal-Unjoni, speċifikament skont il-Konvenzjoni ta' Bern għall-Protezzjoni tax-Xogħlijiet Letterarji u Artistiċi u l-Ftehim dwar l-Aspetti Marbutin mal-Kummerċ tad-Drittijiet tal-Proprjetà Intellettwali (il-Ftehim TRIPS), id-dokumenti li partijiet terzi jżommu drittijiet tal-proprjetà intellettwali fuqhom għandhom jiġu esklużi mill-kamp ta’ applikazzjoni tad-Direttiva 2003/98/KE. Fil-każ li parti terza kienet is-sid inizjali ta’ dokument miżmum minn libreriji (inklużi l-libreriji universitarji), mużewijiet jew arkivji, li jkun għadu protett bid-drittijiet ta’ proprjetà intellettwali, għall-finijiet ta’ din id-Direttiva, dak id-dokument għandu jitqies li partijiet terzi jżommu drittijiet ta’ proprjetà intellettwali fuqu.

Test propost mill-Kummissjoni

Emenda

(10) Il-kamp ta’ applikazzjoni tad-Direttiva titwessa' għal-libreriji (inklużi l-libreriji universitarji), għall-mużewijiet u għall-arkivji. Id-Direttiva ma tapplikax għal istituzzjonijiet kulturali oħrajn, bħal operi, ċentri tal-ballet jew teatri, inklużi l-arkivji li jkunu parti minn dawn l-istituzzjonijiet.

(10) Il-kamp ta’ applikazzjoni tad-Direttiva titwessa' għal-libreriji (inklużi l-libreriji universitarji), għall-mużewijiet u għall-arkivji. Id-Direttiva ma tapplikax għal istituzzjonijiet kulturali oħrajn, bħal operi, ċentri tal-ballet jew teatri, inklużi l-arkivji li jkunu parti minn dawn l-istituzzjonijiet, u lanqas għall-entitajiet ta’ xandir ta’ servizz pubbliku.

Test propost mill-Kummissjoni

Emenda

(11) Biex jiġi ffaċilitat l-użu mill-ġdid tal-PSI, l-entitajiet tas-settur pubbliku għandhom iqiegħdu dokumenti għad-dispożizzjoni permezz ta' formati li jinqraw elettronikament, u flimkiem mal-metadejta tagħhom fejn possibbli u xieraq, f'format li jiżgura l-interoperabbiltà eċċ., billi jipproċessawhom b'mod konsistenti mal-prinċipji tar-rekwiżiti ta’ kompatibbiltà u użabbiltà għall-informazzjoni spazjali skont id-Direttiva 2007/2/KE tal-Parlament Ewropew u tal-Kunsill tal-14 ta' Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (Inspire).

(11) Biex jiġi ffaċilitat l-użu mill-ġdid tal-PSI, l-entitajiet tas-settur pubbliku għandhom iqiegħdu dokumenti għad-dispożizzjoni permezz ta' formati teknoloġikament newtrali u li jinqraw elettronikament, u flimkiem mal-metadejta tagħhom fejn possibbli u xieraq, f'format li jiżgura l-interoperabbiltà eċċ., billi jipproċessawhom b'mod konsistenti mal-prinċipji tar-rekwiżiti ta’ kompatibbiltà u użabbiltà għall-informazzjoni spazjali skont id-Direttiva 2007/2/KE tal-Parlament Ewropew u tal-Kunsill tal-14 ta' Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (INSPIRE).

Test propost mill-Kummissjoni

Emenda

(12) Fejn jiġu imposti tariffi għall-użu mill-ġdid ta’ dokumenti, fil-prinċipju, għandhom ikunu limitati għall-ispejjeż marġinali mġarrba bir-riproduzzjoni u t-tixrid tagħhom, sakemm ma jkunx iġġustifikat mod ieħor skont l-għan, it-trasparenza jew kriterji li jistgħu jiġi vverifikati. Għandha titqies b'mod partikulari l-ħtieġa li ma jitfixkilx il-funzjonament normali ta’ dawk entitajiet tas-settur pubbliku li jkopru parti sostanzjali tal-ispejjeż tal-operat imnissla mill-qadi tal-kompitu pubbliku tagħhom, billi jittellef l-isfruttar tad-drittijiet tagħhom tal-proprjetà intellettwali. Għandu jkun f'idejn l-entità tas-settur pubbliku li tkun qiegħda timponi tariffa għall-użu mill-ġdid tad-dokumenti, li tagħti evidenza li t-tariffi huma msejsa fuq l-ispejjeż, u li tikkonforma ma' limiti rilevanti.

(12) Fejn jiġu imposti tariffi għall-użu mill-ġdid ta’ dokumenti, dawn tal-aħħar għandhom ikunu stabbiliti skont kriterji oġġettivi, trasparenti u verifikabbli li jiżguraw trattament ugwali. Huma fil-prinċipju, għandhom ikunu limitati għall-ispejjeż marġinali involuti fir-riproduzzjoni tad-dokumenti u t-tqiegħed għad-dispożizzjoni tagħhom. Madankollu, il-fatt li ċerti entitajiet tas-settur pubbliku jistgħu jiġġeneraw dħul li jkopri parti sostanzjali tal-ispejjeż tagħhom tal-operat imnissla mill-qadi tal-kompiti pubbliċi tagħhom, mill-isfruttar tad-drittijiet ta’ proprjetà intellettwali tagħhom. Dawn l-entitajiet u liberiji, mużewijiet u arkiviji wkoll għandhom ikunu jistgħu jimponu tariffi li jaqbżu l-ispejjeż marġinali ta’ riproduzzjoni ta’ dokumenti u ta’ tqiegħid għad-dispożizzjoni tagħhom u li jippermettu dħul raġonevoli fuq investimen. Dawn it-tariffi għandhom jiġu ffissati skont kriterji oġġettivi, trasparenti u verifikabbli li jiżguraw trattament ugwali. Għandu jkun f'idejn l-entità tas-settur pubbliku li tkun qiegħda timponi tariffa għall-użu mill-ġdid tad-dokumenti, li tagħti evidenza li t-tariffi huma msejsa fuq l-ispejjeż, u li tikkonforma ma' limiti rilevanti.

Test propost mill-Kummissjoni

Emenda

(13) B'rabta ma' kwalunkwe użu mill-ġdid li jsir mid-dokument, fejn ikun vjabbli, l-entitajiet tas-settur pubbliku jistgħu jimponu kundizzjonijiet fuq l-utent mill-ġdid, pereżempju r-rikonoxximent tas-sors. Fi kwalunkwe każ, kull liċenzja għall-użu mill-ġdid tal-informazzjoni tas-settur pubbliku għandha tqiegħed l-inqas restrizzjonijiet possibbli fuq l-użu mill-ġdid tal-PSI. Il-liċenzji miftuħin disponibbli fuq l-internet, li jagħtu drittijiet usa' tal-użu mill-ġdid mingħajr restrizzjonijiet teknoloġiċi, finanzjarji jew ġeografiċi, u li jistrieħu fuq formati ta’ dejta miftuħin, jistgħu jiżvolġu rwol importanti wkoll f'dan ir-rigward. Għaldaqstant, l-Istati Membri għandhom iħeġġu l-użu tal-liċenzji ta' governanza miftuħa.

(13) B'rabta ma' kwalunkwe użu mill-ġdid li jsir mid-dokument, fejn ikun vjabbli, l-entitajiet tas-settur pubbliku jistgħu jimponu kundizzjonijiet fuq l-utent mill-ġdid, pereżempju r-rikonoxximent tas-sors. Fi kwalunkwe każ, kull liċenzja għall-użu mill-ġdid tal-informazzjoni tas-settur pubbliku għandha tqiegħed l-inqas restrizzjonijiet possibbli fuq l-użu mill-ġdid tal-PSI. Il-liċenzji miftuħin disponibbli fuq l-internet, li jagħtu drittijiet usa' tal-użu mill-ġdid mingħajr restrizzjonijiet teknoloġiċi, finanzjarji jew ġeografiċi, u li jistrieħu fuq formati ta’ data miftuħin, għandhom jiżvolġu rwol importanti wkoll f'dan ir-rigward. Għaldaqstant, l-Istati Membri għandhom iħeġġu l-użu tal-liċenzji tal-gvern miftuħa u l-liċenzjar tal-metadata tal-PSI għandu jsegwi l-istandards għall-ħruġ tal-liċenzji kif stabbilit minn pereżempju l-Europeana.

Test propost mill-Kummissjoni

Emenda

(14) L-implimentazzjoni tajba ta’ wħud mill-elementi ta’ din id-Direttiva, ngħidu aħna l-mezzi ta’ rikors, il-konformità mal-prinċipji tat-tariffar, u l-obbligi ta' rappurtar, jeħtieġu monitoraġġ minn awtoritajiet indipendenti b'kompetenza fl-użu mill-ġdid tal-informazzjoni tas-settur pubbliku. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

(14) L-implimentazzjoni tajba ta’ wħud mill-elementi ta’ din id-Direttiva, ngħidu aħna l-mezzi ta’ rikors, il-konformità mal-prinċipji tat-tariffar, u l-obbligi ta' rappurtar, jeħtieġu monitoraġġ minn awtoritajiet b'kompetenza fl-użu mill-ġdid tal-informazzjoni tas-settur pubbliku. L-Istati Membri għandhom jiddeterminaw liema awtoritajiet għandhom ikunu kompetenti għall-monitoraġġ tal-użu mill-ġdid tal-informazzjoni tas-settur pubbliku

Test propost mill-Kummissjoni

Emenda

(17) Jeħtieġ li jiġi żgurat li l-Istati Membri (ara l-premessa 19) jirrappurtaw lill-Kummissjoni rigward l-ammont ta' użu mill-ġdid li jsir mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-awtorità indipendenti. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

(17) Jeħtieġ li jiġi żgurat li l-Istati Membri (ara l-premessa 19) jirrappurtaw lill-Kummissjoni rigward l-ammont ta' użu mill-ġdid li jsir mill-informazzjoni tas-settur pubbliku, il-kundizzjonijiet li skonthom issir disponibbli, u l-ħidma tal-awtorità kompetenti għall-monitoraġġ tal-użu mill-ġdid tal-informazzjoni tas-settur pubbliku. Biex tiġi żgurata l-konsistenza fost l-approċċi fuq il-livell tal-Unjoni, għandha titħeġġeġ il-koordinazzjoni bejn l-awtoritajiet indipendenti, b'mod partikulari bl-iskambju ta’ tagħrif dwar l-aqwa prassi u l-politiki ta’ użu mill-ġdid tad-dejta.

Test propost mill-Kummissjoni

Emenda

(1a) Fil-paragrafu 2, il-punt (b) huwa sostitwit b’dan li ġej:

'(b) dokumenti li fir-rigward tagħhom il-partijiet terzi għandhom drittijiet ta' proprjetà intellettwali, inklużi dokumenti miżmuma minn librerija universitarja li fir-rigward tagħhom l-università jkollha drittijiet ta’ proprjetà intelletwali;'

Test propost mill-Kummissjoni

Emenda

'(e) "(e) id-dokumenti miżmuma minn stabbilimenti tat-tagħlim jew tar-riċerka, bħal faċilitajiet għar-riċerka, inklużi, fejn relevanti, organizzazzjonijiet imwaqqfa għat-trasferiment ta' riżultati tar-riċerka, skejjel u universitajiet (għajr il-libreriji universitarji fir-rigward ta' dokumenti li ma jkunux ta' riċerka u protetti minn drittijiet tal-proprjetà intellettwali ta' partijiet terzi) u;"

'(e) id-dokumenti miżmuma minn stabbilimenti tat-tagħlim jew tar-riċerka inklużi organizzazzjonijiet imwaqqfa għat-trasferiment ta' riżultati tar-riċerka, skejjel u universitajiet (għajr il-libreriji universitarji fir-rigward ta' dokumenti li ma jkunux ta' riċerka u protetti minn drittijiet tal-proprjetà intellettwali ta' partijiet terzi) u,

Test propost mill-Kummissjoni

Emenda

(3a) fil-paragrafu 2, il-punt li ġej huwa miżjud:

‘(fa) dokumenti li, skont il-liġi tal-Istat Membru, mhumiex aċċessibbli għal raġunijiet ta’ protezzjoni ta’ data personali.’

Test propost mill-Kummissjoni

Emenda

6. "li jinqara elettronikament" tfisser li dokumenti diġitali jkunu strutturati b'mod xieraq biex applikazzjonijiet tas-softwer ikunu jistgħu jidentifikaw b'mod affidabbli dikjarazzjonijiet individwali ta’ fatt u l-istruttura interna tagħhom.

6. "li jinqara elettronikament" tfisser li dokumenti diġitali jkunu strutturati b’tali mod li l-applikazzjonijiet tas-softwer ikunu jistgħu, b’mod teknoloġikament newtrali, jidentifikaw u jieħdu d-data rilevanti b'mod affidabbli;

Test propost mill-Kummissjoni

Emenda

(2) Fi tmiem il-paragrafu 4, tiżdied is-sentenza li ġejja:

(2) Il-paragrafu 4 jinbidel li ġej:

"Il-miżuri ta’ rikors għandhom jinkludu l-possibbiltà ta’ reviżjoni minn awtorità indipendenti li tingħata setgħat regolatorji speċifiċi fir-rigward tal-użu mill-ġdid tal-informazzjoni tas-settur pubbliku, u li d-deċiżjonijiet tagħha jkunu vinkolanti għall-entità tas-settur pubbliku kkonċernata."

'4. Kwalunkwe deċiżjoni rigward l-użu mill-ġdid għandha tinkludi referenza għall-mezz ta’ rimedju f'każ li l-applikant ikun jixtieq jappella kontra d-deċiżjoni. Il-miżuri ta’ rikors għandhom jinkludu l-possibbiltà ta’ reviżjoni minn entità imparzjali ta' reviżjoni, bħall-awtorità nazzjonali tal-kompetizzjoni, l-awtorità nazzjonali tal-aċċess għad-dokumenti jew l-awtorità ġudizzjarja nazzjonali, li għandha l-awtorità li tinvestiga lmenti fir-rigward tal-użu mill-ġdid ta' dokumenti tas-settur pubbliku u li d-deċiżjonijiet tagħha jridu jiġu kkunsidrati mill-entità tas-settur pubbliku kkonċernata.'

Test propost mill-Kummissjoni

Emenda

'2. F'każijiet eċċezzjonali, partikularment fejn l-entitajiet tas-settur pubbliku jiġġeneraw parti sostanzjali mill-ispejjeż tal-operat tagħhom, marbutin mal-qadi tal-kompiti ta’ servizz pubbliku tagħhom, mill-isfruttar tad-drittijiet tal-proprjetà intellettwali tagħhom, l-entitajiet tas-settur pubbliku jistgħu jitħallew jimponu tariffi għall-użu mill-ġdid tad-dokumenti 'l fuq mill-ispejjeż marġinali, skont l-għan, it-trasparenza u kriterji verifikabbli, sakemm dan ikun fl-interess pubbliku u soġġett għall-approvazzjoni tal-awtorità indipendenti msemmija fl-Artikolu 4(4), u mingħajr ħsara għall-parafrafi 3 u 4 ta' dan l-Artikolu."

'2. Fejn l-entitajiet tas-settur pubbliku jiġġeneraw dħul mill-isfruttar tad-drittijiet tal-proprjetà intellettwali tagħhom sabiex ikopru parti sostanzjali mill-ispejjeż tal-operat tagħhom, marbutin mal-qadi tal-kompiti ta’ servizz pubbliku tagħhom jew attività partikolari sakemm din taqa’ fl-ambitu tal-kompiti ta’ servizz pubbliku tagħhom u tirrappreżenta parti sostanzjali minn dawk il-kompiti, l-entitajiet tas-settur pubbliku jistgħu jitħallew jimponu tariffi għall-użu mill-ġdid tad-dokumenti 'l fuq mill-ispejjeż marġinali

Test propost mill-Kummissjoni

Emenda

'3. Minkejja l-paragrafi 1 u 2, il-libreriji (inklużi l-libreriji universitarji), il-mużewijiet u l-arkivji jistgħu jimponu tariffi 'l fuq mill-ispejjeż marġinali għall-użu mill-ġdid tad-dokumenti li jaħżnu."

'3. Minkejja l-paragrafu 1, il-libreriji (inklużi l-libreriji universitarji), il-mużewijiet, l-arkivji, u entitajiet tas-settur pubbliku li jaqdu skopijiet simili għal dawk ta’ hawn fuq, jistgħu jimponu tariffi 'l fuq mill-ispejjeż marġinali għall-użu mill-ġdid tad-dokumenti li jżommu fuq il-bażi ta’ kriterji oġġettivi, trasparenti u verifikabbli, u soġġett għall-approvazzjoni tal-awtorità msemmija fl-Artikolu 4(4).

Test propost mill-Kummissjoni

Emenda

L-Istati Membri għandhom jiżguraw li jkunu implimentati arranġamenti prattiċi li jiffaċilitaw it-tiftix, b'ilsna differenti, għad-dokumenti disponibbli għall-użu mill-ġdid, bħal listi ta’ dokumenti ewlenin bil-metadejta rilevanti, preferibbilment aċċessibbli fuq l-internet u f'format li jinqara elettronikament, u siti u portali li jkollhom ħolqa għal listi deċentralizzati ta’ assi."

L-Istati Membri għandhom jadottaw arranġamenti prattiċi li jiffaċilitaw it-tiftix, b'ilsna differenti, għad-dokumenti disponibbli għall-użu mill-ġdid, bħal listi ta’ dokumenti ewlenin bil-metadejta rilevanti, preferibbilment aċċessibbli fuq l-internet u f'format teknoloġikament newtrali u li jinqara elettronikament, u siti portali li huma konnessi mal-listi deċentralizzati ta’ assi.

Test propost mill-Kummissjoni

Emenda

10. Fl-Artikolu 11 (il-projbizzjoni tal-arranġamenti esklussivi), tiżdied is-sentenza li ġejja fi tmiem il-paragrafu 3:

10. 1Artikolu 11 (il-projbizzjoni tal-arranġamenti esklussivi) ġie emendat kif ġej:

(1) Jiddaħħal il-paragrafu li ġej:

“2a. Minkejja l-paragrafu 1, meta jkun hemm il-ħtieġa ta' dritt esklussiv għall-provvista ta’ servizz fl-interess pubbliku, bħalma hi d-diġitalizzazzjoni, il-validità tar-raġuni għall-għoti ta’ tali dritt esklussiv għandha tkun soġġetta għal reviżjoni regolari, u għandha, fi kwalunkwe każ, tiġi riveduta kull tliet snin. L-arranġamenti esklussivi stabbiliti wara d-dħul fis-seħħ ta’ din id-Direttiva għandhom ikunu trasparenti u jitqiegħdu għad-dispożizzjoni tal-pubbliku. Fejn ikun hemm dritt esklussiv marbut mal-isfruttament kummerċjali preferenzjali neċessarju għad-diġitalizzazzjoni tar-riżorsi kulturali, l-entità tas-settur pubbliku għandha tingħata kopja tar-riżorsi kulturali diġitalizzati bħala parti minn dak il-ftehim.”

Test propost mill-Kummissjoni

Emenda

(1a) Is-sentenza li ġejja qed tiddaħħal fl-aħħar ta' paragrafu 3:

"Madankollu, arranġamenti ta’ dan it-tip li jinvolvu l-istabbilimenti kulturali u l-libreriji tal-università għandhom jintemmu fi tmiem il-kuntratt, jew f'kull każ mhux iktar tard mill-31 ta' Diċembru 20XX [sitt snin wara d-dħul fis-seħħ ta’ din id-Direttiva].".

“Madankollu, arranġamenti ta’ dan it-tip li jinvolvu arkivji, mużewijiet u libreriji (inklużi l-libreriji universitarji) għandhom jintemmu fi tmiem il-kuntratt, jew f'kull każ mhux iktar tard mill-31 ta' Diċembru 20XX [għaxar snin wara d-dħul fis-seħħ ta’ din id-Direttiva].