Dokument ta' sessjoni

 

A8-0251/2016

2.8.2016

***I

RAPPORT

dwar il-proposta għal direttiva tal-Parlament Ewropew u tal-Kunsill li temenda d-Direttiva tal-Kunsill 91/477/KEE dwar il-kontroll tal-akkwist u l-pussess ta' armi

( COM(2015)0750 – C8-0358/2015 – 2015/0269(COD) )

Kumitat għas-Suq Intern u l-Ħarsien tal-Konsumatur

Rapporteur: Vicky Ford

Rapporteur għal opinjoni (*): Bodil Valero, Kumitat għal-Libertajiet Ċivili, il-Ġustizzja u l-Intern

(*)  Proċedura b'kumitati assoċjati - Artikolu 54 tar-Regoli ta' Proċedura

 

 

Tifsira tas-simboli użati

  *  Proċedura ta' konsultazzjoni  

  ***  Proċedura ta' approvazzjoni

  ***I  Proċedura leġiżlattiva ordinarja (l-ewwel qari)

  ***II  Proċedura leġiżlattiva ordinarja (it-tieni qari)

  ***III  Proċedura leġiżlattiva ordinarja (it-tielet qari)

(It-tip ta' proċedura jiddependi mill-bażi legali proposta mill-abbozz ta' att.)

 

 

 

 

Emendi għal abbozz ta' att

 

Emendi tal-Parlament f'żewġ kolonni

 

It-tħassir huwa indikat permezz tat-tipa korsiva u grassa fil-kolonna tax-xellug. Is-sostituzzjoni hija indikata permezz tat-tipa korsiva u grassa fiż-żewġ kolonni. It-test ġdid huwa indikat permezz tat-tipa korsiva u grassa fil-kolonna tal-lemin.

 

L-ewwel u t-tieni linji tal-intestatura ta' kull emenda jidentifikaw il-parti tat-test ikkonċernata fl-abbozz ta' att inkwistjoni. Meta emenda tirrigwarda att eżistenti, li l-abbozz ta' att ikollu l-ħsieb li jemenda, l-intestatura jkun fiha wkoll it-tielet u r-raba' linji li jidentifikaw rispettivament l-att eżistenti u d-dispożizzjoni kkonċernata f'dak l-att.

 

Emendi tal-Parlament li jieħdu l-forma ta' test konsolidat

 

Il-partijiet tat-testi l-ġodda huma indikati permezz tat-tipa korsiva u grassa. Il-partijiet tat-test imħassra huma indikati permezz tas-simbolu ▌ jew huma ingassati. Is-sostituzzjoni hija indikata billi t-test il-ġdid jiġi indikat permezz tat-tipa korsiva u grassa u billi jitħassar jew jiġi ingassat it-test sostitwit.

  Bħala eċċezzjoni, it-tibdil ta' natura strettament teknika magħmul mis-servizzi fil-preparazzjoni tat-test finali mhuwiex indikat.

 

 

 

 

WERREJ

Paġna

TOC

 

(*)  Proċedura b'kumitati assoċjati - Artikolu 54 tar-Regoli ta' Proċedura

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal direttiva tal-Parlament Ewropew u tal-Kunsill li temenda d-Direttiva tal-Kunsill 91/477/KEE dwar il-kontroll tal-akkwist u l-pussess ta' armi

( COM(2015)0750 – C8-0358/2015 – 2015/0269(COD) )

(Proċedura leġiżlattiva ordinarja: l-ewwel qari)

Il-Parlament Ewropew,

–  wara li kkunsidra l-proposta tal-Kummissjoni lill-Parlament Ewropew u lill-Kunsill ( COM(2015)0750 ),

–  wara li kkunsidra l-Artikolu 294(2), u l-Artikolu 114 tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C8-0358/2015),

–  wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

–  wara li kkunsidra l-opinjonijiet motivati ppreżentati mis-Senat Pollakk u l-Parlament Żvediż, fil-qafas tal-Protokoll Nru 2 dwar l-applikazzjoni tal-prinċipji ta' sussidjarjetà u proporzjonalità li jiddikjaraw li l-abbozz ta' att leġiżlattiv ma jimxix mal-prinċipju ta' sussidjarjetà,

–  wara li kkunsidra l-opinjoni tal-Kumitat Ekonomiku u Soċjali Ewropew tas-27 ta' April 2016[1],

–  wara li kkunsidra l-Artikolu 59 tar-Regoli ta' Proċedura tiegħu,

–  wara li kkunsidra r-rapport tal-Kumitat għas-Suq Intern u l-Ħarsien tal-Konsumatur u l-opinjoni tal-Kumitat għal-Libertajiet Ċivili, il-Ġustizzja u l-Intern ( A8-0251/2016 ),

1.  Jadotta l-pożizzjoni fl-ewwel qari li tidher hawn taħt;

2.  Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Emenda    1

Proposta għal direttiva

Premessa 2

 

Test propost mill-Kummissjoni

Emenda

(2)  B'reazzjoni għall-atti terroristiċi li seħħew dan l-aħħar li wrew lakuni fl-implimentazzjoni tad-Direttiva 91/477/KEE speċjalment fir-rigward tad-diżattivazzjoni tal-armi u fir-regoli dwar il-konvertibbiltà u l-immarkar, l-Aġenda Ewropea dwar is-Sigurtà adottata f'April 2015 u d-Dikjarazzjoni tal-Kunsill tal-Ministri tal-Affarijiet Interni tad-29 ta' Awwissu 2015 sejħu għar-reviżjoni ta' din id-Direttiva u għal approċċ komuni dwar id-diżattivazzjoni tal-armi tan-nar bħala prevenzjoni kontra l-attivazzjoni mill-ġdid u l-użu mill-kriminali.

imħassar

 

Emenda    2

Proposta għal direttiva

Premessa 2a (ġdida)

 

Test propost mill-Kummissjoni

Emenda

 

(2a)  Iż-żamma u l-iskambju ta' informazzjoni skont din id-Direttiva huma soġġetti għall-konformità mar-Regolament (UE) 2016/679 tal-Parlament Ewropew u tal-Kunsill1a.

 

_____________________

 

1a  Ir-Regolament (UE) Nru 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

 

Emenda    3

Proposta għal direttiva

Premessa 2b (ġdida)

 

Test propost mill-Kummissjoni

Emenda

 

(2b)   Jeħtieġ li jiġi kkunsidrat il-fatt li t-terroriżmu u r-reati serji mhumiex se jitwaqqfu b'mod effikaċi billi jinħolqu ostakli mhux meħtieġa għall-kaċċaturi u t-tiraturi li jħarsu l-liġi.

 

Emenda    4

Proposta għal direttiva

Premessa 3

 

Test propost mill-Kummissjoni

Emenda

(3)  Fl-istess Direttiva 91/477/KEE hemm xi kwistjonijiet li jeħtieġ jittejbu.

(3)  Xi kwistjonijiet li jirriżultaw mid-Direttiva 91/477/KEE jeħtieġ li jittejbu ulterjorment b'mod proporzjonat, sabiex jiġi indirizzat it-traffikar tal-armi tan-nar għal skopijiet kriminali jew terroristiċi u tiġi promossa applikazzjoni armonizzata tar-regoli applikabbli mill-Istati Membri, b'mod li jiġu żgurati l-funzjonament xieraq tas-suq intern u livell għoli ta' sigurtà madwar l-Unjoni.

 

Emenda    5

Proposta għal direttiva

Premessa 3a (ġdida)

 

Test propost mill-Kummissjoni

Emenda

 

(3a)  Id-definizzjoni tat-terminu "arma tan-nar" għandha tiġi ċċarata u l-kontroll tal-komponenti essenzjali għandu jissaħħaħ billi f'dik id-definizzjoni jiġi inkluż kwalunkwe oġġett portabbli li jikkondividi komponent essenzjali ma' arma tan-nar. Għandu jiġi kkunsidrat li komponent essenzjali inkluż fi kwalunkwe apparat ta' dan it-tip hu kapaċi jintuża f'arma tan-nar meta l-komponent essenzjali jkun jista' jiġi ttrasferit minn dak l-apparat għall-arma tan-nar mingħajr modifika sostanzjali.

 

Emenda    6

Proposta għal direttiva

Premessa 3b (ġdida)

 

Test propost mill-Kummissjoni

Emenda

 

(3b)  Il-forzi ta' difiża nazzjonali ta' Stat Membru kif iddefiniti skont id-dritt nazzjonali tiegħu jistgħu jinkludu, apparti l-militar, unitajiet bħal forzi ta' gwardja domestika, kif ukoll riżervisti u forzi ta' voluntiera għad-difiża li jieħdu sehem fis-sistemi ta' difiża nazzjonali taħt il-kmand tal-forzi ta' difiża nazzjonali.

 

Emenda    7

Proposta għal direttiva

Premessa 3c (ġdida)

 

Test propost mill-Kummissjoni

Emenda

 

(3c)  Ċerti persuni għandhom interess leġittimu li jkollhom aċċess għall-armi tan-nar ikklassifikati fil-kategorija A, sakemm l-eżenzjonijiet jingħataw għal każijiet eċċezzjonali u debitament motivati. Dawn il-persuni jistgħu jinkludu, inter alia, l-armiera, iċ-ċentri ta' ttestjar, il-manifatturi, l-esperti ċċertifikati u x-xjenzati forensiċi u, f'ċerti każijiet, dawk involuti fil-produzzjoni ċinematografika.

 

Emenda    8

Proposta għal direttiva

Premessa 3d (ġdida)

 

Test propost mill-Kummissjoni

Emenda

 

(3d)  L-Istati Membri għandhom jitħallew jawtorizzaw lil individwi biex jakkwistaw u jżommu fil-pussess tagħhom armi tan-nar ipprojbiti u l-komponenti essenzjali tagħhom għall-finijiet tad-difiża nazzjonali, bħal fil-kuntest ta' taħriġ militari volontarju previst skont id-dritt ta' Stat Membru.

 

Emenda    9

Proposta għal direttiva

Premessa 4

 

Test propost mill-Kummissjoni

Emenda

(4) Il-korpi responsabbli mill-aspetti kulturali u storiċi tal-armi u rikonoxxuti bħala tali mill-Istati Membri li huma stabbiliti fit-territorju tagħhom u li huma fil-pussess ta' armi tan-nar ikklassifikati fil-kategorija A mixtrija qabel id-dħul fis-seħħ ta' din id-Direttiva, għandhom mnejn ikunu jistgħu jżommu dawk l-armi tan-nar fil-pussess tagħhom jekk ikollhom awtorizzazzjoni mill-Istat Membru kkonċernat u diment li dawk l-armi tan-nar ikunu ġew diżattivati.

(4)  L-Istati Membri għandu jkollhom il-possibbiltà li jagħżlu li jagħtu awtorizzazzjonijiet lill-mużewijiet u l-kollezzjonisti rikonoxxuti biex jakkwistaw u jżommu fil-pussess tagħhom armi tan-nar u munizzjon ipprojbiti meta jkun hemm bżonn għal finijiet storiċi, kulturali, xjentifiċi, tekniċi, edukattivi, estetiċi jew patrimonjali, sakemm juru, qabel jingħataw l-awtorizzazzjoni, li jkunu ħadu l-miżuri meħtieġa biex jindirizzaw kwalunkwe riskju għas-sigurtà pubblika jew l-ordni pubbliku, inkluż f'dak li għandu x'jaqsam mal-ħżin b'sigurtà. Kwalunkwe awtorizzazzjoni ta' dan it-tip għandha tqis u tirrifletti s-sitwazzjoni speċifika, inklużi n-natura tal-kollezzjoni u l-finijiet tagħha.

 

 

Emenda    10

Proposta għal direttiva

Premessa 5

 

Test propost mill-Kummissjoni

Emenda

(5)  Il-kolletturi għandhom jiġu koperti b'din id-Direttiva peress li ġew identifikati bħala sors possibbli għat-traffikar tal-armi tan-nar.

(5)  Il-kollezzjonisti għandhom l-istess drittijiet bħall-utenti l-oħra koperti mid-Direttiva 91/477/KE u għalhekk għandhom jiġu inklużi fil-kamp ta' applikazzjoni tagħha.

 

Emenda    11

Proposta għal direttiva

Premessa 6

 

Test propost mill-Kummissjoni

Emenda

(6)   Peress li s-sensara jipprovdu servizzi simili għal dawk tan-negozjanti, dawn ukoll għandhom ikunu koperti minn din id-Direttiva.

(6)   Peress li s-sensara jipprovdu servizzi simili għal dawk tal-kummerċjanti, dawn ukoll għandhom jiġu koperti minn din id-Direttiva u għandhom jiġu soġġetti għall-istess obbligi bħall-kummerċjanti fl-aspetti rilevanti kollha.

 

Emenda    12

Proposta għal direttiva

Premessa 6a (ġdida)

 

Test propost mill-Kummissjoni

Emenda

 

(6a)  Din id-Direttiva għandha tispeċifika li l-attivitajiet ta' kummerċjant ma jinkludux biss il-manifattura iżda anke l-modifika jew il-konverżjoni sinifikanti ta' arma tan-nar, bħat-tqassir ta' arma tan-nar kompluta, li twassal għal bidla fil-kategorija jew fis-sottokategorija tagħha, u barra minn hekk il-modifika jew il-konverżjoni sinifikanti ta' komponenti essenzjali ta' armi tan-nar u munizzjon, u li, għalhekk, il-kummerċjanti awtorizzati biss għandhom jitħallew jieħdu sehem f'dawn l-attivitajiet. L-ikkargar manwali ta' munizzjon u l-ikkargar mill-ġdid ta' munizzjon użat minn komponenti ta' munizzjon għal skopijiet ta' użu privat m'għandhomx jiġu kkunsidrati bħala modifika sinifikanti.

 

Emenda    13

Proposta għal direttiva

Premessa 6b (ġdida)

 

Test propost mill-Kummissjoni

Emenda

 

(6b)  Kif jiġri fir-rigward tas-sistema ta' rappurtar ta' tranżazzjonijiet suspettużi skont ir-Regolament (UE) Nru 98/2013 tal-Parlament Ewropew u tal-Kunsill1a, tranżazzjoni għall-akkwist ta' munizzjon fil-forma sħiħa tiegħu, jew ta' komponenti ta' kapsijiet attivi ta' munizzjon, għandha tiġi kkunsidrata bħala suspettuża jekk, pereżempju, tkun tinvolvi kwantitajiet li ma jkunux komuni għall-użu privat previst, jekk ix-xerrej ikun jidher li mhuwiex midħla tal-użu tal-munizzjon jew ma jkunx irid jagħti prova tal-identità tiegħu. Fejn ma jkunx possibbli li kummerċjant jew sensar jivverifika l-identità tax-xerrej, għandu jiġi pprojbit li l-akkwist ta' armi tan-nar isir biss bi flus kontanti.

 

_____________________

 

1aRegolament (UE) Nru 98/2013

tal-Parlament Ewropew u tal-Kunsill

tal-15 ta' Jannar 2013 dwar it-tqegħid fis-suq u

l-użu ta' prekursuri tal-isplussivi (ĠU L 39,

9.2.2013, p. 1).

 

Emenda    14

Proposta għal direttiva

Premessa 7

 

Test propost mill-Kummissjoni

Emenda

(7)  Minħabba r-riskju għoli li jiġu attivati mill-ġdid l-armi diżattivati ħażin u biex tiżdied is-sigurtà fl-Unjoni kollha, l-armi tan-nar diżattivati għandhom ikunu koperti b'din id-Direttiva. Barra minn hekk, għall-armi l-aktar perikolużi għandhom jiġu introdotti regoli aktar stretti sabiex jiżguraw li dawk l-armi tan-nar ma jkunux propjetà ta' xi ħadd u lanqas ma jiġu kkumerċjalizzati. Dawk ir-regoli għandhom japplikaw ukoll għall-armi tan-nar ta' dik il-kategorija anke wara li jiġu diżattivati. Jekk dawk ir-regoli ma jiġux rispettati, l-Istati Membri għandhom jieħdu l-miżuri xierqa li jinkludu anke l-qerda ta' dawk l-armi tan-nar.

imħassar

 

 

Emenda    15

Proposta għal direttiva

Premessa 7a (ġdida)

 

Test propost mill-Kummissjoni

Emenda

 

(7a)  L-akkwist u l-pussess ta' armi tan-nar għandhom jiġu permessi biss fir-rigward tal-persuni li jkollhom raġuni tajba. L-Istati Membri għandu jkollhom l-għażla li jistipulaw li l-akkwist u l-pussess tal-armi tan-nar għall-fini, pereżempju, tal-kaċċa, tal-isport tal-isparar fuq bersalji, tal-użu minn assoċjazzjonijiet li jikkultivaw drawwiet u tradizzjonijiet u minn korpi kulturali u storiċi, tat-twettiq ta' diversi attivitajiet xjentifiċi u tekniċi, tal-proċeduri ta' ttestjar u tar-rappreżentazzjonijiet ta' avvenimenti storiċi, tal-produzzjoni ċinematografika jew tal-istudju storiku, jikkostitwixxu raġuni tajba.

 

Emenda    16

Proposta għal direttiva

Premessa 7b (ġdida)

 

Test propost mill-Kummissjoni

Emenda

 

(7b)  L-Istati Membri għandhom jiżguraw li tiġi implimentata sistema effikaċi għall-monitoraġġ tal-akkwist u l-pussess ta' armi tan-nar. Dik is-sistema, li tista' tkun kontinwa jew le, għandha tiġi bbażata fuq valutazzjoni tal-informazzjoni medika jew psikoloġika rilevanti meta tinħareġ jew tiġġedded awtorizzazzjoni, jew fuq sistema alternattiva effikaċi ta' monitoraġġ kontinwu li tqis ir-riskji kkonċernati, u kwalunkwe indikazzjoni rilevanti, pereżempju minn persunal mediku, li l-kundizzjonijiet biex jiġi permess il-pussess ma jkunux jistgħu jibqgħu jiġu ssodisfati.

 

Emenda    17

Proposta għal direttiva

Premessa 7c (ġdida)

 

Test propost mill-Kummissjoni

Emenda

 

(7c)  L-armi tan-nar u l-munizzjon għandhom jinħażnu b'mod sikur meta ma jkunux taħt superviżjoni immedjata. Il-kriterji għall-ħżin u t-trasport sikur għandhom jiġu ddefiniti mid-dritt nazzjonali, waqt li jitqiesu l-għadd u n-natura tal-armi tan-nar ikkonċernati.

 

Emenda    18

Proposta għal direttiva

Premessa 8

 

Test propost mill-Kummissjoni

Emenda

(8)  Sabiex tiġi żgurata t-traċċabbiltà tal-armi diżattivati, dawn għandhom jiġu rreġistrati f'reġistri nazzjonali.

(8)  Sabiex tiżdied it-traċċabbiltà tal-armi tan-nar u tal-komponenti essenzjali u sabiex jiġi ffaċilitat il-moviment liberu tagħhom, arma tan-nar assemblata u l-komponenti essenzjali kollha li jinbiegħu separatament għandhom jiġu mmarkati b'mod li ma jistax jitneħħa fil-mument meta jiġu mmanifatturati jew mingħajr dewmien wara li jiġu importati fl-Unjoni. Ir-rekwiżiti ta' traċċabbiltà m'għandhomx japplikaw għall-armi tan-nar li jkunu ġew diżattivati bi qbil ma' din id-Direttiva.

 

Emenda    19

Proposta għal direttiva

Premessa 9a (ġdida)

 

Test propost mill-Kummissjoni

Emenda

 

(9a)  L-implimentazzjoni u r-rikonoxximent fl-Istati Membri kollha tal-Pass Ewropew tal-Armi tan-Nar bħala d-dokument ewlieni meħtieġ mill-kaċċaturi u t-tiraturi għandhom jittejbu billi jiġi żgurat li l-Istati Membri ma jissottomettux il-ħruġ, it-tiġdid jew l-aċċettazzjoni tal-Pass Ewropew tal-Armi tan-Nar għall-pagament ta' kwalunkwe miżata jew imposta li taqbeż l-ispejjeż amministrattivi jew kwalunkwe spiża oħra altrimenti inġustifikata jew għal kwalunkwe proċedura amministrattiva addizzjonali.

 

 

Emenda    20

Proposta għal direttiva

Premessa 10

 

Test propost mill-Kummissjoni

Emenda

(10)  Biex l-immarkar ma jkunx jista' jitħassar faċilment u biex jiġi ċċarat fuq liema komponenti għandu jsir l-immarkar, għandhom jiġu introdotti regoli tal-Unjoni komuni.

(10)  Biex tiġi evitata l-possibbiltà li l-marki jitħassru faċilment u biex jiġi ċċarat ma' liema komponenti għandhom jitwaħħlu l-marki, għandhom jiġu introdotti regoli tal-Unjoni komuni dwar l-immarkar. Dawn ir-regoli għandhom japplikaw biss għal dawk l-armi tan-nar u l-komponenti essenzjali li jinbiegħu separatament u li jkunu tqiegħdu fis-suq sa mid-data meta l-Istati Membri jkunu se jdaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mad-dispożizzjonijiet ewlenin ta' din id-Direttiva.

 

Emenda    21

Proposta għal direttiva

Premessa 11

 

Test propost mill-Kummissjoni

Emenda

(11)  L-armi tan-nar jistgħu jintużaw għal ħafna aktar minn 20 sena. Sabiex tiġi żgurata t-traċċabbiltà, ir-rekords tagħhom għandhom jinżammu għal prejodu ta' żmien indeterminat sakemm tiġi ċċertifikata l-qerda tagħhom.

(11)  L-armi tan-nar jistgħu jintużaw għal ħafna aktar minn 20 sena. Sabiex tiġi żgurata t-traċċabbiltà, ir-rekords tagħhom u tal-komponenti essenzjali tagħhom għandhom jinżammu għal perjodu ta' żmien indeterminat sakemm tiġi ċċertifikata l-qerda jew id-diżattivazzjoni tagħhom. L-aċċess għal dawn ir-rekords u kull data personali relatata għandu jiġi ristrett għall-awtoritajiet kompetenti. Ir-rekwiżit li l-armi tan-nar u l-komponenti essenzjali jibqgħu jiġu reġistrati wara d-diżattivazzjoni għandu japplika biss għal dawk l-armi tan-nar u l-komponenti essenzjali li diġà huma reġistrati u għall-persuna li jkunu fil-pussess tagħha fil-mument tad-diżattivazzjoni. Dan ir-rekwiżit m'għandux japplika għal trasferimenti sussegwenti ta' armi tan-nar jew komponenti essenzjali diżattivati jew għal armi tan-nar u komponenti essenzjali li jkunu tneħħew mir-reġistru b'segwitu għad-diżattivazzjoni tagħhom, f'konformità mar-regoli nazzjonali applikabbli qabel id-dħul fis-seħħ ta' din id-Direttiva.

 

Emenda    22

Proposta għal direttiva

Premessa 12

 

Test propost mill-Kummissjoni

Emenda

(12)  L-arranġamenti tal-bejgħ tal-armi tan-nar u tal-komponenti tagħhom b'komunikazzjoni mill-bogħod jistgħu jkunu ta' theddida serja għas-sigurtà peress li huma aktar diffiċli biex jiġu kkontrollati mill-metodi ta' bejgħ konvenzjonali, speċjalment biex issir verifika onlajn tal-legalità tal-awtorizzazzjonijiet. Għalhekk jixraq li l-bejgħ tal-armi u tal-komponenti b'mezzi ta' komunikazzjoni mill-bogħod, b'mod partikolari bl-Internet, ikun limitat għan-negozjanti u għas-sensara biss.

(12)  Il-kummerċjalizzazzjoni tal-armi tan-nar, il-komponenti essenzjali u l-munizzjon permezz tal-internet jew b'mezzi oħra ta' komunikazzjoni mill-bogħod, pereżempju permezz ta' katalgi ta' rkanti fuq l-internet jew avviżi kklassifikati, u l-arranġament ta' bejgħ jew ta' tranżazzjoni oħra pereżempju permezz tat-telefon jew l-email, jekk ikunu permessi mid-dritt nazzjonali, għandhom ikunu possibbli sakemm ikunu jistgħu jitlestew il-verifika tal-identità u tad-dritt li dak li jkun jinvolvi ruħu fi tranżazzjoni ta' dan it-tip. Għalhekk jixraq li jiġi żgurat li l-kundizzjonijiet biex jinxtraw armi tan-nar, komponenti essenzjali u munizzjon permezz ta' komunikazzjoni mill-bogħod, b'mod partikolari permezz tal-internet, ikunu tali li jippermettu tal-anqas il-verifika tal-identità tax-xerrejja u, fejn rikjest, tal-awtorizzazzjoni tagħhom biex jakkwistaw arma tan-nar, sa mhux aktar tard mill-mument tal-konsenja, mill-kummerċjant jew is-sensar jew minn awtorità pubblika jew rappreżentant tagħha.

 

Emenda    23

Proposta għal direttiva

Premessa 12a (ġdida)

 

Test propost mill-Kummissjoni

Emenda

 

(12a)  L-attivitajiet tal-kummerċjant u s-sensara awtorizzati li jaqgħu fil-kamp ta' applikazzjoni ta' din id-Direttiva għandhom jinkludu x-xiri, il-bejgħ, l-importazzjoni, l-esportazzjoni, il-wiri, l-assemblar, il-modifika, il-konverżjoni, il-manutenzjoni, il-ħżin, it-trasport, il-bgħit, id-distribuzzjoni, il-konsenja, l-iskambju jew il-kiri ta' kwalunkwe arma tan-nar u komponent essenzjali ta' armi tan-nar. Il-kummerċjanti u s-sensara għandhom ibigħu, jittrasferixxu jew jikkonsenjaw arma tan-nar u komponenti essenzjali lill-persuni li jkollhom awtorizzazzjoni jew liċenzja xierqa biss, għandhom iżommu reġistru tal-bejgħ tagħhom u għandhom jinformaw lill-awtoritajiet kompetenti tal-Istati Membri dwar kwalunkwe bejgħ, trasferiment jew konsenja.

 

Emenda    24

Proposta għal direttiva

Premessa 13

 

Test propost mill-Kummissjoni

Emenda

(13)  Barra minn hekk, ir-riskju li l-armi tal-allarm u tipi oħra ta' armi tal-isparar in bjank jiġu konvertiti f'armi tan-nar proprja huwa għoli, tant li f'xi atti terroristiċi ntużaw dawn l-armi kkonvertiti. Għaldaqstant huwa essenzjali li tiġi indirizzata l-problema tal-armi tan-nar konvertiti li jintużaw f'reati kriminali, l-aktar billi dawn jiġu inklużi fil-kamp ta' applikazzjoni tad-Direttiva. Għandhom jiġu adottati l-ispeċifikazzjonijiet tekniċi għall-armi tal-allarm u tas-sinjal kif ukoll għall-armi akustiċi u tas-salut biex jiġi żgurat li dawn ma jiġux konvertiti f'armi tan-nar.

(13)  Barra minn hekk, biex jiġi evitat ir-riskju li l-armi tal-allarm u tipi oħra ta' armi li jisparaw in bjank jiġu manifatturati b'mod li jippermetti li jiġu konvertiti f'armi tan-nar proprja, għandhom jiġu adottati speċifikazzjonijiet tekniċi biex jiġi żgurat li dawn ma jkunux jistgħu jiġu konvertiti f'armi tan-nar.

 

Emenda    25

Proposta għal direttiva

Premessa 14

 

Test propost mill-Kummissjoni

Emenda

(14)  Sabiex jitjieb l-iskambju ta' informazzjoni bejn l-Istati Membri, il-Kummissjoni għandha tivvaluta l-elementi neċessarji għall-implimentazzjoni ta' sistema li tappoġġa dan l-iskambju tal-informazzjoni miżmuma fl-arkivji kompjuterizzati tar-rekords eżistenti fl-Istati Membri. Jekk ikun il-każ, il-valutazzjoni tal-Kummissjoni tista' tiġi akkumpanjata bi proposta leġiżlattiva li tqis l-istrumenti eżistenti relatati mal-iskambju ta' informazzjoni.

(14)  Sabiex jitjieb l-iskambju ta' informazzjoni bejn l-Istati Membri u t-traċċabbiltà tal-armi tan-nar, jistgħu jintużaw diversi mekkaniżmi eżistenti jew punti uniċi ta' kuntatt jew mekkaniżmi ta' skambju ġodda, skont in-natura tal-informazzjoni li tkun trid tiġi skambjata. Il-Kummissjoni għandha tivvaluta l-elementi neċessarji għall-implimentazzjoni ta' sistema li tappoġġa dan l-iskambju tal-informazzjoni miżmuma fl-arkivji kompjuterizzati tad-data eżistenti fl-Istati Membri u tippermetti aċċess obbligatorju mill-Istati Membri. Jekk ikun xieraq, il-valutazzjoni tal-Kummissjoni għandha tiġi akkumpanjata bi proposta leġiżlattiva li tqis l-istrumenti eżistenti relatati mal-iskambju ta' informazzjoni. Apparti li tissodisfa l-ħtieġa li jinżamm rendikont tal-armi tan-nar, tali sistema ta' skambju ta' informazzjoni għandha tippermetti li jinżamm rendikont tal-armi tan-nar meta jkunu ġew sekwestrati mill-awtoritajiet kompetenti jew mgħoddija lilhom, jew ikunu ġew ikkonfiskati mill-Istati Membri, biex b'hekk isir possibbli li jiġi aċċertat x'qed jiġri mill-armi tan-nar sal-mument meta jinqerdu, jintużaw ulterjorment, jew jerġgħu jitqiegħdu fis-suq.

 

Emenda    26

Proposta għal direttiva

Artikolu 1 – punt 1 – punt -a (ġdid)

Direttiva 91/477/KEE

Artikolu 1 – paragrafu 1 – subparagrafu 3 (ġdid)

 

Test fis-seħħ

Emenda

 

(-a)   Fil-paragrafu 1, is-subparagrafu li ġej huwa miżjud

 

"Barra minn hekk, kwalunkwe apparat portabbli li jinkludi komponent essenzjali li jkun kapaċi jintuża f'arma tan-nar għandu jiġi kkunsidrat bħala arma tan-nar."

 

Emenda    27

Proposta għal direttiva

Artikolu 1 – punt 1 – punt -aa (ġdid)

Direttiva 91/477/KEE

Artikolu 1 – paragrafu 1a

 

Test fis-seħħ

Emenda

 

(-aa)  Il-paragrafu 1a huwa mħassar.

1a.  Għall-finijiet ta' din id-Direttiva, 'parti' tfisser kwalunkwe element jew element ta' sostituzzjoni mfassal apposta għal arma tan-nar u li jkun essenzjali sabiex din taħdem, inklużi l-kanna, il-frame jew ir-receiver, is-slide jew iċ-ċilindru, il-bolt jew il-breech block, u kwalunkwe apparat imfassal jew adattat biex inaqqas il-ħoss ikkawżat mill-isparar ta' arma tan-nar.

 

 

Emenda    28

Proposta għal direttiva

Artikolu 1 – punt 1 – punt a

Direttiva 91/477/KEE

Artikolu 1 – paragrafu 1b

 

Test propost mill-Kummissjoni

Emenda

1b.  Għall-finijiet ta' din id-Direttiva, "komponent essenzjali" tfisser il-kanna tal-arma tan-nar, il-qafas, ir-riċevitur, is-slajd jew iċ-ċilindru, il-firroll jew il-blokka tal-kulatta, u kull apparat ieħor imfassal jew adattat biex inaqqas il-ħoss maħluq mill-isparar ta' arma tan-nar, li billi huma oġġetti separati, huma inklużi fil-kategorija tal-armi tan-nar li jiġu mmuntati fuqhom jew huma maħsuba li jiġu mmuntati fuqhom."

1b.  Għall-finijiet ta' din id-Direttiva, "komponent essenzjali" tfisser il-kanna, il-frame, ir-receiver, inklużi dawk superjuri u inferjuri, skont il-każ, is-slide, iċ-ċilindru, il-firroll jew il-blokka tal-kulatta, li billi huma oġġetti separati, huma inklużi fil-kategorija tal-armi tan-nar li jkunu mmuntati fuqhom jew li jkunu maħsuba biex jiġu mmuntati fuqhom."

 

Emenda    29

Proposta għal direttiva

Artikolu 1 – punt 1 – punt b

Direttiva 91/477/KEE

Artikolu 1 – paragrafu 1e

 

Test propost mill-Kummissjoni

    Emenda

1e.   Għall-finijiet ta' din id-Direttiva, "sensar" tfisser kull persuna fiżika jew ġuridika, minbarra negozjant, li l-kummerċ jew in-negozju tagħha jikkonsisti kollu kemm hu jew parzjalment fix-xiri, il-bejgħ jew l-arranġament tat-trasferiment fi Stat Membru, minn Stat Membru għal ieħor jew fl-esportazzjoni għal pajjiż terz ta' armi kompletament assemblati, tal-partijiet u tal-munizzjon tagħhom."

1e.   Għall-finijiet ta' din id-Direttiva, "sensar" tfisser kull persuna fiżika jew ġuridika, jew kull aġent jew rappreżentant ta' tali persuna, minbarra kummerċjant, li l-kummerċ jew in-negozju tagħha jikkonsistu kollha kemm huma jew parzjalment fix-xiri, il-bejgħ, it-tislif, il-kiri jew l-arranġament tat-trasferiment fi Stat Membru jew minn Stat Membru għal ieħor jew fl-esportazzjoni lejn pajjiż terz jew l-importazzjoni fi Stat Membru minn pajjiż terz ta' armi kompletament assemblati, tal-komponenti essenzjali u tal-munizzjon tagħhom."

 

Emenda    30

Proposta għal direttiva

Artikolu 1 – punt 1 – punt c

Direttiva 91/477/KEE

Artikolu 1 – paragrafu 1f

 

Test propost mill-Kummissjoni

Emenda

1f.   Għall-finijiet ta' din id-Direttiva, "armi tal-allarm u tas-sinjal" tfisser l-apparat portabbli b'ħowlder tal-iskrataċ bi żvog għall-gassijiet fuq quddiem, mal-ġenb jew minn fuq, li hu mfassal u mgħammar speċifikament biex jagħti l-allarm jew jibgħat sinjal u li hu mfassal biss biex jispara in bjank, sustanzi irritanti jew sustanzi attivi oħra jew munizzjon pirotekniku.

1f.   Għall-finijiet ta' din id-Direttiva, "armi tal-allarm u ta' sinjalizzazzjoni" tfisser l-apparat b'kargatur li jkun ġie ddisinjat biex jispara biss in bjank, sustanzi irritanti, sustanzi attivi oħra jew munizzjon pirotekniku, u li ma jkunx kapaċi li jiġi konvertit biex jispara tir, balla jew projettili bl-azzjoni ta' propellant kombustibbli.

 

Emenda    31

Proposta għal direttiva

Artikolu 1 – punt 1 – punt c

Direttiva 91/477/KEE

Artikolu 1 – paragrafu 1g

 

Test propost mill-Kummissjoni

Emenda

1g.  Għall-finijiet ta' din id-Direttiva, "armi akustiċi u tas-salut" tfisser l-armi tan-nar ikkonvertiti speċifikament biex jintużaw biss għall-isparar in bjank, għall-ispettakli teatrali, għas-sessjonijiet fotografiċi, għar-reġistrazzjonijiet ċinematografiċi u dawk televiżivi.

1g.  Għall-finijiet ta' din id-Direttiva, "armi akustiċi u tas-salut" tfisser l-armi tan-nar ikkonvertiti speċifikament biex jintużaw biss għall-isparar in bjank, pereżempju, għall-ispettakli teatrali, għas-sessjonijiet fotografiċi, għar-reġistrazzjonijiet ċinematografiċi u dawk televiżivi, rappreżentazzjonijiet ta' avvenimenti storiċi, parati, avvenimenti sportivi u taħriġ.

 

Emenda    32

Proposta għal direttiva

Artikolu 1 – punt 1 – punt c

Direttiva 91/477/KEE

Artikolu 1 – paragrafu 1h

 

Test propost mill-Kummissjoni

Emenda

1h.  Għall-finijiet ta' din id-Direttiva, "repliki ta' armi tan-nar" tfisser oġġetti li għandhom l-apparenza fiżika ta' arma tan-nar iżda li jkunu manifatturati b'tali mod li ma jistgħux jiġu konvertiti biex jisparaw jew biex jimbuttaw balal jew projettili bl-azzjoni ta' propellant kombustibbli.

imħassar

Ġustifikazzjoni

Kwalunkwe oġġett li jixbah arma tan-nar u li jista' jiġi konvertit f'waħda huwa kopert bl-Artikolu 1 tad-Direttiva, li qed jissaħħaħ ulterjorment bl-inklużjoni ta' kwalunkwe oġġett li jkun fih komponent essenzjali – EM 23. Oġġetti li ma jistgħux jiġu konvertiti f'armi tan-nar għandhom jibqgħu barra mill-kamp ta' applikazzjoni.

 

Emenda    33

Proposta għal direttiva

Artikolu 1 – punt 1 – punt c

Direttiva 91/477/KEE

Artikolu 1 – paragrafu 1i

 

Test propost mill-Kummissjoni

Emenda

1i.   Għall-finijiet ta' din id-Direttiva "armi tan-nar diżattivati" tfisser armi tan-nar li ġew modifikati bil-għan li ma jkunu jistgħu jintużaw qatt aktar permezz tad-diżattivazzjoni, fejn il-partijiet kollha essenzjali tal-arma tan-nar ikunu definittivament inoperabbli u impossibbli li jiġu maqlugħa, sostitwiti jew mibdula sabiex tiġi attivata mill-ġdid l-arma tan-nar."

1i.   Għall-finijiet ta' din id-Direttiva "armi tan-nar diżattivati" tfisser armi tan-nar li jkunu ġew modifikati bil-għan li ma jkunu jistgħu jintużaw qatt aktar permezz tad-diżattivazzjoni, waqt li jiġi żgurat li l-komponenti essenzjali kollha tal-arma tan-nar ikunu saru definittivament inoperabbli u jkun sar impossibbli li jitneħħew, li jiġu sostitwiti jew li ssirilhom modifika li kieku tippermetti bi kwalunkwe mod li l-arma tan-nar tiġi attivata mill-ġdid bi qbil mal-Artikolu 10b.

 

Fejn l-armi tan-nar ikunu ta' rarità rikonoxxuta jew ta' valur storiku, l-Istati Membri jistgħu jagħżlu li, għall-finijiet tad-diżattivazzjoni, l-armi tan-nar li juru valur ta' dan it-tip jistgħu jiġu diżattivati permezz tat-tneħħija ta' komponent jew komponenti essenzjali tal-arma tan-nar b'mod li jsir impossibbli li tintuża. Meta tiġi applikata din il-proċedura, dawk il-komponenti essenzjali li jkunu tneħħew għandhom jiġu mgħoddija lill-awtoritajiet kompetenti tal-Istat Membru biex jitħarsu fiż-żgur.

 

Emenda    34

Proposta għal direttiva

Artikolu 1 – punt 1 – punt ca (ġdid)

Direttiva 91/477/KEE

Artikolu 1 – paragrafu 1ia (ġdid)

 

Test propost mill-Kummissjoni

Emenda

 

(ca) Fil-paragrafu 1, il-paragrafu li ġej huwa miżjud

 

"1ia.  Għall-finijiet ta' din id-Direttiva, "mużew” tfisser istituzzjoni permanenti fis-servizz tas-soċjetà u tal-iżvilupp tagħha, miftuħa għall-pubbliku, għal finijiet storiċi, kulturali, xjentifiċi, tekniċi, edukattivi, estetiċi jew patrimonjali, u li tkun rikonoxxuta bħala tali minn Stat Membru."

 

Emenda    35

Proposta għal direttiva

Artikolu 1 – punt 1 – punt cb (ġdid)

Direttiva 91/477/KEE

Artikolu 1 – paragrafu 1ib (ġdid)

 

Test propost mill-Kummissjoni

Emenda

 

(cb) Fil-paragrafu 1, il-paragrafu li ġej huwa miżjud

 

"1ib.  Għall-finijiet ta' din id-Direttiva, "kollezzjonist" tfisser kull persuna ġuridika jew fiżika li tiddedika ruħha għall-ġbir u l-konservazzjoni tal-armi tan-nar jew tal-munizzjon għal finijiet storiċi, kulturali, xjentifiċi, tekniċi, edukattivi, estetiċi jew patrimonjali, u li jkun rikonoxxut bħala tali minn Stat Membru."

 

Emenda    36

Proposta għal direttiva

Artikolu 1 – punt 1 – punt d

Direttiva 91/477/KEE

Artikolu 1 – paragrafu 2 – punt i

 

Test propost mill-Kummissjoni

Emenda

(i)   il-manifattura, il-kummerċ, il-bdil, il-kiri, it-tiswija jew il-konverżjoni ta' armi tan-nar;

(i)   il-manifattura, inkluża l-modifika, apparti modifika għal skopijiet ta' użu privat li ma twassalx għal bidla fil-kategorija jew is-sottokategorija tagħha, jew il-konverżjoni, il-kummerċ, l-iskambju, il-kiri jew it-tiswija ta' armi tan-nar;

 

Emenda    37

Proposta għal direttiva

Artikolu 1 – punt 1 – punt d

Direttiva 91/477/KEE

Artikolu 1 – paragrafu 2 – punt ii

 

Test propost mill-Kummissjoni

Emenda

(ii)   il-manifattura, il-kummerċ, il-bdil, il-kiri, it-tiswija jew il-konverżjoni ta' partijiet ta' armi tan-nar;

(ii)   il-manifattura, inkluża l-modifika, apparti modifika għal skopijiet ta' użu privat li ma twassalx għal bidla fil-kategorija jew is-sottokategorija tagħha, jew il-konverżjoni, il-kummerċ, l-iskambju, il-kiri jew it-tiswija ta' komponenti essenzjali ta' armi tan-nar;

 

Emenda    38

Proposta għal direttiva

Artikolu 1 – punt 1 – punt d

Direttiva 91/477/KEE

Artikolu 1 – paragrafu 2 – punt iii

 

Test propost mill-Kummissjoni

Emenda

(iii)   il-manifattura, il-kummerċ, il-bdil jew il-konverżjoni ta' munizzjon.

(iii)   il-manifattura, apparti l-ikkargar manwali ta' munizzjon u l-ikkargar mill-ġdid ta' munizzjon użat għal skopijiet ta' użu privat, inkluża l-modifika, apparti modifika għall-użu privat li ma twassalx għal bidla fil-kategorija, jew il-konverżjoni, il-kummerċ jew l-iskambju ta' munizzjon.

 

Emenda    39

Proposta għal direttiva

Artikolu 1 – punt 1 – punt db (ġdid)

Direttiva 91/477/KEE

Artikolu 1 – paragrafu 3

 

Test fis-seħħ

Emenda

 

(db) Il-paragrafu 3 huwa sostitwit bit-test li ġej:

"3.   Għall-fini ta' din id-Direttiva, persuna tkun meqjusa residenti tal-pajjiż indikat fl-indirizz li jidher fuq dokument li juri l-post tar-residenza tagħha, bħalma hu passaport jew karta ta' l-identità, li meta jsir il-kontroll fuq il-pussess jew l-akkwist, jiġi ppreżentat lill-awtoritajiet ta' l-Istat Membru jew lill-kummerċjant."

"3.   Għall-finijiet ta' din id-Direttiva, persuna tkun meqjusa residenti tal-pajjiż indikat fl-indirizz li jidher fuq dokument li juri l-post tar-residenza tagħha, bħalma hu passaport jew karta tal-identità, li meta jsir il-kontroll fuq il-pussess jew l-akkwist, jiġi ppreżentat lill-awtoritajiet ta' Stat Membru jew lil negozjant jew sensar. Jekk indirizz ta' persuna ma jidhirx fuq il-passaport jew il-karta tal-identità tagħha, il-pajjiż ta' residenza tagħha għandu jiġi ddeterminat abbażi ta' kwalunkwe prova uffiċjali oħra ta' residenza rikonoxxuta mill-Istat Membru kkonċernat."

(http://eur-lex.europa.eu/legal-content/MT/TXT/?uri=CELEX:31991L0477)

 

Emenda    40

Proposta għal direttiva

Artikolu 1 – punt 1a (ġdid)

Direttiva 91/477/KEE

Artikolu 2 – paragrafu 1

 

Test fis-seħħ

Emenda

 

(1a)  L-Artikolu 2(1) huwa sostitwit bit-test li ġej:

1.  Din id-Direttiva hija mingħajr preġudizzju għall-applikazzjoni ta' dispożizzjonijiet nazzjonali dwar il-ġarr ta' armi, il-kaċċa jew l-isparar fuq bersalji.

"1.  Din id-Direttiva hija mingħajr preġudizzju għall-applikazzjoni tad-dispożizzjonijiet nazzjonali dwar il-ġarr ta' armi, il-kaċċa jew l-isparar fuq bersalji, jew għal dispożizzjonijiet nazzjonali aktar stretti rigward il-bejgħ illegali tal-armi."

Ġustifikazzjoni

Din id-direttiva trid issaħħaħ it-traċċabbiltà transkonfinali u t-trasparenza fir-rigward tal-pussess u l-bejgħ tal-armi kif ukoll tippermetti li jittieħdu miżuri attivi kontra t-traffikar illegali tal-armi.

 

Emenda    41

Proposta għal direttiva

Artikolu 1 – punt 2

Direttiva 91/477/KEE

Artikolu 2 – paragrafu 2

 

Test propost mill-Kummissjoni

Emenda

2.  Din id-Direttiva ma għandhiex tapplika għall-akkwist jew għall-pussess ta' armi jew ta' munizzjon, skont il-liġi nazzjonali, mill-forzi armati, mill-pulizija u mill-awtoritajiet pubbliċi. Lanqas ma għandha tapplika għat-trasferimenti kummerċjali ta' armi u munizzjon tal-gwerra.

2.  Din id-Direttiva ma għandhiex tapplika għall-akkwist jew għall-pussess ta' armi jew ta' munizzjon, skont id-dritt nazzjonali, mill-forzi għad-difiża nazzjonali, mill-pulizija u mill-awtoritajiet pubbliċi l-oħra. It-terminu "forzi għad-difiża nazzjonali" jħaddan l-unitajiet kollha inklużi r-riżervisti, kif ukoll il-forzi ta' voluntiera għad-difiża fi ħdan il-qafas tas-sistemi ta' difiża nazzjonali taħt il-kmand ta' dawk il-forzi għad-difiża nazzjonali, inklużi l-militar u s-sistemi għas-sigurtà pubblika domestika. Lanqas ma għandha din id-Direttiva tapplika għat-trasferimenti kummerċjali ta' armi u munizzjon tal-gwerra.

 

Emenda    42

Proposta għal direttiva

Artikolu 1 – punt 3

Direttiva 91/477/KEE

Artikolu 4 – paragrafu 1

 

Test propost mill-Kummissjoni

Emenda

1.  L-Istati Membri għandhom jiżguraw li kull arma tan-nar jew parti tagħha li titqiegħed fis-suq tkun immarkata u rreġistrata b'konformità ma' din id-Direttiva.

1.  L-Istati Membri għandhom jiżguraw li kull arma tan-nar assemblata jew komponent essenzjali li jinbiegħ separatament li jitqiegħdu fis-suq, ikunu ġew immarkati u rreġistrati b'konformità ma' din id-Direttiva, jew li jkunu ġew diżattivati bi qbil mad-dispożizzjonijiet li jimplimentaw l-Artikolu 10b u rreġistrati b'konformità ma' din id-Direttiva. Meta komponent essenzjali jkun żgħir wisq biex jiġi mmarkat b'konformità ma' din id-Direttiva, għandu tal-anqas jiġi mmarkat b'numru tas-serje, kodiċi alfanumeriku jew diġitali.

 

Emenda    43

Proposta għal direttiva

Artikolu 1 – punt 3

Direttiva 91/477/KEE

Artikolu 4 – paragrafu 2

 

Test propost mill-Kummissjoni

Emenda

2.  Għall-finijiet tal-identifikazzjoni u t-traċċar ta' kull arma tan-nar immuntata, l-Istati Membri għandhom jirrikjedu li hi u tiġi mmanifatturata arma tan-nar, inkella meta tiġi impurtata fl-Unjoni, din issirilha marka unika li tkun tinkludi l-isem tal-manifattur, il-pajjiż jew il-post tal-manifattura, in-numru tas-serje u s-sena tal-manifattura, sakemm din ma tkunx diġà parti min-numru tas-serje. Dan għandu jkun bla ħsara għaż-żieda tal-marka kummerċjali tal-manifattur.

2.  Għall-fini tal-identifikazzjoni u t-traċċar ta' kull arma tan-nar assemblata u ta' kull komponent essenzjali li jinbiegħ separatament, l-Istati Membri għandhom jirrikjedu jew fil-mument meta jiġu mmanifatturati kull arma tan-nar u kull komponent essenzjali intenzjonat biex jinbiegħ separatament, jew mingħajr dewmien wara li l-arma tan-nar jew il-komponent ikkonċernat ikunu ġew importati fl-Unjoni, li dawn jiġu mmarkati b'marka ċara, permanenti u unika, li tkun tinkludi l-isem tal-manifattur, il-pajjiż jew il-post tal-manifattura, in-numru tas-serje u s-sena tal-manifattura, sakemm din ma tkunx diġà parti min-numru tas-serje. Dan għandu jkun bla ħsara għaż-żieda tal-marka kummerċjali tal-manifattur, u ma għandux japplika għall-armi tan-nar jew għall-komponenti essenzjali li jew ikunu meqjusa bħala antiki skont id-dritt nazzjonali jew ikunu intenzjonati għall-persuni li jkunu ngħataw awtorizzazzjoni skont it-tieni subparagrafu tal-Artikolu 6, sakemm dawn ikollhom il-marki oriġinali li jippermettu t-traċċabbiltà sħiħa. Meta komponent essenzjali jkun żgħir wisq biex jiġi mmarkat b'mod prattiku b'din l-informazzjoni kollha, għandu tal-anqas jiġi mmarkat b'numru tas-serje, kodiċi alfanumeriku jew diġitali. Dan ir-rekwiżit m'għandux japplika għall-armi tan-nar jew il-komponenti essenzjali li jinbiegħu separatament u li jkunu ġew immanifatturati qabel... [id-data tad-dħul fis-seħħ ta' din id-Direttiva Emendatorja].

L-immarkar għandu jsir fuq ir-riċevitur tal-arma tan-nar.

Fil-każ ta' arma tan-nar assemblata, l-immarkar għandu jsir fuq ir-receiver jew il-frame tal-arma tan-nar.

L-Istati Membri għandhom jiżguraw li kull pakkett elementari ta' munizzjon sħiħ ikun immarkat b'tali mod li jipprovdi l-isem tal-manifattur, in-numru ta' identifikazzjoni tal-lott, il-kalibru u t-tip ta' munizzjon.

L-Istati Membri għandhom jiżguraw li kull pakkett elementari ta' munizzjon sħiħ ikun immarkat b'tali mod li jindika l-isem tal-manifattur, in-numru ta' identifikazzjoni tal-lott, il-kalibru u t-tip ta' munizzjon. Għal dawn il-finijiet, l-Istati Membri għandhom jagħżlu li japplikaw id-dispożizzjonijiet tal-Konvenzjoni tan-Nazzjonijiet Uniti dwar ir-Rikonoxximent Reċiproku tal-Marki tal-Prova fuq l-Armi Żgħar tal-1 ta' Lulju 1969.

Barra minn hekk, l-Istati Membri għandhom jiżguraw li fil-ħin tat-trasferiment ta' arma tan-nar mill-ħażniet governattivi għall-użu ċivili permanenti, din l-arma jkollha marka unika li tippermetti lill-Istati jidentifikaw faċilment il-gvern ta' dan it-trasferiment.

Barra minn hekk, l-Istati Membri għandhom jiżguraw li, fil-ħin tat-trasferiment ta' arma tan-nar mill-ħażniet governattivi għall-użu ċivili permanenti, din ikollha fuqha l-marka unika li tippermetti li jiġi identifikat il-gvern li qed jagħmel it-trasferiment. L-armi tan-nar ikklassifikati fil-Kategorija A jridu l-ewwel ikunu ġew diżattivati bi qbil mad-dispożizzjonijiet li jimplimentaw l-Artikolu 10b jew ikunu ġew ikkonvertiti b'mod permanenti għal armi tan-nar semiawtomatiċi bi qbil mad-dispożizzjonijiet li jimplimentaw l-Artikolu 10ba, ħlief fil-każ tat-trasferimenti lil persuni li jkunu ngħataw awtorizzazzjonijiet skont l-ewwel jew it-tieni subparagrafu tal-Artikolu 6.

 

 

Emenda    44

Proposta għal direttiva

Artikolu 1 – punt 3

Direttiva 91/477/KEE

Artikolu 4 – paragrafu 3

 

Test propost mill-Kummissjoni

Emenda

3.  L-Istati Membri għandhom jeżerċitaw l-attività ta' negozjant jew ta' sensar tal-armi fit-territorju tagħhom jekk ikollhom awtorizzazzjoni, li tingħata abbażi ta' mill-inqas verifika tal-integrità privata u professjonali u tal-kapaċitajiet tan-negozjant jew tas-sensar. Fil-każ ta' persuna ġuridika, il-verifika għandha ssir fuq il-persuna ġuridika u fuq il-persuna li tkun qiegħda tmexxi l-impriża.

3.  L-Istati Membri għandhom jirregolaw l-attività tal-kummerċjanti jew tas-sensara fit-territorju tagħhom, billi jagħmluha soġġetta għall-miżuri li ġejjin:

 

(a)   ir-reġistrazzjoni tas-sensara u tal-kummerċjanti li joperaw fit-territorju tagħhom;

 

(b)   il-liċenzjar jew l-awtorizzazzjoni tal-attivitajiet tas-sensara u tal-kummerċjanti.

 

(c)   verifika tal-integrità privata u professjonali u tal-kapaċitajiet tal-kummerċjant jew tas-sensar ikkonċernati, u anke abbażi tat-trasparenza tal-attività kummerċjali. Fil-każ ta' persuna ġuridika, il-verifika għandha ssir fuq il-persuna ġuridika u fuq il-persuna li tkun qiegħda tmexxi l-impriża.

 

Emenda    45

Proposta għal direttiva

Artikolu 1 – punt 4 – punt a

Direttiva 91/477/KEE

Artikolu 4 – paragrafu 4 – subparagrafu 1 – it-tieni sentenza

 

Test propost mill-Kummissjoni

Emenda

Dan l-arkivju tar-rekords għandu jirreġistra t-tip, l-għamla, il-mudell, il-kalibru u n-numru tas-serje tal-arma tan-nar kif ukoll l-ismijiet u l-indirizzi tal-fornitur u tal-persuna li takkwista jew tieħu pussess tal-arma tan-nar. Ir-rekords tal-armi tan-nar, inklużi l-armi tan-nar diżattivati, għandhom jinżammu sakemm l-awtoritajiet kompetenti jiċċertifikaw il-qerda tal-arma tan-nar.

Dak l-arkivju tad-data għandu jirreġistra l-informazzjoni kollha relatata mal-armi tan-nar li tkun meħtieġa biex tinżamm traċċa u jiġu identifikati dawk l-armi tan-nar. Dik l-informazzjoni għandha tinkludi t-tip, l-għamla, il-mudell, il-kalibru u n-numru tas-serje ta' kull arma tan-nar, u kwalunkwe konverżjoni jew modifika għal arma tan-nar li twassal għal bidla fil-kategorija jew is-sottokategorija tagħha, inklużi d-diżattivazzjoni jew il-qerda ċċertifikati tagħha u d-data meta ġraw, kif ukoll l-ismijiet u l-indirizzi tal-fornitur u ta' kull persuna li takkwista jew tieħu pussess tal-arma tan-nar, inklużi d-dati tal-akkwist u, jekk applikabbli, id-data meta ntemm il-pussess jew meta jkun ġie ttrasferit lil persuna oħra, sakemm tali trasferiment ma jkunx jikkonċerna arma tan-nar li tkun ġiet irreġistrata bħala diżattivata. Ir-rekords attwali relatati ma' kull arma tan-nar u mal-persuna li jkollha l-arma fil-pussess tagħha għandhom ikunu aċċessibbli għall-awtoritajiet awtorizzati kollha. Ir-rekords kollha relatati mal-arma tan-nar għandhom jinżammu f'format aċċessibbli elettronikament għal perjodu ta' żmien indefinit.

 

Emenda    46

Proposta għal direttiva

Artikolu 1 – punt 4 – punt b

Direttiva 91/477/KEE

Artikolu 4 – paragrafu 4 – subparagrafu 4 (ġdid)

 

Test propost mill-Kummissjoni

Emenda

 

 

 

 

Kull Stat Membru għandu jiżgura li r-reġistri tan-negozjanti u tas-sensara stabbiliti fit-territorju tagħhom ikunu konnessi mal-arkivju kompjuterizzat tar-rekords tal-armi tan-nar.

Kull Stat Membru għandu jiżgura li n-negozjanti u s-sensara stabbiliti fit-territorju tagħhom jirrapportaw it-tranżazzjonijiet li jinvolvu armi tan-nar jew komponenti essenzjali lill-awtorità kompetenti nazzjonali fi żmien perjodu li ma jaqbiżx l-10 ijiem.

 

Emenda    47

Proposta għal direttiva

Artikolu 1 – punt 4a (ġdid)

Direttiva 91/477/KEE

Artikolu 4 – paragrafu 4a (ġdid)

 

Test propost mill-Kummissjoni

Emenda

 

(4a)  Fl-Artikolu 4, il-paragrafu li ġej huwa inserit:

 

"L-ebda kummerċjant, sensar jew persuna oħra m'għandhom ibigħu jew b'xi mod ieħor jinnegozjaw, jeliminaw jew jittrasferixxu taħt kwalunkwe titolu jkun xi jkun, kwalunkwe arma tan-nar, komponent essenzjali jew munizzjon abbażi ta' awtorizzazzjoni jew liċenzja maħruġa mill-awtoritajiet kompetenti tal-Istati Membri fejn ikunu stabbiliti, ħlief lil persuna li jkollha awtorizzazzjoni jew liċenzja għall-akkwist u l-pussess tal-arma tan-nar, il-komponent essenzjali jew il-munizzjon ikkonċernati."

 

Emenda    48

Proposta għal direttiva

Artikolu 1 – punt 5

Direttiva 91/477/KEE

Artikolu 4b

 

Test propost mill-Kummissjoni

Emenda

(5)   L-Artikolu 4b jinbidel b'dan li ġej:

imħassar

"Artikolu 4b

 

1.   L-Istati Membri għandhom jistabbilixxu sistema li tirregola l-attivitajiet tas-sensara u tan-negozjanti. Din is-sistema tista' tinkludi miżura waħda jew aktar minn dawn li ġejjin:

 

(a)   ir-reġistrazzjoni tas-sensara u tan-negozjanti li joperaw fit-territorju tagħhom;

 

(b)   il-liċenzjar jew l-awtorizzazzjoni tal-attivitajiet tas-sensara u tan-negozjanti.

 

2.   Is-sistema msemmija fil-paragrafu 1 għandha tinkludi mill-inqas verifika tal-integrità privata u professjonali u tal-kapaċitajiet tan-negozjant jew tas-sensar. Fil-każ ta' persuna ġuridika, il-verifika għandha ssir fuq il-persuna ġuridika u fuq il-persuna li tkun qiegħda tmexxi l-impriża."

 

 

 

Emenda    49

Proposta għal direttiva

Artikolu 1 – punt 5a (ġdid)

Direttiva 91/477/KEE

Artikolu 4ba (ġdid)

 

Test propost mill-Kummissjoni

Emenda

 

(5a)   L-artikolu li ġej huwa inserit:

 

"Artikolu 4ba

 

L-Istati Membri għandhom jieħdu l-miżuri meħtieġa biex jiżguraw li t-tqassir ta' arma tan-nar twila permezz tal-modifika ta' komponent jew komponenti essenzjali tagħha, b'mod li ssir arma tan-nar qasira, jiġi kkunsidrat bħala manifattura, u għalhekk bħala illeċitu sakemm ma jkunx sar minn kummerċjant awtorizzat."

 

Emenda    50

Proposta għal direttiva

Artikolu 1 – punt 6

Direttiva 91/477/KEE

Artikolu 5 – paragrafu 1 – parti introduttorja

 

Test propost mill-Kummissjoni

Emenda

1.  Bla ħsara għall-Artikolu 3, l-Istati Membri għandhom jawtorizzaw l-akkwist u l-pussess ta' armi tan-nar biss minn persuni li għandhom raġuni tajba u li:

1.  Bla ħsara għall-Artikolu 3, l-Istati Membri għandhom jippermettu l-akkwist u l-pussess ta' armi tan-nar biss minn persuni li għandhom raġuni tajba u li:

 

Emenda    51

Proposta għal direttiva

Artikolu 1 – punt 6

Direttiva 91/477/KEE

Artikolu 5 – paragrafu 1 – punt a

 

Test propost mill-Kummissjoni

Emenda

(a)  ikollhom mill-inqas 18-il sena, ħlief fil-każ tal-pussess ta' armi tan-nar għall-kaċċa u għall-isparar fuq bersalji, bil-kundizzjoni li f'dak il-każ il-persuni li ma jkollhomx 18-il sena jkunu kisbu l-permess tal-ġenituri, jew ikollhom il-gwida tal-ġenituri jew il-gwida ta' adult li jkollu liċenzja valida tal-armi tan-nar jew tal-kaċċa jew ikunu f'ċentru ta' taħriġ liċenzjat jew approvat xort'oħra;

(a)  ikollhom mill-inqas 18-il sena, ħlief fil-każ tal-akkwist, sakemm mhux permezz ta' xiri, jew tal-pussess ta' armi tan-nar għall-kaċċa u għall-isparar fuq bersalji, bil-kundizzjoni li f'dak il-każ il-persuni li jkunu għadhom m'għalqux it-18-il sena jkunu kisbu l-permess tal-ġenituri, jew ikollhom il-gwida tal-ġenituri jew il-gwida ta' adult li jkollu liċenzja valida tal-armi tan-nar jew tal-kaċċa jew ikunu f'ċentru ta' taħriġ liċenzjat jew approvat xort'oħra, u tali adult jassumi r-responsabbiltà għall-ħżin skont l-Artikolu 5a; u

 

 

 

Emenda    52

Proposta għal direttiva

Artikolu 1 – punt 6

Direttiva 91/477/KEE

Artikolu 5 – paragrafu 1 – punt b

 

Test propost mill-Kummissjoni

Emenda

(b)  aktarx ma jkunux ta' periklu għalihom infushom, għall-ordni pubblika jew għas-sikurezza pubblika; jekk persuna tkun instabet ħatja ta' reat vjolenti intenzjonat, dan għandu jitqies bħala indikattiv ta' periklu bħal dan.

(b)  aktarx ma jkunux ta' periklu għalihom infushom jew għal ħaddieħor, għall-ordni pubbliku jew għas-sikurezza pubblika; jekk ikunu nstabu ħatja ta' reat vjolenti intenzjonat, dan għandu jitqies bħala indikattiv ta' periklu ta' dan it-tip.

 

 

Emenda    53

Proposta għal direttiva

Artikolu 1 – punt 6

Direttiva 91/477/KEE

Artikolu 5 – paragrafu 1a (ġdid)

 

Test propost mill-Kummissjoni

Emenda

 

1a.  Xi ħadd li jakkwista arma tan-nar jew munizzjon permezz ta' wirt għandu jinforma minnufih lill-awtorità kompetenti fl-Istat Membru tiegħu. Jekk ma tkun tista' tintwera l-ebda raġuni tajba, l-armi tan-nar u l-munizzjon li jkunu soġġetti għal awtorizzazzjoni għandhom isiru inoperattivi permezz ta' diżattivazzjoni bi qbil ma' din id-Direttiva, jew jinbiegħu, jew jingħataw lil persuna ġuridika jew fiżika awtorizzata.

 

Emenda    54

Proposta għal direttiva

Artikolu 1 – punt 6

Direttiva 91/477/KEE

Artikolu 5 – paragrafu 1b (ġdid)

 

Test propost mill-Kummissjoni

Emenda

 

1b.  Fil-każ tal-kollezzjonisti, l-Istati Membri jistgħu jillimitaw is-sjieda tal-armi tan-nar għal numru limitat ta' armi tan-nar għall-kategoriji kollha elenkati fl-Anness 1. Tali limitazzjoni m'għandhiex tapplika jekk l-armi tan-nar ikkonċernati jkunu ġew diżattivati bi qbil ma' din id-Direttiva.

 

Emenda    55

Proposta għal direttiva

Artikolu 1 – punt 6

Direttiva 91/477/KEE

Artikolu 5 – paragrafu 1c (ġdid)

 

Test propost mill-Kummissjoni

Emenda

 

1c.  L-ikkollezzjonar jista' jikkostitwixxi raġuni tajba għall-akkwist u l-pussess tal-armi tan-nar minn kollezzjonisti li jkollhom tal-anqas 18-il sena u li x'aktarx mhumiex se jkunu ta' periklu għalihom infushom jew għall-oħrajn, għall-ordni pubbliku jew għas-sikurezza pubblika. Kundanna għal reat vjolenti intenzjonat għandha titqies bħala indikattiva ta' periklu ta' dan it-tip.

 

Emenda    56

Proposta għal direttiva

Artikolu 1 – punt 6

Direttiva 91/477/KEE

Artikolu 5 – paragrafu 2 – subparagrafu 1

 

Test propost mill-Kummissjoni

Emenda

L-Istati Membri għandhom jipprovdu testijiet mediċi standard għall-ħruġ jew għat-tiġdid ta' awtorizzazzjonijiet kif imsemmi fil-paragrafu 1 u jirtiraw l-awtorizzazzjonijiet jekk xi waħda mill-kundizzjonijiet ipprovduti ma tkunx issodisfata.

L-Istati Membri għandhom jistabbilixxu sistema ta' monitoraġġ, li tinkludi l-valutazzjoni tal-informazzjoni medika u psikoloġika rilevanti, bi qbil mad-dritt nazzjonali, li jista' jkollha bażi kontinwa jew le, għall-akkwist u l-pussess ta' armi tan-nar, u għandhom jirtiraw l-awtorizzazzjonijiet jekk xi waħda mill-kundizzjonijiet li abbażi tagħhom ikunu ġew permessi l-akkwist jew il-pussess ma tkunx għadha qed tiġi issodisfata.

 

Emenda    57

Proposta għal direttiva

Artikolu 1 – punt 6

Direttiva 91/477/KEE

Artikolu 5 – paragrafu 2 – subparagrafu 1a (ġdid)

 

Test propost mill-Kummissjoni

Emenda

 

Sakemm tiġi segwita l-proċedura korretta għall-valutazzjoni tal-informazzjoni medika u psikoloġika rilevanti, il-persuna li twettaq dik il-valutazzjoni ma għandhiex tkun responsabbli fir-rigward tal-azzjonijiet ta' persuna soġġetta għal dik il-valutazzjoni.

 

Emenda    58

Proposta għal direttiva

Artikolu 1 – punt 6

Direttiva 91/477/KEE

Artikolu 5 – paragrafu 2 – subparagrafu 2

 

Test propost mill-Kummissjoni

Emenda

L-Istati Membri ma jistgħux jipprojbixxu lill-persuni residenti fit-territorju tagħhom milli jkollhom pussess ta' arma mixtrija fi Stat Membru ieħor sakemm l-akkwist ta' din l-arma ma jkunx ipprojbit fit-territorju tagħhom stess.

L-Istati Membri ma jistgħux jipprojbixxu lill-persuni residenti fit-territorju tagħhom milli jkollhom pussess ta' arma tan-nar mixtrija fi Stat Membru ieħor sakemm l-akkwist tal-istess tip ta' arma tan-nar ma jkunx ipprojbit fit-territorju tagħhom stess.

 

Emenda    59

Proposta għal direttiva

Artikolu 1 – punt 6

Direttiva 91/477/KEE

Artikolu 5a (ġdid)

 

Test propost mill-Kummissjoni

Emenda

 

Artikolu 5a

 

L-Istati Membri għandhom jistabbilixxu regoli dwar is-superviżjoni xierqa tal-armi tan-nar u l-munizzjon u regoli dwar il-ħżin xieraq tagħhom b'mod sigur sabiex jiġi mminimizzat ir-riskju li persuna mhux awtorizzata tikseb aċċess għalihom?. Meta jkunu maħżuna, l-armi tan-nar u l-munizzjon għalihom ma għandhomx ikunu faċilment aċċessibbli flimkien. Is-superviżjoni f'dan il-każ għandha tfisser li l-persuna li jkollha l-pussess tal-arma tan-nar jew il-munizzjon iżżomm kontroll fuqhom waqt it-trasport u l-użu. Il-livell ta' skrutinju għall-arranġamenti ta' ħżin għandu jikkorrispondi għall-kategorija tal-arma tan-nar ikkonċernata.

 

Emenda    60

Proposta għal direttiva

Artikolu 1 – punt 6

Direttiva 91/477/KEE

Artikolu 5b (ġdid)

 

Test propost mill-Kummissjoni

Emenda

 

Artikolu 5b

 

L-Istati Membri għandhom jiżguraw li, fil-każi li jinvolvu l-akkwist u l-bejgħ tal-armi tan-nar u tal-komponenti essenzjali u l-munizzjon tagħhom ikklassifikati fil-kategoriji A, B, C u D stabbiliti fl-Anness I permezz ta' komunikazzjoni mill-bogħod, kif iddefinit fl-Artikolu 2 tad-Direttiva 2011/83/KE tal-Parlament Ewropew u tal-Kunsill(*), l-identità, u fejn meħtieġ, l-awtorizzazzjoni tal-persuna li tkun qed takkwista l-arma tan-nar jew il-komponenti essenzjali tagħha jew munizzjon, tiġi vverifikata qabel jew sa mhux aktar tard minn meta jiġu kkonsenjati lil dik il-persuna, permezz ta':

 

(a)  kummerċjant jew sensar awtorizzati; jew

 

(b)  awtorità pubblika jew rappreżentant tagħha.

 

_____________________

 

* Id-Direttiva 2011/83/UE tal-Parlament Ewropew u tal-Kunsill tal-25 ta' Ottubru 2011 dwar drittijiet tal-konsumatur, li temenda d-Direttiva tal-Kunsill 93/13/KEE u d-Direttiva 1999/44/KE tal-Parlament Ewropew u tal-Kunsill u li tħassar id-Direttiva tal-Kunsill 85/577/KEE u d-Direttiva 97/7/KE tal-Parlament Ewropew u tal-Kunsill (ĠU L 304, 22.11.2011, p. 64).

 

Emenda    61

Proposta għal direttiva

Artikolu 1 – punt 6

Direttiva 91/477/KEE

Artikolu 6 – paragrafu 1

 

Test propost mill-Kummissjoni

Emenda

L-Istati Membri għandhom jieħdu l-passi kollha xierqa biex jipprojbixxu l-akkwist u l-pussess tal-armi tan-nar u tal-munizzjon ikklassifikati fil-Kategorija A u biex jeqirdu dawk l-armi tan-nar u l-munizzjon li jiksru din id-dispożizzjoni u jissekwestrawhom.

Bla ħsara għall-Artikolu 2(2), l-Istati Membri għandhom jieħdu l-passi kollha xierqa biex jipprojbixxu l-akkwist u l-pussess tal-armi tan-nar u tal-munizzjon ikklassifikati fil-Kategorija A u biex jeqirdu jew jiddiżattivaw dawk l-armi tan-nar u l-munizzjon miżmuma bi ksur ta' din id-dispożizzjoni u ssekwestrati. F'każijiet eċċezzjonali u debitament motivati, l-awtoritajiet kompetenti jistgħu jagħtu awtorizzazzjoni għal tali armi tan-nar u munizzjon bil-kundizzjoni li tali awtorizzazzjoni ma tmurx kontra s-sigurtà pubblika, l-ordni pubbliku jew id-difiża nazzjonali.

 

 

 

Emenda    62

Proposta għal direttiva

Artikolu 1 – punt 6

Direttiva 91/477/KEE

Artikolu 6 – paragrafu 2

 

Test propost mill-Kummissjoni

Emenda

L-Istati Membri jistgħu jawtorizzaw lill-korpi kkonċernati bl-aspetti kulturali u storiċi tal-armi u rikonoxxuti bħala tali mill-Istat Membru li huma stabbiliti fit-territorju tiegħu biex iżommu fil-pussess tagħhom armi tan-nar ikklassifikati fil-Kategorija A mixtrija qabel [id-dħul fis-seħħ ta' din id-Direttiva], diment li dawn ikunu ġew diżattivati skont id-dispożizzjonijiet li jimplimentaw l-Artikolu 10(b).

L-Istati Membri jistgħu jagħżlu li jagħtu awtorizzazzjonijiet lil mużewijiet u kollezzjonisti għall-armi tan-nar u l-munizzjon ikklassifikati fil-kategorija A sakemm il-mużew jew il-kollezzjonist ikkonċernati juru lill-awtoritajiet nazzjonali kompetenti li hemm fis-seħħ miżuri sabiex jiġi indirizzat kwalunkwe riskju għas-sigurtà pubblika jew l-ordni pubbliku u li l-arma jew l-armi tan-nar ikkonċernati qed jinħażnu b'livell ta' sigurtà proporzjonat għar-riskji marbuta ma' aċċess mhux awtorizzat għal tali armi tan-nar.

 

 

L-Istati Membri għandhom jistabbilixxu reġistru ta' tali mużewijiet u kollezzjonisti awtorizzati. Tali mużewijiet u kollezzjonisti awtorizzati għandhom jiġu rikjesti jżommu reġistru tal-armi tan-nar kollha li jkunu fil-pussess tagħhom ikklassifikati fil-Kategorija A, li għandu jkun aċċessibbli għall-awtoritajiet nazzjonali kompetenti. L-Istati Membri għandhom jistabbilixxu sistema ta' monitoraġġ xierqa fir-rigward ta' tali mużewijiet u kollezzjonisti awtorizzati, filwaqt li jqisu l-fatturi rilevanti kollha.

 

Emenda    63

Proposta għal direttiva

Artikolu 1 – punt 6

Direttiva 91/477/KEE

Artikolu 6 – subparagrafu 3

 

Test propost mill-Kummissjoni

Emenda

L-akkwist tal-armi tan-nar u tal-partijiet tagħhom u tal-munizzjon li jikkonċernaw il-Kategoriji A, B u C b'mezz ta' komunikazzjoni mill-bogħod, kif iddefinit fl-Artikolu 2 tad-Direttiva 97/7/KE tal-Parlament Ewropew u tal-Kunsill(*), għandu jiġi awtorizzat biss għan-negozjanti u għas-sensara u għandu jkun soġġett għall-kontrolli stretti tal-Istati Membri.

imħassar

 

Emenda    64

Proposta għal direttiva

Artikolu 1 – punt -7 (ġdid)

Direttiva 91/477/KEE

Artikolu 7 – paragrafu 4 – punt b

 

Test fis-seħħ

Emenda

 

(-7) Fl-Artikolu 7, il-paragrafu 4, subparagrafu 1, punt (b) huwa sostitwit bit-test li ġej:

"(b) il-verifika perjodika li dawk il-persuni għadhom jissodisfaw il-kondizzjonijiet; u"

"(b) il-verifika li dawk il-persuni għadhom jissodisfaw il-kundizzjonijiet; u"

(http://eur-lex.europa.eu/legal-content/MT/TXT/?uri=CELEX:01991L0477-20080728&qid=1457684409643)

 

Emenda    65

Proposta għal direttiva

Artikolu 1 – punt 7

Direttiva 91/477/KEE

Artikolu 7 – paragrafu 4 – subparagrafu 2

 

Test propost mill-Kummissjoni

Emenda

Il-limiti massimi ma għandhomx jaqbżu l-ħames snin. L-awtorizzazzjoni tista' tiġġedded jekk jiġu ssodisfati l-kundizzjonijiet li abbażi tagħhom tkun ingħatat l-istess awtorizzazzjoni.

Il-perjodu massimu ta' awtorizzazzjoni ma għandux jaqbeż il-ħames snin, sakemm l-Istati Membri ma jkunux implimentaw sistema ta' monitoraġġ kontinwu kif imsemmi fl-ewwel subparagrafu tal-Artikolu 5(2). L-awtorizzazzjoni tista' tiġġedded jekk ikunu għadhom qed jiġu ssodisfati l-kundizzjonijiet li abbażi tagħhom tkun ingħatat l-istess awtorizzazzjoni.

 

[1] Għadha mhix ippubblikata fil-Ġurnal Uffiċjali.