Dokument ta' sessjoni

 

A8-0034/2017

9.2.2017

***I

RAPPORT

dwar il-proposta għal direttiva tal-Parlament Ewropew u tal-Kunsill li temenda d-Direttiva 2008/98/KE dwar l-iskart

( COM(2015)0595 – C8-0382/2015 – 2015/0275(COD) )

Kumitat għall-Ambjent, is-Saħħa Pubblika u s-Sikurezza tal-Ikel

Rapporteur: Simona Bonafè

 

PR_COD_1amCom

 

Tifsira tas-simboli użati

  *  Proċedura ta' konsultazzjoni  

  ***  Proċedura ta' approvazzjoni

  ***I  Proċedura leġiżlattiva ordinarja (l-ewwel qari)

  ***II  Proċedura leġiżlattiva ordinarja (it-tieni qari)

  ***III  Proċedura leġiżlattiva ordinarja (it-tielet qari)

(It-tip ta' proċedura jiddependi mill-bażi legali proposta mill-abbozz ta' att.)

 

 

 

 

Emendi għal abbozz ta' att

 

Emendi tal-Parlament f'żewġ kolonni

 

It-tħassir huwa indikat permezz tat-tipa korsiva u grassa fil-kolonna tax-xellug. Is-sostituzzjoni hija indikata permezz tat-tipa korsiva u grassa fiż-żewġ kolonni. It-test ġdid huwa indikat permezz tat-tipa korsiva u grassa fil-kolonna tal-lemin.

 

L-ewwel u t-tieni linji tal-intestatura ta' kull emenda jidentifikaw il-parti tat-test ikkonċernata fl-abbozz ta' att inkwistjoni. Meta emenda tirrigwarda att eżistenti, li l-abbozz ta' att ikollu l-ħsieb li jemenda, l-intestatura jkun fiha wkoll it-tielet u r-raba' linji li jidentifikaw rispettivament l-att eżistenti u d-dispożizzjoni kkonċernata f'dak l-att.

 

Emendi tal-Parlament li jieħdu l-forma ta' test konsolidat

 

Il-partijiet tat-testi l-ġodda huma indikati permezz tat-tipa korsiva u grassa. Il-partijiet tat-test imħassra huma indikati permezz tas-simbolu ▌ jew huma ingassati. Is-sostituzzjoni hija indikata billi t-test il-ġdid jiġi indikat permezz tat-tipa korsiva u grassa u billi jitħassar jew jiġi ingassat it-test sostitwit.

  Bħala eċċezzjoni, it-tibdil ta' natura strettament teknika magħmul mis-servizzi fil-preparazzjoni tat-test finali mhuwiex indikat.

 

 

 

 

WERREJ

Paġna

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW  4

NOTA SPJEGATTIVA  146

OPINJONI TAL-MINORANZA  149

OPINJONI tal-Kumitat għall-Industrija, ir-Riċerka u l-Enerġija  150

PROĊEDURA TAL-KUMITAT RESPONSABBLI  208

 

 

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal direttiva tal-Parlament Ewropew u tal-Kunsill li temenda d-Direttiva 2008/98/KE dwar l-iskart

( COM(2015)0595 – C8-0382/2015 – 2015/0275(COD) )

(Proċedura leġiżlattiva ordinarja: l-ewwel qari)

Il-Parlament Ewropew,

–  wara li kkunsidra l-proposta tal-Kummissjoni lill-Parlament u lill-Kunsill ( COM(2015)0595 ),

–  wara li kkunsidra l-Artikoli 294(2) u 192(1) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C8-0382/2015),

–  wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

–  wara li kkunsidra l-opinjonijiet motivati preżentati mis-Senat Franċiż u l-Kunsill Federali Awstrijak, fil-qafas tal-Protokoll Nru 2 dwar l-applikazzjoni tal-prinċipji ta' sussidjarjetà u proporzjonalità li jiddikjaraw li l-abbozz ta' att leġiżlattiv ma jimxix mal-prinċipju tas-sussidjarjetà,

–  wara li kkunsidra l-opinjoni tal-Kumitat Ekonomiku u Soċjali Ewropew tas-27 ta' April 2016[1],

–  wara li kkunsidra l-opinjoni tal-Kumitat tar-Reġjuni tal-15 ta' Ġunju 2016[2],

–  wara li kkunsidra l-Artikolu 59 tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Ambjent, is-Saħħa Pubblika u s-Sikurezza tal-Ikel u l-opinjoni tal-Kumitat għall-Industrija, ir-Riċerka u l-Enerġija ( A8-0034/2017 ),

1.  Jadotta l-pożizzjoni fl-ewwel qari li tidher hawn taħt;

2.  Jistieden lill-Kummissjoni terġa' tirreferi l-kwistjoni lill-Parlament jekk tibdel il-proposta, temendaha b'mod sustanzjali jew ikollha l-ħsieb li temendaha b'mod sustanzjali;

3.  Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Emenda    1

Proposta għal direttiva

Premessa -1 (ġdida)

 

Test propost mill-Kummissjoni

Emenda

 

(-1)  L-għan ta' din id-Direttiva huwa li tistabbilixxi miżuri għall-protezzjoni tal-ambjent u tas-saħħa tal-bniedem billi tipprevjeni jew tnaqqas l-impatti negattivi tal-ġenerazzjoni u l-immaniġġjar tal-iskart, billi tnaqqas l-impatti ġenerali tal-użu tar-riżorsi u ttejjeb l-effiċjenza ta' tali użu u billi tiżgura li l-iskart ikun valorizzat bħala riżorsa bil-ħsieb li ssir kontribuzzjoni lejn ekonomija ċirkolari fl-Unjoni.

 

 

Emenda    2

Proposta għal direttiva

Premessa -1a (ġdida)

 

Test propost mill-Kummissjoni

Emenda

 

(-1a)  Fid-dawl tad-dipendenza tal-Unjoni fuq l-importazzjoni tal-materja prima u t-tnaqqis rapidu ta' ammont sinifikanti ta' riżorsi naturali fuq medda qasira ta' żmien, hija sfida ewlenija li nirkupraw kemm jista' jkun riżorsi fl-Unjoni u nsaħħu t-tranżizzjoni lejn ekonomija ċirkolari.

Ġustifikazzjoni

Huwa importanti li tiġi enfasizzata l-aġenda usa' għall-mixja lejn ekonomija ċirkolari, u li tiġi enfasizzata l-opportunità li r-reviżjoni tad-Direttiva Qafas dwar l-Iskart toffri għat-tisħiħ ta' din it-tranżizzjoni.

 

Emenda    3

Proposta għal direttiva

Premessa -1b (ġdid)

 

Test propost mill-Kummissjoni

Emenda

 

(-1b)  L-ekonomija ċirkolari toffri opportunitajiet importanti għall-ekonomiji lokali u toffri l-potenzjal biex tinħoloq sitwazzjoni "fejn kulħadd jirbaħ" għall-partijiet ikkonċernati kollha involuti.

Ġustifikazzjoni

Huwa importanti li tiġi enfasizzata l-aġenda usa' għall-mixja lejn ekonomija ċirkolari, u li tiġi enfasizzata l-opportunità li r-reviżjoni tad-Direttiva Qafas dwar l-Iskart toffri għat-tisħiħ ta' din it-tranżizzjoni.

 

Emenda    4

Proposta għal direttiva

Premessa -1c (ġdida)

 

Test propost mill-Kummissjoni

Emenda

 

(-1c) L-immaniġġjar tal-iskart għandu jiġi ttrasformat f'immaniġġjar tal-materjal sostenibbli. Ir-reviżjoni tad-Direttiva 2008/98/KE toffri opportunità għal dak il-għan.

Ġustifikazzjoni

Huwa importanti li tiġi enfasizzata l-aġenda usa' għall-mixja lejn ekonomija ċirkolari, u li tiġi enfasizzata l-opportunità li r-reviżjoni tad-Direttiva Qafas dwar l-Iskart toffri għat-tisħiħ ta' din it-tranżizzjoni.

 

Emenda    5

Proposta għal direttiva

Premessa -1 d (ġdida)

 

Test propost mill-Kummissjoni

Emenda

 

(-1d)   Sabiex wieħed jimxi b'suċċess lejn ekonomija ċirkolari, l-implimentazzjoni sħiħa tal-pjan ta' azzjoni dwar "L-għeluq taċ-ċirku – Pjan ta' azzjoni tal-UE għal ekonomija ċirkolari" hija neċessarja flimkien mar-reviżjoni u l-implimentazzjoni sħiħa tad-Direttivi dwar l-Iskart. Il-pjan ta' azzjoni għandu jżid ukoll il-koerenza, il-konsistenza u s-sinerġiji bejn l-ekonomija ċirkolari u l-politiki dwar l-enerġija, il-klima, l-agrikoltura, l-industrija u r-riċerka.

Ġustifikazzjoni

Hemm ħtieġa ċara li jiġu żgurati l-koerenza, il-konsistenza u s-sinerġiji bejn politiki differenti.

 

Emenda    6

Proposta għal direttiva

Premessa -1e (ġdid)

 

Test propost mill-Kummissjoni

Emenda

 

(-1e)  Fid-9 ta' Lulju 2015, il-Parlament adotta riżoluzzjoni dwar "L-effiċjenza fl-użu tar-riżorsi: lejn ekonomija ċirkolari"1a, fejn enfasizza b'mod partikolari l-ħtieġa li jiġu stabbiliti miri vinkolanti ta' tnaqqis tal-iskart, jiġu żviluppati miżuri għall-prevenzjoni tal-iskart u jiġu stabbiliti definizzjonijiet ċari u mhux ambigwi.

 

_______________

 

1a Testi adottati, P8_TA(2015)0266

 

Emenda    7

Proposta għal direttiva

Premessa 1

 

Test propost mill-Kummissjoni

Emenda

(1)  L-immaniġġjar tal-iskart fl-Unjoni għandu jittejjeb, bil-ħsieb li titħares, tinżamm u tiżdied il-kwalità tal-ambjent, tkun protetta s-saħħa tal-bniedem, tkun żgurata utilizzazzjoni razzjonali u prudenti tar-riżorsi naturali, u tiġi promossa ekonomija iktar ċirkolari.

(1)  L-immaniġġjar tal-iskart fl-Unjoni għandu jittejjeb, bil-ħsieb li titħares, tinżamm u tiżdied il-kwalità tal-ambjent, tkun protetta s-saħħa tal-bniedem, tkun żgurata utilizzazzjoni prudenti u effiċjenti tar-riżorsi naturali, jiġu promossi l-prinċipji tal-ekonomija ċirkolari, jissaħħaħ it-tixrid tal-enerġija rinnovabbli, tiżdied l-effiċjenza tal-enerġija, titnaqqas id-dipendenza tal-Unjoni fuq ir-riżorsi importati, u jiġu pprovduti opportunitajiet ekonomiċi ġodda u kompetittività fit-tul. Sabiex l-ekonomija ssir verament ċirkolari, huwa neċessarju li jittieħdu miżuri addizzjonali dwar il-produzzjoni u l-konsum sostenibbli, b'enfasi fuq iċ-ċiklu sħiħ tal-ħajja ta' prodotti b'mod li jippreżerva r-riżorsi u jagħlaq iċ-ċirku. Użu iktar effiċjenti tar-riżorsi jġib miegħu wkoll iffrankar nett sostanzjali għan-negozji tal-Unjoni, l-awtoritajiet pubbliċi u l-konsumaturi, filwaqt li jnaqqas it-total annwali tal-emissjonijiet ta' gassijiet serra.

 

Emenda    8

Proposta għal direttiva

Premessa 1a (ġdida)

 

Test propost mill-Kummissjoni

Emenda

 

(1a)  Żieda fl-isforzi għall-mixja lejn ekonomija ċirkolari tista' tiġġenera tnaqqis ta' 2-4 % tal-emissjonijiet ta' gassijiet serra kull sena, u toffri inċentiv ċar biex wieħed jinvesti f'ekonomija ċirkolari. Iż-żieda fil-produttività tar-riżorsi permezz ta' titjib fl-effiċjenza u t-tnaqqis tal-ħela tar-riżorsi tista' tnaqqas ħafna kemm il-konsum tar-riżorsi kif ukoll l-emissjonijiet ta' gassijiet serra. Għalhekk, l-ekonomija ċirkolari għandha tkun parti integrali tal-politika għall-klima peress li toħloq sinerġiji kif enfasizzat fir-rapporti tal-Panel tar-Riżorsi Internazzjonali.

 

Emenda    9

Proposta għal direttiva

Premessa 1b (ġdida)

 

Test propost mill-Kummissjoni

Emenda

 

(1b) L-ekonomija ċirkolari għandha tqis dispożizzjonijiet espliċiti fis-Seba' Programm ta' Azzjoni Ambjentali, li jitlob l-iżvilupp ta' ċikli ta' materjal mhux tossiku sabiex l-iskart riċiklat ikun jista' jintuża bħala sors ewlieni u affidabbli ta' materja prima għall-Unjoni;

Ġustifikazzjoni

L-UE għandha tiffoka fuq il-ħolqien ta' ekonomija ċirkolari nadifa u tevita riskju ewlieni possibbli ta' telf futur fil-fiduċja pubblika u tas-suq f'materjal irriċiklat filwaqt li jinħoloq legat li ma għandux tmiem. Il-piż ewlieni għar-riċiklaturi huwa l-preżenza ta' sustanzi perikolużi fil-materjal. L-enfażi tal-UE għandha tkun li dawn is-sustanzi perikolużi ma jibqgħux fil-prodotti u fl-iskart, u s-saħħa pubblika u l-ambjent ma jitpoġġewx f'periklu billi jiġu eżenti ċerti klassijiet ta' negozji jew prodotti minn rekwiżiti siguri u billi fil-futur isir impossibbli li jiġu identifikati dawn il-materjali kkontaminati.

 

 

 

 

Emenda    10

Proposta għal direttiva

Premessa 2

 

Test propost mill-Kummissjoni

Emenda

(2)  Il-miri stipulati fid-Direttiva 2008/98/KE tal-Parlament Ewropew u tal-Kunsill14 għat-tħejjija għall-użu mill-ġdid u għar-riċiklaġġ tal-iskart għandhom jiġu emendati biex jirriflettu aħjar l-ambizzjoni tal-Unjoni li timxi lejn ekonomija iktar ċirkolari.

(2)  Il-miri stipulati fid-Direttiva 2008/98/KE tal-Parlament Ewropew u tal-Kunsill14 għat-tħejjija għall-użu mill-ġdid u għar-riċiklaġġ tal-iskart għandhom jiżdiedu biex jirriflettu aħjar l-ambizzjoni tal-Unjoni li timxi lejn ekonomija ċirkolari effiċjenti fl-użu tar-riżorsi, billi jittieħdu l-miżuri neċessarji biex ikun żgurat li l-iskart jitqies bħala riżorsa utli.

__________________

__________________

14 Id-Direttiva 2008/98/KE tal-Parlament Ewropew u tal-Kunsill tad-19 ta' Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).

14 Id-Direttiva 2008/98/KE tal-Parlament Ewropew u tal-Kunsill tad-19 ta' Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).

 

 

 

Emenda    11

Proposta għal direttiva

Premessa 3

 

Test propost mill-Kummissjoni

Emenda

(3)  Għadd ta' Stati Membri għad iridu jiżviluppaw l-infrastruttura meħtieġa għall-immaniġġjar tal-iskart. Għaldaqstant huwa essenzjali li jiġu stipulati għanijiet ta' politika fit-tul sabiex jiggwidaw il-miżuri u l-investimenti, speċifikament billi jiġi evitat il-ħolqien ta' kapaċitajiet strutturali eċċessivi għat-trattament tal-iskart residwali u tiġi evitata l-inerzja tal-materji riċiklabbli f'qiegħ il-ġerarkija tal-iskart.

(3)  Għadd ta' Stati Membri għad iridu jiżviluppaw l-infrastruttura meħtieġa għall-immaniġġjar tal-iskart. Għaldaqstant huwa essenzjali li jiġu stipulati għanijiet ta' politika fit-tul u li jingħata appoġġ finanzjarju u politiku sabiex jiġu orjentati l-miżuri u l-investimenti, speċifikament billi jiġi evitat il-ħolqien ta' kapaċitajiet strutturali eċċessivi għat-trattament tal-iskart residwali u tiġi evitata l-inerzja tal-materji riċiklabbli fil-livelli iktar baxxi tal-ġerarkija tal-iskart. F'dak il-kuntest, sabiex jinkisbu l-miri rilevanti, huwa essenzjali li jintużaw il-Fondi Strutturali u ta' Investiment Ewropej sabiex jiġi ffinanzjat l-iżvilupp tal-infrastruttura għall-immaniġġjar tal-iskart meħtieġa għall-prevenzjoni, l-użu mill-ġdid u r-riċiklaġġ. Huwa wkoll essenzjali li l-Istati Membri jemendaw il-programmi għall-prevenzjoni tal-iskart eżistenti tagħhom f'konformità ma' din id-Direttiva u jadattaw l-investimenti tagħhom kif xieraq.

 

 

Emenda    12

Proposta għal direttiva

Premessa 4

 

Test propost mill-Kummissjoni

Emenda

(4)  L-iskart muniċipali jiġbor kważi bejn 7% u 10% tal-iskart kollu ġġenerat fl-Unjoni; madankollu, dan il-fluss tal-iskart hu fost l-aktar skart kumpless biex timmaniġġja, u l-mod kif jiġi mmaniġġjat ġeneralment jixhed sew il-kwalità tas-sistema ġenerali tal-immaniġġjar tal-iskart ġenerali fil-pajjiż. L-immaniġġjar tal-iskart muniċipali joħloq sfidi minħabba li l-kompożizzjoni tiegħu hi tassew kumplessa u mħallta, l-iskart iġġenerat hu qrib ferm taċ-ċittadini, u l-iskart iġġenerat għandu ħafna viżibilità pubblika. Minħabba f'hekk, l-immaniġġjar tiegħu jeħtieġ sistema kumplessa ħafna tal-immaniġġjar tal-iskart inkluża skema ta' ġbir effiċjenti, l-involviment attiv taċ-ċittadini u n-negozji, infrastruttura aġġustata skont il-kompożizzjoni speċifika tal-iskart, u sistema elaborata ta' finanzjament. Il-pajjiżi li żviluppaw sistemi effiċjenti għall-immaniġġjar tal-iskart muniċipali ġeneralment irendu aħjar fl-immaniġġjar ġenerali tal-iskart.

(4)  L-iskart muniċipali jiġbor kważi bejn 7% u 10% tal-iskart kollu ġġenerat fl-Unjoni; madankollu, dan il-fluss tal-iskart hu fost l-aktar skart kumpless biex timmaniġġja, u l-mod kif jiġi mmaniġġjat ġeneralment jixhed sew il-kwalità tas-sistema ġenerali tal-immaniġġjar tal-iskart ġenerali fil-pajjiż. L-isfidi tal-iskart muniċipali jirriżultaw mill-kompożizzjoni tiegħu tassew kumplessa u mħallta, mill-prossimità diretta tiegħu għaċ-ċittadini, mill-viżibilità pubblika ħafna tiegħu u mill-impatt tiegħu fuq l-ambjent u s-saħħa tal-bniedem. Minħabba f'hekk, l-immaniġġjar tiegħu jeħtieġ sistema kumplessa ħafna tal-immaniġġjar tal-iskart inkluża skema ta' ġbir effiċjenti, sistema effikaċi ta' separazzjoni, traċċar xieraq tal-flussi ta' skart, l-involviment attiv taċ-ċittadini u n-negozji, infrastruttura aġġustata skont il-kompożizzjoni speċifika tal-iskart, u sistema elaborata ta' finanzjament. Il-pajjiżi li żviluppaw sistemi effiċjenti għall-immaniġġjar tal-iskart muniċipali ġeneralment irendu aħjar fl-immaniġġjar ġenerali tal-iskart, inkluż fl-ilħiq tal-miri tar-riċiklaġġ. Madankollu, immaniġġjar xieraq ta' skart muniċipali waħdu mhuwiex biżżejjed biex tingħata spinta lit-tranżizzjoni lejn ekonomija ċirkolari fejn l-iskart huwa meqjus bħala riżorsa. Approċċ taċ-ċiklu tal-ħajja għall-prodotti u l-iskart huwa neċessarju sabiex din it-tranżizzjoni tingħata bidu.

 

Emenda    13

Proposta għal direttiva

Premessa 4a (ġdida)

 

Test propost mill-Kummissjoni

Emenda

 

(4a)  L-esperjenza wriet li kemm is-sistemi pubbliċi kif ukoll dawk immexxija mill-privat jistgħu jgħinu biex tinkiseb sistema ta' ekonomija ċirkolari, u d-deċiżjoni dwar jekk għandhiex tintuża sistema partikolari jew le ta' spiss tiddependi fuq kundizzjonijiet ġeografiċi u strutturali. Ir-regoli stabbiliti f'din id-Direttiva jippermettu kemm sistema fejn il-muniċipalità għandha r-responsabbiltà ġenerali biex jinġabar l-iskart muniċipali kif ukoll sistema li fiha tali servizzi jingħataw b'kuntratt lill-operaturi privati. L-għażla li wieħed jaqleb bejn dawn is-sistemi għandha tkun f'idejn l-Istati Membri.

 

 

Emenda    14

Proposta għal direttiva

Premessa 5

 

Test propost mill-Kummissjoni

Emenda

(5)  Jeħtieġ li jiġu inklużi fid-Direttiva 2008/98/KE definizzjonijiet tal-iskart muniċipali, tal-iskart tal-kostruzzjoni u tad-demolizzjoni, tal-proċess aħħari tar-riċiklaġġ, u tar-radam mill-ġdid, bil-għan li l-kamp ta' applikazzjoni ta' dawn il-kunċett jiġi ċċarat.

(5)  Jeħtieġ li jiġu inklużi fid-Direttiva 2008/98/KE definizzjonijiet tal-iskart muniċipali, kummerċjali u industrijali, tal-iskart tal-kostruzzjoni u tad-demolizzjoni, tal-operatur tat-tħejjija għall-użu mill-ġdid, tar-riċiklaġġ organiku, tal-proċess aħħari tar-riċiklaġġ, tar-radam mill-ġdid, tas-separazzjoni, tar-rimi taż-żibel u tal-iskart tal-ikel bil-għan li l-kamp ta' applikazzjoni ta' dawn il-kunċetti jiġi ċċarat.

 

 

Emenda    15

Proposta għal direttiva

Premessa 5a (ġdida)

 

Test propost mill-Kummissjoni

Emenda

 

(5a)  Fuq il-bażi tan-notifiki tal-Istati Membri u l-iżviluppi fil-ġurisprudenza tal-Qorti tal-Ġustizzja tal-Unjoni Ewropea, il-Kummissjoni għandha perjodikament tirrieżamina l-Gwida dwar l-interpretazzjoni tad-dispożizzjonijiet prinċipali tad-Direttiva 2008/98/KE, bl-għan li ttejjeb, tallinja u tarmonizza l-kunċetti ta' skart u prodotti sekondarji fl-Istati Membri kollha.

Ġustifikazzjoni

Sabiex tippromwovi l-implimentazzjoni ta' din id-Direttiva, il-Kummissjoni għandha, fuq il-bażi tan-notifiki tal-Istati Membri u s-sentenzi tal-Qorti tal-Ġustizzja tal-Unjoni Ewropea, perjodikament tirrieżamina l-Gwida dwar l-interpretazzjoni tad-dispożizzjonijiet prinċipali tad-Direttiva 2008/98/KE, bl-għan li ttejjeb, tallinja u tarmonizza l-kunċetti ta' skart u prodotti sekondarji fl-Istati Membri kollha.

 

 

Emenda    16

Proposta għal direttiva

Premessa 5b (ġdida)

 

Test propost mill-Kummissjoni

Emenda

 

(5b)  Jeħtieġ li tkun żgurata l-koerenza bejn id-Direttiva 2008/98/KE dwar l-iskart u atti leġiżlattivi relatati tal-Unjoni bħad-Direttiva 2009/28/KE tal-Parlament Ewropew u tal-Kunsill1a u r-Regolament (KE) Nru 1907/2006 tal-Parlament Ewropew u tal-Kunsill1b. Jeħtieġ li jkunu żgurati, b'mod partikolari, l-interpretazzjoni u l-applikazzjoni koerenti tad-definizzjonijiet ta' "skart", "ġerarkija tal-iskart" u "prodott sekondarju" skont dawn l-atti leġiżlattivi.

 

_________________

 

1a Id-Direttiva 2009/28/KE tal-Parlament Ewropew u tal-Kunsill tat-23 ta' April 2009 dwar il-promozzjoni tal-użu tal-enerġija minn sorsi rinnovabbli u li temenda u sussegwentement tħassar id-Direttivi 2001/77/KE u 2003/30/KE (ĠU L 140, 5.6.2009, p. 16).

 

1b Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).".

 

Emenda    17

Proposta għal direttiva

Premessa 5c (ġdida)

 

Test propost mill-Kummissjoni

Emenda

 

(5c)  Skart perikoluż u skart mhux perikoluż għandhom jiġu identifikati skont id-Deċiżjoni tal-Kummissjoni 2014/955/EU1a u r-Regolament tal-Kummissjoni (UE) Nru 1357/20141b.

 

______________

 

1a Id-Deċiżjoni tal-Kummissjoni 2014/955/UE tat-18 ta' Diċembru 2014 li temenda d-Deċiżjoni 2000/532/KE dwar il-lista ta' skart skont id-Direttiva 2008/98/KE tal-Parlament Ewropew u tal-Kunsill (ĠU L 370, 30.12.2014, p. 44).

 

1b Ir-Regolament tal-Kummissjoni (UE) Nru 1357/2014 tat-18 ta' Diċembru 2014 li jieħu post l-Anness III tad-Direttiva 2008/98/KE tal-Parlament Ewropew u tal-Kunsill dwar l-iskart u li jħassar ċertu Direttivi (ĠU L 365, 19.12.2014, p. 89).

 

Emenda    18

Proposta għal direttiva

Premessa 6

 

Test propost mill-Kummissjoni

Emenda

(6)   Biex jiġi żgurat li l-miri tar-riċiklaġġ jissejsu fuq dejta affidabbli u paragunabbli, u biex ikun permess monitoraġġ iktar effettiv tal-progress fil-ksib ta' dawk il-miri, id-definizzjoni tal-iskart muniċipali fid-Direttiva 2008/98/KE għandha taqbel mad-definizzjoni użata għal finijiet statistiċi mill-Uffiċċju Ewropew tal-Istatistika u mill-Organizzazzjoni għall-Kooperazzjoni u l-Iżvilupp Ekonomiċi, li abbażi tagħha l-Istati Membri ilhom is-snin jirrappurtaw id-dejta. Id-definizzjoni tal-iskart muniċipali f'din id-Direttiva hija newtrali fejn jidħol l-istatus pubbliku jew privat tal-operatur li jimmaniġġja l-iskart.

(6)   Biex jiġi żgurat li l-miri tar-riċiklaġġ jissejsu fuq dejta affidabbli u paragunabbli, u biex ikun permess monitoraġġ iktar effettiv tal-progress fil-ksib ta' dawk il-miri, id-definizzjoni tal-iskart muniċipali fid-Direttiva 2008/98/KE għandha tiġi allinjata mad-definizzjoni użata għal finijiet statistiċi mill-Uffiċċju Ewropew tal-Istatistika u mill-Organizzazzjoni għall-Kooperazzjoni u l-Iżvilupp Ekonomiċi, li abbażi tagħha l-Istati Membri ilhom is-snin jirrappurtaw id-dejta. Id-definizzjoni tal-iskart muniċipali f'din id-Direttiva hija newtrali fejn jidħol l-istatus pubbliku jew privat tal-operatur li jimmaniġġja l-iskart.

 

 

Emenda    19

Proposta għal direttiva

Premessa 7

 

Test propost mill-Kummissjoni

Emenda

(7)  L-Istati Membri għandhom jipprovdu inċentivi xierqa għall-applikazzjoni tal-ġerarkija tal-iskart, b'mod partikulari permezz ta' inċentivi finanzjarji li jimmiraw il-ksib tal-għanijiet ta' prevenzjoni tal-iskart u ta' riċiklaġġ stipulati minn din id-Direttiva, fosthom il-ħlasijiet għar-rimi f'miżbla u għall-inċinerazzjoni, skemi ta' "ħallas skont kemm tarmi", skemi ta' responsabbiltà estiża tal-produttur, u inċentivi għall-awtoritajiet lokali.

(7)  L-Istati Membri għandhom jipprovdu inċentivi xierqa għall-applikazzjoni tal-ġerarkija tal-iskart, b'mod partikulari permezz ta' inċentivi finanzjarji, ekonomiċi u regolatorji li jimmiraw il-ksib tal-għanijiet ta' prevenzjoni tal-iskart u ta' riċiklaġġ stipulati minn din id-Direttiva, fosthom il-ħlasijiet għar-rimi f'miżbla u għall-inċinerazzjoni, skemi ta' "ħallas skont kemm tarmi", skemi ta' responsabbiltà estiża tal-produttur, faċilitazzjoni tad-donazzjonijiet tal-ikel u inċentivi għall-awtoritajiet lokali. Sabiex jikkontribwixxu għall-objettivi stabbiliti f'din id-Direttiva, l-Istati Membri jistgħu jagħmlu użu minn strumenti jew miżuri ekonomiċi bħal dawk stipulati fil-lista indikattiva fl-Anness ta' din id-Direttiva. L-Istati Membri għandhom jieħdu wkoll miżuri biex jikkontribwixxu għall-kisba ta' kwalità għolja tal-materjal separat.

 

 

Emenda    20

Proposta għal direttiva

Premessa 7a (ġdida)

 

Test propost mill-Kummissjoni

Emenda

 

(7a)  L-Istati Membri għandhom jintroduċu miżuri sabiex iħeġġu l-iżvilupp, il-produzzjoni u l-kummerċjalizzazzjoni ta' prodotti adattati għal użu multiplu, li jkunu teknikament durabbli u jissewwew faċilment, u li meta jsiru skart u jkunu tħejjew għall-użu mill-ġdid jew ikunu ġew riċiklati, ikunu adattati għat-tqegħid fis-suq sabiex tiġi ffaċilitata l-implimentazzjoni tajba tal-ġerarkija tal-iskart. Dawk il-miżuri għandhom iqisu l-impatt tal-prodotti matul iċ-ċiklu tal-ħajja tagħhom u l-ġerarkija tal-iskart.

 

 

 

 

 

Emenda    21

Proposta għal direttiva

Premessa 8

 

Test propost mill-Kummissjoni

Emenda

(8)  Sabiex l-operaturi fis-swieq ta' materja prima sekondarja jingħataw iktar ċertezza fir-rigward tal-istatus ta' skart jew mhux skart ta' sustanzi jew oġġetti, u biex jiġu promossi kundizzjonijiet ekwi, huwa importanti li, fil-livell tal-Unjoni, jiġu stabbiliti kundizzjonijiet armonizzati għas-sustanzi jew għall-oġġetti li għandhom jiġu rikonoxxuti bħala prodotti sekondarji, kif ukoll għall-iskart li jkun għadda minn operazzjoni ta' rkupru u li għandu jiġu rikonoxxut li m'għadux skart. Fejn meħtieġ sabiex jiġi żgurat il-funzjonament bla xkiel tas-suq intern, jew sabiex jiġi żgurat livell għoli ta' protezzjoni ambjentali madwar l-Unjoni, il-Kummissjoni għandu jkollha s-setgħa li tadotta atti delegati li jistabbilixxu kriterji ddettaljati dwar l-applikazzjoni ta' tali kundizzjonijiet armonizzati għal ċertu skart, inkluż għal użu speċifiku.

(8)  Sabiex l-operaturi fis-swieq ta' materja prima sekondarja jingħataw iktar ċertezza fir-rigward tal-istatus ta' skart jew mhux skart ta' sustanzi jew oġġetti, u biex jiġu promossi kundizzjonijiet ekwi, huwa importanti li jiġu stabbiliti regoli ċari għas-sustanzi jew għall-oġġetti li għandhom jiġu rikonoxxuti bħala prodotti sekondarji, kif ukoll għall-iskart li jkun għadda minn operazzjoni ta' rkupru u li għandu jiġu rikonoxxut li m'għadux skart.

 

 

 

Emenda    22

Proposta għal direttiva

Premessa 8a (ġdida)

 

Test propost mill-Kummissjoni

Emenda

 

(8a)  Sabiex jiġi żgurat il-funzjonament bla xkiel tas-suq intern, sustanza jew oġġett li jirriżultaw minn proċess ta' produzzjoni li l-għan ewlieni tiegħu mhuwiex il-produzzjoni ta' dik is-sustanza jew dak il-prodott, għandhom jitqiesu, bħala regola ġenerali, li huma prodotti sekondarji jekk jiġu rrispettati ċerti kundizzjonijiet armonizzati u jekk jiġi żgurat livell għoli ta' protezzjoni ambjentali u tas-saħħa tal-bniedem madwar l-Unjoni. Il-Kummissjoni għandha tingħata s-setgħa li tadotta atti delegati sabiex tistabbilixxi kriterji ddettaljati dwar l-applikazzjoni tal-istatus ta' prodott sekondarju, u tipprijoritizza prattiki ppruvati u replikabbli tas-simbjożi industrijali u agrikola. Fin-nuqqas ta' dawn il-kriterji, l-Istati Membri għandhom ikunu jistgħu, fuq bażi ta' każ b'każ biss, jistabbilixxu kriterji ddettaljati dwar l-applikazzjoni tal-istatus ta' prodott sekondarju.

 

Emenda    23

Proposta għal direttiva

Premessa 8b (ġdida)

 

Test propost mill-Kummissjoni

Emenda

 

(8b)  Sabiex jiġu żgurati l-funzjonament bla xkiel tas-suq intern u livell għoli ta' protezzjoni ambjentali u tas-saħħa tal-bniedem madwar l-Unjoni, il-Kummissjoni għandu, bħala regola ġenerali, ikollha s-setgħa li tadotta atti delegati li jistabbilixxu dispożizzjonjiet armonizzati relatati mal-istatus ta' tmiem tal-istadju tal-iskart għal ċerti tipi ta' skart. Għandhom jitqiesu kriterji li jkunu speċifiċi għat-tmiem tal-istadju tal-iskart għall-inqas għall-aggregati, il-karta, il-ħġieġ, il-metall, it-tajers u t-tessuti. Fejn ma jkunux ġew stabbiliti kriterji fil-livell tal-Unjoni, l-Istati Membri għandhom ikunu jistgħu jistabbilixxu kriterji ddettaljati ta' tmiem tal-istadju tal-iskart fil-livell nazzjonali għal ċertu skart f'konformità mal-kundizzjonijiet stabbiliti fil-livell tal-Unjoni. Fejn tali kriterji ma jkunux ġew stabbiliti fil-livell nazzjonali, l-Istati Membri għandhom jiżguraw li l-iskart li jkun għadda minn operazzjoni ta' rkupru jitqies li ma għadux skart jekk ikun konformi mal-kundizzjonijiet speċifiċi li għandhom jiġu vverifikati fuq bażi ta' każ b'każ mill-awtorità kompetenti fl-Istat Membru. Il-Kummissjoni għandha tingħata s-setgħa li tadotta atti delegati sabiex tissupplimenta din id-Direttiva billi tistabbilixxi rekwiżiti ġenerali li għandhom jiġu segwiti mill-Istati Membri meta jadottaw regolamenti tekniċi skont l-Artikolu 6.

 

 

Emenda    24

Proposta għal direttiva

Premessa 8c (ġdida)

 

Test propost mill-Kummissjoni

Emenda

 

(8c)  Ladarba materjal riċiklat jerġa' jidħol fl-ekonomija minħabba li jingħata l-istatus ta' tmiem tal-istadju tal-iskart, jew billi jikkonforma ma' kriterji speċifiċi ta' tmiem tal-istadju tal-iskart jew billi jiġi inkorporat fi prodott ġdid, jeħtieġ ikun għalkollox konformi mal-leġiżlazzjoni tal-Unjoni dwar sustanzi kimiċi.

Ġustifikazzjoni

Ir-Regolament REACH ma japplikax għall-iskart, kif iddikjarat fl-Artikolu 2(2) "Skart kif definit fid-Direttiva 2006/12/KE tal-Parlament Ewropew u tal-Kunsill mhuwiex sustanza, taħlita jew oġġett fis-sens tal-Artikolu 3 ta' dan ir-Regolament".

 

Emenda    25

Proposta għal direttiva

Premessa 8d (ġdida)

 

Test propost mill-Kummissjoni

Emenda

 

(8d)  It-tranżizzjoni lejn ekonomija ċirkolari għandha tieħu vantaġġ sħiħ mill-innovazzjoni diġitali. Għal dak il-għan, għandhom jiġu żviluppati mezzi elettroniċi bħal pjattaforma online għall-kummerċjalizzazzjoni tal-iskart bħala riżorsa ġdida, bil-ħsieb li l-operazzjonijiet kummerċjali jsiru iktar faċli u jitnaqqas il-piż amministrattiv għall-operaturi, biex b'hekk tissaħħaħ is-simbjożi industrijali.

 

 

 

 

 

Emenda    26

Proposta għal direttiva

Premessa 8e (ġdida)

 

Test propost mill-Kummissjoni

Emenda

 

(8e)  Id-dispożizzjonijiet dwar ir-responsabbiltà estiża tal-produttur f'din id-Direttiva għandhom l-għan li jappoġġjaw id-disinn u l-produzzjoni ta' oġġetti li jqisu bis-sħiħ u jiffaċilitaw l-użu effiċjenti tar-riżorsi matul iċ-ċiklu sħiħ tal-ħajja tal-prodotti, inklużi t-tiswija, l-użu mill-ġdid, iż-żarmar u r-riċiklaġġ tagħhom mingħajr ma tkun kompromessa ċ-ċirkolazzjoni libera tal-oġġetti fis-suq intern. Ir-responsabbiltà estiża tal-produttur hija obbligu individwali fuq il-produtturi li għandhom ikunu responsabbli għall-immaniġġjar ta' tmiem il-ħajja tal-prodotti li huma jqiegħdu fis-suq. Madankollu, il-produtturi għandhom ikunu jistgħu jieħdu r-responsabbiltà tagħhom b'mod individwali jew kollettiv. L-Istati Membri għandhom jiżguraw l-istabbiliment ta' skemi ta' responsabbiltà estiża tal-produttur għal tal-inqas l-imballaġġ, it-tagħmir elettriku u elettroniku, il-batteriji u l-akkumulaturi, u l-vetturi li ma għadhomx jintużaw.

 

Emenda    27

Proposta għal direttiva

Premessa 8f (ġdida)

 

Test propost mill-Kummissjoni

Emenda

 

(8f)   L-iskemi ta' responsabbiltà estiża tal-produttur għandhom jinftiehmu bħala sett ta' regoli stabbiliti mill-Istati Membri biex jiżguraw li l-produtturi jkollhom ir-responsabbiltà finanzjarja u/jew operattiva għall-immaniġġjar fl-istadju ta' wara l-użu mill-konsumatur ta' ċiklu tal-ħajja ta' prodott. Dawk ir-regoli m'għandhomx iwaqqfu lill-produtturi milli jwettqu dawn l-obbligi b'mod individwali jew kollettiv.

 

 

Emenda    28

Proposta għal direttiva

Premessa 9

 

Test propost mill-Kummissjoni

Emenda

(9)  L-iskemi tar-Responsabbiltà Estiża tal-Produttur huma parti essenzjali mill-immaniġġjar effiċjenti tal-iskart, iżda l-effettività u l-prestazzjoni tagħhom ivarjaw sew fost l-Istati Membri. Għaldaqstant, jeħtieġ li jiġu stipulati rekwiżiti minimi ta' operat għar-responsabbiltà estiża tal-produttur. Dawk ir-rekwiżiti għandhom inaqqsu l-kostijiet u jtejbu l-prestazzjoni, kif ukoll jiżguraw kundizzjonijiet ekwi, inkluż għal intrapriżi żgħar u ta' daqs medju, u għandhom jevitaw ostakli għall-funzjonament bla xkiel tas-suq intern. Għandhom jikkontribwixxi wkoll għall-inkorporazzjoni tal-kostijiet fi tmiem il-ħajja fil-prezzijiet tal-prodotti, u għandhom jipprovdu inċentivi lill-produtturi sabiex iqisu aħjar ir-riċiklabbiltà u l-kapaċità ta' użu mill-ġdid meta jiddisinjaw il-prodotti tagħhom. Ir-rekwiżiti għandhom japplikaw kemm għall-iskemi l-ġodda kif ukoll għal dawk diġà eżistenti ta' responsabbiltà estiża tal-produttur. Madankollu, ikun hemm bżonn perjodu ta' tranżizzjoni sabiex l-iskemi eżistenti ta' responsabbiltà estiża tal-produttur jadattaw l-istrutturi u l-proċeduri tagħhom għar-rekwiżiti l-ġodda.

(9)  L-iskemi tar-Responsabbiltà Estiża tal-Produttur huma parti essenzjali mill-immaniġġjar effiċjenti tal-iskart, iżda l-effettività u l-prestazzjoni tagħhom ivarjaw sew fost l-Istati Membri. Għaldaqstant, jeħtieġ li jiġu stipulati rekwiżiti minimi ta' operat għall-iskemi ta' responsabbiltà estiża tal-produttur, kemm jekk ikunu individwali kif ukoll kollettivi. Huwa neċessarju li ssir distinzjoni bejn dawk ir-rekwiżiti minimi li japplikaw għall-iskemi kollha u dawk li japplikaw biss għall-iskemi kollettivi. Madankollu, dawk ir-rekwiżiti kollha għandhom inaqqsu l-kostijiet u jtejbu l-prestazzjoni, b'miżuri li jiffaċilitaw implimentazzjoni aħjar tal-ġbir separat u s-seperazzjoni tal-iskart, jiżguraw riċiklaġġ ta' kwalità aħjar, jgħinu jiżguraw aċċess kosteffiċjenti għall-materja prima sekondarja, kif ukoll jiżguraw kundizzjonijiet ekwi, inkluż għal intrapriżi żgħar u ta' daqs medju u intrapriżi ta' kummerċ elettroniku, u għandhom jevitaw ostakli għall-funzjonament bla xkiel tas-suq intern. Dawk ir-rekwiżiti għandhom jikkontribwixxu wkoll għall-inkorporazzjoni tal-kostijiet fi tmiem il-ħajja fil-prezzijiet tal-prodotti, u għandhom jipprovdu inċentivi lill-produtturi biex jiżviluppaw mudelli intelliġenti ta' negozju u jqisu l-ġerarkija tal-iskart meta jiddisinjaw il-prodotti tagħhom billi jistimulaw is-sostenibbiltà, ir-riċiklabbiltà, il-kapaċità ta' użu mill-ġdid u l-potenzjal li prodott jissewwa. Huma għandhom jinkoraġixxu s-sostituzzjoni progressiva ta' sustanzi ta' tħassib serju ħafna kif definiti fl-Artikolu 57 tar-Regolament (KE) Nru 1907/2006 jekk ikun hemm sustanzi jew teknoloġiji alternattivi li jkunu ekonomikament jew teknikament vijabbli; L-implimentazzjoni tar-rekwiżiti minimi għar-responsabbiltà estiża tal-produttur għandha tiġi sorveljata minn awtoritajiet indipendenti u m'għandha toħloq l-ebda piż finanzjarju jew amministrattiv sproporzjonat għall-korpi pubbliċi, l-operaturi ekonomiċi u l-konsumaturi. Ir-rekwiżiti għandhom japplikaw kemm għall-iskemi l-ġodda kif ukoll għal dawk diġà eżistenti ta' responsabbiltà estiża tal-produttur. Madankollu, ikun hemm bżonn perjodu ta' tranżizzjoni sabiex l-iskemi eżistenti ta' responsabbiltà estiża tal-produttur jadattaw l-istrutturi u l-proċeduri tagħhom għar-rekwiżiti l-ġodda.

 

 

Emenda    29

Proposta għal direttiva

Premessa 9a (ġdida)

 

Test propost mill-Kummissjoni

Emenda

 

(9a)  Id-dispożizzjonijiet ta' din id-Direttiva dwar ir-responsabbiltà estiża tal-produttur għandhom japplikaw mingħajr preġudizzju għad-dispożizzjonijiet dwar ir-responsabbiltà estiża tal-produttur inklużi f'atti legali oħra tal-Unjoni, b'mod partikolari dawk li jkopru flussi speċifiċi tal-iskart.

 

Emenda    30

Proposta għal direttiva

Premessa 9b (ġdida)

 

Test propost mill-Kummissjoni

Emenda

 

(9b)  Il-Kummissjoni għandha, mingħajr dewmien, tadotta linji gwida dwar il-modulazzjoni tal-kontribuzzjonijiet tal-produtturi fi skemi ta' responsabbiltà estiża tal-produttur sabiex tgħin lill-Istati Membri fl-implimentazzjoni ta' din id-Direttiva għall-avvanz tas-suq intern. Biex tiġi żgurata l-koerenza fis-suq intern, il-Kummissjoni għandha wkoll tkun tista' tadotta kriterji armonizzati għal dak il-għan permezz ta' atti delegati.

 

Emenda    31

Proposta għal direttiva

Premessa 9c (ġdida)

 

Test propost mill-Kummissjoni

Emenda

 

(9c)  Meta jiġu stabbiliti skemi għall-implimentazzjoni kollettiva tar-responsabbiltà estiża tal-produttur, l-Istati Membri għandhom jistabbilixxu salvagwardji kontra l-konflitti ta' interess bejn il-kuntratturi u l-organizzazzjonijiet tar-responsabbiltà estiża tal-produttur.

 

 

 

Emenda    32

Proposta għal direttiva

Premessa 10

 

Test propost mill-Kummissjoni

Emenda

(10)  Il-prevenzjoni tal-iskart hija l-iktar mod effiċjenti ta' kif tittejjeb l-effiċjenza fl-użu tar-riżorsi, kif ukoll ta' kif jitnaqqas l-impatt ambjentali tal-iskart. Għaldaqstant, huwa importanti li l-Istati Membri jieħdu miżuri xierqa biex jipprevjenu l-ġenerazzjoni tal-iskart, kif ukoll biex jimmonitorjaw u jevalwaw il-progress fl-implimentazzjoni ta' tali miżuri. Sabiex jiġi żgurat kejl uniformi tal-progress ġenerali fl-implimentazzjoni tal-miżuri ta' prevenzjoni tal-iskart, għandhom jiġu stabbiliti indikaturi komuni.

(10)  Il-prevenzjoni tal-iskart hija l-iktar mod effiċjenti ta' kif tittejjeb l-effiċjenza fl-użu tar-riżorsi, kif jitnaqqas l-impatt ambjentali tal-iskart, u jiġu promossi materjali ta' kwalità għolja sostenibbli, riċiklabbli u li jistgħu jerġgħu jintużaw u titnaqqas id-dipendenza fuq l-importazzjonijiet ta' materja prima li qed isiru dejjem iktar rari. L-iżvilupp ta' mudelli innovattivi tan-negozju huwa fundamentali f'dan ir-rigward. Għaldaqstant, huwa importanti li l-Istati Membri jistabbilixxu miri ta' prevenzjoni u jieħdu miżuri xierqa biex jipprevjenu l-ġenerazzjoni tal-iskart u r-rimi taż-żibel, inkluż l-użu ta' strumenti ekonomiċi u ta' miżuri oħra li gradwalment jissostitwixxu sustanzi ta' tħassib serju ħafna kif definit fl-Artikolu 57 tar-Regolament (KE) Nru 1907/2006 jekk ikun hemm sustanzi jew teknoloġiji alternattivi li jkunu ekonomikament jew teknikament vijabbli, jiġġieldu l-obsolexxenza ppjanata, jappoġġaw l-użu mill-ġdid, iżidu l-għoti tal-kapaċità lill-konsumaturi permezz ta' għarfien aħjar dwar il-prodott, u jħeġġu kampanji ta' informazzjoni dwar il-prevenzjoni tal-iskart. L-Istati Membri għandhom ukoll jimmonitorjaw u jevalwaw il-progress fl-implimentazzjoni ta' dawn il-miżuri kif ukoll il-progress fit-tnaqqis tal-ġenerazzjoni tal-iskart u jimmiraw li jiddiżakkopjawha mit-tkabbir ekonomiku. Sabiex jiġi żgurat kejl uniformi tal-progress ġenerali li sar fl-implimentazzjoni tal-miżuri ta' prevenzjoni tal-iskart, għandhom jiġu stabbiliti indikaturi u metodoloġiji komuni.

 

 

Emenda    33

Proposta għal direttiva

Premessa 10a (ġdida)

 

Test propost mill-Kummissjoni

Emenda

 

(10a)  Il-promozzjoni tas-sostenibbiltà fil-produzzjoni u fil-konsum tista' tikkontribwixxi b'mod sinifikanti għall-prevenzjoni tal-iskart. L-Istati Membri għandhom jieħdu passi sabiex lill-konsumaturi jagħmluhom konxji ta' dan u jħeġġuhom jipparteċipaw b'mod iktar attiv sabiex tittejjeb l-effiċjenza fir-riżorsi.

 

Emenda    34

Proposta għal direttiva

Premessa 10b (ġdida)

 

Test propost mill-Kummissjoni

Emenda

 

(10b)  Il-produttur oriġinali tal-iskart għandu rwol ewlieni fil-prevenzjoni tal-iskart u fl-istadju inizjali ta' qabel is-separazzjoni.

 

 

Emenda    35

Proposta għal direttiva

Premessa 11a (ġdida)

 

Test propost mill-Kummissjoni

Emenda

 

(11a)  Sabiex jitnaqqas it-telf tal-ikel u jiġi evitat l-iskart tal-ikel tul il-katina sħiħa tal-provvista, għandha tiġi stabbilita ġerarkija tal-iskart, kif stabbilit fl-Artikolu 4a.

 

 

 

 

 

Emenda    36

Proposta għal direttiva

Premessa 12

 

Test propost mill-Kummissjoni

Emenda

(12)  L-Istati Membri għandhom jieħdu miżuri biex jippromwovu l-prevenzjoni tal-iskart tal-ikel, bi qbil mal-Aġenda tal-2030 għall-Iżvilupp Sostenibbli, adottat mill-Assemblea Ġenerali tan-Nazzjonijiet Uniti fil-25 ta' Settembru 2015, u b'mod partikulari l-mira tagħha li l-iskart tal-ikel jitnaqqas bin-nofs sas-sena 2030. Dawn il-miżuri għandhom jimmiraw li jipprevjenu l-iskart tal-ikel fil-produzzjoni primarja, fl-ipproċessar u fil-manifatturar, fil-bejgħ bl-imnut u f'mezzi oħra ta' distribuzzjoni tal-ikel, f'restorants u servizzi tal-ikel kif ukoll fid-djar. Filwaqt li jqisu l-benefiċċji ambjentali u ekonomiċi tal-prevenzjoni tal-iskart tal-ikel, l-Istati Membri għandhom jistabbilixxu miżuri speċifiċi ta' prevenzjoni tal-iskart tal-ikel, u għandhom ikejlu l-progress fit-tnaqqis tal-iskart tal-ikel. Sabiex jiġi ffaċilitat l-iskambju tal-prassi tajba madwar l-UE, kemm fost l-Istati Membri u kemm fost l-operaturi kummerċjali tal-ikel, għandhom jiġu stabbiliti metodoloġiji uniformi għal tali kejl. Ir-rappurtar dwar il-livelli tal-iskart tal-ikel għandu jsir kull sentejn.

(12)  L-Istati Membri għandhom jieħdu miżuri biex jippromwovu l-prevenzjoni u t-tnaqqis tal-iskart tal-ikel, bi qbil mal-Aġenda tal-2030 għall-Iżvilupp Sostenibbli, adottat mill-Assemblea Ġenerali tan-Nazzjonijiet Uniti fil-25 ta' Settembru 2015, u b'mod partikulari l-mira tagħha li l-iskart tal-ikel jitnaqqas b'50 % sas-sena 2030. Dawn il-miżuri għandhom jimmiraw li jipprevjenu u jnaqqsu l-ġenerazzjoni totali tal-iskart tal-ikel u jnaqqsu t-telf tal-ikel fil-katina tal-provvista kollha, inklużi l-produzzjoni primarja, it-trasport u l-ħżin. Filwaqt li jqisu l-benefiċċji ambjentali, soċjali u ekonomiċi tal-prevenzjoni tal-iskart tal-ikel, l-Istati Membri għandhom jistabbilixxu miżuri speċifiċi ta' prevenzjoni tal-iskart tal-ikel, inklużi kampanji ta' sensibilizzazzjoni biex juru kif jiġi evitat l-iskart tal-ikel fil-programmi tagħhom għall-prevenzjoni tal-iskart. B'dawn il-miżuri, l-Istati Membri għandhom jimmiraw li jilħqu mira ta' tnaqqis tal-iskart tal-ikel tal-Unjoni ta' 30 % sal-2025 u ta' 50 % sal-2030. L-Istati Membri għandhom ikejlu wkoll il-progress li jkun sar fit-tnaqqis tal-iskart tal-ikel u fit-telf tal-ikel. Sabiex jitkejjel dan il-progress u jiġi ffaċilitat l-iskambju tal-prassi tajba madwar l-UE, kemm fost l-Istati Membri u kemm fost l-operaturi kummerċjali tal-ikel, għandha tiġi stabbilita metodoloġija komuni għal tali kejl. Ir-rappurtar dwar il-livelli tal-iskart tal-ikel għandu jsir kull sena.

 

Emenda    37

Proposta għal direttiva

Premessa 12a (ġdida)

 

Test propost mill-Kummissjoni

Emenda

 

(12a)   Sabiex tiġi evitata l-ħela tal-ikel, l-Istati Membri għandhom jipprovdu inċentivi għall-ġbir ta' prodotti tal-ikel mhux mibjugħa fil-bejgħ bl-imnut tal-ikel u fl-istabbilimenti tal-ikel u għad-distribuzzjoni mill-ġdid tagħhom lil organizzazzjonijiet tal-karità. Is-sensibilizzazzjoni tal-konsumatur dwar it-tifsira tad-dati ta' skadenza għandha titjieb sabiex titnaqqas il-ħela tal-ikel.

 

Emenda    38

Proposta għal direttiva

Premessa 12b (ġdida)

 

Test propost mill-Kummissjoni

Emenda

 

(12b)  Il-kompitu prinċipali tas-settur tat-trobbija tal-bhejjem f'ekonomija ċirkolari jeħtieġ li jkun li jbiddel il-materjal li ma jkunx tajjeb għall-konsum mill-bniedem (bħal pereżempju ħaxix, prodotti sekondarji jew residwi tal-għelejjel) f'ikel. Għaldaqstant, l-annimali għandhom jingħataw inqas ċereali, peress li dan huwa użu ineffiċjenti tal-enerġija u tal-proteini u b'hekk huwa ħela tal-ikel.

Ġustifikazzjoni

L-input ta' enerġija għall-annimali li jingħataw, pereżempju, ċereali huwa ħafna ikbar mill-output għall-benefiċċju tal-bniedem fil-forma ta' laħam, ħalib jew bajd.

 

 

 

 

 

 

 

 

Emenda    39

Proposta għal direttiva

Premessa 13

 

Test propost mill-Kummissjoni

Emenda

(13)  L-iskart industrijali, ċertu skart kummerċjali u ċertu skart mill-minjieri huma ddiversifikati wisq mil-lat ta' volum u kompożizzjoni, u huma differenti ħafna skont l-istruttura ekonomika tal-Istat Membru, l-istruttura tas-settur industrijali jew kummerċjali li jiġġenera l-iskart, u d-densità industrijali jew kummerċjali f'żona ġeografika partikolari. Għalhekk, għall-parti l-kbira tal-iskart industrijali u tal-minjieri, soluzzjoni xierqa hija approċċ orjentat lejn l-industrija u li juża d-dokumenti ta' referenza bl-Aqwa Tekniki Disponibbli (BAT) biex jiġu indirizzati kwistjonijiet speċifiċi relatati mal-immaniġġjar ta' tip partikolari ta' skart. Madankollu, l-iskart mill-imballaġġ industrijali u kummerċjali se jibqgħu jkopruh ir-rekwiżiti tad-Direttiva 94/62/KE u tad-Direttiva 2008/98/KE, inkluż it-titjib rispettiv tagħhom.

(13)  L-iskart industrijali, ċertu skart kummerċjali u ċertu skart mill-minjieri huma ddiversifikati wisq mil-lat ta' volum u kompożizzjoni, u huma differenti ħafna skont l-istruttura ekonomika tal-Istat Membru, l-istruttura tas-settur industrijali jew kummerċjali li jiġġenera l-iskart, u d-densità industrijali jew kummerċjali f'żona ġeografika partikolari. Għalhekk, għall-parti l-kbira tal-iskart industrijali u tal-minjieri, soluzzjoni temporanja biex jinkisbu l-objettivi tal-ekonomija ċirkolari hija approċċ orjentat lejn l-industrija u li juża d-dokumenti ta' referenza bl-Aqwa Tekniki Disponibbli (BAT) biex jiġu indirizzati kwistjonijiet speċifiċi relatati mal-immaniġġjar ta' tip partikolari ta' skart. Peress li l-iskart mill-imballaġġ industrijali u kummerċjali huma koperti mir-rekwiżiti tad-Direttiva 94/62/KE u tad-Direttiva 2008/98/KE, il-Kummissjoni għandha tqis il-possibbiltà li tistabbilixxi, sal-31 ta' Diċembru 2018, miri għat-tħejjija għall-użu mill-ġdid u għar-riċiklaġġ għall-iskart kummerċjali u għall-iskart industrijali mhux perikoluż li għandhom jintlaħqu sal-2025 u sal-2030.

 

 

Emenda    40

Proposta għal direttiva

Premessa 13a (ġdida)

 

Test propost mill-Kummissjoni

Emenda

 

(13a)  Il-Kummissjoni għandha tippromwovi b'mod attiv il-kondiviżjoni ta' pjattaformi bħala mudell ta' negozju tal-ekonomija ċirkolari. Għandha toħloq integrazzjoni iktar b'saħħitha bejn il-pjan ta' azzjoni għall-ekonomija ċirkolari u l-linji gwida għal ekonomija kollaborattiva u tinvestiga l-miżuri kollha possibbli biex jingħataw inċentivi għal dan.

 

Emenda    41

Proposta għal direttiva

Premessa 13b (ġdida)

 

Test propost mill-Kummissjoni

Emenda

 

(13b)  It-tranżizzjoni lejn ekonomija ċirkolari għandha tfittex li tikseb l-għanijiet ta' tkabbir intelliġenti, sostenibbli u inklużiv stabbiliti fl-Istrateġija Ewropa 2020, b'referenza partikolari għall-miri relatati mal-protezzjoni ambjentali, il-bidla lejn sorsi ta' enerġija nodfa, żvilupp lokali sostenibbli u aktar impjiegi fl-Istati Membri. Għaldaqstant, l-iżvilupp ta' ekonomija ċirkolari għandu jippromwovi wkoll l-involviment ta' entitajiet bħal intrapriżi żgħar u ta' daqs medju, intrapriżi tal-ekonomija soċjali, istituzzjonijiet mingħajr skop ta' qligħ u korpi għall-immaniġġjar tal-iskart li joperaw fuq livell reġjonali u lokali, sabiex jitjieb il-maniġment ġenerali tagħhom, titrawwem l-innovazzjoni fil-proċessi u l-prodotti u jinħolqu impjiegi fiż-żoni kkonċernati.

 

 

 

Emenda    42

Proposta għal direttiva

Premessa 14

 

Test propost mill-Kummissjoni

Emenda

(14)  Il-miri għat-tħejjija għall-użu mill-ġdid u għar-riċiklaġġ tal-iskart muniċipali għandhom jiżdiedu sabiex iġibu magħhom benefiċċji sostanzjali ambjentali, ekonomiċi u soċjali.

(14)  Il-miri għat-tħejjija għall-użu mill-ġdid u għar-riċiklaġġ tal-iskart muniċipali għandhom jiżdiedu għall-inqas sa 60 % sal-2025 u għall-inqas sa 70 % sal-2030 sabiex iġibu magħhom benefiċċji sostanzjali ambjentali, ekonomiċi u soċjali u biex jaċċelleraw il-bidla lejn ekonomija ċirkolari.

Ġustifikazzjoni

Sabiex tiġi aċċellerata l-bidla għal ekonomija ċirkolari, il-miri għat-tħejjija għall-użu mill-ġdid u għar-riċiklaġġ tal-iskart muniċipali għandhom jiżdiedu għall-inqas sa 60 % sal-2025 u sa 70 % sal-2030, b'konformità mal-miżuri approvati mill-Parlament Ewropew fid-9 ta' Lulju 2015 fir-Riżoluzzjoni tiegħu dwar "L-effiċjenza fl-użu tar-riżorsi: lejn ekonomija ċirkolari".

 

Emenda    43

Proposta għal direttiva

Premessa 14a (ġdida)

 

Test propost mill-Kummissjoni

Emenda

 

(14a)  L-Istati Membri għandhom jappoġġjaw l-istabbiliment ta' sistemi li jippromwovu attivitajiet ta' użu mill-ġdid u l-estensjoni tat-tul tal-ħajja tal-prodotti, sakemm dan ma jikkompromettix il-kwalità u s-sikurezza tal-prodotti. Dawn is-sistemi għandhom ikunu stabbiliti, b'mod partikolari, għal tagħmir elettriku u elettroniku, tessuti, għamara, materjali ta' kostruzzjoni, tajers u, kif imsemmi fl-Artikolu 5 tad-Direttiva 94/62/KE, għal imballaġġ.

 

Emenda    44

Proposta għal direttiva

Premessa 14b (ġdida)

 

Test propost mill-Kummissjoni

Emenda

 

(14b)  Sabiex jiġi promoss l-użu mill-ġdid, l-Istati Membri għandhom ikunu jistgħu jistabbilixxu objettivi kwantitattivi u għandhom jieħdu l-miżuri neċessarji fir-rigward tal-produtturi sabiex jippermettu lill-operaturi tal-użu mill-ġdid li jkollhom aċċess faċli għall-manwali tal-istruzzjonijiet, il-parts tal-bdil u l-informazzjoni teknika meħtieġa għall-użu mill-ġdid tal-prodotti.

 

 

Emenda    45

Proposta għal direttiva

Premessa 14c (ġdida)

 

Test propost mill-Kummissjoni

Emenda

 

(14c)  Ir-rwol tal-intrapriżi tal-ekonomija soċjali fis-settur tal-użu mill-ġdid u tat-tħejjija għall-użu mill-ġdid jeħtieġ li jiġi rikonoxxut u kkonsolidat. L-Istati Membri għandhom jieħdu l-miżuri neċessarji biex jippromwovu r-rwol tal-intrapriżi tal-ekonomija soċjali f'dak is-settur, anke, meta jkun xieraq, permezz ta' strumenti ekonomiċi, akkwist pubbliku, aċċess iffaċilitat għall-punti ta' ġbir tal-iskart, u kwalunkwe inċentiv ekonomiku jew regolatorju xieraq ieħor. Il-qafas regolatorju ġdid stabbilit mill-Pakkett dwar l-Ekonomija Ċirkolari għandu jissalvagwardja l-kapaċità tal-partijiet ikkonċernati biex ikomplu x-xogħol tagħhom fis-settur tal-użu mill-ġdid u tat-tħejjija għall-użu mill-ġdid.

 

 

Emenda    46

Proposta għal direttiva

Premessa 14d (ġdida)

 

Test propost mill-Kummissjoni

Emenda

 

(14d)  Il-bidla għal ekonomija ċirkolari toffri għadd ta' aspetti pożittivi, kemm ekonomiċi (bħall-ottimizzazzjoni tal-użu ta' riżorsi tal-materja prima), ambjentali (bħall-protezzjoni tal-ambjent u t-tnaqqis tat-tniġġis tal-iskart) kif ukoll soċjali (bħall-potenzjal tal-ħolqien tal-impjieg li huwa soċjalment inklużiv u l-iżvilupp ta' rabtiet soċjali). L-ekonomija ċirkolari hija f'konformità mal-ispirtu tal-ekonomija soċjali u solidali u l-implimentazzjoni tal-ekonomija ċirkolari għandha primarjament tippermetti l-ġenerazzjoni ta' benefiċċji ambjentali u soċjali.

 

Emenda    47

Proposta għal direttiva

Premessa 14e (ġdida)

 

Test propost mill-Kummissjoni

Emenda

 

(14e)  L-atturi involuti fl-ekonomija soċjali u dik ibbażata fuq is-solidarjetà għandhom, permezz tal-attivitajiet tagħhom, inklużi t-tħejjija għall-użu mill-ġdid u l-użu mill-ġdid innifsu, jgħinu biex jippromwovu l-ekonomija bbażata fuq is-solidarjetà. Għandhom jittieħdu passi sabiex tiġi żgurata l-kontinwità ta' dawn l-attivitajiet fl-Unjoni.

Ġustifikazzjoni

L-ekonomija soċjali u dik ibbażata fuq is-solidarjetà tħaddan firxa ta' impriżi fil-forma ta' kooperattivi, soċjetajiet mutwi, assoċjazzjonijiet u fondazzjonijiet, li d-dinamika u l-attivitajiet interni tagħhom huma bbażati fuq il-prinċipju tas-solidarjetà u tal-benefiċċju soċjali, li għandu rwol ewlieni fil-kuntest tal-ekonomija ċirkolari.

 

 

 

Emenda    48

Proposta għal direttiva

Premessa 15

 

Test propost mill-Kummissjoni

Emenda

(15)  Permezz ta' żieda progressiva tal-miri eżistenti għat-tħejjija għall-użu mill-ġdid u għar-riċiklaġġ tal-iskart muniċipali, għandu jiġi żgurat li l-materjali tal-iskart li jkunu ta' siwi ekonomiku jintużaw mill-ġdid u jiġi rriċiklati b'mod effettiv, u għandu jiġi żgurat ukoll li l-materjali ta' siwi li jinstabu fl-iskart jiddaħħlu mill-ġdid fl-ekonomija Ewropea, biex b'hekk tinġieb 'il quddiem l-Inizjattiva tal-Materja Prima17 u jiġi xprunat il-ħolqien ta' ekonomija ċirkolari.

(15)  Permezz ta' żieda progressiva tal-miri eżistenti għat-tħejjija għall-użu mill-ġdid u għar-riċiklaġġ tal-iskart muniċipali, għandu jiġi żgurat li l-materjali tal-iskart li jkunu ta' siwi ekonomiku huma mħejjija għall-użu mill-ġdid u jiġu rriċiklati b'mod effettiv, filwaqt li tiġi żgurata protezzjoni ta' livell għoli tas-saħħa tal-bniedem u tal-ambjent, u għandu jiġi żgurat ukoll li l-materjali ta' siwi li jinstabu fl-iskart jiddaħħlu mill-ġdid fl-ekonomija Ewropea, biex b'hekk tinġieb 'il quddiem l-Inizjattiva tal-Materja Prima17 u jiġi xprunat il-ħolqien ta' ekonomija ċirkolari.

__________________

__________________

17 COM(2008)699 u COM(2014)297 .

17 COM(2008)699 u COM(2014)297 .

 

 

 

Emenda    49

Proposta għal direttiva

Premessa 16

 

Test propost mill-Kummissjoni

Emenda

(16)  Jeżistu differenzi kbar fost l-Istati Membri fejn tidħol il-prestazzjoni tagħhom fl-immaniġġjar tal-iskart, l-aktar tar-riċiklaġġ tal-iskart muniċipali. Sabiex jitqiesu dawk id-differenzi, dawk l-Istati Membri li fl-2013 irriċiklaw inqas minn 20% tal-iskart muniċipali tagħhom skont id-dejta tal-Eurostat għandhom jingħataw żmien addizzjonali sabiex jikkonformaw mal-miri tat-tħejjija għall-użu mill-ġdid u għar-riċiklaġġ, stabbiliti għall-2025 u għall-2030. Fid-dawl tar-rati medji ta' progress annwali osservati fl-Istati Membri tul l-aħħar ħmistax-il sena, dawk l-Istati Membri jkollhom iżidu l-kapaċità ta' riċiklaġġ tagħhom f'livelli li jinsabu 'l fuq sew mill-medji mgħoddija sabiex jilħqu dawk il-miri. Sabiex jiġi żgurat li jsir progress sod lejn dawk il-miri, kif ukoll li n-nuqqasijiet fl-implimentazzjoni jiġu indirizzati fi żmien xieraq, l-Istati Membri li jingħataw żmien addizzjonali għandhom jilħqu miri interim, u għandhom ifasslu pjan ta' implimentazzjoni.

(16)  Jeżistu differenzi kbar fost l-Istati Membri fejn tidħol il-prestazzjoni tagħhom fl-immaniġġjar tal-iskart, l-aktar tar-riċiklaġġ tal-iskart muniċipali. Sabiex jitqiesu dawk id-differenzi, dawk l-Istati Membri li fl-2013 irriċiklaw inqas minn 20% tal-iskart muniċipali tagħhom skont id-dejta tal-Eurostat u li ma kinux meqjusa li jinsabu f'riskju li ma jiksbux il-mira għat-tħejjija għall-użu mill-ġdid u għar-riċiklaġġ tal-inqas 50 % tal-iskart muniċipali tagħhom sal-2050 għandhom jingħataw żmien addizzjonali sabiex jikkonformaw mal-miri tat-tħejjija għall-użu mill-ġdid u għar-riċiklaġġ, stabbiliti għall-2025. Dawn l-istess Stati Membri jistgħu wkoll jingħataw żmien addizzjonali sabiex jikkonformaw mal-miri tat-tħejjija għall-użu mill-ġdid u għar-riċiklaġġ, stabbiliti għall-2030 jekk ma jkunux meqjusa li jinsabu f'riskju li ma jilħqux il-mira tat-tħejjija għall-użu mill-ġdid u għar-riċiklaġġ tal-inqas 60 % tal-iskart muniċipali tagħhom sal-2030. Fid-dawl tar-rati medji ta' progress annwali osservati fl-Istati Membri tul l-aħħar ħmistax-il sena, dawk l-Istati Membri jkollhom iżidu l-kapaċità ta' riċiklaġġ tagħhom f'livelli li jinsabu 'l fuq sew mill-medji mgħoddija sabiex jilħqu dawk il-miri. Sabiex jiġi żgurat li jsir progress sod lejn dawk il-miri, kif ukoll li n-nuqqasijiet fl-implimentazzjoni jiġu indirizzati fi żmien xieraq, l-Istati Membri li jingħataw żmien addizzjonali għandhom jilħqu miri interim, u għandhom ifasslu pjanijiet ta' implimentazzjoni, li l-effettività tagħhom għandha tkun ivvalutata mill-Kummissjoni fuq il-bażi ta' kriterji definiti.

 

Emenda    50

Proposta għal direttiva

Premessa 16a (ġdida)

 

Test propost mill-Kummissjoni

Emenda

 

(16a)  Sabiex jiġi żgurat l-użu ta' materja prima sekondarja ta' kwalità għolja, l-output tal-proċess aħħari tar-riċiklaġġ għandu jirrispetta l-istandards ta' kwalità. Għal dik ir-raġuni, il-Kummissjoni għandha titlob lill-organizzazzjonijiet Ewropej tal-istandardizzazzjoni biex jiżviluppaw standards għall-materjali tal-iskart li jidħlu fil-proċess aħħari tar-riċiklaġġ u għall-materja prima sekondarja, b'mod partikolari għall-plastik, skont l-aqwa prattiki ta' produzzjoni fis-suq.

 

 

 

Emenda    51

Proposta għal direttiva

Premessa 17

 

Test propost mill-Kummissjoni

Emenda

(17)  Sabiex tiġi żgurata l-affidabbiltà tad-dejta miġbura għat-tħejjija għall-użu mill-ġdid, huwa essenzjali li jiġu stabbiliti regoli komuni ta' rappurtar. B'mod simili, huwa importanti li jiġu stipulati regoli aktar preċiżi dwar kif l-Istati Membri għandhom jirrappurtaw dak li effettivament ġie rriċiklat u li jista' jingħadd lejn l-ilħiq tal-miri ta' riċiklaġġ. Għal dan il-għan, bħala regola ġenerali, ir-rappurtar dwar l-ilħiq tal-miri ta' riċiklaġġ għandhom ikunu msejsa fuq l-input fil-proċess aħħari tar-riċiklaġġ. Sabiex jiġu limitati l-piżijiet amministrattivi, l-Istati Membri għandhom ikunu awtorizzati, taħt kundizzjonijiet stretti, li jirrappurtaw ir-rati ta' riċiklaġġ abbażi tal-output tal-faċilitajiet ta' separazzjoni. It-telf fil-piż tal-materjali jew tas-sustanzi minħabba proċessi ta' trasformazzjoni fiżiċi u/jew kimiċi inerenti għall-proċess aħħari ta' riċiklaġġ ma għandux jitnaqqas mill-piż tal-iskart irrappurtat bħala riċiklat.

(17)  Sabiex tiġi żgurata l-affidabbiltà tad-dejta miġbura għat-tħejjija għall-użu mill-ġdid, huwa essenzjali li jiġu stabbiliti regoli komuni ta' rappurtar, b'kunsiderazzjoni tal-ħtieġa li jiġu evitati piżijiet amministrattivi eċċessivi fuq operaturi żgħar u medji. B'mod simili, huwa importanti li jiġu stipulati regoli aktar preċiżi dwar kif l-Istati Membri għandhom jirrappurtaw dak li effettivament ġie rriċiklat u li jista' jingħadd lejn l-ilħiq tal-miri ta' riċiklaġġ. Il-kalkolu tal-iskart muniċipali rriċiklat għandu jkun ibbażat fuq metodu wieħed armonizzat li jipprevjeni lill-Istati Membri milli jirrapportaw skart mormi bħala skart riċiklat. Għal dan il-għan, ir-rappurtar dwar l-ilħiq tal-miri ta' riċiklaġġ għandhom ikunu msejsa fuq l-input fil-proċess aħħari tar-riċiklaġġ. It-telf fil-piż tal-materjali jew tas-sustanzi minħabba proċessi ta' trasformazzjoni fiżiċi u/jew kimiċi inerenti għall-proċess aħħari ta' riċiklaġġ ma għandux jitnaqqas mill-piż tal-iskart irrappurtat bħala riċiklat.

 

 

Emenda    52

Proposta għal direttiva

Premessa 18

 

Test propost mill-Kummissjoni

Emenda

(18)  Għall-finijiet tal-kalkolu ta' jekk humiex se jintlaħqu l-miri ta' tħejjija għall-użu mill-ġdid u għar-riċiklaġġ, l-Istati Membri għandhom ikunu kapaċi jqisu l-prodotti u l-komponenti li huma mħejjija għall-użu mill-ġdid minn operaturi rikonoxxuti ta' użu mill-ġdid u minn skemi ta' rifużjonijiet tad-depożitu, jew imħejjija għar-riċiklaġġ tal-metalli li jsir b'rabta mal-inċinerazzjoni. Sabiex jiġi żgurat il-kalkolu uniformi ta' din id-dejta, il-Kummissjoni se tadotta regoli ddettaljati dwar id-determinazzjoni tat-tħejjija rikonoxxuta għall-operaturi ta' użu mill-ġdid u għall-iskemi ta' rifużjonijiet tad-depożitu, dwar il-kriterji ta' kwalità għall-metalli riċiklati, u dwar il-ġbir, il-verifika u r-rappurtar tad-dejta.

(18)  Sabiex jiġi żgurat il-kalkolu uniformi tad-dejta dwar it-tħejjija għall-użu mill-ġdid u għar-riċiklaġġ, il-Kummissjoni għandha tadotta regoli ddettaljati dwar id-determinazzjoni tat-tħejjija rikonoxxuta għal operaturi ta' użu mill-ġdid, għal skemi ta' rifużjonijiet tad-depożitu, u operaturi tar-riċiklaġġ finali, inklużi regoli speċifiċi dwar il-ġbir, it-traċċabbiltà, il-verifika u r-rappurtar tad-dejta, kif ukoll dwar il-kriterji ta' kwalità għall-metalli riċiklati, li jkunu ġew riċiklati bl-inċinerazzjoni jew il-koinċinerazzjoni. Sabiex jiġi kkalkulat jekk il-miri tat-tħejjija għall-użu mill-ġdid u tar-riċiklaġġ intlaħqux u wara l-adozzjoni tal-metodu ta' kalkolu armonizzat, l-Istati Membri għandhom ikunu jistgħu jikkunsidraw ir-riċiklaġġ tal-metalli li jsir b'rabta mal-inċinerazzjoni jew il-koinċinerazzjoni, bħall-irkupru tal-enerġija.

 

 

 

Emenda    53

Proposta għal direttiva

Premessa 20

 

Test propost mill-Kummissjoni

Emenda

(20)  Il-konformità mal-obbligu li jiġu stabbiliti sistemi ta' ġbir separat għall-karta, il-metall, il-plastik u l-ħġieġ hija essenzjali sabiex jiżdiedu r-rati tat-tħejjija għall-użu mill-ġdid u għar-riċiklaġġ fl-Istati Membri. Barra minn hekk, il-bijoskart għandu jinġabar b'mod separat sabiex jikkontribwixxi għal żieda fir-rati ta' tħejjija għall-użu mill-ġdid u għar-riċiklaġġ, kif ukoll għall-prevenzjoni tat-tniġġis ta' materjali riċiklabbli nixfin.

(20)  Il-konformità mal-obbligu li jiġu stabbiliti sistemi ta' ġbir separat għall-karta, il-metall, il-plastik, il-ħġieġ, it-tessuti u l-bijoskart hija essenzjali sabiex jiżdiedu r-rati tat-tħejjija għall-użu mill-ġdid u għar-riċiklaġġ fl-Istati Membri. Barra minn hekk, il-bijoskart għandu jinġabar b'mod separat u jiġi riċiklat sabiex jikkontribwixxi għal żieda fir-rati ta' tħejjija għall-użu mill-ġdid u għar-riċiklaġġ, kif ukoll għall-prevenzjoni tat-tniġġis ta' materjali riċiklabbli nixfin u għall-prevenzjoni tal-inċinerazzjoni u r-rimi f'miżbla. Barra minn hekk, ir-riċerka fi ġbir u sistemi ta' riċiklaġġ possibbli għal flussi oħra wkoll u materjali ġodda għandha tiġi mħeġġa u intensifikata.

 

 

Emenda    54

Proposta għal direttiva

Premessa 20a (ġdida)

 

Test propost mill-Kummissjoni

Emenda

 

(20a)  Il-bijoekonomija għandha rwol importanti fl-iżgurar tad-disponibbiltà tal-materja prima madwar l-Unjoni. Użu iktar effiċjenti tal-iskart jista' joħloq inċentiv importanti għall-katina ta' provvista tal-bijoekonomija. B'mod partikolari, ġestjoni sostenibbli tal-bijoskart toffri l-opportunità li l-materja prima abbażi ta' karburant fossili tiġi ssostitwita minn sorsi rinnovabbli għall-produzzjoni ta' materjali u komoditajiet.

Ġustifikazzjoni

Il-bijoekonomija għandha rwol importanti fl-iżgurar tad-disponibbiltà tal-materja prima fl-UE, u għalhekk huwa essenzjali li jiġu inklużi rekwiżiti ġodda fir-rigward tal-immaniġġjar effikaċi tal-bijoskart.

 

Emenda    55

Proposta għal direttiva

Premessa 20b (ġdida)

 

Test propost mill-Kummissjoni

Emenda

 

(20b)  Sabiex jiġi evitat it-trattament tal-iskart li jimblokka r-riżorsi fil-livelli inferjuri tal-ġerarkija tal-iskart, biex ikun jista' jsir riċiklaġġ ta' kwalità għolja u biex jissaħħaħ l-użu ta' materja prima sekondarja ta' kwalità, l-Istati Membri għandhom jiżguraw li l-bijoskart jinġabar separatament u jgħaddi minn riċiklaġġ organiku b'mod li jilħaq livell għoli ta' protezzjoni ambjentali u li l-output tiegħu jissodisfa l-istandards ta' kwalità għolja rilevanti.

 

Emenda    56

Proposta għal direttiva

Premessa 20c (ġdida)

 

Test propost mill-Kummissjoni

Emenda

 

(20c)  Minkejja l-ġbir separat, ħafna mill-materjal riċiklabbli xorta jispiċċa fi skart imħallat. B'separazzjoni ta' kwalità għolja, speċjalment separazzjoni ottika, ammont konsiderevoli ta' materjali jista' jiġi sseparat mill-iskart residwali u wara rriċiklat u pproċessat mill-ġdid f'materja prima sekondarja. Għalhekk, l-Istati Membri għandhom jieħdu miżuri biex jiżguraw li anke l-iskart li ma jinġabarx b'mod separat jiġi madankollu sseparat.

 

 

 

Emenda    57

Proposta għal direttiva

Premessa 20d (ġdida)

 

Test propost mill-Kummissjoni

Emenda

 

(20d)  Sabiex tiġi evitata l-kontaminazzjoni ta' skart muniċipali b'sustanzi perikolużi li jistgħu jbaxxu l-kwalità tar-riċiklaġġ u għaldaqstant ifixklu l-użu ta' materja prima sekondarja, l-Istati Membri għandhom jistabbilixxu ġbir separat għal skart perikoluż mid-djar.

 

 

 

Emenda    58

Proposta għal direttiva

Premessa 21

 

Test propost mill-Kummissjoni

Emenda

(21)  L-immaniġġjar xieraq tal-iskart perikoluż għadu problema fl-Unjoni, u d-dejta dwar it-trattament tiegħu għadha parzjalment nieqsa. Għaldaqstant, hemm bżonn li jissaħħu l-mekkaniżmi taż-żamma tar-rekords u tat-traċċabbiltà billi jitwaqqfu reġistri elettroniċi għall-iskart perikoluż fl-Istati Membri. Il-ġbir ta' dejta elettronika għandu jitwessa' għal tipi oħra ta' skart, fejn xieraq, sabiex iż-żamma tar-rekords teħfief għan-negozji u għall-amministrazzjonijiet u ħalli jitjieb il-monitoraġġ tal-flussi tal-iskart fl-Unjoni.

(21)  L-immaniġġjar xieraq tal-iskart perikoluż għadu problema fl-Unjoni, u d-dejta dwar it-trattament tiegħu għadha parzjalment nieqsa. Għaldaqstant, hemm bżonn li jissaħħu l-mekkaniżmi taż-żamma tar-rekords u tat-traċċabbiltà billi jitwaqqfu reġistri elettroniċi għall-iskart perikoluż fl-Istati Membri. Il-ġbir ta' dejta elettronika għandu jitwessa' għal tipi oħra ta' skart, sabiex iż-żamma tar-rekords teħfief għan-negozji u għall-amministrazzjonijiet u ħalli jitjieb il-monitoraġġ tal-flussi tal-iskart fl-Unjoni.

 

 

 

Emenda    59

Proposta għal direttiva

Premessa 21a (ġdida)

 

Test propost mill-Kummissjoni

Emenda

 

(21a)  Il-ġbir separat u r-riġenerazzjoni ta' żjut għar-rimi għandhom benefiċċji ekonomiċi u ambjentali sinifikanti, anke f'termini ta' sigurtà tal-provvista. Għandhom jiġu stabbiliti l-ġbir separat kif ukoll miri għar-riġinerazzjoni ta' żjut għar-rimi.

 

 

Emenda    60

Proposta għal direttiva

Premessa 22

 

Test propost mill-Kummissjoni

Emenda

(22)  Din id-Direttiva tistipula għanijiet fit-tul għall-immaniġġjar tal-iskart tal-Unjoni, u tagħti lill-operaturi ekonomiċi u lill-Istati Membri direzzjoni ċara għall-investimenti li huma meħtieġa sabiex jintlaħqu l-miri ta' din id-Direttiva. Waqt li jiżviluppaw l-istrateġiji nazzjonali tagħhom għall-immaniġġjar tal-iskart u jippjanaw l-investimenti fl-infrastruttura tal-immaniġġjar tal-iskart, l-Istati Membri għandhom jużaw sew il-Fondi Ewropej Strutturali u ta' Investiment billi jippromwovu l-prevenzjoni, l-użu mill-ġdid u r-riċiklaġġ, bi qbil mal-ġerarkija tal-iskart.

(22)  Din id-Direttiva tistipula għanijiet fit-tul għall-immaniġġjar tal-iskart tal-Unjoni, u tagħti lill-operaturi ekonomiċi u lill-Istati Membri direzzjoni ċara għall-investimenti li huma meħtieġa sabiex jintlaħqu l-miri ta' din id-Direttiva. Waqt li jiżviluppaw l-istrateġiji nazzjonali tagħhom għall-immaniġġjar tal-iskart u jippjanaw l-investimenti fl-infrastruttura tal-immaniġġjar tal-iskart u l-ekonomija ċirkolari, l-Istati Membri għandhom jużaw sew il-Fondi Ewropej Strutturali u ta' Investiment billi jippromwovu l-ewwel il-prevenzjoni u l-użu mill-ġdid, imbagħad ir-riċiklaġġ, bi qbil mal-ġerarkija tal-iskart. Il-Kummissjoni għandha, skont il-ġerarkija tal-iskart, tippermetti l-użu tal-Orizzont 2020 u l-Fondi Strutturali u ta' Investiment Ewropej sabiex jiġi żviluppat qafas finanzjarju effettiv li jgħin lill-awtoritajiet lokali jimplimentaw ir-rekwiżiti ta' din id-Direttiva u jiffinanzjaw l-intoduzzjoni ta' teknoloġiji innovattivi u l-immaniġġjar tal-iskart.

 

 

 

Emenda    61

Proposta għal direttiva

Premessa 23

 

Test propost mill-Kummissjoni

Emenda

(23)  Ċerti tipi ta' materja prima huma ta' importanza kbira għall-ekonomija tal-Unjoni, u l-provvista tagħhom hija marbuta ma' riskju għoli. Sabiex tkun żgurata s-sigurtà tal-provvista ta' dawk it-tipi ta' materja prima, u bi qbil mal-Inizjattiva tal-Materja Prima u l-għanijiet u l-miri tas-Sħubija Ewropea għall-Innovazzjoni dwar il-Materja Prima, l-Istati Membri għandhom jieħdu miżuri biex jiksbu l-aqwa mmaniġġjar possibbli tal-iskart li jkun fih ammonti sinifikanti ta' tali tipi ta' materja prima, filwaqt li jqisu l-vjabbiltà ekonomika u teknoloġika kif ukoll il-benefiċċji ambjentali. Il-Kummissjoni stabbiliet lista ta' materja prima kritika għall-UE18. Din il-lista hija soġġetta għal rieżami regolari mill-Kummissjoni.

(23)  Ċerti tipi ta' materja prima huma ta' importanza kbira għall-ekonomija tal-Unjoni, u l-provvista tagħhom hija marbuta ma' riskju għoli. Sabiex tkun żgurata s-sigurtà tal-provvista ta' dawk it-tipi ta' materja prima, u bi qbil mal-Inizjattiva tal-Materja Prima u l-għanijiet u l-miri tas-Sħubija Ewropea għall-Innovazzjoni dwar il-Materja Prima, l-Istati Membri għandhom jieħdu miżuri biex jippromwovu l-użu mill-ġdid ta' prodotti u r-riċiklaġġ tal-iskart li jkun fih ammonti sinifikanti ta' materja prima kritika u jiżguraw li huma mmaniġġjati b'mod effiċjenti, filwaqt li jqisu l-vjabbiltà ekonomika u teknoloġika kif ukoll il-benefiċċji ambjentali u tas-saħħa. Il-Kummissjoni stabbiliet lista ta' materja prima kritika għall-UE18. Din il-lista hija soġġetta għal rieżami regolari mill-Kummissjoni.

__________________

__________________

18 COM(2014) 297 .

18 COM(2014) 297 .

 

Emenda    62

Proposta għal direttiva

Premessa 24

 

Test propost mill-Kummissjoni

Emenda

(24)  Sabiex tiġi appoġġjata l-implimentazzjoni effettiva tal-Inizjattiva tal-Materja Prima, l-Istati Membri għandhom jippromwovu wkoll l-użu mill-ġdid tal-prodotti li jikkostitwixxu s-sorsi ewlenin tal-materja prima. Għandhom jinkludu wkoll fil-pjanijiet tagħhom ta' mmaniġġjar tal-iskart miżuri xierqa fuq livell nazzjonali b'rabta mal-ġbir u l-irkupru tal-iskart li jkun fih ammonti sinifikanti ta' dawk it-tipi ta' materja prima. Il-miżuri għandhom jiġu inklużi fil-pjanijiet ta' mmaniġġjar tal-iskart meta jiġu aġġornati għall-ewwel darba wara d-dħul fis-seħħ ta' din id-Direttiva. Il-Kummissjoni se tipprovdi informazzjoni dwar il-gruppi ta' prodotti u l-flussi tal-iskart rilevanti fil-livell tal-UE. Din id-dispożizzjoni ma tipprekludix li l-Istati Membri jieħdu miżuri għal materja prima oħra meqjusa importanti għall-ekonomija nazzjonali tagħhom.

(24)  Sabiex tiġi appoġġjata l-implimentazzjoni effettiva tal-Inizjattiva tal-Materja Prima, l-Istati Membri għandhom jinkludu wkoll fil-pjanijiet tagħhom ta' mmaniġġjar tal-iskart miżuri xierqa fuq livell nazzjonali b'rabta mal-ġbir, is-separazzjoni u l-irkupru tal-iskart li jkun fih ammonti sinifikanti ta' dawk it-tipi ta' materja prima. Il-miżuri għandhom jiġu inklużi fil-pjanijiet ta' mmaniġġjar tal-iskart meta jiġu aġġornati għall-ewwel darba wara d-dħul fis-seħħ ta' din id-Direttiva. Il-Kummissjoni se tipprovdi informazzjoni dwar il-gruppi ta' prodotti u l-flussi tal-iskart rilevanti fil-livell tal-UE. Din id-dispożizzjoni ma tipprekludix li l-Istati Membri jieħdu miżuri għal materja prima oħra meqjusa importanti għall-ekonomija nazzjonali tagħhom.

Ġustifikazzjoni

Sabiex tiġi żgurata l-implimentazzjoni effettiva tal-Inizjattiva dwar il-Materja Prima, huwa importanti li l-Istati Membri jinkludu fil-pjanijiet għall-immaniġġjar tal-iskart nazzjonali tagħhom miżuri xierqa dwar il-ġbir, is-separazzjoni u l-irkupru tal-iskart.

 

 

Emenda    63

Proposta għal direttiva

Premessa 25

 

Test propost mill-Kummissjoni

Emenda

(25)  Ir-rimi taż-żibel għandu impatti ħżiena diretti fuq l-ambjent u fuq il-benessri taċ-ċittadini, u l-kostijiet għoljin tat-tindif huma piż ekonomiku mhux meħtieġ għas-soċjetà. L-introduzzjoni ta' miżuri speċifiċi fil-pjanijiet tal-immaniġġjar tal-iskart, u l-infurzar tajjeb mill-awtoritajiet kompetenti, għandhom jgħinu biex ineħħu din il-problema.

(25)  Ir-rimi taż-żibel għandu impatti ħżiena diretti u indiretti fuq l-ambjent, fuq il-benessri taċ-ċittadini u fuq l-ekonomija. Kostijiet għoljin tat-tindif huma piż ekonomiku mhux meħtieġ għas-soċjetà L-introduzzjoni ta' miżuri speċifiċi fil-pjanijiet tal-immaniġġjar tal-iskart, u l-infurzar tajjeb mill-awtoritajiet kompetenti, għandhom jgħinu biex ineħħu din il-problema. Il-prevenzjoni tar-rimi taż-żibel hija ppreferuta mit-tindif. Il-prevenzjoni tar-rimi taż-żibel għandha tkun sforz kondiviż bejn l-awtoritajiet kompetenti, il-produtturi u l-konsumaturi. Huwa essenzjali li tinbidel l-imġiba mhux xierqa tal-konsumaturi biex jiġi evitat iż-żibel. Il-produtturi, li l-prodotti tagħhom probabbilment isiru żibel, għandhom jippromwovu l-użu sostenibbli tal-prodotti tagħhom sabiex jiġi evitat ir-rimi taż-żibel. Barra minn hekk, l-edukazzjoni u s-sensibilizzazzjoni għandhom rwol importanti biex jixprunaw bidla fl-imġiba.

 

Emenda    64

Proposta għal direttiva

Premessa 25a (ġdida)

 

Test propost mill-Kummissjoni

Emenda

 

(25a)  Id-Direttiva 2008/56/KE tal-Parlament Ewropew u tal-Kunsill tas-17 ta' Ġunju 20081a hija l-istrument legali vinkolanti fil-livell tal-Unjoni għall-valutazzjoni, il-monitoraġġ u l-istabbiliment ta' miri ambjentali sabiex jinkiseb status ambjentali tajjeb fir-rigward tal-iskart fil-baħar. Madankollu, is-sorsi ewlenin tal-iskart fil-baħar huma attivitajiet fuq l-art u huma kkawżati minn prattiki ħżiena tal-immaniġġjar tal-iskart solidu, nuqqas ta' infrastruttura u nuqqas ta' sensibilizzazzjoni tal-pubbliku. Għal dik ir-raġuni, l-Istati Membri għandhom jadottaw miżuri biex inaqqsu l-iskart fuq l-art li x'aktarx jispiċċa fl-ambjent tal-baħar, f'konformità mal-Aġenda tal-2030 għall-Iżvilupp Sostenibbli, adottata mill-Assemblea Ġenerali tan-Nazzjonijiet Uniti fil-25 ta' Settembru 2015, u b'mod partikolari jimmiraw li jiksbu l-għan li jnaqqsu l-iskart fil-baħar b'50 % sal-2030 fil-livell tal-Unjoni. B'kunsiderazzjoni tal-benefiċċji ambjentali u ekonomiċi tal-prevenzjoni tal-iskart fil-baħar, l-Istati Membri għandhom jistabbilixxu miżuri speċifiċi għall-prevenzjoni tal-iskart fil-baħar fil-programmi tagħhom għall-prevenzjoni tal-iskart. B'dawn il-miżuri, l-Istati Membri għandhom jimmiraw li jiksbu l-miri ta' tnaqqis tal-iskart fil-baħar madwar l-Unjoni ta' 30 % sal-2025 u ta' 50 % sal-2030. Biex jitkejjel il-progress lejn dawn il-miri u sabiex jiġi ffaċilitat l-iskambju ta' prattika tajba madwar l-Unjoni Ewropea fost l-Istati Membri, għandhom jiġu stabbiliti metodoloġiji uniformi għall-kejl ta' skart fil-baħar li joriġina mill-art. Ir-rappurtar dwar il-livelli tal-iskart fil-baħar li joriġina mill-art għandu jsir kull sena.

 

______________

 

1a Id-Direttiva 2008/56/KE tal-Parlament Ewropew u tal-Kunsill tas-17 ta' Ġunju 2008 li tistabbilixxi Qafas għal Azzjoni Komunitarja fil-qasam tal-Politika tal-Ambjent Marin (Direttiva Kwadru dwar l-Istrateġija Marina) (ĠU L 164, 25.6.2008, p. 19).

 

Emenda    65

Proposta għal direttiva

Premessa 25b (ġdida)

 

Test propost mill-Kummissjoni

Emenda

 

(25b)  Ir-rimi mhux xieraq tal-iskart permezz tar-rimi taż-żibel u skariki ta' drenaġġ u ta' skart solidu, bħall-plastik, għandu impatti detrimentali fuq l-ambjent tal-baħar u fuq is-saħħa tal-bniedem, kif ukoll fuq il-kostijiet ekonomiċi u soċjali sinifikanti. Tali skart ifixkel ukoll l-ordni ta' prijorità tal-ġerarkija tal-iskart, b'mod partikolari billi tiġi evitata t-tħejjija għall-użu mill-ġdid, ir-riċiklaġġ u rkupru ieħor qabel ir-rimi. Meta wieħed jikkunsidra n-natura transkonfinali tal-iskart fil-baħar u l-ħtieġa li tiġi żgurata l-armonizzazzjoni fl-isforzi, l-Istati Membri għandhom jieħdu miżuri biex jilħqu mira għat-tnaqqis tagħhom, bl-użu ta' protokolli ta' monitoraġġ stabbiliti skont l-Artikolu 11 tad-Direttiva 2008/56/KE.

 

 

Emenda    66

Proposta għal direttiva

Premessa 25c (ġdida)

 

Test propost mill-Kummissjoni

Emenda

 

(25c)  Mikrożibeġ fi prodotti kożmetiċi u prodotti tal-kura personali li jitneħħew bl-ilma u li jaslu fis-sistemi tad-drenaġġ residenzjali, kummerċjali jew industrijali wara l-użu jikkostitwixxu wieħed mill-iktar sorsi diretti ta' tniġġis mill-mikropartiċelli tal-plastik li jistgħu jiġu evitati. Sabiex jikkontribwixxu għall-objettivi stabbiliti f'din id-Direttiva, l-Istati Membri għandhom jieħdu miżuri biex jipprevjenu lill-ingredjenti tal-mikrożibeġ u tal-mikropartiċelli tal-plastik milli jidħlu f'sistemi tat-trattament tal-ilma tal-iskart u jintremew fl-ambjent tal-baħar.

 

Emenda    67

Proposta għal direttiva

Premessa 27

 

Test propost mill-Kummissjoni

Emenda

(27)  Ir-rapporti tal-implimentazzjoni li jħejju l-Istati Membri kull tliet snin urew li mhumiex għodda effettiva biex tkun verifikata l-konformità u żgurata implimentazzjoni tajba, u dawn qed joħolqu piż amministrattiv żejjed. Għaldaqstant, jixraq li jitħassru ċerti dispożizzjonijiet li jobbligaw lill-Istati Membri jipproduċu tali rapporti. Minflokhom, il-monitoraġġ tal-konformità għandu jissejjes esklussivament fuq id-dejta statistika li l-Istati Membri jirrappurtaw kull sena lill-Kummissjoni.

(27)  Ir-rapporti tal-implimentazzjoni li jħejju l-Istati Membri kull tliet snin urew li mhumiex għodda effettiva biex tkun verifikata l-konformità u żgurata implimentazzjoni tajba, u dawn qed joħolqu piż amministrattiv żejjed. Għaldaqstant, jixraq li jitħassru ċerti dispożizzjonijiet li jobbligaw lill-Istati Membri jipproduċu tali rapporti. Minflokhom, il-monitoraġġ tal-konformità għandu jissejjes esklussivament fuq id-dejta statistika li l-Istati Membri jirrappurtaw kull sena lill-Kummissjoni. Madankollu, l-Istati Membri għandhom jippreżentaw lill-Kummissjoni, fuq talba u mingħajr dewmien, kwalunkwe informazzjoni neċessarja għall-Kummissjoni biex tivvaluta l-implimentazzjoni ta' din id-Direttiva fl-intier tagħha u l-impatt tagħha fuq l-ambjent u s-saħħa tal-bniedem.

Ġustifikazzjoni

Anki jekk ma jibqax ikollhom ifasslu rapport regolari dwar l-implimentazzjoni, l-Istati Membri huma mitluba li jipprovdu, fuq talba tal-Kummissjoni, kull informazzjoni li tista' tkun neċessarja biex tivvaluta jekk humiex jilħqu l-għanijiet ta' din id-Direttiva.

 

 

Emenda    68

Proposta għal direttiva

Premessa 28

 

Test propost mill-Kummissjoni

Emenda

(28)  Id-dejta statistika li jirrappurtaw l-Istati Membri hi essenzjali biex il-Kummissjoni tivvaluta l-konformità mal-leġiżlazzjoni dwar l-iskart fost l-Istati Membri. Il-kwalità, l-affidabbiltà u l-paragunabbiltà tal-istatistika għandhom jittejbu billi jiġi introdott punt ta' dħul wieħed għad-dejta kollha dwar l-iskart, billi jitħassru rekwiżiti ta' rappurtar li m'għadhomx jgħoddu, billi ssir valutazzjoni komparattiva tal-metodoloġiji nazzjonali tar-rappurtar, u billi jiġi introdott rapport ta' verifika tal-kwalità tad-dejta. Għalhekk, meta jiġu biex jirrappurtaw dwar l-ilħiq tal-miri stipulati fil-leġiżlazzjoni dwar l-iskart, l-Istati Membri għandhom jużaw l-iktar metodoloġija riċenti li jkunu żviluppaw il-Kummissjoni u l-uffiċċji nazzjonali tal-istatistika tal-Istati Membri.

(28)  Id-dejta u l-informazzjoni li jirrappurtaw l-Istati Membri huma essenzjali biex il-Kummissjoni tivvaluta l-konformità mal-leġiżlazzjoni dwar l-iskart fost l-Istati Membri. Il-kwalità, l-affidabbiltà u l-paragunabbiltà tad-dejta rrappurtata għandhom jittejbu billi tiġi stabbilita metodoloġija komuni għall-ġbir u l-ipproċessar tad-dejta abbażi ta' sorsi affidabbli u billi jiġi introdott punt ta' dħul wieħed għad-dejta kollha dwar l-iskart, billi jitħassru rekwiżiti ta' rappurtar li m'għadhomx jgħoddu, billi ssir valutazzjoni komparattiva tal-metodoloġiji nazzjonali tar-rappurtar, u billi jiġi introdott rapport ta' verifika tal-kwalità tad-dejta. Għalhekk, meta jiġu biex jirrappurtaw dwar l-ilħiq tal-miri stipulati fil-leġiżlazzjoni dwar l-iskart, l-Istati Membri għandhom jużaw il-metodoloġija komuni żviluppata mill-Kummissjoni f'kooperazzjoni mal-uffiċċji nazzjonali tal-istatistika tal-Istati Membri u l-awtoritajiet nazzjonali, reġjonali u lokali responsabbli għall-immaniġġjar tal-iskart.

 

 

Emenda    69

Proposta għal direttiva

Premessa 28a (ġdida)

 

Test propost mill-Kummissjoni

Emenda

 

(28a)  Kull tliet snin, il-Kummissjoni għandha tippubblika rapport ibbażat fuq id-dejta u l-informazzjoni rrappurtata mill-Istati Membri sabiex tirrapporta lill-Parlament u lill-Kunsill dwar il-progess miksub fl-ilħiq tal-miri tar-riċiklaġġ u fl-implimentazzjoni ta' obbligi ġodda stabbiliti minn din id-Direttiva. Dawk ir-rapporti triennali għandhom jevalwaw ukoll l-impatt tad-Direttiva 2008/98/KE fl-intier tagħha fuq l-ambjent u s-saħħa tal-bniedem u jivvalutaw jekk l-emendi humiex meħtieġa biex iżommu d-Direttiva 2008/98/KE adattata għall-iskop tagħha fid-dawl tal-objettivi tal-ekonomija ċirkolari.

Ġustifikazzjoni

Huwa neċessarju li jiġu evalwati l-impatti tad-Direttiva u tiġi vvalutata fuq bażi regolari l-ħtieġa ta' aġġornamenti neċessarji sabiex il-leġiżlazzjoni tibqa' adatta għall-iskop tagħha filwaqt li twieġeb għall-aħħar sfidi li joriġinaw mill-ekonomija ċirkolari u l-progress teknoloġiku fil-prevenzjoni u l-immaniġġjar tal-iskart.

 

Emenda    70

Proposta għal direttiva

Premessa 28b (ġdida)

 

Test propost mill-Kummissjoni

Emenda

 

(28b)  Sabiex tikkontribwixxi għal governanza xierqa, tisħiħ, kooperazzjoni transkonfinali u tixrid tal-aħjar prattiki u innovazzjonijiet fil-qasam tal-iskart u biex tiżgura l-implimentazzjoni effettiva u konsistenti tal-miri stabbiliti fid-Direttiva 2008/98/KE, il-Kummissjoni għandha tistabbilixxi pjattaforma għall-iskambju ta' informazzjoni u l-kondiviżjoni tal-aħjar prattiki bejn il-Kummissjoni u l-Istati Membri dwar l-implimentazzjoni prattika ta' dik id-Direttiva. Ir-riżultati tal-ħidma ta' dik il-pjattaforma għandhom ikunu disponibbli għall-pubbliku.

 

Emenda    71

Proposta għal direttiva

Premessa 28c (ġdida)

 

Test propost mill-Kummissjoni

Emenda

 

(28c)  Il-potenzjal ekonomiku kif ukoll il-benefiċċji ambjentali tal-mixja lejn ekonomija ċirkolari u ż-żieda fl-effiċjenza fir-riżorsi huma stabbiliti sewwa. Il-passi meħtieġa biex jingħalaq iċ-ċirku huma ppreżentati f'bosta dokumenti u proposti ta' politika, li jvarjaw mill-manifest u r-rakkomandazzjonijiet ta' politika sussegwenti tal-Pjattaforma Ewropea għall-Użu Effiċjenti tar-Riżorsi (EREP) għal Ewropa aktar effiċjenti fir-riżorsi ppubblikat fis-17 ta' Diċembru 2012, għar-rapport fuq inizjattiva proprja tal-Parlament Ewropew dwar il-mixja lejn ekonomija ċirkolari adottat fil-25 ta' Ġunju 2015, u finalment il-pjan ta' azzjoni tal-Kummissjoni għall-ekonomija ċirkolari ppubblikat fit-2 ta' Diċembru 2016. Dawn kollha jippreżentaw azzjonijiet lil hinn mill-iskart u jkopru ċ-ċiklu sħiħ, u dawn mhux biss għandhom jiggwidaw il-livell ambizzjuż tal-leġiżlazzjoni tal-Unjoni dwar l-iskart, iżda jiżguraw ukoll li tittieħed azzjoni ambizzjuża biex jingħalaq iċ-ċirku kollu.

 

 

 

Emenda    72

Proposta għal direttiva

Premessa 28d (ġdida)

 

Test propost mill-Kummissjoni

Emenda

 

(28d)  Ir-riċerka u l-innovazzjoni kif ukoll il-ħolqien ta' mudelli ta' negozju intelliġenti bbażati fuq l-effiċjenza tar-riżorsi huma essenzjali għall-appoġġ tat-tranżizzjoni lejn ekonomija ċirkolari fl-Unjoni fejn l-iskart jidher bħala riżorsa ġdida. Sabiex jintlaħaq dan il-għan, il-kontribut, fil-qafas tal-Orizzont 2020, għal proġetti ta' riċerka u innovazzjoni li jistgħu juru u jittestjaw fil-qasam is-sostenibbiltà ekonomika u ambjentali ta' ekonomija ċirkolari, huwa neċessarju. Fl-istess ħin, filwaqt li jadottaw approċċ sistemiku, dawn il-proġetti jistgħu jikkontribwixxu għall-iżvilupp ta' leġiżlazzjoni li twassal għall-innovazzjoni u li tkun faċli biex jiġi implimentat, billi jiġu identifikati inċertezzi regolatorji, ostakoli u lakuni li jfixklu l-iżvilupp ta' mudelli ta' negozju bbażati fuq l-effiċjenza tar-riżorsi.

 

 

Emenda    73

Proposta għal direttiva

Premessa 28e (ġdida)

 

Test propost mill-Kummissjoni

Emenda

 

(28e)  Fit-2 ta' Diċembru 2015, il-Kummissjoni ppreżentat pjan ta' azzjoni tal-UE għall-Ekonomija Ċirkolari biex tistimola t-tranżizzjoni tal-Ewropa lejn ekonomija ċirkolari. Peress li l-Kummissjoni stabbilixxiet programm ta’ azzjonijiet konkret u ambizzjuż, b'miżuri li jkopru ċ-ċiklu sħiħ, hemm bżonn ta' miżuri supplimentari biex jaċċelleraw dik it-tranżizzjoni.

Ġustifikazzjoni

Fit-2 ta' Diċembru 2015, il-Kummissjoni ppreżentat Pjan ta' Azzjoni tal-UE għal Ekonomija Ċirkolari biex issaħħaħ it-tranżizzjoni tal-UE lejn ekonomija ċirkolari. Għal dak il-għan, il-Kummissjoni stabbilixxiet programm ambizzjuż ta' miżuri speċifiċi għall-perjodu 2015-2018; madankollu, hemm bżonn ta' miżuri addizzjonali sabiex inħaffu din it-tranżizzjoni. Dawk il-miżuri għandhom, b'mod partikolari, jikkunsidraw il-ħtieġa għal indikatur Ewropew tal-effiċjenza tar-riżorsi, miżuri leġiżlattivi biex jippromwovu produzzjoni u konsum sostenibbli u d-determinazzjoni ta' kriterji ta' effiċjenza tar-riżorsi u l-indikazzjoni tagħhom fuq it-tikketta ta' prodotti mhux tal-enerġija.

 

Emenda    74

Proposta għal direttiva

Premessa 28f (ġdida)

 

Test propost mill-Kummissjoni

Emenda

 

(28f)  It-titjib fl-użu tar-riżorsi jista' jġib iffrankar nett sostanzjali għan-negozji tal-UE, l-awtoritajiet pubbliċi u l-konsumaturi, filwaqt li jnaqqas it-total tal-emissjonijiet ta' gassijiet serra annwali. Għal dik ir-raġuni, il-Kummissjoni għandha tipproponi, sal-aħħar tal-2018, indikatur ewlieni u tabella operattiva ta' subindikaturi dwar l-effiċjenza fl-użu tar-riżorsi, sabiex jiġi mmonitorjat il-progress lejn il-mira taż-żieda fl-effiċjenza fl-użu tar-riżorsi fil-livell tal-Unjoni b'30 % sal-2030, meta mqabbel mal-livelli tal-2014.

Ġustifikazzjoni

Fit-2 ta' Diċembru 2015, il-Kummissjoni ppreżentat Pjan ta' Azzjoni tal-UE għal Ekonomija Ċirkolari biex issaħħaħ it-tranżizzjoni tal-UE lejn ekonomija ċirkolari. Għal dak il-għan, il-Kummissjoni stabbilixxiet programm ambizzjuż ta' miżuri speċifiċi għall-perjodu 2015-2018; madankollu, hemm bżonn ta' miżuri addizzjonali sabiex titħaffef din it-tranżizzjoni. Dawk il-miżuri għandhom, b'mod partikolari, jikkunsidraw il-ħtieġa għal indikatur Ewropew tal-effiċjenza tar-riżorsi, miżuri leġiżlattivi biex jippromwovu produzzjoni u konsum sostenibbli u d-determinazzjoni ta' kriterji ta' effiċjenza tar-riżorsi u l-indikazzjoni tagħhom fuq it-tikketta ta' prodotti mhux tal-enerġija.

 

 

 

Emenda    75

Proposta għal direttiva

Premessa 29

 

Test propost mill-Kummissjoni

Emenda

(29)  Sabiex id-Direttiva 2008/98/KE tiġi supplimentata jew emendata, is-setgħa li tadotta atti skont l-Artikolu 290 tat-Trattat għandha tingħata lill-Kummissjoni fir-rigward tal-Artikoli 5(2), 6(2), 7(1), 11a(2), 11a(6), 26, 27(1), 27(4), 38(1), 38(2) u 38(3). Huwa ta' importanza partikolari li l-Kummissjoni twettaq konsultazzjonijiet xierqa matul ix-xogħol preparatorju tagħha, inkluż fil-livell tal-esperti. Meta tħejji u tfassal l-atti delegati, il-Kummissjoni għandha tiżgura trażmissjoni simultanja, f'waqtha u xierqa tad-dokumenti rilevanti lill-Parlament Ewropew u lill-Kunsill.

(29)  Sabiex id-Direttiva 2008/98/KE tiġi supplimentata jew emendata, is-setgħa li tadotta atti skont l-Artikolu 290 tat-Trattat għandha tingħata lill-Kummissjoni fir-rigward ta':

 

-   kriterji ddettaljati dwar l-applikazzjoni tal-kundizzjonijiet li skonthom sustanzi jew oġġetti għandhom jitqiesu bħala prodotti sekondarji jew li m'għadhomx skart,

 

-   rekwiżiti ġenerali li għandhom jiġu segwiti mill-Istati Membri meta jadottaw regolamenti tekniċi dwar l-istatus ta' tmiem tal-istadju tal-iskart,

 

-   l-istabbiliment tal-lista ta' skart,

 

-   kriterji armonizzati li għandhom jiġu segwiti meta jiġu ddeterminati l-kontribuzzjonijiet finanzjarji mħallsa mill-produtturi biex jikkonformaw mal-obbligi tagħhom ta' responsabbiltà estiża tal-produttur, abbażi tal-ispejjeż reali tat-tmiem tal-ħajja tal-prodotti,

 

-   indikaturi li jkejlu l-progress fit-tnaqqis fil-ġenerazzjoni tal-iskart u fl-implimentazzjoni tal-miżuri ta' prevenzjoni tal-iskart,

 

-   metodoloġija komuni, inklużi rekwiżiti minimi ta' kwalità, għall-kejl uniformi tal-livelli ta' skart tal-ikel,

 

-   metodoloġija komuni, inklużi rekwiżiti minimi ta' kwalità, għall-kejl uniformi tal-livelli ta' skart fil-baħar li joriġina mill-art,

 

-   rekwiżiti minimi ta' kwalità u operazzjonali għad-determinazzjoni tal-operaturi rikonoxxuti ta' tħejjija għall-użu mill-ġdid kif ukoll tal-iskemi ta' rifużjonijiet tad-depożitu, u operaturi tar-riċiklaġġ finali, inklużi regoli speċifiċi dwar il-ġbir ta' dejta, it-traċċabilità, il-verifika u r-rappurtar,

 

-   metodoloġija komuni għall-kalkolu tal-piż tal-metalli li jkunu ġew riċiklati bl-inċinerazzjoni jew bil-koinċinerazzjoni, inklużi l-kriterji ta' kwalità għall-metalli riċiklati,

 

-   kriterji tekniċi u proċeduri operattivi għal operazzjonijiet tar-rimi D2, D3, D4, D6, D7 u D12 kif elenkati fl-Anness I tad-Direttiva 2008/98/KE u, jekk ikun xieraq, projbizzjoni fuq dawk l-operazzjonijiet jekk ma jkunux jissodisfaw ċerti kriterji relatati mal-protezzjoni tas-saħħa tal-bniedem u l-ambjent,

 

-   standards tekniċi minimi għal attivitajiet ta' trattament li jeħtieġu permess skont id-Direttiva 2008/98/KE, meta jkun hemm evidenza li dawn l-istandards jistgħu jwasslu għal gwadann f'termini ta' protezzjoni tas-saħħa tal-bniedem u tal-ambjent,

 

-   standards minimi għal attivitajiet li jeħtieġu reġistrazzjoni skont id-Direttiva 2008/98/KE meta jkun hemm evidenza li dawn l-istandards jistgħu jwasslu għal gwadann f'termini ta' protezzjoni tas-saħħa tal-bniedem u tal-ambjent jew biex jiġi evitat tfixkil fis-suq intern,

 

-   l-ispeċifikazzjoni tal-applikazzjoni tal-formola għall-faċilitajiet ta' inċinerazzjoni msemmija fil-punt R1 tal-Anness II tad-Direttiva 2008/98/KE,

 

-   il-metodoloġija għall-ġbir u l-ipproċessar tad-dejta, l-organizzazzjoni tal-ġbir tad-dejta u s-sorsi tad-dejta kif ukoll il-format għar-rappurtar tad-dejta mill-Istati Membri lill-Kummissjoni dwar l-implimentazzjoni tal-miri dwar it-tnaqqis tal-ħela tal-ikel u t-tnaqqis fl-iskart fil-baħar, dwar it-tħejjija għall-użu mill-ġdid, għar-riċiklaġġ u għar-radam mill-ġdid, dwar iż-żjut ta' skart, u

 

-   l-adattament tal-Annessi I sa V tad-Direttiva 2008/98/KE għall-progress xjentifiku u tekniku.

 

Huwa ta' importanza partikolari li l-Kummissjoni twettaq konsultazzjonijiet xierqa matul ix-xogħol preparatorju tagħha, inkluż fil-livell tal-esperti., u li dawk il-konsultazzjonijiet jitwettqu f'konformità mal-prinċipji stipulati fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 2016. B'mod partikolari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta' atti delegati.

 

 

 

Emenda    76

Proposta għal direttiva

Premessa 30

 

Test propost mill-Kummissjoni

Emenda

(30)  Sabiex ikunu żgurati kundizzjonijiet uniformi għall-implimentazzjoni tad-Direttiva 2008/98/KE, is-setgħat ta' implimentazzjoni għandhom jingħataw lill-Kummissjoni fir-rigward tal-Artikoli 9(4), 9(5), 33(2), 35(5), u 37(6). Dawk is-setgħat għandhom jiġu eżerċitati f'konformità mar-Regolament (UE) Nru 182/2011 tal-Parlament Ewropew u tal-Kunsill19 .

(30)  Sabiex ikunu żgurati kundizzjonijiet uniformi għall-implimentazzjoni tad-Direttiva 2008/98/KE, is-setgħat ta' implimentazzjoni għandhom jingħataw lill-Kummissjoni fir-rigward ta':

 

-   il-format għan-notifika tal-informazzjoni dwar l-adozzjoni u r-reviżjonijiet sostanzjali tal-pjanijiet għall-immaniġġjar tal-iskart u l-programmi għall-prevenzjoni tal-iskart, u

 

-  l-kundizzjonijiet minimi għall-operazzjoni ta' reġistri elettroniċi dwar skart perikoluż.

 

Dawk is-setgħat għandhom jiġu eżerċitati f'konformità mar-Regolament (UE) Nru 182/2011 tal-Parlament Ewropew u tal-Kunsill19 .

__________________

__________________

19 Ir-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta' kontroll mill-Istati Membri tal-eżerċizzju mill-Kummissjoni tas-setgħat ta' implimentazzjoni (ĠU L 55, 28/02/2011, p. 13).

19 Ir-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta' kontroll mill-Istati Membri tal-eżerċizzju mill-Kummissjoni tas-setgħat ta' implimentazzjoni (ĠU L 55, 28/02/2011, p. 13).

 

 

Emenda    77

Proposta għal direttiva

Premessa 33

 

Test propost mill-Kummissjoni

Emenda

(33)  Billi l-għanijiet ta' din id-Direttiva, jiġifieri li ttejjeb l-immaniġġjar tal-iskart fl-Unjoni, u b'hekk tgħin fil-protezzjoni, il-preżervazzjoni u t-titjib tal-kwalità tal-ambjent, tas-saħħa tal-oċeani u tas-sigurtà tal-frott tal-baħar billi jitnaqqas ir-rimi tal-iskart fil-baħar, kif ukoll għall-utilizzazzjoni prudenti u razzjonali tar-riżorsi naturali madwar l-Unjoni, ma jistgħux jintlaħqu sew mill-Istati Membri, iżda jistgħu jintlaħqu aħjar fil-livell tal-Unjoni minħabba l-iskala tal-effetti tal-miżuri, l-Unjoni tista' tadotta miżuri skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità kif stabbilit fl-istess Artikolu, din id-Direttiva ma tmurx lil hinn minn dak li hu meħtieġ biex jintlaħqu dawk l-għanijiet,

(33)  Billi l-għanijiet ta' din id-Direttiva, jiġifieri li ttejjeb l-immaniġġjar tal-iskart fl-Unjoni, u b'hekk tgħin fil-protezzjoni, il-preżervazzjoni u t-titjib tal-kwalità tal-ambjent, tas-saħħa tal-oċeani u tas-sigurtà tal-frott tal-baħar billi jitnaqqas ir-rimi tal-iskart fil-baħar, kif ukoll għall-utilizzazzjoni prudenti, imnaqqsa u razzjonali tar-riżorsi naturali madwar l-Unjoni, ma jistgħux jintlaħqu sew mill-Istati Membri, iżda jistgħu jintlaħqu aħjar fil-livell tal-Unjoni minħabba l-iskala tal-effetti tal-miżuri, l-Unjoni tista' tadotta miżuri skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità kif stabbilit fl-istess Artikolu, din id-Direttiva ma tmurx lil hinn minn dak li hu meħtieġ biex jintlaħqu dawk l-għanijiet,

Ġustifikazzjoni

Huwa importanti li jiddaħħal b'mod espliċitu l-bżonn li titnaqqas l-utilizzazzjoni tar-riżorsi naturali.

 

Emenda    78

Proposta għal direttiva

Premessa 33a (ġdida)

 

Test propost mill-Kummissjoni

Emenda

 

(33a)  L-Istati Membri għandhom jiżguraw livelli għolja ta' saħħa u sigurtà fuq il-post tax-xogħol fis-setturi tal-produzzjoni, tar-riċiklaġġ, tat-tiswija, tat-tħejjija għall-użu mill-ġdid u tal-iskart, b'kunsiderazzjoni tar-riskji speċifiċi li jiffaċċjaw il-ħaddiema f'dawn is-setturi, u għandhom jiżguraw li l-leġiżlazzjoni eżistenti tal-Unjoni f'dan il-qasam tiġi implimentata u infurzata sew.

 

Emenda    79

Proposta għal direttiva

Premessa 33b (ġdida)

 

Test propost mill-Kummissjoni

Emenda

 

(33b)  Din id-Direttiva ġiet adottata fid-dawl tal-impenji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 2016 u għandha tiġi implimentata u applikata skont il-gwida li tinsab f'dan l-istess Ftehim.

 

Emenda    80

Proposta għal direttiva

Artikolu 1 – paragrafu 1 – punt -1 (ġdid)

Direttiva 2008/98/KE

Artikolu 1 – paragrafu 1

 

Test fis-seħħ

Emenda

 

(-1)  Fl-Artikolu 1, il-paragrafu 1 hu sostitwit b'dan li ġej:

Din id-Direttiva tistabbilixxi miżuri għall-protezzjoni ta’ l-ambjent u s-saħħa tal-bniedem permezz tal-prevenzjoni jew it-tnaqqis ta’ l-impatti negattivi tal-ġenerazzjoni u l-immaniġġar ta’ l-iskart, u permezz tat-tnaqqis ta’ l-impatti ġenerali ta’ l-użu ta’ riżorsi u t-titjib ta’ l-effiċjenza ta’ tali użu.

"Din id-Direttiva tistabbilixxi miżuri għall-protezzjoni tal-ambjent u s-saħħa tal-bniedem permezz tal-prevenzjoni jew it-tnaqqis tal-ġenerazzjoni tal-iskart, l-impatti negattivi tal-ġenerazzjoni u l-immaniġġar tal-iskart, u permezz tat-tnaqqis tal-impatti ġenerali tal-użu ta' riżorsi u t-titjib tal-effiċjenza ta' tali użu, li huma kruċjali għat-tranżizzjoni lejn ekonomija ċirkolari u sabiex tiġi żgurata l-kompetittività fit-tul tal-UE."

Ġustifikazzjoni

Id-Direttiva Qafas dwar l-Iskart hija strument importanti biex tissaħħaħ l-ekonomija ċirkolari. Dan għandu jkun ċar fil-kamp ta' applikazzjoni tad-Direttiva.

 

 

Emenda    81

Proposta għal direttiva

Artikolu 1 – paragrafu 1 – punt 2 – punt a

Direttiva 2008/98/KE

Artikolu 3 – punt 1a

 

Test propost mill-Kummissjoni

Emenda

‘'1a.   "skart muniċipali" tfisser

‘'1a.   "skart muniċipali" tfisser

(a)  skart imħallat u skart miġbur b'mod separat mid-djar, inklużi:

(a)  skart imħallat u skart miġbur b'mod separat mid-djar, inklużi:

–  karta u kartun, metalli tal-ħġieġ, plastik, bijoskart, injam, tessuti, tagħmir elettriku u elettroniku mormi, batteriji u akkumulaturi mormija;

–  karta u kartun, metalli tal-ħġieġ, plastik, bijoskart, injam, tessuti, tagħmir elettriku u elettroniku mormi, batteriji u akkumulaturi mormija;

–  skart goff, inklużi apparat domestiku, saqqijiet u għamara;

–  skart goff, inklużi saqqijiet u għamara;

–  skart tal-ġonna, inklużi l-weraq u l-ħaxix maqtugħ;

–  skart tal-ġonna, inklużi l-weraq u l-ħaxix maqtugħ;

(b)  skart imħallat u skart miġbur b'mod separat minn sorsi oħra, li huwa paragunabbli għall-iskart tad-djar fin-natura, fil-kompożizzjoni u fil-kwantità tiegħu.

(b)  skart imħallat u skart miġbur b'mod separat minn negozji żgħar, bini ta' uffiċċji u istituzzjonijiet inklużi l-iskejjel, l-isptarijiet, u l-bini tal-gvern, li huwa paragunabbli għall-iskart tad-djar fin-natura u fil-kompożizzjoni tiegħu.

(c)  skart mit-tindif tas-suq u skart minn servizzi ta' tindif tat-toroq, inkluż il-knis tat-triq, il-kontenu tal-laned taż-żibel, l-iskart mill-manutenzjoni tal-parks u tal-ġonna.

(c)  skart mit-tindif tas-suq u skart minn servizzi ta' tindif tat-toroq, inkluż il-knis tat-triq, il-kontenu tal-laned taż-żibel, l-iskart mill-manutenzjoni tal-parks u tal-ġonna.

L-iskart muniċipali ma jinkludix l-iskart min-netwerk u mit-trattament tad-drenaġġ, inklużi l-ħama tad-drenaġġ u l-iskart tal-kostruzzjoni u d-demolizzjoni.

L-iskart muniċipali ma jinkludix l-iskart min-netwerk u mit-trattament tad-drenaġġ, inklużi l-ħama tad-drenaġġ u l-iskart tal-kostruzzjoni u d-demolizzjoni.

 

Id-definizzjoni ta' skart muniċipali f'din id-Direttiva għandha tapplika irrispettivament mill-istatus pubbliku jew privat tal-operatur li jimmaniġġja l-iskart;";

 

 

 

Emenda    82

Proposta għal direttiva

Artikolu 1 – paragrafu 1 – punt 2 – punt aa (ġdid)

Direttiva 2008/98/KE

Artikolu 3 – punt 1b (ġdid)

 

Test propost mill-Kummissjoni

Emenda

 

(aa)   jiddaħħal il-punt li ġej:

 

“1b.   "skart kummerċjali u industrijali" tfisser skart imħallat u skart miġbur b'mod separat li jkun ġej minn attivitajiet u/jew bini kummerċjali u industrijali.

 

Skart kummerċjali u industrijali ma jinkludix skart muniċipali, skart tal-kostruzzjoni u d-demolizzjoni u skart min-netwerk u mit-trattament tad-drenaġġ, inkluża l-ħama tad-drenaġġ;";

 

Emenda    83

Proposta għal direttiva

Artikolu 1 – paragrafu 1 – punt 2 – punt b

Direttiva 2008/98/KE

Artikolu 3 – punt 2a

 

Test propost mill-Kummissjoni

Emenda

2a.   "skart mhux perikoluż" tfisser skart li ma jkollu l-ebda waħda mill-karatteristiċi perikolużi elenkati fl-Anness III;

2a.   "skart mhux perikoluż" tfisser skart li mhuwiex kopert mill-punt 2 ta' dan l-Artikolu;

Ġustifikazzjoni

Id-definizzjoni ta' skart mhux perikoluż hija allinjata mad-definizzjoni fis-seħħ s'issa skont l-Artikolu 2(d) tad-Direttiva 1999/31/KE.

 

Emenda    84

Proposta għal direttiva

Artikolu 1 – paragrafu 1 – punt 2 – punt c

Direttiva 2008/98/KE

Artikolu 3 – punt 4

 

Test propost mill-Kummissjoni

Emenda

4.  "bijoskart" tfisser skart bijodegradabbli mill-ġonna u mill-parks, skart tal-ikel u tal-kċina mid-djar, mir-restorants, mill-caterers u mill-ħwienet bl-imnut, skart paragunabbli minn impjanti ta' pproċessar tal-ikel, u skart ieħor b'karatteristiċi simili ta' bijodegradibbiltà li huwa paragunabbli fin-natura, fil-kompożizzjoni u fil-kwantità tiegħu;

4.  "bijoskart" tfisser skart bijodegradabbli mill-ġonna u mill-parks, skart tal-ikel u tal-kċina mid-djar, mir-restorants, mill-caterers u mill-ħwienet bl-imnut, skart paragunabbli minn impjanti ta' pproċessar tal-ikel, u skart ieħor b'karatteristiċi simili ta' bijodegradibbiltà u kompostabbiltà;

 

 

Emenda    85

Proposta għal direttiva

Artikolu 1 – paragrafu 1 – punt 2 – punt da (ġdid)

Direttiva 2008/98/KE

Artikolu 3 – punt 9

 

Test fis-seħħ

Emenda

 

(da)  il-punt 9 jinbidel b'dan li ġej:

9.   "maniġġar ta' l-iskart" tfisser il-ġbir, it-trasport, l-irkupru u r-rimi ta' skart, inklużi s-superviżjoni ta' tali operazzjonijiet u l-kura ta' wara tas-siti tar-rimi, u inklużi l-azzjonijiet li jittieħdu bħala negozjant jew sensar;

"9.   "immaniġġjar tal-iskart" tfisser il-ġbir, it-trasport, is-separazzjoni, l-irkupru u r-rimi ta' skart, inklużi s-superviżjoni ta' tali operazzjonijiet u l-kura ta' wara tas-siti tar-rimi, u inklużi l-azzjonijiet li jittieħdu bħala negozjant jew sensar;";

Ġustifikazzjoni

L-operazzjonijiet ta' separazzjoni tal-iskart huma essenzjali għall-immaniġġjar xieraq tal-iskart bil-ħsieb tat-tħejjija għall-użu mill-ġdid u għar-riċiklaġġ, u għalhekk għandhom jiġu inklużi f'din id-definizzjoni.

 

Emenda    86

Proposta għal direttiva

Artikolu 1 – paragrafu 1 – punt 2 – punt db (ġdid)

Direttiva 2008/98/KE

Artikolu 3 – punt 11

 

Test fis-seħħ

Emenda

 

(db)  il-punt 11 jinbidel b'dan li ġej:

11.   "ġbir separat" tfisser il-ġbir fejn il-fluss ta' skart jinżamm separat skond it-tip u l-karatteristika sabiex ikun faċilitat trattament speċifiku;

"11.   "ġbir separat" tfisser il-ġbir fejn il-fluss ta' skart jinżamm separat skont it-tip u l-karatteristika sabiex ikun faċilitat trattament speċifiku, b'mod partikolari l-operazzjonijiet ta' tħejjija għall-użu mill-ġdid u r-riċiklaġġ;";

Ġustifikazzjoni

Il-ġbir separat ta' tipi differenti ta' skart huwa prerekwiżit bażiku biex ikunu jistgħu jitwettqu operazzjonijiet ta' tħejjija għall-użu mill-ġdid u riċiklaġġ tal-iskart.

 

 

Emenda    87

Proposta għal direttiva

Artikolu 1 – paragrafu 1 – punt 2 – punt e

Direttiva 2008/98/KE

Artikolu 3 – punt 16

 

Test propost mill-Kummissjoni

Emenda

16.  "tħejjija għall-użu mill-ġdid" tfisser il-verifika, it-tindif jew it-tiswija tal-operati ta' rkupru, li permezz tagħhom l-iskart, il-prodotti jew il-komponenti ta' prodotti li jkunu nġabru minn operatur rikonoxxut ta' tħejjija għall-użu mill-ġdid jew minn skema ta' rifużjonijiet tad-depożitu, jiħejjew sabiex jiġu użati mill-ġdid mingħajr xi preproċessar ieħor;

16.  "tħejjija għall-użu mill-ġdid" tfisser l-operazzjonijiet ta' verifika, tindif jew tiswija għal finijiet ta' rkupru, li permezz tagħhom il-prodotti jew il-komponenti ta' prodotti li jkunu saru skart u jkunu nġabru minn operatur rikonoxxut ta' tħejjija għall-użu mill-ġdid jitħejjew sabiex jintużaw mill-ġdid mingħajr ebda preproċessar ieħor;

 

 

Emenda    88

Proposta għal direttiva

Artikolu 1 – paragrafu 1 – punt 2 – punt ea (ġdid)

Direttiva 2008/98/KE

Artikolu 3 – punt 16a (ġdid)

 

Test propost mill-Kummissjoni

Emenda

 

(ea)  jiddaħħal il-punt li ġej:

 

"16a.   "operatur ta' tħejjija għall-użu mill-ġdid" tfisser impriża li tittratta l-iskart u li taħdem tul il-katina tal-proċess ta' tħejjija għall-użu mill-ġdid skont ir-regoli applikabbli;";

Ġustifikazzjoni

F'diversi Stati Membri, l-operatur ta' tħejjija għall-użu mill-ġdid mhuwiex definit f'liġijiet speċifiċi. F'konformità mar-rekwiżiti stabbiliti f'din id-Direttiva, jeħtieġ tiġi introdotta definizzjoni armonizzata.

 

 

Emenda    89

Proposta għal direttiva

Artikolu 1 – paragrafu 1 – punt 2 – punt ea (ġdid)

Direttiva 2008/98/KE

Artikolu 3 – punt 16b (ġdid)

 

Test propost mill-Kummissjoni

Emenda

 

(eb)  jiddaħħal il-punt li ġej:

 

"16b.  "manifattura mill-ġdid" tfisser il-proċess li permezz tiegħu prodott jinġieb f'kundizzjoni qisu ġdid permezz tal-użu mill-ġdid, ir-rikondizzjonar u s-sostituzzjoni ta' partijiet komponenti;";

 

Emenda    90

Proposta għal direttiva

Artikolu 1 – paragrafu 1 – punt 2 – punt ec (ġdid)

Direttiva 2008/98/KE

Artikolu 3 – punt 17

 

Test fis-seħħ

Emenda

 

(ec)  il-punt 17 jinbidel b'dan li ġej:

17.   "riċiklaġġ" tfisser kwalunkwe operazzjoni ta' rkupru li biha l-materjali ta' l-iskart jiġu pproċessati mill-ġdid fi prodotti, materjali jew sustanzi għall-użu oriġinali jew għal skopijiet oħra. Dan jinkludi il-proċessar mill-ġdid ta' materjal organiku iżda ma jinkludix irkupru ta' enerġija u l-ipproċessar mill-ġdid f’materjali li għandhom jintużaw bħala karburanti jew għal operazzjonijiet ta' radam mill-ġdid;

"17.  "riċiklaġġ" tfisser kwalunkwe operazzjoni ta' rkupru li biha l-materjali tal-iskart jiġu pproċessati mill-ġdid fi prodotti, materjali jew sustanzi għall-użu oriġinali jew għal skopijiet oħra. Dan jinkludi r-riċiklaġġ organiku iżda ma jinkludix irkupru ta' enerġija u l-ipproċessar mill-ġdid f'materjali li għandhom jintużaw bħala karburanti jew għal operazzjonijiet ta' radam mill-ġdid;";

 

 

 

Emenda    91

Proposta għal direttiva

Artikolu 1 – paragrafu 1 – punt 2 – punt ed (ġdid)

Direttiva 2008/98/KE

Artikolu 3 – punt -17a (ġdid)

 

Test propost mill-Kummissjoni

Emenda

 

(ed)  jiddaħħal il-punt li ġej:

 

"- 17a.  "riċiklaġġ organiku" tfisser riċiklaġġ fl-għamla ta' trattament aerobiku jew anaerobiku, jew trattament ieħor tal-partijiet bijodegradabbli tal-iskart, li jipproduċi prodotti, materjali jew sustanzi; it-trattament bijoloġiku mekkaniku u l-miżbliet mhumiex meqjusa bħala għamla ta' riċiklaġġ organiku;";

Ġustifikazzjoni

Qed tiġi introdotta mill-ġdid id-definizzjoni ta' riċiklaġġ organiku skont id-Direttiva 94/62/KE, f'konformità mar-rekwiżiti l-ġodda introdotti għar-riċiklaġġ tal-bijoskart.

 

 

 

Emenda    92

Proposta għal direttiva

Artikolu 1 – paragrafu 1 – punt 2 – punt f

Direttiva 2008/98/KE

Artikolu 3 – punt 17a

 

Test propost mill-Kummissjoni

Emenda

17a.   "proċess aħħari ta' riċiklaġġ" tfisser il-proċess ta' riċiklaġġ li jibda meta ma jkun meħtieġ l-ebda operat ulterjuri ta' separazzjoni mekkanika, u l-materjal ta' skart jidħol fi proċess ta' produzzjoni u jiġi effettivament riproċessat fi prodotti, materjali jew sustanzi;

17a.   "proċess aħħari ta' riċiklaġġ" tfisser il-proċess ta' riċiklaġġ li jibda meta ma tkun meħtieġa l-ebda operazzjoni ulterjuri ta' separazzjoni, u l-materjal ta' skart jiġi effettivament riproċessat fi prodotti, materjali jew sustanzi;

Ġustifikazzjoni

Id-definizzjoni ta' "proċess aħħari ta' riċiklaġġ" trid tkun konsistenti mad-definizzjoni ta' riċiklaġġ stabbilita fil-punt 17.

 

 

Emenda    93

Proposta għal direttiva

Artikolu 1 – paragrafu 1 – punt 2 – punt f

Direttiva 2008/98/KE

Artikolu 3 – punt 17b

 

Test propost mill-Kummissjoni

Emenda

17b.  "radam mill-ġdid" tfisser kull operat ta' rkupru fejn l-iskart xieraq jintuża għal finijiet ta' rkupru f'żoni skavati jew għal finijiet ta' inġinerija fil-pjanifikazzjoni tal-art jew fil-kostruzzjoni, minflok materjali oħra mhux skart li, kieku mod ieħor, kien ikun jintuża għal dak l-istess għan;

17b.  "radam mill-ġdid" tfisser kull operazzjoni ta' rkupru, ħlief għar-riċiklaġġ, fejn skart inert u mhux perikoluż xieraq jew skart mhux perikoluż ieħor jintuża għal finijiet ta' rkupru f'żoni skavati jew għal finijiet ta' inġinerija fil-pjanifikazzjoni tal-art jew fil-kostruzzjoni, minflok materjali oħra mhux skart li, kieku mod ieħor, kien ikun jintuża għal dak l-istess għan u jintuża fi kwantitajiet li ma jaqbżux dak li huwa strettament meħtieġ għall-finijiet ta' rkupru jew ta' inġinerija;

Ġustifikazzjoni

Huwa importanti – għall-ħarsien tal-ambjent u tas-saħħa tal-bniedem – li skart inert u mhux perikoluż biss ikun jista' jintuża għal operazzjonijiet ta' radam mill-ġdid.

 

Emenda    94

Proposta għal direttiva

Artikolu 1 – paragrafu 1 – punt 2 – punt fa (ġdid)

Direttiva 2008/98/KE

Artikolu 3 – punt 17c (ġdid)

 

Test propost mill-Kummissjoni

Emenda

 

(fa)  Jiddaħħal il-punt li ġej:

 

"17c.   "dilwizzjoni" tfisser it-taħlit ta' skart ma' materjal jew skart wieħed jew aktar bil-għan li titbaxxa, mingħajr trasformazzjoni kimika, il-konċentrazzjoni ta' komponent wieħed jew aktar preżenti fl-iskart, sabiex l-iskart dilwit ikun jista' jintbagħat f'faċilità ta' trattament jew ta' riċiklaġġ li mhuwiex permess għall-iskart mhux dilwit.";

Ġustifikazzjoni

L-Artikolu 18 (projbizzjoni fuq it-taħlit ta' skart perikoluż) diġà jkopri d-"dilwizzjoni". Għalhekk jidher xieraq li tiġi inkluża definizzjoni ċara ta' dan il-kunċett. Tista' ssir referenza għall-approċċ Fjamming dwar l-implimentazzjoni tal-Artikolu 18 li huwa rikonoxxut bħala eżempju tajjeb fi studju dwar l-immaniġġjar ta' skart perikoluż li sar minn BIPRO f'Diċembru 2015 f'isem il-Kummissjoni Ewropea.

 

 

Emenda    95

Proposta għal direttiva

Artikolu 1 – punt 2 – punt fb (ġdid)

Direttiva 2008/98/KE

Artikolu 3 – punt 20a (ġdid)

 

Test propost mill-Kummissjoni

Emenda

 

(fb)   jiżdied il-punt li ġej:

 

"20a.   "dekontaminazzjoni" tfisser kwalunkwe operazzjoni li tikkonsisti fit-tneħħija jew it-trattament ta' komponenti perikolużi mhux mixtieqa jew sustanzi li jniġġsu mill-iskart sabiex dawn jinqerdu.";

 

 

Emenda    96

Proposta għal direttiva

Artikolu 1 – paragrafu 1 – punt 2 – punt fc (ġdid)

Direttiva 2008/98/KE

Artikolu 3 – punt 20b (ġdid)

 

Test propost mill-Kummissjoni

Emenda

 

(fc)  jiżdied il-punt li ġej:

 

"20b.  "separazzjoni" tfisser kwalunkwe operazzjoni tal-immaniġġjar tal-iskart li tissepara l-iskart miġbur fi frazzjonijiet u sub-frazzjonijiet differenti;";

 

 

Emenda    97

Proposta għal direttiva

Artikolu 1 – paragrafu 1 – punt 2 – punt fd (ġdid)

Direttiva 2008/98/KE

Artikolu 3 – punt 20c (ġdid)

 

Test propost mill-Kummissjoni

Emenda

 

(fd)  jiżdied il-punt li ġej:

 

"20c.  "żibel" tfisser skart ta' daqs żgħir f'żoni aċċessibbli għall-pubbliku li jkun intrema b'mod mhux xieraq fl-ambjent, sew jekk intenzjonalment u sew jekk b'negliġenza;";

Ġustifikazzjoni

Id-definizzjoni qed tiġi introdotta f'konformità mar-rekwiżiti l-ġodda stabbiliti fid-Direttiva emendata. Barra minn hekk, it-terminu Ingliż "litter" mhuwiex traduċibbli faċilment bil-lingwi kollha, u għalhekk huwa essenzjali li tingħata definizzjoni.

 

 

Emenda    

Proposta għal direttiva

Artikolu 1 – paragrafu 1 – punt 2 – punt fe (ġdid)

Direttiva 2008/98/KE

Artikolu 3 – punt 20d (ġdid)

 

Test propost mill-Kummissjoni

Emenda

 

(fe)  jiżdied il-punt li ġej:

 

"20d.   "skart tal-ikel" tfisser ikel maħsub għall-konsum mill-bniedem, sew jekk fl-istatus li jittiekel u sew jekk le, li jkun tneħħa mill-katina tal-produzzjoni jew tal-provvista biex jiġi skartat, inkluż fil-livell tal-produzzjoni primarja, l-ipproċessar, il-manifattura, it-trasport, il-ħżin, il-bejgħ bl-imnut u l-konsum, bl-eċċezzjoni tat-telf fil-livell tal-produzzjoni primarja;";

 

 

 

Emenda    99

Proposta għal direttiva

Artikolu 1 – paragrafu 1 – punt 2 – punt ff (ġdid)

Direttiva 2008/98/KE

Artikolu 3 – punt 20e (ġdid)

 

Test propost mill-Kummissjoni

Emenda

 

(ff)  jiżdied il-punt li ġej:

 

"20e.   "skart residwu" tfisser skart li jkun ġej minn operazzjoni ta' trattament jew irkupru, inkluż mir-riċiklaġġ, li ma jkunx jista' jiġi rkuprat ulterjorment u li allura jkollu jintrema;";

 

 

Emenda    100

Proposta għal direttiva

Artikolu 1 – paragrafu 1 – punt 2 – punt fg (ġdid)

Direttiva 2008/98/KE

Artikolu 3 – punt 20f (ġdid)

 

Test propost mill-Kummissjoni

Emenda

 

(fg)  jiżdied il-punt li ġej:

 

"20f.  "strumenti ekonomiċi" tfisser kwalunkwe strument, sistema jew arranġament li Stat Membru jew grupp ta' Stati Membri japplikaw biex jippromwovu l-użu ta' materja prima sekondarja miksuba mill-użu mill-ġdid jew mir-riċiklaġġ.";

 

 

Emenda    101

Proposta għal direttiva

Artikolu 1 – paragrafu 1 – punt 2a (ġdid)

Direttiva 2008/98/KE

Artikolu 4 – paragrafu 2 – subparagrafu 1

 

Test fis-seħħ

Emenda

 

(2a)  Fl-Artikolu 4(2), l-ewwel subparagrafu jinbidel b'dan li ġej:

2.   Fl-applikazzjoni tal-ġerarkija ta' l-iskart imsemmija fil-paragrafu 1, l-Istati Membri għandhom jieħdu miżuri biex jinkoraġġixxu l-għażliet li jagħtu l-aqwa riżultat ambjentali ġenerali. Dan jista' jeħtieġ li xi tipi speċifiċi ta' skart ma jsegwux il-ġerarkija fejn dan ikun ġustifikat mill-kunsiderazzjoni taċ-ċiklu tal-ħajja fuq l-impatti ġenerali tal-ġenerazzjoni u l-immaniġġar ta' tali skart.

"2.   Fl-applikazzjoni tal-ġerarkija tal-iskart imsemmija fil-paragrafu 1, l-Istati Membri għandhom jieħdu miżuri biex jinkoraġġixxu l-għażliet li jagħtu l-aqwa riżultat ambjentali ġenerali. Dan jista' jeħtieġ li xi tipi speċifiċi ta' skart ma jsegwux il-ġerarkija fejn dan ikun ġustifikat mill-kunsiderazzjoni taċ-ċiklu tal-ħajja fuq l-impatti ġenerali tal-ġenerazzjoni u l-immaniġġjar ta' tali skart. Dan jista' jeħtieġ li ċertu skart jgħaddi minn proċess ta' dekontaminazzjoni qabel trattament ulterjuri.";

Ġustifikazzjoni

Il-ġerarkija tal-iskart għandha tqis stadju ta' dekontaminazzjoni għall-iskart perikoluż qabel l-irkupru sabiex jiġi żgurat li l-iskart riċiklat ma jkunx fih sustanzi li jistgħu jkunu perikolużi għas-saħħa tal-bniedem u għall-ambjent.

 

Emenda    102

Proposta għal direttiva

Artikolu 1 – paragrafu 1 – punt 3

Direttiva 2008/98/KE

Artikolu 4 – paragrafu 3 – subparagrafu 1

 

Test propost mill-Kummissjoni

Emenda

3.   L-Istati Membri għandhom jużaw strumenti ekonomiċi xierqa biex jipprovdu inċentivi għall-applikazzjoni tal-ġerarkija tal-iskart.

3.   L-Istati Membri għandhom jużaw strumenti ekonomiċi xierqa u jieħdu miżuri oħrajn biex jipprovdu inċentivi għall-applikazzjoni tal-ġerarkija tal-iskart. Tali strumenti u miżuri jistgħu jinkludu l-istrumenti u l-miżuri indikati fl-Anness IVa biex iħeġġu l-implimentazzjoni tal-programmi ta' prevenzjoni tal-iskart imsemmija fl-Artikolu 29 u jappoġġjaw l-attivitajiet immirati lejn l-ilħiq tal-miri tat-tħejjija għall-użu mill-ġdid u r-riċiklaġġ stabbiliti fil-paragrafu 2 tal-Artikolu 11 b'tali mod li jimmassimizzaw l-użu tal-materja prima sekondarja u jikkumpensaw għad-diskrepanzi tal-ispejjeż tal-materja prima verġni.

 

 

Emenda    103

Proposta għal direttiva

Artikolu 1 – paragrafu 1 – punt 3

Direttiva 2008/98/KE

Artikolu 4 – paragrafu 3 – subparagrafu 2

 

Test propost mill-Kummissjoni

Emenda

L-Istati Membri għandhom jirrappurtaw lill-Kummissjoni l-istrumenti speċifiċi previsti skont dan il-paragrafu sa [daħħal id-data ta' tmintax-il xahar wara d-dħul fis-seħħ ta' din id-Direttiva], u kull ħames snin wara dik id-data.

L-Istati Membri għandhom jirrappurtaw lill-Kummissjoni l-istrumenti speċifiċi previsti skont dan il-paragrafu sa [daħħal id-data ta' tmintax-il xahar wara d-dħul fis-seħħ ta' din id-Direttiva], u kull tliet snin wara dik id-data.

 

 

Emenda    104

Proposta għal direttiva

Artikolu 1 – paragrafu 1 – punt 3a (ġdid)

Direttiva 2008/98/KE

Artikolu 4 – paragrafu 3a (ġdid)

 

Test propost mill-Kummissjoni

Emenda

 

(3a)   Fl-Artikolu 4, jiżdied il-paragrafu li ġej:

 

“3a.  L-Istati Membri għandhom jistabbilixxu sistemi ta' tariffi sabiex jiżguraw il-finanzjament tal-infrastruttura tal-immaniġġjar tal-iskart għall-iskart muniċipali, li hija meħtieġa għall-implimentazzjoni ta' din id-Direttiva.";

Ġustifikazzjoni

Huma biss l-introduzzjoni u l-ottimizzazzjoni tat-tariffi u l-ħlasijiet għar-rimi (b'mod partikolari l-iskart muniċipali) li jiggarantixxu l-finanzjament sostenibbli tal-infrastruttura tal-immaniġġjar tal-iskart u l-operat tagħha. Dan jinkludi l-ġbir, u fejn meħtieġ is-separazzjoni, kif ukoll ir-riċiklaġġ, l-irkupru tal-enerġija u r-rimi tal-iskart. Għalhekk hija meħtieġa konkretizzazzjoni f'dan ir-rigward. Iżda dan ma jeskludix servizzi privati tal-immaniġġjar tal-iskart.

 

 

Emenda    105

Proposta għal direttiva

Artikolu 1 – paragrafu 1 – punt 3b (ġdid)

Direttiva 2008/98/KE

Artikolu 4 – paragrafu 3b (ġdid)

 

Test propost mill-Kummissjoni

Emenda

 

(3b)   Fl-Artikolu 4, jiżdied il-paragrafu li ġej:

 

"3b.   L-Istati Membri għandhom japplikaw il-ġerarkija tal-iskart sabiex tissaħħaħ it-tranżizzjoni lejn ekonomija ċirkolari. Għal dan il-għan, f'konformità mar-Regolament (UE) Nru 1303/2013 tal-Parlament Ewropew u tal-Kunsill1a, l-Istati Membri għandhom japplikaw il-ġerarkija tal-iskart fl-allokazzjoni tal-fondi kollha tal-Unjoni u għandhom jagħtu prijorità lill-prevenzjoni, l-użu mill-ġdid, it-tħejjija għall-użu mill-ġdid u r-riċiklaġġ fl-investimenti fl-infrastruttura tal-immaniġġjar tal-iskart.

 

_________________

 

1a Ir-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (ĠU L 347, 20.12.2013, p. 320).";"

 

Emenda    106

Proposta għal direttiva

Artikolu 1 – paragrafu 1 – punt 3c (ġdid)

Direttiva 2008/98/KE

Artikolu 4 – paragrafu 3c (ġdid)

 

Test propost mill-Kummissjoni

Emenda

 

(3c)  Fl-Artikolu 4, jiżdied il-paragrafu li ġej:

 

"3c.   L-iskart għandu jiġi sseparat qabel l-irkupru tal-enerġija jew ir-rimi finali f'miżbla sabiex tiġi appoġġjata l-estrazzjoni effikaċi ta' materjali riċiklabbli. Il-partijiet bijodegradabbli għandhom jiġu ttrattati wkoll.

 

B'deroga mill-ewwel subparagrafu, il-bijoskart miġbur separatament jista' jintbagħat f'impjanti ta' diġestjoni anaerobika jew proċessi oħra li jużaw l-iskart bijodegradabbli bħala l-input esklużiv tagħhom, sakemm il-kwalità tal-bijoskart tissodisfa r-rekwiżiti ta' dawk l-impjanti."

 

 

 

Emenda    107

Proposta għal direttiva

Artikolu 1 – paragrafu 1 – punt 3d (ġdid)

Direttiva 2008/98/KE

Artikolu 4a (ġdid)

 

Test propost mill-Kummissjoni

Emenda

 

(3d)   Jiddaħħal l-Artikolu li ġej:

 

"Artikolu 4a

 

Il-ġerarkija tal-iskart tal-ikel

 

1.   Fil-prevenzjoni, il-leġiżlazzjoni u l-politika tal-immaniġġjar tal-iskart tal-ikel għandha tapplika l-ġerarkija tal-iskart tal-ikel speċifika li ġejja f'ordni ta' prijorità:

 

(a)  il-prevenzjoni fis-sors;

 

(b)  is-salvataġġ tal-ikel li jittiekel, billi tingħata prijorità lill-użu mill-bniedem fuq l-għalf tal-annimali u l-ipproċessar mill-ġdid fi prodotti mhux alimentari;

 

(c)  ir-riċiklaġġ organiku;

 

(d)  l-irkupru tal-enerġija;

 

(e)  ir-rimi.

 

2.   L-Istati Membri għandhom jagħtu inċentivi għall-prevenzjoni tal-iskart tal-ikel, bħall-introduzzjoni ta' ftehimiet volontarji, l-iffaċilitar ta' donazzjonijiet ta' ikel jew, jekk ikun il-każ, it-teħid ta' miżuri finanzjarji u fiskali.

 

 

 

Emenda    108

Proposta għal direttiva

Artikolu 1 – paragrafu 1 – punt 4 – punt a

Direttiva 2008/98/KE

Artikolu 5 – paragrafu 1 – parti introduttorja

 

Test propost mill-Kummissjoni

Emenda

1.  L-Istati Membri għandhom jiżguraw li sustanza jew oġġett li jirriżultaw minn proċess ta' produzzjoni, li l-għan ewlieni tiegħu mhuwiex il-produzzjoni ta' dik is-sustanza jew dak il-prodott, ma jitqisux bħala skart, iżda prodott sekondarju jekk jintlaħqu l-kundizzjonijiet li ġejjin:

1.  Sustanza jew oġġett li jirriżultaw minn proċess ta' produzzjoni, li l-għan ewlieni tiegħu mhuwiex il-produzzjoni ta' dik is-sustanza jew dak il-prodott, ma għandhomx jitqiesu bħala skart, iżda prodott sekondarju jekk jintlaħqu l-kundizzjonijiet li ġejjin:

Ġustifikazzjoni

Bħala regola ġenerali, sustanza jew prodott li jirriżultaw minn prattika ta' simbjożi industrijali, li tikkostitwixxi proċess ta' produzzjoni li l-għan ewlieni tiegħu mhuwiex il-produzzjoni ta' dak il-prodott jew dik is-sustanza, għandhom jitqiesu bħala prodott sekondarju jekk jintlaħqu kundizzjonijiet speċifiċi. Il-Kummissjoni tista' tingħata s-setgħa li tistabbilixxi kriterji armonizzati dwar l-applikazzjoni tal-istatus ta' prodott sekondarju, billi tipprijoritizza prattiki ta' simbjożi industrijali u agrikola ppruvati u replikabbli. L-Istati Membri jistgħu jistabbilixxu l-applikazzjoni tal-istatus ta' prodott sekondarju fuq bażi ta' każ b'każ biss.

 

 

Emenda    109

Proposta għal direttiva

Artikolu 1 – paragrafu 1 – punt 4– punt b

Direttiva 2008/98/KE

Artikolu 5 – paragrafu 2

 

Test propost mill-Kummissjoni

Emenda

2.  Il-Kummissjoni għandu jkollha s-setgħa li tadotta atti delegati skont l-Artikolu 38a sabiex tistabbilixxi kriterji ddettaljati dwar l-applikazzjoni tal-kundizzjonijiet stipulati fl-paragrafu 1 għal sustanzi jew oġġetti speċifiċi.

2.  Il-Kummissjoni għandu jkollha s-setgħa li tadotta atti delegati skont l-Artikolu 38a sabiex tissupplimenta din id-Direttiva billi tistabbilixxi kriterji ddettaljati dwar l-applikazzjoni tal-kundizzjonijiet stipulati fl-paragrafu 1 għal sustanzi jew oġġetti speċifiċi. Fl-iżvilupp tal-kriterji ddettaljati l-Kummissjoni għandha tagħti prijorità lill-prattiki eżistenti u replikabbli ta' simbjożi industrijali.

Ġustifikazzjoni

Bħala regola ġenerali, sustanza jew prodott li jirriżultaw minn prattika ta' simbjożi industrijali, li tikkostitwixxi proċess ta' produzzjoni li l-għan ewlieni tiegħu mhuwiex il-produzzjoni ta' dak il-prodott jew dik is-sustanza, għandhom jitqiesu bħala prodott sekondarju jekk jintlaħqu kundizzjonijiet speċifiċi. Il-Kummissjoni tista' tingħata s-setgħa li tistabbilixxi kriterji armonizzati dwar l-applikazzjoni tal-istatus ta' prodott sekondarju, billi tipprijoritizza prattiki ta' simbjożi industrijali u agrikola ppruvati u replikabbli. L-Istati Membri jistgħu jistabbilixxu l-applikazzjoni tal-istatus ta' prodott sekondarju fuq bażi ta' każ b'każ biss.

 

Emenda    110

Proposta għal direttiva

Artikolu 1 – paragrafu 1 – punt 4 – punt ba (ġdid)

Direttiva 2008/98/KE

Artikolu 5 – paragrafu 2a (ġdid)

 

Test propost mill-Kummissjoni

Emenda

 

(ba)   jiddaħħal il-paragrafu li ġej:

 

"2a.   Meta l-kriterji ma jkunux ġew stabbiliti fil-livell tal-Unjoni skont il-proċedura stabbilita fil-paragrafu 2, l-Istati Membri jistgħu, fuq bażi ta' każ b'każ, jistabbilixxu kriterji ddettaljati dwar l-applikazzjoni tal-kundizzjonijiet stabbiliti fil-paragrafu 1 għal sustanzi jew prodotti speċifiċi, inklużi, fejn meħtieġ, valuri ta' limitu għas-sustanzi li jniġġsu.";

Ġustifikazzjoni

Bħala regola ġenerali, sustanza jew prodott li jirriżultaw minn prattika ta' simbjożi industrijali, li tikkostitwixxi proċess ta' produzzjoni li l-għan ewlieni tiegħu mhuwiex il-produzzjoni ta' dak il-prodott jew dik is-sustanza, għandhom jitqiesu bħala prodott sekondarju jekk jintlaħqu kundizzjonijiet speċifiċi. Il-Kummissjoni tista' tingħata s-setgħa li tistabbilixxi kriterji armonizzati dwar l-applikazzjoni tal-istatus ta' prodott sekondarju, billi tipprijoritizza prattiki ta' simbjożi industrijali u agrikola ppruvati u replikabbli. L-Istati Membri jistgħu jistabbilixxu l-applikazzjoni tal-istatus ta' prodott sekondarju fuq bażi ta' każ b'każ biss.

 

 

Emenda    111

Proposta għal direttiva

Artikolu 1 – paragrafu 1 – punt 4 – punt c

Direttiva 2008/98/KE

Artikolu 5 – paragrafu 3

 

Test propost mill-Kummissjoni

Emenda

3.   L-Istati Membri għandhom jinnotifikaw lill-Kummissjoni bir-regolament tekniċi adottati skont il-paragrafu 1 tad-Direttiva 2015/1535/KE tal-Parlament Ewropew u tal-Kunsill tad-9 ta' Settembru 2015 li tistabbilixxi proċedura għall-għoti ta’ informazzjoni fil-qasam tar-regolamenti tekniċi u tar-regoli dwar is-servizzi tas-Soċjetà tal-Informatika (*), fejn dan ikun meħtieġ minn dik id-Direttiva.

3.   L-Istati Membri għandhom jinnotifikaw lill-Kummissjoni bir-regolament tekniċi adottati skont il-paragrafu 2a tad-Direttiva 2015/1535/KE* tal-Parlament Ewropew u tal-Kunsill.

_______________

______________

(*) ĠU L 241, 17.9.2015, p. 1.

* Id-Direttiva (UE) 2015/1535 tal-Parlament Ewropew u tal-Kunsill tad-9 ta' Settembru 2015 li tistabbilixxi proċedura għall-għoti ta' informazzjoni fil-qasam tar-regolamenti tekniċi u tar-regoli dwar is-servizzi tas-Soċjetà tal-Informatika (ĠU L 241, 17.9.2015, p. 1).

 

Emenda    112

Proposta għal direttiva

Artikolu 1 – paragrafu 1 – punt 5 – punt a – punt i

Direttiva 2008/98/KE

Artikolu 6 – paragrafu 1 – parti introduttorja

 

Test propost mill-Kummissjoni

Emenda

1.  L-Istati Membri għandhom jiżguraw li l-iskart li jkun għadda minn operat ta' rkupru jitqies li m'għadux skart jekk jikkonforma mal-kundizzjonijiet li ġejjin:

1.  L-Istati Membri għandhom jiżguraw li l-iskart li jkun għadda minn operazzjoni ta' riċiklaġġ jew ta' rkupru ieħor jitqies li m'għadux skart jekk jikkonforma mal-kundizzjonijiet li ġejjin:

 

 

Emenda    113

Proposta għal direttiva

Artikolu 1 – paragrafu 1 – punt 5 – punt b

Direttiva 2008/98/KE

Artikolu 6 – paragrafu 2

 

Test propost mill-Kummissjoni

Emenda

2.  Il-Kummissjoni għandu jkollha s-setgħa li tadotta atti delegati skont l-Artikolu 38a sabiex tistabbilixxi kriterji ddettaljati dwar l-applikazzjoni tal-kundizzjonijiet stipulati fl-paragrafu 1 għal ċerti tipi ta' skart. Fejn ikun meħtieġ, dawk il-kriterji ddettaljati għandhom jinkludu valuri ta’ limitu għas-sustanzi li jniġġsu, u għandhom iqisu kull effett ambjentali ħażin possibbli li jista' jkollhom is-sustanza jew l-oġġett.

2.  Il-Kummissjoni għandu jkollha s-setgħa li tadotta atti delegati skont l-Artikolu 38a, abbażi tal-monitoraġġ tas-sitwazzjonijiet fl-Istati Membri, sabiex tissupplimenta din id-Direttiva billi tistabbilixxi kriterji ddettaljati dwar l-applikazzjoni tal-kundizzjonijiet stipulati fl-paragrafu 1 għal tipi speċifiċi ta' skart. Fejn ikun meħtieġ, dawk il-kriterji ddettaljati għandhom jinkludu valuri ta' limitu għas-sustanzi li jniġġsu, u għandhom iqisu kull effett ħażin li jista' jkollhom is-sustanza jew l-oġġett fuq is-saħħa tal-bniedem u/jew l-ambjent.

Ġustifikazzjoni

Bħala regola ġenerali, il-Kummissjoni għandu jkollha s-setgħa li tadotta atti delegati li jistabbilixxu dispożizzjonjiet armonizzati dwar il-kriterji għall-għoti tal-istatus ta' tmiem tal-ħajja għal ċerti tipi ta' skart. Meta ma jkunux ġew stabbiliti kriterji bħal dawn fil-livell tal-UE, l-Istati Membri għandhom ikunu jistgħu jistabbilixxu kriterji nazzjonali skont kundizzjonijiet speċifiċi stabbiliti fl-Artikolu 6(1). Meta dawn il-kriterji ma jkunu ġew stabbiliti lanqas fil-livell nazzjonali, l-Istati Membri għandhom jiżguraw li l-iskart li jkun għadda minn proċess ta' rkupru ma jibqax jitqies bħala skart jekk jissodisfa l-kundizzjonijiet stabbiliti fl-Artikolu 6(1), li għandhom jiġu vverifikati fuq bażi ta' każ b'każ mill-awtoritajiet kompetenti nazzjonali.

 

 

 

Emenda    114

Proposta għal direttiva

Artikolu 1 – paragrafu 1 – punt 5 – punt b

Direttiva 2008/98/KE

Artikolu 6 – paragrafu 3

 

Test propost mill-Kummissjoni

Emenda

3.  L-iskart li jitqies li m'għadux skart skont il-paragrafu 1 jista' jitqies imħejji għall-użu mill-ġdid, riċiklat jew irkuprat għall-fini tal-kalkolu tal-ilħiq tal-miri stipulati f'din id-Direttiva, fid-Direttiva 94/62/KE, fid-Direttiva 2000/53/KE, fid-Direttiva 2006/66/KE u fid-Direttiva 2012/19/UE tal-Parlament Ewropew u tal-Kunsill(*), rispettivament, jekk ikun ġie soġġett għal tħejjija għall-użu mill-ġdid, għar-riċiklaġġ jew għall-irkupru skont dawk id-Direttivi.

3.  L-iskart li m'għadux skart skont il-paragrafu 1 jista' jitqies għall-fini tal-kalkolu tal-ilħiq tal-miri ta' tħejjija għall-użu mill-ġdid, riċiklaġġ jew irkupru stipulati f'din id-Direttiva, fid-Direttiva 94/62/KE, fid-Direttiva 2000/53/KE, fid-Direttiva 2006/66/KE u fid-Direttiva 2012/19/UE tal-Parlament Ewropew u tal-Kunsill(*) jekk ikun ġie soġġett, rispettivament, għal operazzjoni ta' tħejjija għall-użu mill-ġdid, riċiklaġġ jew irkupru skont dawk id-Direttivi. Il-piż tal-iskart li jitqies li m'għadux skart jista' jiġi rrappurtat bħala riċiklat jekk il-materjal jew is-sustanzi li jitqiesu li m'għadhomx skart għandhom ikunu soġġetti għal proċessar mill-ġdid, ħlief għall-irkupru tal-enerġija u l-ipproċessar mill-ġdid f'materjali li għandhom jintużaw bħala karburanti jew għal operazzjonijiet ta' radam mill-ġdid.

Ġustifikazzjoni

Din l-emenda ttejjeb iċ-ċarezza legali, billi tirrikonoxxi li l-iskart li ma jkunx għadu skart skont l-Artikolu 6(1) jitqies għall-fini tal-kalkolu.

 

 

 

 

Emenda    115

Proposta għal direttiva

Artikolu 1 – paragrafu 1 – punt 5 – punt b

Direttiva 2008/98/KE

Artikolu 6 – paragrafu 3a (ġdid)

 

Test propost mill-Kummissjoni

Emenda

 

3a.   Meta l-kriterji ma jkunux ġew stabbiliti fil-livell tal-Unjoni skont il-proċedura stabbilita fil-paragrafu 2, l-Istati Membri jistgħu jistabbilixxu kriterji ddettaljati dwar l-applikazzjoni tal-kundizzjonijiet stabbiliti fil-paragrafu 1 għal skart speċifiku, inklużi valuri ta' limitu għas-sustanzi li jniġġsu.

Ġustifikazzjoni

Bħala regola ġenerali, il-Kummissjoni għandu jkollha s-setgħa li tadotta atti delegati li jistabbilixxu dispożizzjonjiet armonizzati dwar il-kriterji għall-għoti tal-istatus ta' tmiem tal-ħajja għal ċerti tipi ta' skart. Meta ma jkunux ġew stabbiliti kriterji bħal dawn fil-livell tal-UE, l-Istati Membri għandhom ikunu jistgħu jistabbilixxu kriterji nazzjonali skont kundizzjonijiet speċifiċi stabbiliti fl-Artikolu 6(1).

 

 

Emenda    116

Proposta għal direttiva

Artikolu 1 – paragrafu 1 – punt 5 – punt b

Direttiva 2008/98/KE

Artikolu 6 – paragrafu 3b (ġdid)

 

Test propost mill-Kummissjoni

Emenda

 

3b.   Meta dawk il-kriterji ma jkunux ġew stabbiliti fil-livell nazzjonali, l-Istati Membri għandhom jiżguraw li l-iskart li jkun għadda minn operazzjoni ta' rkupru, jitqies li ma jkunx għadu skart jekk jissodisfa l-kundizzjonijiet stabbiliti fil-paragrafu 1, li għandhom jiġu vverifikati fuq bażi ta' każ b'każ mill-awtorità nazzjonali kompetenti.

Ġustifikazzjoni

Meta dawn il-kriterji ma jkunu ġew stabbiliti lanqas fil-livell nazzjonali, l-Istati Membri għandhom jiżguraw li l-iskart li jkun għadda minn proċess ta' rkupru ma jibqax jitqies bħala skart jekk jissodisfa l-kundizzjonijiet stabbiliti fl-Artikolu 6(1), li għandhom jiġu vverifikati fuq bażi ta' każ b'każ mill-awtoritajiet kompetenti nazzjonali.

 

Emenda    117

Proposta għal direttiva

Artikolu 1 – paragrafu 1 – punt 5 – punt b

Direttiva 2008/98/KE

Artikolu 6 – paragrafu 3c (ġdid)

 

Test propost mill-Kummissjoni

Emenda

 

3c.   Bil-ħsieb li tiġi żgurata l-koerenza fis-suq uniku, il-Kummissjoni għandha tingħata s-setgħa li tadotta atti delegati skont l-Artikolu 38a sabiex tissupplimenta din id-Direttiva billi tistabbilixxi r-rekwiżiti ġenerali li għandhom jiġu segwiti mill-Istati Membri meta jadottaw regolamenti tekniċi skont il-paragrafu 3a u 3b ta' dan l-Artikolu.

 

 

 

Emenda    118

Proposta għal direttiva

Artikolu 1 – paragrafu 1 – punt 5 – punt b

Direttiva 2008/98/KE

Artikolu 6 – paragrafu 4

 

Test propost mill-Kummissjoni

Emenda

4.   L-Istati Membri għandhom jinnotifikaw lill-Kummissjoni bir-regolament tekniċi adottati skont il-paragrafu 1, bi qbil mad-Direttiva 2015/1535/UE tal-Parlement Ewropew u tal-Kunsill, fejn meħtieġ minn dik l-istess Direttiva.

4.   L-Istati Membri għandhom jinnotifikaw lill-Kummissjoni bir-regolamenti tekniċi adottati skont il-paragrafi 3 u 3b, bi qbil mad-Direttiva 2015/1535/UE.

 

 

Emenda    119

Proposta għal direttiva

Artikolu 1 – paragrafu 1 – punt 6 – punt aa (ġdid)

Direttiva 2008/98/KE

Artikolu 7 – paragrafu 4

 

Test fis-seħħ

Emenda

 

(aa)  il-paragrafu 4 jinbidel b'dan li ġej:

4.   Ir-riklassifikazzjoni ta' skart perikoluż bħala skart mhux perikoluż m'għandhiex issir permezz ta' dilwizzjoni jew taħlit ta' l-iskart bil-għan li jitnaqqsu l-konċentrazzjonijiet inizjali tas-sustanzi perikolużi għal livell taħt il-livelli minimi li jiddefinixxu skart bħala wieħed perikoluż.

"4.   Ir-riklassifikazzjoni ta' skart perikoluż bħala skart mhux perikoluż jew bidla fil-karatteristiċi perikolużi m'għandhiex issir permezz ta' dilwizzjoni jew taħlit tal-iskart bil-għan li jitnaqqsu l-konċentrazzjonijiet inizjali tas-sustanzi perikolużi għal livell taħt il-livelli minimi li jiddefinixxu skart bħala wieħed perikoluż jew biex tiġi stabbilita karatteristika perikoluża.";

Ġustifikazzjoni

Għandu jiġi pprojbit ir-rilaxx ta' sustanzi perikolużi fl-ambjent permezz ta' operazzjonijiet ta' dilwizzjoni jew taħlit.

 

 

Emenda    120

Proposta għal direttiva

Artikolu 1 – paragrafu 1 – punt 7 – punt -a (ġdid)

Direttiva 2008/98/KE

Artikolu 8 – paragrafu 1 – subparagrafu 1

 

Test fis-seħħ

Emenda

 

(-a)  fil-paragrafu 1, l-ewwel subparagrafu jinbidel b'dan li ġej:

1.  Sabiex jissaħħu l-użu mill-ġdid u l-prevenzjoni, ir-riċiklaġġ u rkupru ieħor ta’ l-iskart, l-Istati Membri jistgħu jieħdu miżuri leġiżlattivi jew mhux leġiżlattivi biex jiżguraw li kwalunkwe persuna fiżika jew ġuridika li professjonalment tiżviluppa, timmanifattura, tipproċessa, tittratta, tbigħ jew timporta prodotti (produttur tal-prodott) ikollha responsabbiltà estiża tal-produttur.

"1.  Sabiex jissaħħu l-użu mill-ġdid u l-prevenzjoni, ir-riċiklaġġ u rkupru ieħor tal-iskart, l-Istati Membri għandhom jieħdu miżuri leġiżlattivi jew mhux leġiżlattivi biex jiżguraw li kwalunkwe persuna fiżika jew ġuridika li professjonalment tiżviluppa, timmanifattura, tipproċessa, tittratta, tbigħ jew timporta prodotti (produttur tal-prodott) ikollha responsabbiltà estiża tal-produttur.";

 

 

Emenda    121

Proposta għal direttiva

Artikolu 1 – paragrafu 1 – punt 7 – punt a

Direttiva 2008/98/KE

Artikolu 8 – paragrafu 1 – subparagrafu 3

 

Test propost mill-Kummissjoni

Emenda

Tali miżuri jistgħu jinkludu wkoll l-istabbiliment ta' skemi ta' responsabbiltà estiża tal-produttur li jiddefinixxu obbligi operattivi u finanzjarji speċifiċi għall-produtturi ta' prodotti.

Tali miżuri jistgħu jinkludu wkoll il-ħolqien ta' skemi ta' responsabbiltà estiża tal-produttur, li jkopru l-ilħiq individwali jew kollettiv tar-responsabbiltà estiża tal-produttur. Tali skemi għandhom jikkonsistu f'sett ta' regoli li jiddefinixxu obbligi operattivi u/jew finanzjarji speċifiċi għall-produtturi ta' prodotti li fihom ir-responsabbiltà tal-produttur tiġi estiża għall-istat ta' wara l-konsum taċ-ċiklu tal-ħajja ta' prodott. L-Istati Membri għandhom jistabbilixxu tali skemi għal, tal-inqas, l-imballaġġ kif definit fil-punt (1) tal-Artikolu 3 tad-Direttiva 94/62/KE, it-tagħmir elettriku u elettroniku kif definit fil-punt (a) tal-Artikolu 3(1) tad-Direttiva 2012/19/UE, il-batteriji u l-akkumulaturi kif definiti fil-punt (1) tal-Artikolu 3 tad-Direttiva 2006/66/KE u l-vetturi li m'għadhomx jintużaw kif definit fil-punt (2) tal-Artikolu 2 tad-Direttiva 2000/53/KE.

 

 

 

Emenda    122

Artikolu 1 – paragrafu 1 – punt 7 – punt aa (ġdid)

Direttiva 2008/98/KE

Artikolu 8 – paragrafu 2 – subparagrafu 1

 

Test fis-seħħ

Emenda

 

(aa)  fil-paragrafu 2, l-ewwel subparagrafu jinbidel b'dan li ġej:

2.  L-Istati Membri jistgħu jieħdu miżuri xierqa biex jinkoraġġixxu d-disinn ta' prodotti b'mod li jitnaqqsu l-impatti ambjentali tagħhom u l-ġenerazzjoni ta' skart matul il-produzzjoni u l-użu sussegwenti tal-prodotti, u sabiex jiżguraw li l-irkupru u r-rimi ta' prodotti li jkunu saru skart iseħħu skond l-Artikoli 4 u 13.

"2.  L-Istati Membri għandhom jieħdu miżuri xierqa li jinkoraġġixxu lill-produtturi jtejbu d-disinn u l-komponenti ta' prodotti b'mod li titjieb l-effiċjenza tar-riżorsi, jitnaqqsu l-impatti ambjentali tagħhom u l-ġenerazzjoni ta' skart matul il-produzzjoni u l-użu sussegwenti tal-prodotti, u sabiex jiżguraw li l-irkupru u r-rimi ta' prodotti li jkunu saru skart iseħħu skond l-Artikoli 4 u 13.

 

 

Emenda    123

Proposta għal direttiva

Artikolu 1 – paragrafu 1 – punt 7 – punt b

Direttiva 2008/98/KE

Artikolu 8 – paragrafu 2 – subparagrafu 2

 

Test propost mill-Kummissjoni

Emenda

Tali miżuri jistgħu jħeġġu, fost l-oħrajn, l-iżvilupp, il-produzzjoni u l-kummerċjalizzazzjoni ta' prodotti adattati għal użu multiplu, li teknikament ikunu durabbli, u li meta jsiru skart ikunu adattati għat-tħejjija għall-użu mill-ġdid u għar-riċiklaġġ, sabiex tiġi ffaċilitata l-implimentazzjoni tajba tal-ġerarkija tal-iskart. Il-miżuri għandhom iqisu l-impatt tal-prodotti matul iċ-ċiklu tal-ħajja tagħhom.

Tali miżuri għandhom iħeġġu l-iżvilupp, il-produzzjoni u l-kummerċjalizzazzjoni ta' prodotti u materjali adattati għal użu multiplu, li teknikament ikunu durabbli u jissewwew faċilment, u li meta jsiru skart u jkunu tħejjew għall-użu mill-ġdid jew għar-riċiklaġġ, ikunu adattati għat-tqegħid fis-suq sabiex tiġi ffaċilitata l-implimentazzjoni tajba tal-ġerarkija tal-iskart. Il-miżuri għandhom iqisu l-impatt tal-prodotti matul iċ-ċiklu tal-ħajja tagħhom, inkluż il-potenzjal għal riċiklaġġ multiplu, fejn xieraq, kif ukoll il-ġerarkija tal-iskart.

 

 

Emenda    124

Proposta għal direttiva

Artikolu 1 – paragrafu 1 – punt 7 – punt ba (ġdid)

Direttiva 2008/98/KE

Artikolu 8 – paragrafu 2a (ġdid)

 

Test propost mill-Kummissjoni

Emenda

 

(ba)  jiddaħħal il-paragrafu li ġej:

 

"2a.   L-Istati Membri għandhom jinnotifikaw lill-Kummissjoni bil-miżuri adottati skont il-paragrafi 1 u 2 sa [daħħal id-data: sitta u tletin xahar wara d-dħul fis-seħħ ta' din id-Direttiva] u mbagħad kull tliet snin wara dik id-data. Il-Kummissjoni għandha tippubblika n-notifiki li tkun irċeviet.";

 

 

 

Emenda    125

Proposta għal direttiva

Artikolu 1 – paragrafu 1 – punt 7 – punt bb (ġdid)

Direttiva 2008/98/KE

Artikolu 8 – paragrafu 4

 

Test fis-seħħ

Emenda

 

(bb)  il-paragrafu 4 jinbidel b'dan li ġej:

4.   Ir-responsabbiltà estiża tal-produttur għandha tkun applikata mingħajr preġudizzju għar-respnsabbiltà għall-immaniġġar ta' l-iskart kif previst fl-Artikolu 15(1) u mingħajr preġudizzju għal-leġiżlazzjoni eżistenti dwar flussi ta' skart u prodotti speċifiċi.

“4.   Ir-responsabbiltà estiża tal-produttur għandha tkun applikata mingħajr preġudizzju għar-responsabbiltà għall-immaniġġjar tal-iskart kif previst fl-Artikolu 15(1). Id-dispożizzjonijiet tal-Artikolu 8 u l-Artikolu 8a huma mingħajr preġudizzju għad-dispożizzjonijiet dwar ir-responsabbiltà estiża tal-produttur f'atti legali oħra tal-Unjoni.";

 

 

Emenda    126

Proposta għal direttiva

Artikolu 1 – paragrafu 1 – punt 7 – punt c

Direttiva 2008/98/KE

Artikolu 8 – paragrafu 5

 

Test propost mill-Kummissjoni

Emenda

5.  Il-Kummissjoni għandha torganizza skambju ta' informazzjoni fost l-Istati Membri u l-atturi involuti fl-iskemi ta' responsabbiltà estiża tal-produttur, dwar l-implimentazzjoni prattika tar-rekwiżiti ddefinita fl-Artikolu 8a, u dwar l-aqwa prassi biex jiġu żgurati governanza xierqa u kooperazzjoni transfruntiera tal-iskemi ta' responsabbiltà estiża tal-produttur. Dan jinkludi, fost l-oħrajn, l-iskambju ta' informazzjoni dwar karatteristiċi organizzattivi, u l-monitoraġġ tal-organizzazzjonijiet ta' responsabbiltà tal-produtturi, kif ukoll l-għażla tal-operaturi ta' mmaniġġjar tal-iskart u l-prevenzjoni tar-rimi taż-żibel. Il-Kummissjoni għandha tippubblika r-riżultati tal-iskambju ta' informazzjoni.

5.  Mhux aktar tard minn ... [daħħal id-data: 6 xhur wara d-dħul fis-seħħ ta' din id-Direttiva] il-Kummissjoni għandha twaqqaf pjattaforma għal skambju ta' informazzjoni fost l-Istati Membri, l-organizzazzjonijiet tas-soċjetà ċivili, l-awtoritajiet reġjonali u lokali u l-atturi involuti fl-iskemi ta' responsabbiltà estiża tal-produttur, dwar l-implimentazzjoni prattika tar-rekwiżiti ddefinita fl-Artikolu 8a, u dwar l-aqwa prassi biex jiġu żgurati governanza xierqa u kooperazzjoni transfruntiera tal-iskemi ta' responsabbiltà estiża tal-produttur u funzjonament bla xkiel tas-suq intern. Dan jinkludi, fost l-oħrajn, l-iskambju ta' informazzjoni dwar karatteristiċi organizzattivi u l-monitoraġġ tal-organizzazzjonijiet ta' responsabbiltà tal-produtturi, l-iżvilupp ta' kriterji armonizzati għall-kontribuzzjonijiet finanzjarji msemmija fil-punt (b) tal-Artikolu 8a(4), kif ukoll l-għażla tal-operaturi ta' mmaniġġjar tal-iskart u l-prevenzjoni tal-ġenerazzjoni tal-iskart u tar-rimi taż-żibel. Il-Kummissjoni għandha tippubblika r-riżultati tal-iskambju ta' informazzjoni u tista' tipprovdi linji gwida dwar aspetti rilevanti.

 

Mhux aktar tard minn ... [daħħal id-data: 12-il xahar wara d-dħul fis-seħħ ta' din id-Direttiva], abbażi ta' studju u fid-dawl tal-input mill-pjattaforma, il-Kummissjoni għandha tadotta linji gwida dwar id-determinazzjoni tal-kontribuzzjonijiet finanzjarji msemmija fil-punt (b) tal-Artikolu 8a(4). Biex tiġi żgurata l-koerenza fis-suq uniku, il-Kummissjoni tista' tadotta atti delegati skont l-Artikolu 38a sabiex tissupplimenta din id-Direttiva billi tistabbilixxi l-kriterji armonizzati li għandhom jiġu segwiti mill-Istati Membri meta jiġu ddeterminati l-kontribuzzjonijiet finanzjarji msemmija fil-punt (b) tal-Artikolu 8a(4).

 

 

 

 

Emenda    127

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – titolu

 

Test propost mill-Kummissjoni

Emenda

Rekwiżiti ġenerali għall-iskemi ta' responsabbiltà estiża tal-produttur

Rekwiżiti ġenerali minimi għall-iskemi ta' responsabbiltà estiża tal-produttur

 

 

Emenda    128

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 1 – inċiż 1

 

Test propost mill-Kummissjoni

Emenda

-  jiddefinixxu biċ-ċar ir-rwoli u r-responsabbiltajiet tal-produtturi ta' prodotti li jqiegħdu merkanzija fis-suq tal-Unjoni, l-organizzazzjonijiet li jimplimentaw f'isimhom ir-responsabbiltà estiża tal-prodottur, l-operaturi privati jew pubbliċi tal-iskart, l-awtoritajiet lokali, u fejn xieraq, l-operaturi rikonoxxuti ta' tħejjija għall-użu mill-ġdid;

-  jiddefinixxu biċ-ċar ir-rwoli u r-responsabbiltajiet tal-atturi kollha involuti, bħall-produtturi ta' prodotti li jqiegħdu merkanzija fis-suq tal-Unjoni, l-organizzazzjonijiet li jimplimentaw f'isimhom ir-responsabbiltà estiża tal-prodottur fil-qafas ta' skemi kollettivi, l-operaturi privati jew pubbliċi tal-iskart, id-distributuri, l-awtoritajiet reġjonali u lokali, u fejn xieraq, in-netwerks ta' użu mill-ġdid u ta' tiswija, l-intrapriżi tal-ekonomija soċjali u l-operaturi rikonoxxuti ta' tħejjija għall-użu mill-ġdid;

 

 

Emenda    129

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 1 – inċiż 2

 

Test propost mill-Kummissjoni

Emenda

-  jiddefinixxu miri ta' mmanniġjar tal-iskart li jistgħu jitkejlu, bi qbil mal-ġerarkija tal-iskart, bil-għan li jintlaħqu tal-inqas il-miri kwantitattivi rilevanti għall-iskema kif stipulati f'din id-Direttiva, fid-Direttiva 94/62/KE, fid-Direttiva 2000/53/KE, fid-Direttiva 2006/66/KE u fid-Direttiva 2012/19/UE;

-  jiddefinixxu miri ta' tnaqqis tal-iskart u miri ta' mmaniġġjar tal-iskart li jistgħu jitkejlu, bi qbil mal-ġerarkija tal-iskart, bil-għan li jintlaħqu tal-inqas il-miri kwantitattivi rilevanti għall-iskema kif stipulati f'din id-Direttiva, fid-Direttiva 94/62/KE, fid-Direttiva 2000/53/KE, fid-Direttiva 2006/66/KE u fid-Direttiva 2012/19/UE;

 

 

 

 

Emenda    130

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 1 – inċiż 3

 

Test propost mill-Kummissjoni

Emenda

-  jistabbilixxu sistema ta' rappurtar biex tiġbor dejta dwar il-prodotti mqiegħda fis-suq tal-Unjoni mill-produtturi li huma soġġetti għar-responsabbiltà estiża tal-produttur. Ladarba dawn il-prodotti jsiru skart, is-sistema ta' rappurtar għandha tiżgura li tinġabar dejta dwar il-ġbir u t-trattament ta' dak l-iskart, filwaqt li jispeċifikaw, fejn xieraq, il-flussi tal-materjal ta' skart;

-  jistabbilixxu sistema ta' rappurtar biex tiġbor dejta affidabbli u preċiża dwar il-prodotti mqiegħda fis-suq tal-Unjoni mill-produtturi li huma soġġetti għar-responsabbiltà estiża tal-produttur. Ladarba dawn il-prodotti jsiru skart, is-sistema ta' rappurtar għandha tiżgura li tinġabar dejta affidabbli u preċiża dwar il-ġbir u t-trattament ta' dak l-iskart, filwaqt li jispeċifikaw, fejn xieraq, il-flussi tal-materjal ta' skart;

 

Emenda    131

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 1 – inċiż 4

 

Test propost mill-Kummissjoni

Emenda

–  jiżguraw it-trattament ekwu u n-nondiskriminazzjoni fost il-produtturi tal-prodotti, u fir-rigward ta' intrapriżi żgħar u ta' daqs medju.

–  jiżguraw it-trattament ekwu u n-nondiskriminazzjoni fost il-produtturi tal-prodotti, kif ukoll bejn il-fornituri tas-servizzi tal-ġbir, tat-trasport u tat-trattament u fir-rigward ta' intrapriżi żgħar u ta' daqs medju.

 

 

Emenda    132

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 2

 

Test propost mill-Kummissjoni

Emenda

2.  L-Istati Membri għandhom jieħdu l-miżuri meħtieġa biex jiżguraw li d-detenturi tal-iskart immirati mill-iskemi ta' responsabbiltà estiża tal-produttur, stabbiliti skont l-Artikolu 8(1), ikunu infurmati dwar is-sistemi disponibbli ta' ġbir tal-iskart, kif ukoll dwar il-prevenzjoni tar-rimi taż-żibel. L-Istati Membri għandhom jieħdu miżuri wkoll biex joħolqu inċentivi sabiex id-detenturi tal-iskart jieħdu sehem fis-sistemi ta' ġbir b'mod separat li jkunu fis-seħħ, speċifikament permezz ta' inċentivi jew regolamenti ekonomiċi, fejn xieraq.

2.  L-Istati Membri għandhom jieħdu l-miżuri meħtieġa biex jiżguraw li d-detenturi tal-iskart immirati mill-iskemi ta' responsabbiltà estiża tal-produttur, stabbiliti skont l-Artikolu 8(1), ikunu infurmati dwar is-sistemi disponibbli ta' teħid lura, netwerks ta' użu mill-ġdid u ta' tiswija, operaturi rikonoxxuti ta' tħejjija għall-użu mill-ġdid, ġbir tal-iskart kif ukoll dwar il-prevenzjoni tar-rimi taż-żibel. L-Istati Membri għandhom jieħdu miżuri wkoll biex joħolqu inċentivi sabiex id-detenturi tal-iskart jassumu r-responsabbiltà tagħhom biex iwasslu l-iskart fis-sistemi ta' ġbir separat li jkunu fis-seħħ, speċifikament permezz ta' inċentivi jew regolamenti ekonomiċi, fejn xieraq.

 

 

 

Emenda    133

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 3 – punt a

 

Test propost mill-Kummissjoni

Emenda

(a)  ikollha kopertura ddefinita biċ-ċar mil-lat ġeografiku, tal-prodott u tal-materjal;

(a)  ikollha kopertura ddefinita biċ-ċar mil-lat ġeografiku, tal-prodott u tal-materjal, li tkun ibbażata fuq iż-żona tal-bejgħ u mingħajr ma dawn iż-żoni jkunu limitati għat-territorji li fihom il-ġbir u l-immaniġġjar tal-iskart iħallu l-qligħ;

 

Emenda    134

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 3 – punt b

 

Test propost mill-Kummissjoni

Emenda

(b)  ikollha l-mezzi operattivi u finanzjarji meħtieġa biex taqdi l-obbligi tagħha ta' responsabbiltà estiża tal-produttur;

(b)  ikollha l-mezzi operattivi u/jew finanzjarji meħtieġa biex taqdi l-obbligi tagħha ta' responsabbiltà estiża tal-produttur;

 

 

 

Emenda    135

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 3 – punt d – inċiż 2

 

Test propost mill-Kummissjoni

Emenda

-  il-kontributi finanzjarji mħallsa mill-produtturi;

-  fil-qafas ta' skemi kollettivi, il-kontribuzzjoni finanzjarja mħallsa mill-produtturi għal kull unità mibjugħa jew għal kull tunnellata tal-prodott imqiegħda fis-suq;

 

 

Emenda    136

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 3 – punt d – inċiż 3

 

Test propost mill-Kummissjoni

Emenda

-  il-proċedura ta' selezzjoni għall-operaturi ta' mmaniġġjar tal-iskart.

-  fil-qafas ta' skemi kollettivi, il-proċedura ta' selezzjoni għall-operaturi ta' mmaniġġjar tal-iskart;

 

 

 

Emenda    137

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 3 – punt d – inċiż 3a (ġdid)

 

Test propost mill-Kummissjoni

Emenda

 

-  l-ilħiq tal-miri tat-tnaqqis tal-iskart u l-miri tal-immaniġġjar tal-iskart imsemmija fit-tieni inċiż tal-paragrafu 1.

Nota: l-inċiżi 1 u 3 fil-punt (d) jibqgħu kif inhuma fil-proposta tal-Kummissjoni

 

Emenda    138

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 3a (ġdid)

 

Test propost mill-Kummissjoni

Emenda

 

3a.  Jekk jitwaqqfu organizzazzjonijiet għall-implimentazzjoni kollettiva tar-responsabbiltà estiża tal-produttur, l-Istati Membri għandhom jiżguraw li l-kuntratturi attwali jew futuri ta' dawk l-organizzazzjonijiet ma jistgħux ikunu la membri u lanqas sidien ta' dawk l-organizzazzjonijiet, la b'mod dirett u lanqas b'mod indirett.

Ġustifikazzjoni

Is-sempliċi speċifikazzjoni ta' assenjazzjoni "ċara" ta' responsabbiltà kif meħtieġ mill-Artikolu 8a – paragrafu 1 – inċiż 1 tal-Proposta għal Direttiva rigward l-immaniġġjar tal-iskart ma tantx hija utli. Ma tevitax kunflitti ta' interess ambjentalment u ekonomikament kontroproduttivi jew distorsjonijiet tal-kompetizzjoni fis-sistemi EPR. Tali ċirkustanzi, li la huma koinċidenza u lanqas rari, jirriflettu sempliċement l-interessi ekonomiċi ta' atturi tas-suq b'saħħithom u jistgħu jwasslu għal spejjeż eċċessivi għall-produtturi, jagħmlu ħsara lill-kompetizzjoni fis-swieq tal-iskart, u saħansitra jkollhom impatt negattiv fuq ir-riċiklaġġ.

 

 

Emenda    139

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 4 – punt a

 

Test propost mill-Kummissjoni

Emenda

a)  ikopru l-kost sħiħ tal-immaniġġjar tal-iskart għall-prodotti li jqiegħed fis-suq tal-Unjoni, inklużi dawn kollha li ġejjin:

a)  ikopru l-kost tal-immaniġġjar tal-iskart għall-prodotti li jqiegħed fis-suq tal-Unjoni, kif ġej:

–  il-kosti tal-ġbir b'mod separat, u tal-operati ta' separazzjoni u ta' trattament, meħtieġa biex jintlaħqu l-miri tal-immaniġġjar tal-iskart imsemmija fil-paragrafu 1, it-tieni inċiż, filwaqt li jitqies id-dħul mill-użu mill-ġdid jew mill-bejgħ ta' materja prima sekondarja mill-prodotti tagħhom;

 

–  il-kosti tal-ġbir separat, u tal-operazzjonijiet ta' separazzjoni, ta' trasport u ta' trattament, meħtieġa biex jiġi żgurat l-immaniġġjar xieraq tal-iskart filwaqt li jitqies id-dħul mill-użu mill-ġdid jew mill-bejgħ ta' materja prima sekondarja mill-prodotti tagħhom;

 

 

 

Emenda    140

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 4 – punt b

 

Test propost mill-Kummissjoni

Emenda

(b)  jiġu mmodulati abbażi tal-kost reali tal-prodotti jew tal-gruppi ta' prodotti simili fi tmiem il-ħajja tagħhom, speċifikament billi jitqiesu l-kapaċità tagħhom ta' użu mill-ġdid u r-riċiklabbiltà tagħhom;

(b)  fil-qafas ta' skemi kollettivi, jiġu mmodulati abbażi tal-kost reali tal-prodotti jew tal-gruppi ta' prodotti simili fi tmiem il-ħajja tagħhom, speċifikament billi jitqiesu d-durabbiltà u l-kapaċità tagħhom ta' tiswija, użu mill-ġdid u r-riċiklabbiltà tagħhom, kif ukoll il-preżenza ta' sustanzi perikolużi, u b'hekk jittieħed approċċ ibbażat fuq iċ-ċiklu tal-ħajja u allinjat mar-rekwiżiti stabbiliti fil-liġi rilevanti tal-Unjoni, u meta disponibbli, ibbażat fuq kriterji armonizzati sabiex jiġi żgurat il-funzjonament bla xkiel tas-suq intern;

 

 

 

 

Emenda    141

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 4 – punt c

 

Test propost mill-Kummissjoni

Emenda

(c)  jissejsu fuq il-kost ottimizzat tas-servizzi pprovduti f'każijiet fejn l-operaturi pubbliċi tal-immaniġġjar tal-iskart ikunu responsabbli għall-implimentazzjoni ta' kompiti operattivi f'isem l-iskema ta' responsabbiltà estiża tal-produttur.

(c)  jissejsu fuq il-kost ottimizzat tas-servizzi pprovduti f'każijiet fejn l-operaturi pubbliċi tal-immaniġġjar tal-iskart ikunu responsabbli għall-implimentazzjoni ta' kompiti operattivi f'isem l-iskema ta' responsabbiltà estiża tal-produttur. Il-kost ottimizzat tas-servizz għandu jkun trasparenti u jirrifletti l-kostijiet imġarrba mill-operaturi pubbliċi tal-immaniġġjar tal-iskart meta jimplimentaw kompiti operattivi f'isem l-iskema ta' responsabbiltà estiża tal-produttur.

 

Emenda    142

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 5 – subparagrafu 1

 

Test propost mill-Kummissjoni

Emenda

L-Istati Membri għandhom jistabbilixxu qafas xieraq ta' monitoraġġ u infurzar bil-għan li jiżgura li l-produtturi tal-prodotti qegħdin jimplimentaw l-obbligi tagħhom ta' responsabbiltà estiża tal-produttur, kif ukoll bil-għan li jiżgura li l-mezzi finanzjarji qegħdin jintużaw sew, u li l-atturi kollha involuti fl-implimentazzjoni tal-iskema jirrappurtaw dejta affidabbli.

L-Istati Membri għandhom jistabbilixxu qafas xieraq ta' monitoraġġ u infurzar bil-għan li jiżgura li l-produtturi tal-prodotti qegħdin jimplimentaw l-obbligi tagħhom ta' responsabbiltà estiża tal-produttur, inkluż fil-każ ta' bejgħ mill-bogħod, kif ukoll bil-għan li jiżgura li l-mezzi finanzjarji qegħdin jintużaw sew, u li l-atturi kollha involuti fl-implimentazzjoni tal-iskema jirrappurtaw dejta affidabbli.

 

 

Emenda    143

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 5 – subparagrafu 2

 

Test propost mill-Kummissjoni

Emenda

Fejn, fit-territorju ta' Stat Membru, organizzazzjonijiet multipli jimplimentaw l-obbligi ta' responsabbiltà estiża tal-produttur f'isem il-produtturi, l-Istat Membru għandu jwaqqaf awtorità indipendenti li jissorvelja l-implimentazzjoni tal-obbligi ta' responsabbiltà estiża tal-produttur.

L-Istati Membri għandhom jinnominaw jew joħolqu awtorità indipendenti biex tissorvelja l-implimentazzjoni tal-obbligi ta' responsabbiltà estiża tal-produttur u b'mod partikolari biex tivverifika l-konformità tal-organizzazzjonijiet ta' responsabbiltà estiża tal-produttur mar-rekwiżiti stabbiliti f'din id-Direttiva.

 

Emenda    144

Proposta għal direttiva

Artikolu 1 – paragrafu 1 – punt 8

Direttiva 2008/98/KE

Artikolu 8a – paragrafu 6

 

Test propost mill-Kummissjoni

Emenda

6.  L-Istati Membri għandhom joħolqu pjattaforma li tiżgura djalogu regolari fost il-partijiet ikkonċernati involuti fl-implimentazzjoni tar-responsabbiltà estiża tal-produttur, inklużi l-operaturi privati jew pubbliċi tal-iskart, l-awtoritajiet lokali, u fejn xieraq, l-operaturi rikonoxxuti ta' tħejjija għall-użu mill-ġdid.

6.  L-Istati Membri għandhom jinnominaw jew joħolqu pjattaforma li tiżgura djalogu regolari fost il-partijiet ikkonċernati kollha involuti fl-implimentazzjoni tar-responsabbiltà estiża tal-produttur, inklużi l-produtturi u d-distributuri, l-operaturi privati jew pubbliċi tal-iskart, l-atturi tal-ekonomija soċjali, l-awtoritajiet lokali, l-organizzazzjonijiet tas-soċjetà ċivili u, fejn xieraq, in-netwerks ta' tiswija u ta' użu mill-ġdid u l-operaturi rikonoxxuti ta' tħejjija għall-użu mill-ġdid.

 

 

 

Emenda    145

Proposta għal direttiva

Artikolu 1 – paragrafu 1 – punt 9

Direttiva 2008/98/KE

Artikolu 9 – paragrafu -1 (ġdid)

 

Test propost mill-Kummissjoni

Emenda

 

"-1.   Sabiex jikkontribwixxu għall-prevenzjoni tal-iskart, l-Istati Membri għandhom jimmiraw li jilħqu, tal-inqas, l-objettivi li ġejjin:

 

(a)  tnaqqis sinifikanti fil-ġenerazzjoni tal-iskart;

 

(b)  id-diżakkoppjament tal-ġenerazzjoni tal-iskart mit-tkabbir ekonomiku;

 

(c)   sostituzzjoni progressiva ta' sustanzi ta' tħassib serju ħafna kif definiti fl-Artikolu 57 tar-Regolament (KE) Nru 1907/2006 jekk ikun hemm sustanzi jew teknoloġiji alternattivi li jkunu ekonomikament jew teknikament vijabbli;

 

(d)  mira ta' tnaqqis tal-iskart tal-ikel fil-livell tal-Unjoni ta' 30 % sal-2025 u ta' 50 % sal-2030 meta mqabbel mal-livelli tal-2014;

 

(e)  mira ta' tnaqqis tal-iskart fil-baħar fil-livell tal-Unjoni ta' 30 % sal-2025 u ta' 50 % sal-2030 meta mqabbel mal-livelli tal-2014.";

 

 

Emenda    146

Proposta għal direttiva

Artikolu 1 – paragrafu 1 – punt 9

Direttiva 2008/98/KE

Artikolu 9 – paragrafu 1

 

Test propost mill-Kummissjoni

Emenda

1.  L-Istati Membri għandhom jieħdu miżuri biex jipprevjenu l-ġenerazzjoni tal-iskart. Dawn il-miżuri għandhom:

1.  Sabiex jintlaħqu l-objettivi mniżżla fil-paragrafu -1, l-Istati Membri għandhom jieħdu mill-inqas il-miżuri li ġejjin:

–  iħeġġu l-użu ta' prodotti li huma effiċjenti fl-użu tar-riżorsi, li huma durabbli, faċli biex jissewwew, u riċiklabbli;

–  jippromwovu u jappoġġjaw mudelli ta' konsum u produzzjoni sostenibbli u l-użu ta' prodotti li huma effiċjenti fl-użu tar-riżorsi, durabbli, riutilizzabbli, faċli biex jissewwew u riċiklabbli;

 

-  jiskoraġġixxu t-tqegħid fis-suq ta' prodott b'obsoloxxenza ppjanata;

-  jidentifikaw u jimmiraw prodotti li huma s-sorsi ewlenin ta' materja prima ta' importanza kbira għall-ekonomija tal-Unjoni, u li l-provvista tagħhom hija marbuta ma' riskju kbir, sabiex jevitaw li dik il-materja prima ssir skart;

-  jidentifikaw u jimmiraw prodotti li huma s-sorsi ewlenin ta' materja prima ta' importanza kbira għall-ekonomija tal-Unjoni, u li l-provvista tagħhom hija marbuta ma' riskju kbir, sabiex jevitaw li dik il-materja prima ssir skart;

–  iħeġġu l-ħolqien ta' sistemi li jippromwovu attivitajiet ta' użu mill-ġdid, inkluż, b'mod partikulari, għat-tagħmir elettriku u elettroniku, għat-tessuti u għall-għamara;

–  jinċentivaw l-estensjoni tat-tul tal-ħajja tal-prodotti, fejn ikun ta' benefiċċju għall-ambjent, u jappoġġjaw il-ħolqien ta' sistemi li jippromwovu attivitajiet ta' tiswija, użu mill-ġdid, manifattura mill-ġdid u rikondizzjonament ta' prodotti kif imsemmi fl-Artikolu 9a;

–  inaqqsu l-ġenerazzjoni tal-iskart fi proċessi marbutin mal-produzzjoni industrijali, fl-estrazzjoni tal-minerali, u fil-kostruzzjoni u d-demolizzjoni, filwaqt li jqisu l-aqwa tekniki disponibbli;

–  inaqqsu l-ġenerazzjoni tal-iskart fi proċessi marbutin mal-produzzjoni industrijali, il-manifattura, l-estrazzjoni tal-minerali, il-kostruzzjoni u d-demolizzjoni, inkluż permezz ta' metodi bħal awditi ta' qabel id-demolizzjoni, u fi proċessi marbutin mal-kummerċ u s-servizzi, filwaqt li jqisu l-aqwa tekniki disponibbli u l-aqwa prattiki;

–  inaqqsu l-ġenerazzjoni tal-iskart tal-ikel fil-produzzjoni primarja, fl-ipproċessar u fil-manifatturar, fil-bejgħ bl-imnut u f'mezzi oħra ta' distribuzzjoni tal-ikel, f'restorants u servizzi tal-ikel kif ukoll fid-djar.

–  inaqqsu l-ġenerazzjoni totali tal-iskart tal-ikel;

 

-  inaqqsu t-telf tal-ikel tul il-katina tal-provvista kollha, inklużi l-produzzjoni primarja, it-trasport u l-ħżin;

 

–  jipprevjenu r-rimi taż-żibel billi jidentifikaw il-prodotti li jikkostitwixxu s-sorsi ewlenin ta' skart fl-ambjent naturali, inkluż dak tal-baħar, u jieħdu miżuri biex inaqqsu r-rimi taż-żibel minn dawn is-sorsi;

 

-   jiżguraw il-komunikazzjoni ta' sustanzi ta' tħassib serju ħafna mill-katina tal-provvista lill-konsumaturi u l-operaturi tat-trattament tal-iskart;

 

–  jiżviluppaw u jappoġġjaw kampaniji ta' informazzjoni biex titqajjem kuxjenza dwar il-kwistjonijiet marbuta mal-prevenzjoni tal-iskart u r-rimi taż-żibel.

 

 

 

 

Emenda    147

Proposta għal direttiva

Artikolu 1 – paragrafu 1 – punt 9

Direttiva 2008/98/KE

Artikolu 9 – paragrafu 2

 

Test propost mill-Kummissjoni

Emenda

2.   L-Istati Membri għandhom jimmonitorjaw u jivvalutaw l-implimentazzjoni tal-miżuri ta' prevenzjoni tal-iskart. Għal dan il-għan, għandhom jużaw indikaturi u miri xierqa kwalitattivi u kwantitattivi, speċifikament fuq il-kwantità per capita tal-iskart muniċipali li jintrema jew li huwa soġġett għall-irkupru tal-enerġija.

  L-Istati Membri għandhom jimmonitorjaw u jivvalutaw l-implimentazzjoni tal-miżuri ta' prevenzjoni tal-iskart. Għal dan il-għan, għandhom jużaw indikaturi u miri kwalitattivi u kwantitattivi xierqa, speċifikament fuq il-kwantità per capita ta' skart muniċipali ġġenerat u l-ammont ta' skart muniċipali li jintrema jew li huwa soġġett għall-irkupru tal-enerġija.

 

Emenda    148

Proposta għal direttiva

Artikolu 1 – paragrafu 1 – punt 9

Direttiva 2008/98/KE

Artikolu 9 – paragrafu 2a (ġdid)

 

Test propost mill-Kummissjoni

Emenda

 

2a.  Il-Kummissjoni għandha tadotta atti delegati skont l-Artikolu 38a sabiex tissupplimenta din id-Direttiva billi tistabbilixxi indikaturi li jkejlu l-progress fit-tnaqqis tal-ġenerazzjoni tal-iskart u fl-implimentazzjoni tal-miżuri ta' prevenzjoni tal-iskart elenkati fil-paragrafu 1 ta' dan l-Artikolu. Dawn l-atti delegati għandhom jiġu adottati fi żmien 18-il xahar mid-dħul fis-seħħ ta' din id-Direttiva.

 

 

 

Emenda    149

Proposta għal direttiva

Artikolu 1 – paragrafu 1 – punt 9

Direttiva 2008/98/KE

Artikolu 9 – paragrafu 3

 

Test propost mill-Kummissjoni

Emenda

3.   L-Istati Membri għandhom jimmonitorjaw u jivvalutaw l-implimentazzjoni tal-miżuri tagħhom ta' prevenzjoni tal-iskart tal-ikel, billi jkejlu l-iskart tal-ikel abbażi tal-metodoloġiji stabbiliti skont il-paragrafu 4.

3.  L-Istati Membri għandhom jimmonitorjaw u jivvalutaw l-implimentazzjoni tal-miżuri tagħhom ta' prevenzjoni tal-iskart tal-ikel, billi jkejlu l-livelli tal-iskart tal-ikel abbażi ta' metodoloġija komuni. Sal-31 ta' Diċembru 2017, il-Kummissjoni għandha tadotta att delegat skont l-Artikolu 38a sabiex tissupplimenta din id-Direttiva billi tistabbilixxi l-metodoloġija, inklużi r-rekwiżiti ta' kwalità minima, għall-kejl uniformi tal-livelli tal-iskart tal-ikel. Din il-metodoloġija għandha tqis il-miżuri ta' prevenzjoni tal-iskart implimentati permezz ta' donazzjonijiet jew metodi oħrajn biex jiġi evitat li l-ikel isir skart.

 

Emenda    150

Proposta għal direttiva

Artikolu 1 – paragrafu 1 – punt 9

Direttiva 2008/98/KE

Artikolu 9 – paragrafu 3a (ġdid)

 

Test propost mill-Kummissjoni

Emenda

 

3a.  L-Istati Membri għandhom jimmonitorjaw u jivvalutaw l-implimentazzjoni tal-miżuri tagħhom ta' prevenzjoni tal-iskart fil-baħar li joriġina mill-art, billi jkejlu l-livelli ta' skart fil-baħar li joriġina mill-art abbażi ta' metodoloġija komuni. Sal-31 ta' Diċembru 2017, il-Kummissjoni għandha tadotta att delegat skont l-Artikolu 38a biex tistabbilixxi l-metodoloġija, inklużi rekwiżiti minimi ta' kwalità, għall-kejl uniformi tal-livelli ta' skart fil-baħar li joriġina mill-art.

 

Emenda    151

Proposta għal direttiva

Artikolu 1 – paragrafu 1 – punt 9

Direttiva 2008/98/KE

Artikolu 9 – paragrafu 3b (ġdid)

 

Test propost mill-Kummissjoni

Emenda

 

3b.  Sal-31 ta' Diċembru 2018, il-Kummissjoni għandha teżamina l-possibbiltà li tistabbilixxi miri ta' prevenzjoni tal-iskart għall-Unjoni kollha li għandhom jintlaħqu sal-2025 u l-2030 abbażi ta' indikatur komuni li jiġi kkalkulat b'referenza għall-ammont totali ta' skart muniċipali ġġenerat per capita. Għal dan il-għan, il-Kummissjoni għandha tfassal rapport, akkumpanjat bi proposta leġiżlattiva li, fejn ikun xieraq, għandu jintbagħat lill-Parlament Ewropew u lill-Kunsill.

 

Emenda    152

Proposta għal direttiva

Artikolu 1 – paragrafu 1 – punt 9

Direttiva 2008/98/KE

Artikolu 9 – paragrafu 4

 

Test propost mill-Kummissjoni

Emenda

4.   Il-Kummissjoni tista' tadotta atti ta' implimentazzjoni biex tistabbilixxi indikaturi li jkejlu l-progress ġenerali fl-implimentazzjoni tal-miżuri ta' prevenzjoni tal-iskart. Sabiex tiżgura l-kejl uniformi tal-livelli ta' skart tal-ikel, il-Kummissjoni għandha tadotta att ta' implimentazzjoni biex tistipula metodoloġija komuni, inklużi rekwiżiti minimi ta' kwalità. Dawk l-atti ta' implimentazzjoni għandhom jiġu adottati skont il-proċedura msemmija fl-Artikolu 39(2).

imħassar

 

 

Emenda    153

Proposta għal direttiva

Artikolu 1 – paragrafu 1 – punt 9

Direttiva 2008/98/KE

Artikolu 9 – paragrafu 5

 

Test propost mill-Kummissjoni

Emenda

5.   Kull sena, l-Aġenzija Ewropea għall-Ambjent għandha tippubblika rapport li juri l-evoluzzjoni fil-prevenzjoni tal-ġenerazzjoni tal-iskart għal kull Stat Membru u għall-Unjoni Ewropea sħiħa, inkluż dwar id-diżakkoppjament tal-ġenerazzjoni tal-iskart mit-tkabbir ekonomiku, u dwar it-tranżizzjoni lejn ekonomija ċirkolari.

imħassar

 

 

 

Emenda    154

Proposta għal direttiva

Artikolu 1 – paragrafu 1 – punt 9a (ġdid)

Direttiva 2008/98/KE

Artikolu 9a (ġdid)

 

 

Test propost mill-Kummissjoni

Emenda

 

(9a)  Jiddaħħal l-Artikolu li ġej:

 

"Artikolu 9a

 

Użu mill-ġdid

 

1.   L-Istati Membri għandhom jappoġġjaw il-ħolqien ta' sistemi li jippromwovu attivitajiet ta' użu mill-ġdid u l-estensjoni tat-tul tal-ħajja tagħhom sakemm dan ma jikkompromettix il-kwalità u s-sikurezza tal-prodotti.

 

2.  L-Istati Membri għandhom jieħdu miżuri biex jippromwovu l-użu mill-ġdid tal-prodotti, b'mod partikolari dawk li jkun fihom ammont sinifikanti ta' materja prima kritika. Dawn il-miżuri jistgħu jinkludu t-tħeġġiġ tal-ħolqien u l-appoġġ ta' netwerks rikonoxxuti ta' użu mill-ġdid, skemi ta' rifużjonijiet tad-depożitu u ta' ritorn u mili mill-ġdid, kif ukoll l-inċentivar tal-manifattura mill-ġdid, ir-rinnovament u l-għoti ta' skop ġdid lill-prodotti.

 

L-Istati Membri għandhom jagħmlu użu minn strumenti u miżuri ekonomiċi u jistgħu jistabbilixxu miri kwantitattivi.

 

3.   L-Istati Membri għandhom jieħdu l-miżuri meħtieġa sabiex jippermettu li l-operaturi ta' użu mill-ġdid ikollhom aċċess għal manwali tal-istruzzjonijiet, parts tal-bdil, informazzjoni teknika, jew kwalunkwe strument, tagħmir jew softwer ieħor meħtieġ għall-użu mill-ġdid ta' prodotti, mingħajr preġudizzju għad-drittijiet ta' proprjetà intellettwali.";

 

Emenda    155

Proposta għal direttiva

Artikolu 1 – paragrafu 1 – punt 9b (ġdid)

Direttiva 2008/98/KE

Artikolu 9b (ġdid)

 

Test propost mill-Kummissjoni

Emenda

 

(9b) Jiddaħħal l-Artikolu li ġej:

 

"Artikolu 9b

 

Pjattaformi ta' kondiviżjoni

 

1. Il-Kummissjoni għandha tippromwovi attivament il-pjattaformi ta' kondiviżjoni bħala mudell kummerċjali. Il-Kummissjoni għandha toħloq rabta qawwija bejn dawn il-pjattaformi u l-linji gwida l-ġodda għal ekonomija kollaborattiva u għandha tinvestiga l-miżuri kollha possibbli biex tagħti inċentivi għalihom, inklużi r-responsabbiltà estiża tal-produttur, l-akkwist pubbliku u l-ekodisinn.

 

2. L-Istati Membri għandhom jappoġġjaw il-ħolqien ta' sistemi li jippromwovu l-pjattaformi ta' kondiviżjoni fis-setturi kollha.";

Ġustifikazzjoni

Din l-emenda għandha l-għan li tkompli ssaħħaħ it-test propost mill-Kummissjoni. Il-kondiviżjoni ta' prodotti bħala servizz probabbilment tikkostitwixxi l-mudell kummerċjali bl-akbar potenzjal li jżid l-effiċjenza fl-użu tar-riżorsi. Filwaqt li xi wħud diġà huma kompetittivi permezz tal-applikazzjoni tat-teknoloġija tal-web, il-pjattaformi ta' kondiviżjoni b'mod ġenerali jistgħu jittejbu permezz ta' inċentivi min-naħa tal-gvern.

 

 

 

 

Emenda    156

Proposta għal direttiva

Artikolu 1 – paragrafu 1 – punt 9c (ġdid)

Direttiva 2008/98/KE

Artikolu 10 – paragrafu 2

 

Test fis-seħħ

Emenda

 

(9c)  Fl-Artikolu 10, il-paragrafu 2 jinbidel b'dan li ġej:

2.   Fejn ikun meħtieġ għall-konformità mal-paragrafu 1 u biex ikun faċilitat jew imtejjeb l-irkupru, l-iskart għandu jinġabar separatament jekk dan ikun teknikament, ambjentalment u ekonomikament prattikabbli u m'għandux jitħallat ma' skart ieħor jew materjal ieħor bi proprjetajiet differenti.

"2.  Għall-konformità mal-paragrafu 1 u biex ikun faċilitat jew imtejjeb l-irkupru, l-iskart għandu jinġabar separatament u m'għandux jitħallat ma' skart ieħor jew materjal ieħor b'karatteristiċi differenti.

 

B'deroga mill-ewwel subparagrafu, l-Istati Membri jistgħu jeskludu żoni b'popolazzjoni baxxa fejn jintwera li l-ġbir separat ma jagħtix l-aqwa eżitu ġenerali mil-lat ambjentali fid-dawl tal-kunċett taċ-ċiklu tal-ħajja.

 

L-Istati Membri għandhom jinnotifikaw lill-Kummissjoni bl-intenzjoni tagħhom li jagħmlu użu minn din id-deroga. Il-Kummissjoni għandha tirrieżamina n-notifika u tivvaluta jekk id-deroga tkunx ġustifikata, fid-dawl tal-objettivi ta' din id-Direttiva. Jekk il-Kummissjoni ma tkun qajmet l-ebda oġġezzjoni fi żmien disa' xhur min-notifika, id-deroga għandha titqies bħala mogħtija. Jekk il-Kummissjoni toġġezzjona, hija għandha tadotta deċiżjoni u tinforma lill-Istati Membri b'dan.";

 

 

Emenda    157

Proposta għal direttiva

Artikolu 1 – paragrafu 1 – punt 9d (ġdid)

Direttiva 2008/98/KE

Artikolu 10 – paragrafu 2a (ġdid)

 

Test propost mill-Kummissjoni

Emenda

 

(9d)  Fl-Artikolu 10, jiżdied il-paragrafu li ġej:

 

"2a.    L-Istati Membri għandhom jieħdu miżuri biex jiżguraw li l-iskart li jkun inġabar b'mod separat skont l-Artikolu 11(1) u l-Artikolu 22 ma jiġix aċċettat f'impjant ta' inċinerazzjoni, bl-eċċezzjoni ta' residwi li jirriżultaw mis-separazzjoni ta' dak l-iskart.";

Ġustifikazzjoni

Għandu jiġi stabbilit limitu fuq l-użu ta' inċineraturi għal skart mhux riċiklabbli, kif approvat mill-Parlament Ewropew fid-9 ta' Lulju 2015 fir-riżoluzzjoni tiegħu dwar "l-effiċjenza fl-użu tar-riżorsi: lejn ekonomija ċirkolari" u f'konformità mas-7 Programm ta' Azzjoni Ambjentali.

 

 

Emenda    158

Proposta għal direttiva

Artikolu 1 – paragrafu 1 – punt 9e (ġdid)

Direttiva 2008/98/KE

Artikolu 10 – paragrafu 2b (ġdid)

 

Test propost mill-Kummissjoni

Emenda

 

(9e)  Fl-Artikolu 10, jiżdied il-paragrafu li ġej:

 

"2b.  Fejn xieraq, l-Istati Membri għandhom jieħdu l-miżuri meħtieġa biex jiddekontaminaw l-iskart perikoluż qabel l-irkupru.

Ġustifikazzjoni

L-Istati Membri għandhom jikkunsidraw proċessi għad-dekontaminazzjoni tal-iskart perikoluż qabel l-irkupru sabiex jiġi garantit li l-iskart riċiklat ma jkunx fih sustanzi li jistgħu jkunu perikolużi għas-saħħa tal-bniedem u l-ambjent.

 

 

 

Emenda    159

Proposta għal direttiva

Artikolu 1 – paragrafu 1 – punt 10 – punt -a (ġdid)

Direttiva 2008/98/KE

Artikolu 11 – titolu

 

Test fis-seħħ

Emenda

 

(-a)  it-titlu jinbidel b'dan li ġej:

Użu mill-ġdid u riċiklaġġ

"Tħejjija għall-użu mill-ġdid u r-riċiklaġġ";

Ġustifikazzjoni

L-użu mill-ġdid huwa proċess li jinvolvi t-trattament tal-prodotti sabiex tiġi evitata l-ġenerazzjoni tal-iskart; din għalhekk għandha titqies bħala miżura ta' prevenzjoni tal-iskart speċifika. It-tħejjija għall-użu mill-ġdid, min-naħa l-oħra, tikkostitwixxi proċess ta' rkupru tal-iskart.

 

Emenda    160

Proposta għal direttiva

Artikolu 1 – paragrafu 1 – punt 10 – punt a

Direttiva 2000/98/KE

Artikolu 11 – paragrafu 1 – subparagrafu 1

 

Test propost mill-Kummissjoni

Emenda

1.  L-Istati Membri għandhom jieħdu miżuri, kif xieraq, biex jippromwovu t-tħejjija għal attivitajiet ta' użu mill-ġdid, speċifikament billi jħeġġu t-twaqqif u l-appoġġ ta' netwerks ta' użu mill-ġdid u ta' tiswija, u billi jħaffu l-aċċess ta' tali netwerks għal punti ta' ġbir tal-iskart, kif ukoll billi jippromwovu l-użu ta' strumenti ekonomiċi, kriterji ta' akkwist pubbliku, miri kwantitattivi, jew miżuri oħra.

1.  L-Istati Membri għandhom jieħdu miżuri biex jippromwovu t-tħejjija għal attivitajiet ta' użu mill-ġdid, fost l-oħrajn, billi jiffaċilitaw it-twaqqif u r-rikonoxximent ta' operaturi u netwerks ta' tħejjija għall-użu mill-ġdid, b'mod partikolari dawk li joperaw bħala intrapriżi soċjali, billi jiffaċilitaw l-aċċess ta' tali netwerks għal punti ta' ġbir tal-iskart, kif ukoll billi jippromwovu l-użu ta' strumenti ekonomiċi, kriterji ta' akkwist pubbliku, miri kwantitattivi, jew miżuri oħra.

 

Emenda    161

Proposta għal direttiva

Artikolu 1 – paragrafu 1 – punt 10 – punt a

Direttiva 2000/98/KE

Artikolu 11 – paragrafu 1 – subparagrafu 2

 

Test propost mill-Kummissjoni

Emenda

L-Istati Membri għandhom jieħdu miżuri biex jippromwovu riċiklaġġ ta' kwalità għolja, u għal dan il-għan, għandhom jistabbilixxu l-ġbir tal-iskart b'mod separat fejn teknikament, ambjentalment u ekonomikament vjabbli, u fejn xieraq biex jintlaħqu l-istandards ta' kwalità meħtieġa għas-setturi rilevanti ta' riċiklaġġ, u biex jintlaħqu l-miri stipulati fil-paragrafu 2.

L-Istati Membri għandhom jieħdu miżuri biex jippromwovu riċiklaġġ ta' kwalità għolja u, għal dan il-għan, għandhom jistabbilixxu l-ġbir separat tal-iskart, kif imsemmi fl-Artikolu 10(2), biex jintlaħqu l-istandards ta' kwalità meħtieġa għas-setturi rilevanti ta' riċiklaġġ.

 

 

Emenda    162

Proposta għal direttiva

Artikolu 1 – paragrafu 1 – punt 10 – punt aa (ġdid)

Direttiva 2000/98/KE

Artikolu 11 – paragrafu 1 – subparagrafu 2a (ġdid)

 

Test propost mill-Kummissjoni

Emenda

 

(aa)  fil-paragrafu 1, jiddaħħal is-subparagrafu li ġej:

 

"L-Istati Membri għandhom jagħmlu użu minn strumenti regolatorji u ekonomiċi sabiex jinċentivaw l-użu ta' materja prima sekondarja.";

 

Emenda    163

Proposta għal direttiva

Artikolu 1 – paragrafu 1 – punt 10 – punt ab (ġdid)

Direttiva 2008/98/KE

Artikolu 11 – paragrafu 1 – subparagrafu 2b (ġdid)

 

Test propost mill-Kummissjoni

Emenda

 

(ab) fil-paragrafu 1, jiddaħħal is-subparagrafu li ġej:

 

"L-Istati Membri għandhom jieħdu miżuri biex jippromwovu separazzjoni ta' kwalità għolja ta' skart imħallat.";

Ġustifikazzjoni

Minkejja l-ġbir separat, bosta prodotti riċiklabbli xorta waħda jispiċċaw fl-iskart imħallat, u dan iseħħ minħabba nuqqas ta' infrastruttura f'żoni b'popolazzjoni żgħira, żbalji li jsiru fis-separazzjoni fid-djar jew raġunijiet oħra. B'riċiklaġġ ta' kwalità għolja, speċjalment b'separazzjoni ottika, ħafna materjali jistgħu jiġu separati mill-iskart residwu u sussegwentement riċiklati u riproċessati f'materja prima sekondarja.

 

 

 

 

Emenda    164

Proposta għal direttiva

Artikolu 1 – paragrafu 1 – punt 10 – punt ac (ġdid)

Direttiva 2000/98/KE

Artikolu 11 – paragrafu 1 – subparagrafu 3

 

Test fis-seħħ

Emenda

 

(ac)  fil-paragrafu (1), it-tielet subparagrafu jinbidel b'dan li ġej:

"Suġġett għall-Artikolu 10(2), sa l-2015 il-ġbir separat għandu jiġi stabbilit mill-inqas għal dawn li ġejjin: karti, metall, plastik u ħġieġ.

"Suġġett għall-Artikolu 10(2), sal-2015 il-ġbir separat għandu jiġi stabbilit mill-inqas għal dawn li ġejjin: il-karti, il-metall, il-plastik u l-ħġieġ. Barra minn hekk, l-Istati Membri għandhom jistabbilixxu ġbir separat obbligatorju tat-tessuti sal-2020.";

 

 

Emenda    165

Proposta għal direttiva

Artikolu 1 – paragrafu 1 – punt 10 – punt b

Direttiva 2008/98/KE

Artikolu 11 – paragrafu 1 – subparagrafu 4

 

Test propost mill-Kummissjoni

Emenda

L-Istati Membri għandhom jieħdu miżuri biex jippromwovu sistemi ta' separazzjoni għall-iskart tal-kostruzzjoni u d-demolizzjoni, tal-anqas għal dawn li ġejjin: l-injam, l-aggregati, il-metall, il-ħġieġ u l-ġibs.

L-Istati Membri għandhom jieħdu miżuri biex jiżguraw is-separazzjoni tal-iskart tal-kostruzzjoni u d-demolizzjoni, tal-anqas għal dawn li ġejjin: l-injam, frazzjonijiet minerali (konkrit, briks, madum u ċeramika), il-metall, il-plastik, il-ġipsum, il-ħġieġ u l-ġibs. L-Istati Membri jistgħu jużaw il-miżuri elenkati fl-Anness IVa.

 

L-Istati Membri għandhom jinċentivaw l-awditi ta' qabel id-demolizzjoni sabiex inaqqsu kemm jista' jkun il-kontenut ta' sustanzi li jniġġsu jew sustanzi oħra mhux mixtieqa fl-iskart tal-kostruzzjoni u d-demolizzjoni u b'hekk jikkontribwixxu għal riċiklaġġ ta' kwalità għolja.

 

Emenda    166

Proposta għal direttiva

Artikolu 1 – paragrafu 1 – punt 10 – punt ba (ġdid)

Direttiva 2008/98/KE

Artikolu 11 – paragrafu 1 – subparagrafu 4a (ġdid)

 

Test propost mill-Kummissjoni

Emenda

 

(ba)  Fil-paragrafu 1, jiddaħħal is-subparagrafu li ġej:

 

"L-Istati Membri għandhom jieħdu miżuri biex jippromwovu s-sistemi ta' separazzjoni għall-iskart kummerċjali u industrijali, tal-inqas għal dawn li ġejjin: il-metall, il-plastik, il-karti u l-kartun, il-bijoskart, il-ħġieġ u l-injam.";

Ġustifikazzjoni

L-iskart kummerċjali u industrijali jikkostitwixxi fluss ewlieni tal-iskart. L-Istati Membri għandhom jieħdu wkoll miżuri fir-rigward tas-separazzjoni tal-iskart kummerċjali u industrijali biex jiffaċilitaw ir-riċiklaġġ.

 

 

 

Emenda    167

Proposta għal direttiva

Artikolu 1 – paragrafu 1 – punt 10 – punt bb (ġdid)

Direttiva 2008/98/KE

Artikolu 11 – paragrafu 2 – parti introduttorja

 

Test fis-seħħ

Emenda

 

(bb)  il-parti introduttorja tal-paragrafu 2 tinbidel b'dan li ġej:

Sabiex ikun hemm konformità ma' l-objettivi ta' din id-Direttiva, u biex isir progress lejn soċjetà Ewropea riċiklatriċi b'livell għoli ta' effiċjenza fir-riżorsi, l-Istati Membri għandhom jieħdu l-miżuri meħtieġa biex jiżguraw li jinkisbu l-miri li ġejjin:

"Sabiex ikun hemm konformità mal-objettivi ta' din id-Direttiva, u biex isir progress lejn ekonomija ċirkolari Ewropea b'livell għoli ta' effiċjenza fir-riżorsi, l-Istati Membri għandhom jieħdu l-miżuri meħtieġa biex jiżguraw li jinkisbu l-miri li ġejjin:"

 

 

 

Emenda    168

Proposta għal direttiva

Artikolu 1 – paragrafu 1 – punt 10 – punt d

Direttiva 2008/98/KE

Artikolu 11 – paragrafu 2 – punt c

 

Test propost mill-Kummissjoni

Emenda

(c)   sal-2025, it-tħejjija għall-użu mill-ġdid u r-riċiklaġġ tal-iskart muniċipali għandhom jiżdiedu sa minimu ta' 60 % skont il-piż;

(c)   sal-2025, it-tħejjija għall-użu mill-ġdid u r-riċiklaġġ tal-iskart muniċipali għandhom jiżdiedu sa minimu ta' 60 % skont il-piż tal-iskart muniċipali ġġenerat, inkluż minimu ta' 3 % ta' skart muniċipali totali mħejji għall-użu mill-ġdid;

 

 

 

Emenda    169

Proposta għal direttiva

Artikolu 1 – paragrafu 1 – punt 10 – punt d

Direttiva 2008/98/KE

Artikolu 11 – paragrafu 2 – punt d

 

Test propost mill-Kummissjoni

Emenda

(d)  sal-2030, it-tħejjija għall-użu mill-ġdid u r-riċiklaġġ tal-iskart muniċipali għandhom jiżdiedu sa minimu ta' 65 % skont il-piż.

(d)   sal-2030, it-tħejjija għall-użu mill-ġdid u r-riċiklaġġ tal-iskart muniċipali għandhom jiżdiedu sa minimu ta' 70 % skont il-piż ta' skart muniċipali ġġenerat, inkluż minimu ta' 5 % ta' skart muniċipali totali mħejji għall-użu mill-ġdid;

 

 

 

Emenda    170

Proposta għal direttiva

Artikolu 1 – paragrafu 1 – punt 10 – punt e

Direttiva 2008/98/KE

Artikolu 11 – paragrafu 3 – subparagrafu 1

 

Test propost mill-Kummissjoni

Emenda

3.  L-Estonja, il-Greċja, il-Kroazja, il-Latvja, Malta, ir-Rumanija u s-Slovakkja jistgħu jiksbu ħames snin addizzjonali biex jilħqu l-miri msemmija fil-paragrafu 2(c) u (d). L-Istat Membru għandu jgħarraf lill-Kummissjoni bl-intenzjoni tiegħu li juża din id-dispożizzjoni sa mhux aktar tard minn 24 xahar qabel l-iskadenzi rispettivi stipulati fil-paragrafi 2(c) u (d). F'każ ta' estensjoni, l-Istat Membru għandu jieħu l-miżuri meħtieġa biex iżid it-tħejjija għall-użu mill-ġdid u r-riċiklagg tal-iskart muniċipali sa minimu ta' 50% u 60% skont il-piż, rispettivament sal-2025 u sal-2030.

3.  Stat Membru jista' jitlob estensjoni ta' ħames snin biex jilħaq il-mira msemmija fil-punt (c) tal-paragrafu 2 jekk jissodisfa l-kundizzjonijiet li ġejjin:

 

(a)   ikun ħejja għall-użu mill-ġdid u rriċikla inqas minn 20 % tal-iskart muniċipali tiegħu fl-2013; u

 

(b)  ma jkunx inkluż fil-lista ta' Stati Membri fir-riskju li ma jilħqux il-mira tat-tħejjija għall-użu mill-ġdid u r-riċiklaġġ ta' mill-inqas 50 % tal-iskart muniċipali sal-2030 stabbilita skont il-punt (b) tal-Artikolu 11b(2).

 

L-Istat Membru għandu jagħmel talba lill-Kummissjoni biex jingħata tali estensjoni sa mhux aktar tard minn 24 xahar qabel l-iskadenza stipulata fil-punt (c) tal-paragrafu 2, iżda mhux qabel il-pubblikazzjoni tar-rapport imsemmi fl-Artikolu 11b dwar l-ilħiq tal-mira stabbilita f'dan il-paragrafu.

Ġustifikazzjoni

L-Istati Membri li fl-2013 irriċiklaw inqas minn 20 % jistgħu jitolbu lill-Kummissjoni deroga ta' ħames snin mil-limitu ta' żmien għall-miri ta' riċiklaġġ varji stabbiliti fil-livell tal-UE. Dan, madankollu, ma jfissirx li jiġu stabbiliti miri ġodda speċifiċi li jkunu differenti minn dawk għal Stati Membri oħra; ifisser biss li tingħata estensjoni għal-limitu ta' żmien jekk jiġu ssodisfati ċerti kundizzjonijiet.

 

 

Emenda    171

Proposta għal direttiva

Artikolu 1 – paragrafu 1 – punt 10 – punt e

Direttiva 2008/98/KE

Artikolu 11 – paragrafu 3 – subparagrafu 2

 

Test propost mill-Kummissjoni

Emenda

In-notifika għandha tkun akkumpanjata minn pjan ta' implimentazzjoni li jippreżenta l-miżuri meħtieġa biex jiżguraw il-konformità mal-miri qabel l-iskadenza l-ġdida. Il-pjan għandu jinkludi wkoll skeda taż-żmien iddettaljata għall-implimentazzjoni tal-miżuri proposti, kif ukoll valutazzjoni tal-impatti mistennija tagħhom.

It-talba għal estensjoni għandha tkun akkumpanjata minn pjan ta' implimentazzjoni li jippreżenta l-miżuri meħtieġa biex jiżguraw il-konformità mal-miri qabel l-iżkadenza l-ġdida. Il-pjan għandu jkun abbozzat abbażi ta' evalwazzjoni tal-pjanijiet eżistenti dwar l-immaniġġjar tal-iskart u għandu jinkludi wkoll skeda taż-żmien iddettaljata għall-implimentazzjoni tal-miżuri proposti, kif ukoll valutazzjoni tal-impatti mistennija tagħhom.

 

Barra minn hekk, il-pjan imsemmi fit-tielet subparagrafu għandu jikkonforma, mill-inqas, mar-rekwiżiti li ġejjin:

 

(a)   li juża strumenti ekonomiċi xierqa biex jipprovdi inċentivi għall-applikazzjoni tal-ġerarkija tal-iskart kif imsemmi fl-Artikolu 4(1) ta' din id-Direttiva;

 

(b)   li juri użu effiċjenti u effikaċi tal-Fondi Strutturali u ta' Koeżjoni u miżuri oħra permezz ta' investimenti fuq terminu twil li wieħed jista' jarahom li jiffinanzjaw l-iżvilupp tal-infrastrutturi tal-immaniġġjar tal-iskart meħtieġa biex jintlaħqu l-miri rilevanti;

 

(c)   li jipprovdi statistika ta' kwalità għolja u jiġġenera tbassir ċar tal-kapaċitajiet tal-immaniġġjar tal-iskart u kemm fadal għall-ilħiq tal-miri kif speċifikat fl-Artikolu 11(2) ta' din id-Direttiva, l-Artikolu 6(1) tad-Direttiva 94/62/KE u l-Artikolu 5(2a), (2b) u (2c) tad-Direttiva 1999/31/KE;

 

(d)  li stabbilixxa programm ta' prevenzjoni tal-iskart kif imsemmi fl-Artikolu 29 ta' din id-Direttiva;

 

Il-Kummissjoni għandha tivvaluta jekk ir-rekwiżiti stipulati fil-punti (a) sa (d) tar-raba' subparagrafu jkunux issodisfati. Sakemm il-Kummissjoni ma toġġezzjonax għall-pjan imressaq fi żmien ħames xhur minn meta jaslilha, it-talba għal estensjoni għandha titqies li ntlaqgħet.

 

Jekk il-Kummissjoni toġġezzjona għall-pjan imressaq, hija għandha titlob lill-Istat Membru kkonċernat iressaq pjan rivedut fi żmien xahrejn minn meta jaslulu dawk l-oġġezzjonijiet.

 

Il-Kummissjoni għandha tivvaluta l-pjan rivedut fi żmien xahrejn minn meta jaslilha u għandha taċċetta jew tiċħad it-talba għall-estensjoni bil-miktub. Meta l-Kummissjoni ma tiħux deċiżjoni sa dik l-iskadenza, it-talba għall-estensjoni għandha titqies li tkun intlaqgħet.

 

Il-Kummissjoni għandha tinforma lill-Parlament Ewropew u lill-Kunsill dwar l-eżitu tad-deċiżjonijiet tagħha fi żmien xahrejn minn meta teħodhom.

 

Jekk l-estensjoni msemmija fl-ewwel subparagrafu tingħata iżda l-Istat Membru ma jħejjix għall-użu mill-ġdid jew għar-riċiklaġġ ta' mill-inqas 50 % tal-iskart muniċipali tiegħu sal-2025, dik l-estensjoni għandha tiġi kkunsidrata bħala kkanċellata awtomatikament.

Ġustifikazzjoni

L-Istati Membri li, skont id-dejta tal-Eurostat, fl-2013 irriċiklaw inqas minn 20 % tal-iskart muniċipali tagħhom jistgħu jitolbu lill-Kummissjoni għal ħames snin addizzjonali sabiex jilħqu l-miri tat-tħejjija għall-użu mill-ġdid u għar-riċiklaġġ stabbiliti b'din id-Direttiva għall-2025 u l-2030. Biex jiksbu dawn l-eżenzjonijiet, l-Istati Membri kkonċernati għandhom jissottomettu pjan ta' implimentazzjoni, li għandu jiġi vvalutat mill-Kummissjoni abbażi ta' kriterji speċifiċi, u għandhom jilħqu miri interim li jikkonċernaw it-tħejjija għall-użu mill-ġdid u għar-riċiklaġġ.

 

 

 

 

Emenda    172

Proposta għal direttiva

Artikolu 1 – paragrafu 1 – punt 10 – punt e

Direttiva 2008/98/KE

Artikolu 11 – paragrafu 3a (ġdid)

 

Test propost mill-Kummissjoni

Emenda

 

3a.   Stat Membru jista' jitlob estensjoni ta' ħames snin biex jilħaq il-mira msemmija fil-punt (d) tal-paragrafu 2 jekk jissodisfa l-kundizzjonijiet li ġejjin:

 

(a)   li jikkonforma mal-kundizzjonijiet stipulati fil-punti (a) u (b) tal-ewwel subparagrafu tal-paragrafu 3; kif ukoll

 

(b)   li ma jkunx inkluż fil-lista ta' Stati Membri fir-riskju li ma jilħqux il-mira tat-tħejjija għall-użu mill-ġdid u għar-riċiklaġġ ta' mill-inqas 60 % tal-iskart muniċipali sal-2030 stabbilita skont il-punt (b) tal-Artikolu 11b(2).

 

Sabiex jitlob l-estensjoni msemmija fl-ewwel subparagrafu ta' dan l-Artikolu, Stat Membru għandu jissottometti t-talba tiegħu lill-Kummissjoni skont il-paragrafu 3 ta' dan l-Artikolu mill-inqas 24 xahar qabel l-iskadenza stipulata fil-punt (d) tal-paragrafu 2 ta' dan l-Artikolu, iżda mhux qabel il-pubblikazzjoni tar-rapport imsemmi fl-Artikolu 11b dwar l-ilħiq tal-miri stipulati f'dan il-paragrafu.

 

Jekk estensjoni bħal din tingħata iżda l-Istat Membru ma jħejjix għall-użu mill-ġdid jew għar-riċiklaġġ ta' mill-inqas 60 % tal-iskart muniċipali tiegħu sal-2030, dik l-estensjoni għandha tiġi kkunsidrata bħala kkanċellata awtomatikament.

 

 

 

 

Emenda    173

Proposta għal direttiva

Artikolu 1 – paragrafu 1 – punt 10 – punt e

Direttiva 2008/98/KE

Artikolu 11 – paragrafu 4

 

Test propost mill-Kummissjoni

Emenda

4.  Sa mhux iktar tard mill-31 ta' Diċembru 2024, il-Kummissjoni għandha teżamina l-mira stipulata fil-paragrafu 2(d) bil-għan li żżidha, u filwaqt li tqis l-istipular ta' miri għal flussi ta' skart oħra. Għal dan il-għan, għandu jintbagħat lill-Parlament Ewropew u lill-Kunsill rapport tal-Kummissjoni, akkumpanjat bi proposta fejn ikun xieraq.

4.   Sa mhux iktar tard mill-31 ta' Diċembru 2024, il-Kummissjoni għandha teżamina l-mira stipulata fil-paragrafu 2(d) bil-għan li żżidha, u filwaqt li tqis l-aħjar prattiki u miżuri użati mill-Istati Membri biex jilħqu din il-mira. Għal dan il-għan, għandu jintbagħat lill-Parlament Ewropew u lill-Kunsill rapport tal-Kummissjoni, akkumpanjat bi proposta fejn ikun xieraq.

Ġustifikazzjoni

Il-possibbiltà li l-Kummissjoni tista' tikkunsidra li tistabbilixxi miri ta' tħejjija għall-użu mill-ġdid u għar-riċiklaġġ għal tipi ta' skart apparti l-iskart muniċipali hija koperta fil-paragrafi 4a u 4b, li l-iskadenza tagħhom hija miġjuba 'l quddiem għall-2018.

 

 

Emenda    174

Proposta għal direttiva

Artikolu 1 – paragrafu 1 – punt 10 – punt e

Direttiva 2008/98/KE

Artikolu 11 – paragrafu 4a (ġdid)

 

Test propost mill-Kummissjoni

Emenda

 

4a.  Il-Kummissjoni għandha teżamina l-possibbiltà li tistabbilixxi miri ta' tħejjija għall-użu mill-ġdid u għar-riċiklaġġ li japplikaw għall-iskart kummerċjali, l-iskart industrijali mhux perikoluż u flussi ta' skart oħra li għandhom jintlaħqu sal-2025 u l-2030. Għal dan il-għan, sal-31 ta' Diċembru 2018, il-Kummissjoni għandha tfassal rapport, akkumpanjat bi proposta leġiżlattiva li, fejn ikun xieraq, għandu jintbagħat lill-Parlament Ewropew u lill-Kunsill.

Ġustifikazzjoni

L-iskart muniċipali jammonta biss għal bejn 7 % u 10 % tal-iskart kollu ġġenerat fl-Unjoni Ewropea; għalhekk, għandha tiġi kkunsidrata l-inklużjoni ta' miri għall-iskart kummerċjali u industrijali, simili għal dawk stabbiliti għall-iskart muniċipali, sabiex tiġi stimulata t-tranżizzjoni lejn ekonomija ċirkolari.

 

 

Emenda    175

Proposta għal direttiva

Artikolu 1 – paragrafu 1 – punt 10 – punt e

Direttiva 2008/98/KE

Artikolu 11 – paragrafu 4b (ġdid)

 

Test propost mill-Kummissjoni

Emenda

 

4b.  Il-Kummissjoni għandha tqis il-possibbiltà li tistabbilixxi miri ta' tħejjija għall-użu mill-ġdid u għar-riċiklaġġ li japplikaw għall-iskart tal-kostruzzjoni u d-demolizzjoni li għandhom jintlaħqu sal-2025 u l-2030. Għal dan il-għan, sal-31 ta' Diċembru 2018, il-Kummissjoni għandha tfassal rapport, akkumpanjat bi proposta leġiżlattiva li, fejn ikun xieraq, għandu jintbagħat lill-Parlament Ewropew u lill-Kunsill.

Ġustifikazzjoni

L-iskart tal-kostruzzjoni u d-demolizzjoni jammonta għal madwar terz tal-iskart kollu prodott fl-UE. Il-Kummissjoni għandha, għalhekk, tikkunsidra tistabbilixxi miri għat-tħejjija għall-użu mill-ġdid u għar-riċiklaġġ għall-2025 u l-2030, flimkien mal-miri attwali għall-2020.

 

 

 

Emenda    176

Proposta għal direttiva

Artikolu 1 – paragrafu 1 – punt 11

Direttiva 2008/98/KE

Artikolu 11a – paragrafu 1

 

Test propost mill-Kummissjoni

Emenda

1.  Għall-finijiet tal-kalkolu ta' jekk intlaħqux il-miri stipulati fl-Artikolu 11(2)(c) u (d) u 11(3),

1.  Għall-finijiet tal-kalkolu ta' jekk intlaħqux il-miri stipulati fl-Artikolu 11(2)(c) u (d) u 11(3),

(a)  il-piż tal-iskart muniċipali riċiklat għandu jinftiehem bħala l-piż tal-iskart li jiddaħħal fil-proċess aħħari tar-riċiklaġġ;

(a)  il-piż tal-iskart muniċipali riċiklat għandu jiġi kkalkolat bħala l-piż tal-iskart li jiddaħħal fi proċess aħħari tar-riċiklaġġ għal sena partikolari;

(b)  il-piż tal-iskart muniċipali mħejji għall-użu mill-ġdid għandu jinftiehem bħala l-piż tal-iskart munċipiali li jkun ġie rkuprat jew miġbur minn operatur rikonoxxut ta' tħejjija għall-użu mill-ġdid, u li jkun għadda minn kull operat meħtieġ ta' verifika, tindik u tiswija sabiex jippermetti l-użu mill-ġdid mingħajr iktar separazzjoni jew proċessar preliminari;

(b)  il-piż tal-iskart muniċipali mħejji għall-użu mill-ġdid għandu jiġi kkalkolat bħala l-piż tal-iskart munċipiali li jkun ġie rkuprat jew miġbur f'sena partikolari minn operatur rikonoxxut ta' tħejjija għall-użu mill-ġdid, u li jkun għadda minn kull operat meħtieġ ta' verifika, tindikf u tiswija sabiex jippermetti l-użu mill-ġdid mingħajr iktar separazzjoni jew proċessar preliminari;

(c)  l-Istati Membri jistgħu jinkludu prodotti jew komponenti mħejjija għall-użu mill-ġdid minn operaturi rikonoxxuti ta' tħejjija għall-użu mill-ġdid jew minn skemi ta' rifużjonijiet tad-depożitu. Għall-kalkolu tar-rata aġġustata ta' skart muniċipali mħejji għall-użu mill-ġdid u riċiklat, filwaqt li jqisu l-piż tal-prodotti u l-komponenti mħejjija għall-użu mill-ġdid, l-Istati Membri għandhom jużaw dejta vverifikata mill-operaturi, u għandhom japplikaw il-formola mogħtija fl-Anness VI.

 

 

 

 

Emenda    177

Proposta għal direttiva

Artikolu 1 – paragrafu 1 – punt 11

Direttiva 2008/98/KE

Artikolu 11a – paragrafu 1a (ġdid)

 

Test propost mill-Kummissjoni

Emenda

 

1a.  Sal-31 ta' Diċembru 2018, il-Kummissjoni għandha titlob lill-organizzazzjonijiet Ewropej tal-istandardizzazzjoni biex jiżviluppaw standards ta' kwalità Ewropej għall-materjali tal-iskart li jidħlu fil-proċess aħħari tar-riċiklaġġ u għall-materja prima sekondarja, b'mod partikolari għall-plastik, skont l-aqwa prattiki disponibbli.

 

 

 

Emenda    178

Proposta għal direttiva

Artikolu 1 – paragrafu 1 – punt 11

Direttiva 2008/98/KE

Artikolu 11a – paragrafu 2

 

Test propost mill-Kummissjoni

Emenda

2.  Sabiex jiġu żgurati kundizzjonijiet armonizzati għall-applikazzjoni tal-paragrafu 1(b) u (c) u tal-Anness VI, il-Kummissjoni għandha tadotta atti delegati skont l-Artikolu 38a li jistabbilixxu rekwiżiti minimi ta' kwalità u ta' operazzjoni għad-determinazzjoni tal-operaturi rikonoxxuti ta' tħejjija għall-użu mill-ġdid kif ukoll tal-iskemi ta' rifużjonijiet tad-depożitu, inklużi regoli speċifiċi dwar il-ġbir, il-verifika u r-rappurtar tad-dejta.

2.  Sabiex jiġu żgurati kundizzjonijiet armonizzati għall-applikazzjoni tal-paragrafu 1(a) u (b), il-Kummissjoni għandha tadotta atti delegati skont l-Artikolu 38a li jistabbilixxu rekwiżiti minimi ta' kwalità u ta' operazzjoni għad-determinazzjoni tal-operaturi rikonoxxuti ta' tħejjija għall-użu mill-ġdid, tal-iskemi ta' rifużjonijiet tad-depożitu u l-operaturi tar-riċiklaġġ finali, inklużi regoli speċifiċi dwar il-ġbir, it-traċċabbiltà, il-verifika u r-rappurtar tad-dejta.

Ġustifikazzjoni

Il-Kummissjoni għandha tiddefinixxi r-rekwiżiti minimi kwalitattivi u operattivi għall-operaturi tat-tħejjija għall-użu mill-ġdid u għall-operaturi tar-riċiklaġġ sabiex materja prima sekondarja tiġi ggarantita bi standards ta' kwalità għolja.

 

 

 

Emenda    179

Proposta għal direttiva

Artikolu 1 – paragrafu 1 – punt 11

Direttiva 2008/98/KE

Artikolu 11a – paragrafu 3

 

Test propost mill-Kummissjoni

Emenda

3.  B'deroga mill-paragrafu 1, il-piż tal-output ta' kull operat ta' separazzjoni tal-iskart jista' jiġi rrappurtat bħala l-piż tal-iskart muniċipali riċiklat, dejjem jekk:

3.  L-Istati Membri għandhom jiżguraw li jinżammu rekords dwar il-piż tal-prodotti u l-materjali meta jħallu (jiġifieri l-output) l-faċilità tal-irkupru jew tar-riċiklaġġ/tħejjija għall-użu mill-ġdid.

(a)  tali output ta' skart jiddaħħal fi proċess aħħari ta' riċiklaġġ;

 

(b)  il-piż tal-materjali jew tas-sustanzi li mhumiex soġġetti għal proċess aħħari ta' riċiklaġġ, u li jintremew jew ikunu soġġetti għall-irkupru tal-enerġija, jibqa' taħt l-10 % tal-piż totali li għandu jiġi rrappurtat bħala riċiklat.

 

Ġustifikazzjoni

Fir-riżoluzzjoni tiegħu dwar "L-effiċjenza fl-użu tar-riżorsi: lejn ekonomija ċirkolari", adottata fid-9 ta' Lulju 2015, il-Parlament Ewropew talab għal miri għat-tħejjija għall-użu mill-ġdid u għar-riċiklaġġ li jiġu kkalkolati bl-użu ta' metodu armonizzant uniku fl-Istati Membri kollha, ibbażat fuq metodu solidu ta' rapportar li jipprevjeni r-rapportar ta' skart li ntrema (fil-miżbliet jew inċinerat) bħala skart riċiklat.

 

 

 

Emenda    180

Proposta għal direttiva

Artikolu 1 – paragrafu 1 – punt 11

Direttiva 2008/98/KE

Artikolu 11a – paragrafu 4

 

Test propost mill-Kummissjoni

Emenda

4.  L-Istati Membri għandhom jistabbilixxu sistema effettiva ta' kontroll tal-kwalità u ta' traċċabbiltà tal-iskart muniċipali, sabiex jiġi żgurat li jintlaħqu l-kundizzjonijiet stipulati fil-paragrafu 3(a) u (b). Is-sistema tista' tikkonsisti jew minn reġistri elettroniċi maħluqin skont l-Artikolu 35(4), speċifikazzjonijiet tekniċi għar-rekwiżiti ta' kwalità tal-iskart separat, jew kull miżuri ekwivalenti maħsub biex jiżgura t-traċċabbiltà u l-preċiżjoni tad-dejta miġbura fuq l-iskart riċiklat.

4.  F'konformità mal-paragrafu 2, l-Istati Membri għandhom jistabbilixxu sistema effettiva ta' kontroll tal-kwalità u ta' traċċabbiltà tal-iskart muniċipali, sabiex tiġi żgurata konformità mar-regoli stipulati fil-paragrafu 1. Is-sistema tista' tikkonsisti jew minn reġistri elettroniċi maħluqin skont l-Artikolu 35(4), speċifikazzjonijiet tekniċi għar-rekwiżiti ta' kwalità tal-iskart separat, jew kull miżuri ekwivalenti maħsub biex jiżgura t-traċċabbiltà u l-preċiżjoni tad-dejta miġbura fuq l-iskart riċiklat. L-Istati Membri għandhom jinfurmaw lill-Kummissjoni dwar il-metodu magħżul għall-kontroll tal-kwalità u t-traċċabbiltà.

 

Emenda    181

Proposta għal direttiva

Artikolu 1 – paragrafu 1 – punt 11

Direttiva 2008/98/KE

Artikolu 11a – paragrafu 5

 

Test propost mill-Kummissjoni

Emenda

5.  Għall-finijiet tal-kalkolu ta' jekk inkunu intlaħqu l-miri stipulati fl-Artikolu 11(2)(c) u (d) u l-Artikolu 11(3), l-Istati Membri jistgħu jqisu r-riċiklaġġ tal-metalli li jsir b'rabta mal-inċinerazzjoni, proporzjonalment mas-sehem tal-iskart munċipali inċinerat, dejjem jekk il-metalli riċiklati jilħqu ċerti rekwiżiti ta' kwalità.

5.  Għall-finijiet tal-kalkolu ta' jekk ikunu ntlaħqu l-miri stipulati fl-Artikolu 11(2)(c) u (d) u l-Artikolu 11(3), l-Istati Membri jistgħu, wara l-adozzjoni mill-Kummissjoni tal-att delegat imsemmi fil-paragrafu 6 ta' dan l-Artikolu, iqisu r-riċiklaġġ tal-metalli li jsir b'rabta mal-inċinerazzjoni jew mal-koinċinerazzjoni, proporzjonalment mas-sehem tal-iskart munċipali inċinerat jew koinċinerat, dejjem jekk il-metalli riċiklati jilħqu ċerti rekwiżiti ta' kwalità u li l-iskart ikun ġie separat qabel l-inċinerazzjoni jew li l-obbligu li jiġi stabbilit ġbir separat għall-karti, il-metall, il-plastik, il-ħġieġ u l-bijoskart ikun ġie osservat.

Ġustifikazzjoni

Biex ikun żgurat li r-regoli fil-livell tal-UE huma armonizzati u ċari, il-Kummissjoni għandha tistabbilixxi metodoloġija komuni qabel ma l-Istati Membri jkunu jistgħu jinkludu fiċ-ċifri tagħhom ir-riċiklaġġ ta' materjali tal-ħadid li sar flimkien mal-inċinerazzjoni.

 

Emenda    182

Proposta għal direttiva

Artikolu 1 – paragrafu 1 – punt 11

Direttiva 2008/98/KE

Artikolu 11a – paragrafu 6

 

Test propost mill-Kummissjoni

Emenda

6.  Sabiex jiġu żgurati kundizzjonijiet armonizzati għall-applikazzjoni tal-paragrafu 5, il-Kummissjoni għandha tadotta atti delegati skont l-Artikolu 38a, li jistabbilixxu metodoloġija komuni għall-kalkolu tal-piż tal-metalli li jkunu ġew riċiklati bl-inċinerazzjoni, inklużi l-kriterji ta' kwalità għall-metalli riċiklati.

6.  Sabiex jiġu żgurati kundizzjonijiet armonizzati għall-applikazzjoni tal-paragrafu 5, il-Kummissjoni għandha tadotta atti delegati skont l-Artikolu 38a, li jistabbilixxu metodoloġija komuni għall-kalkolu tal-piż tal-metalli li jkunu ġew riċiklati bl-inċinerazzjoni jew bil-koinċinerazzjoni, inklużi l-kriterji ta' kwalità għall-metalli riċiklati.

Ġustifikazzjoni

Biex ikun żgurat li r-regoli fil-livell tal-UE huma armonizzati u ċari, il-Kummissjoni għandha tistabbilixxi metodoloġija komuni qabel ma l-Istati Membri jkunu jistgħu jinkludu r-riċiklaġġ ta' materjali tal-ħadid li sar flimkien mal-inċinerazzjoni fiċ-ċifri tagħhom.

 

 

 

 

 

Emenda    183

Proposta għal direttiva

Artikolu 1 – paragrafu 1 – punt 12

Direttiva 2008/98/KE

Artikolu 11a – paragrafu 1

 

Test propost mill-Kummissjoni

Emenda

1.  Bi sħab mal-Aġenzija Ewropea għall-Ambjent, il-Kummissjoni għandha tfassal rapporti dwar il-progress lejn l-ilħiq tal-miri stipulati fl-Artikoli 11(2)(c) u (d) u (3), sa mhux aktar tard minn tliet snin qabel kull skadenza stipulata f'dawk id-dispożizzjonijiet.

1.  Bi sħab mal-Aġenzija Ewropea għall-Ambjent, il-Kummissjoni għandha tfassal rapporti dwar il-progress lejn l-ilħiq tal-miri stipulati fl-Artikoli 11(2)(c) u (d), l-Artikolu 11(3) u (3a) u l-Artikolu 21(1a) sa mhux aktar tard minn tliet snin qabel kull skadenza stipulata f'dawk id-dispożizzjonijiet.

 

 

Emenda    184

Proposta għal direttiva

Artikolu 1 – paragrafu 1 – punt 12

Direttiva 2008/98/KE

Artikolu 11b – paragrafu 2 – punt ba (ġdid)

 

Test propost mill-Kummissjoni

Emenda

 

(ba)  eżempji tal-aħjar prattiki li jintużaw fl-Unjoni kollha u li jistgħu jipprovdu gwida biex isir progress lejn l-ilħiq tal-miri.

 

 

Emenda    185

Proposta għal direttiva

Artikolu 1 – paragrafu 1 – punt 12

Direttiva 2008/98/KE

Artikolu 11b – paragrafu 2a (ġdid)

 

Test propost mill-Kummissjoni

Emenda

 

2a.  Fejn meħtieġ, ir-rapporti msemmija fil-paragrafu 1 għandhom jindirizzaw l-implimentazzjoni ta' rekwiżiti oħra ta' din id-Direttiva bħal pereżempju t-tbassir tal-ilħiq tal-miri li jinsabu fil-programmi għall-prevenzjoni tal-iskart imsemmija fl-Artikolu 29 u l-perċentwal u l-kwantità per capita tal-iskart muniċipali li jintrema u li jkun soġġett għall-irkupru tal-enerġija.

Ġustifikazzjoni

Jekk il-Kummissjoni tħoss li jkun meħtieġ, jistgħu jiġu mfassla analiżi ta' aspetti rilevanti oħra tal-immaniġġjar tal-iskart fi Stat Membru partikolari taħt is-Sistema ta' Twissija Bikrija.

 

 

Emenda    186

Proposta għal direttiva

Artikolu 1 – paragrafu 1 – punt 12a (ġdid)

Direttiva 2008/98/KE

Artikolu 12 – paragrafu 1a (ġdid)

 

Test propost mill-Kummissjoni

Emenda

 

(12a)   Fl-Artikolu 12, jiżdied il-paragrafu li ġej:

 

"1a.  L-Istati Membri għandhom jieħdu l-miżuri meħtieġa biex jiżguraw li, sas-sena 2030, l-ammont tal-iskart muniċipali mormi jkun naqas sa massimu ta' 10 % tal-ammont totali tal-iskart muniċipali ġġenerat.";

 

Emenda    187

Proposta għal direttiva

Artikolu 1 – paragrafu 1 – punt 12b (ġdid)

Direttiva 2008/98/KE

Artikolu 12 – paragrafu 1b (ġdid)

 

Test propost mill-Kummissjoni

Emenda

 

(12b)   Fl-Artikolu 12, jiżdied il-paragrafu li ġej:

 

"1b.  Il-Kummissjoni għandha tirrieżamina l-operazzjonijiet ta' rimi elenkati fl-Anness I. Fid-dawl ta' dak ir-rieżami, il-Kummissjoni għandha tadotta atti delegati li jissuplimentaw din id-Direttiva li jistabbilixxu l-kriterji tekniċi u l-proċeduri operazzjonali għall-operazzjonijiet ta' rimi D2, D3, D4, D6, D7, u D12. Jekk xieraq, dawn l-atti delegati għandhom jistabbilixxu projbizzjoni fuq l-operazzjonijiet ta' rimi li ma jissodisfawx ir-rekwiżiti stabbiliti fl-Artikolu 13.";

 

 

 

Emenda    188

Proposta għal direttiva

Artikolu 1 – paragrafu 1 – punt 12c (ġdid)

Direttiva 2008/98/KE

Artikolu 12 - paragrafu 1c (ġdid)

 

Test propost mill-Kummissjoni

Emenda

 

(12c)  Fl-Artikolu 12, jiżdied il-paragrafu li ġej:

 

"1c. L-Istati Membri għandhom jieħdu miżuri speċifiċi biex jipprevjenu r-rimi tal-iskart, kemm b'mod dirett kif ukoll b'mod indirett, fl-ambjent tal-baħar. L-Istati Membri għandhom jirrappurtaw lill-Kummissjoni l-miżuri mdaħħla fis-seħħ biex jimplimentaw dan il-paragrafu 18-il xahar wara d-dħul fis-seħħ ta' din id-Direttiva u kull sentejn wara dik id-data. Il-Kummissjoni għandha tippubblika rapport biennali abbażi tal-informazzjoni pprovduta fi żmien sitt xhur.

 

Il-Kummissjoni għandha tadotta atti ta' implimentazzjoni biex tistabbilixxi modalitajiet u indikaturi għall-implimentazzjoni ta' dan il-paragrafu. Dawk l-atti ta' implimentazzjoni għandhom jiġu adottati skont il-proċedura msemmija fl-Artikolu 39(2).";

 

Emenda    189

Proposta għal direttiva

Artikolu 1 – paragrafu 1 – punt 12d (ġdid)

Direttiva 2008/98/KE

Artikolu 15 – paragrafu 4a (ġdid)

 

Test propost mill-Kummissjoni

Emenda

 

(12d)  Fl-Artikolu 15, jiżdied il-paragrafu li ġej:

 

"4a.   F'konformità mad-Direttiva 2014/24/UE, l-Istati Membri jistgħu jieħdu miżuri biex jiżguraw li l-proċedura ta' għażla għall-operaturi tal-immaniġġjar tal-iskart, immexxija mill-awtoritajiet u l-organizzazzjonijiet lokali li jimplimentaw ir-responsabbiltà estiża tal-produttur f'isem produttur ta' prodotti, tinkludi klawżoli soċjali bil-għan li jappoġġjaw ir-rwol tal-intrapriżi u pjattaformi soċjali u ta' solidarjetà.";

 

 

 

Emenda    190

Proposta għal direttiva

Artikolu 1 – paragrafu 1 – punt 12e (ġdid)

Direttiva 2008/98/KE

Artikolu 18 – paragrafu 3

 

Test fis-seħħ

Emenda

 

(12e)  Fl-Artikolu 18, il-paragrafu 3 huwa sostitwit b'dan li ġej:

3.  Suġġett għal kriterji tekniċi u ta' fattibilità, fejn skart perikoluż ikun ġie imħallat b'mod li jmur kontra l-paragrafu 1, is-separazzjoni għandha ssir fejn ikun possibbli u meħtieġ sabiex ikun konformi ma' l-Artikolu 13.

“3.   Fejn skart perikoluż ikun ġie mħallat b'mod li jmur kontra l-paragrafu 1, l-Istati Membri għandhom jiżguraw li, mingħajr preġudizzju għall-Artikolu 26, is-separazjoni ssir fejn tkun teknikament fattibbli.

 

Fejn is-separazzjoni ma tkunx teknikament fattibbli, l-iskart imħallat għandu jiġi ttrattat f'installazzjoni li jkollha l-permess li tittratta taħlita bħal din kif ukoll komponenti individwali ta' din it-taħlita.";

Ġustifikazzjoni

Għandu jkun hemm konsegwenzi ċari għat-taħlit illegali ta' skart perikoluż. Mingħajr preġudizzju għal kwalunkwe penali skont l-Artikolu 36, fejn il-projbizzjoni tat-taħlit ma ġietx irrispettata, is-separazzjoni teħtieġ li tiġi żgurata, fejn ikun teknikament fattibbli. Meta dan ma jkunx teknikament fattibbli, jeħtieġ li jiġi żgurat trattament f'faċilità xierqa.

 

 

 

Emenda    191

Proposta għal direttiva

Artikolu 1 – paragrafu 1 – punt 12f (ġdid)

Direttiva 2008/98/KE

Artikolu 20 – paragrafu 1 – subparagrafu 1a (ġdid)

 

Test propost mill-Kummissjoni

Emenda

 

(12f)  fl-Artikolu 20, jiddaħħal is-subparagrafu li ġej:

 

"Sal-1 ta' Jannar 2020, l-Istati Membri għandhom jistabbilixxu ġbir separat jew sistemi ta' akkoljenza għall-iskart perikoluż iġġenerat mid-djar biex jiġi żgurat li l-iskart perikoluż jiġi trattat b'mod korrett u ma jikkontaminax flussi oħra ta' skart muniċipali.";

 

Emenda    192

Proposta għal direttiva

Artikolu 1 – paragrafu 1 – punt 12g (ġdid)

Direttiva 2008/98/KE

Artikolu 20 – paragrafu 1b (ġdid)

 

Test propost mill-Kummissjoni

Emenda

 

(12g)  fl-Artikolu 20, jiddaħħal il-paragrafu li ġej:

 

"1b.  Sa ... [18-il xahar wara d-data tad-dħul fis-seħħ ta' din id-Direttiva], il-Kummissjoni għandha tfassal linji gwida biex tgħin u tiffaċilita lill-Istati Membri fil-ġbir u l-immaniġġjar sikur ta' skart perikoluż iġġenerat mid-djar.";

 

 

Emenda    193

Proposta għal direttiva

Artikolu 1 – paragrafu 1 – punt 12h (ġdid)

Direttiva 2008/98/KE

Artikolu 21 – paragrafu 1 – punt h

 

Test fis-seħħ

Emenda

 

(12h)  Fl-Artikolu 21(1), il-punt a huwa sostitwit b'dan li ġej:

(a)  iż-żjut għar-rimi jinġabru separatament, fejn dan huwa teknikament fattibbli;

"(a)   iż-żjut għar-rimi jinġabru separatament";

 

Emenda    194

Proposta għal direttiva

Artikolu 1 – paragrafu 1 – punt 12i (ġdid)

Direttiva 2008/98/KE

Artikolu 21 – paragrafu 1 – punt c

 

Test fis-seħħ

Emenda

 

(12i)  Fl-Artikolu 21, il-punt c huwa sostitwit b'dan li ġej:

(c)   fejn dan hu teknikament fattibbli u ekonomikament vijabbli, żjut għar-rimi b'karatteristiċi differenti ma jitħalltux u żjut għar-rimi ma jitħalltux ma żjut ta' tipi oħrajn ta' skart jew sustanzi, jekk tali taħlit ma jħallix li jiġu ttrattati.

"(c)  żjut għar-rimi b'karatteristiċi differenti ma jitħalltux u żjut għar-rimi ma jitħalltux ma żjut ta' tipi oħrajn ta' skart jew sustanzi, jekk tali taħlit ma jħallix li jiġu rriġenerati.";

 

Emenda    195

Proposta għal direttiva

Artikolu 1 – paragrafu 1 – punt 12j (ġdid)

Direttiva 2008/98/KE

Artikolu 21 – paragrafu 1a (ġdid)

 

Test propost mill-Kummissjoni

Emenda

 

(12j) Fl-Artikolu 21, jiddaħħal il-paragrafu li ġej:

 

"1a.  L-Istati Membri għandhom jieħdu l-miżuri meħtieġa mfassla biex jiżguraw li, sal-2025, ir-riġenerazzjoni taż-żjut għar-rimi għandha tiżdied sa minimu ta' 85 % taż-żjut għar-rimi ġġenerati.

 

Iż-żjut għar-rimi mibgħuta lil Stat Membru ieħor għall-iskop ta' riġenerazzjoni f'dak l-Istat Membru l-ieħor jistgħu jingħaddu biss lejn l-ilħiq tal-mira mill-Istat Membru li fih iż-żjut għar-rimi ġew miġbura, u jekk ir-rekwiżiti rilevanti tar-Regolament (KE) Nru 1013/2006 dwar vjeġġi transkonfinali ta' skart perikoluż huma ssodisfati.

 

Iż-żjut għar-rimi esportati mill-Unjoni għar-riġenerazzjoni, għat-tħejjija għall-użu mill-ġdid jew għar-riċiklaġġ għandhom jingħaddu biss lejn l-ilħiq tal-mira stipulata mill-Istat Membru fejn ikunu nġabru jekk, skont ir-Regolament (KE) Nru 1013/2006, l-esportatur jista' jagħti prova li l-vjeġġ tal-iskart jikkonforma mar-rekwiżiti ta' dak ir-Regolament, u li t-trattament ta' riġenerazzjoni taż-żjut għar-rimi barra mill-Unjoni jkun sar f'kundizzjonijiet ekwivalenti għar-rekwiżiti tad-dritt ambjentali rilevanti tal-Unjoni.

 

 

Emenda    196

Proposta għal direttiva

Artikolu 1 – paragrafu 1 – punt 12k (ġdid)

Direttiva 2008/98/KE

Artikolu 21 – paragrafu 2

 

Test fis-seħħ

Emenda

 

(12k) Fl-Artikolu 21, il-paragrafu 2 huwa sostitwit b'dan li ġej:

2.  Għall-finijiet tal-ġbir separat ta' żjut għar-rimi u t-trattament tagħhom kif suppost, l-Istati Membri jistgħu, skond il-kondizzjonijiet nazzjonali tagħhom, japplikaw miżuri addizzjonali bħal rekwiżiti tekniċi, responsabbiltà tal-produttur, strumenti ekonomiċi jew ftehim volontarju.

"2.  Sabiex jikkonformaw mal-obbligi stabbiliti fil-paragrafi 1 u 1a, l-Istati Membri jistgħu, skont il-kundizzjonijiet nazzjonali tagħhom, japplikaw miżuri addizzjonali bħal rekwiżiti tekniċi, responsabbiltà tal-produttur, strumenti ekonomiċi jew ftehim volontarju.";

 

Emenda    197

Proposta għal direttiva

Artikolu 1 – paragrafu 1 – punt 12l (ġdid)

Direttiva 2008/98/KE

Artikolu 21 – paragrafu 3

 

Test fis-seħħ

Emenda

 

(12l) Fl-Artikolu 21, il-paragrafu 3 huwa mibdul b' dan li ġej:

3.  Jekk żjut għar-rimi, skond il-leġiżlazzjoni nazzjonali, ikunu suġġetti għal rekwiżiti ta' riġenerazzjoni, l-Istati Membri jistgħu jippreskrivu li dawn iż-żjut għar-rimi għandhom jiġu rriġenerati jekk dan huwa teknikament fattibbli u, fejn l-Artikoli 11 jew 12 tar-Regolament (KE) Nru 1013/2006 japplika, jirrestrinġu l-vjeġġ transkonfini taż-żjut għar-rimi mit-territorju tagħhom għall-faċilitajiet ta' inċinerazzjoni jew ko-inċinerazzjoni sabiex jagħtu prijorità lir-riġenerazzjoni taż-żjut għar-rimi.

"3.   L-Istati Membri jistgħu, fejn l-Artikoli 11 jew 12 tar-Regolament (KE) Nru 1013/2006 japplika, jirrestrinġu l-vjeġġ transkonfini taż-żjut għar-rimi mit-territorju tagħhom għall-faċilitajiet ta' inċinerazzjoni jew koinċinerazzjoni sabiex jagħtu prijorità lir-riġenerazzjoni taż-żjut għar-rimi.";

 

 

Emenda    198

Proposta għal direttiva

Artikolu 1 – paragrafu 1 – punt 13

Direttiva 2008/98/KE

Artikolu 22 – paragrafu 1 – subparagrafu 1

 

Test propost mill-Kummissjoni

Emenda

L-Istati Membri għandhom jiżguraw il-ġbir b'mod separat tal-bijoskart fejn ikun vjabbli teknikament, ambjentalment u ekonomikament, u fejn ikun xieraq biex jiżgura l-istandards rilevanti ta' kwalità għad-demel, kif ukoll biex jintlaħqu l-miri stipulati fl-Artikolu 11(2)(a), (c) u (d), u 11(3).

1.   L-Istati Membri għandhom jiżguraw il-ġbir b'mod separat mis-sors tal-bijoskart, skont l-Artikolu 10(2).

Ġustifikazzjoni

 

Il-ġbir separat tal-bijoskart għandu jkun obbligatorju sabiex tiġi pprevenuta l-kontaminazzjoni ta' frazzjonijiet nexfin oħrajn u jiġi mħeġġeġ l-irkupru ta' materjali organiċi li huma kapaċi jipproduċu kompost u diġestat, kif ukoll il-bijogass. Il-ġbir tal-iskart separat minn qabel huwa wieħed mill-għodod li jappoġġjaw il-ħolqien ta' suq ta' riċiklaġġ ta' kwalità għolja u l-ilħiq ta' livelli għolja ta' riċiklaġġ. L-introduzzjoni ta' limiti tekniċi, ambjentali u finanzjarji ppermettiet bosta eżenzjonijiet, li jirrendu l-applikazzjoni ta' dan il-prinċipju impossibbli. L-obbligu ta' ġbir separat ma għandux jeskludi l-possibbiltà li jinżammu jew jiġu organizzati skemi tal-ikkompostjar fid-dar.

 

 

Emenda    199

Proposta għal direttiva

Artikolu 1 – paragrafu 1 – punt 13

Direttiva 2008/98/KE

Artikolu 22 – paragrafu 1a (ġdid)

 

Test propost mill-Kummissjoni

Emenda

 

1a.   L-Istati Membri għandhom jinkoraġġixxu l-ikkompostjar fid-dar.

 

 

 

Emenda    200

Proposta għal direttiva

Artikolu 1 – paragrafu 1 – punt 13

Direttiva 2008/98/KE

Artikolu 22 – paragrafu 1 – subparagrafu 2

 

Test propost mill-Kummissjoni

Emenda

L-Istati Membri għandhom jieħdu miżuri, kif ikun xieraq, u skont l-Artikoli 4 u 13, biex iħeġġu:

2.   L-Istati Membri għandhom jieħdu miżuri, inklużi traċċabbiltà u skemi ta' garanzija tal-kwalità, skont l-Artikoli 4 u 13, biex jiżguraw ir-riċiklaġġ organiku tal-bijoskart b'mod li jissodisfa livell għoli ta' protezzjoni ambjentali u li l-output tiegħu jissodisfa l-istandards ta' kwalità għolja rilevanti.

(a)  ir-riċiklaġġ, inkluż l-ikkompostjar, u d-diġestjoni tal-bijoskart;

 

(b)  it-trattament tal-bijoskart b'mod li jilħaq livell għoli ta' protezzjoni ambjentali;

 

(c)  l-użu ta' materjali ambjentalment siguri prodotti mill-bijoskart.

 

 

 

 

Emenda    201

Proposta għal direttiva

Artikolu 1 – paragrafu 1 – punt 13

Direttiva 2008/98/KE

Artikolu 22 – paragrafu 2a (ġdid)

 

Test propost mill-Kummissjoni

Emenda

 

2a.  Il-Kummissjoni għandha, sal-31 ta' Diċembru 2018, tipproponi emenda għar-Regolament (KE) Nru 2150/2002 tal-Parlament Ewropew u tal-Kunsill1a biex tintroduċi kodiċijiet Ewropew tal-iskart għall-iskart muniċipali li nġabar b'mod separat mis-sors.

 

_______________

 

1a Ir-Regolament (KE) Nru 2150/2002 tal-Parlament Ewropew u l-Kunsill tal-25 ta' Novembru 2002 dwar l-istatistika tal-iskart (ĠU L 332, 9.12.2002, p. 1).

 

Emenda    202

Proposta għal direttiva

Artikolu 1 – paragrafu 1 – punt 13a (ġdid)

Direttiva 2008/98/KE

Artikolu 24 – paragrafu 1 – punt b

 

Test fis-seħħ

Emenda

 

(13a)  Fl-Artikolu 24, il-punt b huwa sostitwit b'dan li ġej:

b)   irkupru ta' l-iskart.

"b)   irkupru tal-iskart mhux perikoluż.";

Ġustifikazzjoni

Ma tista' tingħata ebda deroga mir-rekwiżiti tal-awtorizzazzjoni fejn l-irkupru tal-iskart huwa kkonċernat.

 

Emenda    203

Proposta għal direttiva

Artikolu 1 – paragrafu 1 – punt 14

Direttiva 2008/98/KE

Artikolu 26 – paragrafu 3

 

Test propost mill-Kummissjoni

Emenda

L-Istati Membri jistgħu jagħtu lill-awtoritajiet kompetenti eżenzjoni milli jżommu reġistru ta' stabbilimenti u intrapriżi li jiġbru jew iġorru kwantitajiet ta' skart mhux perikoluż li ma jaqbżux l-20 tunnellata fis-sena.

L-Istati Membri jistgħu jagħtu lill-awtoritajiet kompetenti eżenzjoni milli jżommu reġistru ta' stabbilimenti u intrapriżi li jiġbru jew iġorru kwantitajiet ta' skart mhux perikoluż li ma jaqbżux l-20 tunnellata u ta' skart perikoluż li ma jaqbiżx iż-2 tunnellati fis-sena.

Ġustifikazzjoni

Sabiex jiġi limitat ix-xogħol amministrattiv għall-SMEs, għandu jiġi previst ukoll livell limitu għall-obbligu ta' rappurtar għall-iskart perikoluż. L-Artikolu 5, il-paragrafu 1b tar-Regolament PRTR (KE) Nru 166/2006 jipprevedi l-istess livell limitu għall-iskart perikoluż li m'għandux bżonn jiġi rrappurtat. Din l-eżenzjoni tidher li tkun proporzjonata meta mqabbla mal-isforzi amministrattivi li r-rappurtar ikun jeħtieġ għall-SMEs.

 

Emenda    204

Proposta għal direttiva

Artikolu 1 – paragrafu 1 – punt 14

Direttiva 2008/98/KE

Artikolu 26 – paragrafu 4

 

Test propost mill-Kummissjoni

Emenda

Il-Kummissjoni tista' tadotta atti delegati skont l-Artikolu 38a sabiex tadatta s-saqaf għall-kwantitajiet ta' skart mhux perikoluż.

imħassar

 

 

 

Emenda    205

Proposta għal direttiva

Artikolu 1 – paragrafu 1 – punt 15 – punt a

Direttiva 2008/98/KE

Artikolu 27 – paragrafu 1

 

Test propost mill-Kummissjoni

Emenda

1.  Il-Kummissjoni għandha tingħata s-setgħa biex tadotta atti delegati f'konformità mal-Artikolu 38a, li jistabbilixxu standards tekniċi minimi għal attivitajiet ta' trattament li jeħtieġu permess skont l-Artikolu 23 meta jkun hemm evidenza li dawn l-istandards minimi huma ta' ġid mil-lat ta' protezzjoni tas-saħħa tal-bniedem u tal-ambjent.

1.  Il-Kummissjoni għandha tingħata s-setgħa biex tadotta atti delegati f'konformità mal-Artikolu 38a, li jistabbilixxu standards tekniċi minimi għal kwalunkwe attività ta' trattament, b'mod partikolari għall-ġbir separat, is-separazzjoni u r-riċiklaġġ tal-iskart, li jeħtieġu permess skont l-Artikolu 23 meta jkun hemm evidenza li dawn l-istandards minimi huma ta' ġid mil-lat ta' protezzjoni tas-saħħa tal-bniedem u tal-ambjent.

Ġustifikazzjoni

Għandhom jiġu stabbiliti standards operattivi minimi għad-diversi operazzjonijiet involuti fl-immaniġġjar tal-iskart.

 

Emenda    206

Proposta għal direttiva

Artikolu 1 – paragrafu 1 – punt 16 – punt a – punt ii

Direttiva 2008/98/KE

Artikolu 28 – paragrafu 3 – punt f

 

Test propost mill-Kummissjoni

Emenda

(f)   miżuri li jindirizzaw kull forma ta' rimi taż-żibel, u li jnaddfu kull tip ta' żibel mormi.

(f)   miżuri li jindirizzaw u jipprevjenu kull forma ta' rimi taż-żibel, u li jnaddfu kull tip ta' żibel mormi.

 

 

 

Emenda    207

Proposta għal direttiva

Artikolu 1 – paragrafu 1 – punt 16 – punt a – punt iia (ġdid)

Direttiva 2008/98/KE

Artikolu 28 – paragrafu 3 – punt fa (ġdid)

 

Test propost mill-Kummissjoni

Emenda

 

(iia) jiżdied il-punt li ġej:

 

"(fa) biżżejjed opportunitajiet ta' finanzjament għall-awtoritajiet lokali sabiex tiġi promossa l-prevenzjoni tal-iskart u jiġu żviluppati skemi ta' ġbir separat u infrastruttura ottimali sabiex ikun hemm konformità mal-għanijiet stabbiliti f'din id-Direttiva.";

 

 

Emenda    208

Proposta għal direttiva

Artikolu 1 – paragrafu 1 – punt 16 – punt b

Direttiva 2008/98/KE

Artikolu 28 – paragrafu 5

 

Test propost mill-Kummissjoni

Emenda

5.  Il-pjanijiet għall-immaniġġar tal-iskart għandhom jikkonformaw mar-rekwiżiti tal-ippjanar tal-iskart kif stipulati fl-Artikolu 14 tad-Direttiva 94/62/KE, u għandhom jikkonformaw ukoll mal-miri stipulati fl-Artikolu 11(2) u (3) ta' din id-Direttiva, u mar-rekwiżiti tal-Artikolu 5 tad-Direttiva 1999/31/KE.

5.  Il-pjanijiet għall-immaniġġjar tal-iskart għandhom jikkonformaw mar-rekwiżiti tal-ippjanar tal-iskart kif stipulati fl-Artikolu 14 tad-Direttiva 94/62/KE, u għandhom jikkonformaw ukoll mal-miri stipulati fl-Artikolu 11(2) ta' din id-Direttiva, u mar-rekwiżiti tal-Artikolu 5 tad-Direttiva 1999/31/KE.

Ġustifikazzjoni

L-Istati Membri li fl-2013 irriċiklaw inqas minn 20 % jistgħu jitolbu lill-Kummissjoni għal deroga ta' ħames snin mil-limitu ta' żmien għall-miri varji ta' riċiklaġġ stabbiliti fil-livell tal-UE. Madankollu dan ma jwassalx biex jiġu stabbiliti miri ġodda speċifiċi li huma differenti minn dawk għal Stati Membri oħra, iżda biss estensjoni għal-limitu ta' żmien jekk jiġu ssodisfati ċerti kundizzjonijiet. Għalhekk, jitħassar il-paragrafu 11(3).

 

 

 

Emenda    209

Proposta għal direttiva

Artikolu 1 – paragrafu 1 – punt 17 – punt a

Direttiva 2008/98/KE

Artikolu 29 – paragrafu 1 – subparagrafu 1

 

Test propost mill-Kummissjoni

Emenda

1.  L-Istati Membri għandhom jistabbilixxu programmi ta' prevenzjoni tal-iskart li jistipulaw miżuri ta' prevenzjoni tal-iskart skont l-Artikoli 1, 4 u 9.

1.   Sabiex jikkontribwixxu lejn l-ilħiq ta' mill-inqas l-objettivi elenkati fl-Artikolu 1, l-Artikolu 4 u l-paragrafu -1 tal-Artikolu 9, l-Istati Membri għandhom jistabbilixxu programmi ta' prevenzjoni tal-iskart li jistipulaw, mill-inqas, miżuri ta' prevenzjoni tal-iskart skont il-paragrafu 1 tal-Artikolu 9.

Emenda    210

Proposta għal direttiva

Artikolu 1 – paragrafu 1 – punt 17 – punt aa (ġdid)

Direttiva 2008/98/KE

Artikolu 29 – paragrafu 1 – subparagrafu 2

 

Test fis-seħħ

Emenda

 

(aa)  fil-paragrafu 1, it-tieni subparagrafu huwa sostitwit b'dan li ġej:

Programmi bħal dawn għandhom jew jiġu integrati fil-pjanijiet għall-immaniġġar ta' l-iskart previsti fl-Artikolu 28, jew fi programmi oħra ta' politika ambjentali, kif xieraq, jew għandhom jiffunzjonaw bħala programmi separati. Jekk tali programm ikun integrat fil-pjan għall-immaniġġar ta' l-iskart jew fi programmi oħra, il-miżuri ta' prevenzjoni ta' l-iskart għandhom ikunu identifikati b'mod ċar.

"Programmi bħal dawn għandhom jew jiġu integrati fil-pjanijiet għall-immaniġġjar tal-iskart previsti fl-Artikolu 28, jew fi programmi oħra ta' politika ambjentali, kif xieraq, jew għandhom jiffunzjonaw bħala programmi separati. Jekk tali programm ikun integrat fil-pjan għall-immaniġġjar tal-iskart jew fi programmi oħra, il-miżuri u l-objettivi ta' prevenzjoni tal-iskart għandhom ikunu identifikati b'mod ċar."

 

 

Emenda    211

Proposta għal direttiva

Artikolu 1 – paragrafu 1 – punt 17 – punt ab (ġdid)

Direttiva 2008/98/KE

Artikolu 29 – paragrafu 2

 

Test fis-seħħ

Emenda

 

(ab)  fil-paragrafu 2, l-ewwel subparagrafu huwa sostitwit b'dan li ġej:

2.  Il-programmi previsti fil-paragrafu 1 għandhom jistipulaw l-objettivi ta' prevenzjoni ta' l-iskart. L-Istati Membri għandhom jiddeskrivu miżuri ta' prevenzjoni eżistenti u jevalwaw l-utilità ta' l-eżempji tal-miżuri indikati fl-Anness IV jew miżuri xierqa oħra.

"2.  Fil-programmi msemmija fil-paragrafu 1, l-Istati Membri għandhom, mill-inqas, jiddeskrivu l-implimentazzjoni tal-miżuri ta' prevenzjoni msemmija fil-paragrafu 1 tal-Artikolu 9 u l-kontribut tagħhom għall-kisba tal-objettivi stabbiliti fil-paragrafu -1 tal-Artikolu 9. L-Istati Membri għandhom, fejn rilevanti, jiddeskrivu l-kontribut tal-istrumenti u l-miżuri elenkati fl-Anness Iva u għandhom jevalwaw l-utilità tal-eżempji tal-miżuri indikati fl-Anness IV jew miżuri xierqa oħra.

 

Emenda    212

Proposta għal direttiva

Artikolu 1 – paragrafu 1 – punt 17 – punt ac (ġdid)

Direttiva 2008/98/KE

Artikolu 29 – paragrafu 2a (ġdid)

 

Test propost mill-Kummissjoni

Emenda

 

(ac)   jiddaħħal il-paragrafu li ġej:

 

"2a.  L-Istati Membri għandhom jadottaw programmi speċifiċi relatati mal-prevenzjoni tal-iskart tal-ikel fi ħdan il-programmi tagħhom relatati mal-prevenzjoni tal-iskart kif imsemmi f'dan l-Artikolu.";

 

Emenda    213

Proposta għal direttiva

Artikolu 1 – paragrafu 1 – punt 17a (ġdid)

Direttiva 2008/98/KE

Artikolu 30 – paragrafu 2

 

Test fis-seħħ

Emenda

 

(17a)  Fl-Artikolu 30, il-paragrafu 2 huwa sostitwit b'dan li ġej:

2.   L-Aġenzija Ewropea għall-Ambjent hija mistiedna tinkludi, fir-rapport annwali tagħha, reviżjoni tal-progress fit-tlestija u fl-implimentazzjoni ta' programmi ta' prevenzjoni ta' skart.

"2.   L-Aġenzija Ewropea għall-Ambjent, kull sentejn, għandha tippubblika rapport li jkun fih reviżjoni tal-progress li sar fit-tlestija u fl-implimentazzjoni ta' programmi ta' prevenzjoni ta' skart u l-kisbiet li saru fir-rigward tal-objettivi tal-programmi ta' prevenzjoni tal-iskart għal kull Stat Membru u għall-Unjoni kollha kemm hi, inkluż id-diżakkoppjament tal-ġenerazzjoni tal-iskart mit-tkabbir ekonomiku u t-tranżizzjoni lejn ekonomija ċirkolari.";

 

Emenda    214

Proposta għal direttiva

Artikolu 1 – paragrafu 1 – punt 19 – punt b

Direttiva 2008/98/KE

Artikolu 35 – paragrafu 4

 

Test propost mill-Kummissjoni

Emenda

4.  L-Istati Membri għandhom jistabbilixxu reġistru elettroniku jew reġistri kkoordinati biex jirreġistraw dejta dwar l-iskart perikoluż imsemmi fil-paragrafu 1, li jkopru t-territorju ġeografiku kollu tal-Istat Membru kkonċernat. L-Istati Membri jistgħu jistabbilixxu tali reġistri għal flussi oħra ta' skart, b'mod partikulari dawk il-flussi ta' skart li għalihom hemm miri stipulati fil-leġiżlazzjoni tal-Unjoni. L-Istati Membri għandhom jużaw id-dejta dwar l-iskart li jirrappurtaw l-operaturi industrijali skont ir-Reġistru Ewropew dwar ir-Rilaxx u t-Trasferiment ta' Inkwinanti stabbilit bir-Regolament (KE) Nru 166/2006 tal-Parlament Ewropew u tal-Kunsill (*).

4.  L-Istati Membri għandhom jistabbilixxu reġistru elettroniku jew reġistri kkoordinati, jew jużaw reġistri elettroniċi jew reġistri kkoordinati diġà stabbiliti, biex jirreġistraw dejta dwar l-iskart perikoluż imsemmi fil-paragrafu 1, li jkopru t-territorju ġeografiku kollu tal-Istat Membru kkonċernat. L-Istati Membri għandhom jistabbilixxu tali reġistri għal mill-inqas il-flussi oħra ta' skart li għalihom hemm miri stipulati fil-leġiżlazzjoni tal-Unjoni. L-Istati Membri għandhom jużaw id-dejta dwar l-iskart li jirrappurtaw l-operaturi industrijali skont ir-Reġistru Ewropew dwar ir-Rilaxx u t-Trasferiment ta' Inkwinanti stabbilit bir-Regolament (KE) Nru 166/2006 tal-Parlament Ewropew u tal-Kunsill (*).

Ġustifikazzjoni

L-Istati Membri għandhom ikunu jistgħu jużaw reġistri eżistenti biex jirreġistraw dejta dwar l-iskart perikoluż, bil-għan li jnaqqsu r-rekwiżiti burokratiċi. Dawn ir-reġistri għandhom jiġu stabbiliti għat-tipi ta' skart li għalihom ġew stipulati miri skont il-leġiżlazzjoni tal-UE.

 

Emenda    215

Proposta għal direttiva

Artikolu 1 – paragrafu 1 – punt 21

Direttiva 2008/98/KE

Artikolu 37 – paragrafu 1

 

Test propost mill-Kummissjoni

Emenda

1.  L-Istati Membri għandhom jirrappurtaw lill-Kummissjoni, għal kull sena tal-kalendarju, id-dejta dwar l-implimentazzjoni tal-Artikolu 11(2)(a) sa (d) u tal-Artikolu 11(3). Għandhom jirrappurtaw din id-dejta b'mod elettroniku sa 18-il xahar minn tmiem is-sena ta' rappurtar li għaliha tkun inġabret id-dejta. Id-dejta trid tiġi rrappurtata fil-format stabbilit mill-Kummissjoni skont il-paragrafu 6. L-ewwel rapport għandu jkun għall-perjodu mill-1 ta' Jannar 2020 sal-31 ta' Diċembru 2020.

1.  L-Istati Membri għandhom jirrappurtaw lill-Kummissjoni, għal kull sena tal-kalendarju, il-progress lejn l-ilħiq ta' dawn il-miri stabbiliti fil-paragrafu -1 tal-Artikolu 9, il-punti (a) sa (d) tal-Artikolu 11(2), l-Artikolu 11(3) u (3a) u l-Artikolu 21. Għandhom jiġbru u jipproċessaw din id-dejta skont il-metodoloġija komuni msemmija fil-paragrafu 6 ta' dan l-Artikolu u jirrappurtawh b'mod elettroniku sa 18-il xahar minn tmiem is-sena ta' rappurtar li għaliha tkun inġabret id-dejta. Id-dejta trid tiġi rrappurtata fil-format stabbilit mill-Kummissjoni skont il-paragrafu 6. L-ewwel rapport, fir-rigward tal-miri fil-punti (c) u (d) tal-Artikolu 11(2) u fl-Artikolu 11(3), għandu jkun għall-perjodu mill-1 ta' Jannar 2020 sal-31 ta' Diċembru 2020.

Ġustifikazzjoni

Jeħtieġ tiġi stabbilita metodoloġija komuni għall-ġbir tad-dejta sabiex jittejbu l-affidabbiltà u l-komparabbiltà tad-dejta.

 

 

Emenda    216

Proposta għal direttiva

Artikolu 1 – paragrafu 1 – punt 21

Direttiva 2008/98/KE

Artikolu 37 – paragrafu 2

 

Test propost mill-Kummissjoni

Emenda

2.  L-Istati Membri għandhom jirrappurtaw lill-Kummissjoni, kull sentejn, id-dejta dwar l-implimentazzjoni tal-Artikolu 9(4). Għandhom jirrappurtaw din id-dejta b'mod elettroniku sa 18-il xahar minn tmiem is-sena ta' rappurtar li għaliha tkun inġabret id-dejta. Id-dejta trid tiġi rrappurtata fil-format stabbilit mill-Kummissjoni skont il-paragrafu 6. L-ewwel rapport għandu jkun għall-perjodu mill-1 ta' Jannar 2020 sal-31 ta' Diċembru 2021.

imħassar

 

Emenda    217

Proposta għal direttiva

Artikolu 1 – paragrafu 1 – punt 21

Direttiva 2008/98/KE

Artikolu 37 – paragrafu 3a (ġdid)

 

Test propost mill-Kummissjoni

Emenda

 

3a.  Għall-finijiet ta' verifika ta' konformità mal-punti (c) u (d) tal-Artikolu 11(2), l-ammont ta' skart muniċipali mħejji għall-użu mill-ġdid għandu jiġi rappurtat b'mod separat mill-ammont ta' skart riċiklat.

 

 

 

Emenda    218

Proposta għal direttiva

Artikolu 1 – paragrafu 1 – punt 21

Direttiva 2008/98/KE

Artikolu 37 – paragrafu 5

 

Test propost mill-Kummissjoni

Emenda

5.  Il-Kummissjoni għandha tirrevedi d-dejta rappurtata skont dan l-Artikolu, u tippubblika rapport dwar ir-riżultat tar-reviżjoni tagħha. Ir-rapport għandu jevalwa l-organizzazzjoni tal-ġbir tad-dinja, is-sorsi tad-dejta u l-metoloġija użata fl-Istati Membri, kif ukoll il-kompletezza, l-affidabbiltà, il-puntwalità u l-konsistenza ta' dik id-dejta. Il-valutazzjoni tista' tinkludi rakkomandazzjonijiet speċifiċi għat-titjib. Ir-rapport għandu jitfassal kull tliet snin.

5.  Il-Kummissjoni għandha tirrevedi d-dejta rappurtata skont dan l-Artikolu, u tippubblika rapport dwar ir-riżultat tar-reviżjoni tagħha. Sakemm l-att delegat imsemmi fil-paragrafu 6 ikun ġiet adottat, ir-rapport għandu jivvaluta l-organizzazzjoni tal-ġbir tad-dejta, is-sorsi tad-dejta u l-metoloġija użata fl-Istati Membri. Il-Kummissjoni għandha, fi kwalunkwe każ, tivvaluta l-kompletezza, l-affidabbiltà, il-puntwalità u l-konsistenza ta' dik id-dejta. Il-valutazzjoni tista' tinkludi rakkomandazzjonijiet speċifiċi għat-titjib. Ir-rapport għandu jitfassal disa' xhur wara l-ewwel rappurtar tad-dejta mill-Istati Membri u kull tliet snin minn hemm 'il quddiem.

Ġustifikazzjoni

Jeħtieġ tiġi stabbilita metodoloġija komuni għall-ġbir tad-dejta sabiex jittejbu l-affidabbiltà u l-komparabbiltà tad-dejta.

 

Emenda    219

Proposta għal direttiva

Artikolu 1 – paragrafu 1 – punt 21

Direttiva 2008/98/KE

Artikolu 37 – paragrafu 5a (ġdid)

 

Test propost mill-Kummissjoni

Emenda

 

5a.  Fir-rapport imsemmi fil-paragrafu 5, il-Kummissjoni għandha tinkludi informazzjoni dwar l-implimentazzjoni ta' din id-Direttiva fl-intier tagħha, u tevlawa l-impatt tagħha fuq is-saħħa tal-bniedem u l-ambjent. Jekk ikun xieraq, proposta biex tiġi riveduta din id-Direttiva tista' takkumpanja dan ir-rapport.

Ġustifikazzjoni

L-impatt tad-Direttiva għandu jiġi vvalutat regolarment biex ikun żgurat li l-elementi essenzjali tad-Direttiva jkunu adattati għal dan l-iskop.

 

 

 

Emenda    220

Proposta għal direttiva

Artikolu 1 – paragrafu 1 – punt 21

Direttiva 2008/98/KE

Artikolu 37 – paragrafu 6

 

Test propost mill-Kummissjoni

Emenda

6.  Il-Kummissjoni għandha tadotta atti ta' implimentazzjoni li jistipulaw il-format għar-rappurtar tad-dejta skont il-paragrafi 1 u 2, kif ukoll għar-rappurtar ta' operati ta' radam mill-ġdid. Dawk l-atti ta' implimentazzjoni għandhom jiġu adottati skont il-proċedura msemmija fl-Artikolu 39(2).

6.  Il-Kummissjoni għandha tadotta atti delegati skont l-Artikolu 38a sabiex tissupplimenta din id-Direttiva billi tistipula l-metodoloġija komuni għall-ġbir u l-ipproċessar tad-dejta, l-organizzazzjoni tal-ġbir tad-dejta u s-sorsi tad-dejta u r-regoli dwar il-format għar-rappurtar tad-dejta skont il-paragrafu 1 kif ukoll għar-rappurtar ta' tħejjija għall-użu mill-ġdid u operati ta' radam mill-ġdid.

Ġustifikazzjoni

Sabiex tittejjeb il-kwalità tad-dejta, il-Kummissjoni għandha tadotta att delegat sabiex tistabbilixxi metodoloġija komuni għar-rappurtar tad-dejta: dan jinkludi l-ġbir, l-ipproċessar u t-trażmissjoni tad-dejta.

 

 

 

Emenda    221

Proposta għal direttiva

Artikolu 1 – paragrafu 1 – punt 21a (ġdid)

Direttiva 2008/98/KE

Artikolu 37a (ġdid)

 

Test propost mill-Kummissjoni

Emenda

 

(21a)  Jiddaħħal l-Artikolu li ġej:

 

"Artikolu 37a

 

Qafas għall-Ekonomija Ċirkolari

 

Sabiex jiġu appoġġjati l-miżuri msemmija fl-Artikolu 1, u sa mhux aktar tard mill-31 ta' Diċembru 2018, il-Kummissjoni għandha:

 

(a)   tħejji rapport li jivvaluta l-bżonn għal miri tal-Unjoni, b'mod partikolari għal mira tal-Unjoni fir-rigward tal-effiċjenza fl-użu tar-riżorsi, u għal miżuri regolatorji trażversali fil-qasam tal-konsum u l-produzzjoni sostenibbli. Jekk ikun xieraq, hu għandu jkun akkumpanjat minn proposta leġiżlattiva;

 

(b)  tħejji rapport dwar il-konsistenza bejn l-oqfsa regolatorji tal-Unjoni għall-prodotti, l-iskart u s-sustanzi kimiċi sabiex jiġu identifikati l-ostakli li jxekklu l-bidla għal ekonomija ċirkolari;

 

(c)  tfassal rapport biex tidentifika l-interazzjonijiet bejn l-atti leġiżlattivi li jistgħu jfixklu l-iżvilupp tas-sinerġiji bejn industriji differenti u jipprevjenu l-użu sussegwenti ta' prodotti sekondarji u t-tħejjija għall-użu mill-ġdid u għar-riċiklaġġ tal-iskart għal applikazzjonijiet speċifiċi. Dan ir-rapport għandu jkun akkumpanjat minn proposta leġiżlattiva, jekk ikun xieraq, jew minn gwida dwar kif għandhom jitneħħew l-ostakli identifikati u kif jiġi sfruttat il-potenzjal tas-suq tal-prodotti sekondarji u l-materja prima sekondarja;

 

(d)   tippreżenta rieżami komprensiv tal-leġiżlazzjoni tal-Unjoni dwar l-ekodisinn sabiex jitwessa' l-kamp ta' applikazzjoni tagħha biex tkopri l-gruppi ta' prodotti ewlenin kollha, inklużi gruppi ta' prodotti mhux relatati mal-enerġija, u biex gradwalment tinkludi l-karatteristiċi rilevanti tal-effiċjenza fir-riżorsi fir-rekwiżiti obbligatorji għad-disinn tal-prodott u biex jiġu adattati dispożizzjonijiet tal-ekotikkettar.";

 

 

Emenda    222

Proposta għal direttiva

Artikolu 1 – paragrafu 1 – punt 21a (ġdid)

Direttiva 2008/98/KE

Artikolu 38 – titolu

 

Test fis-seħħ

Emenda

 

(21a)  fl-Artikolu 38, it-titolu huwa sostitwit b'dan li ġej:

"Interpretazzjoni u adattament għall-progress tekniku"

"Skambju ta' informazzjoni u kondiviżjoni tal-aħjar prattiki, interpretazzjoni u adattament għall-progress tekniku"

Ġustifikazzjoni

 

Hemm lok sinifikanti għal skambju tal-aħjar prattiki u kondiviżjoni tal-informazzjoni f'din id-Direttiva dwar diversi kwistjonijiet (eż. biex l-Istati Membri jkunu jistgħu jilħqu l-miri). Għalhekk, dan għandu jiġi indirizzat b'mod espliċitu.

 

 

Emenda    223

Proposta għal direttiva

Artikolu 1 – paragrafu 1 – punt 22

Direttiva 2008/98/KE

Artikolu 38 – paragrafu -1 (ġdid)

 

Test propost mill-Kummissjoni

Emenda

 

-1.  Il-Kummissjoni għandha tistabbilixxi pjattaforma għal skambju regolari u strutturat ta' informazzjoni u kondiviżjoni tal-aħjar prattiki bejn il-Kummissjoni u l-Istati Membri, inkluż mal-awtoritajiet reġjonali u muniċipali, dwar l-implimentazzjoni prattika tar-rekwiżiti ta' din id-Direttiva bil-ħsieb li tiġi żgurata governanza adegwata, infurzar, kooperazzjoni transkonfinali u t-tixrid tal-aħjar prattiki u tal-innovazzjonijiet fil-qasam tal-immaniġġjar tal-iskart.

 

B'mod partikolari, il-pjattaforma għandha tintuża biex:

 

-  tiskambja informazzjoni u tikkondividi l-aħjar prattiki fir-rigward tal-istrumenti u l-inċentivi użati skont l-Artikolu 4(3) sabiex tingħata spinta lill-kisba tal-objettivi stabbiliti fl-Artikolu 4.

 

-  tiskambja informazzjoni u tikkondividi l-aħjar prattiki fir-rigward tal-miżuri stipulati fil-paragrafi 1 u 2 tal-Artikolu 8;

 

-  tiskambja informazzjoni u tikkondividi l-aħjar prattiki fir-rigward tal-prevenzjoni u l-istabbiliment ta' sistemi li jippromwovu attivitajiet ta' użu mill-ġdid u l-estensjoni tat-tul tal-ħajja;

 

-  tiskambja informazzjoni u tikkondividi l-aħjar prattiki dwar l-implimentazzjoni tal-obbligi fir-rigward tal-ġbir separat;

 

-   tiskambja informazzjoni u tikkondividi l-aħjar prattiki fir-rigward tal-istrumenti u l-inċentivi għall-ilħiq tal-miri stipulati fil-punti (c) u (d) tal-Artikolu 11(2) u l-Artikolu 21;

 

-  tikkondividi l-aħjar prattiki għall-iżvilupp ta' miżuri u sistemi li jintraċċaw il-flussi tal-iskart muniċipali mis-separazzjoni sal-proċess aħħari tar-riċiklaġġ, li huwa ta' importanza kbira fil-kontroll tal-iskart ta' kwalità u l-kejl tat-telf fil-flussi tal-iskart u l-proċessi tar-riċiklaġġ.

 

Il-Kummissjoni għandha tagħmel ir-riżultati ta' dak l-iskambju ta' informazzjoni u l-kondiviżjoni tal-aħjar prattiki disponibbli pubblikament.

Ġustifikazzjoni

 

Hemm lok sinifikanti għal skambju tal-aħjar prattiki u kondiviżjoni tal-informazzjoni f'din id-Direttiva dwar diversi kwistjonijiet (eż. biex l-Istati Membri jkunu jistgħu jilħqu l-miri). Għalhekk, dan għandu jiġi indirizzat b'mod espliċitu.

 

 

Emenda    224

Proposta għal direttiva

Artikolu 1 – paragrafu 1 – punt 22

Direttiva 2008/98/KE

Artikolu 38 – paragrafu 1 – subparagrafu 1

 

Test propost mill-Kummissjoni

Emenda

Il-Kummissjoni tista' tiżviluppa linji gwida għall-interpretazzjoni tad-definizzjonijiet ta' rkupru u ta' rimi.

Il-Kummissjoni għandha tiżviluppa linji gwida għall-interpretazzjoni tad-definizzjonijiet ta' skart, skart muniċipali, prevenzjoni, użu mill-ġdid, tħejjija għall-użu mill-ġdid, irkupru u rimi.

Ġustifikazzjoni

 

Il-Kummissjoni għandha tiżviluppa linji gwida għall-interpretazzjoni tad-definizzjonijiet speċifiċi fl-interess ta' implimentazzjoni armonizzata tad-Direttiva.

 

 

 

Emenda    225

Proposta għal direttiva

Artikolu 1 – paragrafu 1 – punt 22

Direttiva 2008/98/KE

Artikolu 38 – paragrafu 3

 

Test propost mill-Kummissjoni

Emenda

3.  Il-Kummissjoni għandha tingħata s-setgħa li tadotta atti delegati skont l-Artikolu 38a, meħtieġa sabiex jiġi emendat l-Anness VI.

imħassar

Ġustifikazzjoni

Il-prodotti u l-komponenti li ma sarux skart m'għandhomx jingħaddu fl-ilħiq tal-miri għat-tħejjija għall-użu mill-ġdid u għar-riċiklaġġ, peress li l-operazzjonijiet ikkonċernati huma operazzjonijiet ta' rkupru tal-iskart. L-użu mill-ġdid ta' prodotti u komponenti jikkostitwixxi pproċessar li jipprevjeni l-ġenerazzjoni tal-iskart, jiġifieri skont il-ġerarkija tal-iskart, għandu jitqies bħala miżura ta' prevenzjoni. Il-paragrafu 11a(1) diġà jiddefinixxi l-metodu ta' kalkolu tar-rata ta' tħejjija għall-użu mill-ġdid u għar-riċiklaġġ.

 

 

Emenda    226

Proposta għal direttiva

Artikolu 1 – paragrafu 1 – punt 23

Direttiva 2008/98/KE

Artikolu 38a – paragrafu 2

 

Test propost mill-Kummissjoni

Emenda

2.  Is-setgħa li tadotta atti delegati msemmija fl-Artikoli 5(2), 6(2), 7(1), 11a(2), 11a(6), 26, 27(1), 27(4), 38(1), 38(2) u 38(3) tingħata lill-Kummissjoni għal perjodu ta' żmien indeterminat minn [data tad-dħul fis-seħħ ta' din id-Direttiva].

2.  Is-setgħa li tadotta atti delegati msemmija fl-Artikoli 5(2), 6(2), 6(4), 7(1), 8(5), 9(2a), 9(3), 9(3a), 11a(2), 11a(6), 12(1b), 27(1), 27(4), 38(1) u 38(2) tingħata lill-Kummissjoni għal perjodu ta' żmien indeterminat minn [data tad-dħul fis-seħħ ta' din id-Direttiva].

 

 

Emenda    227

Proposta għal direttiva

Artikolu 1 – paragrafu 1 – punt 23

Direttiva 2008/98/KE

Artikolu 38a – paragrafu 3

 

Test propost mill-Kummissjoni

Emenda

3.  Id-delega tas-setgħa msemmija fl-Artikoli 5(2), 6(2), 7(1), 11a(2), 11a(6), 26, 27(1), 27(4), 38(1), 38(2) u 38(3) tista' titħassar f'kull ħin mill-Parlament Ewropew jew mill-Kunsill. Deċiżjoni ta' tħassir għandha ttemm id-delega tas-setgħa speċifikata f'dik id-deċiżjoni. Din għandha tidħol fis-seħħ l-għada tal-pubblikazzjoni tad-Deċiżjoni f'Il-Ġurnal Uffiċjali tal-Unjoni Ewropea, jew f'data aktar tard speċifikata fiha. Tali deċiżjoni ma għandha taffettwa l-validità tal-ebda att iddelegat diġà fis-seħħ.

3.  Id-delega tas-setgħa msemmija fl-Artikoli 5(2), 6(2), 6(4), 7(1), 8(5), 9(2a), 9(3), 9(3a), 11a(2), 11a(6), 12(1b), 27(1), 27(4), 37(6), 38(1) u 38(2) tista' titħassar f'kull ħin mill-Parlament Ewropew jew mill-Kunsill. Deċiżjoni ta' tħassir għandha ttemm id-delega tas-setgħa speċifikata f'dik id-deċiżjoni. Din għandha tidħol fis-seħħ l-għada tal-pubblikazzjoni tad-Deċiżjoni f'Il-Ġurnal Uffiċjali tal-Unjoni Ewropea, jew f'data aktar tard speċifikata fiha. Tali deċiżjoni ma għandha taffettwa l-validità tal-ebda att iddelegat diġà fis-seħħ.

 

Emenda    228

Proposta għal direttiva

Artikolu 1 – paragrafu 1 – punt 23

Direttiva 2008/98/KE

Artikolu 38a – paragrafu 3a (ġdid)

 

Test propost mill-Kummissjoni

Emenda

 

3a.  Qabel ma tadotta att delegat, il-Kummissjoni għandha tikkonsulta lill-esperti maħtura minn kull Stat Membru skont il-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet.

Ġustifikazzjoni

Allinjament mal-Ftehim Interistituzzjonali tat-13 ta' April 2016.

 

Emenda    229

Proposta għal direttiva

Artikolu 1 – paragrafu 1 – punt 23

Direttiva 2008/98/KE

Artikolu 38a – paragrafu 5

 

Test propost mill-Kummissjoni

Emenda

5.  Att delegat adottat skont l-Artikoli 5(2), 6(2), 7(1), 11a(2), 11a(6), 26, 27(1), 27(4), 38(1), 38(2) u 38(3) għandu jidħol fis-seħħ biss jekk la l-Parlament Ewropew u lanqas il-Kunsill ma jesprimu oġġezzjoni fi żmien xahrejn min-notifika ta' dak l-att lill-Parlament Ewropew u lill-Kunsill, jew jekk, qabel l-iskadenza ta' dak il-perjodu, kemm il-Parlament Ewropew kif ukoll il-Kunsill ikunu infurmaw lill-Kummissjoni li mhumiex se joġġezzjonaw. Dan il-perijodu għandu jiġi estiż b'xahrejn fuq inizjattiva tal-Parlament Ewropew jew tal-Kunsill.

5.  Att delegat adottat skont l-Artikoli 5(2), 6(2), 6(4), 7(1), 8(5), 9(2a), 9(3), 9(3a), 11a(2), 11a(6), 12(1b), 27(1), 27(4), 37(6), 38(1) u 38(2) għandu jidħol fis-seħħ biss jekk la l-Parlament Ewropew u lanqas il-Kunsill ma jesprimu oġġezzjoni fi żmien xahrejn min-notifika ta' dak l-att lill-Parlament Ewropew u lill-Kunsill, jew jekk, qabel l-iskadenza ta' dak il-perjodu, kemm il-Parlament Ewropew kif ukoll il-Kunsill ikunu infurmaw lill-Kummissjoni li mhumiex se joġġezzjonaw. Dan il-perjodu għandu jiġi estiż b'xahrejn fuq inizjattiva tal-Parlament Ewropew jew tal-Kunsill.

 

Emenda    230

Proposta għal direttiva

Artikolu 1 – paragrafu 1 – punt 24a (ġdid)

Direttiva 2008/98/KE

Anness II – punt R13a (ġdid)

 

Test propost mill-Kummissjoni

Emenda

 

(24a)  Fl-Anness II, jiddaħħal il-punt li ġej:

 

"R13a: tħejjija għall-użu mill-ġdid.";

Ġustifikazzjoni

L-operazzjoni ta' rkupru speċifiku għandha tiġi introdotta fl-Anness II sabiex fl-Artikolu 3 tintlaħaq aktar koerenza mad-definizzjoni "tħejjija għall-użu mill-ġdid".

 

Emenda    231

Proposta għal direttiva

Artikolu 1 – paragrafu 1 – punt 24b (ġdid)

Direttiva 2008/98/KE

Anness IVa (ġdid)

 

Test propost mill-Kummissjoni

Emenda

 

(24b)  L-Anness IVa huwa mdaħħal skont l-Anness ta' din id-Direttiva.

 

Emenda    232

Proposta għal direttiva

Artikolu 1 – paragrafu 1 – punt 25

 

Test propost mill-Kummissjoni

Emenda

(25)  Jiżdied l-Anness VI f'konformità mal-Anness ta' din id-Direttiva.

imħassar

Ġustifikazzjoni

Il-prodotti u l-komponenti li ma sarux skart m'għandhomx jingħaddu fl-ilħiq tal-miri għat-tħejjija għall-użu mill-ġdid u għar-riċiklaġġ, peress li l-operazzjonijiet ikkonċernati huma operazzjonijiet ta' rkupru tal-iskart. L-użu mill-ġdid ta' prodotti u komponenti jikkostitwixxi pproċessar li jipprevjeni l-ġenerazzjoni tal-iskart, jiġifieri skont il-ġerarkija tal-iskart, għandu jitqies bħala miżura ta' prevenzjoni. Il-paragrafu 11a(1) diġà jiddefinixxi l-metodu ta' kalkolu tar-rata ta' tħejjija għall-użu mill-ġdid u għar-riċiklaġġ.

 

 

Emenda    233

Proposta għal direttiva

Anness I

Direttiva 2008/98/KE

Anness VI

 

Test propost mill-Kummissjoni

Emenda

Metodu ta' kalkolu għat-tħejjija għall-użu mill-ġdid ta' prodotti u komponenti għall-finijiet tal-Artikolu 11(2)(c) u (d) u l-Artikolu 11(3)

imħassar

Sabiex tiġi kkalkolata r-rata aġġustata tar-riċiklaġġ u tat-tħejjija għall-użu mill-ġdid skont l-Artikolu 11(2)(c) u (d) u l-Artikolu 11(3), l-Istati Membri għandhom jużaw il-formola li ġejja:

 



 

E: rata aġġustata ta' riċiklaġġ u użu mill-ġdid f'sena determinata;

 

A: piż tal-iskart muniċipali riċiklat jew imħejji għall-użu mill-ġdid f'sena determinata;

 

R: piż tal-prodotti u l-komponenti mħejjija għall-użu mill-ġdid f'sena determinata;

 

P: piż tal-iskart muniċipali ġġenerat f'sena determinata.

 

Ġustifikazzjoni

Il-prodotti u l-komponenti li ma sarux skart m'għandhomx jingħaddu fl-ilħiq tal-miri għat-tħejjija għall-użu mill-ġdid u għar-riċiklaġġ, peress li l-operazzjonijiet ikkonċernati huma operazzjonijiet ta' rkupru tal-iskart. L-użu mill-ġdid ta' prodotti u komponenti jikkostitwixxi pproċessar li jipprevjeni l-ġenerazzjoni tal-iskart, jiġifieri skont il-ġerarkija tal-iskart, għandu jitqies bħala miżura ta' prevenzjoni. Il-paragrafu 11a(1) diġà jiddefinixxi l-metodu ta' kalkolu tar-rata ta' tħejjija għall-użu mill-ġdid u għar-riċiklaġġ.

 

 

 

 

Emenda    234

Proposta għal direttiva

Anness -I (ġdid)

Direttiva 2008/98/KE

Anness IVa (ġdid)

 

Test propost mill-Kummissjoni

Emenda

 

Anness -I

 

Jiddaħħal l-Anness IVa li ġej:

 

"Anness IVa

 

Lista indikattiva ta' strumenti għall-promozzjoni tal-bidla lejn ekonomija ċirkolari

 

1.   Strumenti ekonomiċi:

 

1.1   żieda progressiva fit-taxxi u/jew fit-tariffi fuq ir-rimi fil-miżbliet għal kategoriji kollha tal-iskart (muniċipali, inerti u skart ieħor);

 

1.2   introduzzjoni jew żieda fit-taxxi u/jew fit-tariffi fuq l-inċinerazzjoni;

 

1.3   introduzzjoni ta' sistemi "ħallas skont kemm tarmi";

 

1.4   miżuri li jtejbu l-kosteffiċjenza tal-iskemi ta' responsabbiltà estiża tal-produttur, kemm dawk attwali kif ukoll dawk li ġejjin;

 

1.5   estensjoni tal-ambitu finanzjarju u/jew operattiv tar-responsabbiltà tal-produttur għal flussi ġodda ta' skart;

 

1.6   inċentivi ekonomiċi għall-awtoritajiet lokali biex jippromwovu l-prevenzjoni, jiżviluppaw u jintensifikaw l-iskemi tal-ġbir separat;

 

1.7   miżuri li jappoġġjaw l-iżvilupp tas-settur tal-użu mill-ġdid;

 

1.8   miżuri li jrażżnu sussidji li mhumiex konsistenti mal-ġerarkija tal-iskart;

 

2.   Miżuri oħra:

 

2.1   akkwist pubbliku sostenibbli għall-promozzjoni ta' produzzjoni u konsum sostenibbli;

 

2.2   miżuri tekniċi u fiskali biex jappoġġjaw l-iżvilupp tas-swieq għal prodotti użati mill-ġdid u materjali riċiklati (inkluż materjal mibdul f'kompost) kif ukoll biex itejbu l-kwalità tal-materjali riċiklati;

 

2.3   jiġu implimentati l-aħjar tekniki disponibbli għat-trattament tal-iskart bil-għan li jitneħħew is-sustanzi ta' tħassib serju ħafna fejn dan hu teknikament jew ekonomikament vijabbli;

 

2.4   miżuri li jżidu l-għarfien pubbliku dwar l-immaniġġjar adegwat tal-iskart u t-tnaqqis tar-rimi fiż-żibel, inklużi kampanji ad hoc li jiżguraw tnaqqis tal-iskart mis-sors u livell għoli ta' parteċipazzjoni fl-iskemi ta' ġbir separat;

 

2.5   miżuri li jiżguraw koordinazzjoni xierqa, inkluż permezz ta' mezzi diġitali, bejn l-awtoritajiet pubbliċi kompetenti kollha involuti fl-immaniġġjar tal-iskart, u li jiżguraw l-involviment ta' partijiet ikkonċernati ewlenin oħrajn;

 

2.6   użu tal-Fondi Ewropej Strutturali u ta' Investiment biex jiffinanzjaw l-iżvilupp tal-infrastruttura tal-immaniġġjar tal-iskart li hemm bżonn biex jintlaħqu l-miri rilevanti.".

 

 

NOTA SPJEGATTIVA

Il-mudell attwali ta' żvilupp lineari, li jista' jinġabar fil-qosor bħala "ħu, ipproduċi, uża u armi", qed jibda juri sinjali li qed jilħaq il-limiti tiegħu. Il-pjaneta tagħna qed tisħon, u r-riżorsi użati, li fuqhom niddependu, qed isiru dejjem aktar skarsi. Sakemm ma jittiħdux miżuri strutturali, id-domanda għal materja prima mill-ekonomija dinjija tista' tiżdied b'50 % aktar fil-15-il sena li ġejjin. Sabiex tinqaleb din it-tendenza, aħna rridu nadottaw mudell ta' żvilupp ċirkolari li jżomm il-materjali u l-valur tagħhom fiċ-ċirkolazzjoni fi ħdan is-sistema ekonomika kemm jista' jkun fit-tul, billi nottimizzaw iċ-ċiklu tal-iskart integrat sabiex nagħmlu użu effiċjenti mir-riżorsi. L-użu mill-ġdid, ir-riċiklaġġ u l-irkupru qed isiru l-kliem ewlenin li madwarhom jeħtieġ tinbena paradigma ġdida li tippromwovi s-sostenibbiltà, l-innovazzjoni u l-kompetittività, biex b'hekk l-iskart ma jibqax ikun problema u jsir riżorsa.

 

Il-pakkett, għalhekk, għandu jiġi kkunsidrat f'kuntest ferm usa' minn dak ta' sempliċi reviżjoni tal-leġiżlazzjoni tal-iskart. Ir-rapporteur għandha l-għan li tħeġġeġ lill-Kummissjoni fl-għan tagħha li tippreżerva l-ambjent, li tagħmel l-ekonomija Ewropea aktar kompetittiva u li tippromwovi r-reindustrijalizzazzjoni sostenibbli. Żieda fil-valur tar-riżorsi tfisser intervent fil-fażijiet kollha taċ-ċiklu tal-ħajja tal-prodott: mill-estrazzjoni tal-materja prima għad-disinn tal-prodott u mid-distribuzzjoni għall-konsum, għal tmiem il-ħajja tal-prodotti.

 

Qafas leġiżlattiv ċar u stabbli huwa l-ewwel pass fil-promozzjoni tat-tranżizzjoni.

Tali bidla sistemika titlob politiki ambizzjużi, appoġġjati minn leġiżlazzjoni li tkun kapaċi tibgħat is-sinjali tajbin lill-investituri. Jekk il-leġiżlazzjoni Ewropea tonqos milli tinkorpora definizzjonijiet ċari u miri vinkolanti, dan jista' jimpedixxi l-progress lejn l-ekonomija ċirkolari.

Billi ħadet il-ġerarkija tal-iskart bħala bażi, ir-rapporteur fittxet li temenda l-proposta tal-Kummissjoni, speċjalment fir-rigward tal-prevenzjoni tal-iskart u t-twassil tal-iskart lura fil-proċess tal-produzzjoni. Sabiex titnaqqas il-kwantità tal-iskart, jeħtieġ li l-ewwel titnieda l-innovazzjoni ta' proċessi ta' produzzjoni u mudelli kummerċjali li fuqhom l-ekonomija ċirkolari għandha tkun ibbażata.

It-trasformazzjoni tal-Unjoni f'ekonomija ekoloġika u b'livell baxx ta' emissjonijiet ta' karbonju li tuża r-riżorsi b'mod effiċjenti diġà hija waħda mill-objettivi ewlenin tas-Seba' Programm ta' Azzjoni Ambjentali Ewropew, u ta' min ifakkar li l-Ewropa impenjat ruħha li tilħaq l-għanijiet ta' żvilupp sostenibbli tan-NU.

Ir-rapporteur temmen li, sabiex jintlaħqu l-għanijiet stabbiliti, l-emendi għad-Direttiva Qafas dwar l-Iskart għandhom jistrieħu fuq żewġ objettivi ewlenin:

1) it-tisħiħ ta' miżuri ta' prevenzjoni tal-iskart;

2) l-inkoraġġiment tal-iżvilupp ta' suq effiċjenti tal-materja prima sekondarja.

 

Ir-rapporteur temmen ukoll li, sabiex tiġi promossa implimentazzjoni korretta, jeħtieġ li wħud mid-definizzjonijiet mogħtija fid-Direttiva attwali jsiru aktar stretti u jiżdiedu oħrajn li kienu neqsin.

 

PREVENZJONI

 

Miżura importanti ta' prevenzjoni hija l-użu ta' residwi tal-produzzjoni bħala prodotti sekondarji bil-għan li jiġu introdotti riżorsi ġenwini (mhux skart) fiċ-ċiklu produttiv. Biex dan jitħeġġeġ u jiġi appoġġjat it-tixrid tal-prattiki tas-simbjożi industrijali, jeħtieġ jiġi introdott qafas regolatorju ċar fil-livell tal-UE.

 

B'dan f'moħħha, ir-rapporteur irrevediet id-diċitura attwali tal-Artikolu 5(1).

Il-Kummissjoni xorta se tkun tista' tistabbilixxi kriterji għall-applikazzjoni tal-istatus ta' prodotti sekondarji, iżda b'mod li jipprijoritizza prattiki ta' simbjożi industrijali ppruvati u li jistgħu jiġu replikati. L-għan huwa li jkun hemm bilanċ bejn il-ħtieġa għal regoli armonizzati u l-ħtieġa li jiġi żgurat li l-introduzzjoni ta' regoli standardizzati għat-tipi kollha ta' prodotti sekondarji ma tippreġudikax il-proċess tal-innovazzjoni li jikkaratterizza dawn il-prattiki.

 

L-applikazzjoni tal-leġiżlazzjoni attwali dwar it-tmiem tal-istadju tal-iskart fid-diversi Stati Membri kienet ikkaratterizzata minn diffikultajiet u inkonsistenzi. Sabiex jiġi żgurat il-funzjonament bla xkiel tas-suq intern u livell għoli ta' protezzjoni tas-saħħa tal-bniedem u tal-ambjent, ir-rapporteur tappoġġja l-prinċipju li l-Kummissjoni għandha, bħala regola ġenerali, tistabbilixxi dispożizzjonijiet armonizzati dwar il-kriterji għall-għoti ta' status ta' tmiem tal-istadju tal-iskart. Peress li din id-dispożizzjoni ma ġietx irrispettata bis-sħiħ, ir-rapporteur taqbel li l-Istati Membri issa għandhom ikunu kapaċi jistabbilixxu kriterji nazzjonali abbażi tal-kundizzjonijiet speċifiċi stabbiliti fl-Artikolu 6(1).

 

Ir-rapporteur taqbel mal-proposta tal-Kummissjoni li tintroduċi kriteji minimi għal skemi tar-Responsabbiltà Estiża tal-Produttur (EPR). Il-possibbiltà li jitnaqqsu l-ispejjeż tat-tmiem tal-ħajja għall-prodotti tista' tintuża bħala inċentiv għad-disinn tal-prodotti li jistgħu jerġgħu jiġu użati jew riċiklati. L-introduzzjoni ta' skemi tal-EPR fil-livell nazzjonali għal diversi prodotti wriet li hija għodda effikaċi sabiex jiġu ottimizzati l-ispejjeż tal-immaniġġjar tal-iskart. Ir-rapporteur, għalhekk, temmen li l-introduzzjoni tal-iskemi EPR ibbażati fuq regoli armonizzati għandhom jiġu magħmula obbligatorji fil-livell tal-UE.

 

L-implimentazzjoni mill-Istati Membri ta' miżuri ta' prevenzjoni matul iċ-ċiklu tal-ħajja utli tal-prodott hija l-aktar mod effikaċi biex titjieb l-effiċjenza fl-użu tar-riżorsi u biex jitnaqqas l-impatt ambjentali tal-iskart, billi jiġu promossi materjali durabbli, riċiklabbli u li jistgħu jerġgħu jintużaw permezz ta' strumenti ekonomiċi adatti. Għalhekk, ir-rapporteur tiddeskrivi wkoll il-ħtieġa li jitnaqqsu sustanzi perikolużi fil-materjal.

 

Id-Direttiva għandha wkoll tiddefinixxi b'mod aktar ċar il-kunċett ta' użu mill-ġdid. L-użu mill-ġdid, għall-kuntrarju ta' tħejjija għall-użu mill-ġdid, huwa proċess li jinvolvi t-trattament ta' prodotti sabiex tiġi evitata l-ġenerazzjoni tal-iskart; dan, għalhekk, għandu jiġi kkunsidrat bħala miżura speċifika għall-prevenzjoni tal-iskart u inċentivizzata mill-Istati Membri.

 

L-għodda użata biex jiġu kkoordinati dawn l-azzjonijiet jkunu l-Pjanijiet Nazzjonali ta' Prevenzjoni. Jeħtieġ jiġu stabbiliti objettivi minimi armonizzati u indikaturi tal-valutazzjoni tal-prestazzjoni għall-Istati Membri fil-livell tal-UE biex tittejjeb l-effikaċja ta' dawn il-pjanijiet.

Ir-rapporteur temmen li huwa partikolarment importanti li l-Istati Membri jieħdu miżuri skont l-Aġenda 2030 għall-Iżvilupp Sostenibbli fir-rigward ta' kwistjonijiet etiċi u ambjentali ewlenin, sabiex jitnaqqsu l-ħela tal-ikel u l-iskart fil-baħar bi 30 % sal-2025 u b'50 % sal-2030. L-Istati Membri huma msejħa biex jinkludu objettiv li, mill-inqas, huwa ekwivalenti għal dan fil-Pjanijiet Nazzjonali ta' Prevenzjoni tagħhom.

 

ŻVILUPP TA' SUQ EFFIĊJENTI TAL-MATERJA PRIMA SEKONDARJA

 

Miri ambizzjużi fir-rigward tat-tħejjija għall-użu mill-ġdid u għar-riċiklaġġ tal-iskart muniċipali jistgħu jgħinu biex jiżguraw li l-iskart b'valur ekonomiku għoli jiġi rkuprat u riċiklat bħala materja prima sekondarja ta' kwalità. B'appoġġ għal dak l-objettiv, ir-rapporteur, flimkien mal-objettiv li jitneħħa r-rimi fil-miżbliet b'mod gradwali, stabbilixxiet miri għat-tħejjija għall-użu mill-ġdid u għar-riċiklaġġ tal-iskart muniċipali ta' 60 % sal-2025 u ta' 70 % sal-2030 għall-Istati Membri, f'konformità mar-Riżoluzzjoni tal-Parlament Ewropew tad-9 ta' Lulju 2015 dwar "L-effiċjenza fl-użu tar-riżorsi: lejn ekonomija ċirkolari" u s-sejbiet tal-valutazzjoni tal-impatt ambjentali tal-Kummissjoni tat-2 ta' Lulju 2014 (SWD(2014) 207 final).

 

Sabiex jiġi żgurat li r-riżultati miksuba mill-Istati Membri huma in bona fide u komparabbli, ir-rapporteur hija favur li d-definizzjoni ta' skart muniċipali tiġi allinjata ma' dik użata għal skopijiet ta' statistika mill-Eurostat u l-OSKE. Din id-definizzjoni trid tiġi kkombinata ma' metodu uniku ta' kalkolu armonizzat għall-Istati Membri kollha, ibbażat fuq l-input lill-proċess aħħari tar-riċiklaġġ u appoġġjat b'sistema solida ta' rappurtar li tipprevjeni l-iskart mormi (skart mormi fil-miżbliet jew inċinerat) milli jiġi rrappurtat bħala skart riċiklat.

 

Ir-rapporteur temmen ukoll li sistemi ta' ġbir ta' skart separat għal tipi differenti ta' skart se jkunu prerekwiżit għall-ħolqien ta' suq tar-riċiklaġġ ta' kwalità għolja u għall-ilħiq tal-miri stabbiliti. Id-dispożizzjoni attwali għal eżenzjonijiet għal raġunijiet tekniċi, ambjentali u ekonomiċi, fil-prattika, wasslu għal dan ir-rekwiżit biex ma jiġix applikat bis-sħiħ.

 

L-Istati Membri għandhom jużaw strumenti ekonomiċi u regolatorji biex jiżguraw kompetizzjoni ġusta bejn materja prima verġni u materja prima sekondarja.

 

Ir-rapporteur hija konxja mill-fatt li jeżistu differenzi konsiderevoli bejn l-Istati Membri f'dak li jirrigwardja l-livelli ta' skart riċiklat jew mormi f'miżbliet. Għalhekk, fl-interessi li tiġi żgurata implimentazzjoni korretta u uniformi tad-Direttiva, hija taqbel li jkun xieraq li tikkonċedi deroga lill-Istati Membri li, skont id-dejta tal-Eurostat għall-2013, irriċklaw inqas minn 20 % tal-iskart muniċipali kollu billi talbu lill-Kummissjoni ħames snin addizzjonali biex fihom jilħqu l-miri stabbiliti għall-2025 u l-2030. Ir-rapporteur, madankollu, tikkunsidra li biex jinkisbu dawn id-derogazzjonijiet, l-Istati Membri kkonċernati għandhom jissottomettu pjan ta' implimentazzjoni, li għandu jiġi vvalutat mill-Kummissjoni abbażi ta' kriterji speċifiċi, u għandu jilħaq miri interim li jikkonċernaw it-tħejjija għall-użu mill-ġdid u għar-riċiklaġġ.

Ir-rapporteur enfasizzat il-bżonn għal miżuri speċifiċi għall-ipproċessar mill-ġdid tal-iskart organiku, li għadu mhux soġġett għal dispożizzjonijiet xierqa. Il-ġbir separat tal-bijoskart għandu jkun obbligatorju u appoġġjat bi strumenti ekonomiċi xierqa. Il-bijoskart għandu jgħaddi minn riċiklaġġ organiku li l-output tiegħu jkun jissodisfa kriterji ta' kwalità għolja.

Fl-aħħar nett, iddaħħal artikolu ġdid dwar "Qafas għal ekonomija ċirkolari" biex jinkorpora miżuri li l-Kummissjoni ppreżentat fil-"Pjan ta' Azzjoni għal Ekonomija Ċirkolari" tagħha u biex titħaffef it-tranżizzjoni lejn dan billi jiġu stabbiliti: indikatur Ewropew tal-effiċjenza fl-użu tar-riżorsi, miżuri leġiżlattivi biex jiġu promossi l-konsum u l-produzzjoni sostenibbli u kriterji tal-effiċjenza fl-użu tar-riżorsi, li għandhom jiġu indikati fuq it-tikkettar ta' prodotti mhux relatati mal-enerġija.

OPINJONI TAL-MINORANZA

 

 

imressqa skont l-Artikolu 56(3) tar-Regoli ta' Proċedura

Jean-François Jalkh

 

Billi l-emenda proposta għad-Direttiva 2008/98/KE:

 

- hija illeġittima peress li tinterferixxi fil-kompetenzi riżervati għall-Istati Membri, partikolarment billi timponi inċentivi fiskali u skrutinju bir-reqqa fuq l-Istati Membri nfushom;

 

- mhix applikabbli għaliex ma tqisx ir-realtajiet nazzjonali li jħaddnu differenzi fundamentali u li ma jistgħux jiġu ridotti għal politika waħda u li tkun l-istess għal kulħadd, kif ukoll tistabbilixxi definizzjonijiet mhux effettivi, b'mod partikolari billi tagħmel distinzjoni bejn skart muniċipali u kummerċjali, u dak organiku u tal-ikel;

 

- għandha ċertu piż mil-lat ekonomiku minħabba li tpoġġi pressjoni fuq l-intrapiżi fl-implimentazzjoni tar-"responsabbiltà estiża tal-produttur", li twassal biex tannulla l-valur miżjud tal-prodott;

 

- twassal biss għal żewġ konsegwenzi ċerti: żieda sinifikanti fin-nefqa pubblika u aktar integrazzjoni tas-suq intern għall-benefiċċju esklużiv ta' ċerti entitajiet transnazzjonali;

 

Konxju mill-isfidi ekonomiċi u ekoloġiċi li jirrappreżenta l-immaniġġjar tal-iskart, il-Grupp ENF jiddissoċja ruħu mill-ħidma mwettqa mill-Kumitat ENVI u, f'dak li għandu x'jaqsam mal-politika tal-immaniġġjar tal-iskart, jitlob li jkun hemm rispett għall-prinċipju tas-sussidjarjetà u li jitqiesu aktar il-punti b'saħħithom tal-lokaliżmu.

 

 

 

 

 

 

27.10.2016

OPINJONI tal-Kumitat għall-Industrija, ir-Riċerka u l-Enerġija

għall-Kumitat għall-Ambjent, is-Saħħa Pubblika u s-Sikurezza tal-Ikel

dwar il-proposta għal direttiva tal-Parlament Ewropew u tal-Kunsill li temenda d-Direttiva 2008/98/KE dwar l-iskart

( COM(2015)0595 – C8-0382/2015 – 2015/0275(COD) )

Rapporteur għal opinjoni: Miroslav Poche

 

EMENDI

Il-Kumitat għall-Industrija, ir-Riċerka u l-Enerġija jistieden lill-Kumitat għall-Ambjent, is-Saħħa Pubblika u s-Sikurezza tal-Ikel, bħala l-kumitat responsabbli, sabiex jieħu inkunsiderazzjoni l-emendi li ġejjin fir-rapport tiegħu:

 

Emenda  1

Proposta għal direttiva

Premessa 1

 

Test propost mill-Kummissjoni

Emenda

(1)  L-immaniġġjar tal-iskart fl-Unjoni għandu jittejjeb, bil-ħsieb li titħares, tinżamm u tiżdied il-kwalità tal-ambjent, tkun protetta s-saħħa tal-bniedem, tkun żgurata utilizzazzjoni razzjonali u prudenti tar-riżorsi naturali, u tiġi promossa ekonomija iktar ċirkolari.

(1)  L-immaniġġjar, it-trasformazzjoni u l-użu tal-iskart fl-Unjoni għandhom jittejbu, bil-ħsieb li titħares, tinżamm u tiżdied il-kwalità tal-ambjent, tkun protetta s-saħħa tal-bniedem, tkun żgurata utilizzazzjoni razzjonali u prudenti tar-riżorsi naturali, u tiġi promossa ekonomija ċirkolari reali, li tkun tillimita l-impatti ambjentali negattivi u tippreserva r-riżorsi naturali kif ukoll tikseb immaniġġjar aħjar tal-materja prima, filwaqt li tagħmel l-ekonomija inqas dipendenti fuq l-importazzjonijiet, iżżid l-effiċjenza fl-użu tal-enerġija, tnaqqas id-dipendenza tal-Unjoni fuq l-enerġija, tipprovdi opportunitajiet ekonomiċi ġodda u swieq ġodda u tippromwovi l-ħolqien ta' impjiegi ta' kwalità. Sabiex l-ekonomija ssir realment ċirkolari, huwa neċessarju li jittieħdu miżuri addizzjonali li jiffukaw fuq iċ-ċiklu tal-ħajja kollu tal-prodotti, inklużi l-estrazzjoni sostenibbli tal-materjali, id-disinn tal-prodott ekoloġiku, il-produzzjoni ekoeffiċjenti u l-konsum sostenibbli, b'tali mod li jippreserva r-riżorsi u jagħlaq iċ-ċirku. It-titjib fl-użu tar-riżorsi jġib miegħu wkoll iffrankar nett sostanzjali għan-negozji tal-Unjoni, l-awtoritajiet pubbliċi u l-konsumaturi, filwaqt li jnaqqas it-total annwali tal-emissjonijiet ta' gassijiet serra.

 

Emenda    2

Proposta għal direttiva

Premessa 2

 

Test propost mill-Kummissjoni

Emenda

(2)  Il-miri stipulati fid-Direttiva 2008/98/KE tal-Parlament Ewropew u tal-Kunsill14 għat-tħejjija għall-użu mill-ġdid u għar-riċiklaġġ tal-iskart għandhom jiġu emendati biex jirriflettu aħjar l-ambizzjoni tal-Unjoni li timxi lejn ekonomija iktar ċirkolari.

(2)  Il-miri stipulati fid-Direttiva 2008/98/KE tal-Parlament Ewropew u tal-Kunsill14 għat-tħejjija għall-użu mill-ġdid u għar-riċiklaġġ tal-iskart għandhom jiġu emendati biex jirriflettu aħjar l-ambizzjoni tal-Unjoni li timxi lejn ekonomija ċirkolari effiċjenti, billi jittieħdu l-miżuri meħtieġa biex ikun żgurat li l-iskart jista' jitqies bħala riżorsa utli għal din it-tranżizzjoni.

__________________

__________________

14 Id-Direttiva 2008/98/KE tal-Parlament Ewropew u tal-Kunsill tad-19 ta' Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).

14 Id-Direttiva 2008/98/KE tal-Parlament Ewropew u tal-Kunsill tad-19 ta' Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).

 

Emenda    3

Proposta għal direttiva

Premessa 2a (ġdida)

 

Test propost mill-Kummissjoni

Emenda

 

(2 a)  Fid-9 ta' Lulju 2015, il-Parlament adotta riżoluzzjoni dwar l-effiċjenza fl-użu tar-riżorsi: lejn ekonomija ċirkolari1a, fejn enfasizza b'mod partikolari l-ħtieġa li jiġu stabbiliti miri vinkolanti ta' tnaqqis tal-iskart, jiġu żviluppati miżuri għall-prevenzjoni tal-iskart u jiġu stabbiliti definizzjonijiet ċari u mhux ambigwi;

 

_______________

 

1a Testi adottati, P8_TA(2015)0266

 

Emenda    4

Proposta għal direttiva

Premessa 3

 

Test propost mill-Kummissjoni

Emenda

(3)  Għadd ta' Stati Membri għad iridu jiżviluppaw l-infrastruttura meħtieġa għall-immaniġġjar tal-iskart. Għaldaqstant huwa essenzjali li jiġu stipulati għanijiet ta' politika fit-tul sabiex jiggwidaw il-miżuri u l-investimenti, speċifikament billi jiġi evitat il-ħolqien ta' kapaċitajiet strutturali eċċessivi għat-trattament tal-iskart residwali u tiġi evitata l-inerzja tal-materji riċiklabbli f'qiegħ il-ġerarkija tal-iskart.

(3)  Għadd ta' Stati Membri għad iridu jiżviluppaw l-infrastruttura meħtieġa għall-immaniġġjar tal-iskart. Għaldaqstant huwa essenzjali li jiġu stipulati għanijiet ta' politika u appoġġ finanzjarju, fiskali u politiku fit-tul sabiex jiggwidaw il-miżuri u l-investimenti, speċifikament billi jiġi evitat il-ħolqien ta' kapaċitajiet strutturali eċċessivi għat-trattament tal-iskart residwali, bħal pereżempju r-rimi f'miżbla u l-inċenerazzjoni u tiġi evitata l-inerzja tal-materji riċiklabbli fl-iktar livell baxx tal-ġerarkija tal-iskart. F'dan il-kuntest, sabiex jinkisbu l-miri rilevanti huwa essenzjali li jintużaw il-Fondi Strutturali u ta' Investiment Ewropej sabiex jiġi ffinanzjat l-iżvilupp tal-infrastruttura għall-immaniġġjar tal-iskart meħtieġa għall-prevenzjoni, l-użu mill-ġdid u r-riċiklaġġ. Huwa wkoll essenzjali li l-Istati Membri jemendaw il-programmi għall-prevenzjoni tal-iskart eżistenti tagħhom f'konformità ma' din id-Direttiva u jadattaw l-investimenti tagħhom kif xieraq.

 

Emenda    5

Proposta għal direttiva

Premessa 5

 

Test propost mill-Kummissjoni

Emenda

(5)  Jeħtieġ li jiġu inklużi fid-Direttiva 2008/98/KE definizzjonijiet tal-iskart muniċipali, tal-iskart tal-kostruzzjoni u tad-demolizzjoni, tal-proċess aħħari tar-riċiklaġġ, u tar-radam mill-ġdid, bil-għan li l-kamp ta' applikazzjoni ta' dawn il-kunċett jiġi ċċarat.

(5)  Jeħtieġ li jiġu inklużi fid-Direttiva 2008/98/KE definizzjonijiet tal-iskart muniċipali, tal-iskart tal-kostruzzjoni u tad-demolizzjoni, tal-iskart kummerċjali u industrijali, tal-proċess aħħari tar-riċiklaġġ, tar-rimi ħażin tal-iskart u tal-iskart fil-baħar u tar-radam mill-ġdid, bil-għan li l-kamp ta' applikazzjoni ta' dawn il-kunċett jiġi ċċarat.

 

Emenda    6

Proposta għal direttiva

Premessa 5a (ġdida)

 

Test propost mill-Kummissjoni

Emenda

 

(5a)  Il-koerenza bejn id-Direttiva 2008/98/KE u atti leġiżlattivi tal-Unjoni relatati bħad-Direttiva 2009/28/KE tal-Parlament Ewropew u tal-Kunsill1a u r-Regolament (KE) Nru 1907/2006 tal-Parlament Ewropew u tal-Kunsill1b għandha tiġi żgurata, b'mod partikolari permezz tal-interpretazzjoni u l-applikazzjoni koerenti tal-kunċetti ta' "skart", "ġerarkija tal-iskart" u "prodott sekondarju" skont dawk l-atti leġiżlattivi.

 

__________________

 

1a Id-Direttiva 2009/28/KE tal-Parlament Ewropew u tal-Kunsill tat-23 ta' April 2009 dwar il-promozzjoni tal-użu tal-enerġija minn sorsi rinnovabbli u li temenda u sussegwentement tħassar id-Direttivi 2001/77/KE u 2003/30/KE (ĠU L 140, 5.6.2009, p. 16).

 

1b Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).

 

Emenda    7

Proposta għal direttiva

Premessa 6

 

Test propost mill-Kummissjoni

Emenda

(6)  Biex jiġi żgurat li l-miri tar-riċiklaġġ jissejsu fuq dejta affidabbli u paragunabbli, u biex ikun permess monitoraġġ iktar effettiv tal-progress fil-ksib ta' dawk il-miri, id-definizzjoni tal-iskart muniċipali fid-Direttiva 2008/98/KE għandha taqbel mad-definizzjoni użata għal finijiet statistiċi mill-Uffiċċju Ewropew tal-Istatistika u mill-Organizzazzjoni għall-Kooperazzjoni u l-Iżvilupp Ekonomiċi, li abbażi tagħha l-Istati Membri ilhom is-snin jirrappurtaw id-dejta. Id-definizzjoni tal-iskart muniċipali f'din id-Direttiva hija newtrali fejn jidħol l-istatus pubbliku jew privat tal-operatur li jimmaniġġja l-iskart.

(6)  Biex jiġi żgurat li l-miri tar-riċiklaġġ jissejsu fuq dejta affidabbli u paragunabbli, u biex ikun permess monitoraġġ iktar effettiv tal-progress fil-ksib ta' dawk il-miri, id-definizzjoni tal-iskart muniċipali fid-Direttiva 2008/98/KE għandha tkun armonizzata mad-definizzjoni użata għal finijiet statistiċi mill-Uffiċċju Ewropew tal-Istatistika u mill-Organizzazzjoni għall-Kooperazzjoni u l-Iżvilupp Ekonomiċi, li abbażi tagħha l-Istati Membri ilhom is-snin jirrappurtaw id-dejta. Id-definizzjoni tal-iskart muniċipali f'din id-Direttiva hija newtrali fejn jidħol l-istatus pubbliku jew privat tal-operatur li jimmaniġġja l-iskart.

 

Emenda    8

Proposta għal direttiva

Premessa 7

 

Test propost mill-Kummissjoni

Emenda

(7)  L-Istati Membri għandhom jipprovdu inċentivi xierqa għall-applikazzjoni tal-ġerarkija tal-iskart, b'mod partikulari permezz ta' inċentivi finanzjarji li jimmiraw il-ksib tal-għanijiet ta' prevenzjoni tal-iskart u ta' riċiklaġġ stipulati minn din id-Direttiva, fosthom il-ħlasijiet għar-rimi f'miżbla u għall-inċinerazzjoni, skemi ta' "ħallas skont kemm tarmi", skemi ta' responsabbiltà estiża tal-produttur, u inċentivi għall-awtoritajiet lokali.

(7)  L-Istati Membri għandhom jipprovdu inċentivi xierqa għall-applikazzjoni tal-ġerarkija tal-iskart, b'mod partikulari permezz ta' inċentivi finanzjarji, fiskali u regolatorji li jimmiraw għall-kisba tal-għanijiet ta' prevenzjoni tal-iskart u ta' riċiklaġġ stipulati minn din id-Direttiva, fosthom il-ħlasijiet għar-rimi f'miżbla u għall-inċinerazzjoni, skemi ta' "ħallas skont kemm tarmi", skemi ta' responsabbiltà estiża tal-produttur, u inċentivi għall-awtoritajiet lokali. Sabiex jikkontribwixxu għall-objettivi stabbiliti f'din id-Direttiva, l-Istati Membri għandhom ikunu jistgħu jagħmlu użu minn strumenti ekonomiċi jew miżuri oħra kif stipulati fl-Anness VIa. L-Istati Membri għandhom jieħdu l-miżuri tali li jgħinuhom jiksbu kwalità għolja ta' materjal separat.

 

Emenda    9

Proposta għal direttiva

Premessa 8a (ġdida)

 

Test propost mill-Kummissjoni

Emenda

 

(8a)  It-tranżizzjoni lejn ekonomija ċirkolari għandha tieħu vantaġġ sħiħ mill-innovazzjoni diġitali. Għal dak il-għan, għandhom jiġu żviluppati mezzi elettroniċi bħal pjattaforma online għall-kummerċjalizzazzjoni tal-iskart bħala riżorsa ġdida, bil-għan li l-operazzjonijiet kummerċjali jsiru iktar faċli u jitnaqqas il-piż amministrattiv għall-operaturi, biex b'hekk tissaħħaħ is-simbjożi industrijali.

 

Emenda    10

Proposta għal direttiva

Premessa 9

 

Test propost mill-Kummissjoni

Emenda

(9)  L-iskemi tar-Responsabbiltà Estiża tal-Produttur huma parti essenzjali mill-immaniġġjar effiċjenti tal-iskart, iżda l-effettività u l-prestazzjoni tagħhom ivarjaw sew fost l-Istati Membri. Għaldaqstant, jeħtieġ li jiġu stipulati rekwiżiti minimi ta' operat għar-responsabbiltà estiża tal-produttur. Dawk ir-rekwiżiti għandhom inaqqsu l-kostijiet u jtejbu l-prestazzjoni, kif ukoll jiżguraw kundizzjonijiet ekwi, inkluż għal intrapriżi żgħar u ta' daqs medju, u għandhom jevitaw ostakli għall-funzjonament bla xkiel tas-suq intern. Għandhom jikkontribwixxi wkoll għall-inkorporazzjoni tal-kostijiet fi tmiem il-ħajja fil-prezzijiet tal-prodotti, u għandhom jipprovdu inċentivi lill-produtturi sabiex iqisu aħjar ir-riċiklabbiltà u l-kapaċità ta' użu mill-ġdid meta jiddisinjaw il-prodotti tagħhom. Ir-rekwiżiti għandhom japplikaw kemm għall-iskemi l-ġodda kif ukoll għal dawk diġà eżistenti ta' responsabbiltà estiża tal-produttur. Madankollu, ikun hemm bżonn perjodu ta' tranżizzjoni sabiex l-iskemi eżistenti ta' responsabbiltà estiża tal-produttur jadattaw l-istrutturi u l-proċeduri tagħhom għar-rekwiżiti l-ġodda.

(9)  L-iskemi tar-Responsabbiltà Estiża tal-Produttur huma parti essenzjali mill-immaniġġjar effiċjenti tal-iskart, iżda l-effettività u l-prestazzjoni tagħhom ivarjaw sew fost l-Istati Membri. Għaldaqstant, jeħtieġ li jiġu stipulati rekwiżiti minimi ta' operat għall-iskemi ta' responsabbiltà estiża tal-produttur. Dawk ir-rekwiżiti għandhom inaqqsu l-kostijiet u jtejbu l-prestazzjoni, jiffaċilitaw il-possibbiltà ta' tiswija, l-implimentazzjoni u l-infurzar aħjar tal-ġbir u l-għażla separati, jiżguraw riċiklaġġ ta' kwalità aħjar, jgħinu jiżguraw aċċess kosteffiċjenti għall-materja prima sekondarja, kif ukoll jiżguraw kundizzjonijiet ekwi, inkluż għal intrapriżi żgħar u ta' daqs medju, u għandhom jevitaw ostakli għall-funzjonament bla xkiel tas-suq intern. Għandhom jikkontribwixxu wkoll għall-inkorporazzjoni tal-kostijiet fi tmiem il-ħajja fil-prezzijiet tal-prodotti, u għandhom jipprovdu inċentivi lill-produtturi sabiex iqisu aħjar il-possibbiltà ta' tiswija, ir-riċiklabbiltà u l-kapaċità ta' użu mill-ġdid u l-eliminazzjoni gradwali ta' sustanzi perikolużi meta jiddisinjaw il-prodotti tagħhom. Ir-rekwiżiti għandhom japplikaw kemm għall-iskemi l-ġodda kif ukoll għal dawk diġà eżistenti ta' responsabbiltà estiża tal-produttur. Madankollu, ikun hemm bżonn perjodu ta' tranżizzjoni sabiex l-iskemi eżistenti ta' responsabbiltà estiża tal-produttur u l-Istati Membri mingħajr ir-responsabbiltà estiża tal-produttur jadattaw l-istrutturi u l-proċeduri tagħhom għar-rekwiżiti l-ġodda. Matul il-perjodu tranżitorju, l-Istati Membri mingħajr ir-responsabbiltà estiża tal-produttur għandhom jiżguraw li s-sistemi tagħhom tal-immaniġġjar tal-iskart jagħtu riżultati b'mod infurzabbli, trasparenti u responsabbli li jkun konsistenti għal kollox mar-rekwiżiti minimi għall-iskemi ta' responsabbiltà estiża tal-produttur.

 

Emenda    11

Proposta għal direttiva

Premessa 10

 

Test propost mill-Kummissjoni

Emenda

(10)  Il-prevenzjoni tal-iskart hija l-iktar mod effiċjenti ta' kif tittejjeb l-effiċjenza fl-użu tar-riżorsi, kif ukoll ta' kif jitnaqqas l-impatt ambjentali tal-iskart. Għaldaqstant, huwa importanti li l-Istati Membri jieħdu miżuri xierqa biex jipprevjenu l-ġenerazzjoni tal-iskart, kif ukoll biex jimmonitorjaw u jevalwaw il-progress fl-implimentazzjoni ta' tali miżuri. Sabiex jiġi żgurat kejl uniformi tal-progress ġenerali fl-implimentazzjoni tal-miżuri ta' prevenzjoni tal-iskart, għandhom jiġu stabbiliti indikaturi komuni.

(10)  Il-prevenzjoni tal-iskart hija l-iktar mod effiċjenti ta' kif tittejjeb l-effiċjenza fl-użu tar-riżorsi, kif jitnaqqas l-impatt ambjentali tal-iskart, u jiġu promossi materjali ta' kwalità għolja durabbli, riċiklabbli u li jistgħu jerġgħu jintużaw u titnaqqas id-dipendenza fuq l-importazzjonijiet ta' materja prima dejjem iktar rari. Għaldaqstant, huwa importanti li l-Istati Membri jieħdu miżuri xierqa biex jipprevjenu l-ġenerazzjoni tal-iskart, inklużi miżuri li jnaqqsu l-preżenza ta' sustanzi perikolużi, jippromwovu r-riċiklaġġ ta' materjali ta' kwalità għolja, jiġġieldu l-obsolenza ppjanata, iżidu s-setgħa tal-konsumatur permezz ta' informazzjoni mtejba dwar il-prodotti, iħeġġu l-komunikazzjoni kontinwa u kampanji edukattivi regolari dwar il-prevenzjoni tal-iskart, u biex jimmonitorjaw u jevalwaw il-progress fl-implimentazzjoni ta' tali miżuri, kif ukoll miri ta' prevenzjoni għat-tnaqqis tal-ġenerazzjoni tal-iskart, bl-għan li jiġi diżakkoppjat mit-tkabbir ekonomiku. Sabiex jiġi żgurat kejl uniformi tal-progress ġenerali fl-implimentazzjoni tal-miżuri ta' prevenzjoni tal-iskart, għandhom jiġu stabbiliti indikaturi komuni u metodi ta' kalkoli.

 

Emenda    12

Proposta għal direttiva

Premessa 12

 

Test propost mill-Kummissjoni

Emenda

(12)  L-Istati Membri għandhom jieħdu miżuri biex jippromwovu l-prevenzjoni tal-iskart tal-ikel, bi qbil mal-Aġenda tal-2030 għall-Iżvilupp Sostenibbli, adottat mill-Assemblea Ġenerali tan-Nazzjonijiet Uniti fil-25 ta' Settembru 2015, u b'mod partikulari l-mira tagħha li l-iskart tal-ikel jitnaqqas bin-nofs sas-sena 2030. Dawn il-miżuri għandhom jimmiraw li jipprevjenu l-iskart tal-ikel fil-produzzjoni primarja, fl-ipproċessar u fil-manifatturar, fil-bejgħ bl-imnut u f'mezzi oħra ta' distribuzzjoni tal-ikel, f'restorants u servizzi tal-ikel kif ukoll fid-djar. Filwaqt li jqisu l-benefiċċji ambjentali u ekonomiċi tal-prevenzjoni tal-iskart tal-ikel, l-Istati Membri għandhom jistabbilixxu miżuri speċifiċi ta' prevenzjoni tal-iskart tal-ikel, u għandhom ikejlu l-progress fit-tnaqqis tal-iskart tal-ikel. Sabiex jiġi ffaċilitat l-iskambju tal-prassi tajba madwar l-UE, kemm fost l-Istati Membri u kemm fost l-operaturi kummerċjali tal-ikel, għandhom jiġu stabbiliti metodoloġiji uniformi għal tali kejl. Ir-rappurtar dwar il-livelli tal-iskart tal-ikel għandu jsir kull sentejn.

(12)  L-Istati Membri għandhom jieħdu miżuri biex jippromwovu l-prevenzjoni tal-ħela tal-ikel, bi qbil mal-Aġenda tal-2030 għall-Iżvilupp Sostenibbli, adottat mill-Assemblea Ġenerali tan-Nazzjonijiet Uniti fil-25 ta' Settembru 2015, u b'mod partikulari l-mira tagħha li l-iskart tal-ikel jitnaqqas b'mill-inqas 50 % sas-sena 2030. Dawn il-miżuri għandhom jimmiraw li jipprevjenu l-ħela tal-ikel fil-livell tal-bejgħ bl-imnut u fil-livell tal-konsumaturi u jnaqqsu t-telf tal-ikel fil-katini tal-produzzjoni u tal-provvista, inklużi l-produzzjoni agrikola intenzjonalment mhux maħsuda u t-telf wara l-ħsad, u f'mezzi oħra ta' distribuzzjoni tal-ikel, f'organizzazzjonijiet pubbliċi u privati li jbigħu jew joffru ikliet, u f'restorants u servizzi tal-ikel kif ukoll fid-djar. Filwaqt li jqisu l-benefiċċji ambjentali u ekonomiċi tal-prevenzjoni tal-iskart tal-ikel, l-Istati Membri għandhom jistabbilixxu miżuri speċifiċi ta' prevenzjoni tal-iskart tal-ikel fil-programmi tal-prevenzjoni tal-iskart tagħhom sabiex jilħqu tnaqqis fl-iskart tal-ikel ta' mill-inqas 30 % sal-2025 u 50 % sal-2030, u għandhom ikejlu l-progress li sar fit-tnaqqis tal-ħela tal-ikel. Sabiex jiġi ffaċilitat l-iskambju tal-prassi tajba madwar l-Unjoni, kemm fost l-Istati Membri u kemm fost l-operaturi kummerċjali tal-ikel, għandhom jiġu stabbiliti metodoloġiji uniformi għal tali kejl. Ir-rappurtar dwar il-livelli tal-ħela tal-ikel għandu jsir kull sentejn. Sabiex jipprevjenu l-ħela tal-ikel, l-Istati Membri għandhom jistabbilixxu qafas li jippermetti lis-settur tal-ikel li jkompli jiddistribwixxi u jagħti b'donazzjoni prodotti mhux mibjugħin, filwaqt li jiżguraw li tali distribuzzjoni ma jkollha l-ebda impatt negattiv fuq is-saħħa tal-bniedem jew is-sigurtà tal-ikel.

 

Emenda    13

Proposta għal direttiva

Premessa 13a (ġdida)

 

Test propost mill-Kummissjoni

Emenda

 

(13a)  Il-Kummissjoni għandha teżamina l-possibbiltà li tiffissa miri tar-riċiklaġġ għall-iskart kummerċjali u industrijali mhux perikoluż b'obbligi tar-riċiklaġġ simili għal dawk li japplikaw għall-iskart muniċipali. Sabiex tinbena bażi preċiża biex jiġu ffissati dawk il-miri, il-Kummissjoni għandha tiġbor dejta dwar tali skart, abbażi tar-rappurtar komuni mill-Istati Membri. Fi żmien sentejn wara l-ġbir tad-dejta, u abbażi tal-valutazzjoni tal-impatt, il-Kummissjoni għandha tqis il-possibbiltà li tiffissa miri tar-riċiklaġġ separat għall-iskart kummerċjali u industrijali mhux perikoluż sal-2025, tal-inqas għall-iskart tal-karta, tal-ħġieġ, tal-metall, tal-plastik u l-bijoskart.

 

Emenda    14

Proposta għal direttiva

Premessa 13b (ġdida)

 

Test propost mill-Kummissjoni

Emenda

 

(13b)  Id-Direttiva 2008/56/KE tal-Parlament Ewropew u tal-Kunsill1a hija l-istrument legali vinkolanti fil-livell tal-Unjoni għall-valutazzjoni, il-monitoraġġ u l-istabbiliment ta' miri ambjentali sabiex jinkiseb status ambjentali tajjeb fir-rigward tal-iskart fil-baħar. Madankollu, is-sorsi ewlenin tal-iskart fil-baħar huma attivitajiet fuq l-art u huma kkawżati minn prattiki ħżiena tal-immaniġġjar tal-iskart solidu, nuqqas ta' infrastruttura u nuqqas ta' sensibilizzazzjoni tal-pubbliku. Għal dik ir-raġuni, l-Istati Membri għandhom jadottaw miżuri biex inaqqsu l-iskart fuq l-art li x'aktarx jispiċċa fl-ambjent tal-baħar, f'konformità mal-Aġenda tal-2030 għall-Iżvilupp Sostenibbli, adottata mill-Assemblea Ġenerali tan-Nazzjonijiet Uniti fil-25 ta' Settembru 2015, u b'mod partikolari jimmiraw li jiksbu l-għan li jnaqqsu l-iskart fil-baħar b'50 % sas-sena 2030. Filwaqt li jqisu l-benefiċċji ambjentali u ekonomiċi tal-prevenzjoni tal-iskart fil-baħar, l-Istati Membri għandhom jistabbilixxu miżuri speċifiċi ta' prevenzjoni tal-iskart fil-baħar fil-programmi tal-prevenzjoni tal-iskart tagħhom sabiex jilħqu tal-inqas l-għan ta' tnaqqis ta' 50 % sal-2030, u għandhom ikejlu l-progress fit-tnaqqis tal-iskart fil-baħar. Sabiex jiġi ffaċilitat l-iskambju tal-aħjar prattiki bejn l-Istati Membri fl-Unjoni kollha, għandhom jiġu stabbiliti metodoloġiji uniformi għal tali kejl. Ir-rappurtar dwar il-livelli tal-iskart fil-baħar għandu jsir kull sentejn.

 

__________________

 

1a Id-Direttiva 2008/56/KE tal-Parlament Ewropew u tal-Kunsill tas-17 ta' Ġunju 2008 li tistabbilixxi Qafas għal Azzjoni Komunitarja fil-qasam tal-Politika tal-Ambjent Marin (Direttiva Kwadru dwar l-Istrateġija Marina) (ĠU L 164, 25.6.2008, p. 19).

 

Emenda    15

Proposta għal direttiva

Premessa 13c (ġdida)

 

Test propost mill-Kummissjoni

Emenda

 

(13c)  Sabiex tgħin jintlaħqu l-objettivi tal-Ekonomija Ċirkolari, il-Kummissjoni għandha tippromwovi b'mod attiv il-koordinazzjoni u l-iskambju ta' informazzjoni u tal-aħjar prattiki bejn l-Istati Membri, l-organizzazzjonijiet tas-soċjetà ċivili, l-awtoritajiet lokali u reġjonali, is-sħab soċjali u bejn setturi differenti tal-ekonomija, fosthom l-industrija tal-iskart u s-settur finanzjarju. Il-koordinazzjoni u l-iskambju jistgħu jinkisbu permezz tal-istabbiliment ta' pjattaformi ta' komunikazzjoni dwar l-ekonomija ċirkolari li jgħinu jżidu s-sensibilizzazzjoni rigward soluzzjonijiet industrijali ġodda u jippermettu analiżi aħjar tal-kapaċitajiet disponibbli u jikkontribwixxu biex issir konnessjoni bejn l-industrija tal-iskart u s-settur finanzjarju u jappoġġjaw is-simbjożi industrijali. Il-Kummissjoni għandha tippromwovi wkoll b'mod attiv il-kondiviżjoni ta' pjattaformi bħala mudell ta' negozju tal-ekonomija ċirkolari.

 

Emenda    16

Proposta għal direttiva

Premessa 15a (ġdida)

 

Test propost mill-Kummissjoni

Emenda

 

(15a)  Il-ġbir u r-riċiklaġġ separat taż-żejt użat ikollhom benefiċċji ekonomiċi u ambjentali sinifikanti f'termini tal-garanzija tal-provvista ta' materja prima, tal-mixja 'l quddiem lejn ekonomija ċirkolari u fil-kontribut għal anqas dipendenza fuq il-provvista taż-żejt. Xi Stati Membri diġà jiġbru u jirriċiklaw parti kbira taż-żejt użat tagħhom. Madankollu, fl-2015 madwar 13 % biss taż-żjut ta' bażi kollha ġew minn żejt użat raffinat mill-ġdid. Il-Kummissjoni għandha għalhekk tippreżenta sa ... [daħħal id-data ta' sentejn wara d-dħul fis-seħħ ta' din id-Direttiva], valutazzjoni tal-impatt dwar l-introduzzjoni ta' mira għall-Unjoni kollha għall-ġbir u r-riċiklaġġ taż-żejt użat.

 

Emenda    17

Proposta għal direttiva

Premessa 15b (ġdida)

 

Test propost mill-Kummissjoni

Emenda

 

(15b)  Fejn possibbli, l-Istati Membri għandhom jinċentivaw l-użu ta' materjali bħal materjali permanenti li għandhom valur superjuri għall-ekonomija ċirkolari minħabba li jistgħu jiġu klassifikati bħala materjali li jistgħu jiġu riċiklati mingħajr telf ta' kwalità, irrispettivament minn kemm-il darba jiġi riċiklat il-materjal.

 

Emenda    18

Proposta għal direttiva

Premessa 16

 

Test propost mill-Kummissjoni

Emenda

(16)  Jeżistu differenzi kbar fost l-Istati Membri fejn tidħol il-prestazzjoni tagħhom fl-immaniġġjar tal-iskart, l-aktar tar-riċiklaġġ tal-iskart muniċipali. Sabiex jitqiesu dawk id-differenzi, dawk l-Istati Membri li fl-2013 irriċiklaw inqas minn 20% tal-iskart muniċipali tagħhom skont id-dejta tal-Eurostat għandhom jingħataw żmien addizzjonali sabiex jikkonformaw mal-miri tat-tħejjija għall-użu mill-ġdid u għar-riċiklaġġ, stabbiliti għall-2025 u għall-2030. Fid-dawl tar-rati medji ta' progress annwali osservati fl-Istati Membri tul l-aħħar ħmistax-il sena, dawk l-Istati Membri jkollhom iżidu l-kapaċità ta' riċiklaġġ tagħhom f'livelli li jinsabu 'l fuq sew mill-medji mgħoddija sabiex jilħqu dawk il-miri. Sabiex jiġi żgurat li jsir progress sod lejn dawk il-miri, kif ukoll li n-nuqqasijiet fl-implimentazzjoni jiġu indirizzati fi żmien xieraq, l-Istati Membri li jingħataw żmien addizzjonali għandhom jilħqu miri interim, u għandhom ifasslu pjan ta' implimentazzjoni.

(16)  Jeżistu differenzi kbar fost l-Istati Membri fejn tidħol il-prestazzjoni tagħhom fl-immaniġġjar tal-iskart, l-aktar tar-riċiklaġġ tal-iskart muniċipali. Sabiex jitqiesu dawk id-differenzi, dawk l-Istati Membri li fl-2013 irriċiklaw inqas minn 20% tal-iskart muniċipali tagħhom skont id-dejta tal-Eurostat għandhom jingħataw żmien addizzjonali sabiex jikkonformaw mal-miri tat-tħejjija għall-użu mill-ġdid u għar-riċiklaġġ, stabbiliti għall-2025 u għall-2030. Fid-dawl tar-rati medji ta' progress annwali osservati fl-Istati Membri tul l-aħħar ħmistax-il sena, dawk l-Istati Membri jkollhom iżidu l-kapaċità ta' riċiklaġġ tagħhom f'livelli li jinsabu 'l fuq sew mill-medji mgħoddija sabiex jilħqu dawk il-miri. Sabiex jiġi żgurat li jsir progress sod lejn dawk il-miri, kif ukoll li n-nuqqasijiet fl-implimentazzjoni jiġu indirizzati fi żmien xieraq, l-Istati Membri li jingħataw żmien addizzjonali għandhom jilħqu miri interim, u għandhom ifasslu pjan ta' implimentazzjoni, bl-appoġġ tal-Kummissjoni.

 

Emenda    19

Proposta għal direttiva

Premessa 18

 

Test propost mill-Kummissjoni

Emenda

(18)  Għall-finijiet tal-kalkolu ta' jekk humiex se jintlaħqu l-miri ta' tħejjija għall-użu mill-ġdid u għar-riċiklaġġ, l-Istati Membri għandhom ikunu kapaċi jqisu l-prodotti u l-komponenti li huma mħejjija għall-użu mill-ġdid minn operaturi rikonoxxuti ta' użu mill-ġdid u minn skemi ta' rifużjonijiet tad-depożitu, jew imħejjija għar-riċiklaġġ tal-metalli li jsir b'rabta mal-inċinerazzjoni. Sabiex jiġi żgurat il-kalkolu uniformi ta' din id-dejta, il-Kummissjoni se tadotta regoli ddettaljati dwar id-determinazzjoni tat-tħejjija rikonoxxuta għall-operaturi ta' użu mill-ġdid u għall-iskemi ta' rifużjonijiet tad-depożitu, dwar il-kriterji ta' kwalità għall-metalli riċiklati, u dwar il-ġbir, il-verifika u r-rappurtar tad-dejta.

(18)  Għall-finijiet tal-kalkolu ta' jekk humiex se jintlaħqu l-miri ta' tħejjija għall-użu mill-ġdid u għar-riċiklaġġ, l-Istati Membri għandhom ikunu kapaċi jqisu l-prodotti u l-komponenti, jew, jekk ikun il-każ, l-imballaġġ, li huma mħejjija għall-użu mill-ġdid minn operaturi rikonoxxuti ta' użu mill-ġdid u minn skemi ta' rifużjonijiet tad-depożitu, jew imħejjija għar-riċiklaġġ tal-metalli li jsir b'rabta mal-irkupru tal-enerġija u mal-inċinerazzjoni. Sabiex jiġi żgurat il-kalkolu uniformi ta' din id-dejta, il-Kummissjoni se tadotta regoli ddettaljati dwar id-determinazzjoni tat-tħejjija rikonoxxuta għall-operaturi ta' użu mill-ġdid u għall-iskemi ta' rifużjonijiet tad-depożitu, dwar il-kriterji ta' kwalità għall-metalli riċiklati, u dwar il-ġbir, il-verifika u r-rappurtar tad-dejta.

 

Emenda    20

Proposta għal direttiva

Premessa 19

 

Test propost mill-Kummissjoni

Emenda

(19)  Sabiex tkun żgurata implimentazzjoni aħjar, f'waqtha u aktar uniformi ta' din id-Direttiva, u sabiex jiġu antiċipati d-dgħufijiet fl-implimentazzjoni, għandha titwaqqaf sistema ta' twissija bikrija ħalli ssib in-nuqqasijiet u tkun tista' tittieħed azzjoni qabel l-iskadenzi biex jintlaħqu l-miri.

(19)  Sabiex tkun żgurata implimentazzjoni aħjar, f'waqtha u aktar uniformi ta' din id-Direttiva, u sabiex jiġu antiċipati d-dgħufijiet fl-implimentazzjoni, għandha titwaqqaf sistema ta' twissija bikrija, bl-appoġġ tal-Kummissjoni, ħalli ssib in-nuqqasijiet u tkun tista' tittieħed azzjoni qabel l-iskadenzi biex jintlaħqu l-miri.

 

Emenda    21

Proposta għal direttiva

Premessa 20

 

Test propost mill-Kummissjoni

Emenda

(20)  Il-konformità mal-obbligu li jiġu stabbiliti sistemi ta' ġbir separat għall-karta, il-metall, il-plastik u l-ħġieġ hija essenzjali sabiex jiżdiedu r-rati tat-tħejjija għall-użu mill-ġdid u għar-riċiklaġġ fl-Istati Membri. Barra minn hekk, il-bijoskart għandu jinġabar b'mod separat sabiex jikkontribwixxi għal żieda fir-rati ta' tħejjija għall-użu mill-ġdid u għar-riċiklaġġ, kif ukoll għall-prevenzjoni tat-tniġġis ta' materjali riċiklabbli nixfin.

(20)  Il-konformità mal-obbligu li jiġu stabbiliti sistemi ta' ġbir separat għall-karta, il-metall, il-plastik, il-ħġieġ, l-injam u t-tessuti hija essenzjali sabiex jiżdiedu r-rati tat-tħejjija għall-użu mill-ġdid u għar-riċiklaġġ fl-Istati Membri. Barra minn hekk, il-bijoskart għandu jinġabar b'mod separat sabiex jikkontribwixxi għal żieda fir-rati ta' tħejjija għall-użu mill-ġdid u għar-riċiklaġġ, kif ukoll għall-prevenzjoni tat-tniġġis ta' materjali riċiklabbli nixfin, kif ukoll għall-prevenzjoni tal-inċinerazzjoni u r-rimi f'miżbla. Barra minn hekk, użu iktar effiċjenti tal-iskart jista' joħloq inċentiv importanti għall-katina tal-provvista tal-bijoekonomija. Il-ġbir separat tal-bijoskart mill-iskart muniċipali u agrikolu għandu għalhekk isir obbligatorju. Il-bijoekonomija għandha rwol importanti fl-iżgurar tad-disponibbiltà tal-materja prima fl-Unjoni kollha. Il-Kummissjoni għandha tikkunsidra li tiffissa mira għar-riċiklaġġ għall-bijoskart sabiex tattira investimenti fl-infrastruttura f'faċilitajiet tar-riċiklaġġ għall-bijoskart u biex issaħħaħ l-ipproċessar mill-ġdid tal-materjal organiku.

 

Emenda    22

Proposta għal direttiva

Premessa 21

 

Test propost mill-Kummissjoni

Emenda

(21)  L-immaniġġjar xieraq tal-iskart perikoluż għadu problema fl-Unjoni, u d-dejta dwar it-trattament tiegħu għadha parzjalment nieqsa. Għaldaqstant, hemm bżonn li jissaħħu l-mekkaniżmi taż-żamma tar-rekords u tat-traċċabbiltà billi jitwaqqfu reġistri elettroniċi għall-iskart perikoluż fl-Istati Membri. Il-ġbir ta' dejta elettronika għandu jitwessa' għal tipi oħra ta' skart, fejn xieraq, sabiex iż-żamma tar-rekords teħfief għan-negozji u għall-amministrazzjonijiet u ħalli jitjieb il-monitoraġġ tal-flussi tal-iskart fl-Unjoni.

(21)  L-immaniġġjar xieraq tal-iskart perikoluż għadu problema fl-Unjoni, u d-dejta dwar it-trattament tiegħu għadha parzjalment nieqsa. Għaldaqstant, hemm bżonn li jissaħħu l-mekkaniżmi taż-żamma tar-rekords u tat-traċċabbiltà billi jitwaqqfu reġistri elettroniċi għall-iskart perikoluż fl-Istati Membri. Il-ġbir ta' dejta elettronika għandu jitwessa' għal tipi oħra ta' skart b'mod kemm jista' jkun estiż, sabiex iż-żamma tar-rekords teħfief għan-negozji u għall-amministrazzjonijiet u ħalli jitjieb il-monitoraġġ tal-flussi tal-iskart fl-Unjoni. Din id-dejta għandha tinġabar f'konformità mal-istandards u l-ispeċifikazzjonijiet li jappoġġjaw l-objettivi tad-dejta miftuħa u għandha ssir disponibbli bħala dejta miftuħa.

 

Emenda    23

Proposta għal direttiva

Premessa 21a (ġdida)

 

Test propost mill-Kummissjoni

Emenda

 

(21a)  Sabiex tiġi evitata l-kontaminazzjoni ta' skart muniċipali b'sustanzi perikolużi li jistgħu jbaxxu l-kwalità tar-riċiklaġġ u għaldaqstant ifixklu t-teħid ta' materja prima sekondarja, l-Istati Membri għandhom jistabbilixxu flussi ta' ġbir separati għal skart perikoluż mid-djar. Il-fondi tal-Unjoni li huma allokati għall-appoġġ tat-tranżizzjoni lejn ekonomija ċirkolari jistgħu jintużaw għal programmi ta' riċerka dwar is-sostituzzjoni ta' materjal perikoluż u t-trattament ta' skart perikoluż.

 

Emenda    24

Proposta għal direttiva

Premessa 22

 

Test propost mill-Kummissjoni

Emenda

(22)  Din id-Direttiva tistipula għanijiet fit-tul għall-immaniġġjar tal-iskart tal-Unjoni, u tagħti lill-operaturi ekonomiċi u lill-Istati Membri direzzjoni ċara għall-investimenti li huma meħtieġa sabiex jintlaħqu l-miri ta' din id-Direttiva. Waqt li jiżviluppaw l-istrateġiji nazzjonali tagħhom għall-immaniġġjar tal-iskart u jippjanaw l-investimenti fl-infrastruttura tal-immaniġġjar tal-iskart, l-Istati Membri għandhom jużaw sew il-Fondi Ewropej Strutturali u ta' Investiment billi jippromwovu l-prevenzjoni, l-użu mill-ġdid u r-riċiklaġġ, bi qbil mal-ġerarkija tal-iskart.

(22)  Din id-Direttiva tistipula għanijiet fit-tul għall-immaniġġjar tal-iskart tal-Unjoni, u tagħti lill-operaturi ekonomiċi u lill-Istati Membri direzzjoni ċara għall-investimenti li huma meħtieġa sabiex jintlaħqu l-miri ta' din id-Direttiva. Waqt li jiżviluppaw l-istrateġiji nazzjonali tagħhom għall-immaniġġjar tal-iskart u jippjanaw l-investimenti fl-infrastruttura tal-immaniġġjar tal-iskart, l-Istati Membri għandhom jużaw sew il-Fondi Ewropej Strutturali u ta' Investiment billi jippromwovu l-ewwel il-prevenzjoni u l-użu mill-ġdid u mbagħad ir-riċiklaġġ, bi qbil mal-ġerarkija tal-iskart, u ma għandhomx jappoġġjaw ir-rimi f'miżbla u l-inċinerazzjoni tal-iskart.

 

Emenda    25

Proposta għal direttiva

Premessa 23

 

Test propost mill-Kummissjoni

Emenda

(23)  Ċerti tipi ta' materja prima huma ta' importanza kbira għall-ekonomija tal-Unjoni, u l-provvista tagħhom hija marbuta ma' riskju għoli. Sabiex tkun żgurata s-sigurtà tal-provvista ta' dawk it-tipi ta' materja prima, u bi qbil mal-Inizjattiva tal-Materja Prima u l-għanijiet u l-miri tas-Sħubija Ewropea għall-Innovazzjoni dwar il-Materja Prima, l-Istati Membri għandhom jieħdu miżuri biex jiksbu l-aqwa mmaniġġjar possibbli tal-iskart li jkun fih ammonti sinifikanti ta' tali tipi ta' materja prima, filwaqt li jqisu l-vjabbiltà ekonomika u teknoloġika kif ukoll il-benefiċċji ambjentali. Il-Kummissjoni stabbiliet lista ta' materja prima kritika għall-UE. Din il-lista hija soġġetta għal rieżami regolari mill-Kummissjoni.

(23)  Ċerti tipi ta' materja prima huma ta' importanza kbira għall-ekonomija tal-Unjoni, u l-provvista tagħhom hija marbuta ma' riskju għoli. Sabiex tkun żgurata s-sigurtà tal-provvista ta' dawk it-tipi ta' materja prima, u bi qbil mal-Inizjattiva tal-Materja Prima u l-għanijiet u l-miri tas-Sħubija Ewropea għall-Innovazzjoni dwar il-Materja Prima, l-Istati Membri għandhom jieħdu miżuri biex jiksbu l-aqwa mmaniġġjar possibbli tal-iskart li jkun fih ammonti sinifikanti ta' tali tipi ta' materja prima, billi jevitaw ir-rimi f'miżbla u l-inċinerazzjoni tal-iskart mhux ittrattat, filwaqt li jqisu l-vjabbiltà ekonomika u teknoloġika kif ukoll il-benefiċċji ambjentali u dawk tas-saħħa. Il-Kummissjoni stabbiliet lista ta' materja prima kritika għall-UE. Din il-lista hija soġġetta għal rieżami regolari mill-Kummissjoni.

__________________

__________________

18 COM(2014) 297 finali.

18 COM(2014) 0297

 

Emenda    26

Proposta għal direttiva

Premessa 25

 

Test propost mill-Kummissjoni

Emenda

(25)  Ir-rimi taż-żibel għandu impatti ħżiena diretti fuq l-ambjent u fuq il-benessri taċ-ċittadini, u l-kostijiet għoljin tat-tindif huma piż ekonomiku mhux meħtieġ għas-soċjetà. L-introduzzjoni ta' miżuri speċifiċi fil-pjanijiet tal-immaniġġjar tal-iskart, u l-infurzar tajjeb mill-awtoritajiet kompetenti, għandhom jgħinu biex ineħħu din il-problema.

(25)  Ir-rimi ħażin tal-iskart għandu impatti ħżiena diretti fuq l-ambjent u fuq il-benessri taċ-ċittadini, u l-kostijiet għoljin tat-tindif huma piż ekonomiku mhux meħtieġ għas-soċjetà. Ir-rimi ħażin tal-iskart irid jitqies bħala problema soċjetali tal-individwi li qed jimmaniġġjaw l-iskart b'mod mhux xieraq jew illegali. L-introduzzjoni ta' miżuri speċifiċi fil-pjanijiet tal-immaniġġjar tal-iskart, u l-infurzar tajjeb mill-awtoritajiet kompetenti, għandhom jgħinu biex ineħħu din il-problema.

 

Emenda    27

Proposta għal direttiva

Premessa 28

 

Test propost mill-Kummissjoni

Emenda

(28)  Id-dejta statistika li jirrappurtaw l-Istati Membri hi essenzjali biex il-Kummissjoni tivvaluta l-konformità mal-leġiżlazzjoni dwar l-iskart fost l-Istati Membri. Il-kwalità, l-affidabbiltà u l-paragunabbiltà tal-istatistika għandhom jittejbu billi jiġi introdott punt ta' dħul wieħed għad-dejta kollha dwar l-iskart, billi jitħassru rekwiżiti ta' rappurtar li m'għadhomx jgħoddu, billi ssir valutazzjoni komparattiva tal-metodoloġiji nazzjonali tar-rappurtar, u billi jiġi introdott rapport ta' verifika tal-kwalità tad-dejta. Għalhekk, meta jiġu biex jirrappurtaw dwar l-ilħiq tal-miri stipulati fil-leġiżlazzjoni dwar l-iskart, l-Istati Membri għandhom jużaw l-aktar metodoloġija riċenti li jkunu żviluppaw il-Kummissjoni u l-uffiċċji nazzjonali tal-istatistika tal-Istati Membri.

(28)  Id-dejta statistika li jirrappurtaw l-Istati Membri hi essenzjali biex il-Kummissjoni tivvaluta l-konformità mal-leġiżlazzjoni dwar l-iskart fost l-Istati Membri. Il-kwalità, l-affidabbiltà u l-paragunabbiltà tal-istatistika għandhom jittejbu billi tiġi stabbilita metodoloġija armonizzata għall-ġbir u l-ipproċessar tad-dejta u billi jiġi introdott punt ta' dħul wieħed għad-dejta kollha dwar l-iskart, li għandu jkun l-Eurostat, u billi jitħassru rekwiżiti ta' rappurtar li m'għadhomx jgħoddu, billi ssir valutazzjoni komparattiva tal-metodoloġiji nazzjonali tar-rappurtar u billi jiġi introdott rapport ta' verifika tal-kwalità tad-dejta li għandu jiġi bbażat fuq format armonizzat. Ir-rappurtar affidabbli tad-dejta statistika paragunabbli dwar l-immaniġġjar tal-iskart huwa tal-akbar importanza għal implimentazzjoni effiċjenti u biex tkun żgurata l-paragunabbiltà tad-dejta fost l-Istati Membri. Għaldaqstant, meta jkunu qed iħejju r-rapporti ta' implimentazzjoni skont din id-Direttiva, l-Istati Membri għandhom jużaw l-aktar metodoloġija riċenti żviluppata mill-Kummissjoni u mill-uffiċċji nazzjonali tal-istatistika tal-Istati Membri.

 

Emenda    28

Proposta għal direttiva

Premessa 28a (ġdida)

 

Test propost mill-Kummissjoni

Emenda

 

(28a)  Ir-riċerka u l-innovazzjoni huma essenzjali għall-appoġġ tat-tranżizzjoni tal-Unjoni lejn ekonomija ċirkolari fejn l-iskart jitqies bħala riżorsa. Għal dan il-għan, il-kontribut, fil-qafas tal-Orizzont 2020, għal proġetti ta' riċerka u innovazzjoni li jistgħu juru u jittestjaw fil-qasam is-sostenibbiltà ekonomika u ambjentali ta' ekonomija ċirkolari, huwa neċessarju. Filwaqt li jadottaw approċċ sistemiku, dawn il-proġetti jistgħu jikkontribwixxu għall-iżvilupp ta' leġiżlazzjoni li tiffavorixxi l-innovazzjoni u li fl-istess ħin tista' tiġi implimentata faċilment, prinċipalment permezz tal-identifikazzjoni ta' inċertezzi regolatorji, ostakoli u lakuni li possibbilment ifixklu l-iżvilupp ta' mudelli ta' negozju bbażati fuq l-effiċjenza fl-użu tar-riżorsi.

 

Emenda    29

Proposta għal direttiva

Premessa 28b (ġdida)

 

Test propost mill-Kummissjoni

Emenda

 

(28b)  Kull tliet snin, il-Kummissjoni għandha tippubblika rapport ibbażat fuq id-dejta u l-informazzjoni rrappurtati mill-Istati Membri sabiex tirrapporta lill-Parlament u lill-Kunsill dwar il-progess miksub fl-ilħuq tal-miri tar-riċiklaġġ u fl-implimentazzjoni ta' obbligi ġodda stabbiliti b'din id-Direttiva.

 

Emenda    30

Proposta għal direttiva

Premessa 33a (ġdida)

 

Test propost mill-Kummissjoni

Emenda

 

(33a)  L-Istati Membri għandhom jiżguraw livelli għolja ta' saħħa u sigurtà fuq il-post tax-xogħol fis-setturi tal-produzzjoni, tar-riċiklaġġ, tat-tiswija, tat-tħejjija għall-użu mill-ġdid u tal-iskart, b'kunsiderazzjoni tar-riskji speċifiċi li jiffaċċjaw il-ħaddiema f'dawn is-setturi, u għandhom jiżguraw li l-leġiżlazzjoni eżistenti tal-Unjoni f'dan il-qasam tiġi implimentata u infurzata sew.

 

Emenda    31

Proposta għal direttiva

Premessa 33b (ġdida)

 

Test propost mill-Kummissjoni

Emenda

 

(33b)  Huwa essenzjali li jiġi żgurat li l-leġiżlazzjoni eżistenti dwar l-iskart tiġi implimentata u infurzata b'mod korrett.

 

Emenda    32

Proposta għal direttiva

Premessa 33c (ġdida)

 

Test propost mill-Kummissjoni

Emenda

 

(33c)  Din id-Direttiva ġiet adottata b'kunsiderazzjoni tal-impenji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 2016 u għandha tiġi implimentata u applikata skont il-gwida li tinsab f'dan l-istess Ftehim.

 

Emenda    33

Proposta għal direttiva

Artikolu 1 – punt -1 (ġdid)

Direttiva 2008/98/KE

Artikolu 2 – paragrafu 2 – punt b

 

Test fis-seħħ

Emenda

 

(-1)  Fl-Artikolu 2(2), il-punt (b) huwa sostitwit b'dan li ġej:

"b)   prodotti sekondarji mill-annimali inkluż prodotti pproċessati koperti mir-Regolament (KE) Nru 1774/2002, ħlief dawk li huma destinati għall-inċinerazzjoni, għar-radam jew għall-użu f’impjant ta’ bijogass jew ta’ kompostaġġ;

"b)   prodotti sekondarji mill-annimali inkluż prodotti pproċessati koperti mir-Regolament (KE) Nru 1774/2002, ħlief dawk li huma destinati għall-inċinerazzjoni jew għar-rimi f'miżbla;"

 

Emenda    34

Proposta għal direttiva

Artikolu 1 – punt 2 – punt a

Direttiva 2008/98/KE

Artikolu 3 – punt 1a – subparagrafu 2a (ġdid)

 

Test propost mill-Kummissjoni

Emenda

 

Skart muniċipali kif definit f'din id-Direttiva għandu jitqies bħala newtrali fir-rigward tal-istatus privat jew pubbliku tal-operatur li qed jimmaniġġja l-iskart.

 

Emenda    35

Proposta għal direttiva

Artikolu 1 – punt 2 – punt aa (ġdid)

Direttiva 2008/98/KE

Artikolu 3 – punt 1b (ġdid)

 

Test propost mill-Kummissjoni

Emenda

 

(aa) jiddaħħal il-punt li ġej:

 

"1b.  "skart kummerċjali u industrijali" tfisser skart imħallat mhux perikoluż u skart miġbur b'mod separat ta' kwantitajiet akbar minn skart muniċipali li joriġina minn attivitajiet u/jew stabbilimenti kummerċjali u industrijali, inklużi karti u kartun, ħġieġ, metall, plastik, bijoskart, injam u skart goff.

 

L-iskart kummerċjali u industrijali ma jinkludix skart muniċipali, skart tal-kostruzzjoni u d-demolizzjoni u skart min-netwerk u mit-trattament tad-drenaġġ, inkluża l-ħama tad-drenaġġ;"

 

Emenda    36

Proposta għal direttiva

Artikolu 1 – punt 2 – punt ab (ġdid)

Direttiva 2008/98/KE

Artikolu 3 – punt 1c (ġdid)

 

Test propost mill-Kummissjoni

Emenda

 

(ab) jiddaħħal il-punt li ġej:

 

"1c.  "rimi ħażin tal-iskart" tfisser kwalunkwe azzjoni jew ommissjoni, minn individwu, intenzjonata jew le, li twassal għar-rimi taż-żibel."

 

Emenda    37

Proposta għal direttiva

Artikolu 1 – punt 2 – punt ac (ġdid)

Direttiva 2008/98/KE

Artikolu 3 – punt 1d (ġdid)

 

Test propost mill-Kummissjoni

Emenda

 

(ac) jiddaħħal il-punt li ġej:

 

"1d. "skart tal-ikel" tfisser ikel imneħħi u mormi fil-livelli tal-manifattura, tal-ipproċessar, tal-bejgħ bl-imnut u tal-konsumaturi u telf tal-ikel tul il-katina kollha tal-produzzjoni u l-provvista tal-ikel, inklużi telf fil-produzzjoni, fit-trasportazzjoni u fil-ħżin u telf fil-produzzjoni agrikola mhux maħsuda u wara l-ħsad;"

 

Emenda    38

Proposta għal direttiva

Artikolu 1 – punt 2 – punt c

Direttiva 2008/98/KE

Artikolu 3 – punt 4

 

Test propost mill-Kummissjoni

Emenda

4.  "bijoskart" tfisser skart bijodegradabbli mill-ġonna u mill-parks, skart tal-ikel u tal-kċina mid-djar, mir-restorants, mill-caterers u mill-ħwienet bl-imnut, skart paragunabbli minn impjanti ta' pproċessar tal-ikel, u skart ieħor b'karatteristiċi simili ta' bijodegradibbiltà li huwa paragunabbli fin-natura, fil-kompożizzjoni u fil-kwantità tiegħu;";

4.  "bijoskart" tfisser skart bijodegradabbli mill-ġonna u mill-parks, skart agrikolu mhux mill-annimali (inkluż telf wara l-ħsad), skart tal-ikel u tal-kċina mid-djar, mir-restorants, mill-caterers u mill-ħwienet bl-imnut, skart paragunabbli minn impjanti ta' produzzjoni u pproċessar tal-ikel, u skart ieħor b'karatteristiċi simili ta' bijodegradibbiltà u ta' kompostabbiltà li huwa paragunabbli fin-natura u fil-kompożizzjoni;

 

Emenda    39

Proposta għal direttiva

Artikolu 1 – punt 2 – punt d

Direttiva 2008/98/KE

Artikolu 3 – punt 4a

 

Test propost mill-Kummissjoni

Emenda

4a.  "skart tal-kostruzzjoni u d-demolizzjoni" tfisser l-iskart li jaqa' fil-kategoriji ta' skart tal-kostruzzjoni u d-demolizzjoni msemmija fil-lista ta' skart adottata skont l-Artikolu 7;";

4a.  "skart tal-kostruzzjoni u d-demolizzjoni" tfisser l-iskart li jaqa' fil-kategoriji ta' skart tal-kostruzzjoni u d-demolizzjoni, inklużi materjali ħfief, imsemmija fil-lista ta' skart adottata skont l-Artikolu 7;"

 

Emenda    40

Proposta għal direttiva

Artikolu 1 – punt 2 – punt da (ġdid)

Direttiva 2008/98/KE

Artikolu 3 – punt 4b (ġdid)

 

Test propost mill-Kummissjoni

Emenda

 

(da)   jiddaħħal il-punt li ġej:

 

"4b.  "materjali permanenti" tfisser materjali li jistgħu jiġu klassifikati bħala materjali li ladarba jiġu prodotti jistgħu jiġu riċiklati mingħajr telf ta' kwalità, irrispettivament minn kemm-il darba jiġi riċiklat il-materjal."

 

Emenda    41

Proposta għal direttiva

Artikolu 1 – punt 2 – punt db (ġdid)

Direttiva 2008/98/KE

Artikolu 3 – punt 9a (ġdid)

 

Test propost mill-Kummissjoni

Emenda

 

(db)  jiddaħħal il-punt li ġej:

 

"9a.  "ir-responsabbiltà estiża tal-produttur" tfisser ir-responsabbiltà operazzjonali u/jew finanzjarja sħiħa jew parzjali tal-produttur għal prodott estiża għall-istadju ta' wara l-użu mill-konsumatur ta' ċiklu tal-ħajja ta' prodott bħala mezz sabiex l-Istati Membri jilħqu l-miri tal-Unjoni dwar l-iskart u jżidu r-rati ta' użu mill-ġdid u tar-riċiklaġġ;"

 

Emenda    42

Proposta għal direttiva

Artikolu 1 – punt 2 – punt e

Direttiva 2008/98/KE

Artikolu 3 – punt 16

 

Test propost mill-Kummissjoni

Emenda

16.  "tħejjija għall-użu mill-ġdid" tfisser il-verifika, it-tindif jew it-tiswija tal-operati ta' rkupru, li permezz tagħhom l-iskart, il-prodotti jew il-komponenti ta' prodotti li jkunu nġabru minn operatur rikonoxxut ta' tħejjija għall-użu mill-ġdid jew minn skema ta' rifużjonijiet tad-depożitu, jiħejjew sabiex jiġu użati mill-ġdid mingħajr xi preproċessar ieħor;";

16.  "tħejjija għall-użu mill-ġdid" tfisser il-verifika, it-tindif jew it-tiswija tal-operati ta' rkupru, li permezz tagħhom il-prodotti jew il-komponenti ta' prodotti li saru skart jitħejjew sabiex jiġu użati mill-ġdid mingħajr xi preproċessar ieħor;"

 

Emenda    43

Proposta għal direttiva

Artikolu 1 – punt 2 – punt ea (ġdid)

Direttiva 2008/98/KE

Artikolu 3 – punt 16a (ġdid)

 

Test propost mill-Kummissjoni

Emenda

 

(ea)   jiddaħħal il-punt li ġej:

 

16a.  "Dilwizzjoni" tfisser it-taħlita ta' skart ma' materjal jew skart ieħor jew aktar għall-iskop li titbaxxa, mingħajr trasformazzjoni kimika, il-konċentrazzjoni tal-komponenti li huma preżenti fl-iskart, sabiex tippermetti li l-iskart dilwit jintbagħat għall-ipproċessar jew għar-riċiklaġġ li nkella jkun ipprojbit għall-iskart mhux dilwit." 

 

Emenda    44

Proposta għal direttiva

Artikolu 1 – punt 2 – punt f

Direttiva 2008/98/KE

Artikolu 3 – punt 17a

 

Test propost mill-Kummissjoni

Emenda

17a.  "proċess aħħari ta' riċiklaġġ" tfisser il-proċess ta' riċiklaġġ li jibda meta ma jkun meħtieġ l-ebda operat ulterjuri ta' separazzjoni mekkanika, u l-materjal ta' skart jidħol fi proċess ta' produzzjoni u jiġi effettivament riproċessat fi prodotti, materjali jew sustanzi;

17a.  "proċess aħħari ta' riċiklaġġ" tfisser il-proċess ta' riċiklaġġ li jibda meta ma jkun meħtieġ l-ebda operat ulterjuri ta' separazzjoni mekkanika, u meta l-iskart u l-materjal ta' skart li jkun meqjus li ma jkunx għadu skart skont l-Artikolu 6(1) jidħol fi proċess ta' produzzjoni u jiġi effettivament riproċessat fi prodotti, materjali jew sustanzi;

 

Emenda    45

Proposta għal direttiva

Artikolu 1 – punt 2 – punt fa (ġdid)

Direttiva 2008/98/KE

Artikolu 3 – punt 17ba (ġdid)

 

Test propost mill-Kummissjoni

Emenda

 

(fa)   jiddaħħal il-punt li ġej:

 

"17ba.  "riċiklaġġ organiku" tfisser it-trattament aerobiku (kompostjar), kemm fil-forma domestika kif ukoll taħt kundizzjonijiet kontrollati u bl-użu ta' mikroorganiżmi jew dud, tal-partijiet bijodegradabbli tal-iskart, li jipproduċi l-kompost. Ir-rimi f'miżbla ma għandux jitqies bħala forma ta' riċiklaġġ organiku;"

 

Emenda    46

Proposta għal direttiva

Artikolu 1 – punt 2 – punt fb (ġdid)

Direttiva 2008/98/KE

Artikolu 3 – punt 20a (ġdid)

 

Test propost mill-Kummissjoni

Emenda

 

(fb)   jiżdied il-punt li ġej:

 

"20a.   "dekontaminazzjoni" tfisser kwalunkwe operazzjoni li tikkonsisti fit-tneħħija jew it-trattament ta' komponenti perikolużi mhux mixtieqa jew sustanzi niġġiesa mill-iskart sabiex dawn jinqerdu."

 

Emenda    47

Proposta għal direttiva

Artikolu 1 – punt 2 – punt fc (ġdid)

Direttiva 2008/98/KE

Artikolu 3 – punt 20b (ġdid)

 

Test propost mill-Kummissjoni

Emenda

 

(fc)   jiżdied il-punt li ġej:

 

"20b.  "kundizzjonar mill-ġdid" tfisser il-proċess li permezz tiegħu prodott jerġa' jinġieb għal kundizzjoni tax-xogħol sodisfaċenti billi jinbnew mill-ġdid jew jissewwew komponenti ewlenin li jkunu qrib il-punt fejn ma jibqgħux jaħdmu;"

 

Emenda    48

Proposta għal direttiva

Artikolu 1 – punt 2 – punt fd (ġdid)

Direttiva 2008/98/KE

Artikolu 3 – punt 20c (ġdid)

 

Test propost mill-Kummissjoni

Emenda

 

(fd)  jiżdied il-punt li ġej:

 

"20c.  "żjut użati li jinġabru" tfisser skart taż-żejt li huwa kapaċi li jinġabar, tipikament 50 % tal-konsum annwali tal-lubrikanti fl-Istati Membri;"

 

Emenda    49

Proposta għal direttiva

Artikolu 1 – punt 3

Direttiva 2008/98/KE

Artikolu 4 – paragrafu 3

 

Test propost mill-Kummissjoni

Emenda

3.  L-Istati Membri għandhom jużaw strumenti ekonomiċi xierqa biex jipprovdu inċentivi għall-applikazzjoni tal-ġerarkija tal-iskart.

3.  Sabiex jikkontribwixxu għall-objettivi stabbiliti f'din id-Direttiva u biex jipprovdu inċentivi għall-applikazzjoni tal-ġerarkija tal-iskart, l-Istati Membri għandhom jużaw strumenti ekonomiċi xierqa jew miżuri oħra. Għal dak il-għan, l-Istati Membri jistgħu jużaw l-istrumenti ekonomiċi jew miżuri oħra elenkati fl-Anness VIa.

L-Istati Membri għandhom jirrappurtaw lill-Kummissjoni l-istrumenti speċifiċi previsti skont dan il-paragrafu sa [daħħal id-data ta' tmintax-il xahar wara d-dħul fis-seħħ ta' din id-Direttiva], u kull ħames snin wara dik id-data.";

L-Istati Membri għandhom jirrappurtaw lill-Kummissjoni l-istrumenti speċifiċi jew miżuri oħra previsti skont dan il-paragrafu sa [daħħal id-data ta' tmintax-il xahar wara d-dħul fis-seħħ ta' din id-Direttiva], u kull ħames snin wara dik id-data.";

 

Emenda    50

Proposta għal direttiva

Artikolu 1 – punt 3a (ġdid)

Direttiva 2008/98/KE

Artikolu 4 – paragrafu 3a (ġdid)

 

Test propost mill-Kummissjoni

Emenda

 

(3a)  Fl-Artikolu 4, jiżdied il-paragrafu li ġej:

 

"3a.   L-iskart għandu jintgħażel qabel l-irkupru tal-enerġija jew ir-rimi finali f'miżbla sabiex tiġi appoġġjata l-estrazzjoni effettiva ta' materjali riċiklabbli. Il-partijiet bijodegradabbli għandhom jiġu ttrattati wkoll.

 

B'deroga mill-ewwel subparagrafu, il-bijoskart miġbur separatament jista' jintbagħat għal diġestjoni anaerobika jew installazzjonijiet oħra ta' proċess li jużaw l-iskart bijodegradabbli bħala l-input esklussiv tagħhom, sakemm il-kwalità tal-bijoskart tissodisfa r-rekwiżiti ta' dawk l-installazzjonijiet."

 

Emenda    51

Proposta għal direttiva

Artikolu 1 – punt 4 – punt b

Direttiva 2008/98/KE

Artikolu 5 – paragrafu 2

 

Test propost mill-Kummissjoni

Emenda

2.  Il-Kummissjoni għandu jkollha s-setgħa li tadotta atti delegati skont l-Artikolu 38a sabiex tistabbilixxi kriterji ddettaljati dwar l-applikazzjoni tal-kundizzjonijiet stipulati fl-paragrafu 1 għal sustanzi jew oġġetti speċifiċi.";

2.  Il-Kunsill u l-Parlament għandhom, permezz tal-proċedura leġiżlattiva ordinarja, u bl-għajnuna tal-Kummissjoni, jistabbilixxu kriterji ddettaljati dwar l-applikazzjoni tal-kundizzjonijiet stipulati fil-paragrafu 1 għal sustanzi jew oġġetti speċifiċi.

 

Emenda    52

Proposta għal direttiva

Artikolu 1 – punt 5 – punt a – punt i

Direttiva 2008/98/KE

Artikolu 6 – paragrafu 1 – subparagrafu 1 – punt -a (ġdid)

 

Test propost mill-Kummissjoni

Emenda

 

(-a)  l-iskart ikun għadda minn tħejjija għall-operat għall-użu mill-ġdid;

 

Emenda    53

Proposta għal direttiva

Artikolu 1 – punt 5 – punt b

Direttiva 2008/98/KE

Artikolu 6 – paragrafu 2

 

Test propost mill-Kummissjoni

Emenda

2.  Il-Kummissjoni għandu jkollha s-setgħa li tadotta atti delegati skont l-Artikolu 38a sabiex tistabbilixxi kriterji ddettaljati dwar l-applikazzjoni tal-kundizzjonijiet stipulati fl-paragrafu 1 għal ċerti tipi ta' skart. Fejn ikun meħtieġ, dawk il-kriterji ddettaljati għandhom jinkludu valuri ta' limitu għas-sustanzi li jniġġsu, u għandhom iqisu kull effett ambjentali ħażin possibbli li jista' jkollhom is-sustanza jew l-oġġett.

2.  Il-Kummissjoni għandu jkollha s-setgħa li tadotta atti delegati skont l-Artikolu 38a sabiex tistabbilixxi kriterji ddettaljati dwar l-applikazzjoni tal-kundizzjonijiet stipulati fil-paragrafu 1 għal ċerti tipi ta' skart. Għandhom jiġu kkunsidrati kriterji li jkunu speċifiċi għat-tmiem tal-iskart għal ċerti materjali bħal pereżempju l-aggregati, il-karti, il-ħġieġ, il-metall, il-plastik, it-tajers u t-tessuti. Fejn ikun meħtieġ, dawk il-kriterji ddettaljati għandhom jinkludu valuri ta' limitu għas-sustanzi li jniġġsu, u għandhom iqisu kull effett ambjentali ħażin possibbli li jista' jkollhom is-sustanza jew l-oġġett.

 

Emenda    54

Proposta għal direttiva

Artikolu 1 – punt 7 – punt -a (ġdid)

Direttiva 2008/98/KE

Artikolu 8 – paragrafu 1 – subparagrafu 1

 

Test fis-seħħ

Emenda

 

(-a)  fil-paragrafu 1, l-ewwel subparagrafu huwa sostitwit b'dan li ġej:

"1.  Sabiex jissaħħu l-użu mill-ġdid u l-prevenzjoni, ir-riċiklaġġ u rkupru ieħor ta' l-iskart, l-Istati Membri jistgħu jieħdu miżuri leġiżlattivi jew mhux leġiżlattivi biex jiżguraw li kwalunkwe persuna fiżika jew ġuridika li professjonalment tiżviluppa, timmanifattura, tipproċessa, tittratta, tbigħ jew timporta prodotti (produttur tal-prodott) ikollha responsabbiltà estiża tal-produttur."

"1.  Sabiex jissaħħu l-użu mill-ġdid u l-prevenzjoni, ir-riċiklaġġ u rkupru ieħor tal-iskart, l-Istati Membri għandhom jieħdu miżuri leġiżlattivi jew mhux leġiżlattivi biex jiżguraw li kwalunkwe persuna fiżika jew ġuridika li professjonalment tiżviluppa, timmanifattura, tipproċessa, tittratta, tbigħ jew timporta prodotti (produttur tal-prodott) ikollha responsabbiltà estiża tal-produttur."

 

Emenda    55

Proposta għal direttiva

Artikolu 1 – punt 7 – punt a

Direttiva 2008/98/KE

Artikolu 8 – paragrafu 1 – subparagrafu 2a

 

Test propost mill-Kummissjoni

Emenda

"Tali miżuri jistgħu jinkludu wkoll l-istabbiliment ta' skemi ta' responsabbiltà estiża tal-produttur li jiddefinixxu obbligi operattivi u finanzjarji speċifiċi għall-produtturi ta' prodotti.";

"Tali miżuri għandhom jinkludu wkoll l-istabbiliment ta' skemi ta' responsabbiltà estiża tal-produttur li jiddefinixxu obbligi operattivi, organizzattivi u finanzjarji speċifiċi għall-produtturi ta' prodotti li fihom ir-responsabbiltà tal-produttur hija estiża għall-istadju ta' wara l-użu mill-konsumatur ta' ċiklu tal-ħajja tal-prodott. Ir-responsabbiltà tal-produttur għandu jkollha l-għan li tkopri l-prodotti kollha mqiegħda fis-suq."

 

Emenda    56

Proposta għal direttiva

Artikolu 1 – punt 7 – punt b

Direttiva 2008/98/KE

Artikolu 8 – paragrafu 2 – subparagrafu 2

 

Test propost mill-Kummissjoni

Emenda

"Tali miżuri jistgħu jħeġġu, fost l-oħrajn, l-iżvilupp, il-produzzjoni u l-kummerċjalizzazzjoni ta' prodotti adattati għal użu multiplu, li teknikament ikunu durabbli, u li meta jsiru skart ikunu adattati għat-tħejjija għall-użu mill-ġdid u għar-riċiklaġġ, sabiex tiġi ffaċilitata l-implimentazzjoni tajba tal-ġerarkija tal-iskart. Il-miżuri għandhom iqisu l-impatt tal-prodotti matul iċ-ċiklu tal-ħajja tagħhom.";

"Tali miżuri għandhom iħeġġu, fost l-oħrajn, l-iżvilupp, il-produzzjoni u l-kummerċjalizzazzjoni ta' prodotti adattati għal użu multiplu, li teknikament ikunu durabbli u jissewwew faċilment, u li meta jsiru skart u jkunu tħejjew għall-użu mill-ġdid jew għar-riċiklaġġ, ikunu adattati għat-tqegħid fis-suq jew jitqiegħdu fis-suq sabiex tiġi ffaċilitata l-implimentazzjoni tajba tal-ġerarkija tal-iskart. Il-miżuri għandhom iqisu l-impatt tal-prodotti matul iċ-ċiklu tal-ħajja tagħhom, il-ġerarkija tal-iskart u leġiżlazzjoni u standards tal-Unjoni rilevanti diġà applikabbli għall-prodotti."

 

Emenda    57

Proposta għal direttiva

Artikolu 1 – punt 7 – punt c

Direttiva 2008/98/KE

Artikolu 8 – paragrafu 5

 

Test propost mill-Kummissjoni

Emenda

5.  Il-Kummissjoni għandha torganizza skambju ta' informazzjoni fost l-Istati Membri u l-atturi involuti fl-iskemi ta' responsabbiltà estiża tal-produttur, dwar l-implimentazzjoni prattika tar-rekwiżiti ddefinita fl-Artikolu 8a, u dwar l-aqwa prassi biex jiġu żgurati governanza xierqa u kooperazzjoni transfruntiera tal-iskemi ta' responsabbiltà estiża tal-produttur. Dan jinkludi, fost l-oħrajn, l-iskambju ta' informazzjoni dwar karatteristiċi organizzattivi, u l-monitoraġġ tal-organizzazzjonijiet ta' responsabbiltà tal-produtturi, kif ukoll l-għażla tal-operaturi ta' mmaniġġjar tal-iskart u l-prevenzjoni tar-rimi taż-żibel. Il-Kummissjoni għandha tippubblika r-riżultati tal-iskambju ta' informazzjoni.";

5.  Il-Kummissjoni għandha torganizza skambju ta' informazzjoni fost l-Istati Membri u l-atturi involuti fl-iskemi ta' responsabbiltà estiża tal-produttur, dwar l-implimentazzjoni prattika tar-rekwiżiti ddefinita fl-Artikolu 8a, u dwar l-aqwa prassi biex jiġu żgurati governanza xierqa u kooperazzjoni transfruntiera tal-iskemi ta' responsabbiltà estiża tal-produttur. Dan jinkludi, fost l-oħrajn, l-iskambju ta' informazzjoni dwar karatteristiċi organizzattivi, u l-monitoraġġ tal-organizzazzjonijiet ta' responsabbiltà tal-produtturi, kif ukoll l-għażla tal-operaturi ta' mmaniġġjar tal-iskart u l-prevenzjoni tar-rimi taż-żibel. Il-Kummissjoni għandha tippubblika r-riżultati tal-iskambju ta' informazzjoni u tista' tipprovdi linji gwida dwar aspetti rilevanti.";

 

Emenda    58

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 1 – inċiż 1

 

Test propost mill-Kummissjoni

Emenda

-  jiddefinixxu biċ-ċar ir-rwoli u r-responsabbiltajiet tal-produtturi ta' prodotti li jqiegħdu merkanzija fis-suq tal-Unjoni, l-organizzazzjonijiet li jimplimentaw f'isimhom ir-responsabbiltà estiża tal-prodottur, l-operaturi privati jew pubbliċi tal-iskart, l-awtoritajiet lokali, u fejn xieraq, l-operaturi rikonoxxuti ta' tħejjija għall-użu mill-ġdid;

-  jiddefinixxu biċ-ċar ir-rwoli u r-responsabbiltajiet tal-produtturi ta' prodotti li jqiegħdu prodotti fis-suq tal-Unjoni (jiġifieri kwalunkwe persuna fiżika jew ġuridika li tiżviluppa, timmanifattura, tipproċessa, tittratta, tbigħ jew timporta prodotti fuq bażi professjonali), l-organizzazzjonijiet li jimplimentaw f'isimhom ir-responsabbiltà estiża tal-prodottur, l-operaturi privati jew pubbliċi tal-iskart, l-awtoritajiet lokali, id-distributuri u l-bejjiegħa bl-imnut, l-utenti finali u l-konsumaturi, in-netwerks għall-użu mill-ġdid u t-tiswija, u l-operaturi rikonoxxuti ta' tħejjija għall-użu mill-ġdid;

 

Emenda    59

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 1 – inċiż 2

 

Test propost mill-Kummissjoni

Emenda

-  jiddefinixxu miri ta' mmanniġjar tal-iskart li jistgħu jitkejlu, bi qbil mal-ġerarkija tal-iskart, bil-għan li jintlaħqu tal-inqas il-miri kwantitattivi rilevanti għall-iskema kif stipulati f'din id-Direttiva, fid-Direttiva 94/62/KE, fid-Direttiva 2000/53/KE, fid-Direttiva 2006/66/KE u fid-Direttiva 2012/19/UE;

-  jiddefinixxu miri ta' prevenzjoni, użu mill-ġdid, tħejjija għall-użu mill-ġdid, u riċiklaġġ tal-iskart li jistgħu jitkejlu kif ukoll miri ta' kontenut minimu riċiklat għall-plastik, bil-għan li jintlaħqu tal-inqas il-miri kwantitattivi rilevanti għall-iskema kif stipulati f'din id-Direttiva, fid-Direttiva 94/62/KE, fid-Direttiva 2000/53/KE, fid-Direttiva 2006/66/KE u fid-Direttiva 2012/19/UE u objettivi oħra meqjusa rilevanti għall-iskema;

 

Emenda    60

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 1 – inċiż 3

 

Test propost mill-Kummissjoni

Emenda

-  jistabbilixxu sistema ta' rappurtar biex tiġbor dejta dwar il-prodotti mqiegħda fis-suq tal-Unjoni mill-produtturi li huma soġġetti għar-responsabbiltà estiża tal-produttur. Ladarba dawn il-prodotti jsiru skart, is-sistema ta' rappurtar għandha tiżgura li tinġabar dejta dwar il-ġbir u t-trattament ta' dak l-iskart, filwaqt li jispeċifikaw, fejn xieraq, il-flussi tal-materjal ta' skart;

-  jistabbilixxu sistema ta' rappurtar biex tiġbor dejta dwar il-prodotti, jew, jekk ikun il-każ, l-imballaġġ, imqiegħda fis-suq tal-Unjoni mill-produtturi li huma soġġetti għar-responsabbiltà estiża tal-produttur. Ladarba dawn il-prodotti, jew, jekk ikun il-każ, l-imballaġġ, isiru skart, is-sistema ta' rappurtar għandha tiżgura li tinġabar dejta dwar il-ġbir u t-trattament ta' dak l-iskart, filwaqt li jispeċifikaw, fejn xieraq, il-flussi tal-materjal ta' skart;

 

Emenda    61

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 1 – inċiż 4

 

Test propost mill-Kummissjoni

Emenda

-  jiżguraw it-trattament ekwu u n-nondiskriminazzjoni fost il-produtturi tal-prodotti, u fir-rigward ta' intrapriżi żgħar u ta' daqs medju.

-  jiżguraw it-trattament ekwu u n-nondiskriminazzjoni fost il-produtturi tal-prodotti, u operaturi tal-iskart u tar-riċiklaġġ u fir-rigward ta' intrapriżi żgħar u ta' daqs medju.

 

Emenda    62

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 1 – inċiż 4a (ġdid)

 

Test propost mill-Kummissjoni

Emenda

 

-  jinkludu rekwiżiti għat-titjib fid-disinn tal-prodott (ekodisinn) bil-ħsieb tal-prevenzjoni tal-iskart, mhux biss ir-riċiklaġġ u l-irkupru tal-materjali, inkluż it-trattament ottimizzat ta' tmiem il-ħajja sabiex titrawwem effiċjenza itjeb tal-materjali u jiġu ppremjati l-isforzi tal-produttur li jqisu l-użu mill-ġdid, il-possibbiltà ta' tiswija u r-riċiklabbiltà tal-prodotti;

 

Emenda    63

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 3 – punt b

 

Test propost mill-Kummissjoni

Emenda

(b)  ikollha l-mezzi operattivi u finanzjarji meħtieġa biex taqdi l-obbligi tagħha ta' responsabbiltà estiża tal-produttur;

(b)  ikollha l-mezzi operattivi, organizzattivi u finanzjarji meħtieġa biex taqdi l-obbligi tagħha ta' responsabbiltà estiża tal-produttur;

 

Emenda    64

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 4 – punt a

 

Test propost mill-Kummissjoni

Emenda

(a)  ikopru l-kost sħiħ tal-immaniġġjar tal-iskart għall-prodotti li jqiegħed fis-suq tal-Unjoni, inklużi dawn kollha li ġejjin:

(a)  ikopru l-kosti li ġejjin tal-immaniġġjar tal-iskart għall-prodotti li jqiegħed fis-suq tal-Unjoni:

-   il-kosti tal-ġbir b'mod separat, u tal-operati ta' separazzjoni u ta' trattament, meħtieġa biex jintlaħqu l-miri tal-immaniġġjar tal-iskart imsemmija fil-paragrafu 1, it-tieni inċiż, filwaqt li jitqies id-dħul mill-użu mill-ġdid jew mill-bejgħ ta' materja prima sekondarja mill-prodotti tagħhom;

-   il-kosti tal-ġbir b'mod separat, is-separazzjoni għar-riċiklaġġ, it-tħejjija għall-użu mill-ġdid u għar-riċiklaġġ, ir-riċiklaġġ u operati oħra ta' rkupru meħtieġa biex jintlaħqu l-miri tal-immaniġġjar tal-iskart imsemmija fil-paragrafu 1, it-tieni inċiż, filwaqt li jitqies id-dħul mill-użu mill-ġdid jew mill-bejgħ ta' materja prima sekondarja mill-prodotti tagħhom;

–  il-kosti tal-provvista ta' informazzjoni xierqa lid-detenturi tal-iskart, skont il-paragrafu 2;

–  il-kosti tal-provvista ta' informazzjoni xierqa lid-detenturi tal-iskart, skont il-paragrafu 2;

–  il-kosti tal-ġbir u r-rappurtar tad-dejta, skont il-paragrafu 1, it-tielet inċiż;

–  il-kosti tal-ġbir u r-rappurtar tad-dejta, skont il-paragrafu 1, it-tielet inċiż;

 

Emenda    65

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 4 – punt b

 

Test propost mill-Kummissjoni

Emenda

(b)  jiġu mmodulati abbażi tal-kost reali tal-prodotti jew tal-gruppi ta' prodotti simili fi tmiem il-ħajja tagħhom, speċifikament billi jitqiesu l-kapaċità tagħhom ta' użu mill-ġdid u r-riċiklabbiltà tagħhom;

(b)  jiġu mmodulati abbażi tal-kost reali tal-prodotti jew tal-gruppi ta' prodotti simili fi tmiem il-ħajja tagħhom, speċifikament billi jitqiesu l-kapaċità tagħhom ta' użu mill-ġdid, il-possibbiltà ta' tiswija, ir-riċiklabbiltà, il-presenza ta' sustanzi perikolużi u l-użu ta' materjali permanenti li jistgħu jiġu riċiklati bosta drabi mingħajr ma jitilfu l-karatteristiċi tagħhom; Sabiex jinħolqu l-kundizzjonijiet tas-suq ottimizzati biex il-produtturi jisfruttaw din il-modulazzjoni, għandu jiġi stabbilit sett ta' kriterji li jaġixxi bħala bażi għal modulazzjoni u għandu jiġi stabbilit il-metodu tal-kejl tagħhom għas-suq intern tal-Unjoni. Sa ...[daħħal id-data: sentejn wara d-dħul fis-seħħ ta' din id-Direttiva], il-Kummissjoni għandha twettaq studju u tistabbilixxi pjattaformi ta' bosta partijiet ikkonċernati b'kooperazzjoni mal-Istati Membri u s-setturi industrijali rilevanti biex tistabbilixxi dawk il-kriterji u tadotta atti ta' implimentazzjoni skont l-Artikolu 39(2);

 

Emenda    66

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 5 – subparagrafu 1

 

Test propost mill-Kummissjoni

Emenda

L-Istati Membri għandhom jistabbilixxu qafas xieraq ta' monitoraġġ u infurzar bil-għan li jiżgura li l-produtturi tal-prodotti qegħdin jimplimentaw l-obbligi tagħhom ta' responsabbiltà estiża tal-produttur, kif ukoll bil-għan li jiżgura li l-mezzi finanzjarji qegħdin jintużaw sew, u li l-atturi kollha involuti fl-implimentazzjoni tal-iskema jirrappurtaw dejta affidabbli.

L-Istati Membri għandhom jistabbilixxu qafas xieraq ta' monitoraġġ u infurzar bil-għan li jiżgura li l-produtturi tal-prodotti qegħdin jimplimentaw l-obbligi tagħhom ta' responsabbiltà estiża tal-produttur, kif ukoll bil-għan li jiżgura li l-mezzi finanzjarji qegħdin jintużaw sew, u li l-atturi kollha involuti fl-implimentazzjoni tal-iskema jirrappurtaw dejta affidabbli. Meta prodott ikun kopert minn skema ta' responsabbiltà estiża tal-produttur, l-Istati Membri għandhom jiżguraw li t-trattament tal-iskart residwali prodott matul l-użu mill-ġdid u t-tħejjija għall-proċess tal-użu mill-ġdid ta' dan il-prodott ikun kopert mit-tariffa tar-responsabbiltà estiża tal-produttur.

 

Emenda    67

Proposta għal direttiva

Artikolu 1 – punt 8

Direttiva 2008/98/KE

Artikolu 8a – paragrafu 7a (ġdid)

 

Test propost mill-Kummissjoni

Emenda

 

7a.  Ir-rwoli u r-responsabbiltajiet ta' kwalunkwe attur ieħor involut fil-katina tal-iskart għandhom jiġu definiti b'mod ċar.

 

Emenda    68

Proposta għal direttiva

Artikolu 1 – punt 9

Direttiva 2008/98/KE

Artikolu 9 – titolu

 

Test propost mill-Kummissjoni

Emenda

Il-prevenzjoni tal-iskart

L-użu mill-ġdid u l-prevenzjoni tal-iskart

 

Emenda    69

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 1

 

Test propost mill-Kummissjoni

Emenda

-  iħeġġu l-użu ta' prodotti li huma effiċjenti fl-użu tar-riżorsi, li huma durabbli, faċli biex jissewwew, u riċiklabbli;

-  jippromwovu u jappoġġjaw il-produzzjoni u l-użu ta' prodotti li huma effiċjenti fl-użu tar-riżorsi, durabbli, li jistgħu jerġgħu jintużaw, li jistgħu jissewwew u riċiklabbli, inklużi prodotti manifatturati minn materja prima rinovabbli sostenibbli;

 

Emenda    70

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 2

 

Test propost mill-Kummissjoni

Emenda

-  jidentifikaw u jimmiraw prodotti li huma s-sorsi ewlenin ta' materja prima ta' importanza kbira għall-ekonomija tal-Unjoni, u li l-provvista tagħhom hija marbuta ma' riskju kbir, sabiex jevitaw li dik il-materja prima ssir skart;

-  jidentifikaw u jinkoraġġixxu l-użu mill-ġdid ta' prodotti li fihom ammont sinifikanti ta' materja prima kritika, li l-provvista tagħhom hija marbuta ma' riskju kbir, anke fir-rigward tas-sigurtà tal-provvista, sabiex jevitaw li dik il-materja prima ssir skart;

 

Emenda    71

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 3

 

Test propost mill-Kummissjoni

Emenda

-  iħeġġu l-ħolqien ta' sistemi li jippromwovu attivitajiet ta' użu mill-ġdid, inkluż, b'mod partikulari, għat-tagħmir elettriku u elettroniku, għat-tessuti u għall-għamara;

-  jappoġġjaw il-ħolqien ta' sistemi, inklużi b'mod partikolari pjattaformi tal-informazzjoni diġitali, li jippromwovu attivitajiet ta' tiswija u użu mill-ġdid, attivitajiet ta' manifatturar mill-ġdid jew ikkundizzjonar mill-ġdid inkluż, b'mod partikolari, għat-tagħmir elettriku u elettroniku, għat-tajers, għat-tessuti, għall-għamara, kif ukoll għall-imballaġġ u għall-materjali u l-prodotti tal-kostruzzjoni;

 

Emenda    72

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 3a (ġdid)

 

Test propost mill-Kummissjoni

Emenda

 

-  iħeġġu l-appoġġ ta' intrapriżi żgħar u ta' daqs medju (SMEs), b'attenzjoni speċjali għall-mikrointrapriżi, negozji ġodda u inizjattivi rilevanti oħra li jxerrdu s-sensibilizzazzjoni, jirreklamaw, jippromwovu jew jipprovdu direttament servizzi relatati mal-manutenzjoni ta' prodotti li qed jiqdiemu, l-użu ta' materjali riċiklabbli, u l-prevenzjoni tal-iskart inġenerali f'konformità mal-ġerarkija tal-iskart u l-kunċett tal-ekonomija ċirkolari;

 

Emenda    73

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 4

 

Test propost mill-Kummissjoni

Emenda

-  inaqqsu l-ġenerazzjoni tal-iskart fi proċessi marbutin mal-produzzjoni industrijali, fl-estrazzjoni tal-minerali, u fil-kostruzzjoni u d-demolizzjoni, filwaqt li jqisu l-aqwa tekniki disponibbli;

-  jippromwovu l-effiċjenza fir-riżorsi u jnaqqsu l-ġenerazzjoni tal-iskart fi proċessi marbutin mal-produzzjoni industrijali, il-manifattura, l-estrazzjoni tal-minerali, u l-kostruzzjoni u d-demolizzjoni, filwaqt li jqisu l-aqwa tekniki disponibbli, sakemm dawn ma jkunux diġà soġġetti għar-rekwiżiti tad-Direttiva 2010/75/UE,

 

Emenda    74

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 4a (ġdid)

 

Test propost mill-Kummissjoni

Emenda

 

-   jadottaw/jippromwovu/jistabbilixxu soluzzjonijiet ta' simbjożi industrijali permezz tal-użu ta' prodotti sekondarji u l-irkupru u r-riċiklaġġ tal-iskart;

 

 

Emenda    75

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 4b (ġdid)

 

Test propost mill-Kummissjoni

Emenda

 

-  inaqqsu l-kontenut ta' sustanzi perikolużi fil-materjali u l-prodotti billi, pereżempju, jistabbilixxu miri, jinkoraġġixxu l-komunikazzjoni jew jiżguraw li l-informazzjoni dwar sustanzi perikolużi hija pprovduta fil-katina tal-provvista kollha;

 

Emenda    76

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 4c (ġdid)

 

Test propost mill-Kummissjoni

Emenda

 

-  inaqqsu l-iskart kummerċjali u l-iskart industrijali mhux perikoluż iġġenerat fil-kummerċ u fis-servizzi,

 

Emenda    77

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 4d (ġdid)

 

Test propost mill-Kummissjoni

Emenda

 

-  inaqqsu l-ġenerazzjoni tal-iskart u l-emissjonijiet ikkawżati mill-konsum tal-plastik, komponenti ta' plastik, u skart mormi ħażin fuq l-art, inkluż skart li x'aktarx se jispiċċa fl-ambjent tal-baħar, bl-għan li jiġi żgurat tnaqqis tat-tniġġis tal-baħar b'mill-inqas 50 % sal-2030;

 

Emenda    78

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 5

 

Test propost mill-Kummissjoni

Emenda

-  inaqqsu l-ġenerazzjoni tal-iskart tal-ikel fil-produzzjoni primarja, fl-ipproċessar u fil-manifatturar, fil-bejgħ bl-imnut u f'mezzi oħra ta' distribuzzjoni tal-ikel, f'restorants u servizzi tal-ikel kif ukoll fid-djar.

-  inaqqsu l-ġenerazzjoni tal-iskart tal-ikel fil-manifattura u fl-imballaġġ, fil-produzzjoni primarja, inkluż it-telf wara l-ħsad, u l-prodotti agrikoli maħsuda intenzjonalment tul il-katini tal-provvista, fl-ipproċessar u fil-manifatturar, fil-bejgħ bl-imnut u f'mezzi oħra ta' distribuzzjoni tal-ikel, f'restorants u servizzi tal-ikel kif ukoll fid-djar biex jiġi żgurat li l-iskart tal-ikel jitnaqqas b'tal-inqas 30 % sal-2025 u 50 % sal-2030.

 

Emenda    79

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 5a (ġdid)

 

Test propost mill-Kummissjoni

Emenda

 

-  inaqqsu l-ġenerazzjoni tal-iskart tal-imballaġġ billi jistabbilixxu miri ta' tnaqqis skont l-Artikolu 4 tad-Direttiva 94/62/KE;

 

Emenda    80

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 5b (ġdid)

 

Test propost mill-Kummissjoni

Emenda

 

-  jeħtieġu li l-każijiet identifikati ta' obsolenza ppjanata ta' prodott jiġu nnotifikati u jiġġieldu l-kummerċjalizzazzjoni ta' dawn il-prodotti fis-swieq nazzjonali tagħhom;

 

Emenda    81

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 1 – inċiż 5c (ġdid)

 

Test propost mill-Kummissjoni

Emenda

 

-  jistabbilixxu programmi ta' edukazzjoni u ta' taħriġ li jissottolinjaw il-benefiċċji tal-ekonomija ċirkolari, u jiżviluppaw komunikazzjoni kontinwa u kampanji edukattivi regolari biex iżidu s-sensibilizzazzjoni dwar il-prevenzjoni tal-iskart u l-objettivi tal-użu mill-ġdid u r-riċiklaġġ ta' din id-Direttiva.

 

Emenda    82

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 2

 

Test propost mill-Kummissjoni

Emenda

2.  L-Istati Membri għandhom jimmonitorjaw u jivvalutaw l-implimentazzjoni tal-miżuri ta' prevenzjoni tal-iskart. Għal dan il-għan, għandhom jużaw indikaturi u miri xierqa kwalitattivi u kwantitattivi, speċifikament fuq il-kwantità per capita tal-iskart muniċipali li jintrema jew li huwa soġġett għall-irkupru tal-enerġija.

2.  L-Istati Membri għandhom jistabbilixxu programmi ta' prevenzjoni tal-iskart maħsuba biex jiksbu tnaqqis fil-produzzjoni tal-iskart, pereżempju billi jkejlu l-piż tal-iskart per capita. L-Istati Membri għandhom jimmonitorjaw u jivvalutaw l-implimentazzjoni tal-miżuri ta' prevenzjoni tal-iskart. Għal dan il-għan, għandhom jużaw indikaturi u miri xierqa kwalitattivi u kwantitattivi, speċifikament fuq il-kwantità per capita tal-iskart muniċipali li jitnaqqas, jintrema jew li huwa soġġett għall-irkupru tal-enerġija. L-Istati Membri jistgħu wkoll jużaw indikaturi kwalitattivi jew kwantitattivi addizzjonali inklużi dawk li jissorveljaw il-ġenerazzjoni ta' skart apparti l-iskart muniċipali.

 

Emenda    83

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 3

 

Test propost mill-Kummissjoni

Emenda

3.  L-Istati Membri għandhom jimmonitorjaw u jivvalutaw l-implimentazzjoni tal-miżuri tagħhom ta' prevenzjoni tal-iskart tal-ikel, billi jkejlu l-iskart tal-ikel abbażi tal-metodoloġiji stabbiliti skont il-paragrafu 4.

3.  L-Istati Membri għandhom jimmonitorjaw u jivvalutaw l-implimentazzjoni tal-miżuri tagħhom ta' prevenzjoni tal-ħela tal-ikel, billi jkejlu l-livelli tal-ħela tal-ikel abbażi ta' metodoloġija komuni. Sal-31 ta' Diċembru 2017, il-Kummissjoni għandha tadotta att delegat skont l-Artikolu 38a biex tistabbilixxi l-metodoloġija, inklużi r-rekwiżiti ta' kwalità minima, għall-kejl uniformi tal-livelli tal-ħela tal-ikel.

 

Emenda    84

Proposta għal direttiva

Artikolu 1 – punt 9

Direttiva 2008/98/KE

Artikolu 9 – paragrafu 3a (ġdid)

 

Test propost mill-Kummissjoni

Emenda

 

3a.  L-Istati Membri għandhom jieħdu l-miżuri meħtieġa sabiex jiżguraw li l-produtturi jipprovdu aċċess għal manwali tal-istruzzjonijiet, parts tal-bdil, informazzjoni teknika, jew kwalunkwe strument, tagħmir jew softwer ieħor meta dan ikun meħtieġ minn operatur rikonoxxut ta' tħejjija għall-użu mill-ġdid u għall-użu mill-ġdid.

 

Emenda    85

Proposta għal direttiva

Artikolu 1 – punt 9a (ġdid)

Direttiva 2008/98/KE

Artikolu 10 – paragrafu 2

 

Test fis-seħħ

Emenda

 

(9a)  Fl-Artikolu 10, il-paragrafu 2 huwa sostitwit b'dan li ġej:

"2.  Fejn ikun meħtieġ għall-konformità mal-paragrafu 1 u biex ikun faċilitat jew imtejjeb l-irkupru, l-iskart għandu jinġabar separatament jekk dan ikun teknikament, ambjentalment u ekonomikament prattikabbli u m'għandux jitħallat ma' skart ieħor jew materjal ieħor bi proprjetajiet differenti."

"2.  Għall-konformità mal-paragrafu 1 u biex ikun faċilitat jew imtejjeb l-irkupru, l-iskart għandu jinġabar separatament u m'għandux jitħallat ma' skart ieħor jew materjal ieħor bi proprjetajiet differenti."

 

Emenda    86

Proposta għal direttiva

Artikolu 1 – punt 9b (ġdid)

Direttiva 2008/98/KE

Artikolu 10 – paragrafu 2a (ġdid)

 

Test propost mill-Kummissjoni

Emenda

 

(9b)  Fl-Artikolu 10, jiżdied il-paragrafu li ġej:

 

"2a.  Fejn prattikabbli, l-Istati Membri għandhom jieħdu l-miżuri meħtieġa biex jiddekontaminaw l-iskart perikoluż qabel l-irkupru. “

 

Emenda    87

Proposta għal direttiva

Artikolu 1 – punt 10 – punt a

Direttiva 2008/98/KE

Artikolu 11 – paragrafu 1 – subparagrafu 1

 

Test propost mill-Kummissjoni

Emenda

1.  L-Istati Membri għandhom jieħdu miżuri, kif xieraq, biex jippromwovu t-tħejjija għal attivitajiet ta' użu mill-ġdid, speċifikament billi jħeġġu t-twaqqif u l-appoġġ ta' netwerks ta' użu mill-ġdid u ta' tiswija, u billi jħaffu l-aċċess ta' tali netwerks għal punti ta' ġbir tal-iskart, kif ukoll billi jippromwovu l-użu ta' strumenti ekonomiċi, kriterji ta' akkwist pubbliku, miri kwantitattivi, jew miżuri oħra.

1.  L-Istati Membri għandhom jieħdu miżuri biex jippromwovu t-tħejjija għal attivitajiet ta' użu mill-ġdid, speċifikament billi jħeġġu t-twaqqif u l-appoġġ għat-tħejjija għall-operaturi tal-użu mill-ġdid u netwerks tagħhom, u billi jħaffu l-aċċess ta' tali netwerks għal punti u faċilitajiet ta' ġbir tal-iskart, kif ukoll billi jippromwovu l-użu ta' strumenti ekonomiċi, kriterji ta' akkwist pubbliku, miri kwantitattivi, jew miżuri oħra.

 

Emenda    88

Proposta għal direttiva

Artikolu 1 – punt 10 – punt ba (ġdid)

Direttiva 2008/98/KE

Artikolu 11 – paragrafu 2 – formulazzjoni introduttorja

 

Test fis-seħħ

Emenda

 

(ba)  fil-paragrafu 2, il-formulazzjoni introduttorja hija sostitwita b'dan li ġej:

"Sabiex ikun hemm konformità ma' l-objettivi ta' din id-Direttiva, u biex isir progress lejn soċjetà Ewropea riċiklatriċi b'livell għoli ta' effiċjenza fir-riżorsi, l-Istati Membri għandhom jieħdu l-miżuri meħtieġa biex jiżguraw li jinkisbu l-miri li ġejjin:"

"Sabiex ikun hemm konformità mal-objettivi ta' din id-Direttiva, u biex isir progress lejn ekonomija ċirkolari Ewropea b'livell għoli ta' effiċjenza fir-riżorsi, l-Istati Membri għandhom jieħdu l-miżuri meħtieġa biex jiżguraw li jinkisbu l-miri li ġejjin:"

 

Emenda    89

Proposta għal direttiva

Artikolu 1 – punt 10 – punt da (ġdid)

Direttiva 2008/98/KE

Artikolu 11 – paragrafu 2a (ġdid)

 

Test propost mill-Kummissjoni

Emenda

 

(da)  jiddaħħal il-paragrafu li ġej:

 

"2a.   Il-Kummissjoni għandha tivvaluta l-adegwatezza tal-introduzzjoni ta' mira għar-riġenerazzjoni u r-raffinar mill-ġdid taż-żjut użati. Kemm ir-riġenerazzjoni kif ukoll ir-raffinar mill-ġdid għandhom jiġu inklużi f'mira bħal din. Għal dak il-għan, il-Kummissjoni għandha tippreżenta valutazzjoni tal-impatt sal-2018."

 

Emenda    90

Proposta għal direttiva

Artikolu 1 – punt 10 – punt e

Direttiva 2008/98/KE

Artikolu 11 – paragrafu 3 – subparagrafu 1

 

Test propost mill-Kummissjoni

Emenda

L-Estonja, il-Greċja, il-Kroazja, il-Latvja, Malta, ir-Rumanija u s-Slovakkja jistgħu jiksbu ħames snin addizzjonali biex jilħqu l-miri msemmija fil-paragrafu 2(c) u (d). L-Istat Membru għandu jgħarraf lill-Kummissjoni bl-intenzjoni tiegħu li juża din id-dispożizzjoni sa mhux aktar tard minn 24 xahar qabel l-iskadenzi rispettivi stipulati fil-paragrafi 2(c) u (d). F'każ ta' estensjoni, l-Istat Membru għandu jieħu l-miżuri meħtieġa biex iżid it-tħejjija għall-użu mill-ġdid u r-riċiklagg tal-iskart muniċipali sa minimu ta' 50 % u 60 % skont il-piż, rispettivament sal-2025 u sal-2030.

L-Estonja, il-Greċja, Ċipru, il-Kroazja, il-Latvja, Malta, ir-Rumanija u s-Slovakkja jistgħu jiksbu ħames snin addizzjonali biex jilħqu l-miri msemmija fil-paragrafu 2(c) u (d). L-Istat Membru għandu jgħarraf lill-Kummissjoni bl-intenzjoni tiegħu li juża din id-dispożizzjoni sa mhux aktar tard minn 24 xahar qabel l-iskadenzi rispettivi stipulati fil-paragrafi 2(c) u (d). F'każ ta' estensjoni, l-Istat Membru għandu jieħu l-miżuri meħtieġa biex iżid it-tħejjija għall-użu mill-ġdid u r-riċiklagg tal-iskart muniċipali sa minimu ta' 50% u 60% skont il-piż, rispettivament sal-2025 u sal-2030. Dawk l-Istati Membri jistgħu jfasslu pjanijiet nazzjonali annwali, bl-assistenza tal-Kummissjoni, li jispeċifikaw il-miżuri li għandhom jittieħdu biex jintlaħqu l-miri.

 

Emenda    91

Proposta għal direttiva

Artikolu 1 – punt 10 – punt e

Direttiva 2008/98/KE

Artikolu 11 – paragrafu 3a (ġdid)

 

Test propost mill-Kummissjoni

Emenda

 

3a.   Għall-fini tal-kalkolu tal-miri stipulati fil-punti (c) u (d) tal-paragrafu 2 u fil-paragrafu 3, l-ammont ta' skart bijodegradabbli li jsirlu trattament aerobiku jew anerobiku jista' jitqies bħala riċiklat fejn dak it-trattament jiġġenera kompost, diġestat jew materjal ieħor, li l-parti prinċipali tiegħu, wara li jkun hemm il-ħtieġa ta' aktar ipproċessar mill-ġdid, tintuża bħala prodott, materjal jew sustanza riċiklata.

 

Emenda    92

Proposta għal direttiva

Artikolu 1 – punt 10 – punt fa (ġdid)

Direttiva 2008/98/KE

Artikolu 11 – paragrafu 5a (ġdid)

 

Test propost mill-Kummissjoni

Emenda

 

(fa)  jiddaħħal il-paragrafu li ġej:

 

"5a  L-Istati Membri għandhom jieħdu l-miżuri meħtieġa biex jinkoraġġixxu d-dekontaminazzjoni tal-iskart perikoluż qabel ir-riċiklaġġ u l-użu mill-ġdid." 

 

Emenda    93

Proposta għal direttiva

Artikolu 1 – punt 11

Direttiva 2008/98/KE

Artikolu 11a – paragrafu 5

 

Test propost mill-Kummissjoni

Emenda

5.  Għall-finijiet tal-kalkolu ta' jekk inkunu intlaħqu l-miri stipulati fl-Artikolu 11(2)(c) u (d) u l-Artikolu 11(3), l-Istati Membri jistgħu jqisu r-riċiklaġġ tal-metalli li jsir b'rabta mal-inċinerazzjoni, proporzjonalment mas-sehem tal-iskart munċipali inċinerat, dejjem jekk il-metalli riċiklati jilħqu ċerti rekwiżiti ta' kwalità.

5.  Għall-finijiet tal-kalkolu ta' jekk ikunu intlaħqu l-miri stipulati fl-Artikolu 11(2)(c) u (d) u l-Artikolu 11(3), l-Istati Membri jistgħu jqisu r-riċiklaġġ tal-metalli li jsir b'rabta mal-irkupru tal-enerġija u mal-inċinerazzjoni, proporzjonalment mas-sehem tal-iskart munċipali inċinerat, dejjem jekk il-metalli riċiklati jilħqu ċerti rekwiżiti ta' kwalità.

 

Emenda    94

Proposta għal direttiva

Artikolu 1 – punt 11

Direttiva 2008/98/KE

Artikolu 11a – paragrafu 6

 

Test propost mill-Kummissjoni

Emenda

6.  Sabiex jiġu żgurati kundizzjonijiet armonizzati għall-applikazzjoni tal-paragrafu 5, il-Kummissjoni għandha tadotta atti delegati skont l-Artikolu 38a, li jistabbilixxu metodoloġija komuni għall-kalkolu tal-piż tal-metalli li jkunu ġew riċiklati bl-inċinerazzjoni, inklużi l-kriterji ta' kwalità għall-metalli riċiklati.

6.  Sabiex jiġu żgurati kundizzjonijiet armonizzati għall-applikazzjoni tal-paragrafu 5, il-Kummissjoni għandha tadotta atti delegati skont l-Artikolu 38a, li jistabbilixxu metodoloġija komuni għall-kalkolu tal-piż tal-materjali li jkunu ġew riċiklati bl-irkupru tal-enerġija u bl-inċinerazzjoni, inklużi l-kriterji ta' kwalità għall-materjali riċiklati.

 

Emenda    95

Proposta għal direttiva

Artikolu 1 – punt 12a (ġdid)

Direttiva 2008/98/KE

Artikolu 15 – paragrafu 4a (ġdid)

 

Test propost mill-Kummissjoni

Emenda

 

(12a)  Fl-Artikolu 15, jiżdied il-paragrafu li ġej:

 

"4a   F'konformità mad-Direttiva 2014/24/UE, L-Istati Membri jistgħu jieħdu miżuri biex jiżguraw li l-proċedura ta' għażla għall-operaturi tal-immaniġġjar tal-iskart, immexxija mill-awtoritajiet u organizzazzjonijiet lokali li jimplimentaw ir-responsabbiltà estiża tal-produttur f'isem produttur ta' prodotti, tinkludi klawżoli soċjali bil-għan li jappoġġjaw ir-rwol tal-intrapriżi u pjattaformi soċjali u ta' solidarjetà."

 

Emenda    96

Proposta għal direttiva

Artikolu 1 – punt 12b (ġdid)

Direttiva 2008/98/KE

Artikolu 20 – paragrafu 2a (ġdid)

 

Test propost mill-Kummissjoni

Emenda

 

(12b)  Fl-Artikolu 20, jiżdied il-paragrafu li ġej:

 

"L-Istati Membri għandhom jistabbilixxu flussi tal-ġbir separat għall-iskart perikoluż prodott mid-djar biex jiġi żgurat li l-iskart perikoluż jiġi trattat b'mod korrett u ma jikkontaminax flussi oħra ta' skart muniċipali."

 

Emenda    97

Proposta għal direttiva

Artikolu 1 – punt 12c (ġdid)

Direttiva 2000/98/KE

Artikolu 21

 

Test fis-seħħ

Emenda

 

(12c)  L-Artikolu 21 huwa sostitut b'dan li ġej:

"1.  Mingħajr preġudizzju għall-obbligi relatati ma' l-immaniġġar ta' l-iskart perikoluż stabbiliti fl-Artikoli 18 u 19, l-Istati Membri għandhom jieħdu l-miżuri meħtieġa biex jiżguraw li:

"1.  Mingħajr preġudizzju għall-obbligi relatati mal-immaniġġar tal-iskart perikoluż stabbiliti fl-Artikoli 18 u 19, l-Istati Membri għandhom jieħdu l-miżuri meħtieġa biex jiżguraw li:

(a)  iż-żjut għar-rimi jinġabru separatament, fejn dan huwa teknikament fattibbli;

(a)  iż-żjut għar-rimi jinġabru separatament, fejn dan huwa teknikament fattibbli;

(b)  iż-żjut għar-rimi jiġu ttrattati skond l-Artikoli 4 u 13;

(b)  iż-żjut użati jiġu ttrattati skont l-Artikoli 4, 11 u 13;

(c)  fejn dan hu teknikament fattibbli u ekonomikament vijabbli, żjut għar-rimi b'karatteristiċi differenti ma jitħalltux u żjut għar-rimi ma jitħalltux ma żjut ta' tipi oħrajn ta' skart jew sustanzi, jekk tali taħlit ma jħallix li jiġu ttrattati.

(c)  fejn dan hu teknikament fattibbli u ekonomikament vjabbli, żjut użati b'karatteristiċi differenti ma jitħalltux u żjut użati ma jitħalltux ma żjut ta' tipi oħrajn ta' skart jew sustanzi, jekk tali taħlit ma jħallix li jiġu ttrattati.

2.   Għall-finijiet tal-ġbir separat ta' żjut għar-rimi u t-trattament tagħhom kif suppost, l-Istati Membri jistgħu, skond il-kondizzjonijiet nazzjonali tagħhom, japplikaw miżuri addizzjonali bħal rekwiżiti tekniċi, responsabbiltà tal-produttur, strumenti ekonomiċi jew ftehim volontarju.

2.  Bħala estensjoni għall-miri stabbiliti fl-Artikolu 11 għall-ġbir u r-riġenerazzjoni taż-żejt użat u għall-finijiet tal-ġbir separat ta' żjut użat u t-trattament tagħhom kif suppost, l-Istati Membri jistgħu, skont il-kundizzjonijiet nazzjonali tagħhom, japplikaw miżuri addizzjonali bħal rekwiżiti tekniċi, responsabbiltà tal-produttur, strumenti ekonomiċi jew ftehim volontarju.

3.   Jekk żjut għar-rimi, skond il-leġiżlazzjoni nazzjonali, ikunu suġġetti għal rekwiżiti ta’ riġenerazzjoni, l-Istati Membri jistgħu jippreskrivu li dawn iż-żjut għar-rimi għandhom jiġu rriġenerati jekk dan huwa teknikament fattibbli u, fejn l-Artikoli 11 jew 12 tar-Regolament (KE) Nru 1013/2006 japplika, jirrestrinġu l-vjeġġ transkonfini taż-żjut għar-rimi mit-territorju tagħhom għall-faċilitajiet ta’ inċinerazzjoni jew ko-inċinerazzjoni sabiex jagħtu prijorità lir-riġenerazzjoni taż-żjut għar-rimi.

3.   Fejn l-Artikoli 11 jew 12 tar-Regolament (KE) Nru 1013/2006 japplika, l-Istati Membri għandhom jirrestrinġu l-konsenja transkonfini taż-żjut użati mit-territorju tagħhom għall-faċilitajiet ta' inċinerazzjoni jew ko-inċinerazzjoni sabiex jagħtu prijorità lir-riġenerazzjoni taż-żjut użati."

 

Emenda    98

Proposta għal direttiva

Artikolu 1 – punt 13

Direttiva 2008/98/KE

Artikolu 22 – paragrafu 1

 

Test propost mill-Kummissjoni

Emenda

L-Istati Membri għandhom jiżguraw il-ġbir b'mod separat tal-bijoskart fejn ikun vjabbli teknikament, ambjentalment u ekonomikament, u fejn ikun xieraq biex jiżgura l-istandards rilevanti ta' kwalità għad-demel, kif ukoll biex jintlaħqu l-miri stipulati fl-Artikolu 11(2)(a), (c) u (d), u 11(3).

L-Istati Membri għandhom jiżguraw il-ġbir b'mod separat tal-bijoskart biex jiżguraw l-istandards rilevanti ta' kwalità għall-ikkompostjar u d-diġestjoni u, kif ukoll biex jintlaħqu l-miri stipulati fl-Artikolu 11(2)(a), (c) u (d), u 11(3).

 

Emenda    99

Proposta għal direttiva

Artikolu 1 – punt 13

Direttiva 2008/98

Artikolu 22 – paragrafu 2 – punt a

 

Test propost mill-Kummissjoni

Emenda

(a)  ir-riċiklaġġ, inkluż l-ikkompostjar, u d-diġestjoni tal-bijoskart;

(a)  ir-riċiklaġġ, inkluż l-ikkompostjar, u d-diġestjoni tal-bijoskart u l-imballaġġ ibbażat fuq prodotti bijoloġiċi;

 

Emenda    100

Proposta għal direttiva

Artikolu 1 – punt 13

Direttiva 2008/98/KE

Artikolu 22 – paragrafu 2 – punt ca (ġdid)

 

Test propost mill-Kummissjoni

Emenda

 

(ca)   l-użu tal-bijoskart għall-produzzjoni tal-enerġija rinnovabbli, b'mod partikolari għall-produzzjoni tal-bijofjuwils avvanzati għall-avjazzjoni.

 

Emenda    101

Proposta għal direttiva

Artikolu 1 – punt 13

Direttiva 2008/98/KE

Artikolu 22 – paragrafu 2a (ġdid)

 

Test propost mill-Kummissjoni

Emenda

 

Fir-rigward tal-paragrafi 1 u 2, sal-31 ta' Diċembru 2018, il-Kummissjoni għandha tippubblika gwida dwar it-twaqqif tal-iskemi għall-ġbir u t-trattament tal-bijoskart.

 

Emenda    102

Proposta għal direttiva

Artikolu 1 – punt 13a (ġdid)

Direttiva 2008/98/KE

Artikolu 24 – punt b

 

Test fis-seħħ

Emenda

 

(13a)  Fl-Artikolu 24, il-punt (b) huwa sostitwit b'dan li ġej:

(b)  irkupru ta’ l-iskart.

(b)  irkupru tal-iskart mhux perikoluż.

 

Emenda    103

Proposta għal direttiva

Artikolu 1 – punt 16 – punt a – punt ii

Direttiva 2008/98/KE

Artikolu 28 – paragrafu 3 – punt f

 

Test propost mill-Kummissjoni

Emenda

(f)   miżuri li jindirizzaw kull forma ta' rimi taż-żibel, u li jnaddfu kull tip ta' żibel mormi.

(f)   miżuri li jindirizzaw u jipprevjenu kull forma ta' rimi taż-żibel, u li jnaddfu kull tip ta' żibel mormi.

 

Emenda    104

Proposta għal direttiva

Artikolu 1 – punt 16 – punt ba (ġdid)

Direttiva 2008/98/KE

Artikolu 28 – paragrafu 5a (ġdid)

 

Test propost mill-Kummissjoni

Emenda

 

(ba)   jiddaħħal il-paragrafu li ġej:

 

"5a.  Miżuri biex jitnaqqas l-iskart tal-baħar għandhom jinkludu:

 

(a)   il-prevenzjoni fir-rigward tal-plastik b'użu uniku u t-tipi ta' imballaġġ li jinstabu l-aktar frekwenti fi skart tal-baħar u tal-art;

 

(b)   l-appoġġ għall-imballaġġ li jerġa' jintuża u kontenituri li jerġgħu jimtlew;

 

(c)   is-sostituzzjoni ta' materjali li ma jistgħux jiġu riċiklati u li jfixklu l-ipproċessar mill-ġdid;

 

(d)   l-implimentazzjoni ta' skemi ta' rifużjoni tad-depożitu biex jiżdied il-ġbir tal-iskart u jiġi evitat ir-rimi taż-żibel,

 

(e)   is-sostituzzjoni tal-plastik fil-prodotti finali, pereżempju prodotti kożmetiċi, deterġenti, u prodotti għall-kura personali, li ta' spiss jinstabu fl-iskart tal-baħar u tal-art."

 

Emenda    105

Proposta għal direttiva

Artikolu 1 – punt 21

Direttiva 2008/98/KE

Artikolu 37 – paragrafu 4

 

Test propost mill-Kummissjoni

Emenda

4.  Id-dejta rrappurtata mill-Istat Membru skont dan l-Artikolu għandu tkun akkumpanjata minn rapport ta' verifika tal-kwalità, kif ukoll rapport dwar il-miżuri meħudin skont l-Artikolu 11a(4).

4.  Id-dejta rrappurtata mill-Istat Membru skont dan l-Artikolu għandha tkun akkumpanjata minn rapport ta' verifika tal-kwalità, li għandha titfassal skont format armonizzat, kif ukoll rapport dwar il-miżuri meħudin skont l-Artikolu 11a(4).

 

Emenda    106

Proposta għal direttiva

Artikolu 1 – punt 21

Direttiva 2008/98/KE

Artikolu 37 – paragrafu 5

 

Test propost mill-Kummissjoni

Emenda

5.  Il-Kummissjoni għandha tirrevedi d-dejta rappurtata skont dan l-Artikolu, u tippubblika rapport dwar ir-riżultat tar-reviżjoni tagħha. Ir-rapport għandu jevalwa l-organizzazzjoni tal-ġbir tad-dinja, is-sorsi tad-dejta u l-metoloġija użata fl-Istati Membri, kif ukoll il-kompletezza, l-affidabbiltà, il-puntwalità u l-konsistenza ta' dik id-dejta. Il-valutazzjoni tista' tinkludi rakkomandazzjonijiet speċifiċi għat-titjib. Ir-rapport għandu jitfassal kull tliet snin.

5.  Il-Kummissjoni għandha tirrevedi d-dejta rappurtata skont dan l-Artikolu, u tippubblika rapport dwar ir-riżultat tar-reviżjoni tagħha. Ir-rapport għandu jevalwa l-organizzazzjoni tal-ġbir tad-dinja, is-sorsi tad-dejta u l-metoloġija użata fl-Istati Membri, kif ukoll il-kompletezza, l-affidabbiltà, il-puntwalità u l-konsistenza ta' dik id-dejta u d-disponibbiltà ta' dejta miftuħa. Il-valutazzjoni tista' tinkludi rakkomandazzjonijiet speċifiċi għat-titjib. Ir-rapport għandu jitfassal disa' xhur wara l-ewwel rappurtar tad-dejta mill-Istati Membri u kull tliet snin minn hemm 'il quddiem.

 

Emenda    107

Proposta għal direttiva

Artikolu 1 – punt 21

Direttiva 2008/98/KE

Artikolu 37 – paragrafu 6

 

Test propost mill-Kummissjoni

Emenda

6.  Il-Kummissjoni għandha tadotta atti ta' implimentazzjoni li jistipulaw il-format għar-rappurtar tad-dejta skont il-paragrafi 1 u 2, kif ukoll għar-rappurtar ta' operati ta' radam mill-ġdid. Dawk l-atti ta' implimentazzjoni għandhom jiġu adottati skont il-proċedura msemmija fl-Artikolu 39(2).

6.  Il-Kummissjoni għandha tadotta atti ta' implimentazzjoni li jistipulaw il-format għar-rappurtar tad-dejta skont il-paragrafi 1 u 2, kif ukoll għar-rappurtar ta' operati ta' radam mill-ġdid, li jappoġġjaw l-użu mill-ġdid tad-dejta u l-għanijiet ta' dejta miftuħa. Dawk l-atti ta' implimentazzjoni għandhom jiġu adottati skont il-proċedura msemmija fl-Artikolu 39(2).

 

Emenda    108

Proposta għal direttiva

Artikolu 1 – punt 22

Direttiva 2008/98/KE

Artikolu 38 – paragrafu 1 – subparagrafu 1

 

Test propost mill-Kummissjoni

Emenda

Il-Kummissjoni tista' tiżviluppa linji gwida għall-interpretazzjoni tad-definizzjonijiet ta' rkupru u ta' rimi.

Il-Kummissjoni tista' tiżviluppa linji gwida għall-interpretazzjoni tad-definizzjonijiet ta' prevenzjoni tal-iskart, ta' użu mill-ġdid, ta' rkupru u ta' rimi.

 

Emenda    109

Proposta għal direttiva

Artikolu 1 – punt 25a (ġdid)

 

Test propost mill-Kummissjoni

Emenda

 

(25a)  Jiżdied l-Anness VI f'konformità mal-Anness ta' din id-Direttiva.

 

Emenda    110

Proposta għal direttiva

Anness VI – titolu

 

 

Test propost mill-Kummissjoni

Emenda

Metodu ta' kalkolu għat-tħejjija għall-użu mill-ġdid ta' prodotti u komponenti għall-finijiet tal-Artikolu 11(2)(c) u (d) u l-Artikolu 11(3)

Metodu ta' kalkolu għar-riċiklaġġ tal-iskart muniċipali għall-finijiet tal-Artikolu 11(2)(c) u (d) u l-Artikolu 11(3)

 

Emenda    111

Proposta għal direttiva

Anness VI – paragrafu 1

 

 

Test propost mill-Kummissjoni

Emenda

Sabiex tiġi kkalkolata r-rata aġġustata tar-riċiklaġġ u tat-tħejjija għall-użu mill-ġdid skont l-Artikolu 11(2)(c) u (d) u l-Artikolu 11(3), l-Istati Membri għandhom jużaw il-formola li ġejja:

Sabiex tiġi kkalkolata r-rata aġġustata tar-riċiklaġġ skont l-Artikolu 11(2)(c) u (d) u l-Artikolu 11(3), l-Istati Membri għandhom jużaw il-formola li ġejja:

 

Emenda    112

Proposta għal direttiva

Anness VI – paragrafu 2

 

Test propost mill-Kummissjoni

Emenda

imħassar

 

Emenda    113

Proposta għal direttiva

Anness VI – paragrafu 2a (ġdid)

 

Test propost mill-Kummissjoni

Emenda

 

 

Emenda    114

Proposta għal direttiva

Anness VI – paragrafu 5

 

Test propost mill-Kummissjoni

Emenda

R: piż tal-prodotti u l-komponenti mħejjija għall-użu mill-ġdid f'sena determinata;

imħassar

 

Emenda    115

Proposta għal direttiva

Anness VIa (ġdid)

 

 

Test propost mill-Kummissjoni

Emenda

 

"Anness VIa

 

Strumenti li jippromwovu l-applikazzjoni tal-ġerarkija tal-iskart u bidla lejn ekonomija ċirkolari

 

1.   Strumenti ekonomiċi:

 

1.1.  żieda progressiva fit-taxxi u/jew it-tariffi fuq ir-rimi fil-miżbliet għall-kategoriji kollha ta' skart (skart muniċipali, skart inert u skart ieħor);

 

1.2.  introduzzjoni jew żieda ta' taxxi u/jew tariffi fuq l-inċinerazzjoni;

 

1.3.  skemi ta' appoġġ dirett fuq il-prezz għall-promozzjoni tal-użu mill-ġdid, it-tiswija u r-riċiklaġġ;

 

1.4.  internalizzazzjoni ta' esternalitajiet pożittivi u negattivi marbuta mar-riċiklaġġ u mal-materja prima primarja;

 

1.5.  introduzzjoni ta' VAT b'rata baxxa jew b'rata żero fuq it-tiswija, il-materjali għat-tiswija u l-bejgħ ta' prodotti użati;

 

1.6.  estensjoni progressiva għat-territorju sħiħ tal-Istati Membri tas-sistemi "ħallas skont kemm tarmi" li jinċentivaw lill-produtturi tal-iskart muniċipali jnaqqsu, jużaw mill-ġdid u jirriċiklaw l-iskart tagħhom;

 

1.7.  imposti ekoloġiċi jew tariffi avvanzati fuq ir-rimi li għandhom japplikaw għall-prodotti fejn ma jkunx hemm fis-seħħ programmi estiżi ta' responsabbiltà tal-produtturi;

 

1.8.  miżuri li jtejbu l-kosteffiċjenza tal-iskemi ta' responsabbiltà estiża tal-produttur, kemm dawk attwali kif ukoll dawk li ġejjin;

 

1.9.  għajnuna fl-investiment fi proġetti li jippromwovu l-applikazzjoni tal-ġerarkija tal-iskart;

 

1.10  estensjoni tal-kamp ta' applikazzjoni tal-iskemi ta' responsabbiltà tal-produtturi għal flussi ġodda ta' skart;

 

1.11.  sistemi tar-rifużjoni tad-depożitu u sistemi oħrajn li jinċentivaw lill-produtturi tal-iskart muniċipali u operaturi ekonomiċi biex l-iskart tagħhom jitnaqqas, jiġi użat mill-ġdid u jiġi riċiklat;

 

1.12.  inċentivi ekonomiċi għall-awtoritajiet lokali biex jippromwovu l-prevenzjoni, jiżviluppaw u jżidu l-iskemi tal-ġbir separat;

 

1.13.  miżuri li jappoġġjaw l-iżvilupp tas-settur tal-użu mill-ġdid;

 

1.14.  kriterji ekoloġiċi għall-akkwist pubbliku li jippromwovu l-ġerarkija tal-iskart;

 

1.15.  miżuri li jneħħu b'mod gradwali sussidji dannużi li ma jkunux konsistenti mal-ġerarkija tal-iskart;

 

1.16.  inċentivi li jippromwovu t-tfassil u t-tqegħid fis-suq ta' prodotti li jevitaw l-iskart, bħal oġġetti li jistgħu jissewwew;

 

2.  Miżuri oħra:

 

2.1.  projbizzjonijiet speċifiċi għall-inċinerazzjoni ta' skart riċiklabbli;

 

2.2.  restrizzjonijiet tas-suq għal prodotti u imballaġġ li jintużaw darba biss u li mhumiex riċiklabbli;

 

2.3.  miżuri tekniċi u fiskali biex jappoġġjaw l-iżvilupp tas-swieq għal prodotti użati mill-ġdid u materjali riċiklati (inkluż materjal mibdul f'kompost) kif ukoll biex itejbu l-kwalità tal-materjali riċiklati;

 

2.4.  miżuri li jinkludu rifużjonijiet tat-taxxa u/jew eżenzjonijiet mit-taxxa;

 

2.5.  miżuri li jżidu l-għarfien pubbliku dwar l-immaniġġjar adegwat tal-iskart u t-tnaqqis tar-rimi ħażin tal-iskart, inklużi kampanji ad-hoc li jiżguraw tnaqqis tal-iskart mis-sors u livell għoli ta' parteċipazzjoni fl-iskemi tal-ġbir separat;

 

2.6.  miżuri li jiżguraw koordinazzjoni xierqa, inkluż permezz ta' mezzi diġitali, bejn l-awtoritajiet pubbliċi kompetenti kollha involuti fl-immaniġġjar tal-iskart, u l-involviment ta' partijiet ikkonċernati ewlenin oħrajn;

 

2.7.  użu tal-Fondi Ewropej Strutturali u ta' Investiment biex jiffinanzjaw l-iżvilupp tal-infrastruttura tal-immaniġġjar tal-iskart li hemm bżonn biex jintlaħqu l-miri rilevanti;

 

2.8.  l-użu ta' Fondi Ewropej Strutturali u ta' Investiment sabiex tiġi ffinanzjata l-prevenzjoni tal-iskart, it-tħejjija għall-użu mill-ġdid u r-riċiklaġġ;

 

2.9.  ħolqien ta' pjattaformi ta' komunikazzjoni biex jippromwovu l-iskambju tal-aħjar prattiki bejn l-industriji, is-sħab soċjali, l-awtoritajiet lokali u wkoll bejn l-Istati Membri;

 

2.10.  introduzzjoni ta' kontenut riċiklat minimu fil-prodotti;

 

2.11.  kwalunkwe miżura alternattiva jew miżura addizzjonali rilevanti li jimmiraw li jilħqu l-istess għan."

 

 

PROĊEDURA TAL-KUMITAT LI JINTALAB JAGĦTI OPINJONI

Titolu

Direttiva li temenda d-Direttiva 2008/98/KE dwar l-iskart

Referenzi

COM(2015)0595 – C8-0382/2015 – 2015/0275(COD)

Kumitat responsabbli

       Data tat-tħabbir fis-seduta plenarja

ENVI

14.12.2015

 

 

 

Opinjoni mogħtija minn

       Data tat-tħabbir fis-seduta plenarja

ITRE

14.12.2015

Rapporteur għal opinjoni

       Data tal-ħatra

Miroslav Poche

3.2.2016

Eżami fil-kumitat

14.6.2016

 

 

 

Data tal-adozzjoni

13.10.2016

 

 

 

Riżultat tal-votazzjoni finali

+:

–:

0:

54

10

0

Membri preżenti għall-votazzjoni finali

Nikolay Barekov, Nicolas Bay, Bendt Bendtsen, Xabier Benito Ziluaga, José Blanco López, David Borrelli, Jerzy Buzek, Angelo Ciocca, Edward Czesak, Jakop Dalunde, Pilar del Castillo Vera, Christian Ehler, Fredrick Federley, Ashley Fox, Adam Gierek, Theresa Griffin, Roger Helmer, Hans-Olaf Henkel, Eva Kaili, Kaja Kallas, Barbara Kappel, Krišjānis Kariņš, Seán Kelly, Jaromír Kohlíček, Zdzisław Krasnodębski, Miapetra Kumpula-Natri, Janusz Lewandowski, Ernest Maragall, Edouard Martin, Angelika Mlinar, Nadine Morano, Dan Nica, Morten Helveg Petersen, Miroslav Poche, Carolina Punset, Herbert Reul, Paul Rübig, Algirdas Saudargas, Jean-Luc Schaffhauser, Sergei Stanishev, Neoklis Sylikiotis, Antonio Tajani, Dario Tamburrano, Patrizia Toia, Evžen Tošenovský, Claude Turmes, Vladimir Urutchev, Henna Virkkunen, Martina Werner, Lieve Wierinck, Anna Záborská, Flavio Zanonato, Carlos Zorrinho

Sostituti preżenti għall-votazzjoni finali

Michał Boni, Rosa D’Amato, Esther de Lange, Jens Geier, Benedek Jávor, Olle Ludvigsson, Vladimír Maňka, Marian-Jean Marinescu, Clare Moody, Maria Spyraki

Sostituti (skont l-Artikolu 200(2)) preżenti għall-votazzjoni finali

Albert Deß

 

 

 

 

PROĊEDURA TAL-KUMITAT RESPONSABBLI

Titolu

Direttiva li temenda d-Direttiva 2008/98/KE dwar l-iskart

Referenzi

COM(2015)0595 – C8-0382/2015 – 2015/0275(COD)

Data meta ġiet ippreżentata lill-PE

2.12.2015

 

 

 

Kumitat responsabbli

       Data tat-tħabbir fis-seduta plenarja

ENVI

14.12.2015

 

 

 

Kumitati mitluba jagħtu opinjoni

       Data tat-tħabbir fis-seduta plenarja

ECON

14.12.2015

ITRE

14.12.2015

JURI

14.12.2015

 

Opinjoni(jiet) mhux mogħtija

       Data tad-deċiżjoni

ECON

17.12.2015

JURI

28.1.2016

 

 

Rapporteurs

       Data tal-ħatra

Simona Bonafè

22.12.2015

 

 

 

Eżami fil-kumitat

15.6.2016

29.9.2016

 

 

Data tal-adozzjoni

24.1.2017

 

 

 

Riżultat tal-votazzjoni finali

+:

–:

0:

59

7

1

Membri preżenti għall-votazzjoni finali

Marco Affronte, Pilar Ayuso, Zoltán Balczó, Ivo Belet, Simona Bonafè, Biljana Borzan, Paul Brannen, Soledad Cabezón Ruiz, Nessa Childers, Birgit Collin-Langen, Mireille D’Ornano, Miriam Dalli, Seb Dance, Angélique Delahaye, Mark Demesmaeker, Stefan Eck, José Inácio Faria, Karl-Heinz Florenz, Francesc Gambús, Elisabetta Gardini, Gerben-Jan Gerbrandy, Jens Gieseke, Julie Girling, Sylvie Goddyn, Françoise Grossetête, Jytte Guteland, György Hölvényi, Anneli Jäätteenmäki, Jean-François Jalkh, Benedek Jávor, Josu Juaristi Abaunz, Karin Kadenbach, Kateřina Konečná, Urszula Krupa, Giovanni La Via, Jo Leinen, Peter Liese, Norbert Lins, Susanne Melior, Massimo Paolucci, Gilles Pargneaux, Piernicola Pedicini, Bolesław G. Piecha, Julia Reid, Frédérique Ries, Michèle Rivasi, Daciana Octavia Sârbu, Annie Schreijer-Pierik, Davor Škrlec, Renate Sommer, Ivica Tolić, Estefanía Torres Martínez, Nils Torvalds, Adina-Ioana Vălean, Jadwiga Wiśniewska, Damiano Zoffoli

Sostituti preżenti għall-votazzjoni finali

Nicola Caputo, Fredrick Federley, James Nicholson, Younous Omarjee, Stanislav Polčák, Keith Taylor

Sostituti (skont l-Artikolu 200(2)) preżenti għall-votazzjoni finali

Mary Honeyball, Martin Häusling, Monika Smolková, Helga Stevens, Sophia in ‘t Veld

Data tat-tressiq

9.2.2017

 

 

[1]  ĠU C 264, 20.07.2016, p. 98.
[2]   ĠU C 17, 18.01.2017, p. 46.