Dokument ta' sessjoni
22.6.2017
***I
RAPPORT
dwar il-proposta għal regolament tal-Parlament Ewropew u tal-Kunsill li jemenda r-Regolament (KE) Nru 1059/2003 fir-rigward tat-tipoloġiji territorjali (Tercet)
( COM(2016)0788 – C8-0516/2016 – 2016/0393(COD) )
Kumitat għall-Iżvilupp Reġjonali
Rapporteur: Iskra Mihaylova
(Proċedura simplifikata – Artikolu 50(1) tar-Regoli ta' Proċedura)
PR_COD_1app
Tifsira tas-simboli użati |
* Proċedura ta' konsultazzjoni *** Proċedura ta' approvazzjoni ***I Proċedura leġiżlattiva ordinarja (l-ewwel qari) ***II Proċedura leġiżlattiva ordinarja (it-tieni qari) ***III Proċedura leġiżlattiva ordinarja (it-tielet qari) (It-tip ta' proċedura jiddependi mill-bażi legali proposta mill-abbozz ta' att.)
|
Emendi għal abbozz ta' att |
Emendi tal-Parlament f'żewġ kolonni
It-tħassir huwa indikat permezz tat-tipa korsiva u grassa fil-kolonna tax-xellug. Is-sostituzzjoni hija indikata permezz tat-tipa korsiva u grassa fiż-żewġ kolonni. It-test ġdid huwa indikat permezz tat-tipa korsiva u grassa fil-kolonna tal-lemin.
L-ewwel u t-tieni linji tal-intestatura ta' kull emenda jidentifikaw il-parti tat-test ikkonċernata fl-abbozz ta' att inkwistjoni. Meta emenda tirrigwarda att eżistenti, li l-abbozz ta' att ikollu l-ħsieb li jemenda, l-intestatura jkun fiha wkoll it-tielet u r-raba' linji li jidentifikaw rispettivament l-att eżistenti u d-dispożizzjoni kkonċernata f'dak l-att.
Emendi tal-Parlament li jieħdu l-forma ta' test konsolidat
Il-partijiet tat-testi l-ġodda huma indikati permezz tat-tipa korsiva u grassa. Il-partijiet tat-test imħassra huma indikati permezz tas-simbolu ▌ jew huma ingassati. Is-sostituzzjoni hija indikata billi t-test il-ġdid jiġi indikat permezz tat-tipa korsiva u grassa u billi jitħassar jew jiġi ingassat it-test sostitwit. Bħala eċċezzjoni, it-tibdil ta' natura strettament teknika magħmul mis-servizzi fil-preparazzjoni tat-test finali mhuwiex indikat.
|
WERREJ
Paġna
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW 5
NOTA SPJEGATTIVA 6
PROĊEDURA TAL-KUMITAT RESPONSABBLI 8
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
dwar il-proposta għal regolament tal-Parlament Ewropew u tal-Kunsill li jemenda r-Regolament (KE) Nru 1059/2003 fir-rigward tat-tipoloġiji territorjali (Tercet)
( COM(2016)0788 – C8-0516/2016 – 2016/0393(COD) )
(Proċedura leġiżlattiva ordinarja: l-ewwel qari)
Il-Parlament Ewropew,
– wara li kkunsidra l-proposta tal-Kummissjoni lill-Parlament Ewropew u lill-Kunsill ( COM(2016)0788 ),
– wara li kkunsidra l-Artikolu 294(2) u l-Artikolu 338(1) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C8-0516/2016),
– wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,
– wara li kkunsidra l-opinjoni tal-Kumitat Ekonomiku u Soċjali Ewropew tad-29 ta' Marzu 2017[1],
– wara li kkunsidra l-Artikolu 59 tar-Regoli ta' Proċedura tiegħu,
– wara li kkunsidra r-rapport tal-Kumitat għall-Iżvilupp Reġjonali ( A8-0231/2017 ),
1. Jadotta l-pożizzjoni tiegħu fl-ewwel qari billi jinkorpora l-proposta tal-Kummissjoni;
2. Jitlob lill-Kummissjoni biex terġa' tirreferi l-kwistjoni lill-Parlament jekk tibdel il-proposta tagħha, temendaha b'mod sustanzjali jew ikollha l-ħsieb li temendaha b'mod sustanzjali;
3. Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.
NOTA SPJEGATTIVA
F'dawn l-aħħar snin żdid il-momentum għal interventi tal-politika bbażati fuq l-evidenza u approċċi territorjali aktar integrati li jirriflettu d-diversità tar-reġjuni tal-UE. Il-prinċipji tal-Politika ta' Koeżjoni 2014-2020 stabbiliti fil-Qafas Strateġiku Komuni jenfasizzaw li l-approċċ għall-promozzjoni ta' tkabbir intelliġenti, sostenibbli u inklużiv irid jirrifletti r-rwol tal-bliet u taż-żoni urbani, rurali u tal-kosta, u jqis ukoll ir-rabtiet bejn iż-żoni urbani u dawk rurali.
Biex jissodisfaw aħjar il-ħtiġijiet ta' dawk li jfasslu l-politika tal-UE, l-Uffiċċju tal-Istatistika tal-Unjoni Ewropea, il-Eurostat, matul dawn l-aħħar snin beda jippubblika statistiki li jkopru firxa ta' dawn it-tipoloġiji territorjali.
Il-Eurostat jippubblika varjetà kbira ta' statistiki fil-livell reġjonali bbażati fuq ir-Regolament (KE) Nru 1059/2003 dwar l-istabbiliment ta' klassifikazzjoni komuni ta' unitajiet territorjali għall-istatistika (NUTS). Dawn l-istatistiki jintużaw ħafna fit-teħid ta' deċiżjonijiet tal-politika reġjonali tal-UE, u anke meta jiġi deċiż it-tip ta' appoġġ li r-reġjuni Ewropej ikunu eliġibbli għalih taħt il-fondi ta' koeżjoni. Ir-Regolament NUTS attwali għadu ma jkoprix it-tipoloġiji territorjali, u din il-kwistjoni qed tiġi indirizzata permezz ta' din il-proposta.
Barra minn hekk, is-Sistema Ewropea tal-Istatistika (ESS) diġà tuża dawn it-tipoloġiji territorjali, b'mod partikolari l-grad ta' urbanizzazzjoni u d-definizzjoni tal-bliet, sabiex, pereżempju, tistabbilixxi l-eliġibbiltà għall-appoġġ mill-Fond Ewropew għall-Iżvilupp Reġjonali għat-twettiq ta' azzjonijiet innovattivi fil-bliet, fl-irħula u fis-subborgi. Madankollu, l-ESS s'issa ma tirrikonoxxix dawn it-tipoloġiji b'mod formali, minħabba li m'għandhomx status legali.
Il-Kummissjoni Ewropea u l-Organizzazzjoni għall-Kooperazzjoni u l-Iżvilupp Ekonomiċi (OECD) ddefinixxew b'mod konġunt it-tipoloġiji territorjali konċernati, u l-Kummissjoni adottat metodoloġiji biex tistabbilixxihom u żżommhom.
Il-proposta tagħmel possibbli l-aggregazzjoni tad-data abbażi tat-tipoloġiji. Pereżempju, jista' jsir tqabbil tal-PGD f'żoni rurali u urbani, u l-impjieg jista' jitkejjel skont il-grad ta' urbanizzazzjoni. L-informazzjoni hija importanti għall-ippjanar ta' politiki u risponsi politiċi ġejjiena.
Fl-aħħar nett, l-għan ewlieni tal-emendi li l-Kummissjoni qed tipproponi għal-leġiżlazzjoni eżistenti huwa li jkun stabbilit rikonoxximent legali tat-tipoloġiji territorjali, inkluża definizzjoni tal-bliet, għal skopijiet ta' statistiki Ewropej. Dan jinkludi li jiġu stabbiliti d-definizzjonijiet u l-kriterji statistiki ewlenin għat-tipoloġiji territorjali differenti, filwaqt li tiġi żgurata l-applikazzjoni armonizzata u trasparenti tagħhom u l-użu tagħhom fil-livell tal-UE u fl-Istati Membri. Barra minn hekk, il-proposta tinkludi dispożizzjonijiet li jagħtu s-setgħa lill-Kummissjoni li tadotta atti delegati skont l-Artikolu 290 tat-Trattat dwar il-Funzjonament tal-Unjoni Ewropea.
Pożizzjoni tar-rapporteur
Peress li l-proposta hija ta' natura teknika, m'għandhiex implikazzjonijiet fuq il-baġit tal-UE u tagħti rikonoxximent legali lil tipoloġiji territorjali li diġà qegħdin jintużaw, ir-rapporteur tilqa' l-proposta u tirrakkomanda li l-Kumitat, kif ukoll il-Parlament fl-istadju tas-sessjoni plenarja, jaċċettaw il-proposta tal-Kummissjoni mingħajr emendi.
PROĊEDURA TAL-KUMITAT RESPONSABBLI
Titolu | Tipoloġiji territorjali (Tercet) | |||
Referenzi | COM(2016)0788 – C8-0516/2016 – 2016/0393(COD) | |||
Data meta ġiet ippreżentata lill-PE | 13.12.2016 |
|
|
|
Kumitat responsabbli Data tat-tħabbir fis-seduta plenarja | REGI 15.12.2016 |
|
|
|
Rapporteurs Data tal-ħatra | Iskra Mihaylova 6.2.2017 |
|
|
|
Proċedura simplifikata - data tad-deċiżjoni | 20.6.2017 | |||
Eżami fil-kumitat | 24.4.2017 | 30.5.2017 |
|
|
Data tal-adozzjoni | 20.6.2017 |
|
|
|
Data tat-tressiq | 22.6.2017 | |||