Dokument ta' sessjoni
20.10.2014
***I
RAPPORT
dwar il-proposta għal regolament tal-Parlament Ewropew u tal-Kunsill li jemenda r-Regolament (UE) Nru 374/2014 dwar it-tnaqqis jew l-eliminazzjoni ta' dazji doganali fuq oġġetti li joriġinaw fl-Ukraina
( COM(2014)0597 – C8‑0165/2014 – 2014/0279(COD) )
Kumitat għall-Kummerċ Internazzjonali
Rapporteur: Gabrielius Landsbergis
PR_COD_1app
Tifsira tas-simboli użati |
* Proċedura ta' konsultazzjoni *** Proċedura ta' approvazzjoni ***I Proċedura leġiżlattiva ordinarja (l-ewwel qari) ***II Proċedura leġiżlattiva ordinarja (it-tieni qari) ***III Proċedura leġiżlattiva ordinarja (it-tielet qari) (It-tip ta' proċedura jiddependi mill-bażi legali proposta mill-abbozz ta' att.)
|
Emendi għal abbozz ta' att |
Emendi tal-Parlament f'żewġ kolonni
It-tħassir huwa indikat permezz tat-tipa korsiva u grassa fil-kolonna tax-xellug. Is-sostituzzjoni hija indikata permezz tat-tipa korsiva u grassa fiż-żewġ kolonni. It-test ġdid huwa indikat permezz tat-tipa korsiva u grassa fil-kolonna tal-lemin.
L-ewwel u t-tieni linji tal-intestatura ta' kull emenda jidentifikaw il-parti tat-test ikkonċernata fl-abbozz ta' att inkwistjoni. Meta emenda tirrigwarda att eżistenti, li l-abbozz ta' att ikollu l-ħsieb li jemenda, l-intestatura jkun fiha wkoll it-tielet u r-raba' linji li jidentifikaw rispettivament l-att eżistenti u d-dispożizzjoni kkonċernata f'dak l-att.
Emendi tal-Parlament li jieħdu l-forma ta' test konsolidat
Il-partijiet tat-testi l-ġodda huma indikati permezz tat-tipa korsiva u grassa. Il-partijiet tat-test imħassra huma indikati permezz tas-simbolu ▌ jew huma ingassati. Is-sostituzzjoni hija indikata billi t-test il-ġdid jiġi indikat permezz tat-tipa korsiva u grassa u billi jitħassar jew jiġi ingassat it-test sostitwit. Bħala eċċezzjoni, it-tibdil ta' natura strettament teknika magħmul mis-servizzi fil-preparazzjoni tat-test finali mhuwiex indikat.
|
WERREJ
Paġna
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW 5
NOTA SPJEGATTIVA 6
ANNESS 8
SEJĦA TAL-ISMIJIET GĦALL-VOTAZZJONI FINALI 30
PROĊEDURA 31
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
dwar il-proposta għal regolament tal-Parlament Ewropew u tal-Kunsill li jemenda r-Regolament (UE) Nru 374/2014 dwar it-tnaqqis jew l-eliminazzjoni ta' dazji doganali fuq oġġetti li joriġinaw fl-Ukraina
( COM(2014)0597 – C8‑0165/2014 – 2014/0279(COD) )
(Proċedura leġiżlattiva ordinarja: l-ewwel qari)
Il-Parlament Ewropew,
– wara li kkunsidra l-proposta tal-Kummissjoni lill-Parlament Ewropew u lill-Kunsill ( COM(2014)0597 ),
– wara li kkunsidra l-Artikolu 294(2) u l-Artikolu 207(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C8-0165/2014),
– wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,
– wara li kkunsidra l-impenn meħud mir-rappreżentant tal-Kunsill, permezz ta' ittra tas-16 ta' Ottubru 2014, li japprova l-pożizzjoni tal-Parlament Ewropew, skont l-Artikolu 294(4) tat-Trattat dwar il-Funzjonament tal-Unjoni Ewropea,
– wara li kkunsidra l-Artikolu 59 tar-Regoli ta' Proċedura tiegħu,
– wara li kkunsidra r-rapport tal-Kumitat għall-Kummerċ Internazzjonali ( A8‑0021/2014 ),
1. Jadotta l-pożizzjoni tiegħu fl-ewwel qari li tidher hawn taħt;
2. Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;
3. Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.
NOTA SPJEGATTIVA
Ir-Regolament (UE) Nru 374/2014 dwar it-tnaqqis jew l-eliminazzjoni ta' dazji doganali fuq oġġetti li joriġinaw fl-Ukraina daħal fis-seħħ fit-23 ta' April 2014 wara l-approvazzjoni tal-Parlament Ewropew permezz tar-riżoluzzjoni leġiżlattiva tiegħu tat-3 ta' April 2014, u kellu japplika sa ma jidħol fis-seħħ jew jiġi applikat provviżorjament it-Titolu IV tal-Ftehim ta' Assoċjazzjoni. Kien maħsub li r-Regolament (UE) Nru 374/2014 jieqaf japplika mill-1 ta' Novembru 2014 l-aktar tard.
Fid-Dikjarazzjoni Ministerjali Konġunta dwar l-Implimentazzjoni tal-FA/DCFTA bejn l-UE u l-Ukraina tat-12 ta' Settembru 2014 wara konsultazzjonijiet trilaterali, kien hemm qbil min-naħa tal-UE li tipproponi lill-Istati Membri li jipposponu l-applikazzjoni provviżorja tad-DCFTA sal-31 ta' Diċembru 2015, filwaqt li matul dan il-perjodu jkomplu bil-miżuri kummerċjali awtonomi tal-UE għall-benefiċċju tal-Ukraina. Din is-soluzzjoni hija parti minn proċess ta' paċi komprensiv fl-Ukraina, li jirrispetta l-integrità territorjali tal-Ukraina kif ukoll id-dritt tagħha li tiddeċiedi d-destin tagħha. Hija r-riżultat ta' talba tal-Ukraina u bi tpattija għall-impenn tal-Federazzjoni Russa li tkompli r-reġim preferenzjali CIS-FTA bejn il-Federazzjoni Russa u l-Ukraina. Konsegwentement, sabiex tappoġġa l-istabbiltà politika u ekonomika tal-Ukraina, il-Kummissjoni Ewropea pproponiet l-estensjoni tal-applikazzjoni tar-Regolament (UE) Nru 374/2014 dwar it-tnaqqis jew l-eliminazzjoni ta' dazji doganali fuq oġġetti li joriġinaw fl-Ukraina sal-31 ta' Diċembru 2015, jiġifieri fiż-żmien meta ħa jidħol fis-seħħ it-Titolu IV tal-Ftehim ta' Assoċjazzjoni.
Fid-dawl tal-objettiv li tkun żgurata ż-żamma tal-kundizzjonijiet eżistenti għall-aċċess għas-suq tal-UE u li jiġi minimizzat il-periklu li l-esportazzjonijiet lejn l-UE jisfrattaw, l-aktar soluzzjoni effikaċi tibqa' l-estensjoni tal-miżuri kummerċjali awtonomi. L-estensjoni tar-Regolament (UE) Nru 374/2014 sal-aħħar tal-2015 għandha l-għan li tappoġġa lill-Ukraina fis-sitwazzjoni tant diffiċli li għaddejja minnha mil-lat ta' sigurtà u minn dak politiku u ekonomiku, permezz tal-implimentazzjoni tal-impenji tariffarji tal-UE fl-ambitu tal-Ftehim ta' Assoċjazzjoni ratifikat.
Statistika kummerċjali turi li l-esportazzjonijiet Ukraini lejn l-UE żdiedu b'mod sinifikanti fl-ewwel nofs tal-2014; fl-istess waqt ġie osservat tnaqqis fl-esportazzjonijiet Ukraini lejn ir-Russja minħabba restrizzjonijiet kummerċjali għall-prodotti Ukraini biex ikollhom aċċess għas-suq tar-Russja, u minħabba n-nuqqas ta' prevedibbiltà tiegħu. Fil-fatt, min-naħa tal-Ukraina jidher li permezz tal-miżuri kummerċjali awtonomi, l-esportazzjonijiet tagħha lejn l-UE żdiedu fl-ewwel nofs tal-2014 (b'+25,0 %, b'valur ta' USD 587 miljun), u li din iż-żieda kważi kkumpensat għat-tnaqqis fl-esportazzjonijiet tagħha lejn ir-Russja (-24,5 %, b'valur ta' USD 592 miljun). Filwaqt li jitqiesu fatturi oħra bħad-deprezzar tal-valuta, ir-riperkussjonijiet tal-miżuri ta' ritaljazzjoni Russi fil-konfront tal-esportazzjonijiet Ukraini lejn ir-Russja u l-irkupru fl-Ewropa, jidher li l-orjentazzjoni mill-ġdid mis-suq Russu għas-suq Ewropew qiegħda sseħħ, u l-miżuri kummerċjali awtonomi bla ebda dubju jżidu l-possibbiltajiet għall-produtturi u n-negozji Ukraini li jfittxu swieq ġodda u jnaqqsu l-konsegwenzi negattivi tal-miżuri kummerċjali ta' ritaljazzjoni Russi kontra l-Ukraina.
Filwaqt li din it-tendenza hija importanti ħafna għall-Ukraina u għan-negozji tagħha, l-impatt ekonomiku għall-UE taż-żieda fl-esportazzjonijiet Ukraini mistenni li jkun żgħir ħafna, u dan minħabba n-nuqqas ta' simmetrija li teżisti f'termini ekonomiċi bejn iż-żewġt isħab kummerċjali. Barra minn hekk, il-konċessjonijiet kummerċjali jirriflettu l-eżitu bilanċjat tan-negozjati mal-Ukraina fil-kuntest tad-DCFTA, u ġew determinati bir-reqqa sabiex jipprovdu livelli adegwati ta' protezzjoni lil atturi sensittivi fl-UE, filwaqt li jiffaċilitaw il-kummerċ mal-Ukraina. Il-konformità mal-istandards sanitarji u fitosanitarji tal-UE u r-rispett għal dawn l-istandards huma prerekwiżit daqskemm huma għall-kummerċ mal-pajjiżi terzi l-oħra kollha. L-estensjoni tal-preferenzi hija marbuta mal-possibbiltà li jiġu sospiżi l-miżuri kummerċjali awtonomi f'każ li jkun hemm frodi jew li jiġu adottati miżuri kummerċjali avversi, u l-għoti huwa suġġett għar-rispett min-naħa tal-Ukraina għall-prinċipji demokratiċi, id-drittijiet tal-bniedem u l-libertajiet fundamentali, kif ukoll il-prinċipju tal-istat tad-dritt. Dawn ilkoll jikkostitwixxu miżuri addizzjonali ta' ħarsien għall-UE, filwaqt li jiżguraw il-faċilitazzjoni tal-kummerċ għall-Ukraina.
Ir-rapporteur jinnota li sabiex jinżamm livell għoli ta' appoġġ għall-Ukraina u titqawwa ċ-ċertezza dwar il-kundizzjonijiet tal-kummerċ għall-operaturi ekonomiċi, huwa importanti li l-Parlament juża proċedura aċċelerata biex jikkunsidra l-proposta tal-Kummissjoni, sabiex b'hekk l-estensjoni tkun tista' tapplika mit-2 ta' Novembru 2014, jiġifieri mingħajr l-ebda interruzzjoni. Għalkemm teżisti l-possibbiltà li jkun hemm applikazzjoni retroattiva f'każ li l-estensjoni ma tidħolx fis-seħħ minnufih wara l-1 ta' Novembru, in-negozji se jkollhom joperaw fl-ambitu ta' reġim mhux preferenzjali, iħabbtu wiċċhom ma' inċertezza ġuridika u piż ikbar, u konsegwentement se jitbatta r-ritmu tal-importazzjonijiet Ukraini lejn l-UE. Apparti dak li ssemma hawn fuq, il-miżuri kummerċjali awtonomi jipprovdu l-opportunità tant meħtieġa għall-produtturi u n-negozji Ukraini li jiddevjaw l-esportazzjonijiet tagħhom mis-suq Russu li qed isir dejjem aktar restrittiv, filwaqt li jservu wkoll ta' inċentiv sabiex jadattaw il-funzjonament u l-istandards tagħhom għal dawk tal-UE u jitħejjew għall-implimentazzjoni sħiħa tad-DCFTA mhux aktar tard mill-1 ta' Jannar 2016.
L-Artikolu 2 tal-Ftehim ta' Assoċjazzjoni mal-Ukraina jipprevedi li r-rispett għall-prinċipji demokratiċi, id-drittijiet tal-bniedem u l-libertajiet fundamentali u r-rispett għall-prinċipju tal-istat tad-dritt, il-promozzjoni tar-rispett għall-prinċipji ta' sovranità u integrità territorjali, l-invjolabbiltà tal-fruntieri u l-indipendenza, kif ukoll il-ġlieda kontra l-proliferazzjoni tal-armi tal-qerda tal-massa, materjali relatati u l-mezzi ta' kunsinna tagħhom jikkostitwixxu elementi essenzjali ta' dan il-Ftehim. Il-preferenzi awtonomi previsti skont ir-Regolament (UE) Nru 374/2014 huma suġġetti għar-rispett ta' dawn l-istess prinċipji mill-Ukraina. Il-volumi/dazji mogħtija mill-UE skont ir-Regolament (UE) Nru 374/2014 fl-2014 għandhom jibqgħu japplikaw għall-2015.
ANNESS
PE-CONS 93/14 - 2014/0279(COD)
REGOLAMENT (UE) Nru …/2014
TAL-PARLAMENT EWROPEW U TAL-KUNSILL
ta'
li jemenda r-Regolament (UE) Nru 374/2014 dwar it-tnaqqis jew l-eliminazzjoni ta’ dazji doganali fuq oġġetti li joriġinaw fl-Ukraina
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 207(2) tiegħu,
Wara li kkunsidraw il-proposta mill-Kummissjoni Ewropea,
Wara t-trażmissjoni tal-abbozz tal-att leġiżlattiv lill-parlamenti nazzjonali,
Waqt li jaġixxu skont il-proċedura ordinarja leġiżlattiva[1],
Billi:
(1) L-Ukraina hija pajjiż sieħeb ta' prijorità fil-Politika Ewropea tal-Viċinat u s-Sħubija tal-Lvant. L-Unjoni Ewropea ilha tfittex relazzjoni aktar mill-viċin mal-Ukraina fid-dawl tal-assoċjazzjoni politika u l-integrazzjoni ekonomika ta' din tal-aħħar mal-Unjoni. F’dak ir-rigward, bejn l-2007 u l-2011, l-Unjoni u l-Ukraina nnegozjaw il-Ftehim ta’ Assoċjazzjoni bejn l-Unjoni Ewropea u l-Istati Membri tagħha minn naħa waħda, u l-Ukraina, min-naħa l-oħra[2]1, (Ftehim ta' Assoċjazzjoni) , li jinkludi Żona ta’ Kummerċ Ħieles Approfondita u Komprensiva (DCFTA), li kien ġie inizjalat miż-żewġ partijiet fis-27 ta' Ġunju 2014. Skont id-dispożizzjonijiet tad-DCFTA, l-Unjoni u l-Ukraina għandhom jistabbilixxu żona ta’ kummerċ ħieles tul perijodu tranżitorju ta’ massimu ta' 10 snin, li jibda mid-dħul fis-seħħ tal-Ftehim ta’ Assoċjazzjoni, skont l-Artikolu XXIV tal-Ftehim Ġenerali dwar it-Tariffi u l-Kummerċ tal-1994.
(2) Fid-dawl ta’ sfidi għas-sigurtà, politiċi u ekonomiċi mingħajr preċedent li qed tiffaċċja l-Ukraina, u biex jingħata appoġġ lill-ekonomija tagħha, ġie deċiż li l-implimentazzjoni tal-Iskeda tal-Konċessjonijiet stabbilita fl-Anness I-A tal-Ftehim ta’ Assoċjazzjoni tiġi antiċipata permezz tal-preferenzi kummerċjali awtonomi previsti fir-Regolament (UE) Nru 374/2014 tal-Parlament Ewropew u tal-Kunsill[3]2. Fid-dawl tal-isfidi li l-Ukraina għadha qed tiffaċċja, l-applikazzjoni tar-Regolament (UE) Nru 374/2014 għandha tiġi estiża sal-31 ta’ Diċembru 2015. Għall-fini ta’ prevedibbiltà, id-dazji doganali u l-aċċess għall-kwoti tariffarji għall-perijodu estiż għandhom jibqgħu l-istess bħal dawk għall-2014.
(3) L-Artikolu 2 tal-Ftehim ta’ Assoċjazzjoni jipprevedi li r-rispett għall-prinċipji demokratiċi, id-drittijiet tal-bniedem u l-libertajiet fundamentali u r-rispett għall-prinċipju tal-istat tad-dritt jikkostitwixxu elementi essenzjali ta' dak il-Ftehim. Barra minn hekk, jipprovdi li l-promozzjoni tar-rispett għall-prinċipji ta’ sovranità u integrità territorjali, l-invjolabbiltà tal-fruntieri u l-indipendenza, kif ukoll il-ġlieda kontra l-proliferazzjoni tal-armi tal-qerda tal-massa, materjali relatati u l-mezzi ta’ kunsinna tagħhom jikkostitwixxu wkoll elementi essenzjali ta’ dak il-Ftehim. Il-preferenzi awtonomi previsti taħt ir-Regolament (UE) Nru 374/2014 għandhom ikunu wkoll soġġetti għar-rispett għal dawk l-istess prinċipji mill-Ukraina. Bil-għan li r-Regolament (UE) Nru 374/2014 jiġi allinjat mal-prattika kummerċjali tal-Unjoni u strumenti ta’ politika oħra tal-UE, huwa xieraq li tiddaħħal il-possibbiltà li l-preferenzi jiġu temporanjament sospiżi f’każ ta’ nuqqas ta’ osservanza tal-prinċipji fundamentali tad-drittijiet tal-bniedem, id-demokrazija u l-istat tad-dritt mill-Ukraina.
(4) Fid-dawl tal-urġenza tal-kwistjoni, jeħtieġ li jsir provvediment għal eċċezzjoni fuq il-perijodu ta’ tmien ġimgħat imsemmi fl-Artikolu 4 tal-Protokoll Nru 1 dwar ir-rwol tal-parlamenti nazzjonali fl-Unjoni Ewropea, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea,
ADOTTAW DAN IR-REGOLAMENT:
Artikolu 1
Ir-Regolament (UE) Nru 374/2014 huwa emendat kif ġej:
(1) L-Artikolu 1 hu sostitwit b'dan li ġej:
"Artikolu 1
Arranġamenti preferenzjali
Dazji doganali fuq prodotti li joriġinaw fl-Ukraina għandhom jitnaqqsu jew jiġu eliminati skont l-Anness I. Fejn issir referenza fl-Anness I għal kategoriji tal-fażijiet, ir-rata bażika tad-dazji għall-2014 u l-2015 għandha tiġi eliminata f’każ ta’ kategorija tal-fażi 0 u għandha titnaqqas b’25 % fil-każ ta’ kategorija tal-fażi 3, b’16,7 % fil-każ ta’ kategorija tal-fażi 5 u b’12,5 % fil-każ tal-kategorija tal-fażi 7.”;
(2) Fl-Artikolu 2, jiżdied il-punt li ġej:
“(e) rispett tal-prinċipji demokratiċi, id-drittijiet tal-bniedem u l-libertajiet fundamentali u r-rispett tal-prinċipju tal-istat tad-dritt previsti fl-Artikolu 2 tal-Ftehim ta’ Assoċjazzjoni*.
______________________
* ĠU L 161, 29.5.2014, p. 3.";
(3) Fl-Artikolu 7, it-tieni paragrafu huwa sostitwit b’dan li ġej:
"Għandu japplika sal-31 ta' Diċembru 2015. ";
(4) L-Annessi II u III huma sostitwiti bit-test stabbilit rispettivament fl-Annessi I u II għal dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu japplika mit-2 ta' Novembru 2014.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi ...,
Għall-Parlament Ewropew Għall-Kunsill
Il-President Il-President
ANNESS I
"ANNESS II
Minkejja r-regoli ta’ interpretazzjoni tan-Nomenklatura Magħquda, il-kliem użat għad-deskrizzjoni tal-prodotti għandu jitqies biss bħala kliem ta’ valur indikattiv, filwaqt li l-ambitu tal-iskema preferenzjali jkun deċiż, fil-kuntest ta’ dan l-Anness, permezz tal-kodiċijiet tan-NM kif jeżistu fit-23 ta' April 2014.
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit- 23.4.2014 sal-31.12.2014 (piż nett f’tunnellati metriċi sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati metriċi sakemm mhux speċifikat mod ieħor) |
09.3050 | 0204 22 50 | Saqajn tan-nagħaġ, qatgħat oħrajn bl-għadam magħhom (eskluż karkassi u nofs karkassi, kwarti ta' quddiem qosra u qatgħat tad-dahar u/jew l-aħjar trufijiet tal-ħaruf), frisk jew imkessaħ | 1 500 | 1 500 |
09.3051 | 0409 | Għasel naturali | 5 000 | 5 000 |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit- 23.4.2014 sal-31.12.2014 (piż nett f’tunnellati sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati sakemm mhux speċifikat mod ieħor) |
09.3052 | 1701 12
| Zokkor tal-pitravi mhux raffinat li ma fihx ħwawar miżjudin jew materjal biex jagħti l-kulur
| 20 070 | 20 070 |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit- 23.4.2014 sal-31.12.2014 (piż nett f’tunnellati sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati sakemm mhux speċifikat mod ieħor) |
09.3053 | 1702 30 | Glukosju u ġulepp tal-glukosju, li ma fihomx fruttosju jew li fl-istat xott fihom anqas minn 50 % tal-piż fruttożju | 10 000 | 10 000 |
09.3054 | 2106 90 30 | Ġuleppijiet tal-isoglukosju mħawwrin jew ikkuluriti | 2 000 | 2 000 |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit-23.4.2014 sal-31.12.2014 (piż nett f’tunnellati sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati sakemm mhux speċifikat mod ieħor) |
09.3055 | Ex 1103 19 20 | Barli mitħun | 6 300 | 6 300 |
09.3056 | 1107 | Malt, kemm jekk inkaljat jew le | 7 000 | 7 000 |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit-23.4.2014 sal-31.12.2014 (piż nett f’tunnellati sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati sakemm mhux speċifikat mod ieħor) | |
09.3057 | 1108 11 | Lamtu tal-qamħ | 10 000 | 10 000 | |
09.3058 | 3505 10 10 | Destrini u lamti oħra mmodifikati (eskluż lamtijiet, esterifikati jew eterifikati) | 1 000 | 1 000 | |
09.3059 | 2302 10 | Granza, dqiq inferjuri (sharps) u residwi oħra, kemm jekk fl-għamla ta' pritkuni jew le, ġejjin mill-għarbil, tħin jew ipproċessar ieħor ta' ċereali (esklużi dak tar-ross) | 16 000 | 16 000 | |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit- 23.4.2014 sal-31.12.2014 (piż nett f’tunnellati metriċi sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati metriċi sakemm mhux speċifikat mod ieħor) |
09.3060 | 0711 51 | Faqqiegħ tal-ġeneru Agaricus ippriservat b’mod provviżorju (eż. permezz tal-gass tad-dijossidu tal-kubrit, fis-salmura, fl-ilma bil-kubrit jew f’soluzzjonijiet priservattivi oħra), iżda mhux tajbin f’dak l-istat għall-konsum immedjat | 500 | 500 |
09.3061 | 0711; 51 | Faqqiegħ tal-ġeneru Agaricus ippriservat b’mod provviżorju (eż. permezz tal-gass tad-dijossidu tal-kubrit, fis-salmura, fl-ilma bil-kubrit jew f’soluzzjonijiet priservattivi oħra), iżda mhux tajbin f’dak l-istat għall-konsum immedjat | 500 | 500 |
09.3062 | 2002 | Tadam ippreparat jew ippriservat mod ieħor milli fil-ħall jew fl-aċtu aċetiku | 10 000 | 10 000 |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit- 23.4.2014 sal-31.12.2014 (piż nett f’tunnellati sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati sakemm mhux speċifikat mod ieħor) |
09.3063 | 2009 61 90 | Meraq tal-għeneb (inkluż il-most tal-għenba), b'valur Brix li ma jeċċedix 30, ta' valur li jeċċedi EUR 18 għal kull 100 kg ta' piż nett | 10 000 | 10 000 |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit-23.4.2014 sal-31.12.2014 (piż nett f’tunnellati sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati sakemm mhux speċifikat mod ieħor) | |
09.3064 | 0403 10 51 | Xorrox tal-butir, ħalib u krema mbaqqta, jogurt, kefir u ħalib u krema oħrajn iffermentati jew aċidifikati, ikkonċentrati jew le, li fihom sustanza ta' ħlewwa miżjuda jew li jkun fihom frott, lewż jew kawkaw miżjuda | 2 000 | 2 000 | |
09.3065 | 0405 20 10 | Prodotti li jindilku (spreads), b’kontenut ta’ xaħam, bil-piż, ta’ 39 % jew aktar iżda li ma jaqbiżx 75 % | 250 | 250 | |
09.3066 | 0710 40 | Qamħirrum (sweetcorn) | 1 500 | 1 500 | |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit-23.4.2014 sal-31.12.2014 (piż nett f’tunnellati metriċi sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati metriċi sakemm mhux speċifikat mod ieħor) | |
09.3067 | 1702 50 1702 90 10
Ex 1704 90 99
1806 10 30 1806 10 90
Ex 1806 20 95
Ex 1901 90 99
2101 12 98
| Fruttosju kimikament pur Maltosju kimikament pur
Ħelu taz-zokkor ieħor li ma fihx kawkaw, li fih 70 % jew aktar tal-piż ta' sukrosju
Trab tal-kawkaw, li fih 65 % jew aktar tal-piż sukrosju jew isoglukosju imfisser bħala sukrosju
Preparazzjonijiet oħrajn fi blokki, ċangaturi jew biċċiet jiżnu aktar minn 2 kg jew f’għamla likwida, pejst, trab, granulari jew f’xi għamla oħra bl-ingrossa ġo kontenituri jew pakki diretti, b’kontenut jeċċedi ż-2 kg, li fihom inqas minn 18% tal-piż butir tal-kawkaw u 70 % jew aktar tal-piż sukrosju
Preparazzjonijiet oħra tal-ikel tad-dqiq, xgħir, qamħ mitħun mhux raffinat, lamtu jew estratt tax-xgħir (malt), li ma fihomx kawkaw jew li fihom inqas minn 40 % f’piż ta’ kawkaw, ikkalkulat fuq bażi totalment mingħajr xaħam, li fihom 70% jew aktar f’piż ta’ sukrosju
Preparazzjonijiet b’bażi ta’ kafè, te jew maté | 2 000 | 2 000 | |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit- 23.4.2014 sal-31.12.2014 (piż nett f’tunnellati metriċi sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati metriċi sakemm mhux speċifikat mod ieħor) |
09.3068 | 1903 | Tapjoka u sostituti tagħha magħmula mill-lamtu, f’forma ta’ troffi, frott taċ-ċereali, ta’ qtar jew boċċi, mgħarbla jew għamliet simili oħra
| 2 000 | 2 000 |
09.3069 | 1806 20 70 2106 10 80
| Frak tal-ħalib taċ-ċikkulata Konċentrati ta' proteini oħrajn u sustanzi ta’ proteini b'konsistenza Xorb mhux alkoħoliku minbarra ilma, li fih 2% jew aktar piż ta’ xaħam miksub mill-prodotti ta’ titoli 0401 sa 0404 | 300 | 300 |
09.3070 | 2106 90 98 | Preparati tal-ikel oħra mhux speċifikati jew inklużi band'oħra | 2 000 | 2 000 |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit-23.4.2014 sal-31.12.2014 (piż nett f’tunnellati metriċi sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati metriċi sakemm mhux speċifikat mod ieħor) |
09.3071 | 2207 10 2207 20 | Alkoħol etiliku mhux naturat Alkoħol etiliku u spirti oħrajn, żnaturati, ta’ liema qawwa tkun | 27 000 | 27 000 |
09.3072 | 2402 10 2402 20 90
| Sigarri, cheroots u cigarillos, li fihom it-tabakk Sigarretti li fihom it-tabakk, mhux li fihom l-imsiemer tal-qronfol | 2 500 | 2 500 |
09.3073 | 2905 43 2905 44 3824 60 | Mannite D-gluċitol (sorbitol) Sorbitol ħlief dak tas-subintestatura 2905 44 | 100
| 100
|
09.3074 | 3809 10 10 | Aġenti għall-irfinar, katalisti (carriers) biex iħaffu ż-żbigħ jew l-iffissar ta’ sustanzi taż-żbigħ u prodotti oħrajn u preparazzjonijiet (pereżempju, sustanzi għat-twebbis u murdenti), ta’ tip użati fl-industriji tat-tessuti, tal-karta, tal-ġilda jew bħalhom, li mhumiex speċifikati jew inklużi band’oħra, b’bażi ta’ sustanzi amilaċeużi | 2 000 | 2 000 |
Nru ta' Ordni | Kodiċi NM | Deskrizzjoni tal-merkanzija | Kwantità għall-perijodu ta’ kwota mit--23.4.2014 sal-31.12.2014 (piż nett f’tunnellati metriċi sakemm mhux speċifikat mod ieħor) | Kwantità għall-perijodu ta’ kwota li jibda mill-1.01.2015 sal-31.12.2015 (piż nett f’tunnellati metriċi sakemm mhux speċifikat mod ieħor) |
09.3075 | 0703 20 | Tewm, frisk jew imkessaħ | 500 | 500 |
09.3076 | 1004 | Ħafur | 4 000 | 4 000 |
“
ANNESS II
"ANNESS III
Kwoti tar-rata tariffarja għall-prodotti agrikoli speċifiċi msemmija fl-Artikolu 3(3)
Prodott | Klassifikazzjoni tariffarja | Kwantità għall-perijodu ta’ kwota mit--23.4.2014 sal-31.12.2014
| Kwantità għall-perijodu ta’ kwota li jibda mill-1.01.2015 sal-31.12.2015
|
Laħam taċ-ċanġa | 0201.10.(00) 0201.20.(20-30-50-90) 0201.30.(00) 0202.10.(00) 0202.20.(10-30-50-90) 0202.30.(10-50-90) | 12 000 tunnellati metriċi/sena espressi f'piż nett | 12 000 tunnellati metriċi/sena espressi f'piż nett |
Laħam tal-majjal | 0203.11.(10) 0203.12.(11-19) 0203.19. (11-13-15-55-59) 0203.21.(10) 0203.22.(11-19) 0203.29. (11-13-15-55-59) | 20 000 tunnellata metrika/sena espressi f’piż nett
+ 20 000 tunnellata metrika/sena espressi f’piż nett (għall-kodiċi NM 0203.11.(10) 0203.12.(19) 0203.19.(11-15-59) 0203.21.(10) 0203.22.(19) 0203.29.(11-15-59)) | 20 000 tunnellata metrika/sena espressi f’piż nett
+ 20 000 tunnellata metrika/sena espressi f’piż nett (għall-kodiċi NM 0203.11.(10) 0203.12.(19) 0203.19.(11-15-59) 0203.21.(10) 0203.22.(19) 0203.29.(11-15-59)) |
Prodott | Klassifikazzjoni tariffarja | Kwantità għall-perijodu ta’ kwota mit--23.4.2014 sal-31.12.2014
| Kwantità għall-perijodu ta’ kwota li jibda mill-1.01.2015 sal-31.12.2015
|
Laħam tat-tjur u prodotti tal-laħam tat-tjur | 0207.11.(30-90) 0207.12.(10-90) 0207.13.(10-20-30-50-60-99) 0207.14.(10-20-30-50-60-99) 0207.24.(10-90) 0207.25.(10-90) 0207.26.(10-20-30-50-60-70-80-99) 0207.27.(10-20-30-50-60-70-80-99) 0207.32. (15-19-51-59-90) 0207.33.(11-19-59-90) 0207.35.(11-15-21-23-25-31-41-51-53-61-63-71-79-99) 0207.36.(11-15-21-23-31-41-51-53-61-63-79-90) 0210.99.(39) 1602.31.(11-19-30-90) 1602.32.(11-19-30-90) 1602.39.(21) | 16 000 tunnellata metrika/sena espressi f’piż nett
+ 20 000 tunnellata metrika/sena espressi f’piż nett (għall-kodiċi NM 0207.12. (10-90)) | 16 000 tunnellata metrika/sena espressi f’piż nett
+ 20 000 tunnellata metrika/sena espressi f’piż nett (għall-kodiċi NM 0207.12. (10-90)) |
Ħalib, krema, ħalib ikkondensat u jogurts | 0401.10.(10-90) 0401.20.(11-19-91-99) 0401.30.(11-19-31-39-91-99) 0402.91.(10-30-51-59-91-99) 0402.99. (10-31-39-91-99) 0403.10.(11-13-19-31-33-39) 0403.90.(51-53-59-61-63-69) | 8 000 tunnellata metrika/sena espressi f’piż nett
| 8 000 tunnellata metrika/sena espressi f’piż nett
|
Prodott | Klassifikazzjoni tariffarja | Kwantità għall-perijodu ta’ kwota mit-23.4.2014 sal-31.12.2014
| Kwantità għall-perijodu ta’ kwota li jibda mill-1.01.2015 sal-31.12.2015
|
Trab tal-ħalib | 0402.10.(11-19-91-99) 0402.21. (11-17-19-91-99) 0402.29. (11-15-19-91-99) 0403.90.(11-13-19-31-33-39) 0404.90.(21-23-29-81-83-89) | 1 500 tunnellata metrika/sena espressi f’piż nett
| 1 500 tunnellata metrika/sena espressi f’piż nett
|
Butir u pejsts magħmula mill-ħalib | 0405.10. (11-19-30-50-90) 0405.20.(90) 0405.90.(10-90) | 1 500 tunnellata metrika/sena espressi f’piż nett
| 1 500 tunnellata metrika/sena espressi f’piż nett
|
Bajd u abjad tal-bajd | 0407.00.(30) 0408.11.(80) 0408.19.(81-89) 0408.91.(80) 0408.99.(80) 3502.11.(90) 3502.19.(90) 3502.20.(91-99) | 1 500 tunnellata metrika/sena espressi f'ekwivalenti ta’ qxur tal-bajd + 3 000 tunnellata metrika/sena espressi f’piż nett (għall-kodiċi NM 0407.00.(30)) | 1 500 tunnellata metrika/sena espressi f'ekwivalenti ta’ qxur tal-bajd + 3 000 tunnellata metrika/sena espressi f’piż nett (għall-kodiċi NM 0407.00.(30)) |
Qamħ komuni, dqiq, u gerbub | 1001.90.(99) 1101.00.(15-90) 1102.90.(90) 1103.11.(90) 1103.20.(60) | 950 000 tunnellata metrika/sena
| 950 000 tunnellata metrika/sena
|
Barli, dqiq u gerbub | 1003.00.(90) 1102.90.(10) 1103.20.(20) | 250 000 tunnellata metrika/sena
| 250 000 tunnellata metrika/sena
|
Qamħirrum, dqiq u gerbub | 1005.90.(00) 1102.20.(10-90) 1103.13.(10-90) 1103.20.(40) 1104.23.(10-30-90-99) | 400 000 tunnellata metrika/sena
| 400 000 tunnellata metrika/sena |
“
SEJĦA TAL-ISMIJIET GĦALL-VOTAZZJONI FINALI
Membri favur | Daniel Caspary, Salvatore Cicu, Santiago Fisas Ayxelà, Seán Kelly, Gabrielius Landsbergis, Artis Pabriks, Franck Proust, Viviane Reding, Fernando Ruas, Adam Szejnfeld, Jarosław Leszek Wałęsa, Pablo Zalba Bidegain, Maria Arena, Nicola Danti, Agnes Jongerius, Bernd Lange, David Martin, Sorin Moisă, Alessia Maria Mosca, Inmaculada Rodríguez-Piñero Fernández, Joachim Schuster, David Campbell Bannerman, Bolesław G. Piecha, Joachim Starbatty, Jan Zahradil, Dita Charanzová, Marietje Schaake, Marielle de Sarnez, Johannes Cornelis van Baalen, Klaus Buchner, Ska Keller |
Membri kontra | Anne-Marie Mineur, Aymeric Chauprade, Georgios Epitideios, Marine Le Pen, Franz Obermayr |
Membri li astjenew | Helmut Scholz, Lola Sánchez Caldentey, Tiziana Beghin, David Borrelli |
PROĊEDURA
Titolu | Dazji doganali fuq oġġetti li joriġinaw fl-Ukraina | |||
Referenzi | COM(2014)0597 – C8-0165/2014 – 2014/0279(COD) | |||
Data meta ġiet ippreżentata lill-PE | 19.9.2014 |
|
|
|
Kumitat responsabbli Data tat-tħabbir fis-seduta plenarja | INTA
|
|
|
|
Rapporteurs Data tal-ħatra | Gabrielius Landsbergis 7.10.2014 |
|
|
|
Eżami fil-kumitat | 7.10.2014 | 20.10.2014 |
|
|
Data tal-adozzjoni | 20.10.2014 |
|
|
|
Riżultat tal-votazzjoni finali | +: –: 0: | 31 5 4 | ||
Membri preżenti għall-votazzjoni finali | Maria Arena, Tiziana Beghin, David Borrelli, David Campbell Bannerman, Daniel Caspary, Salvatore Cicu, Marielle de Sarnez, Santiago Fisas Ayxelà, Ska Keller, Gabrielius Landsbergis, Bernd Lange, Marine Le Pen, David Martin, Anne-Marie Mineur, Sorin Moisă, Alessia Maria Mosca, Franz Obermayr, Artis Pabriks, Bolesław G. Piecha, Franck Proust, Viviane Reding, Inmaculada Rodríguez-Piñero Fernández, Marietje Schaake, Helmut Scholz, Joachim Schuster, Adam Szejnfeld, Jan Zahradil | |||
Sostituti preżenti għall-votazzjoni finali | Klaus Buchner, Dita Charanzová, Aymeric Chauprade, Nicola Danti, Georgios Epitideios, Agnes Jongerius, Seán Kelly, Gabriel Mato, Fernando Ruas, Lola Sánchez Caldentey, Joachim Starbatty, Johannes Cornelis van Baalen, Jarosław Leszek Wałęsa, Pablo Zalba Bidegain | |||
Data tat-tressiq | 20.10.2014 | |||